13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >15^th Session>Starred Questions and Answers

Answer Provided

Answer Not Yet Provided

THIRTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പതിമൂന്നാം കേരള നിയമസഭ

പതിനഞ്ചാം സമ്മേളനം

2015 ഡിസംബര്‍ 3, വ്യാഴം

നക്ഷത്രചിഹ്നമിട്ട ചോദ്യങ്ങള്‍‍

[ആകെ ചോദ്യങ്ങള്‍--30]

മറുപടി നല്‍കുന്ന മന്ത്രിമാര്‍

വിദ്യാഭ്യാസ വകുപ്പുമന്ത്രി

റവന്യൂവും കയറും വകുപ്പുമന്ത്രി

ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി

പൊതുമരാമത്ത് വകുപ്പുമന്ത്രി

നിത്യോപയോഗ സാധനങ്ങളുടെ വിലവര്‍ദ്ധനവ്

*91.

ശ്രീ.സി.കൃഷ്ണന്‍
,, എ.കെ.ബാലന്‍
,, എസ്.രാജേന്ദ്രന്‍
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിത്യോപയോഗ സാധനങ്ങളുടെ വിലവര്‍ദ്ധനവ് ശ്രദ്ധയില്‍പ്പെട്ടിട്ടുണ്ടോ;

(ബി)	പൊതുവിപണിയിലെ അതിരൂക്ഷമായ വിലക്കയറ്റം തടഞ്ഞു നിര്‍ത്തുന്നതില്‍ പരാജയപ്പെട്ടിട്ടുണ്ടോ; എങ്കില്‍ കാരണം വിലയിരുത്തിയിട്ടുണ്ടോ;

(സി)	കരിഞ്ചന്തയും പൂഴ്ത്തിവെയ്പും തടയുന്നതിന് ഫലപ്രദമായ നടപടികള്‍ സ്വീകരിക്കാന്‍ കഴിഞ്ഞിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കാമോ;

(ഡി)	പൊതുവിപണിയില്‍ ഇടപെടുന്നതില്‍ സിവില്‍ സപ്ലൈസ് കോര്‍പ്പറേഷന് സഹായം നല്‍കുന്നതിന് പകരം പൊതുവിതരണ ശൃംഖല വഴി വിതരണം ചെയ്യുന്ന അവശ്യ വസ്തുക്കളുടെ വില വര്‍ദ്ധിപ്പിച്ചിട്ടുണ്ടെങ്കിൽ , നടപടി ഉചിതമാണെന്ന് കരുതുന്നുണ്ടോ;

(ഇ)	സിവില്‍ സപ്ലൈസ് കോര്‍പ്പറേഷന് സര്‍ക്കാര്‍ എന്ത് തുക കുടിശ്ശിക നല്‍കാനുണ്ടെന്ന് അറിയിക്കാമോ?

സ്പെഷ്യല്‍ സ്കൂളുകള്‍ക്ക് എയ്ഡഡ് പദവി

*92.

ശ്രീ.എം. ഹംസ
,, എളമരം കരീം
,, ജെയിംസ് മാത്യു
ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്പെഷ്യല്‍ സ്കൂളുകള്‍ക്ക് എയ്ഡഡ് പദവി നല്‍കുന്നതിന് തീരുമാനിച്ചിട്ടുണ്ടോ; അത്തരം എത്ര സ്കൂളുകള്‍ക്കാണ് എയ്ഡഡ് പദവി നല്‍കുന്നത്;

(ബി)	ഇതിനായി സ്കൂളുകളെ തെര‍ഞ്ഞെടുക്കുന്നതിന് സ്വീകരിച്ച മാനദണ്ഡങ്ങള്‍‌ എന്തൊക്കെയെന്ന് വിശദമാക്കുമോ;

(സി)	ഇതു സംബന്ധിച്ച പഠനത്തിന് ഏതെങ്കിലും സമിതിയെ ചുമതലപ്പെടുത്തിയിട്ടുണ്ടോ' എങ്കില്‍ പഠനറിപ്പോര്‍ട്ട് ലഭിച്ചിട്ടുണ്ടോ; വിശദാംശം ലഭ്യമാക്കുമോ;

(ഡി)	സ്പെഷ്യല്‍ സ്കൂളുകളിലെ അദ്ധ്യാപക നിയമനം പി.എസ്.സി.ക്കു വിടാന്‍ തീരുമാനിച്ചിരുന്നോ; പിന്നീട് പ്രസ്തുത തീരുമാനം മാറ്റുകയുണ്ടായോ; നിയമനരീതി സംബന്ധിച്ച തീരുമാനം എന്തെന്ന് വിശദമാക്കുമോ;

(ഇ)	സ്പെഷ്യല്‍ സ്കൂളുകള്‍ക്ക് എയ്ഡഡ് പദവി നല്‍കിയതിലൂടെ എത്ര പുതിയ തസ്തികകള്‍ സൃഷ്ടിക്കപ്പെടുമെന്നും ഇതിന് ഏത്ര തുക അധിക ചെലവ് വരുമെന്നും കണക്കാക്കിയിട്ടുണ്ടോ; വിശദമാക്കുമോ?

കയര്‍ മേഖലയിലെ പ്രതിസന്ധി

*93.

ശ്രീ.എ.എം. ആരിഫ്
ഡോ.ടി.എം.തോമസ് ഐസക്
ശ്രീ.കെ. ദാസന്‍
,, സി.കെ സദാശിവന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കയര്‍ മേഖലയിലെ പ്രതിസന്ധി പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ;

(ബി)	പ്രസ്തുത നടപടികള്‍ കയര്‍ തൊഴിലാളികള്‍ക്ക് ആശ്വാസം പകരാന്‍ സഹായകമായിട്ടില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(സി)	കയര്‍ മേഖല നേരിടുന്ന പ്രശ്നങ്ങള്‍ ഉന്നയിച്ചുകൊണ്ട് കയര്‍ തൊഴിലാളികള്‍ അടുത്തകാലത്ത് സമരം നടത്തുകയുണ്ടായോ; എങ്കില്‍ പ്രസ്തുത സമരത്തില്‍ ഉന്നയിച്ച ആവശ്യങ്ങള്‍ എന്തെല്ലാമായിരുന്നു;

(ഡി)	തൊഴിലാളി സംഘടനാ പ്രതിനിധികളുമായി സര്‍ക്കാര്‍ ചര്‍ച്ച നടത്തിയിരുന്നോ; സര്‍ക്കാരിനെയും സംഘടനയെയും പ്രതിനിധീകരിച്ച് ചര്‍ച്ചകളില്‍ പങ്കെടുത്തവര്‍ ആരെല്ലാമായിരുന്നു ;

(ഇ)	ഇതു സംബന്ധിച്ച ഒത്തുതീര്‍പ്പ് വ്യവസ്ഥകള്‍ പാലിക്കാന്‍ കഴിഞ്ഞിട്ടുണ്ടോ; ഇല്ലെങ്കില്‍ കാരണം വ്യക്തമാക്കുമോ?

