13KLA-unstarred questions










	STARRED
	QUESTIONS

You are here: Business >13^th KLA >12^th Session>Starred Questions

THIRTEENTH KLA - 12^th SESSION
STARRED QUESTIONS and Answers
(To read Questions please enable Unicode-Malayalam in your system)

Questions

മുല്ലപ്പെരിയാര്‍ വനമേഖലയിലെ ജൈവ-ആവാസ വ്യവസ്ഥയെക്കുറിച്ചുള്ള പഠനം

*151.

ശ്രീ.സി.ദിവാകരന്‍
,, ചിറ്റയം ഗോപകുമാര്‍
,, കെ.അജിത്
,, ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	മുല്ലപ്പെരിയാര്‍ ഡാമില്‍ ജലനിരപ്പ് ഉയരുന്നത് വനമേഖലയിലെ ജൈവ-ആവാസ വ്യവസ്ഥയെ ഗുരതരമായി ബാധിക്കുമെന്ന് പഠന റിപ്പോര്‍ട്ട് ലഭിച്ചിട്ടുണ്ടോ;

(ബി)	ഇതു സംബന്ധിച്ച് പ്രിന്‍സിപ്പല്‍ ചീഫ് കണ്‍സര്‍വേറ്റര്‍ ഓഫ് ഫോറസ്റ്റിന്റെ പഠന റിപ്പോര്‍ട്ടിലെ പ്രധാന കണ്ടെത്തലുകള്‍ എന്തെല്ലാമാണെന്ന് വിശദമാക്കുമോ;

(സി)	ഈ പഠന റിപ്പോര്‍ട്ടിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തെല്ലാമാണെന്ന് അറിയിക്കുമോ?

കാേംബിംഗ് ഓപ്പറേഷന്‍ നടത്തുന്നതിന് മാനദണ്ഡങ്ങള്‍

*152.

ശ്രീ.എം.ഉമ്മര്‍
,, സി.മോയിന്‍ കുട്ടി
,, പി.ബി. അബ്ദുൾ റസാക്
,, കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കുറ്റകൃത്യങ്ങള്‍ തടയുന്നതിനും ക്രിമിനല്‍ കേസുകളിലെയും വാറണ്ടുള്ളവരെയും അറസ്റ്റ് ചെയ്ത് നിയമനടപടി സ്വീകരിക്കുന്നതിനും ആഭ്യന്തരവകുപ്പിനു കീഴില്‍ എന്തൊക്കെ സംവിധാനങ്ങള്‍ ഒരുക്കിയിട്ടുണ്ടെന്നതിന്റെ വിശദവിവരം നല്കാമോ ;

(ബി)	പ്രത്യേക കാേംബിംഗ് ഓപ്പറേഷന്‍ നടത്തുന്നതിന് മാനദണ്ഡമോ കാലപരിധിയോ നിശ്ചയിച്ചിട്ടുണ്ടോ ; എങ്കില്‍ എന്താണെന്നും 2014‌-ല്‍ എത്ര ഓപ്പറേഷനുകള്‍ എവിടെയെല്ലാം നടത്തിയിട്ടുണ്ടെന്നും വ്യക്തമാക്കുമോ ;

(സി)	കോംബിംഗ് ഓപ്പറേഷന്റെ നേട്ടങ്ങള്‍ വിലയിരുത്തിയിട്ടുണ്ടോ ; സംസ്ഥാനത്തെ പ്രധാന പട്ടണങ്ങളില്‍ ഇൗ വര്‍ഷം നടത്തിയ കോംബിംഗ് ഓപ്പറേഷനുകളുടെ ഫലം വിശദമാക്കുമോ ?

വിഴിഞ്ഞം പദ്ധതി

*153.

ശ്രീ.എ.റ്റി.ജോര്‍ജ്
,, കെ.ശിവദാസന്‍ നായര്‍
,, കെ.മുരളീധരന്‍
,, ആര്‍ . സെല്‍വരാജ് : മത്സ്യബന്ധനവും തുറമുഖവും എക്സൈസും വകുപ്പുമന്ത്രി

(എ)	വിഴിഞ്ഞം പദ്ധതിക്ക് കേന്ദ്ര സര്‍ക്കാരില്‍ നിന്നും വയബിലിറ്റി ഗ്യാപ് ഫണ്ട് ഇനത്തില്‍ ലഭിക്കുന്ന ആനുകൂല്യം എത്രയെന്ന് വിശദമാക്കുമോ;

(ബി)	പ്രസ്തുത ഫണ്ട്‌ ലഭിക്കുന്നതിനുള്ള മാനദണ്ഡം വ്യക്തമാക്കുമോ;

(സി)	ഫണ്ട് ലഭിക്കുന്നതിന്റെ ഫലമായി കേന്ദ്ര സര്‍ക്കാരിന്‍െറ ഏതു തരത്തിലുള്ള പങ്കാളിത്തമാണ് ഉണ്ടാവുകയെന്ന് വിശദമാക്കുമോ;

(ഡി)	വിഴിഞ്ഞം പദ്ധതിക്കെതിരെ ഏതെങ്കിലും ശക്തികള്‍ പ്രവര്‍ത്തിക്കുന്നതായി ശ്രദ്ധയിൽപെട്ടിട്ടുണ്ടോ; എങ്കില്‍ അതിനെതിരെ സ്വീകരിച്ച നടപടികള്‍ വിശദമാക്കാമോ ?

പ്ലസ് ടു ബാച്ചുകള്‍ അനുവദിച്ചതു സംബന്ധിച്ച് ലോകായുക്തയുടെ ഉത്തരവ്

*154.

