Questions

സീ പ്ളെയിന്‍ സര്‍വ്വീസ് പദ്ധതി

ശ്രീ. ഹൈബി ഈഡന്‍

,, വി. പി. സജീന്ദ്രന്‍

,, ഐ. സി. ബാലകൃഷ്ണന്‍

,, സണ്ണി ജോസഫ്

താഴെ കാണുന്ന ചോദ്യങ്ങള്‍ക്ക്പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)സീ പ്ളെയിന്‍ സര്‍വ്വീസ് പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമാണ്;

(ബി)പ്രസ്തുതപദ്ധതിക്കു കേന്ദ്രാനുമതി ലഭിച്ചിട്ടുണ്ടോ;

(സി)ഏതെല്ലാം വിനോദസഞ്ചാരകേന്ദ്രങ്ങളിലാണ് പദ്ധതി നടപ്പാക്കുന്നത്;

(ഡി)ഏതെല്ലാം വിമാനത്താവളങ്ങള്‍ കേന്ദ്രീകരിച്ചാണ് പദ്ധതി പ്രകാരം സര്‍വ്വീസുകള്‍ നടത്തുന്നത്;

(ഇ)വിനോദസഞ്ചാരവികസനം ലക്ഷ്യമാക്കിയുള്ള പദ്ധതി ഉള്‍നാടന്‍ ഗതാഗതമേഖലയ്ക്ക് എത്രമാത്രം ഉണര്‍വു നല്‍കുമെന്നാണു പ്രതീക്ഷിക്കുന്നത്; വിശദമാക്കുമോ?

മഴവെള്ള സംഭരണത്തിനും ഭൂജലപരിപോഷണത്തിനുമുള്ള പദ്ധതികള്‍

ശ്രീ. പി. എ. മാധവന്‍

,, കെ. ശിവദാസന്‍ നായര്‍

,, പി. സി. വിഷ്ണുനാഥ്

,, ലൂഡി ലൂയിസ്

താഴെ കാണുന്ന ചോദ്യങ്ങള്‍ക്ക്ജലവിഭവ വകുപ്പുമന്ത്രിസദയം മറുപടി നല്‍കുമോ:

(എ)മഴവെള്ള സംഭരണത്തിനും ഭൂജലപരിപോഷണത്തിനുമായി പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(സി)ഏതെല്ലാം ഏജന്‍സികളുടെ സഹായത്തോടെയാണ് പ്രസ്തുത പദ്ധതി നടപ്പാക്കാനുദ്ദേശിക്കുന്നതെന്നറിയിക്കുമോ;

(ഡി)എന്തെല്ലാം സഹായങ്ങളാണ് പ്രസ്തുത പദ്ധതിക്ക് ലഭ്യമാകുന്നതെന്നറിയിക്കുമോ;

(ഇ)പ്രസ്തുത പദ്ധതി നടപ്പാക്കുന്നതിന് എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ടെന്ന് വിശദമാക്കുമോ?

ശുദ്ധജലവിതരണ-ജലസേചന പദ്ധതികള്‍ക്കായി നീക്കിവെച്ച തുക

ശ്രീ. വി. ചെന്താമരാക്ഷന്‍

,, ജി. സുധാകരന്‍

,, എ. പ്രദീപ്കുമാര്‍

,, ബി. ഡി. ദേവസ്സി

താഴെ കാണുന്ന ചോദ്യങ്ങള്‍ക്ക്ജലവിഭവ വകുപ്പുമന്ത്രിസദയം മറുപടി നല്‍കുമോ:

(എ)പദ്ധതി കാലയളവ് പിന്നിടാറായിട്ടും ശുദ്ധജല വിതരണത്തിനായി അനുവദിച്ച തുകയുടെ 43.5 ശതമാനവും, ജലസേചനത്തിനായി അനുവദിച്ച തുകയുടെ 42.5 ശതമാനവും മാത്രം വിനിയോഗിക്കാനിടയായതിന്റെ സാഹചര്യം വിശദമാക്കുമോ;

(ബി)പദ്ധതി വിഹിതമായി ശുദ്ധജലവിതരണത്തിന് നീക്കിവെച്ച തുകയുടെ 37 ശതമാനവും ജലസേചനത്തിനായി നീക്കിവെച്ച തുകയുടെ 27 ശതമാനവും മാത്രം ചെലവഴിച്ചത് എന്തകൊണ്ടെന്നറിയിക്കുമോ;

(സി)2011-12-ലെ ബജറ്റില്‍ ജലസേചനത്തിനായി നീക്കിവെച്ചതിന്റെ 62 ശതമാനവും ശുദ്ധജല വിതരണത്തിനായി നീക്കിവച്ച തുകയുടെ 38 ശതമാനവും വിനിയോഗിക്കാന്‍ കഴിയാതിരുന്നതിന്റെ കാരണം വിലയിരുത്തിയിട്ടുണ്ടോ; എങ്കില്‍ വിശദമാക്കുമോ?

അന്യസംസ്ഥാന തൊഴിലാളികളെ കുറിച്ച് ഗുലാത്തി ഇന്‍സ്റിറ്റ്യൂട്ട് നടത്തിയ പഠനം

ശ്രീ. സി. കൃഷ്ണന്‍

,, എളമരം കരീം

,, എം. ഹംസ

,, കെ.കെ. ജയചന്ദ്രന്‍

താഴെ കാണുന്ന ചോദ്യങ്ങള്‍ക്ക്തൊഴിലും പുനരധിവാസവും വകുപ്പുമന്ത്രിസദയം മറുപടി നല്‍കുമോ:

(എ)അന്യസംസ്ഥാന തൊഴിലാളികളെ കുറിച്ച് ഗുലാത്തി ഇന്‍സ്റിറ്റ്യൂട്ട് നടത്തിയ പഠന റിപ്പോര്‍ട്ടിലെ പ്രധാന നിര്‍ദ്ദേശങ്ങള്‍ എന്തൊക്കെയാണ്; ഇതിനെ കുറിച്ചുള്ള സര്‍ക്കാരിന്റെ നിലപാട് അറിയിക്കാമോ;

(ബി)ഇവരുടെ തൊഴില്‍-ജീവിത സാഹചര്യങ്ങള്‍ മെച്ചപ്പെടുത്തുന്നതിനായി എന്തൊക്കെ നടപടികളാണ് സ്വീകരിക്കാനുദ്ദേശിക്കുന്നത്; വിശദമാക്കുമോ;

(സി)ഇതിനായി എന്തൊക്കെ പദ്ധതികള്‍ നടപ്പിലാക്കിയെന്നും ഓരോന്നിനും ചെലവഴിച്ച തുകയെത്രയെന്നും വ്യക്തമാക്കുമോ ?

