13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >12^th Session>Unstarred questions Answers

Answer Provided

Answer Not Yet Provided

THIRTEENTH KLA - 12^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

എസ്.സി/എസ്.ടി കമ്മീഷനിലെ നിയമനങ്ങള്‍

2835.

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	എസ്.സി/എസ്.ടി കമ്മീഷനില്‍ നടന്ന നിയമനങ്ങളെക്കുറിച്ച് പരാതി ലഭിച്ചിട്ടുണ്ടോ; ഉണ്ടെങ്കില്‍ പരാതിയുടെ കാതല്‍ എന്തായിരുന്നു എന്ന് വിശദമാക്കാമോ ;

(ബി)	കമ്മീഷന് വേണ്ടി എത്ര തസ്തികകള്‍ സൃഷ്ടിച്ചിട്ടുണ്ട് ; ഏതെല്ലാം ; ഇതില്‍ ഡെപ്യൂട്ടേഷ൯ വഴി നിയമിക്കുന്ന തസ്തികകളും നേരിട്ടു നിയമിക്കുന്ന തസ്തികകളും ഏതെല്ലാമെന്ന് വ്യക്തമാക്കുമോ;

(സി)

ഇതിന് പുറമെ താല്ക്കാലിക ജീവനക്കാരെ നിയമിച്ചിട്ടുണ്ടോ ; നിയമിച്ചവരുടെ തസ്തിക, ശമ്പളം എന്നിവ എപ്രകാരമായിരുന്നു ; ഈ സ൪ക്കാരിന്റെ കാലയളവിൽ എത്ര പേരെ ഇതു വരെ നിയമിച്ചിട്ടുണ്ട് ; ഇതില്‍ എത്ര പേ൪ നിലവില്‍ സ൪വ്വീസിലുണ്ട് ; ഇവരുടെ നിയമനത്തിന് സ൪ക്കാ൪ അനുമതി നല്‍കിയിട്ടുണ്ടോ ; ഉണ്ടെങ്കില്‍ ആയതിന്റെ വിശദാംശങ്ങള്‍ ലഭ്യമാക്കുമോ ;

(ഡി)	താല്കാലിക ജീവനക്കാരെ നിയമിച്ചതിന്റെ മാനദണ്ഡങ്ങള്‍ എന്തൊക്കെയായിരുന്നു ; എപ്ലോയ്മെന്റ് ലിസ്റ്റില്‍ നിന്നാണോ നിയമനം നല്‍കിയത്; അല്ലെങ്കില്‍ പരസ്യം നല്‍കിയിരുന്നോ ; ടെസ്റ്റ്, ഇന്റ൪വ്യൂ തുടങ്ങിയവ നടത്തിയിരുന്നോ ; സംവരണ തത്വങ്ങള്‍ പാലിച്ചിരുന്നോ ; വിശദാംശങ്ങള്‍ നല്‍കുമോ?

പ്രീ-മെട്രിക് ഹോസ്റ്റലുകള്‍- വാച്ച് മാ൯ തസ്തിക

2836.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വികസന വകുപ്പി൯ കീഴില്‍ എത്ര പ്രീ-മെട്രിക് ഹോസ്റ്റലുകള്‍ പ്രവ൪ത്തിക്കുന്നുണ്ട്; ഏതെല്ലാം;

(ബി)	പ്രീ-മെട്രിക് ഹോസ്റ്റലുകളില്‍ വാച്ച് മാ൯ തസ്തികയില്‍ ജോലിനോക്കുന്ന ജീവനക്കാ൪ അനുഭവിക്കുന്ന കഷ്ടതകള്‍ ശ്രദ്ധയില്‍പ്പെട്ടിട്ടുണ്ടോ; എങ്കിൽ അവരുടെ ജോലി വ്യവസ്ഥയും സാഹചര്യങ്ങളും മെച്ചപ്പെടുത്തുന്നതിനും പ്രശ്നങ്ങള്‍ പരിഹരിക്കുന്നതിനും ക്രിയാത്മക നടപടി സ്വീകരിച്ചിട്ടുണ്ടോ?

സ്വയം പര്യാപ്ത പട്ടിക ഗ്രാമംപദ്ധതി --കാട്ടുവയല്‍ കോളനി

2837.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സ്വയം പര്യാപ്ത പട്ടിക ഗ്രാമം പദ്ധതിയില്‍ ഉള്‍പ്പെടുത്തിയ കോഴിക്കോട് കാട്ടുവയല്‍ കോളനിയില്‍ എന്തെല്ലാം പദ്ധതികളാണ് നടപ്പിലാക്കാനുദ്ദേശിക്കുന്നതെന്ന് വിശദമാക്കുമോ;

(ബി)	പ്രസ്തുത പദ്ധതി കാട്ടുവയല്‍ കോളനിയില്‍ ഇതുവരെയും ആരംഭിച്ചിട്ടില്ലെങ്കില്‍ അതിനുള്ള കാരണം വിശദമാക്കുമോ?

സ്വയം പര്യാപ്ത ഗ്രാമങ്ങള്‍ പദ്ധതി

2838.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സ്വയം പര്യാപ്ത ഗ്രാമങ്ങള്‍ പദ്ധതിയില്‍പെടുത്തി (2013-14) കൊട്ടാരക്കര നിയോജക മണ്ഡലത്തില്‍ കുളക്കട ഗ്രാമപഞ്ചായത്തില്‍പ്പെട്ട അംബേദ്കര്‍ കോളനി നവീകരണത്തിനുള്ള നിര്‍ദ്ദേശങ്ങള്‍ അനുമതിക്കായി പട്ടികജാതി ഡയറക്ടര്‍ ആഫീസില്‍ ലഭിച്ചിരുന്നോ;

(ബി)	പ്രസ്തുത പദ്ധതി നിര്‍ദ്ദേശങ്ങള്‍ അനുമതിക്കായി ലഭിച്ചത് എന്നാണ്;

(സി)	അനുമതി നല്‍കുന്നതിനുള്ള നടപടി ക്രമങ്ങള്‍ പൂര്‍ത്തീകരിച്ച് പദ്ധതി അടിയന്തിരമായി തുടങ്ങുന്നതിന് നടപടികള്‍ സ്വീകരിക്കുമോ?

അരൂര്‍ മണ്ഡലത്തിൽ സ്വയം പര്യാപ്ത ഗ്രാമങ്ങള്‍

2839.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സ്വയം പര്യാപ്ത ഗ്രാമങ്ങള്‍ പദ്ധതിയില്‍പ്പെടുത്തി അരൂര്‍ മണ്ഡലത്തിലെ നരിയണ്ടി കോളനിയില്‍ എന്തൊക്കെ പ്രവര്‍ത്തനങ്ങള്‍ നടത്തിയിട്ടുണ്ടെന്ന് വിശദമാക്കാമോ ;

(ബി)

ഇത്തിത്തറ കോളനി വികസനത്തിനായി എന്തൊക്കെ പ്രവര്‍ത്തനങ്ങളാണ് നടപ്പിലാക്കുവാന്‍ ഉദ്ദേശിച്ചിരിക്കുന്നത് ; ഇൗ പ്രവൃത്തികള്‍ ഏത് ഏജന്‍സിയാണ് നിര്‍വ്വഹിക്കുന്നത് ; നാളിതുവരെയായി പ്രവര്‍ത്തനങ്ങള്‍ യാതൊന്നും തുടങ്ങിയിട്ടില്ല എന്ന വിവരം ശ്രദ്ധയിൽപ്പെട്ടിട്ടുണ്ടോ; നിലവില്‍ ഏല്‍പ്പിച്ച ഏജന്‍സിയെ മാറ്റി പുതിയ ഏജന്‍സിയെ നിയോഗിക്കുന്നതിനു സാധിക്കുമോ ; എങ്കില്‍ ആയതിന്റെ നടപടിക്രമം വിശദമാക്കാമോ ?

കരാര്‍/ദിവസക്കൂലി നിയമനങ്ങളില്‍ കര്‍ശനമായി സംവരണ മാനദണ്ഡങ്ങള്‍ നടപ്പിലാക്കുവാന്‍ നടപടികള്‍

2840.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്ത് സര്‍ക്കാര്‍, പൊതുമേഖലാ സ്ഥാപനങ്ങളിലും വിദ്യാഭ്യാസ സ്ഥാപനങ്ങളിലും പി.എസ്.സി. വഴിയോ എംപ്ലോയ്മെന്റ് എക്സ്ചേഞ്ച് മുഖേനയോ ജീവനക്കാരെയും അധ്യാപകരെയും നിയമിക്കാതെ കരാര്‍/ദിവസക്കൂലി നിയമനങ്ങള്‍ നടത്തുന്നതിനാല്‍ പട്ടികജാതി വിഭാഗക്കാര്‍ക്ക് അര്‍ഹമായ തൊഴില്‍ സംവരണത്തിനുള്ള അവസരം നിഷേധിക്കപ്പെടുന്ന വിവരം അറിയുമോ;

(ബി)	പി.എസ്.സി./എംപ്ലോയ്മെന്റ് എക്സ്ചേഞ്ച് മുഖേനയല്ലാതെയുള്ള നിയമനങ്ങള്‍ ഒഴിവാക്കുവാനും അല്ലാത്തപക്ഷം കരാര്‍/ദിവസക്കൂലി നിയമനങ്ങളില്‍ കര്‍ശനമായി സംവരണ മാനദണ്ഡങ്ങള്‍ നടപ്പിലാക്കുവാനും നടപടികള്‍ സ്വീകരിക്കുമോ?

വിജ്ഞാന്‍ വാടി നിര്‍മ്മാണം

2841.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ചാലക്കുടി മണ്ഡലത്തില്‍ കൊരട്ടി പഞ്ചായത്തിലെ സ്നേഹ നഗര്‍ കോളനിയില്‍ വിജ്ഞാന്‍വാടി കേന്ദ്രം നിര്‍മ്മിക്കുന്നതിനായി അനുമതി ലഭിച്ച് വര്‍ഷങ്ങള്‍ പിന്നിട്ടിട്ടും ഇനിയും നിര്‍മ്മാണം ആരംഭിയ്ക്കാത്തത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	പട്ടികജാതി കോളനികളിലെ അടിസ്ഥാന വര്‍ഗ്ഗത്തിനായി അനുവദിച്ച ഈ പദ്ധതിയുടെ നിര്‍മ്മാണം ഇനിയും ആരംഭിയ്ക്കാന്‍ കഴിയാത്തത് എന്തുകൊണ്ടാണ് എന്ന് വ്യക്തമാക്കാമോ;

(സി)	ഉടന്‍ നിര്‍മ്മാണം ആരംഭിയ്ക്കുന്നതിനായി അടിയന്തിര നടപടികള്‍ സ്വീകരിക്കുമോ?

