Questions

മലബാറിലെ ജലാശയതീരങ്ങള്‍ സംരക്ഷിക്കുന്നതിനുളള പദ്ധതി

ശ്രീ. പുരുഷന്‍ കടലുണ്ടി

(എ) പെരുവണ്ണാമുഴി റിസര്‍വോയര്‍ പരിസരത്തെ കര്യാത്തന്‍പാറ പുഴയോരം സംരക്ഷിക്കുന്നതിന് പദ്ധതി ആവിഷ്കരിക്കുവാന്‍ ജലവിഭവ വകുപ്പ് തയ്യാറാകുമോ;

(ബി) മലബാറിലെ പ്രധാന ടൂറിസം കേന്ദ്രമായ കക്കയത്തെ ഈ മനോഹര ജലാശയ തീരങ്ങള്‍ ആകര്‍ഷകമായ വിധം സംക്ഷിക്കുന്നതിന് ടൂറിസം വകുപ്പുമായി സഹകരിച്ച് ഒരു പദ്ധതി ആവിഷ്കരിച്ച് നടപ്പാക്കുമോ?

‘മഴപ്പൊലിമ’ പദ്ധതി

ശ്രീമതി ഗീതാ ഗോപി

(എ) തൃശൂര്‍ ജില്ലയില്‍ ജില്ലാ ഭരണകൂടം ആവിഷ്കരിച്ച് നടപ്പിലാക്കുന്ന ‘മഴപ്പൊലിമ’ എന്ന പദ്ധതിയുടെ പ്രവര്‍ത്തനങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി) ഈ പദ്ധതിക്കായി സര്‍ക്കാര്‍ പ്രഖ്യാപിച്ച തുക എത്രയാണ്; അതില്‍ എന്തു തുക അനുവദിച്ചു എന്ന് അറിയിക്കുമോ;

(സി) ഈ പദ്ധതിയുമായി ബന്ധപ്പെട്ട് പുറപ്പെടുവിച്ച ഉത്തരവുകളുടെ പകര്‍പ്പുകള്‍ ലഭ്യമാക്കാമോ;

(ഡി) ഈ പദ്ധതിക്ക് ബാക്കി നല്‍കേണ്ട തുക എന്ന് അനുവദിക്കാന്‍ കഴിയും എന്ന് വ്യക്തമാക്കാമോ?

വെളളക്കര വര്‍ദ്ധനവ്

ശ്രീ. രാജു എബ്രഹാം

(എ) ഈ സര്‍ക്കാര്‍ അധികാരത്തില്‍ വന്നതിനുശേഷം വെളളക്കരം കൂട്ടുന്നതു സംബന്ധിച്ച് വാട്ടര്‍അതോറിറ്റി ബോര്‍ഡ് യോഗം സര്‍ക്കാ.രിന് ശുപാര്‍ശ നല്‍കിയിട്ടുണ്ടോ; എങ്കില്‍ എന്നാണ്; ജലഅതോറിറ്റി സര്‍ക്കാരിന് നല്‍കിയ ശുപാര്‍ശപ്രകാരം വെളളക്കരം വര്‍ദ്ധിപ്പിക്കേണ്ടതിന് എന്തുകാരണമാണ് ചൂണ്ടിക്കാണിച്ചിട്ടുളളത്;

(ബി) ഇപ്പോള്‍ വാട്ടര്‍ അതോറിറ്റി മുഖെനയുളള കുടിവെളളത്തിന് നല്‍കുന്ന ചാര്‍ജ് എന്നു മുതലാണ് ഈടാക്കിവരുന്നത്;

(സി) വാട്ടര്‍ അതോറിറ്റിക്ക് എത്ര തുകയാണ് ഇനിയും പിരിഞ്ഞുകിട്ടാനുളളത്?

ഭൂഗര്‍ഭ ജല റീചാര്‍ജ്ജിങ്ങിനുള്ള പദ്ധതികള്‍

ശ്രീ. എം. വി. ശ്രേയാംസ് കുമാര്‍

(എ) സംസ്ഥാനത്തെ പ്രധാന കുടിവെള്ള പദ്ധതി കളെല്ലാം തന്നെ പ്രധാനമായും ആശ്രയിക്കുന്നത് ഭൂഗര്‍ഭജലമാണെന്ന കാര്യം ശ്രദ്ധയില്‍പ്പെട്ടി ട്ടുണ്ടോ ;

(ബി) പ്രധാന കുടിവെള്ള പദ്ധതികളായ ജലനിധി, മറ്റു കുടിവെള്ള പദ്ധതികള്‍ എന്നിവയില്‍ ശരിയായ രീതിയിലുള്ള ഭൂഗര്‍ഭ ജല റീചാര്‍ജ്ജിംഗിനുള്ള പദ്ധതികള്‍ നടപ്പാക്കുന്നതിനുള്ള നടപടികള്‍ സ്വീകരിക്കുമോ ?

കുപ്പിവെള്ള വിതരണം

ശ്രീ. ലൂഡി ലൂയിസ്

,, റ്റി.എന്‍. പ്രതാപന്‍

,, എം.എ. വാഹീദ്

,, വി.റ്റി.ബല്‍റാം

കുടിവെളളം കുപ്പിയിലാക്കി വിതരണം ചെയ്ത് ഇതിലൂടെ ലഭിക്കുന്ന ലാഭം ഉപയോഗിച്ച് പൈപ്പ് മുഖേനയുളള കുടിവെളള ജലവിതരണത്തിനുളള ചാര്‍ജ് വര്‍ദ്ധിപ്പിക്കാതെ തന്നെ പുതിയ പദ്ധതികള്‍ തയ്യാറാക്കി വാട്ടര്‍ അതോറിറ്റി മുന്നോട്ട് പോകുന്ന കാര്യം പരിഗണിക്കുമോ?

എന്‍.സി.പി.സി. കുടിവെളള പദ്ധതികള്‍

ശ്രീ. വി. എം. ഉമ്മര്‍ മാസ്റര്‍

(എ) കേരള വാട്ടര്‍ അതോറിറ്റി എന്‍.സി.പി.സി പദ്ധതി പ്രകാരം എത്ര കുടിവെളളപദ്ധതികള്‍ നടപ്പിലാക്കിയിട്ടുണ്ട്;

(ബി) ഇത്തരം പദ്ധതികളുടെ വൈദ്യുതി ചാര്‍ജ് അടക്കേണ്ടതുമൂലം ഗുണഭോക്താക്കള്‍ക്കുണ്ടാകുന്ന പ്രയാസം ശ്രദ്ധയില്‍പ്പെട്ടിട്ടുണ്ടോ;

(സി) വൈദ്യൂതി ചാര്‍ജ് അടക്കാത്തത് മൂലം കണക്ഷന്‍ വിച്ഛേദിച്ചിട്ടുണ്ടോ എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി) ഇത്തരം പദ്ധതികളുടെ വൈദ്യുതി ചാര്‍ജ് അടക്കാന്‍ പദ്ധതി ആവിഷ്കരിക്കുമോ?