'മാനസികാരോഗ്യനയം'

ശ്രീ. അബ്ദുറഹിമാന്‍ രണ്ടത്താണി

,, എം. ഉമ്മര്‍

,, പി. ബി. അബ്ദുള്‍ റസാക്

,, കെ. എം. ഷാജി

താഴെ കാണുന്ന ചോദ്യങ്ങള്‍ക്ക്ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രിസദയം മറുപടി നല്‍കുമോ:

(എ)മാനസികാരോഗ്യ നയം ആവിഷ്ക്കരിച്ചിട്ടുണ്ടോ; എങ്കില്‍ അതിന്റെ വിശദാംശം നല്കുമോ;

(ബി)സര്‍ക്കാര്‍/സര്‍ക്കാരിതര മാനസികാരോഗ്യ കേന്ദ്രങ്ങളുടെ പ്രവര്‍ത്തനം നിരീക്ഷിക്കാന്‍ നിലവിലുള്ള സംവിധാനം എന്താണെന്ന് വ്യക്തമാക്കുമോ;

(സി)സ്വകാര്യ മാനസികാരോഗ്യ കേന്ദ്രങ്ങള്‍ക്ക് ലൈസന്‍സിംഗ് സംവിധാനം ഏര്‍പ്പെടുത്തിയിട്ടുണ്ടോ; എങ്കില്‍ അതു സംബന്ധിച്ച വിശദാംശം നല്കാമോ;

(ഡി)പ്രാകൃത ചികിത്സാമുറകള്‍ ഇപ്പോഴും മാനസികാരോഗ്യ കേന്ദ്രങ്ങളില്‍ തുടര്‍ന്നുവരുന്നു എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതില്ലാതാക്കാന്‍ നടപടി സ്വീകരിക്കുമോ?

ക്ഷേമ പെന്‍ഷനുകളുടെ വിതരണം

ശ്രീ. സി. കെ. നാണു

ശ്രീമതി ജമീലാ പ്രകാശം

ശ്രീ. ജോസ് തെറ്റയില്‍

,, മാത്യു റ്റി. തോമസ്

താഴെ കാണുന്ന ചോദ്യങ്ങള്‍ക്ക്തൊഴിലും പുനരധിവാസവും വകുപ്പുമന്ത്രിസദയം മറുപടി നല്‍കുമോ:

(എ)തൊഴിലാളികള്‍ക്കുള്ള ക്ഷേമ പെന്‍ഷനുകള്‍ വിതരണം ചെയ്യുന്നതില്‍ ഉണ്ടാകുന്ന കാലതാമസം ശ്രദ്ധയില്‍പ്പെട്ടിട്ടുണ്ടോ;

(ബി)വിവിധ ക്ഷേമ പെന്‍ഷനുകള്‍ എത്ര മാസങ്ങളായി കുടിശ്ശികയായിട്ടുണ്ടെന്നുള്ള വിശദാംശങ്ങള്‍ ലഭ്യമാക്കാമോ;

(സി)ക്ഷേമ പെന്‍ഷനുകള്‍ കൃത്യമായി വിതരണം ചെയ്യുന്നതിനുള്ള നടപടി സ്വീകരിക്കുമോ?

കേരള വാട്ടര്‍ അതോറിറ്റിയുടെ പ്ളാന്റുകളില്‍ നിന്ന് കുടിവെള്ളം വില്പന

ശ്രീമതി ഗീതാ ഗോപി

ശ്രീ. വി. എസ്. സുനില്‍ കുമാര്‍

,, പി. തിലോത്തമന്‍

,, ഇ. ചന്ദ്രശേഖരന്‍

താഴെ കാണുന്ന ചോദ്യങ്ങള്‍ക്ക്ജലവിഭവ വകുപ്പുമന്ത്രിസദയം മറുപടി നല്‍കുമോ:

(എ)കേരള വാട്ടര്‍ അതോറിറ്റിയുടെ പ്ളാന്റുകളില്‍ നിന്ന് കുടിവെള്ളം വില്പന നടത്തുന്നുണ്ടോ ; എങ്കില്‍ ഒരു ടാങ്കര്‍ ലോറി കുടിവെള്ളത്തിന് എന്തു തുകയാണ് ഈടാക്കുന്നതെന്ന് വ്യക്തമാക്കുമോ ;

(ബി)അരുവിക്കരയിലെ വാട്ടര്‍ അതോറിറ്റി പ്ളാന്റില്‍ നിന്ന് കുടിവെള്ളം വാങ്ങുന്ന സ്വകാര്യ ടാങ്കര്‍ ലോറി ഉടമകള്‍ കൂടിയ വിലയ്ക്ക് കുടിവെള്ളം മറിച്ചു വില്ക്കുന്നത് ശ്രദ്ധയില്‍പ്പെട്ടിട്ടുണ്ടോ ;

(സി)സ്വകാര്യ ടാങ്കര്‍ ലോറി ഉടമകള്‍ എന്ത് ആവശ്യത്തിനാണ് പ്ളാന്റില്‍ നിന്ന് കുടിവെള്ളം വാങ്ങുന്നതെന്ന് അതോറിറ്റിയെ ബോദ്ധ്യപ്പെടുത്താറുണ്ടോ ;

(ഡി)സ്വകാര്യ ടാങ്കര്‍ ഉടമകള്‍ക്ക് വില്പന നടത്തുന്നതിനായി കുടിവെള്ളം വില്ക്കാന്‍ വാട്ടര്‍ അതോറിറ്റിയില്‍ വ്യവസ്ഥയുണ്ടോ ;

(ഇ)സ്വകാര്യ ടാങ്കറുകള്‍ വിതരണം ചെയ്യുന്ന കുടിവെള്ളത്തിന്റെ ഗുണനിലവാരം പരിശോധിക്കാന്‍ എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കുമോ ;

(എഫ്)കുടിവെള്ള വിതരണം നടത്തുന്നതിന് സ്വകാര്യ ടാങ്കറുകള്‍ക്ക് അംഗീകാരം നല്‍കുന്നതിന് വ്യവസ്ഥയുണ്ടോ ; എങ്കില്‍ എത്ര സ്വകാര്യ ടാങ്കറുകള്‍ക്ക് അംഗീകാരം നല്‍കിയിട്ടുണ്ടെന്ന്

വ്യക്തമാക്കുമോ ; പ്രസ്തുത വ്യവസ്ഥകള്‍ എന്തെല്ലാമെന്നറിയിക്കുമോ ;

(ജി)അംഗീകാരമില്ലാതെയും ഗുണനിലവാരമില്ലാതെയും കുടിവെള്ളം ടാങ്കറുകളില്‍ വിതരണം ചെയ്യുന്നവര്‍ക്കെതിരെ എന്തെല്ലാം നടപടികളാണ് സ്വീകരിച്ചു വരുന്നതെന്ന് വിശദമാക്കുമോ ?

