13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >14^th Session>Unstarred questions Answers

Answer Provided

Answer Not Yet Provided

THIRTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

നീര ടോഡി ബോര്‍ഡ്

2913.

ശ്രീ.എ.എ.അസീസ് : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	നീര ടോഡി ബോര്‍ഡ് പ്രാബല്യത്തില്‍ വന്നിട്ടുണ്ടോ;

നീര ഉല്‍പ്പാദനത്തിന് ലൈസന്‍സ്

2914.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നീര ഉല്‍പ്പാദനത്തിന് ലൈസന്‍സ് നല്‍കിയത് സംബന്ധിച്ചുള്ള ജില്ല തിരിച്ചുള്ള വിവരം ലഭ്യമാക്കുമോ;

(ബി)	കോഴിക്കോട് ജില്ലയിലെ എത്ര സംഘങ്ങള്‍ക്കാണ് ലൈസന്‍സ് കൊടുത്തിട്ടുള്ളത് എന്ന് വ്യക്തമാക്കുമോ;

(സി)	ജില്ലയില്‍ ലൈസന്‍സിനായി എത്ര അപേക്ഷകള്‍ ലഭിച്ചിട്ടുണ്ട്;

(ഡി)	എത്ര അപേക്ഷകളിന്മേല്‍ നടപടികള്‍ സ്വീകരിച്ചു എന്ന് വ്യക്തമാക്കുമോ?

ലഹരി വസ്തുക്കളുടെ ഉല്‍പാദനവും വിപണനവും

2915.

ശ്രീ.വി.പി.സജീന്ദ്രന്‍
,, ലൂഡി ലൂയിസ്
,, എ.പി.അബ്ദുള്ളക്കുട്ടി
,, ഡൊമിനിക് പ്രസന്റേഷന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ലഹരി വസ്തുക്കളുടെ ഉല്‍പാദനവും വിപണനവും തടയുന്നതിനായി സ്വീകരിച്ച നടപടികള്‍ വിശദമാക്കുമോ;

(ബി)	ഇതിനായുള്ള പ്രവര്‍ത്തനം ഏകോപിപ്പിക്കുന്നതിനായി കൃത്യമായ ഇടവേളകളില്‍ ഉന്നത ഉദ്യോഗസ്ഥരുടെ യോഗം വിളിച്ച് ചേര്‍ക്കാന്‍ നടപടി സ്വീകരിക്കുമോ;

(സി)	ഇതിനകം നടപടി സ്വീകരിച്ചുവെങ്കില്‍ അവ വ്യക്തമാക്കുമോ?

പുതിയ എക്സൈസ് നയംമൂലം അടച്ചുപൂട്ടിയ ബാറുകളിലെ പ്രശ്നങ്ങള്‍

2916.

ശ്രീ.എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	പുതിയ എക്സൈസ് നയത്തിന്റെ ഭാഗമായി എത്ര ബാറുകളാണ് അടച്ചുപൂട്ടിയിട്ടുള്ളത്;

(ബി)	ഇപ്പോള്‍ എത്ര ബാറുകളാണ് പ്രവര്‍ത്തിച്ചുവരുന്നത്;

(സി)	പുതുതായി അടച്ചുപൂട്ടിയ ബാറുകളില്‍ എത്ര എണ്ണത്തിലാണ് ബീയര്‍ & വൈന്‍ പാര്‍ലര്‍ അനുവദിച്ചിട്ടുള്ളത്;

(ഡി)	മുന്‍പ് പ്രവര്‍ത്തിച്ചിരുന്ന ബാറിലെ തൊഴിലാളികള്‍ക്ക് അവിടെ അനുവദിച്ചിട്ടുള്ള ബീയര്‍ & വൈന്‍ പാര്‍ലറുകളില്‍‌ തൊഴില്‍ നല്‍കുവാന്‍ എന്തെങ്കിലും നടപടി സ്വീകരിച്ചിട്ടുണ്ടോ;

(ഇ)	എങ്കില്‍ എത്ര തൊഴിലാളികള്‍ക്കാണ് നഷ്ടപ്പെട്ട തൊഴില്‍ തിരിച്ചുകിട്ടിയിട്ടുള്ളതെന്ന് വ്യക്തമാക്കാമോ?

സുബോധം പദ്ധതി

2917.

ശ്രീ.വി.ഡി.സതീശന്‍
,, തേറമ്പില്‍ രാമകൃഷ്ണന്‍
,, വി.പി.സജീന്ദ്രന്‍
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	എക്സൈസ് വകുപ്പ് സുബോധം പദ്ധതിക്ക് രൂപം നല്‍കിയിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത് ;

(സി)	ലഹരിവിരുദ്ധ ബോധവല്‍ക്കരണത്തിന് എന്തെല്ലാം കാര്യങ്ങളാണ് പദ്ധതി വഴി നടപ്പാക്കിയിട്ടുള്ളത് ;

(ഡി)	പദ്ധതി നടത്തിപ്പിനായി ഭരണ തലത്തില്‍ എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ട് ?

അനധികൃത കള്ള് കടത്ത്

2918.

(എ)	പാലക്കാട് ജില്ലയിലെ അതിര്‍ത്തി ചെക്പോസ്റ്റുകളെ മറികടന്ന് അനധികൃതമായി കള്ള് കടത്തുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി)	എങ്കില്‍ അതു കണ്ടെത്തുന്നതിന് എന്തെങ്കിലും സംവിധാനം ഏര്‍പ്പെടുത്തിയിട്ടുണ്ടോ ;

(സി)	അനധികൃതമായി കടത്തുന്ന കള്ള് പിടികൂടുവാന്‍ എന്തെല്ലാം നടപടികളാണ് സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കാമോ ;

(ഡി)	അനധികൃതമായി കടത്തിയ കള്ള് പിടികൂടിയ ഏതെങ്കിലും കേസ് നിലവിലുണ്ടോ ?

എക്സൈസ് അക്കാദമി

2919.

ശ്രീ.ജോസഫ് വാഴയ്ക്കൻ
,, അന്‍വര്‍ സാദത്ത്
,, പി.എ.മാധവന്‍
,, തേറമ്പില്‍ രാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	എക്സൈസ് അക്കാദമി സ്ഥാപിക്കുന്നതിന് ഉദ്ദേശിക്കുന്നുണ്ടോ ; എങ്കില്‍ ഇതിന്റെ പ്രവര്‍ത്തനം ആരംഭിച്ചിട്ടുണ്ടോ ; വിശദാംശം ലഭ്യമാക്കുമോ ;

(ബി)	എക്സൈസ് അക്കാദമിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ് ;

(സി)	എല്ലാ എക്സൈസ് ഉദ്യോഗസ്ഥരെയും പരിശീലിപ്പിക്കുന്നതിന് അക്കാദമി എത്രത്തോളം പര്യാപ്തമാണ് ;

(ഡി)	അക്കാദമിയുടെ പ്രവര്‍ത്തനം വിപുലപ്പെടുത്തുന്നതിനും ആധുനിക കുറ്റാന്വേഷണ രീതികള്‍ പഠിപ്പിക്കുന്നതിനും ആവശ്യമായ ബോധനരീതി ഇവിടെ നടപ്പിലാക്കുവാന്‍ നടപടി സ്വീകരിക്കുമോ ?

ബീവറേജസ് കോര്‍പ്പറേഷനിലെ വിവിധ തസ്തിതകകളിലെ നിയമനം .

2920.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കേരള സംസ്ഥാന ബീവറേജസ് കോര്‍പ്പറേഷനില്‍ ഹെല്‍പ്പര്‍, പ്യൂണ്‍ തസ്തിതകകളില്‍ നിയമനത്തിനായി പി.എസ്.സി റാങ്ക് ലിസ്റ്റ് നിലവിലുണ്ടോ; വിശദാംശങ്ങള്‍ അറിയിക്കുമോ;

(ബി)	ഈ റാങ്ക് ലിസ്റ്റില്‍ നിന്ന് എത്ര പേര്‍ക്ക് നിയമനം നല്‍കിയിട്ടുണ്ടെന്ന് അറിയുമോ;

(സി)	സ്ത്രീകള്‍ക്ക് നിയമനത്തിനായി ഒഴിവുകള്‍ പ്രത്യേകം നീക്കിവെച്ചിട്ടുണ്ടോ; വിശദാംശങ്ങള്‍ അറിയിക്കാമോ;

(ഡി)	നിയമന ഉത്തരവ് നല്‍കിയിട്ടും ജോലിക്ക് ഹാജരാകാത്ത ഒഴിവുകള്‍ അടക്കം നിലവില്‍ ഹെല്‍പ്പര്‍, പ്യൂണ്‍ തസ്തികകളില്‍ എത്ര ഒഴിവുകള്‍ നിലവിലുണ്ട് ; ഈ തസ്തികകള്‍ പി.എസ്.സി ക്ക് റിപ്പോര്‍ട്ട് ചെയ്തിട്ടുണ്ടോ; വിശദാംശങ്ങള്‍ അറിയിക്കാമോ;

(ഇ)	ഇല്ലെങ്കില്‍ പി.എസ്.സി ക്ക് റിപ്പോര്‍ട്ട് ചെയ്ത റാങ്ക് ലിസ്റ്റില്‍ നിന്ന് നിയമനം നല്‍കുന്നതിനുള്ള നടപടി സ്വീകരിക്കുമോ?

വ്യാജമദ്യ കേസ്സുകള്‍

2921.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ ബാര്‍ നിരോധനത്തിനുശേഷം എത്ര വ്യാജമദ്യ കേസ്സുകള്‍ രജിസ്റ്റര്‍ ചെയ്യപ്പെട്ടിട്ടുണ്ട്; ജില്ലതിരിച്ചുളള വിശദാംശം നല്‍കുമോ?

താനൂര്‍ തീരപ്രദേശത്തിന് മണ്ണെണ്ണ പമ്പ്

2922.

ശ്രീ.അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	താനൂര്‍ നിയോജകമണ്ഡലം ഏറ്റവും കൂടുതല്‍ ഇന്‍ബോര്‍ഡ് വളളങ്ങളുളള തീരപ്രദേശങ്ങളിലൊന്നാണെന്ന കാര്യം ശ്രദ്ധയില്‍പെട്ടിട്ടുണ്ടോ ;

(ബി)	മണ്ണെണ്ണ ലഭിക്കുന്നതിന് താനൂര്‍ നിയോജകമണ്ഡലത്തിലെ തീരപ്രദേശം ആസ്ഥാനമായി ഒരു മണ്ണെണ്ണ പമ്പ് ആരംഭിക്കുന്ന കാര്യം പരിഗണനയിലുണ്ടോ ;

(സി)	എങ്കില്‍ എന്നത്തേക്ക് മണ്ണെണ്ണ പമ്പ് തുറക്കാനാകും ; വിശദാംശം നല്‍കാമോ ?

