13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >7^th Session>Unstarred Q & A

THIRTEENTH KLA - 7^th SESSION

KERALA LEGISLATURE - UNSTARRED QUESTIONS AND ANSWERS

(To read Questions please enable unicode-Malayalam in your system)

(To read answers Please CLICK on the Title of the Questions)

Answer Provided

Answer Not Yet Provided

Q. No	Questions
3501	കുട്ടികളെ കാണാതാവുന്നത് തടയുന്നതിന് നടപടി ശ്രീ. കെ. കെ. നാരായണന്‍ (എ)സംസ്ഥാനത്ത് കുട്ടികളെ കാണാതാവുന്നത് വര്‍ദ്ധിച്ചുവരുന്നത് സാമൂഹ്യക്ഷേമവകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; (ബി)ഇത് തടയുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; (സി)എങ്കില്‍, ഇതിന്റെ വിശദാംശം വെളിപ്പെടുത്താമോ?
3502	ശിശുക്ഷേമസമിതി ചെയര്‍മാന് വിദ്യാര്‍ത്ഥിനികള്‍ നല്‍കിയ പരാതി ശ്രീ. എ.റ്റി. ജോര്‍ജ് (എ)തിരുവനന്തപുരം കരമന ഗവ. ഗേള്‍സ് ഹയര്‍ സെക്കന്ററി സ്കൂളിലെ വിദ്യാര്‍ത്ഥിനികള്‍ ശിശുക്ഷേമസമിതി ചെയര്‍മാന് 01.01.2013-ന് നല്‍കിയ പരാതിയിന്‍മേല്‍ കുറ്റക്കാരായ അദ്ധ്യാപികമാര്‍ക്കെതിരെ സ്കൂള്‍ തലത്തില്‍ മറ്റ് വിദ്യാര്‍ത്ഥിനികളോട് അന്വേഷണം നടത്തിയിട്ടുണ്ടോ; എങ്കില്‍ വ്യക്തമാക്കാമോ; (ബി)ഇത് സംബന്ധിച്ച റിപ്പോര്‍ട്ട് ലഭിച്ചിട്ടുണ്ടോ; എങ്കില്‍ റിപ്പോര്‍ട്ടുകളുടെ പൂര്‍ണ്ണ പകര്‍പ്പ് ലഭ്യമാക്കാമോ; (സി)അന്വേഷണറിപ്പോര്‍ട്ടുകളുടെ അടിസ്ഥാനത്തില്‍ ടീച്ചര്‍മാരായ ശോഭ, അനില, ദീപ, പ്രീത, വദന എന്നിവര്‍ക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ?
3503	ചൈല്‍ഡ് റൈറ്റ് കമ്മീഷന്‍ ശ്രീ. ചിറ്റയം ഗോപകുമാര്‍ (എ)ശിശുക്കളുടെ അവകാശം സംരക്ഷിക്കുന്നതിന് ചൈല്‍ഡ് റൈറ്റ് കമ്മീഷന്‍ ആരംഭിക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ ഇതിനായി ബഡ്ജറ്റില്‍ എത്ര തുക നീക്കിവച്ചിട്ടുണ്ട് എന്നറിയിക്കുമോ ; (ബി)ഇതില്‍ എത്ര തുക ചെലവഴിച്ചിട്ടുണ്ടെന്ന് ഇനം തിരിച്ച് വിശദമാക്കുമോ ?
3504	അനാഥാലയങ്ങളിലെ കുട്ടികളുടെ പഠനം ശ്രീ. കെ. മുഹമ്മദുണ്ണി ഹാജി (എ)അനാഥാലയങ്ങളിലെ കുട്ടികളുടെ പഠനത്തിന് വേണ്ടി എന്തെല്ലാം സഹായങ്ങള്‍ ചെയ്ത് കൊടുക്കുന്നുണ്ടെന്ന് വ്യക്തമാക്കുമോ; (ബി)അനാഥാലയങ്ങളിലെ കുട്ടികള്‍ക്ക് ഉന്നതവിദ്യാഭ്യാസം നല്‍കുന്നതിന് നിലവില്‍ ഒരു സഹായവും ഇല്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; (സി)സര്‍ക്കാര്‍ ധനസഹായം നല്‍കിയും സ്പോണ്‍സര്‍ഷിപ്പ് ഏര്‍പ്പെടുത്തിയും അനാഥാലയങ്ങളിലെ കുട്ടികള്‍ക്ക് ഉന്നത പഠനത്തിന് സഹായം നല്‍കുന്നതിന് നടപടി സ്വീകരിക്കുമോ?
3505	ജന്മനാ വൈകല്യമുള്ള കുട്ടികളുടെ ചികിത്സ, വിദ്യാഭ്യാസം, പുനരധിവാസം എന്നിവയ്ക്കായി നടപ്പാക്കിവരുന്ന പദ്ധതികള്‍ ശ്രീ. എം. ഉമ്മര്‍ ,, അബ്ദുറഹിമാന്‍ രണ്ടത്താണി ,, എന്‍. ഷംസുദ്ദീന്‍ ,, പി.കെ. ബഷീര്‍ (എ)ജന്മനാ വൈകല്യമുള്ള കുട്ടികളുടെ ചികിത്സ, വിദ്യാഭ്യാസം, പുനരധിവാസം എന്നിവയ്ക്കായി സാമൂഹ്യക്ഷേമവകുപ്പിന്റെ കീഴില്‍ നടപ്പാക്കിവരുന്ന പദ്ധതികള്‍ ഏതൊക്കെയാണെന്ന് വിശദമാക്കുമോ; (ബി)ഇവര്‍ക്ക് ഏതൊക്കെ വിധത്തിലുള്ള സാമ്പത്തികസഹായത്തിനും സൌജന്യങ്ങള്‍ക്കും അര്‍ഹതയുണ്ടെന്ന് വ്യക്തമാക്കുമോ; (സി)ഇത്തരത്തില്‍ പ്രത്യേക പരിഗണന അര്‍ഹിക്കുന്ന കുട്ടികളുടെ വിവരശേഖരണം നടത്തിയിട്ടുണ്ടോ; ഇല്ലെങ്കില്‍, ഇവരുടെ പൂര്‍ണ്ണവിവരം ശേഖരിച്ച് സൂക്ഷിക്കാനും, കാലാകാലങ്ങളില്‍ അപ്ഡേറ്റ് ചെയ്യാനും നിര്‍ദ്ദേശം നല്‍കുമോ?
3506	മാനസിക വെല്ലുവിളികള്‍ നേരിടുന്നവര്‍ ശ്രീ. കെ. മുഹമ്മദുണ്ണി ഹാജി (എ)സംസ്ഥാനത്ത് മാനസിക വെല്ലുവിളികള്‍ നേരിടുന്നവര്‍ക്ക് വേണ്ടി ആജീവനാന്ത സംരക്ഷണ സംവിധാനം എന്തെങ്കിലൂം നിലവിലുണ്ടോ; (ബി)കേരളത്തിലെ സ്പെഷ്യല്‍ സ്ക്കുളുകളിലെ 40% ല്‍ കൂടുതലും 16 വയസ്സിന് മുകളിലുളള കുട്ടികളാണ് ഉള്ളത് എന്ന റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ; (സി)സന്നദ്ധ സംഘടനകള്‍, എന്‍.ജി.ഒ കള്‍ എന്നിവരുടെ സഹായത്തോടെ ഓരോ ജില്ലയിലും ഓരോ മാനസിക വെല്ലുവിളികള്‍ നേരിടുന്നവര്‍ക്കായുളള ആജീവനാന്ത സംരക്ഷണ ഭവനം (ലൈഫ് ലോംഗ് കെയര്‍ ഹോം ഫോര്‍ അഡല്‍റ്റ് മെന്റലി ചലഞ്ചഡ് പേഴ്സണ്‍സ്) സ്ഥാപിക്കുന്നതിന് നടപടി സ്വീകരിക്കുമോ?
3507	കറക്ടീവ് /പ്രൊട്ടക്ടീവ് സ്ഥാപനങ്ങളും റെസ്ക്യൂ ഹോമുകളും ശ്രീ.പി. ഉബൈദുള്ള ,, വി.എം. ഉമ്മര്‍ മാസ്റര്‍ (എ)ഇമ്മോറല്‍ ട്രാഫിക് (പ്രിവന്‍ഷന്‍) നിയമപ്രകാരമുള്ള കേസ്സില്‍ ശിക്ഷിക്കപ്പെടുന്ന സ്ത്രീകളുടെ പരിവര്‍ത്തനം, പുനരധിവാസം എന്നീ കാര്യങ്ങള്‍ക്കായി കറക്ടീവ് സ്ഥാപനങ്ങളും, സാഹചര്യങ്ങളാല്‍ കുറ്റകൃത്യങ്ങളിലേക്ക് തള്ളിവിടപ്പെടുന്നവരെ സംരക്ഷിക്കുന്നതിനായി പ്രൊട്ടക്ടീവ് സ്ഥാപനങ്ങളും ആരംഭിക്കുന്ന കാര്യം പരിഗണനയിലുണ്ടോ; വിശദാംശം നല്‍കുമോ; (ബി)തവനൂര്‍ റെസ്ക്യൂ ഹോമിന്റെ അടിസ്ഥാന സൌകര്യങ്ങള്‍ മെച്ചപ്പെടുത്താന്‍ നടപടി സ്വീകരിക്കുമോ; (സി)തവനൂര്‍ റെസ്ക്യൂ ഹോം മാതൃകയില്‍ സംസ്ഥാനത്തിന്റെ വിവിധ ഭാഗങ്ങളില്‍ കേന്ദ്രങ്ങള്‍ ആരംഭിക്കുന്നതിന് നടപടി സ്വീകരിക്കുമോ; വിശദാംശം നല്‍കുമോ?
