13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >14^th Session>Starred Questions and Answers

Answer Provided

Answer Not Yet Provided

THIRTEENTH KLA - 14^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ഹരിതശ്രീ പദ്ധതി

*151.

ശ്രീ.കെ.അച്ചുതന്‍
,, ഡൊമിനിക് പ്രസന്റേഷന്‍
,, എം.എ. വാഹീദ്
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	വനംവകുപ്പ് 'ഹരിതശ്രീ' പദ്ധതിക്ക് തുടക്കം കുറിച്ചിട്ടുണ്ടോ ;

(ബി)	എന്തെല്ലാം ലക്ഷ്യങ്ങളാണ് പ്രസ്തുത പദ്ധതി കൈവരിക്കാനുദ്ദേശിക്കുന്നത് ; വിശദാംശങ്ങള്‍ നല്‍കുമോ ;

(സി)	ഏതെല്ലാം വകുപ്പുകളും സാമൂഹ്യസംഘടനകളുമാണ് പ്രസ്തുത പദ്ധതിയുമായി സഹകരിക്കുന്നത് ;

(ഡി)	പ്രസ്തുത പദ്ധതി നടത്തിപ്പിനായി എന്തെല്ലാം നടപടികള്‍ സ്വീകരിച്ചിട്ടുണ്ട് ; വിശദാംശങ്ങള്‍ നല്‍കാമോ?

റോഡപകടങ്ങളില്‍ പരിക്കേല്‍ക്കുന്നവര്‍ക്ക് സൗജന്യ ഇന്‍ഷ്വറന്‍സ് പദ്ധതി

*152.

ശ്രീ.ഐ.സി.ബാലകൃഷ്ണന്‍
,, കെ.മുരളീധരന്‍
,, ഷാഫി പറമ്പില്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	റോഡപകടങ്ങളില്‍ പരിക്കേല്‍ക്കുന്നവര്‍ക്ക് സൗജന്യ ചികിത്സ നല്‍കുന്ന ഇന്‍ഷ്വറന്‍സ് പദ്ധതി ആഭ്യന്തര വകുപ്പ് നടപ്പാക്കിയിട്ടുണ്ടോ ; വിശദാംശം നല്‍കുമോ;

(ബി)	പദ്ധതി ആനുകുല്യത്തിന് വരുമാന പരിധി നിശ്ചയിച്ചിട്ടുണ്ടോ ; വിശദാംശം നല്‍കാമോ ;

(സി)	പദ്ധതിയില്‍ സ്വകാര്യ ആശുപത്രികളെ ഉള്‍പ്പെടുത്തിയിട്ടുണ്ടോ ; വിശദമാക്കുമോ ?

സ്കൂള്‍വിദ്യാര്‍ത്ഥികളുടെ സുരക്ഷിതത്വം

*153.

ശ്രീ.എ. പ്രദീപ്കുമാര്‍
,, കോടിയേരി ബാലകൃഷ്ണന്‍
,, വി.ശിവന്‍കുട്ടി
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍വിദ്യാര്‍ത്ഥികളുടെ സുരക്ഷിതത്വം ഉറപ്പാക്കുന്നതിന് ആഭ്യന്തര വകുപ്പ് സ്വീകരിച്ചിട്ടുള്ള നടപടികളുടെ വിശദാംശം വ്യക്തമാക്കുമോ;

(ബി)	സ്കൂള്‍വാന്‍ മറിഞ്ഞ് വിദ്യാര്‍ത്ഥികളുടെ കൂട്ടമരണം സംഭവിച്ചതുപോലുളള സംഭവങ്ങള്‍ ആവര്‍ത്തിക്കാതിരിക്കാന്‍ സ്വീകരിച്ച നടപടികള്‍ വിശദമാക്കുമോ ;

(സി)	സംസ്ഥാനത്തെ എല്ലാ സ്കൂളുകളിലും സേഫ്റ്റി ആഫീസര്‍മാരെ നിയമിക്കണമെന്ന നിര്‍ദ്ദേശം പാലിക്കപ്പെട്ടിട്ടുണ്ടോ ;

(ഡി)	സുരക്ഷാനിര്‍ദ്ദേശങ്ങള്‍ എല്ലാ സ്കൂളുകളിലും നടപ്പിലാക്കുന്നു എന്നുറപ്പാക്കാന്‍ എന്ത് നടപടികളാണ് വകുപ്പ് സ്വീകരിച്ചിട്ടുള്ളത് എന്ന് വ്യക്തമാക്കുമോ ?

ഒരു പൗരന് ഒരു സമ്പൂര്‍ണ്ണ കാര്‍ഡ്

*154.

ശ്രീ.എം.ഉമ്മര്‍
,, എന്‍ .എ.നെല്ലിക്കുന്ന്
,, വി.എം.ഉമ്മര്‍ മാസ്റ്റര്‍
,, കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)

സംസ്ഥാനത്ത്, ആധാര്‍, യുണീക്ഐഡി, വോട്ടര്‍ ഐഡി, റവന്യൂ കാര്‍ഡ്, വികലാംഗ കാര്‍ഡ് തുടങ്ങി വ്യത്യസ്തങ്ങളായ കാര്‍ഡുകള്‍ ഏര്‍പ്പെടുത്തുകയും, അവയുടെ ഉപയോഗ ക്രമം മാറിമാറി പ്രസ്താവിക്കുകയും ചെയ്യുന്നതുമൂലം സാമാന്യ ജനങ്ങള്‍ അനുഭവിക്കുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതു പരിഹരിക്കുന്നതിന് നടപടി കൈക്കൊള്ളുവാന്‍ ഉദ്ദേശിക്കുന്നുണ്ടോ; വിശദമാക്കുമോ;

