Questions

തൊഴിലാളികള്‍ക്കുള്ള സമഗ്ര ക്ഷേമ പദ്ധതി

ശ്രീ. സി. പി. മുഹമ്മദ്

,, റ്റി. എന്‍. പ്രതാപന്‍

,, വി. പി. സജീന്ദ്രന്‍

,, എ. പി. അബ്ദുള്ളക്കുട്ടി

(എ)തൊഴിലാളി പ്രസ്ഥാനങ്ങളുടെ ഐക്യവും അര്‍പ്പണബോധവും വര്‍ദ്ധിപ്പിക്കാന്‍ എന്തെല്ലാം നടപടികളാണ് കൈക്കൊള്ളാനുദ്ദേശിക്കുന്നത്;

(ബി)ഇതിനായി തൊഴിലാളികള്‍ക്കും അവരുടെ കുടുംബാംഗങ്ങള്‍ക്കും വേണ്ടി സമഗ്രമായ പദ്ധതികള്‍ ആവിഷ്ക്കരിച്ച് നടപ്പാക്കുന്ന കാര്യം ആലോചിക്കുമോ;

(സി)ഇക്കാര്യത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് വ്യക്തമാക്കുമോ?

തൊഴിലാളി-തൊഴിലുടമബന്ധം ശക്തിപ്പെടുത്തുന്നതിന് നടപടി

ശ്രീ.കെ. മുരളീധരന്‍

,, ഷാഫി പറമ്പില്‍

,, തേറമ്പില്‍ രാമകൃഷ്ണന്‍

,, ജോസഫ് വാഴക്കന്‍

(എ)സംസ്ഥാനത്തെ തൊഴിലാളി-തൊഴിലുടമ ബന്ധം ശക്തിപ്പെടുത്താന്‍ എന്തെല്ലാം കാര്യങ്ങളാണ് ചെയ്യാനുദ്ദേശിക്കുന്നത്;വ്യക്തമാക്കുമോ;

(ബി)ഈ സര്‍ക്കാര്‍ അധികാരമേറ്റ ശേഷം തൊഴിലാളി-തൊഴിലുടമ ബന്ധം സ്ഥാപിച്ചെടുക്കാന്‍ കഴിഞ്ഞിട്ടുണ്ടോ;

(സി)ഇതു സംബന്ധിച്ചുള്ള വിശദാംശങ്ങള്‍ വെളിപ്പെടുത്തുമോ?

വ്യവസായ ബന്ധ സമിതികളുടെ ഘടന

ശ്രീ. സി. മോയിന്‍ കുട്ടി

,, കെ. എം. ഷാജി

,, കെ. മുഹമ്മദുണ്ണി ഹാജി

(എ)വ്യവസായ ബന്ധ സമിതികളുടെ ഘടന എന്താണെന്ന് വ്യക്തമാക്കുമോ;

(ബി)ഏറ്റവും ഒടുവില്‍ ഈ സമിതികള്‍ പുനഃസംഘടിപ്പിച്ചത് എന്നാണ് എന്ന് വിശദമാക്കുമോ;

(സി)ഏതൊക്കെ മേഖലകളിലെ തൊഴിലാളികള്‍ക്കുവേണ്ടിയാണ് ഈ സമിതികള്‍ പ്രവര്‍ത്തിക്കുന്നതെന്ന് വ്യക്തമാക്കുമോ?

അന്യസംസ്ഥാനത്തൊഴിലാളികളും അയല്‍രാജ്യത്തൊഴിലാളികളും

ശ്രീ. ഇ. പി. ജയരാജന്‍

,, വി. ശിവന്‍കുട്ടി

,, കോലിയക്കോട് എന്‍. കൃഷ്ണന്‍ നായര്‍

,, എസ്. ശര്‍മ്മ

(എ)അന്യസംസ്ഥാനങ്ങളില്‍ നിന്നും അയല്‍ രാജ്യങ്ങളില്‍ നിന്നുമുള്ള തൊഴിലാളികളുടെ വരവ് സംസ്ഥാനത്ത് വര്‍ദ്ധിച്ചുവരുന്നതായി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)ഇത്തരത്തില്‍ സംസ്ഥാനത്ത് പ്രവര്‍ത്തിച്ചുവരുന്ന തൊഴിലാളികളെ സംബന്ധിച്ച വ്യക്തിപരമായ വിവരങ്ങള്‍ യഥാസമയം ശേഖരിക്കപ്പെടുന്നുണ്ടോ;

(സി)ഏറ്റവും ഒടുവിലായി ശേഖരിക്കപ്പെട്ട വിവരങ്ങളുടെ അടിസ്ഥാനത്തിലുള്ള വിശദാംശങ്ങള്‍ വെളിപ്പെടുത്തുമോ;

(ഡി)മതിയായ രേഖകള്‍ ഇല്ലാതെ അയല്‍ രാജ്യങ്ങളില്‍ നിന്നുള്ളവര്‍ സംസ്ഥാനത്ത് ജോലി ചെയ്തിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന് എന്ത് നടപടി സ്വീകരിക്കുകയുണ്ടായി?

അന്യസംസ്ഥാന തൊഴിലാളികള്‍ക്ക് പാര്‍പ്പിടസൌകര്യം

ശ്രീ. ഡൊമിനിക് പ്രസന്റേഷന്‍

,, ജോസഫ് വാഴക്കന്‍

,, എ.റ്റി. ജോര്‍ജ്

,, കെ. ശിവദാസന്‍ നായര്‍

(എ)അന്യസംസ്ഥാന തൊഴിലാളികളുടെ പാര്‍പ്പിടസൌകര്യം നിരീക്ഷിക്കുന്നതിന് എന്തെല്ലാം സംവിധാനമാണ് നിലവിലുള്ളതെന്ന് വ്യക്തമാക്കുമോ;

(ബി)ഇതിനായി ആര്‍.ഡി.ഒ.മാരുടെ നേതൃത്വത്തില്‍ പ്രത്യേക സ്ക്വാഡ് രൂപീകരിച്ചിട്ടുണ്ടോ;

(സി)എന്തെല്ലാം കാര്യങ്ങളാണ് നിരീക്ഷണത്തിനായി ഉള്‍പ്പെടുത്തിയിട്ടുള്ളതെന്ന് വിശദമാക്കുമോ;

(ഡി)തൊഴിലാളികള്‍ക്ക് പ്രാഥമിക സൌകര്യങ്ങള്‍ ഉറപ്പാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

