Questions

പട്ടികജാതി- പട്ടികവര്‍ഗ്ഗ കമ്മീഷന്റെ പ്രവര്‍ത്തനങ്ങള്‍

ശ്രീ. എം. എ. ബേബി

,, എ. കെ. ബാലന്‍

,, പുരുഷന്‍ കടലുണ്ടി

,, ബി. സത്യന്‍

(എ)പട്ടികജാതി- പട്ടികവര്‍ഗ്ഗ കമ്മീഷന്റെ പ്രവര്‍ത്തനങ്ങള്‍ വിലയിരുത്താറുണ്ടോ; ഈ സര്‍ക്കാര്‍ അധികാരത്തില്‍ വന്നപ്പോള്‍ മുതലുളള കമ്മീഷന്റെ പ്രവര്‍ത്തനങ്ങള്‍ അറിയിക്കാമോ;

(ബി)പട്ടികജാതിക്കാര്‍ക്കെതിരായ അതിക്രമങ്ങള്‍, ഭൂപ്രശ്നം, ധനകാര്യ സ്ഥാപനങ്ങളില്‍ നിന്നും വായ്പ എടുത്തത് എന്നിവ സംബന്ധിച്ച പരാതികള്‍ സമയബന്ധിതമായി പരിഹരിക്കാനായിട്ടുണ്ടോയെന്ന് അവലോകനം ചെയ്തിട്ടുണ്ടോ; വിശദാംശം ലഭ്യമാക്കുമോ;

(സി)കമ്മീഷന്‍ പട്ടികജാതിക്കാരുടെയും മറ്റും വികസന പദ്ധതികളുടെ പുരോഗതി വിലയിരുത്തി അറിയിച്ചിട്ടുണ്ടോ;

(ഡി)ക്ഷേമ- വികസന പദ്ധതികള്‍ സംബന്ധിച്ച് കമ്മീഷന്‍ സര്‍ക്കാരിനു നല്‍കിയിരിക്കുന്ന ശുപാര്‍ശകള്‍ എന്തൊക്കെയെന്ന് അറിയിക്കാമോ?

പട്ടികജാതിക്കാര്‍ക്കുളള കേന്ദ്ര-സംസ്ഥാന പദ്ധതികള്‍

ശ്രീ. പി. കെ. ബഷീര്‍

സംസ്ഥാനത്ത് പട്ടികജാതിക്കാരുടെ ഉന്നമനത്തിനായി എന്തെല്ലാം കേന്ദ്ര-സംസ്ഥാന പദ്ധതികളാണ് നിലവിലുളളതെന്ന് വിശദമാക്കാമോ?

നോണ്‍-ക്രീമിലെയര്‍ സര്‍ട്ടിഫിക്കറ്റിനുള്ള വരുമാനപരിധി

ശ്രീ. സി. മോയിന്‍കുട്ടി

,, കെ. മുഹമ്മദുണ്ണി ഹാജി

,, വി. എം. ഉമ്മര്‍ മാസ്റര്‍

,, പി. കെ. ബഷീര്‍

(എ)നോണ്‍-ക്രീമിലെയര്‍ സര്‍ട്ടിഫിക്കറ്റിനുള്ള വരുമാനപരിധി ഉയര്‍ത്തുന്നതു സംബന്ധിച്ച കേന്ദ്രത്തിന്റെ നിലപാട് ശ്രദ്ധയില്‍പ്പെട്ടിട്ടുണ്ടോ;

(ബി)ഇപ്പോള്‍ ശുപാര്‍ശ ചെയ്യപ്പെട്ട വരുമാനപരിധി അപര്യാപ്തമാണെന്ന കാര്യം പരിശോധിച്ചിട്ടുണ്ടോ;

(സി)ഇക്കാര്യത്തില്‍ സാമൂഹികമായി പിന്നോക്കം നില്‍ക്കുന്നവരുടെ ആശങ്കകള്‍ കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തി പരിഹാരം കാണുന്നതിനുള്ള നടപടികള്‍ സ്വീകരിക്കുമോ?

പട്ടികജാതി വിഭാഗക്കാര്‍ക്ക് മതപരിഗണന കൂടാതെ സംവരണം

ശ്രീ. കെ. കെ. ജയചന്ദ്രന്‍

(എ)പട്ടികജാതി വിഭാഗക്കാര്‍ക്ക് മതപരിഗണന കൂടാതെ സംവരണം നല്‍കണമെന്ന് ആവശ്യപ്പെട്ട് നിവേദനം ലഭിച്ചിട്ടുണ്ടോ;

(ബി)എങ്കില്‍ ഇതു സംബന്ധിച്ച് എന്തു നടപടി കൈക്കൊണ്ടെന്ന് വ്യക്തമാക്കുമോ;

(സി)പട്ടിക ജാതിക്കാരുടെ കാര്‍ഷിക ഭവന വായ്പകളുടെ ജപ്തി ഒഴിവാക്കുന്നതിനും കടം എഴുതിതളളുന്നതിനും നടപടി സ്വീകരിക്കുമോ?

വിജ്ഞാന്‍വാടി കെട്ടിടങ്ങളുടെ നിര്‍മ്മാണം

ശ്രീ. പുരുഷന്‍ കടലുണ്ടി

(എ)വിജ്ഞാന്‍വാടി കെട്ടിടങ്ങളുടെ നിര്‍മ്മാണത്തിനു വേണ്ടി നിക്ഷേപിക്കപ്പെട്ട തുകയുടെ വിനിയോഗം സംബന്ധിച്ച് നടപടികളുണ്ടായിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)കെട്ടിടങ്ങളുടെ നിര്‍മ്മാണത്തിലെ കാലതാമസം കൊണ്ടുണ്ടാവുന്ന അധികച്ചെലവുകളുടെ ബാധ്യത സംബന്ധിച്ച് നിര്‍വ്വഹണ ഏജന്‍സികളുമായുളള കരാറില്‍ വ്യക്തത ഉണ്ടാക്കിയിട്ടുണ്ടോ;

(സി)എങ്കില്‍ അധിക ബാധ്യതയുടെ ഉത്തരവാദിത്തം ആര്‍ക്കാണ്;

(ഡി)തുക നിക്ഷേപിച്ച കാലത്ത് സര്‍ക്കാര്‍ അംഗീകരിച്ച പ്ളാനില്‍ മാറ്റം വരുത്താന്‍ അനുവാദം നല്‍കിയിട്ടുണ്ടോ?

പട്ടികജാതി സങ്കേതങ്ങളിലെ എസ്. സി. പി. ഫണ്ട് വിനിയോഗം

ശ്രീ. കെ. രാധാകൃഷ്ണന്‍

(എ)സംസ്ഥാനത്ത് ഈ സാമ്പത്തിക വര്‍ഷം എത്ര പട്ടികജാതി സങ്കേതങ്ങളില്‍ വൈദ്യുതീകരണം, കുടിവെള്ള പദ്ധതികള്‍ എന്നിവയ്ക്കായി എസ്. സി. പി. ഫണ്ട് വിനിയോഗിക്കുന്നതിന് ഭരണാനുമതി നല്‍കിയിട്ടുണ്ടെന്നും ആ പദ്ധതികള്‍ ഏത് ഘട്ടത്തിലാണെന്നും ജില്ല തിരിച്ച് വ്യക്തമാക്കാമോ ;

(ബി)വകുപ്പില്‍ ലഭിക്കുന്ന അപേക്ഷയിന്മേല്‍ നടപടികള്‍ പൂര്‍ത്തിയാക്കി ഭരണാനുമതി നല്‍കുന്നതിനും നിര്‍വ്വഹണം പൂര്‍ത്തിയാക്കുന്നതിനും കാലതാമസമുണ്ടാകുന്നതായി ശ്രദ്ധയില്‍പ്പെട്ടിട്ടുണ്ടോ ;

(സി)എങ്കില്‍ പ്രസ്തുത കാലതാമസം പരിഹരിക്കുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ?