കേരള മെഡിക്കല്‍ സര്‍വ്വീസസ് കോര്‍പ്പറേഷന്‍

ശ്രീ. സാജു പോള്‍

,, പി. ശ്രീരാമകൃഷ്ണന്‍

,, എ. എം. ആരിഫ്

,, റ്റി. വി. രാജേഷ്

താഴെ കാണുന്ന ചോദ്യങ്ങള്‍ക്ക്ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)കേരളാ മെഡിക്കല്‍ സര്‍വ്വീസസ് കോര്‍പ്പറേഷന്‍ മരുന്നു വാങ്ങുമ്പോള്‍ മരുന്നു കമ്പനികള്‍ ഗുണനിലവാരം തെളിയിക്കാനായി അനലിറ്റിക്കല്‍ ലബോറട്ടറിയുടെ സര്‍ട്ടിഫിക്കറ്റ് ഹാജരാക്കണമെന്ന നിബന്ധന നിലവിലുണ്ടോ ; ഇല്ലെങ്കില്‍ നല്‍കുന്ന മരുന്നുകളുടെ ഗുണനിലവാരം ഉറപ്പാക്കാന്‍ എന്തു മാര്‍ഗ്ഗമാണ് അവലംബിച്ചിരിക്കുന്നത് ;

(ബി)കോര്‍പ്പറേഷന്‍ മരുന്നുകള്‍ ലബോറട്ടറികളില്‍ അയച്ചു പരിശോധന നടത്തിയ ശേഷമാണോ ആശുപത്രികള്‍ക്ക് വിതരണം ചെയ്യുന്നത് ;

(സി)കോര്‍പ്പറേഷന്‍ വഴി വിതരണം ചെയ്ത മരുന്നുകളില്‍ 18 ശതമാനത്തിലധികം ഗുണനിലവാരമില്ലാതായതിന്റെ കാരണം പരിശോധിച്ചിട്ടുണ്ടോ ; വിശദാംശം ലഭ്യമാക്കുമോ ;

(ഡി)ഇക്കാര്യത്തില്‍ സ്വീകരിച്ച നടപടികള്‍ വിശദമാക്കാമോ ?

പട്ടികവര്‍ഗ്ഗക്ഷേമത്തിനായുള്ള കേന്ദ്രാവിഷ്കൃത പദ്ധതികള്‍

ശ്രീ. ആര്‍. രാജേഷ്

,, എ. കെ. ബാലന്‍

,, സി. കെ. സദാശിവന്‍

,, പുരുഷന്‍ കടലുണ്ടി

താഴെ കാണുന്ന ചോദ്യങ്ങള്‍ക്ക് പട്ടികവര്‍ഗ്ഗക്ഷേമവും യുവജനകാര്യവും കാഴ്ചബംഗ്ളാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)പട്ടികവര്‍ഗ്ഗ ക്ഷേമത്തിനായി ആവിഷ്കരിച്ച കേന്ദ്രാവിഷ്കൃത പദ്ധതികള്‍ ഉള്‍പ്പെടെയുളള പദ്ധതികള്‍ ലക്ഷ്യം നേടാനാകാതെ പോയതിന്റെ കാരണങ്ങള്‍ വിശകലനം ചെയ്തിട്ടുണ്ടോ; വിശദാംശം നല്‍കാമോ;

(ബി)കേന്ദ്രാവിഷ്കൃത പദ്ധതികള്‍ ഉള്‍പ്പെടെ ഒരോ പദ്ധതിയുടെയും നിലവിലെ അവസ്ഥ അറിയിക്കാമോ;

(സി)പദ്ധതിയേതര വിഹിതത്തില്‍ പകുതിപോലും ചെലവിടാന്‍ കഴിയാതിരുന്നതിന്റെ കാരണം പരിശോധിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?\

ഗാര്‍ഹിക തൊഴിലാളികളുടെ ജീവിത നിലവാരം

ശ്രീ. പി.ബി.അബ്ദുള്‍ റസാക്

ശ്രീ.അബ്ദുറഹിമാന്‍ രണ്ടത്താണി

,, എം.ഉമ്മര്‍

,, കെ.എം.ഷാജി

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)അന്താരാഷ്ട്ര തൊഴില്‍ സംഘടനയുടെ നിലവാരത്തിന്റെ അടിസ്ഥാനത്തില്‍ സംസ്ഥാനത്തുള്ള ഗാര്‍ഹിക തൊഴിലാളികളെ സംബന്ധിച്ച കണക്കെടുപ്പു നടത്തിയിട്ടുണ്ടോ;എങ്കില്‍ വിശദമാക്കുമോ;

(ബി)ഗാര്‍ഹിക തൊഴിലാളികളുടെ ജീവിത നിലവാരം, വേതനം,വിശ്രമം എന്നിവയെ സംബന്ധിച്ച വിവരശേഖരണം നടത്തിയിട്ടുണ്ടോ;

(സി)അതിന്റെ അടിസ്ഥാനത്തിലുള്ള കണ്ടെത്തലുകള്‍ എന്തെല്ലാമാണ്; അവരുടെ ജീവിത നിലവാരം മെച്ചപ്പെടുത്തുന്നതിന് എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

കേരള മെഡിക്കല്‍ സര്‍വ്വീസസ് കോര്‍പ്പറേഷന്‍

ശ്രീ. പി. കെ. ബഷീര്‍

,, എന്‍. എ. നെല്ലിക്കുന്ന്

,, റ്റി. എ. അഹമ്മദ് കബീര്‍

,, പി. ഉബൈദുളള

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)കേരള മെഡിക്കല്‍ സര്‍വ്വീസസ് കോര്‍പ്പറേഷന്‍ രൂപീകരിച്ചതിന്റെ ഉദ്ദേശലക്ഷ്യങ്ങള്‍ വിശദമാക്കുമോ;

(ബി)അവശ്യ മരുന്നുകള്‍ വിലകുറച്ച് രോഗികള്‍ക്ക് ലഭ്യമാക്കുന്നതിന്റെ ഭാഗമായി കോര്‍പ്പറേഷന്‍ എന്തൊക്കെ നടപടികള്‍ സ്വീകരിച്ചിട്ടുണ്ട്;

(സി)സ്ഥിരം രോഗികള്‍ക്ക് ആവശ്യമായ മരുന്നുകള്‍ പലതും, കോര്‍പ്പറേഷന്‍ ഔട്ട്ലെറ്റുകളില്‍ ലഭ്യമല്ലെന്ന ആക്ഷേപം ശ്രദ്ധയില്‍പെട്ടിട്ടുണ്ടോ;

(ഡി)എങ്കില്‍ അതു പരിഹരിക്കാന്‍ ആവശ്യമായ നടപടികള്‍ സ്വീകരിക്കുമോ?