പിന്നോക്ക വിദ്യാര്‍ത്ഥികള്‍ക്ക് വിദേശ പഠനത്തിന് സഹായം

2842.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, ഷാഫി പറമ്പില്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പിന്നോക്ക വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് വിദേശ പഠനത്തിനായി സഹായം നല്‍കുന്ന എന്തെങ്കിലും പദ്ധതികള്‍ നിലവിലുണ്ടോ;

(ബി)	ഉണ്ടെങ്കില്‍ പ്രസ്തുത പദ്ധതി ആരംഭിച്ചത് ഏത് വര്‍ഷത്തിലാണ്;

(സി)	ഈ പദ്ധതിയിലൂടെ എത്ര പേര്‍ക്ക് ധനസഹായം നല്‍കിയിട്ടുണ്ട്;

(ഡി)	ഒരു വിദ്യാര്‍ത്ഥിക്ക് എത്ര രൂപയാണ് ധനസഹായമായി നല്‍കുന്നത് ?

കൊയിലാണ്ടി മണ്ഡലത്തില്‍ മാതൃകാ കോളനി വികസന പദ്ധതി

2843.

(എ)	പട്ടികജാതി വകുപ്പി൯ കീഴില്‍ കൊയിലാണ്ടി നിയോജക മണ്ഡലത്തില്‍ ഏതെല്ലാം കോളനികളാണ് മാതൃകാ കോളനി വികസ‌ന പദ്ധതിയില്‍ ഉള്‍പ്പെടുത്തിയിട്ടുളളത്;

(ബി)

അടിസ്ഥാന സൗകര്യ വികസനത്തിന് ഈ കോളനികളില്‍ ഇതുവരെ നടത്തിയിട്ടുളള പ്രവ൪ത്തനങ്ങളുടെ വിശദ വിവരം ലഭ്യമാക്കാമോ; മൂടാടി പഞ്ചായത്തിലെ വലിയമല കോളനിയില്‍ പദ്ധതി നടപ്പാക്കുന്നതില്‍ പട്ടികജാതി ജില്ലാ വികസന ഒാഫീസില്‍ നിന്നുളള മേല്‍നോട്ടവും ഇടപെടലും ഫലപ്രദമല്ല എന്നത് ശ്രദ്ധയില്‍പ്പെട്ടിട്ടുണ്ടോ; ഇത് സംബന്ധിച്ച് മു൯ നിയമസഭാ സമ്മേളനങ്ങളില്‍ പ്രശ്നം ഉന്നയിച്ചിട്ടും വകുപ്പില്‍ നിന്ന് സമയബന്ധിതമായി പദ്ധതി നടപ്പിലാക്കുന്നതില്‍ കുറ്റകരമായ അനാസ്ഥയുണ്ടാവുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	മണ്ഡലത്തിലെ മാതൃകാ കോളനി വികസന പദ്ധതി എന്ന് പൂ൪ത്തികരിക്കുമെന്ന് വ്യക്തമാക്കുമോ?

പട്ടികജാതി ക്ഷേമ സഹകരണ സംഘങ്ങൾ

2844.

(എ)	ഈ സര്‍ക്കാര്‍ അധികാരത്തില്‍ വന്നതിനു ശേഷം സംസ്ഥാനത്ത് പട്ടികജാതി ക്ഷേമ സഹകരണ സംഘങ്ങളുടെ പുനരുദ്ധാരണത്തിനായി സ്വീകരിച്ച നടപടികള്‍ വിശദമാക്കാമോ;

(ബി)	പ്രസ്തുത ആവശ്യത്തിലേക്കായി എന്ത് തുക ചെലവഴിച്ചിട്ടുണ്ടെന്നും ഏതെല്ലാം സഹകരണ സംഘങ്ങള്‍ക്ക് അതിന്റെ പ്രയോജനം ലഭിച്ചുവെന്നും വ്യക്തമാക്കുമോ ;

(സി)	സാമ്പത്തികമായി പിന്നോക്കം നില്‍ക്കുന്ന സംഘങ്ങള്‍ക്ക് സര്‍ക്കാര്‍ മൂലധന നിക്ഷേപം വര്‍ദ്ധിപ്പിച്ച് കൂടുതല്‍ കാര്യക്ഷമമാക്കുവാനും പരമാവധി പട്ടികജാതി വിഭാഗക്കാര്‍ക്ക് പ്രയോജനം ലഭിക്കുവാനും നടപടികള്‍ സ്വീകരിക്കുമോ?

പട്ടികജാതി ദുര്‍ബല വിഭാഗങ്ങളുടെ ഉന്നമനത്തിനായി പുതിയ പദ്ധതികള്‍

2845.

ശ്രീ.സി.ദിവാകരന്‍ : താഴെ കാണുന്ന ചോദ്യത്തിന് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

പട്ടികജാതി വിഭാഗത്തിലെ ദുര്‍ബല വിഭാഗങ്ങളുടെ ഉന്നമനത്തിനായി പുതിയതായി പ്രഖ്യാപിച്ച പദ്ധതികള്‍ ഏതെല്ലാം; പ്രസ്തുത പദ്ധതിക്കായി കഴിഞ്ഞ വര്‍ഷവും ഈ വര്‍ഷവും എത്ര തുകയാണ് നീക്കിവച്ചത് ; ഇതില്‍ ചെലവായ തുക എത്രയാണെന്ന് അറിയിക്കാമോ?

പട്ടികജാതി കോളനികളുടെ സമഗ്ര വികസന പദ്ധതി

2846.

(എ)

സംസ്ഥാനത്ത് പട്ടികജാതി കോളനികളുടെ സമഗ്ര വികസന പദ്ധതി പ്രകാരം 2013-14 വര്‍ഷം എത്ര നിയോജകമണ്ഡലങ്ങളില്‍ പദ്ധതി പ്രവര്‍ത്തനം പൂര്‍ത്തിയായിട്ടുണ്ടെന്നും ഓരോ പദ്ധതിയിലും എത്ര തുക വിതം ചെലവായിട്ടുണ്ടെന്നും അവ ഓരോന്നും എത് ഏജന്‍സികള്‍ വഴിയാണ് നടപ്പിലാക്കിയതെന്നും ജില്ല തിരിച്ച് വിശദാംശങ്ങള്‍ ലഭ്യമാക്കാമോ;

(ബി)	ഏതെല്ലാം മണ്ഡലങ്ങളിലാണ് പദ്ധതി പൂര്‍ത്തിയാകാതെ അവശേഷിക്കുന്നതെന്നും പൂര്‍ത്തിയാകാതിരിക്കുവാനുള്ള കാലതാമസത്തിന് കാരണങ്ങളെന്താണെന്നും വ്യക്തമാക്കാമോ;

(സി)	2014-15 വര്‍ഷം പ്രസ്തുത പദ്ധതി കാലതാമസം കൂടാതെ നടപ്പിലാക്കുവാന്‍ സ്വീകരിച്ച നടപടികള്‍ എന്തെല്ലാമാണെന്ന് പറയാമോ?

പട്ടികജാതി വിഭാഗങ്ങളിൽ നിന്നും മതപരിവർത്തനത്തിലൂടെ ക്രെെസ്തവരായവരുടെ ആനുകൂല്യങ്ങൾ

T *2847.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി ക്രെെസ്തവരെ മതപരിഗണന കൂടാതെ പട്ടികജാതി ലിസ്റ്റില്‍ ഉള്‍പ്പെടുത്തുവാന്‍ നടപടി സ്വീകരിക്കുമാേ;

(ബി)	പട്ടികജാതി ക്രെെസ്തവരുടെ വിദ്യാഭ്യാസാനുകൂല്യങ്ങള്‍ എസ്.സി./എസ്.റ്റി. കുട്ടികളുടേതിനു തുല്യമാക്കുന്നതിനുള്ള പ്രധാനതടസ്സം എന്താണെന്ന് വ്യക്തമാക്കുമാേ;

(സി)	ഇത്തരം കുട്ടികള്‍ക്ക് സര്‍ക്കാര്‍ ഇപ്പാേള്‍ നല്‍കുന്ന ആനുകൂല്യങ്ങള്‍ ഏതെല്ലാമാണെന്നു വ്യക്തമാക്കുമാേ?

അമ്പലപ്പുഴ മണ്ഡലത്തിലെ പട്ടികജാതി വികസന പദ്ധതികള്‍

2848.

ശ്രീ.ജി.സുധാകരന്‍ : താഴെ കാണുന്ന ചോദ്യത്തിന് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നശേഷം പട്ടികജാതി വകുപ്പ് അമ്പലപ്പുഴ മണ്ഡലത്തില്‍ ഏറ്റെടുത്തിട്ടുള്ള വികസന പദ്ധതികള്‍ ഏതെല്ലാമാണ്; പ്രസ്തുത പദ്ദതികൾക്ക്എത്ര തുക അനുവദിച്ചു; പദ്ധതികളുടെ പ്രവര്‍ത്തന പുരോഗതി വിശദമാക്കാമോ?

പട്ടികജാതി വിഭാഗക്കാരുടെ വിവിധ വായ്പകള്‍ എഴുതി തള്ളുന്നത് സംബന്ധിച്ച് ഇറങ്ങിയിട്ടുള്ള ഉത്തരവുകള്‍

2849.

ശ്രീ.വി.ശശി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗക്കാര്‍ വിവിധ സര്‍ക്കാര്‍/സര്‍ക്കാര്‍ നിയന്ത്രിത സ്ഥാപനങ്ങളില്‍ നിന്നും എടുത്തിട്ടുള്ള വിവിധ വായ്പകള്‍ എഴുതി തള്ളുന്നത് സംബന്ധിച്ച് നാളിതുവരെ ഇറങ്ങിയിട്ടുള്ള ഉത്തരവുകളുടെ പകര്‍പ്പ ലഭ്യമാക്കുമോ ;

(ബി)	പ്രസ്തുത വിഭാഗക്കാര്‍ എടുത്തിട്ടുള്ള വായ്പാ കുടിശ്ശികകള്‍ എന്നുവരെയുള്ളതാണ് എഴുതി തള്ളാന്‍ തീരുമാനിച്ചിട്ടുള്ളതെന്ന് വ്യക്തമാക്കാമോ ; വായ്പയ്ക്ക് പരിധി നിശ്ചയിച്ചിട്ടുണ്ടോ ; ഉണ്ടങ്കില്‍ എത്രയെന്ന് പറയാമോ ;

(സി)	2013-14 വര്‍ഷത്തില്‍ എത്ര തുക ഇൗ ഇനത്തില്‍ ചെലവഴിച്ചെന്നും എത്രപേര്‍ക്ക് ആനുകൂല്യം ലഭിച്ചെന്നും വ്യക്തമാക്കുമോ ?

പട്ടികജാതി റസിഡന്‍ഷ്യല്‍ സ്കൂളുകള്‍

2850.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ വാടകകെട്ടിടത്തില്‍ പ്രവര്‍ത്തിക്കുന്ന എത്ര പട്ടികജാതി റസിഡന്‍ഷ്യല്‍ സ്കൂളുകള്‍ ഉണ്ട് ; ഇതിന്റെ വാടകയിനത്തില്‍ പ്രതിവര്‍ഷം എത്ര രൂപയാണ് നല്‍കിക്കൊണ്ടിരിക്കുന്നത് ;

(ബി)	കോഴിക്കോട് ജില്ലയില്‍ പട്ടികജാതി വകുപ്പിന് കീഴില്‍ എത്ര ഏക്കര്‍ ഭൂമി റസിഡന്‍ഷ്യല്‍ സ്കൂളിനായി കൈവശമുണ്ട് ;

(സി)	എങ്കില്‍ പ്രസ്തുത സ്ഥലത്ത് സ്കൂള്‍ കെട്ടിടം നിര്‍മ്മിക്കാന്‍ നടപടി സ്വീകരിക്കുമോ ?

