13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >16^th Session>Unstarred questions Answers

Answer Provided

Answer Not Yet Provided

THIRTEENTH KLA - 16^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പുതിയ നഗരസഭകള്‍

1480.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യത്തിന് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി രൂപീകരിച്ച നഗരസഭകള്‍ക്ക് പുതിയ തസ്തികകള്‍ അനുവദിച്ചിട്ടുണ്ടോ; ഇതു സംബന്ധിച്ച നയം വ്യക്തമാക്കാമോ; ഈ നഗരസഭകളുടെ പ്രവര്‍ത്തനം കാര്യക്ഷമമാക്കുവാന്‍ സ്വീകരിച്ച നടപടികള്‍ എന്തെല്ലാം എന്നറിയിക്കാമോ?

ഗ്ളാസ് നിര്‍മ്മിത മദ്യക്കുപ്പികള്‍

1481.

ശ്രീ.വി.എം.ഉമ്മര്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളില്‍ ഗ്ളാസ് നിര്‍മ്മിത മദ്യക്കുപ്പികള്‍ റോഡുവക്കുകളിലും പൊതുസ്ഥലങ്ങളിലും നിറഞ്ഞുകിടന്ന് പൊട്ടി കാല്‍നടക്കാര്‍ക്ക് അപകടം വരുത്തുന്ന കാര്യം ശ്രദ്ധയില്‍ വന്നിട്ടുണ്ടോ;

(ബി)	ഇവ ശേഖരിച്ച് മാറ്റാനുള്ള ഉത്തരവാദിത്തം, നിലവിലെ നിയമമനുസരിച്ച് അതത് മദ്യക്കമ്പനികള്‍ക്കോ, മദ്യവിതരണ കമ്പനികള്‍ക്കോ ഉണ്ടോയെന്ന് വ്യക്തമാക്കുമോ;

(സി)	എങ്കില്‍ ആ നിയമം നടപ്പാക്കുമോ?

പ്ലാസ്റ്റിക് മാലിന്യ സംസ്കരണം

1482.

(എ)	ഇന്‍സ്റ്റിറ്റ്യൂട്ട് ഓഫ് ഇലക്ട്രിക്കല്‍ ആന്റ് ഇലക്ട്രോണിക്സ് എന്‍ജിനീയറിംഗ് അന്താരാഷ്ട്ര തലത്തില്‍ പ്ലാസ്റ്റിക് മാലിന്യ സംസ്കരണത്തിന് പരിഹാരം തേടി നടത്തിയ മത്സരത്തില്‍ സമര്‍പ്പിക്കപ്പെട്ട പ്രോജക്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ഒന്നാം സമ്മാനാര്‍ഹമായ പ്രോജക്ടില്‍ അവതരിപ്പിക്കപ്പെട്ട സാങ്കേതിക വിദ്യയുടെ പ്രായോഗികതയും, പ്രവര്‍ത്തനച്ചെലവും സംബന്ധിച്ച കാര്യങ്ങള്‍ പഠന വിധേയമാക്കി, സംസ്ഥാനത്തെ പ്ലാസ്റ്റിക് മാലിന്യ നിര്‍മ്മാര്‍ജ്ജനത്തിന് ഉപയുക്തമാണോ എന്ന് പരിശോധിക്കാന്‍ ബന്ധപ്പെട്ടവര്‍ക്ക് നിര്‍ദ്ദേശം നല്കുമോ;

(സി)	പരിശോധനാഫലം ആശാവഹമെങ്കില്‍ പ്രസ്തുത സാങ്കേതിക വിദ്യ പ്രായോഗികമാക്കാന്‍ നടപടി സ്വീകരിക്കുമോ?

ചീഫ് ടൌണ്‍ പ്ളാനറുടെ അനുമതി

1483.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കെട്ടിടങ്ങള്‍ നിര്‍മ്മിക്കുന്നതിന് ചീഫ് ടൌണ്‍ പ്ളാനറുടെ അനുമതി ആവശ്യപ്പെടുന്നത് എത്ര സ്ക്വയര്‍ മീറ്ററില്‍ കൂടുതലുള്ള കെട്ടിടങ്ങള്‍ക്കാണെന്ന് വിശദമാക്കാമോ;

(ബി)	പ്രസ്തുത അനുമതി ലഭ്യമാക്കുന്നതിന് നിഷ്കര്‍ഷിക്കുന്ന മാനദണ്ഡങ്ങള്‍ എന്തെല്ലാമാണെന്ന് വിശദമാക്കാമോ?

പുതിയ തദ്ദേശ സ്വയംഭരണ സ്ഥാപനങ്ങൾ

1484.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതുതായി നിലവില്‍ വന്ന തദ്ദേശ സ്ഥാപനങ്ങളുടെ വിശദാംശം ലഭ്യമാക്കാമോ;

(ബി)	പ്രസ്തുത സ്ഥാപനങ്ങളില്‍ അടിസ്ഥാന സൗകര്യങ്ങള്‍ പൂര്‍ത്തിയാക്കാന്‍ കഴിഞ്ഞിട്ടുണ്ടോയെന്നും അതിനായി എത്ര തുക ഇതുവരെ ചെലവഴിച്ചു എന്നും വ്യക്തമാക്കാമോ?

ഉറവിട മാലിന്യ സംസ്കരണ പരിപാടി

1485.

ശ്രീ.സി.കെ സദാശിവന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	2012-13 ലെ ബഡ്ജറ്റില്‍ പ്രഖ്യാപിക്കപ്പെട്ട ഉറവിട മാലിന്യ സംസ്കരണ പരിപാടി പ്രകാരം നടപ്പാക്കിയ പ്രവര്‍ത്തനങ്ങള്‍ എന്തൊക്കെയാണ് എന്നറിയിക്കാമോ;

(ബി)	ഇൗ പരിപാടിയ്ക്കായി ഓരോ ബഡ്ജറ്റിലും എന്ത് തുക വീതം അനുവദിച്ചിരുന്നു എന്നറിയിക്കാമോ;

(സി)	അനുവദിച്ച തുകയില്‍ എത്ര വീതം ചെലവഴിക്കപ്പെട്ടു എന്നുള്ള വിശദാംശം ലഭ്യമാക്കുമോ ?

ട്രേഡ് ലൈസന്‍സ്

1486.

ശ്രീ.സി.ദിവാകരന്‍ : താഴെ കാണുന്ന ചോദ്യത്തിന് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളിലെ കടകള്‍ക്ക് ട്രേഡ് ലൈസന്‍സ് നല്‍കാന്‍ നടപടി സ്വീകരിച്ചിട്ടുണ്ടോ; മാനദണ്ഡങ്ങള്‍ എന്തെല്ലാമാണന്ന് അറിയിക്കാമോ ?

വഴിയോര കച്ചവടക്കാര്‍ക്ക് ലൈസന്‍സ്

1487.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കോര്‍പ്പറേഷനുകളിലും നഗരസഭകളിലും വഴിയോര കച്ചവടക്കാരെ സംബന്ധിച്ച അടിസ്ഥാന വിവരങ്ങള്‍ ശേഖരിക്കുന്നതിന്റെ ഉത്തരവാദിത്വം ആര്‍ക്കാണ്;

(ബി)	വഴിയോര കച്ചവടക്കാര്‍ക്ക് ലൈസന്‍സ് അനുവദിച്ചിട്ടണ്ടോ; ഇല്ലെങ്കില്‍ അതിനുള്ള നടപടികള്‍ സ്വീകരിക്കാന്‍ തയ്യാറാകുമോ?

ടാക്സി-സ്റ്റാന്‍ഡുകളും ഓട്ടോറിക്ഷാ സ്റ്റാന്‍ഡുകളും

1488.

ശ്രീ.എ. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ടാക്സി-സ്റ്റാന്‍ഡുകളും ഓട്ടോറിക്ഷാ സ്റ്റാന്‍ഡുകളും അനുവദിക്കുന്നതിനുള്ള മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കാമോ;

(ബി)	മാനദണ്ഡങ്ങള്‍ പാലിക്കാത്തതും അംഗീകാരമില്ലാത്തുമായ ഓട്ടോറിക്ഷാ സ്റ്റാന്‍ഡുകള്‍ സംസ്ഥാനത്തുണ്ടോ;വിശദാംശങ്ങള്‍ ലഭ്യമാക്കാമോ;

(സി)

തിരുവനന്തപുരം പേട്ട ജംഗ്ഷനില്‍ പുതുതായി പണി തീര്‍ത്ത പാലത്തിലേയ്ക്ക് ചാക്ക ബൈപാസില്‍ നിന്നും വരുന്ന റോഡ് തിരിയുന്ന ഭാഗത്ത്, അനധികൃതമായി ഓട്ടോറിക്ഷാ സ്റ്റാന്‍ഡ് സ്ഥാപിച്ചിരിക്കുന്നതും , ടൂ വീലറും ഓട്ടോറിക്ഷയും പാര്‍ക്ക് ചെയ്യുന്നതും മൂലം കാല്‍നട യാത്രക്കാര്‍ക്ക് ബുദ്ധിമുട്ട് ഉണ്ടാകുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ തിരക്ക് കുറഞ്ഞ ഭാഗത്തേയ്ക്ക് വാഹന പാര്‍ക്കിംഗ് മാറ്റുന്ന കാര്യം പരിഗണിയ്ക്കുമോ?