3508	സ്പെഷ്യല്‍ സ്കൂളുകള്‍ക്കുള്ള ഗ്രാന്റ് ശ്രീ. ജെയിംസ് മാത്യു (എ)സംസ്ഥാനത്ത് മാനസിക വെല്ലുവിളി നേരിടുന്ന വിദ്യാര്‍ത്ഥികള്‍ക്കുള്ള സ്പെഷ്യല്‍ സ്കൂളുകള്‍ക്ക് നേരിട്ട് ലഭിച്ചുകൊണ്ടിരുന്ന കേന്ദ്രഫണ്ട് നിര്‍ത്തലാക്കി, വിദ്യാഭ്യാസ വകുപ്പ് മുഖേനയാക്കിയിട്ടുണ്ടോ; (ബി)ഇതുമൂലം സ്പെഷ്യല്‍ സ്കൂളുകള്‍ക്ക് എന്ത് നേട്ടമുണ്ടാകുമെന്നാണ് സര്‍ക്കാര്‍ കരുതുന്നതെന്ന് വ്യക്തമാക്കുമോ; (സി)ഈ മാറ്റത്തിന്റെ അടിസ്ഥാനത്തില്‍ വര്‍ഷാവസാനത്തോടെ മാത്രം ഗ്രാന്റ് ലഭിക്കുന്നതിനാല്‍ അദ്ധ്യയന വര്‍ഷത്തിലെ ആദ്യമാസങ്ങളില്‍ അധ്യാപകര്‍ക്ക് ശമ്പളം ലഭിക്കാത്ത അവസ്ഥയാണുള്ളതെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് നടപടി സ്വീകരിച്ചിട്ടുണ്ടോ; (ഡി)തുച്ഛമായ വേതനം മാത്രം ലഭിക്കുന്ന ഈ സ്പെഷ്യല്‍ സ്കൂള്‍ അദ്ധ്യാപകരുടെ വേതനം വര്‍ദ്ധിപ്പിക്കുന്നതിനാവശ്യമായ നടപടി സ്വീകരിക്കുമോ?
3509	മാനസിക രോഗചികിത്സക്കാവശ്യമായ പുനരധിവാസ കേന്ദ്രങ്ങള്‍ ശ്രീ. എം. ഉമ്മര്‍ (എ)മാനസിക രോഗചികിത്സക്കാവശ്യമായ പുനരധിവാസ കേന്ദ്രങ്ങളുടെ നടത്തിപ്പിന് നിയമനിര്‍മ്മാണം നടത്തുന്ന കാര്യം പരിഗണനയിലുണ്ടോ; വിശദമാക്കുമോ ; (ബി)മാനസികാരോഗ്യ അതോറിറ്റിയുടെ പ്രവര്‍ത്തന സംവിധാനം മെച്ചപ്പെടുത്തുന്നതിന് പുതിയ പദ്ധതികള്‍ ആവിഷ്കരിച്ചു നടപ്പിലാക്കുമോ ? (സി)ഉണ്ടെങ്കില്‍ വിശദാംശം നല്‍കുമോ ?
3510	ആശ്രയപദ്ധതി നടപ്പിലാക്കിയ പഞ്ചായത്തുകള്‍ ശ്രീ. എം. വി. ശ്രേയാംസ് കുമാര്‍ '' റോഷി അഗസ്റിന്‍ ഡോ. എന്‍. ജയരാജ് ശ്രീ. പി.സി. ജോര്‍ജ് (എ)സംസ്ഥാനത്ത് 'ആശ്രയ പദ്ധതി' എന്നുമുതലാണ് പ്രാബല്യത്തില്‍ വന്നത്; വിശദാംശങ്ങള്‍ നല്‍കുമോ; (ബി)പ്രസ്തുത പദ്ധതി പ്രദാനം ചെയ്യുന്ന മേന്മകള്‍ എന്തെല്ലാമാണ്; (സി)ആശ്രയ പദ്ധതി സംസ്ഥാനത്തെ എല്ലാ പഞ്ചായത്തുകളിലും നടപ്പാക്കാന്‍ സാധിച്ചുവോ; വിശദാംശങ്ങള്‍ നല്‍കുമോ; (ഡി)പ്രസ്തുത പദ്ധതി ഇതിനോടകം നടപ്പാക്കിയ പഞ്ചായത്തുകള്‍ എത്രത്തോളം വിജയം കൈവരിച്ചുവെന്ന് പരിശോധിച്ചിട്ടുണ്ടോ; എങ്കില്‍, വിശദാംശങ്ങള്‍ നല്‍കുമോ?
3511	ആശ്രയ ഗുണഭോക്താക്കളെ തെരഞ്ഞെടുക്കല്‍ ശ്രീ. എം. ഉമ്മര്‍ ,, വി.എം. ഉമ്മര്‍ മാസ്റര്‍ ,, പി.കെ. ബഷീര്‍ (എ)സംസ്ഥാനത്തെ 'ആശ്രയ ഗുണഭോക്താക്കളെ' തെരഞ്ഞെടുക്കുന്നതിനുള്ള മാനദണ്ഡം പുതുക്കി നിശ്ചയിക്കുന്നകാര്യം പരിഗണനയിലുണ്ടോ; (ബി)ആശ്രയ ഗുണഭോക്താക്കളുടെ റേഷന്‍കാര്‍ഡ് ബി.പി.എല്‍. ലിസ്റില്‍ ഉള്‍പ്പെടുത്തിയിട്ടുണ്ടോ; (സി)എങ്കില്‍, എത്രപേരെ ഉള്‍പ്പെടുത്തിയിട്ടുണ്ട്; (ഡി)ഇനിയും ഉള്‍പ്പെടുത്താത്തവരെ ലിസ്റില്‍ ഉള്‍പ്പെടുത്തുന്നതിന് നടപടി സ്വീകരിക്കുമോ; വിശദാംശം നല്‍കുമോ; (ഇ)നിശ്ചിതമാനദണ്ഡത്തില്‍ ഇളവ് അനുവദിക്കാറുണ്ടോ; തികച്ചും അര്‍ഹരെന്ന് കാണുന്ന സാഹചര്യത്തില്‍ അത്തരക്കാര്‍ക്ക് നിശ്ചിതമാനദണ്ഡത്തില്‍ ഇളവ് അനുവദിക്കുന്നതിന് ആവശ്യമായ നടപടി സ്വീകരിക്കുമോ?
3512	സ്നേഹപൂര്‍വ്വം പദ്ധതി ശ്രീ. കെ. മുഹമ്മദുണ്ണി ഹാജി (എ)സാമൂഹ്യ സുരക്ഷാ മിഷന്റെ സ്നേഹപൂര്‍വ്വം പദ്ധതിയുടെ വിശദാംശങ്ങളും ലക്ഷ്യങ്ങളും വിശദമാക്കുമോ; (ബി)ബി.പി.എല്‍ കാര്‍ഡുള്ള അനാഥകുട്ടികള്‍ക്കാണോ ഈ പദ്ധതി പ്രകാരം സഹായം നല്‍കുക; (സി)ബി.പി.എല്‍ കാര്‍ഡ് എന്നുള്ളത് മാറ്റി, വരുമാനത്തിന്റെ അടിസ്ഥാനത്തില്‍ അനാഥരായ കുട്ടികളുടെ വിദ്യാഭ്യാസത്തിന് ധനസഹായം നല്‍കുമോ; (ഡി)സര്‍ക്കാര്‍ എയ്ഡഡ് സ്കൂള്‍ മാനദണ്ഡം നിര്‍ബന്ധമാണോ; ഇതിലും ഇളവ് അനുവദിക്കുന്നതിന് നടപടിയുണ്ടാകുമോ?