(ബി)	ഇത്രയേറെ തിരിച്ചറിയല്‍ സംവിധാനങ്ങളുണ്ടാക്കിയിട്ടും, അനാഥ രോഗികളുടെയും തിരിച്ചറിയാനാവാത്ത മൃതശരീരങ്ങളുടെയും എണ്ണം വര്‍ദ്ധിച്ചു വരുന്നതിന്റെ കാരണങ്ങള്‍ വിശകലനം ചെയ്തിട്ടുണ്ടോ; എങ്കില്‍ വിശദമാക്കുമോ;

(സി)

സാങ്കേതിക വിദ്യ വളരെയേറെ വികസിച്ച ഇക്കാലത്ത് പരിശോധനയും അധിക വിവരമുള്‍പ്പെടുത്തലും എളുപ്പത്തിലാക്കി,എല്ലാ വിവരങ്ങളും ഉള്‍പ്പെടുത്തി,ഒരു പൗരന് ഒരു സമ്പൂര്‍ണ്ണ കാര്‍ഡ് അവകാശമാക്കാനും, എല്ലാ ആവശ്യങ്ങള്‍ക്കും അത് ഉപയുക്തമാക്കാനും പ്രസ്തുത കാര്‍ഡ് കൊണ്ടു നടക്കുന്നത് നിര്‍ബന്ധമാക്കാനും സംസ്ഥാന സര്‍ക്കാര്‍ മുന്‍കൈയെടുക്കുമോ?

പറമ്പിക്കുളം ആളിയാര്‍ പദ്ധതി കരാര്‍

T *155.

ശ്രീ.കെ.കെ.ജയചന്ദ്രന്‍
,, എ.കെ.ബാലന്‍
,, എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പറമ്പിക്കുളം ആളിയാര്‍ പദ്ധതി കരാര്‍ തമിഴ് നാട് ലംഘിക്കുന്നതിന്റെയും കേരളത്തില്‍ തുടര്‍ച്ചയായുണ്ടാകുന്ന രൂക്ഷമായ വരള്‍ച്ചയുടെയും പശ്ചാത്തലത്തില്‍ പുനരവലോകനം ചെയ്യാന്‍ നടപടി സ്വീകരിക്കുമോ ;

(ബി)	കരാര്‍ ലംഘനവുമായി ബന്ധപ്പെട്ട് കേരളം സുപ്രീം കോടതിയില്‍ ഹര്‍ജി നല്കിയിട്ടുണ്ടോ ; എങ്കില്‍ ഹര്‍ജിയിലെ പ്രധാന ആവശ്യവും കേസിന്റെ നിലവിലെ സ്ഥിതിയും അറിയിക്കാമോ ;

(സി)	മുല്ലപ്പെരിയാര്‍ പ്രശ്നവും പറമ്പിക്കുളം ആളിയാര്‍ കരാറുമായി ബന്ധപ്പെടുത്തി തമിഴ് നാടുമായി ചര്‍ച്ച നടത്തി സംസ്ഥാന താല്പര്യം സംരക്ഷിക്കാന്‍ ഇടപെടല്‍ നടത്തുമോ ?

അടൂര്‍ ഗോപാലകൃഷ്ണന്‍ കമ്മിറ്റി റിപ്പോര്‍ട്ട്

*156.

ശ്രീ.എം.എ.ബേബി
,, പുരുഷന്‍ കടലുണ്ടി
,, കെ.വി.അബ്ദുള്‍ ഖാദര്‍
,, എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	മലയാള സിനിമാ മേഖലയെ കുറിച്ച്പഠിച്ച അടൂര്‍ ഗോപാലകൃഷ്ണന്‍ കമ്മിറ്റിയുടെ റിപ്പോര്‍ട്ടിലെ ഏതെല്ലാം ശുപാര്‍ശകള്‍ നടപ്പിലാക്കിയിട്ടുണ്ട്; വിശദമാക്കാമോ;

(ബി)	സിനിമയുമായി ബന്ധപ്പെട്ട പ്രശ്നങ്ങള്‍ സംബന്ധിച്ച് വിളിച്ചുചേര്‍ത്ത യോഗത്തിന്‍െറ തീരുമാനങ്ങള്‍ നടപ്പിലാക്കിയിട്ടുണ്ടോ;

(സി)	പ്രസ്തുത റിപ്പോര്‍ട്ടിലെ ശുപാര്‍ശകള്‍ നടപ്പാക്കുന്നതിന് തന്നാണ്ടിലെ ബജറ്റില്‍ പ്രത്യേകമായി തുക വകയിരുത്തിയിട്ടുണ്ടോ; ഇതിനായുള്ള അധിക ചെലവെത്രയെന്ന് വ്യക്തമാക്കുമോ?

ജയിലുകള്‍ ഉല്‍പ്പാദന-വരുമാന കേന്ദ്രങ്ങള്‍

*157.

ശ്രീ.ഡൊമിനിക് പ്രസന്റേഷന്‍
,, വി.ഡി.സതീശന്‍
,, എം.എ. വാഹീദ്
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ജയിലുകളെ ഉല്‍പ്പാദന-വരുമാന കേന്ദ്രങ്ങളാക്കാന്‍ പദ്ധതി രൂപീകരിക്കാനുദ്ദേശിക്കുന്നുണ്ടോ ;

(ബി)	എങ്കില്‍ പ്രസ്തുത പദ്ധതിയുടെ ലക്ഷ്യങ്ങള്‍ വിശദമാക്കാമോ ;

(സി)	പ്രസ്തുത ലക്ഷ്യങ്ങള്‍ കൈവരിക്കാനായി ജയിലുകളില്‍ നടക്കുന്ന പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കാമോ ;

(ഡി)	പ്രസ്തുത പദ്ധതിയുടെ രൂപരേഖ തയ്യാറാക്കിയിട്ടുണ്ടോ ?

