Questions

വൈദ്യുതിയുടെ അമിത ഉപഭോഗം തടയുന്നതിന് നടപടി

ശ്രീ. കെ. അച്ചുതന്‍

,, വി. പി. സജീന്ദ്രന്‍

,, ഐ. സി. ബാലകൃഷ്ണന്‍

,, ലൂഡി ലൂയിസ്

(എ)കെട്ടിടങ്ങള്‍ നിര്‍മ്മിക്കുമ്പോള്‍ വൈദ്യുതിയുടെ അമിത ഉപഭോഗം തടയുന്നതിന് ഇ.എം.സി എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കാമോ;

(ബി)ഇതിനായി ചട്ടങ്ങള്‍ ഉണ്ടാക്കുന്ന കാര്യം പരിഗണനയിലുണ്ടോ; വിശദാംശം നല്കാമോ;

(സി)പ്രസ്തുത ചട്ടത്തില്‍ ഉള്‍പ്പെടുത്താന്‍ ഉദ്ദേശിക്കുന്ന പ്രധാന വ്യവസ്ഥകള്‍ എന്തൊക്കെയാണ്; വിശദമാക്കുമോ?

ഊര്‍ജ്ജ സംരക്ഷണ ഫണ്ടില്‍ നിന്ന് ധനസഹായം

ശ്രീ. വി.ഡി. സതീശന്‍

,, എ.റ്റി. ജോര്‍ജ്

,, ജോസഫ് വാഴക്കന്‍

,, വര്‍ക്കല കഹാര്‍

(എ)ഊര്‍ജ്ജസംരക്ഷണ ഫണ്ടില്‍ നിന്ന് ഊര്‍ജ്ജ സംരക്ഷണത്തിനായി എന്തെല്ലാം ധനസഹായങ്ങളാണ് നല്‍കാനുദ്ദേശിക്കുന്നത്; വിശദാംശം നല്‍കുമോ;

(ബി)ഏതെല്ലാം മേഖലയ്ക്കാണ് പ്രസ്തുത ഫണ്ടില്‍ നിന്ന് ധനസഹായം നല്‍കുന്നത്; വിശദാംശം നല്‍കുമോ;

(സി)ഊര്‍ജ്ജ ഓഡിറ്റിന് സബ്സിഡി നല്‍കുവാനും ഗാര്‍ഹിക മേഖലയില്‍ ഊര്‍ജ്ജക്ഷമത കൂടിയ ഉപകരണങ്ങള്‍ വാങ്ങുന്നതിന് ധനസഹായം നല്‍കുവാനും പ്രസ്തുത ഫണ്ടിലെ തുക വിനിയോഗിക്കുന്ന കാര്യം പരിഗണിക്കുമോ?

സോളാര്‍ ഹോം പദ്ധതി

ശ്രീ. അബ്ദുറഹിമാന്‍ രണ്ടത്താണി

(എ)വീടുകളില്‍ സൌരോര്‍ജ്ജ വൈദ്യുതി ഉല്‍പ്പാദിപ്പിക്കുന്നതിന് എന്തെല്ലാം പദ്ധതികളാണ് സര്‍ക്കാരിന്റെ പരിഗണനയില്‍ ഉള്ളതെന്ന് വ്യക്തമാക്കാമോ ;

(ബി)സൌരഗൃഹ പദ്ധതിയുടെ നടത്തിപ്പ് ഏത് ഘട്ടത്തിലാണ് എന്ന് വ്യക്തമാക്കാമോ ;

(സി)പൈലറ്റ് പ്രോജക്ടായി ഏതെല്ലാം ജില്ലകളിലാണ് സോളാര്‍ ഹോം പദ്ധതി നടപ്പാക്കുന്നതെന്ന് അറിയിക്കാമോ;

(ഡി)ഈ പ്രോജക്ട് പ്രകാരം എത്ര മെഗാവാട്ട് വൈദ്യുതി ഉല്പാദിപ്പിക്കാനാണ് ലക്ഷ്യമിടുന്നതെന്ന് വ്യക്തമാക്കാമോ?

സോളാര്‍ ഹോം പദ്ധതി

ശ്രീ. കെ. എന്‍. എ ഖാദര്‍

സോളാര്‍ ഹോം പദ്ധതിയോടുള്ള ജനങ്ങളുടെ പ്രതികരണം എപ്രകാരമാണെന്ന് വ്യക്തമാക്കുമോ?

റൂഫ് ടോപ്പ് സോളാര്‍ സിസ്റം

ശ്രീ. കെ. മുഹമ്മദുണ്ണി ഹാജി

(എ)റൂഫ് ടോപ്പ് സോളാര്‍ സിസ്റം പദ്ധതി സംബന്ധമായി എന്തെങ്കിലും ചര്‍ച്ചകള്‍ നടന്നിട്ടുണ്ടോ;

(ബി)റൂഫ് ടോപ്പ് സോളാര്‍ സിസ്റം എന്ന് മുതലാണ് നടപ്പിലാക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ?

ഊര്‍ജ്ജകാര്യക്ഷമതാ സെസ്സ്

ശ്രീമതി. കെ.എസ്. സലീഖ

(എ)യൂണിറ്റിന് ഒരു പൈസ നിരക്കില്‍ എല്ലാ വൈദ്യുതി ഉപഭോക്താക്കളില്‍ നിന്നും ഊര്‍ജ്ജ കാര്യക്ഷമതാ സെസ്സ് പിരിക്കാന്‍ നിര്‍ദ്ദേശമുണ്ടോ; എങ്കില്‍ ഇതിന് വൈദ്യുതി റഗുലേറ്ററി കമ്മിഷന്റെ അനുമതി ലഭിച്ചിട്ടുണ്ടോ; ഇതിലൂടെ എന്ത് തുക പ്രതിവര്‍ഷം സ്വരൂപിക്കാന്‍ കഴിയുമെന്നാണ് ഉദ്ദേശിക്കുന്നത്; വ്യക്തമാക്കുമോ;

(ബി)ഇത്തരത്തില്‍ സ്വരൂപിക്കുന്ന പണം ഊര്‍ജ്ജ സംരക്ഷണ ഫണ്ടില്‍ ഉള്‍പ്പെടുത്താന്‍ ഉദ്ദേശിക്കുന്നുണ്ടോ; നിലവില്‍ പ്രസ്തുത തുക എപ്രകാരം വിനിയോഗിക്കാനാണ് ഉദ്ദേശിക്കുന്നത്; വ്യക്തമാക്കുമോ;

(സി)സംസ്ഥാന സര്‍ക്കാര്‍ ഊര്‍ജ്ജ സംരക്ഷണ ഫണ്ടിന് രൂപം നല്‍കിയത് കേന്ദ്ര നിയമത്തിന്റെ അടിസ്ഥാനത്തിലാണോ എന്ന് വ്യക്തമാക്കുമോ?

