13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >15^th Session>Starred Questions and Answers

Answer Provided

Answer Not Yet Provided

THIRTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പതിമൂന്നാം കേരള നിയമസഭ

പതിനഞ്ചാം സമ്മേളനം

2015 ഡിസംബര്‍ 16, ബുധന്‍

നക്ഷത്രചിഹ്നമിട്ട ചോദ്യങ്ങള്‍‍

[ആകെ ചോദ്യങ്ങള്‍--30]

മറുപടി നല്‍കുന്ന മന്ത്രിമാര്‍

ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി

നഗരകാര്യവും ന്യൂനപക്ഷക്ഷേമവും വകുപ്പുമന്ത്രി

കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി

പഞ്ചായത്തും സാമൂഹ്യനീതിയും വകുപ്പുമന്ത്രി

ബഹുനില മന്ദിരങ്ങള്‍ക്ക് അനുമതി

*271.

ശ്രീ.എസ്.ശർമ്മ
,, റ്റി.വി.രാജേഷ്
,, കെ.വി.വിജയദാസ്
,, കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ബഹുനില മന്ദിരങ്ങള്‍ക്ക് അനുമതി നല്‍കുന്നതുമായി ബന്ധപ്പെട്ട് നിലവിലുള്ള നിയമങ്ങളും ചട്ടങ്ങളും ഏതെല്ലാമാണ് ;

(ബി)	പ്രസ്തുത കെട്ടിടങ്ങള്‍ വാസയോഗ്യമാണെന്ന അന്തിമ അനുമതി നല്‍കുന്നതാരാണ് ; ഇതിന്ആവശ്യമായ രേഖകള്‍ /എന്‍.ഒ.സി. ഏതെല്ലാമാണ് ;

(സി)	പ്രസ്തുത രേഖകളില്‍ ഏതെങ്കിലും സമീപകാലത്ത് ഒഴിവാക്കിയിട്ടുണ്ടോ ; എങ്കില്‍ കാരണം അറിയിക്കുമോ ;

(ഡി)	പ്രസ്തുത മാറ്റം വരുത്തിയത് കേന്ദ്ര കെട്ടിട നിര്‍മ്മാണച്ചട്ടത്തിന് അനുസൃതമായിട്ടാണോ ?

ന്യൂട്രിമിക്സ് പാക്കറ്റ് വിതരണം

*272.

ശ്രീ.കെ.രാജു
,, സി.ദിവാകരന്‍
ശ്രീമതി.ഇ.എസ്.ബിജിമോള്‍
,, ഗീതാ ഗോപി : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീ മുഖേന അംഗനവാടികള്‍ക്ക്ന്യൂട്രിമിക്സ് പാക്കറ്റുകള്‍ വിതരണം ചെയ്യുന്നുണ്ടോ; എങ്കില്‍ പ്രതിമാസം എത്ര പായ്ക്കറ്റുകള്‍ വിതരണം ചെയ്യുന്നുണ്ട് ;

(ബി)	ന്യൂട്രിമിക്സ് പായ്ക്കറ്റ് ഒന്നിന് എത്ര രൂപ വരെ കണ്‍സോര്‍ഷ്യങ്ങള്‍ ചെലവഴിക്കുന്നുണ്ട് ;പ്രസ്തുത കവറുകള്‍ വാങ്ങുന്നതിന് സ്വീകരിച്ചിട്ടുളള മാനദണ്ഡങ്ങള്‍ വിശദമാക്കുമോ;

(സി)	ന്യൂട്രിമിക്സ് കവര്‍ വിതരണം സ്വകാര്യ ഏജന്‍സികള്‍ക്ക് നല്‍കുന്നതിന് തീരുമാനിച്ചിട്ടുണ്ടോ; എങ്കില്‍ കാരണം വ്യക്തമാക്കുമോ?

അധികാര വികേന്ദ്രീകരണ പ്രക്രിയ

*273.

ശ്രീ.ബി.സത്യന്‍
ഡോ.ടി.എം.തോമസ് ഐസക്
ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	പദ്ധതി നടത്തിപ്പിലെ ഏകോപനം അധികാര വികേന്ദ്രീകരണ പ്രക്രിയയ്ക്ക് എത്രത്തോളം അനുപേക്ഷണീയമാണ് ; വിശദമാക്കുമോ ;

(ബി)	ഇൗ സര്‍ക്കാര്‍ അധികാരമേറ്റതിനുശേഷം പ്രാദേശിക വികസനം മൂന്ന് മന്ത്രിമാരുടെ കീഴില്‍ കൊണ്ടുവന്ന നടപടി പ്രസ്തുത ഏകോപിത പ്രവര്‍ത്തനത്തെ എത്രത്തോളം ബാധിച്ചിട്ടുണ്ട് ; വിശദാംശങ്ങള്‍ നല്‍കുമോ ;

(സി)	മൂന്ന് മന്ത്രിമാരുടെയും പ്രവര്‍ത്തനങ്ങളെ ഏകോപിപ്പിക്കാന്‍ എന്ന നിലയില്‍ കൊണ്ടുവന്ന പകരം സംവിധാനങ്ങള്‍ ഏതെല്ലാമായിരുന്നു ; അവയുടെ പ്രവര്‍ത്തനം കൊണ്ടുണ്ടായ ഗുണപരമായ മാറ്റങ്ങള്‍ അറിയിക്കുമോ ?

