Questions

2011-12-ലെ വൈദ്യുത വകുപ്പിന്റെ പ്ളാന്‍ ഫണ്ട്

ശ്രീ. എസ്. രാജേന്ദ്രന്‍

(എ) 2011-12-ല്‍ വൈദ്യുത വകുപ്പിന്റെ പ്ളാന്‍ ഫണ്ട് തുകയും മാര്‍ച്ച് 31 വരെ ചെലവഴിച്ച തുകയും എത്രയെന്ന് വിശദമാക്കാമോ ;

(ബി) വൈദ്യുതി വകുപ്പിന്‍ കീഴിലുള്ള നിലവിലുള്ള കേന്ദ്രാവിഷ്കൃത പദ്ധതികള്‍ ഏവ ; ഓരോ പദ്ധതിക്കും കേന്ദ്രം അനുവദിച്ച തുകയെത്ര ;

(സി) വൈദ്യുത വകുപ്പിന്റെ ഓരോ ഹെഡിലും 2012 മാര്‍ച്ച് 31 വരെ ചെലവഴിച്ച തുകയുടെ വിശദാംശം ലഭ്യമാക്കാമോ ?

വൈദ്യുതി ആസൂത്രണത്തിലെ പിഴവ്

ശ്രീ. എം. ചന്ദ്രന്‍

,, കെ. കുഞ്ഞിരാമന്‍, (തൃക്കരിപ്പൂര്‍)

,, കെ. ദാസന്‍

ശ്രീമതി കെ. എസ്. സലീഖ

(എ) സംസ്ഥാന ഇലക്ട്രിസിറ്റി റഗുലേറ്ററി കമ്മീഷന്റെ അധികാരങ്ങള്‍ എന്തൊക്കെയാണ്;

(ബി) വൈദ്യുതി ബോര്‍ഡിന്റെ വൈദ്യുതി ആസൂത്രണത്തില്‍ ഉണ്ടായ പിഴവുകളാണ് ഇപ്പോഴത്തെ വൈദ്യുതി ക്ഷാമത്തിന് കാരണമെന്ന് റഗുലേറ്ററി കമ്മീഷന്‍ കണ്ടെത്തിയിരുന്നോ; എങ്കില്‍ അതിന്റെ വിശദാംശങ്ങള്‍ വ്യക്തമാക്കുമോ;

(സി) ഇതിന്റെ അടിസ്ഥാനത്തില്‍ പ്രസ്തുത ആസൂത്രണ വൈകല്യങ്ങള്‍ക്ക് ഉത്തരവാദികള്‍ ആരെല്ലാമാണെന്നത് സംബന്ധിച്ച് ബോര്‍ഡ് എന്തെങ്കിലും അന്വേഷണം നടത്തിയിരുന്നോ; എങ്കില്‍ അതിന്റെ വിശദാംശങ്ങള്‍ വ്യക്തമാക്കുമോ 

വൈദ്യുതി ബോര്‍ഡ് കമ്പനിവല്‍ക്കരണം

ശ്രീ. ഇ. ചന്ദ്രശേഖരന്‍

(എ) 2003 - ലെ കേന്ദ്രഇലക്ട്രിസിറ്റി ആക്ട് പ്രകാരം സംസ്ഥാന ഇലക്ട്രിസിറ്റി ബോര്‍ഡ് കമ്പനിയാക്കി മാറ്റണമെന്ന് നിഷ്കര്‍ഷിച്ചിട്ടുണ്ടോ;

(ബി) കമ്പനിവല്‍ക്കരണത്തിന് മറ്റെന്തെങ്കിലും കാരണങ്ങള്‍ നിലവിലുണ്ടോ; വിശദമാക്കുമോ;

(സി) സംസ്ഥാന വൈദ്യുതി ബോര്‍ഡ് നിലനിര്‍ത്താമെന്ന് കോടതി വിധി ഉണ്ടായിട്ടുണ്ടോ എന്ന് വ്യക്തമാക്കാമോ?

വൈദ്യുതി ബോര്‍ഡ് കമ്പനിവല്‍ക്കരിക്കുന്നത് സംബന്ധിച്ച നടപടിക്രമങ്ങള്‍

ശ്രീ. കെ. രാധാകൃഷ്ണന്‍

(എ) വൈദ്യുതി ബോര്‍ഡ് കമ്പനിവല്‍ക്കരിക്കുന്നത് സംബന്ധിച്ച് നയപരമായ തീരുമാനമെടുത്തിട്ടുണ്ടോ;

(ബി) എങ്കില്‍ അതിന്റ വിശദാംശങ്ങള്‍ ലഭ്യമാക്കാമോ; ഇതു സംബന്ധിച്ച് ജീവനക്കാരുടെ യൂണിയനുകളുമായി എന്തെങ്കിലും ചര്‍ച്ച നടത്തിയിട്ടുണ്ടോ;

(സി) ജിവനക്കാരുടെ യൂണിയനുകളും വൈദ്യുതി മേഖലയിലെ ബന്ധപ്പെട്ട വിദഗ്ധന്‍മാരുമായി ചര്‍ച്ച ചെയ്തതിനുശേഷം മാത്രം നിലവിലുള്ള സംവിധാനങ്ങള്‍ ജീവനക്കാര്‍ക്കും ദോഷം വരാത്ത രീതിയില്‍ മറ്റ് നടപടികള്‍ സ്വീകരിക്കുമോ?

ഒറീസ്സ ബൈതരണിയിലെ താപവൈദ്യുത നിലയം

ശ്രീ. പി. എ. മാധവന്‍

,, പി.സി. വിഷ്ണുനാഥ്

,, ഐ.സി. ബാലകൃഷ്ണന്‍

(എ) ഒറീസ്സയിലെ ബൈതരണിയില്‍ കല്‍ക്കരി ഉപയോഗിച്ച് താപ വൈദ്യുത നിലയം ആരംഭിക്കുന്നതിന് കൈക്കൊണ്ടിട്ടുള്ള നടപടികള്‍ എന്തെല്ലാമാണ്;

(ബി) പ്രസ്തുത പദ്ധതിയുടെ ചെലവ് ആരാണ് വഹിക്കുന്നത്;

(സി) ഉല്‍പ്പാദിപ്പിക്കപ്പെടുന്ന വൈദ്യുതി വിതരണം ചെയ്യുന്നതെങ്ങനെയാണ്;

(ഡി) ഇതിലൂടെ സംസ്ഥാനത്തിന് എത്ര മെഗാവാട്ട് വൈദ്യുതി ലഭിക്കുമെന്നാണ് പ്രതീക്ഷിക്കുന്നത്?