അന്യസംസ്ഥാന തൊഴിലാളികളുടെ നിയമവിരുദ്ധ പ്രവര്‍ത്തനങ്ങള്‍

ശ്രീ. എ.എ. അസീസ്

(എ)സംസ്ഥാനത്ത് നിലവില്‍ വന്ന അന്യസംസ്ഥാന കുടിയേറ്റ തൊഴിലാളി ക്ഷേമനിധി ബോര്‍ഡില്‍ നാളിതുവരെ എത്ര തൊഴിലാളികള്‍ രജിസ്റര്‍ ചെയ്തു എന്ന് ജില്ല തിരിച്ച് വ്യക്തമാക്കുമോ;

(ബി)അന്യസംസ്ഥാന തൊഴിലാളികള്‍ ക്രിമിനല്‍ കുറ്റകൃത്യങ്ങളില്‍ ഏര്‍പ്പെടുന്നത് തടയുന്നതിനായി എന്തൊക്കെ നടപടികളാണ് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

നാദാപുരം മണ്ഡലത്തിലെ അന്യസംസ്ഥാന തൊഴിലാളികള്‍

ശ്രീ. ഇ. കെ. വിജയന്‍

നാദാപുരം മണ്ഡലത്തില്‍ എത്ര അന്യസംസ്ഥാന തൊഴിലാളികളുണ്ടെന്ന് പോലീസ് സ്റേഷന്‍ തിരിച്ചുള്ള കണക്ക് ലഭ്യമാക്കുമോ?

അന്യസംസ്ഥാന തൊഴിലാളി ക്ഷേമനിധിയില്‍ അംഗത്വം

ശ്രീ. സി.കെ.നാണു

,, മാത്യൂ റ്റി. തോമസ്

,, ജോസ് തെറ്റയില്‍

(എ)കേരളത്തില്‍ ജോലി ചെയ്യുന്ന അന്യ സംസ്ഥാന തൊഴിലാളികളില്‍ എത്ര പേര്‍ അന്യ സംസ്ഥാന തൊഴിലാളി ക്ഷേമനിധിയില്‍ അംഗങ്ങളായിട്ടുണ്ട്;

(ബി)അന്യസംസ്ഥാന തൊഴിലാളി ക്ഷേമനിധിയില്‍ അംഗങ്ങളാകാത്തവരെ ക്ഷേമനിധിയില്‍ ചേര്‍ക്കുവാന്‍ എന്തൊക്കെ നടപടികള്‍ സ്വീകരിക്കുമെന്ന് വിശദമാക്കുമോ?

അന്യസംസ്ഥാനതൊഴിലാളികള്‍ക്ക് ക്ഷേമനിധി അംഗത്വം

ശ്രീ. സി. ദിവാകരന്‍

ഏതെല്ലാം ക്ഷേമനിധിയില്‍ എത്ര അന്യസംസ്ഥാനതൊഴിലാളികളാണ് ഇതുവരെ അംഗത്വം എടുത്തിട്ടുള്ളത് എന്ന് വ്യക്തമാക്കാമോ?

അന്യസംസ്ഥാന തൊഴിലാളികള്‍

ശ്രീ. മുല്ലക്കര രത്നാകരന്‍

(എ)സംസ്ഥാനത്ത് പണിയെടുക്കുന്ന അന്യസംസ്ഥാന തൊഴിലാളികളുടെ കണക്കെടുക്കുന്നതിന് സര്‍ക്കാരിന് സംവിധാനം ഉണ്ടോയെന്നു വിശദമാക്കുമോ;

(ബി)ഏറ്റവുമധികം അന്യസംസ്ഥാന തൊഴിലാളികള്‍ ഏതു സംസ്ഥാനത്തു നിന്നും എത്തിയവരാണെന്ന് വ്യക്തമാക്കുമോ?

തൊഴില്‍ വകുപ്പില്‍ പുതിയ തസ്തികകള്‍

ശ്രീ. റ്റി. എ. അഹമ്മദ് കബീര്‍

(എ)തൊഴില്‍ വകുപ്പില്‍ പുതിയ തസ്തികകള്‍ സൃഷ്ടിക്കുന്ന കാര്യം പരിഗണനയിലുണ്ടോ ;

(ബി)എങ്കില്‍ ഏതെല്ലാം പുതിയ തസ്തികകളാണ് സൃഷ്ടിക്കുന്നതെന്ന കാര്യം വ്യക്തമാക്കാമോ ?

ബാലവേല നിര്‍മ്മാര്‍ജ്ജനത്തിനുള്ള നടപടികള്‍

ശ്രീ. പി.ബി. അബ്ദുള്‍ റസാക്

,, പി.കെ. ബഷീര്‍

,, അബ്ദുറഹിമാന്‍ രണ്ടത്താണി

,, എം. ഉമ്മര്‍

(എ)ബാലവേല നിര്‍മ്മാര്‍ജ്ജന പരിപാടിയുടെ പ്രവര്‍ത്തനം വിലയിരുത്തിയിട്ടുണ്ടോയെന്ന് വ്യക്തമാക്കുമോ;

(ബി)ബാലവേലയിലേക്ക് കുട്ടികളെ നയിക്കുന്ന ഘടകങ്ങളെക്കുറിച്ച് തൊഴില്‍ വകുപ്പ് പഠനമെന്തെങ്കിലും നടത്തിയിട്ടുണ്ടോ; എങ്കില്‍ വിശദമാക്കുമോ;

(സി)കുടുംബസാഹചര്യങ്ങള്‍മൂലം ബാലവേലയ്ക്ക് നിര്‍ബന്ധിതരാകുന്ന കുട്ടികളുടെ കുടുംബത്തിലെ അത്തരം പ്രശ്നങ്ങള്‍ക്ക് പരിഹാരം കാണുന്ന കാര്യത്തില്‍ തൊഴില്‍ വകുപ്പ് എന്തെങ്കിലും നടപടി സ്വീകരിക്കാറുണ്ടോയെന്ന് വ്യക്തമാക്കുമോ;

(ഡി)ലാഭക്കൊതിയുള്ള ഏജന്റുമാര്‍ കുട്ടികളെ ബാലവേലയ്ക്ക് നിര്‍ബന്ധിതരാക്കുന്ന സാഹചര്യം ഒഴിവാക്കാന്‍ എന്തൊക്കെ നടപടികളാണ് സ്വീകരിച്ചുവരുന്നത് എന്ന് വ്യക്തമാക്കുമോ?

