Questions

റോഡപകടങ്ങളില്‍ ഇരുചക്ര വാഹനങ്ങളുടെ പങ്ക്

ശ്രീ. എന്‍. ഷംസുദ്ദീന്‍

,, പി. ബി. അബ്ദുള്‍ റസാക്

,, വി. എം. ഉമ്മര്‍ മാസ്റര്‍

,, എം. ഉമ്മര്‍

(എ) റോഡപകടങ്ങളില്‍ ഇരുചക്ര വാഹനങ്ങളുടെ പങ്ക് കൂടിവരുന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി) റോഡപകടങ്ങളില്‍ മരണമടയുന്നവരില്‍ കൂടുതലും ഇരുചക്ര വാഹന യാത്രക്കാരാണെന്ന കാര്യം പരിശോധനാ വിഷയമാക്കിയിട്ടുണ്ടോ ;

(സി) ഇരുചക്ര വാഹനങ്ങളുടെ പരമാവധി വേഗത മണിക്കൂറില്‍ നൂറും നൂറ്റമ്പതും കിലോമീറ്റര്‍ ആയിരിക്കുന്ന സാഹചര്യത്തില്‍ വേഗത നിയന്ത്രണം ഏര്‍പ്പെടുത്തുന്നതിന്റെ അപ്രായോഗികതയെക്കുറിച്ച് പരിശോധിച്ചിട്ടുണ്ടോ ;

(ഡി) റോഡുകളില്‍ വേഗത നിയന്ത്രിക്കുന്നതിനു പകരം ഇരുചക്ര വാഹനങ്ങളുടെ വേഗത നിര്‍മ്മാണഘട്ടത്തില്‍ തന്നെ പരമാവധി അറുപതു കിലോമീറ്ററാക്കി ക്രമപ്പെടുത്തുന്നതിന് ആവശ്യമായ നടപടികള്‍ സ്വീകരിക്കുമോ ?

സംസ്ഥാന റോഡ് സേഫ്റ്റി അതോറിറ്റി

ശ്രീ. എന്‍.എ.നെല്ലിക്കുന്ന്

(എ) സംസ്ഥാനത്ത് റോഡ് സേഫ്റ്റി അതോറിറ്റി രൂപീകരിച്ചിട്ടുണ്ടോ; അതിന്റെ ഉദ്ദേശ ലക്ഷ്യങ്ങള്‍ എന്തെല്ലാമാണെന്ന് വിശദമാക്കുമോ;

(ബി) വര്‍ദ്ധിച്ചുവരുന്ന റോഡ് അപകട നിരക്ക് കുറച്ചുകൊണ്ടുവരാന്‍ റോഡ് സേഫ്റ്റി അതോറിറ്റി ഏതെല്ലാം തരത്തിലുളള ഇടപെടലുകള്‍ നടത്താനാണ് ലക്ഷ്യമിടുന്നത്;

(സി) ഇതര സംസ്ഥാനങ്ങളിലെ റോഡ് സേഫ്റ്റി സംവിധനങ്ങളെന്തെല്ലാമാണെന്ന് പരിശോധിച്ചിട്ടുണ്ടോ; വിശദവിവരം നല്കാമോ;

(ഡി) അതോറിറ്റിക്കായി 2011-12 വര്‍ഷത്തില്‍ എന്തു തുക ചെലവായി; വിശദാംശം ലഭ്യമാക്കുമോ?

പുതിയ റൂട്ടുകളും കെ.എസ്.ആര്‍.ടി.സി യുടെ നഷ്ടവും

ശ്രീ. കെ.മുഹമ്മദുണ്ണി ഹാജി

(എ) കെ.എസ്.ആര്‍.ടി.സി യെ നഷ്ടത്തില്‍ നിന്നും കരകയറ്റുന്നതിനായി എന്തെല്ലാം പദ്ധതികളാണ് ആവിഷ്ക്കരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(ബി) പുതിയ റൂട്ടുകള്‍ അനുവദിയ്ക്കുന്നതിന് നിലവില്‍ എന്തെങ്കിലും മാനദണ്ഡങ്ങള്‍ ഉണ്ടോ;

(സി) പുതുതായി എന്തെങ്കിലും മാനദണ്ഡങ്ങള്‍ കൊണ്ട് വരുന്നതിന് ഉദ്ദേശമുണ്ടോ; വിശദമാക്കുമോ ?

കെ.എസ്.ആര്‍.ടി.സി. പുതുതായി നിരത്തിലിറക്കുന്ന ബസ്സുകള്‍

ശ്രീ. എം. ഉമ്മര്‍

(എ) കെ.എസ്.ആര്‍.ടി.സി. ഈവര്‍ഷം പുതുതായി എത്ര ബസുകള്‍ നിരത്തിലിറക്കാന്‍ ഉദ്ദേശിക്കുന്നുണ്ട്;

(ബി) പുതിയ ലോ-ഫ്ളോര്‍ ബസുകള്‍ നിരത്തിലിറക്കാന്‍ ഉദ്ദേശിക്കുന്നുണ്ടോ;

(സി) കൂടുതല്‍ റൂട്ടുകളില്‍ കെ.എസ്.ആര്‍.ടി.സി ബസുകള്‍ ഓടിക്കുന്ന കാര്യം പരിഗണനയിലുണ്ടോ;

(ഡി) എത് ജില്ലയിലാണ് കൂടുതല്‍ ബസുകള്‍ സര്‍വീസ് നടത്തുന്നത്; അവ എത്രയെന്ന് അറിയിക്കാമോ

കെ.എസ്.ആര്‍.ടി.സി. നിരത്തിലിറക്കിയ ബസുകള്‍

ശ്രീ. എ.എ.അസീസ്

(എ) ഈ സര്‍ക്കാര്‍ അധികാരമേറ്റശേഷം സംസ്ഥാനത്ത് കെ.എസ്.ആര്‍.ടി.സി എത്ര പുതിയ ബസുകളാണ് നിരത്തിലിറക്കിയത്;

(ബി) പുതിയ ബസുകള്‍ ഓരോ ജില്ലയ്ക്കും അലോട്ട് ചെയ്തത് ജില്ല തിരിച്ച് എണ്ണം ലഭ്യമാക്കുമോ;

(സി) പുതിയ ബസുകള്‍ അലോട്ട് ചെയ്യുന്നതിന്റെ മാനദണ്ഡം എന്താണെന്ന് വ്യക്തമാക്കുമോ

പുതിയ റൂട്ടുകള്‍

ശ്രീമതി ഗീതാ ഗോപി

(എ) സ്വകാര്യ ബസ്സുകള്‍ക്ക് പുതുതായി റൂട്ടുകള്‍ അനുവദിക്കുന്നുണ്ടോ ;

(ബി) കെ.എസ്.ആര്‍.ടി.സി. പുതിയ ഷെഡ്യൂളുകള്‍ തുടങ്ങുന്നതിനുള്ള മാനദണ്ഡമെന്ത് എന്ന് വ്യക്തമാക്കുമോ ;

(സി) നിലവില്‍ യാത്രാ സൌകര്യം തീരെയില്ലാത്ത റൂട്ടുകളില്‍ ബസ്സുകള്‍ക്ക് റൂട്ട് അനുവദിക്കുന്നതിന് മുന്‍ഗണന നല്‍കുമോ എന്ന് വ്യക്തമാക്കാമോ ?

കെ.അസ്.ആര്‍.ടി.സി.യ്ക്ക് അധിക സാമ്പത്തിക സഹായം

ശ്രീ. സി. ദിവാകരന്‍

(എ) കഴിഞ്ഞ സാമ്പത്തിക വര്‍ഷത്തില്‍ കെ.എസ്.ആര്‍.ടി.സി യ്ക്ക് 100 കോടി രൂപയുടെ അധിക സാമ്പത്തിക സഹായം അനുവദിച്ചതിന്റെ അടിസ്ഥാനത്തില്‍ നടപ്പാക്കിയ പുരോഗമനപ്രവര്‍ത്തനങ്ങള്‍ വിശദീകരിക്കാമോ;

(ബി) ഈ സഹായത്തിന്റെ അടിസ്ഥാനത്തില്‍ കെ.എസ്.ആര്‍.ടി.സി.യുടെ പ്രവര്‍ത്തന നഷ്ടത്തില്‍ എന്തെങ്കിലും കുറവ് ഉണ്ടായിട്ടുണ്ടോ;

(സി) കരുനാഗപ്പള്ളിയിലെ കെ.എസ്.ആര്‍.ടി.സി സ്റാന്റിനോടനുബന്ധിച്ച് ഷോപ്പിംഗ് കോംപ്ളക്സ് നിര്‍മ്മാണ പദ്ധതിയുടെ പ്രവര്‍ത്തനങ്ങള്‍ ആരംഭിച്ചിട്ടുണ്ടോ?