കെ.എസ്.ഇ.ബിയും എന്‍.ടി.പി.സിയും തമ്മിലുണ്ടാക്കിയ കരാര്‍

ശ്രീ. പി. തിലോത്തമന്‍

(എ) 2012 ജൂണ്‍ മാസം മുതല്‍ 2013 മെയ് മാസം വരെയുള്ള കാലയളവില്‍ കേരളത്തിലുണ്ടായേക്കാവുന്ന വൈദ്യുതിക്ഷാമം പരിഹരിക്കുവാന്‍ വൈദ്യുതി വാങ്ങുന്നതിന് വൈദ്യുതി ബോര്‍ഡും എന്‍.ടി.പി.സി യും തമ്മില്‍ കരാറുണ്ടാക്കിയിട്ടുണ്ടോ;

(ബി) എത്ര മെഗാവാട്ട് വൈദ്യുതിയാണ് ഈ കരാറിലൂടെ കേരളം വാങ്ങുന്നത്;

(സി) കേരളത്തില്‍ വൈദ്യുതിക്ഷാമം കൂടുതല്‍ അനുഭവിക്കുന്ന ഒക്ടോബര്‍ മുതല്‍ മെയ് മാസംവരെയുള്ള സമയങ്ങളില്‍ എത്ര മെഗാവാട്ട് വൈദ്യുതിയാണ് കേരളത്തിന് ലഭിക്കുന്നതെന്ന് വ്യക്തമാക്കാമോ;

(ഡി) കഴിഞ്ഞ മെയ് മാസം വരെയുള്ള കാലയളവില്‍ ഇതുപോലൊരു കരാര്‍ വൈദ്യുതിബോര്‍ഡ് എന്‍.ടി.പി.സിയുമായി ഉണ്ടാക്കിയിരുന്നോ;

(ഇ) എങ്കില്‍ എത്ര മെഗാവാട്ട് വൈദ്യുതി വാങ്ങാനാണ് കരാറുണ്ടാക്കിയിരുന്നതെന്നും, ഈ കരാര്‍ പ്രകാരമുള്ള എത്ര മെഗാവാട്ട് വൈദ്യുതി കേരളത്തിന് ലഭിച്ചു എന്നും വ്യക്തമാക്കാമോ;

(എഫ്) കരാര്‍ പ്രകാരം വൈദ്യുതി വാങ്ങാന്‍ കഴിയാതെ വന്നിട്ടുണ്ടോ; എങ്കില്‍ വ്യക്തമാക്കുമോ;

(ജി) പ്രസ്തുത കരാര്‍ പ്രകാരമുള്ള വൈദ്യുതി കേരളത്തിലേയ്ക്ക് കൊണ്ടുവരാന്‍ വൈദ്യുതി ബോര്‍ഡിന് സ്വന്തമായി സംവിധാനമുണ്ടോ; ഇല്ലെങ്കില്‍ എന്തിനാണ് ഇപ്രകാരം കരാറുണ്ടാക്കിയതെന്ന് വ്യക്തമാക്കാമോ

കേന്ദ്ര പൂളില്‍ നിന്നുള്ള വൈദ്യുതി

ശ്രീ. എ. എ. അസീസ്

(എ) കേന്ദ്ര പൂളില്‍നിന്നും സംസ്ഥാനത്തിന് ഓരോ മാസവും ലഭ്യമാക്കുന്ന വൈദ്യുതിയുടെ 2011 മാര്‍ച്ച് മാസം മുതലുള്ള കണക്ക് ലഭ്യമാക്കാമോ ;

(ബി) കേന്ദ്ര പൂളില്‍നിന്നും ലഭ്യമാക്കുന്ന വൈദ്യുതിയുടെ അളവില്‍ കുറവ് വന്നിട്ടുണ്ടോ ;

(സി) എങ്കില്‍ ഈ കുറവ് പരിഹരിക്കുന്നതിന് കേന്ദ്രസര്‍ക്കാരില്‍ സമ്മര്‍ദ്ദം ചെലുത്തുന്നതിന് എന്തൊക്കെ നടപടികള്‍ സ്വീകരിച്ചു വിശദമാക്കുമോ ?

ഊര്‍ജ്ജ പ്രതിസന്ധി

ശ്രീ. കോടിയേരി ബാലകൃഷ്ണന്‍

(എ) ഈ സര്‍ക്കാര്‍ അധികാരമേറ്റശേഷം ആസൂത്രണത്തിലെ ഗുരുതരമായ പാളിച്ചകള്‍മൂലം വൈദ്യുതിബോര്‍ഡ് വന്‍സാമ്പത്തിക പ്രതിസന്ധിയില്‍ അകപ്പെട്ടത് ശ്രദ്ധയില്‍പ്പെട്ടിട്ടുണ്ടോ ;

(ബി) പ്രസ്തുത പ്രതിസന്ധി തരണം ചെയ്യുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വെളിപ്പെടുത്താമോ ;

(സി) കേന്ദ്ര നിലയങ്ങളില്‍ നിന്നും, സ്വകാര്യ വൈദ്യുതി നിലയങ്ങളില്‍ നിന്നും എത്ര യൂണിറ്റ് വൈദ്യുതിയാണ് സംസ്ഥാനത്ത് ലഭ്യമാക്കുന്നതെന്ന് വെളിപ്പെടുത്താമോ ;

(ഡി) കേന്ദ്രനിലയങ്ങളില്‍ നിന്നും, സ്വകാര്യ നിലയങ്ങളില്‍ നിന്നും വൈദ്യുതി ലഭ്യമാക്കിയ ഇനത്തില്‍ ഇതിനകം എത്ര രൂപയാണ് ബോര്‍ഡ് മുടക്കിയതെന്ന് വെളിപ്പെടുത്താമോ ;

(ഇ) പ്രസ്തുത ഇനത്തില്‍ ഇനി എത്ര രൂപ കൂടിശ്ശികയായിട്ടുണ്ടെന്ന് വ്യക്തമാക്കാമോ ?

വൈദ്യൂത പ്രതിസന്ധി

ശ്രീ. ജോസ് തെറ്റയില്‍

(എ) ഇന്ന് നേരിടുന്ന വൈദ്യുത പ്രതിസന്ധി പരിഹരിക്കുന്നതിനും ഊര്‍ജ്ജോത്പാദനത്തില്‍ സ്വയംപര്യാപ്തത കൈവരിക്കുന്നതിനുമായി എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി) ഇനി എന്തെല്ലാം നടപടികള്‍ ഇതിനായി സ്വീകരിക്കുവാന്‍ ഉദ്ദേശിക്കുന്നു; വിശദമാക്കാമോ?