ചികിത്സാസഹായനിധിയില്‍ നിന്നുള്ള സഹായം

ശ്രീ. കെ. വി. അബ്ദുള്‍ ഖാദര്‍

(എ)ഈ സര്‍ക്കാര്‍ അധികാരമേറ്റ ശേഷം ചികിത്സാസഹായ നിധിയില്‍ നിന്ന് എത്ര തുകയാണ് അനുവദിച്ചത്;

(ബി)അപേക്ഷകര്‍ക്ക് സഹായധനം ലഭിക്കുന്നതിന്ള്ള കാലതാമസം ഒഴിവാക്കുന്നതിന് നടപടി സ്വീകരിക്കുമോ?

ചികിത്സാ ധനസഹായം

ശ്രീ. എം.വി. ശ്രേയാംസ് കുമാര്‍

(എ)പട്ടികജാതി വികസന വകുപ്പിന്റെ ചികിത്സാ ധനസഹായമായി നടപ്പുവര്‍ഷം വയനാട് ജില്ലയില്‍ അനുവദിച്ച തുകയുടെ താലൂക്ക്തല വിശദാംശം ലഭ്യമാക്കുമോ ;

(ബി)അനുവദിച്ച തുകയില്‍ എത്ര തുക ഇതിനകം വിതരണം ചെയ്തു എന്നുള്ളതിന്റെ താലൂക്ക്തല വിശദാംശം ലഭ്യമാക്കുമോ ;

(സി)ചികിത്സാ ധനസഹായം വിതരണം ചെയ്യുന്നതിലെ കാലതാമസം ഒഴിവാക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ ?

പട്ടികജാതിക്കാരുടെ വായ്പകള്‍ എഴുതിത്തള്ളുവാന്‍ തീരുമാനം

ശ്രീ. കെ. രാജു.

(എ)പട്ടികജാതിക്കാരുടെ വായ്പകള്‍ എഴുതിതള്ളുവാന്‍ തീരുമാനമെടുത്തിട്ടുണ്ടോ;

(ബി)ഏത് കാലയളവ് മുതല്‍ ഉള്ള എത്ര രൂപവരെയുള്ള വായ്പകളാണ് എഴുതി തള്ളുന്നതെന്ന്

വ്യക്തമാക്കുമോ;

(സി)എവിടെ നിന്നെല്ലാം എടുത്തിട്ടുള്ള വായപ്കളാണ് എഴുതി തള്ളുന്നതെന്ന് വ്യക്തമാക്കുമോ?

സ്കില്‍ ഡെവലപ്മെന്റ് സെന്ററുകള്‍

ശ്രീ. എ. കെ. ബാലന്‍

(എ)പട്ടികജാതി സമുദായാംഗങ്ങളായ യുവജനങ്ങളെ വിദഗ്ദ്ധതൊഴിലാളികളാക്കി മാറ്റുന്നതിനുള്ള തൊഴില്‍ പരിശീലന കേന്ദ്രങ്ങളെ സ്കില്‍ ഡെവലപ്പുമെന്റ് സെന്ററുകളായി വികസിപ്പിക്കുന്നതിന് 2012-13 ബജറ്റില്‍ എത്ര തുകയാണ് അനുവദിച്ചത്;

(ബി)ഇതില്‍ എത്ര തുക ചെലവാക്കി. പ്രസ്തുത സെന്ററുകളില്‍ എത്ര പേര്‍ക്ക് പരിശീലനം നല്‍കി;

(സി)തൊഴില്‍ പരിശീലനകേന്ദ്രങ്ങളെ സ്കില്‍ ഡവലപ്പ്മെന്റ് സെന്ററുകളാക്കി മാറ്റുന്നതിന് എന്തെല്ലാം സംവിധാനങ്ങളാണ് പുതുതായി ഏര്‍പ്പെടുത്തിയത്;

(ഡി)ഈ പരിശീലനം നേടിയ എത്ര പേര്‍ക്ക് തൊഴില്‍ ലഭിച്ചു, എത്ര പേര്‍ സ്വയം തൊഴില്‍ കണ്ടെത്തി ; വിശദാംശങ്ങള്‍ ലഭ്യമാക്കുമോ?

പട്ടികജാതി സങ്കേതങ്ങളില്‍ വനിതകളുടെ സ്വയംസഹായ സംഘങ്ങള്‍

ശ്രീ. എ. കെ.ബാലന്‍

(എ)പട്ടികജാതി സങ്കേതങ്ങളില്‍ വനിതകളുടെ സ്വയംസഹായ സംഘങ്ങള്‍ രൂപം നല്‍കി കാട, മുയല്‍, ആട് പരിപാലന പദ്ധതി നടപ്പാക്കാന്‍ കഴിഞ്ഞ

ബജറ്റില്‍ എത്ര തുക അനുവദിച്ചിരുന്നു; എത്ര തുക ചെലവാക്കി;

(ബി)ഇതിനായി എത്ര സ്വയം സഹായ സംഘങ്ങള്‍ രൂപീകരിച്ചു; എത്ര സംഘങ്ങള്‍ക്ക് കാട, മുയല്‍, ആട് എന്നിവ നല്‍കി;

(സി)പ്രസ്തുത പദ്ധതിക്കായി എത്ര പേര്‍ക്ക് പരിശീലനം നല്‍കി; വിശദാംശങ്ങള്‍ ലഭ്യമാക്കുമോ?

പട്ടികജാതി-പിന്നോക്ക വിഭാഗ വിദ്യാര്‍ത്ഥികളുടെ വിദ്യാഭ്യാസ ആനുകൂല്യങ്ങള്‍

ശ്രീ. പി. തിലോത്തമന്‍

(എ)പട്ടിക സമുദായത്തില്‍പ്പെട്ടവരും മറ്റ് പിന്നോക്ക വിഭാഗത്തില്‍പ്പെട്ടവരുമായ വിദ്യാര്‍ത്ഥികള്‍ക്ക് ബി.ടെക് പോലുള്ള കോഴ്സുകള്‍ക്ക് ലഭിക്കേണ്ട ഗ്രാന്റുകള്‍ അപേക്ഷിച്ച് പലവര്‍ഷം കഴിഞ്ഞും ലഭിക്കുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനുളള കാരണം വ്യക്തമാക്കുമോ;

(ബി)വിദ്യാഭ്യാസ സ്ഥാപനങ്ങള്‍ പിന്നോക്ക വിഭാഗക്കാരോടും പട്ടിക സമുദായ വിദ്യാര്‍ത്ഥികളോടും കാണിക്കുന്ന ഇത്തരം നടപടികള്‍ക്കെതിരെ എന്ത് നടപടി സ്വീകരിക്കുമെന്ന് വ്യക്തമാക്കുമോ;

(സി)പെരിനാട് കാര്‍മല്‍ എന്‍ജിനിയറിംഗ് കോളേജില്‍ ഒ.ഇ.സി വിദ്യാര്‍ത്ഥികള്‍ക്ക് ഗ്രാന്റ് നല്‍കുന്നില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ അടിയന്തിരമായി തുക വിതരണം ചെയ്യാന്‍ നടപടി സ്വീകരിക്കുമോ?