പെട്രോനെറ്റ് എല്‍. എന്‍. ജി.യുടെ ഉടമസ്ഥതയില്‍ വൈപ്പിനില്‍ താപനിലയം

ശ്രീ. എസ്. ശര്‍മ്മ

,, സാജു പോള്‍

,, ബി. ഡി. ദേവസ്സി

ശ്രീമതി കെ. എസ്. സലീഖ

(എ)പെട്രോനെറ്റ് എല്‍. എന്‍. ജി.യുടെ ഉടമസ്ഥതയില്‍ കൊച്ചി വൈപ്പിനില്‍ ഒരു താപനിലയം സ്ഥാപിക്കുന്നതിന് ഉദ്ദേശിക്കുന്നുണ്ടോ;

(ബി)പ്രസ്തുത താപനിലയത്തില്‍ നിന്നും വൈദ്യുതി പൂര്‍ണ്ണമായും വാങ്ങിയിരിക്കണമെന്ന് വ്യവസ്ഥ ചെയ്തിട്ടുണ്ടോ;

(സി)പ്രസ്തുത താപനിലയത്തില്‍ നിന്നുള്ള വൈദ്യുതിയ്ക്ക് എന്ത് വില വരുമെന്നാണ് കണക്കാക്കിയിട്ടുള്ളത്;

(ഡി)ഇറക്കുമതി ചെയ്യുന്ന എല്‍. എന്‍. ജി.യുടെ വില വന്‍തോതില്‍ വര്‍ദ്ധിക്കുന്ന സാഹചര്യത്തില്‍ പ്രസ്തുത വൈദ്യുതി വേണ്ടെന്ന് വയ്ക്കാന്‍ ബോര്‍ഡിന് സാധിക്കുമോ;

(ഇ)ഇക്കാര്യത്തിലുള്ള സര്‍ക്കാര്‍ നിലപാട് വ്യക്തമാക്കുമോ?

എനര്‍ജി മാനേജ്മെന്റ് സെന്ററിന്റെ ഉദ്ദേശ്യലക്ഷ്യങ്ങള്‍

ശ്രീ. ജി. സുധാകരന്‍

ശ്രീമതി. പി. അയിഷാ പോറ്റി

ശ്രീ. എ. പ്രദീപ് കുമാര്‍

,, കെ. കുഞ്ഞിരാമന്‍ (തൃക്കരിപ്പൂര്‍)

(എ)സംസ്ഥാന എനര്‍ജി മാനേജ്മെന്റ് സെന്ററിന്റെ ഉദ്ദേശ്യലക്ഷ്യങ്ങള്‍ എന്തെല്ലാമാണെന്ന് വിശദീകരിക്കാമോ ;

(ബി)എനര്‍ജി മാനേജ്മെന്റ് സെന്ററിന്റെ ഇപ്പോഴത്തെ പ്രശ്നങ്ങള്‍ വിലയിരുത്തിയിട്ടുണ്ടോ ; എങ്കില്‍ ഈ സെന്ററിന്റെ പ്രവര്‍ത്തനം തൃപ്തികരമാണോ ; വ്യക്തമാക്കാമോ ;

(സി)ഊര്‍ജ്ജ സംരക്ഷണത്തിനായി ഈ സ്ഥാപനം പുതുതായി എന്തെങ്കിലും നിര്‍ദ്ദേശം സമര്‍പ്പിച്ചിട്ടുണ്ടോ ; വിശദാംശം നല്‍കാമോ ;

(ഡി)സംസ്ഥാന ഊര്‍ജ്ജ സംരക്ഷണ ഫണ്ട് രൂപീകരിക്കാനും അതിലേയ്ക്ക് ഒരു യൂണിറ്റിന് ഒരു പൈസ നിരക്കില്‍ സെസ്സ് ഏര്‍പ്പെടുത്താനുമുളള നിര്‍ദ്ദേശം എനര്‍ജി മാനേജ്മെന്റ് സെന്റര്‍ ഇലക്ട്രിസിറ്റി റെഗുലേറ്ററി കമ്മീഷന് സമര്‍പ്പിച്ചിട്ടുണ്ടോ ; എങ്കില്‍ വിശദാംശം ലഭ്യമാക്കാമോ ;

(ഇ)ഉപഭോക്താക്കളില്‍ അധിക ഭാരം അടിച്ചേല്പിക്കുന്ന പ്രസ്തുത നിര്‍ദ്ദേശത്തിന്മേല്‍ സര്‍ക്കാരിന്റെയും ബോര്‍ഡിന്റെയും അഭിപ്രായം വിശദമാക്കാമോ ?

ഫാബ്രിക്കേഷന്‍ യൂണിറ്റുകള്‍

ശ്രീ. എസ്. ശര്‍മ്മ

,, പി. ശ്രീരാമകൃഷ്ണന്‍

,, റ്റി. വി. രാജേഷ്

,, ബി. ഡി. ദേവസ്സി

(എ)വിതരണമേഖലക്കാവശ്യമായ വിവിധ ഉപകരണങ്ങള്‍ നിര്‍മ്മിക്കുന്ന ഫാബ്രിക്കേഷന്‍ യൂണിറ്റുകള്‍ പ്രവര്‍ത്തനരഹിതമായിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)ഫാബ്രിക്കേഷന്‍ യൂണിറ്റുകള്‍ നിര്‍ത്തലാക്കുന്നതിന് ഉദ്ദേശിക്കുന്നുണ്ടോ;

(സി)ഇത്തരത്തില്‍ ഫാബ്രിക്കേഷന്‍ യൂണിറ്റുകള്‍ നിര്‍ത്തലാക്കുന്നത് സ്വകാര്യ സ്ഥാപനങ്ങളെ സഹായിക്കാനാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഡി)ഈ മേഖലയിലെ കരാര്‍ ജീവനക്കാരെ സ്ഥിരപ്പെടുത്താന്‍ ആലോചിക്കുന്നുണ്ടോ?

വൈദ്യുതി ബോര്‍ഡിന്റെ കമ്പനിവല്‍ക്കരണം

ശ്രീ. സി. ദിവാകരന്‍

,, ഇ. കെ. വിജയന്‍

,, ചിറ്റയം ഗോപകുമാര്‍

(എ)വൈദ്യുതിബോര്‍ഡ് കമ്പനിവല്‍ക്കരിക്കുമ്പോള്‍ ജീവനക്കാരുടെ ആനുകൂല്യങ്ങളെ സംബന്ധിച്ച് ഏതെങ്കിലും തരത്തിലുള്ള തീരുമാനം എടുത്തിട്ടുണ്ടോ; ഉണ്ടെങ്കില്‍ നിലവിലുള്ള ഏതെല്ലാം ആനുകൂല്യങ്ങള്‍ സംരക്ഷിക്കപ്പെടുമെന്നും ഏതെല്ലാം ആനുകൂല്യങ്ങള്‍ നഷ്ടപ്പെടാനിടയുണ്ടെന്നും വ്യക്തമാക്കുമോ;

(ബി)കമ്പനിവല്‍ക്കരണത്തിലൂടെ ജീവനക്കാരുടെ പെന്‍ഷന്‍ ആനുകൂല്യം നഷ്ടപ്പെടാന്‍ സാദ്ധ്യതയുണ്ടോ; ഉണ്ടെങ്കില്‍ അതു സംരക്ഷിക്കാന്‍ ആവശ്യമായ നടപടികള്‍ സ്വീകരിക്കുമോ;

(സി)വൈദ്യുതിബോര്‍ഡ് കമ്പനിവല്‍ക്കരണ തീരുമാനം ഉപേക്ഷിക്കാന്‍ തയ്യാറാകുമോ?