വന്‍കിട മാലിന്യസംസ്കരണ പദ്ധതികള്‍

1489.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റതിനു ശേഷം കോര്‍പ്പറേഷന്‍, മുനിസിപ്പാലിറ്റി പരിധിയില്‍ വന്‍കിട മാലിന്യസംസ്ക്കരണ പദ്ധതികള്‍ നടപ്പിലാക്കുമെന്ന് പ്രഖ്യാപിച്ചിരുന്നുവോ;

(ബി)	2012-13 ബഡ്ജറ്റിലെ ഈ പ്രഖ്യാപനം നടപ്പാക്കപ്പെട്ടിട്ടുണ്ടോ;

(സി)	ഈ പദ്ധതികള്‍ നടപ്പാക്കുന്നതിനായി എത്ര തുകയാണ് ഓരോ വര്‍ഷത്തെ ബഡ്ജറ്റിലും വകയിരുത്തിയിരുന്നത്;

(ഡി)	ഇങ്ങനെ വകയിരുത്തപ്പെട്ട തുകയില്‍ എത്ര തുക ചെലവഴിക്കപ്പെട്ടുവെന്നറിയിക്കാമോ?

ക്ലീന്‍ കേരള കമ്പനി

1490.

ശ്രീ.പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ക്ലീന്‍ കേരള കമ്പനി രൂപീകരിച്ചതിന്റെ ഉദ്ദേശലക്ഷ്യങ്ങള്‍ വ്യക്തമാക്കുമോ;

(ബി)	പ്ലാസ്റ്റിക്, ഇലക്ട്രോണിക് മാലിന്യ നിര്‍മ്മാര്‍ജ്ജനത്തിനായി പ്രസ്തുത കമ്പനി എന്തൊക്കെ സംവിധാനങ്ങള്‍ ഒരുക്കിയിട്ടുണ്ട്;

(സി)	ഇത്തരം മാലിന്യങ്ങള്‍ ശേഖരിക്കുന്നതിന് കളക്ഷന്‍ സെന്ററുകള്‍ ഏര്‍പ്പെടുത്തിയിട്ടുണ്ടോ; എങ്കില്‍ അതു സംബന്ധിച്ച് വിശദമാക്കുമോ?

ശുചിത്വ കേരളം പദ്ധതി

T 1491.

ശ്രീ.കെ.മുരളീധരന്‍
,, വി.പി.സജീന്ദ്രന്‍
,, ലൂഡി ലൂയിസ്
,, കെ.ശിവദാസന്‍ നായര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	പരിസ്ഥിതി സംരക്ഷണത്തിന് ശുചിത്വ കേരളം പദ്ധതി രൂപീകരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പദ്ധതി വഴി കൈവരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പദ്ധതി നടപ്പക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

ആലപ്പുഴ നഗരസഭാ സ്റ്റേഡിയം കോംപ്ലക്സിലെ മുറികള്‍

1492.

(എ)	ആലപ്പുഴ നഗരസഭാ സ്റ്റേഡിയം കോംപ്ലക്സില്‍ മുറികള്‍ ആവശ്യപ്പെട്ട് "തീരം ടൂറിസം സഹകരണ സംഘം , ആലപ്പുഴ " അപേക്ഷ നല്‍കിയിരുന്നോ; എങ്കില്‍ അപേക്ഷ നല്‍കിയ തീയതി എന്നാണ്; അപേക്ഷയുടെ പകര്‍പ്പ് ലഭ്യമാക്കുമോ;

(ബി)	പ്രസ്തുത അപേക്ഷ ഏതു നഗരസഭാ കൗണ്‍സിലാണ് പരിഗണിച്ചത്; കൗണ്‍സില്‍ തീരുമാനത്തിന്റെ പകര്‍പ്പ് ലഭ്യമാക്കുമോ;

(സി)	മുറി അനുവദിച്ചതിന്റെ അടിസ്ഥാനത്തില്‍ സഹകരണ സംഘത്തിന് വാടക അഡ്വാന്‍സ് അടക്കുന്നതിന് കത്തു നല്‍കിയിരുന്നോ; അതനുസരിച്ച് സംഘം തുക നഗരസഭയില്‍ അടച്ചത് എന്നാണെന്നും എത്ര തുകയാണെന്നും അറിയിക്കുമോ;

(ഡി)	അനുവദിക്കപ്പെട്ട മുറി ഏതാണ്; ഇതിന് വൈദ്യുത കണക്ഷന്‍ ലഭ്യമാക്കിയിട്ടുണ്ടോ; എങ്കില്‍ എന്നുമുതല്‍;

(ഇ)

EMS- സ്റേറഡിയവുമായി ബന്ധപ്പെട്ട ബൈലോയിലെ 9-ാം ഖണ്ഡികയില്‍ കരാര്‍ വയ്ക്കുന്നതിന് മുദ്രപത്രം സംബന്ധിച്ച് നിഷ്കര്‍ഷിച്ചിട്ടുണ്ടോ; ഇതിന്റെ പകര്‍പ്പ് ലഭ്യമാക്കുമോ; മുറിയുടെ കരാര്‍ വയ്ക്കുന്നതിനായി നഗരസഭ എത്ര തുകയുടെ പത്രമാണ് സംഘത്തിനോട് ആവശ്യപ്പെട്ടത്; ഇത് എന്ന് കൂടിയ കൗണ്‍സില്‍ തീരുമാനത്തിന്റെ അടിസ്ഥാനത്തിലാണ്; പ്രസ്തുത കൗണ്‍സില്‍ തീരുമാനത്തിന്റെ കോപ്പി ലഭ്യമാക്കുമോ;

(എഫ്)

വാടക അഡ്വാന്‍സ് അടച്ചവരില്‍ നിന്നും, വൈദ്യുതിയടക്കമുള്ള പശ്ചാത്തല സൗകര്യങ്ങള്‍ നല്‍കാതെയും കരാര്‍ വെയ്ക്കുന്നത് സംബന്ധിച്ച പരാതി പരിഹരിക്കാതെയും വാടക ഈടാക്കാന്‍ കൗണ്‍സില്‍ തീരുമാനിച്ചിട്ടുണ്ടോ; എങ്കില്‍ ആ തീരുമാനത്തിന്റെ കോപ്പി ലഭ്യമാക്കുമോ;

(ജി)

കരാര്‍ വെയ്ക്കുന്നത് സംബന്ധിച്ചുണ്ടായ പരാതി പരിഹരിക്കണമെന്ന് കാണിച്ച് പ്രസ്തുത സംഹകരണ സംഘം നഗരസഭാ കൗണ്‍സിലിന് പരാതി നല്‍കിയിട്ടുണ്ടോ;എങ്കില്‍ അതിന്റെ അടിസ്ഥാനത്തില്‍ എന്തു നടപടി സ്വീകരിച്ചുവെന്ന് വ്യക്തമാക്കുമോ; ; പ്രസ്തുത സ്റ്റേഡിയത്തിലെ മുറി നല്‍കിയതുമായി ബന്ധപ്പെട്ട അപാകതകള്‍ പരിഹരിച്ച് ഇത് സംബന്ധിച്ച പരാതികള്‍ അനുഭാവപൂര്‍വ്വം പരിഗണിച്ചും സുതാര്യമായ നിലയില്‍ പ്രശ്നം പരിഹരിക്കുന്നതിനും സര്‍ക്കാര്‍ നഗരസഭയോട് ആവശ്യപ്പെടുമോയെന്നറിയിക്കുമോ?

അനധികൃത കശാപ്പുശാല

1493.

ശ്രീ.സി.മോയിന്‍ കുട്ടി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാന നഗരിയിലെ ജനങ്ങള്‍ കഴിഞ്ഞ മൂന്നു വര്‍ഷമായി കഴിക്കുന്നത് അനധികൃതമായി കശാപ്പുചെയ്യുന്ന മൃഗങ്ങളുടെ മാംസമാണെന്ന വിവരം ശ്രദ്ധയില്‍ വന്നിട്ടുണ്ടോ;

(ബി)	എങ്കില്‍ ഇതു പരിഹരിക്കാന്‍ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(സി)	ആധുനിക അറവുശാല സ്ഥാപിക്കുന്നതുമായി ബന്ധപ്പെട്ട് നഗരസഭ ഈ മൂന്നു കൊല്ലത്തിനിടെ എന്തൊക്കെ നടപടികള്‍ സ്വീകരിച്ചു എന്ന് വിശദമാക്കുമോ; ഈ ആവശ്യത്തിന് ഏതെങ്കിലും പദ്ധതിയില്‍പ്പെടുത്തി പ്രത്യേക ഫണ്ട് അനുവദിച്ചിരുന്നോ; എങ്കില്‍ അതു സംബന്ധിച്ച വിവരം വെളിപ്പെടുത്തുമോ?