പട്ടികജാതി വിദ്യാര്‍ത്ഥികളുടെ ലംപ്സം ഗ്രാന്റ്

ശ്രീ. കെ. വി. വിജയദാസ്

(എ)ഏതെല്ലാം കോഴ്സുകള്‍ക്കും സ്ഥാപനങ്ങളിലും പഠിക്കുന്ന പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികള്‍ക്കാണ് നിലവില്‍ ലംപ്സം ഗ്രാന്റ് നല്‍കി വരുന്നതെന്ന് വ്യക്തമാക്കുമോ; ബന്ധപ്പെട്ട ഉത്തരവുകളുടെ പകര്‍പ്പുകള്‍ ലഭ്യമാക്കുമോ;

(ബി)ഇതിനായി ഏതെങ്കിലും തരത്തിലുളള വരുമാന പരിധി നിശ്ചയിച്ചിട്ടുണ്ടോ; വിശദാംശവും ബന്ധപ്പെട്ട സര്‍ക്കാര്‍ ഉത്തരവുകളും ലഭ്യമാക്കുമോ;

(സി)ഈ നിയമപരിധിയില്‍ നിന്നുകൊണ്ടു തന്നെ ഇപ്പോള്‍ നല്‍കി വരുന്ന ലംപ്സം ഗ്രാന്റ് കുട്ടികള്‍ക്ക് ലഭിക്കുന്നില്ലെന്നുളള വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശം നല്‍കുമോ;

(ഡി)2012-13 വര്‍ഷത്തില്‍ വിവിധ കോഴ്സുകളിലായി എത്ര കുട്ടികള്‍ക്ക് എത്ര രൂപ വീതം നല്‍കിയെന്നുളള കണക്ക് ജില്ല തിരിച്ച് നല്‍കുമോ;

(ഇ)ഇക്കാര്യത്തില്‍ 2011-12 ലെ സ്ഥിതി വിവരങ്ങള്‍ കൂടി നല്‍കുമോ?

പട്ടികജാതി വിദ്യാര്‍ത്ഥികളുടെ മെസ്സ് അലവന്‍സ്

ശ്രീ. വി. ചെന്താമരാക്ഷന്‍

(എ)പട്ടികജാതി വിദ്യാര്‍ത്ഥികളുടെ മെസ്സ് അലവന്‍സ് യഥാസമയം ഹോസ്റലുകള്‍ക്ക് നല്‍കുന്നതില്‍ കാലതാമസം വരുന്നതായകാര്യം ശ്രദ്ധയില്‍പ്പെട്ടിട്ടുണ്ടോ ;

(ബി)പാലക്കാട് ജില്ലയിലെ ഏതെല്ലാം കോളേജുകളിലെ ഹോസ്റലുകള്‍ക്കാണ് മെസ്സ് അലവന്‍സ് കുടിശ്ശികയുള്ളതെന്നും എത്ര മാസത്തെ കുടിശ്ശികയാണ് കൊടുക്കാനുള്ളതെന്നും വിശദമാക്കുമോ ;

(സി)മെസ്സ് അലവന്‍സ് യഥാസമയം കൊടുക്കുന്നതിനുള്ള നടപടി സ്വീകരിക്കുമോ ?

ഇന്ദിരാ ആവാസ് യോജന പദ്ധതി പ്രകാരം നിര്‍മ്മിച്ച വീടുകള്‍

ശ്രീ. എം. എ. ബേബി

(എ)ഗ്രാമീണ മേഖലയില്‍ ഇന്ദിരാ ആവാസ് യോജന പദ്ധതി പ്രകാരം 2011-12 സാമ്പത്തിക വര്‍ഷം എത്ര ശതമാനം വീടുകളാണ് പട്ടികജാതി വിഭാഗങ്ങള്‍ക്കായി നിര്‍മ്മിച്ചു നല്‍കിയത്;

(ബി)അനുവദിച്ച തുക ദേശസാല്‍കൃത ബാങ്കുകളില്‍ കിടക്കുന്നതായ വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ;

(സി)ഒരു വര്‍ഷത്തിനകം വീടുകള്‍ പൂര്‍ത്തിയാക്കണമെന്ന വ്യവസ്ഥ എന്തുകൊണ്ടാണ് പാലിക്കപ്പെടാതിരുന്നതെന്ന് വെളിപ്പെടുത്തുമോ;

(ഡി)പ്രസ്തുത പദ്ധതിയനുസരിച്ച് എത്ര വീടുകളുടെ നിര്‍മ്മാണം ആണ് ഉദ്ദേശിച്ചത്; അതില്‍ എത്ര എണ്ണം നിര്‍മ്മിക്കുന്നതിന് കഴിഞ്ഞു; ജില്ല തിരിച്ച് വ്യക്തമാക്കുമോ?

പട്ടികജാതി വിഭാഗങ്ങള്‍ക്കുള്ള ധനസഹായം

ശ്രീ. വി. പി.സജീന്ദ്രന്‍

,, ബെന്നി ബെഹനാന്‍

,, കെ. ശിവദാസന്‍ നായര്‍

,, ജോസഫ് വാഴക്കന്‍

(എ)പട്ടികജാതി വിഭാഗങ്ങള്‍ക്ക് ഭൂമി, വീട് എന്നിവയ്ക്ക് നല്‍കുന്ന ധനസഹായം അപര്യാപ്തമാണെന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)ധനസഹായം വര്‍ദ്ധിപ്പിക്കാനാവശ്യമായ നടപടി സ്വീകരിക്കുമോ;

(സി)ആയതിനായി സ്വീകരിച്ച നടപടികള്‍ വിശദമാക്കുമോ;

(ഡി)എന്തെല്ലാം കേന്ദ്രസഹായങ്ങളാണ് ലഭിച്ചിട്ടുള്ളതെന്ന് വിശദീകരിക്കുമോ?

ഭൂമി, വീട്, ടോയ്ലറ്റ് എന്നീ അടിസ്ഥാനസൌകര്യങ്ങള്‍ ഇല്ലാത്ത പട്ടികജാതികുടുംബങ്ങള്‍

ശ്രീ. തേറമ്പില്‍ രാമകൃഷ്ണന്‍

,, കെ. അച്ചുതന്‍

,, ബെന്നി ബെഹനാന്‍

,, വി. പി. സജീന്ദ്രന്‍

(എ)സംസ്ഥാനത്ത് ഭൂമി, വീട്, ടോയ്ലറ്റ് എന്നിവയില്ലാത്ത പട്ടികജാതികുടുംബങ്ങളുടെ കണക്ക് ശേഖരിച്ചിട്ടുണ്ടോ; വിശദമാക്കുമോ;

(ബി)ഇവയുടെ സ്ഥിതിവിവരക്കണക്കുകള്‍ ശേഖരിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്നു വിശദമാക്കുമോ?

ടോയ്ലറ്റ് നിര്‍മ്മാണ ധനസഹായം

ശ്രീ. എ. പി. അബ്ദുള്ളക്കുട്ടി

,, വര്‍ക്കല കഹാര്‍

,, വി. പി. സജീന്ദ്രന്‍

,, ആര്‍. സെല്‍വരാജ്

(എ)പട്ടികജാതി കുടുംബങ്ങള്‍ക്ക് മെച്ചപ്പെട്ട സൌകര്യങ്ങളോടു കൂടിയ ടോയ്ലറ്റ് നിര്‍മ്മാണ ധനസഹായം നല്‍കുന്നതിന് പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)അര്‍ഹരായവരെ തെഞ്ഞെടുക്കുന്നതിന്റെ മാനദണ്ഡം വിശദീകരിക്കുമോ;

(സി)മുന്‍കാലങ്ങളില്‍ വീട് വയ്ക്കാന്‍ ധനസഹായം ലഭിച്ചിട്ടുള്ളവര്‍ക്ക് ഇതിന് അര്‍ഹതയുണ്ടാവുമോയെന്ന് വിശദമാക്കുമോ?