അയ്യന്‍കാളി നഗര തൊഴിലുറപ്പ് പദ്ധതി

*274.

ശ്രീ.ആര്‍ . സെല്‍വരാജ്
,, ടി.എന്‍. പ്രതാപന്‍
,, അന്‍വര്‍ സാദത്ത്
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളില്‍ അയ്യന്‍കാളി നഗര തൊഴിലുറപ്പ് പദ്ധതി ആസൂത്രണം ചെയ്തിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കെെവരിക്കാനുദ്ദേശിക്കുന്നത് ;വിശദാംശങ്ങള്‍ എന്തെല്ലാം ;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് ?

തദ്ദേശ സ്ഥാപനങ്ങളിലെ പദ്ധതി ചെലവ്

*275.

ശ്രീ.ജെയിംസ് മാത്യു
,, എം.എ.ബേബി
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശ സ്ഥാപനങ്ങളിലെ പദ്ധതി ചെലവ് അനുവദിക്കുന്നതിന് ബില്‍ സിസ്റ്റം നടപ്പിലാക്കാനിടയായ സാഹചര്യം വ്യക്തമാക്കാമോ;

(ബി)	പ്രസ്തുത സിസ്റ്റത്തിന്റെ നടത്തിപ്പ് അവലോകനം ചെയ്തിട്ടുണ്ടോ;

(സി)	പ്രസ്തുത സിസ്റ്റത്തിനെതിരെ വ്യാപകമായ പരാതി ഉയർന്നിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ഡി)	പ്രസ്തുത രീതി തദ്ദേശസ്ഥാപനങ്ങളെ ഒരു സര്‍ക്കാര്‍ വകുപ്പാക്കി മാറ്റുന്നതാണെന്ന ആക്ഷേപം സംബന്ധിച്ച് നിലപാട് വ്യക്തമാക്കുമോ ?

വിലത്തകര്‍ച്ച നേരിടുന്ന കാര്‍ഷിക ഉല്‍പന്നങ്ങള്‍

*276.

ശ്രീ.രാജു എബ്രഹാം
,, ഇ.പി.ജയരാജന്‍
,, എം. ഹംസ
,, കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇപ്പോള്‍ വിലത്തകര്‍ച്ച നേരിടുന്ന കാര്‍ഷിക ഉല്‍പന്നങ്ങള്‍ ഏതൊക്കെയെന്ന് വ്യക്തമാക്കുമോ ;

(ബി)	കാര്‍ഷിക ഉല്‍പന്നങ്ങളുടെ വിലത്തകര്‍ച്ചയ്ക്കുള്ള കാരണങ്ങളെ സംബന്ധിച്ച് വിലയിരുത്തല്‍ നടത്തിയിട്ടുണ്ടോ ;

(സി)	കാര്‍ഷിക തോട്ടം മേഖലയിലെ വിദേശ നിക്ഷേപത്തെ സംബന്ധിച്ച് കേന്ദ്രസര്‍ക്കാര്‍ ഈ അടുത്ത കാലത്ത് കൈക്കൊണ്ട തീരുമാനങ്ങള്‍ ശ്രദ്ധയില്‍പ്പെട്ടിട്ടുണ്ടോ ; എങ്കില്‍ ഇത് സംബന്ധിച്ച് നിലപാട് അറിയിക്കുമോ ;

(ഡി)	വിലത്തകര്‍ച്ച മൂലം കഷ്ടത അനുഭവിക്കുന്ന കര്‍ഷകര്‍ക്ക് സഹായം നല്‍കുന്നതില്‍ സര്‍ക്കാര്‍ സംവിധാനങ്ങള്‍ എത്രത്തോളം ഫലപ്രദമായി പ്രവർത്തിക്കുന്നു ; വിശദമാക്കുമോ ?

കുടുംബശ്രീ അയല്‍ക്കൂട്ടങ്ങള്‍ക്കുള്ള മാച്ചിംഗ് ഗ്രാന്റും സബ്സിഡിയും

*277.

ശ്രീ.വി.ചെന്താമരാക്ഷന്‍
,, വി.ശിവന്‍കുട്ടി
,, ജി.സുധാകരന്‍
,, കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീ അയല്‍ക്കൂട്ടങ്ങള്‍ മുഖേന സി.ഡി.എസിനു നല്‍കേണ്ട മാച്ചിംഗ് ഗ്രാന്റും പലിശ സബ്സിഡിയും മാസങ്ങളായി മുടങ്ങിക്കിടക്കുന്നതിനാല്‍ കുടുംബശ്രീക്ക് പുതിയ സംരംഭങ്ങള്‍ ഒന്നും ആരംഭിക്കാനായിട്ടില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത അവസ്ഥയില്‍ മാസങ്ങളായി മുടങ്ങിക്കിടക്കുന്ന മാച്ചിംഗ് ഗ്രാന്റും പലിശ സബ്സിഡിയും പൂര്‍ണ്ണമായും വിതരണം ചെയ്യാന്‍ നടപടി സ്വീകരിക്കുമോ ?

