Questions

സംസ്ഥാനത്തെ കൊലപാതക കേസുകള്‍

പ്രൊഫ. സി. രവീന്ദ്രനാഥ്

(എ)ഈ സര്‍ക്കാര്‍ അധികാരമേറ്റശേഷം ഇതേവരെ സംസ്ഥാനത്ത് നടന്ന കൊലപാതക കേസുകളില്‍ എത്രയെണ്ണത്തിന്റെ പോലീസ് അന്വേഷണം പൂര്‍ത്തിയാക്കി റിപ്പോര്‍ട്ടു കോടതിയില്‍ സമര്‍പ്പിച്ചിട്ടുണ്ടെന്ന് വ്യക്തമാക്കാമോ ;

(ബി)ഇനിയും അന്വേഷണം പൂര്‍ത്തിയാക്കിയിട്ടില്ലാത്തവ എത്ര ;

(സി)ഈ കാലയളവില്‍ നടന്ന എത്ര കൊലപാതകങ്ങള്‍ സംബന്ധിച്ച അന്വേഷണം സി.ബി.ഐ.യ്ക്ക് വിടുകയുണ്ടായി ; സി.ബി.ഐ. അന്വേഷണം വേണമെന്ന് ബന്ധുക്കള്‍ ആവശ്യപ്പെട്ട കേസുകളില്‍ സി.ബി.ഐ.ക്കു വിട്ടിട്ടുള്ളവ ഏതൊക്കെയാണെന്ന് വ്യക്തമാക്കാമോ ;

(ഡി)ഏതെല്ലാം കേസുകളുമായി ബന്ധപ്പെട്ട് ആഭ്യന്തര വകുപ്പ് മന്ത്രി വീട്ടില്‍ ചെന്ന് ബന്ധുക്കളുമായി ചര്‍ച്ച ചെയ്യുകയുണ്ടായി ?

സംസ്ഥാനത്ത് നടന്ന കൊലപാതക കേസുകള്‍

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ)ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് നടന്ന കൊലപാതകങ്ങള്‍ ഏതൊക്കെയാണെന്നും അവയെത്രയാണെന്നും വിശദമാക്കാമോ; ഇതില്‍ രാഷ്ട്രീയ കൊലപാതകങ്ങള്‍ ഏതൊക്കെയായിരുന്നു ;

(ബി)ഇവയില്‍ ഏതെല്ലാം കേസുകളിലെ അന്വേഷണം പൂര്‍ത്തിയായിട്ടുണ്ട് ; ഏതെല്ലാം കേസുകളില്‍ പ്രത്യേക അന്വേഷണ വിഭാഗത്തെ ഏര്‍പ്പെടുത്തുകയുണ്ടായി ;

(സി)കൊലപാതകം ചെയ്യപ്പെട്ട ആരുടെയെല്ലാം വീടുകളില്‍ മുഖ്യമന്ത്രിയും ആഭ്യന്തരമന്ത്രിയും വിവിധ ഘട്ടങ്ങളിലായി സന്ദര്‍ശനം നടത്തുകയുണ്ടായി ; സന്ദര്‍ശന ഉദ്ദേശം വെളിപ്പെടുത്തുമോ ;

(ഡി)കൊല ചെയ്യപ്പെട്ടവരുടെ മൃതദേഹം പോസ്റ്മാര്‍ട്ടം നടത്തിയ ദിവസം കോഴിക്കോട് മെഡിക്കല്‍ കോളേജ് ആശുപത്രിയില്‍ ആഭ്യന്തര വകുപ്പ് മന്ത്രി സന്ദര്‍ശനം നടത്തിയത് എന്ത് ഉദ്ദേശ്യത്തിലായിരുന്നു എന്ന് വ്യക്തമാക്കുമോ?

കൊലപാതക കേസുകള്‍

ശ്രീ. എ.എം. ആരിഫ്

(എ)ഈ സര്‍ക്കാര്‍ അധികാരമേറ്റശേഷം സംസ്ഥാനത്ത് നടന്ന കൊലപാതകങ്ങള്‍ എത്ര; കൊല്ലപ്പെട്ടവരില്‍ മലയാളികള്‍ എത്ര; അല്ലാത്തവരെത്ര;

(ബി)പോലീസ് അന്വേഷണത്തിലിരിക്കുന്ന കൊലപാതക കേസുകള്‍ എത്ര; ഏതെല്ലാം കൊലപാതക കേസുകള്‍ സി. ബി.ഐ അന്വേഷിച്ചിട്ടുണ്ടെന്ന് വ്യക്തമാക്കാമോ;

(സി)ഏതെല്ലാം കൊലപാതക കേസുകള്‍ സി.ബി.ഐയ്ക്ക് വിടണമെന്ന് കൊലചെയ്യപ്പെട്ടവരുടെ ബന്ധുക്കള്‍ ആവശ്യപ്പെടുകയുണ്ടായി;

(ഡി)കൊലപാതകകേസ് അന്വേഷണം സി.ബി.ഐയ്ക്ക് വിടണം എന്നാവശ്യപ്പെട്ട ഏതെല്ലാം കേസുകളില്‍ കൊല ചെയ്യപ്പെട്ടവരുടെ വീടുകളില്‍ചെന്ന് ആഭ്യന്തര വകുപ്പ് മന്ത്രി ബന്ധുക്കളുമായി ചര്‍ച്ച നടത്തുകയുണ്ടായി;

(ഇ)സംസ്ഥാനത്ത് കൊലചെയ്യപ്പെട്ട എത്ര പേരുടെ വീടുകളില്‍ ആഭ്യന്തരവകുപ്പ് മന്ത്രിയും മുഖ്യമന്ത്രിയും ഈ കാലയളവില്‍ നേരിട്ട് സന്ദര്‍ശനം നടത്തുകയുണ്ടായി;

(എഫ്)ആഭ്യന്തരവകുപ്പ് മന്ത്രി ഒന്നിലധികം തവണ വീട് സന്ദര്‍ശനം നടത്തി ബന്ധുക്കളുമായി ചര്‍ച്ച നടത്തിയ കൊലപാതകകേസ് ഏതായിരുന്നു; വ്യക്തമാക്കുമോ?

