13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >12^th Session>Starred Answers

Answer Provided

Answer Not Yet Provided

THIRTEENTH KLA - 12^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Q. No

Questions

*121.

റബ്ബര്‍ കര്‍ഷകര്‍ നേരിടുന്ന പ്രശ്നങ്ങള്‍

ശ്രീ.കെ.അജിത്
,, സി.ദിവാകരന്‍
ശ്രീമതി.ഇ.എസ്.ബിജിമോള്‍
ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	ഉല്പാദനച്ചെലവുമായി ബന്ധപ്പെടുത്തി ഒരു കിലോ റബ്ബറിന് 200 രൂപ താങ്ങുവില നല്‍കണമെന്ന ആവശ്യത്തിന്മേല്‍ എന്തു നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ബി)	റബ്ബര്‍ കര്‍ഷകരെ സഹായിക്കാന്‍ മതിയായ വില സ്ഥിരതാ ഫണ്ട് മാറ്റി വയ്ക്കുന്നതിന് ഉദ്ദേശിക്കുന്നുണ്ടോ;

(സി)	റബ്ബര്‍ കര്‍ഷകര്‍ നേരിടുന്ന പ്രശ്നങ്ങള്‍ പരിഹരിക്കുന്നതിന് എന്തെങ്കിലും നടപടികള്‍ എടുത്തിട്ടുണ്ടോ; ഉണ്ടെങ്കില്‍ വിശദമാക്കുമോ?

*122.

തദ്ദേശഭരണ സ്ഥാപനങ്ങളിലെ ആസ്തി രജിസ്റ്റര്‍ ഡിജിറ്റൈസ് ചെയ്യുന്നതിനുള്ള പദ്ധതി

ശ്രീ.ജോസഫ് വാഴയ്ക്കൻ
,, വര്‍ക്കല കഹാര്‍
,, എം.എ. വാഹീദ്
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങളിലെ ആസ്തി രജിസ്റ്റര്‍ ഡിജിറ്റൈസ് ചെയ്യുന്നതിന് പദ്ധതി തയ്യാറാക്കിയിട്ടുണ്ടോ ; വിശദമാക്കുമോ ;

(ബി)	പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ് ; വിശദാംശങ്ങള്‍ ലഭ്യമാക്കുമോ ;

(സി)	എന്തെല്ലാം സൗകര്യങ്ങളും സേവനങ്ങളുമാണ് പദ്ധതി മുഖാന്തിരം പഞ്ചായത്തുകള്‍ക്കും ജനങ്ങള്‍ക്കും ലഭ്യമാക്കുന്നത് ; വിശദമാക്കുമോ ;

(ഡി)	പദ്ധതി നടത്തിപ്പിനായി എന്തെല്ലാം നടപടികള്‍ സ്വീകരിച്ചിട്ടുണ്ട് ; വിശദാംശങ്ങള്‍ ലഭ്യമാക്കുമോ ?

*123.

ഗോരക്ഷാ പദ്ധതി

ശ്രീമതി.ഗീതാ ഗോപി
ശ്രീ.ഇ.ചന്ദ്രശേഖരന്‍
,, മുല്ലക്കര രത്നാകരന്‍
,, ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	ഗോരക്ഷാ പദ്ധതിയുടെ ഉദ്ദേശ ലക്ഷ്യങ്ങള്‍ എന്തെല്ലാമായിരുന്നുവെന്ന് വ്യക്തമാക്കുമോ;

(ബി)	പ്രസ്തുത പദ്ധതിയിലൂടെ ക്ഷീര കര്‍ഷകര്‍ക്ക് എന്തെല്ലാം ആനുകൂല്യങ്ങളാണ് ലഭിച്ചു കൊണ്ടിരുന്നതെന്ന് വെളിപ്പെടുത്തുമോ;

(സി)	പ്രസ്തുത പദ്ധതിയില്‍ ക്ഷീര കര്‍ഷകരുടെയും കേന്ദ്ര സംസ്ഥാന സര്‍ക്കാരുകളുടെയും വിഹിതം എത്ര വീതമാണെന്ന് വിശദമാക്കുമോ;

(ഡി)	ഗോരക്ഷാ പദ്ധതി ഇപ്പോള്‍ സംസ്ഥാനത്ത് തുടരുന്നുണ്ടോ; ഇല്ലെങ്കില്‍ എന്തുകൊണ്ടാണെന്ന് വ്യക്തമാക്കുമോ?

*124.

ഖരമാലിന്യ സംസ്ക്കരണ സംവിധാനം

ശ്രീ.പി.സി. ജോര്‍ജ്
,, റോഷി അഗസ്റ്റിന്‍
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ത്രിതല പഞ്ചായത്തുകളുടെ കീഴില്‍ നിലവിലുളള ഖരമാലിന്യ സംസ്ക്കരണ സംവിധാനം ഫലപ്രദമായി നടക്കുന്നുണ്ടോ; പ്രതിദിനം ഉല്പാദിപ്പിക്കുന്ന മാലിന്യങ്ങളുടെ തോതനുസരിച്ച് നിലവിലുളള ഖരമാലിന്യ സംസ്ക്കരണ സംവിധാനം പര്യാപ്തമാണോ;

(ബി)	ത്രിതല പഞ്ചായത്തുകളുടെ പരിധിയിൽ പ്രതിദിനം ഉല്പാദിപ്പിക്കപ്പെടുന്ന ഖരമാലിന്യങ്ങളുടെ അളവ് സംബന്ധിച്ച് ഏകദേശ ധാരണയുണ്ടോ; വിശദാംശങ്ങള്‍ നല്‍കുമോ;

(സി)	പഞ്ചായത്തുകളില്‍ ഉറവിടങ്ങളില്‍ നിന്ന് ഖരമാലിന്യം വേര്‍തിരിച്ച് ശേഖരിക്കുന്നതിനും ഫലപ്രദമായ മാലിന്യ സംസ്ക്കരണം ഉറപ്പുവരുത്തുന്നതിനും നടപടി സ്വീകരിക്കുമോ?

*125.