അഴിമതിയും കെടുകാര്യസ്ഥതയും

*158.

ശ്രീ.പി.ടി.എ. റഹീം
,, കെ.സുരേഷ് കുറുപ്പ്
,, വി.ശിവന്‍കുട്ടി
,, സാജു പോള്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ സംവിധാനത്തിലും സഹകരണ സ്ഥാപനങ്ങളിലുള്‍പ്പെടെ അഴിമതിയും കെടുകാര്യസ്ഥതയും വര്‍ദ്ധിച്ചുവരുന്നുവെന്നും ഇത് നിയന്ത്രിക്കുന്നതിനുള്ള വിജിലന്‍സ് സംവിധാനങ്ങള്‍ നിഷ്ക്രിയമായിരിക്കുന്നുവെന്നുമുളള ആക്ഷേപങ്ങൾ ശ്രദ്ധയില്‍പ്പെട്ടിട്ടുണ്ടോ ;

(ബി)	പ്രധാനപ്പെട്ട തസ്തികയില്‍ നിയമിക്കുന്ന ഉദ്യാേഗസ്ഥരുടെ പേരില്‍ വിജിലന്‍സ് കേസോ അന്വേഷണമോ ഉണ്ടോ എന്ന് നിയമിക്കുന്നതിനുമുമ്പ് പരിശോധിക്കാറുണ്ടോ; ഇപ്രകാരം വിജിലന്‍സ് ക്ലിയറന്‍സ് ഇല്ലാതെ പല പ്രമുഖ തസ്തികകളിലും നിയമനം നടത്തിയിട്ടുള്ളതായി അറിയാമോ;

(സി)	എങ്കില്‍ അത്തരം നിയമനങ്ങള്‍ റദ്ദ് ചെയ്യാന്‍ ബന്ധപ്പെട്ട വകുപ്പുകള്‍ക്ക് നിര്‍ദ്ദേശം നല്‍കാന്‍ വിജിലന്‍സ് തയ്യാറാകുമോ?

വിജിലന്‍സ് മാനുവല്‍ പരിഷ്കരണം

*159.

ശ്രീ.ബാബു എം. പാലിശ്ശേരി
,, എം.എ.ബേബി
,, എ.കെ.ബാലന്‍
,, എസ്.ശർമ്മ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	വിജിലന്‍സ് മാനുവല്‍ കാലോചിതമായി പരിഷ്കരിക്കുന്നതിനുള്ള നടപടികള്‍ ഏത് ഘട്ടത്തിലാണ്; വിശദമാക്കാമോ;

(ബി)	സുപ്രീംകോടതിയുടെ ലളിതകുമാരി Vs. സ്റ്റേറ്റ് ഓഫ് യു.പി. എന്ന റിട്ട് ഹര്‍ജിയിലെ നിര്‍ദ്ദേശങ്ങള്‍ പ്രകാരം വിജിലന്‍സ് മാനുവല്‍ പരിഷ്കരിക്കുമോ ;

(സി)	ഇല്ലെങ്കിൽ ഇതിനു വേണ്ട നിര്‍ദ്ദേശങ്ങള്‍ നല്‍കുമോ ?

വനം വന്യജീവി സംരക്ഷണത്തിനായി പദ്ധതികള്‍

*160.

ശ്രീ.റോഷി അഗസ്റ്റിന്‍
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	വനം വന്യജീവി സംരക്ഷണ മേഖലയില്‍ നടപ്പ് സാമ്പത്തിക വര്‍ഷം നടപ്പാക്കുന്ന പ്രധാന പദ്ധതികള്‍ ഏതെല്ലാമാണ് ;

(ബി)	പുതുതായി വിഭാവനം ചെയ്തിട്ടുള്ള പദ്ധതികളുടെ നടത്തിപ്പിന് കേന്ദ്ര സംസ്ഥാന സര്‍ക്കാരുകളുടെ വിഹിതം എത്രയാണ് ;

(സി)	മനുഷ്യ-മൃഗ സംഘര്‍ഷ ലഘൂകരണത്തിന് നടപ്പു സാമ്പത്തിക വര്‍ഷം വിഭാവനം ചെയ്തിട്ടുള്ള പദ്ധതികള്‍ എന്തെല്ലാമാണെന്ന് വ്യക്തമാക്കുമോ ?

വിദ്യാര്‍ത്ഥികള്‍ക്ക് സൗജന്യ യാത്ര

*161.

ശ്രീ.ടി.എന്‍. പ്രതാപന്‍
,, ഷാഫി പറമ്പില്‍
,, എം.എ. വാഹീദ്
,, പി.സി വിഷ്ണുനാഥ് : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ആര്‍.‍ടി.സി. ബസ്സുകളില്‍ വിദ്യാര്‍ത്ഥികള്‍ക്ക് സൗജന്യ യാത്ര അനുവദിക്കാന്‍ ഉദ്ദേശിക്കുന്നുണ്ടോ എന്ന് വ്യക്തമാക്കുമോ ;

(ബി)	എങ്കില്‍ യാത്രാ സൗജന്യം സംബന്ധിച്ച് വിശദാംശങ്ങള്‍ എന്തെല്ലാമാണ് ; വിവരിക്കുമോ ;

(സി)	യാത്രാ സൗജന്യം അനുവദിക്കുമ്പോള്‍ ഉണ്ടാകുന്ന സാമ്പത്തിക ബാധ്യത എങ്ങനെ നേരിടാനാണ് കെ.എസ്.ആര്‍.‍ടി.സി. ഉദ്ദേശിക്കുന്നത് ; വ്യക്തമാക്കാമോ ;

(ഡി)	യാത്രാ സൗജന്യം നടപ്പാക്കാനായി എന്തെല്ലാം നടപടികള്‍ ഭരണ തലത്തില്‍ എടുത്തിട്ടുണ്ട് ; വിശദമാക്കാമോ ?