ദേശീയപാതാ വികസനത്തിന് സ്ഥലമേറ്റെടുക്കുന്നതിനുളള നടപടി

*94.

ശ്രീ.ബി.സത്യന്‍
,, കെ.കുഞ്ഞിരാമന്‍ (തൃക്കരിപ്പൂർ)
,, ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാതാ വികസനത്തിന് സ്ഥലമേറ്റെടുക്കുന്നതിനുളള നടപടി ഏത് ഘട്ടത്തിലാണെന്ന് വിശദമാക്കുമോ ;

(ബി)	അന്തിമമായി എത്ര മീറ്റര്‍ വീതിയിലാണ് റോഡ് വികസിപ്പിക്കുന്നതിന് തീരുമാനിച്ചിട്ടുളളത് ; ഇത് സംബന്ധിച്ച് നാഷണല്‍ ഹൈവേ അതോറിറ്റിയുമായി ധാരണയിലെത്തിയിട്ടുണ്ടോ ;

(സി)	സ്ഥലമേറ്റെടുക്കല്‍ സംബന്ധിച്ച് എന്‍.എച്ച്.എ. യുടെ നിര്‍ദ്ദേശങ്ങള്‍ എന്തെല്ലാമാണ് ; ഇത് അംഗീകരിച്ചിട്ടുണ്ടോ ; ഇത് സംബന്ധിച്ച് നല്‍കിയിട്ടുളള ഉറപ്പുകള്‍ എന്തെല്ലാമാണ്; ഇതു പാലിക്കപ്പെട്ടിട്ടുണ്ടോ ;

(ഡി)	ദേശീയപാതാ വികസനത്തിന് എത്ര അളവില്‍ ഭൂമി ഏറ്റെടുക്കേണ്ടി വരുമെന്നാണ് കണക്കാക്കിയിട്ടുളളത് ;

(ഇ)	ഇതില്‍ എത്ര ശതമാനം ഭൂമി ഏറ്റെടുക്കാന്‍ കഴിഞ്ഞുവെന്ന് വ്യക്തമാക്കുമോ; ബാക്കി സ്ഥലമെടുപ്പ് എന്നത്തേക്ക് പൂര്‍ത്തിയാക്കുമെന്ന് അറിയാമോ ?

പ്രത്യേക പദവിയുള്ള ഉന്നത വിദ്യാഭ്യാസ മേഖല

*95.

ശ്രീ.സി.ദിവാകരന്‍
,, കെ.രാജു
,, ജി.എസ്.ജയലാല്‍
ശ്രീമതി.ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രത്യേക പദവിയുള്ള ഉന്നത വിദ്യാഭ്യാസ മേഖലക്ക് അനുമതി നല്‍കാന്‍ തീരുമാനിച്ചിട്ടുണ്ടോ എന്ന് വ്യക്തമാക്കുമോ ;

(ബി)	ഇത്തരം വിദ്യാഭ്യാസ മേഖലകള്‍ക്ക് എന്തെല്ലാം ഇളവുകളാണ് നല്‍കാന്‍ തീരുമാനിച്ചിട്ടുള്ളത് എന്നും ഇതില്‍ സര്‍ക്കാരിന് എത്രമാത്രം പങ്കാളിത്തമുണ്ടാകുമെന്നും വ്യക്തമാക്കുമോ ;

(സി)	പ്രസ്തുത വിദ്യാഭ്യാസ മേഖലകളുടെ ചുമതലകള്‍ എന്തെല്ലാമായിരിക്കുമെന്ന് വ്യക്തമാക്കുമോ;

സ്വാശ്രയ എഞ്ചിനീയറിംഗ് കോളേജുകളുടെ നിലവാരത്തകര്‍ച്ച

*96.

ശ്രീ.ജെയിംസ് മാത്യു
,, കെ.കെ.ജയചന്ദ്രന്‍
,, കെ.സുരേഷ് കുറുപ്പ്
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്വാശ്രയ എഞ്ചിനീയറിംഗ് കോളേജുകളുടെ നിലവാരത്തകര്‍ച്ച സംബന്ധിച്ച് വിലയിരുത്തിയിട്ടുണ്ടോ ;

(ബി)	മതിയായ യോഗ്യതയുള്ള അദ്ധ്യാപകരുടെ കുറവും മറ്റ് അടിസ്ഥാന സൗകര്യങ്ങളുമില്ലാതെ ആരംഭിച്ച മിക്ക കോളേജുകളും എ.ഐ.സി.ടി.ഇ. മാനദണ്ഡം പാലിക്കുന്നില്ലായെന്ന കാര്യം പരിശോധിച്ചിട്ടുണ്ടോ ;

(സി)	ഏതെല്ലാം കോളേജുകളുടെ അംഗീകാരം എ.ഐ.സി.ടി.ഇ. പിന്‍വലിച്ചിട്ടുണ്ടെന്നറിയിക്കുമോ ; പ്രസ്തുത സ്ഥാപനങ്ങളില്‍ പഠിച്ചിരുന്ന വിദ്യാര്‍ത്ഥികളുടെ തുടര്‍ പഠനത്തിന് എന്ത് നടപടി സ്വീകരിച്ചുവെന്ന് വ്യക്തമാക്കുമോ ;

(ഡി)	എഞ്ചിനീയറിംഗ് കോളേജുകളുടെ നിലവാരത്തകര്‍ച്ച സംബന്ധിച്ച ഹൈക്കോടതി വിമര്‍ശനവും നിര്‍ദ്ദേശങ്ങളും പരിഗണിച്ചിട്ടുണ്ടോ ; എങ്കില്‍ സ്വീകരിച്ച നടപടികള്‍ വ്യക്തമാക്കുമോ ?