കായിക്കര പാലം നിര്‍മ്മാണം

2923.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വക്കം, അഞ്ചുതെങ്ങ് പഞ്ചായത്തുകളെ ബന്ധിപ്പിക്കുന്ന കായിക്കര പാലം നിര്‍മ്മാണവുമായി ബന്ധപ്പെട്ട നടപടി ക്രമങ്ങള്‍ ഏത് ഘട്ടത്തിലെന്ന് വിശദമാക്കാമോ;

(ബി)	നിര്‍മ്മാണ പ്രവര്‍ത്തനങ്ങള്‍ എന്നത്തേക്ക് ആരംഭിക്കുവാനാണ് തീരുമാനിച്ചിട്ടുളളതെന്ന് വ്യക്തമാക്കാമോ?

വിഴിഞ്ഞം പദ്ധതി

2924.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം അന്താരാഷ്ട്ര തുറമുഖകരാര്‍ അദാനി ഗ്രൂപ്പിന് നല്‍കാന്‍ തുറമുഖ കമ്പനി തീരുമാനം എടുത്തത് ഏത് തീയതിയിലായിരുന്നു ; ആരുടെ അദ്ധ്യക്ഷതയില്‍ ചേര്‍ന്ന കമ്പനി ബോര്‍ഡ് യോഗത്തിലാണ് അദാനി ഗ്രൂപ്പിന് കരാര്‍ നല്‍കാന്‍ തീരുമാനിച്ചിരുന്നത് ;

(ബി)	കരാര്‍ സംബന്ധിച്ച കാര്യത്തില്‍ സര്‍വ്വകക്ഷിയോഗം വിളിച്ചു ചേര്‍ത്തതിന്റെ ഉദ്ദേശം എന്തായിരുന്നു ; യോഗത്തില്‍ ഉന്നയിക്കപ്പെട്ട പ്രധാന വാദഗതികള്‍ എന്തെല്ലാമായിരുന്നു ;

(സി)

ഏക ടെണ്ടര്‍ നല്‍കിയ അദാനി ഗ്രൂപ്പിന് കരാര്‍ നല്‍കാന്‍ മന്ത്രിസഭയുടെ പരിഗണനയ്ക്ക് അജണ്ട വന്നത് ഏത് തീയതിയിലായിരുന്നു ; ഏത് തീയതിയില്‍ നടന്ന മന്ത്രിസഭായോഗത്തിലാണ് കരാര്‍ അദാനിയ്ക്കുതന്നെ നല്‍കണമെന്ന് തീരുമാനിച്ചത് ; മന്ത്രിസഭായോഗ തീരുമാനത്തില്‍ സര്‍വ്വകക്ഷി യോഗ തീരുമാനത്തിന്റെയടിസ്ഥാനത്തില്‍ വരുത്തിയ മാറ്റങ്ങള്‍ എന്തെല്ലാമാണ് ;

(ഡി)	മന്ത്രിസഭാ തീരുമാനത്തിന്റെയടിസ്ഥാനത്തില്‍ സര്‍ക്കാര്‍ പുറപ്പെടുവിച്ച ഉത്തരവിന്റെ പകര്‍പ്പ് മേശപ്പുറത്ത് ലഭ്യമാക്കാമോ ?

വിഴിഞ്ഞം പദ്ധതി

2925.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം പദ്ധതി അദാനി ഗ്രൂപ്പിന് നല്‍കുന്നതിന് തീരുമാനിച്ച മന്ത്രിസഭാ തീരുമാനത്തിന്‍െറ പകര്‍പ്പ് ലഭ്യമാക്കുമോ ;

(ബി)	പ്രസ്തുത പദ്ധതിയുടെ എംഒയു വിലെ വ്യവസ്ഥകളുടെ വിശദാംശം നല്‍കുമോ; അല്ലെങ്കില്‍ പ്രസ്തുത കരാറിന്‍െറ കരട് രൂപത്തിന്‍െറ പകര്‍പ്പ് നല്‍കുമോ;

(സി)	എന്നു മുതല്‍ പദ്ധതി ആരംഭിക്കുവാനാണ് സര്‍ക്കാര്‍ ഉദ്ദേശിക്കുന്നത്?

വിഴിഞ്ഞം തുറമുഖ പദ്ധതി

2926.

ശ്രീ.എം.എ.ബേബി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)

വിഴിഞ്ഞം അന്താരാഷ്ട്ര തുറമുഖ പദ്ധതിയുടെ ഇപ്പോഴത്തെ കരാര്‍ വ്യവസ്ഥയുടെ അടിസ്ഥാനത്തില്‍ പദ്ധതിയുടെ മൊത്തം ചെലവ് എത്രയാണെന്നും അതില്‍ കേന്ദ്ര- സംസ്ഥാന ഗവണ്‍മെന്റുകളുടെ ചെലവ് മൊത്തം എത്രയായിരിക്കുമെന്നും, കരാറുകാരനായ ഗൗതം അദാനിയുടെ കമ്പനി എത്ര കോടി രൂപ സ്വന്തം നിലയില്‍ കണ്ടെത്തുന്നുണ്ടെന്നും, ബാങ്ക് വഴി അദാനി കണ്ടെത്തുന്ന തുക എത്രയായിരിക്കുമെന്നും വിശദമാക്കാമോ ;

(ബി)	അടിസ്ഥാന സൗകര്യവികസനം, ഭൂമി വില തുടങ്ങിയവ ഉള്‍പ്പെടെ പദ്ധതിക്ക് സര്‍ക്കാരും - കേന്ദ്ര സര്‍ക്കാരും ചേര്‍ന്ന് ചെലവഴിക്കുന്ന മൊത്തം തുകയുടെ ഇരുപത് വര്‍ഷത്തെ പലിശ എത്ര കോടി രൂപ ആയിരിക്കും ; ഇത്തരമൊരു പരിശോധന നടത്തിയിട്ടുണ്ടോ ; വിശദമാക്കാമോ ;

(സി)	പദ്ധതിയില്‍ നിന്നും 20 വര്‍ഷത്തിനുശേഷം ലഭിക്കുന്ന ഒരു ശതമാനം വരുമാന വിഹിതം മേല്പറഞ്ഞ പലിശ നല്‍കുന്നതിന് മതിയാകുമോ ; വിശദമാക്കാമോ ?

വിഴിഞ്ഞം തുറമുഖ പദ്ധതി

2927.

ഡോ.ടി.എം.തോമസ് ഐസക് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ പദ്ധതി നടപ്പിലാക്കുന്നതിന് കരാര്‍ പ്രകാരം നിലവില്‍ വരുന്ന സ്പെഷ്യല്‍ പര്‍പ്പസ് വെഹിക്കിള്‍ കമ്പനിയില്‍ സംസ്ഥാന ഗവണ്‍മെന്റിന് എത്ര ശതമാനം ഷെയര്‍ ഉണ്ടായിരിക്കുമെന്ന് വ്യവസ്ഥ ചെയ്തിട്ടുണ്ടോ; എങ്കില്‍ ഷെയര്‍ എത്ര ശതമാനമാണെന്ന് അറിയിക്കുമോ;

(ബി)	പദ്ധതി വികസിപ്പിച്ച്പ്രവര്‍ത്തിപ്പിക്കുന്നതില്‍ കമ്പനിയില്‍ സര്‍ക്കാരിന്റെ റോള്‍ എന്തായിരിക്കും; കമ്പനിയുടെ മാനേജിംഗ് ഡയറക്ടറെ നിയോഗിക്കുന്നത് സര്‍ക്കാര്‍ ആയിരിക്കുമോയെന്നറിയിക്കുമോ;

(സി)	പദ്ധതിക്കായി സര്‍ക്കാര്‍ ചെലവഴിക്കുന്ന മൊത്തം തുക എത്ര;ഈ തുകയത്രയും വിനിയോഗിക്കുന്നത് ഏത് നിലയിലായിരിക്കും; ബിഡ് രേഖകളിലെ വ്യവസ്ഥകളുടെ അടിസ്ഥാനത്തില്‍ പ്രസ്തുത കാര്യങ്ങള്‍ വിശദമാക്കാമോ?

വിഴിഞ്ഞം തുറമുഖ പദ്ധതി ബിഡ് രേഖകളുടെ പകര്‍പ്പ്

2928.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം അന്താരാഷ്ട്ര തുറമുഖ പദ്ധതിയുടെ ടെണ്ടറില്‍, ഗൗതം അദാനിയുടെ കമ്പനി സമര്‍പ്പിച്ച ബിഡ് രേഖകളുടെ പകര്‍പ്പ് ലഭ്യമാക്കാമോ ?

വിഴിഞ്ഞം തുറമുഖ പദ്ധതി.

2929.

ശ്രീ.പി.കെ.ഗുരുദാസന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ പദ്ധതിക്ക് ടെണ്ടര്‍ വിളിക്കുമ്പോള്‍ അടിസ്ഥാന സൗകര്യങ്ങള്‍ അടക്കം തുറമുഖം വികസിപ്പിക്കുന്നതിന് കണക്കാക്കപ്പെട്ട മൊത്തം തുക എത്ര ;

(ബി)	പദ്ധതി നടത്തിപ്പിന്റെ ഘട്ടത്തിലുണ്ടായ നിരക്ക് വര്‍ദ്ധന സംബന്ധിച്ച വ്യവസ്ഥകള്‍ എന്തെല്ലാമാണ് ;

(സി)	പദ്ധതിയുടെ മൊത്തത്തിലുള്ള നിയന്ത്രണം ആര്‍ക്കായിരിക്കും ;

(ഡി)	സര്‍ക്കാരും അദാനിയും പദ്ധതിക്ക് ആവശ്യമായ തുക മുതല്‍ മുടക്കുന്നത് സംബന്ധിച്ച വ്യവസ്ഥകള്‍ വിശദമാക്കാമോ ;എത്ര മാസങ്ങള്‍ കൊണ്ട് പദ്ധതി പൂര്‍ത്തീകരിക്കാമെന്നാണ് കരുതുന്നത് ;പദ്ധതി നിര്‍വ്വഹണ ഘട്ടത്തിലുണ്ടാകുന്ന നിരക്ക് വര്‍ദ്ധന സംബന്ധിച്ച പ്രോജക്ട് റിപ്പോര്‍ട്ടിലെ വ്യവസ്ഥകള്‍ വിശദമാക്കാമോ ?