നഗരങ്ങളില്‍ ഭൂഗര്‍ഭ വൈദ്യുതി കേബിളുകള്‍

ശ്രീ.എം.എ. വാഹീദ്

,, കെ. ശിവദാസന്‍ നായര്‍

,, വി.റ്റി. ബല്‍റാം

,, പി.എ. മാധവന്‍

(എ)സംസ്ഥാനത്തെ പ്രധാന നഗരങ്ങളില്‍ വൈദ്യുതി പ്രസരണ നഷ്ടം ഒഴിവാക്കുന്നതിന് എന്തെല്ലാം നടപടികളാണ് കൈക്കൊണ്ടിട്ടുള്ളത്; വിശദമാക്കുമോ;

(ബി)ഇതിനായി നഗരങ്ങളില്‍ ഭൂഗര്‍ഭ വൈദ്യുതി കേബിളുകള്‍ സ്ഥാപിക്കുന്ന കാര്യം പരിഗണിക്കുമോ; വിശദാംശം നല്‍കാമോ;

(സി)ഏതെല്ലാം നഗരങ്ങളിലാണ് ഇത് സ്ഥാപിക്കാന്‍ ഉദ്ദേശിക്കുന്നത്; വിശദമാക്കുമോ;

(ഡി)ഇത്കൊണ്ടുള്ള നേട്ടങ്ങള്‍ എന്തെല്ലാമാണ്; വിശദമാക്കുമോ ?

വൈദ്യുതിബോര്‍ഡിലെ റീജിയണല്‍ ആഡിറ്റ് ഓഫീസുകള്‍ കാര്യക്ഷമമാക്കുന്നതിന് നടപടി

ശ്രീ. കെ. മുരളീധരന്‍

,, എ.പി. അബ്ദുള്ളക്കുട്ടി

,, ലൂഡി ലൂയിസ്

,, ബെന്നി ബെഹനാന്‍

(എ)വൈദ്യുതിബോര്‍ഡിലെ റീജിയണല്‍ ആഡിറ്റ് ഓഫീസുകള്‍ കാര്യക്ഷമമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

(ബി)2011-12 സാമ്പത്തിക വര്‍ഷത്തില്‍ എ.പി.ടി.എസ് നെക്കാളും കൂടുതല്‍ തുക റവന്യൂ ഇനത്തില്‍ ലഭിച്ചു എന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദാംശങ്ങള്‍ വ്യക്തമാക്കുമോ;

(സി)സാങ്കേതിക ജീവനക്കാരുടെ സഹായത്തോടെ നടത്തിക്കൊണ്ടിരിക്കുന്ന ഫീല്‍ഡ് ഓഡിറ്റ് ശക്തിപ്പെടുത്തുന്നതിന് നടപടി സ്വീകരിക്കുമോ;

(ഡി)ഇതിന്റെ ഭാഗമായി എ.പി.ടി.എസ് നുള്ള വാഹനസൌകര്യങ്ങള്‍ ഉള്‍പ്പെടെയുള്ള കാര്യങ്ങള്‍ ഇവര്‍ക്ക് നല്‍കുന്ന കാര്യം പരിഗണിക്കുമോ; വിശദമാക്കുമോ?

കേന്ദ്ര വൈദ്യുത പദ്ധതികളുടെ നടത്തിപ്പിന് പ്രത്യേക കര്‍മ്മസേന

ശ്രീ. കെ. വി. അബ്ദുള്‍ ഖാദര്‍

,, കെ. ദാസന്‍

,, കെ. കുഞ്ഞിരാമന്‍ (ഉദുമ)

,, എസ്. രാജേന്ദ്രന്‍

(എ)സംസ്ഥാനത്തെ കേന്ദ്ര വൈദ്യുത പദ്ധതികളുടെ നടത്തിപ്പിന് പ്രത്യേക കര്‍മ്മസേന രൂപീകരിക്കുന്നതിനുളള നിര്‍ദ്ദേശം നിലവിലുണ്ടോ ;

(ബി)പ്രസ്തുത പദ്ധതിയില്‍ എന്തെല്ലാം കാര്യങ്ങളാണ് വിഭാവനം ചെയ്തിട്ടുളളത് ;

(സി)കേന്ദ്ര പദ്ധതിയായ രാജീവ്ഗാന്ധി ഗ്രാമീണ്‍ വൈദ്യുതീകരണ്‍ യോജന നിശ്ചയിച്ച പ്രകാരം എപ്പോഴാണ് പൂര്‍ത്തീകരിക്കേണ്ടി യിരുന്നത് ;

(ഡി)ഇത് നിശ്ചിത കാലാവധിക്കുളളില്‍ പൂര്‍ത്തീകരിക്കാത്തതിനുളള കാരണം വ്യക്തമാക്കാമോ ;

(ഇ)ദാരിദ്യ്ര രേഖയ്ക്ക് താഴെയുളളവരുടെ വീടുകള്‍ വൈദ്യുതീകരിക്കുന്നതിന് കേന്ദ്ര സര്‍ക്കാരില്‍ നിന്നും എന്തെല്ലാം സഹായങ്ങളാണ് ലഭിക്കുന്നത്; പ്രസ്തുത പദ്ധതി എന്നത്തേയ്ക്ക് പൂര്‍ത്തിയാക്കാന്‍ കഴിയും; വിശദാംശങ്ങള്‍ വ്യക്തമാക്കുമോ ?

അനര്‍ട്ടിന്റെ ആഭിമുഖ്യത്തില്‍ എനര്‍ജിമാര്‍ട്ടുകള്‍

ശ്രീ. എ.കെ. ബാലന്‍

(എ)അനര്‍ട്ടിന്റെ ആഭിമുഖ്യത്തില്‍ എനര്‍ജിമാര്‍ട്ടുകള്‍ എന്ന പേരില്‍ സംരംഭക ശൃംഖല രൂപീകരിച്ചിട്ടുണ്ടോ;

(ബി)ഉണ്ടെങ്കില്‍ ഇതിന്റെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; ഇതിനകം എത്ര ശൃംഖലകള്‍ രൂപീകരിച്ചിട്ടുണ്ട്; വിശദാംശങ്ങള്‍ നല്കാമോ?