മാനസിക രോഗ ചികില്‍സാ കേന്ദ്രങ്ങളുമായി ബന്ധപ്പെട്ട് വിദഗ്ധ സമിതിയെ നിയമിക്കുന്നതിന് നടപടി

ശ്രീ. കെ. മുഹമ്മദുണ്ണി ഹാജി

'' സി. മമ്മൂട്ടി

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്തെ മാനസിക രോഗ ചികില്‍സാ കേന്ദ്രങ്ങളിലെ അന്തേവാസികളുടെ മാനസിക ആരോഗ്യ നിലവാരം പരിശോധിക്കുന്നതിന് വിദഗ്ദ്ധരടങ്ങിയ ഒരു സമിതിയെ നിയോഗിക്കേണ്ടതിന്റെ ആവശ്യകത ബോദ്ധ്യപ്പെട്ടിട്ടുണ്ടോ;

(ബി)മാനസികാരോഗ്യമുള്ളവരെ സ്ഥാപിത താല്‍പര്യങ്ങള്‍ക്കുവേണ്ടി മാനസിക രോഗികളെന്ന വ്യാജേന ചികില്‍സാ കേന്ദ്രങ്ങളില്‍ പ്രവേശിപ്പിക്കാറുണ്ടെന്ന കാര്യം ശ്രദ്ധയില്‍ വന്നിട്ടുണ്ടോ;

(സി)മാനസികാരോഗ്യ കേന്ദ്രങ്ങള്‍ തുടരെ സന്ദര്‍ശിച്ച് സാമാന്യ നീതി നിഷേധിക്കപ്പെടുകയും സ്വതന്ത്ര ജീവിതത്തിനുള്ള അവസരം നഷ്ടപ്പെടുന്ന ഇത്തരക്കാരെ കണ്ടെത്തി മോചിപ്പിക്കുന്നതിനുവേണ്ടി, സാമൂഹ്യ, നിയമ മാനസികാരോഗ്യ മേഖലകളില്‍ പ്രവര്‍ത്തിക്കുന്നവരെ ഉള്‍പ്പെടുത്തി ഒരു സമിതി രൂപീകരിക്കുന്ന കാര്യം പരിഗണിക്കുമോ?

എന്‍ഡോസള്‍ഫാന്‍ ദുരിതബാധിതരുടെ പ്രശ്ന പരിഹാരത്തിനായി രൂപീകരിച്ച സെല്‍

ശ്രീ. കോടിയേരി ബാലകൃഷ്ണന്‍

പ്രൊഫ. സി. രവീന്ദ്രനാഥ്

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

'' കെ. കുഞ്ഞിരാമന്‍ (ഉദുമ)

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)എന്‍ഡോസള്‍ഫാന്‍ ദുരിതബാധിതരുടെ പ്രശ്നങ്ങള്‍ പരിഹരിക്കാനായി രൂപീകരിച്ച സെല്ലിന്റെ ഘടനയും അധികാരങ്ങളും അറിയിക്കുമോ;

(ബി)സെല്‍ ഇതുവരെ നടത്തിയ പ്രവര്‍ത്തനങ്ങള്‍ വിശദമാക്കാമോ;

(സി)അടിസ്ഥാന സൌകര്യ വികസനത്തിനായി എന്തൊക്കെ പ്രത്യേക പദ്ധതികളാണ് ആവിഷ്കരിച്ചിട്ടുള്ളതെന്നും അതിനായി സര്‍ക്കാര്‍ ഖജനാവില്‍ നിന്ന് എന്തു തുക ചെലവഴിച്ചെന്നും അറിയിക്കാമോ?

ബാലവേല നിരോധനം

ശ്രീ. എന്‍. എ. നെല്ലിക്കുന്ന്

,, സി. മമ്മൂട്ടി

,, കെ. മുഹമ്മദുണ്ണി ഹാജി

,, റ്റി. എ. അഹമ്മദ് കബീര്‍

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)അന്യ സംസ്ഥാനങ്ങളില്‍ നിന്നുള്ള കുട്ടികളെ ബാലവേലയ്ക്കായി കൊണ്ടു വരുന്ന സ്ഥിതി വിശേഷം ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

(ബി)അന്യസംസ്ഥാന കുട്ടികളെ കേരളത്തിലേയ്ക്ക് കടത്താന്‍ ഇടയാക്കുന്ന സാഹചര്യങ്ങള്‍ എന്തൊക്കെയാണെന്ന് പരിശോധിച്ചിട്ടുണ്ടോ; എങ്കില്‍ വിശദമാക്കുമോ;

(സി)മലയോര മേഖലയില്‍ നിന്നുള്ള പെണ്‍കുട്ടികളെ അടിമപ്പണിയ്ക്കായി അന്യസംസ്ഥാനങ്ങളിലേക്ക് കടത്തിക്കൊണ്ടുപോകുന്ന റാക്കറ്റ് പ്രവര്‍ത്തിക്കുന്നതായ റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ഡി)ഇത്തരം പ്രവണതകള്‍ ഇപ്പോഴും തുടരുന്നതിന്റെ അടിസ്ഥാന കാരണങ്ങള്‍ പരിശോധിക്കുകയും, പരിഹാര നടപടികള്‍ സ്വീകരിക്കുകയും ചെയ്യുമോയെന്ന് വ്യക്തമാക്കുമോ?