റോഡ് സുരക്ഷ

*162.

ശ്രീ.സാജു പോള്‍
,, ബി.സത്യന്‍
,, കെ.വി.വിജയദാസ്
,, കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	റോഡ് സുരക്ഷയുമായി ബന്ധപ്പെട്ട് സുപ്രീംകോടതി നിയോഗിച്ച മൂന്നംഗ സമിതിയുടെ ശിപാര്‍ശ സംസ്ഥാനത്ത് നടപ്പാക്കിയിട്ടുണ്ടോ ; ഇതിനായി ബന്ധപ്പെട്ട എല്ലാ വകുപ്പുകളെയും ഏകോപിപ്പിച്ചുകൊണ്ടുള്ള എന്ത് നടപടിയാണ് സ്വീകരിച്ചിട്ടുള്ളത് ;

(ബി)	റോഡ് സുരക്ഷ ഉറപ്പാക്കാന്‍ സമിതി നല്‍കിയ ശിപാര്‍ശകള്‍ എന്തെല്ലാമാണ് ; വിശദമാക്കാമോ ;

(സി)	പ്രസ്തുത ശിപാര്‍ശകള്‍ ഏത് തീയതിക്കകം നടപ്പില്‍ വരുത്തണമെന്നാണ് സുപ്രീംകോടതി നിര്‍ദ്ദേശിച്ചിട്ടുള്ളത് ;

(ഡി)	ദേശീയ-സംസ്ഥാന പാതയോരങ്ങളിലെ മദ്യശാലകള്‍ നീക്കം ചെയ്തിട്ടുണ്ടോ ; അതുള്‍പ്പെടെയുള്ള പതിമൂന്ന് നിര്‍ദ്ദേശങ്ങള്‍‌ നടപ്പിലാക്കാന്‍ സ്വീകരിച്ച നടപടികള്‍ വിശദമാക്കുമോ ?

എക്സൈസ് വകുപ്പിന്റെ ആധുനികവല്‍ക്കരണം

*163.

ശ്രീ.എ.പി.അബ്ദുള്ളക്കുട്ടി
,, ബെന്നി ബെഹനാന്‍
,, ടി.എന്‍. പ്രതാപന്‍
,, ആര്‍ . സെല്‍വരാജ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	എക്സൈസ് വകുപ്പിന്റെ ആധുനികവല്‍ക്കരണത്തിന് പദ്ധതി രൂപീകരിച്ചിട്ടുണ്ടോ ;

(ബി)	ഇതിന്റെ ഉദ്ദേശലക്ഷ്യങ്ങള്‍ വിശദമാക്കാമോ ;

(സി)	ഏതെല്ലാം ഏജന്‍സികളാണ് പ്രസ്തുത പദ്ധതിയുമായി സഹകരിക്കുന്നതെന്ന് അറിയിക്കുമോ ;

(ഡി)	പദ്ധതി നടത്തിപ്പിനായി എന്തെല്ലാം കാര്യങ്ങള്‍ ചെയ്തിട്ടുണ്ട്; വിശദാംശങ്ങള്‍ അറിയിക്കുമോ ?

ടി.എസ്.ആര്‍.സുബ്രഹ്മണ്യം സമിതി റിപ്പോര്‍ട്ടിലെ ശിപാര്‍ശകള്‍

*164.

ശ്രീ.ബി.സത്യന്‍
,, എളമരം കരീം
ഡോ.ടി.എം.തോമസ് ഐസക്
ശ്രീ.എം. ഹംസ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	പദ്ധതികള്‍ക്ക് പരിസ്ഥിതി അനുമതി നല്‍കുന്നതുമായി ബന്ധപ്പെട്ട ടി.എസ്.ആര്‍.സുബ്രഹ്മണ്യം സമിതി റിപ്പോര്‍ട്ടിലെ ശിപാര്‍ശകള്‍ സര്‍ക്കാര്‍ വിലയിരുത്തിയിട്ടുണ്ടോ;

(ബി)	പ്രധാന ശിപാര്‍ശകളിന്മേലുള്ള സര്‍ക്കാരിന്റെ നിലപാട് കേന്ദ്ര സര്‍ക്കാരിനെ അറിയിച്ചിട്ടുണ്ടോ; വിശദമാക്കാമോ; ഏതെല്ലാം ശിപാര്‍ശകളോടാണ് സര്‍ക്കാര്‍ വിയോജിപ്പ് രേഖപ്പെടുത്തിയിട്ടുള്ളത്;

(സി)	പുതിയ ശിപാര്‍ശകള്‍ നിലവില്‍ വരുന്നതോടെ സംസ്ഥാനങ്ങളുടെ അധികാരങ്ങള്‍ ഇല്ലാതാകുന്നുണ്ടോ; എങ്കില്‍ ഏതെല്ലാം സംഗതികളിലെന്ന് വ്യക്തമാക്കുമോ?

വിചാരണ തടവുകാര്‍

*165.