3513	സ്നേഹപൂര്‍വ്വം കിടക്ക പദ്ധതി ശ്രീ. ഐ. സി. ബാലകൃഷ്ണന്‍ ,, ആര്‍. സെല്‍വരാജ് ,, എ. റ്റി. ജോര്‍ജ് (എ)സംസ്ഥാനത്ത് 'സ്നേഹപൂര്‍വ്വം കിടക്ക പദ്ധതി' ആവിഷ്കരിച്ചിട്ടുണ്ടോ; വിശദാംശങ്ങള്‍ എന്തെല്ലാം ; (ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്; വിശദാംശങ്ങള്‍ ലഭ്യമാക്കുമോ ; (സി)ഈ പദ്ധതിയുടെ മാനദണ്ഡങ്ങള്‍ എന്തെല്ലാമാണ് ; (ഡി)ഇതിനായി എന്തെല്ലാം കാര്യങ്ങള്‍ ചെയ്തിട്ടുണ്ട് ; വിശദാംശം വ്യക്തമാക്കുമോ ?
3514	'ഹംഗര്‍ ഫ്രീ സിറ്റി' പദ്ധതി ശ്രീ. എ. കെ. ബാലന്‍ (എ)'ഹംഗര്‍ ഫ്രീ സിറ്റി' പദ്ധതി സംസ്ഥാനത്തു നടപ്പിലാക്കിത്തുടങ്ങിയിട്ടുണ്ടോ; പദ്ധതിയുടെ വിശദാംശങ്ങള്‍ എന്തെല്ലാമാണ്; (ബി)സംസ്ഥാനത്തെ ഏതെല്ലാം സിറ്റികളിലാണ് പദ്ധതി നടപ്പാക്കുന്നത്; ഈ പദ്ധതിക്കായി ഇതിനകം എത്ര തുക ചെലവാക്കി; ശരാശരി എത്രപേര്‍ക്കാണ് ഈ പദ്ധതിയിലൂടെ ഒരുദിവസം ഭക്ഷണം നല്‍കുന്നത്; (സി)ഈ പദ്ധതിയുടെ മുഴുവന്‍ ചെലവും സംസ്ഥാനസര്‍ക്കാര്‍ തന്നെയാണോ വഹിക്കുന്നത്; അല്ലെങ്കില്‍, ആയതിന്റെ വിശദാംശങ്ങള്‍ നല്‍കുമോ; (ഡി)ഈ പദ്ധതിക്ക് കേന്ദ്രസര്‍ക്കാരിന്റെ ധനസഹായം ലഭിക്കുന്നുണ്ടോ; ഉണ്ടെങ്കില്‍, ആയതിന്റെ വിശദാംശങ്ങള്‍ നല്‍കുമോ?
3515	ക്ഷേമ പെന്‍ഷനുകള്‍ക്കായി ചെലവഴിച്ച തുക ശ്രീ. എം. ചന്ദ്രന്‍ (എ)2012-13 സാമ്പത്തിക വര്‍ഷത്തില്‍ ഇതുവരെ വിവിധ ക്ഷേമപെന്‍ഷനുകള്‍ നല്‍കുന്നതിനായി എത്ര തുക ചെലവഴിച്ചിട്ടുണ്ടെന്ന് വ്യക്തമാക്കുമോ; (ബി)ഈ കാലയളവില്‍ മാസംതോറും നല്‍കുന്ന ക്ഷേമ പെന്‍ഷനുകളില്‍ കുടിശ്ശിക വരുത്തിയിട്ടുണ്ടോ; (സി)എങ്കില്‍, ഏതൊക്കെ വിഭാഗത്തിന് നല്‍കുന്ന പെന്‍ഷനിലാണ് കുടിശ്ശിക വന്നിരിക്കുന്നതെന്നും എത്ര മാസത്തെ തുക കുടിശ്ശികയുണ്ടെന്നും വ്യക്തമാക്കുമോ ?
3516	സാമൂഹ്യക്ഷേമ പെന്‍ഷനുകള്‍ ശ്രീ. കോടിയേരി ബാലകൃഷ്ണന്‍ (എ)ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് സാമൂഹ്യക്ഷേമ പെന്‍ഷനുകള്‍ എത്ര ഗഡു, എത്ര തുക വീതം വിതരണം ചെയ്തെന്ന് വിശദമാക്കാമോ ; (ബി)സാമൂഹ്യക്ഷേമ പെന്‍ഷനുകളില്‍ ഇനി വിതരണം ചെയ്യാന്‍ എത്ര ഗഡു എത്ര രൂപ കുടിശ്ശികയുണ്ടെന്ന് വിശദമാക്കാമോ ?
3517	ക്ഷേമ പെന്‍ഷനുകള്‍ ശ്രീ. കെ. സുരേഷ് കുറുപ്പ് (എ)സാമൂഹ്യക്ഷേമ വകുപ്പ് നല്‍കിവരുന്ന വിവിധ സാമൂഹ്യക്ഷേമ പെന്‍ഷനുകള്‍ ഏതെല്ലാമാണെന്ന് അറിയിക്കാമോ; (ബി)ഇവ ഓരോന്നും ഏത് മാസം വരെ അര്‍ഹതപ്പെട്ടവര്‍ക്ക് നല്‍കിയിട്ടുണ്ടെന്ന് അറിയിക്കാമോ; (സി)ഇവ ഓരോന്നിനും ഏത്ര മാസത്തെ കുടിശ്ശികയുണ്ടെന്നറിയിക്കാമോ?
3518	വിധവാ പെന്‍ഷന് അപേക്ഷ ഡോ. കെ.ടി. ജലീല്‍ (എ)വിധവാ പെന്‍ഷന് അപേക്ഷനല്‍കുമ്പോള്‍ വിധവയാണെന്ന് തെളിയിക്കാന്‍ എന്തെല്ലാം രേഖകളാണ് ഹാജരാക്കേണ്ടത് എന്ന് വ്യക്തമാക്കാമോ; (ബി)പത്തും ഇരുപതും വര്‍ഷങ്ങള്‍ക്കുമുമ്പ് ഭര്‍ത്താവ് മരണപ്പെട്ടത് പഞ്ചായത്തില്‍ രജിസ്റര്‍ ചെയ്യാന്‍ കഴിയാതിരുന്ന വിധവകള്‍, വിധവയാണെന്ന് തെളിയിക്കാന്‍, ആരില്‍നിന്നാണ് സര്‍ട്ടിഫിക്കറ്റ് വാങ്ങേണ്ടത് എന്ന് വിശദമാക്കാമോ?
3519	വിധവാപെന്‍ഷനുള്ള അപേക്ഷകള്‍ ഡോ. കെ. ടി. ജലീല്‍ (എ)മലപ്പുറം ജില്ലയിലെ കുറുവ പഞ്ചായത്തില്‍ 16.03.2013 ന് 2276,2277 റസീപ്റ്റ് നമ്പര്‍ പ്രകാരം പാത്തുമ്മ കാഉന്തോടന്‍, കദീജ പടലാംകുന്നന്‍, എന്നീ ആളുകളില്‍ നിന്നും വിധവാ പെന്‍ഷനുള്ള അപേക്ഷകള്‍ ലഭിച്ചിരുന്നോ; (ബി)എങ്കില്‍, അവര്‍ക്ക് പെന്‍ഷന്‍ അനുവദിച്ചിട്ടുണ്ടോ; ഏതുമാസം മുതലാണ് അനുവദിച്ചിട്ടുള്ളത് എന്ന് വ്യക്തമാക്കാമോ; (സി)അനുവദിച്ചിട്ടില്ലെങ്കില്‍, എന്തുകൊണ്ടാണ് അനുവദിക്കാതിരുന്നത് എന്ന് വിശദമാക്കുമോ?
3520	ഡയാലിസിസ് ആവശ്യമായിവരുന്ന രോഗികള്‍ക്ക് പ്രതിമാസ പെന്‍ഷന്‍ ശ്രീ. റ്റി. എ. അഹമ്മദ് കബീര്‍ ,, പി. ബി. അബ്ദുള്‍ റസാക് (എ)സ്ഥിരമായി ഡയാലിസിസ് ആവശ്യമായി വരുന്ന രോഗികള്‍ക്ക് പ്രതിമാസ പെന്‍ഷന്‍ അനുവദിക്കുന്നകാര്യം പരിഗണനയിലുണ്ടോ; (ബി)എങ്കില്‍ എത്ര തുകയാണ് പെന്‍ഷന്‍ നല്‍കാനുദ്ദേശിക്കുന്നതെന്ന് വ്യക്തമാക്കുമോ; (സി)വാര്‍ഷിക വരുമാനം രണ്ട് ലക്ഷത്തില്‍ കുറവുള്ള എല്ലാ വൃക്കരോഗികള്‍ക്കും പെന്‍ഷന്‍ നല്‍കുന്ന കാര്യം പരിഗണിക്കുമോ ?