വിഴിഞ്ഞം തുറമുഖ പദ്ധതിയുടെ ചെലവും ഭാവി വരുമാനവും

2930.

(എ)	വിഴിഞ്ഞം തുറമുഖ പദ്ധതിക്ക് ഭൂമി ഏറ്റെടുക്കൽ, റോഡ്, റയില്‍ തുടങ്ങിയ അടിസ്ഥാന സൗകര്യങ്ങള്‍ എന്നിവയ്ക്കായി എത്ര കോടി രൂപ ചെലവ് കണക്കാക്കിയിട്ടുണ്ട് എന്ന് വ്യക്തമാക്കുമോ;

(ബി)	തുറമുഖ നിര്‍മ്മാണവും പ്രവര്‍ത്തനവുമായി ബന്ധപ്പെട്ട് കണക്കാക്കപ്പെട്ട ചെലവ് എത്രയെന്നും ഇതില്‍ എത്ര കോടി രൂപ കേന്ദ്ര -സംസ്ഥാന ഗവണ്‍മെന്റ് വഴി അദാനിക്ക് നല്‍കേണ്ടതുണ്ട് എന്നും വെളിപ്പെടുത്തുമോ ;

(സി)	പദ്ധതി തുകയുടെ എത്ര ശതമാനം തുക കേന്ദ്ര -സംസ്ഥാന സര്‍ക്കാരുകള്‍ നല്‍കേണ്ടതുണ്ട് എന്ന് വിശദമാക്കുമോ?

(ഡി)	പുതിയ കണ്‍സ്ട്രക്ഷന്‍ എഗ്രിമെന്റ് പ്രകാരം 20-ാം വര്‍ഷം മുതല്‍ ഓരോ വര്‍ഷവും തുറമുഖ വരുമാനത്തിന്റെ എത്ര ശതമാനം സംസ്ഥാനത്തിന് ലഭിക്കേണ്ടതുണ്ട് എന്ന് വിശദീകരിക്കുമോ;

(ഇ)	20-ാം വര്‍ഷത്തില്‍ സംസ്ഥാനത്തിന് ലഭിക്കുന്ന തുക, കേന്ദ്ര -സംസ്ഥാന സര്‍ക്കാരുകള്‍ ആദ്യഘട്ടത്തില്‍ പദ്ധതിക്കുവേണ്ടി അദാനിക്ക് നല്കുന്ന 32.5 ശതമാനം തുകയുടെ പലിശയേക്കാള്‍ കൂടുതലായിരിക്കുമോയെന്നു വ്യക്തമാക്കുമോ;

(എഫ്)

അദാനി പോര്‍ട്ട്സ് പദ്ധതി രേഖയില്‍ കണക്കാക്കിയ 20 വര്‍ഷം മുതല്‍ 60 വര്‍ഷം വരെയുള്ള വരുമാനം എത്ര കോടി വീതമാണ്; വിശദമാക്കാമോ?

വിഴിഞ്ഞം തുറമുഖ പദ്ധതിയുടെ പ്രോജക്ട് റിപ്പോര്‍ട്ട്

2931.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ പദ്ധതിയുടെ വിശദമായ പ്രോജക്ട് റിപ്പോര്‍ട്ട് ആദ്യമായി ഇന്ത്യാ ഗവണ്‍മെന്റിന് സമര്‍പ്പിച്ചത് എപ്പോഴാണ്;

(ബി)	പദ്ധതിയുടെ പാരിസ്ഥിതികാനുമതിക്കായി ഇന്ത്യാ ഗവണ്‍മെന്റിന് അപേക്ഷ സമര്‍പ്പിച്ചത് എപ്പോഴാണ്;

(സി)	ഏണ്‍സ്റ്റ് ആന്റ് യങ്ങിനെ ഫിനാന്‍ഷ്യല്‍ കണ്‍സള്‍ട്ടന്റായി നിശ്ചയിച്ചതെപ്പോഴാണ്;

(ഡി)	എസ്.ബി.ഐ ക്യാപ്പിറ്റലിനെ ഫണ്ട് മാനേജരായി നിശ്ചയിച്ചതെപ്പോഴാണ്;

(ഇ)	ടെക്നിക്കല്‍ കണ്‍സള്‍ട്ടന്റായി എയ്കോമിനെ നിശ്ചയിച്ചതെപ്പോഴാണ്;

(എഫ്)

മേല്‍ ചോദ്യങ്ങളുടെ ഉത്തരങ്ങളുമായി ബന്ധപ്പെട്ട സര്‍ക്കാര്‍ ഉത്തരവുകളുടെ പകര്‍പ്പുകള്‍ ലഭ്യമാക്കുമോ?

വിഴിഞ്ഞം തുറമുഖ പദ്ധതിക്കുവേണ്ടി ഭൂമി ഏറ്റെടുക്കൽ

2932.

(എ)	വിഴിഞ്ഞം തുറമുഖ പദ്ധതിക്കുവേണ്ടി ആകെ എത്ര ഭൂമി ഏറ്റെടുക്കുവാനാണ് വിജ്ഞാപനം ചെയ്തത് എന്ന് വ്യക്തമാക്കുമോ ;

(ബി)	ഭൂമി ഏറ്റെടുക്കുന്നതിനായി എത്ര ഘട്ടമായി വിജ്ഞാപനം പുറപ്പെടുവിക്കുകയുണ്ടായിട്ടുണ്ടെന്നും ഓരോ വിജ്ഞാപനവും പുറപ്പെടുവിച്ചതെന്നാണെന്നും വ്യക്തമാക്കുമോ;

(സി)	ഓരോ വിജ്ഞാപന പ്രകാരവും ഇതിനോടകം എത്ര ഭൂമി ഏറ്റെടുക്കുകയുണ്ടായെന്നും ആകെ എത്ര നഷ്ടപരിഹാരം നല്‍കുകയുണ്ടായെന്നും വ്യക്തമാക്കുമോ;

(ഡി)	വിഴിഞ്ഞം തുറമുഖ പദ്ധതിക്കുവേണ്ടി 2011 മെയ് മാസത്തിനു ശേഷം ആകെ എത്ര ഭൂമി ഏറ്റെടുത്തുവെന്നും എത്ര തുക നഷ്ട പരിഹാരമായി നല്‍കുകയുണ്ടായെന്നും വ്യക്തമാക്കുമോ?

വിഴിഞ്ഞം പോര്‍ട്ട് എസ്റ്റേറ്റ് ഡവലപ്പ്മെന്‍റ്

2933.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)

വിഴിഞ്ഞം പദ്ധതിയുടെ കരാര്‍ വ്യവസ്ഥ പ്രകാരം പോര്‍ട്ട് എസ്റ്റേറ്റ് ഡവലപ്പ്മെന്‍റിനു മാത്രമായി ഉപയോഗിക്കുന്ന ഭൂമി എത്രയായിരിക്കും ; ഇതില്‍ റസിഡന്‍ഷ്യല്‍ ആവശ്യാര്‍ത്ഥം നിര്‍മ്മിക്കുന്ന ഫ്ലാറ്റ് സമുച്ചയങ്ങള്‍ എത്ര സ്ക്വയര്‍ഫീറ്റ് ആയിരിക്കും ; ഇതിനായുള്ള എസ്റ്റിമേറ്റുകളുടെ വിശദവിവരങ്ങള്‍ വെളിപ്പെടുത്താമോ ;

(ബി)

പോര്‍ട്ട് എസ്റ്റേറ്റ് ഡവലപ്പ്മെന്‍റിന്‍െറ ഭാഗമായി റീട്ടയില്‍, കൊമേഴ്സ്യല്‍, ഹോസ്പിറ്റാലിറ്റി തുടങ്ങിയവയുടെ എസ്റ്റിമേറ്റ് തുക എ്രത ; ഇൗ പദ്ധതിയുടെ ഇന്‍വെസ്റ്റ്മെന്‍റ് നടത്തുന്നത് പൂര്‍ണ്ണമായും അദാനി കമ്പനിയാണോ; ഇവയിലൂടെയുള്ള റവന്യൂ വരുമാനത്തിന്‍െറ പത്ത് ശതമാനമാണോ ലാഭത്തിന്‍െറ പത്ത് ശതമാനമാണോ സംസ്ഥാനത്തിന് നല്‍കുന്നത് ; ഏതാണ് നല്‍കുന്നത് ; ഏത് തീയതി മുതല്‍ ;

(സി)	ഡവലപ്പ് ചെയ്യുന്ന പോര്‍ട്ട് എസ്റ്റേറ്റ് പൂര്‍ണ്ണമായും സര്‍ക്കാര്‍ ഉടമസ്ഥതയിലായിരിക്കുമോ ; ഇതിന്‍െറ ലൈസന്‍സ് പീരിഡ് അവസാനിക്കുന്ന തീയതി ഏതായിരിക്കും ; അന്നുമുതല്‍ പോര്‍ട്ട് എസ്റ്റേറ്റിന്‍െറ ഉടമസ്ഥതയും വരുമാനവും പൂര്‍ണ്ണമായും സംസ്ഥാനത്തിനായിരിക്കുമോ എന്ന് വ്യക്തമാക്കുമോ?

വിഴിഞ്ഞം രാജ്യാന്തര കണ്ടെയ്‍നര്‍ തുറമുഖ നിര്‍മ്മാണം

2934.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം രാജ്യാന്തര കണ്ടെയ്‍നര്‍ തുറമുഖ നിര്‍മ്മാണത്തിന് അദാനിഗ്രൂപ്പുമായി കരാറില്‍ ഏര്‍പ്പെടാന്‍ അനുമതി നല്കിക്കൊണ്ടുളള ഉത്തരവിന്റെയും ഇതിനായി മന്ത്രിസഭാ യോഗത്തിന്റെ പരിഗണനയ്ക്ക് വന്ന നിര്‍ദ്ദേശത്തിന്റയും പകര്‍പ്പ് ലഭ്യമാക്കാമാേ;

(ബി)	മന്ത്രിസഭാ യോഗത്തിന്റെ പരിഗണനയ്ക്ക് വന്ന നിര്‍ദ്ദേശത്തിന്മേല്‍ ധനകാര്യം, നിയമം തുടങ്ങി ഏതെല്ലാം വകുപ്പുകളുടെ അഭിപ്രായം തേടിയിട്ടുണ്ടായിരുന്നു; ബന്ധപ്പെട്ട വകുപ്പുകളുടെ അഭിപ്രായത്തിന്റെ പൂര്‍ണ്ണ രൂപത്തിലുളള പകര്‍പ്പ് ലഭ്യമാക്കാമോ?