ഊര്‍ജ്ജ പ്രതിസന്ധി

ശ്രീ. റ്റി. യു. കുരുവിള

,, മോന്‍സ് ജോസഫ്

,, തോമസ് ഉണ്ണിയാടന്‍

,, സി. എഫ്. തോമസ്

(എ) വൈദ്യുതി പ്രതിസന്ധി മറികടക്കാന്‍ സ്വീകരിച്ചിട്ടുള്ള നടപടികള്‍ എന്തൊക്കെയാണ്;

(ബി) പാരമ്പര്യേതര ഊര്‍ജ്ജ സ്രോതസ്സും പുതിയ ജല വൈദ്യുത പദ്ധതികളും ആരംഭിച്ച് വൈദ്യുതി പ്രതിസന്ധി മറികടക്കാന്‍ നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ?

വൈദ്യുതി ഉല്‍പാദനത്തിലെ കുറവ്

ശ്രീ. എ.എ. അസീസ്

(എ) വൈദ്യുതി ഉല്‍പാദനത്തില്‍ ഇപ്പോള്‍ കുറവ് വന്നിട്ടുണ്ടോ; എങ്കില്‍ എത്ര ശതമാനം കുറവാണ് വന്നിട്ടുള്ളത്;

(ബി) ഈ കുറവ് പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നത് വിശദമാക്കുമോ?

വൈദ്യുത സംരക്ഷണ പ്രവര്‍ത്തനങ്ങള്‍ സ്വീകരിക്കുന്നതിന് നടപടി

ശ്രീ.എം.വി ശ്രേയാംസ്കുമാര്‍

(എ) വൈദ്യുത സംരക്ഷണപ്രവര്‍ത്തനങ്ങള്‍ക്ക് എന്തെല്ലാം നടപടികള്‍ സ്വീകരിച്ചുവരുന്നു; വിശദമാക്കുമോ;

(ബി) ഉപയോഗിക്കുന്ന സമയത്തിനനുസരിച്ച് വൈദ്യുതിക്ക് വില നിശ്ചയിക്കുന്ന സംവിധാനം വേണമെന്ന് റഗുലേറ്ററി കമ്മീഷന്‍ ശുപാര്‍ശ ചെയ്തിട്ടുണ്ടോ; വിശദാംശം ലഭ്യമാക്കുമോ;

(സി) ഇതു മൂലം പീക്ക് അവറില്‍ വൈദ്യുതി ഉപയോഗം നിയന്ത്രിക്കുന്നതിന് സാധിക്കുമോ ; വിശദമാക്കുമോ ?

പവര്‍കട്ട്/ലോഡ്ഷെഡ്ഡിംഗ് പിന്‍വലിക്കാനുണ്ടായ സാഹചര്യം

ശ്രീ. എ.എ. അസീസ്

(എ) സംസ്ഥാനത്ത് ഈ സര്‍ക്കാര്‍ അധികാരമേറ്റശേഷം പവര്‍കട്ടോ, ലോഡ്ഷെഡ്ഡിംഗോ ഏര്‍പ്പെടുത്തിയിരുന്നോ ; എങ്കില്‍ എന്ന് മുതലാണ് ഇത് തുടങ്ങിയത് ;

(ബി) പവര്‍കട്ട്/ലോഡ്ഷെഡ്ഡിംഗ് നടപ്പിലാക്കുന്നതിനുള്ള സാഹചര്യം എന്തായിരുന്നു ;

(സി) പവര്‍കട്ട്/ലോഡ്ഷെഡ്ഡിംഗ് പിന്‍വലിച്ചിട്ടുണ്ടോ ; എങ്കില്‍ എന്നാണ് പിന്‍വലിച്ചതെന്നും പിന്‍വലിക്കാനുണ്ടായ സാഹചര്യം എന്താണെന്നും വ്യക്തമാക്കുമോ ?

കേന്ദ്രപൂളില്‍ നിന്നുള്ള വൈദ്യുതി

ശ്രീ. ബാബു എം. പാലിശ്ശേരി

(എ) ഈ സര്‍ക്കാര്‍ അധികാരമേറ്റ ശേഷം ഗാര്‍ഹിക ഉപഭോക്താക്കള്‍ക്ക് എത്ര ദിവസം എത്ര സമയം വീതം ലോഡ്ഷെഡ്ഡിങ് ഏര്‍പ്പെടുത്തിയിരുന്നു;

(ബി) സംസ്ഥാനത്തിന് ഇപ്പോള്‍ ശരാശരി എത്ര യൂണിറ്റ് വൈദ്യുതി ആവശ്യമുണ്ട്;

(സി) കേന്ദ്രപൂളില്‍ നിന്നും എത്ര യൂണിറ്റ് വൈദ്യുതി ലഭിക്കാന്‍ അര്‍ഹതയുണ്ട്;

(ഡി) അര്‍ഹതപ്പെട്ട അളവ് വൈദ്യുതി കേന്ദ്രപൂളില്‍ നിന്നും ലഭിക്കുന്നുണ്ടോ; വിശദാംശം വ്യക്തമാക്കുമോ

വൈദ്യുതി ഉല്പാദന പദ്ധതികളുടെ സ്ഥാപിതശേഷി

ശ്രീ. എ. കെ. ബാലന്‍

,, ഇ. പി. ജയരാജന്‍

,, കെ. കുഞ്ഞമ്മത് മാസ്റര്‍

,, പി. ശ്രീരാമകൃഷ്ണന്‍

(എ) കേരളത്തില്‍ നിലവിലുളള വൈദ്യുത ഉല്‍പ്പാദന പദ്ധതികളുടെ ആകെ സ്ഥാപിത ശേഷി എത്രയാണ് ;

(ബി) വിവിധ കേന്ദ്ര നിലയങ്ങളില്‍ നിന്നും ഇപ്പോള്‍ കേരളത്തിന് അനുവദിച്ചിട്ടുളള വൈദ്യുതിയുടെ അളവെത്രയാണ് ;