കെ. എസ്. ആര്‍. ടി. സി. പുതുതായി വാങ്ങിയ ബസ്സുകള്‍

ശ്രീ. ഇ. പി. ജയരാജന്‍

(എ) ഈ ഗവണ്‍മെന്റ് അധികാരത്തില്‍ വന്നതിനുശേഷം കെ. എസ്. ആര്‍. ടി. സി. എത്ര ബസ്സുകള്‍ വാങ്ങി;

(ബി) പുതുതായി വാങ്ങിയ ബസ്സുകള്‍ ഏതെല്ലാം ഡിപ്പോകള്‍ക്കാണ് അനുവദിച്ചുനല്‍കിയതെന്നും ഓരോ ഡിപ്പോകള്‍ക്കും എത്ര ബസ്സുകള്‍ അനുവദിച്ചുനല്‍കി എന്നതിന്റെയും വിശദാംശങ്ങള്‍ ലഭ്യമാക്കുമോ;

(സി) ഏതെല്ലാം നിയസഭാ സാമാജികരുടെ അപേക്ഷപ്രകാരമാണ് പുതിയ ബസ്സുകള്‍ നല്‍കിയതെന്നും അത്തരത്തില്‍ പുതുതായി അനുവദിച്ച ബസ്സ് റൂട്ടുകള്‍ ഏതൊക്കെയെന്നും വ്യക്തമാക്കുമോ?

ശബരിമല തീര്‍ത്ഥാടനകാലത്തെ കെ.എസ്.ആര്‍.ടി.സി. സര്‍വ്വീസ്

ശ്രീ. മുല്ലക്കര രത്നാകരന്‍

(എ) ഇക്കഴിഞ്ഞ ശബരിമല തീര്‍ത്ഥാടനകാലത്ത് (വൃശ്ചികം 1 മുതല്‍ മകര വിളക്ക് വരെ) കെ.എസ്.ആര്‍.ടി.സി. എത്ര ബസ്സുകളാണ് പ്രത്യേകം സര്‍വ്വീസ് നടത്തിയത്;

(ബി) ഈ ഇനത്തില്‍ കോര്‍പ്പറേഷന് എത്ര വരുമാനമാണുണ്ടായത്; വ്യക്തമാക്കുമോ?

കെ.എസ്.ആര്‍.ടി.സി അന്തര്‍സംസ്ഥാന സര്‍വീസുകള്‍

ശ്രീ. പി.കെ. ഗുരുദാസന്‍

,, കെ. വി. അബ്ദുള്‍ ഖാദര്‍

,, വി. ചെന്താമരാക്ഷന്‍

ഡോ. കെ. ടി. ജലീല്‍

(എ) കെ.എസ്.ആര്‍.ടി.സി പ്രതിദിനം എത്ര അന്തര്‍സംസ്ഥാന സര്‍വീസുകള്‍ നടത്തിയിരുന്നുവെന്നും, ഈ സര്‍ക്കാര്‍ അധികാരമേറ്റ ശേഷം ഇവയില്‍ എത്രയെണ്ണം നിര്‍ത്തലാക്കിയെന്നും, അതിനുള്ള കാരണമെന്തെന്നും വ്യക്തമാക്കുമോ ;

(ബി) കെ.എസ്.ആര്‍.ടി.സി നിര്‍ത്തലാക്കിയ ഈ റൂട്ടുകളില്‍ മറ്റ് സംസ്ഥാന ട്രാന്‍സ്പോര്‍ട്ടുകളും സ്വകാര്യ സ്ഥാപനങ്ങളും കൃത്യമായി സര്‍വീസ് നടത്തിവരുന്ന വിവരം ശ്രദ്ധയില്‍പ്പെട്ടിട്ടുണ്ടോ ;

(സി) നിര്‍ത്തലാക്കിയ അന്തര്‍സംസ്ഥാന സര്‍വീസുകള്‍ പുനരാരംഭിക്കാന്‍ അടിയന്തിരമായി നടപടി സ്വീകരിക്കുമോ ?

കെ.എസ്.ആര്‍.ടി.സി.യുടെ അന്തര്‍സംസ്ഥാന സര്‍വ്വീസുകള്‍

ശ്രീ. മുല്ലക്കര രത്നാകരന്‍

(എ) കെ.എസ്.ആര്‍.ടി.സി.യുടെ ആഭിമുഖ്യത്തില്‍ എത്ര അന്തര്‍സംസ്ഥാന സര്‍വ്വീസുകള്‍ ഇപ്പോള്‍ നടന്നുവരുന്നു;

(ബി) ഏതെല്ലാം സംസ്ഥാനങ്ങളിലേക്കാണ് സര്‍വ്വീസ് നടത്തുന്നത്;

(സി) സംസ്ഥാനതലത്തിലുള്ള കണക്കുകള്‍ ലഭ്യമാക്കുമോ ?

കെ.എസ്.ആര്‍.ടി.സി. കൊട്ടാരക്കര ഡിപ്പോയിലെ പുതുതായി ആരംഭിച്ച സര്‍വ്വീസുകള്‍

ശ്രീമതി. പി. അയിഷാ പോറ്റി

(എ) ഈ സര്‍ക്കാര്‍ അധികാരത്തില്‍ വന്നശേഷം കെ. എസ്. ആര്‍.ടി.സി. യുടെ കൊട്ടാരക്കര ഡിപ്പോയില്‍ നിന്നും പുതുതായി ആരംഭിച്ച സര്‍വ്വീസുകള്‍ ഏതെല്ലാമാണ് ;

(ബി) ആരുടെയെല്ലാം ശുപാര്‍ശ പ്രകാരമാണ് പ്രസ്തുത സര്‍വ്വീസുകള്‍ ആരംഭിച്ചിട്ടുളളത് ;

(സി) പ്രസ്തുത സര്‍വ്വീസുകളില്‍ എത്ര എണ്ണം ജനപ്രതിനിധികളുടെ സാന്നിധ്യത്തില്‍ ആദ്യ സര്‍വ്വീസ് ആരംഭിച്ചു;

(ഡി) അത്തരം സര്‍വ്വീസുകള്‍ ആരംഭിച്ച സ്ഥലം, തീയതി പങ്കെടുത്ത ജനപ്രതിനിധികള്‍ എന്നിവരുടെ വിശദാം ശങ്ങള്‍ വെളിപ്പെടുത്തുമോ ?

കൊട്ടാരക്കര - ഓയൂര്‍- പാരിപ്പളളി റൂട്ടില്‍ കെ.എസ്.ആര്‍.ടി.സി വേണാട് സര്‍വ്വീസ്

ശ്രീമതി. പി. അയിഷാ പോറ്റി

(എ) കൊട്ടാരക്കര - ഓയൂര്‍- പാരിപ്പളളി റൂട്ടില്‍ കെ.എസ്.ആര്‍.ടി.സി. വേണാട് ബസ് സര്‍വ്വീസ് ആരംഭിക്കുന്നത് സംബന്ധിച്ച് കഴിഞ്ഞ സര്‍ക്കാരിന്റെ കാലത്ത് സാധ്യതാപഠനം നടത്തി സമര്‍പ്പിച്ച റിപ്പോര്‍ട്ടിന്റെ വിശദാംശങ്ങള്‍ വ്യക്തമാക്കുമോ ;

(ബി) പ്രസ്തുത റൂട്ടില്‍ വേണാട് സര്‍വ്വീസ് ലാഭകരമായിരിക്കുമെന്ന് ബോധ്യപ്പെട്ടിട്ടുണ്ടോ ;

(സി) പ്രസ്തുത റൂട്ടില്‍ വേണാട് സര്‍വ്വീസ് ആരംഭിക്കാന്‍ നടപടി സ്വീകരിക്കുമോ ?

കെ.എസ്.ആര്‍.ടി.സി. ചാത്തന്നൂര്‍ ഡിപ്പോയിലെ അടിസ്ഥാന സൌകര്യ വികസനം

ശ്രീ. ജി. എസ്. ജയലാല്‍

(എ) ചാത്തന്നൂര്‍ കെ.എസ്.ആര്‍.ടി.സി. ഡിപ്പോയില്‍ അടിസ്ഥാന സൌകര്യങ്ങളുടെ അപര്യാപ്തത ഉണ്ടെന്നുളള വിവരം ശ്രദ്ധയില്‍പ്പെട്ടിട്ടുണ്ടേണ്ടാ ;

(ബി) അടിസ്ഥാന സൌകര്യ വികസനം ആവശ്യപ്പെട്ട് നിവേദനം ലഭിച്ചിരുന്നുവോ; എങ്കില്‍ അതിന്മേല്‍ എന്ത് നടപടികളാണ് സ്വികരിക്കുന്നതെന്ന് വ്യക്തമാക്കുമോ ?