അനധികൃത നിര്‍മ്മാണങ്ങളുടെ ക്രമവത്ക്കരണം

1494.

ശ്രീ.എളമരം കരീം : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരസഭാ പ്രദേശങ്ങളിലെ അനധികൃത നിര്‍മ്മാണങ്ങള്‍ പിഴ ഈടാക്കി ക്രമവത്കരിക്കുവാന്‍ സ്വീകരിച്ച നടപടികള്‍ എന്തൊക്കെയാണ് എന്ന് വിശദീകരിക്കാമോ;

(ബി)	ഇത് സംബന്ധിച്ച ഉത്തരവുകള്‍ ഇറക്കിയിട്ടുണ്ടോ; വിശദാംശങ്ങള്‍ വ്യക്തമാക്കാമോ;

(സി)	എന്തെല്ലാം നിബന്ധനകള്‍ക്ക് വിധേയമായാണ് അനധികൃത നിര്‍മ്മാണങ്ങള്‍ ക്രമവത്കരിക്കാനുദ്ദേശിക്കുന്നത്;

(ഡി)	നഗരങ്ങളില്‍ അനധികൃത നിര്‍മ്മാണങ്ങള്‍ നടത്താതിരിക്കാന്‍ എന്തെല്ലാം കര്‍ശന നടപടികളാണ് സ്വീകരിക്കാനുദ്ദേശിക്കുന്നത്?

നഗരങ്ങളെ മാലിന്യ മുക്തമാക്കുന്നതിന് കര്‍മ്മ പദ്ധതി

1495.

ശ്രീ.പി.സി വിഷ്ണുനാഥ്
,, ആര്‍ . സെല്‍വരാജ്
,, അന്‍വര്‍ സാദത്ത്
,, പി.എ.മാധവന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളെ മാലിന്യ മുക്തമാക്കുന്നതിന് കര്‍മ്മ പദ്ധതി ആവിഷ്ക്കരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പ്രസ്തുത പദ്ധതി മുഖേന കൈവരിക്കാനുദ്ദേശിക്കുന്നത്;

(സി)	പ്രസ്തുത പദ്ധതി നടത്തിപ്പിന് ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്?

കണ്ണൂര്‍ കോര്‍പ്പറേഷനില്‍ ചേര്‍ത്ത പഞ്ചായത്തുകള്‍

1496.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ മുനിസിപ്പാലിറ്റി, കോര്‍പ്പറേഷനായി ഉയര്‍ത്തിയതിനെ തുടര്‍ന്ന് ആകെ എത്ര പുതിയ തസ്തികകള്‍ സൃഷ്ടിക്കുകയുണ്ടായിട്ടുണ്ട്; ഏതെല്ലാം ;

(ബി)

കണ്ണൂര്‍ കോര്‍പ്പറേഷനോടുകൂടി ചേര്‍ത്ത പഞ്ചായത്തുകളിലെ പഞ്ചായത്ത് ഓഫീസുകള്‍ കോര്‍പ്പറേഷന്റെ അനക്സുകളായി പ്രവര്‍ത്തിക്കുവാനും ജനങ്ങള്‍ക്ക് സേവനങ്ങള്‍ ലഭ്യമാക്കുവാനുമുള്ള സൗകര്യങ്ങള്‍ തുടര്‍ന്നും പ്രദാനം ചെയ്യുന്നതിനും എന്തെല്ലാം ഉത്തരവുകള്‍ പുറപ്പെടുവിച്ചിട്ടുണ്ടെന്ന് വ്യക്തമാക്കുമോ; പ്രസ്തുത ഉത്തരവുകളുടെ പകര്‍പ്പ് ലഭ്യമാക്കുമോ?

മുട്ടത്തറ സ്വീവേജ് പ്ലാന്റ്

1497.

(എ)	മുട്ടത്തറ സ്വീവേജ് പ്ലാന്റില്‍ ശുദ്ധീകരിച്ചെടുക്കുന്ന വെള്ളത്തിനും, വളത്തിനും ആവശ്യക്കാരില്ലെന്ന റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ വെള്ളം ഉപയോഗപ്പെടുത്തുന്നതിന് റയില്‍വേ, വാഹന സര്‍വ്വീസ് സ്റ്റേഷനുകള്‍, നിര്‍മ്മാണ കോണ്‍ട്രാക്ടര്‍മാര്‍ എന്നിവരുമായി കരാറുണ്ടാക്കുന്ന കാര്യം പരിഗണിക്കുമോ;

(സി)	സംസ്ഥാനത്തെ കര്‍ഷകസംഘങ്ങള്‍, കൃഷി വകുപ്പിന്റെ കീഴിലെ ഫാമുകള്‍, പാടശേഖര സമിതികള്‍ എന്നിവയുമായി ബന്ധപ്പെട്ട് വളം നീക്കുന്നതിന് നടപടി സ്വീകരിക്കുമോ;

(ഡി)	ഈ ആധുനിക സംരംഭം ഒരു മാതൃകയായി മാറ്റിയെടുക്കുന്നതിന് പ്ലാന്റ് നേരിടുന്ന പ്രശ്നങ്ങള്‍ അടിയന്തരമായി പരിഹരിക്കുന്നതിനുള്ള നടപടികള്‍ സ്വീകരിക്കുമോ?

അയ്യങ്കാളി തൊഴിലുറപ്പ് പദ്ധതി

1498.

(എ)	ഈ സര്‍ക്കാര്‍ അധികാരമേറ്റതിന് ശേഷം അയ്യങ്കാളി തൊഴിലുറപ്പ് പദ്ധതിക്കായി ഓരോ വര്‍ഷവും എന്ത്‌ തുക വീതമാണ് നീക്കിവച്ചിരുന്ന് എന്ന് അറിയിക്കുമോ ;

(ബി)	നീക്കിവയ്ക്കപ്പെട്ട തുകയില്‍ എന്ത്‌ തുക ചെലവഴിക്കപ്പെട്ടുവെന്ന് വിശദമാക്കാമോ?

അയ്യങ്കാളി നഗര തൊഴിലുറപ്പ് പദ്ധതി

1499.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം അയ്യങ്കാളി നഗര തൊഴിലുറപ്പ് പദ്ധതിയ്ക്കായി ബഡ്ജറ്റില്‍ എന്തു തുക അനുവദിച്ചു എന്ന് വ്യക്തമാക്കാമോ ;

(ബി)	പ്രസ്തുത പദ്ധതിയില്‍ എത്ര പേര്‍ ഇതുവരെ രജിസ്റ്റര്‍ ചെയ്തിട്ടുണ്ട് എന്ന് വ്യക്തമാക്കാമോ ;

(സി)	അയ്യങ്കാളി നഗര തൊഴിലുറപ്പ് പദ്ധതിയുടെ ആസൂത്രണ-നിര്‍വ്വഹണ പ്രവര്‍ത്തനങ്ങള്‍ കാര്യക്ഷമവുമാക്കുന്നതിന് ബഡ്ജറ്റില്‍ കൂടുതല്‍ തുക അനുവദിക്കാന്‍ നടപടി സ്വീകരിക്കുമോ ?

നഗരസഭകളിലെ മാലിന്യ സംസ്കരണം

1500.

ശ്രീ.മോന്‍സ്‌ ജോസഫ്
,, റ്റി.യു. കുരുവിള
,, സി.എഫ്.തോമസ്
,, തോമസ് ഉണ്ണിയാടന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	മാലിന്യ നിര്‍മ്മാര്‍ജ്ജനസംസ്ക്കരണത്തിനായി കോര്‍പ്പറേഷന്‍, മുനിസിപ്പാലിറ്റികള്‍ എന്നിവ സ്വീകരിച്ച് വരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

(ബി)	ഉറവിട മാലിന്യ സംസ്ക്കരണ നടപടികള്‍ ഏതെല്ലാം നഗരങ്ങളില്‍ രൂപീകരിച്ചിട്ടുണ്ട്;

(സി)	ഇവയുടെ പ്രവര്‍ത്തന പുരോഗതി വിലയിരിത്തിയിട്ടുണ്ടോ;

(ഡി)	മാലിന്യ സംസ്ക്കരണ പദ്ധതി നടത്തിപ്പിലെ ന്യൂനതകള്‍ പരിഹരിക്കുന്നതിനും, മാലിന്യ നിര്‍മ്മാര്‍ജ്ജന പ്രവര്‍ത്തനങ്ങള്‍ കാര്യക്ഷമമായി നടപ്പാക്കുന്നതിനും സ്വീകരിക്കുവാന്‍ ഉദ്ദേശിക്കുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

(ഇ)	മാലിന്യ സംസ്ക്കരണ പദ്ധതികള്‍ കാര്യക്ഷമമായി നടപ്പിലാക്കുന്നതിന് അടിയന്തിര നടപടികള്‍ സ്വീകരിക്കുമോ?