റേഷന്‍ കാര്‍ഡുകളിലെ തെറ്റുകള്‍ പരിഹരിക്കല്‍

*97.

ശ്രീ.ജി.എസ്.ജയലാല്‍
,, ഇ.ചന്ദ്രശേഖരന്‍
ശ്രീമതി.ഗീതാ ഗോപി
ശ്രീ.വി.ശശി : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഭൂരിപക്ഷം റേഷന്‍ കാര്‍ഡ് ഉടമകളും തെറ്റുകള്‍ തിരുത്തി നല്‍കിയിട്ടില്ലെന്ന വിവരം ശ്രദ്ധയില്‍പ്പെട്ടിട്ടുണ്ടോ ;

(ബി)

റേഷന്‍ കടകളിലൂടെ തെറ്റുതിരുത്തല്‍ അപേക്ഷാഫാറം വിവിധ ജില്ലകളില്‍ വിതരണം ചെയ്തതിലും ശേഖരിച്ചതിലും നിര്‍ദ്ദേശങ്ങള്‍ നല്‍കിയതിലും ഏകീകരണം ഉണ്ടായിട്ടില്ലെന്നുള്ള വിവരം ശ്രദ്ധയില്‍പ്പെട്ടിട്ടുണ്ടോ ; എങ്കില്‍ പ്രസ്തുത വിഷയം പരിഹരിക്കുന്നതിന് സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ ;

(സി)	റേഷന്‍ കാര്‍ഡിലെ തെറ്റുകള്‍ പൂര്‍ണ്ണമായും പരിഹരിച്ചതിനുശേഷം മാത്രമേ ഡാറ്റാ എന്‍ട്രി ചെയ്യാവൂ എന്ന നിര്‍ദ്ദേശം പാലിക്കപ്പെട്ടിട്ടുണ്ടോ ; ഇല്ലെങ്കില്‍ എന്തുകൊണ്ടാണെന്ന് വിശദമാക്കുമോ ;

(ഡി)	പുതിയ റേഷന്‍ കാര്‍ഡുകള്‍ എ്രത കാലം കൊണ്ട് വിതരണം ചെയ്തു തീര്‍ക്കാന്‍ കഴിയുമെന്ന് വ്യക്തമാക്കുമോ?

റോഡുകളുടെ നവീകരണവും അറ്റകുറ്റപ്പണികളും

*98.

ശ്രീ.കെ. ദാസന്‍
,, എം.എ.ബേബി
,, കെ.കുഞ്ഞിരാമന്‍ (ഉദുമ)
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മിക്ക റോഡുകളും ഗതാഗത യോഗ്യമല്ലാതായിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	റോഡുകളുടെ നവീകരണവും അറ്റകുറ്റപ്പണികളും യഥാസമയം നടക്കാത്തതിന്റെ കാരണം വിശദമാക്കുമോ;

(സി)	നവീകരണത്തിനാവശ്യമായ ഫണ്ട് ലഭിക്കാത്തതും കരാറുകാരുടെ കുടിശ്ശിക നല്‍കാത്തതും റോഡുകളുടെ അറ്റകുറ്റ പണികളെ പ്രതികൂലമായി ബാധിച്ചിട്ടുണ്ടോ; വ്യക്തമാക്കുമോ;

(ഡി)	സാമ്പത്തിക പ്രതിസന്ധി പൊതുമരാമത്ത് വകുപ്പിന്റെ പ്രവര്‍ത്തനത്തെ പ്രതികൂലമായി ബാധിച്ചിട്ടുണ്ടോ; വിശദമാക്കുമോ;

(ഇ)	കരാറുകാരുടെ കുടിശ്ശിക കൊടുത്തു തീര്‍ക്കാന്‍ കഴിഞ്ഞിട്ടുണ്ടോ; നിലവില്‍ എത്ര തുക കരാറുകാര്‍ക്ക് കുടിശ്ശികയിനത്തില്‍ നല്‍കാനുണ്ടെന്ന് വ്യക്തമാക്കുമോ?

പുതിയ ഹയര്‍സെക്കണ്ടറി സ്കൂളുകള്‍

*99.

ശ്രീ.ജി.സുധാകരന്‍
,, പി.ശ്രീരാമകൃഷ്ണന്‍
,, എ. പ്രദീപ്കുമാര്‍
,, വി.ശിവന്‍കുട്ടി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയ ഹയര്‍സെക്കന്ററി സ്കൂളുകള്‍ അനുവദിക്കുന്നതിന് ഉദ്ദേശിക്കുന്നുണ്ടോ; നേരത്തെ ഹൈക്കോടതി അനുമതി നിഷേധിച്ച സ്കൂളുകളുടെ പേരും പുതിയ ലിസ്റ്റില്‍ ഉള്‍പ്പെട്ടിട്ടുണ്ടോ; വിശദമാക്കാമോ;

(ബി)	ഹയര്‍ സെക്കന്ററി സ്കൂളുകള്‍ അനുവദിക്കുന്നതിന് നിലവിലുളള മാനദണ്ഡങ്ങള്‍ എന്തെല്ലാമാണ്; ഒരു പഞ്ചായത്തില്‍ ഒന്നില്‍ കൂടുതല്‍ പ്ലസ് ടു സ്ക്കൂളുകള്‍ അനുവദിക്കുന്നുണ്ടോ;

(സി)	നാല് ഹൈസ്കൂളുകളില്‍ പ്രത്യേകമായി പ്ലസ് ടു അനുവദിക്കുന്നതിന് നീക്കം നടത്തുന്നുണ്ടോ; ഇതു സംബന്ധിച്ച് വിദ്യാഭ്യാസ വകുപ്പ് മന്ത്രി, ധനകാര്യവകുപ്പു മന്ത്രിക്ക് കത്തു നല്‍കുകയുണ്ടായോ; എങ്കില്‍ കത്തിന്റെ പകര്‍പ്പ് ലഭ്യമാക്കാമോ;