പന്തളം കെ. എസ്. ആര്‍. ടി. സി. ഡിപ്പോയുടെ വിശദാംശങ്ങള്‍

ശ്രീ. ചിറ്റയം ഗോപകുമാര്‍

(എ) പന്തളം കെ. എസ്. ആര്‍. ടി. സി. ഡിപ്പോയിലെ നിലവിലുള്ള അനുവദനീയ പോസ്റുകള്‍ തസ്തിക തിരിച്ച് വ്യക്തമാക്കുമോ;

(ബി) നിലവില്‍ എത്ര ജീവനക്കാര്‍ ജോലി ചെയ്യുന്നു എന്ന വിവരം തസ്തിക തിരിച്ച് അറിയിക്കുമോ;

(സി) പ്രസ്തുത ഡിപ്പോയിലെ അനുവദനീയ ഷെഡ്യൂളുകളുടെയും ബസ്സുകളുടെയും വിവരം ലഭ്യമാക്കുമോ;

(ഡി) നിലവില്‍ ഈ ഡിപ്പോയിലെ ഷെഡ്യൂളുകളുടേയും ബസ്സുകളുടേയും വിശദാംശം അറിയിക്കുമോ?

അടൂര്‍ ഡിപ്പോയിലെ ഷെഡ്യൂളുകളുടെ വിശദാംശം

ശ്രീ. ചിറ്റയം ഗോപകുമാര്‍

(എ) അടൂര്‍ കെ.എസ്.ആര്‍.ടി.സി. ഡിപ്പോയിലെ നിലവിലുള്ള അംഗീകൃത ഷെഡ്യൂളുകളുടെയും, ബസുകളുടെയും വിവരം ലഭ്യമാക്കുമോ;

(ബി) ഈ സര്‍ക്കാര്‍ അധികാരത്തില്‍ വന്നശേഷം അടൂര്‍ ഡിപ്പോയില്‍ നിറുത്തലാക്കിയ ഷെഡ്യൂളുകളുടെ വിശദാംശം അറിയിക്കുമോ;

(സി) ഈ സര്‍ക്കാര്‍ അധികാരത്തില്‍ വന്നശേഷം അടൂര്‍ കെ.എസ്.ആര്‍.ടി.സി. ഡിപ്പോയില്‍ പുതിയതായി എത്ര ബസുകള്‍ അനുവദിച്ചു എന്ന് വ്യക്തമാക്കുമോ;

(ഡി) യാത്രാക്ളേശം അധികമായുള്ള അടൂര്‍-ചാരുമൂട്-മാവേലിക്കര-ഹരിപ്പാട് റൂട്ടില്‍ പുതിയതായി ബസ് അനുവദിക്കുന്നതിനുള്ള നടപടി സ്വീകരിക്കുമോ?

ചേര്‍ത്തല ഡിപ്പോ വക ബസ്

ശ്രീ. പി. തിലോത്തമന്‍

(എ) കെ.എസ്.ആര്‍.ടി.സി ചേര്‍ത്തല ഡിപ്പോയിലെ ഒരു ബസ്സ് ഉദ്ദേശം അയ്യായിരത്തോളം രൂപ വില വരുന്ന സൈഡ് ഗ്ളാസ്സ് പൊട്ടിയ കാരണത്താല്‍ തിരുവനന്തപുരം വര്‍ക്ക്ഷോപ്പില്‍ അന്‍പത് ദിവസത്തിലധികം പിടിച്ചിട്ട സംഭവം ശ്രദ്ധയില്‍പ്പെട്ടിട്ടുണ്ടോ ; ചേര്‍ത്തല ഡിപ്പോ വക ആര്‍.എന്‍.ഇ - 726-ാം നമ്പരോടുകൂടിയ പ്രസ്തുത ബസ്സിന്റെ പ്രതിദിന ശരാശരി കളക്ഷന്‍ എത്ര രൂപയായിരുന്നുവെന്നു വ്യക്തമാക്കുമോ ;

(ബി) ഈ ഇനത്തില്‍ കോര്‍പ്പറേഷന് എത്ര രൂപ നഷ്ടം വന്നിട്ടുണ്ടെന്നു വ്യക്തമാക്കാമോ; മേല്‍പ്പറഞ്ഞ സംഭവത്തില്‍ കോര്‍പ്പറേഷന് ലക്ഷക്കണക്കിന് രൂപ നഷ്ടമുണ്ടാക്കിയതുമായി ബന്ധപ്പെട്ട് കാരണക്കാരായ ആര്‍ക്കെങ്കിലും എതിരെ നടപടി എടുത്തിട്ടുണ്ടോ ; ഉണ്ടെങ്കില്‍ എന്തു നടപടി സ്വീകരിച്ചു എന്നു വ്യക്തമാക്കാമോ ?

കുമളി നെടുങ്കണ്ടം മൂന്നാര്‍ റൂട്ടില്‍ കെ.എസ്.ആര്‍.ടി.സി. ബസ്സ് സര്‍വ്വീസ്

ശ്രീ.കെ.കെ.ജയചന്ദ്രന്‍

(എ) വിനോദ സഞ്ചാര കേന്ദ്രങ്ങളായ കുമളി-മൂന്നാര്‍ റൂട്ടില്‍ നാല് സ്വകാര്യ ബസുകള്‍ അല്ലാതെ കെ.എസ്.ആര്‍.ടി.സി ബസുകള്‍ ഒന്നും സര്‍വ്വീസ് നടത്തുന്നില്ല എന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി) കുമളിയില്‍ നിന്നും രാവിലെ പത്തുമണിക്ക് ശേഷം മൂന്നാറിലേക്ക് ബസുകള്‍ ഒന്നും സര്‍വ്വീസ് നടത്താത്ത സാഹചര്യത്തില്‍ അടിയന്തിരമായി കുമളി- നെടുംങ്കണ്ടം-മൂന്നാര്‍ റൂട്ടില്‍ കെ.എസ്.ആര്‍.ടി.സി ബസുകള്‍ ആരംഭിക്കുന്ന കാര്യം പരിഗണിക്കുമോ?

ചാരുംമൂട് കേന്ദ്രീകരിച്ച് കെ. എസ്. ആര്‍. ടി. സി. ഡിപ്പോ

ശ്രീ. ആര്‍. രാജേഷ്

(എ) മാവേലിക്കര മണ്ഡലത്തില്‍ ചാരുംമൂട് കേന്ദ്രീകരിച്ച് കെ. എസ്. ആര്‍. ടി. സി. ഡിപ്പോ ആരംഭിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ;

(ബി) മാവേലിക്കര കെ. എസ്. ആര്‍. ടി. ഡിപ്പോയില്‍ സ്റേഷന്‍ ജീവനക്കാരുടെ കുറവ് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ കുറവ് പരിഹരിക്കുന്നതിനുള്ള നടപടികള്‍ സ്വീകരിക്കുമോ;

(സി) മാവേലിക്കരയില്‍ ബസ്സുകളുടെ കുറവ് ശ്രദ്ധയില്‍പ്പെട്ടിട്ടുണ്ടോ; പ്രസ്തുത പ്രശ്നം പരിഹരിക്കുന്നതിനുള്ള നടപടികള്‍ സ്വീകരിക്കുമോ; പുതിയ ബസ്സുകള്‍ അനുവദിക്കുമോ?

തൊട്ടില്‍പ്പാലം സബ്ഡിപ്പോയിലുള്ള ബസ്സുകള്‍

ശ്രീ. കെ. കുഞ്ഞമ്മത് മാസ്റര്‍

(എ) കെ.എസ്.ആര്‍.ടി.സി. തൊട്ടില്‍പ്പാലം സബ്ഡിപ്പോയില്‍ എത്ര ബസ്സുകള്‍ ഉണ്ടെന്നും എത്ര സര്‍വ്വീസ് നടത്തുന്നുണ്ടെന്നും വ്യക്തമാക്കുമോ;

(ബി) പ്രസ്തുത ബസ്സുകളില്‍ എത്രയെണ്ണം യഥാസമയം റിപ്പയര്‍ ചെയ്യാത്തതിനാല്‍ സര്‍വ്വീസ് നടത്താന്‍ കഴിയാതെ വന്നിട്ടുണ്ട്; വ്യക്തമാക്കുമോ;

(സി) ബസ്സുകള്‍ അറ്റകുറ്റപ്പണികള്‍ ചെയ്ത് നിരത്തിലിറക്കാന്‍ അടിയന്തിര നടപടികള്‍ സ്വീകരിക്കുമോ ?