കൂടംകുളം ആണവ നിലയത്തില്‍ നിന്നും സംസ്ഥാനത്തിനുള്ള വൈദ്യുതി

ശ്രീ. വി. ഡി. സതീശന്‍

,, എ. പി. അബ്ദുള്ളക്കുട്ടി

,, എ.റ്റി. ജോര്‍ജ്

,, വി. റ്റി. ബല്‍റാം

(എ)കുടംകുളം ആണവ നിലയത്തില്‍ നിന്നും സംസ്ഥാനത്തേക്ക് വൈദ്യുതി കൊണ്ടുവരുന്നതിന് വേണ്ടിയുള്ള ഹൈടെന്‍ഷന്‍ ലൈനിന്റെ പണി പൂര്‍ത്തിയായിട്ടുണ്ടോ; വിശദാംശങ്ങള്‍ എന്തെല്ലാം ;

(ബി)പ്രസ്തുത ലൈന്‍ പൂര്‍ത്തിയാക്കുന്നതിന് ഊര്‍ജ്ജിത നടപടികള്‍ സ്വീകരിക്കുമോ ; വിശദമാക്കുമോ ?

പള്ളിവാസല്‍ എക്സറ്റന്‍ഷന്‍ തൊട്ടിയാര്‍ ജലവൈദ്യുത പദ്ധതികള്‍

ശ്രീ. കെ. കെ. ജയചന്ദ്രന്‍

,, എസ്. രാജേന്ദ്രന്‍

,, രാജു എബ്രഹാം

പ്രൊഫ. സി. രവീന്ദ്രനാഥ്

(എ)പള്ളിവാസല്‍ എക്സ്റന്‍ഷന്‍, തൊട്ടിയാര്‍ എന്നീ ജലവൈദ്യുത പദ്ധതികളുടെ നിര്‍മ്മാണപ്രവര്‍ത്തനങ്ങള്‍ ഇപ്പോള്‍ ഏതു ഘട്ടത്തിലാണ്;

(ബി)പ്രസ്തുത പ്രവര്‍ത്തനങ്ങള്‍ നിശ്ചയിച്ച രീതിയില്‍ മുന്നോട്ടു പോകുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)പ്രോജക്ട് മോണിട്ടറിംഗ് കമ്മിറ്റികള്‍ ഫലപ്രദമായി പ്രവര്‍ത്തിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)പ്രസ്തുത കമ്മിറ്റികള്‍ കഴിഞ്ഞ ഒരു വര്‍ഷത്തിനുള്ളില്‍ എത്ര തവണ യോഗം ചേര്‍ന്നു എന്ന് വ്യക്തമാക്കുമോ?

മഴയുടെ കുറവുമൂലമുണ്ടായിട്ടുള്ള സ്ഥിതി പരിഹരിക്കുവാന്‍ നടപടി

ശ്രീമതി കെ.എസ്. സലീഖ

(എ)ജല വൈദ്യുതി നിലയങ്ങളുടെ സംഭരണികളില്‍ മൊത്തം സംഭരണശേഷിയുടെ എത്ര ശതമാനം വെള്ളമാണ് നിലവില്‍ ഉളളത്; മുന്‍ വര്‍ഷവുമായി താരതമ്യം ചെയ്യുമ്പോള്‍ എത്ര ശതമാനം കുറവാണ് വന്നിട്ടുള്ളത്; വിശദമാക്കുമോ;

(ബി)ദുര്‍ബലമായ കാലവര്‍ഷം വൈദ്യുതി ബോര്‍ഡിന്റെ ജലസംഭരണത്തെ പ്രതികൂലമായി ബാധിച്ചിട്ടുണ്ടോ;

(സി)നിലവില്‍ ജലസംഭരണികളിലുള്ള വെള്ളം ഉപയോഗിച്ച് എത്ര യൂണിറ്റ് വൈദ്യുതി ഉത്പാദിപ്പിക്കാന്‍ സാധിക്കും; വിശദമാക്കുമോ;

(ഡി)ജൂണ്‍ ഒന്നിനു ശേഷം നാളിതുവരെ ജലസംഭരണികളിലേയ്ക്കുള്ള നീരൊഴുക്ക് എത്ര യൂണിറ്റാണെന്നും മുന്‍ വര്‍ഷം ഇതേ കാലയളവില്‍ എത്ര യൂണിറ്റായിരുന്നുവെന്നും വ്യക്തമാക്കുമോ; ജൂണ്‍, ജൂലൈ മാസങ്ങളിലെ മഴയുടെ വരവനുസരിച്ചിട്ടല്ലേ ഒരു വര്‍ഷത്തേയ്ക്കുള്ള വൈദ്യുതി ഉത്പാദനം കെ.എസ്.ഇ.ബി ആസൂത്രണം ചെയ്തു വരുന്നത്;

(ഇ)ഈ വര്‍ഷം മഴയുടെ കുറവുമൂലമുണ്ടായിട്ടുള്ള സ്ഥിതി പരിഹരിക്കുവാന്‍ എന്തൊക്കെ നടപടികളാണ് സ്വീകരിക്കുവാന്‍ ഉദ്ദേശിക്കുന്നുവെന്നു വ്യക്തമാക്കുമോ;

(എഫ്)മഴക്കാലം പിന്നീടുമ്പോഴുള്ള വൈദ്യുതി പ്രതിസന്ധി പരിഹരിക്കുവാന്‍ പുറത്തു നിന്നും കായംകുളമടക്കമുള്ള താപനിലയങ്ങളില്‍ നിന്നും കൂടിയ വിലയ്ക്ക് വൈദ്യുതി വാങ്ങി വിതരണം ചെയ്യാന്‍ ഉദ്ദേശിക്കുന്നുണ്ടോ; എങ്കില്‍ എത്ര കോടി രൂപയുടെ അധിക ബാധ്യതയാണ് ബോര്‍ഡിന് ഉണ്ടാകുകയെന്ന് വ്യക്തമാക്കുമോ;

(ജി)പ്രസ്തുത അധിക ബാധ്യത മറികടക്കുന്നതിന് ഗാര്‍ഹിക- വാണിജ്യ വൈദ്യുതിക്ക് വന്‍ നിരക്ക് വര്‍ദ്ധന ഏര്‍പ്പെടുത്താന്‍ ബോര്‍ഡ് ഉദ്ദേശിക്കുന്നുണ്ടോ; എങ്കില്‍ എത്ര കോടി രൂപയുടെ അധിക വരുമാനം പ്രതീക്ഷിക്കുന്ന നിരക്ക് വര്‍ദ്ധനയ്ക്കുള്ള ശുപാര്‍ശയാണ് റെഗുലേറ്ററി കമ്മീഷന് മുമ്പാകെ കെ.എസ്. ഇ.ബി സമര്‍പ്പിച്ചിരിക്കുന്നത്; വ്യക്തമാക്കുമോ?