ഇലക്ട്രോണിക് ഹെല്‍ത്ത് റിക്കാര്‍ഡ്

ശ്രീ. സി. ദിവാകരന്‍

,, പി. തിലോത്തമന്‍

,, കെ. രാജു

,, ജി.എസ്. ജയലാല്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)സംസ്ഥാനത്തെ മുഴുവന്‍ ജനങ്ങളുടെയും ഇലക്ട്രോണിക് ഹെല്‍ത്ത് റിക്കാര്‍ഡ് വികസിപ്പിച്ചെടുക്കുന്നതിന് എന്തെങ്കിലും പദ്ധതികളുണ്ടോ , എങ്കില്‍ വിശദമാക്കുമോ;

(ബി)ഈ പദ്ധതിക്കായി കേന്ദ്ര സഹായം ലഭിക്കുന്നുണ്ടോ, ഉണ്ടെങ്കില്‍ എത്ര;

(സി)ഇത്തരത്തില്‍ ഇലക്ട്രോണിക് ഹെല്‍ത്ത് റിക്കാര്‍ഡ് വികസിപ്പിച്ചെടുക്കുന്നതുകൊണ്ടുള്ള നേട്ടങ്ങള്‍ എന്തെല്ലാമാണെന്ന് വ്യക്തമാക്കുമോ?

അന്യസംസ്ഥാന തൊഴിലാളികള്‍ക്കുള്ള ക്ഷേമ പദ്ധതി

ശ്രീ. മാത്യൂ റ്റി.തോമസ്

ശ്രീമതി ജമീലാ പ്രകാശം

ശ്രീ. ജോസ് തെറ്റയില്‍

,, സി.കെ.നാണു

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)കേരളത്തില്‍ പണിയെടുക്കുന്ന അന്യ സംസ്ഥാന തൊഴിലാളികള്‍ക്കുവേണ്ടി 2010-ല്‍ പ്രഖ്യാപിച്ച ക്ഷേമ പദ്ധതി നടപ്പിലാക്കുന്ന കാര്യത്തിലുള്ള പുരോഗതി വിലയിരുത്തിയിട്ടുണ്ടോ; അത് സംബന്ധിച്ച വിശദാംശങ്ങള്‍ വ്യക്തമാക്കാമോ;

(ബി)എത്ര അന്യ സംസ്ഥാന തൊഴിലാളികളാണ് കേരളത്തില്‍ പണിയെടുക്കുന്നത്;

(സി)പ്രസ്തുത ക്ഷേമപദ്ധതിയില്‍ ഇതിനകം എത്ര തൊഴിലാളികളാണ് രജിസ്റര്‍ ചെയ്തിട്ടുള്ളത്;

(ഡി)സംസ്ഥാനത്തുള്ള മുഴുവന്‍ അന്യസംസ്ഥാന തൊഴിലാളികളെയും രജിസ്റര്‍ ചെയ്യിക്കുന്നതിനുള്ള നടപടി സമയബന്ധിതമായി സ്വീകരിക്കുമോ?

തിരുവനന്തപുരം നഗരത്തില്‍ അടിക്കടിയുണ്ടാകുന്ന ശുദ്ധജല വിതരണ തടസ്സം

ശ്രീ. വി. ശിവന്‍കുട്ടി

,, എം. എ. ബേബി

,, കോലിയക്കോട് എന്‍. കൃഷ്ണന്‍ നായര്‍

,, ബി. സത്യന്‍

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)തിരുവനന്തപുരം നഗരത്തില്‍ അടിക്കടി ശുദ്ധജല വിതരണ പൈപ്പുകള്‍ പൊട്ടുന്നതിനെക്കുറിച്ച് അന്വേഷണം നടത്തിയിട്ടുണ്ടോ; ഉണ്ടെങ്കില്‍ പ്രസ്തുത അന്വേഷണത്തിന്റെ വിശദാംശം ലഭ്യമാക്കുമോ;

(ബി)പ്രസ്തുത അവസരങ്ങളില്‍ ജലവിതരണം പുനഃസ്ഥാപിക്കുന്നതിലുണ്ടായ കാലതാമസത്തിനു കാരണം ജലഅതോറിറ്റിയുടെ വീഴ്ചയാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ എന്തൊക്കെ അടിയന്തിര നടപടികളാണ് സ്വീകരിച്ചതെന്ന് വീശദമാക്കുമോ;

(സി)പ്രസ്തുത വിഷയത്തില്‍ സ്വീകരിച്ച ബദല്‍ സംവിധാനങ്ങള്‍ എന്തൊക്കെയായിരുന്നെന്ന് വിശദമാക്കുമോ; ആയതിനായി എന്തു തുക ചെലവായി എന്നറിയിക്കുമോ?

സ്വകാര്യ ആശുപത്രി നഴ്സുമാരുടെ സേവന-വേതന വ്യവസ്ഥകള്‍

ശ്രീമതി കെ. എസ്. സലീഖ

ശ്രീ. കെ. വി.വിജയദാസ്

,, രാജു എബ്രഹാം

,, കെ. ദാസന്‍

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)സ്വകാര്യ ആശുപത്രികളിലെ നഴ്സുമാരുടെ സേവന-വേതന വ്യവസ്ഥകള്‍ക്ക് ഏകീകൃത രൂപം നല്‍കാന്‍ തയ്യാറാകുമോ ;

(ബി)ഇതിനായി സമഗ്ര നിയമം നിര്‍മ്മിക്കാന്‍ കേന്ദ്രസര്‍ക്കാര്‍ ആവശ്യപ്പെട്ടിരുന്നോ ; എങ്കില്‍ ഇക്കാര്യത്തില്‍ നയം വ്യക്തമാക്കുമോ ;

(സി)നഴ്സുമാരുടെ സേവന-വേതന വ്യവസ്ഥകള്‍ നിര്‍ണ്ണയിക്കുന്നതിനായി രൂപീകരിച്ച സമിതി എന്തെങ്കിലും തീരുമാനത്തിലെത്തിയിട്ടുണ്ടോ ;

(ഡി)വിവിധ പ്രദേശങ്ങളിലെ സമരത്തെ തുടര്‍ന്ന് സര്‍ക്കാര്‍ മധ്യസ്ഥതയില്‍ ആശുപത്രി മാനേജ്മെന്റുകള്‍ ഏര്‍പ്പെട്ട കരാറുകള്‍ പാലിക്കപ്പെടുന്നുണ്ടോ എന്ന് പരിശോധിച്ചിട്ടുണ്ടോ ?