ജല അതോറിറ്റിയുടെ പ്രവര്‍ത്തനം

ശ്രീ. മഞ്ഞളാംകുഴി അലി

(എ) ജല അതോറിറ്റിയുടെ പ്രവര്‍ത്തനം സര്‍ക്കാര്‍ വിലയിരുത്തിയിട്ടുണ്ടോ;

(ബി) കുടിവെള്ള വിപുലീകരണ പദ്ധതികള്‍ക്കായി ഭാരിച്ച തുക വായ്പയെടുക്കുന്നതും യഥാസമയം പ്രസ്തുത പദ്ധതികള്‍ പൂര്‍ത്തിയാക്കാതെ കിടക്കുന്നതും സംബന്ധിച്ച് ഒരു വിലയിരുത്തല്‍ നടത്തിയിട്ടുണ്ടോ;

(സി) എങ്കില്‍ വിശദാംശം വ്യക്തമാക്കുമോ;

(ഡി) പതിനായിരക്കണക്കിന് വാട്ടര്‍ മീറ്ററുകള്‍ വര്‍ഷങ്ങളായി കേടായിക്കിടക്കുകയാണെന്നും അത് മാറ്റി യഥാസമയം കുടിശ്ശിക പിരിക്കുന്നതില്‍ ജല അതോറിറ്റി വീഴ്ച വരുത്തുകയാണെന്നമുള്ള ആക്ഷേപം പരിശോധിക്കുമോ;

(ഇ) ജല അതോറിറ്റിയുടെ അനാസ്ഥകൊണ്ട് പൈപ്പ് പൊട്ടിയും നിര്‍മ്മാണത്തകരാര്‍ മൂലവും വന്‍തോതില്‍ ശുദ്ധജലം പാഴാകുന്ന സ്ഥിരം സ്ഥിതിവിശേഷം തുടരുകയാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(എഫ്) ജല അതോറിറ്റിയുടെ അനാസ്ഥ ഒഴിവാക്കാനും കാര്യക്ഷമമായി ജല അതോറിറ്റിയെ പുന:സംഘടിപ്പിക്കാനും സര്‍ക്കാര്‍ നടപടി സ്വീകരിക്കുമോ ?

തീരദേശ പ്രദേശങ്ങളിലെ കുടിവെള്ളക്ഷാമം

ശ്രീ. ബെന്നി ബെഹനാന്‍

,, എ.റ്റി. ജോര്‍ജ്

,, ഹൈബി ഈഡന്‍

,, ഐ.സി. ബാലകൃഷ്ണന്‍

(എ) സംസ്ഥാനത്തെ തീരദേശ പ്രദേശങ്ങളില്‍ കുടിവെള്ളക്ഷാമം പരിഹരിക്കാന്‍ എന്തെല്ലാം നടപടികള്‍ എടുത്തിട്ടുണ്ട് ;

(ബി) ഇതിനായി വിവിധ പദ്ധതികള്‍ ആവിഷ്ക്കരിക്കുന്ന കാര്യം പരിഗണിക്കുമോ;

(സി) നിലവിലുള്ള കേന്ദ്ര പദ്ധതികളുമായി സഹകരിച്ച് ഇതിന് പരിഹാരം കാണാന്‍ സത്വര നടപടികള്‍ എടുക്കുമോ ?

പൂക്കുളം - താന്നിവിള ഭാഗത്തെ കുടിവെള്ളക്ഷാമം

ശ്രീ. കോലിയക്കോട് എന്‍. കൃഷ്ണന്‍ നായര്‍

(എ) കേരള വാട്ടര്‍ അതോറിറ്റിയുടെ തിരുവല്ലം സെക്ഷന്റെ പരിധിയില്‍ വരുന്ന പൂക്കുളം - താന്നിവിള ഭാഗത്തെ കുടിവെള്ള ക്ഷാമം ശ്രദ്ധയില്‍പ്പെട്ടിട്ടുണ്ടോ ;

(ബി) ബുധന്‍, ശനി ദിവസങ്ങളില്‍ മാത്രം വെള്ളം ലഭിക്കുന്ന പ്രസ്തുത പ്രദേശത്ത് ചില ഭാഗങ്ങളില്‍ മാത്രമാണ് പ്രസ്തുത ദിവസങ്ങളിലും വെള്ളം ലഭിക്കുന്നതെന്ന അവസ്ഥ ശ്രദ്ധയില്‍പ്പെട്ടിട്ടുണ്ടോ ; ഇല്ലെങ്കില്‍ അടിയന്തിരമായി നടപടി സ്വീകരിക്കുമോ ;

(സി) പ്രസ്തുത പ്രദേശത്തെ കുടിവെള്ള ക്ഷാമം പരിഹരിക്കുന്നതിന് ഇപ്പോള്‍ എന്തെല്ലാം പദ്ധതികള്‍ നിലവിലുണ്ട് ; ആയതിന്റെ ഇപ്പോഴത്തെ അവസ്ഥ വ്യക്തമാക്കാമോ ?

ഗ്രൌണ്ട് വാട്ടര്‍ അതോറിറ്റി

ശ്രീ. ജെയിംസ് മാത്യു

(എ) സംസ്ഥാനത്ത് ഗ്രൌണ്ട് വാട്ടര്‍ അതോറിറ്റി നിലവിലുണ്ടോ;

(ബി) ഗ്രൌണ്ട് വാട്ടര്‍ അതോറിറ്റി സംസ്ഥാനത്ത് പ്രവര്‍ത്തിച്ചിരുന്നോ; ഇല്ലെങ്കില്‍ എപ്പോഴാണ് അതോറിറ്റി പ്രവര്‍ത്തനരഹിതമായത്;

(സി) എന്തുകൊണ്ടാണ് അതോറിറ്റി തുടര്‍ന്നും രൂപീകരിക്കാത്തത്;

(ഡി) അതോറിറ്റി രൂപീകരിക്കാത്തതിനാല്‍ ചെറുകിട വ്യവസായങ്ങളും ഇതരസംരംഭങ്ങളും ഉള്‍പ്പെടുന്ന നിരവധി ഫയലുകള്‍ അംഗീകാരത്തി നായുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഇ) അതോറിറ്റി രൂപീകരിക്കാന്‍ കാലതാമസം നേരിടുകയാണെങ്കില്‍ പകരം സംവിധാനം ഏര്‍പ്പെടുത്തുമോ?

ശുദ്ധജല ലഭ്യത

ശ്രീ. സാജൂ പോള്‍

(എ) സ്വാഭാവിക ജലസ്രോതസ്സുകളും ജലസംഭരണികളും അന്യാധീനപ്പെടുന്നതുകൊണ്ട് ശുദ്ധജല ലഭ്യത കുറഞ്ഞു വരുന്നത് ശ്രദ്ധയില്‍പെട്ടിട്ടുണ്ടോ;

(ബി) ശുദ്ധജല ലഭ്യത ഉറപ്പാക്കുവാന്‍ സ്വീകരിച്ചിട്ടുള്ള നടപടികള്‍ എന്തൊക്കെയാണ്;

(സി) ജല സംരക്ഷണത്തിന് നിലവിലുള്ള നിയമങ്ങള്‍ എന്തൊക്കെയാണ്.;

(ഡി) ശുദ്ധജലാവകാശ നിയമം നടപ്പാക്കുവാന്‍ തയ്യാറാകുമോ;

(ഇ) ശുദ്ധജല സംരക്ഷണത്തിന് നിയമപരിരക്ഷ കൊണ്ടുവരുന്നതിനുള്ള നിര്‍ദ്ദേശങ്ങള്‍ ചര്‍ച്ച ചെയ്യുവാന്‍ വിദഗ്ദ്ധരുടെ ശില്‍പശാല സംഘടിപ്പിക്കുമോ?