3521	ദത്തെടുക്കല്‍ ശ്രീ. എം. ഉമ്മര്‍ (എ)അനാഥശിശുക്കള്‍ അനര്‍ഹരുടെ കൈകളില്‍ എത്തിപ്പെടുന്നത് തടയാന്‍ സ്വീകരിച്ച നടപടികള്‍ വിശദമാക്കുമോ ; (ബി)സ്വകാര്യ ദത്തെടുക്കല്‍ കേന്ദ്രങ്ങളിലെ കുട്ടികളെ അംഗീകൃത ദത്തെടുക്കല്‍ കേന്ദ്രങ്ങള്‍ക്ക് കൈമാറ്റം ചെയ്യുംവിധം നിയമം പരിഷ്ക്കരിക്കാന്‍ നടപടി സ്വീകരിക്കുമോ ; വിശദാംശം നല്‍കുമോ; (സി)അംഗീകൃത ദത്തെടുക്കല്‍കേന്ദ്രങ്ങളില്‍ നിന്ന് ദത്തു നല്‍കിയ കുട്ടികളുടെ തുടര്‍നിരീക്ഷണം നടത്തുന്നതിനായി സംവിധാനമൊരുക്കുന്ന കാര്യം പരിഗണനയിലുണ്ടോ; (ഡി)ഉണ്ടെങ്കില്‍, ഇതിന്റെ ശരിയായ നടത്തിപ്പിനായി നിയമനിര്‍മ്മാണം നടത്തുന്ന കാര്യം പരിഗണിക്കുമോ ; വിശദാംശം നല്‍കുമോ?
3522	ബുദ്ധിവൈകല്യമുള്ളവരുടെ പ്രശ്നങ്ങള്‍ ശ്രീ. സാജു പോള്‍ (എ)ബുദ്ധിവൈകല്യമുള്ളവരുടെ പ്രശ്നങ്ങള്‍ സര്‍ക്കാര്‍ വിലയിരുത്തിയിട്ടുണ്ടോ; (ബി)പൂര്‍ണ്ണമായും ബുദ്ധി വൈകല്യമുള്ളവര്‍ക്ക് പുനരധിവാസവും ഭാഗിക ബുദ്ധി വൈകല്യമുള്ളവര്‍ക്ക് സര്‍ക്കാര്‍ ജോലി ലഭിക്കാന്‍ സംവരണവും ഏര്‍പ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കുമോ; (സി)പൂര്‍ണ്ണമായും ബുദ്ധി വൈകല്യമുള്ളവരുടെ സംരക്ഷകര്‍ക്ക് ധനസഹായം നല്‍കാന്‍ നടപടി സ്വീകരിക്കുമോ; (ഡി)ബുദ്ധി വൈകല്യമുള്ള വിദ്യാര്‍ത്ഥികളുടെ മുഴുവന്‍ വിദ്യാഭ്യസച്ചെലവും ഏറ്റെടുക്കാന്‍ സര്‍ക്കാര്‍ തയ്യാറാകുമോ?
3523	സര്‍ക്കാര്‍തല വൃദ്ധജന-വയോജന കേന്ദ്രങ്ങള്‍ ശ്രീ.എ.എ. അസീസ് (എ)സംസ്ഥാനത്ത് എത്ര വയോജന-വൃദ്ധ പരിപാലന കേന്ദ്രങ്ങളുണ്ടെന്ന്, ജില്ല തിരിച്ച്, അഡ്രസ്സ് സഹിതം നല്‍കുമോ; (ബി)സംസ്ഥാന സര്‍ക്കാരിന്‍ കീഴില്‍ വയോജന കേന്ദ്രങ്ങള്‍ നിലവിലുണ്ടോ; ഇല്ലെങ്കില്‍, സ്ഥാപിക്കുന്നതിനുള്ള നടപടി സ്വീകരിക്കുമോ ?
3524	വയോജനങ്ങളുടെ പ്രശ്നങ്ങള്‍ പരിഹരിക്കാന്‍ നടപടി ശ്രീ. ജി. സുധാകരന്‍ (എ)വയോജനങ്ങളുടെ പ്രശ്നങ്ങള്‍ പഠിക്കാന്‍ കമ്മീഷന്‍ രൂപീകരിക്കുന്ന കാര്യം പരിഗണനയിലുണ്ടോ; ഉണ്ടെങ്കില്‍ വ്യക്തമാക്കുമോ; (ബി)വയോജനങ്ങള്‍ക്ക് ജീവന്‍രക്ഷാ മരുന്നുകള്‍ സൌജന്യമായി നല്‍കുന്ന കാര്യം പരിഗണിക്കുമോ; (സി)വയോജനങ്ങള്‍ക്ക് സര്‍വ്വീസ് ബസ്സുകളില്‍ യാത്രചെയ്യുന്നതിന് ഇളവ് അനുവദിക്കാന്‍ ഉദ്ദേശിക്കുന്നുണ്ടോ; (ഡി)സര്‍വ്വീസ് പെന്‍ഷനോ മറ്റ് ക്ഷേമപെന്‍ഷനുകളോ ലഭിക്കാത്ത എല്ലാ വയോജനങ്ങള്‍ക്കും വരുമാനപരിധിയും എ.പി.എല്‍ ബി.പി.എല്‍, വ്യത്യാസമില്ലാതെ പെന്‍ഷന്‍ അനുവദിക്കുവാന്‍ നടപടി സ്വീകരിക്കുമോ; (ഇ)ഇപ്പോള്‍ വാര്‍ദ്ധക്യകാല പെന്‍ഷന്‍ പ്രതിമാസം എത്രരൂപയാണ്; ഇതില്‍ കേന്ദ്ര വിഹിതം സംസ്ഥാന വിഹിതം എന്നിവ എത്രവീതമാണെന്ന് വിശദമാക്കുമോ; (എഫ്)വാര്‍ദ്ധക്യകാല പെന്‍ഷന്‍ വര്‍ദ്ധിപ്പിക്കുന്ന കാര്യം പരിഗണനയിലുണ്ടോ; വ്യക്തമാക്കുമോ; (ജി)കേന്ദ്ര സര്‍ക്കാരിന്റെ ഇന്ദിരാഗാന്ധി ദേശീയ വാര്‍ദ്ധക്യകാല പെന്‍ഷന്‍ പദ്ധതി സംസ്ഥാനത്ത് നടപ്പാക്കിയിട്ടുണ്ടോ; വിശദമാക്കുമോ?
3525	വാര്‍ദ്ധക്യകാല പെന്‍ഷന് അപേക്ഷിക്കുവാനുള്ള പ്രായപരിധി കുറയ്ക്കാന്‍ നടപടി ശ്രീ. എ. എ. അസീസ് (എ)കേന്ദ്ര സര്‍ക്കാര്‍ പദ്ധതിയായ ഇന്ദിരാഗാന്ധി ദേശീയ വാര്‍ദ്ധക്യകാല പെന്‍ഷന്, അപേക്ഷിക്കുവാനുള്ള പ്രായപരിധി കേന്ദ്ര സര്‍ക്കാര്‍ മാനദണ്ഡപ്രകാരം എത്രയാണ്; (ബി)സംസ്ഥാന സര്‍ക്കാര്‍ അപേക്ഷകന് എത്ര വയസായി നിജപ്പെടുത്തിയിരിക്കുന്നു; (സി)കേന്ദ്ര സര്‍ക്കാര്‍ തീരുമാനത്തില്‍ വയസ് കുറവായിരിക്കുകയും സംസ്ഥാന സര്‍ക്കാര്‍ ഉത്തരവ് പ്രകാരം വയസ് കൂടിയിരിക്കുകയും ചെയ്യുന്നത് യോഗ്യരായ ഗുണഭോക്താക്കളുടെ എണ്ണം കുറയ്ക്കുമെന്ന കാര്യം പരിശോധിക്കുമോ; (ഡി)ഇത് വഴി എത്ര കോടി രൂപയുടെ കേന്ദ്ര സഹായമാണ് കേരളത്തിന് നഷ്ടപ്പെടുന്നതെന്ന് വ്യക്തമാക്കുമോ; (ഇ)സംസ്ഥാന സര്‍ക്കാര്‍ വാര്‍ദ്ധക്യകാല പെന്‍ഷന് അപേക്ഷിക്കാനുള്ള പ്രായപരിധി 60 വയസായി കുറച്ച് ഉത്തരവ് പുറപ്പെടുവിക്കുമോ?
3526	സ്ത്രീ സൌഹൃദ ടോയ്ലറ്റ് ശ്രീ. ഹൈബി ഈഡന്‍ ,, സി. പി. മുഹമ്മദ് ,, വി. പി. സജീന്ദ്രന്‍ ,, ലൂഡി ലൂയിസ് (എ)സംസ്ഥാനത്ത് വനിതാ കമ്മീഷന്റെ നേതൃത്വത്തില്‍ സ്ത്രീ സൌഹൃദ ടോയ്ലറ്റുകളുടെ പ്രവര്‍ത്തനത്തിന് തുടക്കം കുറിച്ചിട്ടുണ്ടോ ; (ബി)ഇതിന്റെ പ്രവര്‍ത്തനം ഏതെല്ലാം ഏജന്‍സികളുമായി ചേര്‍ന്നാണ് നടത്തുന്നത് ; വിശദാംശം വ്യക്തമാക്കുമോ ; (സി)ഏതെല്ലാം ആധുനിക സംവിധാനങ്ങളിലൂടെയാണ് ഇവ പ്രവര്‍ത്തിക്കുന്നത് ; (ഡി)സംസ്ഥാനത്തിന്റെ എല്ലാ നഗരങ്ങളിലും ഇതിന്റെ പ്രവര്‍ത്തനം വ്യാപിപ്പിക്കുന്നകാര്യം പരിഗണിക്കുമോ ; വിശദാംശങ്ങള്‍ എന്തെല്ലാം ?