(ഡി)	പുതിയ ഹയര്‍ സെക്കന്ററി സ്കൂള്‍ അനുവദിക്കുന്നത് സംബന്ധിച്ച ഫയലില്‍ ധനകാര്യവകുപ്പിന്റെ അഭിപ്രായം എന്തായിരുന്നു;

(ഇ)	നേരത്തെ ഹൈക്കോടതി അനുമതി നിഷേധിച്ച ലിസ്റ്റില്‍ ഉള്‍പ്പെട്ട സ്കൂളുകള്‍ക്ക് വീണ്ടും പ്ലസ് ടു നല്‍കാനുളള നീക്കം നടക്കുന്നുണ്ടോ;

(എഫ്)

ഹയര്‍സെക്കണ്ടറി സ്കൂള്‍ അനുവദിക്കുന്നതിന് പിന്നില്‍ വന്‍ കോഴ ഇടപാട് നടക്കുന്നതായി ശ്രദ്ധയില്‍പ്പെട്ടിട്ടുണ്ടോ?

ഓണ്‍ലെെനില്‍ ആധാരങ്ങള്‍ ലഭ്യമാക്കുന്നതിനുളള പദ്ധതി

*100.

ശ്രീ.അന്‍വര്‍ സാദത്ത്
,, പി.സി വിഷ്ണുനാഥ്
,, ആര്‍ . സെല്‍വരാജ്
,, ഡൊമിനിക് പ്രസന്റേഷന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആധാരങ്ങള്‍ ഓണ്‍ലെെനില്‍ ലഭ്യമാക്കുന്നതിന് എന്തെങ്കിലും പദ്ധതി നടപ്പാക്കിയിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പദ്ധതി വഴി കെെവരിക്കാനുദ്ദേശിക്കുന്നത് ; വിശദാംശങ്ങള്‍ എന്തെല്ലാം ;

(സി)	പദ്ധതി നടത്തിപ്പിനായി എന്തെല്ലാം നടപടികള്‍ സ്വീകരിച്ചിട്ടുണ്ട്?

നെല്‍വയല്‍ നീര്‍ത്തട സംരക്ഷണ നിയമ ഭേദഗതി

*101.

ശ്രീ.ബാബു എം. പാലിശ്ശേരി
ഡോ.ടി.എം.തോമസ് ഐസക്
ശ്രീ.കെ.കുഞ്ഞിരാമന്‍ (തൃക്കരിപ്പൂർ)
പ്രൊഫ. സി.രവീന്ദ്രനാഥ് : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നെല്‍വയല്‍ നീര്‍ത്തട സംരക്ഷണ നിയമത്തില്‍ ഭേദഗതി വരുത്താന്‍ ഉദ്ദേശിക്കുന്നുണ്ടോ; ഇതിനുള്ള നടപടികൾ ആരംഭിച്ചിട്ടുണ്ടോ; വ്യക്തമാക്കുമോ;

(ബി)	ഏത് രീതിയിലുള്ള ഭേദഗതിയാണ് ഉദ്ദേശിക്കുന്നതെന്നും ഇതിന് ഇടയാക്കിയ സാഹചര്യം എന്തായിരുന്നുവെന്നും വിശദമാക്കുമോ;

(സി)	ഇതിനായി എന്തെങ്കിലും പഠനം നടത്തിയിട്ടുണ്ടോ; എങ്കിൽ ഏത് ഏജന്‍സിയാണ് നടത്തിയതെന്നും എന്തൊക്കെയാണ് നിര്‍ദ്ദേശങ്ങളെന്നും വ്യക്തമാക്കുമോ;

(ഡി)	വ്യവസായ ആവശ്യങ്ങള്‍ക്കും മറ്റുമായി പത്ത് ഏക്കര്‍വരെയുള്ള വയല്‍ നികത്തുന്നതിന് തീരുമാനിച്ചിരുന്നോ; പിന്നീട് ഈ തീരുമാനം മാറ്റുകയുണ്ടായോ; തീരുമാനം ഏത് തലത്തിലാണ് കൈക്കൊണ്ടതെന്ന് വിശദമാക്കുമോ;

(ഇ)	നെല്ലുല്പാദനത്തെ പ്രതികൂലമായി ബാധിക്കുന്നതും, പാരിസ്ഥിതികാഘാതമുണ്ടാക്കുന്നതുമായ നടപടികളില്‍ നിന്ന് പിന്തിരിയാന്‍ തയ്യാറാകുമോയെന്നു വ്യക്തമാക്കുമോ?

പരീക്ഷാ ഫീസ്

*102.

ശ്രീ.ചിറ്റയം ഗോപകുമാര്‍
,, മുല്ലക്കര രത്നാകരന്‍
,, കെ.അജിത് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ വിദ്യാര്‍ത്ഥികളില്‍ നിന്നും പരീക്ഷാ ഫീസ് ഈടാക്കുന്നതിന് ആലോചനയുണ്ടോ ; എങ്കില്‍ എത്ര തുക വീതം ഫീസായി ഈടാക്കുന്നതിനാണ് ആലോചിക്കുന്നതെന്ന് വ്യക്തമാക്കുമോ ;

(ബി)	ക്വാളിറ്റി ഇംപ്രൂവ്മെന്റ് പ്രോഗ്രാം മീറ്റിങ്ങില്‍ പ്രസ്തുത നടപടി സംബന്ധിച്ച് ധാരണയുണ്ടായിട്ടുണ്ടോ ;

(സി)	സ്കൂളുകളില്‍ പരീക്ഷകള്‍ കൃത്യമായി നടക്കുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ ; എങ്കില്‍ അത് പരിഹരിക്കുന്നതിന് എന്തു നടപടികളാണ് സ്വീകരിച്ചു വരുന്നതെന്ന് വെളിപ്പെടുത്തുമോ ?

ഒരു രൂപയ്ക്ക് റേഷന്‍ അരി നല്‍കുന്ന പദ്ധതി

*103.