കോഴിക്കോട് ജില്ലയിലെ കോളനികളില്‍ നടപ്പിലാക്കിയ പദ്ധതികള്‍

ശ്രീ. കെ. ദാസന്‍

(എ)ഈ സര്‍ക്കാര്‍ ദേശീയ പട്ടികജാതി ധനകാര്യ വികസന കോര്‍പ്പറേഷന്‍ മുഖേന കോഴിക്കോട് ജില്ലയില്‍ നടപ്പിലാക്കിയ പദ്ധതികള്‍ എന്തെല്ലാമെന്നും അതിന്റെ പുരോഗതി എന്താണെന്നും വ്യക്തമാക്കാമോ;

(ബി)കൊയിലാണ്ടി നിയോജക മണ്ഡലത്തിലെ പട്ടികജാതി കോളനികള്‍ ഏതെല്ലാം എന്നും അവ ഏതേത് പഞ്ചായത്തുകളില്‍ ആണ് എന്നും കോളനികളില്‍ ഓരോന്നിലും എത്ര പട്ടികജാതി കുടുംബങ്ങള്‍ ഉണ്ട് എന്നും വ്യക്തമാക്കാമോ;

(സി)പട്ടികജാതി വിഭാഗക്കാരുടെ ക്ഷേമത്തിനായി ആവിഷ്കരിച്ച് നടപ്പിലാക്കിയ പദ്ധതികള്‍ എന്തെല്ലാം; കോഴിക്കോട് ജില്ലയില്‍ നടപ്പിലാക്കിയ പദ്ധതികള്‍ എന്തെല്ലാം;

(ഡി)സ്വയംപര്യാപ്ത കോളനി പദ്ധതിയില്‍ കൊയിലാണ്ടി നിയോജക മണ്ഡലത്തില്‍ നടപ്പിലാക്കി വരുന്ന പദ്ധതികള്‍ എന്തെല്ലാം; പദ്ധതി എന്ന് പ്രാവര്‍ത്തികമാക്കും; പദ്ധതി നടപ്പിലാക്കുന്നതിന്റെ നടപടികള്‍ എവിടെവരെയായിയെന്ന് അറിയിക്കുമോ; "സ്വയംപര്യാപ്ത കോളനി'' പദ്ധതിയില്‍ കോഴിക്കോട് ജില്ലയില്‍ തെരഞ്ഞെടുക്കപ്പെട്ട കോളനികള്‍ ഏതെല്ലാം;

(ഇ)വിജ്ഞാന്‍ വാടി പദ്ധതിയ്ക്കായി കൊയിലാണ്ടി മണ്ഡലത്തില്‍ എം.എല്‍.എ ശുപാര്‍ശ ചെയ്ത പദ്ധതിയെന്തായിരുന്നു; ആയത് പരിഗണിച്ചുവോ എന്നും എങ്കില്‍ എന്ത് നടപടികള്‍ സ്വീകരിച്ചിട്ടുണ്ടെന്നും വ്യക്തമാക്കുമോ;

(എഫ്)2013-2014 ബജറ്റില്‍ പട്ടികജാതി വിഭാഗത്തിന്റെ ക്ഷേമത്തിനായി സര്‍ക്കാര്‍ പ്രഖ്യാപിച്ച പദ്ധതികള്‍ എന്തെല്ലാം; ഓരോ പദ്ധതിയിക്കും വകയിരിത്തിയ തുക എത്ര?

'പാറയം' കോളനിയില്‍ നടപ്പാക്കുവാന്‍ ഉദ്ദേശിക്കുന്ന വികസന പ്രവര്‍ത്തനങ്ങള്‍

ശ്രീ.ബി.ഡി.ദേവസ്സി

പട്ടികജാതി വികസന വകുപ്പിന്‍കീഴില്‍ 'സ്വയം പര്യാപ്തത ഗ്രാമങ്ങള്‍' പദ്ധതി പ്രകാരം ചാലക്കുടി മണ്ഡലത്തില്‍ തെരഞ്ഞെടുത്തിട്ടുള്ള പാറയം കോളനിയില്‍ എന്തെല്ലാം വികസന പ്രവര്‍ത്തനങ്ങളാണ് നടപ്പാക്കുവാന്‍ ഉദ്ദേശിച്ചിട്ടുള്ളതെന്ന് വ്യക്തമാക്കാമോ; നിര്‍മ്മാണം എന്നേയ്ക്ക് ആരംഭിക്കുവാന്‍ സാധിക്കും എന്നറിയിക്കാമോ?

സ്വയംപര്യാപ്ത ഗ്രാമങ്ങള്‍

ശ്രീ. കെ. മുരളീധരന്‍

,, പി. എ. മാധവന്‍

,, റ്റി. എന്‍. പ്രതാപന്‍

,, വി. പി. സജീന്ദ്രന്‍

(എ)പട്ടികജാതി വിഭാഗങ്ങളുടെ അധിവാസ കേന്ദ്രങ്ങള്‍ കേന്ദ്രീകരിച്ച് നടപ്പാക്കുന്ന സ്വയംപര്യാപ്ത ഗ്രാമങ്ങള്‍ പദ്ധതിയിലേക്ക് പട്ടികജാതി സങ്കേതങ്ങള്‍ തെരഞ്ഞെടുക്കുന്നതിന്റെ മാനദണ്ഡം വ്യക്തമാക്കുമോ;

(ബി)പ്രസ്തുത പദ്ധതി വഴി നടപ്പാക്കാനുദ്ദേശിക്കുന്ന വികസനപ്രവര്‍ത്തനങ്ങള്‍ എന്തെല്ലാം;

(സി)സംസ്ഥാനത്ത് മൊത്തം എത്ര സങ്കേതങ്ങളാണ് ഈ പദ്ധതിയില്‍ ഉള്‍പ്പെടുത്താന്‍ അര്‍ഹമായിട്ടുള്ളതെന്ന് കണക്കാക്കിയിട്ടുണ്ടോ; എങ്കില്‍ അവയുടെ എണ്ണം ജില്ല തിരിച്ച് വ്യക്തമാക്കുമോ;

(ഡി)എത്ര പട്ടികജാതി സങ്കേതങ്ങളാണ് ഈ വര്‍ഷം സ്വയംപര്യാപ്ത ഗ്രാമങ്ങള്‍ പദ്ധതിയിലുള്‍പ്പെടുത്തിയിട്ടുള്ളത്;

(ഇ)എല്ലാ സങ്കേതങ്ങളിലും പ്രസ്തുത പദ്ധതി നടപ്പാക്കാന്‍ എത്ര വര്‍ഷം വേണ്ടിവരുമെന്ന് വ്യക്തമാക്കുമോ?

പത്തനംതിട്ട ജില്ലയില്‍ സ്വയംപര്യാപ്ത കോളനി പദ്ധതി

ശ്രീ. രാജു എബ്രഹാം

(എ)പട്ടികജാതി വികസന വകുപ്പിലൂടെ നടപ്പാക്കുന്ന 'സ്വയംപര്യാപ്ത ഗ്രാമങ്ങള്‍' എന്ന പദ്ധതിയുടെ ലക്ഷ്യമെന്താണ്; ഇതിനായി സര്‍ക്കാര്‍ എത്ര രൂപയാണ് നീക്കിവച്ചിട്ടുള്ളത്; എത്ര വര്‍ഷം കൊണ്ട് ഈ പദ്ധതി പൂര്‍ത്തീകരിക്കാനാണ് ലക്ഷ്യമിട്ടിട്ടുള്ളത്; എത്രത്തോളം ഇത് നടപ്പാക്കാന്‍ കഴിഞ്ഞു; ഈ പദ്ധതിയുടെ നടത്തിപ്പ് ചുമതല ആര്‍ക്കാണ്;

(ബി)ഇതിനായി എസ്റിമേറ്റുകള്‍ തയ്യാറാക്കുന്നതിനായി ഏതൊക്കെ ഏജന്‍സികളെയാണ് ചുമതലപ്പെടുത്തിയിട്ടുള്ളത്; ഏജന്‍സികളെ തെരഞ്ഞെടുക്കുന്നത് ആരാണ്;