3527	സ്ത്രീകളെ മോശമായി ചിത്രീകരിക്കുന്ന പോസ്ററുകള്‍ തടയാന്‍ നടപടി ശ്രീ. എം. എ. വാഹീദ് (എ)സ്തീകളെ മോശമായി ചിത്രീകരിക്കുന്ന സിനിമാ പോസ്ററുകളും പരസ്യങ്ങളും മറ്റും നിരോധിക്കാന്‍ നടപടി സ്വീകരിക്കുമോ; (ബി)സ്ത്രീകളെ മോശമായി ചിത്രീകരിക്കുന്ന സിനിമാ പോസ്ററുകളും, പരസ്യങ്ങളും പ്രദര്‍ശിപ്പിക്കുന്നവര്‍ക്കെതിരെ എന്തെല്ലാം നടപടികളാണ് സര്‍ക്കാര്‍ സ്വീകരിച്ചുവരുന്നതെന്ന് വ്യക്തമാക്കാമോ?
3528	ശ്രുതി തരംഗം പദ്ധതിയില്‍ അപേക്ഷ സമര്‍പ്പിക്കുന്നതിനുളള മാനദണ്ഡം ശ്രീ. വി.ചെന്താമരാക്ഷന്‍ (എ)സാമൂഹ്യ നീതി വകുപ്പിന്റെ കീഴില്‍ നടപ്പിലാക്കുന്ന ശ്രുതി തരംഗം എന്ന കോക്ളിയാര്‍ ഇംപ്ളാന്റേഷന്‍ പദ്ധതിയില്‍ അപേക്ഷ സമര്‍പ്പിക്കുന്നതിനുളള മാനദണ്ഡം എന്താണെന്ന് വിശദമാക്കുമോ; (ബി)ഈ പദ്ധതിയില്‍ 10 വയസ്സിന് താഴെയുളള കുട്ടികളെ കൂടി ഉള്‍പ്പെടുത്താനുളള നടപടി സ്വീകരിക്കുമോ; (സി)ഈ പദ്ധതിയില്‍ ഉള്‍പ്പെടുത്തി എത്ര കുട്ടികള്‍ക്ക് സര്‍ജറി നടത്തിയിട്ടുണ്ട്; ജില്ല തിരിച്ചുളള കണക്ക് ലഭ്യമാക്കുമോ?
3529	ശ്രുതി തരംഗം പദ്ധതി ശ്രീ. സണ്ണി ജോസഫ് ,, വി. റ്റി. ബല്‍റാം ,, എ. റ്റി. ജോര്‍ജ് ,, ഹൈബി ഈഡന്‍ (എ)ശ്രുതി തരംഗം പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാം; വിശദമാക്കുമോ; (ബി)പിഞ്ചുകുട്ടികളെ ശസ്ത്രക്രിയയിലൂടെ ശബ്ദത്തിന്റെ ലോകത്തിലേയ്ക്ക് കടന്നുവരുന്നതിന് എന്തെല്ലാം കാര്യങ്ങളാണ് പദ്ധതിയില്‍ ഉള്‍പ്പെടുത്തിയിരിക്കുന്നത്; വിശദാംശങ്ങള്‍ എന്തെല്ലാം; (സി)ഏതെല്ലാം ഏജന്‍സികളുടെ സഹായത്തോടെയാണ് പദ്ധതി പ്രവര്‍ത്തിക്കുന്നത്; (ഡി)ഇതിനായി എന്തെല്ലാം കാര്യങ്ങള്‍ ചെയ്തിട്ടുണ്ട്; വിശദാംശങ്ങള്‍ എന്തെല്ലാം ?
3530	ശ്രുതി തരംഗം എന്ന കോക്ളിയര്‍ ഇംപ്ളാന്റേഷന്‍ പദ്ധതി ശ്രീമതി കെ.എസ്.സലീഖ (എ)സംസ്ഥാന സര്‍ക്കാര്‍ രൂപം നല്‍കിയ സാമൂഹ്യക്ഷേമ വകുപ്പിന്റെ ആഭിമുഖ്യത്തിലുളള ശ്രുതി തരംഗം എന്ന കോക്ളിയാര്‍ ഇംപ്ളാന്റേഷന്‍ പദ്ധതി പ്രകാരം നാളിതുവരെ എത്ര കുട്ടികളെ സര്‍ജറിക്ക് വിധേയരാക്കുകയുണ്ടായി; ജില്ല തിരിച്ച് വ്യക്തമാക്കാമോ; (ബി)ജന്മനാ ബധിരരായ 5 വയസ് വരെ പ്രായമുളള കുട്ടികള്‍ക്ക് ശ്രവണ സംസാര ശേഷി കൈവരിക്കുന്നതിന് ഇതേവരെ എന്ത് തുക ചെലവഴിച്ചു; ഓരോ കുട്ടിക്കും സര്‍ജറിക്ക് എത്ര തുക വീതം അനുവദിക്കുന്നു; വിശദമാക്കുമോ; (സി)പ്രസ്തുത പദ്ധതി നടത്തിപ്പിനായി സംസ്ഥാനത്ത് ഏതൊക്കെ സര്‍ക്കാര്‍/സ്വകാര്യ ആശുപത്രികളെയാണ് തിരഞ്ഞെടുത്തി ട്ടുളളത്; വ്യക്തമാക്കുമോ; (ഡി)ആരോഗ്യ വകുപ്പിന്റെ സഹകരണത്തോടെ നടത്തുന്ന പ്രസ്തുത പദ്ധതി പ്രകാരം ചെലവഴിക്കുന്ന തുക എപ്രകാരമാണ് സ്വരൂപിക്കുന്നത്; വിശദമാക്കുമോ? (ഇ)ജന്മനാ ബധിരരായ 5 വയസ് വരെ പ്രായമുളള എത്ര കുട്ടികള്‍ സംസ്ഥാനത്തുണ്ടെന്നാണ് മനസ്സിലാക്കിയിട്ടുളളത്; ഇതില്‍ എത്ര കുട്ടികള്‍ക്കു കൂടി ഈവര്‍ഷം ചികിത്സ നടത്താന്‍ കഴിയുമെന്നാണ് പ്രതീക്ഷിക്കുന്നത്; വിശദമാക്കുമോ; (എഫ്)കോക്ളിയാര്‍ ഇംപ്ളാന്റേഷന്‍ പദ്ധതി പ്രകാരം ശസ്ത്രക്രിയ നടത്തുന്ന കുട്ടികള്‍ക്കുളള തുടര്‍ ചികിത്സ ലഭ്യമാക്കുന്നതിന് എന്തൊക്കെ നടപടികളാണ് സ്വീകരിക്കുവാന്‍ ഉദ്ദേശിക്കുന്നത്; വിശദമാക്കുമോ?
3531	കോക്ളിയാര്‍ ഇംപ്ളാന്റേഷന്‍ പദ്ധതി ശ്രീ. വി. ശശി (എ)കോക്ളിയാര്‍ ഇംപ്ളാന്റേഷന്‍ പദ്ധതിക്കായി വകയിരുത്തിയ 6 കോടി രൂപയില്‍ നടപ്പുവര്‍ഷം എത്രകോടി രൂപ ചെലവഴിച്ചു; പ്രസ്തുത തുക എന്തെല്ലാം പരിപാടികള്‍ക്കാണ് ചെലവഴിച്ചതെന്ന് പറയാമോ; (ബി)കോക്ളിയാര്‍ ഇംപ്ളാന്റേഷന്‍ പദ്ധതിപ്രകാരം ധനസഹായത്തിനായി എത്ര അപേക്ഷകള്‍ ലഭിച്ചു; അതിന്‍പ്രകാരം എത്ര പേര്‍ക്ക് ധനസഹായം നല്‍കിയെന്നും ഇതിനായി എന്ത് തുക ചെലവഴിച്ചുവെന്നും വെളിപ്പെടുത്തുമോ; (സി)കോക്ളിയാര്‍ ഇംപ്ളാന്റേഷന്‍ നടത്തിയ കുട്ടികള്‍ക്ക് സ്പീച്ച് തെറാപ്പി നല്‍കുന്നതിന് പരിശീലനം നല്‍കുന്നതിനായി നീക്കിവച്ച 2 കോടി രൂപയില്‍ എന്തു തുക ചെലവഴിച്ചുവെന്ന് വെളിപ്പെടുത്തുമോ?