പട്ടികജാതി ക്ഷേമത്തിനുള്ള പദ്ധതി വിഹിതം

2851.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി -വര്‍ഗ്ഗ ക്ഷേമത്തിന് പഞ്ചായത്തുകള്‍ നടപ്പിലാക്കുന്ന പദ്ധതികള്‍ മുടങ്ങിയത് ശ്രദ്ധയില്‍പ്പെട്ടിട്ടുണ്ടോ;

(ബി)	പട്ടികജാതിക്ഷേമ പദ്ധതികളുടെ നിര്‍വ്വഹണ ചുമതല മാറ്റിയത് ശ്രദ്ധയില്‍പ്പെട്ടിട്ടുണ്ടോ;

(സി)	ചുമതലപ്പെട്ട ഉദ്യോഗസ്ഥര്‍ക്ക് ട്രഷറി ഇടപാട് നടത്തുന്നതിനുള്ള ഡി.ഡി.ഒ. കോഡ് നല്കിയിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ അത് നല്കുന്നതിന് ആവശ്യമായ നടപടി സ്വീകരിക്കുമോ;

(ഡി)	നടപ്പു സാമ്പത്തികവര്‍ഷം പട്ടികജാതി ക്ഷേമത്തിനുള്ള പദ്ധതി വിഹിതം എത്രയെന്നു വ്യക്തമാക്കുമോ;

(ഇ)	ഈ തുക നടപ്പു സാമ്പത്തിക വര്‍ഷം വിനിയോഗിക്കുന്നതിനുള്ള നടപടികള്‍ സ്വീകരിക്കുമോ?

പട്ടികജാതി വിഭാഗക്കാര്‍ക്ക് വിവിധ ആനുകൂല്യങ്ങള്‍

2852.

(എ)

പട്ടികജാതി വിഭാഗക്കാര്‍ക്ക് ചികിത്സാധനസഹായം , ടോയ്‍ലറ്റ്, സ്വയംതൊഴില്‍, ലംപ്സ്ംഗ്രാന്റ്, സ്കോളര്‍ഷിപ്പ്, ഭവനനിര്‍മ്മാണം, ഭവന പുനരുദ്ധാരണം, ഭൂരഹിത പദ്ധതി, അഭിഭാഷക ധനസഹായം, പ്രവേശന പരീക്ഷാ പരിശീലനം എന്നീ ആനുകൂല്യങ്ങള്‍ക്കായി 2010-11, 2011-12, 2012-13, 2013-14, 2014-15 വര്‍ഷങ്ങളില്‍ ഓരോ ഇനത്തിലും നീക്കിവച്ച തുക എത്രയെന്നും അതില്‍ എത്ര തുക ചെലവഴിച്ചുവെന്നും വ്യക്താക്കുമോ;

(ബി)	മേല്‍ ഇനത്തില്‍ തിരുവന്തപുരം ജില്ലയില്‍ ഓരോ വര്‍ഷവും എത്ര അപേക്ഷകള്‍ ഉണ്ടായിരുന്നുവെന്നും എത്ര പേര്‍ക്ക് ആനുകൂല്യം നല്‍കിയെന്നും വര്‍ഷം തിരിച്ചുള്ള കണക്ക് ലഭ്യമാക്കുമോ;

(സി)	ഓരോ ഇനത്തിലും ഏതെല്ലാം അപേക്ഷകള്‍ എന്തിന്റെ അടിസ്ഥാനത്തില്‍ നിരസിച്ചുവെന്ന് വ്യക്തമാക്കുമോ?

പട്ടികജാതി യുവാക്കള്‍ക്കുള്ള വിദേശ തൊഴില്‍ പദ്ധതി

2853.

പട്ടികജാതി യുവാക്കള്‍ക്ക് അംഗീകൃത ഏജന്‍സികള്‍ വഴി വിദേശത്ത് തൊഴില്‍ നേടുന്ന പദ്ധതി പ്രകാരം 2014-15 -ല്‍ എത്ര പേര്‍ക്ക് തൊഴില്‍ ലഭ്യമാക്കി; ഈയിനത്തില്‍ എത്ര തുക ചിലവഴിച്ചുവെന്ന് വ്യക്തമാക്കാമോ; 2014-15 ല്‍ എത്ര തുകയാണ് ഈ പദ്ധതിക്കായി നീക്കിവച്ചിട്ടുള്ളത്?

പട്ടികജാതി വകുപ്പിനുകീഴിലുള്ള പ്രീമെട്രിക്ആന്റ് പോസ്റ്റ് മെട്രിക് ഹോസ്റ്റലുകൾ

2854.

(എ)	പട്ടികജാതി വകുപ്പിനുകീഴില്‍ സംസ്ഥാനത്തു പ്രവര്‍ത്തിക്കുന്ന പ്രീമെട്രിക് ആന്റ് പോസ്റ്റ് മെട്രിക് ഹോസ്റ്റലുകളുടെ വിശദാംശങ്ങള്‍ ജില്ലാ അടിസ്ഥാനത്തില്‍ വിശദമാക്കുമോ ;

(ബി)	ഇൗ ഹോസ്റ്റലുകളുടെ പ്രവര്‍ത്തനത്തിന് 2013‌-14, 2014‌-15 കാലയളവില്‍ പട്ടികജാതി വകുപ്പില്‍ നിന്നും അനുവദിച്ച തുകയുടെ വിശദാംശങ്ങള്‍ ലഭ്യമാക്കുമോ ;

(സി)	ചെലവഴിച്ച തുകയുടെ വിശദമായ കണക്ക് ലഭ്യമാക്കുമോ ; അനുവദിച്ച തുക ചെലവഴിക്കാതിരുന്നതിന്റെ കാരണം വ്യക്തമാക്കുമോ ?

പട്ടികജാതി വിഭാഗക്കാര്‍ക്കുള്ള ഭൂമി വിതരണം

2855.

ശ്രീ.കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭൂരഹിതരായ പട്ടികജാതി വിഭാഗക്കാര്‍ക്ക് 2014-ല്‍ വിതരണം ചെയ്ത ഭൂമിയുടെ കണക്ക് ജില്ല തിരിച്ച് വ്യക്തമാക്കുമോ;

(ബി)	ഭൂരഹിതരായ പട്ടികജാതി വിഭാഗക്കാര്‍ക്ക് അവര്‍ അധിവസിക്കുന്ന ജില്ല വിട്ട് മറ്റ് ജില്ലകളിലേക്ക് ഭൂമി കണ്ടെത്തി നല്‍കുന്നത് പ്രസ്തുത വിഭാഗക്കാര്‍ക്ക് ഏറെ ബുദ്ധിമുട്ടുണ്ടാക്കുന്നതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ;

(സി)	2014 -ലെ ഭൂരഹിതരായ പട്ടികജാതി വിഭാഗക്കാരുടെ അപേക്ഷകളുടെ കണക്ക് ജില്ല തിരിച്ച് എത്രയെന്ന് വ്യക്തമാക്കുമോ?

പട്ടികജാതി വിഭാഗത്തിൽപ്പെടുന്ന സമര്‍ത്ഥരായ വിദ്യാര്‍ത്ഥികള്‍ക്ക് പ്രോത്സാഹനം

2856.

(എ)	പട്ടികജാതി വിഭാഗത്തിൽപ്പെടുന്ന സമര്‍ത്ഥരായ വിദ്യാര്‍ത്ഥികള്‍ക്ക് പ്രോത്സാഹനം നല്‍കുന്ന പദ്ധതിയുടെ വിശദാംശം വെളിപ്പെടുത്തുമോ ;

(ബി)	പ്രസ്തുത പദ്ധതിയിന്‍ കീഴില്‍ 2013-14 വര്‍ഷം എത്ര വിദ്യാര്‍ത്ഥികള്‍ക്ക് പ്രയോജനം ലഭിച്ചുവെന്ന് കോഴ്സ് അടിസ്ഥാനത്തില്‍ വെളിപ്പെടുത്താമോ ;

(സി)	ഇൗ പദ്ധതിക്കായി 2014-15 വര്‍ഷം നീക്കി വച്ചിട്ടുള്ള തുക ഏത്രയെന്നും നാളിതുവരെയുള്ള ചെലവ് എത്രയെന്നും വെളിപ്പെടുത്താമോ ;

(ഡി)	2014-15 വര്‍ഷം തിരുവനന്തപുരം ജില്ലയില്‍ എത്ര തുക വിതരണം ചെയ്തു ; ശേഷിക്കുന്ന തുകയെത്ര ;

(ഇ)	ചിറയിന്‍കീഴ്, തിരുവനന്തപുരം താലൂക്കുകളിൽ ഓരോ കോഴ്സിനും മികവ് തെളിയിച്ച വിദ്യാര്‍ത്ഥികള്‍ക്ക് നല്‍കിയ തുക എത്രയെന്ന് കുട്ടികളുടെ പേരും സ്ഥാപനങ്ങളുടെ പേരും സഹിതം വ്യക്തമാക്കുമോ ?

പട്ടികജാതി വിഭാഗത്തിൽപ്പെട്ടവരുടെ വായ്പകള്‍ എഴുതിത്തള്ളുന്നതിന് നടപടി

2857.

(എ)	ഈ സര്‍ക്കാര്‍ അധികാരത്തിൽ വന്നതിന് ശേഷം വിവിധ ധനകാര്യ സ്ഥാപനങ്ങളില്‍ നിന്നും പട്ടികജാതിക്കാര്‍ എടുത്തിട്ടുള്ള വായ്പകള്‍ എഴുതിത്തള്ളുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(ബി)	ഇപ്പോള്‍ എത്ര രൂപ വരെയുള്ള വായ്പകളാണ് എഴുതിത്തള്ളുന്നത്; എന്നുവരെ കുടിശ്ശികയായവര്‍ക്കാണ് പ്രസ്തുത ആനുകൂല്യം നല്‍കുന്നത്; ഏതെല്ലാം ധനകാര്യ സ്ഥാപനങ്ങളില്‍ നിന്നും വായ്പ എടുത്തവര്‍ക്കാണ് ഈ ആനുകൂല്യം ലഭിക്കുന്നത്;

(സി)	ഈ സര്‍ക്കാര്‍ അധികാരത്തിൽ വന്നതിന് ശേഷം എത്ര എസ്.സി വിഭാഗങ്ങളുടെ വായ്പകള്‍ എഴുതിതള്ളിയിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കുമോ;

(ഡി)	ഇതിനായി ഈ സര്‍ക്കാര്‍ എത്ര രൂപ വകയിരുത്തിയിട്ടുണ്ട്; ഇതില്‍ എത്ര രൂപ ഇതുവരെ ചെലവഴിച്ചു?