വിഴി‍ഞ്ഞം തുറമുഖ വികസനത്തിനായുള്ള പി.പി.പി. മോഡല്‍ ടെണ്ടർ

2935.

ശ്രീ.കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴി‍ഞ്ഞം തുറമുഖ വികസനത്തിനായുള്ള പി.പി.പി. മോഡലിന്റെ ടെണ്ടറില്‍ ക്വാട്ട് ചെയ്ത ഏക കമ്പനിയുമായി ചര്‍ച്ച നടത്തി എഗ്രിമെന്റിലേര്‍പ്പെടുന്നത്, ടെണ്ടര്‍ നടപടിക്രമങ്ങള്‍ സബന്ധിച്ച ചട്ടങ്ങളുടെയും വ്യവസ്ഥകളുടെയും ലംഘനമാണെന്ന ആക്ഷേപം ശ്രദ്ധയിൽ പെട്ടിടുണ്ടോ ;

(ബി)	ടെണ്ടറില്‍ ക്വാട്ട് ചെയ്യുന്നത് ഏക കമ്പനിയായിരിക്കുമ്പോള്‍ മത്സരാധിഷ്ഠിതമല്ലാത്ത സാഹചര്യത്തില്‍ സ്വീകരിക്കേണ്ടതായ നടപടിക്രമങ്ങള്‍ എന്തെല്ലാമായിരുന്നു ; അവ പാലിക്കപ്പെട്ടിട്ടുണ്ടോ ; വ്യക്തമാകുമോ ;

(സി)	അദാനിയുടെ ടെണ്ടര്‍ ഉറപ്പിച്ചില്ലെങ്കില്‍ വിഴി‍ഞ്ഞം വികസനത്തിനുളള അവസാന അവസരമായിരിക്കുമെന്ന് പ്രഖ്യാപിച്ചതിന്റെയടിസ്ഥാനം എന്തായിരുന്നു; വ്യക്തമാക്കാമോ ;

(ഡി)	ടെണ്ടറില്‍ പങ്കെടുത്ത ഏക കമ്പനിക്ക് വേണ്ടി അദാനി സമ്മര്‍ദ്ദ തന്ത്രങ്ങള്‍ നടത്തിയെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ?

അദാനിയുമായി മുഖ്യമന്ത്രി നടത്തിയ കൂടിക്കാഴ്ച

2936.

ശ്രീ.എളമരം കരീം : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ പദ്ധതിയുടെ ടെണ്ടറില്‍ ക്വാട്ട് ചെയ്ത അദാനി പോര്‍ട്സ് ഉടമ അദാനിയുമായി മുഖ്യമന്ത്രി ഡല്‍ഹിയില്‍ വെച്ച് നടത്തിയ കൂടിക്കാഴ്ച ഔദ്യോഗികമായിരുന്നുവോ;

(ബി)	അദാനിയുമായി കൂടിക്കാഴ്ച നടത്താന്‍ മന്ത്രിസഭ തീരുമാനിച്ചിട്ടുണ്ടായിരുന്നുവോ ; തുറമുഖ കമ്പനിയുടെ ഡയറക്ടര്‍ ബോര്‍ഡില്‍ തീരുമാനം എടുത്തിട്ടുണ്ടായിരുന്നുവോ;

(സി)	കൂടിക്കാഴ്ചയ്ക്കുവേണ്ടി മുഖ്യമന്ത്രി നടത്തിയ കറസ്പോണ്ടന്‍സ് എന്തൊക്കെയായിരുന്നു; പ്രസ്തുത കൂടിക്കാഴ്ച യോഗത്തിന്റെ മിനിട്സിന്റെ ഒരു പകര്‍പ്പ് ലഭ്യമാക്കാമോ ;

(ഡി)	ഒരു വന്‍കിട പദ്ധതിയുടെ ടെണ്ടറിനു പങ്കെടുത്ത ഒരു കമ്പനി ഉടമയുമായി ഇത്തരത്തില്‍ നടത്തിയ ചര്‍ച്ച ടെണ്ടര്‍നായുളള നടപടിക്രമങ്ങള്‍ സംബന്ധിച്ച വ്യവസ്ഥകളുടെ ഏത് വ്യവസ്ഥയനുസരിച്ചാണെന്നു വെളിപ്പെടുത്താമോ ?

അരൂര്‍ മണ്ഡലത്തില്‍ നടന്ന വികസന പ്രവര്‍ത്തനങ്ങള്‍

2937.

ശ്രീ.എ.എം. ആരിഫ് : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിനുശേഷം ഫിഷറീസ് വകുപ്പ് വഴിയും ഹാര്‍ബര്‍ എന്‍ജിനീയറിംഗ് മുഖേനയും അരൂര്‍ മണ്ഡലത്തില്‍ എന്തൊക്കെ വികസന പ്രവര്‍ത്തനങ്ങളാണ് നടന്നിട്ടുള്ളത് എന്നത് സംബന്ധിച്ച വിശദാംശങ്ങള്‍ ലഭ്യമാക്കുമോ?

താനൂര്‍ ഓട്ടുമ്പ്രം- കെട്ടുങ്ങല്‍ പാലം നിര്‍മ്മാണം

2938.

(എ)	താനൂര്‍ ഓട്ടുമ്പ്രം- കെട്ടുങ്ങല്‍ പാലംനിര്‍മ്മാണം ഇപ്പോള്‍ ഏത് ഘട്ടത്തിലാണ്;അപ്രോച്ച് റോഡിന്റെ പ്രവൃത്തി എന്നത്തേയ്ക്ക് ആരംഭിക്കാനാകുമെന്ന് വ്യക്തമാക്കാമോ;

(ബി)	താനൂര്‍ ഓട്ടുമ്പ്രം- കെട്ടുങ്ങല്‍ പാലം നിര്‍മ്മാണം എന്നത്തേയ്ക്ക് പൂര്‍ത്തീകരിക്കാനാകുമെന്ന് വിശദമാക്കാമോ?

വിഴിഞ്ഞം തുറമുഖ പദ്ധതി

2939.

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ പദ്ധതിയുടെ ഏക ടെണ്ടര്‍ പ്രശ്നത്തില്‍ നിയമവകുപ്പില്‍ നിന്നും സ്റ്റോര്‍ പര്‍ച്ചേസ് വകുപ്പില്‍ നിന്നും തുറമുഖ വകുപ്പ് നിയമോപദേശം തേടിയിയിരുന്നോ ;

(ബി)	നിയമ - സ്റ്റോര്‍ പര്‍ച്ചേസ് വകുപ്പുകളിലെ ഏതെല്ലാം ഉദ്യോഗസ്ഥര്‍ പ്രസ്തുത ഫയലുകള്‍ കാണുകയും അഭിപ്രായങ്ങള്‍ രേഖപ്പെടുത്തുകയും ചെയ്തിരുന്നുവെന്ന് വ്യക്തമാക്കാമോ ;

(സി)	പ്രസ്തുത ഉദ്യോഗസ്ഥര്‍ അഭിപ്രായങ്ങള്‍ രേഖപ്പെടുത്തിയത് ബന്ധപ്പെട്ട നിയമവ്യവസ്ഥകളുടെ അടിസ്ഥാനത്തിലാണോയെന്ന് പരിശോധിച്ചിട്ടുണ്ടോ ; വിശദമാക്കാമോ ;

(ഡി)	പദ്ധതിക്കുവേണ്ടി ഇതിനകം വിളിച്ച ടെണ്ടറുകളെല്ലാം വ്യത്യസ്ത മോ‍ഡലുകളിലായിരുന്നോ ; എങ്കില്‍ 2013-ല്‍ വിളിച്ച മോഡലില്‍ എത്ര തവണ ടെണ്ടര്‍ വിളിച്ചിരുന്നു ; റീടെണ്ടര്‍ വിളിക്കാതിരുന്നതിന്റെ കാരണം നിയമോപദേശം കൊടുത്തവര്‍ പരിഗണിക്കുകയുണ്ടായോ ; വിശദമാക്കാമോ ?

കയ്പമംഗലം നിയോജക മണ്ഡലത്തിലെ റോഡ് പ്രവൃത്തികള്‍

2940.

ശ്രീ.വി.എസ്.സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കയ്പമംഗലം നിയോജക മണ്ഡലത്തില്‍ ഹാര്‍ബര്‍ എഞ്ചിനീയറിംഗ് വകുപ്പില്‍ നിന്ന് ഭരണാനുമതി ലഭിച്ച റോഡ് പ്രവൃത്തികള്‍ ഏതൊക്കെ എന്ന് വ്യക്തമാക്കാമോ;

(ബി)	പ്രവൃത്തി പൂര്‍ത്തീകരിച്ച റോഡുകളുടെ വിവരം വ്യക്തമാക്കാമോ;

(സി)	ഹാര്‍ബര്‍ എഞ്ചിനീയറിംഗ് വകുപ്പ് അനുവദിച്ച റോഡ് പ്രവൃത്തികളുടെ വിവരം അസംബ്ലി നിയോജക മണ്ഡലം തിരിച്ച് വ്യക്തമാക്കാമോ?

ധര്‍മ്മടം മണ്ഡലത്തിലെ റോഡുനിര്‍മ്മാണം

2941.

ശ്രീ.കെ.കെ.നാരായണന്‍ : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ധര്‍മ്മടം മണ്ഡലത്തില്‍ ഈ സർക്കാരിന്റെ കാലത്ത് ഏതെല്ലാം തീരദേശ റോഡുകളുടെ പ്രവൃത്തികളാണ് നടത്തിയിട്ടുള്ളത് എന്ന് വ്യക്തമാക്കാമോ;ഇതില്‍ ഓരോ റോഡുകള്‍ക്കും ചെലവഴിച്ച തുക എത്രയെന്നു ഇനം തിരിച്ചു വിശദമാക്കാമോ?

കോഴിക്കോട് ജില്ലയിലെ ഏലത്തൂര്‍ നിയോജക മണ്ഡലത്തിലെ റോഡുകളുടെ പുനരുദ്ധാരണം

2942.