ശ്രീ.സി.കെ സദാശിവന്‍
,, എളമരം കരീം
,, ബി.ഡി. ദേവസ്സി
,, എം. ഹംസ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	അധിക പ്ലസ് ടു ബാച്ചുകള്‍ അനുവദിച്ചതിലെ ക്രമക്കേടുകളെക്കുറിച്ച് അന്വേഷണം നടത്തണമെന്ന് ലോകായുക്ത ഉത്തരവിട്ടിട്ടുണ്ടായിരുന്നുവോ; എങ്കില്‍ ആരുടെ നേതൃത്വത്തില്‍ അന്വേഷണം നടത്തുവാനായിരുന്നു നിര്‍ദ്ദേശം;

(ബി)	ലോകായുക്തയുടെ ഉത്തരവിനെ തുടര്‍ന്ന് സ്വീകരിച്ച നടപടികള്‍ വിശദമാക്കാമോ;

(സി)	ലോകായുക്തയുടെ നിര്‍ദ്ദേശം അട്ടിമറിക്കപ്പെട്ടതായുള്ള ആക്ഷേപം സംബന്ധിച്ച് അഭിപ്രായം വിശദമാക്കാമോ;

(ഡി)	ക്രമക്കേടുകള്‍ക്ക് നേതൃത്വം നല്‍കിയവര്‍ക്കെതിരെ വിജിലന്‍സ് കേസെടുത്തിട്ടുണ്ടോ;

(ഇ)

2014-15 വർഷത്തിൽ ക്രമവിരുദ്ധമായി പ്ലസ് ടു കോഴ്സും ബാച്ചും തരപ്പെടുത്തുകയും പിന്നീടത് റദ്ദാക്കപ്പെടുകയും ചെയ്യപ്പെട്ടിട്ടുള്ളതായി വിജിലന്‍സ് അധികൃതരുടെ ശ്രദ്ധയില്‍പ്പെട്ടിട്ടുണ്ടോ; ഈ ഇടപാടുകള്‍ക്ക് പിന്നില്‍ പ്രവര്‍ത്തിച്ചവര്‍ക്കും, ഗൂഡാലാേചനയില്‍ ഏര്‍പ്പെട്ടതായി ആക്ഷേപിക്കപ്പെട്ടവര്‍ക്കുമെതിരെ വിജിലന്‍സ് വകുപ്പ് സ്വീകരിച്ച നടപടി എന്തായിരുന്നു എന്ന് വെളിപ്പെടുത്താമോ ?

സര്‍ക്കാര്‍ വകുപ്പുകളുടെ പ്രവര്‍ത്തന മികവിന് റാങ്കിംഗ്

*155.

ശ്രീമതി.ഇ.എസ്.ബിജിമോള്‍
ശ്രീ.കെ.രാജു
,, ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ വകുപ്പുകളുടെ പ്രവര്‍ത്തന മികവിന്റെ അടിസ്ഥാനത്തില്‍ റാങ്കിംഗ് നടത്തിയിട്ടുണ്ടോ ; ഉണ്ടെങ്കില്‍ എത്ര വകുപ്പുകളെ റാങ്കിംഗിന് വിധേയമാക്കി എന്ന് വ്യക്തമാക്കുമോ ;

(ബി)	പഠന വിധേയമാക്കിയ വകുപ്പുകളുടെ റാങ്കിംഗ് നിലവാരത്തിന്റെ പ‍ട്ടിക വെളിപ്പെടുത്തുമോ ;

(സി)	റാങ്കിംഗില്‍ പിറകിലായ വകുപ്പുകളുടെ പ്രവര്‍ത്തനം മെച്ചപ്പെടുത്തുന്നതിന് എന്തെങ്കിലും പദ്ധതികളുണ്ടോ ; ഉണ്ടെങ്കില്‍ വിശദമാക്കുമോ ?

അന്ധവിശ്വാസത്തിന്റെ മറവില്‍ നടക്കുന്ന തട്ടിപ്പ് തടയാന്‍ നിയമനിര്‍മ്മാണം

*156.

ശ്രീ.കെ.കെ.നാരായണന്‍
,, രാജു എബ്രഹാം
,, എസ്.രാജേന്ദ്രന്‍
,, കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	അന്ധവിശ്വാസത്തിന്റെ മറവില്‍ നടക്കുന്ന ചൂഷണങ്ങളും വഞ്ചനയും തട്ടിപ്പും തടയാന്‍ ഒരു നിയമനിര്‍മ്മാണത്തിന്റെ അനിവാര്യത ശ്രഗ്ദ്ധയിൽ പെട്ടിട്ടുണ്ടോ

(ബി)	നിയമനിര്‍മ്മാണക്കാര്യത്തില്‍ സ്വീകരിച്ച നടപടികള്‍ വിശദമാക്കാമോ?

ജനമെെത്രി എക്സെെസ്

*157.

ശ്രീ.വി.ഡി.സതീശന്‍
,, കെ.അച്ചുതന്‍
,, ഡൊമിനിക് പ്രസന്റേഷന്‍
,, പി.എ.മാധവന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ജനമെെത്രി എക്സെെസ് രൂപീകരിക്കാനുദ്ദേശിക്കുന്നുണ്ടാേ;

(ബി)	പ്രസ്തുതപദ്ധതിയുടെ ഉദ്ദേശ്യലക്ഷ്യങ്ങളും പ്രവര്‍ത്തനരീതിയും വിശദമാക്കുമാേ;

(സി)	വ്യാജമദ്യം തടയുവാനും മദ്യത്തിനെതിരെ ബാേധവത്ക്കരണം നടത്തുവാനും എന്താെക്കെ കാര്യങ്ങളാണ് ഇതില്‍ ഉള്‍പ്പെടുത്തിയിരിക്കുന്നതെന്നു വിശദമാക്കുമാേ;

(ഡി)	ആരുടെ നേതൃത്വത്തിലാണ് ഇത് പ്രാവര്‍ത്തികമാക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം?

സാമൂഹിക സുരക്ഷാ സെസ്

*158.