വിശ്വകര്‍മ്മ വിഭാഗത്തിനുള്ള ക്ഷേമപദ്ധതികള്‍

ശ്രീ. എ. കെ. ശശീന്ദ്രന്‍

(എ)പരമ്പരാഗത തൊഴില്‍ സമുദായ പ്രഖ്യാപനത്തിന്റെ അടിസ്ഥാനത്തില്‍ വിശ്വകര്‍മ്മജര്‍ക്ക് എന്തെല്ലാം ക്ഷേമപദ്ധതികളാണ് നടപ്പിലാക്കിയതെന്ന് വ്യക്തമാക്കുമോ ;

(ബി)ദേശസാല്‍കൃത ബാങ്കുകളില്‍ അപ്രൈസര്‍ തസ്തികയില്‍ സ്വര്‍ണ്ണത്തൊഴിലാളികള്‍ക്ക് നിയമനം നല്‍കാനാവശ്യമായ നിര്‍ദ്ദേശം നല്‍കുമോ ?

കൊരട്ടി ഇ.എസ്.ഐ. ആശുപത്രിക്ക് കെട്ടിടം

ശ്രീ. ബി. ഡി. ദേവസ്സി

സ്വന്തമായി സ്ഥലമുള്ള കൊരട്ടി ഇ. എസ്. ഐ. ആശുപത്രിയ്ക്കായി കെട്ടിടം നിര്‍മ്മിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വ്യക്തമാക്കുമോ?

തിരുവനന്തപുരം ജില്ലയില്‍ വ്യവസായ സംരംഭകത്വ പരിശീലന കേന്ദ്രങ്ങള്‍ തുടങ്ങാന്‍ നടപടി

ശ്രീ. ബി. സത്യന്‍

(എ)തിരുവനന്തപുരം ജില്ലയില്‍ വ്യവസായ സംരംഭകത്വ പരിശീലന കേന്ദ്രങ്ങള്‍ എത്രയെണ്ണമുണ്ടെന്നും എവിടെയെല്ലാമാണെന്നും വ്യക്തമാക്കാമോ ;

(ബി)വ്യവസായ സംരംഭകത്വ പരിശീലന കേന്ദ്രങ്ങള്‍ കാര്യക്ഷമമായി പ്രവര്‍ത്തിക്കാത്തത് ചെറുകിട വ്യവസായ യൂണിറ്റുകളെയും തൊഴിലാളികളെയും ബുദ്ധിമുട്ടിലാക്കുന്നത് ശ്രദ്ധയില്‍പ്പെട്ടിട്ടുണ്ടോ ?

ക്ഷേമനിധി ബോര്‍ഡുകളിലെ പെന്‍ഷനുകള്‍ കുടിശ്ശിക

ശ്രീ. എളമരം കരീം

,, പി.കെ. ഗുരുദാസന്‍

,, എം.ഹംസ

,, കെ.വി.അബ്ദുള്‍ ഖാദര്‍

(എ)തൊഴില്‍ വകുപ്പിന് കീഴിലുള്ള ക്ഷേമനിധി ബോര്‍ഡുകളുടെ പ്രവര്‍ത്തനം സര്‍ക്കാര്‍ വിലയിരുത്തിയിട്ടുണ്ടോ; എങ്കില്‍ വിശദാംശം വെളിപ്പെടുത്തുമോ;

(ബി)നിലവില്‍ ക്ഷേമനിധി ബോര്‍ഡുകളുടെ ഏതെല്ലാം ക്ഷേമ പെന്‍ഷനുകള്‍ കുടിശ്ശികയായിട്ടുണ്ട്; എത്ര മാസം വീതം; വിശദാംശം ലഭ്യമാക്കുമോ;

(സി)ദേശസാല്‍കൃത ബാങ്കുകളിലല്ലാതെ നിക്ഷേപം നടത്തിയിരിക്കുന്ന ഓരോ ക്ഷേമനിധി ബോര്‍ഡിന്റെയും നിക്ഷേപതുകയും, സ്ഥാപനത്തിന്റെ പേരും വിശദമാക്കുമോ?

ക്ഷേമപെന്‍ഷന്‍ കുടിശ്ശിക

ശ്രീ. സി. കൃഷ്ണന്‍

ക്ഷേമപെന്‍ഷനുകള്‍ വിതരണം ചെയ്യുന്നതില്‍ ഇപ്പോള്‍ എത്ര മാസം കുടിശ്ശിക ഉണ്ടായിട്ടുണ്ടെന്ന് ക്ഷേമനിധി തിരിച്ച് വ്യക്തമാക്കാമോ ?

ചുമട്ടുതൊഴിലാളി ക്ഷേമനിധി ബോര്‍ഡ് മുഖേന ലഭ്യമാകുന്ന ആനുകൂല്യങ്ങള്‍

ശ്രീ. വി. ശിവന്‍കുട്ടി

(എ)സംസ്ഥാന ചുമട്ടുതൊഴിലാളി ക്ഷേമനിധി ബോര്‍ഡ് മുഖേന ചുമട്ടുതൊഴിലാളികള്‍ക്ക് ലഭ്യമാകുന്ന ആനുകൂല്യങ്ങള്‍ എന്തൊക്കെയാണെന്ന് വ്യക്തമാക്കുമോ;

(ബി)ഈ സര്‍ക്കാര്‍ അധികാരമേറ്റതിനു ശേഷം പ്രസ്തുത തൊഴിലാളികള്‍ക്ക് പുതുതായി ഏതെങ്കിലും ആനുകൂല്യങ്ങള്‍ നടപ്പിലാക്കാന്‍ തീരുമാനിച്ചിട്ടുണ്ടോയെന്ന് വ്യക്തമാക്കുമോ;

(സി)എങ്കില്‍ ആയതിന്റെ വിശദാംശങ്ങള്‍ ലഭ്യമാക്കുമോ?

കുട്ടനാട്ടിലെ അസംഘടിത തൊഴിലാളികള്‍ക്കുള്ള പെന്‍ഷന്‍ കുടിശ്ശിക

ശ്രീ. തോമസ് ചാണ്ടി

(എ)അസംഘടിത തൊഴിലാളികള്‍ക്കുള്ള പെന്‍ഷന്‍ ലഭിക്കുന്ന എത്രപേര്‍ കുട്ടനാട് നിയോജകമണ്ഡലത്തിലുണ്ടെന്ന് പഞ്ചായത്തുകള്‍ തിരിച്ചുള്ള ലിസ്റ് ലഭ്യമാക്കുമോ;

(ബി)പ്രസ്തുത തൊഴിലാളികളുടെ എത്ര മാസത്തെ പെന്‍ഷന്‍ കുടിശ്ശികയായുണ്ടെന്ന് വ്യക്തമാക്കുമോ;

(സി)കുടിശ്ശിക നല്‍കുന്നതിന് എന്ത് നടപടികള്‍ സ്വീകരിച്ചുവെന്ന് വിശദമാക്കുമോ?