(സി) 12, 13 പഞ്ചവത്സര പദ്ധതി കാലയളവില്‍ കേരളത്തിന് വേണ്ടിവരുന്ന അധിക സ്ഥാപിതശേഷി എത്രയെന്ന് കണക്കാക്കിയിട്ടുണ്ടോ; എങ്കില്‍ വിശദാംശങ്ങള്‍ വെളിപ്പെടുത്തുമോ ;

(ഡി) ഈ അധിക സ്ഥാപിത ശേഷി കൂട്ടിച്ചേര്‍ക്കുന്നതിനുളള പദ്ധതികളുടെ വിശദാംശങ്ങള്‍ വെളിപ്പെടുത്തുമോ ;

(ഇ) പ്രകൃതി വാതകം അടിസ്ഥാനമാക്കിയുളള വൈദ്യുതി പദ്ധതികള്‍ 12-ാം പദ്ധതി കാലയളവില്‍ ആസൂത്രണം ചെയ്യേണ്ടതില്ലെന്ന കേന്ദ്ര ഗവണ്‍മെന്റിന്റെ നിര്‍ദ്ദേശം ശ്രദ്ധയില്‍പ്പെട്ടിട്ടുണ്ടോ ;

(എഫ്) എങ്കില്‍ താങ്ങാവുന്ന നിരക്കില്‍ കേരളത്തിന്റെ ഭാവി ആവശ്യകത നിറവേറ്റാനായി സാധ്യമാകുന്ന പദ്ധതികള്‍ ഏതൊക്കെയാണെന്ന് വെളിപ്പെടുത്തുമോ ?

ഊര്‍ജ്ജരംഗത്ത് സ്വയം പര്യാപ്തത

ശ്രീ.കെ.മുഹമ്മദുണ്ണി ഹാജി

(എ) ഊര്‍ജ്ജ രംഗത്ത് സംസ്ഥാനം സ്വയം പര്യാപ്തത കൈവരിക്കുന്നതിന് സ്വീകരിക്കാന്‍ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വിശദമാക്കുമോ;

(ബി) ജലവൈദ്യുത പദ്ധതികള്‍ക്ക് പുറമെ മറ്റ് എന്തെല്ലാം സ്രോതസ്സുകളാണ് പുതിയ ഊര്‍ജ്ജോല്പാദത്തിനായി പരിഗണിക്കാന്‍ ഉദ്ദേശിക്കുന്നതെന്നറിയിക്കുമോ?

ഊര്‍ജ്ജ ഉല്പാദനവും വിതരണവും

ശ്രീ.കെ.എം.ഷാജി

(എ) സംസ്ഥാനത്തെ പ്രതിദിന ഊര്‍ജ്ജ ഉല്പാദനവും വിതരണവും തമ്മിലെ അന്തരം എത്രയാണ്;

(ബി) പ്രതിദിന ഉപഭോഗത്തിലെ അന്തരം നികത്തുന്നത് ഏതുവിധത്തിലാണെന്ന് വ്യക്തമാക്കുമോ;

(സി) ഇപ്പോള്‍ വൈദ്യുതി മറ്റു സംസ്ഥാനങ്ങള്‍ക്ക് വില്ക്കുന്നുണ്ടോ; എങ്കില്‍ എത്ര അളവിലെന്നും, എന്തു വിലയ്ക്കാണെന്നും വിശദമാക്കുമോ;

ഡാമുകളിലെ ജലനിരപ്പും വൈദ്യുതി ഉല്പാദനവും

ശ്രീ. വി.എം.ഉമ്മര്‍ മാസ്റര്‍

(എ) 2012 ജൂണ്‍ 1-ാം തീയതി, വൈദ്യുതോല്പാദനത്തിന് എത്രമാത്രം ജലമാണ് എല്ലാഡുമുകളിലുമായി ഉണ്ടായിരുന്നത്;

(ബി) കഴിഞ്ഞ വര്‍ഷം ഇതേ ദിവസം എത്ര ജലമുണ്ടായിരുന്നു;

(സി) എത്ര വൈദ്യുതിയാണ് ഇതുപയോഗിച്ച് ഉല്പാദിപ്പിക്കാവുന്നത് എന്ന് വ്യക്തമാക്കുമോ;

(ഡി) സംസ്ഥാനത്തിന്റെ പ്രതിദിന വൈദ്യുതി ഉപയോഗം എത്രയാണ്?

വൈദ്യുതി ബോര്‍ഡിന്റെ സ്ഥലത്ത് ആരംഭിക്കാന്‍ ഉദ്ദേശിക്കുന്ന പദ്ധതികള്‍

ശ്രീ. എ. കെ. ശശീന്ദ്രന്‍

(എ) കോഴിക്കോട് ജില്ലയിലെ തലക്കളത്തൂര്‍ ഗ്രാമപഞ്ചായത്തിലെ എടക്കരയില്‍ വൈദ്യുതി ബോര്‍ഡിന്റെ കൈവശമുള്ള സ്ഥലത്ത് ആരംഭിക്കാന്‍ ഉദ്ദേശിക്കുന്ന പദ്ധതികളുടെ വിശദവിവരം ബോര്‍ഡിന് ലഭിച്ചിട്ടുണ്ടൊ ;

(ബി) ഈക്കാര്യത്തില്‍ ബോര്‍ഡ് സ്വീകരിച്ചിട്ടുള്ള നടപടികളുടെ വിശദവിവരം വെളിപ്പെടുത്താമോ ?

ഊര്‍ജ്ജമേഖലയിലെ അറ്റകുറ്റപ്പണികളും വികസന പ്രവര്‍ത്തനങ്ങളും

ശ്രീ. കോടിയേരി ബാലകൃഷ്ണന്‍

(എ) ഈ സര്‍ക്കാര്‍ അധികാരമേറ്റ ശേഷം ഊര്‍ജ്ജമേഖലയിലെ വികസനപ്രവര്‍ത്തനങ്ങള്‍ക്കും, അറ്റകുറ്റപ്പണികള്‍ക്കും പണം ചെലവിടുന്നത് നിര്‍ത്തിവച്ചിട്ടുണ്ടോ;

(ബി) ഇല്ലെങ്കില്‍ ഈ മേഖലയില്‍ ഏതെല്ലാം വികസനപ്രവര്‍ത്തനങ്ങള്‍ക്കും അറ്റകുറ്റപ്പണികള്‍ക്കുമായി എന്തു തുക ചെലവഴിച്ചെന്നു വ്യക്തമാക്കുമോ ?