ശ്രീ.ഇ.കെ.വിജയന്‍
,, പി.തിലോത്തമന്‍
,, കെ.അജിത്
,, ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ആര്‍.ടി.സി. യില്‍ സാമൂഹിക സുരക്ഷാ സെസ് ഏര്‍പ്പെടുത്തിയിട്ടുണ്ടോ; ഉണ്ടെങ്കില്‍ ഈ സെസ്സ് ഏര്‍പ്പെടുത്താനുണ്ടായ കാരണങ്ങള്‍ വ്യക്തമാക്കുമോ;

(ബി)	പ്രസ്തുത സെസ്സ്ഏര്‍പ്പെടുത്തുന്നതുമൂലം എന്തെല്ലാം അധിക സൗകര്യങ്ങള്‍ യാത്രക്കാര്‍ക്ക് ലഭിക്കുമെന്ന് വെളിപ്പെടുത്തുമോ;

(സി)	എന്തെല്ലാം മാനദണ്ഡങ്ങള്‍ക്ക് വിധേയമായി എത്ര വീതം സെസ്സാണ് പിരിക്കുന്നതെന്ന് വിശദമാക്കുമോ?

കരുണാ എസ്റ്റേറ്റ് അനധികൃതമായി കൈവശം വച്ചിട്ടുള്ള വനഭൂമി

*159.

ശ്രീ.വി.ചെന്താമരാക്ഷന്‍
,, എ.കെ.ബാലന്‍
,, ഇ.പി.ജയരാജന്‍
,, പി.ശ്രീരാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	ഭൂപരിഷ്കരണ നിയമപ്രകാരം സര്‍ക്കാരില്‍ നിക്ഷിപ്തമാക്കേണ്ട 786 ഏക്കര്‍ വനഭൂമി നെല്ലിയാമ്പതിയിലെ കരുണാ എസ്റ്റേറ്റ് (ഇപ്പോള്‍ പോബ്സ് എസ്റ്റേറ്റ്) അനധികൃതമായി കൈവശം വെച്ച് വരുന്നതായി സര്‍ക്കാരിനറിയാമോ;

(ബി)

പ്രസ്തുത ഭൂമി പോബ്സ് എസ്റ്റേറ്റുകാര്‍ക്ക് പോക്കുവരവ് ചെയ്തു കൊടുക്കുന്നതിന് നെന്മാറ ഡി.എഫ്.ഓ എന്‍.ഒ.സി നല്കിയതെപ്പോഴായിരുന്നു; ഇതേ തുടര്‍ന്ന് ചിറ്റൂര്‍ അഡീ: തഹസീദാര്‍ ഭൂമി പോക്കുവരവ് ചെയ്തതായി വകുപ്പിന് അറിയാമോ; ഇതു സംബന്ധമായി ഉയര്‍ന്നുവന്ന ആക്ഷേപങ്ങള്‍ സംബന്ധിച്ച അന്വേഷണ റിപ്പോര്‍ട്ട് വനം വകുപ്പിന് ലഭിച്ചത് എപ്പോഴായിരുന്നു;

(സി)

ലാന്‍റ് ബോര്‍ഡ് സെക്രട്ടറിയുടെ അന്വേഷണത്തില്‍ കണ്ടെത്തിയ നിഗമനങ്ങള്‍ വനം വകുപ്പിന്റെ ശ്രദ്ധയില്‍ വന്നിട്ടുണ്ടോ ;എങ്കില്‍ വനം വകുപ്പ് സ്വീകരിച്ച തുടര്‍ നടപടി വിശദമാക്കാമോ; നെന്മാറ ഡി.എഫ്.ഓ നിയമവിരുദ്ധമായി നല്‍കിയ എന്‍.ഒ.സി., സി.സി.എഫ് റദ്ദ് ചെയ്തിട്ടുണ്ടോ; ഈ പ്രശ്നത്തില്‍ വനം വകുപ്പ് രൂപം നല്‍കിയ ഉപസമിതിയുടെ നിഗമനം വസ്തുതകള്‍ ബോധപൂര്‍വ്വം മറച്ച് പിടിച്ചുകൊണ്ടുള്ളതായിരുന്നു എന്ന ആരോപണം ശരിവെക്കുന്ന നിലയിലാണോ ലാന്റ് ബോര്‍ഡ് സെക്രട്ടറിയുടെ കണ്ടെത്തലുകള്‍; വിശദമാക്കാമോ;

(ഡി)	നിക്ഷിപ്ത ഭൂമി സ്വകാര്യ വ്യക്തിക്ക് കൈവശപ്പെടുത്തുന്നതിന് കൂട്ടു നിന്ന വനം വകുപ്പിലെ ഉദ്യോഗസ്ഥന്മാര്‍ ആരൊക്കെയാണ്; ഇവര്‍ക്കെതിരെ സര്‍ക്കാര്‍ സ്വീകരിച്ച നടപടി എന്താണ്; വിശദമാക്കാമോ;

(ഇ)	ഇതുപോലെ സ്വകാര്യ വ്യക്തികള്‍ നിയമവിരുദ്ധമായി വനഭൂമി കൈവശം വെച്ചുപോരുന്നതായി ആക്ഷേപം ഉന്നയിക്കപ്പെട്ട എല്ലാ കേസുകളിലും വിദഗ്ദ്ധ പരിശോധന നടത്താന്‍ ഉത്തരവ് പുറപ്പെടുവിക്കുമോ?

കോള്‍ഡ് ചെയിന്‍ പദ്ധതി

*160.

ശ്രീ.കെ.ശിവദാസന്‍ നായര്‍
,, വര്‍ക്കല കഹാര്‍
,, തേറമ്പില്‍ രാമകൃഷ്ണന്‍
,, എം.പി.വിന്‍സെന്‍റ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യവിഭവങ്ങളുടെ ഗുണമേന്മ ഉറപ്പാക്കുവാന്‍ പദ്ധതി നിലവിലുണ്ടോ;

(ബി)	കോള്‍ഡ് ചെയിന്‍ പദ്ധതിക്ക് രൂപം നല്‍കിയിട്ടുണ്ടോ;

(സി)	പ്രസ്തുത പദ്ധതി എന്ന് മുതല്‍ ആരംഭിക്കുവാനാണ് ഉദ്ദേശിക്കുന്നതെന്ന് വ്യക്തമാക്കാമോ;

(ഡി)	മത്സ്യവിഭവങ്ങളുടെ ഗുണമേന്മയും വിനിയോഗവും പരമാവധി ഉറപ്പുവരുത്തുന്നതിന് കോള്‍ഡ് ചെയിന്‍ പദ്ധതി കാര്യക്ഷമമായി നടപ്പിലാക്കുവാന്‍ നടപടി സ്വീകരിക്കുമോ?