വെള്ളക്കരം കുടിശ്ശിക

ശ്രീ. എളമരം കരീം

,, കെ. വി. അബ്ദുള്‍ഖാദര്‍

,, വി. ചെന്താമരാക്ഷന്‍

,, സാജു പോള്‍

(എ) സംസ്ഥാനത്തെ വന്‍കിട ഹോട്ടലുകളും വ്യാപാര വാണിജ്യ സ്ഥാപനങ്ങളും വന്‍തുക വെള്ളക്കരം കുടിശ്ശിക വരുത്തുന്നതുമൂലം വാട്ടര്‍ അതോറിറ്റിക്ക് ഉണ്ടാകുന്ന നഷ്ടം സര്‍ക്കാര്‍ വകയിരുത്തിയിട്ടുണ്ടോ;

(ബി) ഒറ്റത്തവണ തീര്‍പ്പാക്കല്‍ പദ്ധതിയിലൂടെ വന്‍കിടക്കാര്‍ക്ക് വലിയ തുക കിഴിവ് നല്‍കുകയും ചെറുകിട ഗാര്‍ഹിക ഉപഭോക്താക്കളുടെ വാട്ടര്‍ കണക്ഷന്‍ വിച്ഛേദിക്കുകയും ചെയ്യുന്ന നടപടിയുണ്ടായിട്ടുണ്ടോ;

(സി) വന്‍തുക കുടിശ്ശിക വരുത്തിയതിനു ശേഷം പണമടക്കാതെ ലൈന്‍ വിച്ഛേദിക്കുകയും പിന്നീട് പുതിയ കണക്ഷന്‍ എടുക്കുകയും ചെയ്യുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി) എങ്കില്‍ ഇത് തടയാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ ?

ജപ്പാന്‍ കുടിവെളള പദ്ധതി

ശ്രീ. വി. എസ്. സുനില്‍ കുമാര്‍

,, വി. ശശി

,, ചിറ്റയം ഗോപകുമാര്‍

,, കെ. അജിത്

(എ) സംസ്ഥാനത്ത് എതെല്ലാം നഗരങ്ങളിലാണ് ജപ്പാന്‍ കുടിവെളള പദ്ധതി നടപ്പാക്കിവരുന്നത് ;

(ബി) ഈ പദ്ധതിയുടെ സാങ്കേതികവശങ്ങളില്‍ വാട്ടര്‍ അതോറിറ്റി ജീവനക്കാര്‍ക്ക് പരിശീലനം നല്‍കുന്നുണ്ടോ;

(സി) പദ്ധതിയുടെ ഭാഗമായുളള ശുചീകരണ സംവിധാനങ്ങള്‍ പ്രവര്‍ത്തിപ്പിക്കുന്നതിന്റെ ചുമതല ആര്‍ക്കാണ്;

(ഡി) ഈ പദ്ധതി തുടങ്ങി എത്ര കാലത്തിനുളളില്‍ പരിശീലനം  നല്‍കണമെന്നാണ് കരാറില്‍ വ്യവസ്ഥ ചെയ്തിട്ടുളളത്; കരാര്‍ പ്രകാരമുളള പരിശീലന പരിപാടികള്‍ ആരംഭിക്കുന്നതിനുളള നടപടികള്‍ സ്വീകരിക്കുമോ?

മീനാട് ശുദ്ധജല വിതരണ പദ്ധതി

ശ്രീ. ജി.എസ്. ജയലാല്‍

(എ) ജെ.ബി.ഐ.സി. പദ്ധതിയുടെ ഭാഗമായ മീനാട് ശുദ്ധജലവിതരണ പദ്ധതി പ്രകാരം എത്ര കുടുംബങ്ങള്‍ക്ക് കുടിവെളളം ലഭ്യമാക്കുവാനാണ് പദ്ധതി ആവിഷ്ക്കരിച്ചിട്ടുളളത്;

(ബി) അപേക്ഷ ക്ഷണിച്ചതനുസരിച്ച് എത്ര കുടുംബങ്ങള്‍ അപേക്ഷ സമര്‍പ്പിച്ചിരുന്നു; അപേക്ഷിച്ച ഗുണഭോക്താക്കളില്‍ എത്രപേര്‍ കണക്ഷന്‍ ലഭിക്കുന്നതിലേക്കായി തുക അടച്ചിട്ടുണ്ട്;

(സി) വീണ്ടും അപേക്ഷ ക്ഷണിക്കുവാന്‍ ഉദ്ദേശിക്കുന്നുണ്ടോ; എങ്കില്‍ ആയതിന്റെ വിശദാംശം അറിയിക്കുമോ;

(ഡി) അപേക്ഷ നല്‍കി തുക അടച്ച എത്ര കുടുംബങ്ങള്‍ക്ക് കണക്ഷന്‍ നല്‍കിയിട്ടുണ്ട്; ശേഷിക്കുന്നവര്‍ക്ക് എന്ന് കണക്ഷന്‍ നല്‍കുവാന്‍ കഴിയുമെന്ന് അറിയിക്കുമോ?

മീനാട് ശുദ്ധജലവിതരണ പദ്ധതിയുടെ ഡിസ്ട്രിബ്യൂഷന്‍ ലൈന്‍

ശ്രീ. ജി.എസ്. ജയലാല്‍

(എ) ജെ.ബി.ഐ.സി. പദ്ധതിയുടെ ഭാഗമായി നടപ്പിലാക്കുന്ന മീനാട് ശുദ്ധജലവിതരണ പദ്ധതിയുടെ ഡിസ്ട്രിബ്യൂഷന്‍ ലൈന്‍ സ്ഥാപിക്കുന്നതുമായി ബന്ധപ്പെട്ട പ്രവര്‍ത്തനം ഇപ്പോഴും തുടരുന്നുണ്ടോ; ഇല്ലായെങ്കില്‍ കാരണം വ്യക്തമാക്കുമോ;

(ബി) ചാത്തന്നൂര്‍ നിയോജകമണ്ഡലത്തില്‍ പ്രസ്തുത ലൈന്‍ ഇനി എത്രദൂരം സ്ഥാപിക്കുവാനുണ്ടെന്നും, ആയത് ഏതൊക്കെ പഞ്ചായത്തുകളിലാണെന്നും അറിയിക്കുമോ;

(സി) വിവിധ പഞ്ചായത്തുകളുടെ മിക്കവാറും എല്ലാ പ്രദേശങ്ങളിലും ഡിസ്ട്രിബ്യൂഷന്‍ ലൈന്‍ സ്ഥാപിക്കുവാനുളള പണി അവശേഷിക്കുന്ന വിവരം അറിയുമോ; എങ്കില്‍ ഏതെങ്കിലും ഗ്രാമപഞ്ചായത്തോ, പ്രദേശത്തോ, പൂര്‍ണ്ണമായും ലൈന്‍ സ്ഥാപിക്കുവാന്‍ ശ്രദ്ധിക്കുമോ;

(ഡി) പ്രസ്തുത ലൈനിന്റെ പണി എന്ന് പൂര്‍ത്തീകരിക്കുവാന്‍ കഴിയുമെന്ന് അറിയിക്കുമോ; അതിലേക്കായി എന്തൊക്കെ നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ അറിയിക്കാമോ?

ജപ്പാന്‍ കുടിവെള്ള പദ്ധതിയുടെ പ്രവര്‍ത്തന പുരോഗതി

ശ്രീ.എ. പ്രദീപ് കുമാര്‍

,, എ.എം. ആരിഫ്

,, കോലിയക്കോട് എന്‍. കൃഷ്ണന്‍ നായര്‍

(എ) ജപ്പാന്‍ കുടിവെള്ള പദ്ധതിയുടെ പ്രവര്‍ത്തന പുരോഗതി സര്‍ക്കാര്‍ വിലയിരുത്തിയിട്ടുണ്ടോ; വിശദാംശം വ്യക്തമാക്കുമോ;

(ബി) റെയില്‍വേക്രോസിംഗ് അനുമതി കിട്ടുന്നതുമായി ബന്ധപ്പെട്ട് ഉണ്ടായിരുന്ന തടസ്സങ്ങളും കാലതാമസവും പരിഹരിക്കുന്നതിന് സര്‍ക്കാര്‍തല നടപടികള്‍ സ്വീകരിച്ചിട്ടുണ്ടോ; വിശദാംശം നല്‍കുമോ;

(സി) കോഴിക്കോട്, തിരുവനന്തപുരം, ചേര്‍ത്തല പദ്ധതികളുടെ സര്‍വ്വീസ് റിസര്‍വോയറുകള്‍ നിര്‍മ്മിക്കുന്നതില്‍ ഉണ്ടായ കാലതാമസം പരിഹരിച്ച് പദ്ധതി പൂര്‍ത്തീകരിക്കുന്നതിനുള്ള പ്രവര്‍ത്തന പുരോഗതി സര്‍ക്കാര്‍ വിലയിരുത്തിയിട്ടുണ്ടോ; വിശദമാക്കുമോ ;

ജപ്പാന്‍ കുടിവെളള പദ്ധതി സ്വകാര്യവല്‍ക്കരിക്കാന്‍ നീക്കം

ശ്രീ. കെ.കെ. നാരായണന്‍

(എ) ജപ്പാന്‍ കുടിവെളളപദ്ധതി സ്വകാര്യവല്‍ക്കരിക്കാന്‍ ജല അതോറിറ്റി നീക്കം നടത്തുന്നുണ്ടോ;

(ബി) എങ്കില്‍ ഇതിന്റെ വിശദാംശം വെളിപ്പെടുത്തുമോ?