നഗരസഭകളുടെ മാസ്റ്റര്‍ പ്ലാൻ

1501.

ശ്രീ.തേറമ്പില്‍ രാമകൃഷ്ണന്‍
,, എ.പി.അബ്ദുള്ളക്കുട്ടി
,, ഡൊമിനിക് പ്രസന്റേഷന്‍
,, കെ.ശിവദാസന്‍ നായര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരസഭകള്‍ക്ക് മാസ്റ്റര്‍ പ്ലാനുകള്‍ തയ്യാറാക്കാന്‍ പദ്ധതി ആവിഷ്ക്കരിച്ചിട്ടുണ്ടോ എന്ന് വ്യക്തമാക്കുമോ ;

(ബി)	ആയതിന്റെ ഉദ്ദേശ്യലക്ഷ്യങ്ങൾ എന്തെല്ലാമാണെന്ന് വിശദമാക്കുമോ ;

(സി)	പദ്ധതി നടത്തിപ്പിന് എന്തെല്ലാം നടപടികള്‍ സ്വീകരിച്ചിട്ടുണ്ട് എന്നറിയിക്കുമോ?

നഗരസഭകളിലെ ജീവനക്കാര്‍

1502.

ശ്രീ.സാജു പോള്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരസഭയുടെ പ്രവര്‍ത്തനം സര്‍ക്കാര്‍ വിലയിരുത്തിയിട്ടുണ്ടോ;

(ബി)	നഗരസഭകളിലെ ജീവനക്കാരെ സര്‍ക്കാര്‍ ജീവനക്കാരായി അംഗീകരിച്ചിട്ടുണ്ടോ; ഇല്ലെങ്കില്‍ കാരണം വിശദമാക്കാമോ;

(സി)	ജീവനക്കാരെ സര്‍ക്കാര്‍ ജീവനക്കാരായി അംഗീകരിക്കാന്‍ നടപടി സ്വീകരിക്കുമോ?

കാസര്‍ഗോഡ് ഡവലപ്പ്മെന്റ് അതോറിറ്റി

1503.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ഡവലപ്പ്മെന്റ് അതോറിറ്റി നിലവില്‍ വന്നതും പിരിച്ചുവിട്ടതും ഏത് വര്‍ഷങ്ങളിലാണെന്ന് വ്യക്തമാക്കാമോ;

(ബി)

പ്രസ്തുത അതോറിറ്റിയില്‍ നിന്ന് എത്ര പേര്‍ വായ്പ എടുത്തിരുന്നു; വായ്പ എടുത്തവരെല്ലാം തിരിച്ചടച്ചിട്ടുണ്ടോ; ഇല്ലെങ്കില്‍ എത്ര പേര്‍ ഇനിയും തിരിച്ചടക്കാന്‍ ബാക്കിയുണ്ട്; വായ്പയ്ക്ക് ഇൗടായി നല്‍കിയ എത്ര പേരുടെ പ്രമാണങ്ങളാണ് തിരിച്ചു നല്‍കാന്‍ ഇനിയും ബാക്കിയുള്ളത്; ഇൗ പ്രമാണങ്ങള്‍ ഇപ്പോള്‍ എവിടെയാണ് സൂക്ഷിച്ചിട്ടുള്ളത്; ബന്ധപ്പെട്ട ഉടമകള്‍ക്ക് അവ എപ്പോള്‍, എങ്ങനെ തിരിച്ചു നല്‍കും?

കല്‍പ്പറ്റ നിയോജകമണ്ഡലത്തില്‍ നടപ്പിലാക്കിയ വികസന പദ്ധതികൾ

1504.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലയളവില്‍ നഗരകാര്യ വകുപ്പ് മുഖേന കല്‍പ്പറ്റ നിയോജകമണ്ഡലത്തില്‍ നടപ്പിലാക്കിയ വികസന പദ്ധതികളുടെ വിശദാംശങ്ങള്‍ ലഭ്യമാക്കുമോ;

(ബി)	പ്രസ്തുത പദ്ധതികള്‍ക്കായി കഴിഞ്ഞ അഞ്ച് വര്‍ഷങ്ങളിലായി വകയിരുത്തിയ തുക, ചെലവഴിച്ച തുക എന്നിവ എത്രയെന്ന് ഇനം തിരിച്ച് വെളിപ്പെടുത്തുമോ;

(സി)	പ്രസ്തുത പദ്ധതികളില്‍ ഇനിയും പൂർത്തീകരിക്കാനുള്ള പ്രവൃത്തികള്‍ ഏതെല്ലാമെന്നും ആയതിനു വകയിരുത്തിയ തുക എത്രയെന്നും വ്യക്തമാക്കുമോ?

പയ്യന്നൂര്‍ നഗരസഭയില്‍ അധിക തസ്തികകള്‍

1505.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	പയ്യന്നൂര്‍ നഗരസഭയുടെ ഗ്രേഡ് ഉയര്‍ത്തി ഉത്തരവായിട്ടും അധിക തസ്തികകള്‍ അനുവദിക്കാത്തതിനുള്ള കാരണം വിശദമാക്കാമോ;

(ബി)	പ്രസ്തുത തസ്തികകള്‍ അനുവദിക്കാന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

മെക്കനൈസ്ഡ് പാര്‍ക്കിംഗ് സിസ്റ്റം

1506.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ നഗരങ്ങളില്‍ 'മെക്കനൈസ്ഡ് പാര്‍ക്കിംഗ്' സ്ഥാപിക്കുന്നതാണ് എന്ന 2013-14 ലെ ബഡ്ജറ്റ് പ്രസംഗത്തിലെ പ്രഖ്യാപനം നടപ്പാക്കപ്പെട്ടിട്ടുണ്ടോ;

(ബി)	ഈ സംവിധാനം ഒരുക്കുന്നതിനായി 2013-14-ലെ ബഡ്ജറ്റിലും തുടര്‍ന്നുള്ള ബഡ്ജറ്റിലും അനുവദിക്കപ്പെട്ട തുക എത്രയാണ്;

(സി)	ഇങ്ങനെ അനുവദിക്കപ്പെട്ട തുകയില്‍ എത്ര തുക ചെലവഴിച്ചുവെന്നറിയിക്കാമോ?

കൊട്ടാരക്കര നഗരസഭ

1507.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കൊട്ടാരക്കര നഗരസഭയുടെ പ്രാഥമിക പ്രവര്‍ത്തനങ്ങള്‍ക്കായി തുക അനുവദിക്കുമോ; ഇത് സംബന്ധിച്ച് വിശദാംശങ്ങള്‍ നല്‍കുമോ;

(ബി)	കൊട്ടാരക്കര നഗരസഭയുടെ കാര്യക്ഷമമായ പ്രവര്‍ത്തനത്തിന് അവശ്യം വേണ്ട ജീവനക്കാരുടെ നിയമനം സംബന്ധിച്ച നടപടിക്രമങ്ങള്‍ ഏതു ഘട്ടത്തിലാണ്; വിശദാംശങ്ങള്‍ വെളിപ്പെടുത്തുമോ?

മാലിന്യമുക്ത കേരളം പദ്ധതി

1508.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റയുടനെ 2011-12ലെ ബഡ്ജറ്റില്‍ പ്രഖ്യാപിക്കപ്പെട്ട മാലിന്യമുക്ത കേരളം പദ്ധതിയുടെ നടത്തിപ്പിനെ സംബന്ധിച്ച് അവലോകനം നടത്തിയിട്ടുണ്ടോ;

(ബി)	എന്തെല്ലാം പരിപാടികളാണ് ഈ പദ്ധതിയുടെ കീഴില്‍ നടപ്പാക്കപ്പെട്ടിട്ടുള്ളത് എന്നറിയിക്കാമോ;

(സി)	ഈ പദ്ധതിയുടെ നടത്തിപ്പിനായി എന്ത് തുകയാണ് ഓരോ വര്‍ഷവും അനുവദിക്കപ്പെട്ടിരുന്നത് ;

(ഡി)	അതില്‍ എന്തു തുക ഓരോ വര്‍ഷവും ചെലവഴിക്കപ്പെട്ടുവെന്ന് അറിയിക്കാമോ?

പ്ലാസ്റ്റിക് ഷ്രഡിംഗ് യൂണിറ്റ്

1509.

ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമേഖലാ സ്ഥാപനമായ മലബാര്‍ സിമന്റ്സിന്റെ സഹായത്തോടെ ഒരു വന്‍കിട പ്ലാസ്റ്റിക് ഷ്രഡിംഗ് യൂണിറ്റ് സ്ഥാപിക്കുന്നതാണെന്ന 2012-2013ലെ ബഡ്ജറ്റ് പ്രഖ്യാപനം നടപ്പാക്കിയോ;

(ബി)	ഈ പ്ലാസ്റ്റിക് ഷ്രഡിംഗ് യൂണിറ്റ് എവിടെയാണ് സ്ഥാപിക്കപ്പെട്ടിട്ടുള്ളത്;

(സി)	ഇങ്ങനെ ഷ്രഡ് ചെയ്ത പ്ലാസ്റ്റിക്കുകൊണ്ട് റോഡ് ടാറിംഗ് നടത്താന്‍ ആരംഭിച്ചിട്ടുണ്ടോ?

മുനിസിപ്പല്‍ പ്രദേശങ്ങളിലെ റോഡുകളുടെ നവീകരണം

1510.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	മുനിസിപ്പല്‍ പ്രദേശങ്ങളിലെ ഗതാഗതയോഗ്യമല്ലാതായിത്തീര്‍ന്ന റോഡുകളുടെ നവീകരണത്തിന് നേരിടുന്ന തടസ്സങ്ങള്‍ എന്തെല്ലാമാണെന്ന് അറിയിക്കുമോ;

(ബി)	പ്രസ്തുത റോഡുകളുടെ നവീകരണത്തിനായി ഏതെല്ലാം പദ്ധതികളില്‍ നിന്നും ഏതെല്ലാം വകുപ്പുകളില്‍ നിന്നും തുക അനുവദിക്കുന്നുണ്ടെന്ന് അറിയിക്കുമോ;

(സി)	മുനിസിപ്പല്‍ പ്രദേശങ്ങളിലെ ഗതാഗതയോഗ്യമല്ലാതായിത്തീര്‍ന്ന റോഡുകളുടെ നവീകരണത്തിന് എം.എല്‍.എ മാരുടെ പ്രത്യേക വികസന ഫണ്ടും ആസ്തി വികസന ഫണ്ടും വിനിയോഗിക്കുന്നതിനെ സര്‍ക്കാര്‍ പ്രോത്സാഹിപ്പിക്കുന്നുണ്ടോ ;

(ഡി)

മണ്ഡലം ആസ്തി വികസന ഫണ്ട് വിനിയോഗിച്ച് നഗരസഭകളിലെ റോഡുകളുടെ നവീകരണത്തിന് നിര്‍ദ്ദേശങ്ങള്‍ സമര്‍പ്പിക്കപ്പെട്ട് അനുബന്ധ രേഖകള്‍ സഹിതം സെക്രട്ടറിയേറ്റിലെ തദ്ദേശ സ്വയംഭരണ വകുപ്പിന്റെ സെക്ഷനിലെത്തിയാല്‍ പ്രസ്തുത ഫയലുകളിന്മേല്‍ നടപടി സ്വീകരിക്കുന്നതിന് വളരെയധികം കാലതാമസം വരുന്നതെന്തുകൊണ്ടാണെന്ന് വ്യക്തമാക്കാമോ?

പൊതുശൗചാലയങ്ങള്‍

1511.

(എ)	ഇൗ ഗവണ്‍മെന്റ് അധികാരത്തില്‍ വന്നശേഷം നഗരങ്ങളില്‍ നിര്‍മ്മിച്ച പൊതുശൗചാലയങ്ങളുടെ കണക്ക് നല്കാമോ.

(ബി)	പൊതുജനങ്ങള്‍ക്ക് അടിസ്ഥാന ആവശ്യം സൗജന്യമായി നിര്‍വ്വഹിക്കുന്നതിന് പാതയോരങ്ങളില്‍ പൊതുശൗചാലയങ്ങള്‍ നിര്‍മ്മിച്ച് നൽകേണ്ടതല്ലേ;

(സി)	എങ്കില്‍ തലസ്ഥാനമുള്‍പ്പടെയുള്ള നഗരങ്ങളില്‍ ആവശ്യത്തിനു പൊതുശൗചാലയങ്ങള്‍ നിര്‍മ്മിക്കുകയും പൊതുജനങ്ങള്‍ക്ക് അവ തടസ്സമില്ലാതെ ഉപയോഗിക്കുകയും ചെയ്യുന്നതിന് നടപടി സ്വീകരിക്കുമോ?

നഗരവികസനത്തിനുള്ള 'അമൃത്' പദ്ധതി

1512.

ശ്രീ.കോലിയക്കോട് എന്‍. കൃഷ്ണന്‍ നായര്‍
,, എം. ഹംസ
,, കെ. ദാസന്‍
,, കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരവികസനത്തിനുള്ള 'അമൃത്' പദ്ധതിയ്ക്ക് കേന്ദ്ര സഹായം അനുവദിച്ചിരുന്നോയെന്ന് വ്യക്തമാക്കാമോ;

(ബി)	എങ്കില്‍ അതിന്റെ വിശദാംശം ലഭ്യമാക്കാമോ;

(സി)	'അമൃത്' പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമെന്ന് വിശദമാക്കാമോ;

(ഡി)	'അമൃത്' പദ്ധതിക്കായി സംസ്ഥാന വിഹിതം ലഭ്യമാക്കുന്നുണ്ടോയെന്ന് പറയാമോ; എങ്കില്‍ വ്യക്തമാക്കാമോ?

അര്‍ബന്‍ 2020 പദ്ധതി

1513.

ശ്രീ.ജോസഫ് വാഴയ്ക്കൻ
,, അന്‍വര്‍ സാദത്ത്
,, വി.റ്റി.ബല്‍റാം
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അര്‍ബന്‍ 2020 എന്ന പദ്ധതിക്ക് രൂപം നല്‍കിയിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത്;

(സി)	പദ്ധതി നടത്തിപ്പിന് ഭരണതലത്തില്‍ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ ?

അമൃത് പദ്ധതി

1514.

ശ്രീ.അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാരിന്റെ അമൃത് പദ്ധതിയിലേക്ക് തെരെഞ്ഞെടുക്കപ്പെട്ട നഗരങ്ങള്‍ ഏതെല്ലാമാണെന്ന് അറിയിക്കുമോ;

(ബി)	ഈ പദ്ധതി പ്രകാരം പ്രസ്തുത നഗരങ്ങള്‍ക്ക് എന്തെല്ലാം സൗകര്യങ്ങളാണ് കൈവരിക്കുവാന്‍ സാധിക്കുകയെന്നുള്ളത് വ്യക്തമാക്കുമോ;

(സി)	ഈ പദ്ധതിയില്‍ കേന്ദ്ര-സംസ്ഥാന-തദ്ദേശ സ്ഥാപന വിഹിതം എത്രയാണെന്നും ഈ പദ്ധതിക്കായി കേന്ദ്ര വിഹിതമായി എത്ര തുകയാണ് ലഭ്യമാകുകയെന്നും വിശദമാക്കുമോ?

ക്ലീന്‍ കേരള കമ്പിനി

1515.

ശ്രീ.ബെന്നി ബെഹനാന്‍
,, ഐ.സി.ബാലകൃഷ്ണന്‍
,, വി.ഡി.സതീശന്‍
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ക്ലീന്‍ കേരള കമ്പിനി രൂപീകരിച്ചിട്ടുണ്ടോ ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇത് വഴി കൈവരിക്കാനുദ്ദേശിക്കുന്നത് ;

(സി)	പദ്ധതി നടത്തിപ്പിന് ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് ?

തലസ്ഥാന നഗരസഭയിലെ ശുചിത്വ വാര്‍ഡുകള്‍

1516.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാന നഗരസഭയില്‍ എത്ര വാര്‍ഡുകളെ ശുചിത്വ വാര്‍ഡുകളായി പ്രഖ്യാപിച്ചിട്ടുണ്ട് ;

(ബി)	ഈ വാര്‍ഡുകളിൽ ശുചിത്വം ഉറപ്പുവരുത്തുന്നതിന്റെ ഭാഗമായി സ്ഥിരം ഒഴിവുകളിലേയ്ക്കല്ലാതെ എത്ര പേരെ നിയമിച്ചിട്ടുണ്ട് ;

(സി)	ശുചിത്വ വാര്‍ഡ് പ്രഖ്യാപനശേഷവും ആ വാര്‍ഡുകളില്‍ മാലിന്യക്കൂമ്പാരങ്ങള്‍ കത്തിക്കുന്ന പ്രക്രിയ തുടരുന്ന കാര്യം ശ്രദ്ധയില്‍ വന്നി‍ട്ടുണ്ടോ ;

(ഡി)	കാര്യക്ഷമമായ മാലിന്യ നിര്‍മ്മാര്‍ജ്ജന സംവിധാനമൊരുക്കാതെ, ക്യാമറകൾ സ്ഥാപിച്ചു നഗരവാസികളെ നിരീക്ഷിക്കുന്നതു ജനവിരുദ്ധനടപടിയാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ പരിഹാര നടപടികൾ അടിയന്തരമായി കൈക്കൊള്ളുമോ ?