സര്‍ക്കാരാശുപത്രികളിലെ ലാബ്, സ്കാന്‍ സൌകര്യങ്ങള്‍

ശ്രീ. ബാബു എം. പാലിശ്ശേരി

,, കെ. കെ. നാരായണന്‍

,, കെ. കുഞ്ഞമ്മത് മാസ്റര്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)മെഡിക്കല്‍ കോളേജുള്‍പ്പെടെയുള്ള സര്‍ക്കാര്‍ ആശുപത്രികളിലെ ലാബുകളുടെയും സ്കാന്‍ സെന്ററുകളുടെയും അപര്യാപ്തത മുതലെടുത്ത് ഡോക്ടര്‍മാര്‍ തങ്ങള്‍ക്ക് താല്പര്യമുള്ള ലാബുകളിലും സ്കാന്‍ സെന്ററുകളിലും രോഗികളെ അയച്ച് കമ്മിഷന്‍ പറ്റുന്ന വാര്‍ത്ത ശ്രദ്ധയില്‍പ്പെട്ടിട്ടുണ്ടോ ; ഇതൊഴിവാക്കാനായി എന്തെങ്കിലും നടപടി സ്വീകരിച്ചിട്ടുണ്ടോ ;

(ബി)സര്‍ക്കാരാശുപത്രികളിലെ ലാബ്, സ്കാന്‍ സൌകര്യങ്ങള്‍ വര്‍ദ്ധിപ്പിക്കാന്‍ എന്തെങ്കിലും പദ്ധതി ഉണ്ടോ ; വിശദമാക്കാമോ ;

(സി)നിലവാരമുള്ള ലാബുകളുമായും സ്കാന്‍ സെന്ററുകളുമായും കരാറിലേര്‍പ്പെട്ട് രോഗികള്‍ക്ക് കമ്മിഷന്‍ ഒഴിവാക്കി മിതമായ നിരക്കില്‍ സൌകര്യം ലഭ്യമാക്കുന്നതിന് നടപടി സ്വീകരിക്കുമോ?

പ്ളാച്ചിമട ട്രിബ്യൂണല്‍ ബില്ലിന്റെ നിലവിലുള്ള സ്ഥിതി

ശ്രീ. എം. ചന്ദ്രന്‍

,, എ. കെ. ബാലന്‍

,, എം. ഹംസ

,, കെ. വി. വിജയദാസ്

താഴെ കാണുന്ന ചോദ്യങ്ങള്‍ക്ക്ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)2011 ഫെബ്രുവരിയില്‍ നിയമസഭ പാസ്സാക്കിയ 2011-ലെ പ്ളാച്ചിമട ട്രിബ്യൂണല്‍ കൊക്കോകോള വിക്ടിംസ് റിലീഫ് ആന്റ് കോമ്പന്‍സേഷന്‍ ക്ളെയിംസ് ബില്ലിന്റെ നിലവിലുള്ള സ്ഥിതി എന്തെന്ന് വ്യക്തമാക്കുമോ;

(ബി)പ്രസ്തുത ബില്ലിന് കേന്ദ്രാനുമതി ലഭിക്കുന്നതിനായി സ്വീകരിച്ച നടപടികളുടെ രേഖകള്‍ ലഭ്യമാക്കുമോ;

(സി)കേന്ദ്ര സര്‍ക്കാര്‍ ഇക്കാര്യത്തില്‍ വിശദീകരണം ആരാഞ്ഞിരുന്നോ; എങ്കില്‍ ആയതിന് നല്‍കിയ മറുപടി എന്തായിരുന്നു; ബന്ധപ്പെട്ട രേഖകള്‍ ലഭ്യമാക്കുമോ;

(ഡി)പ്രസ്തുത ബില്ലിന് രാഷ്ട്രപതിയുടെ അംഗീകാരം നേടിയെടുക്കാനായി എന്തൊക്കെ നടപടികള്‍ സ്വീകരിക്കാനാണുദ്ദേശിക്കുന്നതെന്ന് വ്യക്തമാക്കുമോ?

മുല്ലപ്പെരിയാറില്‍ പുതിയ അണക്കെട്ടിനുള്ള പഠനം

ശ്രീ. എസ്. രാജേന്ദ്രന്‍

,, എം.എ. ബേബി

,, കെ.കെ. ജയചന്ദ്രന്‍

,, കെ. സുരേഷ് കുറുപ്പ്

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)മുല്ലപ്പെരിയാറില്‍ പുതിയ അണക്കെട്ടിനുള്ള പഠനം അട്ടിമറിക്കാന്‍ തമിഴ്നാട് നീക്കം നടത്തുന്നുവെന്ന വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

(ബി)പുതിയ അണക്കെട്ടിനുള്ള പരിസ്ഥിതി ആഘാതപഠനത്തിനായി കേന്ദ്രത്തിന്റെ അനുമതി ലഭിച്ചിട്ടുണ്ടോ; ഇല്ലെങ്കില്‍ കാരണമെന്തെന്ന് അറിയിക്കുമോ;

(സി)പ്രസ്തുത അനുമതി ലഭ്യമാക്കുന്നതു ത്വരിതപ്പെടുത്തുന്നതിനായി എന്തൊക്കെ നടപടികളാണ് സ്വീകരിച്ചിട്ടുള്ളതെന്നറിയിക്കുമോ;

(ഡി)ആയതിനായി സംസ്ഥാനം കേന്ദ്രത്തിന് നല്‍കിയ അപേക്ഷയുടെ പകര്‍പ്പ് ലഭ്യമാക്കുമോ;

(ഇ)പ്രസ്തുത അണക്കെട്ടിനായി സംസ്ഥാന വന്യജീവി ബോര്‍ഡിന്റെ അനുമതി എന്നാണ് ലഭിച്ചത്; അനുമതി വൈകാനുള്ള കാരണം അറിയിക്കുമോ ?

പുതുതായി ആരംഭിക്കുന്ന സര്‍ക്കാര്‍ മെഡിക്കല്‍ കോളേജുകള്‍

ശ്രീ. മോന്‍സ് ജോസഫ്

,, തോമസ് ഉണ്ണിയാടന്‍

,, റ്റി. യു. കുരുവിള

,, സി. എഫ്. തോമസ്

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)പുതുതായി ആരംഭിക്കുന്ന സര്‍ക്കാര്‍ മെഡിക്കല്‍ കോളേജുകളുടെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടം വരെയായി എന്ന് വ്യക്തമാക്കാമോ;

(ബി)പുതുതായി ആരംഭിക്കുന്നതുള്‍പ്പെടെ എല്ലാ സര്‍ക്കാര്‍ മെഡിക്കല്‍ കോളേജുകളിലും രണ്ട് വീതം സ്പെഷ്യാലിറ്റി സംവിധാനവും റിസര്‍ച്ചിന് ആവശ്യമായ സൌകര്യങ്ങളും ഏര്‍പ്പെടുത്തുന്നതിന് നടപടികള്‍ ഉണ്ടാകുമോ, വിശദാംശം ലഭ്യമാക്കുമോ?