ജപ്പാന്‍ കുടിവെള്ള പദ്ധതി

ശ്രീ. കെ. കെ. നാരായണന്‍

(എ) ജപ്പാന്‍ കുടിവെള്ള പദ്ധതിയുടെ ഭാഗമായി ജീവനക്കാര്‍ക്ക് പരിശീലനം നല്‍കാത്തത് ശ്രദ്ധയില്‍പ്പെട്ടിട്ടുണ്ടോ ;

(ബി) എങ്കില്‍ ഇതിന്റെ വിശദാംശം വെളിപ്പെടുത്തുമോ ?

ജപ്പാന്‍ കുടിവെള്ള പദ്ധതിയുടെ നടത്തിപ്പ്

ശ്രീമതി കെ. എസ്. സലീഖ

(എ) ജപ്പാന്‍ കുടിവെള്ള പദ്ധതിയുടെ നടത്തിപ്പ് സ്വകാര്യവത്ക്കരിക്കാന്‍ എന്തെങ്കിലും നടപടി ഈ സര്‍ക്കാര്‍ സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കുമോ;

(ബി) ഈ പദ്ധതിയുടെ ഭാഗമായുള്ള പരിശീലനം ജലവിഭവ വകുപ്പിലെ ജീവനക്കാര്‍ക്ക് നല്‍കിയിട്ടുണ്ടോ;

(സി) പരിശീലനം നല്‍കിയിട്ടില്ലെങ്കില്‍ ആധുനിക സാങ്കേതിക വിദ്യയിലധിഷ്ഠിതമായ സംവിധാനം പ്രവര്‍ത്തിപ്പിക്കുന്നതിന് ജീവനക്കാര്‍ക്ക് സമയബന്ധിതമായി പരിശീലനം നല്‍കുമോ ?

ജലസംഭരണികളില്‍ നിന്നുളള പമ്പിംഗ്

ശ്രീ. സി. കെ. സദാശിവന്‍

(എ) എ.ഡി.ബി. സഹായത്തോടെ കുടിവെളള പദ്ധതി നടപ്പാക്കുന്ന ഗ്രാമീണ മേഖലകളിലെ ജല അതോറിറ്റിയുടെ ജലസംഭരണികളില്‍ നിന്നും പമ്പിംഗ് നിര്‍ത്തലാക്കുവാന്‍ നീക്കങ്ങള്‍ നടക്കുന്നുണ്ടെന്ന ആരോപണം ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ അപ്രകാരം ചെയ്യുന്നതിനുളള കാരണങ്ങള്‍ എന്തെല്ലാമാണെന്ന് വിശദമാക്കാമോ?

കുടിവെള്ളം ശുദ്ധീകരിക്കുന്നതിനുള്ള സംവിധാനങ്ങള്‍

ശ്രീ. പി. തിലോത്തമന്‍

(എ) കുടിവെള്ള സ്രോതസ്സുകള്‍ സംരക്ഷിക്കുവാനും ജനങ്ങള്‍ ശുദ്ധമായ ജലം കുടിക്കുന്നു എന്നുറപ്പുവരുത്തുവാനുമുള്ള സംവിധാനങ്ങള്‍ എന്തെല്ലാമാണെന്നും ഇവ ശരിയായ രീതിയില്‍ പ്രവര്‍ത്തിക്കുന്നുണ്ടോ എന്നും വ്യക്തമാക്കുമോ; കേരളത്തില്‍ ജനങ്ങള്‍ ഉപയോഗിക്കുന്ന കുടിവെള്ളം ഏറ്റവും മോശമാണെന്നു കണ്ടെത്തിയിട്ടുള്ള മേഖല ഏതെല്ലാമാണ്;

(ബി) കുടിവെള്ളം ശുദ്ധീകരിക്കുന്നതിന് സര്‍ക്കാര്‍ നിലവില്‍ പ്രയോഗിക്കുന്ന സംവിധാനങ്ങള്‍ എന്തെല്ലാമാണെന്ന് വ്യക്തമാക്കുമോ; ഇപ്രകാരമുള്ള ജല ശുദ്ധീകരണ പ്രക്രിയകള്‍ക്ക് ഉപയോഗിക്കുന്ന രാസവസ്തുക്കള്‍ ഏതെങ്കിലും വിധത്തിലുള്ള ആരോഗ്യ പ്രശ്നങ്ങള്‍ ജനങ്ങളില്‍ ഉണ്ടാക്കുന്നുണ്ടോ എന്നകാര്യം പരിശോധിക്കാറുണ്ടോ; ഈ പ്രശ്നം എപ്രകാരമാണ് പരിഹരിക്കുന്നത് എന്ന് വ്യക്തമാക്കുമോ?

ഒറ്റപ്പാലം നിയോജക മണ്ഡലത്തിലെ കുടിവെള്ള ക്ഷാമം

ശ്രീ. എം. ഹംസ

(എ) ഒറ്റപ്പാലം നിയോജക മണ്ഡലത്തിലെ വിവിധ പഞ്ചായത്തുകളില്‍ അനുഭവപ്പെടുന്ന കുടിവെള്ള ക്ഷാമം പരിഹരിക്കുന്നതിനായി എന്തെല്ലാം നടപടികള്‍ സ്വീകരിച്ചു;

(ബി) ഒറ്റപ്പാലം മണ്ഡലത്തിലെ ഏതെല്ലാം ഗ്രാമപഞ്ചായത്തുകളിലെ കുടിവെള്ള വിതരണ പദ്ധതികള്‍ സംബന്ധിച്ചാണ് സര്‍വ്വേ നടത്തുന്നത്; വിശദാംശം ലഭ്യമാക്കുമോ;

(സി) ഒറ്റപ്പാലം മണ്ഡലത്തിലെ വിവിധ കുടിവെള്ള പദ്ധതികള്‍ സംബന്ധിച്ച വിശദാംശം ലഭ്യമാക്കാമോ;

(ഡി) നിലവിലെ കുടിവെള്ള വിതരണ പദ്ധതികളിലെ പോരായ്മകള്‍ പരിഹരിക്കുന്നതിനായി എന്തെല്ലാം പ്രോജക്ടുകള്‍ ആണ് പരിഗണനയിലുള്ളതെന്ന് വിശദീകരിക്കുമോ ?

ഷൊര്‍ണ്ണൂര്‍ മണ്ഡലത്തിലെ കുടിവെള്ള പദ്ധതികള്‍

ശ്രീമതി കെ.എസ്.സലീഖ

(എ) ഷൊര്‍ണ്ണൂര്‍ മണ്ഡലത്തിലെ ഏതെല്ലാം പഞ്ചായത്തുകളില്‍ കുടിവെള്ള പദ്ധതികള്‍ പൂര്‍ത്തിയാകാനുണ്ട് എന്ന് വ്യക്തമാക്കാമോ;

(ബി) ഈ പദ്ധതി എപ്പോള്‍ പൂര്‍ത്തീകരിക്കാന്‍ സാധിക്കും എന്ന് വിശദീകരിക്കുമോ?