ശ്രീ.ഐ.സി.ബാലകൃഷ്ണന്‍
,, സി.പി.മുഹമ്മദ്
,, തേറമ്പില്‍ രാമകൃഷ്ണന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഒരു രൂപയ്ക്ക് റേഷന്‍ അരി നല്‍കുന്ന പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	പദ്ധതി നടപ്പാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ഇ-ഡിസ്ട്രിക്ട് പദ്ധതി

*104.

ശ്രീ.വി.റ്റി.ബല്‍റാം
,, ജോസഫ് വാഴയ്ക്കൻ
,, കെ.ശിവദാസന്‍ നായര്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ വകുപ്പില്‍ ഇ-ഡിസ്ട്രിക്ട് പദ്ധതി നടപ്പാക്കിയിട്ടുണ്ടോ;

(ബി)	പ്രസ്തുത പദ്ധതി വഴി എന്തെല്ലാം ലക്ഷ്യങ്ങളാണ് കൈവരിക്കാനുദ്ദേശിക്കുന്നതെന്ന് വ്യക്തമാക്കുമോ;

(സി)	പ്രസ്തുത പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

റവന്യു അദാലത്ത്

*105.

ശ്രീ.വര്‍ക്കല കഹാര്‍
,, തേറമ്പില്‍ രാമകൃഷ്ണന്‍
,, സി.പി.മുഹമ്മദ്
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റവന്യു അദാലത്തിന് പദ്ധതി നടപ്പാക്കിയിട്ടുണ്ടോ;

(ബി)	എന്തെല്ലാം ഉദ്ദേശലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പ്രസ്തുത പദ്ധതി നടപ്പാക്കാന്‍ ഭരണ തലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

ഇന്‍റര്‍നാഷണല്‍ ഹയര്‍ അക്കാദമിക് സോണ്‍

*106.

ശ്രീ.എം.വി.ശ്രേയാംസ്‌ കുമാര്‍
,, റോഷി അഗസ്റ്റിന്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇന്‍റര്‍നാഷണല്‍ ഹയര്‍ അക്കാദമിക് സോണ്‍ ആരംഭിക്കുന്നതിന് തിരുമാനിച്ചിട്ടുണ്ടോ; വിശദമാക്കുമോ;

(ബി)	പ്രസ്തുത പദ്ധതി മുഖേന ഉന്നത വിദ്യാഭ്യാസ മേഖലയില്‍ നടപ്പിലാക്കാന്‍ ഉദ്ദേശിക്കുന്ന നേട്ടങ്ങള്‍ എന്തെല്ലാമാണെന്ന് വ്യക്തമാക്കുമോ;

(സി)	പ്രസ്തുത പദ്ധതിയുടെ മേല്‍ നോട്ടത്തിനായി അക്കാദമിക് സിറ്റി അതോറിറ്റി രുപീകരിക്കുന്നതിന് തിരുമാനിച്ചിട്ടുണ്ടോ; വിശദമാക്കുമോ?

വിവിധ വകുപ്പുകളുടെ നിയന്ത്രണത്തിലുള്ള സര്‍ക്കാര്‍ ഭൂമി

*107.

ശ്രീ.പി.ബി. അബ്ദുൾ റസാക്
,, കെ.എന്‍.എ.ഖാദര്‍
,, സി.മമ്മൂട്ടി
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സര്‍ക്കാരിന്റെ അധീനതയിലെ പൊതു ഭൂമി ഏതൊക്കെ വകുപ്പുകളുടെ നിയന്ത്രണത്തിലാണ് നിലനിര്‍ത്തിയിട്ടുളളതെന്ന് വ്യക്തമാക്കുമോ;

(ബി)	ഇതു സംബന്ധിച്ച വിവരങ്ങള്‍ റവന്യൂ വകുപ്പ് ക്രോഡീകരിച്ച് സൂക്ഷിച്ചിട്ടുണ്ടോ ; എങ്കില്‍ വിശദമാക്കുമോ;

(സി)

വിവിധ വകുപ്പുകള്‍ തമ്മില്‍ സര്‍ക്കാര്‍ ഭൂമിയുടെ കാര്യത്തില്‍ തര്‍ക്കങ്ങളുള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുവാനുള്ള നടപടികള്‍ സ്വീകരിച്ചിട്ടുണ്ടോ; സ്വകാര്യ സ്ഥാപനങ്ങളും ഉടമകളും അനധികൃതമായി ആയിരക്കണക്കിനേക്കര്‍ പൊതു ഭൂമി കെെവശം വെച്ചിട്ടുളളതായ റിപ്പോര്‍ട്ടുകളുടെ വെളിച്ചത്തില്‍ ഓരോ വില്ലേജിലെയും പൊതു ഭൂമി സര്‍വ്വേ നമ്പര്‍, വിസ്തൃതി, കെെവശച്ചുമതലയുളള സര്‍ക്കാര്‍ വകുപ്പ് എന്നിവ അടയാളപ്പെടുത്തിയ സര്‍വ്വെ റിക്കാര്‍ഡ് തയ്യാറാക്കി ഓരോ വില്ലേജ് ഓഫീസിലും പ്രസിദ്ധപ്പെടുത്താന്‍ നിര്‍ദ്ദേശം നല്‍കുമോ?

സപ്ലൈകോയുടെ സാമ്പത്തിക പ്രതിസന്ധി

*108.

ശ്രീ.മുല്ലക്കര രത്നാകരന്‍
,, സി.ദിവാകരന്‍
,, ചിറ്റയം ഗോപകുമാര്‍
,, ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സപ്ലൈകോ കടുത്ത സാമ്പത്തിക പ്രതിസന്ധി നേരിടുന്നുണ്ടോ; ഇതുമൂലം സപ്ലൈകോയുടെ വിപണി ഇടപെടല്‍ പൂര്‍ണ്ണമായും സ്തംഭിച്ചിട്ടുണ്ടോ; ഇൗ വിവരം ശ്രദ്ധയില്‍പ്പെട്ടിട്ടുണ്ടോ;

(ബി)	സാമ്പത്തിക പ്രതിസന്ധി മൂലം സപ്ലൈകോയുടെ ഔട്ട്‍ലെറ്റുകള്‍ വഴിയുള്ള അവശ്യ സാധന വിതരണം സ്തംഭിച്ചിട്ടുണ്ടോ; എങ്കില്‍ ഈ സ്തംഭനാവസ്ഥ ഒഴിവാക്കുന്നതിന് എന്തു നടപടികള്‍ സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ;

(സി)	ഈ ഗവണ്‍മെന്റ് അധികാരത്തില്‍ വരുമ്പോള്‍ സപ്ലൈകോ വഴി വിതരണം ചെയ്ത അവശ്യ സാധനങ്ങളുടെ വിലയും ഇപ്പോഴുള്ള വിലയും തമ്മില്‍ താരതമ്യം ചെയ്യുമോ; വിശദാംശം ലഭ്യമാക്കുമോ?