അടൂര്‍ ഗോപാലകൃഷ്ണന്‍ കമ്മിറ്റി റിപ്പോര്‍ട്ട്

*161.

ശ്രീ.കെ.സുരേഷ് കുറുപ്പ്
ഡോ.ടി.എം.തോമസ് ഐസക്
ശ്രീ.പുരുഷന്‍ കടലുണ്ടി
ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	മലയാള സിനിമാ മേഖലയെക്കുറിച്ച് പഠിച്ച് സര്‍ക്കാരിന് സമര്‍പ്പിച്ച അടൂര്‍ ഗോപാലകൃഷ്ണന്‍ കമ്മിറ്റിയുടെ റിപ്പോര്‍ട്ട് സര്‍ക്കാര്‍ പരിശോധിക്കുകയുണ്ടായോ ;

(ബി)	പ്രസ്തുത റിപ്പോര്‍ട്ടിലെ ശുപാര്‍ശകള്‍ എല്ലാം സര്‍ക്കാര്‍ അംഗീകരിച്ചിട്ടുണ്ടോ ;

(സി)	ഏതെല്ലാം ശുപാര്‍ശകള്‍ അംഗീകരിച്ച് നടപ്പില്‍ വരുത്തിയിട്ടുണ്ട് ; ഇതിന് മുമ്പായി സിനിമാരംഗത്തെ എല്ലാ സംഘടനകളുമായും ചര്‍ച്ച ചെയ്യുകയുണ്ടായോ ;

(ഡി)	വിദഗ്ദ്ധ സമിതി റിപ്പോര്‍ട്ട് നടപ്പിലാക്കുന്നതിന് പ്രതിവര്‍ഷം പ്രതീക്ഷിക്കുന്ന അധിക ചെലവ് കണക്കാക്കിയിട്ടുണ്ടോ ; എങ്കില്‍ എത്ര തുക വകയിരുത്തപ്പെട്ടിട്ടുണ്ട് ?

സേവനാവകാശ നിയമം നടപ്പാക്കിയതിന്റെ പുരോഗതി

*162.

ശ്രീ.സി.എഫ്.തോമസ്
,, മോന്‍സ്‌ ജോസഫ്
,, റ്റി.യു. കുരുവിള
,, തോമസ് ഉണ്ണിയാടന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സേവനാവകാശ നിയമം നടപ്പാക്കിയതിന്റെ പുരോഗതി വിലയിരുത്തിയിട്ടുണ്ടോ; വ്യക്തമാക്കുമോ;

(ബി)	പൊതുജനങ്ങള്‍ക്ക് സേവനാവകാശ നിയമം ഗുണപ്രദമായി ഭവിക്കുന്ന നിലയില്‍ നടപ്പിലാക്കാന്‍ സാധിച്ചിട്ടുണ്ടോ ; വിശദാംശം ലഭ്യമാക്കുമോ;

ഹര്‍ത്താലുകൾ മൂലമുണ്ടാകുന്ന കഷ്ടനഷ്ടങ്ങൾ

*163.

ശ്രീ.പി.ഉബൈദുള്ള
,, റ്റി.എ.അഹമ്മദ് കബീര്‍
,, കെ.മുഹമ്മദുണ്ണി ഹാജി
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	തുടരെയുണ്ടാകുന്ന ഹര്‍ത്താലുകള്‍ ജനങ്ങള്‍ക്ക് കഷ്ടനഷ്ടങ്ങള്‍ ഉണ്ടാക്കാതിരിക്കാന്‍ സ്വീകരിച്ചു വരുന്ന മുന്‍കരുതല്‍ നടപടികള്‍ വിശദമാക്കുമോ;

(ബി)	ഹര്‍ത്താലുകള്‍ മൂലം ഒരു വര്‍ഷം തൊഴില്‍, ഗതാഗതം, കാര്‍ഷികം , വ്യവസായം, വിദ്യാഭ്യാസം എന്നീ മേഖലകളിലുള്‍പ്പെടെ പൊതുവായുണ്ടാകുന്നതും അതിനു പുറമെ വ്യക്തികള്‍ക്കുണ്ടാകുന്നതുമായ കഷ്ടനഷ്ടങ്ങളുടെ വ്യാപ്തിയെക്കുറിച്ച് വിലയിരുത്തിയിട്ടുണ്ടോ; എങ്കില്‍ വിശദവിവരം വെളിപ്പെടുത്തുമോ;

(സി)	ഹര്‍ത്താലുകള്‍ നിയന്ത്രിക്കുന്നതു സംബന്ധിച്ച് റിപ്പോര്‍ട്ട് സമർപ്പിക്കുന്നതിനായി നിയോഗിച്ച എതെങ്കിലും കമ്മീഷൻ ശിപാര്‍ശ സമര്‍പ്പിച്ചിട്ടുണ്ടോ ; ഇക്കാര്യത്തില്‍ കോടതി പരാമര്‍ശങ്ങളുണ്ടായിട്ടുണ്ടോ; വിശദമാക്കുമോ?

ഉള്‍നാടന്‍ ജലഗതാഗതം

*164.

ശ്രീ.പി.ബി. അബ്ദുൾ റസാക്
,, എന്‍. ഷംസുദ്ദീന്‍
,, സി.മോയിന്‍ കുട്ടി
,, വി.എം.ഉമ്മര്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	ഉള്‍നാടന്‍ ജലഗതാഗതത്തിന് ഏര്‍പ്പെടുത്തിയിട്ടുള്ള സംവിധാനം സംബന്ധിച്ച വിശദവിവരം നല്‍കാമോ;

(ബി)	നിലവിലുള്ള ജലഗതാഗതസൗകര്യങ്ങള്‍ ജനങ്ങളുടെ ആവശ്യം കൂടി കണക്കിലെടുത്ത് പരമാവധി ഉപയോഗപ്പെടുത്തുന്നുണ്ടോ; ഇല്ലെങ്കില്‍ അതിനുള്ള കാരണങ്ങള്‍ വ്യക്തമാക്കുമോ;

(സി)	ജലഗതാഗത വകുപ്പിനു കീഴില്‍ നിലവില്‍ പ്രവര്‍ത്തനക്ഷമമായ ബോട്ടുകളുടെയും പ്രതിദിനം ഓപ്പറേറ്റ് ചെയ്യുന്ന സവ്വീസുകളുടെയും വിശദവിവരം നല്‍കാമോ?