കറുകുറ്റി-മൂക്കന്നൂര്‍ കുടിവെള്ള പദ്ധതി

ശ്രീ. ജോസ് തെറ്റയില്‍

(എ) അങ്കമാലി നിയോജകമണ്ഡലത്തിലെ കറുകുറ്റി മൂക്കന്നൂര്‍ കുടിവെള്ള പദ്ധതി പൂര്‍ത്തിയാക്കുന്നതിലെ കാലതാമസം വിശദമാക്കുമോ ;

(ബി) ഈ പദ്ധതിയില്‍ ഇനി എന്തെല്ലാം പ്രവൃത്തി കളാണ് പൂര്‍ത്തിയാക്കുവാനുള്ളത്;

(സി) ഈ പദ്ധതി എന്നത്തേക്ക് കമ്മീഷന്‍ ചെയ്യാന്‍ സാധിക്കുമെന്ന് വെളിപ്പെടുത്താമോ ?

എസ്. എല്‍. എസ്.സി. പദ്ധതി

ശ്രീ. വി. എം. ഉമ്മര്‍ മാസ്റര്‍

(എ) 2010 വര്‍ഷത്തില്‍ കോഴിക്കോട് ജില്ലയില്‍ വാട്ടര്‍ അതോറിറ്റി എസ്.എല്‍.എസ്.സി പദ്ധതിയില്‍ ഏതെല്ലാം പ്രവര്‍ത്തികളാണ് ഏറ്റെടുത്തിട്ടുള്ളത് ;

(ബി) കിഴക്കേടത്ത്, മടവൂര്‍ ഗ്രാമപഞ്ചായത്തുകള്‍ ഉള്‍ക്കൊള്ളുന്ന പദ്ധതിക്കായി എത്ര രൂപയുടെ എസ്റിമേറ്റാണ് തയ്യാറാക്കിയിട്ടുള്ളത് ;

(സി) ഈ പദ്ധതിക്ക് ഭരണാനുമതി ലഭിച്ചിട്ടുണ്ടോ; പ്രവര്‍ത്തി തുടങ്ങാന്‍ കാലതാമസം നേരിടുന്നുത് ശ്രദ്ധയില്‍പ്പെട്ടിട്ടുണ്ടോ ; എങ്കില്‍ എത്രകാലം കൊണ്ട് പദ്ധതി ആരംഭിക്കാന്‍ കഴിയും എന്ന് വ്യക്തമാക്കാമോ ?

തിരുവമ്പാടി നിയോജക മണ്ഡലത്തിലെ ജലവിതരണം

ശ്രീ. സി. മോയിന്‍കുട്ടി

(എ) തിരുവമ്പാടി കക്കടവ് പമ്പ് ഹൌസിലെ മോട്ടോര്‍ ശക്തി വര്‍ദ്ധിപ്പിക്കണമെന്ന ആവശ്യത്തിന്‍മേല്‍ സ്വീകരിച്ച നടപടികള്‍ വ്യക്തമാക്കാമോ;

(ബി) കക്കടവ് പമ്പ് ഹൌസില്‍ രാത്രികാല പമ്പിംഗിന് ഓപ്പറേറ്ററെ നിയമിക്കാന്‍ അനുമതി നല്‍കുമോ;

(സി) വെസ്റ് മാമ്പറ്റയിലെ നിലവിലുള്ള കുഴല്‍കിണറില്‍ ജല ദൌര്‍ലഭ്യം ഉള്ളതിനാല്‍ കുഴല്‍ കിണറിന്റെ ആഴം വര്‍ദ്ധിപ്പിക്കുന്നതിന് അനുമതി നല്‍കുമോ;

(ഡി) മേല്‍ കാര്യങ്ങളില്‍ ആവശ്യമായ നടപടി സ്വീകരിക്കുവാന്‍ ബന്ധപ്പെട്ട ഉ്യാഗസ്ഥര്‍ക്ക് നിര്‍ദേശം നല്‍കുമോ?

ജലനിധി പദ്ധതി

ശ്രീമതി കെ.കെ. ലതിക

ജലനിധി പദ്ധതി നടത്തിപ്പിനുള്ള എന്‍.ജി.ഒ. കളെ തെരഞ്ഞെടുക്കുന്നതിന്റെ മാനദണ്ഡങ്ങള്‍ വ്യക്തമാക്കുമോ ?

ചിറയിന്‍കീഴ് നിയോജക മണ്ഡലത്തിലെ കുടിവെള്ളക്ഷാമം

ശ്രീ. വി. ശശി

(എ) ചിറയിന്‍കീഴ് നിയോജക മണ്ഡലത്തിലെ കടയ്ക്കാവൂര്‍, അഞ്ചുതെങ്ങ്, ചിറയിന്‍കീഴ്, കിഴുവിലം, അഴൂര്‍, മുദാക്കല്‍, മംഗലപുരം, കഠിനംകുളം എന്നീ പഞ്ചായത്തുകളിലേക്ക് കുടിവെള്ളമെത്തിക്കുന്നതിന് ഏര്‍പ്പെടുത്തിയിട്ടുള്ള സംവിധാനം എന്താണെന്ന് വ്യക്തമാക്കാമോ ;

(ബി) നിലവിലുള്ള സംവിധാനം അപര്യാപ്തമായതിനാല്‍, ഈ എട്ട് പഞ്ചായത്തുകളിലും കടുത്ത ജലക്ഷാമം നിലനില്‍ക്കുന്നതായി ശ്രദ്ധയില്‍പ്പെട്ടിട്ടുണ്ടോ ;

(സി) എങ്കില്‍, ഇത് പരിഹരിക്കുന്നതിനായി ഏതെല്ലാം ജലസംഭരണവിതരണ പദ്ധതികളാണ് ഏറ്റെടുത്തിട്ടുള്ളതെന്നും അത് ഏതെല്ലാം പഞ്ചായത്തുകളിലെ ജലക്ഷാമം പരിഹരിക്കുന്നതിനുതകുമെന്നും, അവ എന്നുമുതല്‍ പ്രവര്‍ത്തന സജ്ജമാകുമെന്നും വ്യക്തമാക്കാമോ ?

കാവാലം ഗ്രാമപഞ്ചായത്തിലെ കുടിവെള്ളക്ഷാമം

ശ്രീ. തോമസ് ചാണ്ടി

(എ) കാവാലം ഗ്രാമപഞ്ചായത്തില്‍ രൂക്ഷമായ കുടിവെള്ളക്ഷാമം അനുഭവപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) പൊതു ടാപ്പുകളിലും സ്വകാര്യ ടാപ്പുകളിലും കുടിവെള്ളം ലഭ്യമാകുന്നില്ല എന്ന പരാതികളിന്‍മേല്‍ സ്വീകരിച്ച നടപടി സംബന്ധിച്ച് വിശദാംശങ്ങള്‍ ലഭ്യമാക്കുമോ;

(സി) വെള്ളം ലഭിക്കാത്ത സ്വകാര്യ ടാപ്പുകള്‍ക്കും വെള്ളക്കരം ഈടാക്കുന്നു എന്ന പരാതികള്‍ ശ്രദ്ധയില്‍പ്പെട്ടിട്ടുണ്ടോ;

(ഡി) എങ്കില്‍ പ്രസ്തുത പരാതികള്‍ പരിഹരിക്കുന്നതിന് അടിയന്തിര നടപടി സ്വീകരിക്കുമോ?