സ്കൂള്‍ പാചക തൊഴിലാളികള്‍

ശ്രീ. സി.കെ. സദാശിവന്‍

,, പി.റ്റി.എ. റഹീം

,, സാജു പോള്‍

ശ്രീമതി കെ.കെ. ലതിക

താഴെ കാണുന്ന ചോദ്യങ്ങള്‍ക്ക് തൊഴിലും പുനരധിവാസവും വകുപ്പുമന്ത്രി സദയം മറുപടി നല്‍കുമോ:

(എ)സ്കൂള്‍ പാചകത്തൊഴിലാളികളുടെ പ്രശ്നം ശ്രദ്ധയില്‍പ്പെട്ടിട്ടുണ്ടോ;

(ബി)ഇരുന്നൂറ്റിയമ്പതു വിദ്യാര്‍ത്ഥികള്‍ക്ക് ഒരാള്‍ എന്ന നിലയില്‍ പാചകക്കാരെ നിയമിക്കാന്‍ നടപടി എടുക്കുമോ;

(സി)ഇവര്‍ക്ക് ന്യായമായ വേതനം നല്‍കാനും ക്ഷേമനിധി രൂപീകരിച്ച് പെന്‍ഷന്‍ അടക്കമുള്ള ആനുകൂല്യങ്ങള്‍ നല്‍കാനും നടപടി സ്വീകരിക്കുമോ?

സേഫ് തിരുവനന്തപുരം പദ്ധതി

ശ്രീ. ബി. സത്യന്‍

,, കോലിയക്കോട് എന്‍. കൃഷ്ണന്‍ നായര്‍

,, കെ. കുഞ്ഞമ്മത് മാസ്റര്‍

ശ്രീമതി പി. അയിഷാ പോറ്റി

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)സേഫ് തിരുവനന്തപുരം പദ്ധതിയുടെ ഭാഗമായി ജില്ലാമെഡിക്കല്‍ ഓഫീസര്‍ നടത്തിയ പരിശോധനയില്‍ കണ്ടെത്തിയ പ്രധാന കാര്യങ്ങള്‍ എന്തൊക്കെയാണെന്ന് വിശദമാക്കാമോ ; ജില്ലാ മെഡിക്കല്‍ ഓഫീസര്‍, ആരോഗ്യവകുപ്പ് സെക്രട്ടറിക്കു നല്‍കിയ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ ;

(ബി)ജില്ലയില്‍ എത്ര വ്യാജ ഡോക്ടര്‍മാര്‍ പ്രാക്ടീസ് ചെയ്തു വന്നതായാണ് കണ്ടെത്തിയത്; ഇവര്‍ക്കെതിരെ സ്വീകരിച്ച നടപടികള്‍ എന്തൊക്കെയാണെന്ന് അറിയിക്കാമോ ;

(സി)സമാനമായ പരിശോധനകള്‍ സംസ്ഥാനത്തൊട്ടാകെ നടത്തിയിരുന്നോ; ഇല്ലെങ്കില്‍ അതിനുള്ള നടപടി സ്വീകരിക്കുമോ ?

നവജാതശിശുക്കള്‍ക്ക് ജനിതക രോഗ സ്കാനിംഗ്

ശ്രീ. വി. റ്റി. ബല്‍റാം

,, സണ്ണി ജോസഫ്

,, എ. റ്റി. ജോര്‍ജ്

,, ആര്‍. സെല്‍വരാജ്

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)നവജാതശിശുക്കള്‍ക്ക് ജനിതക രോഗ സ്കാനിംഗ് നടത്താന്‍ തുടക്കം കുറിച്ചിട്ടുണ്ടോ ; വിശദമാക്കുമോ ;

(ബി)ഈ പദ്ധതിയുടെ ഉദ്ദേശലക്ഷ്യങ്ങള്‍ എന്തെല്ലാമാണ് ; വിശദാംശങ്ങള്‍ ലഭ്യമാക്കുമോ ;

(സി)ഇതില്‍ നവജാത ശിശുക്കളില്‍ ജന്മനാ ഉണ്ടാകുന്ന രോഗങ്ങള്‍ കണ്ടുപിടിക്കുവാനും അവയ്ക്ക് പരിഹാരം കാണുവാനും എന്തെല്ലാം കാര്യങ്ങളാണ് ഉള്‍പ്പെടുത്തിയിട്ടുള്ളത് ; വിശദമാക്കുമോ ;

(ഡി)ഏതൊക്കെ ആശുപത്രികളിലാണ് ഇതിനുള്ള സൌകര്യങ്ങള്‍ ഏര്‍പ്പെടുത്തിയിരിക്കുന്നത് ; വിശദാംശങ്ങള്‍ എന്തെല്ലാം ?

സര്‍ക്കാര്‍ ഡോക്ടര്‍മാരുടെ സമരം

പ്രൊഫ. സി. രവീന്ദ്രനാഥ്

ശ്രീ. ജെയിംസ് മാത്യു

'' കെ.വി. അബ്ദുള്‍ ഖാദര്‍

'' എ. പ്രദീപ്കുമാര്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)ഈ സര്‍ക്കാര്‍ അധികാരമേറ്റ ശേഷം പലതവണ സര്‍ക്കാര്‍ ഡോക്ടര്‍മാര്‍ സമരം ചെയ്യേണ്ടിവന്ന സാഹചര്യം വിലയിരുത്തിയിട്ടുണ്ടോ;

(ബി)2013 മാര്‍ച്ച് 1-ാം തീയതി മുതല്‍ പണിമുടക്കിയ ഡോക്ടര്‍മാര്‍ ഉന്നയിച്ച ആവശ്യം എന്തായിരുന്നു;

(സി)സമരം ഒത്തുതീര്‍പ്പാക്കാന്‍ എന്തൊക്കെ വ്യവസ്ഥകളാണ് സര്‍ക്കാര്‍ അംഗീകരിച്ചത്;

(ഡി)സര്‍ക്കാര്‍ നിയോഗിച്ച അന്വേഷണ കമ്മീഷന്റെ കണ്ടെത്തലുകള്‍ എന്തെല്ലാമായിരുന്നു; റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ; സര്‍ക്കാര്‍ ഇതിന്മേല്‍ എന്തു നടപടി സ്വീകരിച്ചു?