നഗരകാര്യ വകുപ്പിന്റെ വിവിധ പദ്ധതികൾ

ശ്രീ.കെ.രാജു
,, പി.തിലോത്തമന്‍
,, വി.ശശി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരകാര്യ വകുപ്പിന്റെ കീഴില്‍ 'പാര്‍ട്ട്ണര്‍ കേരള' നിക്ഷേപ സംഗമം നടത്തിയിട്ടുണ്ടോ ; ഉണ്ടെങ്കില്‍ ഇൗ സംഗമത്തിന്റെ ലക്ഷ്യങ്ങള്‍ എന്തെല്ലാമായിരുന്നു ; ഇൗ ലക്ഷ്യം കെെവരിക്കാന്‍ സാധിച്ചിട്ടുണ്ടോ ;

(ബി)	'അര്‍ബന്‍ 2020' പദ്ധതി രൂപീകരിക്കുന്നതിന് തുടക്കം കുറിച്ചിട്ടുണ്ടോ ; ഇൗ പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാം;

(സി)	നഗരാസൂത്രണ മേഖലയില്‍ സ്വകാര്യ പങ്കാളിത്തം കൊണ്ടുവരുന്നതിന് തീരുമാനമെടുത്തിട്ടുണ്ടോ?

*126.

ജൈവ പച്ചക്കറി കൃഷി

ശ്രീ.റ്റി.എന്‍. പ്രതാപന്‍
,, കെ.ശിവദാസന്‍ നായര്‍
,, വര്‍ക്കല കഹാര്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	ജൈവ പച്ചക്കറി കൃഷി വ്യാപകമാക്കുന്നതിന് സ്വീകരിച്ചിരിക്കുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

(ബി)	കീടനാശിനി കലര്‍ന്ന പഴങ്ങളും പച്ചക്കറികളും അന്യ സംസ്ഥാനത്ത് നിന്നും ഇറക്കുമതി ചെയ്യുന്നത് തടയുന്നതിന് ശക്തമായ നടപടി സ്വീകരിക്കുമോ; ഇതിനായി എന്തൊക്കെ നടപടികളാണ് ഇപ്പോള്‍ നിലവിലുള്ളത് ;

(സി)	ഇറക്കുമതി ചെയ്യുന്ന പഴങ്ങളുടെയും പച്ചക്കറികളുടെയും ഗുണനിലവാരം പരിശോധിക്കാന്‍ നിലവിലുള്ള സംവിധാനങ്ങള്‍ എന്തൊക്കെയെന്ന് വ്യക്തമാക്കുമോ;

(ഡി)	ഇറക്കുമതി ചെയ്യുന്ന ഏതൊക്കെ സാധനങ്ങളിലാണ് മാരകമായ കീടനാശിനികളുള്ളതായി ശ്രദ്ധയില്‍പെട്ടിട്ടുള്ളതെന്നു വെളിപ്പെടുത്തുമോ ?

*127.

നിയമവിരുദ്ധ നിര്‍മ്മാണങ്ങള്‍ക്കെതിരെ നടപടി

ശ്രീ.വി.ശിവന്‍കുട്ടി
,, പി.ശ്രീരാമകൃഷ്ണന്‍
,, സി.കെ സദാശിവന്‍
,, എസ്.ശർമ്മ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	പരിസ്ഥിതി-വനം മന്ത്രാലയത്തിന്റെ അനുമതി വാങ്ങാതെയും തീരദേശ മേഖലാ നിയന്ത്രണചട്ടങ്ങള്‍ ലംഘിച്ചും സംസ്ഥാനത്തെ തീരപ്രദേശങ്ങളിലും കായലുകളുടെ സമീപത്തും ഫ്ലാറ്റ് സമുച്ചയങ്ങള്‍ പടുത്തുയര്‍ത്തിയത് ആരാെക്കെയാണെന്ന് സി. ആന്റ് എ. ജി. ചൂണ്ടിക്കാണിച്ചിട്ടുണ്ടാേ;

(ബി)	എങ്കില്‍ ഇത്തരം സ്ഥാപനങ്ങള്‍ക്കെതിരെ സ്വീകരിച്ച നടപടികള്‍ വിശദമാക്കാമാേ;

(സി)	ചട്ടങ്ങള്‍ ലംഘിച്ച് നിര്‍മ്മാണം നടത്തിയ കെട്ടിടങ്ങളുടെ കാര്യത്തില്‍ നിലപാട് വ്യക്തമാക്കാമാേ?

*128.

തദ്ദേശസ്വയംഭരണ സ്ഥാപനങ്ങളുടെ പദ്ധതിപ്പണം

ശ്രീ.ടി.വി.രാജേഷ്
,, എം. ഹംസ
,, ബി.സത്യന്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങള്‍ക്ക് പദ്ധതിപ്പണം പിന്‍വലിക്കുന്നതിനായി നിലവിലുള്ള രീതിയില്‍ മാറ്റം വരുത്തിയിട്ടുണ്ടോ; വിശദാംശങ്ങള്‍ നല്‍കാമോ;

(ബി)	ഇത്തരത്തിലുള്ള തീരുമാനം കൈക്കൊള്ളാനിടയായ സാഹചര്യം എന്തായിരുന്നുവെന്ന് വ്യക്തമാക്കാമോ;

(സി)	പ്രസ്തുത തീരുമാനം തദ്ദേശസ്വയംഭരണ സ്ഥാപനങ്ങളിലെ പദ്ധതി നിര്‍വ്വഹണത്തെ ബാധിച്ചിട്ടുണ്ടോ; പഞ്ചായത്ത്/മുന്‍സിപ്പല്‍/കോര്‍പ്പറേഷനുകള്‍ക്ക് ഒരു മാസം പിന്‍വലിക്കാവുന്ന പരമാവധി പദ്ധതി പണം എത്രയാണ്; ഈ നിലയില്‍ അവശേഷിക്കുന്ന സമയംകൊണ്ട് പദ്ധതിപ്പണം പൂര്‍ണ്ണമായും വിനിയോഗിക്കാന്‍ പറ്റുമോ;

(ഡി)	സാമ്പത്തിക പ്രതിസന്ധി മൂലമുള്ള ട്രഷറി നിയന്ത്രണം വന്നതോടെ തദ്ദേശസ്വയംഭരണ സ്ഥാപനങ്ങളുടെ പദ്ധതി ജോലികള്‍ ഏറ്റെടുക്കാന്‍ കോണ്‍ട്രാക്ടര്‍മാരും ഗുണഭോക്തൃ സമിതികളും തയ്യാറാകുന്നില്ലായെന്ന കാര്യം ശ്രദ്ധയിൽപ്പെട്ടിട്ടുണ്ടോ ?