കളരിപ്പയറ്റിനെ കായിക ഇനമായി ഉള്‍പ്പെടുത്തുവാന്‍ പദ്ധതി

*165.

ശ്രീ.റോഷി അഗസ്റ്റിന്‍
ഡോ.എന്‍. ജയരാജ്
ശ്രീ.പി.സി. ജോര്‍ജ്
,, എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ തനത് ആയോധന കലയായി കളരിപ്പയറ്റിനെ കണക്കാക്കുന്നുണ്ടോ;

(ബി)	കളരിപ്പയറ്റിനെ സ്വായത്തമാക്കാന്‍ വിദേശ രാജ്യങ്ങളില്‍ നിന്നുപോലും പഠിതാക്കള്‍ എത്തുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത ആയോധന കലയെ ഒരു കായിക ഇനമായി ഉള്‍പ്പെടുത്തി ഈ ശാഖയുടെ വളര്‍ച്ചയ്ക്ക് ഉതകുന്ന പദ്ധതി ആവിഷ്ക്കരിക്കുമോ; വിശദാംശങ്ങള്‍ നല്‍കുമോ?

റോഡപകടങ്ങളില്‍ അജ്ഞാത വാഹനങ്ങളുടെ പങ്ക്

*166.

ശ്രീ.വി.എം.ഉമ്മര്‍ മാസ്റ്റര്‍
,, കെ.എന്‍.എ.ഖാദര്‍
,, എന്‍. ഷംസുദ്ദീന്‍
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	റോഡപകടങ്ങളില്‍ അജ്ഞാത വാഹനങ്ങളുടെ പങ്ക് വര്‍ദ്ധിച്ചു വരുന്ന കാര്യം ശ്രദ്ധയില്‍ വന്നിട്ടുണ്ടോ;

(ബി)	അജ്ഞാത വാഹനങ്ങളുടെ പങ്കാളിത്തം കുറച്ചു കൊണ്ടു വരാന്‍ എന്തൊക്കെ മുന്‍കരുതല്‍ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ; കൂടുതല്‍ സി.സി.ടി.വി ക്യാമറകള്‍ സ്ഥാപിക്കുന്ന കാര്യം പരിഗണിക്കുമോ;

(സി)	പ്രസ്തുത വാഹനങ്ങളുണ്ടാക്കുന്ന അപകടങ്ങള്‍ക്കിരയാകുന്നവര്‍ക്കും അശ്രിതര്‍ക്കും നഷ്ടപരിഹാരത്തിനുള്ള നടപടി കേസ് രജിസ്റ്റര്‍ ചെയ്യുന്നതോടൊപ്പം സ്വമേധയാ ആരംഭിക്കാന്‍ തക്ക വിധത്തില്‍ നടപടിക്രമം പരിഷ്കരിക്കുമോ?

സ്ത്രീകളുടെ സുരക്ഷയ്ക്ക് നിയമ നിര്‍മ്മാണം

*167.

ശ്രീ.വി.റ്റി.ബല്‍റാം
,, പാലോട് രവി
,, എ.റ്റി.ജോര്‍ജ്
,, പി.സി വിഷ്ണുനാഥ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്ത്രീകളുടെ സുരക്ഷയ്ക്ക് നിയമ നിര്‍മ്മാണം നടത്താന്‍ ഉദ്ദേശിക്കുന്നുണ്ടോ;

(ബി)	സ്ത്രീകളുടെ സുരക്ഷക്കായി എന്തെല്ലാമാണ് നിയമത്തില്‍ ഉള്‍പ്പെടുത്താന്‍ ഉദ്ദേശിക്കുന്നത്; വിശദാംശങ്ങള്‍ ലഭ്യമാക്കുമോ;

(സി)	കുറ്റകൃത്യങ്ങള്‍ തടയുന്നതിന് എന്തെല്ലാം ശിക്ഷകളാണ് പ്രസ്തുത നിയമത്തില്‍ വ്യവസ്ഥ ചെയ്യാനുദ്ദേശിക്കുന്നത്;

(ഡി)	ഇത് സംബന്ധിച്ച നിയമനിര്‍മ്മാണ പ്രക്രിയ ഏത് ഘട്ടത്തിലാണെന്ന് വിശദാംശം സഹിതം വ്യക്തമാക്കാമോ?

എയര്‍ കേരള പദ്ധതി

*168.

ശ്രീ.കോവൂര്‍ കുഞ്ഞുമോന്‍
,, എ.എ.അസീസ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	എയര്‍ കേരള പദ്ധതി പ്രാവര്‍ത്തികമാക്കുന്നതിനുള്ള നടപടിക്രമങ്ങള്‍ ഏതുവരെയായി;

(ബി)	പദ്ധതിക്കാവശ്യമായ തുക എങ്ങനെയാണു കണ്ടെത്തുക;

(സി)	പദ്ധതി എന്നത്തേയ്ക് പ്രാവര്‍ത്തികമാക്കുമെന്നു വ്യക്തമാക്കുമാേ?

സര്‍ക്കാര്‍ വകുപ്പുകളുടെ പ്രവര്‍ത്തന മികവ്

*169.