സ്വകാര്യ ആശുപത്രികളിലെ ഫാര്‍മസികള്‍

ശ്രീമതി പി. അയിഷാ പോറ്റി

ശ്രീ. ഇ. പി. ജയരാജന്‍

,, പി.റ്റി.എ. റഹീം

,, കെ. കെ. നാരായണന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)സ്വകാര്യ ആശുപത്രികളിലെ ഫാര്‍മസികളുടെ പ്രവര്‍ത്തനം നിരീക്ഷിക്കാറുണ്ടോ;

(ബി)ഇവ ആശുപത്രികളുടെ അമിതലാഭം വര്‍ദ്ധിപ്പിക്കാനുള്ള ഒരു ഉപാധിയാണെന്നു മനസ്സിലാക്കിയിട്ടുണ്ടോ;

(സി)ഡ്രഗ് ഇന്‍സ്പെക്ടര്‍മാര്‍ ഇവിടങ്ങളില്‍ നിന്ന് സാമ്പിളുകള്‍ ശേഖരിച്ച്, വില്ക്കുന്ന മരുന്നുകളുടെ ഗുണനിലവാരം ഉറപ്പു വരുത്താറുണ്ടോ;

(ഡി)രോഗികള്‍ക്ക് പ്രത്യേകിച്ച് കിടത്തി ചികിത്സ നല്‍കുന്നവര്‍ക്ക് അമിത വിലയ്ക്കാണു മരുന്നു വില്ക്കുന്നതെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇവയുടെ പ്രവര്‍ത്തനം നിയന്ത്രിക്കാന്‍ എന്തെങ്കിലും നടപടികള്‍ സ്വീകരിക്കുമോ; വിശദാംശം അറിയിക്കുമോ ?

ഡാം റിഹാബിലിറ്റേഷന്‍ ഇംപ്രൂവ്മെന്റ് പ്രോജക്ട്

ശ്രീ. ഇ. ചന്ദ്രശേഖരന്‍

,, മുല്ലക്കര രത്നാകരന്‍

ശ്രീമതി ഗീതാ ഗോപി

ശ്രീ. കെ. രാജു

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)ഡാം റിഹാബിലിറ്റേഷന്‍ ഇംപ്രൂവ്മെന്റ് പ്രോജക്ട് അനുസരിച്ച് കേരളത്തിലെ ജല സംഭരണികളുടെ നവീകരണത്തിന്നടപടികള്‍ ആരംഭിച്ചിട്ടുണ്ടോ; എങ്കില്‍ ഏതെല്ലാം ജല സംഭരണികളാണ് പ്രസ്തുത പദ്ധതിയില്‍ ഉള്‍പ്പെടുന്നതെന്ന് വ്യക്തമാക്കുമോ;

(ബി)പ്രസ്തുത പദ്ധതിക്ക് ഫണ്ട് ലഭ്യമാക്കുന്നതു സംബന്ധിച്ച വിശദാംശം വ്യക്തമാക്കുമോ;

(സി)എത്ര കാലയളവിനുളളില്‍ പ്രസ്തുത ഡാമുകളുടെ നവീകരണം പൂര്‍ത്തിയാക്കാന്‍ കഴിയുമെന്ന് അറിയിക്കുമോ?

സ്വയംപര്യാപ്ത പട്ടികജാതി സങ്കേതങ്ങള്‍

ശ്രീ. എ. പി. അബ്ദുള്ളക്കുട്ടി

,, ആര്‍. സെല്‍വരാജ്

,, റ്റി. എന്‍. പ്രതാപന്‍

,, സി. പി. മുഹമ്മദ്

താഴെ കാണുന്ന ചോദ്യങ്ങള്‍ക്ക് പട്ടികജാതി-പിന്നോക്കസമുദായക്ഷേമവും വിനോദസഞ്ചാരവും വകുപ്പുമന്ത്രി

സദയം മറുപടി നല്‍കുമോ:

(എ)പട്ടികജാതി സങ്കേതങ്ങളെ സ്വയം പര്യാപ്തമാക്കുന്ന പദ്ധതി ആരംഭിച്ചിട്ടുണ്ടോ;

(ബി)പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ വിശദീകരിക്കുമോ;

(സി)ഏതെല്ലാം ഏജന്‍സികളുടെ സഹായത്തോടെയാണ് പദ്ധതി നടപ്പാക്കുന്നത്;

(ഡി)പദ്ധതി നടത്തിപ്പിനായി സ്വീകരിച്ച നടപടികള്‍ വിശദമാക്കാമോ?

ശുദ്ധജലവിതരണ പൈപ്പുകള്‍ പൊട്ടുന്നത് ഒഴിവാക്കാന്‍ നടപടി

ശ്രീ.എസ്. ശര്‍മ്മ

ഡോ. തോമസ് ഐസക്

ശ്രീമതി കെ.എസ്. സലീഖ

ശ്രീ. റ്റി.വി. രാജേഷ്

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)ജലവിതരണ പൈപ്പുകള്‍ ഇടയ്ക്കിടെ പൊട്ടുന്നതും അതുവഴി ജലം പാഴാകുന്നതും ശ്രദ്ധയില്‍പ്പെട്ടിട്ടുണ്ടോ;

(ബി)തിരുവനന്തപുരം നഗരത്തിലും സമീപ പ്രദേശങ്ങളിലും അടിക്കടി ശുദ്ധജല വിതരണ പൈപ്പുകള്‍ പൊട്ടുന്നത് പരിഹരിക്കുന്നതിനായി ഡി.ഐ പൈപ്പ് സ്ഥാപിക്കുന്നതിനുള്ള പദ്ധതി പ്രഖ്യാപിച്ചിട്ടുണ്ടോ;

(സി)പ്രസ്തുത പദ്ധതിയുടെ പുരോഗതി അറിയിക്കുമോ; ആയതിനായി എത്ര തുക ഇതുവരെ ചെലവഴിച്ചുവെന്നറിയിക്കുമോ;

(ഡി)പ്രസ്തുത പദ്ധതി പൂര്‍ത്തീകരിച്ച് എന്നത്തേക്ക് ജനങ്ങള്‍ക്ക് കുടിവെള്ളമെത്തിക്കാനാവുമെന്ന് അറിയിക്കുമോ ?