(സി)പത്തനംതിട്ട ജില്ലയില്‍ ഇതിനായി ഏതൊക്കെ ഗ്രാമങ്ങളെയാണ് തെരഞ്ഞെടുത്തിട്ടുള്ളതെന്ന് വ്യക്തമാക്കുമോ; പ്രസ്തുത കോളനികളില്‍ പദ്ധതിയുടെ ചുതമല ലഭിച്ചിട്ടുള്ള ഏജന്‍സികള്‍ ഏതൊക്കെ എന്നും ഇതിനോടകം നടപ്പില്‍ വരുത്തിയ പദ്ധതികള്‍ ഏതൊക്കെയെന്നും വ്യക്തമാക്കുമോ;

(ഡി)പ്രസ്തുത പദ്ധതി നടത്തിപ്പുമായി ബന്ധപ്പെട്ട ആക്ഷന്‍ പ്ളാന്‍ തയ്യാറാക്കിയിരുന്നോ; ആക്ഷന്‍ പ്ളാനിലെ ഓരോ തീയതിയിലും ലക്ഷ്യമിട്ട പദ്ധതികളും, അവ യഥാര്‍ത്ഥത്തില്‍ നടപ്പിലാക്കിയ തീയതിയും ജില്ല തിരിച്ച് ലഭ്യമാക്കാമോ; പ്രസ്തുത കാലവിളംബത്തിന്റെ കാരണം വ്യക്തമാക്കുമോ?

കണ്ണൂര്‍ ജില്ലയിലെ 'സ്വയം പര്യാപ്ത ഗ്രാമം' പദ്ധതി

ശ്രീ. സി. കൃഷ്ണന്‍

(എ)പട്ടികജാതി വികസന വകുപ്പിന്റെ കീഴില്‍ 1 കോടി രൂപ വകയിരുത്തിയ 'സ്വയം പര്യാപ്ത ഗ്രാമം' പദ്ധതിക്ക് കണ്ണൂര്‍ ജില്ലയില്‍ ഏതെല്ലാം കോളനികളെയാണ് തെരെഞ്ഞെടുത്തതെന്ന് മണ്ഡലം അടിസ്ഥാനത്തില്‍ വിശദമാക്കാമോ;

(ബി)പ്രസ്തുത പദ്ധതി ഏതെല്ലാം ഏജന്‍സികള്‍ക്കാണ് നല്‍കിയിട്ടുള്ളതെന്നും എത്ര രൂപയുടെ നിര്‍മ്മാണ പ്രവര്‍ത്തികളുടെ എസ്റിമേറ്റിനാണ് അംഗീകാരം നല്‍കിയിട്ടുള്ളതെന്നും കോളനി അടിസ്ഥാനത്തില്‍ വിശദമാക്കാമോ?

(സി)പ്രസ്തുത പദ്ധതിക്കുവേണ്ടി പയ്യന്നൂരില്‍ തെരെഞ്ഞെടുത്ത കോളനിയിലെ നിര്‍മാണപ്രവര്‍ത്തനത്തിന്റെ നിലവിലുള്ള അവസ്ഥ വിശദമാക്കാമോ?

ആലത്തൂര്‍ മണ്ഡലത്തിലെ സ്വയം പര്യാപ്ത പട്ടികജാതി കോളനികള്‍

ശ്രീ. എം. ചന്ദ്രന്‍

(എ)സമഗ്ര സ്വയം പര്യാപ്ത പട്ടികജാതി കോളനിയായി അലത്തൂര്‍ മണ്ഡലത്തില്‍ നിന്നും പ്രഖ്യാപിക്കപ്പെട്ട എരിമയൂര്‍ പഞ്ചായത്തിലെ 'കുണ്ടകാട് കോളനി' യിലെ പദ്ധതിയുടെ പുരോഗതി വ്യക്തമാക്കുമോ;

(ബി)സമയബന്ധിതമായി പൂര്‍ത്തിയാക്കേണ്ട പദ്ധതിയില്‍ ഇതുവരെ ഒരു പ്രവര്‍ത്തനവും ആരംഭിച്ചിട്ടില്ല എന്ന കാര്യം ശ്രദ്ധയില്‍പെട്ടിട്ടുണ്ടോ;

(സി)എങ്കില്‍ ഇതിന്റെ കാരണം വ്യക്തമാക്കുമോ;

(ഡി)പാലക്കാട് ജില്ലയിലെ മറ്റു മണ്ഡലങ്ങളില്‍ നിന്നും തെരെഞ്ഞെടുത്തിട്ടുള്ള കോളനികള്‍ ഏതൊക്കെയെന്നു വ്യക്തമാക്കുമോ;

(ഇ)പ്രസ്തുത കോളനികളിലെ നിര്‍മ്മാണപ്രവര്‍ത്തനങ്ങള്‍ ആരംഭിച്ചിട്ടുണ്ടോ; വ്യക്തമാക്കുമോ?

തിരുവനന്തപുരം ജില്ലയില്‍ പട്ടികജാതി വകുപ്പിനു ലഭിച്ച പദ്ധതി വിഹിതം

ശ്രീ. വി. ശശി

(എ)തിരുവനന്തപുരം ജില്ലയില്‍ പട്ടികജാതി വകുപ്പിന് 2012-13 ബജറ്റ് വിഹിതമായി ലഭിച്ച 3933.88 ലക്ഷം രൂപ ഉപയോഗിച്ച് എന്തൊക്കെ പദ്ധതികള്‍ നടപ്പാക്കാനാണ് നിര്‍ദ്ദേശിക്കപ്പെട്ടിട്ടുള്ളത്;

(ബി)ഓരോ പദ്ധതിക്കും എത്ര രൂപ വീതം ഈ വര്‍ഷം ചെലവഴിച്ചുവെന്ന് വ്യക്തമാക്കുമോ?

ക്യു.ആര്‍.ജി പദ്ധതി

ശ്രീ.എ.എം.ആരിഫ്

2012-13 വര്‍ഷത്തെ ബഡ്ജറ്റില്‍ പ്രഖ്യാപിച്ച ക്യു.ആര്‍.ജി.പദ്ധതി പ്രകാരം അരൂര്‍ മണ്ഡലത്തില്‍ എത്ര സ്വയം സഹായ സംഘങ്ങള്‍ക്ക് രൂപം നല്‍കിയെന്നും അവ ഏതെല്ലാമെന്നും അറിയിക്കുമോ;പ്രസ്തുത സംഘങ്ങള്‍ക്ക് പരിശീലനം നല്‍കിയിട്ടുണ്ടോ; വിശദാംശങ്ങള്‍ നല്‍കാമോ?