തൃക്കരിപ്പൂര്‍ മണ്ഡലത്തിലൂടെ സര്‍വ്വീസ് നടത്തുന്ന കെ.എസ്.ആര്‍.ടി.സി ബസ്സുകള്‍

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

ഈ സര്‍ക്കാര്‍ അധികാരമേറ്റ ശേഷം തൃക്കരിപ്പൂര്‍ മണ്ഡലത്തിലൂടെ സഞ്ചരിച്ചിരുന്ന എത്ര കെ.എസ്.ആര്‍.ടി.സി ബസ്സുകളാണ് നിര്‍ത്തിവച്ചതെന്നും,പുതുതായി എത്ര ബസ്സുകള്‍ അനുവദിച്ചിട്ടുണ്ടെന്നും വ്യക്തമാക്കാമോ ?

പയ്യന്നൂര്‍ ഡിപ്പോയില്‍ നിലവിലുള്ള ബസ്സുകള്‍

ശ്രീ. സി. കൃഷ്ണന്‍

(എ) പയ്യന്നൂര്‍ കെ.എസ്.ആര്‍.ടി.സി. ഡിപ്പോയില്‍ നിലവിലുള്ള ഷെഡ്യൂളിന് ആനുപാതികമായി ബസ്സുകള്‍ ഇല്ലാത്ത കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി) എത്ര ബസ്സുകളുടെ കുറവാണ് നിലവില്‍ പ്രസ്തുത ഡിപ്പോയില്‍ ഉള്ളത് ;

(സി) ഇത് പരിഹരിക്കാന്‍, ബസ്സുകള്‍ അനുവദിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്?

കെ.എസ്.ആര്‍.ടി.സി കാസര്‍ഗോഡ്-മംഗലപുരം റൂട്ടില്‍ രാത്രികാലങ്ങളില്‍ ബസ് സര്‍വ്വീസ്

ശ്രീ. എന്‍.എ. നെല്ലിക്കുന്ന്

(എ) കാസര്‍ഗോഡ് ജില്ലയിലെ കാസര്‍ഗോഡ് മണ്ഡലത്തില്‍ കെ.എസ്.ആര്‍.ടി.സി സര്‍വ്വീസ് നടത്താത്ത പഞ്ചായത്തുകളാണ് ബഹുഭൂരിഭാഗവും എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി) കെ.എസ്.ആര്‍.ടി.സി പുതിയ ബസ്സുകള്‍ നിരത്തിലിറക്കുമ്പോള്‍ നിലവില്‍ ഓടിക്കൊണ്ടിരിക്കുന്നവയില്‍ ചിലതെങ്കിലം ഈ പിന്നോക്ക മണ്ഡലത്തില്‍ സര്‍വ്വീസ് നടത്തുവാന്‍ അനുവദിക്കുന്നതിന് നടപടി സ്വീകരിക്കുമോ;

(സി) കാസര്‍ഗോഡ് മണ്ഡലത്തില്‍ പ്രധാന റൂട്ടുകളിലെങ്കിലും കെ.എസ്.ആര്‍.ടി.സി സര്‍വ്വീസ് ആരംഭിക്കാന്‍ നടപടി ഉണ്ടാകുമോ;

(ഡി) കാസര്‍ഗോഡ്-മംഗലാപുരം റൂട്ടില്‍ രാത്രി കാലങ്ങളില്‍ കെ.എസ്.ആര്‍.ടി.സി ബസ് സര്‍വ്വീസ് ഇല്ലത്തതിനാല്‍ ഈ സമയത്ത് ബസ് ഓടിക്കുന്നതിന് നിര്‍ദ്ദേശം നല്‍കുമോ?

മംഗലാപുരത്തുനിന്നും വീതവുംപേട്ടയില്‍ നിന്നും കെ.എസ്.ആര്‍.ടി.സി. ബസ് സര്‍വ്വീസ് ആരംഭിക്കുന്നതിന് നടപടി

ശ്രീ. റ്റി. വി. രാജേഷ്

(എ) പ്രസിദ്ധ ദേവീക്ഷേത്രമായ ശ്രീ.തിരുവര്‍ക്കാട്ട്കാവില്‍ ഭക്ത ജനങ്ങള്‍ക്ക് എത്തിച്ചേരുന്നതിനായി മംഗലാപുരത്തുനിന്നും വീതവുംപേട്ടയില്‍ നിന്നും കെ.എസ്.ആര്‍.ടി.സി. ബസ് സര്‍വ്വീസ് ആരംഭിക്കണമെന്നത് സംബന്ധിച്ച് നല്‍കിയ നിവേദനത്തില്‍ എന്തൊക്കെ നടപടികളാണ് സ്വീകരിച്ചിട്ടുളളത്;

(ബി) കെ.എസ്.ആര്‍.ടി.സി. ബസ് സര്‍വ്വീസ് ആരംഭിക്കാന്‍ അടിയന്തിര നടപടി സ്വീകരിക്കുമോ?

കെ.എസ്.ആര്‍.ടി.സി.യില്‍ പി.എസ്.സി.നിയമനങ്ങളുടെ വിശദാംശം

ശ്രീ.എ.പി.അബ്ദുളളക്കുട്ടി

(എ) കെ.എസ്.ആര്‍.ടി.സിയില്‍ പി.എസ്.സി ലിസ്റില്‍ നിന്നും കഴിഞ്ഞ അഞ്ചു വര്‍ഷക്കാലം നടന്ന നിയമനങ്ങള്‍ തസ്തിക തിരിച്ച് ലഭ്യമാക്കുമോ;

(ബി) പ്രസ്തുത കാലയളവിനുളളില്‍ പി.എസ്.സി. അഡ്വൈസ്സ് ചെയ്തവരുടേയും നിയമന ഉത്തരവ് കൈപ്പറ്റിയവരുടേയും എണ്ണം തസ്തികതിരിച്ച് ലഭ്യമാക്കുമോ;

(സി) പി.എസ്.സി. അഡ്വൈസ്സ് ചെയ്യുന്ന ഉദ്യോഗാര്‍ത്ഥികളില്‍ വലിയൊരു വിഭാഗം ജോലിയ്ക്ക് ഹാജരാകുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇതുമൂലം കണ്ണൂര്‍ ജില്ലയിലുള്‍പ്പെടെ കെ.എസ്.ആര്‍.ടി.സി നേരിടുന്ന ബുദ്ധിമുട്ട് ഒഴിവാക്കാന്‍ എന്തെങ്കിലും നടപടി സ്വീകരിക്കാന്‍ ഉദ്ദേശിക്കുന്നുണ്ടോ; വിശദവിവരം ലഭ്യമാക്കുമോ?

തൊട്ടില്‍പാലം - വടകര റൂട്ടില്‍ ചെയിന്‍ സര്‍വ്വീസ്

ശ്രീ. ഇ. കെ. വിജയന്‍

(എ) നാദാപുരം മണ്ഡലത്തിലെ തൊട്ടില്‍പാലം ഡിപ്പോയില്‍ ഈ സര്‍ക്കാര്‍ വന്നതിനുശേഷം എത്ര കെ. എസ്. ആര്‍. ടി. സി. ബസ്സുകള്‍ പുതുതായി അനുവദിച്ചിട്ടുണ്ട്;

(ബി) ഇല്ലെങ്കില്‍ അതിനുള്ള നടപടി സ്വീകരിക്കുമോ;

(സി) തൊട്ടില്‍പാലം - വടകര റൂട്ടില്‍ കെ. എസ്. ആര്‍. ടി. സി. ചെയിന്‍ സര്‍വ്വീസ് നടത്തുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി) ഉണ്ടെങ്കില്‍ പ്രസ്തുത സര്‍വ്വീസ് അടിയന്തിരമായി തുടങ്ങാനുള്ള നടപടി സ്വീകരിക്കുമോ?

കോഴിക്കോട് നഗരത്തില്‍ ലോഫ്ളോര്‍ ബസ്

ശ്രീ.കെ.എന്‍.എ.ഖാദര്‍

(എ) സംസ്ഥാനത്ത് കെ.എസ്.ആര്‍.റ്റി.സി. എത്ര സര്‍വ്വീസുകള്‍ നടത്തിവരുന്നു;

(ബി) ആയതില്‍ മലബാറിലെ ആറ് ജില്ലകളില്‍ എത്ര ബസ്സുകളാണ് ഓടുന്നത്;

(സി) കോഴിക്കോട് നഗരത്തില്‍ ലോഫ്ളോര്‍ ബസ് സര്‍വ്വീസ് നടത്തുവാന്‍ ഉദ്ദേശിക്കുന്നുണ്ടോ?