പട്ടികജാതി വിഭാഗത്തില്‍പ്പെട്ടവരുടെ ചികില്‍സാ ധനസഹായം

2858.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, ജോസഫ് വാഴയ്ക്കൻ
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗത്തില്‍പ്പെട്ടവര്‍ക്ക് ചികില്‍സാ ധനസഹായം നല്‍കുന്ന പദ്ധതി പ്രകാരം എത്ര രൂപയാണ് ഒരാള്‍ക്ക് നല്‍കി വരുന്നത് ; വിശദമാക്കുമോ ;

(ബി)	എത്ര പേര്‍ക്കാണ് പദ്ധതി പ്രകാരം ധനസഹായം നല്‍കി വരുന്നത്; വിശദമാക്കുമോ ;

(സി)	മുന്‍സര്‍ക്കാരിന്റെ കാലത്ത് എത്ര രൂപയാണ് നല്‍കിയിരുന്നത് ; വിശദാംശങ്ങള്‍ എന്തെല്ലാം ;

(ഡി)	ഇൗ തുക അപര്യാപ്തമാണെന്നത് ശ്രദ്ധയില്‍പെട്ടിട്ടുണ്ടോ ; വിശദമാക്കുമോ ;

(ഇ)	ഉണ്ടെങ്കില്‍ എത്ര രൂപ വര്‍ദ്ധിപ്പിക്കാനാണ് ഉദ്ദേശിക്കുന്നത് ?

പട്ടികജാതി വിദ്യാര്‍ത്ഥികള്‍ക്കുള്ള വിദ്യാഭ്യാസ ആനുകൂല്യങ്ങള്‍

2859.

ശ്രീ.വി.പി.സജീന്ദ്രന്‍
,, ഐ.സി.ബാലകൃഷ്ണന്‍
,, എ.പി.അബ്ദുള്ളക്കുട്ടി
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതിക്കാരായ വിദ്യാര്‍ത്ഥികള്‍ക്ക് നല്‍കി വരുന്ന വിദ്യാഭ്യാസ ആനുകൂല്യങ്ങള്‍ എന്തൊക്കെയാണെന്ന് വ്യക്തമാക്കാമോ;

(ബി)	പട്ടികജാതിവിഭാഗത്തില്‍പ്പെടുന്ന വിദ്യാര്‍ത്ഥികള്‍ക്ക് നല്‍കിവന്നിരുന്ന വിദ്യാഭ്യാസ ആനുകൂല്യങ്ങള്‍ ഈ സര്‍ക്കാര്‍ അധികാരത്തില്‍ വന്നതിനുശഷം വര്‍ദ്ധിപ്പിച്ചിട്ടുണ്ടോ; എങ്കില്‍ വിശദാംശങ്ങള്‍ വെളിപ്പെടുത്താമോ;

(സി)	പട്ടികജാതി വിദ്യാര്‍ത്ഥികള്‍ക്ക് വിദ്യാഭ്യാസ ആനുകൂല്യങ്ങള്‍ നല്‍കുന്നതിനായി 2011-12, 2012-13, 2013-14, വര്‍ഷങ്ങളില്‍ എന്ത് തുക ചെലവഴിച്ചിട്ടുണ്ട്;

(ഡി)	2013-14 സാമ്പത്തിക വര്‍ഷം യഥാസമയം അപേക്ഷകള്‍ സമര്‍പ്പിച്ചതിൽ ഏതെങ്കിലും വിദ്യാര്‍ത്ഥികള്‍ക്ക് വിദ്യാഭ്യാസ ആനുകൂല്യങ്ങള്‍ വിതരണം ചെയ്യാന്‍ അവശേഷിക്കുന്നുണ്ടോ; എങ്കില്‍ എത്ര പേര്‍ക്ക്?

പട്ടികജാതി വിഭാഗത്തില്‍പ്പെട്ടവര്‍ക്ക് വിവാഹ ധനസഹായം

2860.

ശ്രീ.വി.പി.സജീന്ദ്രന്‍
,, ഐ.സി.ബാലകൃഷ്ണന്‍
,, കെ.മുരളീധരന്‍
,, തേറമ്പില്‍ രാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗത്തില്‍പ്പെട്ടവര്‍ക്ക് വിവാഹ ധനസഹായം നല്‍കുന്ന പദ്ധതി പ്രകാരം ഒരു വ്യക്തിയ്ക്ക് എത്ര രൂപയാണ് നല്‍കി വരുന്നത്; വിശദമാക്കുമോ;

(ബി)	ഇതിനായി മുന്‍ സര്‍ക്കാരിന്റെ കാലത്ത് എത്ര രൂപയാണ് നല്‍കിയിരുന്നത്; വിശദാംശങ്ങള്‍ എന്തെല്ലാം;

(സി)	ഇപ്പോൾ നല്കി വരുന്ന തുക അപര്യാപ്തമാണെന്ന് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(ഡി)	ഉണ്ടെങ്കില്‍ എത്ര രൂപ വര്‍ദ്ധിപ്പിക്കാനാണ് ഉദ്ദേശിക്കുന്നതെന്നു വ്യക്ത മാക്കാമോ?

പട്ടികജാതി വിഭാഗത്തില്‍പ്പെട്ടവര്‍ക്ക് മിശ്ര വിവാഹധനസഹായം

2861.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, റ്റി.എന്‍. പ്രതാപന്‍
,, എം.എ. വാഹീദ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗത്തില്‍പ്പെട്ടവര്‍ക്ക് മിശ്ര വിവാഹത്തിനായി ധനസഹായം നല്‍കുന്ന പദ്ധതി പ്രകാരം ഒരു വ്യക്തിയ്ക്ക് എത്ര രൂപയാണ് നല്‍കി വരുന്നത്; വിശദമാക്കുമോ;

(ബി)	ഇതിനായി മുന്‍ സര്‍ക്കാരിന്റെ കാലത്ത് എത്ര രൂപയാണ് നല്‍കി വന്നിരുന്നത്; വ്യക്തമാക്കുമോ;

(സി)	ഇപ്പോൾ നല്കി വരുന്ന തുക അപര്യാപ്തമാണെന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(ഡി)	എങ്കില്‍ എത്ര രൂപ വര്‍ദ്ധിപ്പിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

പട്ടികജാതി/ഒ.ഇ.സി. കുട്ടികള്‍ക്കു സര്‍ക്കാര്‍ ഗ്രാന്റ്

2862.

ശ്രീ.റോഷി അഗസ്റ്റിന്‍
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ്
ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി/ഒ.ഇ.സി. കുട്ടികള്‍ക്കു പഠന കാലയളവില്‍ സര്‍ക്കാരില്‍ നിന്ന് അനുവദിക്കുന്ന സാമ്പത്തിക ആനുകൂല്യങ്ങള്‍ എന്തെല്ലാമാണ്;

(ബി)	സംസ്ഥാനത്തെ കായിക വിദ്യാഭ്യാസ പരിശീലന കലാലയങ്ങളില്‍ പഠിക്കുന്ന എസ്.സി./ഒ.ഇ.സി. വിഭാഗത്തില്‍പ്പെട്ട കുട്ടികള്‍ക്ക് സര്‍ക്കാര്‍ ഗ്രാന്റ് നല്‍കുന്നുണ്ടോ;

(സി)	എങ്കില്‍ ഇപ്രകാരമുള്ള എത്ര കലാലയങ്ങളില്‍ നിലവില്‍ ഗ്രാന്റ് അനുവദിക്കുന്നുണ്ട്; വ്യക്തമാക്കുമോ;

(ഡി)	സര്‍ക്കാര്‍ ഗ്രാന്റ് ലഭിക്കാന്‍ തടസ്സം നേരിടുന്ന കായിക വിദ്യാഭ്യാസ പരിശീലന കലാലയങ്ങള്‍ സംസ്ഥാനത്തുണ്ടോ; വ്യക്തമാക്കുമോ?

സംസ്ഥാനത്തെ പട്ടികജാതി ലിസ്റ്റ്

2863.

ശ്രീ.കെ.അജിത് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ ഏതൊക്കെ ജാതികളാണ് പട്ടികജാതി ലിസ്റ്റില്‍ ഉള്‍പ്പെട്ടിട്ടുള്ളതെന്നും കഴിഞ്ഞ 10 വര്‍ഷത്തിനിടയില്‍ പുതിയതായി ഏതെങ്കിലും ജാതിയെ പട്ടിക ജാതിയില്‍ ഉള്‍പ്പെടുത്തിയിട്ടുണ്ടോ എന്നും വ്യക്തമാക്കുമോ;

(ബി)	ഈ സര്‍ക്കാര്‍ അധികാരത്തില്‍ വന്നു കഴിഞ്ഞ മൂന്നു സാമ്പത്തിക വര്‍ഷങ്ങളിലും പട്ടികജാതി വിഭാഗങ്ങളുടെ ക്ഷേമത്തിനായി എന്ത് തുക വീതമാണ് വകയിരുത്തിയതെന്നും ഇതില്‍ എന്ത് തുക വീതം ചെലവഴിച്ചിട്ടുണ്ടെന്നും വ്യക്തമാക്കുമോ;

(സി)	ഈ സര്‍ക്കാര്‍ അധികാരമേറ്റതിനു ശേഷം പട്ടികജാതി ക്ഷേമത്തിനായി വകയിരുത്തിയ തുക വകമാറ്റി ചെലവഴിച്ചിട്ടുണ്ടോയെന്നറിയിക്കുമോ ?

സര്‍ക്കാര്‍ സര്‍വ്വീസില്‍ പട്ടികജാതിക്കാര്‍ക്കുള്ള സംവരണം

2864.

ശ്രീ.എം.വി.ശ്രേയാംസ്‌ കുമാര്‍
ഡോ.എന്‍. ജയരാജ്
ശ്രീ.പി.സി. ജോര്‍ജ്
,, റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയാടിസ്ഥാനത്തില്‍ സര്‍ക്കാര്‍ സര്‍വ്വീസില്‍ പട്ടികജാതിക്കാര്‍ക്കുള്ള സംവരണം എത്ര ശതമാനമാണെന്ന് അറിയാമോ ;

(ബി)	സംസ്ഥാന സര്‍ക്കാര്‍ സര്‍വ്വീസില്‍ പട്ടികജാതിക്കാര്‍ക്കുള്ള സംവരണം എത്ര ശതമാനമാണെന്ന് വ്യക്തമാക്കുമോ?

(സി)	സംസ്ഥാനത്ത് സംവരണതസ്തികകള്‍ നിയമനം നടക്കാതെ ഒഴിഞ്ഞുകിടക്കുന്നുണ്ടോയെന്ന് വ്യക്തമാക്കുമോ;

(ഡി)	ഇപ്രകാരം ഒഴിഞ്ഞുകിടക്കുന്ന തസ്തികകളില്‍ നിയമനം നടത്തുന്നതിന് നടപടി സ്വീകരിക്കുമോ?

വിജ്ഞാന്‍വാടി പദ്ധതി

2865.