ശ്രീ.കെ.രാധാകൃഷ്ണന്‍
,, ഇ.പി.ജയരാജന്‍
,, പി.ശ്രീരാമകൃഷ്ണന്‍
,, റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	വിചാരണ തടവുകാര്‍ ജയിലുകളില്‍ ഭീകരമര്‍ദ്ദനത്തിനിരയാകുന്നതും കൊലചെയ്യപ്പെടുന്നതുമായ സ്ഥിതിവിശേഷം ശ്രദ്ധയില്‍പ്പെട്ടിട്ടുണ്ടോ ;

(ബി)	ജയിലുകളിലെ മര്‍ദ്ദനങ്ങള്‍ സംബന്ധിച്ച് പുറത്ത് പറയാനും, പരാതി നല്‍കാനും തടവുകാര്‍ ഭയപ്പെടുന്നതായുള്ള റിപ്പോര്‍ട്ടുകള്‍ പരിഗണിച്ചിട്ടുണ്ടോ ;

(സി)	ജയിലിലെ ഡോക്ടര്‍ നിര്‍ദ്ദേശിച്ചിട്ടും യഥാസമയം മെഡിക്കല്‍ കോളേജില്‍ പ്രവേശിപ്പിച്ച് ചികിത്സ നല്‍കാതിരുന്നതിന്റെ പേരില്‍ ഏതെങ്കിലും വിചാരണ തടവുകാരന്‍ ജയില്‍ ആശുപത്രിയില്‍ മരണപ്പെട്ടിട്ടുണ്ടോ ;

(ഡി)	ഇത്തരം സംഭവങ്ങള്‍ ആവര്‍ത്തിക്കാതിരിക്കാനും ജയിലുകളിലെത്തുന്നവര്‍ പീഡിപ്പിക്കപ്പെടുന്നത് അവസാനിപ്പിക്കാനും നടപടി സ്വീകരിക്കുമോ ?

അപകടങ്ങളുണ്ടാക്കുന്ന വാഹനങ്ങളുടെ താരതമ്യ പഠനം

*166.

ശ്രീ.അബ്ദുറഹിമാന്‍ രണ്ടത്താണി
,, കെ.മുഹമ്മദുണ്ണി ഹാജി
,, പി.ബി. അബ്ദുൾ റസാക്
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അപകടങ്ങളുണ്ടാക്കുന്ന വാഹനങ്ങളില്‍ കൂടുതലും ഏതു വിധത്തിലുള്ളവയാണെന്നും, ഓരോ വിഭാഗത്തിലുമുളള വാഹനങ്ങളുണ്ടാക്കുന്ന അപകടങ്ങളെ സംബന്ധിച്ചും താരതമ്യ പഠനം നടത്തിയിട്ടുണ്ടോ ; എങ്കില്‍ അതു സംബന്ധിച്ച വിശദ വിവരം നല്‍കാമോ ;

(ബി)	ടിപ്പര്‍ ലോറികള്‍ ഉണ്ടാക്കുന്ന അപകടങ്ങളെയും അത്തരം അപകടങ്ങള്‍ മൂലമുള്ള മരണനിരക്കിനെയും സംബന്ധിച്ച് പരിശോധിച്ചിട്ടുണ്ടോ ;

(സി)	ഇല്ലെങ്കില്‍ അതെക്കുറിച്ച് പ്രത്യേകം പരിശോധിക്കാന്‍ നിര്‍ദ്ദേശം നല്‍കുമോ ?

വര്‍ദ്ധിച്ചുവരുന്ന ഗാര്‍ഹിക പീഡനങ്ങള്‍

*167.

ശ്രീമതി.പി. അയിഷാ പോറ്റി
,, കെ.കെ.ലതിക
ഡോ.കെ.ടി.ജലീല്‍
ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	വര്‍ദ്ധിച്ചുവരുന്ന ഗാര്‍ഹിക പീഡനങ്ങള്‍ തടയാന്‍ കൈക്കൊളളാന്‍ ഉദ്ദേശിക്കുന്ന നടപടികള്‍ വിശദമാക്കാമോ;

(ബി)	ഭര്‍ത്താക്കന്മാര്‍ മാനസികമായും ശാരീരികമായും പീഡിപ്പിച്ചു കൊല്ലുമെന്ന് ഭീഷണിപ്പെടുത്തുന്നുവെന്ന് സ്ത്രീകളില്‍ നിന്നും പോലീസിന് ലഭിക്കുന്ന പരാതികളില്‍ യഥാസമയം നടപടികളുണ്ടാകുന്നില്ലെന്നുളള പരാതികള്‍ ശ്രദ്ധയില്‍പ്പെട്ടിട്ടുണ്ടോ;

(സി)	ഇത്തരം കേസുകളില്‍ ഉന്നതതലങ്ങളിലുളള സമ്മര്‍ദ്ദങ്ങളെ തുടര്‍ന്ന് നിയമാനുസൃതമായ നടപടികളുണ്ടാകുന്നില്ലെന്ന ആക്ഷേപങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ഡി)	ഗാര്‍ഹിക പീഡനങ്ങള്‍ക്കിരയാകുന്നവരുടെ ആക്ഷേപങ്ങളില്‍ മുഖം നോക്കാതെ നീതിപൂര്‍വ്വമായ നടപടികള്‍ ഉണ്ടാകുന്നു എന്ന് ഉറപ്പ് വരുത്താമോ?

തീരദേശ കപ്പല്‍ ഗതാഗത പദ്ധതി

*168.