പുതുതായി രൂപീകരിക്കപ്പെട്ട കോര്‍പ്പറേഷനും മുനിസിപ്പാലിറ്റികളും

*278.

പ്രൊഫ. സി.രവീന്ദ്രനാഥ്
ശ്രീ.എ.കെ.ബാലന്‍
,, പി.കെ.ഗുരുദാസന്‍
,, എളമരം കരീം : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി രൂപീകരിക്കപ്പെട്ട കോര്‍പ്പറേഷന്റെയും മുനിസിപ്പാലിറ്റികളുടെയും ഭരണ നിര്‍വ്വഹണ സംവിധാനങ്ങള്‍ പൂര്‍ണ്ണതോതില്‍ ഏര്‍പ്പെടുത്തി കഴിഞ്ഞിട്ടുണ്ടോ; വിശദാംശങ്ങള്‍ നല്‍കാമോ;

(ബി)	ഇത്തരം സ്ഥാപനങ്ങള്‍ക്ക് ആവശ്യമായ ഫണ്ട് ലഭ്യമാക്കിയിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത സ്ഥാപനങ്ങളില്‍ നിലവിലുള്ള മാനദണ്ഡങ്ങള്‍ അനുസരിച്ച് അധിക ജീവനക്കാരെ ആവശ്യമായി വരുമോ; എങ്കില്‍ ജീവനക്കാരെ നിയമിച്ചിട്ടുണ്ടോ; ഇല്ലെങ്കില്‍ എന്നത്തേക്ക് നിയമിയ്ക്കും എന്നറിയിക്കുമോ;

(ഡി)	പ്രസ്തുത സ്ഥാപനങ്ങളില്‍ ആവശ്യമായ മുന്നൊരുക്കം നടത്തുവാൻ സാധിച്ചിട്ടുണ്ടോ; ഇല്ലെങ്കിൽ ഇത് പരിഹരിക്കാന്‍ അടിയന്തര നടപടികള്‍‌ സ്വീകരിക്കുമോ?

കുടുംബശ്രീ സി.ഡി.എസുകള്‍ക്ക്അഡ്മിനിസ്ട്രേറ്റീവ് ഗ്രാന്റ്

*279.

ശ്രീ.കെ.കുഞ്ഞിരാമന്‍ (തൃക്കരിപ്പൂർ)
,, എം.ചന്ദ്രന്‍
,, ബി.സത്യന്‍
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീ സി.ഡി.എസുകള്‍ക്ക് നല്‍കിവരുന്ന അഡ്മിനിസ്ട്രേറ്റീവ് ഗ്രാന്റ് കുടിശ്ശിക എന്നത്തേക്ക് നല്‍കാന്‍ കഴിയുമെന്നും ആയതിലേയ്ക് എന്തൊക്കെ നടപടികള്‍ സ്വീകരിച്ചിട്ടുണ്ടെന്നും വിശദമാക്കുമോ ;

(ബി)	കുടുംബശ്രീയെ സ്വകാര്യവല്‍ക്കരിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ?

റബ്ബര്‍ വിലസ്ഥിരതാ പദ്ധതി

*280.

ശ്രീ.കെ.സുരേഷ് കുറുപ്പ്
,, രാജു എബ്രഹാം
,, സാജു പോള്‍
,, കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	റബ്ബറിന്റെ വിലയിടിവ് പിടിച്ചു നിര്‍ത്താന്‍ ആവിഷ്ക്കരിച്ച വിലസ്ഥിരതാ പദ്ധതി അവലോകനം ചെയ്തിട്ടുണ്ടോ ;

(ബി)	പ്രസ്തുത പദ്ധതി കൊണ്ട് ഉദ്ദേശിച്ച ഫലം ലഭിച്ചിട്ടുണ്ടോ ;

(സി)	പ്രസ്തുത പദ്ധതി നടത്തിപ്പിനിടയിലും റബ്ബര്‍ വില കഴിഞ്ഞ ആറുവര്‍ഷത്തിനിടയിലെ ഏറ്റവും താഴ്ന്ന നിലയിലേക്കെത്തിയ സ്ഥിതിവിശേഷം ശ്രദ്ധയില്‍പ്പെട്ടിട്ടുണ്ടോ ;

(ഡി)	ഈ പശ്ചാത്തലത്തില്‍ പദ്ധതി നടത്തിപ്പ് കൂടുതല്‍ ഫലപ്രദമാക്കാന്‍ നടപടി സ്വീകരിക്കുമോ ?

തെങ്ങുകൃഷി

*281.