*129.

പുരാവസ്തുക്കളുടെയും പൈതൃകശേഷിപ്പുകളുടെയും ഏറ്റെടുക്കലും, സംരക്ഷണവും

ശ്രീ.എം.ഉമ്മര്‍
,, അബ്ദുറഹിമാന്‍ രണ്ടത്താണി
,, കെ.മുഹമ്മദുണ്ണി ഹാജി
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തുക്കളുടെയും, പൈതൃകശേഷിപ്പുകളുടെയും ഏറ്റെടുക്കലും, സംരക്ഷണവും സംബന്ധിച്ച നയം വ്യക്തമാക്കുമോ; അതിനുള്ള മാനദണ്ഡമെന്താണെന്നു വിശദമാക്കുമോ;

(ബി)	വിവിധ വകുപ്പുകളുടെയും സ്വകാര്യ സ്ഥാപനങ്ങളുടെയും കൈവശത്തിലുള്ളതും പൈതൃകശേഷിപ്പായി സംരക്ഷിക്കപ്പെടേണ്ടവ സംബന്ധിച്ചു വിവരശേഖരണം നടത്തിയിട്ടുണ്ടോ; എങ്കില്‍ വിശദവിവരം നല്‍കാമോ;

(സി)	ഇത്തരത്തില്‍ വിവരശേഖരണം നടത്തി യഥാസമയം നോട്ടിഫൈ ചെയ്യാന്‍ അലംഭാവം കാണിച്ചതുമൂലം വിലപ്പെട്ടതും സംസ്കാരത്തിന്റെ ഭാഗമായതുമായ നിരവിധി പൈതൃകശേഷിപ്പുകള്‍ നശിപ്പിക്കപ്പെട്ടുപോയ സാഹചര്യത്തില്‍ ശേഷിക്കുന്നവയെങ്കിലും സംരക്ഷിക്കുന്നതിനുള്ള അടിയന്തിര നടപടി സ്വീകരിക്കുമോ?

*130.

എയ്റോബിന്‍ യൂണിറ്റുകള്‍

ശ്രീ.എ.എ.അസീസ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	മാലിന്യ സംസ്കരണത്തിനുപയോഗിക്കുന്ന എയ്റോബിന്‍ യൂണിറ്റുകളുടെ പ്രവർത്ത‍നഫലം വിലയിരുത്തിയിട്ടുണ്ടോ, വ്യക്തമാക്കുമോ;

(ബി)	പ്രസ്തുത യൂണിറ്റുകള്‍ക്ക് കൂടുതൽ പ്രോത്സാഹനം നല്കുന്നതിന് നടപടി സ്വീകരിക്കുമോ?

*131.

ക്ഷേമ പെന്‍ഷനുകളുടെ കുടിശ്ശിക

ശ്രീ.സി.കൃഷ്ണന്‍
,, പി.കെ.ഗുരുദാസന്‍
,, കെ.വി.അബ്ദുൽ ഖാദര്‍
,, എസ്.ശർമ്മ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങള്‍ വഴി വിതരണം ചെയ്യുന്ന ക്ഷേമ പെന്‍ഷനുകളുടെ കുടിശ്ശിക സംബന്ധിച്ച വിശദാംശം ലഭ്യമാക്കാമോ;

(ബി)	ഏതൊക്കെ ക്ഷേമപെന്‍ഷനുകളാണ് കുടിശ്ശിക വരുത്തിയിട്ടുള്ളതെന്നും കുടിശ്ശിക വരാനുള്ള കാരണം വ്യക്തമാക്കാമോ;

(സി)	പെന്‍ഷന്‍ കുടിശ്ശിക എന്നത്തേക്ക് കൊടുത്തു തീര്‍ക്കാന്‍ കഴിയുമെന്ന് വ്യക്തമാക്കാമോ;

(ഡി)	നടപ്പ് സാമ്പത്തിക വര്‍ഷത്തില്‍ ക്ഷേമപെന്‍ഷനുകള്‍ക്കായി നീക്കിവെച്ച ഫണ്ട് സംബന്ധിച്ച വിവരം വിശദമാക്കാമോ?

*132.

ആഗോള കാര്‍ഷിക സംഗമം

ശ്രീ.സി.കെ സദാശിവന്‍
,, എം.ചന്ദ്രന്‍
,, കോലിയക്കോട് എന്‍. കൃഷ്ണന്‍ നായര്‍
ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ സംഘടിപ്പിച്ച ആഗോള കാര്‍ഷിക സംഗമം സംസ്ഥാനത്തെ കാര്‍ഷിക മേഖല നേരിട്ടു കൊണ്ടിരിക്കുന്ന കാര്‍ഷികോല്പന്നങ്ങളുടെ വിലയിടിവ് പോലുള്ള പ്രശ്നങ്ങളില്‍ ഗുണപരമായ എന്തൊക്കെ മാറ്റങ്ങളാണ് ഉണ്ടാക്കാന്‍ പോകുന്നതെന്നറിയിക്കാമോ;

(ബി)	പ്രസ്തുത സംഗമത്തില്‍ സംസ്ഥാനത്തെ കാര്‍ഷിക മേഖലയില്‍ വിദേശ നിക്ഷേപത്തിന് അവസരമൊരുക്കുന്ന തരത്തിലുള്ള പദ്ധതികള്‍ അവതരിപ്പിക്കപ്പെട്ടിട്ടുണ്ടോ; വിശദാംശങ്ങള്‍ നല്‍കാമോ;

(സി)	സംഗമം സംഘടിപ്പിക്കുന്നതിനു സര്‍ക്കാരുമായി സഹകരിച്ച ഏജന്‍സികള്‍ ഏതൊക്കെയാണെന്നറിയിക്കാമോ;

(ഡി)	ഇവര്‍ സംഗമവുമായി സഹകരിക്കുന്നതിന് സര്‍ക്കാര്‍ സാമ്പത്തിക സഹായം നല്‍കിയിരുന്നുവോ? വിശദീകരിക്കുമോ? സര്‍ക്കാരിന് എന്തു തുക ചെലവായി എന്നറിയിക്കുമോ?