താനൂര്‍ നിയോജകമണ്ഡലത്തിലെ പഞ്ചായത്തുകളിലെ കുടിവെള്ള പദ്ധതികള്‍

ശ്രീ. അബ്ദുറഹിമാന്‍ രണ്ടത്താണി

(എ) താനൂര്‍ നിയോജക മണ്ഡലത്തിലെ പഞ്ചായത്തുകളില്‍ കേരള വാട്ടര്‍ അതോറിറ്റി മുഖേന ഇപ്പോള്‍ പ്രവര്‍ത്തിച്ചുവരുന്നതും കെ.ഡബ്ള്യു.എ. യുടെ പരിഗണനയില്‍ ഉള്ളതുമായ കുടിവെള്ള പദ്ധതികള്‍ ഏതെല്ലാമെന്ന് വ്യക്തമാക്കുമോ;

(ബി) പദ്ധതികളുടെ പഞ്ചായത്ത് തിരിച്ചുള്ള വിശദാംശങ്ങളും അവ ഓരോന്നിന്റേയും പ്രവൃത്തികള്‍ ഇപ്പോള്‍ ഏതു ഘട്ടത്തിലാണെന്നും വ്യക്തമാക്കുമോ;

(സി) രൂക്ഷമായ കുടിവെള്ളക്ഷാമമനുഭവപ്പെടുന്ന മണ്ഡലത്തിലെ പഞ്ചായത്തുകളില്‍ ശുദ്ധജലമെത്തിക്കുന്നതിന് ഏതെങ്കിലും പദ്ധതി ആസൂത്രണം ചെയ്തിട്ടുണ്ടോ;

(ഡി) എങ്കില്‍ പദ്ധതിയുടെ വിശദാംശങ്ങള്‍ നല്‍കുമോ; അവ നടപ്പാക്കുന്നതിന് അടിയന്തിര നടപടി സ്വീകരിക്കുമോ ?

ചേര്‍ത്തല ജപ്പാന്‍ കുടിവെള്ള പദ്ധതി

ശ്രീ. എ. എം. ആരിഫ്

(എ) ചേര്‍ത്തല ജപ്പാന്‍ കുടിവെള്ള പദ്ധതിയുമായി ബന്ധപ്പെട്ട് മറവന്‍ തുരുത്ത്, വെള്ളൂര്‍ തുടങ്ങിയ പഞ്ചായത്തുകളിലായി ഉയര്‍ന്നുവന്ന വിവിധ പ്രശ്നങ്ങള്‍ പരിഹരിക്കുന്നതിനായി ആകെ എത്ര മീറ്റിംഗുകള്‍ ചേര്‍ന്നിട്ടുണ്ട്;

(ബി) ഏതെല്ലാം ജനപ്രതിനിധികള്‍ ഏതെല്ലാം ദിവസങ്ങളില്‍ ചേര്‍ന്ന മീറ്റീംഗുകളില്‍ ഹാജരായിട്ടുണ്ട്; യോഗങ്ങളുടെ മിനിറ്റ്സിന്റെ പകര്‍പ്പ് ലഭ്യമാക്കുമോ?

വൈക്കം നിയോജക മണ്ഡലത്തിലെ കുടിവെള്ള പദ്ധതികള്‍

ശ്രീ. കെ. അജിത്

(എ) വൈക്കം നിയോജക മണ്ഡലത്തില്‍ മൂവാറ്റുപുഴയാറുമായി ബന്ധപ്പെട്ട് നടപ്പിലാക്കുന്ന തലയാഴം കുടിവെള്ള പദ്ധതി, വെള്ളൂര്‍-വെളിയന്നൂര്‍ എന്നീ കുടിവെള്ള പദ്ധതികളുടെ നിലവിലെ സ്ഥിതിയെന്തെന്നും ഈ പദ്ധതിയിലൂടെ ഏതൊക്കെ പഞ്ചായത്തുകളിലെ ജനങ്ങളാണ് ഗുണഭോക്താക്കളായി വരുന്നത് എന്നും വ്യക്തമാക്കാമോ;

(ബി) പ്രസ്തുത പദ്ധതിക്കായി ഏതൊക്കെ പഞ്ചായത്തുകളില്‍ കുടിവെള്ള പൈപ്പുകള്‍ സ്ഥാപിച്ചിട്ടുണ്ട് എന്നും ഏതൊക്കെ ഇടങ്ങളില്‍ ഇനി സ്ഥാപിക്കാനുണ്ട് എന്നും പൈപ്പുകള്‍ സ്ഥാപിക്കുന്ന നടപടികള്‍ ഏതൊക്കെ പഞ്ചായത്തുകളില്‍ പുരോഗമിക്കുന്നു എന്നും പുതുതായി പൈപ്പുകള്‍ സ്ഥാപിക്കുന്ന പ്രവൃത്തി എന്ന് ആരംഭിക്കുമെന്നും വ്യക്തമാക്കാമോ;

(സി) പ്രസ്തുത പദ്ധതികളുടെ ഏതെങ്കിലും ഘട്ടം നടപ്പിലാക്കുന്നതിന് ഭരണാനുമതി ലഭിക്കാനുണ്ടോ എന്നും എങ്കില്‍ ഭരണാനുമതി ലഭിക്കുന്നതിനുള്ള തടസ്സം എന്താണെന്നും തടസ്സങ്ങള്‍ നീക്കി ഭരണാനുമതി ലഭ്യമാക്കാനുള്ള നടപടികള്‍ സ്വീകരിക്കുമോ എന്നും വ്യക്തമാക്കാമോ ?

ആറ്റിങ്ങല്‍ മണ്ഡലത്തിലെ കുടിവെള്ള പദ്ധതികള്‍

ശ്രീ. ബി. സത്യന്‍

(എ) ആറ്റിങ്ങല്‍ മണഡലത്തിലെ കാനാറ കുടിവെള്ള പദ്ധതിയുടേയും (പഴയകുന്നുമെല്‍ പഞ്ചായത്ത്), ദേവേശ്വരം കുടിവെള്ള പദ്ധതി (കിളിമാനൂര്‍ പഞ്ചായത്ത്) യുടേയും നിലവിലെ അവസ്ഥ എന്താണെന്ന് അറിയിക്കുമോ;

(ബി) പ്രസ്തുത പദ്ധതികള്‍ക്ക് എന്നാണ് അനുമതി നല്‍കിയത്;

(സി) പദ്ധതികളുടെ അടങ്കല്‍ തുക എത്രവീതമാണ്;

(ഡി) ഓരോ പദ്ധതിയും എത്ര കുടുംബങ്ങള്‍ക്കുവീതം കുടിവെള്ളം ലഭ്യമാക്കും;

(ഇ) പദ്ധതികളുടെ കരാര്‍ ഏറ്റെടുത്തിരിക്കുന്നത് ആരാണ്;

(എഫ്) പദ്ധതികളുടെ മേല്‍നോട്ടം വഹിക്കുന്നത് കെ.ഡബ്ള്യൂ.എ. ആണോ; അല്ലെങ്കില്‍ ഏത് ഏജന്‍സിയാണെന്ന് വ്യക്തമാക്കുമോ;

(ജി) പദ്ധതികളുടെ ഫണ്ട് എവിടെനിന്നാണ് ലഭിക്കുന്നത്; എന്ന് പണി പൂര്‍ത്തിയാക്കുമെന്ന് വിശദമാക്കാമോ ?