ശ്രീ.എന്‍. ഷംസുദ്ദീന്‍
,, കെ.എന്‍.എ.ഖാദര്‍
,, കെ.മുഹമ്മദുണ്ണി ഹാജി
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിൽ തെങ്ങുകളുടെ എണ്ണം വളരെയധികം കുറഞ്ഞു വരുന്നതായ റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കിൽ തന്മൂലം സംസ്ഥാനത്തിന്റെ സാമൂഹ്യ സാമ്പത്തിക, പാരിസ്ഥിതിക മേഖലകളില്‍ ഉണ്ടാകാവുന്ന പ്രതികൂല മാറ്റങ്ങളെക്കുറിച്ച് പരിശോധിച്ചിട്ടുണ്ടോ; വിശദമാക്കുമോ;

(സി)	തെങ്ങുകൃഷിയിലും വിഭവശേഖരണ, വിപണന മേഖലകളിലുള്ള പ്രശ്നങ്ങളെ കൃഷിക്കാരുമായും തൊഴിലാളികളുമായും ബന്ധപ്പെട്ട്, മനസ്സിലാക്കി പരിഹാരം കാണുവാനുള്ള നടപടികള്‍ സ്വീകരിക്കുമോ?

നഗരസഭകളുടെ ഭൂമിയില്‍ വരുമാന വര്‍ദ്ധനവിന് പദ്ധതി

*282.

ശ്രീ.എ.റ്റി.ജോര്‍ജ്
,, കെ.എസ്.ശബരീനാഥന്‍
,, ഐ.സി.ബാലകൃഷ്ണന്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരസഭകളുടെ ഭൂമിയില്‍നിന്നും വരുമാനം നേടാന്‍ കര്‍മ്മ പദ്ധതി ആസൂത്രണം ചെയ്തിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളണ് ഇത് വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

പച്ചക്കറി വില വര്‍ദ്ധവ്

*283.

ഡോ.ടി.എം.തോമസ് ഐസക്
ശ്രീ.രാജു എബ്രഹാം
,, ബാബു എം. പാലിശ്ശേരി
,, പി.ശ്രീരാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	പച്ചക്കറി വില വര്‍ദ്ധിക്കുന്നത് സംബന്ധിച്ച് വിലയിരുത്തല്‍ നടത്തിയിട്ടുണ്ടോ; പച്ചക്കറി വില അനിയന്ത്രിതമായി വര്‍ദ്ധിക്കാനുളള കാരണങ്ങള്‍ എന്തൊക്കെയാണ്;

(ബി)	വില വര്‍ദ്ധന തടയാൻ കഴിഞ്ഞിട്ടുണ്ടോ ; ഇല്ലെങ്കിൽ കാരണം അറിയിക്കുമോ;

(സി)	പച്ചക്കറി ഉല്‍പ്പാദനം വര്‍ദ്ധിപ്പിക്കാൻ ഈ സര്‍ക്കാര്‍ ആവിഷ്ക്കരിച്ചിട്ടുളള പദ്ധതികള്‍ എത്രത്തോളം വിജയിച്ചിട്ടുണ്ട്; വിശദമാക്കുമോ?

അഗ്രോ സര്‍വ്വീസ് സെന്ററുകള്‍

*284.

ശ്രീ.കെ.അച്ചുതന്‍
,, കെ.മുരളീധരന്‍
,, കെ.ശിവദാസന്‍ നായര്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അഗ്രോ സര്‍വ്വീസ് സെന്ററുകളുടെ പ്രവര്‍ത്തനത്തിന് കര്‍മ്മ പദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പ്രസ്തുത പദ്ധതി വഴി കെെവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

ഡയാലിസിസിന് വിധേയരാകുന്ന രോഗികള്‍

*285.

ശ്രീ.ഐ.സി.ബാലകൃഷ്ണന്‍
,, ബെന്നി ബെഹനാന്‍
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഡയാലിസിസിന് വിധേയരാകുന്ന രോഗികള്‍ക്കായി സാമൂഹ്യനീതി വകുപ്പ് കര്‍മ്മപദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

മാതൃകാ അംഗന്‍വാടികള്‍

*286.

ശ്രീ.എ.പി.അബ്ദുള്ളക്കുട്ടി
,, പി.സി വിഷ്ണുനാഥ്
,, എം.എ. വാഹീദ്
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	മാതൃകാ അംഗന്‍വാടികളുടെ നിര്‍മ്മാണത്തിന് കര്‍മ്മപദ്ധതി ആസൂത്രണം ചെയ്തിട്ടുണ്ടോ;

(ബി)	പദ്ധതിയുടെ ഉദ്ദേശലക്ഷ്യങ്ങള്‍ വിശദമാക്കുമോ;

(സി)	ഇത് നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

സംസ്ഥാനത്തെ പച്ചക്കറി ഉല്പാദനം

*287.

ശ്രീമതി.കെ.കെ.ലതിക
ശ്രീ.കോടിയേരി ബാലകൃഷ്ണന്‍
,, എം.ചന്ദ്രന്‍
,, കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രതിദിനം ആവശ്യമായ പച്ചക്കറിയുടെ എ്രത ശതമാനം സംസ്ഥാനത്ത് ഉല്പാദിപ്പിക്കുന്നുണ്ടെന്ന് കണക്കാക്കപ്പെട്ടിട്ടുണ്ടോ ; വിശദമാക്കുമോ ;

(ബി)	എല്ലായിനം പച്ചക്കറികളുടെയും കാര്യത്തില്‍ സ്വയം പര്യാപ്തത കൈവരിയ്ക്കുന്നതിന് ഏതെങ്കിലും പദ്ധതിയുണ്ടോ ; എങ്കില്‍ വിശദമാക്കാമോ ;

(സി)	പച്ചക്കറി ഉല്പാദനരംഗത്ത് സര്‍ക്കാരിന്‍െറ നേരിട്ടുള്ള സംരംഭങ്ങള്‍ എന്തൊക്കെയാണ് ; സര്‍ക്കാര്‍ ഭൂമിയില്‍ സര്‍ക്കാരിന്‍െറ ഏതെങ്കിലും ഏജന്‍സി പച്ചക്കറി ഉല്പാദനം നടത്തുന്നുണ്ടോ ; വിശദമാക്കാമോ ?