ശ്രീ.എ. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് തീരദേശ റോഡുകളുടെ പുനരുദ്ധാരണ പദ്ധതിയില്‍ ഉള്‍പ്പെടുത്തി കോഴിക്കോട് ജില്ലയിലെ ഏലത്തൂര്‍ നിയോജക മണ്ഡലത്തില്‍ ഏതെല്ലാം റോഡുകളുടെ എസ്റ്റിമേറ്റുകളാണ് ഭരണാനുമതിക്കായി ലഭിച്ചിട്ടുള്ളതെന്ന് വെളിപ്പെടുത്താമോ ;

(ബി)	ഇതില്‍ ഭരണാനുമതി ലഭിച്ച റോഡുകളുടെ പേരും വര്‍ഷവും തരം തിരിച്ച് വ്യക്തമാക്കാമോ ;

(സി)	ഭരണാനുമതി ലഭിക്കാത്ത റോഡുകളുടെ പേരുവിവരം വെളിപ്പെടുത്താമോ ;

(ഡി)	പ്രസ്തുത റോഡുകളുടെ പ്രവൃത്തിക്ക് ഭരണാനുമതി ലഭിക്കാനുള്ള നടപടി സ്വീകരിക്കാമോ ?

ഓലക്കല്‍ക്കടവില്‍ പാലം നിർമ്മാണം

2943.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)

കണ്ണൂര്‍ ജില്ലയിലെ രാമന്തളി, മാടായി ഗ്രാമപഞ്ചായത്തുകളെ തമ്മില്‍ ബന്ധിപ്പിക്കുന്നതും തീരപ്രദേശത്ത് സ്ഥിതിചെയ്യുന്നതുമായ ഓലക്കല്‍ക്കടവില്‍ പാലം പണിയുന്നതിന് ഹാര്‍ബര്‍ എഞ്ചിനീയറിംഗ് വകുപ്പില്‍ നിന്നും പ്രാഥമിക പഠനം നടത്തുന്നതിനായി 10 ലക്ഷം രൂപ ചെലവ് വരുന്ന ഇന്‍വെസ്റ്റിഗേഷന്‍ എസ്റ്റിമേറ്റ് 10/7/2013 ന് സര്‍ക്കാരിന് സമര്‍പ്പിച്ചിരുന്നുെങ്കിലും ഇതുവരെ ഭരണാനുമതി ലഭിക്കാത്തതിന് കാരണമെന്ത് ; വിശദമാക്കാമോ ;

(ബി)	11/7/2014 ലെ സബ്മിഷന് ബഹു. മത്സ്യബന്ധന തുറമുഖ വകുപ്പ് മന്ത്രി ഇന്‍വെസ്റ്റിഗേഷന്‍ എസ്റ്റിമേറ്റിന് ഉടനെ അനുമതി നല്‍കുന്നതാണെന്ന് മറുപടി നല്‍കിയിരുന്നെങ്കിലും ഒരു വര്‍ഷം കഴിഞ്ഞിട്ടും ഫണ്ട് അനുവദിക്കാത്തത് എന്തുകൊണ്ട് ; വ്യക്തമാക്കുമോ ;

(സി)	പ്രസ്തുത പാലത്തിന് നബാര്‍ഡിന്റെ RIDF 21 സ്കീമില്‍ ഉള്‍പ്പെടുത്തി ഫണ്ട് ലഭ്യമാക്കാന്‍ നടപടി സ്വീകരിക്കുമോ?

സബ്സിഡി നിരക്കില്‍ മണ്ണെണ്ണ വിതരണം

T 2944.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് രജിസ്റ്റർ ചെയ്ത മത്സ്യബന്ധന യാനങ്ങള്‍ക്ക് സബ്സിഡി നിരക്കില്‍ മണ്ണെണ്ണ വിതരണം ചെയ്യുന്നതിന് എന്തെങ്കിലും പുതിയ പദ്ധതി ആവിഷ്കരിച്ചിട്ടുണ്ടോ ; വിശദമാക്കാമോ ;

(ബി)	മണ്ണെണ്ണ വിതരണം ചെയ്യുന്നതിന് പ്രത്യേക ഔട്ട്‌ ലെറ്റുകൾ സ്ഥാപിക്കാന്‍ ഉദ്ദേശിക്കുന്നുണ്ടോ ; ഉണ്ടെങ്കില്‍ ഏതെല്ലാം ജില്ലകളില്‍ ഏതെല്ലാം സ്ഥലങ്ങളിലാണ് ഔട്ട്‌ ലെറ്റുകൾ സ്ഥാപിക്കുന്നതെന്ന് വ്യക്തമാക്കാമോ ?

മണ്ണെണ്ണ ബങ്ക് നിര്‍മ്മിക്കുന്നതിനുള്ള എന്‍.ഒ.സി

2945.

(എ)	കൊല്ലം തങ്കശ്ശേരിയില്‍ മണ്ണെണ്ണ ബങ്ക് നിര്‍മ്മിക്കുന്നതിന് ഏതെല്ലാം വകുപ്പുകളില്‍ നിന്നാണ് എന്‍.ഒ.സി ലഭ്യമാകേണ്ടത് എന്നറിയിക്കാമോ;

(ബി)	എന്‍.ഒ.സി ലഭിക്കുന്നതിന് എന്തെല്ലാം അടിയന്തര നടപടി സ്വീകരിച്ചു എന്നറിയിക്കാമോ;

(സി)	ഇതിനകം ഏതെല്ലാം വകുപ്പുകളില്‍ നിന്നും എന്‍.ഒ.സി ലഭിച്ചു എന്നറിയിക്കാമോ?

മാവേലിക്കര മണ്ഡലത്തില്‍ നടപ്പിലാക്കുന്ന പദ്ധതികള്‍

2946.

ശ്രീ.ആര്‍. രാജേഷ് : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യബന്ധന തുറമുഖ വകുപ്പുകള്‍ മാവേലിക്കര മണ്ഡലത്തില്‍ നടപ്പിലാക്കുന്നതിനായി നിലവില്‍ ഏറ്റെടുത്തിരിക്കുന്ന പദ്ധതികള്‍ ഏതൊക്കെ?

ഡോ. മീനാകുമാരി കമ്മിറ്റി റിപ്പോര്‍ട്ടിലെ ശിപാര്‍ശകള്‍

2947.

ശ്രീ.പി.കെ.ഗുരുദാസന്‍ : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഡോ. മീനാകുമാരി കമ്മിറ്റി റിപ്പോര്‍ട്ടിലെ ശിപാര്‍ശകള്‍ നടപ്പിലാക്കരുതെന്ന കേരളത്തിന്റെ ആവശ്യത്തിന്മേല്‍ കേന്ദ്രസര്‍ക്കാര്‍ എന്തെങ്കിലും നടപടി സ്വീകരിച്ചിട്ടുണ്ടോ ; വ്യക്തമാക്കാമോ?

പോള നിര്‍മ്മാര്‍ജ്ജനം

2948.

ശ്രീ.തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കുട്ടനാട്ടിലെ തോടുകളിലും ആറുകളിലും പോള നിറഞ്ഞ് അതിരൂക്ഷമായ ആരോഗ്യപ്രശ്നങ്ങള്‍ ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ ;

(ബി)	ഫിര്‍മ മുഖാന്തിരം നേരത്തെ കുട്ടനാട്ടില്‍ നടപ്പിലാക്കിയിരുന്നതുപോലെ പോള നിര്‍മ്മാര്‍ജ്ജനം നടത്തുന്നതിന് പദ്ധതി ആവിഷ്കരിച്ചിട്ടുണ്ടോ ; എങ്കില്‍ ആയതിന്റെ വിശദവിവരം വ്യക്തമാക്കുമോ ;

(സി)	പോള നിര്‍മ്മാര്‍ജ്ജനം ചെയ്യുന്നതിനുള്ള പദ്ധതി പുനരാരംഭിക്കുന്നതിന് അടിയന്തര നടപടി സ്വീകരിക്കുമോ ?

കേരള അക്വേറിയം റിഫോംസ് ആക്റ്റ്

2949.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാരിന്റെ കാലത്ത് ആവിഷ്കരിച്ച കേരള അക്വേറിയം റിഫോംസ് ആക്റ്റിന് കേന്ദ്ര സര്‍ക്കാരിന്റെ അംഗീകാരം ലഭിച്ചിട്ടുണ്ടോ;വ്യക്തമാക്കാമോ;

(ബി)	പ്രസ്തുത ആക്ടിന്റെ അംഗീകാരത്തിനായി ഈ സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്നു വിശദമാക്കുമോ?

ഖനാമീ ചെമ്മീന്‍ കൃഷി

2950.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിദേശത്ത് നിന്നും ഇറക്കുമതി ചെയ്ത ഖനാമീ എന്ന ഇനം ചെമ്മീന്‍ കൃഷി സംസ്ഥാനത്ത് ആരംഭിച്ചിട്ടുണ്ടോ;

(ബി)	എങ്കില്‍ ഏതൊക്കെ ജില്ലകളിലാണ് പ്രാഥമികമായി പ്രസ്തുത ചെമ്മീന്‍ കൃഷി നടത്തിയതെന്നുള്ള വിശദാംശം അറിയിക്കുമോ;

(സി)	നിലവില്‍ കൃഷി ചെയ്തുവരുന്ന ചെമ്മീന്‍ ഇനങ്ങളില്‍ നിന്നും ഖനാമീ ചെമ്മീനിനുള്ള പ്രത്യേക ഗുണങ്ങളും ദോഷങ്ങളും എന്തൊക്കെയാണെന്ന് വിലയിരുത്തിയിട്ടുണ്ടോ; എങ്കില്‍ വിശദാംശം അറിയിക്കുമോ;

(ഡി)	ഖനാമീ ചെമ്മീന്‍ കൃഷി നടത്തുന്നതിന് എന്തൊക്കെ നിയന്ത്രണങ്ങളാണ് നിലവിലുള്ളത്; ഇതിന് പ്രത്യേക ലൈസന്‍സ് ആവശ്യമുണ്ടോ; എങ്കില്‍ അതിനുള്ള നടപടിക്രമങ്ങള്‍ എന്തൊക്കെയാണ്;

(ഇ)	പ്രസ്തുത ചെമ്മീന്‍ കൃഷി സംസ്ഥാനത്ത് വ്യാപകമാക്കുവാന്‍ ഉദ്ദേശിക്കുന്നുവോ; എങ്കില്‍വിശദാംശംവ്യക്തമാക്കുമോ?

മത്സ്യ സമൃദ്ധി പദ്ധതി

2951.

ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യ സമൃദ്ധി പദ്ധതി നിലവില്‍ വന്നതിനുശേഷം നേരത്തെ മത്സ്യകൃഷിക്ക് ഉപയോഗിക്കാതിരുന്ന എത്ര ഹെക്ടറില്‍ മത്സ്യ കൃഷി ആരംഭിച്ചിട്ടുണ്ടെന്ന് ഓരു ജലം, ശുദ്ധജലം എന്നിവ തിരിച്ചുള്ള വിവരം ജില്ല അടിസ്ഥാനത്തില്‍ വിശദമാക്കാമോ ?