ഹയര്‍ സെക്കന്റjറി അദ്ധ്യാപക സ്ഥലംമാറ്റം

*109.

ശ്രീ.സാജു പോള്‍
,, വി.ശിവന്‍കുട്ടി
,, കെ.സുരേഷ് കുറുപ്പ്
,, ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഹയര്‍ സെക്കന്ററി അദ്ധ്യാപക സ്ഥലംമാറ്റ ഉത്തരവില്‍ ക്രമക്കേട് നടന്നിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ;

(ബി)	അദ്ധ്യാപക സ്ഥലംമാറ്റത്തിന് മാനദണ്ഡം നിശ്ചയിച്ചിട്ടുണ്ടോ; സ്ഥലംമാറ്റ ഉത്തരവിറക്കിയത് എന്തടിസ്ഥാനത്തിലാമെന്ന് വ്യക്തമാക്കുമോ;

(സി)	ഒരു സ്തൂളിലെ ഒരേ തസ്തികയിലേയ്ക്ക് ഒന്നിലധികം അദ്ധ്യാപകരെ നിയമിക്കുന്ന സ്ഥിതി ഉണ്ടായിട്ടുണ്ടോ;

(ഡി)	സ്ഥലംമാറ്റത്തിനു പിന്നില്‍ കോഴ ഇടപാട് നടന്നതായ ആരോപണം ഉയര്‍ന്നിട്ടുണ്ടോ; ഇതു സംബന്ധിച്ച് അന്വേഷണം നടത്തിയിട്ടുണ്ടോ ; വിശദമാക്കാമോ;

(ഇ)	തെരഞ്ഞെടുപ്പ് ചട്ടം മറികടന്ന് സ്ഥലംമാറ്റ ഉത്തരവ് ഇറങ്ങാനിടയായ സാഹചര്യമെന്തെന്ന് പരിശോധിച്ചിട്ടുണ്ടോ;

(എഫ്)

അദ്ധ്യയനവര്‍ഷത്തിന്റെ മദ്ധ്യത്തില്‍ നടത്തിയ അദ്ധ്യാപകരുടെ സ്ഥലംമാറ്റം വിദ്യാര്‍ത്ഥികളുടെ പഠനത്തെ പ്രതികൂലമായി ബാധിക്കുമെന്ന കാര്യം പരിഗണിച്ചിട്ടുണ്ടോ;വിശദമാക്കുമോ?

ക്യാമ്പസുകളിലെ അക്രമ സംഭവങ്ങളും, ദുരന്തങ്ങളും നിയന്ത്രിക്കാന്‍ നടപടി

*110.

ശ്രീ.പി.കെ.ബഷീര്‍
,, എം.ഉമ്മര്‍
,, സി.മോയിന്‍ കുട്ടി
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസ സ്ഥാപനങ്ങളിലെ ക്യാമ്പസുകളില്‍ അരങ്ങേറുന്ന അക്രമ സംഭവങ്ങളും, ദുരന്തങ്ങളും നിയന്ത്രിക്കാന്‍ കര്‍ശന നടപടികള്‍ സ്വീകരിക്കേണ്ടതിന്റെ ആവശ്യകത പരിഗണനയിലുണ്ടോ ; എങ്കില്‍ വിശദമാക്കുമോ ;

(ബി)	ക്യാമ്പസ്സുകളുടെ നിലവാരം മെച്ചമാക്കുന്നതിനും അക്രമ വിമുക്തമാക്കുന്നതിനും വിദ്യാഭ്യാസ വിചക്ഷണരുടെയും, രക്ഷാ കര്‍ത്താക്കളുടെയും അഭിപ്രായ രൂപീകരണം നടത്തി ശക്തമായ നടപടികള്‍ സ്വീകരിക്കുമോ ?

റേഷന്‍ വിതരണത്തിലെ ക്രമക്കേട്

*111.

ശ്രീ.എസ്.ശർമ്മ
,, ബി.ഡി. ദേവസ്സി
ശ്രീമതി.കെ.കെ.ലതിക
ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റേഷന്‍ വസ്തുക്കള്‍ കരിഞ്ചന്തയില്‍ വിറ്റഴിക്കപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; ഇത് തടയുന്നതിനും പരിശോധിക്കുന്നതിനും സംവിധാനമുണ്ടോ;

(ബി)	റേഷന്‍ വിതരണത്തിലെ ക്രമക്കേട് സംസ്ഥാന വ്യാപകമായി വിജിലന്‍സ് നടത്തിയ റെയ്ഡില്‍ കണ്ടുപിടിക്കപ്പെട്ടത് ശ്രദ്ധയില്‍പ്പെട്ടിട്ടുണ്ടോ;

(സി)	ബി.പി.എല്‍, അന്ത്യോദയ അന്നയോജന അരിവിഹിതം ഗുണഭോക്താക്കള്‍ക്ക് നല്‍കാതെ വെട്ടിപ്പ് നടത്തിയതായി റിപ്പോര്‍ട്ടു ലഭിച്ചിട്ടുണ്ടോ; ഇതു സംബന്ധിച്ച് സ്വീകരിച്ച നടപടികള്‍ വിശദമാക്കുമോ;

(ഡി)	ഇതില്‍ റേഷന്‍ ഡീലര്‍മാര്‍ മുതല്‍ സിവില്‍ സപ്ലൈസ് ഉന്നത ഉദ്യോഗസ്ഥര്‍ക്കു വരെ പങ്കുള്ള കാര്യം പരിശോധിക്കപ്പെട്ടിട്ടുണ്ടോ; ഇത്തരം ഉദ്യോഗസ്ഥര്‍ക്കെതിരെ നടപടി സ്വീകരിച്ചിട്ടുണ്ടോ?