ശ്രീ.ജോസഫ് വാഴയ്ക്കൻ
,, ഡൊമിനിക് പ്രസന്റേഷന്‍
,, പാലോട് രവി
,, കെ.ശിവദാസന്‍ നായര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	തീരദേശ കപ്പല്‍ ഗതാഗത പദ്ധതിക്ക് തുടക്കം കുറിച്ചിട്ടുണ്ടോയെന്ന് വിശദമാക്കുമോ ;

(ബി)	മത്സ്യബന്ധന മേഖലയ്ക്കും തീരദേശ ഗതാഗതത്തിനും പുത്തന്‍ ഉണര്‍വ് നല്‍കാന്‍ എന്തെല്ലാം കാര്യങ്ങള്‍ ഈ പദ്ധതിയില്‍ ഉള്‍പ്പെടുത്തിയിട്ടുണ്ടെന്ന് വിശദമാക്കാമോ ;

(സി)	പ്രസ്തുത പദ്ധതി അനുസരിച്ച് കാര്‍ഗോയ്ക്കും യാത്രക്കാര്‍ക്കും നല്‍കുന്ന ഇന്‍സെന്റീവ് സംബന്ധിച്ച വിശദാംശങ്ങള്‍ ലഭ്യമാക്കാമോ ;

(ഡി)	പദ്ധതി നടത്തിപ്പുമായി ബന്ധപ്പെട്ട് തുറമുഖ വികസനത്തിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ ?

കായല്‍ മലിനീകരണം

*169.

ശ്രീ.തേറമ്പില്‍ രാമകൃഷ്ണന്‍
,, വി.ഡി.സതീശന്‍
,, എം.പി.വിന്‍സെന്‍റ് : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ കായല്‍ മലിനീകരണം നിയന്ത്രിക്കുവാന്‍ പരിസ്ഥിതി വകുപ്പ് കര്‍മ്മപദ്ധതി തയ്യാറാക്കിയിട്ടുണ്ടോ എന്ന് അറിയിക്കാമോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കെെവരിക്കാനുദ്ദേശിക്കുന്നതെന്ന് വിശദീകരിക്കാമോ ;

(സി)	ആരെല്ലാമാണ് പ്രസ്തുത പദ്ധതിയുമായി സഹകരിക്കുന്നതെന്ന് വെളിപ്പെടുത്തുമോ ;

(ഡി)	പ്രസ്തുത പദ്ധതി നടത്തിപ്പിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

സര്‍ക്കാര്‍ ഉദ്യോഗസ്ഥരുടെ പെരുമാറ്റ ചട്ടങ്ങള്‍

*170.

ശ്രീ.എന്‍. ഷംസുദ്ദീന്‍
,, പി.ഉബൈദുള്ള
,, പി.കെ.ബഷീര്‍
,, സി.മോയിന്‍ കുട്ടി : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഓഫീസ് പ്രവര്‍ത്തനത്തിനിടയില്‍ മദ്യപിക്കുക, പുകവലിക്കുക, മദ്യപിച്ച് ഓഫീസില്‍ വരിക എന്നിവചെയ്യുന്ന ജീവനക്കാര്‍ക്കെതിരെ എന്തൊക്കെ നടപടികള്‍ സ്വീകരിക്കാനാണ് നിര്‍ദ്ദേശം നല്കിയിട്ടുള്ളതെന്ന് വിശദമാക്കുമോ;

(ബി)	കഞ്ചാവ്, മറ്റ് മയക്കു മരുന്നുകള്‍, പുകയില ഉല്പന്നങ്ങള്‍ എന്നിവ ഈ വ്യവസ്ഥകളില്‍ ഉള്‍പ്പെടുന്നുണ്ടോയെന്നു വെളിപ്പെടുത്തുമോ;

(സി)	ഇതു സംബന്ധിച്ച നിര്‍ദ്ദേശം നല്കിയ ശേഷം, പെരുമാറ്റചട്ടമോ, നിര്‍ദ്ദേശമോ ലംഘിച്ചതിന്റെ പേരില്‍ ആര്‍ക്കെങ്കിലുമെതിരെ നടപടി എടുത്തിട്ടുണ്ടോ; എങ്കില്‍ വിശദവിവരം നല്കാമോ?

വോള്‍വോ ഏ.സി. ബസ്സുകളുടെ സേവനം

*171.

ശ്രീ.എം.വി.ശ്രേയാംസ്‌ കുമാര്‍
,, റോഷി അഗസ്റ്റിന്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	ദീര്‍ഘദൂര സര്‍വ്വീസുകളില്‍ ഏ.സി. ബസ്സുകളുടെ സേവനം എത്ര മാത്രം പ്രയോജനപ്പെടുത്താന്‍ സാധിച്ചുവെന്ന് വ്യക്തമാക്കുമോ ;

(ബി)	വോള്‍വോ ബസ്സുകളുടെ സര്‍വ്വീസ് വര്‍ദ്ധിച്ചതുവഴി കോര്‍പ്പറേഷന്റെ വരുമാനത്തില്‍ വര്‍ദ്ധനവ് വന്നിട്ടുണ്ടോയെന്നു വ്യക്തമാക്കുമോ ;

(സി)	സംസ്ഥാനത്തൊട്ടാകെ ദീര്‍ഘദൂര സര്‍വ്വീസുകള്‍ക്ക് വോള്‍വോ ഏ.സി. ബസ്സുകളുടെ സേവനം കൂടുതലായി ലഭ്യമാക്കാന്‍ നടപടി സ്വീകരിക്കുമോ ?

അമിതവേഗത്തില്‍ സഞ്ചരിക്കുന്ന വാഹനങ്ങള്‍ക്കെതിരെ നടപടി

*172.