ടൌണ്‍ ടു ടൌണ്‍ ബസ്സുകള്‍ കോഴിക്കോട് മെഡിക്കല്‍ കോളേജുവരെ നീട്ടാന്‍ നടപടി

ശ്രീ. പി. ശ്രീരാമകൃഷ്ണന്‍

(എ) ചമ്രവട്ടം പാലം ഉല്‍ഘാടനം ചെയ്തതോടെ തിരൂര്‍, കോഴിക്കോട് ഭാഗത്തേക്ക് ഗുരുവായൂര്‍ എറണാകുളം, പൊന്നാനി ഭാഗത്തു നിന്ന് കെ.എസ്.ആര്‍.ടി.സി ബസ്സുകള്‍ സര്‍വ്വീസ് നടത്തുന്നതില്‍ കുറച്ച് ടൌണ്‍ ടു ടൌണ്‍ ബസ്സുകള്‍ കോഴിക്കോട് മെഡിക്കല്‍ കോളേജുവരെ നീട്ടാന്‍ നടപടി സ്വീകരിക്കാമോ ;

(ബി) എങ്കില്‍ എത്ര സര്‍വ്വീസുകള്‍, എന്നുമുതല്‍ നടപ്പിലാക്കാന്‍ സാധിക്കുമെന്ന് അറിയിക്കുമോ ;

(സി) പ്രസ്തുത റൂട്ടില്‍ വിദ്യാര്‍ത്ഥികള്‍ക്ക് കെ.എസ്.ആര്‍.ടി.സി യില്‍ കണ്‍സഷന്‍ അനുവദിക്കുന്നതിനും, സ്റുഡന്‍സ് ഒണ്‍ലി ബസ്സുകള്‍ ഓടിക്കുന്നതിനും നടപടി സ്വീകരിക്കുമോ ;

(ഡി) പൊന്നാനി കെ.എസ്.ആര്‍.ടി.സി ഡിപ്പോ നവീകരിക്കുന്നതിനും, ചുറ്റുമതില്‍ കെട്ടി സംരക്ഷിക്കുന്നതിനും നടപടി സ്വീകരിക്കുമോ ?

കോരാണിയ്ക്കും കടമ്പനാട്ടുകോണത്തിനും ഇടയില്‍ ഉണ്ടാകുന്ന അപകടങ്ങള്‍

ശ്രീ. ബി. സത്യന്‍

(എ) നാഷണല്‍ ഹൈവേയില്‍ കോരാണിയ്ക്കും കടമ്പാട്ടുകോണത്തിനും ഇടയില്‍ നിരന്തരമുണ്ടാകുന്ന അപകടങ്ങള്‍ റോഡ് സുരക്ഷാ അതോറിട്ടിയുടെ ശ്രദ്ധയില്‍പ്പെട്ടിട്ടുണ്ടോ;

(ബി) ഇത് തടയാന്‍ ഇതുവരെ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

(സി) എം.സി. റോഡില്‍ പൊരുന്തമണ്‍ ഭാഗത്ത് സ്ഥിരം അപകടങ്ങള്‍ സംഭവിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഇത് തടയാന്‍ ഏതൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കുമോ ?

സ്കൂള്‍ വാഹനങ്ങളില്‍ ജി.പി.എസ് സംവിധാനം

ശ്രീ. ഹൈബി ഈഡന്‍

"  പാലോട് രവി

" . എം.പി. വിന്‍സെന്റ്

"  റ്റി.എന്‍. പ്രതാപന്‍

(എ) വാഹനങ്ങളില്‍ പോകുന്ന സ്കൂള്‍കുട്ടികള്‍ക്ക് സുരക്ഷ ഉറപ്പു വരുത്തുന്നതിന് എന്തെല്ലാം നിബന്ധനകള്‍ ഏര്‍പ്പെടുത്തിയിട്ടുണ്ട് വിശദമാക്കുമോ;

(ബി) ആയത് കര്‍ശനമായി നടപ്പിലാക്കുന്നുണ്ടോ എന്നറിയാന്‍ എന്തെല്ലാം സംവിധാനമാണ് നിലവിലുള്ളത്; വിശദമാക്കുമോ;

(സി) ആയതിനായി ഏര്‍പ്പെടുത്തിയ ജി.പി.എസ് സംവിധാനം എവിടെയൊക്കെ പ്രവര്‍ത്തിക്കുന്നുണ്ട്; വ്യക്തമാക്കുമോ;

(ഡി) ഈ സംവിധാനം സംസ്ഥാനം മുഴുവനും വ്യാപകമാക്കുന്ന കാര്യം ആലോചിക്കുമോ?

റോഡപകടങ്ങള്‍ ഒഴിവാക്കാനുള്ള നടപടി

ശ്രീ. എസ്. ശര്‍മ

,, എസ്. രാജേന്ദ്രന്‍

,, ബാബു എം. പാലിശ്ശേരി

,, കെ. വി. വിജയദാസ്

(എ) സംസ്ഥാനത്ത് വര്‍ദ്ധിച്ചുവരുന്ന റോഡപകടങ്ങള്‍ കുറച്ചു കൊണ്ട് വരുന്നതിന് ഗതാഗത വകുപ്പ് എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ;

(ബി) അമിത വേഗത തടയുന്നതിനായി ഇന്റര്‍സെപ്ടര്‍ സമ്പ്രദായം ഏര്‍പ്പെടുത്തിയിട്ടുണ്ടോ; ആയതിന്റെ പ്രവര്‍ത്തനഫലം വിലയിരുത്തിയിട്ടുണ്ടോ;

(സി) റിഫ്ളക്ടര്‍ ഇല്ലാതെ ഡിവൈഡറുകള്‍ സ്ഥാപിക്കുന്നതുമൂലം സംസ്ഥാനത്തെ പ്രധാന റോഡുകളിലെല്ലാം റോഡപകടങ്ങള്‍ വര്‍ദ്ധിച്ചു വരുന്നതായി ശ്രദ്ധയില്‍പെട്ടിട്ടുണ്ടോ; എങ്കില്‍ ഇത് പരിഹരിക്കാന്‍ നടപടി സ്വീകരിക്കുമോ;

(ഡി) റോഡപകടങ്ങള്‍ ഒഴിവാക്കുന്നതിനുള്ള നിര്‍ദ്ദേശങ്ങള്‍ സമര്‍പ്പിക്കാന്‍ കേന്ദ്ര ഗവണ്‍മെന്റ് ആവശ്യപ്പെട്ടിട്ടുണ്ടോ; സമര്‍പ്പിച്ച നിര്‍ദ്ദേശങ്ങള്‍ എന്തെല്ലാമാണ്?

2011-ലെ സ്കൂള്‍ ബസ് അപകടങ്ങള്‍

ശ്രീ. ബാബു എം. പാലിശ്ശേരി

(എ) 2011-ല്‍ സംസ്ഥാനത്ത് എത്ര സ്കൂള്‍ ബസ്സുകള്‍ അപകടത്തില്‍പ്പെട്ടിട്ടുണ്ട്;

(ബി) എത്ര കുട്ടികള്‍ ഇതുമൂലം മരണപ്പെട്ടിട്ടുണ്ട്;

(സി) സ്കൂള്‍ ബസുകള്‍ക്ക് പെര്‍മിറ്റ് നല്‍കുന്നതിന് നിലവിലുള്ള മാനദണ്ഡങ്ങള്‍ എന്തൊക്കെയാണ്;

(ഡി) സ്കൂള്‍ ബസുകള്‍ അപകടത്തില്‍പെടുന്നത് തടയുന്നതിനായി കൂടുതല്‍ കര്‍ശന നിയന്ത്രണങ്ങള്‍ ഉള്‍പ്പെടുത്തിക്കൊണ്ട് നടപടി സ്വീകരിക്കുമോ; വിശദാംശം ലഭ്യമാക്കുമോ?

പ്രഭാത സവാരിക്കാര്‍ക്കും സൈക്കിള്‍ സവാരിക്കാര്‍ക്കും അപകടങ്ങള്‍ ഒഴിവാക്കാന്‍ നടപടി

ശ്രീ. റോഷി അഗസ്റിന്‍

,, പി. സി. ജോര്‍ജ്

ഡോ. എന്‍. ജയരാജ്

(എ) സംസ്ഥാനത്ത് വ്യായമത്തിനായി പ്രഭാത സവാരി നടത്തുന്നവര്‍ക്കും രാത്രികാലങ്ങളില്‍ സൈക്കിള്‍ സവാരി ചെയ്യുന്നവര്‍ക്കും വാഹനങ്ങള്‍ ഇടിച്ച് അപകടങ്ങള്‍ ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ ;

(ബി) ഇപ്രകാരം ഉണ്ടാകുന്ന അപകടങ്ങള്‍ ഒഴിവാക്കുന്നതിന് എന്തെല്ലാം മുന്‍കരുതല്‍ നടപടികളാണ് കൈക്കൊള്ളുന്നത് ; വ്യക്തമാക്കുമോ ;

(സി) പ്രഭാത സവാരിക്കാര്‍ക്കും മറ്റും ഇരുട്ടില്‍ റിഫ്ളക്ട് ചെയ്യുന്നതരത്തിലുള്ള വസ്ത്രങ്ങളോ മറ്റു മുന്‍കരുതല്‍ ഉപാധികളോ കര്‍ശനമാക്കാന്‍ നടപടി സ്വീകരിക്കുമോ ?