*133.

വൃദ്ധരും, അവശരുമായവര്‍ക്ക് ഭക്ഷണം ലഭ്യമാക്കുന്നതിന് നടപ്പാക്കുന്ന പദ്ധതികള്‍

ശ്രീ.കെ.എം.ഷാജി
,, റ്റി.എ.അഹമ്മദ് കബീര്‍
,, വി.എം.ഉമ്മര്‍ മാസ്റ്റര്‍
,, കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സമൂഹത്തില്‍ പട്ടിണിക്കാരില്ലെന്ന് ഉറപ്പുവരുത്തുവാനും വൃദ്ധരും, അവശരുമായവര്‍ക്ക് രണ്ടു നേരത്തെ ഭക്ഷണമെങ്കിലും ലഭിക്കുന്നുണ്ടെന്ന് ഉറപ്പാക്കാനും സാമൂഹ്യസുരക്ഷാവകുപ്പ് നടപ്പാക്കുന്ന പദ്ധതികള്‍ എന്തൊക്കെയാണെന്ന് വ്യക്തമാക്കുമോ;

(ബി)	സൗജന്യ ഭക്ഷണം അത്യന്താപേക്ഷിതമായ വൃദ്ധരുടെയും, രോഗാവസ്ഥയാൽ തൊഴിലെടുക്കാനാവാതെയായ വ്യക്തികളുടെയും വിവരശേഖരണം നടത്തിയിട്ടുണ്ടോ; എങ്കില്‍ വിശദവിവരം വെളിപ്പെടുത്തുമോ;

(സി)	ഇത്തരക്കാര്‍ക്ക് സൗജന്യമായി വിതരണം ചെയ്യുന്നതിനായി പൊതുവിതരണ സംവിധാനത്തിന് അനുവദിച്ചിട്ടുള്ള ഭക്ഷ്യധാന്യം സാമൂഹ്യസുരക്ഷാവിഭാഗം മുഖേന വൃദ്ധരും, അവശരുമായവര്‍ക്ക് ഉപയോഗപ്പെടുത്താനാവുമോ എന്ന കാര്യം ഭക്ഷ്യവകുപ്പുമായി ചേര്‍ന്ന് ആലോചിക്കുമോ?

*134.

വികേന്ദ്രീകൃത ഉറവിട മാലിന്യ സംസ്ക്കരണ പദ്ധതി

ശ്രീ.എ. പ്രദീപ്കുമാര്‍
,, എസ്.ശർമ്മ
,, വി.ശിവന്‍കുട്ടി
,, വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	വികേന്ദ്രീകൃത ഉറവിട മാലിന്യ സംസ്ക്കരണ രീതിയെപ്പറ്റിയുള്ള നിലപാട് വ്യക്തമാക്കുമോ

(ബി)	ശുചിത്വ മിഷനും ക്ലീന്‍ കേരള കമ്പനിയും പ്രസ്തുത രീതിക്ക് യോജിച്ച വിധമുള്ള മാലിന്യ നിര്‍മ്മാര്‍ജ്ജന പദ്ധതികള്‍ ആസൂത്രണം ചെയ്തിട്ടുണ്ടാേ; വിശദാംശങ്ങള്‍ നല്‍കുമാേ;

(സി)	വികേന്ദ്രീകൃത മാലിന്യസംസ്ക്കരണം ലക്ഷ്യമിട്ട് സി.പി.എെ.(എം.) സംഘടിപ്പിക്കുന്ന ശുചിത്വകേരളം പദ്ധതി ശ്രദ്ധയില്‍പ്പെട്ടിട്ടുണ്ടാേ;

(ഡി)	തദ്ദേശസ്വയംഭരണ സ്ഥാപനങ്ങളുമായി സഹകരിച്ച് ഉത്തരവാദിത്തപ്പെട്ട രാഷ്ട്രീയപ്പാര്‍ട്ടിയുടെ ജനകീയ പദ്ധതി കൂടി കാേര്‍ത്തിണക്കി ഇത് ഒരു വന്‍ ക്യാമ്പയിനായി മാറ്റാന്‍ മുന്‍കെെയെടുക്കുമാേയെന്ന് വിശദമാക്കുമോ?

*135.

ഹോര്‍ട്ടി കോര്‍പ്പിലെ ക്രമക്കേടുകൾ

ശ്രീ.പി.കെ.ഗുരുദാസന്‍
ഡോ.കെ.ടി.ജലീല്‍
ശ്രീ.കെ.കുഞ്ഞമ്മത് മാസ്റ്റര്‍
,, ടി.വി.രാജേഷ് : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	ഹോര്‍ട്ടി കോര്‍പ്പില്‍ പച്ചക്കറി ഇടപാടില്‍ വന്‍ക്രമക്കേടുകള്‍ കണ്ടെത്തിയിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; വിജിലന്‍സ് അന്വേഷണത്തില്‍ വെളിവായ വിവരങ്ങള്‍ വിശദമാക്കാമോ;

(ബി)	വിജിലന്‍സ് അന്വേഷണ റിപ്പോര്‍ട്ടിനെ തുടര്‍ന്ന് ഹോര്‍ട്ടി കോര്‍പ്പിലെ ആര്‍ക്കെല്ലാമെതിരെ എന്തെല്ലാം നടപടികള്‍ സ്വീകരിക്കുകയുണ്ടായി;

(സി)	തന്നാണ്ടില്‍ സംസ്ഥാനത്തുനിന്നും സംസ്ഥാനത്തിനു പുറത്തുനിന്നും ഹോര്ട്ടി കോര്പ്പ് വാങ്ങിയ പച്ചക്കറികള്‍ എന്തു തുകയ്ക്കുള്ളതാണെന്ന് വിശദമാക്കാമോ; ഈ കാലയളവില്‍ സംസ്ഥാനത്തുണ്ടായിരുന്ന പച്ചക്കറികള്‍ ഏതെങ്കിലും പുറത്തുനിന്നും വാങ്ങുകയുണ്ടായോ; എങ്കില്‍ വിശദമാക്കാമോ ?

*136.