ശ്രീ.സി.മമ്മൂട്ടി
,, വി.എം.ഉമ്മര്‍ മാസ്റ്റര്‍
,, എം.ഉമ്മര്‍
,, റ്റി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഹെെവേകളില്‍ അമിത വേഗത്തില്‍ സഞ്ചരിക്കുന്ന വാഹനങ്ങള്‍ക്കെതിരെ സ്വീകരിച്ച നടപടികള്‍ വിശദമാക്കുമോ ;

(ബി)	പിഴ അടയ്ക്കാത്ത വാഹന ഉടമകള്‍ക്കെതിരെ എന്തൊക്കെ നടപടികളാണ് സ്വീകരിക്കാറുള്ളത് ;

(സി)	ക്യാമറയുടെ പരിധിയിലെത്തുമ്പോള്‍ വേഗം കുറയ്ക്കുകയും , പരിധിയിലല്ലാത്തപ്പോള്‍ അമിത വേഗത്തില്‍ പായുകയും ചെയ്യുന്ന വാഹനങ്ങളുടെ കാര്യത്തില്‍ എന്തു മാര്‍ഗ്ഗം സ്വീകരിക്കാനാവുമെന്ന് വ്യക്തമാക്കുമോ ?

റോഡപകടങ്ങള്‍ കുറയ്ക്കുന്നതിനുള്ള നടപടികള്‍

*173.

ശ്രീ.വി.ശശി
,, സി.ദിവാകരന്‍
,, ചിറ്റയം ഗോപകുമാര്‍
,, ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	റോഡപകടങ്ങള്‍ കുറയ്ക്കുക എന്ന ലക്ഷ്യത്തോടെ വിഭാവനം ചെയ്ത ബോധവല്‍ക്കരണ പരിപാടി നടക്കുന്നുണ്ടോ; ഇല്ലെങ്കില്‍ ഈ പരിപാടി നിറുത്താനുണ്ടായ കാരണങ്ങള്‍ എന്തെല്ലാമാണെന്ന് വ്യക്തമാക്കുമോ;

(ബി)	റോഡുകളുടെ ശോച്യാവസ്ഥ വാഹനാപകടങ്ങള്‍ക്ക് കാരണമാകുന്നുണ്ടോ, സംസ്ഥാനത്ത് ഏറ്റവും കൂടുതല്‍ റോഡപകടങ്ങളും മരണങ്ങളും നടക്കുന്ന കരുനാഗപ്പള്ളി നാഷണല്‍ ഹൈവേയില്‍ ട്രാഫിക്ക് യൂണിറ്റ് രൂപീകരിക്കാന്‍ ഉദ്ദേശിക്കുന്നുണ്ടോ;

(സി)	രാത്രികാല അപകടങ്ങള്‍ ഒഴിവാക്കുന്നതിന് എന്തെങ്കിലും പദ്ധതികളുണ്ടോ, ഉണ്ടെങ്കില്‍ വിശദമാക്കുമോ?

പി.എസ്.സി റാങ്ക് ലിസ്റ്റുകളുടെ സമയബന്ധിതമായ പ്രസിദ്ധീകരണം

*174.

ശ്രീ.പി.സി വിഷ്ണുനാഥ്
,, സണ്ണി ജോസഫ്
,, വര്‍ക്കല കഹാര്‍
,, സി.പി.മുഹമ്മദ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പി.എസ്.സി റാങ്ക് ലിസ്റ്റുകള്‍ സമയബന്ധിതമായി പ്രസിദ്ധീകരിക്കാന്‍ സ്വീകരിച്ചിട്ടുള്ള നടപടികള്‍ വിശദമാക്കുമോ ;

(ബി)	പി.എസ്.സി റാങ്ക് ലിസ്റ്റുകള്‍ സമയബന്ധിതമായി പ്രസിദ്ധീകരിക്കുന്നതിനുള്ള മാര്‍ഗ്ഗരേഖകള്‍ക്ക് അംഗീകാരം നല്‍കിയിട്ടുണ്ടോ ; എങ്കില്‍ വിശദാംശങ്ങള്‍ നല്‍കാമോ ;

(സി)	ഉദ്യോഗാര്‍ത്ഥികളെ റാങ്ക് പട്ടികയില്‍ താത്ക്കാലിക അടിസ്ഥാനത്തില്‍ ഉള്‍പ്പെടുത്തുന്ന രീതി അവസാനിപ്പിച്ച് അന്തിമ റാങ്ക് ലിസ്റ്റ് പ്രസിദ്ധീകരിക്കുന്നതിന് എന്തെല്ലാം പരിഷ്ക്കാരങ്ങളാണ് പ്രസ്തുത മാര്‍ഗ്ഗരേഖയില്‍ ഉള്‍പ്പെടുത്തിയിട്ടുള്ളത് ; വിശദമാക്കുമോ ;

(ഡി)	ഇതിനായി പി.എസ്.സി സ്വീകരിച്ചിട്ടുളള തയ്യാറെടുപ്പുകളുടെ വിശദാംശങ്ങള്‍ അറിയിക്കാമോ ?

പോലീസ് സേനയും ജനങ്ങളും തമ്മിലുള്ള അനുപാതം

*175.

ശ്രീ.അന്‍വര്‍ സാദത്ത്
,, ഷാഫി പറമ്പില്‍
,, കെ.മുരളീധരന്‍
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	പോലീസ് സേനയും ജനങ്ങളും തമ്മില്‍ ആവശ്യമായ അനുപാതം നടപ്പാക്കുന്നതിന് ആസൂത്രണം ചെയ്തിരിക്കുന്ന കര്‍മ്മപരിപാടികള്‍ വിശദമാക്കുമോ;

(ബി)	ഇതിനായി പോലീസ് സേനയുടെ അംഗസംഖ്യ വര്‍ദ്ധിപ്പിക്കുന്ന കാര്യം പരിഗണനയിലുണ്ടോ;വിശദമാക്കുമോ;

(സി)	സേനയുടെ അംഗബലം എത്ര ശതമാനം വര്‍ദ്ധിപ്പിക്കാനാണ് ലക്ഷ്യമിട്ടിട്ടുള്ളത്; ഇതിനായി സ്വീകരിച്ചിട്ടുള്ള നടപടികള്‍ വിശദമാക്കുമോ?