പട്ടികജാതി കോളനികളിലെ കുടിവെള്ള പദ്ധതികള്‍

ശ്രീ. കെ. രാധാകൃഷ്ണന്‍

(എ)ചേലക്കര മണ്ഡലത്തിലെ പാഞ്ഞാള്‍ ഗ്രാമപഞ്ചായത്തിലെ ആമപ്പാറചുവട് കുടിവെള്ള പദ്ധതി, വള്ളത്തോള്‍നഗര്‍ ഗ്രാമപഞ്ചായത്തിലെ തെക്കേക്കുന്ന് കോളനി കുടിവെള്ള പദ്ധതി എന്നിവയുമായി ബന്ധപ്പെട്ട അപേക്ഷകള്‍ പട്ടികജാതിവികസനവകുപ്പ് തൃശൂര്‍ ജില്ലാ ആഫീസില്‍ എന്നാണ് ലഭിച്ചതെന്ന് വെളിപ്പെടുത്തുമോ;

(ബി)പ്രസ്തുത കുടിവെള്ള പദ്ധതികള്‍ നടപ്പിലാക്കുവാന്‍ ഭരണാനുമതി നല്‍കിയിട്ടുണ്ടോ; ഇല്ലെങ്കില്‍ അതിനുള്ള തടസ്സങ്ങള്‍ എന്തെല്ലാമാണ്;

(സി)ഇതില്‍ ഓരോ പദ്ധതികളുടെയും നടപടികള്‍ക്കായി പട്ടികജാതിവികസനവകുപ്പിന്റെ ജില്ലാ ആഫീസ്, ഡയറക്ടര്‍ ആഫീസ് എന്നിവിടങ്ങളില്‍ എത്ര കാലമെടുത്തുവെന്നും ഇനി എത്ര കാലം കൊണ്ട് പൂര്‍ത്തിയാക്കാന്‍ കഴിയുമെന്നും അറിയിക്കുമോ;

(ഡി)ഈ സാമ്പത്തികവര്‍ഷം തൃശൂര്‍ജില്ലാ പട്ടികജാതി വികസന ആഫീസില്‍ ഇപ്രകാരം കുടിവെള്ള പദ്ധതികള്‍ക്കായി എത്ര അപേക്ഷകള്‍ ലഭിച്ചുവെന്നും എത്രയെണ്ണം നടപടികള്‍ പൂര്‍ത്തിയാക്കി നിര്‍മ്മാണം ആരംഭിച്ചുവെന്നും ഏതെങ്കിലും പൂര്‍ത്തിയാക്കിയിട്ടുണ്ടെങ്കില്‍ അവയുടെ വിശദാംശങ്ങളും ലഭ്യമാക്കാമോ?

വെള്ളാള സമുദായത്തെ ഒ.ബി.സിയില്‍ ഉള്‍പ്പെടുത്താന്‍ നടപടി

ശ്രീ. കെ. രാജു

(എ)സംസ്ഥാനത്ത് വെള്ളാള സമുദായത്തെ ഒ.ബി.സിയില്‍ ഉള്‍പ്പെടുത്തിയിട്ടുണ്ടോ; ഇല്ലെങ്കില്‍ ഒ.ബി.സിയില്‍ ഉള്‍പ്പെടുത്തുന്നതിനുള്ള നടപടികള്‍ സ്വീകരിക്കുമോ ;

(ബി)വെള്ളാള സമുദായത്തില്‍പ്പെട്ടവര്‍ അനുഭവിക്കുന്ന പ്രശ്നങ്ങള്‍ക്ക് പരിഹാരം കാണുന്നതിനായി എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വിശദീകരിക്കുമോ ?

ടൂറിസം രംഗത്ത് കൈവരിച്ച നേട്ടങ്ങള്‍

ശ്രീ.സിഎഫ്.തോമസ്

,, റ്റി.യു.കുരുവിള

,, തോമസ് ഉണ്ണിയാടന്‍

,, മോന്‍സ് ജോസഫ്

(എ)ടൂറിസം രംഗത്തു ഈ സര്‍ക്കാര്‍ കൈവരിച്ച നേട്ടങ്ങള്‍ എന്തെല്ലാമെന്ന് വ്യക്തമാക്കുമോ;

(ബി)ടൂറിസം രംഗത്ത് ഈ സര്‍ക്കാര്‍ ആരംഭിച്ച പദ്ധതികള്‍ ഏതെല്ലാമാണെന്ന് വിശദമാക്കുമോ;

(സി)കേന്ദ്ര സര്‍ക്കാരുമായി ചേര്‍ന്നു സംയുക്ത സംരംഭങ്ങള്‍ ടൂറിസം മേഖലയില്‍ നടപ്പിലാക്കാന്‍ ഉദ്ദേശിക്കുന്നുണ്ടോയെന്ന് വിശദമാക്കുമോ?

വിനോദസഞ്ചാരമേഖലയില്‍ സ്വകാര്യപങ്കാളിത്തം

ശ്രീ.കോവൂര്‍ കുഞ്ഞുമോന്‍

(എ)വിനോദസഞ്ചാരമേഖലയില്‍ സര്‍ക്കാര്‍ സ്ഥലങ്ങളിലും സ്ഥാപനങ്ങളിലും സ്വകാര്യമേഖലയ്ക്കുകൂടി പങ്കാളിത്തം നല്‍കുന്നത് നയമാണോയെന്ന് വ്യക്തമാക്കുമോ;

(ബി)വിനോദസഞ്ചാരമേഖലയില്‍ ഈ സര്‍ക്കാര്‍ എത്ര മുതല്‍മുടക്ക് സര്‍ക്കാര്‍ തലത്തില്‍ ചെയ്തിട്ടുണ്ട്;

(സി)ഈ സര്‍ക്കാരിന്റെ കാലത്തെ ഈ മേഖലയിലെ സ്വകാര്യ മുതല്‍ മുടക്ക് എത്രയാണ്;

(ഡി)ഈ സര്‍ക്കാരിന്റെ കാലത്ത് ഏതെല്ലാം സര്‍ക്കാര്‍ സ്ഥലങ്ങളും സ്ഥാപനങ്ങളും സ്വകാര്യപങ്കാളിത്തത്തില്‍ മുതല്‍മുടക്കാന്‍ അനുവദിച്ചിട്ടുണ്ടെന്ന് വ്യക്തമാക്കുമോ;

(ഇ)സര്‍ക്കാര്‍ സ്വകാര്യ പങ്കാളിത്തത്തില്‍ നടപ്പാക്കിവരുന്ന പദ്ധതികള്‍ ഏതൊക്കെയാണെന്ന് വ്യക്തമാക്കുമോ;

ഹോംസ്റേ സംവിധാനം

ശ്രീ. റോഷി അഗസ്റിന്‍

,, പി. സി. ജോര്‍ജ്

ഡോ. എന്‍. ജയരാജ്

ശ്രീ. എം. വി. ശ്രേയാംസ്കുമാര്‍

(എ)വിനോദ സഞ്ചാര മേഖലയില്‍ ഹോംസ്റേ സംവിധാനം പ്രോത്സാഹിപ്പിച്ചു തുടങ്ങിയത് ഏതു കാലയളവു മുതലാണ്;

(ബി)സംസ്ഥാനത്തു ഹോം സ്റേ സംവിധാനം പ്രോത്സാഹിപ്പിച്ചു തുടങ്ങിയതിനു ശേഷം ഒരോ സീസണിലും എത്ര വിദേശികള്‍ പ്രസ്തുത സംവിധാനം പ്രയോജപ്പെടുത്തിയെന്ന് അറിയിക്കുമോ;

(സി)ഹോംസ്റേകള്‍ക്ക് സാധാരണയായി ഏതെല്ലാം ക്ളാസിഫിക്കേഷനാണ് നല്‍കിവരുന്നത്; ക്ളാസിഫിക്കേഷന് അനുസൃതമായിട്ടാണോ ടൂറിസ്റുകളില്‍ നിന്ന് ഫീസ് ഈടാക്കുന്നത്; വ്യക്തമാക്കുമോ;

(ഡി)ഹോം സ്റേ സംവിധാനം ലഭ്യമാക്കുന്ന ഉടമകള്‍ക്ക് ഏതെല്ലാം തരത്തിലുളള ട്രെയിനിംഗുകളാണ് നല്‍കി വരുന്നത്; ഇതിനോടകം എത്ര പേര്‍ ഈ സൌകര്യങ്ങള്‍ പ്രയോജനപ്പെടുത്തിയെന്ന് അറിയിക്കുമോ;

ടൂറിസം പ്രചാരണത്തിന് ആഗോളപുരസ്ക്കാരം

ശ്രീ.എ.പി.അബ്ദുള്ളക്കുട്ടി

,, പി.എ.മാധവന്‍

,,എം.പി.വിന്‍സെന്റ്

,,അന്‍വര്‍ സാദത്ത്

(എ)സംസ്ഥാനത്തിന്, ആയുര്‍വേദം കേന്ദ്രീകരിച്ച് ആഗോളാടിസ്ഥാനത്തില്‍ നടത്തുന്ന ടൂറിസം പ്രചാരണത്തിന് ആഗോളപുരസ്കാരം ലഭിച്ചിട്ടുണ്ടെങ്കില്‍ അത് സംബന്ധിച്ച വിശദാംശങ്ങള്‍ എന്തെല്ലാമാണെന്ന് വിശദമാക്കുമോ;

(ബി)എത്രാമത്തെ തവണയാണ് പ്രസ്തുത അവാര്‍ഡ് സംസ്ഥാനത്തിന് ലഭിക്കുന്നതെന്ന് വിശദമാക്കുമോ?