മാലിന്യ സംസ്ക്കരണ പ്ളാന്റുകള്‍

1517.

(എ)	തിരുവനന്തപുരം, എറണാകുളം, കോട്ടയം, കോഴിക്കോട് എന്നീ നഗരങ്ങളില്‍ ആധുനിക സാങ്കേതികവിദ്യയില്‍ അധിഷ്ഠിതമായ വന്‍കിട മാലിന്യ സംസ്ക്കരണ പ്ളാന്റുകള്‍ പി.പി.പി. അടിസ്ഥാനത്തില്‍ സ്ഥാപിക്കുന്നതാണെന്ന 2012-13-ലെ ബഡ്ജറ്റ് പ്രഖ്യാപനം നടപ്പാക്കിയിട്ടുണ്ടോ ;

(ബി)	പ്രസ്തുത പദ്ധതി നടപ്പാക്കുന്നതിനായി എന്ത് തുകയാണ് വകയിരുത്തിയിരുന്നത് ;

(സി)	പ്രസ്തുത പദ്ധതിക്കായി ഓരോ വര്‍ഷവും അനുവദിക്കപ്പെട്ട തുകയില്‍ എന്തു തുക വീതം ചെലവഴിച്ചിട്ടുണ്ടെന്നറിയിക്കുമോ?

കെട്ടിട നിര്‍മ്മാണ ചട്ടങ്ങൾ

1518.

(എ)	നിലവിലുള്ള ചട്ടപ്രകാരം കെട്ടിട നിര്‍മ്മാണ ചട്ടങ്ങളില്‍ ഇളവ് നല്‍കാന്‍ സര്‍ക്കാരിന് അധികാരമുണ്ടോ;

(ബി)	പ്രസ്തുത അധികാരം എന്ന് മുതല്ക്കാണ് നിലവില്‍ വന്നത്;

(സി)	ചട്ടം ഭേദഗതി ചെയ്തുകൊണ്ടുള്ള ഉത്തരവ് സഭയുടെ മേശപ്പുറത്ത് വയ്ക്കുമോ?

നഗരസഭയുടെ കെട്ടിടങ്ങള്‍

1519.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	നഗരസഭയുടെ കെട്ടിടങ്ങള്‍ വാടകയ്ക്കു നല്‍കുന്നതിന് നിലവിലുള്ള മാനദണ്ഡമെന്താണ്;

(ബി)	കെട്ടിടം/മുറി എന്നിവയ്ക്കായുള്ള അപേക്ഷ അംഗീകരിച്ച് വാടക അഡ്വാന്‍സ് അടയ്ക്കുന്നതിന് രേഖാമൂലം കത്തു നല്‍കാറുണ്ടോ; എങ്കില്‍ അഡ്വാന്‍സ് അടച്ച് എത്ര ദിവസത്തിനകം വാടക കരാര്‍ എഴുതേണ്ടതാണ്;

(സി)	മുറി/കെട്ടിടം അനുവദിച്ച് വാടക അഡ്വാന്‍സ് അടപ്പിച്ചു കഴിഞ്ഞ് വ്യവസ്ഥകളില്‍ മാറ്റം വരുത്തുവാന്‍ നഗരസഭയ്ക്ക് അധികാരമുണ്ടോ;

(ഡി)	ഇത്തരത്തില്‍ വ്യവസ്ഥകളില്‍ നിന്നും നഗരസഭ പിന്‍മാറുകയും വാടകക്കരാര്‍ വെയ്ക്കുന്നതിന് തടസ്സം നേരിടുകയും ചെയ്താല്‍ അതിന്റെ ഉത്തരവാദിത്വം ആര്‍ക്കാണ്;

(ഇ)	പ്രസ്തുത കാലയളവില്‍ ഉപഭോക്താവ് അടച്ചിട്ടുള്ള വാടക അഡ്വാന്‍സിന്റെ നഷപ്ടപരിഹാരം നല്‍കാന്‍ നഗരസഭയ്ക്ക് ബാധ്യതയില്ലേ;

(എഫ്)

വാടക കരാര്‍ നിലവില്‍ വരാതെ വാടക പിരിക്കുന്നതിന് നഗരസഭയ്ക്ക് അധികാരമുണ്ടോ; ഉണ്ടെങ്കില്‍ ഏതു നിയമപ്രകാരമാണ്; വ്യക്തമാക്കാമോ;

(ജി)	വാടക കരാര്‍ നിലവില്‍ വരാതിരിക്കുകയും വാടക അഡ്വാന്‍സില്‍ നിന്നും വാടക ഇൗടാക്കുകയും ചെയ്യുന്നത് ഉപഭോക്താക്കളെ വഞ്ചിക്കുന്ന നടപടിയല്ലേ; ഇത്തരത്തില്‍ അനഭിമതമായ പ്രവര്‍ത്തി ഏതെങ്കിലും നഗരസഭകളുടെ ഭാഗത്തുനിന്നുമുണ്ടായാല്‍ ഇടപെടുമോ ?

നഗരങ്ങളിലെ ഫ്ലാറ്റ് നിര്‍മ്മാണം

1520.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം കേരളത്തിലെ നഗരങ്ങളില്‍ എത്ര ഫ്ലാറ്റുകളുടെ നിര്‍മ്മാണത്തിന് അനുമതി നല്‍കിയിട്ടുണ്ട്; ജില്ല തിരിച്ചുള്ള വിശദവിവരം നല്‍കുമോ;

(ബി)	പ്രസ്തുത അനുമതിയുടെ അടിസ്ഥാനത്തില്‍ നിര്‍മ്മാണം പൂര്‍ത്തീകരിച്ചിട്ടുള്ള ഫ്ലാറ്റുകളുടെ വിശദ വിവരങ്ങള്‍ ജില്ല തിരിച്ച് നല്‍കുമോ;

(സി)	നഗര പ്രദേശങ്ങളില്‍ ഫ്ലാറ്റ് നിര്‍മ്മാണത്തിന് നിലവിലുള്ള തടസ്സങ്ങള്‍ എന്തൊക്കെയാണ്; വിശദവിവരം നല്‍കുമോ?

തലസ്ഥാനത്തെ മാലിന്യ നിര്‍മ്മാര്‍ജ്ജനം

1521.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാനത്തെ മാലിന്യപ്രശ്നം പരിഹരിക്കാന്‍ കോര്‍പ്പറേഷന്‍ കഴിഞ്ഞ അഞ്ചു വര്‍ഷത്തിനിടെ എത്ര മാലിന്യ നിര്‍മ്മാര്‍ജ്ജന പ്ലാന്റുകള്‍ നിര്‍മ്മിച്ചിട്ടുണ്ട് ;

(ബി)	മാലിന്യ നിര്‍മ്മാര്‍ജ്ജന പ്ലാന്റുകളുടെ നിര്‍മ്മാണാവശ്യത്തിനായി സര്‍ക്കാര്‍ ഈ കാലയളവില്‍ എന്തു തുക നല്കിയിട്ടുണ്ട് ;

(സി)	നിലവില്‍ നഗരമാലിന്യം മുഴുവന്‍ സംസ്ക്കരിക്കുന്നതിനുള്ള സൗകര്യം കോര്‍പ്പറേഷന്‍ പരിധിയില്‍ ലഭ്യമാണോ എന്ന് വ്യക്തമാക്കുമോ ?

പയ്യന്നൂര്‍ നഗരസഭയുടെ കുടിവെള്ള പദ്ധതി

1522.

(എ)	പയ്യന്നൂര്‍ നഗരസഭയുടെ കുടിവെള്ള പദ്ധതി (യു.ഐ.ഡി.എസ്.എസ്.എം.ററി) പ്രവൃത്തി ചെയ്ത വകയില്‍ എത്ര തുക കരാറുകാര്‍ക്ക് കുടിശ്ശിക നല്‍കാനുണ്ട്;

(ബി)	പ്രസ്തുത തുക വിതരണം ചെയ്യുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

മെക്കനൈസ്ഡ് പാര്‍ക്കിംഗ് സെന്റര്‍

1523.

(എ)

വാഹനങ്ങളുടെ അനിയന്ത്രിതമായ പെരുപ്പവും കടുത്ത ഗതാഗതകുരുക്കും, പാര്‍ക്കിംഗ് സൗകര്യങ്ങളുടെ അപര്യാപ്തതയും കണക്കിലെടുത്ത് ആധുനികമായ മെക്കനൈസ്ഡ് പാര്‍ക്കിംഗ് സെന്റര്‍ ഏര്‍പ്പെടുത്തുമെന്ന് പ്രഖ്യാപിച്ചിട്ടുണ്ടോ; എങ്കില്‍ ഏത് ബഡ്ജറ്റിലാണ് പ്രഖ്യാപനം നടത്തിയത് നാളിതുവരെയായി ഈ പദ്ധതി പൂര്‍ത്തീകരിച്ചിട്ടുണ്ടോ;

(ബി)	ഈയിനത്തില്‍ ചെലവഴിക്കാതെ കിടക്കുന്ന തുകയുടെ കണക്ക് ലഭ്യമാക്കാമോ;

(സി)	2013 ഏപ്രില്‍ 1മുതല്‍ 2015 മാര്‍ച്ച് 31വരെയുള്ള കാലയളവില്‍ നഗരങ്ങളില്‍ ഏര്‍പ്പെടുത്തിയ പാര്‍ക്കിംഗ് കേന്ദ്രങ്ങള്‍ എവിടെയൊക്കെയാണെന്ന് അറിയിക്കാമോ; ഓരോ കേന്ദ്രത്തിനും ചെലവായ തുക ഏത്ര?