കീടനാശിനി പ്രയോഗം.

*288.

ശ്രീ.സി.എഫ്.തോമസ്
,, തോമസ് ഉണ്ണിയാടന്‍
,, റ്റി.യു. കുരുവിള
,, മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ ഉൽപ്പാദിപ്പിക്കുന്ന ഏലത്തില്‍ കീടനാശിനി വിഷാംശം ഉയര്‍ന്ന തോതില്‍ അടങ്ങിയിട്ടുള്ളതായി കേന്ദ്രകൃഷി മന്ത്രാലയം റിപ്പോര്‍ട്ട് ചെയ്തിട്ടുണ്ടോ ; എങ്കില്‍ ഇതിനുള്ള കാരണമെന്താണ്; സ്വീകരിച്ച തുടര്‍നടപടികള്‍ എന്തെല്ലാം ; വ്യക്തമാക്കുമോ:

(ബി)	സുഗന്ധവ്യജ്ഞനങ്ങള്‍ ഉള്‍പ്പെടെയുള്ള ഭക്ഷ്യവസ്തുക്കളില്‍ അനുവദനീയമായതില്‍ കൂടുതല്‍ അളവില്‍ കീടനാശിനി പ്രയോഗിക്കുന്നത് നിയന്ത്രിക്കുന്നതിനും, ജൈവകീടനീശിനികളുടെ ഉല്‍പാദനവും ഉപയോഗവും പ്രചരിപ്പിക്കുന്നതിനും അടിയന്തര നടപടി സ്വീകരിക്കുമോ ?

അര്‍ബന്‍ 2020 പദ്ധതി

*289.

ശ്രീ.പി.ബി. അബ്ദുൾ റസാക്
,, സി.മോയിന്‍ കുട്ടി
,, കെ.എം.ഷാജി
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	അര്‍ബന്‍ 2020 പദ്ധതി വിശദമാക്കുമോ;

(ബി)	ഇതിനായി കരാറിലേര്‍പ്പെട്ടിട്ടുള്ള നഗര സഭകളുടെ വിശദ വിവരം നല്കുമോ;

(സി)	പദ്ധതി നടത്തിപ്പു സംബന്ധിച്ച വിശദവിവരം വെളിപ്പെടുത്തുമോ?

ഗവണ്‍മെന്റ് പ്രസ്സുകളുടെ ആധുനികവല്‍ക്കരണം

*290.

ശ്രീ.പുരുഷന്‍ കടലുണ്ടി
,, എസ്.ശർമ്മ
,, റ്റി.വി.രാജേഷ്
,, വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	ഗവണ്‍മെന്റ് പ്രസ്സുകളെ സംബന്ധിച്ച ഇന്ദിരാ ചന്ദ്രശേഖരന്‍ കമ്മീഷന്‍ റിപ്പോര്‍ട്ടിലെ പ്രധാന ശിപാർശകൾ എന്തെല്ലാമായിരുന്നു; പ്രസ്തുത റിപ്പോര്‍ട്ട് സമര്‍പ്പിക്കപ്പെട്ടത് എന്നായിരുന്നു;

(ബി)	പ്രസ്തുത റിപ്പോർട്ടിലെ ഏതെല്ലാം ശിപാർശകൾ നടപ്പിലാക്കിയിട്ടുണ്ട്;

(സി)	ഗവണ്‍മെന്റ് പ്രസ്സുകളുടെ ആധുനികവല്‍ക്കരണം സംബന്ധിച്ച ശിപാര്‍ശകള്‍ നടപ്പിലാക്കുന്നതില്‍ വീഴ്ച സംഭവിച്ചതായ കാര്യം അറിയാമോ;

(ഡി)	വിവിധ വകുപ്പുകളുടെ അച്ചടി ജോലികള്‍ സ്വകാര്യ പ്രസ്സുകള്‍ക്ക് നല്‍കിവരുന്നത് ശ്രദ്ധയില്‍പ്പെട്ടിട്ടുണ്ടോ; ഇത് ഒഴിവാക്കാന്‍ ഗവ. പ്രസ്സുകളുടെ ആധുനികവല്‍ക്കരണം ത്വരിതപ്പെടുത്താന്‍ നടപടി സ്വീകരിക്കുമോ?

കാലിത്തീറ്റ ലഭ്യത

*291.