ഉത്തരവാദിത്ത ടൂറിസം പദ്ധതി

ശ്രീ. സി. ദിവാകരന്‍

(എ)മുന്‍സര്‍ക്കാരിന്റെ കാലത്ത് ആരംഭിച്ച ഉത്തരവാദിത്ത ടൂറിസം (റെസ്പോണ്‍സിബിള്‍ ടൂറിസം പ്രോജക്ട്)പദ്ധതിയുമായി ബന്ധപ്പെട്ട് ഈ ഗവണ്‍മെന്റ് എന്തെല്ലാം നടപടികളാണ് കൈകൊണ്ടിട്ടുളളത്;

(ബി)ഈ പദ്ധതിയുമായി ബന്ധപ്പെട്ട് ഏതെല്ലാം ഉദ്ദ്യോഗസ്ഥരാണ് വിദേശയാത്ര നടത്തിയിട്ടുളളതെന്നും അവരുടെ സന്ദര്‍ശനം കൊണ്ട് ഉണ്ടായ നേട്ടങ്ങള്‍ എന്തെല്ലാമെന്നും വ്യക്തമാക്കുമോ?

സീപ്ളെയിന്‍ സര്‍വ്വീസസ്

ശ്രീ. കെ. വി. വിജയദാസ്

(എ)2012-13 ലെ ബജറ്റ് പ്രസംഗത്തില്‍ പ്രഖ്യാപിച്ച സീപ്ളെയിന്‍ പദ്ധതിക്കായി വകയിരുത്തിയ 12 കോടി രൂപ പൂര്‍ണ്ണമായും വിനിയോഗിച്ചുവോ. എങ്കില്‍ വിശദാംശം നല്‍കുമോ;

(ബി)ഇതിനായി കൂടുതല്‍ തുക അധിക വിഭവ സമാഹരണം വഴിയോ മറ്റേതെങ്കിലും മാര്‍ഗ്ഗങ്ങള്‍ വഴിയോ സമാഹരിച്ചിരുന്നോ; എങ്കില്‍ വിശദാംശം നല്‍കുമോ?

ദ്വീപുകളില്‍ ടൂറിസം പദ്ധതികള്‍

ശ്രീ. വി.ഡി. സതീശന്‍

,, ഡൊമിനിക് പ്രസന്റേഷന്‍

,, വര്‍ക്കല കഹാര്‍

,, ഹൈബി ഈഡന്‍

(എ)സംസ്ഥാനത്തെ ദ്വീപുകളില്‍ ടൂറിസം പദ്ധതികള്‍ ആരംഭിക്കാനുദ്ദേശിക്കുന്നുണ്ടെങ്കില്‍ അതിന്റെ ഉദ്ദേശ്യലക്ഷ്യങ്ങള്‍ വിശദമാക്കുമോ ;

(ബി)പ്രസ്തുത പദ്ധതികള്‍ പരിസ്ഥിതി സൌഹൃദമാക്കി നടപ്പാക്കുന്ന കാര്യം പരിഗണിക്കുമോയെന്ന് വിശദമാക്കുമോ ?

ഹൌസ് ബോട്ട് ടൂറിസം

ശ്രീ. എം. ഉമ്മര്‍

(എ)ഹൌസ് ബോട്ട് ടൂറിസം മേഖല സുരക്ഷിതമാക്കുന്നതിന് എന്തൊക്കെ നടപടികളാണ് ഈ സര്‍ക്കാര്‍ സ്വീകരിച്ചിരിക്കുന്നതെന്ന് വിശദീകരിക്കുമോ ;

(ബി)ഹൌസ് ബോട്ടിലെ ജീവനക്കാരുടെ യോഗ്യതകള്‍ നിശ്ചയിച്ച് ലൈസന്‍സ് ഉറപ്പാക്കുന്ന കാര്യം പരിഗണിക്കുമോ ;

(സി)ഹൌസ് ബോട്ടുകള്‍ക്ക് ലൈസന്‍സ് സമ്പ്രദായം നടപ്പിലാക്കുന്നതിന് നടപടി സ്വീകരിക്കുമോ ?

പുന്നമട ടൂറിസം ടെര്‍മിനല്‍

ശ്രീ. ജി. സുധാകരന്‍

(എ)പുന്നമട ടൂറിസം ടെര്‍മിനല്‍ അപകടാവസ്ഥയിലായിരിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍, ഇതിനുള്ള കാരണം വ്യക്തമാക്കുമോ;

(ബി)കൃത്യമായ പാരിസ്ഥിതികപഠനം നടത്താതെയും, മണ്ണുറപ്പിക്കാതെയും കെട്ടിടം നിര്‍മ്മിച്ചതാണ് അപകടാവസ്ഥയ്ക്കു കാരണമെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(സി)ടെര്‍മിനല്‍ നിര്‍മ്മാണത്തിനുള്ള കോണ്‍ട്രാക്റ്റില്‍ മെയിന്റനന്‍സ് നടത്തുന്നതിനു വ്യവസ്ഥ ഉണ്ടായിരുന്നോ;

(ഡി)ആരാണ് കോണ്‍ട്രാക്റ്റ് എടുത്തിരുന്നതെന്നും, അടങ്കല്‍ തുക എത്രയായിരുന്നുവെന്നും വ്യക്തമാക്കുമോ?

ടൂറിസം വകുപ്പിലെ ഇന്റേണല്‍ ഇന്‍സ്പെക്ഷന്‍ വിഭാഗം ശക്തിപ്പെടുത്താന്‍ നടപടി

ശ്രീ. കെ. കെ. നാരായണന്‍

(എ)ടൂറിസം വകുപ്പിലെ ഇന്റേണല്‍ ഇന്‍സ്പെക്ഷന്‍ വിഭാഗം ശക്തിപ്പെടുത്തുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; ഇതു സംബന്ധിച്ച് പബ്ളിക് അക്കൌണ്ട്സ് കമ്മിറ്റിയുടെ ശുപാര്‍ശകള്‍ പരിഗണിച്ചിട്ടുണ്ടോ;

(ബി)ആയതിലേയ്ക്കായി എല്‍.ബി.എസ്സിനെയോ, മറ്റു സമാന ഏജന്‍സികളെയോ ചുമതലപ്പെടുത്താന്‍ ടൂറിസം വകുപ്പിനു നിര്‍ദ്ദേശം നല്‍കിയിട്ടുണ്ടെങ്കില്‍ ആയതിനുള്ള കാരണം വ്യക്തമാക്കുമോ;

(സി)ഇന്റേണല്‍ ഇന്‍സ്പെക്ഷന്‍ പുറമെ നിന്നുളള ഏജന്‍സിയെക്കൊണ്ട് നടപ്പിലാക്കുന്ന സംവിധാനം സംസ്ഥാനത്ത് വേറെ ഏതെങ്കിലും വകുപ്പില്‍ നിലവിലുണ്ടോ;

(ഡി)ചട്ടങ്ങള്‍ ഇത് അനുവദിക്കുന്നുണ്ടോ; ഇത്തരം സംവിധാനം ഒഴിവാക്കാന്‍ നടപടി സ്വീകരിക്കുമോ?