മത്സ്യ സംസ്ക്കരണ മേഖലയിലെ തൊഴിലാളികളുടെ ക്ഷേമം

2952.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യ സംസ്ക്കരണ മേഖലയിലെ തൊഴിലാളികളുടെ ക്ഷേമത്തിനായി കഴിഞ്ഞ എല്‍.ഡി.എഫ് സര്‍ക്കാരിന്‍െറ കാലത്ത് ഫിഷറീസ് അഡീഷണല്‍ ചീഫ് സെക്രട്ടറി ചെയര്‍മാനായി രൂപീകരിച്ച കമ്മിറ്റി സമഗ്രമായി പഠിച്ച് റിപ്പോര്‍ട്ട് സമര്‍പ്പിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇൗ സര്‍ക്കാര്‍ വന്നതിനുശേഷം ഇതിന്മേല്‍ കൂടുതല്‍ സമഗ്ര പരിശോധന വേണമെന്ന നിഗമനത്തില്‍ പുതിയ കമ്മിറ്റി രൂപീകരിച്ചോ; ആരാണ് ഇൗ കമ്മിറ്റിയുടെ ചെയര്‍മാന്‍, ഇൗ കമ്മിറ്റിയുടെ എ്രത യോഗങ്ങള്‍ ചേര്‍ന്നു;

(സി)	ഇൗ കമ്മിറ്റി റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ ആയതിന്‍െറ പകര്‍പ്പ് ലഭ്യമാക്കുമോ;

(ഡി)	ഇൗ കമ്മിറ്റി റിപ്പോര്‍ട്ടിന്മേലുള്ള ഏതെല്ലാം കാര്യങ്ങളാണ് നടപ്പിലാക്കിയത്; വിശദാംശങ്ങള്‍ ലഭ്യമാക്കാമോ?

വയനാട് ജില്ലയില്‍ മത്സ്യ വിത്ത് ഹാച്ചറി ആരംഭിക്കുന്നതിന് നടപടി

2953.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വയനാട് ജില്ലയില്‍ മത്സ്യകൃഷി വ്യാപിപ്പിക്കുന്നതിനായി എന്തെല്ലാം അനുകൂല ഘടകങ്ങളാണുള്ളതെന്ന് കണ്ടെത്തിയിട്ടുണ്ടോ ; വിശദമാക്കുമോ ;

(ബി)	കഴിഞ്ഞ വര്‍ഷം മത്സ്യ കൃഷിക്കായി വയനാട് ജില്ലയില്‍ ചെലവഴിച്ച തുകയെത്രയെന്നും ലഭിച്ച വരുമാനം എത്രയെന്നും ഇനം തിരിച്ചുള്ള വിശദാംശം ലഭ്യമാക്കുമോ ;

(സി)	മത്സ്യ കൃഷി പ്രോത്സാഹനത്തിന്‍െറ ഭാഗമായി ജില്ലയില്‍ മത്സ്യ വിത്ത് ഹാച്ചറി , മത്സ്യ തീറ്റ ഉല്‍പാദന കേന്ദ്രം എന്നിവ ആരംഭിക്കുന്നതിന് നടപടി സ്വീകരിക്കുമോ ; വിശദമാക്കുമോ ?

മത്സ്യ സങ്കേതങ്ങള്‍

2954.

ശ്രീ.പി.സി വിഷ്ണുനാഥ്
,, എം.എ. വാഹീദ്
,, എം.പി.വിന്‍സെന്‍റ്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യ സങ്കേതങ്ങള്‍ സ്ഥാപിക്കാന്‍ പദ്ധതി രൂപീകരിച്ചിട്ടുണ്ടോ:വിശദമാക്കുമോ;

(ബി)	പ്രസ്തുത പദ്ധതിയുടെ രൂപരേഖ തയ്യാറാക്കാന്‍ എന്തെല്ലാം നടപടികളാണ് സ്വീകരിച്ചതെന്നു വ്യക്തമാക്കാമോ:

(സി)	പ്രസ്തുത പദ്ധതി സമയബന്ധിതമായി നടപ്പാക്കാന്‍ സ്വീകരിച്ച നടപടികള്‍ എന്തെല്ലാമാണെന്ന് : വിശദമാക്കുമോ?

മാതൃകാ മത്സ്യഗ്രാമം പദ്ധതി

2955.

ശ്രീ.ജോസഫ് വാഴയ്ക്കൻ
,, വി.റ്റി.ബല്‍റാം
,, പി.എ.മാധവന്‍
,, എ.പി.അബ്ദുള്ളക്കുട്ടി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മാതൃകാ മത്സ്യഗ്രാമം പദ്ധതിയുടെ രണ്ടാം ഘട്ടം ആരംഭിച്ചിട്ടുണ്ടോയെന്ന് വ്യക്തമാക്കുമോ ;

(ബി)	എന്തെല്ലാം ആനുകല്യങ്ങളാണ് പദ്ധതി മുഖേന നല്‍കാനുദ്ദേശിക്കുന്നതെന്ന് വിശദമാക്കുമോ ;

(സി)	എത്ര കോടി രൂപയാണ് ഇതുവഴി നല്‍കുന്നതെന്നും വിശദാംശങ്ങള്‍ എന്തെല്ലാമെന്നും വ്യക്തമാക്കുമോ ;

(ഡി)	പ്രസ്തുത പദ്ധതിക്കായി സ്വീകരിച്ച നടപടികള്‍ വിശദമാക്കാമോ?

മാതൃകാ മത്സ്യഗ്രാമപദ്ധതി

2956.

ശ്രീ.വി.ശിവന്‍കുട്ടി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം, പുല്ലുവിള എന്നീ മത്സ്യഗ്രാമങ്ങളെ മാതൃകാ മത്സ്യഗ്രാമപദ്ധതിയില്‍ ഉള്‍പ്പെടുത്തുമെന്നുള്ള 2014 -15-ലെ ബഡ്ജറ്റ് പ്രഖ്യാപനം നടപ്പിലാക്കിയോ എന്ന് വ്യക്തമാക്കുമോ;

(ബി)	പ്രസ്തുത പദ്ധതി നടപ്പിലാക്കിയെങ്കില്‍ എന്തൊക്കെ പ്രവര്‍ത്തനങ്ങളാണ് ടി മത്സ്യഗ്രാമങ്ങളില്‍ നടപ്പിലാക്കിയതെന്നും, അതിനായി ചെലവഴിച്ച തുക എത്രയെന്നും, ഇനങ്ങള്‍ തിരിച്ചു വ്യക്തമാക്കുമോ ?

മത്സ്യ തൊഴിലാളികള്‍ക്കുള്ള ആനുകൂല്യങ്ങള്‍

2957.

(എ)	തീരപ്രദേശത്തെ മത്സ്യ തൊഴിലാളി കുടുംബങ്ങള്‍ കടുത്ത പട്ടിണിയിലും വറുതിയിലുമാണ് എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇവര്‍ക്ക് നല്‍കേണ്ടുന്ന പഞ്ഞമാസ ആനുകൂല്യങ്ങള്‍ യഥാസമയം നല്‍കാതെ കുടിശ്ശികയായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; പഞ്ഞമാസാനുകൂല്യം യഥാസമയം നല്‍കി മത്സ്യബന്ധന തൊഴിലാളികളെ സംരക്ഷിക്കാന്‍ കൈക്കൊണ്ട നടപടി വിശദമാക്കാമോ;

(സി)	ഈ വര്‍ഷം കൊയിലാണ്ടി മണ്ഡലത്തില്‍ ഇതുവരെ എത്ര പേര്‍ക്ക് പഞ്ഞമാസ ആനുകൂല്യം നല്‍കിയിട്ടുണ്ട്; ഇനി എത്ര പേര്‍ക്ക് നല്‍കാനുണ്ട്;

(ഡി)	സൗജന്യ റേഷന്‍ നല്‍കുന്നതിന് സ്വീകരിച്ച നടപടികള്‍ എന്തെല്ലാം; ഇതുവരെ എത്ര മത്സ്യ തൊഴിലാളികള്‍ക്ക് സൗജന്യ റേഷന്‍ അനുവദിച്ചു?

മലപ്പുറം ജില്ലയിലെ ഭവനരഹിതരായ മത്സ്യത്തൊഴിലാളികള്‍ക്ക് വീട്

2958.

(എ)	മലപ്പുറം ജില്ലയിലെ തീരപ്രദേശത്തുള്ള ഭവനരഹിതരായ എത്ര മത്സ്യത്തൊഴിലാളികള്‍ വീട് ലഭിക്കുന്നതിനായി അപേക്ഷ നല്‍കിയിട്ടുണ്ടെന്ന് വ്യക്തമാക്കാമോ ;

(ബി)	ലഭ്യമായ അപേക്ഷകരില്‍ എത്രപേര്‍ പ്രസ്തുത പദ്ധതിയ്ക്ക് അര്‍ഹരായിട്ടുണ്ടെന്ന് കണക്കാക്കിയിട്ടുണ്ടോ; എങ്കില്‍ വിശദാംശങ്ങള്‍ നല്‍കാമോ;

(സി)	ഇതില്‍ എത്രപേര്‍ക്ക് വീട് അനുവദിച്ചിട്ടുണ്ട്; അറിയിക്കുമോ;

(ഡി)	ഭവനങ്ങള്‍ നല്‍കുന്നതിനുള്ള പുതിയ അപേക്ഷകള്‍ എന്നത്തേയ്ക്ക് സ്വീകരിക്കുമെന്ന് വിശദമാക്കാമോ ?

ചേര്‍ത്തല അര്‍ത്തുങ്കല്‍ റീജിയണല്‍ ഫിഷറീസ് വൊക്കേഷണല്‍ ഹയര്‍ സെക്കണ്ടറി സ്കൂളിലെ പ്രാഥമിക സൗകര്യങ്ങള്‍

2959.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ചേര്‍ത്തല അര്‍ത്തുങ്കല്‍ റീജിയണല്‍ ഫിഷറീസ് വൊക്കേഷണല്‍ ഹയര്‍ സെക്കണ്ടറി സ്കൂളില്‍ ഈ സര്‍ക്കാര്‍ എന്തെല്ലാം സൗകര്യങ്ങള്‍ അനുവദിച്ചു ; പ്രസ്തുത സ്കൂള്‍ അധികൃതര്‍ എന്തെല്ലാം ആവശ്യങ്ങള്‍ ഉള്‍പ്പെടുത്തിയ നിവേദനമാണ് സര്‍ക്കാരിന് സമർപ്പിച്ചത് എന്ന് വ്യക്തമാക്കാമോ ?