ലോകായുക്ത

*176.

ശ്രീ.ലൂഡി ലൂയിസ്
,, കെ.ശിവദാസന്‍ നായര്‍
,, തേറമ്പില്‍ രാമകൃഷ്ണന്‍
,, ടി.എന്‍. പ്രതാപന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ലോകായുക്തയെ ശക്തിപ്പെടുത്താന്‍ എന്തെല്ലാം കര്‍മ്മപരിപാടികളാണ് ആസൂത്രണം ചെയ്തിട്ടുള്ളതെന്ന് വിശദമാക്കുമോ ;

(ബി)	നിലവില്‍ ഇവയുടെ പ്രവര്‍ത്തനങ്ങള്‍ എന്തൊക്കെയാണ് ;വിശദമാക്കുമോ ;

(സി)	ലോക്പാല്‍ ബില്‍ പ്രാബല്യത്തില്‍ വരുമ്പോള്‍ ലോകായുക്തക്ക് കൂടുതല്‍ അധികാരം നല്‍കുന്ന കാര്യം പരിഗണനയിലുണ്ടോ ; വിശദമാക്കുമോ ;

(ഡി)	ഇതിനായി എന്തെല്ലാം നടപടികളാണ് സ്വീകരിക്കുവാനുദ്ദേശിക്കുന്നത് ; വിശദാംശങ്ങള്‍ നല്‍കുമോ ?

എയര്‍ കേരള

*177.

ശ്രീ.പി.എ.മാധവന്‍
,, ഐ.സി.ബാലകൃഷ്ണന്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	എയര്‍ കേരള ആഭ്യന്തര സര്‍വ്വീസ് ആരംഭിക്കുന്നതിനുളള സാധ്യതാ പഠനത്തിന്റെ ഉദ്ദേശ്യലക്ഷ്യങ്ങളും ഇപ്പോഴത്തെ സ്ഥിതിയും വിശദമാക്കുമോ ;

(ബി)	ഏതൊക്കെ വിമാനത്താവളങ്ങളെ ബന്ധിപ്പിച്ചായിരിക്കും ആഭ്യന്തര സര്‍വ്വീസ് നടത്തുകയെന്ന് വ്യക്തമാക്കാമോ ;

(സി)	ഗള്‍ഫ് സര്‍വ്വീസിന് അനുമതി ലഭിക്കുന്നതിനുളള മാനദണ്ഡങ്ങള്‍ വിശദമാക്കുമോ ;

(ഡി)	ആഭ്യന്തര സര്‍വ്വീസ് വിപുലപ്പെടുത്തുന്നതിനായി നടപ്പാക്കുവാന്‍ ഉദ്ദേശിക്കുന്ന നൂതന പദ്ധതികള്‍ വിശദമാക്കാമോ ?

ജയിൽ സൗകര്യക്കുറവ്

*178.

ശ്രീ.കെ.എന്‍.എ.ഖാദര്‍
,, റ്റി.എ.അഹമ്മദ് കബീര്‍
,, സി.മമ്മൂട്ടി
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ജയിലുകളില്‍ തടവുകാരെ പാര്‍പ്പിക്കുന്നതിനുളള സ്ഥല സൗകര്യക്കുറവ് സ്ര‍ക്കാരിന്റെ ശ്രദ്ധയില്‍ വന്നിട്ടുണ്ടോ ;

(ബി)	എങ്കില്‍ അതിനു പരിഹാരമായി എന്തൊക്കെ നിര്‍ദ്ദേശങ്ങളാണ് പരിഗണനയിലുളളതെന്ന് വിശദമാക്കുമോ ;

(സി)	കൂടുതല്‍ ജയിലുകള്‍ സ്ഥാപിക്കുന്ന കാര്യത്തിലുളള നയം വ്യക്തമാക്കുമോ; ആദ്യ കുറ്റവാളികളില്‍ ചെറിയ ശിക്ഷയ്ക്ക് വിധിക്കപ്പെടുന്നവരെ നല്ല നടപ്പു ശിക്ഷ നല്കി ജയില്‍ ശിക്ഷയില്‍ നിന്ന് ഒഴിവാക്കുന്ന കാര്യം പരിഗണനയിലുണ്ടോ ?

ട്രോളിങ്ങ് നിരോധനം

*179.

ശ്രീ.എ. കെ. ശശീന്ദ്രന്‍
,, തോമസ് ചാണ്ടി : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	പരമ്പരാഗത മത്സ്യത്തൊഴിലാളികള്‍ക്കുമേല്‍ 61ദിവസത്തെ ട്രോളിങ്ങ് നിരോധനം നടപ്പാക്കിയതിന് എതിരെ സ്വീകരിച്ച നടപടികള്‍ വ്യക്തമാക്കാമോ ;

മത്സ്യസമൃദ്ധി പദ്ധതി

*180.

ശ്രീ.എ.റ്റി.ജോര്‍ജ്
,, ഹൈബി ഈഡന്‍
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യസമൃദ്ധി പദ്ധതി നടപ്പാക്കിവരുന്നുണ്ടോ;

(ബി)	പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാം;

(സി)	ഈ പദ്ധതിയുടെ രണ്ടാം ഘട്ടത്തില്‍ എന്തെല്ലാം പരിപാടികളാണ് നടത്താന്‍ ഉദ്ദേശിക്കുന്നത്;

(ഡി)	പദ്ധതി നടത്തിപ്പിനായി എന്തെല്ലാം നടപടികള്‍ എടുത്തിട്ടുണ്ട് ; വ്യക്തമാക്കാമൊ?

Website maintained by Information System Section, Kerala Legislative Assembly, Thiruvananthapuram.