സത്നംസിങ്ങിന്റെ മരണം

ശ്രീ. കോലിയക്കോട് എന്‍. കൃഷ്ണന്‍ നായര്‍

(എ)കൊല്ലം വള്ളിക്കാവ് ആശ്രമത്തില്‍ ദര്‍ശനത്തിനെത്തിയ ബീഹാര്‍ സ്വദേശി സത്നംസിങ്ങ് മരിക്കാനിടയായ സാഹചര്യം സംബന്ധിച്ച പോലീസ് അന്വേഷണ റിപ്പോര്‍ട്ട് ഫലം വെളിപ്പെടുത്താമോ;

(ബി)ഏതെല്ലാം കേന്ദ്രങ്ങളില്‍നിന്നുള്ള എത്രപേരില്‍നിന്നും അന്വേഷണസംഘം വിവരം ശേഖരിക്കുകയുണ്ടായി; മരണകാരണം എന്തായിരുന്നുവെന്ന് വ്യക്തമായിട്ടുണ്ടോ;

(സി)മരണത്തിന് കാരണക്കാരായവര്‍ ആരൊക്കെയാണെന്നാണ് പോലീസ് കണ്ടെത്തിയിരിക്കുന്നത്;

(ഡി)മൃതദേഹം സര്‍ക്കാര്‍ ചെലവില്‍ ബീഹാറിലേയ്ക്ക് കൊണ്ടുപോവുകയുണ്ടായോ; എന്ത് തുക ഇതിനായി ചെലവായിട്ടുണ്ട്;

(ഇ)ചെലവ് സര്‍ക്കാര്‍ വഹിക്കാനിടയായ പ്രത്യേക സാഹചര്യം എന്തായിരുന്നുവെന്ന് അറിയിക്കുമോ ?

സത്നംസിങ്ങിന്റെ മരണം

ശ്രീ. എളമരം കരീം

(എ)കൊല്ലത്തെ അമൃതാനന്ദമയി മഠത്തില്‍ നിന്നും പോലീസ് കസ്റഡിയിലെടുത്ത സത്നംസിങ്ങ് കൊല ചെയ്യപ്പെടുകയുണ്ടായോ; എങ്കില്‍ എവിടെ വെച്ച്; എപ്പോള്‍;

(ബി)സത്നംസിങ്ങിനെതിരെ അമൃതാനന്ദമയി മഠത്തില്‍ നിന്നും പോലീസിന് പരാതി ലഭിച്ചിട്ടുണ്ടായിരുന്നുവോ; എങ്കില്‍ എപ്പോള്‍; പരാതി എന്തായിരുന്നു;

(സി)സംസ്ഥാന ആഭ്യന്തര വകുപ്പുമന്ത്രി അന്നേ ദിവസം തന്നെ മഠം സന്ദര്‍ശിക്കുകയുണ്ടായോ; മഠത്തില്‍ ആരെല്ലാമായി മന്ത്രി ചര്‍ച്ച നടത്തുകയുണ്ടായി; അന്നേ ദിവസം മന്ത്രി പോലീസ് അധികൃതര്‍ക്ക് നല്‍കിയ നിര്‍ദ്ദേശം എന്തായിരുന്നു; മന്ത്രി അന്ന് മഠം സന്ദര്‍ശിക്കാനുണ്ടായ സാഹചര്യം എന്തായിരുന്നു;

(ഡി)സത്നംസിങ്ങിനെതിരെ കൊല്ലം പോലീസ് ആദ്യഘട്ടത്തില്‍ എന്തെല്ലാം കുറ്റങ്ങള്‍ക്ക് ഏതെല്ലാം വകുപ്പുകള്‍ അനുസരിച്ചായിരുന്നു കേസെടുത്തിരുന്നത്; കൊല ചെയ്യപ്പെട്ടതിനു ശേഷം ഏതെല്ലാം വകുപ്പുകള്‍ അനുസരിച്ച് ആര്‍ക്കെല്ലാം എതിരെ കേസെടുക്കുകയുണ്ടായി; വിശദമാക്കാമോ?

പോലീസ് ക്യാമ്പുകളിലെയും സ്റേഷനുകളിലെയും പീഡനം

ശ്രീ. ജെയിംസ് മാത്യൂ

,, എ. പ്രദീപ്കുമാര്‍

,, പുരുഷന്‍ കടലുണ്ടി

,, ആര്‍. രാജേഷ്

(എ)കേരള പോലീസ് നടത്തുന്ന അറസ്റുകള്‍ ഏറെയും നിയമവിരുദ്ധമായിട്ടുള്ളതാണെന്നും പോലീസ് മൂന്നാംമുറ പ്രയോഗിച്ചുവരികയാണെന്നുമുള്ള പഠന റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(ബി)പോലീസ് ക്യാമ്പുകളിലും സ്റേഷനുകളിലും പീഡനം നടക്കുന്നുണ്ടെന്ന ആക്ഷേപം പരിശോധിച്ചിട്ടുണ്ടോ;

(സി)പോലീസ് കസ്റഡിയിലെടുത്തയാളെ യഥാസമയം കോടതിയില്‍ ഹാജരാക്കാറില്ലെന്ന ആക്ഷേപങ്ങള്‍ ഉണ്ടായിട്ടുണ്ടോ; മേല്‍പ്പറഞ്ഞപ്രകാരമുള്ള എത്ര പരാതികള്‍ സംസ്ഥാനത്ത് ഈ സര്‍ക്കാര്‍ അധികാരത്തില്‍വന്നതിനുശേഷം ഉണ്ടായിട്ടുണ്ട്;

(ഡി)നിരപരാധികളെ കസ്റഡിയിലെടുത്ത് പീഡിപ്പിക്കുന്നത് തടയാന്‍ നടപടി സ്വീകരിക്കുമോ ?

പള്ളിക്കര കിക്കാനം സ്വദേശി മനോജിന്റെ മരണം

ശ്രീ. കെ. കുഞ്ഞിരാമന്‍ (ഉദുമ)

(എ)2012 ആഗസ്റ് 2 ന് പള്ളിക്കര കിക്കാനം സ്വദേശി മനോജിനെ ചവിട്ടിക്കൊന്ന സംഭവം ശ്രദ്ധയില്‍പ്പെട്ടിട്ടുണ്ടോ ;

(ബി)ഇതു സംബന്ധിച്ച കേസ് രജിസ്റര്‍ ചെയ്തിട്ടുണ്ടോ ; വിശദവിവരങ്ങള്‍ അറിയിക്കാമോ ;

(സി)ആരൊക്കെയാണ് പ്രതികള്‍ ; പ്രതികളില്‍ എത്ര പേരെ ഇതുവരെ അറസ്റ് ചെയ്തിട്ടുണ്ട് ;

(ഡി)ഇല്ലെങ്കില്‍ അറസ്റ് ചെയ്യാതിരിക്കാനുള്ള കാരണം എന്താണ് ; വിശദമാക്കുമോ ?