പ്ലാനിംഗ് ബോര്‍ഡ് അവലോകനം

ശ്രീ.പി.റ്റി.എ. റഹീം
,, എ.കെ.ബാലന്‍
,, എസ്.രാജേന്ദ്രന്‍
,, സി.രവീന്ദ്രനാഥ് : താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ)	ഈ വര്‍ഷത്തെ പദ്ധതി പ്രവര്‍ത്തനം പ്ലാനിംഗ് ബോര്‍ഡ് അവലോകനം ചെയ്തിട്ടുണ്ടോ ; ഉണ്ടെങ്കിൽ അവലോകനത്തിന്റെ വിശദാംശങ്ങള്‍ ലഭ്യമാക്കാമോ;

(ബി)	ബജറ്റില്‍ വകയിരുത്തിയ തുകയുടെ എത്ര ശതമാനം വീതം ഓരോ വകുപ്പും അവലോകന കാലയളവില്‍ ചെലവഴിക്കുകയുണ്ടായി; വകുപ്പ് തിരിച്ചുള്ള വിശദാംശങ്ങള്‍ വെളിപ്പെടുത്താമോ;

(സി)	ബജറ്റില്‍ ലക്ഷ്യമിട്ട വരുമാനം ശേഖരിക്കാന്‍ കഴിയാതെ വന്നിട്ടുള്ളതിനാലും അധിക ചെലവുകള്‍ നേരിട്ടതിനാലും പദ്ധതി പ്രവര്‍ത്തനത്തിന്റെ ലക്ഷ്യത്തിനനുസൃതമായി നേട്ടം കൈവരിക്കാന്‍ സാധ്യമായിട്ടുണ്ടോയെന്ന് വിശദമാക്കാമോ:

(ഡി)	പ്രഖ്യാപിത പദ്ധതികള്‍ ഈ വര്‍ഷം പൂര്‍ണ്ണമായും നടപ്പിലാക്കാന്‍ കഴിയുമോ ?

*137.

ഭക്ഷ്യ സുരക്ഷാ നിയമം

ശ്രീ.കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	ഭക്ഷ്യ സുരക്ഷാ നിയമത്തിന്റെ വിശദാംശങ്ങള്‍ വെളിപ്പെടുത്തുമോ;

(ബി)	ഈ സ൪ക്കാ൪ അധികാരത്തില്‍ വന്നശേഷം ഭക്ഷ്യ സുരക്ഷാ നിയമത്തെ മു൯ നി൪ത്തി കൃഷി വകുപ്പ് കൈക്കൊണ്ടിട്ടുളള പദ്ധതികളുടെ വിശദ വിവരം വെളിപ്പെടുത്തുമോ;

(സി)	ഇപ്രകാരം നടപ്പാക്കുവാനുദ്ദേശിക്കുന്ന പദ്ധതി കൊണ്ട് ക൪ഷകനുണ്ടാകുന്ന നേട്ടങ്ങള്‍ എന്തെല്ലാം; വിശദമാക്കുമോ?

*138.

ഫ്ലെക്സ് ബോർഡുകളുടെ ഉപയോഗം സൃഷ്ടിക്കുന്ന പ്രശ്നങ്ങൾ

ശ്രീ.പി.കെ.ബഷീര്‍
,, സി.മോയിന്‍ കുട്ടി
,, പി.ബി. അബ്ദുൾ റസാക്
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഫ്ലക്സ് ബോര്‍ഡുകളുടെ ഉപയോഗ ക്രമം സംബന്ധിച്ച് സര്‍ക്കാരിന്റെ നയമെന്താണെന്ന് വ്യക്തമാക്കുമോ;

(ബി)

സംസ്ഥാനത്തിന്റെ നഗര റോഡുകളില്‍ അപൂര്‍വ്വമായെങ്കിലുമുള്ള നടപ്പാതകളിലും കാല്‍ നടയ്ക്കുപയോഗിക്കുന്ന ഭാഗങ്ങളിലും ഫ്ലക്സ് ബോര്‍ഡുകളും ബാനറുകളും, കൊടിതോരണങ്ങളും കെട്ടി യാത്ര തടസ്സപ്പെടുത്തുകയും, അപകട സാദ്ധ്യത വര്‍ദ്ധിപ്പിക്കുകയും നിരവധി പാരിസ്ഥിതിക പ്രശ്നങ്ങള്‍ സൃഷ്ടിക്കുകയും ചെയ്യുന്ന കാര്യം ശ്രദ്ധയില്‍ വന്നിട്ടുണ്ടോ;

(സി)	എങ്കില്‍ അതിനു പരിഹാരമുണ്ടാക്കുന്നതിനും, നഗരറോഡുകളിലെ കാല്‍ നടക്കാര്‍ക്ക് സുക്ഷിത പാതകളൊരുക്കുന്നതിനും ആവശ്യമായ അടിയന്തര നടപടി സ്വീകരിക്കുമോ?

*139.

തദ്ദേശസ്വയംഭരണ സ്ഥാപനങ്ങളില്‍ ഗുണഭോക്താക്കളെ തിരഞ്ഞെടുക്കുന്നതിനുള്ള നടപടിക്രമം

ശ്രീ.കോലിയക്കോട് എന്‍. കൃഷ്ണന്‍ നായര്‍
,, എ.എം. ആരിഫ്
ശ്രീമതി.കെ.കെ.ലതിക
ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തദ്ദേശസ്വയംഭരണ സ്ഥാപനങ്ങളില്‍ വ്യക്തിഗത ആനുകൂല്യത്തിനുള്ള ഗുണഭോക്താക്കളെ തിരഞ്ഞെടുക്കുന്നതിന് വാര്‍ഡ് സഭയ്ക്ക് ഉണ്ടായിരുന്ന അധികാരം ഇല്ലാതാക്കിക്കൊണ്ടുള്ള ഉത്തരവ് പുറപ്പെടുവിച്ചിട്ടുണ്ടോ; വിശദാംശം ലഭ്യമാക്കുമോ;

(ബി)	ഇത്തരത്തിലുള്ള ഉത്തരവ് പുറപ്പെടുവിക്കാനുള്ള കാരണമെന്തായിരുന്നുവെന്നു വ്യക്തമാക്കുമോ;

(സി)	തദ്ദേശസ്വയംഭരണ സ്ഥാപനങ്ങളില്‍ ഗുണഭോക്താക്കളെ തെരഞ്ഞെടുക്കുന്നതിനുള്ള അധികാരം ഉദ്യോഗസ്ഥരെ ഏൽപ്പിക്കുന്നത് അധികാര വികേന്ദ്രീകരണതത്വങ്ങള്‍ക്ക് എതിരാണെന്ന കാര്യം ബോദ്ധ്യമായിട്ടുണ്ടോ;

(ഡി)	വാര്‍ഡ് സഭകളെ അപ്രസക്തമാക്കുന്ന പ്രസ്തുത തീരുമാനം പിന്‍വലിക്കാന്‍ തീരുമാനമായിട്ടുണ്ടോ?