നാഷണല്‍ എംപ്ളോയ്മെന്റ് സര്‍വ്വീസ് വകുപ്പിലെ നിയമനം

ശ്രീ. എം. എ. വാഹീദ്

(എ)നാഷണല്‍ എംപ്ളോയ്മെന്റ് സര്‍വ്വീസ് വകുപ്പില്‍ ജൂനിയര്‍ എംപ്ളോയ്മെന്റ് ഓഫീസര്‍, ഹെഡ് ക്ളാര്‍ക്ക് എന്നീ തസ്തികകളില്‍ എത്ര ഒഴിവുകള്‍ ഉണ്ട്;

(ബി)പ്രസ്തുത ഒഴിവുകളില്‍ നിയമനം നടത്തുവാന്‍ എന്തെല്ലാം നടപടികള്‍ സ്വീകരിച്ചു എന്നതു സംബന്ധിച്ച വിശദവിവരം ലഭ്യമാക്കാമോ;

(സി)ജോലി ക്രമീകരണ വ്യവസ്ഥയില്‍ ജൂനിയര്‍ എംപ്ളോയ്മെന്റ് ഓഫീസര്‍മാരെ സ്ഥലംമാറ്റി നിയമിക്കുന്നത് ഏത് ഉത്തരവിന്റെ അടിസ്ഥാനത്തിലാണെന്നും എത്ര പേരെ ഈ ഉത്തരവ് പ്രകാരം നിയമിച്ചുവെന്നും വ്യക്തമാക്കുമോ ?

പ്രൊഫഷണല്‍ എംപ്ളോയ്മെന്റ് എക്സ്ചേഞ്ചില്‍ രജിസ്റര്‍ ചെയ്തവരുടെ കണക്ക്

ശ്രീ.അബ്ദുറഹിമാന്‍ രണ്ടത്താണി

(എ)പ്രൊഫഷണല്‍ എംപ്ളോയ്മെന്റ് എക്സ്ചേഞ്ചില്‍ രജിസ്റര്‍ ചെയ്തിട്ടുളള എത്ര തൊഴില്‍ രഹിതര്‍ സംസ്ഥാനത്തുണ്ടെന്ന് വ്യക്തമാക്കാമോ; ജില്ല തിരിച്ചുളള കണക്ക് ലഭ്യമാക്കുമോ ;

(ബി)ഇവരില്‍ എത്ര പേര്‍ക്ക് ഈ സാമ്പത്തിക വര്‍ഷം നിയമനം നല്‍കിയിട്ടുണ്ടെന്ന് വ്യക്തമാക്കാമോ;

(സി)ഈ സാമ്പത്തിക വര്‍ഷം പുതിയതായി എത്ര പേര്‍ രജിസ്റര്‍ ചെയ്തിട്ടുണ്ട്?

എംപ്ളോയ്മെന്റ് എക്സ്ചേഞ്ചുകളെ നൈപുണ്യ തൊഴില്‍ക്ഷമതാ വികസന കേന്ദ്രങ്ങളാക്കി മാറ്റാന്‍ നടപടി

ശ്രീ. എം. ഹംസ

(എ)സംസ്ഥാനത്തെ എംപ്ളോയ്മെന്റ് എക്സ്ചേഞ്ചുകളെ നൈപുണ്യ തൊഴില്‍ക്ഷമതാ വികസന കേന്ദ്രങ്ങളാക്കി മാറ്റുന്നതിനായി എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ ;

(ബി)2011-12 കാലഘട്ടത്തില്‍ സംസ്ഥാനത്തെ വിവിധ എംപ്ളോയ്മെന്റ് എക്സ്ചേഞ്ചുകള്‍ വഴി എത്ര പേര്‍ക്ക് തൊഴില്‍ നല്‍കിയെന്ന് ജില്ലാടിസ്ഥാനത്തിലുള്ള വിവരം നല്‍കുമോ ;

(സി)സംസ്ഥാനത്തെ വിവിധ എംപ്ളോയ്മെന്റ് എക്സ്ചേഞ്ചുകളില്‍ പേരുകള്‍ രജിസ്റര്‍ ചെയ്യുകയും തൊഴിലിനായി കാത്തിരിക്കുകയും ചെയ്യുന്നവരുടെ വിശദാംശം ജില്ലാടിസ്ഥാനത്തില്‍ ലഭ്യമാക്കാമോ ;

(ഡി)നിലവില്‍ ഏതെല്ലാം വകുപ്പുകളിലെ, ഏതെല്ലാം തസ്തികളില്‍ ആണ് എംപ്ളോയ്മെന്റ് എക്സ്ചേഞ്ച് വഴി നിയമനം നടത്തുന്നതെന്ന് വ്യക്തമാക്കാമോ ;

(ഇ)താല്‍ക്കാലിക ഒഴിവുകള്‍ ഉണ്ടായിട്ടും എംപ്ളോയ്മെന്റ് എക്സ്ചേഞ്ച് മുഖേന നിയമനം നടത്താത്ത സംഭവങ്ങള്‍ ശ്രദ്ധയില്‍പ്പെട്ടിട്ടുണ്ടോ ; എങ്കില്‍ അവ ആവര്‍ത്തിക്കാതിതിക്കാന്‍ നടപടികള്‍ സ്വീകരിക്കുമോ ?

നാഷണല്‍ എംപ്ളോയ്മെന്റ് സര്‍വ്വീസ് വകുപ്പിലെ പ്രൊമോഷന്‍

ശ്രീ. എം. എ. വാഹീദ്

(എ)നാഷണല്‍ എംപ്ളോയ്മെന്റ് സര്‍വ്വീസ് വകുപ്പില്‍ ജോയിന്റ് ഡയറക്ടര്‍, ഡെപ്യൂട്ടി ഡയറക്ടര്‍, ഡിവിഷണല്‍ എംപ്ളോയ്മെന്റ് ഓഫീസര്‍ എന്നീ തസ്തികകളില്‍ എത്ര ഒഴിവുകള്‍ നിലവിലുണ്ട് എന്ന് വ്യക്തമാക്കുമോ ;

(ബി)പ്രസ്തുത ഒഴിവുകളില്‍ പ്രൊമോഷന്‍ നടത്തുവാന്‍ എന്തെല്ലാം നടപടികള്‍ സ്വീകരിച്ചുവെന്നും ഈ ഒഴിവുകള്‍ യഥാസമയം നികത്തുവാന്‍ നടപടി സ്വികരിക്കുമോയെന്നും വിശദമാക്കുമോ ?