(ബി)

തീരദേശത്തുള്ളതും മത്സ്യത്തൊഴിലാളി കുടുംബത്തില്‍ നിന്നും വരുന്ന സാധാരണക്കാരായ നിരവധി കുട്ടികള്‍ പഠിക്കുന്നതുമായ റസിഡന്‍ഷ്യല്‍ സ്കൂളായിട്ടും നല്ല കട്ടിലുകളും പ്രാഥമികമായ ഒട്ടേറെ സൗകര്യങ്ങളും ഇനിയും പ്രസ്തുത സ്കൂളില്‍ ഇല്ലെന്നുള്ള കാര്യം ബോധ്യപ്പെട്ടിട്ടുണ്ടോ ; ഇത് പരിഹരിക്കുവാന്‍ അടിയന്തര നടപടി സ്വീകരിക്കുമോ?

അമ്പലപ്പുഴ നിയോജക മണ്ഡലത്തില്‍ മത്സ്യത്തൊഴിലാളി ഭവന നിര്‍മ്മാണം

2960.

(എ)	അമ്പലപ്പുഴ നിയോജക മണ്ഡലത്തില്‍ ഈ സര്‍ക്കാര്‍ അധികാരമേറ്റശേഷം എത്ര മത്സ്യത്തൊഴിലാളികള്‍ക്ക് വിവിധ ഭവന നിര്‍മ്മാണ പദ്ധതികളിലായി ധനസഹായം നല്‍കി; ധനസഹായം ലഭിച്ചത് ആര്‍ക്കെല്ലാം; പേരും വിലാസവും വിശദമാക്കി പട്ടിക ലഭ്യമാക്കുമോ;

(ബി)	അമ്പലപ്പുഴ നിയോജകമണ്ഡലത്തില്‍ ഭവനരഹിതരായ എത്ര മത്സ്യത്തൊഴിലാളികള്‍ ഉണ്ട് എന്നും അവര്‍ ആരെല്ലാം എന്നും പേര്, വിലാസം എന്നിവ വിശദമാക്കി പട്ടിക ലഭ്യമാക്കുമോ;

(സി)	ഭവനരഹിതരായ മത്സ്യത്തൊഴിലാളികള്‍ക്ക് ഭവന നിര്‍മ്മാണത്തിന് ധനസഹായം നല്‍കുന്ന എതൊക്കെ പദ്ധതികളാണ് നിലവിലുള്ളത്; വ്യക്തമാക്കാമോ;

(ഡി)	അമ്പലപ്പുഴ മണ്ഡലത്തിലെ ഭവനരഹിതരായ മത്സ്യത്തൊഴിലാളികള്‍ക്ക് ഭവന നിര്‍മ്മാണത്തിന് ധനസഹായം അനുവദിക്കാന്‍ അടിയന്തര നടപടി സ്വീകരിക്കുമോ;

(ഇ)	മത്സ്യത്തൊഴിലാളി ഭവന പദ്ധതിയില്‍ ഗുണഭോക്താക്കളുടെ എത്ര ശതമാനമാണ് സര്‍ക്കാര്‍ ക്വാട്ടയില്‍ തെരഞ്ഞെടുക്കുന്നത്; സര്‍ക്കാര്‍ ക്വാട്ടയില്‍ ഗുണഭോക്താക്കളെ തെരഞ്ഞെടുക്കുന്നതിന്റെ മാനദണ്ഡമെന്താണ്; വിശദമാക്കാമോ;

വംശനാശഭീഷണി നേരിടുന്ന മത്സ്യങ്ങളുടെ സംരക്ഷണം

2961.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വംശനാശഭീഷണി നേരിടുന്ന മത്സ്യങ്ങളെ സംരക്ഷിക്കുന്നതിന് സ്വീകരിച്ചിട്ടുളള നടപടികള്‍ വിശദമാക്കാമോ ;

(ബി)	ഏതെല്ലാം മത്സ്യങ്ങളുടെ മത്സ്യബന്ധനമാണ് നിരോധിച്ചിട്ടുളളത് ; പ്രസ്തുത മത്സ്യങ്ങളുടെ അനധികൃതമായ മത്സ്യബന്ധനം തടയുന്നതിന് നടത്തുന്ന പരിശോധനകള്‍ എന്തെല്ലാമാണ് ;

(സി)	കടലിന്റെ അടിത്തട്ടിളക്കിയുളള മത്സ്യബന്ധനം മൂലം മത്സ്യ സമ്പത്തും കടലിനടിയിലെ ജെെവ സമ്പത്തും നശിപ്പിക്കപ്പെടുന്നതിനാല്‍ ഇത് തടയുന്നതിനാവശ്യമായ നടപടി സ്വീകരിക്കുമോ ?

ജീവന്‍രക്ഷാ ബോട്ടുകള്‍

2962.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളികള്‍ അപകടത്തില്‍പെട്ടാല്‍ രക്ഷിക്കുന്നതിനായി ഫിഷറീസ് വകുപ്പ് വാടകയ്ക്ക് എടുത്ത ബോട്ടുകളാണോ ഉപയോഗിക്കുന്നതെന്ന് വിശദമാക്കുമോ;

(ബി)	ഇങ്ങനെ വാടകയ്ക്ക് എടുക്കുന്ന ബോട്ടുകളില്‍ എന്തെല്ലാം ജീവന്‍രക്ഷാ സംവിധാനങ്ങളാണ് സജ്ജീകരിച്ചിരിക്കുന്നതെന്ന് വിശദമാക്കുമോ;

(സി)	പ്രസ്തുത ബോട്ടുകള്‍ രൂക്ഷമായ കടലില്‍ രക്ഷാ പ്രവര്‍ത്തനങ്ങള്‍ക്ക് പര്യാപ്തമാണോ;

(ഡി)	പര്യാപ്തമാണെങ്കില്‍ വിശദാംശങ്ങള്‍ ലഭ്യമാക്കുമോ;

(ഇ)	പ്രസ്തുത ബോട്ടുകളില്‍ പരിശീലനം ലഭിച്ച ജീവനക്കാര്‍ ഉണ്ടാകാറുണ്ടോ?

ജീവന്‍രക്ഷാ പ്രവര്‍ത്തനങ്ങള്‍ക്ക് യോഗ്യമായ രക്ഷാബോട്ടുകള്‍

2963.

(എ)	ആഴക്കടലില്‍ മത്സ്യബന്ധനം നടത്തുന്ന മത്സ്യത്തൊഴിലാളികള്‍ അപകടത്തില്‍പ്പെട്ടാല്‍ ജീവന്‍രക്ഷാ പ്രവര്‍ത്തനങ്ങള്‍ക്കായി യോഗ്യമായ രക്ഷാബോട്ടുകള്‍ ഫിഷറീസ് വകുപ്പില്‍ നിലവിലുണ്ടോ;

(ബി)	ഉണ്ടെങ്കില്‍ എത്രയെണ്ണം ഉണ്ടെന്നും ഇവ ഏതെല്ലാം ജില്ലകളിലെ തുറമുഖങ്ങളിലാണുള്ളതെന്നും വിശദമാക്കുമോ;

(സി)	സര്‍ക്കാരിന്‍െറ ഉടമസ്ഥതയിലുള്ള രക്ഷാബോട്ടുകളില്‍ അപകടത്തില്‍പ്പെട്ടവരെ രക്ഷിക്കുന്നതിനുള്ള എന്തെല്ലാം സജ്ജീകരണങ്ങളാണ് ഉള്ളതെന്ന് വിശദമാക്കുമോ;

(ഡി)	ഇൗ രക്ഷാബോട്ടുകളില്‍ പരിശീലനം ലഭിച്ച ജീവനക്കാരുണ്ടോ;

(ഇ)	ഉണ്ടെങ്കില്‍ ഓരോ ബോട്ടിലും എത്രപേര്‍ വീതമുണ്ടെന്ന് വിശദമാക്കുമോ?

മത്സ്യഫെഡിലെ തസ്തികകള്‍

2964.

(എ)	മത്സ്യഫെഡില്‍ അംഗീകൃത തസ്തികയില്‍ 10 വര്‍ഷം പൂര്‍ത്തിയാക്കിയ എ്രതപേര്‍ നിലവില്‍ ജോലി ചെയ്യുന്നുണ്ടെന്ന് വ്യക്തമാക്കുമൊ;

(ബി)	മത്സ്യഫെഡില്‍ എ്രത ജൂനിയര്‍ അസിസ്റ്റന്‍റ് തസ്തിക നിലവില്‍ ഒഴിഞ്ഞുകിടക്കുന്നുണ്ടെന്ന് വ്യക്തമാക്കുമോ?

മല്‍സ്യഗ്രാമ വികസന പദ്ധതി

2965.

ശ്രീ.വര്‍ക്കല കഹാര്‍
,, ഹൈബി ഈഡന്‍
,, കെ.ശിവദാസന്‍ നായര്‍
,, എം.എ. വാഹീദ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	മല്‍സ്യഗ്രാമ വികസന പദ്ധതിക്ക് തുടക്കമിട്ടിട്ടുണ്ടോയെന്ന് വിശദമാക്കുമോ; പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(ബി)	ഏതെല്ലാം ഏജന്‍സികളാണ് ഇതുമായി സഹകരിക്കുന്നത്;

(സി)	പ്രസ്തുത പദ്ധതിയിലൂടെ എന്തെല്ലാം സൗകര്യങ്ങളാണ് മല്‍സ്യത്തൊഴിലാളികള്‍ക്ക് ലഭിക്കുന്നത്, വിശദാംശങ്ങള്‍ നല്‍കുമോ?

ധര്‍മ്മടത്തെ തീരദേശ റോഡുകള്‍

2966.

(എ)	ധര്‍മ്മടം നിയോജകമണ്ഡ‍ലത്തിലെ തീരദേശ റോഡുകള്‍ വീതികൂട്ടി ഗതാഗതയോഗ്യമാക്കുന്നതിന് നിര്‍ദ്ദേശങ്ങള്‍ നിലവിലുണ്ടോ; എങ്കില്‍ വിശദാംശം ലഭ്യമാക്കുമോ?

അപകടങ്ങളില്‍പ്പെടുന്ന മത്സ്യത്തൊഴിലാളികളുടെ രക്ഷക്കായി രക്ഷാബോട്ട്

2967.

(എ)	കൊയിലാണ്ടി-വടകര ഭാഗങ്ങളിലെ കടലില്‍ അപകടങ്ങളില്‍പ്പെടുന്ന മത്സ്യത്തൊഴിലാളികളുടെ രക്ഷക്കായി ബേപ്പൂര്‍ ബേസില്‍ നിന്നും രക്ഷാബോട്ട് അയക്കുന്നത് പ്രായോഗികമല്ലെന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇൗ പ്രശ്നം പരിഹരിക്കുന്നതിനാവശ്യമായ നടപടികള്‍ സ്വീകരിക്കുമോ?