തിരുവനന്തപുരം, കോഴിക്കോട് ലൈറ്റ് മെട്രോ പദ്ധതി

*112.

ശ്രീ.കോലിയക്കോട് എന്‍. കൃഷ്ണന്‍ നായര്‍
,, എളമരം കരീം
,, വി.ശിവന്‍കുട്ടി
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം, കോഴിക്കോട് ലൈറ്റ് മെട്രോ പദ്ധതി കേന്ദ്ര-സംസ്ഥാന സര്‍ക്കാരുകളുടെ സംയുക്ത സംരംഭമായി നടപ്പിലാക്കാന്‍ കേന്ദ്രാനുമതി ലഭിച്ചിട്ടുണ്ടോ; വിശദമാക്കാമോ;

(ബി)	ഡി.എം.ആര്‍.സി. സമര്‍പ്പിച്ച വിശദമായ പഠന റിപ്പോര്‍ട്ട് സര്‍ക്കാര്‍ തലത്തില്‍ വിശദമായി പരിശോധിക്കുകയുണ്ടായോ; വിശദമാക്കാമോ; ഇപ്രകാരം രണ്ടു പദ്ധതികളും പൂര്‍ത്തിയാക്കുന്നതിനാവശ്യമായ തുക എത്ര;

(സി)	പദ്ധതി ചെലവിന്റെ എത്ര ശതമാനം കേന്ദ്ര സംസ്ഥാന സര്‍ക്കാരുകള്‍ കണ്ടെത്തും; കേന്ദ്ര സ്ര‍ക്കാര്‍ ഇക്കാര്യത്തില്‍ സ്വീകരിക്കുന്ന നിലപാട് സംസ്ഥാനത്തെ അറിയിച്ചിട്ടുണ്ടോ;

(ഡി)	പ്രസ്തുത പദ്ധതിയ്ക്കായി സംസ്ഥാന സര്‍ക്കാര്‍ ഭൂമി അക്വയര്‍ ചെയ്യുന്നതിനും, പദ്ധതി ചെലവിലേക്കും ബജറ്റില്‍ വകയിരുത്തിയ തുക എത്ര; വിശദമാക്കാമോ;

(ഇ)	ജൈക്കാ വായ്പ ലഭ്യമാകുമോ; ഇതിനായി അപേക്ഷ സമര്‍പ്പിച്ചിട്ടുണ്ടോ; ജൈക്കയില്‍ നിന്നും ലഭിച്ച മറുപടി വിശദമാക്കാമോ?

റോഡ്‌ വികസനം

*113.

ശ്രീ.എ.പി.അബ്ദുള്ളക്കുട്ടി
,, ഷാഫി പറമ്പില്‍
,, കെ.മുരളീധരന്‍
,, വി.റ്റി.ബല്‍റാം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തന്ത്രപ്രധാനമായ റോഡ് ശൃംഖല വികസിപ്പിക്കുന്നതിന് പദ്ധതി രൂപീകരിച്ചിട്ടുണ്ടോ; വിശദമാക്കുമോ ;

(ബി)	എന്തെല്ലാം ഉദ്ദശ്യലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ബൈപാസുകള്‍

*114.

ശ്രീ.വി.ഡി.സതീശന്‍
,, എം.എ. വാഹീദ്
,, സി.പി.മുഹമ്മദ്
,, എ.റ്റി.ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ബൈപാസുകള്‍ നിര്‍മ്മിക്കാന്‍ പദ്ധതി രൂപീകരിച്ചിട്ടുണ്ടോ; പദ്ധതിയുടെ ഉദ്ദേശ്യ ലക്ഷ്യങ്ങൾ എന്തെല്ലാം ;വിശദമാക്കുമോ;

(ബി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ലൈറ്റ് മെട്രോ പദ്ധതി

*115.

ശ്രീ.കെ.മുരളീധരന്‍
,, പാലോട് രവി
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാനത്ത് ലൈറ്റ് മെട്രോ നടപ്പാക്കാന്‍ പദ്ധതി രൂപീകരിച്ചിട്ടുണ്ടോ;

(ബി)	എന്തെല്ലാം ഉദ്ദേശലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത്;

(സി)	പദ്ധതി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ഭക്ഷ്യസുരക്ഷാ പദ്ധതി

*116.

ശ്രീ.പി.കെ.ഗുരുദാസന്‍
,, എസ്.രാജേന്ദ്രന്‍
,, പുരുഷന്‍ കടലുണ്ടി
ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭക്ഷ്യസുരക്ഷാ പദ്ധതി നടപ്പാക്കുന്നതു സംബന്ധിച്ച പ്രവര്‍ത്തനങ്ങള്‍ ഏത് ഘട്ടത്തിലാണ്;

(ബി)	ഭക്ഷ്യസുരക്ഷാ പദ്ധതി നടപ്പാക്കുന്നത് സംബന്ധിച്ച് കേന്ദ്രസര്‍ക്കാറിന്‍െറ നിര്‍ദ്ദേശങ്ങള്‍ എന്തെല്ലാമാണ്;

(സി)	ഈ നിര്‍ദ്ദേശങ്ങള്‍ നടപ്പാക്കുന്നതിന് സമയപരിധി നിശ്ചയിച്ചിട്ടുണ്ടായിരുന്നോ; സമയപരിധിക്കുള്ളില്‍ കേന്ദ്ര നിര്‍ദ്ദേശങ്ങള്‍ നടപ്പാക്കുവാന്‍ സാധിച്ചിട്ടുണ്ടോ;

(ഡി)	പ്രസ്തുത നിര്‍ദ്ദേശങ്ങള്‍ നടപ്പാക്കാത്തതിന്റെ പേരില്‍ സംസ്ഥാനത്തിന് ലഭിക്കുന്ന റേഷന്‍ വിഹിതം നഷ്ടമാകാന്‍ സാധ്യതയുണ്ടോ;

(ഇ)	ഭക്ഷ്യസുരക്ഷാ നിയമം നടപ്പാക്കുമ്പോള്‍ സംസ്ഥാനത്ത് നിലവിലുള്ള മുഴുവന്‍ റേഷന്‍ ഗുണഭോക്താക്കള്‍ക്കും റേഷന്‍ വസ്തുക്കള്‍ ലഭിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ?