*140.

ന്യൂനപക്ഷക്ഷേമ വകുപ്പ് രൂപവല്‍ക്കരണം

ശ്രീ.ഐ.സി.ബാലകൃഷ്ണന്‍
,, എം.എ. വാഹീദ്
,, ബെന്നി ബെഹനാന്‍
,, എ.റ്റി.ജോര്‍ജ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷക്ഷേമ വകുപ്പ് രൂപവല്‍ക്കരിച്ചിട്ടുണ്ടോ;

(ബി)	പ്രസ്തുത വകുപ്പിന്റെ ഉദ്ദേശ്യ ലക്ഷ്യങ്ങള്‍ വിശദമാക്കുമോ;

(സി)	ന്യൂനപക്ഷ ക്ഷേമവുമായി ബന്ധപ്പെട്ട പ്രവര്‍ത്തനങ്ങള്‍ ഏകീകരിക്കുന്നതിന് പ്രസ്തുത വകുപ്പിന്റെ പ്രവര്‍ത്തനം എപ്രകാരം നടപ്പിലാക്കാനാണ് ഉദ്ദേശിക്കുന്നത്; വിശദമാക്കുമോ;

(ഡി)	പ്രസ്തുുത വകുപ്പിന്റെ കീഴില്‍ സംസ്ഥാന ജില്ലാതല ഓഫീസുകള്‍ ആരംഭിക്കുന്ന കാര്യം പരിഗണനയിലുണ്ടോ; വിശദാംശം ലഭ്യമാക്കുമോ?

*141.

ടൗണ്‍ ആന്റ് കണ്‍ട്രി പ്ലാനിംഗ് കമ്മീഷന്‍

ശ്രീ.കോടിയേരി ബാലകൃഷ്ണന്‍
,, കെ.രാധാകൃഷ്ണന്‍
,, കെ.വി.വിജയദാസ്
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ടൗണ്‍ ആന്റ് കണ്‍ട്രി പ്ലാനിംഗ് കമ്മീഷന്‍ നിലവില്‍ വന്നുവോ; ഇതിന്‍െറ ഘടന വിശദമാക്കുമോ;

(ബി)	കമ്മീഷന്‍ നിലവില്‍ വരുന്നതോടെ വികേന്ദ്രീകൃതാസൂത്രണം വീണ്ടും കേന്ദ്രീകരണത്തിലേയ്ക്ക് നീങ്ങുമെന്ന ആശങ്ക ശ്രദ്ധയില്‍ പെട്ടിട്ടുണ്ടോ;

(സി)	പുതിയ സംവിധാനത്തില്‍ ജില്ലാ ആസൂത്രണ സമിതികള്‍ക്ക് നിലവിലുള്ള സ്ഥാനത്തിലും ചുമതലയിലും മാറ്റം വരുത്തുന്നുണ്ടോ; വിശദമാക്കാമോ;

(ഡി)	ആസൂത്രണം അടിത്തട്ടില്‍നിന്നും മുകളിലേയ്ക്ക് എന്ന ആശയം മാറ്റിമറിക്കുന്ന കമ്മീഷന്റെ രൂപീകരണത്തിന് പ്രേരിപ്പിച്ച ഘടകങ്ങള്‍ എന്തെല്ലാമായിരുന്നു;

(ഇ)	ഇത് നിലവിലുള്ള ആസൂത്രണ പ്രക്രിയയില്‍ ദൂരവ്യാപക പ്രത്യാഘാതങ്ങള്‍ ഉളവാക്കുമെന്ന ആശങ്ക ഉള്ളതിനാല്‍ പ്രസ്തുത കമ്മീഷന്‍ രൂപീകരിക്കാനുള്ള തീരുമാനം പുന:പരിശോധിക്കാന്‍ തയ്യാറാകുമോ?

*142.

ശുചിത്വമിഷന്‍

ശ്രീ.അന്‍വര്‍ സാദത്ത്
,, കെ.ശിവദാസന്‍ നായര്‍
,, സണ്ണി ജോസഫ്
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	മാലിന്യപ്രശ്നം പരിഹരിക്കുന്നതിന് എന്തൊക്കെ പുതിയ പദ്ധതികളാണ് സര്‍ക്കാരിന്റെ പക്കലുള്ളതെന്ന് വിശദമാക്കുമോ;

(ബി)	മാലിന്യ സംസ്ക്കരണത്തില്‍ ശുചിത്വമിഷന്‍ എന്തെല്ലാം നടപടികള്‍/പദ്ധതികള്‍ നടപ്പാക്കുന്നുവെന്ന് വ്യക്തമാക്കുമോ;

(സി)	മാലിന്യ സംസ്ക്കരണത്തില്‍ ശുചിത്വമിഷന്‍ എന്തെങ്കിലും പ്രതിസന്ധികള്‍ നേരിടുന്നുണ്ടോയെന്ന് വ്യക്തമാക്കുമോ?

*143.