കൊലപാതക കേസുകളില്‍ ഇടപെടുന്നതായുള്ള ആരോപണം

ശ്രീ. എ. പ്രദീപ്കുമാര്‍

(എ)കാസറഗോഡ് ജില്ലയിലെ മുസ്ളീം ലീഗ് പ്രവര്‍ത്തകര്‍ ചവിട്ടിക്കൊന്നതായി പറയപ്പെടുന്ന ടി. മനോജ് എന്ന ഡി. വൈ. എഫ്. ഐ പ്രവര്‍ത്തകന്റെ വീട് ആഭ്യന്തര വകുപ്പ് മന്ത്രി സന്ദര്‍ശിക്കുകയുണ്ടായോ;

(ബി)കൊല ചെയ്യപ്പെട്ട ആര്‍.എം.പി. പ്രവര്‍ത്തകന്‍ ടി. പി. ചന്ദ്രശേഖരന്റെ വീട്ടില്‍ ആഭ്യന്തര വകുപ്പ് മന്ത്രി എത്ര തവണ സന്ദര്‍ശനം നടത്തി; അന്വേഷണവുമായി ബന്ധപ്പെട്ട ചര്‍ച്ചകള്‍ ഈ അവസരത്തില്‍ നടത്തുകയുണ്ടായോ;

(സി)ഇപ്രകാരം ആഭ്യന്തര വകുപ്പ് മന്ത്രി കൊലപാതക കേസുകളില്‍ ഇടപെടുന്നത് നിയമാനുസൃതമാണോ ?

വിസില്‍ ബ്ളോവര്‍ കമ്മിറ്റി റിപ്പോര്‍ട്ട്

ശ്രീ. റ്റി.എന്‍. പ്രതാപന്‍

'' ഷാഫി പറമ്പില്‍

'' പി.എ. മാധവന്‍

(എ)വിസില്‍ ബ്ളോവര്‍ കമ്മിറ്റി റിപ്പോര്‍ട്ട് ലഭിച്ചിട്ടുണ്ടോ ;

(ബി)അഴിമതിക്കെതിരെ സ്വീകരിക്കേണ്ട നടപടികളെക്കുറിച്ച് എന്തെല്ലാം കാര്യങ്ങളാണ് റിപ്പോര്‍ട്ടില്‍ പരാമര്‍ശിക്കുന്നത് ; വിശദാംശങ്ങള്‍ എന്തെല്ലാം ;

(സി)റിപ്പോര്‍ട്ട് സര്‍ക്കാര്‍ പരിശോധിച്ചിട്ടുണ്ടോ ;

(ഡി)റിപ്പോര്‍ട്ടിലെ ശുപാര്‍ശകള്‍ എന്ന് നടപ്പാക്കാനാകും എന്ന് വ്യക്തമാക്കുമോ ?

പൊതുജനങ്ങള്‍ക്ക് പോലീസില്‍ വിവരം അറിയിക്കാന്‍ സൌകര്യം

ശ്രീ. വി. ഡി. സതീശന്‍

,, എ. പി. അബ്ദുള്ളക്കുട്ടി

,, ഐ. സി. ബാലകൃഷ്ണന്‍

,, ലൂഡി ലൂയിസ്

(എ)പോലീസിന്റെ ശ്രദ്ധയില്‍ കൊണ്ടുവരേണ്ട എല്ലാ വിവരവും അറിയിക്കുവാന്‍ പൊതുജനങ്ങള്‍ക്ക് സൌകര്യമൊരുക്കിയിട്ടുണ്ടോ; വിശദമാക്കുമോ;

(ബി)ഏതെല്ലാം സാഹചര്യങ്ങളിലാണ് ഈ സൌകര്യം പൊതുജനങ്ങള്‍ക്ക് പ്രയോജനപ്പെടുത്താവുന്നത്; വിശദാംശങ്ങള്‍ വ്യക്തമാക്കുമോ;

(സി)ഇങ്ങനെ ലഭിക്കുന്ന പരാതികള്‍ പരിഹരിക്കുവാന്‍ എന്തെല്ലാം സംവിധാനമാണ് ഒരുക്കിയിട്ടുള്ളത്;

(ഡി)ഈ സൌകര്യങ്ങളെക്കുറിച്ച് ജനങ്ങള്‍ക്കിടയില്‍ ബോധവല്‍ക്കരണം നടത്തുമോ?

ടി.പി.ചന്ദ്രശേഖരന്‍ വധ കേസില്‍ സി.ബി.ഐ അന്വേഷണ സാധ്യത

ശ്രീ. രാജു എബ്രഹാം

(എ)ടി.പി.ചന്ദ്രശേഖരന്‍ വധ കേസില്‍ സി.ബി.ഐ അന്വേഷണ സാധ്യത സംബന്ധിച്ച് നിയമോപദേശം തേടുകയുണ്ടായോ; ആരില്‍ നിന്നെല്ലാമാണ് നിയമോപദേശം തേടിയിരുന്നത്;

(ബി)ലഭിച്ച നിയമോപദേശങ്ങളുടെ പകര്‍പ്പ് ലഭ്യമാക്കുമോ;

(സി)സി.ബി.ഐ. അന്വേഷണം വേണോ എന്ന് ആലോചിക്കാനിടയായ സാഹചര്യം എന്തായിരുന്നു; പോലീസ് അന്വേഷണം സത്യസന്ധമായിരുന്നില്ലെന്ന് റിപ്പോര്‍ട്ട് ലഭിച്ചിട്ടുണ്ടോ; അന്വേഷണ സംഘത്തിന്റെ ശുപാര്‍ശ ഇക്കാര്യത്തിലുണ്ടായിരുന്നുവോ; എങ്കില്‍ എന്തായിരുന്നുവെന്ന് വിശദമാക്കാമോ?

ടി.പി. ചന്ദ്രശേഖരന്‍ വധം

പ്രൊഫ. സി. രവീന്ദ്രനാഥ്

(എ)ടി.പി. ചന്ദ്രശേഖരന്‍ വധവുമായി ബന്ധപ്പെട്ട ചര്‍ച്ച ചെയ്യുന്നതിന് 2012 സെപ്തംബര്‍ 24 ന് രാവിലെ ആഭ്യന്തര വകുപ്പ് മന്ത്രി ചന്ദ്രശേഖരന്റെ വീട്ടില്‍ പോയിരുന്നുവോ ;

(ബി)ആഭ്യന്തര വകുപ്പു മന്ത്രി ചന്ദ്രശേഖരന്റെ വീട്ടില്‍വെച്ച് ആരെല്ലാമായി എന്തെല്ലാം ചര്‍ച്ച നടത്തുകയുണ്ടായി ; അന്വേഷണ സംഘത്തിലെ ആരെല്ലാം മന്ത്രിയോടൊപ്പം ഉണ്ടായിരുന്നു;

(സി)ചന്ദ്രശേഖരന്റെ ഭാര്യയും ആര്‍.എം.പി. നേതാവും ചര്‍ച്ചയില്‍ എന്തെല്ലാം ആവശ്യങ്ങള്‍ ഉന്നയിക്കുകയുണ്ടായി ; മന്ത്രി എന്തെല്ലാം കാര്യങ്ങള്‍ ചര്‍ച്ച ചെയ്യുകയുണ്ടായി ;