പ്രൊഫ.സി.രവീന്ദ്രനാഥ്
,, പി.റ്റി.എ. റഹീം
,, കെ.വി.വിജയദാസ്
,, കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ വകുപ്പുകളുടെ പ്രവര്‍ത്തനത്തിന്റെയടിസ്ഥാനത്തില്‍ മികവ് പരിശോധിക്കുകയുണ്ടായിട്ടുണ്ടോ; വകുപ്പുകളുടെ പ്രവര്‍ത്തന മികവ് വിലയിരുത്തിക്കൊണ്ടുള്ള റിപ്പോര്‍ട്ട് വിശദമാക്കാമോ; ഓരോ വകുപ്പിനും നിര്‍ണ്ണയിക്കപ്പെട്ട റാങ്ക് സംബന്ധമായ വിശദാംശം വെളിപ്പെടുത്താമോ;

(ബി)	പ്രവർത്തനങ്ങൾ ജനങ്ങള്‍ക്ക് എന്തുമാത്രം പ്രയോജനപ്പെട്ടു എന്ന കാര്യം വിലയിരുത്തപ്പെട്ടിട്ടുണ്ടോ; വിശദമാക്കാമോ;

(സി)	വിലയിരുത്തലുകള്‍ ഏത് മാനദണ്ഡം അടിസ്ഥാനമാക്കിക്കൊണ്ടായിരുന്നു;

(ഡി)	മന്ത്രിമാരുടെയും വകുപ്പു മേധാവികളുടെയും പ്രവര്‍ത്തനം കൂടി പരിശോധിക്കപ്പെട്ടിട്ടുണ്ടോ;

(ഇ)	പദ്ധതി നിര്‍വ്വഹണത്തിലെ പാളിച്ചകളും കെടുകാര്യസ്ഥതയും ക്രമക്കേടുകളും ഈ ഘട്ടത്തില്‍ പരിശോധിക്കപ്പെട്ടിട്ടുണ്ടോ?

മലയാളം ഔദ്യോഗിക ഭാഷയാക്കാന്‍ പദ്ധതി

*170.

ശ്രീ.ബെന്നി ബെഹനാന്‍
,, കെ.മുരളീധരന്‍
,, ഷാഫി പറമ്പില്‍
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	മലയാളം നിര്‍ബന്ധമായും സംസ്ഥാനത്തിന്റെ ഔദ്യോഗിക ഭാഷയാക്കാന്‍ എന്തെല്ലാം കര്‍മ്മ പദ്ധതികളാണ് ആസൂത്രണം ചെയ്യാനുദ്ദേശിക്കുന്നത്; വിശദമാക്കുമോ;

(ബി)	ഏതെല്ലാം മേഖലകളിലാണ് ഇത് പ്രാവര്‍ത്തികമാക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	മലയാളം ഔദ്യോഗിക ഭാഷയാക്കുന്നതിനായി നിയമനിര്‍മ്മാണം നടത്തുന്ന കാര്യം പരിഗണനയിലുണ്ടോ; വിശദമാക്കുമോ;

(ഡി)	ഇതിനായി സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കുമോ?

പോലീസ് സേനയുടെ ശാക്തീകരണം. യെ നവീകരിക്കുവാന്‍ നടപടി

*171.

ശ്രീ.സി.കെ.നാണു
,, മാത്യു റ്റി.തോമസ്
ശ്രീമതി.ജമീല പ്രകാശം
ശ്രീ.ജോസ് തെറ്റയില്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഗതാഗത സാന്ദ്രത വര്‍ദ്ധിച്ചുവരുന്നതും സൈബര്‍ കേസുകള്‍ അടക്കം പുതിയ മേഖലകളിൽ കുറ്റകൃത്യങ്ങള്‍ വര്‍ദ്ധിച്ചു വരുന്നതും കണക്കിലെടുത്ത് പോലീസ് സേനയെ ശക്തിപ്പെടുത്താന്‍ എന്തെല്ലാം നടപടി സ്വീകരിച്ചുവെന്ന് വ്യക്തമാക്കാമോ;

(ബി)	പോലീസ് സേനയെയും പോലീസ് സ്റ്റേഷനുകളെയും നവീകരിക്കുവാന്‍ എന്തെങ്കിലും നടപടി സ്വീകരിച്ചിട്ടുണ്ടോ;

(സി)	പോലീസിന്റെ അംഗബലം കൂട്ടാന്‍ എന്തെങ്കിലും നടപടി സ്വീകരിക്കുന്നുണ്ടോ;

(ഡി)	നിലവില്‍ പോലീസ് സേനയിലെ ഡ്രൈവര്‍മാരടക്കമുള്ള തസ്തികകളിലെ ഒഴിവുകള്‍ നികത്താന്‍ സര്‍ക്കാര്‍ തയ്യാറാകുമോ?

മദ്യനയം

*172.

ശ്രീ.അബ്ദുറഹിമാന്‍ രണ്ടത്താണി
,, സി.മമ്മൂട്ടി
,, കെ.എം.ഷാജി
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മദ്യനയം കര്‍ശനമായി നടപ്പാക്കാന്‍ സ്വീകരിച്ചിട്ടുള്ള നടപടികള്‍ വിശദമാക്കുമോ;

(ബി)	ഇതു സംബന്ധിച്ച കോടതിയുടെ മുമ്പിലുള്ള കേസുകളില്‍ തീര്‍പ്പുണ്ടാകാന്‍ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(സി)	മദ്യനയം പരാജയമാണെന്ന് വരുത്തിത്തീര്‍ക്കാന്‍ മദ്യ ലോബി നടത്തുന്നതായി പറയപ്പെടുന്ന വിദ്ധ്വംസക പ്രവര്‍ത്തനങ്ങളും സ്പിരിറ്റു കടത്തും മുന്‍കൂട്ടി കണ്ട് നടപടിയെടുക്കുന്നതിനും ഇക്കാര്യത്തില്‍ സ്ത്രീ ജനങ്ങളുടെ കൂട്ടായ്മകളുടെ സഹകരണം ഉറപ്പാക്കുന്നതിനും ആവശ്യമായ നടപടി സ്വീകരിക്കുമോ?

രാമചന്ദ്രന്‍ കമ്മിറ്റി റിപ്പോര്‍ട്ട്

*173.