പ‍ഞ്ചായത്തുകളുടെ തനതുഫണ്ടിലേക്കുള്ള വരുമാന സ്രോതസ്സുകള്‍

ശ്രീ.കെ. ദാസന്‍
,, ബാബു എം. പാലിശ്ശേരി
,, കെ.വി.വിജയദാസ്
,, പി.റ്റി.എ. റഹീം : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പ‍ഞ്ചായത്തുകളുടെ തനതുഫണ്ടിലേക്കുള്ള വരുമാന സ്രോതസ്സുകള്‍ ഏതെല്ലാമാണ് വിശദമാക്കാമോ;

(ബി)	ഇങ്ങനെ ലഭ്യമാകുന്ന ഫണ്ട് നിലവില്‍ പഞ്ചായത്തുകളുടെ പ്രവര്‍ത്തനത്തിന് പര്യാപ്തമാണോ;

(സി)	പഞ്ചായത്ത് പരിധിയില്‍ വരുന്ന അണ്‍-എയ്ഡഡ് വിദ്യാഭ്യാസ സ്ഥാപനങ്ങളെ കെട്ടിട നികുതിയില്‍ നിന്നും ഒഴിവാക്കിയ നടപടി തനതു ഫണ്ടിലേക്കുള്ള വരുമാനത്തെ എത്രത്തോളം ബാധിച്ചിട്ടുണ്ടെന്ന് പരിശോധിച്ചിട്ടുണ്ടോ; വിശദാംശങ്ങള്‍ നല്‍കാമോ;

(ഡി)	പഞ്ചായത്തുകളുടെ വരുമാനത്തെ പ്രസ്തുത നടപടി ബാധിച്ചിട്ടുണ്ടെങ്കില്‍ ആയത് പിന്‍വലിക്കുന്ന കാര്യം സര്‍ക്കാര്‍ പരിഗണിക്കുമോ; ഇല്ലെങ്കില്‍ കാരണം വ്യക്തമാക്കാമോ?

*144.

തദ്ദേശസ്വയംഭരണസ്ഥാപനങ്ങളിലെ പദ്ധതിനിര്‍വ്വഹണത്തിനുള്ള തുക അലാേട്ട്മെന്റ് സമ്പ്രദായം

ശ്രീ.എം. ഹംസ
ശ്രീമതി.പി. അയിഷാ പോറ്റി
ശ്രീ.ജെയിംസ് മാത്യു
,, കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണസ്ഥാപനങ്ങള്‍ക്കുള്ള പദ്ധതിനിര്‍വ്വഹണത്തിനുള്ള തുക അലാേട്ട്മെന്റ് ലെറ്ററായി നല്‍കുന്ന രീതി നിര്‍ത്തലാക്കാന്‍ തീരുമാനിച്ചിട്ടുണ്ടാേ;

(ബി)	ഇതിനുപകരം കൊണ്ടുവന്ന സംവിധാനം എന്താണ്;

(സി)	കഴിഞ്ഞ ഏതാനും വര്‍ഷങ്ങളായി തുടര്‍ന്നുവരുന്ന അലാേട്ട്മെന്റ് സമ്പ്രദായം മാറ്റിയത് പദ്ധതിനിര്‍വ്വഹണത്തെ സാരമായി ബാധിച്ചിട്ടുണ്ടാേ;

(ഡി)	ഇപ്പാേള്‍ ഏര്‍പ്പെടുത്തിയ പകരം സംവിധാനം മാറ്റി അലാേട്ട്മെന്റ് സമ്പ്രദായം കൂടുതല്‍ കാര്യക്ഷമമായി നടപ്പാക്കാന്‍ നടപടി സ്വീകരിക്കുമാേ?

*145.

പ്രവാസികള്‍ ഇന്ത്യയിലേക്ക് അയയ്ക്കുന്ന പണം കൈകാര്യം ചെയ്യുന്നതിന് സേവന നികുതി

ഡോ.എന്‍. ജയരാജ്
ശ്രീ.പി.സി. ജോര്‍ജ്
,, റോഷി അഗസ്റ്റിന്‍
,, എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ)	പ്രവാസികള്‍ ഇന്ത്യയിലേക്ക് അയയ്ക്കുന്ന പണം കൈകാര്യം ചെയ്യുന്നതിന് സേവന നികുതി ഏര്‍പ്പെടുത്തുന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശങ്ങള്‍ നല്കുമോ;

(ബി)	പ്രവാസികള്‍ അധികമുള്ള സംസ്ഥാനത്തിന്റെ ധനസ്ഥിതിയെ ഇത് എപ്രകാരം ബാധിക്കുമെന്ന് വിലയിരുത്തിയിട്ടുണ്ടോ; വിശദാംശങ്ങള്‍ നല്കുമോ;

(സി)	ഇപ്രകാരമുള്ള നികുതി നിര്‍ദ്ദേശം പിന്‍വലിക്കുന്നതിന് കേന്ദ്ര സര്‍ക്കാരിനോട് ആവശ്യപ്പെടുമോ?

*146.

ഗ്രാമ പഞ്ചായത്തുകൾക്ക് എെ.എസ്.ഒ നിലവാരം

ശ്രീ.ആര്‍ . സെല്‍വരാജ്
,, തേറമ്പില്‍ രാമകൃഷ്ണന്‍
,, എ.പി.അബ്ദുള്ളക്കുട്ടി
,, വി.റ്റി.ബല്‍റാം : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമപഞ്ചായത്തുകളെ എെ.എസ്.ഒ നിലവാരത്തിലേക്ക് ഉയര്‍ത്താന്‍ പദ്ധതി തയ്യാറാക്കിയിട്ടുണ്ടോ;

(ബി)	എങ്കില്‍ ആയതിന്റെ ഉദ്ദേശ്യലക്ഷ്യങ്ങള്‍ എന്തെല്ലാമാണ്;

(സി)	എന്തെല്ലാം സൗകര്യങ്ങളും സേവനങ്ങളുമാണ് പ്രസ്തുത പദ്ധതി വഴി പഞ്ചായത്തുകള്‍ക്കും ജനങ്ങള്‍ക്കും ലഭ്യമാക്കുന്നത്; വിശദമാക്കുമോ;

(ഡി)	എന്തെല്ലാം മാനദണ്ഡങ്ങളാണ് എെ.എസ്.ഒ നിലവാരം പ്രാപ്തമാക്കാന്‍ പഞ്ചായത്തുകള്‍ പാലിക്കേണ്ടത്; വിശദാംശങ്ങള്‍ നല്‍കാമോ?

*147.