ശ്രീ.കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ഓരോ നിയോജക മണ്ഡലത്തിലെയും ഒരു എസ്.സി. കോളനിയില്‍ വീതം നടപ്പിലാക്കിയ വിജ്ഞാന്‍വാടി പദ്ധതി ഓരോ പഞ്ചായത്തുകളിലും നടപ്പാക്കുന്നതിനുള്ള നടപടി സ്വീകരിക്കുമോ;

(ബി)	നിലവില്‍ അനുവദിച്ചിട്ടുള്ള വിജ്ഞാന്‍വാടികളുടെ പ്രവര്‍ത്തനം മെച്ചപ്പെടുത്തുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത് ; വിശദാംശം നല്‍കാമോ?

സ്വയംപര്യാപ്ത പട്ടികജാതി കോളനി പദ്ധതി

2866.

ശ്രീ.കെ.വി.അബ്ദുള്‍ ഖാദര്‍
,, കെ.വി.വിജയദാസ്
,, ബി.സത്യന്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സ്വയംപര്യാപ്ത പട്ടികജാതി കോളനി പദ്ധതിയുടെ പുരോഗതി അറിയിക്കാമോ;

(ബി)	പദ്ധതി ലക്ഷ്യം നേടിയോ; ഇല്ലെങ്കില്‍ അതിന്റെ കാരണം വിശകലനം നടത്തിയിരുന്നോ;

(സി)	പ്രസ്തുത പദ്ധതിക്കായി എത്ര തുകയാണ് നീക്കിവെച്ചിരിക്കുന്നതെന്നും ഇതുവരെ ചെലവഴിച്ച തുകയുടെയും വിശദവിവരം നല്‍കുമോ; പദ്ധതി എന്നത്തേയ്ക്ക് പൂര്‍ത്തീകരിക്കാനാണ് ലക്ഷ്യമിട്ടിരിക്കുന്നത്?

പട്ടികജാതിയില്‍പ്പെട്ട യുവതികള്‍ക്കുളള വിവാഹ ധനസഹായം

2867.

ശ്രീ.കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതിയില്‍പ്പെട്ട യുവതികള്‍ക്കുളള വിവാഹ ധനസഹായം ലഭിക്കുന്നതിനുളള മാനദണ്ഡം വിശദമാക്കുമോ;

(ബി)	ഇതിനുളള അപേക്ഷ സമര്‍പ്പിക്കേണ്ടത് എവിടെയാണെന്നും ഈ അപേക്ഷയില്‍ സ്വീകരിക്കുന്ന നടപടികള്‍ എന്തെല്ലാമാണെന്നും വിശദീകരിക്കാമോ;

(സി)	എത്ര രൂപയാണ് ഇപ്പോള്‍ ധനസഹായമായി അനുവദിക്കുന്നത്; ഇത് വര്‍ദ്ധിപ്പിക്കുന്നതിന് നടപടി സ്വീകരിക്കുമോ;

(ഡി)	ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ വാമനപുരം നിയോജകമണ്ഡലത്തിലെ എത്ര എസ്.സി. യുവതികള്‍ക്ക് പ്രസ്തുത സഹായം നല്‍കിയിട്ടുണ്ടെന്നുളള പ‍ഞ്ചായത്ത് തിരിച്ചുളള കണക്ക് നല്‍കുമോ?

സോഷ്യൽ ടൂറിസം പദ്ധതി

2868.

ശ്രീ.റ്റി.എന്‍. പ്രതാപന്‍
,, എം.പി.വിന്‍സെന്‍റ്
,, ലൂഡി ലൂയിസ്
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	സോഷ്യല്‍ ടൂറിസം പദ്ധതിക്ക് തുടക്കം കുറിച്ചിട്ടുണ്ടോ; വിശദമാക്കുമോ;

(ബി)	പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)	അന്യം നിന്ന് പോകുന്നതും അവഗണിക്കപ്പെടുന്നതുമായ കലാരൂപങ്ങള്‍ സംരക്ഷിക്കാന്‍ എന്തെല്ലാം കാര്യങ്ങളാണ് പദ്ധതിയില്‍ ഉള്‍പ്പെടുത്തിയിരിക്കുന്നത്;

(ഡി)	പദ്ധതി നടത്തിപ്പുമായി സഹകരിക്കുന്നവര്‍ ആരൊക്കെയാണ്; വിശദാംശങ്ങള്‍ ലഭ്യമാക്കുമോ?

ഡി .റ്റി. പി. സി. -യിലെ പ്രശ്നങ്ങൾ

2869.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)

സാമ്പത്തിക ബുദ്ധിമുട്ട് അനുഭവിക്കുന്ന ഡി .റ്റി .പി .സി. -യുടെ 2011-12 മുതല്‍ 2014-2015 വരെയുള്ള ലാഭം,ചെലവ്, വരുമാനം എന്നിവ വ്യക്തമാക്കാമോ; പുതിയതായി എത്ര പേര്‍ക്ക് ഇവിടെ നിയമനം നല്‍കിയിട്ടുണ്ട്; സാമ്പത്തിക ബാധ്യതയുള്ള സ്ഥാപനം നിയമനങ്ങള്‍ക്ക് പത്രപ്പരസ്യം നല്‍കാന്‍ എന്ത് തുക ചെലവഴിച്ചു ; നിയമനങ്ങള്‍ നല്‍കിയത് ആരാണ്; ഉത്തരവ് തീയതിയും യോഗ്യതയടങ്ങിയ വിവരങ്ങളുടെ പകര്‍പ്പുകളും നല്‍കാമോ; കൗണ്‍സില്‍ അനുമതി നല്‍കിയ മിനിട്സിന്‍െറ കോപ്പി നല്കുമോ ;

(ബി)

സാമ്പത്തിക അച്ചടക്കം പാലിച്ച് സ്ഥാപനത്തിന് വരുമാനം കണ്ടെത്തുന്നതിന് വേണ്ടി 2012-ൽ ശംഖുമുഖത്ത് നടത്തിയ "കടലോളം ഓണം" കാര്‍ണിവെല്‍ നഗരസഭ നികുതി ഒഴിവാക്കി നല്‍കുകയും വമ്പിച്ച വരുമാനം ലഭിക്കുകയും ചെയ്തിട്ടും സാമ്പത്തികനഷ്ടം സംഭവിച്ചിട്ടുണ്ടോ; ഇതു സംബന്ധിച്ച് അന്വേഷണം ആവശ്യപ്പെട്ട് പരാതി ലഭിച്ചിട്ടുണ്ടോ; സെക്രട്ടറിയുടെ പേരില്‍ ആരെങ്കിലും വിജിലന്‍സിന് പരാതി നല്‍കിയിട്ടുണ്ടോ; ഉണ്ടെങ്കില്‍ വ്യക്തമാക്കാമോ;

(സി)	ഡി.റ്റി.പി.സി. സെക്രട്ടറിയുടെ സാമ്പത്തിക ഇടപാടുകളും, ശംഖുമുഖത്തെ സുനാമി പാര്‍ക്ക്, കടല്കാണി ടൂറിസ്റ്റ് സൗധം, ആക്കുളം ടൂറിസ്റ്റ് വില്ലേജ് തുടങ്ങിയ കേന്ദ്രങ്ങളില്‍ നിന്നും ഉയര്‍ന്നുവന്ന പരാതികള്‍ പരിഹരിക്കാന്‍ എന്ത് നടപടികള്‍ സ്വീകരിച്ചിട്ടുണ്ട്;വ്യക്തമാക്കാമോ?

നാട്ടിക മണ്ഡലത്തിലെ സരയൂ ടൂറിസം പദ്ധതി

2870.

ശ്രീമതി.ഗീതാ ഗോപി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	നാട്ടിക മണ്ഡലത്തില്‍ ജില്ലാ ടൂറിസം പ്രൊമോഷന്‍ കൗണ്‍സിലിന്റെ സരയൂ ടൂറിസം പദ്ധതി പൂര്‍ത്തിയായിട്ടുണ്ടോ; ഇല്ലെങ്കില്‍ കാരണം വ്യക്തമാക്കുമോ;

(ബി)	പ്രസ്തുത പദ്ധതിയ്ക്ക് ആര്‍ക്കിയോളജി അനുമതി ലഭ്യമായിട്ടുണ്ടോ; ഇല്ലെങ്കില്‍ കാരണം വിശദമാക്കുമോ;

(സി)	ആര്‍ക്കിയോളജി വകുപ്പ് ആവശ്യപ്പെട്ട സരയൂ പദ്ധതി സംബന്ധിച്ച രേഖകള്‍ ജില്ലാ ടൂറസം പ്രൊമോഷന്‍ കൗണ്‍സില്‍ നല്കിയിട്ടുണ്ടോ; ഇല്ലെങ്കില്‍ കാരണം വിശദമാക്കുമോ?

കേരള ടൂറിസം ഇന്‍ഫ്രാസ്ട്രക്ചര്‍ ലിമിറ്റഡ്

2871.

ശ്രീ.എ. പ്രദീപ്കുമാര്‍
,, എം. ഹംസ
,, സാജു പോള്‍
,, ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കേരള ടൂറിസം ഇന്‍ഫ്രാസ്ട്രക്ചര്‍ ലിമിറ്റഡ് എന്ന കമ്പനിയുടെ പ്രവര്‍ത്തനം സംബന്ധിച്ചു വിശദ വിവരങ്ങൾ നല്കാമോ ; കമ്പനി നിലവില്‍ വന്നത് എന്നാണ്;

(ബി)	കമ്പനി നാളിതുവരെ ടൂറിസം അടിസ്ഥാന സൗകര്യ വികസന രംഗത്ത് എന്തെല്ലാം പ്രവര്‍ത്തനങ്ങള്‍ നടത്തിയിട്ടുണ്ട് ;

(സി)	പ്രസ്തുത കമ്പനി നിലവില്‍ നടത്തി വരുന്ന പദ്ധതികള്‍ ഏതാെക്കെ; കമ്പനി ലാഭത്തിലാണാേ നഷ്ടത്തിലാണാേയെന്ന വിശദാംശങ്ങള്‍ വെളിപ്പെടുത്താമാേ;

(ഡി)	ഭാവിയില്‍ എന്തൊക്കെ പ്രവര്‍ത്തനങ്ങളാണ് കമ്പനി ലക്ഷ്യമിടുന്നതെന്ന് വിശദമാക്കുമാേ?

താനൂർ ഒട്ടുമ്പ്രം ടൂറിസം പദ്ധതി

2872.

ശ്രീ.അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	താനൂര്‍ ഒട്ടുമ്പ്രം ടൂറിസം പദ്ധതിയുടെ രണ്ടാം ഘട്ട പ്രവര്‍ത്തനങ്ങള്‍ ഇപ്പോള്‍ ഏത് ഘട്ടത്തിലാണ്;

(ബി)	രണ്ടാം ഘട്ട പ്രവര്‍ത്തിയില്‍ എന്തെല്ലാം പദ്ധതികളാണ് ഉള്‍പ്പെടുത്തിയിട്ടുള്ളതെന്ന് വിശദമാക്കാമോ;

(സി)	പ്രസ്തുത പ്രവൃത്തി എന്നത്തേക്ക് പൂര്‍ത്തികരിക്കാനാകുമെന്ന് വെളിപ്പെടുത്താമോ?

ജഡായു പാറ ടൂറിസം പദ്ധതി

2873.