മലപ്പുറം ജില്ലയിലെ ടൂറിസം പദ്ധതികള്‍

ശ്രീ. കെ. മുഹമ്മദുണ്ണി ഹാജി

(എ)ടൂറിസം മേഖലയില്‍ മലപ്പുറം ജില്ലയില്‍ 2013-14 വര്‍ഷങ്ങളില്‍ നടപ്പിലാക്കുവാന്‍ ഉദ്ദേശിക്കുന്ന പദ്ധതികളുടെ വിശദാംശങ്ങള്‍ വെളിപ്പെടുത്തുമോ;

(ബി)മലപ്പുറം ജില്ലയിലെ വാഴക്കാട് ചാലിയാര്‍ ടൂറിസം പദ്ധതി, നെടിയിരുപ്പ് ചെരുപ്പാടിമലയിലെ ടൂറിസം പദ്ധതി എന്നിവയെ സംബന്ധിച്ച് പഠനം നടത്തി പദ്ധതികളാവിഷ്കരിക്കുന്നതിന് ടൂറിസം വകുപ്പിന് നിര്‍ദ്ദേശം നല്‍കാന്‍ നടപടി സ്വീകരിക്കുമോ?

മലപ്പുറം ജില്ലയില്‍ ഡി.ടി.പി.സി മുഖേന നടപ്പിലാക്കി വരുന്ന പദ്ധതികള്‍

ശ്രീ. അബ്ദുറഹിമാന്‍ രണ്ടത്താണി

(എ)മലപ്പുറം ജില്ലയില്‍ ഡി.ടി.പി.സി. മുഖേന നടപ്പിലാക്കി വരുന്ന പദ്ധതികള്‍ എന്തൊക്കെയാണെന്നു വിശദമാക്കാമോ;

(ബി)കേന്ദ്രസഹായത്താടെ മലപ്പുറം ജില്ലയില്‍ നടപ്പിലാക്കി വരുന്ന പദ്ധതികളുണ്ടെങ്കില്‍ വിശദാംശങ്ങള്‍ നല്കാമോ;

(സി)കേന്ദ്രസഹായത്തോടെയും, ഡി.ടി.പി.സി. മുഖേനയും നടപ്പാക്കുന്ന പദ്ധതികള്‍ക്കു കണ്‍സള്‍ട്ടന്റായി ആരെയാണ് തെരഞ്ഞെടുത്തിട്ടുള്ളതെന്നും, ഈ കണ്‍സള്‍ട്ടന്‍സിയുടെ തെരഞ്ഞെടുപ്പിനുള്ള മാനദണ്ഡങ്ങള്‍ എന്തൊക്കെയാണെന്നും വ്യക്തമാക്കാമോ?

ഒറ്റപ്പാലം മണ്ഡലത്തിലെ ടൂറിസം പദ്ധതികള്‍

ശ്രീ. എം. ഹംസ

(എ)ഈ സര്‍ക്കാര്‍ എത്ര ടൂറിസം പദ്ധതികള്‍ പ്രഖ്യാപിച്ചു; ഏതെല്ലാം എന്ന് വ്യക്തമാക്കാമോ;

(ബി)ഓരോ പദ്ധതിയ്ക്കുമായി എത്ര തുകയാണ് ചെലവഴിച്ചത്;

(സി)1.7.2006 മുതല്‍ 28.2.2011 വരെ എത്ര ടൂറിസം പദ്ധതികള്‍ നടപ്പിലാക്കി;

(ഡി)2006-2011 കാലഘട്ടത്തില്‍ ഒറ്റപ്പാലം അസംബ്ളി മണ്ഡലത്തില്‍ ഏതെല്ലാം ടൂറിസം പ്രോജക്ടുകള്‍ നടപ്പിലാക്കി; എത്ര രൂപയുടെ പദ്ധതികള്‍ ആണ് നടപ്പിലാക്കിയത്;

(ഇ)1.7.2011 മുതല്‍ 28.2.2013 വരെ ഒറ്റപ്പാലം അസംബ്ളി മണ്ഡലത്തില്‍ എന്തെല്ലാം ടൂറിസം വികസന പ്രവര്‍ത്തനങ്ങള്‍ നടത്തി; നിലവില്‍ ഏതെല്ലാം ടൂറിസം പ്രപ്പോസലുകള്‍ പരിഗണിക്കുന്നുവെന്നും അതിന്റെ ഇപ്പോഴത്തെ സ്ഥിതി എന്താണെന്നും വ്യക്തമാക്കാമോ?

പനത്തടി ടൌണ്‍ വികസനം

ശ്രീ. ഇ. ചന്ദ്രശേഖരന്‍

(എ)കാസര്‍കോട് ജില്ലയിലെ റാണിപുരം വിനോദസഞ്ചാര കേന്ദ്രത്തിലേക്കുള്ള പ്രവേശന കവാടമായി പനത്തടി ടൌണിനെ വികസിപ്പിക്കണമെന്ന ആവശ്യം പരിഗണനയിലുണ്ടോ;

(ബി)എങ്കില്‍ ഇക്കാര്യത്തില്‍ ഇതുവരെ എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ?

കടലുകാണി പദ്ധതി

ശ്രീ.ബി.സത്യന്‍

(എ)പുളിമാത്ത് പഞ്ചായത്തിലെ ടൂറിസം വകുപ്പിന്റെ മേല്‍നോട്ടത്തില്‍ നടന്നുവരുന്ന 'കടലുകാണി' പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വിശദമാക്കാമോ;

(ബി)ഇതിനായി എന്ത് തുക ഇതുവരെ ചെലവഴിച്ചിട്ടുണ്ട്;

(സി)പ്രസ്തുത പദ്ധതിയുടെ നിര്‍മ്മാണം എന്നത്തേയ്ക്ക് പൂര്‍ത്തിയാക്കുമെന്ന് വ്യക്തമാക്കാമോ?

മുട്ടറ മരുതിമല ടൂറിസം പദ്ധതി

ശ്രീമതി പി. അയിഷാ പോറ്റി

(എ)മുട്ടറ മരുതിമല ടൂറിസം പദ്ധതിയിലെ ഒന്നാംഘട്ട നിര്‍മ്മാണപ്രവര്‍ത്തികള്‍ പൂര്‍ത്തീകരിച്ചിട്ടുണ്ടോ;

(ബി)പ്രവര്‍ത്തിയുടെ നിലവിലെ സ്ഥിതി എന്തെന്ന് വെളിപ്പെടുത്താമോ;

(സി)ഒന്നാംഘട്ട നിര്‍മ്മാണപ്രവര്‍ത്തനങ്ങള്‍ക്കായി എത്ര തുക ചെലവഴിച്ചിട്ടുണ്ട്;

(ഡി)ഒന്നാംഘട്ട നിര്‍മ്മാണത്തില്‍ പൂര്‍ത്തീകരിച്ച കെട്ടിടങ്ങളില്‍ വൈദ്യുതി സംവിധാനം ഏര്‍പ്പെടുത്തിയിട്ടില്ലാത്ത വിവരം ശ്രദ്ധയില്‍പ്പെട്ടിട്ടുണ്ടോ; വൈദ്യുതി സംവിധാനങ്ങള്‍ ഏര്‍പ്പെടുത്തുന്നതിനുള്ള തുക ലഭ്യമാക്കുന്നതിന് എന്ത് നടപടി സ്വീകരിക്കുമെന്ന് വ്യക്തമാക്കുമോ?