സെസ് ഇനത്തില്‍ ലഭിക്കുന്ന തുക

ശ്രീ. റോഷി അഗസ്റിന്‍

ഡോ. എന്‍. ജയരാജ്

ശ്രീ. പി. സി. ജോര്‍ജ്

(എ) സംസ്ഥാനത്ത് റോഡ് സേഫ്റ്റി അതോറിറ്റി എന്നാണ് നിലവില്‍ വന്നത് ;

(ബി) പ്രസ്തുത അതോറിറ്റിക്ക് പ്രതിവര്‍ഷം സെസ് ഇനത്തില്‍ എത്ര തുകയാണ് ശരാശരി ലഭിക്കുന്നതെന്ന് അറിയിക്കുമോ ;

(സി) ഈ ഇനത്തില്‍ സമാഹരിച്ച ഫണ്ടില്‍ എത്ര തുക ചെലവഴിക്കാതെ ഉണ്ടെന്ന് അറിയിക്കുമോ ?

അന്യസംസ്ഥാനങ്ങളില്‍ നിന്നു വാങ്ങുന്ന വാഹനങ്ങളുടെ രജിസ്ട്രേഷന്‍

ശ്രീ. പി.സി.ജോര്‍ജ്

ഡോ.എന്‍. ജയരാജ്

ശ്രീ. റോഷി അഗസ്റിന്‍

(എ) അന്യ സംസ്ഥാനങ്ങളില്‍ നിന്ന് വാങ്ങുന്ന പഴയ വാഹനങ്ങള്‍ സംസ്ഥാനത്ത് രജിസ്റര്‍ ചെയ്യുന്നതിന് പാലിക്കേണ്ട നടപടിക്രമങ്ങള്‍ എന്തെല്ലാമാണ്;

(ബി) ഇപ്രകാരം രജിസ്റര്‍ ചെയ്യുമ്പോള്‍ ഒടുക്കേണ്ടതായ നികുതി നിശ്ചയിക്കുന്നത് ഏതു മാനദണ്ഡം അടിസ്ഥാനമാക്കിയാണ്; വ്യക്തമാക്കുമോ

ഗതാഗതവകുപ്പ് 2012 മാര്‍ച്ച് 31 വരെ ചെലവഴിച്ച തുകയുടെ വിശദാംശം

ശ്രീ. കെ. കെ. നാരായണന്‍

(എ) ഗതാഗതവകുപ്പിന്റെ പ്ളാന്‍ ഫണ്ട് തുകയും 2012 മാര്‍ച്ച് 31 വരെ ചിലവഴിച്ച തുകയും എത്രയെന്നതിന്റെ വിശദാംശം ലഭ്യമാക്കാമോ ;

(ബി) ഗതാഗത വകുപ്പിന്‍കീഴിലുള്ള കേന്ദ്രാവിഷ്കൃത പദ്ധതികള്‍ ഏതെല്ലാമെന്നും, ഇതിനായി ഓരോ പദ്ധതിക്കും കേന്ദ്രം അനുവദിച്ച തുകയെത്ര എന്നും വ്യക്തമാക്കാമോ ;

(സി) ഗതാഗതവകുപ്പിന്റെ ഓരോ ഹെഡിലും 2012 മാര്‍ച്ച് 31 വരെ ചെലവഴിച്ച തുകയുടെ വിശദാംശം ലഭ്യമാക്കാമോ ?

സ്വകാര്യ ബസ്സ് ജീവനക്കാര്‍ക്കെതിരെയുള്ള പരാതി നല്‍കാന്‍ സംവിധാനം

ശ്രീ. എ. റ്റി. ജോര്‍ജ്

,, ലൂഡി ലൂയിസ്

,, ഹൈബി ഈഡന്‍

(എ) സ്വകാര്യ ബസ്സ് ജീവനക്കാരുടെ മാന്യമല്ലാത്ത നടപടികള്‍ക്കെതിരെ പരാതികള്‍ നല്‍കാന്‍ സംവിധാനമേര്‍പ്പെടുത്തിയിട്ടുണ്ടോ; വിശദമാക്കുമോ;

(ബി) ഉണ്ടെങ്കില്‍ ആയതിന്റെ പ്രവര്‍ത്തന രീതി എങ്ങനെയാണെന്ന് വ്യക്തമാക്കുമോ;

(സി) ഏതെല്ലാം തരത്തിലുള്ള പരാതികളാണ് സ്വീകരിക്കുന്നത്; വ്യക്തമാക്കുമോ;

(ഡി) പരാതികളിന്മേല്‍ പരിഹാരമുണ്ടാക്കാന്‍ എന്തൊ ക്കെ നടപടികള്‍ പ്രസ്തുത സംവിധാനത്തില്‍ ഏര്‍പ്പെടുത്തിയിട്ടുണ്ട്; വിശദമാക്കുമോ ?

കെ.എസ്.ആര്‍.ടി.സി ബസ് ചെയ്സിസുകള്‍ വാങ്ങുന്നതിന് എടുത്ത വായ്പകള്‍

ശ്രീ. എ. പ്രദീപ്കുമാര്‍

(എ) ഈ സര്‍ക്കാര്‍ അധികാരത്തില്‍ വന്നതിന് ശേഷം കെ.എസ്.ആര്‍.ടി. സി. ബസ് ചെയ്സിസുകള്‍ വാങ്ങുന്നതിന് വായ്പകള്‍ എടുത്തിട്ടുണ്ടോയെന്ന് വ്യക്തമാക്കുമോ;

(ബി) വായ്പകള്‍ എടുത്തിട്ടുണ്ടെങ്കില്‍ ഏതെല്ലാം സ്ഥാപനങ്ങളില്‍ നിന്നാണെന്നും, വായ്പാ തുക, പലിശ എന്നിവയുടെ വിശദാംശങ്ങളും വ്യക്തമാക്കുമോ;

(സി) വായ്പ തിരിച്ചടയ്ക്കുന്നതിന് ഏതെങ്കിലും പ്രത്യേക വരുമാനത്തെ ആശ്രയിക്കാന്‍ ഉദ്ദേശിക്കുന്നുണ്ടോ;

(ഡി) ഉണ്ടെങ്കില്‍ വിശദാംശങ്ങള്‍ വ്യക്തമാക്കുമോ?

കെ.എസ്.ആര്‍.ടി.സി ബസ് ചെയ്സുകള്‍ വാങ്ങിയ നടപടി

ശ്രീ. എ. പ്രദീപ്കുമാര്‍

(എ) ഈ സര്‍ക്കാര്‍ അധികാരത്തില്‍ വന്നതിനു ശേഷം കെ.എസ്.ആര്‍.ടി.സി എത്ര ബസ് ചെയ്സിസുകള്‍ വാങ്ങിയിട്ടുണ്ട് ;

(ബി) ഏതെല്ലാം കമ്പനികളില്‍ നിന്നാണ് ബസ് ചെയ്സിസുകള്‍ വാങ്ങിയത്;

(സി) ഇതില്‍ എത്ര ചെയ്സിസുകള്‍ പണി പൂര്‍ത്തിയാക്കി നിരത്തിലിറക്കി;

(ഡി) ഇനിയും ചെയ്സിസുകള്‍ പണി പൂര്‍ത്തിയാക്കുന്നതിന് ബാക്കിയുണ്ടെങ്കില്‍ ആയതിന്റെ കാരണം വിശദമാക്കുമോ;

(ഇ) പ്രസ്തുത ചെയ്സിസുകള്‍ക്ക് എത്ര കാലത്തേയ്ക്കാണ് കമ്പനി വാറണ്ടി നല്‍കിയത് ;

(എഫ്) വാറണ്ടി സമയത്തിനകം പണി പൂര്‍ത്തികരിക്കാത്ത എത്ര ചെയ്സിസുകള്‍ ബാക്കിയുണ്ടെന്ന് അറിയിക്കുമോ?