ശ്രീ.എ.എ.അസീസ്
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ജഡായുപാറ ടൂറിസം പദ്ധതിയില്‍ നടന്നു വരുന്ന നിര്‍മ്മാണ പ്രവര്‍ത്തനങ്ങള്‍ എന്തൊക്കെയാണ്;

(ബി)	ഈ പദ്ധതിയുടെ തുടര്‍ പ്രവര്‍ത്തനങ്ങള്‍ എന്തൊക്കെയാണ്;

(സി)	പദ്ധതി പൂര്‍ത്തിയാകുമ്പോള്‍ ഉണ്ടാകുന്ന നേട്ടങ്ങള്‍ എന്തൊക്കെയാണെന്ന് വ്യക്തമാക്കുമോ?

ഹൗസ്‍ ബോട്ട് വ്യവസായത്തിലെ തകർച്ച

2874.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ ഹൗസ് ബോട്ടു വ്യവസായത്തെ മദ്യനിരോധന നയവും ബാര്‍നിരോധന നയവും ഗുരുതരമായ രീതിയില്‍ ബാധിച്ചിട്ടുണ്ടെന്നുളള ഹൗസ് ബോട്ട് വ്യവസായികളുടെ നിവേദനം സര്‍ക്കാരിന് ലഭിച്ചിട്ടുണ്ടോ; എങ്കില്‍ വിശദമാക്കാമോ; ഇക്കാര്യത്തില്‍ സര്‍ക്കാര്‍ തീരുമാനം കൈകൊണ്ടിട്ടുണ്ടെങ്കില്‍ വിശദാംശം നല്‍കുമോ;

(ബി)	വലിയ തുക ബാങ്ക് വായ്പയെടുത്ത് തുടങ്ങിയ പ്രസ്തുത വ്യവസായം മുന്നോട്ടു കൊണ്ടുപോകാനാകുന്നില്ലെന്നും തവണകള്‍ അടയ്ക്കാന്‍ പോലും കഴിയുന്നില്ലെന്നും വ്യവസായികള്‍ അറിയിച്ചിട്ടുണ്ടോ ; എങ്കില്‍ വിശദീകരണം നല്‍കുമോ;

(സി)	മദ്യനിരോധന നയത്തെ ടൂറിസം വകുപ്പ് സ്വാഗതം ചെയ്യുന്നുണ്ടോ; എങ്കില്‍ എന്തുകൊണ്ട് ; ഇല്ലെങ്കില്‍ കാരണം വ്യക്തമാക്കുമോ?

ഇക്കോ ടൂറിസം പദ്ധതികൾ

2875.

(എ)	സംസ്ഥാനത്ത് നിലവില്‍ ഏതൊക്കെ ഇക്കോ ടൂറിസം പദ്ധതികളാണ് നിലവിലുളളതെന്ന് വ്യക്തമാക്കുമോ; ഓരോന്നിന്റെയും പ്രത്യേകതകള്‍ വ്യക്തമാക്കുമോ;

(ബി)	ഈ പദ്ധതികളിലേക്ക് കൂടുതല്‍ ടൂറിസ്റ്റുകളെ ആകര്‍ഷിക്കുന്നതിന് ആവിഷ്കരിച്ചിട്ടുളള കര്‍മ്മ പരിപാടികള്‍ എന്തൊക്കെയാണെന്ന് വ്യക്തമാക്കുമോ?

കൊല്ലം തിരുമുല്ലാവാരം ബീച്ച് വികസനം

2876.

ശ്രീ.പി.കെ.ഗുരുദാസന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം തിരുമുല്ലാവാരം ബീച്ച് വികസനം സംബന്ധിച്ച് എന്തെല്ലാം പദ്ധതികളാണ് നടപ്പിലാക്കുന്നത് എന്ന് വിശദമാക്കുമോ;

(ബി)	പ്രസ്തുത പദ്ധതിക്ക് അനുവദിച്ച തുകയുടെ വിനിയോഗം സംബന്ധിച്ച വിശദാംശം നല്കുമോ?

അരൂര്‍ -അരൂര്‍ക്കുറ്റിയിലെ ഹൗസ് ബോട്ട് ടെര്‍മിനൽ

2877.

ശ്രീ.എ.എം. ആരിഫ് : താഴെ കാണുന്ന ചോദ്യത്തിന് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

സര്‍ക്ക്യൂട്ട് ടൂറിസം പദ്ധതിയില്‍ ഉള്‍പ്പെടുത്തി അരൂര്‍ മണ്ഡലത്തിലെ അരൂര്‍ക്കുറ്റിയില്‍ നിര്‍മ്മിക്കുന്ന ഹൗസ് ബോട്ട് ടെര്‍മിനലിനോട് ചേര്‍ന്ന എക്സെെസ്, റവന്യൂ, ആരോഗ്യം എന്നീ വകുപ്പുകളുടെ കീഴിലുള്ള സ്ഥലങ്ങള്‍ കാടു പിടിച്ചു കിടക്കുന്ന കാര്യം ശ്രദ്ധയില്‍പെട്ടിട്ടുണ്ടോ ; ഇൗ സ്ഥലത്ത് ലാന്‍റ് സ്കേപ്പിംഗ് നടത്തി ഒരു പാര്‍ക്ക് സ്ഥാപിക്കുകയാണെങ്കില്‍ മാത്രമേ ബോട്ട് ടെര്‍മിനല്‍ കൊണ്ട് ഉദ്ദേശിച്ച പ്രയോജനം ലഭിക്കുകയുള്ളു എന്നുള്ള വിവരം ശ്രദ്ധയില്‍പെട്ടിട്ടുണ്ടോ ; എങ്കില്‍ വിവിധ വകുപ്പുകളുടെ കൈവശം ഉള്ള സ്ഥലങ്ങൾ ടൂറിസം വകുപ്പിന് ലഭ്യമാക്കി ഒരു പാര്‍ക്ക് നിര്‍മ്മിക്കുന്നതിനുള്ള നടപടികള്‍ സ്വീകരിക്കുമോ ?

ജില്ലാ ടൂറിസം പ്രമോഷന്‍ കൗണ്‍സില്‍

2878.

(എ)	ടൂറിസം വകുപ്പിന്റെ നിയന്ത്രണത്തിലുള്ള തിരുവനന്തപുരം ജില്ലാ ടൂറിസം പ്രമോഷന്‍ കൗണ്‍സിലിന്‍െറ കീഴിലുള്ള വിവിധ ടൂറിസ്റ്റ് കേന്ദ്രങ്ങളില്‍ ടൂറിസം വകുപ്പ് വഴി നടപ്പിലാക്കുന്ന വിവിധ പ്രോജക്ടുകള്‍ ഏതെല്ലാം ; വിശദമാക്കുമോ;

(ബി)	പ്രസ്തുത പദ്ധതികളുടെ കാലാവധി എ്രത; ഏത് ഏജന്‍സിയെയാണ് പണികള്‍ ഏല്‍പ്പിച്ചിരിക്കുന്നത് ; എന്ത് തുകയ്ക്കാണ് പണികള്‍ ഏല്‍പ്പിച്ചിട്ടുള്ളത്; നിര്‍വ്വഹണ ചുമതല ആര്‍ക്കാണ് ;വ്യക്തമാക്കാമോ;

(സി)

പ്രസ്തുത പദ്ധതികളുടെ പുരോഗതി വിലയിരുത്താനും അപാകതയുണ്ടെങ്കില്‍ പരിഹരിക്കാനും ചുമതലപ്പെട്ട D.T.P.C. ചെയര്‍മാന്‍, സെക്രട്ടറി എന്നിവര്‍ പദ്ധതി പുരോഗതി വിലയിരുത്താന്‍ എന്ത് നടപടികളാണ് സ്വീകരിച്ചിട്ടുള്ളത് വ്യക്തമാക്കുമോ; പദ്ധതികള്‍ ലക്ഷ്യം കാണാതെ ടൂറിസ്റ്റ് കേന്ദ്രങ്ങള്‍ അടഞ്ഞ് കിടക്കുന്നത് ശ്രദ്ധയില്‍പ്പെട്ടിട്ടുണ്ടോ ; വിശദാംശം ലഭ്യമാക്കുമോ ?

ടൂറിസം പദ്ധതികള്‍ക്കുളള കേന്ദ്ര സഹായം

2879.

ശ്രീ.കെ.മുരളീധരന്‍
,, വി.റ്റി.ബല്‍റാം
,, വര്‍ക്കല കഹാര്‍
,, പി.സി വിഷ്ണുനാഥ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ടൂറിസം പദ്ധതി നടത്തിപ്പിലെ മികവ് കണക്കിലെടുത്ത് അധിക കേന്ദ്ര സഹായം അനുവദിച്ചിട്ടുണ്ടോ; വിശദമാക്കുമോ;

(ബി)	കേന്ദ്ര സര്‍ക്കാരിന്റെ ഏതൊക്കെ പദ്ധതികളാണ് നടത്തിപ്പില്‍ മികവ് കാട്ടിയിട്ടുള്ളത്; വിശദാംശങ്ങള്‍ എന്തെല്ലാം;

(സി)	ഏതെല്ലാം വിനോദസഞ്ചാര മേഖലകള്‍ക്കാണ് പദ്ധതി നടത്തിപ്പ് വഴി ഗുണം ലഭിച്ചിട്ടുള്ളത്; വിശദാംശം അറിയിക്കുമോ?

അഷ്ടമുടി കായല്‍ ടൂറിസം വികസന പദ്ധതി

2880.

(എ)	അഷ്ടമുടി കായല്‍ ടൂറിസം വികസനത്തിനായി മാസ്റ്റ൪ പ്ലാ൯ തയ്യാറാക്കാ൯ ഏത് ഏജ൯സിയെയാണ് കോംപറ്റിറ്റീവ് ബിഡിംഗിലൂടെ (Biding)തെരഞ്ഞെടുത്തത് എന്നറിയിക്കുമോ;

(ബി)	പ്രസ്തുത ഏജ൯സി മാസ്റ്റ൪ പ്ലാ൯ തയ്യാറാക്കി സമ൪പ്പിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

(സി)	ഇല്ലെങ്കില്‍ മാസ്റ്റ൪ പ്ലാ൯ തയ്യാറാക്കുന്നതിനുളള നടപടി ഏത് ഘട്ടത്തിലാണെന്ന് അറിയിക്കുമോ?

പൂക്കോട് തടാകത്തിലെ അടിസ്ഥാന സൗകര്യ വികസന പദ്ധതികള്‍

2881.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കല്‍പ്പറ്റ നിയോജക മണ്ഡലത്തിലെ പൂക്കോട് തടാകത്തിലെ അടിസ്ഥാന സൗകര്യ വികസന പദ്ധതികള്‍ നടപ്പാക്കുന്നതിന് പദ്ധതിയുണ്ടോ; വിശദമാക്കുമോ;

(ബി)	പ്രസ്തുത തടകാത്തില്‍ പായല്‍ നിറഞ്ഞിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(സി)	ഇതുമൂലം തടാകത്തിലെ ബോട്ട് സവാരിക്ക് തടസ്സം നേരിടുന്നുണ്ടോ; വ്യക്തമാക്കുമോ;

(ഡി)	പൂക്കോട് തടാകത്തിലെ പായല്‍ ,വേരടക്കം പറിച്ചു മാറ്റുന്നതിന് നടപടി സ്വീകരിക്കുമോ ; വിശദാംശം ലഭ്യമാക്കുമോ ?