വൈദ്യുത ബോര്‍ഡിന്റെ സാമ്പത്തിക പ്രതിസന്ധി

ശ്രീ. സി ദിവാകരന്‍

,, ജി.എസ്. ജയലാല്‍

,, കെ. രാജു

ശ്രീമതി ഇ.എസ്. ബിജി മോള്‍

(എ) കേന്ദ്ര നിലയങ്ങളില്‍ നിന്നടക്കം വൈദ്യുതി വാങ്ങിയ ഇനത്തില്‍ എന്തു തുക വൈദ്യുത ബോര്‍ഡിനു കൊടുത്തു തീര്‍ക്കാനുണ്ടെന്ന് വ്യക്തമാക്കുമോ;

(ബി) സാമ്പത്തിക പ്രതിസന്ധി മൂലം വികസന പ്രവര്‍ത്തനങ്ങളും അറ്റകുറ്റ പണികളും നിറുത്തി വയ്ക്കേണ്ട സാഹചര്യം ഉണ്ടായിട്ടുണ്ടോ; ഇതോടനുബന്ധിച്ച് മറ്റേതെല്ലാം പ്രവര്‍ത്തനങ്ങള്‍ക്ക് ധനവിഭാഗം വിലക്കേര്‍പ്പെടുത്തിയിട്ടുണ്ടെന്ന് വെളിപ്പെടുത്തുമോ;

(സി) സാമ്പത്തിക പ്രതിസന്ധി മറികടക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്; വിശദമാക്കാമോ?

വൈദ്യുതി ബോര്‍ഡിന്റെ കടം ലഘൂകരിക്കുവാന്‍ നടപടികള്‍

ശ്രീമതി കെ.എസ്. സലീഖ

(എ) കേരള സംസ്ഥാന വൈദ്യുതി ബോര്‍ഡിന്റെ നിലവിലുള്ള ആസ്തി എത്രയെന്നും കടബാധ്യത എത്രയെന്നും വിശദമാക്കുമോ;

(ബി) കെ.എസ്.ഇ.ബി.യുടെ കടം ലഘൂകരിക്കുവാന്‍ ഏതെല്ലാം സ്ഥാപനങ്ങളില്‍ നിന്നുമാണ് വായ്പ എടുത്തിട്ടുള്ളതെന്നും ആയത് എത്ര കോടി രൂപ വീതമാണെന്നും ഓരോ സ്ഥാപനത്തിനും പലിശയിനത്തില്‍ പ്രതിമാസം ബോര്‍ഡ് അടയ്ക്കേണ്ട തുക എത്രയെന്നും വിശദമാക്കുമോ;

(സി) ഇപ്പോള്‍ ബോര്‍ഡിന് വന്നിട്ടുള്ള കടം ലഘൂകരിക്കുവാന്‍ എന്തെല്ലാം നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ?

വൈദ്യുതി കുടിശ്ശിക

ശ്രീമതി. കെ. എസ്. സലീഖ

(എ) വൈദ്യുതി ചാര്‍ജ്ജ് ഇനത്തില്‍ 2012 മെയ് 31 വരെ പിരിഞ്ഞു കിട്ടാനുള്ള കുടിശ്ശിക തുക എത്ര കോടി രൂപയാണ് ;

(ബി) അതില്‍ സംസ്ഥാനത്തെ സര്‍ക്കാര്‍ സ്ഥാപനങ്ങള്‍, പൊതുമേഖലാ സ്ഥാപനങ്ങള്‍, സഹകരണ സ്ഥാപനങ്ങള്‍, തദ്ദേശസ്വയംഭരണ സ്ഥാപനങ്ങള്‍, സ്വകാര്യ സ്ഥാപനങ്ങള്‍ എന്നിവയുടെ കുടിശ്ശിക തുക എത്ര കോടി രൂപയെന്ന് തരം തിരിച്ച് വ്യക്തമാക്കുമോ ;

(സി) ഈ സര്‍ക്കാര്‍ അധികാരമേല്‍ക്കുമ്പോള്‍ മേല്‍ സൂചിപ്പിച്ച സ്ഥാപനങ്ങള്‍ എത്ര കോടി രൂപ കുടിശ്ശിക വരുത്തിയെന്നും ആയത് ഇപ്പോള്‍ എത്ര കോടി രൂപ കുടിശ്ശികയിനത്തില്‍ വര്‍ദ്ധിച്ചുവെന്നും വ്യക്തമാക്കുമോ ;

(ഡി) ഇപ്രകാരമുള്ള കുടിശ്ശിക പിരിച്ചെടുക്കാതെ നഷ്ടത്തിന്റെ പേരില്‍ വൈദ്യുതി ചാര്‍ജ്ജ് വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ ; വിശദാംശം വ്യക്തമാക്കുമോ ?

വൈദ്യുത ബോര്‍ഡിന്റെ കടബാധ്യതയും കുടിശ്ശികയും

ശ്രീ. മുല്ലക്കര രത്നാകരന്‍

(എ) സംസ്ഥാന വൈദ്യുത ബോര്‍ഡിന്റെ കടബാധ്യതകള്‍ വ്യക്തമാക്കാമോ;

(ബി) വൈദ്യുതി, വാണിജ്യാവശ്യത്തിനു വിറ്റവകയില്‍ എത്ര കോടി രൂപ ബോര്‍ഡിനു ലഭിക്കാനുണ്ട്;

(സി) കുടിശ്ശിക പിരിച്ചെടുക്കുന്നതിന് എന്തു നടപടികളാണ് സ്വീകരിക്കാന്‍ പോകുന്നത്; വിശദമാക്കാമോ?

സര്‍ക്കാര്‍ സ്ഥാപനങ്ങള്‍ വരുത്തിയ വൈദ്യുതി കുടിശ്ശിക

ശ്രീമതി. പി. അയിഷാ പോറ്റി

(എ) വിവിധ സര്‍ക്കാര്‍ സ്ഥാപനങ്ങള്‍ കെ.എസ്.ഇ.ബി.ക്ക് വൈദ്യുതി ചാര്‍ജ് കുടിശ്ശിക ഇനത്തില്‍ നല്‍കാനുള്ള തുക എത്രയാണ്;

(ബി) കുടിശ്ശിക ഏറ്റവും കൂടുതല്‍ വരുത്തിയിട്ടുള്ള സ്ഥാപനങ്ങള്‍ ഏതെല്ലാമെന്നും തുക എത്രയെന്നും വ്യക്തമാക്കുമോ;

(സി) പ്രസ്തുത കുടിശ്ശിക ഈടാക്കാന്‍ കൈക്കൊണ്ട നടപടികള്‍ എന്തെല്ലാമാണ്;

(ഡി) സര്‍ക്കാര്‍ ആഫീസുകളിലെ അമിത വൈദ്യുതി ഉപയോഗവും വൈദ്യുതി പാഴ്ചെലവും നിയന്ത്രിക്കാന്‍ കെ.എസ്.ഇ.ബി. മുന്‍കൈ എടുത്തു നടത്തുന്ന പരിശ്രമങ്ങള്‍ വിശദമാക്കുമോ?