തിരുവമ്പാടി പഞ്ചായത്തിലെ കുടിവെള്ള ക്ഷാമം

ശ്രീ. സി. മോയിന്‍കുട്ടി

(എ) തിരുവമ്പാടി നിയോജകമണ്ഡലത്തിലെ പൂമരത്തുംകൊല്ലി, മുത്തപ്പന്‍പുഴ, ആനക്കാംപൊയില്‍ പ്രദേശങ്ങളിലെ കുടിവെള്ളക്ഷാമം പരിഹരിക്കാന്‍ ലക്ഷ്യമിട്ട് നല്‍കിയ പദ്ധതിയുടെ എസ്റിമേറ്റിന്റെ നിലവിലെ അവസ്ഥ എന്താണെന്നറിയിക്കുമോ;

(ബി) കുടിവെള്ളക്ഷാമം രൂക്ഷമാണെന്നത് കണക്കിലെടുത്ത് പദ്ധതിക്ക് അനുമതി നല്‍കാന്‍ നടപടി സ്വീകരിക്കുമോ?

ചീക്കോട് കുടിവെള്ള പദ്ധതി

ശ്രീ.കെ. മുഹമ്മദുണ്ണി ഹാജി

(എ) ചീക്കോട് കുടിവെള്ള പദ്ധതിയുടെ ടെണ്ടര്‍ നടപടി ക്രമങ്ങള്‍ ഇപ്പോള്‍ ഏതു ഘട്ടത്തിലാണ്;

(ബി) പ്രസ്തുത പദ്ധതിക്കായി എത്ര പുതിയ ടെണ്ടറുകളാണ് ക്ഷണിച്ചിരിക്കുന്നത്;

(സി) ഇതിനകം ടെണ്ടര്‍ നടപടികള്‍ പൂര്‍ത്തിയാക്കി പണി ആരംഭിച്ച ശുദ്ധീകരണ ശാലയുടെത് ഉള്‍പ്പെടെ പ്രവൃത്തികള്‍ ഇപ്പോള്‍ ഏത് ഘട്ടത്തിലാണ് എന്ന് അറിയിക്കാമോ;

(ഡി) ചീക്കോട് കുടിവെള്ള പദ്ധതി എന്ന് ടെണ്ടര്‍ ചെയ്യാന്‍ കഴിയും; വിശദാംശങ്ങള്‍ ലഭ്യമാക്കുമോ?

വടശ്ശേരിക്കര-റാന്നി-പഴവങ്ങാടി മേജര്‍ കുടിവെളള പദ്ധതി

ശ്രീ. രാജുഎബ്രഹാം

(എ) വടശ്ശേരിക്കര-റാന്നി-പഴവങ്ങാടി മേജര്‍ കുടിവെളള പദ്ധതിയുടെ 2-ാം ഘട്ടത്തിന് എത്ര കോടി രൂപയുടെ പദ്ധതികളാണ് എസ്.എല്‍.ഇ.സി. അംഗീകാരം നല്‍കിയിട്ടുളളത്; എന്നാണ് എസ്.എല്‍.ഇ.സി. യുടെ പദ്ധതിക്ക് അംഗീകാരം നല്‍കിയത് എന്നറിയിക്കുമോ;

(ബി) ഇതിന്റെ ഭരണാനുമതിയും സാങ്കേതികാനുമതിയും നല്‍കി നിര്‍മ്മാണ പ്രവൃത്തികള്‍ ടെന്‍ഡര്‍ ചെയ്യുന്നതിന് സ്വീകരിച്ച നടപടികള്‍ എന്തൊക്കെ എന്ന് വിശദമാക്കാമോ?

ഒറ്റപ്പാലം യു.ഡി.ഐ.സി.എസ്.എസ്.എം.ടി പ്രോജക്ട്

ശ്രീ. എം. ഹംസ

(എ) ഒറ്റപ്പാലം നഗരവാസികള്‍ക്കായുളള യു.ഡി.ഐ.സി.എസ്.എസ്.എം.ടി പ്രോജക്ടിന്റെ കാലിക സ്ഥിതി വിശദമാക്കാമോ;

(ബി) പ്രസ്തുത പ്രോജക്ടിനായി എത്ര കോടി രൂപയാണ് വകയിരുത്തിയിരിക്കുന്നത്;

(സി) പ്രോജക്ടിനായി ടെണ്ടര്‍ നടപടികള്‍ പൂര്‍ത്തിയാക്കിയോ; ഇല്ലെങ്കില്‍ എന്തുകൊണ്ടെന്ന് വിശദീകരണം നല്‍കാമോ;

(ഡി) പ്രോജക്ട് എന്ന് കമ്മീഷന്‍ ചെയ്യാന്‍ കഴിയും;

(ഇ) 2011 ഡിസംബര്‍ മാസത്തോടുകൂടി പദ്ധതി കമ്മീഷന്‍ ചെയ്യാന്‍ എന്തെല്ലാം ആക്ഷന്‍ പ്ളാനാണ് ആവിഷ്കരിച്ചതെന്ന് വിശദീകരിയ്ക്കാമോ?

ചെങ്ങന്നൂര്‍ നിയോജകമണ്ഡലത്തിലെ ശുദ്ധജലവിതരണ പദ്ധതികള്‍

ശ്രീ. പി. സി. വിഷ്ണുനാഥ്

(എ) ചെങ്ങന്നൂര്‍ നിയോജകമണ്ഡലത്തിലെ മാന്നാര്‍, കുരട്ടിശേരി, ചെന്നിത്തല, തൃപ്പെരുംതുറ എന്നീ പ്രദേശങ്ങളിലെ ശുദ്ധജലക്ഷാമം പരിഹരിക്കുന്നതിലേക്ക് ശുപാര്‍ശ ചെയ്തിട്ടുളള പദ്ധതിക്ക് ടെണ്ടര്‍ ക്ഷണിച്ച് കരാര്‍ നിജപ്പെടുത്തിയിട്ടും നാളിതുവരെ പ്രാരംഭ പ്രവൃത്തികള്‍ പോലും ആരംഭിച്ചിട്ടില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി) കാലതാമസത്തിനുളള കാരണം വ്യക്തമാക്കുമോ;

(സി) ഈ പ്രോജക്ടിന്റെ പ്ളാനിന്റെയും എസ്റിമേറ്റിന്റെയും സ്കെച്ചിന്റെയും പകര്‍പ്പ് ലഭ്യമാക്കുമോ;

(ഡി) ഈ പ്രവൃത്തി കാലവിളംബം കൂടാതെ അടിയന്തിരമായി ആരംഭിക്കുവാന്‍ നടപടികള്‍ സ്വീകരിക്കുമോ;

(ഇ) ചെറിയനാട് പഞ്ചായത്തിലെ കുടിവെളള പദ്ധതികളുടെ നിര്‍മ്മാണ പുരോഗതി വ്യക്തമാക്കുമോ;

(എഫ്) പ്രസ്തുത പദ്ധതികളുടെ സ്കെച്ച്, പ്ളാന്‍, എസ്റിമേറ്റ് എന്നിവയുടെ പകര്‍പ്പ് ലഭ്യമാക്കുമോ;

(ജി) പ്രവൃത്തികളുടെ നിര്‍മ്മാണത്തിലുണ്ടാകുന്ന കാലതാമസത്തിനുളള കാരണം എന്താണെന്ന് വിശദമാക്കുമോ;

(എച്ച്) പദ്ധതി എന്ന് കമ്മീഷന്‍ ചെയ്യാനാകുമെന്ന് അറിയിക്കുമോ?