മത്സ്യത്തൊഴിലാളികള്‍ക്ക് ഉത്പാദനബോണസ്

2968.

(എ)	മത്സ്യത്തൊഴിലാളികള്‍ക്ക് ഉത്പാദനബോണസ് പദ്ധതി നടപ്പിലാക്കുന്നതിനായി 2014-15-ലെ ബഡ്ജറ്റില്‍ വകയിരുത്തിയിരുന്ന 2 കോടി രൂപ വിനിയോഗിച്ച് പദ്ധതി നടപ്പിലാക്കിയോ;

(ബി)	എങ്കില്‍ പദ്ധതി നിര്‍വ്വഹണത്തിന്റെ ജില്ല തിരിച്ചുള്ള വിശദാംശങ്ങള്‍ ലഭ്യമാക്കുമോ;

(സി)	നടപ്പിലാക്കിയിട്ടില്ലെങ്കില്‍ ആയതിന്റെ കാരണം എന്തെന്നു വ്യക്തമാക്കുമോ?

കടല്‍ക്ഷോഭത്തില്‍പ്പെട്ട് വള്ളവും വലയും നഷ്ടപ്പെടുന്നവര്‍ക്ക് ധനസഹായം

2969.

(എ)	മത്സ്യബന്ധനത്തിനിടെ കടല്‍ക്ഷോഭത്തില്‍പ്പെട്ട് വള്ളവും വലയും അനുബന്ധ ഉപകരണങ്ങളും നഷ്ടമാകുന്നവര്‍ക്ക് ഉപജീവനമാര്‍ഗ്ഗം കണ്ടെത്താന്‍ മതിയായ സഹായധനം അനുവദിക്കുന്ന കാര്യം പരിഗണിക്കുമോ;

(ബി)	കടല്‍ക്ഷോഭത്തില്‍പ്പെടുന്നവരെ സഹായിക്കാന്‍ ആലപ്പുഴ ജില്ലയില്‍ എന്തെല്ലാം പദ്ധതികളാണ് ആവിഷ്കരിച്ചിട്ടുള്ളതെന്ന് വ്യക്തമാക്കാമോ;

(സി)	രക്ഷാപ്രവര്‍ത്തനം നടത്തുന്നതിന് ജില്ലയില്‍ സര്‍ക്കാര്‍ ഉടമസ്ഥതയില്‍ എത്ര ബോട്ടുകള്‍ ഉണ്ടെന്ന് അറിയിക്കുമോ;

(ഡി)	പ്രസ്തുത ബോട്ടുകളിലെ ജീവനക്കാര്‍ക്ക് രക്ഷാപ്രവര്‍ത്തനത്തിനുള്ള പരിശീലനം നല്‍കിയിട്ടുണ്ടോ; വിശദമാക്കാമോ?

മത്സ്യത്തൊഴിലാളികള്‍ക്ക് നഷ്ടപരിഹാരം

2970.

(എ)	കടല്‍ക്ഷോഭത്തില്‍ ജീവനോപാധികള്‍ നഷ്ടപ്പെടുന്ന മത്സ്യത്തൊഴിലാളികള്‍ക്ക് നഷ്ടപരിഹാരം അനുവദിക്കുന്നതിനായി ഫിഷറീസ് വകുപ്പില്‍ എന്തെങ്കിലും പദ്ധതികള്‍ നിലവിലുണ്ടോ;ഉണ്ടെങ്കില്‍ വിശദാംശങ്ങള്‍ ലഭ്യമാക്കുമോ;

(ബി)	പദ്ധതികളൊന്നും നിലവിലില്ലെങ്കില്‍ പ്രസ്തുത പദ്ധതികള്‍ ആവിഷ്കരിക്കുന്നതിനാവശ്യമായ നടപടികള്‍ സര്‍ക്കാര്‍ സ്വീകരിക്കുമോ?

മത്സ്യത്തൊഴിലാളികള്‍ക്കുള്ള ധനസഹായം

2971.

(എ)	മത്സ്യത്തൊഴിലാളികള്‍ക്കുള്ള വിവിധ ഭവനനിര്‍മ്മാണ പദ്ധതികളില്‍, ഈ സര്‍ക്കാരിന്റെ കാലയളവില്‍ നാളിതുവരെ കൊയിലാണ്ടി മണ്ഡലത്തില്‍ എത്ര പേര്‍ക്ക് ധനസഹായം അനുവദിച്ചു ; ഇവരുടെ പേര്, വിലാസം എന്നിവ വ്യക്തമാക്കി മത്സ്യഗ്രാമം അടിസ്ഥാനത്തില്‍ വര്‍ഷം തിരിച്ച് വ്യക്തമാക്കാമോ ;

(ബി)	മത്സ്യത്തൊഴിലാളികള്‍ക്കുള്ള വിവിധ സാനിറ്റേഷന്‍ ടോയ്‍ലെറ്റ് ഗ്രാന്റ് പദ്ധതികളില്‍ നാളിതുവരെ കൊയിലാണ്ടി മണ്ഡലത്തില്‍ എത്ര മത്സ്യത്തൊഴിലാളികള്‍ക്ക് ധനസഹായം അനുവദിച്ചു ; പ്രസ്തുത ധനസഹായം ലഭിച്ചവരുടെ പേരുവിവരം വ്യക്തമാക്കി മത്സ്യഗ്രാമം അടിസ്ഥാനത്തില്‍ പട്ടിക ലഭ്യമാക്കാമോ ;

(സി)	ഈ സര്‍ക്കാരിന്റെ കാലയളവില്‍ സര്‍ക്കാര്‍ ക്വാട്ടയില്‍ നാളിതുവരെ കൊയിലാണ്ടി മണ്ഡലത്തില്‍ ഏതെല്ലാം വ്യക്തികള്‍ക്ക് ഭവന നിര്‍മ്മാണത്തിന് ധനസഹായം അനുവദിച്ചിട്ടുണ്ടെന്നത് പേര്, വിലാസം എന്നിവ വ്യക്തമാക്കി വിശദമാക്കാമോ ;

(ഡി)	സര്‍ക്കാര്‍ ക്വാട്ടയില്‍ വീട് അനുവദിക്കുന്നതിന്റെ മാനദണ്ഡം വ്യക്തമാക്കുമോ ?

മത്സ്യത്തൊഴിലാളികള്‍ക്ക്ബോധവല്‍ക്കരണ-പരിശീലന കേന്ദ്രം

2972.

(എ)	മത്സ്യത്തൊഴിലാളികള്‍ക്ക് ബോധവല്‍ക്കരണത്തിനും പരിശീലനത്തിനുമായി താനൂര്‍ നിയോജകമണ്ഡലത്തിലെ ഉള്ല്യാലിൽ ആരംഭിക്കുന്ന കേന്ദ്രത്തിന്‍െറ നടപടികള്‍ ഏത് ഘട്ടത്തിലാണ്;

(ബി)	എത്ര തുകയാണ് ഇൗ പദ്ധതിക്കായി നബാര്‍ഡില്‍ നിന്ന് ലഭ്യമായിട്ടുള്ളത്;

(സി)	പ്രസ്തുത കേന്ദ്രം എന്നത്തേയ്ക്ക് ആരംഭിക്കാനാകും; വിശദാംശങ്ങള്‍ നല്‍കാമോ;

ആറന്മുള വിമാനത്തവളം

2973.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ആറന്മുള വിമാനത്തവളത്തിന് അനുമതി നിക്ഷേധിച്ച കേന്ദ്ര സര്‍ക്കാരിന്റെ ഉത്തരവ് ലഭിച്ചിട്ടുണ്ടോ ; എങ്കില്‍ പകര്‍പ്പ് ലഭ്യമാക്കുമോ ;

(ബി)	കേന്ദ്രത്തിലെ ഏതൊക്കെ മന്ത്രാലയങ്ങളാണ് ആറന്മുള വിമാനത്താവളത്തിന് അനുമതി നിക്ഷേധിച്ച് ഉത്തരവ് ഇറക്കിയിട്ടുള്ളത് ; വിശദമാക്കുമോ ; ഇവയുടെ ഉത്തരവിന്റെ പകര്‍പ്പ് ലഭ്യമാക്കുമോ ;

(സി)	ആറന്മുള വിമാനത്താവളം നടപ്പാക്കുന്നതിനെക്കുറിച്ചുള്ള നിലപാട് വിശദമാക്കുമോ ?

കോഴിക്കോട് വിമാനത്താവളത്തിന്റെ റണ്‍വേ അറ്റകുറ്റപ്പണികള്‍.

2974.

ശ്രീ.കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് വിമാനത്താവളത്തിന്റെ റണ്‍വേ അറ്റകുറ്റപ്പണികള്‍ക്കായി അടച്ചിടുന്നതുമൂലം യാത്രക്കാര്‍ക്കുണ്ടാകുന്ന ബുദ്ധിമുട്ടുകള്‍ പരിഹരിക്കുവാന്‍ എന്തെല്ലാം നടപടികള്‍ സ്വീകരിച്ചു എന്ന് വ്യക്തമാക്കുമോ ;

(ബി)	യാത്രാരേഖകള്‍, കസ്റ്റംസ് ക്ലിയറന്‍സ് എന്നിവ പരിശോധിക്കുന്നതിന് കോഴിക്കോട് എയര്‍പോര്‍ട്ടില്‍ സൗകര്യപ്പെടുത്തുന്നതിനും നെടുമ്പാശ്ശേരിയിലേക്ക് കണക്ഷന്‍ ഫ്ലൈറ്റ് അനുവദിക്കുന്നതിനും നടപടി സ്വീകരിക്കുമോ ;

(സി)	ആധുനിക സാങ്കേതിക വിദ്യകള്‍ ഉപയോഗിച്ച് റണ്‍വേ അറ്റകുറ്റപ്പണികള്‍ വേഗത്തില്‍ ചെയ്തു തീര്‍ക്കുന്നതിന് നടപടി സ്വീകരിക്കുമോ ;

(ഡി)	കേന്ദ്ര വ്യോമയാന വകുപ്പുമായി ബന്ധപ്പെട്ട് ഇക്കാര്യത്തില്‍ ഉന്നതതല ചര്‍ച്ച സംഘടിപ്പിക്കുമോ ?

Website maintained by Information System Section, Kerala Legislative Assembly, Thiruvananthapuram.