ശ്രീ.എ. കെ. ശശീന്ദ്രന്‍
,, തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മദ്യനയം രൂപീകരിക്കുവാൻ നിയോഗിച്ച രാമചന്ദ്രന്‍ കമ്മിറ്റി സമര്‍പ്പിച്ച റിപ്പോര്‍ട്ട് സര്‍ക്കാര്‍ അംഗീകരിച്ചിട്ടുണ്ടോ ;

(ബി)	ഇല്ലെങ്കില്‍ എന്തുകൊണ്ടാണ് പ്രസ്തുത റിപ്പോര്‍ട്ട് അംഗീകരിക്കാത്തത് എന്ന് വ്യക്തമാക്കാമോ ;

(സി)	പ്രസ്തുത റിപ്പോര്‍ട്ടിലെ പ്രധാന നിര്‍ദ്ദേശം എന്താണെന്ന് വെളിപ്പെടുത്താമോ ?

ഗതാഗത നിയമ ലംഘനങ്ങള്‍

*174.

ശ്രീ.റ്റി.എ.അഹമ്മദ് കബീര്‍
,, പി.ഉബൈദുള്ള
,, പി.കെ.ബഷീര്‍
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	ഗതാഗത നിയമ ലംഘനങ്ങള്‍ വര്‍ദ്ധിച്ചു വരുന്ന കാര്യം ശ്രദ്ധയില്‍ വന്നിട്ടുണ്ടോ; ഇതു മൂലമുണ്ടാകുന്ന അപകടങ്ങളുടെ ശതമാനക്കണക്ക് വെളിപ്പെടുത്തുമോ;

(ബി)	ഹോണിന്റെ ശബ്ദ നിയന്ത്രണ വ്യവസ്ഥകള്‍, ലൈറ്റുകളുടെയും നമ്പര്‍ പ്ലേറ്റുകളുടെയും വിന്യാസം സംബന്ധിച്ച വ്യവസ്ഥകള്‍ എന്നിവ നിരന്തരം ലംഘിക്കപ്പെടുന്ന കാര്യം ശ്രദ്ധയില്‍ വന്നിട്ടുണ്ടോ;

(സി)	ഇക്കാര്യത്തില്‍ കര്‍ശന നിയന്ത്രണ/ ശിക്ഷാനടപടികള്‍ സ്വീകരിക്കുമോ?

സൈബര്‍ കുറ്റകൃത്യങ്ങൾ -ബോധവത്കരണം

*175.

ശ്രീ.ലൂഡി ലൂയിസ്
,, എം.പി.വിന്‍സെന്‍റ്
,, ഹൈബി ഈഡന്‍
,, സി.പി.മുഹമ്മദ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സൈബര്‍ കുറ്റകൃത്യങ്ങളെക്കുറിച്ചും അതുമൂലമുണ്ടാകുന്ന ഭവിഷ്യത്തുകളെക്കുറിച്ചും വിദ്യാര്‍ത്ഥികളെ ബോധവത്കരിക്കാന്‍ പോലീസ് വകുപ്പിന്റെ നേതൃത്വത്തില്‍ പരിപാടികള്‍ ആസൂത്രണം ചെയ്തിട്ടുണ്ടോ;വിശദമാക്കുമോ;

(ബി)	ആരുടെയെല്ലാം സഹകരണത്തോടെയാണ് പരിപാടികള്‍ നടപ്പാക്കുന്നത്; വിശദാംശങ്ങള്‍ എന്തെല്ലാം;

(സി)	എന്തെല്ലാം ബോധവത്കരണ പരിപാടികളാണ് ഇതിനായി ആസൂത്രണം ചെയ്തിരിക്കുന്നത്; വിശദമാക്കാമോ;-

(ഡി)	പ്രസ്തുത പരിപാടികള്‍ നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍‌ സ്വീകരിച്ചിട്ടുണ്ട്; വിശദാംശങ്ങള്‍ എന്തെല്ലാം?

നിയമനത്തില്‍ സംവരണം

T *176.

ശ്രീ.കെ.കുഞ്ഞമ്മത് മാസ്റ്റര്‍
,, പി.ശ്രീരാമകൃഷ്ണന്‍
,, ആര്‍. രാജേഷ്
,, കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ നേരിട്ട് ശമ്പളം നല്‍കുന്ന എയിഡഡ് വിദ്യാഭ്യാസ സ്ഥാപനങ്ങളിലെ അദ്ധ്യാപക-അനദ്ധ്യാപക തസ്തികകളിലേക്കുള്ള നിയമനത്തില്‍ സംവരണം ഏര്‍പ്പെടുത്തുന്നതില്‍ നിലപാട് അറിയിക്കാമോ;

(ബി)	ആവശ്യമെങ്കില്‍ നിയമനിര്‍മ്മാണത്തിലൂടെ ഇതിനുവേണ്ട നടപടി സ്വീകരിക്കാന്‍ തയ്യാറാകുമോ;

(സി)	ദേവസ്വം ബോര്‍ഡ്, മറ്റു സ്വകാര്യ സ്ഥാപനങ്ങള്‍ എന്നിവയിലും സംവരണം പാലിക്കാന്‍ വേണ്ട നിയമനിര്‍മ്മാണത്തിനു തയ്യാറാകുമോ?

അഴിമതിക്കാരായ ഉദ്യോഗസ്ഥർക്കെതിരെ നടപടി

*177.

ശ്രീ.ടി.വി.രാജേഷ്
,, ജി.സുധാകരന്‍
,, വി.ചെന്താമരാക്ഷന്‍
,, ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഒരു വിഭാഗം സര്‍ക്കാര്‍ ഉദ്യോഗസ്ഥര്‍ അനധികൃതമായി സ്വത്ത് സമ്പാദിക്കുന്നതായുള്ള റിപ്പോര്‍ട്ടുകള്‍ വര്‍ദ്ധിച്ചു വരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	സര്‍ക്കാര്‍ സംവിധാനത്തില്‍ അഴിമതിയും കെടുകാര്യസ്ഥതയും വര്‍ദ്ധിച്ചിരിക്കുന്നതായ ആക്ഷേപം ശ്രദ്ധയിൽപെട്ടിട്ടുണ്ടോ ;