വൈദ്യുതി കുടിശ്ശിക

ശ്രീ. ഇ. കെ. വിജയന്‍

(എ) സര്‍ക്കാര്‍ വകുപ്പുകള്‍, സ്വകാര്യ സംരംഭകര്‍, പൊതുമേഖലാ സ്ഥാപനങ്ങള്‍, അന്യസംസ്ഥാനങ്ങള്‍, മൊബൈല്‍ കമ്പനികള്‍, മില്‍മ എന്നിവരില്‍ നിന്നും കെ.എസ്.ഇ.ബി കുടിശ്ശികയിനത്തില്‍ പിരിച്ചെടുക്കാനുള്ള തുകയുടെ കണക്കുകള്‍ തരംതിരിച്ച് ലഭ്യമാക്കാമോ;

(ബി) ഇതുവരെയായി കുടിശ്ശിക പിരിച്ചെടുക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

വൈദ്യുതി ബോര്‍ഡിലെ ജീവനക്കാര്‍

ശ്രീ. മുല്ലക്കര രത്നാകരന്‍

(എ) വൈദ്യുതി ബോര്‍ഡില്‍ ഓരോ തസ്തികയിലും എത്ര ജീവനക്കാര്‍ വീതമാണുളളത്; ഇതില്‍ ഓരോ തസ്തികയിലും എത്ര ഒഴിവുകള്‍ വീതമാണുളളത്;

(ബി) സാങ്കേതിക വിദഗ്ദ്ധരായ എത്ര ഉദ്യോഗസ്ഥര്‍ ദീര്‍ഘകാല അവധി നേടി കേരളത്തിനു വെളിയില്‍ സേവനം നടത്തുന്നുണ്ടെന്ന് വിശദമാക്കുമോ 

വൈദ്യുതി ഉപഭോക്താക്കളും എസ്..എം.എസ്. സംവിധാനവും

ശ്രീ. വി. ഡി. സതീശന്‍

'' ജോസഫ് വാഴക്കന്‍

'' ഡൊമിനിക് പ്രസന്റേഷന്‍

'' വി. റ്റി. ബല്‍റാം

(എ) വൈദ്യുതി ഉപഭോക്താക്കള്‍ക്ക് വൈദ്യുതി തകരാറുകളെക്കുറിച്ച് പരാതികള്‍ ബോധിപ്പിക്കുന്നതിന് എന്തെല്ലാം മാര്‍ഗ്ഗങ്ങളാണുള്ളത് ;

(ബി) ഇതിനായി തുടങ്ങിയ എസ്.എം.എസ്. സംവിധാനം എവിടെയെല്ലാം നടപ്പാക്കിയിട്ടുണ്ട് ;

(സി) ഈ സംവിധാനം സംസ്ഥാനം മുഴുവനും വ്യാപിപ്പിക്കുന്ന കാര്യം പരിഗണിക്കുമോ ; എങ്കില്‍ ഇതിനായി എന്തെല്ലാം നടപടികള്‍ സ്വീകരിക്കാനാണുദ്ദേശിക്കുന്നത് ?

മൂഴിയാര്‍ ജനറേറ്ററിലെ പൊട്ടിത്തെറി

ശ്രീ. കെ.കെ. ജയചന്ദ്രന്‍

,, രാജു എബ്രഹാം

,, കെ. സുരേഷ് കുറുപ്പ്

ശ്രീമതി പി. അയിഷാ പോറ്റി

(എ) മൂഴിയാറിലെ ജനറേറ്റര്‍ പൊട്ടിത്തെറിക്കുകയും രണ്ട് പേര്‍ മരിക്കുകയും ചെയ്തത് സംബന്ധിച്ച് അന്നത്തെ സര്‍ക്കാര്‍ നിയോഗിച്ച അന്വേഷണ കമ്മീഷന്റെ റിപ്പോര്‍ട്ട് സര്‍ക്കാരിന് ലഭിച്ചിരുന്നോ; എങ്കില്‍ റിപ്പോര്‍ട്ടിലെ നിഗമനങ്ങളും ശുപാര്‍ശകളും എന്തൊക്കെയാണെന്ന് വിശദീകരിക്കാമോ?

(ബി) മൂഴിയാറിലെ ജനറേറ്ററുകളുടെ അറ്റകുറ്റപ്പണികള്‍ നടത്താന്‍ ഏത് സ്ഥാപനത്തെയാണ് കഴിഞ്ഞ യു.ഡി.എഫ്. സര്‍ക്കാര്‍ ഏല്‍പ്പിച്ചിരുക്കുന്നത്; അവര്‍ക്ക് ഓരോ ജനറേറ്റകള്‍ക്കും നിശ്ചയിച്ചിരുന്ന തുക എത്ര വീതമായിരുന്നു;

(സി) ജനറേറ്ററുകള്‍ക്കും പെന്‍സ്റോക്ക് പൈപ്പുകള്‍ക്കുമുള്ള ഇന്‍ഷൂറന്‍സ് തുക ലഭ്യമാക്കിയിട്ടുണ്ടോ; ഇല്ലെങ്കില്‍ അതിനുള്ള കാരണം വ്യക്തമാക്കാമോ;

(ഡി) ഇന്‍ഷുറന്‍സ് തുക യഥാസമയം ആവശ്യപ്പെടാന്‍ ഉത്തരവാദപ്പെട്ട ഉദ്യോഗസ്ഥര്‍ ആരെല്ലാമായിരുന്നു; ഇതില്‍ വീഴ്ച വരുത്തിയ ഉദ്യോഗസ്ഥര്‍ക്കെതിരെ എന്തെങ്കിലും അന്വേഷണം നടത്തിയോ; എങ്കില്‍ വിശദാംശം നല്‍കുമോ;

(ഇ) തുക ഈടാക്കാനുള്ള നടപടി യഥാസമയം സ്വീകരിക്കാതിരുന്ന ഉദ്യോഗസ്ഥര്‍ക്കെതിരെ നടപടി സ്വീകരിക്കുമോ?