ഫ്ലാറ്റുകള്‍ക്ക് നോട്ടീസ് നല്‍കല്‍

1524.

(എ)	കേരളത്തില്‍ നിലവില്‍ എത്ര ഫ്ലാറ്റുകകള്‍ക്ക്, നിയമലംഘനം നടത്തി എന്ന നിഗമനത്തില്‍ നോട്ടീസ് നല്‍കിയിട്ടുണ്ട്; നോട്ടീസുകള്‍ നല്‍കാനുണ്ടായ കാരണം വിശദമാക്കുമോ;

(ബി)	നോട്ടീസിലെ കാരണങ്ങള്‍ ഒഴിവാക്കി നല്‍കുന്നതിനായി ഈ സര്‍ക്കാര്‍ സ്വീകരിച്ചിട്ടുള്ള നടപടികളുടെ വിശദാംശം നല്‍കുമോ?

പാര്‍ട്ട്ണര്‍ഷിപ്പ് കേരള മിഷന്‍ പദ്ധതി

1525.

ശ്രീ.സി.പി.മുഹമ്മദ്
,, ടി.എന്‍. പ്രതാപന്‍
,, ഷാഫി പറമ്പില്‍
,, തേറമ്പില്‍ രാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	പാര്‍ട്ട്ണര്‍ഷിപ്പ് കേരള മിഷന്‍ പദ്ധതി രൂപീകരിച്ചിട്ടുണ്ടോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് പ്രസ്തുത പദ്ധതി മുഖേന കൈവരിക്കാനുദ്ദേശിക്കുന്നത് ;

(സി)	ഇതിനായി ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് ?

ക്ലീന്‍ കേരള കമ്പനി

1526.

ശ്രീ.പി.ശ്രീരാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ക്ലീന്‍ കേരള കമ്പനി രൂപീകൃതമായത് എന്നാണ്;

(ബി)	പ്രസ്തുത കമ്പനി രൂപീകൃതമായതിന്റെ ഉദ്ദേശ്യലക്ഷ്യങ്ങള്‍ എന്തായിരുന്നു; അത് നേടിയെടുക്കുന്നതിന് കഴി‍ഞ്ഞിട്ടുണ്ടോ എന്ന് വിശദമാക്കാമോ;

(സി)	പ്രസ്തുത കമ്പനിയ്ക്ക് ഓരോ വര്‍ഷവും എന്ത് തുക വീതം ബ‍ഡ്ജറ്റില്‍ നീക്കിവച്ചിരുന്നു; അതില്‍ എന്ത് തുക വീതം ചെലവഴിച്ചുവെന്നറിയിക്കാമോ?

ന്യൂനപക്ഷക്ഷേമ വകുപ്പിന്റെ പ്രവര്‍ത്തനങ്ങള്‍

1527.

(എ)	പൊന്നാനി മണ്ഡലത്തില്‍ ന്യൂനപക്ഷക്ഷേമ വകുപ്പില്‍ നിന്ന് എന്തെല്ലാം കാര്യങ്ങളാണ് ഈ സര്‍ക്കാര്‍ അധികാരത്തില്‍ വന്ന ശേഷം നടപ്പിലാക്കിയിട്ടുള്ളത് എന്ന് വിശദമാക്കുമോ;

(ബി)	ഓരോന്നിന്റെയും ഇപ്പോഴത്തെ സ്ഥിതിയും അനുവദിച്ച തുകയും വിശദമാക്കുമോ;

(സി)	കേന്ദ്രസര്‍ക്കാറിന്റെ ന്യൂനപക്ഷമേഖലകളിലേക്കുള്ള പദ്ധതികള്‍ പൊന്നാനി മണ്ഡലത്തിലേക്ക് അനുവദിച്ചിട്ടുണ്ടോ; എങ്കില്‍ എവിടെയെല്ലാം എന്തു തുക അനുവദിച്ചു; അതിന്റെ ഇപ്പോഴത്തെ അവസ്ഥയെന്താണ് എന്നറിയിക്കുമോ?

മലപ്പുറം മണ്ഡലത്തിലെ ന്യൂനപക്ഷ ക്ഷേമ പദ്ധതികള്‍

1528.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം ന്യൂനപക്ഷക്ഷേമ വകുപ്പ് വഴി മലപ്പുറം മണ്ഡലത്തില്‍ എന്തെല്ലാം പദ്ധതികള്‍ നടപ്പാക്കി എന്നറിയിക്കുമോ;

(ബി)	ഓരോ പദ്ധതിക്കും എന്തു തുക ചെലവഴിച്ചുവെന്നും പൂര്‍ത്തീകരിച്ചോയെന്നും വ്യക്തമാക്കാമോ?

ന്യൂനപക്ഷ ക്ഷേമ ഡയറക്ടര്‍ നിയമനം

1529.

ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷ ക്ഷേമ ഡയറക്ടര്‍ നിയമനത്തിന് സര്‍ക്കാര്‍ നിശ്ചയിച്ചിരിക്കുന്ന യോഗ്യതകള്‍ എന്തൊക്കെയാണെന്ന് വ്യക്തമാക്കുമോ;

(ബി)	സര്‍ക്കാര്‍ നിശ്ചയിച്ചിട്ടുള്ള യോഗ്യതകള്‍ നിലവില്‍ നിയമിതനായ സ്വകാര്യ എയ്ഡഡ് കോളേജ് അധ്യാപകനായ ശ്രീ. പി. നസീറിന് ഉണ്ടോ; ഇത് സര്‍ക്കാര്‍ അംഗീകരിച്ച സ്ഥിരം നിയമനം ആണോ; പ്രസ്തുത തസ്തികയിലെ ശമ്പളവും മറ്റ് അലവന്‍സുകളും എത്രയാണ്; വിശദാംശം വ്യക്തമാക്കുമോ;

(സി)	പി. നസീറിന്റെ നിയമനം സംബന്ധിച്ച് ചീഫ് സെക്രട്ടറി നിയമ/ധന/ഉദ്യോഗസ്ഥ-ഭരണ പരിഷ്കാര വകുപ്പ് സെക്രട്ടറിമാര്‍ കടുത്ത എതിര്‍പ്പ് രേഖപ്പെടുത്തിയിട്ടും, സ്വകാര്യ എയ്ഡഡ് കോളേജ് അധ്യാപകൻ എന്ന പദവിയിലുള്ള പ്രസ്തുത വ്യക്തിയെ തന്നെ നിയമിക്കാനുള്ള കാരണം എന്തെന്ന് വ്യക്തമാക്കുമോ;

(ഡി)	ഗവണ്‍മെന്റ് സെക്രട്ടറി പദവിയിലുള്ള തസ്തികയില്‍ ഇപ്രകാരം സ്വകാര്യ എയ്ഡഡ് കോളേജ് അധ്യാപകനെ ഡയറക്ടറാക്കി നിയമിച്ചത് സര്‍ക്കാര്‍ അംഗീകരിച്ചുവോ;

(ഇ)	എങ്കില്‍ പ്രസ്തുത നിയമവിരുദ്ധ നിയമനത്തിന് അനുമതി നല്‍കാന്‍ കാരണമായ നിയമോപദേശം ലഭിച്ചത് എവിടെനിന്നാണ് എന്ന് വ്യക്തമാക്കുമോ;

(എഫ്)

സ്വകാര്യ എയ്ഡഡ് കോളേജ് അധ്യാപകന്‍ 20.01.2016 മുതല്‍ സര്‍ക്കാര്‍ സ്ഥാപനത്തിലെ ഡയറക്ടര്‍ ആയത് തടയുവാന്‍ എന്തു നടപടി സ്വീകരിക്കും എന്ന് വ്യക്തമാക്കുമോ;

(ജി)	സ്വകാര്യ കോളേജ് അധ്യാപക തസ്തികയിലൂടെ ന്യൂനപക്ഷ ഡയറക്ടറായി ഐ.എ.എസ്. പദവിയിലെത്തുന്ന ഇത്തരം ഉദ്യോഗസ്ഥരെ തല്‍സ്ഥാനത്ത് നിന്നും മാറ്റി നിറുത്തി നിയമനത്തിലെ തട്ടിപ്പുകള്‍ സംബന്ധിച്ച് ഒരു ഉന്നതതല അന്വേഷണം നടത്താന്‍ തയ്യാറാകുമോ; വിശദാംശം വ്യക്തമാക്കുമോ?