(സി)	ഭരണ നിര്‍വ്വഹണത്തിലെ കൊള്ളരുതായ്മകളും കെടുകാര്യസ്ഥതയും നിയന്ത്രിക്കുന്നതിൽ വന്ന പോരായ്മയാണിതിനു കാരണമെന്ന ആക്ഷേപം പരിശോധിച്ചിട്ടുണ്ടോ;

(ഡി)

അഴിമതിക്കാരായ ഉദ്യോഗസ്ഥരെ വകുപ്പുകളുടെ നേതൃസ്ഥാനത്ത് നിയോഗിക്കാതിരിക്കാനും മറ്റു സ്ഥാനങ്ങളില്‍ നിന്നും നീക്കം ചെയ്യാനും നടപടി സ്വീകരിക്കാന്‍ തയ്യാറാകുമോ; തെറ്റായ രീതിയില്‍ സാമ്പത്തിക നേട്ടം ഉണ്ടാക്കിയെന്ന് പ്രഥമദൃഷ്ട്യാ ബോദ്ധ്യപ്പെട്ടാല്‍ ഉടന്‍ ചോദ്യം ചെയ്യാന്‍ നടപടി സ്വീകരിക്കുമോ; ഉന്നതര്‍ക്കെതിരെയുള്ള ഇന്റലിജന്‍സ് റിപ്പോര്‍ട്ട് ഗൗരവമായി പരിഗണിക്കുമോ ;

അന്ധവിശ്വാസങ്ങളും അനാചാരങ്ങളും തടയാൻ നിയമനിര്‍മ്മാണം

*178.

ശ്രീ.എം.ചന്ദ്രന്‍
,, പുരുഷന്‍ കടലുണ്ടി
,, കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	അന്ധവിശ്വാസങ്ങളും അനാചാരങ്ങളും വര്‍ദ്ധിച്ചുകൊണ്ടിരിക്കുന്ന സാഹചര്യത്തില്‍ ഇത് തടയാൻ കാലോചിതമായ നിയമനിര്‍മ്മാണത്തിന് തയ്യാറാകുമോ ;

(ബി)	ഇതുമായി ബന്ധപ്പെട്ട നിലവിലുള്ള നിയമവ്യവസ്ഥകളും അതിന്റെ നടത്തിപ്പും വിശദമാക്കാമോ ;

(സി)	അന്ധവിശ്വാസങ്ങളുടെയും അനാചാരങ്ങളുടെയും ഭാഗമായുള്ള പരിപാടികളില്‍ നിന്നും ഒൗദ്യോഗിക സംവിധാനങ്ങള്‍ വിട്ടുനില്ക്കണമെന്ന് നിര്‍ബന്ധിക്കുമോ ; ഇത്തരം പരിപാടികളില്‍ നിന്ന് മന്ത്രിമാര്‍ വിട്ടുനില്കാന്‍ നടപടി സ്വീകരിക്കുമോ ;

ഫ്ലക്സ്ബോർഡ്‌ നിരോധനം

*179.

ശ്രീ.കെ.കുഞ്ഞിരാമന്‍ (ഉദുമ)
,, സാജു പോള്‍
,, കെ. ദാസന്‍
,, കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഫ്ലക്സ്ബോർഡ്‌ നിരോധനം സംബന്ധിച്ച് പഠനം നടത്താൻ മന്ത്രിസഭാ ഉപസമിതിയെ നിയോഗിച്ചിട്ടുണ്ടായിരുന്നുവോ; സമിതിയുടെ റിപ്പോര്‍ട്ടിലെ ശുപാര്‍ശകള്‍ വെളിപ്പെടുത്താമോ;

(ബി)	സര്‍ക്കാര്‍ പരിപാടികള്‍ക്കും മന്ത്രിമാരുടെ ചടങ്ങുകൾക്കും ഫ്ലക്സ് ബോർഡ്‌ പാടില്ലെന്ന് തീരുമാനിച്ചിട്ടുണ്ടോ;

(സി)	ഗതാഗത തടസ്സം ഉണ്ടാക്കുന്ന നിലയില്‍പ്പോലും സര്‍ക്കാര്‍ ചെലവില്‍ മന്ത്രിമാരുടെ പടങ്ങളോടു കൂടിയ ഫ്ലക്സുബോർഡുകൾ സ്ഥാപിക്കുന്ന രീതി അവസാനിപ്പിക്കാമോ; ഇക്കാര്യത്തില്‍ മാതൃകാപരമായി പ്രവര്‍ത്തിക്കാന്‍ സര്‍ക്കാര്‍ തയ്യാറാകുമോ?

ഫയല്‍ നീക്കം കാര്യക്ഷമമാക്കുന്നതിന് ഇ-ഫയലിംഗും, ആധുനിക സാങ്കേതിക വിദ്യകളും

*180.

ശ്രീ.തോമസ് ഉണ്ണിയാടന്‍
,, സി.എഫ്.തോമസ്
,, മോന്‍സ്‌ ജോസഫ്
,, റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	വിവിധ വകുപ്പുകളില്‍ ഫയല്‍ നീക്കം കാര്യക്ഷമമാക്കുന്നതിനും ഏറ്റവും വേഗം ജനങ്ങള്‍ക്ക് സേവനം ലഭ്യമാക്കുന്നതിനും ഫയല്‍ തീര്‍പ്പു കല്‍പ്പിക്കുന്നതിലെ കാലതാമസം ഒഴിവാക്കാനും എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ;

(ബി)	ഫയലുകളിന്മേല്‍ താഴ്ന്ന ഓഫീസുകളില്‍ നിന്നും റിപ്പോര്‍ട്ട് ലഭിക്കുന്നതിന് കാലതാമസം ഉണ്ടാകുന്നത് പരിഹരിക്കുന്നതിന് നടപടികള്‍ ഉണ്ടാകുമോ;

(സി)	ആധുനിക സാങ്കേതിക വിദ്യകളും, ഇ-ഫയലിംഗ് ഉള്‍പ്പെടെയുള്ള പുതിയ സംവിധാനങ്ങളും ഉപയോഗപ്പെടുത്തി ഫയല്‍ തീര്‍പ്പാക്കല്‍ വേഗത്തിലാക്കുന്നതിന് നടപടികള്‍ സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.