ശ്രീ.കെ.കുഞ്ഞിരാമന്‍ (ഉദുമ)
,, കെ.കെ.ജയചന്ദ്രന്‍
,, ബി.ഡി. ദേവസ്സി
,, സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ക്ഷീരകര്‍ഷകര്‍ക്ക് കാലിത്തീറ്റ ലഭ്യത ഉറപ്പുവരുത്തുന്നതിനായുള്ള സര്‍ക്കാര്‍തല സംവിധാനങ്ങള്‍ എന്തൊക്കെയാണെന്നറിയിക്കാമോ;

(ബി)	പ്രസ്തുത സംവിധാനങ്ങള്‍ മുഖേന ഉല്പാദിപ്പിക്കപ്പെടുന്ന കാലിത്തീറ്റ ക്ഷീരകര്‍ഷകരുടെ ആവശ്യത്തിന് പര്യാപ്തമാണോ;

(സി)	കേരള ഫീഡ്സും മില്‍മയും അവരുടെ കാലിത്തീറ്റ ഉല്‍പന്നങ്ങള്‍ക്ക് വില വര്‍ദ്ധിപ്പിച്ചിട്ടുണ്ടോ;

(ഡി)	ഈ വില വര്‍ദ്ധനവ് ക്ഷീരകര്‍ഷകരെ ദുരിതത്തിലാഴ്ത്തിയ കാര്യം സര്‍ക്കാരിനറിയാമോ;

(ഇ)	ന്യായമായ വിലയില്‍ ആവശ്യത്തിനനുസരിച്ച് സംസ്ഥാനത്തിനുള്ളില്‍ തന്നെ ഗുണമേന്മയുള്ള കാലിത്തീറ്റ ഉല്പാദിപ്പിക്കുന്നതിന് നടപടി സ്വീകരിക്കുമോ?

നെല്‍കൃഷി വ്യാപന പദ്ധതി

*292.

ശ്രീ.കെ.വി.അബ്ദുള്‍ ഖാദര്‍
,, പി.ടി.എ. റഹീം
,, സി.കെ സദാശിവന്‍
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റതിനുശേഷം നടപ്പാക്കി വരുന്ന നെല്‍കൃഷി വ്യാപന പദ്ധതികളുടെ അവലോകനം നടത്തിയിട്ടുണ്ടോ;

(ബി)	പ്രസ്തുത പദ്ധതികള്‍ നടപ്പാക്കപ്പെടുമ്പോഴും, നെല്ലുല്പാദനത്തിലും വയലുകളുടെ വിസ്തൃതിയിലും ഗണ്യമായ കുറവ് സംഭവിക്കുന്നത് എന്തുകൊണ്ടാണ് എന്ന് പരിശോധിച്ചിട്ടുണ്ടോ; വിശദാംശങ്ങള്‍ നല്‍കാമോ;

(സി)	നടപ്പാക്കിവരുന്ന പദ്ധതികളില്‍ പോരായ്മകള്‍ ഉണ്ടെന്ന് കരുതുന്നുണ്ടോ; എങ്കില്‍ അവ പരിഹരിച്ച് പദ്ധതികള്‍ ഫലപ്രദമായി നടപ്പാക്കാന്‍ മുന്‍കൈയ്യെടുക്കുമോ?

കാമ്പസുകളില്‍ ആരോഗ്യകരമായ സ്ത്രീ പുരുഷ സൗഹൃദ സംസ്ക്കാരം

*293.

ശ്രീ.പി.കെ.ബഷീര്‍
,, എന്‍ .എ.നെല്ലിക്കുന്ന്
,, വി.എം.ഉമ്മര്‍ മാസ്റ്റര്‍
,, പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കാമ്പസുകളില്‍ പെണ്‍കുട്ടികള്‍ കടുത്ത വിവേചനവും മാനസിക പീഡനവും അനുഭവിക്കുന്നുണ്ടെന്ന ഉന്നതവിദ്യാഭ്യാസ കൗണ്‍സില്‍ നിയോഗിച്ച സമിതിയുടെ കണ്ടെത്തല്‍ സാമൂഹ്യനീതി വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ ;

(ബി)	ഇതിനു പരിഹാരമായി പ്രസ്തുത സമിതി മുന്നോട്ടുവച്ചിട്ടുള്ള നിര്‍ദ്ദേശങ്ങള്‍ ഗൗരവപൂര്‍വ്വം പരിശോധിക്കുമോ ;

(സി)	കുടുംബങ്ങളിലും സ്കൂളുകളിലും ആരോഗ്യകരമായ സ്ത്രീ പുരുഷ സൗഹൃദ സംസ്ക്കാരം വളര്‍ത്തിയെടുക്കാനുള്ള ശാസ്ത്രീയ നടപടികള്‍ കെെക്കൊള്ളുമോ ?

കുട്ടനാട് പാക്കേജ് തുടരുന്നതിനുള്ള നടപടി

*294.