ഓപ്പറേറ്റര്‍ ഇല്ലാത്ത 33 കെ.വി. സബ്സ്റേഷന്‍

ശ്രീ. എം. ഹംസ

(എ) ഓപ്പറേറ്റര്‍ ഇല്ലാത്ത 33 കെ.വി. സബ്സ്റേഷന്‍ സ്ഥാപിക്കുവാന്‍ ഉദ്ദേശിക്കുന്നുണ്ടോ;

(ബി) അത്തരം സബ്സ്റേഷന്‍ ഇതിനകം എവിടെയെല്ലാം സ്ഥാപിച്ചിട്ടുണ്ട്; ഇതിന്റെ സവിശേഷതകള്‍ എന്തെന്ന് വിശദമാക്കുമോ ?

കെ.എസ്.ഇ.ബി യിലെ ചീഫ് ഇന്റേണല്‍ ഓഡിറ്റര്‍ നിയമനം

ശ്രീ. എ. കെ. ബാലന്‍

(എ) കെ.എസ്.ഇ.ബി യിലെ ചീഫ് ഇന്റേണല്‍ ഓഡിറ്റര്‍ തസ്തികയിലെ നിയമനം സംബന്ധിച്ച സ്പെഷ്യല്‍ റൂളോ, സര്‍ക്കാര്‍ ഉത്തരവോ നിലവിലുണ്ടോ; എങ്കില്‍ ആയതിന്റെ പകര്‍പ്പ് മേശപ്പുറത്ത് വയ്ക്കുമോ;

(ബി) നിലവില്‍ ഈ തസ്തികയില്‍ സ്ഥിരനിയമനം നടത്തിയിട്ടുണ്ടോ; ഇല്ലെങ്കില്‍ എന്ത്കൊണ്ടാണ് വ്യക്തമാക്കുമോ; നടത്തിയിട്ടുണ്ടെങ്കില്‍ പ്രമോഷന്‍, ഡെപ്യൂട്ടേഷന്‍, നേരിട്ടുള്ള നിയമനം ഇതില്‍ ഏത് മാര്‍ഗ്ഗം വഴിയായിരുന്നു നിയമനം;

(സി) ബോര്‍ഡിലെ സീനിയര്‍ എ.ഒ, തസ്തികയുടെ പ്രമോഷന്‍ തസ്തിക ഏതാണ്; ഈ സര്‍ക്കാര്‍ അധികാരമേറ്റ ശേഷം ഈ തസ്തികയില്‍ പ്രമോഷന്‍ വഴി നിയമനം നടത്തിയിട്ടുണ്ടോ?

മേഖലാ മീറ്റര്‍ ടെസ്റിംങ് ലാബുകള്‍

ശ്രീ. എ. കെ. ബാലന്‍

മേഖലാ മീറ്റര്‍ ടെസ്റിംങ് ലാബുകള്‍ നാഷണല്‍ അക്രെഡിറ്റേഷന്‍ ബോര്‍ഡ് ലാബട്ടറീസ് നിലവാരത്തിലേക്ക് അപ്ഗ്രേഡ് ചെയ്യാന്‍ നടപടി സ്വീകരിച്ചിട്ടുണ്ടോ; എങ്കില്‍ ഏതൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം നല്കുമോ?

വൈദ്യുതി മീറ്ററുകളും ട്രാന്‍സ്ഫോര്‍മറുകളും മാറ്റി സ്ഥാപിക്കല്‍

ശ്രീ. കോടിയേരി ബാലകൃഷ്ണന്‍

(എ) സംസ്ഥാനത്ത് 2011 മെയ് മുതല്‍ നാളിതുവരെയായി എത്ര വൈദ്യുതി മീറ്ററുകളാണ് പ്രവര്‍ത്തനരഹിതമായിട്ടുളളത്;

(ബി) നാളിതുവരെയായി ഇതില്‍ എത്ര മീറ്ററുകള്‍ മാറ്റി നല്‍കാന്‍ കഴിഞ്ഞു;

(സി) ഈ സര്‍ക്കാര്‍ അധികാരമേറ്റശേഷം എത്ര വൈദ്യതി ട്രാന്‍സ്ഫോര്‍മറുകള്‍ വാങ്ങിയിട്ടുണ്ട്;

(ഡി) നിലവില്‍ എത്ര വൈദ്യുതി ട്രാന്‍സ്ഫോര്‍മറുകള്‍ ആവശ്യമുണ്ടെന്ന് വിലയിരുത്തിയിട്ടുണ്ടോ;

(ഈ ) ഉണ്ടെങ്കില്‍ പ്രസ്തുത ട്രാന്‍സ്ഫോര്‍മറുകള്‍ എന്ന് വാങ്ങാന്‍ കഴിയുമെന്ന് വെളിപ്പെടുത്താമോ?

ഓണ്‍ലൈന്‍ ലൈസന്‍സിംഗ്

ശ്രീ. എ.കെ. ബാലന്‍

(എ) ഇലക്ട്രിക്കല്‍ സൂപ്പര്‍വൈസര്‍ ലൈസന്‍സിന് ഓണ്‍ലൈനായി അപേക്ഷിക്കുവാന്‍ സംവിധാനം ഒരുക്കിയിട്ടുണ്ടോ;

(ബി) എങ്കില്‍ എന്നു മുതലാണ് ഈ സംവിധാനം ഏര്‍പ്പെടുത്തിയത്; എത്രപേര്‍ ലൈസന്‍സിന് ഓണ്‍ലൈനായി അപേക്ഷിച്ചു; എത്രപേര്‍ക്ക് ലൈസന്‍സ് നല്‍കിയിട്ടുണ്ട്; വിശദാംശങ്ങള്‍ നല്‍കുമോ

മോഡല്‍ സെക്ഷന്‍ പരിഷ്കാരങ്ങള്‍

ശ്രീ. ജോസഫ് വാഴക്കന്‍

,, ഡൊമിനിക് പ്രസന്റേഷന്‍

,, വി. റ്റി. ബല്‍റാം

,, ബെന്നി ബെഹനാന്‍

(എ) മുന്‍ സര്‍ക്കാര്‍ നടപ്പാക്കിയ മോഡല്‍ സെക്ഷന്‍ പരിഷ്ക്കാരങ്ങളില്‍ അപാകതകള്‍ ഉള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രധാനപ്പെട്ട അപാകതകള്‍ എന്തെല്ലാമാണ്;

(ബി) അവ പരിഹരിക്കുന്നതിന് എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വ്യക്തമാക്കുമോ?