മണ്‍സൂണ്‍ മഴയും വൈദ്യുതോല്പാദനവും

ശ്രീ. എം. പി. അബ്ദുസ്സമദ് സമദാനി

,, റ്റി. എ. അഹമ്മദ് കബീര്‍

,, എം. ഉമ്മര്‍

(എ)മണ്‍സൂണ്‍ മഴയില്‍ ഇതുവരെയുണ്ടായിട്ടുള്ള കുറവ് ജലവൈദ്യുത പദ്ധതികളെ എത്രമാത്രം ബാധിക്കുന്നുവെന്നത് സംബന്ധിച്ച് പരിശോധന നടത്തിയിട്ടുണ്ടോ;

(ബി)പൂര്‍ണ്ണമായ തോതില്‍ വൈദ്യുതി ഉല്പാദിപ്പിക്കാന്‍ ആവശ്യമായ അളവിലുള്ള വെള്ളം റിസര്‍വ്വോയറുകളില്‍ ലഭ്യമാണോ;

(സി)ഇല്ലെങ്കില്‍ വൈദ്യുതോല്പാദനത്തിലുള്ള കുറവ് പരിഹരിക്കാന്‍ എന്തൊക്കെ മുന്‍കരുതലുകളാണ് സ്വീകരിക്കാനുദ്ദേശിക്കുന്ന തെന്ന് വ്യക്തമാക്കുമോ?

തൃശ്ശൂര്‍ ജില്ലയിലെ കടലില്‍ നിന്നും വൈദ്യുതി ഉല്‍പ്പാദിപ്പിക്കുന്ന പദ്ധതി

ശ്രീമതി ഗീതാ ഗോപി

തൃശ്ശൂര്‍ ജില്ലയില്‍ ഏതെല്ലാം പ്രദേശങ്ങളിലാണ് കടലില്‍ നിന്നും വൈദ്യുതി ഉല്‍പ്പാദിപ്പിക്കുന്ന പദ്ധതി ആരംഭിക്കാനുദ്ദേശിക്കുന്നതെന്ന് വ്യക്തമാക്കുമോ ?

അലങ്കാര ആവശ്യങ്ങള്‍ക്ക് നല്‍കുന്ന വൈദ്യുതി നിയന്ത്രണം

ശ്രീ. സണ്ണി ജോസഫ്

,, അന്‍വര്‍ സാദത്ത്

,, എം. പി. വിന്‍സെന്റ്

,, ഐ. സി. ബാലകൃഷ്ണന്‍

(എ)സംസ്ഥാനത്ത് അലങ്കാര ആവശ്യങ്ങള്‍ക്ക് നല്‍കുന്ന വൈദ്യുതി നിയന്ത്രിക്കുവാന്‍ ആലോചിക്കുന്നുണ്ടോ; വിശദമാക്കുമോ;

(ബി)ഇതിനുള്ള സാഹചര്യങ്ങള്‍ എന്തെല്ലാം; വിശദാംശങ്ങള്‍ എന്തെല്ലാം;

(സി)ഏതെല്ലാം സ്ഥലങ്ങളിലേയും സ്ഥാപനങ്ങളിലേയും അലങ്കാര ദീപങ്ങള്‍ക്കാണ് പ്രസ്തുത നിയന്ത്രണം ബാധകമാകുന്നത്; വിശദമാക്കുമോ;

(ഡി)നിയന്ത്രണത്തിലൂടെ എത്ര യൂണിറ്റ് വൈദ്യുതി ലഭിക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ?

അധിക വൈദ്യുതിക്ക് അധിക ചാര്‍ജ്ജ്

ശ്രീ. കോടിയേരി ബാലകൃഷ്ണന്‍

(എ)ഗാര്‍ഹിക ഉപഭോക്താക്കള്‍ക്ക് കൂടുതല്‍ വൈദ്യുതി നിയന്ത്രണവും അധിക വൈദ്യുതിക്ക് അധിക ചാര്‍ജ്ജ് ഈടാക്കുന്നതിനും വൈദ്യുതി ബോര്‍ഡ് നിര്‍ദ്ദേശിച്ചിട്ടുണ്ടോ ;

(ബി)എങ്കില്‍ എന്തെല്ലാം നിര്‍ദ്ദേശങ്ങളാണ് ബോര്‍ഡ് മുന്നോട്ട് വെച്ചിട്ടുള്ളതെന്ന് വിശദാമാക്കാമോ ;

(സി)ഇതില്‍ എന്തെല്ലാം നിര്‍ദ്ദേശങ്ങളാണ് അംഗീകരിക്കാന്‍ ഉദ്ദേശിക്കുന്നതെന്ന് വിശദമാക്കാമോ ?

വൈദ്യുതി ചാര്‍ജ്ജ് ഒഴിവാക്കുന്നതിന് നടപടി

ശ്രീ. റ്റി.വി. രാജേഷ്

വളരെക്കുറച്ച് യൂണിറ്റ് വൈദ്യുതി ഉപയോഗിക്കുന്ന ഉപഭോക്താക്കളെ വൈദ്യുതി ചാര്‍ജ് അടയ്ക്കുന്നതില്‍ നിന്നും ഒഴിവാക്കാന്‍ നടപടി സ്വീകരിക്കുമോ ?

വൈദ്യുതിയുടെ അധിക ഉപഭോഗം

ശ്രീ. മുല്ലക്കര രത്നാകരന്‍

,, കെ. അജിത്

,, ജി. എസ്. ജയലാല്‍

,, ഇ. കെ. വിജയന്‍

(എ)സംസ്ഥാനത്ത് പ്രതിവര്‍ഷം ശരാശരി എത്ര യൂണിറ്റ് വൈദ്യുതിയുടെ അധിക ഉപഭോഗം ഉണ്ടാകുന്നുണ്ട് ; ഓരോ വര്‍ഷവും സംസ്ഥാനത്ത് ആവശ്യമായി വരുന്ന അധിക വൈദ്യുതി കണ്ടെത്തുന്നതിനുളള സ്രോതസ്സുകള്‍ എന്തെല്ലാമാണെന്ന് വെളിപ്പെടുത്തുമോ ; അധിക വൈദ്യുതി ഉല്‍പ്പാദനത്തിനായി എത്ര പദ്ധതികളാണ് പരിഗണനയിലുളളത് ; അവ ഏതെല്ലാം ?