ശ്രീ.ജി.സുധാകരന്‍
,, എം.എ.ബേബി
,, സി.കെ സദാശിവന്‍
,, എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കുട്ടനാട് പാക്കേജ് പരാജയപ്പെട്ടിട്ടുണ്ടോ ;കാരണം എന്തെല്ലാമാണെന്ന് വിശദമാക്കാമോ;

(ബി)	കാലാവധി അവസാനിച്ച കുട്ടനാട് പാക്കേജിന്റെ ഇനിയുളള നടത്തിപ്പ് എങ്ങനെ എന്നത് സംബന്ധിച്ച് വിശദമാക്കാമോ;

(സി)	പദ്ധതി നടത്തിപ്പില്‍ അഴിമതി നടന്നിട്ടുണ്ടോയെന്ന് വ്യക്തമാക്കുമോ;

(ഡി)	പദ്ധതി നടത്തിപ്പിലെ വീഴ്ച കൊണ്ട് സംസ്ഥാനത്തിന് ലഭിക്കേണ്ട കേന്ദ്ര ഫണ്ട് നഷ്ടമായിട്ടുണ്ടെങ്കില്‍ അത് സംബന്ധിച്ച് വിലയിരുത്തുമോ;

(ഇ)	പദ്ധതി വീണ്ടും നീട്ടി നല്‍കണമെന്ന് കേന്ദ്രത്തോട് ആവശ്യപ്പെട്ടിരുന്നോയെന്നും അത് സംബന്ധിച്ച് കേന്ദ്ര തീരുമാനം എന്തായിരുന്നുവെന്നും വ്യക്തമാക്കാമോ?

വിമാന യാത്രക്കൂലി വര്‍ദ്ധനവ്

*295.

ശ്രീ.വി.എം.ഉമ്മര്‍ മാസ്റ്റര്‍
,, റ്റി.എ.അഹമ്മദ് കബീര്‍
,, അബ്ദുറഹിമാന്‍ രണ്ടത്താണി
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ഗ്രാമവികസനവും ആസൂത്രണവും സാംസ്കാരികവും നോര്‍ക്കയും വകുപ്പുമന്ത്രി സദയം മറുപടി നല്‍കുമോ:

(എ)	ഉത്സവ സീസണില്‍ വിമാന കമ്പനികള്‍ യാത്രക്കൂലിയില്‍ വന്‍വര്‍ദ്ധന വരുത്തി ഗള്‍ഫ് യാത്രക്കാരെ ബുദ്ധിമുട്ടിക്കുന്ന രീതി അവസാനിപ്പിക്കുവാന്‍ വേണ്ട ഇടപെടല്‍ നടത്തുമോ; എങ്കില്‍ വിശദാംശം ലഭ്യമാക്കുമോ ;

(ബി)	ഗള്‍ഫിലെ ചില മേഖലകളില്‍ നിന്ന് ചില പ്രത്യേക എയര്‍ലെെനുകള്‍ മാത്രമേ സര്‍വ്വീസ് നടത്തുന്നുള്ളൂ എന്നത് പ്രസ്തുത യാത്രാക്കൂലിവര്‍ദ്ധനവിന് കാരണമാകുന്നതിനാല്‍ ആയത് പരിഹരിക്കുന്നതിന് എന്തൊക്കെ ശ്രമങ്ങള്‍ നടത്താനാവുമെന്ന് പരിശോധിച്ചിട്ടുണ്ടോ ; വ്യക്തമാക്കുമോ ;

(സി)	പ്രസ്തുത യാത്രാക്കൂലിവര്‍ദ്ധന പരിഹരിക്കുന്നതിന് അടിയന്തര ശ്രമം നടത്തുമോ ?

കുടുംബശ്രീ 'ഫ്രെയിംശ്രീ '

*296.

ശ്രീ.സാജു പോള്‍
ശ്രീമതി.പി. അയിഷാ പോറ്റി
ശ്രീ.ആര്‍. രാജേഷ്
ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കുടുംബശ്രീ 'ഫ്രെയിംശ്രീ ' എന്ന പദ്ധതി നടപ്പാക്കുന്നുണ്ടോ; വിശദാംശങ്ങള്‍ നല്‍കുമോ;

(ബി)	ഏത് ഏജന്‍സിയാണ് പ്രസ്തുത പദ്ധതി നടപ്പാക്കുന്നതിനായി കുടുംബശ്രീ തെരഞ്ഞെടുത്തിരിക്കുന്നതെന്നറിയിക്കുമോ ;

(സി)	ഏജന്‍സികള്‍ തെരഞ്ഞെടുത്തത് ഏത് രീതിയിലൂടെയാണ്;

(ഡി)	പ്രസ്തുത പദ്ധതിയുടെ ഫണ്ടിംഗിനായി തദ്ദേശസ്ഥാപനങ്ങള്‍ വിഹിതം കൈമാറേണ്ടതുണ്ടോ; വിശദാംശങ്ങള്‍ നല്‍കുമോ ?

കൃഷി ഭവനുകള്‍ വഴിയുള്ള നാളികേരസംഭരണം

*297.

ശ്രീ.ചിറ്റയം ഗോപകുമാര്‍
,, പി.തിലോത്തമന്‍
ശ്രീമതി.ഇ.എസ്.ബിജിമോള്‍
ശ്രീ.കെ.രാജു : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കേരഫെഡ് കൃഷി ഭവനുകള്‍ വഴി നാളികേരം സംഭരിക്കുന്നുണ്ടോ; അപ്രകാരം സംഭരിക്കുന്ന നാളികേരത്തിന്റെ വില നിലവാരം എത്ര;

(ബി)	കേര കര്‍ഷകര്‍ക്ക് ഗുണമുണ്ടാകത്തക്ക രീതിയില്‍ നാളികേരം, കൊപ്ര, വെളിച്ചെണ്ണ എന്നിവയുടെ വില നിശ്ചയിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; പ്രസ്തുത വിഷയത്തില്‍ നാളികേര ബോര്‍ഡിന്റെ ഏതെങ്കിലും തീരുമാനം ഉണ്ടായിട്ടുണ്ടോ; എങ്കില്‍ വിശദമാക്കുമോ?