ബോഡി നിര്‍മ്മാണ വര്‍ക്ക്ഷോപ്പുകള്‍

ശ്രീ. പി. കെ. ഗുരുദാസന്‍

,, വി. ശിവന്‍കുട്ടി

,, സി. കൃഷ്ണന്‍

,, കെ. കുഞ്ഞിരാമന്‍ (ഉദുമ)

(എ) കെ.എസ്.ആര്‍.ടി.സി പുതിയ ബസുകള്‍ വാങ്ങുന്നതിനും സര്‍വീസ് നടത്തുന്നതിനും മാനദണ്ഡങ്ങള്‍ നിശ്ചയിച്ചിട്ടുണ്ടോ; വിശദാംശം വ്യക്തമാക്കാമോ;

(ബി) ഈ സര്‍ക്കാര്‍ അധികാരമേറ്റ ശേഷം പുതുതായി ആയിരം ബസുകള്‍ വാങ്ങുമെന്ന് പ്രഖ്യാപിച്ചിരുന്നുവോ; എങ്കില്‍ പുതുതായി എത്ര ബസുകള്‍ നിരത്തിലിറക്കി; ഏതെല്ലാം ജില്ലകളില്‍ എത്ര വീതമെന്ന് വ്യക്തമാക്കാമോ;

(സി) കെ.എസ്.ആര്‍.ടി.സി വര്‍ക്ഷോപ്പുകളില്‍ എത്ര ബസുകള്‍ ഈ സര്‍ക്കാര്‍ വന്ന ശേഷം ബോഡി നിര്‍മ്മാണം പൂര്‍ത്തിയാക്കിയെന്ന് വ്യക്തമാക്കാമോ;

(ഡി) പ്രസ്തുത ബോഡി നിര്‍മ്മാണ വര്‍ക്ഷോപ്പുകളിലെ സംവിധാനങ്ങള്‍ കൂടുതല്‍ വിപുലീകരിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ; എങ്കില്‍ അതിന്റെ വിശദാംശങ്ങള്‍ വ്യക്തമാക്കുമോ;

(ഇ) ബോഡി നിര്‍മ്മാണത്തിനുള്ള സാമഗ്രികളുടെ അപര്യാപ്തത കൊണ്ട് ചെയ്സിസുകള്‍ മഴയും വെയിലുമേറ്റ് നശിക്കുന്നതായി ശ്രദ്ധയില്‍പെട്ടിട്ടുണ്ടോ?

കെ.എസ്.ആര്‍.ടി.സിയില്‍ പഞ്ചിംഗ് സംവിധാനം

ശ്രീ. പി.ബി. അബ്ദുള്‍ റസാക്

(എ) കെ.എസ്.ആര്‍.ടി.സി ഭവന്‍ ഉള്‍പ്പെടെയുള്ള ഡിപ്പോ ഓഫീസസുകളില്‍ മിനിസ്റീരിയല്‍ സ്റാഫിന് ലൈന്‍ ഡ്യൂട്ടി ജീവനക്കാരുടേതുപോലെ ജോലിയില്‍ കൃത്യത ഉറപ്പു വരുത്തുന്നതിന് മുന്‍ കാലങ്ങളില്‍ പഞ്ചിംഗ് സംവിധാനം ഏര്‍പ്പെടുത്തിയിരുന്നോ;

(ബി) എങ്കില്‍ ഇത് നടപ്പിലാക്കിയത് കെ.എസ്.ആര്‍.ടി.സി നേരിട്ടാണോ അല്ലെങ്കില്‍ ഏത് സംവിധാനത്തിലാണെന്ന് വ്യക്തമാക്കുമോ; പ്രസ്തുത സംവിധാനം ഇപ്പോഴും പ്രവര്‍ത്തനക്ഷമമാണോ;

(സി) കെ.എസ്.ആര്‍.ടി.സി യുടെ ഓഫീസുകളിലെ പ്രവര്‍ത്തനം മെച്ചപ്പെടുത്തുന്നതിനും അവിടെയെത്തുന്നവര്‍ക്ക് കൃത്യവും സ്വൈരവുമായ സേവനം ലഭ്യമാക്കുന്നതിലേക്കായി സെക്രട്ടേറിയറ്റ് മാതൃകയില്‍ പഞ്ചിംഗ് സംവിധാനം ഏര്‍പ്പെടുത്തുകയും പ്രവര്‍ത്തനം നിരീക്ഷിക്കുകയും ചെയ്യാന്‍ നടപടി സ്വീകരിക്കുമോ ?

സ്കൂള്‍ കുട്ടികള്‍ക്ക് സൌജന്യ ബസ് യാത്ര

ശ്രീ. മുല്ലക്കര രത്നാകരന്‍

(എ) സംസ്ഥാനത്തെ 10-ാം ക്ളാസ് വരെ പഠിക്കുന്ന സ്കൂള്‍ കുട്ടികള്‍ക്ക് സ്കൂള്‍ ദിവസങ്ങളില്‍ സൌജന്യമായി സഞ്ചരിക്കുന്നതിനുള്ള പാസ്സ് ഏര്‍പ്പെടുത്തുന്നകാര്യം കെ.എസ്.ആര്‍.ടി.സി. പരിഗണിക്കുമോ ;

(ബി) സ്കൂള്‍ കുട്ടികള്‍ക്കുവേണ്ടി നഗരപ്രദേശങ്ങളിലെങ്കിലും കെ.എസ്.ആര്‍.ടി.സി. രാവിലെയും വൈകിട്ടും പ്രത്യേക സര്‍വ്വീസുകള്‍ ഏര്‍പ്പെടുത്തുന്ന കാര്യം പരിഗണിക്കുമോ ?

എം.എല്‍.എ.മാര്‍ക്ക് കെ.എസ്.ആര്‍.ടി.സി സൂപ്പര്‍ ഫാസ്റ്/ലോ ഫ്ളോര്‍ ബസ്സുകളില്‍ യാത്രാ സൌജന്യം

ശ്രീ. റ്റി.എ. അഹമ്മദ് കബീര്‍

(എ) കെ.എസ്.ആര്‍.ടി.സി സൂപ്പര്‍ ഫാസ്റ്/ലോ ഫ്ളോര്‍ ബസ്സുകളില്‍ എം.എല്‍.എ മാര്‍ക്ക് ബസ് ചാര്‍ജ്ജ് നല്‍കേണ്ടതുണ്ടോ;

(ബി) ഉണ്ടെങ്കില്‍ എം.എല്‍.എ മാര്‍ക്ക് ബസ് ചാര്‍ജ്ജ് ഒഴിവാക്കി നല്‍കുന്നതിനാവശ്യമായ നടപടികള്‍ സ്വീകരിക്കുമോ;

(സി) എം.എല്‍.എ മാരോടൊപ്പം യാത്ര ചെയ്യുന്ന പി.എ.മാര്‍ക്ക് കൂടി കെ.എസ്.ആര്‍.ടി.സി ബസ്സുകളില്‍ കണ്‍സെഷന്‍ നല്‍കുന്ന കാര്യം പരിഗണിക്കുമോ?

മലപ്പുറം ജില്ലയില്‍ എല്ലാ കെ.എസ്.ആര്‍.ടി.സി. ബസ്സുകളിലും കണ്‍സെഷന്‍ അനുവദിക്കുന്നതിന് നടപടി

ശ്രീ. അബ്ദുറഹിമാന്‍ രണ്ടത്താണി

(എ) സംസ്ഥാനത്ത് കെ.എസ്.ആര്‍.ടി.സി. ബസ്സുകളില്‍ വിദ്യാര്‍ത്ഥികള്‍ക്ക് കണ്‍സെഷന്‍ ആനുകൂല്യം നിലവിലുണ്ടോ;

(ബി) ഏതൊക്കെ വിഭാഗം ബസ്സുകളിലാണ് കണ്‍സെഷന്‍ അനുവദിച്ചിട്ടുള്ളതെന്ന് വ്യക്തമാക്കുമോ;

(സി) ഏറ്റവും കൂടുതല്‍ വിദ്യാര്‍ത്ഥികള്‍ പഠിക്കുന്ന മലപ്പുറം ജില്ലയില്‍ ഈ ആനുകൂല്യം നിലവിലില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി) മലപ്പുറം ജില്ലയില്‍ എല്ലാ കെ.എസ്.ആര്‍.ടി.സി. ബസ്സുകളിലും കണ്‍സെഷന്‍ അനുവദിച്ച് പ്രസ്തുത പ്രശ്നത്തിന് പരിഹാരമുണ്ടാക്കുമോ;

(ഇ) ഇല്ലെങ്കില്‍ ജില്ലയില്‍ കെ.എസ്.ആര്‍.ടി.സി.യുടെ സ്റുഡന്‍സ് ഒണ്‍ലി ബസ്സുകള്‍ അനുവദിക്കുന്ന കാര്യം പരിഗണിക്കുമോ?