മുക്കം ടൌണ്‍ എംപ്ളോയ്മെന്റ് എക്സ്ചേഞ്ച്

ശ്രീ. സി മോയിന്‍കുട്ടി

(എ)കോഴിക്കോട് ജില്ലാ എംപ്ളോയ്മെന്റ് എക്സ്ചേഞ്ച് വിഭജിച്ച് ടൌണ്‍ എംപ്ളോയ്മെന്റ് എക്സ്ചേഞ്ചുകള്‍ രൂപീകരിക്കാനുള്ള പ്രൊപ്പോസല്‍ ഇപ്പോള്‍ ഏത് ഘട്ടത്തിലാണെന്ന് പറയാമോ;

(ബി)മുക്കം ആസ്ഥാനമായി ഒരു ടൌണ്‍ എംപ്ളോയ്മെന്റ് എക്സ്ചേഞ്ച് രൂപീകരിക്കുന്ന കാര്യം പ്രൊപ്പോസലില്‍ ഉള്‍പ്പെട്ടിട്ടുണ്ടോ;

(സി)മലയോരപ്രദേശത്തെ ഉദ്യോഗാര്‍ത്ഥികള്‍ക്ക് ഏറെ സൌകര്യ പ്രദമാകും എന്നത് കണക്കിലെടുത്ത് മുക്കം ആസ്ഥാനമായി ടൌണ്‍ എംപ്ളോയ്മെന്റ് എക്സ്ചേഞ്ച് അനുവദിക്കാന്‍ നടപടി സ്വീകരിക്കുമോ?

കെയിന്‍, ബാംബൂ മേഖലയിലെ തൊഴിലാളികളുടെ സംരക്ഷണം

ശ്രീ. വി. ശശി

(എ)പരമ്പരാഗത വ്യവസായങ്ങളായ കെയിന്‍, ബാംബു മേഖലയില്‍ എത്ര തൊഴിലാളികള്‍ ഓരോ ജില്ലയിലും പ്രവൃത്തിയെടുക്കുന്നുണ്ട്;

(ബി)കയര്‍, കൈത്തറി, കശുവണ്ടി മേഖലകള്‍ക്ക് നല്‍കുന്ന പ്രാധാന്യം കെയിന്‍, ബാംബു മേഖലയിലെ തൊഴിലാളികളുടെ സംരക്ഷണത്തിനും അനുവദിക്കുന്നതിനുള്ള നടപടി സ്വീകരിക്കുമോ;

(സി)ഇവര്‍ക്ക് അസംസ്കൃത സാധനങ്ങള്‍ മിതമായ വിലയ്ക്ക് ലഭ്യമാക്കുന്നതിനും അവരുടെ ഉല്‍പന്നങ്ങള്‍ക്ക് മെച്ചപ്പെട്ട വില ലഭ്യമാക്കാനും ഉല്‍പന്നങ്ങള്‍ വൈവിധ്യവല്‍ക്കരിക്കുന്നതിനുമായി സ്വീകരിച്ചുവരുന്ന നടപടികള്‍ എന്തൊക്കെയാണെന്ന് വെളിപ്പെടുത്തുമോ?

അറ്റാച്ച്ഡ് വിഭാഗം തൊഴിലാളികള്‍ക്ക് പെന്‍ഷന്‍

ശ്രീ. പി. തിലോത്തമന്‍

(എ)ചേര്‍ത്തല ചുമട്ടുതൊഴിലാളി ക്ഷേമബോര്‍ഡ് ആലപ്പുഴ ജില്ലാ കമ്മിറ്റിയുടെ കീഴില്‍ എത്ര അറ്റാച്ച്ഡ് വിഭാഗം തൊഴിലാളികള്‍ ഉണ്ട്; ഈ വിഭാഗം തൊഴിലാളികള്‍ക്ക് പെന്‍ഷന്‍ ലഭിക്കുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇവര്‍ക്ക് പെന്‍ഷന്‍ നല്‍കാന്‍ നടപടി സ്വീകരിക്കുമോ;

(ബി)ചേര്‍ത്തല കടക്കരപ്പള്ളി പഞ്ചായത്തിലെ 1003-ാം നമ്പര്‍ സഹകരണ ബാങ്കിലെ ചുമട്ടുതൊഴിലാളിയും അറ്റാച്ച്ഡ് വിഭാഗത്തില്‍പ്പെട്ടയാളുമായ ശ്രീ. സി.എം. കുട്ടപ്പന്‍ പിരിഞ്ഞുപോയപ്പോള്‍ ക്ഷേമനിധി ഇനത്തില്‍ തൊഴിലാളി അടച്ച തൊഴിലാളിവിഹിതം മാത്രമേ ലഭിച്ചിരുന്നുള്ളൂ എന്ന പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ അദ്ദേഹത്തിന് അര്‍ഹമായിട്ടുള്ള ക്ഷേമനിധിയുടെ ബാക്കിതുക ലഭിക്കുവാന്‍ നടപടി സ്വീകരിക്കുമോ;

(സി)ശ്രീ. സി.എം. കുട്ടപ്പന് പെന്‍ഷന്‍ നല്‍കാന്‍ നടപടി സ്വീകരിക്കുമോ?

സ്വകാര്യ തൊഴില്‍ പരിശീലന സ്ഥാപനങ്ങള്‍

ശ്രീ. കെ. ശിവദാസന്‍ നായര്‍

,, പി. എ. മാധവന്‍

,, വര്‍ക്കല കഹാര്‍

,, ഡൊമിനിക് പ്രസന്റേഷന്‍

(എ)തൊഴിലധിഷ്ഠിത കോഴ്സുകള്‍ നടത്തുന്ന സ്വകാര്യ സ്ഥാപനങ്ങളെ നിയന്ത്രിക്കുന്നതിനെക്കുറിച്ച് ആലോചിച്ചിട്ടുണ്ടോ;

(ബി)ഇതിനായി പ്രത്യേക നിയമനിര്‍മ്മാണം നടത്തുന്ന കാര്യം പരിഗണിക്കുമോ;

(സി)ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് വിശദമാക്കുമോ ?