നാഷണല്‍ ഓപ്പ്റ്റിക്കല്‍ ഫൈബര്‍ നെറ്റ് കണക്ടിവിറ്റി

*298.

ശ്രീ.കെ.മുരളീധരന്‍
,, അന്‍വര്‍ സാദത്ത്
,, ഹൈബി ഈഡന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പഞ്ചായത്തും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പഞ്ചായത്തുകളില്‍ നാഷണല്‍ ഓപ്പ്റ്റിക്കല്‍ ഫൈബര്‍ നെറ്റ് കണക്ടിവിറ്റിക്ക് കര്‍മ്മ പദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പ്രസ്തുത പദ്ധതി വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പ്രസ്തുത പദ്ധതി നടപ്പാക്കാന്‍ ഭരണതലത്തില്‍ സ്വീകരിച്ചിട്ടുള്ള നടപടികള്‍ എന്തെല്ലാം ?

ബഹുനില കെട്ടിടങ്ങളുടെ സുരക്ഷ

*299.

ശ്രീ.കെ.രാധാകൃഷ്ണന്‍
,, എ.കെ.ബാലന്‍
,, വി.ശിവന്‍കുട്ടി
,, പി.ശ്രീരാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ബഹുനില കെട്ടിടങ്ങളുടെ സുരക്ഷ ഉറപ്പാക്കാനുള്ള നാഷണല്‍ ബില്‍ഡിംഗ് കോഡ് സംസ്ഥാനത്ത് നടപ്പിലാക്കേണ്ടതില്ലെന്ന് തീരുമാനിച്ചിട്ടുണ്ടോ;

(ബി)	നാഷണല്‍ ബില്‍ഡിംഗ് കോഡിന്റെയും സര്‍ക്കാര്‍ തീരുമാനത്തിന്റെയും അടിസ്ഥാനത്തില്‍ വിശദീകരിക്കാമോ;

(സി)	ഫയര്‍ഫോഴ്സ് മേധാവിയായിരിക്കെ ഡി.ജി.പി. ഡോ. ജേക്കബ്ബ് തോമസ്, എന്‍.ബി.സി. പാലിച്ച കെട്ടിടങ്ങള്‍ക്ക് മാത്രം അനുമതി നല്‍കിയാല്‍ മതിയെന്ന് തീരുമാനിച്ചതായി അറിവുണ്ടോ; എങ്കില്‍ ഇപ്രകാരം അനുമതി നിഷേധിക്കപ്പെട്ട പ്രോജക്ടുകള്‍ എത്രയായിരുന്നു; അവ ഏതൊക്കെയാണ് ; വിശദമാക്കുമോ;

(ഡി)	മന്ത്രിസഭാ തീരുമാനത്തിന്റെയടിസ്ഥാനത്തില്‍ ഇക്കാര്യത്തിലെടുത്ത നിലപാട് എന്താണ്; വിശദമാക്കുമോ?

നീരയുടെ ഉല്പാദനം വര്‍ദ്ധിപ്പിക്കുന്നതിനുളള നടപടികള്‍

*300.

ശ്രീ.അബ്ദുറഹിമാന്‍ രണ്ടത്താണി
,, പി.ഉബൈദുള്ള
,, റ്റി.എ.അഹമ്മദ് കബീര്‍
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	നീരയുടെ ബഹുമുഖമായ ഉപയോഗ സാദ്ധ്യതകള്‍ പരിഗണിച്ച് അതിന്റെ ഉല്പാദനം വര്‍ദ്ധിപ്പിക്കാന്‍ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(ബി)	ഇതിനായി സംസ്ഥാനത്ത് തെങ്ങ് കൃഷി പുനരുജ്ജീവിപ്പിക്കുന്നതിനും, വ്യാപിപ്പിക്കുന്നതിനും സമഗ്ര പദ്ധതി തയ്യാറാക്കിയിട്ടുണ്ടോ; എങ്കില്‍ വിശദമാക്കുമോ;

(സി)	തെങ്ങുകളില്‍ കണ്ടുവരുന്ന ആധുനിക രോഗങ്ങള്‍ ചെറുക്കുന്നതിനും തെങ്ങുകൃഷി ലാഭകരമാണെന്ന് ബോദ്ധ്യപ്പെടുത്തുന്നതിനും ആവശ്യമായ നടപടി സ്വീകരിക്കുമോ?

കേരള നിയമസഭാ സെക്രട്ടേറിയറ്റ്‌,

പി.ഡി.ശാരംഗധരന്‍,

തിരുവനന്തപുരം,

സെക്രട്ടറി.

07-12-2015

Website maintained by Information System Section, Kerala Legislative Assembly, Thiruvananthapuram.