ന്യൂനപക്ഷ വികസന കോര്‍പ്പറേഷന്‍ വഴിയുള്ള വിദ്യാഭ്യാസ വായ്പ

1530.

ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷ വികസന കോര്‍പ്പറേഷന്‍ വഴി വിദ്യാഭ്യാസ വായ്പാ വിതരണം ആരംഭിച്ചിട്ടുണ്ടോ;

(ബി)	വിദ്യാഭ്യാസ വായ്പയ്ക്ക് സര്‍ക്കാര്‍ ഗ്യാരന്റി നല്‍കുന്നുണ്ടോ;

(സി)	വിദ്യാഭ്യാസ വായ്പയ്ക്കുള്ള എത്ര അപേക്ഷകളാണ് കോര്‍പ്പറേഷനില്‍ ലഭിച്ചിട്ടുള്ളത്; ഇനിയും തീര്‍പ്പാക്കാനുള്ള അപേക്ഷകള്‍ എത്രയാണെന്നറിയിക്കാമോ?

ന്യൂനപക്ഷ ക്ഷേമ പ്രവര്‍ത്തനങ്ങള്‍

1531.

ശ്രീ.വി.ശിവന്‍കുട്ടി : താഴെ കാണുന്ന ചോദ്യത്തിന് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	2014-15 ലെ ബഡ്ജറ്റില്‍ ന്യൂനപക്ഷ ക്ഷേമ പ്രവര്‍ത്തനങ്ങള്‍ക്കായി നീക്കിവച്ചിരുന്ന 55 കോടി രൂപ വിനിയോഗിച്ചു നടപ്പിലാക്കിയ പ്രവര്‍ത്തനങ്ങളുടെ വിശദാംശങ്ള്‍ ലഭ്യമാക്കുമോ?

ന്യൂനപക്ഷ വിഭാഗങ്ങള്‍ക്കുള്ള വിദ്യാഭ്യാസ വായ്പ

1532.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ന്യൂനപക്ഷ വിഭാഗങ്ങള്‍ക്കുള്ള വിദ്യാഭ്യാസ വായ്പയ്ക്കായി അനുവദിച്ച തുക; ചെലവഴിക്കാതെ ട്രഷറിയില്‍ ബാക്കി നില്‍ക്കുന്ന തുക എന്നിവ സംബന്ധിച്ച വിവരങ്ങൾ ലഭ്യമാക്കാമോ;

(ബി)	ന്യൂനപക്ഷ വിഭാഗകാര്‍ക്കുള്ള വിദ്യാഭ്യാസ വായ്പയ്ക്ക് സംസ്ഥാന സര്‍ക്കാര്‍ ഗ്യാരന്റി നല്‍കണമെന്ന വ്യവസ്ഥ പാലിക്കപ്പെടുന്നുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കാമോ;

(സി)	സര്‍ക്കാര്‍ ഗ്യാരന്റി നല്‍കാത്തതിന്റെ പേരില്‍ എത്ര അപേക്ഷകര്‍ക്ക് നീതി നിഷേധിച്ചിട്ടുണ്ട്; വിശദാംശങ്ങള്‍ ലഭ്യമാക്കാമോ?

ന്യൂനപക്ഷക്ഷേമ വകുപ്പിലെ നിയമനങ്ങള്‍

1533.

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷക്ഷേമ വകുപ്പിലെ നിയമനങ്ങള്‍ സംബന്ധിച്ച് സ്പെഷ്യല്‍ റൂള്‍ രൂപീകരിച്ചിട്ടുണ്ടോ; ഇല്ലെങ്കില്‍ ഇതിനുള്ള നടപടികള്‍ ഏതുവരെയായെന്ന് വ്യക്തമാക്കുമോ;

(ബി)	സ്പെഷ്യല്‍ റൂള്‍ നിലവിലില്ലെങ്കില്‍ ആയതിനു പകരമുള്ള എക്സിക്യൂട്ടീവ് ഉത്തരവ് പുറപ്പെടുവിച്ചിട്ടുണ്ടോ; എങ്കില്‍ ആയതിന്റെ കോപ്പി ലഭ്യമാക്കുമോ;

(സി)	ന്യൂനപക്ഷക്ഷേമ വകുപ്പിന് ഇതുവരെ അനുവദിച്ചിട്ടുള്ള തസ്തികകള്‍ ഏതെല്ലാമെന്ന് വ്യക്തമാക്കുമോ; പ്രസ്തുത തസ്തികകളുടെ യോഗ്യത നിശ്ചയിച്ചിട്ടുണ്ടോ; എങ്കില്‍ വിശദാംശങ്ങള്‍ നല്‍കുമോ;

(ഡി)	പ്രസ്തുത തസ്തികകളില്‍ ഡെപ്യൂട്ടേഷന്‍ വഴി നടത്തിയ നിയമനങ്ങളുടെ വിശദാംശങ്ങള്‍ വ്യക്തമാക്കുമോ; ഇവരിൽ ആരെയെങ്കിലും വകുപ്പ് അബ്സോര്‍ബ് ചെയ്തിട്ടുണ്ടോ; എങ്കില്‍ ആയതിന്റെ വിശദാംശങ്ങള്‍ ലഭ്യമാക്കുമോ;

(ഇ)	പ്രസ്തുത തസ്തികകളില്‍ നേരിട്ടുള്ള നിയമനം വഴി നടത്തിയ നിയമനങ്ങളുടെ വിശദാംശങ്ങള്‍ വ്യക്തമാക്കുമോ; നിയമനം ലഭിച്ച തസ്തിക, യോഗ്യത, ശമ്പളം, നിയമനം നടത്തിയ രീതി എന്നിവ വിശദമാക്കുമോ;

(എഫ്)

മന്ത്രിസഭ നേരിട്ടു നിയമനം നടത്തിയ തസ്തികകള്‍ ഉണ്ടോ; എങ്കില്‍ നിയമനം നടത്തിയ തസ്തിക, യോഗ്യത, ശമ്പളം, നിയമന രീതി ,നിയമനം നല്‍കിയവരുടെ പേരും വിവരങ്ങളും എന്നിവ വ്യക്തമാക്കുമോ?

ന്യൂനപക്ഷക്ഷേമ വകുപ്പില്‍ ഡെപ്യൂട്ടേഷന്‍

1534.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് നഗരകാര്യവും ന്യൂനപക്ഷക്ഷേമവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷക്ഷേമ വകുപ്പില്‍ ഡെപ്യൂട്ടേഷന്‍ വ്യവസ്ഥയില്‍ എത്ര ജീവനക്കാര്‍ ജോലി നോക്കുന്നുണ്ട് എന്ന് പറയാമോ;

(ബി)	ഈ സര്‍ക്കാര്‍ അധികാരത്തില്‍ വന്നതിനുശേഷം ഡെപ്യൂട്ടേഷന്‍ വ്യവസ്ഥയില്‍ ജോലി നോക്കിയ എത്ര ഉദ്യോഗസ്ഥരെ സ്ഥിരപ്പെടുത്തിയെന്നും; ഏതൊക്കെ തസ്തികകയിലാണ് നിയമിച്ചതെന്നും പറയാമോ;

(സി)	ഇത്തരത്തില്‍ സ്ഥിര നിയമനം നല്‍കിയ ഡയറക്ടര്‍ ഉള്‍പ്പെടെയുള്ള ഉദ്യോഗസ്ഥര്‍ക്ക് പി.എസ്.സി. നിഷ്കര്‍ഷിക്കുന്ന വിദ്യാഭ്യാസ യോഗ്യത ഉണ്ടെന്ന് ഉറപ്പു വരുത്തിയിട്ടുണ്ടോ; എങ്കില്‍ വിശദാംശങ്ങള്‍ ലഭ്യമാക്കാമോ;

(ഡി)	ചട്ടങ്ങള്‍ക്ക് വിരുദ്ധമായി ജീവനക്കാരെ സ്ഥിരപ്പെടുത്തിയെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; സ്ഥിരപ്പെടുത്തിയ ഉദ്യോഗസ്ഥരുടെ വിദ്യാഭ്യാസ യോഗ്യത സംബന്ധിച്ച വിശദാംശങ്ങള്‍ ലഭ്യമാക്കാമോ;

(ഇ)	സര്‍ക്കാര്‍ സര്‍വ്വീസില്‍ ഡയറക്ടര്‍ പദവിയില്‍ നിയമിക്കുന്നതിന് നിശ്ചിത യോഗ്യത ഉള്ള ഉദ്യോഗസ്ഥര്‍ ഇല്ലാതിരുന്നിട്ടാണോ, സ്വകാര്യ കോളേജ് അധ്യാപകനെ പ്രസ്തുത വകുപ്പില്‍ ഡയറക്ടറായി നിയമിച്ചത് എന്ന് വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.