പാലക്കാട് ജില്ലയിലെ പ്രധാനപ്പെട്ട ടൂറിസ്റ്റ് ഡെസ്റ്റിനേഷന്‍

2882.

ശ്രീ.എം. ഹംസ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയിലെ ഏതെല്ലാം കേന്ദ്രങ്ങളെയാണ് പ്രധാനപ്പെട്ട ടൂറിസ്റ്റ് ഡെസ്റ്റിനേഷന്‍ ആയി പ്രഖ്യാപിച്ചിട്ടുള്ളത് ;

(ബി)	1.7.2011 മുതല്‍ 31.10.2014 വരെ എത്ര ആളുകള്‍ പ്രധാനപ്പെട്ട ടൂറിസ്റ്റ് ഡെസ്റ്റിനേഷന്‍ സന്ദര്‍ശിച്ചു ; വിശദാംശം ലഭ്യമാക്കാമോ ;

(സി)	മലമ്പുഴ ഉള്‍പ്പെടെയുള്ള ടൂറിസ്റ്റ് കേന്ദ്രങ്ങള്‍ മോടിപിടിപ്പിക്കുന്നതിനും മറ്റുമായി 1.7.2011 മുതല്‍ 31.10.2014 വരെ എത്ര തുക ചെലവഴിച്ചു ; ഓരോ കേന്ദ്രത്തിന്റെയും തുകയുടെ വിശദാംശം വാര്‍ഷികാടിസ്ഥാനത്തില്‍ നല്കാമോ ?

കാസര്‍ഗോഡ് ബി.ആര്‍.ഡി.സി.യുടെ ഗവേണിംഗ് ബോഡി

2883.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ ബി.ആര്‍.ഡി.സി.യുടെ (BRDC) ഗവേണിംഗ് ബോഡിയില്‍ നിലവില്‍ ആരൊക്കെയാണുള്ളതെന്ന് അറിയിക്കാമോ;

(ബി)	പ്രസ്തുത ഗവേണിംഗ് ബോഡിയില്‍ ബേക്കല്‍ ഡെസ്റ്റിനേഷന്‍ പരിധിയില്‍ വരുന്ന എം.എല്‍.എ മാരേയും ത്രിതല പഞ്ചായത്ത് അദ്ധ്യക്ഷരേയും ഉള്‍പ്പെടുത്തുന്ന കാര്യം പരിഗണിക്കുമോ; വിശദാംശങ്ങള്‍ അറിയിക്കാമോ?

കോതമംഗലത്ത് ടൂറിസം വകുപ്പിന്റെ പദ്ധതികള്‍ ആരംഭിക്കുന്നതിന് നടപടികള്‍

2884.

ശ്രീ.റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം നിയോജക മണ്ഡലത്തിലെ വിവിധ ടൂറിസ്റ്റ് കേന്ദ്രങ്ങളായ ഭൂതത്താന്‍കെട്ട്, തട്ടേക്കാട്, നേര്യമംഗലം എന്നിവിടങ്ങളില്‍ കൂടുതല്‍ ടൂറിസം അമിനിറ്റി സെന്ററുകള്‍ സ്ഥാപിക്കുന്നതിനും ടുറിസ്റ്റുകള്‍ക്കാവശ്യമായ സൗകര്യങ്ങള്‍ ചെയ്ത് നല്‍കുന്നതിനും നടപടികള്‍ ഉണ്ടാകുമോ; എങ്കില്‍ വിശദാംശം ലഭ്യമാക്കുമോ;

(ബി)	മൂന്നാര്‍ ഹില്‍ ടുറിസ്റ്റ് കേന്ദ്രത്തിന്റെ കവാടമെന്നറിയപ്പെടുന്ന കോതമംഗലത്ത് ടൂറിസം വകുപ്പിന്റെ കൂടുതല്‍ പദ്ധതികള്‍ ആരംഭിക്കുന്നതിന് നടപടികള്‍ ഉണ്ടാകുമോ; എങ്കില്‍ വിശദാംശം ലഭ്യമാക്കുമോ?

ആനയിറങ്ങല്‍ ഡാമിന്റെ വിനോദസഞ്ചാര സാധ്യതകളെക്കുറിച്ച് പഠനം

2885.

(എ)	ഉടുമ്പന്‍ചോല താലൂക്കിലെ മൂന്നാര്‍ കുമളി റൂട്ടിലെ ആനയിറങ്ങല്‍ ഡാമില്‍ വിനോദസഞ്ചാരികള്‍ക്കായി ബോട്ട് സര്‍വ്വീസ് ഏര്‍പ്പെടുത്തുന്നതിനുള്ള നടപടി സ്വീകരിക്കാമോ;

(ബി)	ആനയിറങ്ങല്‍ ഡാമിന്റെ വിനോദസഞ്ചാര സാധ്യതകളെക്കുറിച്ച് പഠനം നടത്തി വിനോദസഞ്ചാരികളെ ആകര്‍ഷിക്കുന്നതിന് പദ്ധതി തയ്യാറാക്കുന്ന കാര്യം പരിഗണിക്കുമോ?

ആലപ്പുഴയിലെ സര്‍ക്ക്യൂട്ട് ടൂറിസം പദ്ധതി

2886.

ആലപ്പുഴ ജില്ലയിലെ സര്‍ക്ക്യൂട്ട് ടൂറിസം പദ്ധതിയില്‍പെടുത്തി അരൂര്‍ മണ്ഡലത്തിലെ തഴുപ്പ്, അരൂര്‍ക്കുറ്റി എന്നിവിടങ്ങളിൽ നടക്കുന്ന നിര്‍മ്മാണ പ്രവര്‍ത്തനങ്ങള്‍ മുടങ്ങിക്കിടക്കുന്ന കാര്യം ശ്രദ്ധയില്‍പെട്ടിട്ടുണ്ടോ ; ഇൗ നിര്‍മ്മാണ പ്രവര്‍ത്തനങ്ങള്‍ മുടങ്ങാനുണ്ടായിട്ടുള്ള കാരണങ്ങള്‍ വിശദമാക്കാമോ ; ഇൗ നിര്‍മ്മാണ പ്രവര്‍ത്തനങ്ങള്‍ പുനരാരംഭിക്കുന്നതിനുള്ള നടപടികള്‍ സ്വീകരിക്കുമോ ?

ഹോട്ടലുകളുടെ സ്റ്റാര്‍ പദവി - മാനദണ്ഡങ്ങള്‍

2887.

ശ്രീ.കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ഹോട്ടലുകള്‍ക്ക് സ്റ്റാര്‍ പദവി അനുവദിക്കുന്നതിനുളള മാനദണ്ഡങ്ങള്‍ നിശ്ചയിക്കുന്നത് ആരാണ് എന്ന് വിശദമാക്കുമോ;

(ബി)	പുതിയ മദ്യനയത്തിന്റെ പശ്ചാത്തലത്തില്‍ ഹോട്ടലുകളുടെ സ്റ്റാര്‍ പദവികള്‍ അനധികൃതമായി മാറ്റം വരുത്തുന്നത് തടയാന്‍ നിലവില്‍ എന്തെങ്കിലും സംവിധാനം ഉണ്ടോ എന്ന് വ്യക്തമാക്കുമോ;

(സി)	ഇല്ലെങ്കില്‍ ഇക്കാര്യത്തില്‍ ആവശ്യമായ നടപടി സ്വീകരിക്കുമോ;

(ഡി)	സ്റ്റാര്‍ പദവി നല്‍കുന്നത് തീരുമാനിക്കാന്‍ തദ്ദേശ സ്ഥാപനങ്ങള്‍ക്ക് എന്തെങ്കിലും അധികാരമുണ്ടോ എന്ന് വ്യക്തമാക്കുമോ?

തമ്പുരാന്‍പാറ - തമ്പുരാട്ടിപാറയുടെ വികസനം

2888.

ശ്രീ.പാലോട് രവി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	നെടുമങ്ങാട് നിയോജകമണ്ഡലത്തിലുള്ള തമ്പുരാന്‍പാറ - തമ്പുരാട്ടിപാറയുടെ വികസനത്തിന് എത്ര രൂപയുടെ പ്രോജക്ടിനാണ് അനുമതി നല്കിയത് ;

(ബി)	പ്രസ്തുത വികസനത്തിന് വിഭാവനം ചെയ്യുന്ന പദ്ധതികള്‍ എന്തെല്ലാം;

(സി)	ഇവയ്ക്ക് ഭരണാനുമതി നല്‍കിയത് എന്നാണ് ;

(ഡി)	പ്രസ്തുത പദ്ധതി തറക്കല്ലിട്ടശേഷം നിര്‍മ്മാണ പ്രവര്‍ത്തനം ആരംഭിച്ചിട്ടുണ്ടോ ; ഇല്ലെങ്കില്‍ കാരണം വ്യക്തമാക്കുമോ ;

(ഇ)	പ്രസ്തുത പദ്ധതി സമയബന്ധിതമായി ഈ സാമ്പത്തിക വര്‍ഷം പൂര്‍ത്തിയാക്കുവാന്‍ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ ?

പെരുന്തേനരുവി ടൂറിസം പദ്ധതി

2889.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പെരുന്തേനരുവി കേന്ദ്രീകരിച്ചുള്ള ടൂറിസം പദ്ധതിക്കായി എത്ര രൂപയാണ് വകയിരുത്തിയിട്ടുള്ളത്; പണി ഏതുഘട്ടം വരെയായി എന്ന് വിശദീകരിക്കാമോ; ഇനി എന്തൊക്കെ പണികളാണ് നടക്കാനുള്ളത്;

(ബി)	പെരുന്തേനരുവി ടൂറിസം പദ്ധതിയുടെ പണികള്‍ക്ക് കാലതാമസം നേരിടാനുണ്ടായ കാരണങ്ങള്‍ വ്യക്തമാക്കാമോ;

(സി)	പ്രശ്നം പരിഹരിച്ച് പണികള്‍ പുനരാരംഭിക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ എന്തൊക്കെ;

(ഡി)	മുടങ്ങിയ പണികള്‍ എന്ന് പുനരാരംഭിക്കും എന്ന് പറയാമോ; പ്രസ്തുത പദ്ധതി പൂര്‍ത്തിയാക്കാന്‍ വേണ്ട സമയം എത്രയാണെന്ന് വ്യക്തമാക്കാമോ; എന്നത്തേക്ക് നിര്‍മ്മാണം പൂര്‍ത്തീകരിച്ച് സഞ്ചാരികള്‍ക്ക് തുറന്നുകൊടുക്കാന്‍ കഴിയുമെന്ന് വെളിപ്പെടുത്താമോ?

ശാന്തിഗിരിയിൽ വഴിയോര വിശ്രമകേന്ദ്രം

2890.