വൈദ്യുതി കുടിശ്ശിക ഈടാക്കുന്ന രീതി

ശ്രീ. തേറമ്പില്‍ രാമകൃഷ്ണന്‍

,, കെ. ശിവദാസന്‍ നായര്‍

,, ജോസഫ് വാഴക്കന്‍

,, സി. പി. മുഹമ്മദ്

(എ)കൈമാറ്റം ചെയ്ത സ്ഥാപനത്തിലേയോ വീടുകളിലേയോ വൈദ്യുതി കുടിശ്ശിക പുതിയ ഉപഭോക്താവില്‍ നിന്ന് ഈടാക്കാന്‍ നിലവില്‍ വ്യവസ്ഥയുണ്ടോ; വിശദമാക്കുമോ ;

(ബി)ഇല്ലെങ്കില്‍ നിയമം ഭേദഗതി ചെയ്യുന്ന കാര്യം പരിഗണിക്കുമോ ;

(സി)യഥാര്‍ത്ഥ കുടിശ്ശികക്കാരില്‍ നിന്നും തുക ഈടാക്കിയ ശേഷം പുതിയ ഉപഭോക്താവിന് ഈ തുക തിരിച്ചു നല്‍കുന്ന കാര്യം ആലോചിക്കുമോ; വിശദമാക്കുമോ ;

(ഡി)ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ ?

വൈദ്യുതി ബോര്‍ഡ് കമ്പനിയാക്കുമ്പോള്‍ പെന്‍ഷന്‍ നല്‍കുന്നതിന് ത്രികക്ഷി കരാര്‍

ശ്രീ. ജെയിംസ് മാത്യു

(എ)വൈദ്യുതി ബോര്‍ഡ് കമ്പനിയാക്കുമ്പോള്‍ മറ്റു സംസ്ഥാനങ്ങളിലേതുപോലെ പെന്‍ഷന്‍കാര്‍ക്ക് ത്രികക്ഷി കരാര്‍ നടപ്പിലാക്കുമോ ;

(ബി)ഈ വിഭാഗം പെന്‍ഷന്‍കാര്‍ക്ക് പെന്‍ഷന്‍ നല്‍കാന്‍ സര്‍ക്കാര്‍ ഗ്യാരന്റി നല്‍കുമോ ?

ആര്‍.ആര.ജി.വി.വൈ പദ്ധതി നടപ്പിലാക്കുന്ന ജില്ലകള്‍

ശ്രീ. സണ്ണി ജോസഫ്

,, എം.പി. വിന്‍സെന്റ്

,, പാലോട് രവി

,, റ്റി. എന്‍ പ്രതാപന്‍

(എ)ആര്‍.ആര്‍.ജി. വി. വൈ പദ്ധതി ഏതൊക്കെ ജില്ലകളിലാണ് നടപ്പാക്കുന്നത് ; വിശദമാക്കുമോ ;

(ബി)മറ്റ് ജില്ലകളില്‍ പ്രസ്തുത പദ്ധതി നടപ്പിലാക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത് ; വ്യക്തമാക്കാമോ ?

കല്ലറ സബ്സ്റേഷന്‍

ശ്രീ. കെ. അജിത്

(എ)വൈക്കം നിയോജക മണ്ഡലത്തിലെ വിവിധ ഭാഗങ്ങളില്‍ അനുഭവപ്പെടുന്ന വോള്‍ട്ടേജ് ക്ഷാമവും വൈദ്യുതി തടസ്സവും ശ്രദ്ധയില്‍പ്പെട്ടിട്ടുണ്ടോ;

(ബി)വൈക്കത്തെ കാര്‍ഷിക ഗ്രാമീണ മേഖലയായ കല്ലറയിലേയും പരിസര പ്രദേശങ്ങളിലേയും വൈദ്യുതി തകരാറ് സംബന്ധിച്ച് പ്രശ്നങ്ങള്‍ പരിഹരിക്കുന്നതിനായി അനുവദിച്ച കല്ലറ സബ്സ്റേഷന് കല്ലറ പഞ്ചായത്ത് ലഭ്യമാക്കിയ സ്ഥലം വൈദ്യുതി ബോര്‍ഡ് ഏറ്റെടുത്തിട്ടുണ്ടോ; ഇല്ലെങ്കില്‍ ആയതിന്റെ കാരണം വ്യക്തമാക്കുമോ;

(സി)കല്ലറയില്‍ സ്ഥാപിക്കാന്‍ ഉദ്ദേശിക്കുന്ന സബ്സ്റേഷന്റെ പരിധിയില്‍ ഏതെല്ലാം പ്രദേശങ്ങളെ ഉള്‍പ്പെടുത്തുവാനാണ് ഉദ്ദേശിക്കുന്നതെന്ന് വ്യക്തമാക്കാമോ;

(ഡി)നിര്‍ദ്ദിഷ്ട സബ്സ്റേഷന്റെ ശേഷി എത്രയെന്നും ഇതിന്റെ നിര്‍മ്മാണ പ്രവര്‍ത്തനങ്ങള്‍ എപ്പോള്‍ പൂര്‍ത്തിയാക്കാന്‍ കഴിയുമെന്നും വ്യക്തമാക്കാമോ ?

ഗുരുതരമായ രോഗം ബാധിച്ചവര്‍ക്കുളള സൌജന്യ വൈദ്യതി കണക്ഷന്‍

ശ്രീ. പി. തിലോത്തമന്‍

(എ)ഗുരുതര രോഗങ്ങള്‍ ബാധിച്ചവര്‍ അംഗങ്ങളായ വീടുകള്‍ക്ക് സൌജന്യമായി വൈദ്യുതി കണക്ഷന്‍ നല്‍കുന്നതിനുളള പദ്ധതി നിലവിലുണ്ടോ; എങ്കില്‍ ഇതുസംബന്ധിച്ച ഉത്തരവുകളുടെ പകര്‍പ്പുകള്‍ ലഭ്യമാക്കാമോ; ഏതെല്ലാം മാരക രോഗം ബാധിച്ചവരുടെ കുടുംബങ്ങള്‍ക്കാണ് ഇപ്രകാരം വൈദ്യുതി കണക്ഷന്‍ നല്‍കുന്നത്; വ്യക്തമാക്കാമോ;

(ബി)പ്രസ്തുത പദ്ധതിപ്രകാരം വൈദ്യുതി കണക്ഷനും ഇളവുകളും ലഭിക്കുന്നതിന് ചേര്‍ത്തല മണ്ഡലത്തില്‍ ഈ സര്‍ക്കാര്‍ അധികാരമേറ്റശേഷം എത്ര അപേക്ഷകള്‍ ലഭിച്ചിട്ടുണ്ട്; ഇതില്‍ എത്ര അപേക്ഷകള്‍ പരിഗണിച്ചു എന്നതിന്റെ പഞ്ചായത്ത്/മുനിസിപ്പാലിറ്റി തിരിച്ചുളള കണക്ക് ലഭ്യമാക്കാമോ ?