(ഡി)ചന്ദ്രശേഖരന്റെ കുടുംബവുമായി ചര്‍ച്ച ചെയ്യുന്നതിന് സര്‍ക്കാര്‍ മന്ത്രിയെ ചുമതലപ്പെടുത്തിയത് അന്വേഷണ സംഘത്തിന്റെ ആവശ്യത്തെതുടര്‍ന്നാണോ എന്ന് വ്യക്തമാക്കുമോ ;

(ഇ)കൊലചെയ്യപ്പെട്ടയാളിന്റെ ഭാര്യയുമായി നടത്തിയ ചര്‍ച്ചയെത്തുടര്‍ന്ന് വകുപ്പ് മന്ത്രി വകുപ്പ് സെക്രട്ടറിയ്ക്ക് നല്‍കിയ നിര്‍ദ്ദേശം എന്തായിരുന്നുവെന്ന് വ്യക്തമാക്കുമോ ;

(എഫ്)മന്ത്രി സംഭവത്തെത്തുടര്‍ന്ന് എത്ര തവണ ചന്ദ്രശേഖരന്റെ വീട് സന്ദര്‍ശിക്കുകയുണ്ടായി ?

ടി.പി. ചന്ദ്രശേഖരന്‍ വധം

പ്രൊഫ. സി. രവീന്ദ്രനാഥ്

(എ)ടി.പി. ചന്ദ്രശേഖരന്‍ വധവുമായി ബന്ധപ്പെട്ട് കേന്ദ്ര ആഭ്യന്തര സഹമന്ത്രി ശ്രീ. മുല്ലപ്പള്ളി രാമചന്ദ്രന്‍ നടത്തിയ പ്രസ്താവനകള്‍ ശ്രദ്ധയില്‍പ്പെട്ടിട്ടുണ്ടോ ;

(ബി)പ്രസ്തുത വധക്കേസ്സന്വേഷണവുമായി ബന്ധപ്പെട്ട് ഏതെല്ലാം ഘട്ടങ്ങളില്‍ എന്തെല്ലാം പ്രസ്താവനകളാണ് ആഭ്യന്തര സഹമന്ത്രി നടത്തിയിട്ടുള്ളതെന്ന് വ്യക്തമാക്കുമോ ;

(സി)കേസ്സന്വേഷണവുമായി ബന്ധപ്പെട്ട് പ്രസ്താവനകളിലൂടെയും അല്ലാതെയും അദ്ദേഹം ഉന്നയിച്ച എന്തെല്ലാം ആവശ്യത്തിന്മേല്‍ സംസ്ഥാന സര്‍ക്കാരും പോലീസ് അധികൃതരും തീരുമാനം എടുക്കുകയുണ്ടായി എന്ന് വ്യക്തമാക്കുമോ ;

(ഡി)കേസ് അന്വേഷണ സംഘം കേന്ദ്ര ആഭ്യന്തര സഹമന്ത്രിയുടെ ഏതെങ്കിലും നിര്‍ദ്ദേശം സ്വീകരിക്കാതിരുന്നിട്ടുണ്ടോ ?

മാറാട് സംഭവത്തിലെ ഗൂഢാലോചന

ശ്രീ. എളമരം കരീം

,, കെ. ദാസന്‍

,, പി. റ്റി. എ റഹീം

,, കെ. കുഞ്ഞിരാമന്‍ (ഉദുമ)

(എ)മാറാട് സംഭവത്തില്‍ ഗൂഢാലോചന നടന്നതായി കാണുന്നുവെന്ന കേരള ഹൈക്കോടതി വിലയിരുത്തല്‍ ശ്രദ്ധയില്‍പ്പെട്ടിട്ടുണ്ടോ;

(ബി)ഗൂഢാലോചന സംബന്ധിച്ച അന്വേഷണത്തില്‍ ബോധപൂര്‍വ്വമായ വീഴ്ചകള്‍ വന്നതായി കോടതി കണ്ടെത്തിയിട്ടുണ്ടോ; കൂടുതല്‍ സമഗ്രമായ അന്വേഷണം നടത്താന്‍ നടപടി കൈക്കൊണ്ടിട്ടുണ്ടോ; വിശദമാക്കുമോ;

(സി)മാറാട് കലാപം സംബന്ധിച്ച് കേരള ഹൈക്കോടതി ഡിവിഷന്‍ ബെഞ്ചിന്റെ വിധിന്യായത്തിലെ പ്രസക്ത ഭാഗങ്ങള്‍ വിശദീകരിക്കാമോ; വിധിയെ തുടര്‍ന്ന് കൈക്കൊണ്ട തുടര്‍നടപടികള്‍ വിശദമാക്കുമോ?

മാറാട് കൊലപാതകം

ശ്രീ. എളമരം കരീം

(എ)മാറാട് കലാപത്തെക്കുറിച്ച് അന്വേഷിച്ച ജുഡീഷ്യല്‍ കമ്മീഷന്‍ റിപ്പോര്‍ട്ടില്‍ പരാമര്‍ശിക്കപ്പെട്ട കൂട്ട കൊലയ്ക്ക് പിന്നിലെ അക്രമികള്‍ക്ക് യഥേഷ്ടം പണം ഒഴുക്കിയ എഫ്.എം. ആരായിരുന്നു എന്ന് പോലീസ് അന്വേഷിച്ച് കണ്ടെത്തിയിട്ടുണ്ടോ; അദ്ദേഹത്തിന് ആ കാലഘട്ടത്തിലെ മന്ത്രിസഭയിലെ ഏതെല്ലാം മന്ത്രിമാരില്‍ സ്വാധീനം ഉണ്ടായിരുന്നു എന്ന് അന്വേഷണത്തില്‍ തെളിഞ്ഞിട്ടുണ്ടോ; വിശദമാക്കാമോ;

(ബി)മാറാട് കലാപം സംബന്ധിച്ച സി.ബി.ഐ. അന്വേഷണം നടക്കാതെപോയത് ഏത് സാഹചര്യത്തിലായിരുന്നുവെന്ന് വിശദമാക്കുമോ?