ഉന്നതവിദ്യാഭ്യാസ മേഖലകള്‍

*117.

ശ്രീ.സി.മോയിന്‍ കുട്ടി
,, കെ.എം.ഷാജി
,, എം.ഉമ്മര്‍
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രത്യേക പദവിയോടെ ഉന്നതവിദ്യാഭ്യാസ മേഖലകള്‍ക്ക് അനുമതി നല്‍കാന്‍ ഉദ്ദേശിക്കുന്നുണ്ടോ;

(ബി)	എങ്കില്‍ അതിന്റെ ഉദ്ദേശലക്ഷ്യങ്ങള്‍ വിശദമാക്കുമോ;

(സി)	സ്വകാര്യ മേഖലയില്‍ അക്കാദമിക് സിറ്റികള്‍ക്ക് അനുമതി നല്‍കുവാന്‍ പദ്ധതി വിഭാവനം ചെയ്യുന്നുണ്ടോ; എങ്കില്‍ നിലവിലെ വിദ്യാഭ്യാസ സംവിധാനത്തെ അത് ഏത് വിധത്തില്‍ ബാധിക്കുമെന്ന കാര്യം പരിശോധിച്ചിട്ടുണ്ടോ; വിശദമാക്കുമോ?

കെെവശക്കാര്‍ക്ക് പട്ടയം

*118.

ശ്രീ.സി.എഫ്.തോമസ്
,, തോമസ് ഉണ്ണിയാടന്‍
,, റ്റി.യു. കുരുവിള
,, മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കെെവശക്കാര്‍ക്ക് മുഴുവന്‍ പട്ടയം നല്‍കുന്നതിന് സ്വീകരിച്ചു വരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

(ബി)	സമയബന്ധിതമായി പട്ടയം നല്‍കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

കേന്ദ്ര സര്‍ക്കാരിന്‍െറ പൊതു-സ്വകാര്യപങ്കാളിത്ത നയം

*119.

ശ്രീ.റോഷി അഗസ്റ്റിന്‍
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ പാതാ പദ്ധതികളില്‍ കേന്ദ്ര സര്‍ക്കാര്‍ പുതിയ പൊതു-സ്വകാര്യ പങ്കാളിത്ത നയം പ്രഖ്യാപിച്ചിട്ടുണ്ടോ; വിശദമാക്കുമോ ;

(ബി)	പ്രസ്തുത നയം സംസ്ഥാന പദ്ധതികള്‍ക്ക് എപ്രകാരം പ്രയോജനപ്പെടുത്താമെന്ന് വിലയിരുത്തിയിട്ടുണ്ടോ ;

(സി)	മുടങ്ങിക്കിടക്കുന്ന ദേശീയ പാതാ വികസനം പുന:രാരംഭിക്കുന്നതിന് പ്രസ്തുത നയം അനുസരിച്ച് നടപടി സ്വീകരിക്കുമോ ?

രണ്ടാംഘട്ട പാഠപുസ്തക വിതരണം

*120.

ശ്രീ.തോമസ് ചാണ്ടി
,, എ. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ക്രിസ്തുമസ് പരീക്ഷയ്ക്ക് ദിവസങ്ങള്‍ മാത്രം ശേഷിക്കെ രണ്ടാം വാല്യം പാഠപുസ്തക വിതരണത്തില്‍ കാലതാമസം ഉണ്ടായത് ശ്രദ്ധയില്‍പ്പെട്ടിട്ടുണ്ടോ ;

(ബി)	സമയത്ത് ഇന്‍ഡന്റ് നല്‍കുന്നതില്‍ വന്ന വീഴ്ചയും നേരത്തെ ആവശ്യപ്പെട്ട പുസ്തകങ്ങളുടെ എണ്ണം തിരുത്തി പല സ്കൂളുകള്‍ക്കും നല്‍കിയതുമാണ് കാലതാമസത്തിന് കാരണമെന്ന് ശ്രദ്ധയില്‍പ്പെട്ടിട്ടുണ്ടോ ; ഇതിന് ഉത്തരവാദി ആയവരുടെ പേരില്‍ നടപടി സ്വീകരിക്കുമോ ;

(സി)	ഒന്നാംഘട്ട പാഠപുസ്തകം നല്കുന്നതില്‍ വന്ന കാലതാമസത്തില്‍ നടപടി എടുത്തിരുന്നെങ്കില്‍ രണ്ടാംഘട്ട പാഠപുസ്തകം സമയത്ത് നല്‍കുവാന്‍ കഴിയുമായിരുന്നുവെന്നകാര്യം ശ്രദ്ധയില്‍പ്പെട്ടിട്ടുണ്ടോ ;

(ഡി)	എട്ടാം ക്ലാസിലേയ്ക്കുള്ള പാഠപുസ്തകം പൂര്‍ണ്ണമായി നല്‍കി തീര്‍ക്കുന്നതിന് അടിയന്തരനടപടി സ്വീകരിക്കുമോ ?

കേരള നിയമസഭാ സെക്രട്ടേറിയറ്റ്‌,

പി.ഡി.ശാരംഗധരന്‍,

തിരുവനന്തപുരം,

സെക്രട്ടറി.

24-11-2015


പ്രത്യേക ശ്രദ്ധയ്ക്ക്:	നിയമസഭാ ചോദ്യങ്ങളുടെ മറുപടി അവ സഭയില്‍ ഉന്നയിക്കുന്നതിന്‍റെ തലേദിവസം വൈകുന്നേരം 5 മണിക്ക് മുമ്പായി ലഭ്യമാക്കേണ്ടതാണ് [ചട്ടം 47(1)].

Website maintained by Information System Section, Kerala Legislative Assembly, Thiruvananthapuram.