3532	മലപ്പുറം ജില്ലയിലെ കോക്ളിയര്‍ ഇംപ്ളാന്റേഷന്‍ പദ്ധതി ശ്രീ. റ്റി. എ. അഹമ്മദ് കബീര്‍ ,, സി. മമ്മൂട്ടി (എ)കോക്ളിയര്‍ ഇംപ്ളാന്റേഷന്‍ പദ്ധതിയിലേയ്ക്ക് നാളിതുവരെ എത്ര അപേക്ഷകള്‍ ലഭിച്ചിട്ടുണ്ടെന്നും എത്രപേര്‍ക്ക് കോക്ളിയര്‍ ഇംപ്ളാന്റേഷന്‍ ചെയ്ത് നല്‍കിയിട്ടുണ്ടെന്നും വ്യക്തമാക്കുമോ; (ബി)മലപ്പുറം ജില്ലയിലെ എത്ര കുട്ടികള്‍ക്ക് കോക്ളിയാര്‍ ഇംപ്ളാന്റേഷന്‍ നല്‍കിയിട്ടുണ്ടെന്നും അവര്‍ ആരെല്ലാമാണെന്നും വ്യക്തമാക്കുമോ ?
3533	വിധവകളുടെ പെണ്‍മക്കളുടെ വിവാഹത്തിന് ധനസഹായം ശ്രീ. അബ്ദുറഹിമാന്‍ രണ്ടത്താണി (എ)ഈ സര്‍ക്കാര്‍ അധികാരത്തില്‍ വന്നതിന് ശേഷം വിധവകളുടെ പെണ്‍മക്കളുടെ വിവാഹത്തിന് ധനസഹായം നല്‍കുന്ന പദ്ധതി പ്രകാരം എത്ര പേര്‍ക്ക് ധനസഹായം അനുവദിച്ചെന്ന് വ്യക്താമക്കുമോ; (ബി)ഈ പദ്ധതി പ്രകാരം ധനസഹായം അനുവദിക്കുന്നതിന് എന്തെല്ലാം രേഖകകളാണ് നല്‍കേണ്ടതെന്ന് വ്യക്തമാക്കുമോ; (സി)വിവാഹം നടന്നശേഷം ലഭ്യമാകുന്ന അപേക്ഷകള്‍ പരിഗണിക്കുന്നതിന് എന്തെല്ലാം നടപടി ക്രമങ്ങള്‍ പാലിക്കണമെന്ന് വ്യക്തമാക്കുമോ?
3534	വികലാംഗ കോര്‍പ്പറേഷന്‍ ക്ഷേമപദ്ധതികള്‍ ശ്രീ. ചിറ്റയം ഗോപകുമാര്‍ (എ)അടൂര്‍ മണ്ഡലത്തില്‍ വികലാംഗക്ഷേമ കോര്‍പ്പറേഷന്‍ കഴിഞ്ഞ അഞ്ചുവര്‍ഷക്കാലം വികലാംഗരുടെ ജീവിതനിലവാരം ഉയര്‍ത്തുന്നതിനും ക്ഷേമത്തിനുമായി ഏതെല്ലാം പദ്ധതികള്‍ നടപ്പിലാക്കിയിട്ടുണ്ട് എന്നതിന്റെ വിശദാംശം അറിയിക്കുമോ; (ബി)ഓരോ പദ്ധതിയ്ക്കും ഗുണഭോക്താക്കളായവരുടെ ലിസ്റ് പദ്ധതി തിരിച്ച് വാര്‍ഷിക ക്രമത്തില്‍ ലഭ്യമാക്കുമോ; (സി)പ്രസ്തുത പദ്ധതികള്‍ക്കായി എത്ര തുക ചെലവഴിച്ചുവെന്നത് പദ്ധതി തിരിച്ച് പ്രതിവര്‍ഷക്കണക്കില്‍ അറിയിക്കുമോ?
3535	വികലാംഗരെ സ്ഥിരപ്പെടുത്തുന്ന ഉത്തരവ് ശ്രീ. പി. തിലോത്തമന്‍ (എ)എംപ്ളോയ്മെന്റ് എക്സ്ചേഞ്ചുകള്‍ വഴി താല്ക്കാലിക നിയമനം ലഭിക്കുന്ന വികലാംഗരെ സ്ഥിരപ്പെടുത്തിക്കൊണ്ട് പിന്നീട് ഇറങ്ങുന്ന ഉത്തരവുകളില്‍ മുന്‍ ഉത്തരവുകളില്‍ ഉള്‍പ്പെട്ടുപോയി എന്ന ഒറ്റക്കാരണത്താല്‍ പിന്നീട് പരിഗണിക്കാതിരിക്കുകയും അവരെ അടുത്ത ഉത്തരവില്‍ ഉള്‍പ്പെടുത്താതിരിക്കുകയും ചെയ്യുന്നത് എന്തുെകൊണ്ടാണെന്ന് പറയാമോ ; (ബി)ഇപ്രകാരം തുടര്‍ന്നുള്ള ലിസ്റില്‍ നിന്ന് വികലാംഗരെ ഒഴിവാക്കുന്നതിലൂടെ ഇവര്‍ക്കു ലഭിക്കേണ്ട പ്രൊമോഷനും മറ്റാനുകൂല്യങ്ങളും നഷ്ടപ്പെടുന്നു എന്നകാര്യം ശ്രദ്ധയില്‍പ്പെട്ടിട്ടുണ്ടോ; (സി)ഇവര്‍ക്കുവേണ്ടി സര്‍ക്കാര്‍ മാറ്റിവെയ്ക്കുന്ന ഒഴിവുകള്‍ മറ്റാര്‍ക്കും നല്‍കുന്നില്ല എന്നിരിക്കേ ഇവരെ വീണ്ടും ഉത്തരവുകളില്‍ ഉള്‍പ്പെടുത്താത്തതുകൊണ്ട് ആര്‍ക്കാണ് പ്രയോജനം എന്നു വ്യക്തമാക്കുമോ ; (ഡി)വികലാംഗര്‍ക്ക് ജോലി ലഭിക്കാനും മെച്ചപ്പെട്ട ജോലികള്‍ക്ക് സാധ്യതയുണ്ടാക്കുന്നതിനും വേണ്ടി ഒരിക്കല്‍ ഒരു ഉത്തരവിലൂടെ സ്ഥിരം നിയമനം ലഭിച്ചവര്‍ക്ക് തുടര്‍ന്നുള്ള ഉത്തരവിലും ഉള്‍പ്പെടാന്‍ അര്‍ഹതയുണ്ടെങ്കില്‍ അപ്രകാരം ഉള്‍പ്പെടുത്തുന്നതിന് നടപടി സ്വീകരിക്കുമോ?
3536	എംപ്ളോയ്മെന്റ് എക്സ്ചേഞ്ച് നിയമിതരായ വികലാംഗരെ സ്ഥിരപ്പെടുത്തല്‍ ശ്രീ. പി. കെ. ബഷീര്‍ എംപ്ളോയ്മെന്റ് എക്സ്ചേഞ്ച് വഴി 179 ദിവസം പൂര്‍ത്തിയാക്കിയ വികലാംഗരായ ജീവനക്കാരെ സ്ഥിരപ്പെടുത്താന്‍ ഉത്തരവിറക്കിയിട്ടുണ്ടോ; എങ്കില്‍ ആയതിന്റെ വിശദാംശങ്ങള്‍ വെളിപ്പെടുത്തുമോ ?
3537	വികലാംഗര്‍ക്കുള്ള ത്രീവീലര്‍ മോട്ടോര്‍സൈക്കിളുകളുടെ വിതരണം ശ്രീ. റ്റി. വി. രാജേഷ് സാമൂഹ്യ നീതി വകുപ്പിന്റെ കീഴില്‍ വികലാംഗര്‍ക്ക് ത്രീവീലര്‍ മോട്ടോര്‍ സൈക്കിള്‍ ലഭ്യമാക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദാംശം നല്‍കുമോ ?
3538	ആധുനിക മോഡല്‍ അംഗനവാടികള്‍ ശ്രീ. ഡൊമിനിക് പ്രസന്റേഷന്‍ '' ഐ.സി. ബാലകൃഷ്ണന്‍ '' എ.റ്റി. ജോര്‍ജ് '' ആര്‍. സെല്‍വരാജ് (എ)സംസ്ഥാനത്ത് ആധുനിക മോഡല്‍ അംഗനവാടികള്‍ തുടങ്ങുന്നതിന് പദ്ധതി രൂപീകരിച്ചിട്ടുണ്ടോ; വിശദമാക്കുമോ; (ബി)പദ്ധതിയുടെ ഉദ്ദേശ്യ ലക്ഷ്യങ്ങള്‍ എന്തൊക്കെയാണ് ; വിശദാംശം വ്യക്തമാക്കുമോ; (സി)എന്തെല്ലാം സൌകര്യങ്ങളാണ് പദ്ധതിയനുസരിച്ച് അംഗനവാടികളില്‍ ഒരുക്കാനുദ്ദേശിക്കുന്നത് വിശദമാക്കുമോ; (ഡി)ഈ പദ്ധതിയുടെ അടങ്കല്‍ തുക എത്രയാണ്; വിശദാംശം നല്‍കുമോ; (ഇ)പദ്ധതി നടത്തിപ്പിനായി എന്തെല്ലാം നടപടികള്‍ എടുത്തിട്ടുണ്ട്; വിശദമാക്കുമോ?