മാറാട് കൂട്ടക്കൊല

ശ്രീ. എളമരം കരീം

(എ)മാറാട് കൂട്ടക്കൊലയുടെ ഗൂഢാലോചന അറിയാമെന്ന് മാറാട് ജുഡീഷ്യല്‍ അന്വേഷണ കമ്മീഷന്‍ കണ്ടെത്തിയ മുസ്ളീം ലീഗ് സംസ്ഥാന സെക്രട്ടറി ശ്രീ. മായിന്‍ ഹാജിക്കെതിരെ സ്വീകരിച്ച നടപടികള്‍ വിശദമാക്കുമോ;

(ബി)ശ്രീ.മായിന്‍ ഹാജിയെ ഇന്‍ഡസ്ട്രിയല്‍ എന്റര്‍പ്രൈസസ്സിന്റെ ചെയര്‍മാനായി നിയോഗിച്ചിട്ടുണ്ടോ;

(സി)നീതിന്യായ സംവിധാനവും പോലീസും കുറ്റക്കാരനായി കണ്ടെത്തിയ ആളെ ഇത്തരം പദവികളില്‍ നിയോഗിക്കാമോ;

(ഡി)മാറാട് കൂട്ടക്കൊല സംബന്ധിച്ച് അന്വേഷിക്കുന്ന ക്രൈം ബ്രാഞ്ച് പ്രത്യേക അന്വേഷണ സംഘത്തിന്റെ പ്രവര്‍ത്തനം ഇപ്പോള്‍ നടക്കുന്നുണ്ടോ; വ്യക്തമാക്കുമോ?

കുനിയില്‍ ഇരട്ടകൊലപാതക കേസ്

ശ്രീ. എം. ചന്ദ്രന്‍

(എ)അരീക്കോട് കുനിയില്‍ നടന്ന ഇരട്ടകൊലപാതക കേസിലെ പ്രതികളെ അറസ്റ് ചെയ്തിട്ടുണ്ടോ ;

(ബി)ആരെയെല്ലാമാണ് ഈ കേസുമായി ബന്ധപ്പെട്ട് അറസ്റ് ചെയ്തിട്ടുളളത് എന്നു വ്യക്തമാക്കുമോ ;

(സി)ഈ കേസില്‍ എഫ്.ഐ.ആറില്‍ പ്രതിയായ പി.കെ. ബഷീറിനെ അറസ്റുചെയ്തിട്ടുണ്ടോ ;

(ഡി)ഇല്ലെങ്കില്‍ അറസ്റുചെയ്യുവാന്‍ വൈകുന്നതിന്റെ കാരണം വ്യക്തമാക്കുമോ ;

(ഇ)പി.കെ. ബഷീറിനെ പ്രതിസ്ഥാനത്തു നിന്നും ഒഴിവാക്കുന്നതിനായി സര്‍ക്കാര്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ ?

രഘുവിന്റെ കൊലപാതകം

ശ്രീ. സി. കെ. സദാശിവന്‍

(എ)ബസ് യാത്രക്കാരനായ രഘുവിനെ അടിച്ചുകൊന്ന കേസില്‍ ഒന്നാം പ്രതിയായ എ.ആര്‍.

സതീശനെ പ്രോസിക്യൂട്ട് ചെയ്യുന്നതിന് അന്വേഷണ സംഘം സംസ്ഥാന സര്‍ക്കാരിന്റെ അനുമതി തേടിയിരുന്നോ;

(ബി)എങ്കില്‍ എന്നാണ് അനുമതി തേടിയത്;

(സി)പ്രതിക്കെതിരെയുള്ള പ്രോസിക്യൂഷന് അനുവാദം നല്‍കിയിട്ടുണ്ടോ; എങ്കില്‍ എന്നാണ് നല്‍കിയത്;

(ഡി)അനുവാദം നല്‍കിയിട്ടില്ലെങ്കില്‍ എന്തുകൊണ്ടെന്ന് വ്യക്തമാക്കുമോ ?

ഡി. വൈ.എഫ്. ഐ നേതാവ് ടി.മനോജിന്റെ കൊലപാതകം

ശ്രീ. ജെയിംസ് മാത്യു

(എ)കാസര്‍കോട് ജില്ലയിലെ ഡി. വൈ.എഫ്. ഐ നേതാവ് ടി. മനോജിനെ (24) കൊലപ്പെടുത്തിയത് സംബന്ധിച്ച പോലീസ് അന്വേഷണം ഇപ്പോള്‍ ഏത് ഘട്ടത്തിലാണ്; എത്ര കേസുകള്‍ രജിസ്റര്‍ ചെയ്തിട്ടുണ്ട്;

(ബി)അന്വേഷണ സംഘത്തില്‍പ്പെട്ട പോലീസുകാര്‍ ആരൊക്കെയാണ്;

(സി)എത്ര പ്രതികളെ ഇതിനകം അറസ്റ് ചെയ്യുകയുണ്ടായി; അറസ്റ് ചെയ്യപ്പെട്ടവരും ഇന്ത്യന്‍ യൂണിയന്‍ ലീഗും തമ്മിലുളള ബന്ധം എന്താണ്; എഫ്. ഐ. ആറില്‍ എത്ര പേരുണ്ട്; ആരൊക്കെ;

(ഡി)കൊലചെയ്യപ്പെട്ട മനോജിന്റെ വീട്ടില്‍ മുഖ്യമന്ത്രിയും ആഭ്യന്തരവകുപ്പ് മന്ത്രിയും സന്ദര്‍ശനം നടത്തുകയുണ്ടായോ;

(ഇ)മനോജിനെ കൊന്നവരും കൊല്ലിച്ചവരുമായ എല്ലാ പ്രതികളെയും അറസ്റു ചെയ്യുകയുണ്ടായോ; ഗൂഢാലോചനയ്ക്ക് കേസ് എടുക്കുകയുണ്ടായോ?

റിമാന്‍ഡ് പ്രതി മരണപ്പെട്ട സംഭവം

ഡോ. ടി.എം. തോമസ് ഐസക്

(എ)റിമാന്‍ഡ് പ്രതിയായിരുന്ന കൊല്ലം, ശാസ്താംകോട്ട, ഐവര്‍കാല, മാനവിള വീട്ടിലെ അജി

കുമാര്‍ തിരുവനന്തപുരം മെഡിക്കല്‍ കോളേജ് ആശുപത്രിയില്‍ വച്ച് മരണപ്പെട്ട സംഭവത്തില്‍ അന്വേഷണം നടക്കുന്നുണ്ടോ;

(ബി)അന്വേഷണം പൂര്‍ത്തിയായോ;

(സി)അന്വേഷണത്തില്‍ ലഭിച്ച വിവരങ്ങള്‍ വ്യക്തമാക്കാമോ;

(ഡി)ഈ സംഭവത്തില്‍ ആരെങ്കിലും കുറ്റക്കാരാണെന്ന് കണ്ടെത്തിയിട്ടുണ്ടോ; എങ്കില്‍ ഇവര്‍ക്കെതിരെ നടപടി സ്വീകരിച്ചിട്ടുണ്ടോ ?