വൈദ്യുതി ലൈന്‍ മാറ്റി സ്ഥാപിക്കുന്നതിന് ചാര്‍ജ്ജ്

ശ്രീ. വി. ചെന്താമരാക്ഷന്‍

(എ)നിര്‍ദ്ധരരായ ആളുകളുടെ വീടിന് മുകളില്‍ക്കൂടിയും വീട് വയ്ക്കാനായി വാങ്ങിയ സ്ഥലത്തിന് മുകളില്‍ കൂടിയും കടന്ന് പോകുന്ന വൈദ്യുതി ലൈന്‍ മാറ്റി സ്ഥാപിക്കുന്നതിന് നിലവില്‍ ചാര്‍ജ്ജ് ഈടാക്കാറുണ്ടോ ;

(ബി)ഇപ്രകാരമുളള ലൈന്‍ മാറ്റുന്നതിന് പണം അടയ്ക്കാന്‍ കഴിയാത്തതിന്റെ പേരില്‍ നിര്‍ദ്ധരരായ നിരവധി പേരുടെ വീട് പണി പൂര്‍ത്തീകരിക്കാന്‍ കഴിയുന്നില്ല എന്ന കാര്യം ശ്രദ്ധയില്‍ പ്പെട്ടിട്ടുണ്ടോ ;

(സി)എങ്കില്‍ വൈദ്യുതി ലൈന്‍ മാറ്റി സ്ഥാപിക്കുന്നതിന് നിര്‍ദ്ധരര്‍ക്ക് സൌജന്യം അനുവദിക്കുന്ന കാര്യം പരിഗണിക്കുമോ ?

പവര്‍ ബൈപ്പാസ്

ശ്രീമതി കെ.കെ. ലതിക

(എ)അടിക്കടി ഏര്‍പ്പെടുത്തുന്ന പവര്‍കട്ട് ഒഴിവാക്കുന്ന തിനും ഉപഭോക്താക്കള്‍ക്ക് തടസ്സം കൂടാതെ വൈദ്യുതി ലഭിക്കുന്നതിനും പവര്‍ ബൈപ്പാസ് സ്ഥാപിക്കുന്നതിന് ഉദ്ദേശിക്കുണ്ടോ;

(ബി)ഇത് സംബന്ധിച്ച് എന്തെങ്കിലും പഠനങ്ങള്‍ നടത്തിയിട്ടുണ്ടോ; വിശദാംശം നല്‍കുമോ?

ഊര്‍ജ്ജ ഓഡിറ്റ്

ശ്രീ. തേറമ്പില്‍ രാമകൃഷ്ണന്‍

,, റ്റി. എന്‍. പ്രതാപന്‍

,, സി. പി. മുഹമ്മദ്

,, പാലോട് രവി

(എ)ഇ.എം.സി. ഊര്‍ജ്ജ ഓഡിറ്റ് നടത്താനുദ്ദേശിക്കുന്നുണ്ടോ ; വിശദമാക്കാമോ ;

(ബി)ഏതെല്ലാം മേഖലയിലാണ് ഊര്‍ജ്ജ ഓഡിറ്റ് നടത്തുന്നത് ; വിശദാംശം നല്‍കാമോ ;

(സി)വലിയ കെട്ടിടങ്ങളിലും വ്യവസായ മേഖലയിലും എത്ര കാലം കൂടുമ്പോഴാണ് ഊര്‍ജ്ജ ഓഡിറ്റ് നടത്തുന്നത് ; വിശദാംശം നല്‍കാമോ ?

തൃശ്ശൂര്‍ ജില്ലയിലെ ഊര്‍ജ്ജ ഓഡിറ്റ്

ശ്രീമതി ഗീതാ ഗോപി

(എ)ഈ സര്‍ക്കാര്‍ അധികാരമേറ്റശേഷം തൃശ്ശൂര്‍ ജില്ലയില്‍ നടത്തിയിട്ടുള്ള ഊര്‍ജ്ജ ഓഡിറ്റിന്റെ വിശദാംശം നല്‍കുമോ ;

(ബി)ഇപ്രകാരം ഓഡിറ്റ് നടത്തി ഗുരുതരമായ വീഴ്ച വരുത്തിയവര്‍ക്കെതിരെ നടപടികള്‍ സ്വീകരിച്ചിട്ടുണ്ടോ ; വിശദാംശം ലഭ്യമാക്കാമോ ?

കേടായ മീറ്ററുകള്‍ മാറ്റി സ്ഥാപിക്കുന്നതിനുള്ള ചെലവ്

ശ്രീമതി കെ. എസ്. സലീഖ

(എ)കേടായ മീറ്ററുകള്‍ മാറ്റി സ്ഥാപിക്കാത്തതു വഴി കഴിഞ്ഞ സാമ്പത്തിക വര്‍ഷം വൈദ്യുതി ബോര്‍ഡിന് എത്ര കോടി രൂപയുടെ നഷ്ടമുണ്ടായി;

(ബി)ഇത്തരത്തില്‍ സംസ്ഥാനത്ത് എത്ര മീറ്ററുകളാണ് കേടായി കിടക്കുന്നത്; നിലമ്പൂര്‍ ഡിവിഷനില്‍ എത്ര മീറ്ററുകളാണ് കേടായി കിടക്കുന്നത്;

(സി)ആകെയുള്ള മീറ്ററുകളില്‍ പകുതിയും കേടായ മീറ്ററുകളുള്ള സെക്ഷനുകള്‍ സംസ്ഥാനത്തുണ്ടോ; ഉപഭോക്താക്കളുടെ അനിയന്ത്രിതമായ വൈദ്യുതി ഉപഭോഗമാണ് മീറ്ററുകള്‍ കേടാകുന്നതിന് കാരണമെന്ന വസ്തുത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുവാന്‍ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(ഡി)കേടായ മുഴുവന്‍ മീറ്ററുകളും മാറ്റി സ്ഥാപിക്കുന്നതിന് ബോര്‍ഡിന് എത്ര കോടി രൂപ ചെലവാകുമെന്നാണ് കണക്കാക്കിയിട്ടുള്ളത്;

(ഇ)സംസ്ഥാനത്ത് എത്ര എച്ച്.ടി (വ്യാവസായികം) ഉപഭോക്താക്കളുടെ മീറ്ററുകളാണ് പ്രവര്‍ത്തനരഹിതമായി ട്ടുള്ളത്; വ്യക്തമാക്കുമോ;

(എഫ്)നിലവില്‍ വൈദ്യുതി ബോര്‍ഡിന് മീറ്ററുകള്‍ നിര്‍മ്മിച്ചു നല്‍കുന്നത് ഏതൊക്കെ സ്ഥാപനങ്ങളാണ്; വ്യക്തമാക്കുമോ?