(എ)	നെടുമങ്ങാട് നിയോജക മണ്ഡലത്തിലെ ശാന്തിഗിരി കേന്ദ്രമായി വഴിയോര വിശ്രമകേന്ദ്രം (wayside amenity centre) സ്ഥാപിക്കുന്നതിന് സര്‍ക്കാര്‍ ഭരണാനുമതി നല്‍കിയത് എന്നാണ് ;

(ബി)	ആയതിനായി എത്ര രൂപ അനുവദിച്ചു ; ഇതിൽ എന്തൊക്കെ പ്രവൃത്തികളാണ് നടപ്പിലാക്കുന്നത് ;

(സി)	ഇതിന്റെ പ്രവർത്തനങ്ങൾ ആരംഭിച്ചിട്ടുണ്ടോ ; ഇല്ലെങ്കില്‍ കാരണം വ്യക്തമാക്കുമോ ;

(ഡി)	ഈ പദ്ധതി ഈ വര്‍ഷം പൂര്‍ത്തിയാക്കുന്നതിന് നടപടി സ്വീകരിക്കുമോ ?

പുളിക്കക്കടവ് തൂക്കുപാലം , പരിപാലനവും അറ്റകുറ്റപ്പണിയും

2891.

ശ്രീ.പി.ശ്രീരാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പൊന്നാനി ബീയ്യം കായലിന് കുറുകെ പുളിക്കക്കടവില്‍ അഞ്ച് വര്‍ഷം മുമ്പ് ടൂറിസം വകുപ്പിന്റെ നേതൃത്ത്വത്തില്‍ പൂര്‍ത്തിയാക്കിയ പുളിക്കക്കടവ് തൂക്കുപാലം കൃത്യമായ പരിപാലനവും അറ്റകുറ്റപ്പണിയും നടത്താത്തതുമൂലം തുരുമ്പെടുത്തുകൊണ്ടിരിക്കുന്നത് ശ്രദ്ധയില്‍പ്പെട്ടിട്ടുണ്ടോ ;

(ബി)	എങ്കില്‍ അടിയന്തരമായി അത് പരിപാലിക്കുന്നതിന് നടപടി സ്വീകരിക്കുമോ ;

(സി)	ഇതിന് സമയാസമയത്ത് ആവശ്യമായ പെയിന്റിംഗും മറ്റ് പ്രവര്‍ത്തികളും നടത്തുന്നതിനും അവ കൃത്യസമയങ്ങളില്‍ നടപ്പാക്കുന്നതിനും ബന്ധപ്പെട്ട ഉദ്യോഗസ്ഥര്‍ക്ക് ചുമതല നല്‍കാമോ ?

പെരുവണ്ണാമൂഴി, കക്കയം ടൂറിസം പദ്ധതികള്‍

2892.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പെരുവണ്ണാമൂഴി, കക്കയം ടൂറിസം പദ്ധതികള്‍ക്ക് കേന്ദ്ര-സംസ്ഥാന സര്‍ക്കാരുകള്‍ എത്ര കോടി രൂപ അനുവദിച്ചിരുന്നു എന്ന് വ്യക്തമാക്കുമോ;

(ബി)	അനുവദിച്ച തുകയില്‍ എത്ര രൂപ ചെലവഴിച്ചു എന്നും എന്തൊക്കെ കാര്യങ്ങള്‍ക്കാണ് തുക ചെലവഴിച്ചത് എന്നും വ്യക്തമാക്കുമോ;

(സി)	അനുവദിച്ച തുക ചെലവഴിച്ചിട്ടില്ലെങ്കില്‍ അതിന്റെ കാരണം വ്യക്തമാക്കുമോ;

(ഡി)	കേന്ദ്ര സര്‍ക്കാര്‍ അനുവദിച്ച എത്ര കോടി രൂപ ലാപ്സ് ആയിട്ടുണ്ട് എന്ന് വ്യക്തമാക്കുമോ;

(ഇ)	പ്രസ്തുത തുക ഈ പദ്ധതിക്ക് വീണ്ടും ലഭിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വ്യക്തമാക്കുമോ?

വെള്ളാനിക്കല്‍ പാറയുടെ സംരക്ഷണം

2893.

(എ)	നെടുമങ്ങാട് നിയോജക മണ്ഡലത്തിലെ വിനോദസഞ്ചാര പ്രാധാന്യമുളള വെള്ളാനിക്കല്‍ പാറയുടെ സംരക്ഷണത്തിന് നടപടി സ്വീകരിച്ചിട്ടുണ്ടോ ;

(ബി)	എങ്കില്‍ എന്തെല്ലാം പദ്ധതികളാണ് നടപ്പാക്കാന്‍ ഉദ്ദേശിക്കുന്നത് ; അടങ്കല്‍ തുക എത്ര ;

(സി)	ഭരണാനുമതി നല്‍കിയിട്ടുണ്ടോ ; വിശദമാക്കുമോ ;

(ഡി)	ഈ സാമ്പത്തിക വര്‍ഷം പദ്ധതി പൂര്‍ത്തിയാക്കുന്നതിന് നടപടി സ്വീകരിക്കുമോ ?

പാലൂര്‍ക്കോട്ട വെള്ളച്ചാട്ടം

2894.

ശ്രീ.റ്റി.എ.അഹമ്മദ് കബീര്‍ : താഴെ കാണുന്ന ചോദ്യത്തിന് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

പാലൂര്‍ക്കോട്ട വെള്ളച്ചാട്ടം ടൂറിസം ഡെസ്റ്റിനേഷനായി പ്രഖ്യാപിക്കണം എന്ന ആവശ്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന് സത്വര നടപടി സ്വീകരിക്കുമോ ?

തൃക്കാക്കരയില്‍ ടൂറിസം ഗസ്റ്റ് ഹൗസ്

2895.

ശ്രീ.ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	തൃക്കാക്കരയില്‍ ടൂറിസം ഗസ്റ്റ് ഹൗസ് നി൪മ്മിക്കുന്നതിന് ടൂറിസം വകുപ്പില്‍ നിന്നും എന്തെങ്കിലും നടപടി സ്വീകരിച്ചിട്ടുണ്ടോ;

(ബി)	ഉണ്ടെങ്കില്‍ അതിന്റെ വിശദാംശം വെളിപ്പെടുത്തുമോ;

(സി)	ടൂറിസം ഗസ്റ്റ് ഹൗസിനായി തുക നീക്കിവെച്ചിട്ടുണ്ടോ;

(ഡി)	പൊതുമരാമത്ത് വകുപ്പിന്റെ അധീനതയിലുളള സ്ഥലം ലഭ്യമാക്കുന്നതിന് വകുപ്പുമായി ബന്ധപ്പെട്ടിട്ടുണ്ടോ; ഉണ്ടെങ്കില്‍ വിശദാംശം വെളിപ്പെടുത്തുമോ?

ആസ്ത്രേലിയയില്‍ നിന്നുളള വിനോദ സഞ്ചാരികൾ

2896.

ശ്രീ.പി.കെ.ബഷീര്‍
,, എന്‍. ഷംസുദ്ദീന്‍
,, പി.ബി. അബ്ദുൾ റസാക്
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ആസ്ത്രേലിയയില്‍ നിന്നുളള വിനോദ സഞ്ചാരികളെ കൂടുതലായി സംസ്ഥാനത്തേയ്ക്ക് ആക്ര‍ഷിക്കുന്നതിന് പുതിയ പദ്ധതികളെന്തെങ്കിലും നടപ്പാക്കാന്‍ ഉദ്ദേശിക്കുന്നുണ്ടോ;

(ബി)	എങ്കില്‍ അതു സംബന്ധിച്ച വിശദവിവരം നല്‍കാമോ;

(സി)	ആസ്ത്രേലിയൻ വിനോദ സഞ്ചാരികളുടെ കേരളത്തിലെ ആകര്‍ഷണ കേന്ദ്രങ്ങളെക്കുറിച്ച് പരിശോധിച്ചിട്ടുണ്ടോ; എങ്കില്‍ വിശദമാക്കുമോ?

റെസ്പോണ്‍സിബിള്‍ ടൂറിസം പദ്ധതി

2897.

ശ്രീ.ആര്‍ . സെല്‍വരാജ്
,, ഹൈബി ഈഡന്‍
,, പി.എ.മാധവന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	റെസ്പാണ്‍സിബിള്‍ ടൂറിസം പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കാമോ ;

(ബി)	പദ്ധതി നടത്തിപ്പിന് ദേശീയ അന്താരാഷ്ട്ര തലത്തില്‍ എന്തെല്ലാം നേട്ടങ്ങളും അംഗീകാരങ്ങളും ലഭിച്ചിട്ടുണ്ട് ; വിശദാംശങ്ങള്‍ എന്തെല്ലാം;

(സി)	അംഗീകാരങ്ങള്‍ ലഭിക്കുവാന്‍ ഭരണതലത്തില്‍ സ്വീകരിച്ച നടപടികള്‍ വിശദമാക്കുമോ ;

(ഡി)	ടൂറിസം മേഖലയിലെ മറ്റു പദ്ധതികള്‍ക്ക് ഇതേ രീതിയില്‍ അംഗീകാരങ്ങള്‍ ലഭിക്കുവാന്‍ സ്വീകരിച്ച നടപടികള്‍ വിശദമാക്കുമോ ?

തോട്ടപ്പള്ളിയിലെ മെഗാടൂറിസം പദ്ധതി

2898.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	അമ്പലപ്പുഴ മണ്ഡലത്തിലെ തോട്ടപ്പള്ളിയെ മെഗാടൂറിസം പദ്ധതിയില്‍ ഉള്‍പ്പെടുത്തുവാന്‍ തീരുമാനിച്ചിട്ടുണ്ടോ;

(ബി)	മെഗാടൂറിസം പദ്ധതിയില്‍ ഉള്‍പ്പെടുത്തി എന്തെല്ലാം പദ്ധതികളാണ് ഇവിടെ നടപ്പാക്കാന്‍ ഉദ്ദേശിക്കുന്നത്; വ്യക്തമാക്കാമോ;

(സി)	ഈ പദ്ധതികള്‍ക്കായി എന്ത് തുകയാണ് അനുവദിച്ചിട്ടുള്ളത്; പദ്ധതി പ്രവര്‍ത്തനം എന്ന് ആരംഭിക്കുവാന്‍ കഴിയും; വിശദമാക്കാമോ?

അതിരപ്പിള്ളിയില്‍ ടൂറിസം ഫെസിലിറ്റേഷന്‍ സെന്റര്‍

2899.

(എ)	അതിരപ്പിള്ളിയില്‍ സര്‍ക്കാര്‍ ഉടമസ്ഥതയിലുള്ള സ്ഥലത്ത് ഒരു ടൂറിസം ഫെസിലിറ്റേഷന്‍ സെന്റര്‍ നിര്‍മ്മിക്കുന്നതിനും അതിരപ്പിള്ളി വെള്ളച്ചാട്ടത്തിനോടു ചേര്‍ന്ന് കാര്‍ റോപ്പ്‍വേ നിര്‍മ്മിക്കുന്നതിനും സമര്‍പ്പിച്ചിട്ടുള്ള അപേക്ഷകളില്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

(ബി)	ഇതിനായി സര്‍ക്കാര്‍ അടിയന്തിര നടപടികള്‍ സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.