3539	മാതൃകാ അംഗനവാടി ശ്രീ. വി. ശശി (എ)ഓരോ നിയമസഭാ നിയോജകമണ്ഡലത്തിലും ഓരോ മാതൃകാ അംഗനവാടി സ്ഥാപിക്കാനായി നീക്കിവച്ചിട്ടുള്ള 5 കോടി രൂപയില്‍ എത്ര തുക ചെലവഴിച്ചു ; (ബി)എത്ര നിയോജകമണ്ഡത്തില്‍ മാതൃകാ അംഗന്‍വാടി സ്ഥാിക്കാന്‍ നടപടി സ്വീകരിച്ചു ; എവിടെയെല്ലാം അംഗന്‍വാടി സ്ഥാപിച്ചുവെന്നും വ്യക്തമാക്കുമോ ?
3540	മാതൃകാ അംഗനവാടികള്‍ ശ്രീ. സി. കൃഷ്ണന്‍ (എ)അംഗനവാടികളെ മാതൃകാ അംഗനവാടികളായി തെരഞ്ഞടുത്തിട്ടുണ്ടോ; എങ്കില്‍, എത്ര അംഗന്‍വാടികളെന്ന് ജില്ല തിരിച്ച് വിശദമാക്കാമോ; (ബി)കണ്ണൂര്‍ ജില്ലയില്‍ എത്ര അംഗനവാടികളെ മാതൃകാ അംഗന്‍വാടികളായി തെരഞ്ഞെടുത്തിട്ടുണ്ടെന്നും അവ ഏതെല്ലാമാണെന്നും അറിയിക്കുമോ; (സി)മാതൃകാ അംഗനവാടികളായി തെരഞ്ഞെടുത്ത അംഗനവാടികള്‍ക്ക് എന്തെല്ലാം സൌകര്യങ്ങള്‍ ഒരുക്കാനാണ് തീരുമാനിച്ചിട്ടുള്ളതെന്ന് വിശദമാക്കാമോ?
3541	കാസര്‍ഗോഡ് ജില്ലയി അംഗനവാടികള്‍ ശ്രീ. കെ. കുഞ്ഞിരാമന്‍ (തൃക്കരിപ്പൂര്‍) താഴെ കാണുന്ന ചോദ്യങ്ങള്‍ക്ക് (എ)കാസര്‍ഗോഡ് ജില്ലയില്‍, നിലവില്‍ എത്ര അംഗനവാടികള്‍ ഉണ്ടെന്ന് വ്യക്തമാക്കുമോ; (ബി)ഈ സര്‍ക്കാര്‍ അധികാരത്തില്‍ വന്ന ശേഷം എത്ര അംഗനവാടികള്‍ നിലവില്‍ വന്നിട്ടുണ്ടെന്ന് അറിയിക്കാമോ; സ്വന്തമായി സ്ഥലമുള്ള അംഗനവാടികള്‍ക്ക് കെട്ടിടം നിര്‍മ്മിക്കാനുള്ള നടപടി ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കാമോ ?
3542	വൈപ്പിന്‍ മണ്ഡലത്തിലെ അംഗനവാടികള്‍ ശ്രീ. എസ്. ശര്‍മ്മ (എ)വൈപ്പിന്‍ മണ്ഡലത്തിലെ അംഗനവാടികള്‍ എത്രയെന്ന് പഞ്ചായത്ത് തിരിച്ച് വ്യക്തമാക്കാമോ; (ബി)അംഗനവാടി വര്‍ക്കര്‍ തസ്തികയില്‍ നിലവില്‍ എത്ര ഒഴിവുകള്‍ ഉണ്ടെന്നും, ഇതിനുള്ള നിശ്ചിത യോഗ്യത എന്തെന്നും വ്യക്തമാക്കാമോ; (സി)ഈ തസ്തികയിലേക്ക് താല്ക്കാലിക നിയമനം നടത്തുന്നതിന് സ്വീകരിച്ച മാനദണ്ഡം എന്തെന്ന് വ്യക്തമാക്കാമോ ?
3543	മാതൃകാ അംഗനവാടികള്‍ സ്ഥാപിക്കുന്നതിനുള്ള പദ്ധതി ശ്രീ. പി. കെ. ഗുരുദാസന്‍ '' എ. എം. ആരിഫ് '' എ. പ്രദീപ് കുമാര്‍ ശ്രീമതി കെ. എസ്. സലീഖ (എ)സംസ്ഥാനത്ത് എല്ലാ മണ്ഡലങ്ങളിലും മാതൃകാ അംഗനവാടികള്‍ സ്ഥാപിക്കാനുള്ള പദ്ധതി നടപ്പിലാക്കിയിട്ടുണ്ടോ; മാതൃകാ അംഗനവാടിയെ സംബന്ധിച്ച് വിശദമാക്കാമോ; (ബി)ഇതിന് മാത്രമായി ബഡ്ജറ്റില്‍, തുക വകയിരുത്തുകയുണ്ടായോ; എന്തു തുക വിനിയോഗിച്ചു; (സി)എല്ലാ മണ്ഡലങ്ങളിലും മാതൃകാ അംഗനവാടികള്‍ നിലവില്‍ വന്നിട്ടുണ്ടോ ; വിശദമാക്കാമോ?
3544	സംസ്ഥാനത്തെ അംഗനവാടികളുടെ എണ്ണം ശ്രീ. മുല്ലക്കര രത്നാകരന്‍ (എ)സംസ്ഥാനത്ത് ഇപ്പോള്‍ എത്ര അംഗനവാടികള്‍ നിലവിലുണ്ട് എന്ന് വ്യക്തമാക്കുമോ; (ബി)ഇവയുടെ ജില്ല തിരിച്ചുളള കണക്കുകള്‍ വ്യക്തമാക്കാമോ; (സി)പുതുതായി അംഗവനവാടികള്‍ ആരംഭിക്കുന്ന കാര്യം പരിഗണിക്കുന്നുണ്ടോ?
3545	അടിസ്ഥാന സൌകര്യങ്ങള്‍ കുറവുള്ള അംഗനവാടികള്‍ ശ്രീ. എം. ഉമ്മര്‍ (എ)അടിസ്ഥാന സൌകര്യങ്ങള്‍ കുറവുള്ള അംഗനവാടികളെ സംബന്ധിച്ച് പഠനം നടത്തിയിട്ടുണ്ടോ ; വിശദാംശം നല്‍കുമോ ; (ബി)ഇത്തരം അംഗനവാടികളെ പ്രീ-പ്രൈമറിയിലേക്ക് മാറ്റുന്ന കാര്യം പരിഗണനയിലുണ്ടോ ; വിശംദാംശം നല്‍കുമോ ; (സി)ഉണ്ടെങ്കില്‍ ഇവ പ്രീ-പ്രൈമറിയായി മാറ്റുന്നതിനുള്ള നടപടികള്‍ ത്വരിതപ്പെടുത്തുമോ ?
3546	നാദാപുരം നിയോജക മണ്ഡലത്തിലെ അംഗനവാടികള്‍ ശ്രീ. ഇ. കെ. വിജയന്‍ (എ)നാദാപുരം നിയോജക മണ്ഡലത്തില്‍ എത്ര അംഗനവാടികള്‍ ഉണ്ടെന്നുള്ള കണക്ക് പഞ്ചായത്ത് തിരിച്ച് വ്യക്തമാക്കാമോ; (ബി)സ്വന്തമായി കെട്ടിടമില്ലാത്ത അംഗനവാടികള്‍ എത്രയെന്ന് വ്യക്തമാക്കാമോ; (സി)സ്വന്തമായി കെട്ടിടമില്ലാത്ത അംഗനവാടികള്‍ക്ക് കെട്ടിടം നിര്‍മ്മിക്കാന്‍ ആവശ്യമായ എന്തൊക്കെ നടപടികളാണ് സ്വീകരിച്ചിട്ടുള്ളത് ?
3547	അംഗനവാടികള്‍ക്ക് കെട്ടിടം ശ്രീമതി. പി. അയിഷാ പോറ്റി (എ)സാമൂഹ്യക്ഷേമ വകുപ്പിന് കീഴില്‍ കൊട്ടാരക്കര നിയോജകണ്ഡലത്തില്‍ എത്ര അംഗനവാടികള്‍ പ്രവര്‍ത്തിക്കുന്നുണ്ടെന്ന് വ്യക്തമാക്കുമോ; (ബി)സ്വന്തമായി സ്ഥലമുള്ള എത്ര അംഗനവാടികളുണ്ടെന്നും എത്ര സ്ഥലമുണ്ടെന്നുമുള്ള വിവരം വെളിപ്പെടുത്തുമോ; (സി)സ്വന്തമായി സ്ഥലമുള്ള അംഗനവാടികളില്‍ സ്വന്തം കെട്ടിടം ഇല്ലാത്ത എത്ര അംഗനവാടികളുണ്ട്; അവ ഏതെല്ലാമാണ്; പ്രസ്തുത അംഗന്‍വാടികള്‍ക്ക് സ്വന്തം കെട്ടിടം നിര്‍മ്മിക്കാന്‍ എന്തെല്ലാം നടപടികള്‍ സ്വീകരിക്കും; വിശദമാക്കുമോ ?