കേരഫെഡിലെ ക്രമക്കേടുകള്‍

ശ്രീ.ചിറ്റയം ഗോപകുമാര്‍
,, പി.തിലോത്തമന്‍
ശ്രീമതി.ഗീതാ ഗോപി
ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	കേരഫെഡില്‍ ക്രമക്കേടുകളും അഴിമതിയും നടന്നിട്ടുള്ളതായി സഹകരണ വകുപ്പ് രജിസ്ട്രാറുടെ ആഡിറ്റ് റിപ്പോര്‍ട്ടില്‍ കണ്ടെത്തിയിട്ടുണ്ടോ; ഉണ്ടെങ്കില്‍ എന്തെല്ലാം ക്രമക്കേടുകളാണ് കണ്ടെത്തിയിട്ടുള്ളതെന്ന് വെളിപ്പെടുത്തുമോ;

(ബി)	പ്രസ്തുത ക്രമക്കേടുകളെ സംബന്ധിച്ച് ഏതെങ്കിലും തരത്തിലുള്ള അന്വേഷണങ്ങള്‍ ആരംഭിച്ചിട്ടുണ്ടോ; ഉണ്ടെങ്കില്‍ വിശദമാക്കുമോ?

*148.

റബ്ബർ മേഖല നേരിടുന്ന പ്രശ്നങ്ങൾ

ശ്രീ.എം.വി.ശ്രേയാംസ്‌ കുമാര്‍
ഡോ.എന്‍. ജയരാജ്
ശ്രീ.പി.സി. ജോര്‍ജ്
,, റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	'മെയ്ക്ക് ഇന്‍ ഇന്ത്യ' പദ്ധതിയില്‍ റബ്ബറിനെ ഉള്‍പ്പെടുത്തുന്നത് സംബന്ധിച്ച് കേന്ദ്ര സര്‍ക്കാരുമായി ആശയ വിനിമയം നടത്തിയിട്ടുണ്ടോ; ഇത് സംബന്ധിച്ച് എന്തെല്ലാം ഉറപ്പുകളാണ് ലഭിച്ചിട്ടുള്ളതെന്ന് വ്യക്തമാക്കുമോ;

(ബി)	റബ്ബര്‍ മേഖല നേരിടുന്ന പ്രതിസന്ധി പരിഹരിക്കുന്നതിന് അടിയന്തര നടപടി സ്വീകരിക്കുമോ?

*149.

അന്യ സംസ്ഥാനങ്ങളില്‍ നിന്നുള്ള പച്ചക്കറികള്‍ കൊണ്ടുവരുന്ന മാരക വിഷം കലര്‍ന്ന പച്ചക്കറികള്‍ പരിശോധിക്കുന്നതിന് സംവിധാനം

ശ്രീ.മുല്ലക്കര രത്നാകരന്‍
,, വി.എസ്.സുനില്‍ കുമാര്‍
,, ഇ.കെ.വിജയന്‍
,, ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷണറിയും വകുപ്പുമന്ത്രി സദയം മറുപടി നല്‍കുമോ:

(എ)	അന്യ സംസ്ഥാനങ്ങളില്‍ നിന്നും കൊണ്ടുവരുന്ന മാരക വിഷം കലര്‍ന്ന പച്ചക്കറികള്‍ പരിശോധിക്കുന്നതിന് ചെക്ക് പോസ്റ്റുകളിലും മറ്റ് കേന്ദ്രങ്ങളിലും എന്തെങ്കലും സംവിധാനങ്ങള്‍ കൃഷി വകുപ്പ് ഏര്‍പ്പെടുത്തിയിട്ടുണ്ടോ;

(ബി)	ഇത്തരം പരിശോധനകള്‍ക്കായി നിലവിലുള്ള സംവിധാനങ്ങള്‍ എന്തെല്ലാമാണെന്ന് വ്യക്തമാക്കുമോ;

(സി)	കേരള വിപണിയിലേയ്ക്ക് പച്ചക്കറി വിളയിക്കുന്ന അന്യ സംസ്ഥാനങ്ങളിലെ കൃഷിയിടങ്ങളില്‍ പരിശോധന ഊര്‍ജ്ജിതമാക്കാന്‍ സാധ്യതയുണ്ടോ;

(ഡി)	മാരക വിഷം കലര്‍ന്ന എത്ര മാത്രം പച്ചക്കറിയാണ് ദിനംപ്രതി സംസ്ഥാനത്തെത്തുന്നതെന്ന് അറിയാമോ ?

*150.

തദ്ദേശ സ്വയംഭരണ സ്ഥാപനങ്ങളിലെ പദ്ധതിച്ചെലവ്

ശ്രീ.ജെയിംസ് മാത്യു
,, എ.കെ.ബാലന്‍
ഡോ.ടി.എം.തോമസ് ഐസക്
ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശ സ്വയംഭരണ സ്ഥാപനങ്ങളിലെ നടപ്പു സാമ്പത്തിക വര്‍ഷത്തെ പദ്ധതിച്ചെലവ് സംബന്ധിച്ച് ഏറ്റവും അവസാനം അവലോകനം നടത്തിയത് എന്നായിരുന്നു; അവലോകനത്തെ തുടര്‍ന്ന് ലഭ്യമായ പ്രധാന വിവരങ്ങള്‍ എന്തെല്ലാമാണ്;വിശദമാക്കാമോ;

(ബി)	പദ്ധതിച്ചെലവ് തൃപ്തികരമാണോ; ഇല്ലെങ്കില്‍ അതിനുള്ള കാരണങ്ങള്‍ വിലയിരുത്തിയിട്ടുണ്ടോ;

(സി)	പദ്ധതി പുരോഗതി വിലയിരുത്തുന്നതിനും മേല്‍നോട്ടം വഹിക്കുന്നതിനും തദ്ദേശ സ്വയംഭരണ സ്ഥാപനങ്ങളുടെ അദ്ധ്യക്ഷന്മാരുടെ ജില്ലാതല യോഗങ്ങള്‍ വിളിച്ചു ചേര്‍ത്തിരുന്നുവോ; വിശദാംശങ്ങള്‍ നല്‍കാമോ;

(ഡി)	നടപ്പു സാമ്പത്തിക വര്‍ഷം തദ്ദേശ സ്വയംഭരണ സ്ഥാപനങ്ങളുടെ പദ്ധതി അടങ്കല്‍ എത്രയാണ്; അതില്‍ നാളിതുവരെ എന്തു തുക ചെലവഴിച്ചിട്ടുണ്ടെന്ന കണക്ക് ലഭ്യമാണോ?

<<back

Website maintained by Information System Section, Kerala Legislative Assembly, Thiruvananthapuram.