വൈദ്യുതി വിതരണ മേഖലയിലെ സാധനസാമഗ്രികളുടെ ദൌര്‍ലഭ്യം

ശ്രീ. ഇ. പി. ജയരാജന്‍

ശ്രീമതി കെ. കെ. ലതിക

ശ്രീ. റ്റി. വി. രാജേഷ്

,, കെ. വി. വിജയദാസ്

(എ)ആവശ്യമായ സാധനസാമഗ്രികള്‍ ലഭ്യമല്ലാത്തതിനാല്‍ വൈദ്യുതി വിതരണ മേഖലയിലെ നിര്‍മ്മാണ പ്രവര്‍ത്തനങ്ങള്‍ മുടങ്ങിക്കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)വിതരണ സര്‍ക്കിള്‍ സ്റോറുകളുടെ പ്രവര്‍ത്തനം നിര്‍ത്തലാക്കാന്‍ ഉദ്ദേശിക്കുന്നുണ്ടോ;

(സി)ഉണ്ടെങ്കില്‍ ഇതിന് പകരം എന്ത് സംവിധാനമാണ് ഏര്‍പ്പെടുത്തിയിട്ടുള്ളത് എന്ന് വ്യക്തമാക്കുമോ?

കെ.എസ്.ഇ.ബി.യില്‍ സിസ്റം ചെയിഞ്ചിന്റെ ഭാഗമായുളള പരിഷ്ക്കാരങ്ങളും പ്രത്യാഘാതങ്ങളും

ശ്രീ. ജി. എസ്. ജയലാല്‍

(എ)കെ.എസ്.ഇ.ബി. യില്‍ സിസ്റം ചെയിഞ്ചിന്റെ ഭാഗമായി നടപ്പില്‍ വരുത്തിയ പരിഷ്ക്കാരങ്ങള്‍ എന്തൊക്കെയാണ് ; ഇത് പ്രകാരം സെക്ഷന്‍ ഓഫീസിന്റെ പ്രവര്‍ത്തനം, വാഹനങ്ങളുടെ ഉപയോഗം എന്നിവയുമായി ബന്ധപ്പെട്ട് നല്‍കിയ മാര്‍ഗ്ഗനിര്‍ദ്ദേശങ്ങള്‍ എന്തൊക്കെയാണെന്ന് അറിയിക്കുമോ ;

(ബി)പ്രസ്തുത പരിഷ്ക്കാരങ്ങള്‍ പൊതു സമൂഹത്തിനും, ഗുണഭോക്താക്കള്‍ക്കും എത്രമാത്രം പ്രയോജനപ്രദമാണെന്ന് വിലയിരുത്തിയിട്ടുണ്ടോ ; എങ്കില്‍ വിശദാംശം അറിയിക്കുമോ;

(സി)ബോര്‍ഡ് ഉത്തരവ് No.(FM) Gnl No. 1267/12 (AEIV/DPC/Veh/39/10 dt.TVM 4/7/12 പ്രകാരം വാഹന ഉപയോഗ സമയവും ദൂരവും നിയന്ത്രിക്കുവാന്‍ നിര്‍ദ്ദേശിച്ചിട്ടുണ്ടോ ; എങ്കില്‍ മുന്‍പത്തേതില്‍ നിന്നും വ്യത്യസ്തമായി എന്തൊക്കെ നിയന്ത്രണങ്ങളാണ് ഈ ഉത്തരവിലൂടെ ബോര്‍ഡ് പുതുതായി ഏര്‍പ്പെടുത്തിയത് ;

(ഡി)പ്രസ്തുത നിയന്ത്രണങ്ങള്‍ സമൂഹത്തിലും, സെക്ഷന്‍ ഓഫീസുകളിലും ഉണ്ടാക്കാന്‍ സാദ്ധ്യതയുളള ഗുരുതരമായ പ്രത്യാഘാതങ്ങളെക്കുറിച്ച് ബോര്‍ഡ് പഠനം നടത്തിയിട്ടുണ്ടോ; വാഹനത്തിന്റെ സമയ/ദൂര നിയന്ത്രണങ്ങള്‍ പിന്‍വലിക്കുവാന്‍ നടപടി കൈക്കൊളളുമോ ?

വൈദ്യുതി ഉല്പാദന സാമഗ്രികള്‍ വിലകുറച്ച് നല്കുന്നതിന് നടപടി

ശ്രീ. റ്റി. യു. കുരുവിള

,, സി. എഫ്. തോമസ്

പുതുതായി നിര്‍മ്മിക്കുന്ന വീടുകള്‍ക്കും കെട്ടിടങ്ങള്‍ക്കും ‘സോളാര്‍’ ഉള്‍പ്പെടെയുള്ള വൈദ്യുത സ്രോതസ്സുകള്‍ ഉപയോഗപ്പെടുത്തി വൈദ്യുതി ഉല്പാദിപ്പിക്കുന്നതിന് ആവശ്യമായ സാധനസാമഗ്രികള്‍ വില കുറച്ച് നല്കുന്നതിന് നടപടികള്‍ സ്വീകരിക്കുമോ ; വിശദാംശം നല്കാമോ ?

സമ്പൂര്‍ണ്ണ വൈദ്യുതീകരണ പദ്ധതി

ശ്രീ. ജി. സുധാകരന്‍

(എ)സമ്പൂര്‍ണ്ണ വൈദ്യുതീകരണ പദ്ധതി പ്രകാരം അമ്പലപ്പുഴ നിയോജക മണ്ഡലത്തില്‍ എത്ര പേര്‍ക്ക് സൌജന്യമായി വൈദ്യുതി കണക്ഷന്‍ ലഭിച്ചിട്ടുണ്ട്; വ്യക്തമാക്കുമോ;

(ബി)അമ്പലപ്പുഴ നിയോജക മണ്ഡലത്തില്‍ പ്രസ്തുത പദ്ധതിയ്ക്കായി എത്ര രൂപ ചെലവഴിച്ചുവെന്ന് വ്യക്തമാക്കുമോ;

(സി)അമ്പലപ്പുഴ മണ്ഡലത്തില്‍ പ്രസ്തുത പദ്ധതിയുടെ എസ്റിമേറ്റ് തുകയില്‍, എന്ത് തുക മിച്ചമുണ്ടായിരുന്നു;

(ഡി)ഒന്നില്‍ക്കൂടുതല്‍ പോസ്റുകള്‍ സ്ഥാപിച്ചാല്‍ മാത്രമേ വൈദ്യുതി ലഭിക്കുകയുള്ളൂ എന്ന സ്ഥിതിയുള്ള നിരവധി നിര്‍ദ്ധനരുടെ വീടുകള്‍ ഉണ്ട് എന്നത് ശ്രദ്ധയില്‍പ്പെട്ടിട്ടുണ്ടോ; ഇവര്‍ക്ക് വൈദ്യുതി കണക്ഷന്‍ ലഭിക്കുന്നതിന് എന്തു നടപടി സ്വീകരിക്കുവാനാണ് ഉദ്ദേശിക്കുന്നത്?

  next page>>