ഐ.റ്റി.ഐ കോഴ്സുകളുടെ പരീക്ഷ

ശ്രീ. എം. ഉമ്മര്‍

(എ)തൊഴില്‍ വകുപ്പിനു കീഴിലുള്ള ഐ.റ്റി.ഐ കോഴ്സുകളുടെ പരീക്ഷ നടത്തുന്നതുമൂലം സര്‍ക്കാര്‍ ഹൈസ്ക്കൂളുകളിലെ പഠനം തടസ്സപ്പെടുന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)ഇതു സംബന്ധമായി മുന്‍ വര്‍ഷങ്ങളില്‍ ലഭിച്ച പരാതികള്‍ക്ക് പരിഹാരം കാണുന്നതിന് നടപടികള്‍ സ്വീകരിച്ചിട്ടുണ്ടോ;

(സി)ഇത്തരം പരീക്ഷകള്‍കൂടി മധ്യവേനല്‍ അവധിക്കാലത്ത് നടത്തുന്ന കാര്യം പരിഗണിക്കുമോ?

ഐ.ടി.ഐ.കളില്‍ തൊഴില്‍ പരിശീലനം

ശ്രീ. കെ. ശിവദാസന്‍ നായര്‍

,, പി. സി. വിഷ്ണുനാഥ്

,, ലൂഡി ലൂയിസ്

,, പാലോട് രവി

(എ)ഐ.റ്റി.ഐ.കളിലെ അടിസ്ഥാന സൌകര്യങ്ങള്‍ പ്രയോജനപ്പെടുത്തി തൊഴില്‍ പരിശീലനം നല്‍കുന്ന പദ്ധതിക്ക് രൂപം നല്‍കിയിട്ടുണ്ടോ; വിശദമാക്കുമോ;

(ബി)ഇതിനായി സ്വകാര്യ സംരംഭകരുടെ രജിസ്ട്രേഷന്‍ ആരംഭിച്ചിട്ടുണ്ടോ; വിശദാംശങ്ങള്‍ വെളിപ്പെടുത്തുമോ;

(സി)പ്രസ്തുത പദ്ധതിയില്‍ എത്ര സംരംഭകര്‍ രജിസ്റര്‍ ചെയ്യുമെന്നാണ് പ്രതീക്ഷിക്കുന്നത് എന്ന് വ്യക്തമാക്കുമോ ?

ആറ്റിങ്ങല്‍ ഗവ. ഐ.ടി.ഐ.-ല്‍ പുതിയ കോഴ്സുകള്‍

ശ്രീ. ബി. സത്യന്‍

(എ)ആറ്റിങ്ങല്‍ ഗവ. ഐ.ടി.ഐ.-ല്‍ പരിമിതമായ കോഴ്സുകള്‍ മാത്രമേ നിലവിലുള്ളൂവെന്ന് ശ്രദ്ധയില്‍പ്പെട്ടിട്ടുണ്ടോ;

(ബി)ഇവിടെ പുതിയ കോഴ്സുകള്‍ അനുവദിക്കുവാന്‍ നടപടി സ്വീകരിക്കുമോ?

എരിക്കുളം ഐ.ടി.ഐ ക്ക് കെട്ടിടം

ശ്രീ. ഇ. ചന്ദ്രശേഖരന്‍

(എ)കാഞ്ഞങ്ങാട് മണ്ഡലത്തില്‍ മടിക്കൈ പഞ്ചായത്തിലെ എരിക്കുളത്ത് എന്നാണ് ഐ.ടി.ഐ ആരംഭിച്ചത്;

(ബി)ഐ.ടി.ഐക്ക് കെട്ടിടം നിര്‍മ്മിക്കാന്‍ എത്രസ്ഥലമാണ് സര്‍ക്കാര്‍ നല്‍കിയിട്ടുള്ളത്;

(സി)കെട്ടിടം നിര്‍മ്മിക്കാന്‍ ഫണ്ട് അനുവദിച്ചിട്ടുണ്ടോ;

(ഡി)എന്തുകൊണ്ടാണ് നിര്‍മ്മാണം നടക്കാത്തത്;

(ഇ)കെട്ടിട നിര്‍മ്മാണം എപ്പോള്‍ ആരംഭിക്കുമെന്ന് അറിയിക്കുമോ?

ക്ഷേമനിധി ബോര്‍ഡുകളുടെ ഏകീകരണം

ശ്രീ. ഷാഫി പറമ്പില്‍

,, എ. റ്റി. ജോര്‍ജ്

,, ജോസഫ് വാഴക്കന്‍

,, പി. എ. മാധവന്‍

(എ)ക്ഷേമനിധി ബോര്‍ഡുകള്‍ ഏകീകരിക്കുന്ന കാര്യം പരിഗണനയിലുണ്ടോ;

(ബി)പ്രസ്തുത ഏകീകരണം മൂലമുള്ള നേട്ടങ്ങള്‍ എന്തെല്ലാമാണെന്ന് വിശദമാക്കുമോ;

(സി)ഏകീകരണം എന്ന് നടപ്പാക്കാനാണ് ഉദ്ദേശിക്കുന്നത്;

(ഡി)ക്ഷേമനിധി ബോര്‍ഡിന്റെ ഭരണച്ചെലവ് കുറച്ച് തൊഴിലാളികള്‍ക്ക് പരമാവധി ആനുകൂല്യങ്ങള്‍ നല്‍കുന്ന കാര്യം പരിഗണിക്കുമോ?

ക്ഷേമനിധിയില്‍ അംഗങ്ങളായ തൊഴിലാളികള്‍ക്ക് സ്മാര്‍ട്ട് കാര്‍ഡ്

ശ്രീ. വി. ഡി. സതീശന്‍

,, അന്‍വര്‍ സാദത്ത്

,, വി. റ്റി. ബല്‍റാം

,, ഡൊമിനിക് പ്രസന്റേഷന്‍

(എ)ക്ഷേമനിധിയില്‍ അംഗങ്ങളായ തൊഴിലാളികള്‍ക്ക് സ്മാര്‍ട്ട് കാര്‍ഡ് നല്‍കുന്ന പദ്ധതിക്ക് രൂപം നല്‍കിയിട്ടുണ്ടോ; എങ്കില്‍ വിശദമാക്കുമോ;

(ബി)തൊഴിലാളികളെ ചൂഷണം ചെയ്യുന്നത് തടയാന്‍ തൊഴിലാളികള്‍ക്ക് നല്‍കുന്ന സ്മാര്‍ട്ട് കാര്‍ഡുകള്‍ എത്രമാത്രം പ്രയോജനപ്പെടുമെന്നാണ് കരുതുന്നത്;

(സി)പ്രസ്തുത കാര്‍ഡുകളില്‍ എന്തെല്ലാം വിവരങ്ങളാണ് ഉള്‍പ്പെടുത്താനുദ്ദേശിക്കുന്നത് എന്നും കാര്‍ഡുകള്‍ നല്‍കുന്നതിന് ആവശ്യമായ എന്തെല്ലാം നടപടികള്‍ സ്വീകരിച്ചിട്ടുണ്ടെന്നും വ്യക്തമാക്കുമോ ?