തിരുവന്‍വണ്ടൂര്‍ വടക്കേത് പടിഞ്ഞാറതില്‍ മോനുവിന്റെ ദുരൂഹമരണം

ശ്രീ. പി.സി. വിഷ്ണുനാഥ്

(എ)ചെങ്ങന്നൂര്‍ തിരുവന്‍വണ്ടൂര്‍ വടക്കേ പടിഞ്ഞാറതില്‍ വി.പി. തോമസ്സ് മകന്‍ മോനു മരണപ്പെട്ടത് എങ്ങനെ എന്ന് അറിയാമോ;

(ബി)മരണപ്പെട്ട സമയത്ത് അദ്ദേഹം ജോലി ചെയ്തിരുന്നത് ഏത് സ്ഥാപനത്തില്‍ ആയിരുന്നു; പോസ്റ്മോര്‍ട്ടം റിപ്പോര്‍ട്ടില്‍ മരണകാരണം എന്തായിരുന്നു; മരണ സമയത്ത് അദ്ദേഹത്തോടൊപ്പം ആരൊക്കെ ഉണ്ടായിരുന്നു; മരണത്തില്‍ ദുരൂഹത ഉളളതായി മാതാപിതാക്കള്‍ പരാതിപ്പെട്ടിട്ടുണ്ടോ എന്നും ആയതില്‍ നടപടി സ്വീകരിച്ചിട്ടുണ്ടോ എന്നും വ്യക്തമാക്കുമോ;

(സി)ഈ കേസ് ക്രൈംബ്രാഞ്ച് അന്വേഷിക്കുവാന്‍ നടപടി സ്വീകരിക്കുമോ ?

മത്സ്യത്തൊഴിലാളികളെ വെടിവെച്ചുകൊന്ന കേസ്

ശ്രീ. എളമരം കരീം

(എ)മത്സ്യത്തൊഴിലാളികളെ വെടിവച്ച് കൊന്ന കേസില്‍ കേന്ദ്ര-സംസ്ഥാന സര്‍ക്കാരുകളെ സുപ്രീംകോടതി വിമര്‍ശിച്ചിരുന്നത് സംസ്ഥാന സര്‍ക്കാരിന്റെ ശ്രദ്ധയില്‍പ്പെട്ടിരുന്നുവോ;

(ബി)സുപ്രീംകോടതി 2012 ജൂലൈ 19-ന് അയച്ച നോട്ടീസിന് മറുപടി നല്കാന്‍ കാലതാമസം നേരിട്ടത് എന്തുകൊണ്ടായിരുന്നുവെന്ന് വെളിപ്പെടുത്തുമോ;

(സി)പ്രസ്തുത കോടതി വിമര്‍ശനത്തിനു മറുപടി നല്കിയത് എന്നായിരുന്നു?

എസ്. ഡി. പി. ഐ. - മുസ്ളീംലീഗ് സംഘര്‍ഷം

ശ്രീ. റ്റി. വി. രാജേഷ്

(എ)കല്ല്യാശ്ശേരി നിയോജക മണ്ഡലത്തിലെ മാട്ടൂല്‍, മുട്ടം, പുതിയങ്ങാടി ഭാഗങ്ങളില്‍ ഉണ്ടായ എസ്.ഡി.പി.ഐ- മുസ്ളീംലീഗ് സംഘര്‍ഷങ്ങളില്‍ എത്ര കേസ്സുകള്‍ രജിസ്റര്‍ ചെയ്തിട്ടുണ്ട്;

(ബി)എത്ര പ്രതികളെ ഇതുവരെ അറസ്റ് ചെയ്തു; ഇനി എത്ര പ്രതികളെ അറസ്റുചെയ്യുവാനുണ്ട്;

(സി)പ്രതികളെ പിടികൂടുന്നതിന് കര്‍ശന നടപടി സ്വീകരിക്കുമോ?

മുസ്ളീം ലീഗ് പ്രവര്‍ത്തകര്‍ പ്രതികളായിട്ടുള്ള കേസുകള്‍

ശ്രീ. കോലിയക്കോട് എന്‍. കൃഷ്ണന്‍ നായര്‍

(എ)സര്‍ക്കാര്‍ അധികാരത്തില്‍ വന്നശേഷം ഇതേവരെ സംസ്ഥാനത്ത് നടന്ന ആക്രമണ സംഭവങ്ങളില്‍ ഇന്ത്യന്‍ യൂണിയന്‍ മുസ്ളീം ലീഗ് പ്രവര്‍ത്തകര്‍ പ്രതികളായിട്ടുള്ള കേസുകള്‍ എത്രയാണ്;

(ബി)പ്രസ്തുത കേസുകളില്‍ പ്രതികള്‍ ആയിട്ടുള്ളവരുടെ ജില്ലതിരിച്ച കണക്കുകള്‍ വെളിപ്പെടുത്തുമോ; ഇതില്‍ പോലീസ് അറസ്റ് ചെയ്തവര്‍ എത്ര; ഇനിയും അറസ്റ് ചെയ്യുവാന്‍ സാധിച്ചിട്ടില്ലാത്തവര്‍ എത്രയെന്നറിയിക്കുമോ?

ഇന്ത്യന്‍ യൂണിയന്‍ മുസ്ളീം ലീഗിന്റെയും,എന്‍.ഡി.എഫിന്റെയും പ്രവര്‍ത്തകരുടെ കേസ്സുകളുടെ വിശദാംശം

ശ്രീ. സി.കൃഷ്ണന്‍

(എ)ഇന്ത്യന്‍ യൂണിയന്‍ മുസ്ളീം ലീഗിന്റെയും, എന്‍.ഡി.എഫിന്റെയും പ്രവര്‍ത്തകരും അനുഭാവികളും പ്രതിയായിട്ടുള്ള എത്ര കേസ്സുകള്‍ സംസ്ഥാനത്ത് നിലവിലുണ്ട്;

(ബി)എല്ലാ കേസുകളിലും പ്രതിയായവര്‍ എത്ര;

(സി)ഇനിയും അറസ്റ് ചെയ്യപ്പെടാത്തവര്‍ എത്ര;

(ഡി)ഈ സര്‍ക്കാര്‍ അധികാരമേറ്റശേഷം സംസ്ഥാനത്ത് നടന്ന സംഘട്ടനങ്ങളില്‍ ഇന്ത്യന്‍ യൂണിയന്‍ മുസ്ളീം ലീഗിന്റെയും എന്‍.ഡി.എഫിന്റെയും പ്രവര്‍ത്തകരും അനുഭാവികളുമായിട്ടുള്ള എത്ര പേര്‍ക്കെതിരെ കേസുകള്‍ രജിസ്റര്‍ ചെയ്തിട്ടുണ്ട്; വിശദമാക്കുമോ?