പോലീസ് സേനാംഗങ്ങള്‍ക്ക് കെ.എസ്.ആര്‍.ടി.സി. ബസ്സുകളില്‍ സൌജന്യ യാത്രാപാസ്

ശ്രീ. അബ്ദുറഹിമാന്‍ രണ്ടത്താണി

(എ) സംസ്ഥാനത്തെ പോലീസ് സേനാംഗങ്ങള്‍ക്ക് കെ.എസ്.ആര്‍.ടി.സി. ബസ്സുകളില്‍ സൌജന്യ യാത്രാപാസ് നല്‍കുന്നതിന് ആലോചനയുണ്ടോ ; ഇതു സംബ

ന്ധമായി എന്തെങ്കിലും നടപടികള്‍ സ്വീകരിച്ചിട്ടുണ്ടോ ;

(ബി) പ്രസ്തുത ആനുകൂല്യം ലഭ്യമാക്കുന്നതിന് ഇടയാക്കിയ സാഹചര്യം എന്തെന്ന് വെളിപ്പെടുത്തുമോ ;

(സി) പ്രസ്തുത ആനുകൂല്യം പോലീസ് വകുപ്പിന് ഉണ്ടാക്കുന്ന നേട്ടം കണക്കാക്കിയിട്ടുണ്ടോ ;

(ഡി) പ്രതികള്‍ക്ക് എസ്കോര്‍ട്ട് പോകുന്ന പോലീസ് ഉദ്യോഗസ്ഥര്‍ക്ക് യാത്രാപാസ് നല്കാറുണ്ടോ ?

കെ.എസ്.ആര്‍.ടി.സി.യിലെ ശമ്പള പരിഷ്ക്കരണം

ശ്രീ. ലൂഡി ലൂയിസ്

,, ഹൈബി ഈഡന്‍

,, പാലോട് രവി

,, എം.പി.വിന്‍സെന്റ്

(എ) കെ.എസ്.ആര്‍.ടി.സി.യില്‍ ശമ്പള പരിഷ്ക്കരണം നടപ്പിലാക്കിയിട്ടുണ്ടോ; വിശദമാക്കുമോ;

(ബി) പുതിയ ശമ്പള പരിഷ്ക്കരണ കരാര്‍ എന്നാണ് പ്രാബല്യത്തില്‍ വരുന്നത്;

(സി) കെ.എസ്.ആര്‍.ടി.സി.യിലെ എം.പാനല്‍ കാഷ്വല്‍ ജീവനക്കാരെ സ്ഥിരപ്പെടുത്തുന്നതിന് നടപടി സ്വീകരിക്കുമോ?

കെ.എസ്.ആര്‍.ടി.സി ജീവനക്കാരുടെ സര്‍വ്വീസ് ബുക്കുകള്‍

ശ്രീ. പി. ബി. അബ്ദുള്‍ റസാക്

(എ) കെ.എസ്.ആര്‍.ടി.സി ജീവനക്കാരുടെ സര്‍വ്വീസ് ബുക്കുകള്‍ മെയിന്റയിന്‍ ചെയ്യാന്‍ അധികാരപ്പെടുത്തിയിട്ടുള്ളത് ഏതു തലത്തിലെ ഉദ്യോഗസ്ഥരെയാണ്;

(ബി) സര്‍വ്വീസ് ബുക്കിന്റെ പകര്‍പ്പ് ജീവനക്കാരന്‍ നിയമാനുസരണം ആവശ്യപ്പെട്ടാല്‍ അതു നല്‍കാറുണ്ടോ;

(സി) സര്‍വ്വീസ് ബുക്ക് ജീവനക്കാരനെ സംബന്ധിച്ച സുപ്രധാന രേഖയായതിനാല്‍ അത് നഷ്ടപ്പെടുന്ന സാഹചര്യത്തില്‍, പുനര്‍നിര്‍മ്മിതിക്ക് സഹായകമാവും വിധം ഡ്യൂപ്ളിക്കേറ്റ് സര്‍വ്വീസ് ബുക്ക് ജീവനക്കാരന്‍ ആവശ്യപ്പെട്ടാല്‍ നല്‍കണമെന്ന നിര്‍ദ്ദേശം നിലവിലുണ്ടോ;

(ഡി) എങ്കില്‍ തിരുവനന്തപുരം സിറ്റി ഡിപ്പോയിലെ കണ്ടക്ടര്‍ ശ്രീ. സുലൈമാന്‍ തന്റെ ഡ്യൂപ്ളിക്കേറ്റ് സര്‍വ്വീസ് ബുക്ക് തയ്യാറാക്കാനുള്ള രേഖ സമര്‍പ്പിച്ചിട്ടുണ്ടോ;

(ഇ) എങ്കില്‍ എത്രയും പെട്ടെന്ന് നല്‍കാന്‍ നിര്‍ദ്ദേശം നല്‍കുമോ?

ട്രെയിനിലെ കോച്ചുകളുടെ അപര്യാപ്തത

ശ്രീ. ബാബു എം. പാലിശ്ശേരി

(എ) ഗുരുവായൂരില്‍ നിന്നും രാത്രി 8.50ന് പുറപ്പെടുന്ന ഗുരുവായൂര്‍-ചെന്നെ എഗ്മൂര്‍ എക്സ്പ്രസ് ട്രെയിനില്‍ ബര്‍ത്ത് സൌകര്യമുള്ള 4 സ്ളീപ്പര്‍ കോച്ചുകളും, എ.സി. ടൂടയര്‍, ത്രീടയര്‍ വിഭാഗങ്ങളില്‍ ആയി ഓരോ കോച്ചുകളും മാത്രമാണ് ഉള്ളത് എന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി) ദിനംപ്രതി ധാരാളം യാത്രക്കാര്‍ പ്രസ്തുത ട്രെയിനില്‍ ബര്‍ത്ത് കിട്ടാതെ ബുദ്ധിമുട്ടുന്നതു കണക്കിലെടുത്ത് കൂടുതല്‍ ബര്‍ത്തുകളുള്ള കോച്ച് അനുവദിച്ചു കിട്ടുന്നതിന് റെയില്‍വേയുമായി ബന്ധപ്പെട്ട് നടപടി സ്വീകരിക്കുമോ ?

മോട്ടോര്‍ വാഹന വകുപ്പിലെ ജീവനക്കാരുടെ കുറവ്

ശ്രീ. ചിറ്റയം ഗോപകുമാര്‍

(എ) വാഹന വര്‍ദ്ധനവിന് ആനുപാതികമായി മോട്ടോര്‍ വാഹന വകുപ്പില്‍ ജീവനക്കാര്‍ നിലവിലില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ ;

(ബി) ഇതു സംബന്ധിച്ച് നിയമസഭാ സബ്ജക്റ്റ് കമ്മിറ്റിയുടെയും സി.എ.ജി.യുടെയും ശുപാര്‍ശ പ്രകാരം സ്വീകരിച്ചിട്ടുള്ള നടപടികള്‍ എന്തെല്ലാമാണ് ?

പാരലല്‍ സര്‍വ്വീസ്

ശ്രീ. എം. പി. അബ്ദുസ്സമദ് സമദാനി

(എ) പാരലല്‍ സര്‍വ്വീസ് നടത്തുന്ന വാഹനങ്ങള്‍ തടഞ്ഞ് നിര്‍ത്തുന്നതിനും പരിശോധിക്കുന്നതിനും നടപടിയെടുക്കുന്നതിനുമുള്ള അധികാരം ആര്‍ക്കൊക്കെയാണ് നല്‍കിയിട്ടുള്ളത്;

(ബി) കെ.എസ്.ആര്‍.ടി.സി.യിലെ ഉദ്യോഗസ്ഥര്‍ക്ക് ഇതിനുള്ള അധികാരം നല്‍കിയിട്ടുണ്ടോ;

(സി) ഇത്തരത്തില്‍ വാഹനപരിശോധനയ്ക്കായി പോലീസ് ബോര്‍ഡ് പ്രദര്‍ശിപ്പിച്ച് കെ.എസ്.ആര്‍.ടി.സി വാഹനങ്ങള്‍ ഉപയോഗിക്കാറുണ്ടോ;

(ഡി) എങ്കില്‍ കഴിഞ്ഞ ഒരു കൊല്ലം ഇതിന്റെ വെളിച്ചത്തില്‍ എത്ര വാഹനങ്ങള്‍ പിടികൂടിയിട്ടുണ്ട്; എങ്കില്‍ പിടിക്കപ്പെട്ടവയില്‍ നിന്ന് എന്ത് തുക പിഴയായി ഈടാക്കി; എത്ര വാഹനങ്ങള്‍ പിടിച്ചെടുത്തു; വ്യക്തമാക്കുമോ;

(ഇ) ഇത്തരം പ്രവര്‍ത്തനം കൊണ്ട് പാരലല്‍ സര്‍വ്വീസ് നടത്തുന്നവരെ നിയന്ത്രിക്കുന്നതിന് സാധിച്ചിട്ടുണ്ടോ; വിശദമാക്കുമോ?