ക്ഷേമനിധി അംഗങ്ങള്‍ക്ക് സ്മാര്‍ട്ട് കാര്‍ഡ് വിതരണം

ശ്രീ. തേറമ്പില്‍ രാമകൃഷ്ണന്‍

,, കെ.ശിവദാസന്‍ നായര്‍

,, ലൂഡി ലൂയിസ്

,, വര്‍ക്കല കഹാര്‍

(എ)ക്ഷേമനിധിയില്‍ അംഗങ്ങളായ തൊഴിലാളികള്‍ക്ക് സ്മാര്‍ട്ട് കാര്‍ഡ് നല്‍കുന്ന കാര്യം പരിഗണനയിലുണ്ടോ ;

(ബി)ആധാര്‍ നമ്പര്‍ പ്രകാരം തൊഴിലാളികള്‍ക്കുളള സ്മാര്‍ട്ട് കാര്‍ഡുകള്‍ വിതരണം ചെയ്യുമോ എന്ന് അറിയിക്കുമോ ;

(സി)പ്രസ്തുത കാര്‍ഡുകള്‍ എന്ന് മുതല്‍ വിതരണം ചെയ്യാനാകുമെന്നാണ് പ്രതീക്ഷിക്കുന്നത് ; വ്യക്തമാക്കുമോ ?

ആരോഗ്യ ഇന്‍ഷ്വറന്‍സ് പദ്ധതി നടത്തിപ്പിനായി ഇന്‍ഷ്വറന്‍സ് കമ്പനിയുമായി ഉണ്ടാക്കിയ കരാറിലെ വ്യവസ്ഥകള്‍

ഡോ. ടി. എം. തോമസ് ഐസക്

ശ്രീ. പി. റ്റി. എ. റഹീം

പ്രൊഫ. സി. രവീന്ദ്രനാഥ്

ശ്രീ. വി. ചെന്താമരാക്ഷന്‍

(എ)ആരോഗ്യ ഇന്‍ഷ്വറന്‍സ് പദ്ധതി നടത്തിപ്പിനായി ഇന്‍ഷ്വറന്‍സ് കമ്പനിയെ കണ്ടെത്തിയിട്ടുണ്ടോ; എങ്കില്‍ കണ്ടെത്തിയ കമ്പനിയുമായി ഉണ്ടാക്കിയ കരാറിലെ വ്യവസ്ഥകള്‍ വിശദമാക്കാമോ;

(ബി)പ്രസ്തുത പദ്ധതി നടത്തിപ്പിനുളള ഏജന്‍സിയെ കണ്ടെത്താനുളള ടെണ്ടറില്‍ എത്രപേര്‍ പങ്കെടുക്കുകയുണ്ടായി; ഇതില്‍ പൊതുമേഖലാ കമ്പനികള്‍ ഏതൊക്കെയായിരുന്നു; പ്രാഥമിക അയോഗ്യതകള്‍ കണ്ടെത്തിയ കമ്പനികളില്‍ പൊതുമേഖലാ കമ്പനികള്‍ ഉണ്ടോ. ആര്‍ക്കൊക്കെ അര്‍ഹതയുണ്ടായെന്ന് അറിയിക്കുമോ;

(സി)പ്രിമീയം അടക്കുന്നതിനായി കണക്കാക്കപ്പെട്ട ഗുണഭോക്താക്കള്‍ എത്രയാണ്; ഇതിനായി കേന്ദ്രത്തില്‍ നിന്നും ലഭിക്കുന്ന തുക എത്ര; സംസ്ഥാനം ചെലവഴിക്കേണ്ടിവരുന്ന തുക എത്ര; അതിനായി ബഡ്ജറ്റില്‍ വകയിരുത്തപ്പെട്ട തുക എത്രയെന്ന് വിശദമാക്കുമോ?

ആബി പദ്ധതി

ശ്രീ. ഷാഫി പറമ്പില്‍

,, കെ. മുരളീധരന്‍

,, പി.സി. വിഷ്ണുനാഥ്

,, ലൂഡി ലൂയിസ്

(എ)'ആബി പദ്ധതിയുടെ' ഉദ്ദേശ്യലക്ഷ്യങ്ങള്‍ എന്തെല്ലാം; വിശദമാക്കുമോ;

(ബി)ഏതെല്ലാം ഏജന്‍സികള്‍ വഴിയാണ് പ്രസ്തുത പദ്ധതി നടപ്പാക്കുന്നത്;

(സി)അര്‍ഹതയുള്ള എല്ലാ കുടുംബാംഗങ്ങളേയും പ്രസ്തുത പദ്ധതിയില്‍ അംഗമാക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണ്?

സമഗ്ര ആരോഗ്യ ഇന്‍ഷ്വറന്‍സ് പദ്ധതി

ശ്രീ. വി. എസ്. സുനില്‍ കുമാര്‍

,, വി. ശശി

,, ജി. എസ്. ജയലാല്‍

,, പി. തിലോത്തമന്‍

(എ)സമഗ്ര ആരോഗ്യ ഇന്‍ഷ്വറന്‍സ് പദ്ധതിയില്‍ അംഗങ്ങളായ സ്മാര്‍ട്ട് കാര്‍ഡുമായി ചികിത്സയ്ക്കെത്തുന്നവര്‍ക്ക് ചികിത്സാ സഹായം നല്‍കുന്നതിന് എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുള്ളത്;

(ബി)ആരോഗ്യ ഇന്‍ഷ്വറന്‍സ് രംഗത്ത് സ്വകാര്യ ഇന്‍ഷ്വറന്‍സ് കമ്പനികള്‍ സംസ്ഥാനത്ത് പ്രവര്‍ത്തിക്കുന്നുണ്ടോ; ഉണ്ടെങ്കില്‍ എത്ര കമ്പനികള്‍, അവ ഏതെല്ലാമാണ്;

(സി)പ്രസ്തുത പദ്ധതിയില്‍ നിന്നും സ്വകാര്യ ആശുപത്രികള്‍ പിന്മാറുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഡി)പ്രസ്തുത പദ്ധതിയിന്‍ കീഴില്‍ ചികിത്സാസഹായം കൊടുത്തു തീര്‍ക്കാനുണ്ടോ; ഉണ്ടെങ്കില്‍ എന്ത് തുക ഇതുവരെ കുടിശ്ശികയുണ്ടെന്ന് വ്യക്തമാക്കുമോ;

(ഇ)പ്രസ്തുത പദ്ധതി കാര്യക്ഷമമായി മുന്നോട്ട് കൊണ്ടുപോകുന്നതിന് എന്തെല്ലാം നടപടികളെടുത്തുവരുന്നുണ്ടെന്ന് വിശദമാക്കുമോ?