ആക്രമണങ്ങളില്‍ പോപ്പുലര്‍ ഫ്രണ്ട്-എന്‍.ഡി.എഫ് ബന്ധം

ശ്രീ. ജെയിംസ് മാത്യു

(എ)ഈ സര്‍ക്കാര്‍ അധികാരമേറ്റശേഷം സംസ്ഥാനത്ത് നടന്ന ആക്രമണങ്ങളില്‍ പോപ്പുലര്‍ ഫ്രണ്ട്-എന്‍.ഡി.എഫ് പ്രവര്‍ത്തകര്‍ പ്രതിയായിട്ടുള്ള കേസുകള്‍ എത്രയാണ്;

(ബി)ഈ കേസുകളില്‍ ആകെ എത്ര പ്രതികള്‍ ഉണ്ടായിരുന്നു; ഇതില്‍ അറസ്റ് ചെയ്യപ്പെട്ടവര്‍ എത്ര; ഇനിയും അറസ്റ് ചെയ്യുവാന്‍ സാധിച്ചിട്ടില്ലാത്തവര്‍ എത്ര?

പോപ്പുലര്‍ ഫ്രണ്ടുമായി ബന്ധപ്പെട്ട കേസുകള്‍

ശ്രീ. സാജുപോള്‍

(എ)കഴിഞ്ഞ സ്വാതന്ത്യ്രദിനത്തില്‍ ഫ്രീഡം പരേഡിന് അനുമതി ലഭിക്കുന്നതിനായി ഹൈക്കോടതിയില്‍, പോപ്പുലര്‍ ഫ്രണ്ട് ജില്ലാ സെക്രട്ടറിമാര്‍ നല്കിയ ഹര്‍ജിയില്‍ ഉണ്ടായ കോടതി വിധി എന്തായിരുന്നു ;

(ബി)ഈ കേസില്‍ സര്‍ക്കാര്‍ ഹൈക്കോടതിയില്‍ സമര്‍പ്പിച്ച സത്യവാങ്മൂലത്തിന്റെ പകര്‍പ്പ് ലഭ്യമാക്കാമോ ;

(സി)പോപ്പുലര്‍ ഫ്രണ്ടിന്റെ പങ്കാളിത്തത്തില്‍ സംസ്ഥാനത്ത് എത്ര കൊലപാതകങ്ങള്‍ നടത്തിട്ടുണ്ടെന്ന് വ്യക്തമാക്കാമോ ?

പോപ്പുലര്‍ ഫ്രണ്ടിന്റെ നിരോധനം

ശ്രീ. എസ്. രാജേന്ദ്രന്‍

(എ)"പോപ്പുലര്‍ ഫ്രണ്ട്'' എന്ന സംഘടനയെ നിരോധി ക്കണമെന്ന ആവശ്യത്തിന്മേല്‍ സ്വീകരിച്ച നിലപാട് വിശദമാക്കാമോ;

(ബി)കേന്ദ്ര ആഭ്യന്തര വകുപ്പിന് ഇക്കാര്യത്തില്‍ നല്‍കിയ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

നായകള്‍ക്ക് മുറിവേറ്റ സംഭവം

ശ്രീ. എം. ഉമ്മര്‍

(എ)മലപ്പുറം, തൃശ്ശൂര്‍, ആലപ്പുഴ, പാലക്കാട്, വയനാട് ജില്ലകളില്‍ അസാധാരണമായ രീതിയില്‍ നായകള്‍ക്ക് മുറിവേറ്റ സംഭവം ശ്രദ്ധയില്‍പ്പെട്ടിട്ടുണ്ടോ;

(ബി)ഉണ്ടെങ്കില്‍ പ്രസ്തുത സംഭവംഅന്വേഷിക്കുന്നതിന് സംസ്ഥാന ഏജന്‍സിയെ നിയോഗിച്ചിട്ടുണ്ടോ;

(സി)പ്രസ്തുത സംഭവവുമായി ബന്ധപ്പെട്ട് ആരെയെങ്കിലും അറസ്റ് ചെയ്തിട്ടുണ്ടോ;

(ഡി)മഞ്ചേരി മണ്ഡലത്തിലെ പാണ്ടിക്കാട് ഗ്രാമപഞ്ചായത്തില്‍ ഇത്തരം സംഭവം റിപ്പോര്‍ട്ട് ചെയ്തിട്ടുണ്ടോ; വിശദാംശം നല്‍കുമോ?

ലോക്കപ്പ് മര്‍ദ്ദനം

ശ്രീ. ജി. സുധാകരന്‍

(എ)അമ്പലപ്പുഴ പോലീസ് സ്റേഷനില്‍ സി.പി.എം. പ്രവര്‍ത്തകരെ 26-10-2012 രാത്രി കസ്റഡിയിലെടുത്ത് ക്രൂരമായി മര്‍ദ്ദിച്ച സംഭവം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ;

(ബി)മര്‍ദ്ദനത്തില്‍ ആര്‍ക്കെങ്കിലും പരിക്കേറ്റിട്ടുണ്ടോ;

(സി)ഇത് സംബന്ധിച്ച പരാതി ലഭിച്ചിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ സ്വീകരിച്ച നടപടി വ്യക്തമാക്കുമോ?

ലോക്കപ്പ് മര്‍ദ്ദനം സംബന്ധിച്ച പരാതികള്‍

ശ്രീ. എം. ചന്ദ്രന്‍

(എ)ഈ സര്‍ക്കാര്‍ അധികാരത്തില്‍ വന്നശേഷം ലോക്കപ്പ് മര്‍ദ്ദനം സംബന്ധിച്ച എത്ര പരാതികളാണ് ലഭിച്ചിട്ടുളളത് എന്നു വ്യക്തമാക്കുമോ;

(ബി)ലോക്കപ്പ് മര്‍ദ്ദനത്തെത്തുടര്‍ന്ന് ആരെങ്കിലും മരണപ്പെട്ടിട്ടുണ്ടോ; എങ്കില്‍ എത്രപേര്‍;

(സി)ലോക്കപ്പ് മര്‍ദ്ദനം സംബന്ധിച്ച പരാതികളില്‍ എത്ര പോലീസുകാരുടെ പേരില്‍ കേസ് എടുത്തിട്ടുണ്ട്;

(ഡി)ഇതില്‍ എത്ര പോലീസുകാര്‍ പ്രതികളായിട്ടുണ്ട്?