3548	അംഗനവാടികള്‍ക്ക് കെട്ടിടം ശ്രീ. ആര്‍. രാജേഷ് (എ)സാമൂഹ്യക്ഷേമവകുപ്പ് അംഗനവാടികള്‍ക്ക് കെട്ടിടം നിര്‍മ്മിക്കുന്നതിന് ധനസഹായം അനുവദിക്കാറുണ്ടോ; ഇതിനുള്ള മാനദണ്ഡം എന്താണ്; (ബി)മാവേലിക്കര മണ്ഡലത്തില്‍ എത്ര അംഗനവാടികള്‍ക്ക് കെട്ടിടം നിര്‍മ്മിക്കുന്നതിനായി എം.എല്‍.എ. ശുപാര്‍ശ ചെയ്തിട്ടുണ്ട്; ഏതൊക്കെ; ഇതിന്‍മേല്‍ സ്വീകരിച്ച നടപടികള്‍ എന്തൊക്കെ; വിശദമാക്കാമോ; (സി)മാവേലിക്കര മണ്ഡലത്തില്‍ മാതൃകാ അംഗനവാടികള്‍ ആരംഭിക്കുന്നതിലേയ്ക്കായി എം.എല്‍.എ. കത്ത് നല്‍കിയിട്ടുണ്ടോ; ഇതിനാവശ്യമായ സ്ഥലം ഏറ്റെടുത്ത് നല്‍കിയിട്ടുണ്ടോ; മോഡല്‍ അംഗനവാടി ആരംഭിക്കുന്നതിലേയ്ക്കായി അടിയന്തിര നടപടി സ്വീകരിക്കുമോ?
3549	അംഗനവാടി ജീവനക്കാരുടെ പ്രശ്നങ്ങള്‍ ശ്രീ. ജോസ് തെറ്റയില്‍ ,, മാത്യു. റ്റി. തോമസ് ,, സി. കെ. നാണു ശ്രിമതി. ജമീലാ പ്രകാശം (എ)അംഗനവാടി ജീവനക്കാരുടെ പ്രശ്നങ്ങളെ സംബന്ധിച്ച് സാമൂഹ്യക്ഷേമ വകുപ്പ് ഡയറക്ടര്‍ റിപ്പോര്‍ട്ട് സമര്‍പ്പിച്ചിട്ടുണ്ടോ ; (ബി)ഉണ്ടെങ്കില്‍ ഇതിന്മേല്‍ എന്ത് നടപടിയാണ് സ്വീകരിച്ചിട്ടുള്ളതെന്ന് വിശദമാക്കുമോ ; (സി)അംഗനവാടി ജീവനക്കാര്‍ക്ക് നല്‍കുന്ന പരിമിതമായ ഓണറേറിയത്തെക്കുറിച്ച് സര്‍ക്കാര്‍ വിലയിരുത്തിയിട്ടുണ്ടോ ; (ഡി)ഉണ്ടെങ്കില്‍ ഇത് വര്‍ദ്ധിപ്പിക്കാന്‍ നടപടി സ്വീകരിക്കുമോ ?
3550	അംഗന്‍വാടി ജീവനക്കാര്‍ക്ക് ക്ഷേമനിധി വിഹിതം ശ്രീ. ബി. സത്യന്‍ (എ)അംഗനവാടി വര്‍ക്കേഴ്സ് & ഹെല്‍പ്പേഴ്സ് വെല്‍ഫെയര്‍ ബോര്‍ഡില്‍ അംഗങ്ങളായ അംഗനവാടി വര്‍ക്കേഴ്സിനും ഹെല്‍പ്പേഴ്സിനും എത്ര രൂപവീതമാണ് ക്ഷേമനിധി വിഹിതം അടയ്ക്കേണ്ടത്; ഇതില്‍ മാറ്റം വരുത്തുവാന്‍ തീരുമാനിച്ചിട്ടുണ്ടോ; ഉണ്ടെങ്കില്‍ എത്ര വീതമാണെന്നും വ്യക്തമാക്കുമോ; (ബി)ഇവര്‍ക്ക് എത്ര രൂപവീതമാണ് നിലവില്‍ പെന്‍ഷന്‍ നല്‍കിക്കൊണ്ടിരിക്കുന്നത്; ഇവരുടെ പെന്‍ഷന്‍ വര്‍ദ്ധിപ്പിക്കാന്‍ തീരുമാനിച്ചിട്ടുണ്ടോ; ഉണ്ടെങ്കില്‍ എത്ര വീതം; വിശദമാക്കുമോ; (സി)അംഗനവാടി ജീവനക്കാരെ സര്‍ക്കാര്‍ ജീവനക്കാരായി അംഗീകരിക്കാന്‍ നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ വിശദ വിവരം ലഭ്യമാക്കുമോ ?
3551	അംഗനവാടി വര്‍ക്കര്‍മാരുടേയും ഹെല്‍പ്പര്‍മാരുടേയും പെന്‍ഷന്‍ പദ്ധതി ശ്രീ. സി. കൃഷ്ണന്‍ (എ)കഴിഞ്ഞ സര്‍ക്കാര്‍ നടപ്പിലാക്കിയ അംഗന്‍വാടി വര്‍ക്കര്‍മാരുടേയും ഹെല്‍പ്പര്‍മാരുടേയും പെന്‍ഷന്‍ പദ്ധതി കാലോചിതമായി പരിഷ്ക്കരിക്കാനുള്ള നിര്‍ദ്ദേശം പരിഗണനയിലുണ്ടോ; വിശദമാക്കുമോ; (ബി)വളരെ കുറഞ്ഞ തുക പെന്‍ഷന്‍ ലഭിക്കുന്ന പ്രസ്തുത ജീവനക്കാരുടെ പെന്‍ഷന്‍ വര്‍ദ്ധിപ്പിക്കുന്നതിന് നടപടി സ്വീകരിക്കുമോ?
3552	ഐ.സി.ഡി.എസ്.-കള്‍ക്ക് സ്വന്തമായി കെട്ടിടം ശ്രീ. കെ. കുഞ്ഞിരാമന്‍ (തൃക്കരിപ്പൂര്‍) (എ)കാസര്‍ഗോഡ് ജില്ലയില്‍ പുതുതായി അനുവദിച്ച ഐ.സി.ഡി.എസ്.കള്‍ക്ക് സ്വന്തമായി കെട്ടിടം നിര്‍മ്മിക്കാന്‍ നടപടി സ്വീകരിക്കുമോ; (ബി)പ്രോജക്ടിന് കീഴില്‍ പുതുതായി എത്ര അംഗനവാടികള്‍ അനുവദിച്ചിട്ടുണ്ടെന്ന് വ്യക്തമാക്കുമോ ?
3553	പയ്യന്നൂര്‍ ഐ.സി.ഡി.എസ് പ്രോജക്ട് ഓഫീസിലെ ജീവനക്കാര്‍ക്ക് ലഭിക്കേണ്ടുന്ന ആനുകൂല്യങ്ങള്‍ ശ്രീ. സി. കൃഷ്ണന്‍ (എ)കണ്ണൂര്‍ ജില്ലയില്‍ പയ്യന്നൂര്‍ ഐ.സി.ഡി.എസ് പ്രോജക്ട് ഓഫീസില്‍ നിന്നും റിട്ടയര്‍ ചെയ്ത ശേഷം മരണപ്പെട്ട ഡ്രൈവര്‍ ശ്രീ. കെ.വി. രാഘവന്റെ വിധവ, 01.03.2002 നും 30.06.2004 നും ഇടയില്‍ വിരമിച്ച ജീവനക്കാര്‍ക്ക് സര്‍ക്കാര്‍ ഉത്തരവ് പ്രകാരം ലഭിക്കേണ്ടുന്ന ആനുകൂല്യങ്ങള്‍ക്കായി അപേക്ഷ നല്‍കിയിട്ടുണ്ടോ; (ബി)അപേക്ഷ പരിഗണിച്ച് ആനുകൂല്യം അനുവദിക്കാന്‍ കാലതാമസം വന്നതിന്റെ കാരണം വിശദമാക്കുമോ; (സി)പ്രസ്തുത ആനുകൂല്യങ്ങള്‍ നല്‍കാന്‍ എത്രയും വേഗം നടപടി സ്വീകരിക്കുമോ?
<<back

Website maintained by Information System Section, Kerala Legislative Assembly, Thiruvananthapuram.