സമഗ്ര ആരോഗ്യ ഇന്‍ഷ്വറന്‍സ് പദ്ധതിയിലുള്ള തൃശൂര്‍ ജില്ലയിലെ സ്വകാര്യ ആശുപത്രികള്‍

ശ്രീമതി ഗീതാ ഗോപി

(എ)സമഗ്ര ആരോഗ്യ ഇന്‍ഷ്വറന്‍സ് പദ്ധതിയില്‍ തൃശൂര്‍ ജില്ലയില്‍ നിലവില്‍ ഉളള സ്വകാര്യ ആശുപത്രികള്‍ ഏതെല്ലാമാണെന്ന് അറിയിക്കുമോ;

(ബി)പ്രസ്തുത പദ്ധതിയില്‍ നിന്ന് പിന്‍മാറിയ സ്വകാര്യ ആശുപത്രികള്‍ ഏതെല്ലാമാണെന്ന് വെളിപ്പെടുത്തുമോ;

(സി)പ്രസ്തുത ആശുപത്രികള്‍ ഈ പദ്ധതിയില്‍ നിന്ന് പിന്മാറിയിതിന്റെ കാരണം എന്താണെന്ന് വിശദമാക്കാമോ?

കാസര്‍ഗോഡ് ജില്ലയില്‍ സ്മാര്‍ട്ട് കാര്‍ഡുകള്‍ ഉപയോഗിച്ചുള്ള ചികിത്സ

ശ്രീ. എന്‍.എ. നെല്ലിക്കുന്ന്

(എ)കാസര്‍ഗോഡ് ജില്ലയില്‍ സ്മാര്‍ട്ട് കാര്‍ഡുകള്‍ ഉപയോഗിച്ചുള്ള ചികിത്സയ്ക്ക് സൌകര്യമുള്ള ആശുപത്രികള്‍ ഏതൊക്കെയാണ്;

(ബി)അനുവാദം നല്‍കിയിട്ടും ചില ആശുപത്രികള്‍ സ്മാര്‍ട്ട് കാര്‍ഡ് സ്വീകരിക്കാന്‍ വിമുഖത കാട്ടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)പ്രസ്തുത ജില്ലയില്‍ സ്മാര്‍ട്ട് കാര്‍ഡ് വഴി ചികിത്സ അനുവദിച്ചതില്‍ ആശുപത്രികള്‍ക്ക് പണം നല്‍കാന്‍ അവശേഷിക്കുന്നുണ്ടോ;

(ഡി)ഉണ്ടെങ്കില്‍ ഏതെല്ലാം ആശുപത്രികളെന്നും എത്രവീതം തുക നല്‍കാനുണ്ടെന്നും എന്ന് പ്രസ്തുത തുക അടയ്ക്കാനാകുമെന്നും വ്യക്തമാക്കുമോ?

കണ്ണൂര്‍ ജില്ലയില്‍ സമഗ്ര ആരോഗ്യ ഇന്‍ഷ്വറന്‍സ് പദ്ധതി

ശ്രീ. റ്റി. വി. രാജേഷ്

(എ)സമഗ്ര ആരോഗ്യ ഇന്‍ഷുറന്‍സ് പദ്ധതിയുടെ വിശദാംശം നല്‍കുമോ;

(ബി)കണ്ണൂര്‍ ജില്ലയിലെ ഏതൊക്കെ ആശുപത്രികളെയാണ് ഈ സ്കീമില്‍ ഉള്‍പ്പെടുത്തിയിട്ടുളളത്; വിശദാംശം നല്‍കുമോ ?

മിനിമം വേതനം നല്‍കാത്ത സ്വകാര്യ ആശുപത്രികള്‍

ശ്രീ. കെ. സുരേഷ് കുറുപ്പ്

ശ്രീമതി പി. അയിഷാ പോറ്റി

ശ്രീ. കെ. ദാസന്‍

,, സി. കൃഷ്ണന്‍

(എ)ജീവനക്കാര്‍ക്ക് മിനിമം വേതനം നല്‍കാത്ത സ്വകാര്യ ആശുപത്രി മാനേജ്മെന്റുകളെ കുറിച്ചുള്ള വിവരം ലഭ്യമാണോ; വിശദാംശം നല്‍കുമോ;

(ബി)സംസ്ഥാനത്ത് പ്രവര്‍ത്തിക്കുന്ന ഏതൊക്കെ സ്വകാര്യ ആശുപത്രികളിലെ നേഴ്സുമാരുടെ പ്രശ്നത്തില്‍ തൊഴില്‍ വകുപ്പ് ഇടപെട്ട് പ്രശ്നപരിഹാരമുണ്ടാക്കി എന്നറിയിക്കുമോ;

(സി)അന്യ സംസ്ഥാനത്ത് ജോലി ചെയ്യുന്ന നേഴ്സുമാരുടെ പ്രശ്നങ്ങള്‍ സംബന്ധിച്ച് സര്‍ക്കാരിന് പരാതി ലഭിച്ചിട്ടുണ്ടോ; വിശദാംശം നല്‍കുമോ; അതത് സംസ്ഥാനങ്ങളുമായി ബന്ധപ്പെട്ട് തുടര്‍ നടപടി സ്വീകരിച്ച കേസുകളുടെ വിശദാംശം അറിയിക്കുമോ?

കൊല്ലം ജില്ലയിലെ ഇ.എസ്.ഐ. ആശുപത്രികളുടെ നവീകരണം

ശ്രീ.കെ.രാജു

(എ)കൊല്ലം ജില്ലയില്‍പ്പെട്ട ഏതൊക്കെ ഇ.എസ്.ഐ. ആശുപത്രികളാണ് നവീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(ബി)അഞ്ചല്‍ ഇ.എസ്.ഐ. ആശുപത്രിയില്‍ രോഗികളെ കിടത്തി ചികിത്സിക്കുന്നതിനുളള നടപടികള്‍ സ്വീകരിക്കുമോ ?