ലോക്കപ്പ് മര്‍ദ്ദനം സംബന്ധിച്ച ആക്ഷേപം

ശ്രീ. ബാബു എം. പാലിശ്ശേരി

(എ)ഈ സര്‍ക്കാരിന്റെ കാലത്ത് പോലീസുകാരുടെ ലോക്കപ്പ് മര്‍ദ്ദനം സംബന്ധിച്ചുണ്ടായ ആക്ഷേപങ്ങള്‍ എത്രയാണെന്നു വെളിപ്പെടുത്താമോ; എത്ര കേസുകള്‍ ഇത് സംബന്ധമായി രജിസ്റര്‍ ചെയ്തിട്ടുണ്ട്;

(ബി)കോടതികളില്‍ നിന്നും ഉളള നിര്‍ദ്ദേശങ്ങളെ തുടര്‍ന്ന് മര്‍ദ്ദിക്കപ്പെട്ട എത്ര പേരെ ആശുപത്രികളില്‍ പ്രവേശിപ്പിക്കേണ്ടതായി വന്നു;

(സി)നിയമവിരുദ്ധമായി കസ്റഡിയിലെടുത്തവരെ മര്‍ദ്ദിച്ച് അവശരാക്കിയതിന്റെ പേരില്‍ എത്ര പോലീസുകാര്‍ ക്കെതിരെ ശിക്ഷാ നടപടി സ്വീകരിച്ചുവെന്നു വ്യക്തമാക്കുമോ?

സ്ത്രീകള്‍ക്കും കുട്ടികള്‍ക്കുമെതിരായ അതിക്രമങ്ങള്‍

ശ്രീ. എം. ചന്ദ്രന്‍

(എ)സ്ത്രീകള്‍ക്കും കുട്ടികള്‍ക്കുമെതിരായ അതിക്രമങ്ങള്‍ വര്‍ദ്ധിച്ചുവരുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി)ഈ സര്‍ക്കാര്‍ അധികാരത്തില്‍ വന്നശേഷം എത്ര ബലാത്സംഗക്കേസുകളാണ് രജിസ്റര്‍ ചെയ്തിട്ടുള്ളത് ;

(സി)മുന്‍ സര്‍ക്കാരിന്റെ കാലയളവുമായി താരതമ്യപ്പെടുത്തുമ്പോള്‍ ബലാത്സംഗക്കേസുകളുടെ എണ്ണം വര്‍ദ്ധിച്ചിട്ടുള്ളതായി ശ്രദ്ധയില്‍പ്പെട്ടിട്ടുണ്ടേണ്ടാ ;

(ഡി)2012 ജനുവരി മുതല്‍ നവംബര്‍ 30 വരെയുള്ള കാലയളവില്‍ എത്ര സ്ത്രീകളാണ് സംസ്ഥാനത്ത് കൊലചെയ്യപ്പെട്ടിട്ടുള്ളത് ;

(ഇ)പ്രായപൂര്‍ത്തിയാകാത്ത എത്ര പെണ്‍കുട്ടികളാണ് ഇക്കാലയളവില്‍ ലൈംഗിക പീഢനത്തിന് ഇരയായിട്ടുള്ളത് ?

വനിതാ യാത്രക്കാരുടെ സുരക്ഷ

ശ്രീ. ബാബു എം. പാലിശ്ശേരി

(എ)സംസ്ഥാനത്ത് സ്ത്രീകള്‍ ഉള്‍പ്പെടെയുള്ള ട്രെയിന്‍ യാത്രാക്കാരെ സംബന്ധിച്ച കണക്കുകള്‍ ലഭ്യമാക്കാമോ;

(ബി)യാത്രക്കാരുടെ എണ്ണത്തിനനുസൃതമായി സുരക്ഷാ ഉദ്യോഗസ്ഥര്‍ ഉണ്ടോയെന്ന് പരിശോധിച്ചിട്ടുണ്ടോ;

(സി)വനിതാ യാത്രക്കാരുടെ സുരക്ഷയ്ക്ക് സംസ്ഥാന പോലീസ് സേനയില്‍ നിന്നും എത്ര വനിതാ പോലീസുകാരെ റയില്‍വേയില്‍ നിയോഗിച്ചിട്ടുണ്ടെന്ന് വ്യക്തമാക്കുമോ?

സ്ത്രീകള്‍ക്കും കുട്ടികള്‍ക്കുമെതിരെ അക്രമ സംഭവങ്ങള്‍

പ്രൊഫ. സി. രവീന്ദ്രനാഥ്

(എ)ഈ ഗവണ്‍മെന്റ് അധികാരമേറ്റശേഷം സ്ത്രീകള്‍ക്കും കുട്ടികള്‍ക്കുമെതിരെ എത്ര അക്രമ സംഭവങ്ങള്‍ റിപ്പോര്‍ട്ട് ചെയ്തിട്ടുണ്ട്;

(ബി)ഇത്തരം സംഭവങ്ങള്‍ കുറയ്ക്കുന്നതിനായി നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദമാക്കാമോ ?

സ്ത്രീകള്‍ക്കും കുട്ടികള്‍ക്കുമെതിരെയുളള അതിക്രമങ്ങള്‍

ശ്രീ. കോടിയേരി ബാലകൃഷ്ണന്‍

(എ)ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാനത്ത് സ്ത്രീകള്‍ക്കും, കുട്ടികള്‍ക്കുമെതിരെയുളള അതിക്രമങ്ങള്‍ക്ക് എത്ര കേസ് രജിസ്റര്‍ ചെയ്തിട്ടുണ്ടെന്ന് വ്യക്തമാക്കാമോ;

(ബി)സ്ത്രീകളെയും, കുട്ടികളെയും തട്ടിക്കൊണ്ടു പോയിട്ടുളള എത്ര കേസുകള്‍ രജിസ്റര്‍ ചെയ്തിട്ടുണ്ടെന്ന് വെളിപ്പെടുത്താമോ;

(സി)എത്ര പീഡന കേസുകള്‍ രജിസ്റര്‍ ചെയ്തിട്ടുണ്ടെന്നും എത്ര സ്ത്രീധന പീഡനകേസുകള്‍ രജിസ്റര്‍ ചെയ്തിട്ടുണ്ടെന്നും വെളിപ്പെടുത്താമോ?

പ്രതിയെ മോചിപ്പിച്ചതായ പരാതിയിന്മേല്‍ അന്വേഷണം

ശ്രീ. സി. കൃഷ്ണന്‍

(എ)വളര്‍പട്ടണം പോലീസ് സ്റേഷനില്‍, ശ്രീ. കെ. സുധാകരന്‍ എം.പി പ്രതിയെ മോചിപ്പിച്ചപരാതിയിന്മേല്‍ ഐ.ജി യുടെ അന്വേഷണ റിപ്പോര്‍ട്ട് ലഭിച്ചിട്ടുണ്ടോ ;

(ബി)പ്രസ്തുത റിപ്പോര്‍ട്ടിന്മേല്‍ സ്വീകരിച്ച നടപടികള്‍ വിശദമാക്കാമോ ;

(സി)പ്രസ്തുത റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ ?

  next page>>