മാവേലിക്കര മണ്ഡലത്തിലെ കുടിവെള്ളക്ഷാമം

ശ്രീ. ആര്‍. രാജേഷ്

(എ) മാവേലിക്കര മണ്ഡലത്തിലെ കുടിവെള്ളക്ഷാമം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് ആവശ്യമായ നടപടികള്‍ സ്വീകരിക്കുമോ;

(ബി) മാവേലിക്കര മണ്ഡലത്തിലെ കുടിവെള്ള പദ്ധതികള്‍ ഏതെല്ലാമാണ്; പൂര്‍ത്തീകരിക്കപ്പെടാതെ കിടക്കുന്ന പദ്ധതികള്‍ ഉണ്ടോ; എങ്കില്‍ ഏത്; എന്ന് പൂര്‍ത്തീകരിക്കുവാന്‍ സാധിക്കുമെന്ന് അറിയിക്കുമോ;

(സി) മാവേലിക്കര നഗരസഭയ്ക്കായി മുന്‍ സര്‍ക്കാര്‍ അനുവദിച്ച കുടിവെള്ള ശുദ്ധീകരണ പ്ളാന്റിന്റ പൂനരുദ്ധാരണ പദ്ധതി നടപ്പിലാക്കുന്നതിന് എന്തെങ്കിലും തടസ്സങ്ങള്‍ നിലവില്‍ ഉണ്ടോ; ഉണ്ടെങ്കില്‍ എന്ത് തടസ്സമാണുള്ളതെന്നും അത് പരിഹരിക്കുന്നതിന് ആവശ്യമായ നടപടികള്‍ സ്വീകരിക്കുമോ എന്നും വ്യക്തമാക്കുമോ ?

പ്ളാച്ചിമട നിവാസികള്‍ക്ക് കുടിവെള്ളം

ശ്രീ. മുല്ലക്കര രത്നാകരന്‍

,, ഇ.കെ. വിജയന്‍

ശ്രീമതി ഗീതാ ഗോപി

ശ്രീ. ജി.എസ്. ജയലാല്‍

(എ) പ്ളാച്ചിമടയിലുള്ള കുടിവെള്ളം മലിനപ്പെട്ടതായി ജയകുമാര്‍ സമിതി കണ്ടെത്തിയിട്ടുണ്ടോ ;

(ബി) പ്ളാച്ചിമടയിലും സമീപ പ്രദേശങ്ങളിലും കുടിവെള്ളമെത്തിക്കാന്‍ ഉദ്ദേശിക്കുന്നുണ്ടോ ; എങ്കില്‍ അതിനുള്ള നടപടികള്‍ ഏതുവരെയായിട്ടുണ്ടെന്ന് വ്യക്തമാക്കുമോ ?

ചന്തിരൂര്‍ പുത്തന്‍തോട് മാലിന്യ വിമുക്തമാക്കാന്‍ നടപടി

ശ്രീ. എ. എം. ആരിഫ്

(എ) വ്യവസായ എസ്റേറ്റില്‍ നിന്നും മത്സ്യസംസ്കരണ ശാലകളില്‍ നിന്നും ചന്തിരൂര്‍ മാര്‍ക്കറ്റില്‍ നിന്നും പുറന്തള്ളുന്ന മാലിന്യങ്ങള്‍ അടിഞ്ഞ് അരൂര്‍ മണ്ഡലത്തിലെ ചന്തിരൂര്‍ പുത്തന്‍തോട് മാലിന്യ കൂമ്പാരമായി ദുര്‍ഗന്ധം വമിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി) 2007 ല്‍ മേജര്‍ ഇറിഗേഷന്‍ വകുപ്പ് മുഖേന ചന്തിരൂര്‍ പുത്തന്‍തോട് 50 ലക്ഷം രൂപ മുടക്കി മാലിന്യ വിമുക്തമാക്കിയെങ്കിലും വീണ്ടും മലീമസമായിരിക്കുന്ന സാഹചര്യം കണക്കിലെടുത്ത് മാലിന്യം നീക്കം ചെയ്ത് ആഴം കൂട്ടാനാവശ്യമായ നടപടികള്‍ സ്വീകരിക്കുമോ ?

കുടിവെള്ള സ്രോതസ്സുകളിലെ മാലിന്യങ്ങള്‍

ശ്രീ.മുല്ലക്കര രത്നാകരന്‍

(എ) സംസ്ഥാനത്ത് ജനങ്ങള്‍ ഉപയോഗിച്ചുവരുന്ന കിണര്‍വെള്ളം, കുളങ്ങളിലെ വെള്ളം എന്നിവയില്‍ മാലിന്യത്തിന്റെ തോത് വര്‍ദ്ധിച്ചുവരുന്നതായി ശ്രദ്ധയില്‍പ്പെട്ടിട്ടുണ്ടേണ്ടാ;

(ബി) കുടിവെള്ള സ്രോതസ്സുകള്‍ മലിനപ്പെടുന്നത് സംബന്ധിച്ച് എന്തെങ്കിലും ശാസ്ത്രീയമായ പഠനങ്ങള്‍ നടത്തിയിട്ടുണ്ടോ;

(സി) എങ്കില്‍ വിശദാംശം വെളിപ്പെടുത്തുമോ;

(ഡി) ഇല്ലെങ്കില്‍ അടിയന്തിരമായി ഇക്കാര്യം സംബന്ധിച്ച് പഠിക്കുന്നതിന് വിദഗ്ദ്ധ കമ്മിറ്റിയെ നിയോഗിക്കുമോ?

കായലുകളിലെ മലിനീകരണം

ശ്രീ. സി.പി. മുഹമ്മദ്

,, തേറമ്പില്‍ രാമകൃഷ്ണന്‍

,, ഡൊമിനിക് പ്രസന്റേഷന്‍

,, കെ. ശിവദാസന്‍ നായര്‍

(എ) കേരളത്തിലെ കായലുകളില്‍ മലിനീകരണം നടക്കുന്നു  എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ ഇതു തടയുന്നതിന് എന്തെല്ലാം നടപടികള്‍ സ്വീകരിച്ചുവെന്ന് വെളിപ്പെടുത്തുമോ;

(സി) കായലുകളിലെ മലിനീകരണം തടയുവാന്‍ നടപടി സ്വീകരിക്കുമോ?

കൊറ്റി-കോട്ടപ്പുറം ഇന്‍ലാന്‍ഡ് നാവിഗേഷന്‍ റൂട്ടിലെ യാത്രാസൌകര്യം

ശ്രീ.കെ. കുഞ്ഞിരാമന്‍ (തൃക്കരിപ്പുര്‍)

കൊറ്റി-കോട്ടപ്പുറം ഇന്‍ലാന്‍ഡ് നാവിഗേഷന്‍ റൂട്ടില്‍ യാത്രാസൌകര്യം ശക്തിപ്പെടുത്തുന്നതിന് എന്തെല്ലാം നടപടികളാണ് സ്വീകരിച്ചതെന്ന്വ്യക്തമാക്കാമോ;

കോവളം - കാസര്‍ഗോഡ് ദേശീയ ജലപാത

ശ്രീ. എ.കെ. ശശീന്ദ്രന്‍

'' തോമസ് ചാണ്ടി

(എ) പുതിയ ഒരു ദേശീയ പാത നിര്‍മ്മിക്കുന്നതിനേക്കാള്‍ ദേശീയ ജലപാത സംസ്ഥാനത്തിന് പ്രയോജനപ്പെടുന്നകാര്യം ശ്രദ്ധയില്‍പ്പെട്ടിട്ടുണ്ടേണ്ടാ;

(ബി) വിഴിഞ്ഞം വാല്ലാര്‍പാടം പദ്ധതികള്‍ യഥാര്‍ ത്ഥ്യമാകുന്നതോടെ ചരക്ക്, വാഹന ഗതാഗതം സുഗമമാക്കുന്നതിന് ഇത് അത്യന്താപേക്ഷിതമായി തീരുമെന്ന് ശ്രദ്ധയില്‍പ്പെട്ടിട്ടുണ്ടേണ്ടാ;

(സി) എങ്കില്‍ ഇക്കാര്യം മുന്നില്‍ കണ്ടുകൊണ്ട് പദ്ധതികള്‍ ആവിഷ്കരിക്കാന്‍ സര്‍ക്കാര്‍ തയ്യാറാകുമോ?