കുരുവട്ടൂര്‍ ഗ്രാമപഞ്ചായത്തില്‍ കെ.എസ്.ഇ.ബി സെക്ഷനാഫീസ്

ശ്രീ. എ. കെ. ശശീന്ദ്രന്‍

(എ) കോഴിക്കോട് ജില്ലയിലെ കുരുവട്ടൂര്‍ ഗ്രാമപഞ്ചായത്തില്‍ കെ.എസ്.ഇ.ബി സെക്ഷനാഫീസ് അനുവദിക്കണമെന്ന് നിവേദനം ലഭിച്ചിട്ടുണ്ടോ ;

(ബി) ഇക്കാര്യത്തില്‍ എന്തു നടപടി സ്വീകരിച്ചുവെന്ന് വെളിപ്പെടുത്താമോ 

വക്കം ഇലക്ട്രിസിറ്റി ഓഫീസിന്റെ പ്രവര്‍ത്തനം

ശ്രീ. ബി.സത്യന്‍

(എ) വക്കം ഇലക്ട്രിസിറ്റി സെക്ഷന്‍ ഓഫീസിന് കീഴില്‍ കവലയൂരില്‍ പ്രവര്‍ത്തിച്ചിരുന്ന സബ് എഞ്ചിനീയര്‍ ഓഫീസ് ഓവര്‍സീയര്‍ ഓഫീസാക്കി മാറ്റിയതും പ്രവര്‍ത്തന സമയം വെട്ടിച്ചുരുക്കിയതും ശ്രദ്ധയില്‍പെട്ടിട്ടുണ്ടോ;

(ബി) ഇതുമൂലം ജനങ്ങള്‍ക്ക് വളരെയേറെ ബുദ്ധിമുട്ടുണ്ടാകുന്നത് പരിഗണിച്ച് പ്രസ്തുത ഓഫീസിനെ 24 മണിക്കൂര്‍ പ്രവര്‍ത്തിക്കുന്ന സബ് എഞ്ചിനീയര്‍ ഓഫീസാക്കി മാറ്റുവാനുളള നടപടികള്‍ സ്വീകരിക്കാമോ?

കോവൂര്‍ സെക്ഷന്‍ വിഭജനം

ശ്രീ. പി.ടി.എ. റഹിം

(എ) കോഴിക്കോട് ജില്ലയിലെ കോവൂര്‍ സെക്ഷന്‍ വിഭജിച്ച് കുറ്റിക്കാട്ടൂര്‍ ആസ്ഥാനമാക്കി ഒരു ഇലക്ട്രിക്കല്‍ സെക്ഷന്‍ ഓഫീസ് തുടങ്ങുന്ന കാര്യം വൈദ്യുതി ബോര്‍ഡിന്റെ പരിഗണനയിലുണ്ടോ;

(ബി) എങ്കില്‍ എപ്പോള്‍ ഇത് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

പരവൂര്‍ സബ്സ്റേഷന്‍

ശ്രീ. ജി. എസ്. ജയലാല്‍

(എ) പരവൂരില്‍ നിര്‍മ്മാണം ആരംഭിച്ചിട്ടുള്ള 33 കെ.വി. സബ്സ്റേഷന്റെയും അനുബന്ധ ജോലികളുടെയും പ്രവര്‍ത്തന പുരോഗതി അറിയിക്കുമോ;

(ബി) സബ്സ്റേഷന്‍ നിര്‍മ്മാണ ജോലികള്‍ രണ്ടുവര്‍ഷം മുന്‍പ് ആരംഭിച്ചുവെങ്കിലും നാളിതുവരെ നിര്‍മ്മാണം പൂര്‍ത്തീകരിക്കുവാന്‍ കഴിഞ്ഞിട്ടില്ലായെന്നത് ശ്രദ്ധയില്‍പ്പെട്ടിട്ടുണ്ടോ;

(സി) എങ്കില്‍ എത്രയും പെട്ടെന്ന് നിര്‍മ്മാണം പൂര്‍ത്തീകരിച്ച് സബ്സ്റേഷന്‍ പ്രവര്‍ത്തനം ആരംഭിക്കുവാന്‍ നടപടി സ്വീകരിക്കുമോ; എന്ന് ഉദ്ഘാടനം നിര്‍വ്വഹിക്കുവാന്‍ കഴിയുമെന്നാണ് പ്രതീക്ഷിക്കുന്നത് ?

രാജീവ്ഗാന്ധി ഗ്രാമീണ്‍ വൈദ്യുതീകരണ്‍ യോജന

ശ്രീ. എം.വി. ശ്രേയാംസ്കുമാര്‍

(എ) സംസ്ഥാനത്ത് ഏതെല്ലാം ജില്ലകളിലാണ് രാജീവ് ഗാന്ധി ഗ്രാമീണ്‍ വൈദ്യുതീകരണ്‍ യോജന (ഞഏഏഢഥ) നിലവിലുള്ളത് ;

(ബി) കഴിഞ്ഞ സാമ്പത്തിക വര്‍ഷം പ്രസ്തുത പദ്ധതിക്കായി വകയിരുത്തിയ തുകയുടെയും ചെലവഴിച്ച തുകയുടെയും ജില്ലാതല വിശദാംശം ലഭ്യമാക്കുമോ ;

(സി) നടപ്പു വര്‍ഷം പ്രസ്തുത പദ്ധതി പ്രകാരം വയനാട് ജില്ലയില്‍ നടപ്പാക്കുന്ന പ്രവര്‍ത്തനങ്ങളുടെ താലൂക്ക്തല വിശദാംശങ്ങള്‍ ലഭ്യമാക്കുമോ ?

കല്യാശ്ശേരി നിയോജക മണ്ഡലത്തില്‍ ആര്‍.ജി.ജി.വി.വൈ

ശ്രീ. റ്റി.വി. രാജേഷ്

കല്ല്യാശ്ശേരി നിയോജക മണ്ഡലത്തില്‍ ആര്‍.ജി.ജി.വി.വൈ ഏതൊക്കെ പഞ്ചായത്തുകളിലാണ് നടപ്പിലാക്കിയിട്ടുള്ളത്; ഇതു പ്രകാരം എത്ര വീടുകള്‍ വൈദ്യുതീകരിച്ചിട്ടുണ്ട്; ഈ പദ്ധതി എപ്പോള്‍ പൂര്‍ത്തീകരിക്കാന്‍ കഴിയുമെന്നയിറിക്കുമോ ?

next page>>