13KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >1^st Session>Unstarred questions Answers

Answer Provided

Answer Not Yet Provided

FOURTEENTH KLA - 1^st SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വനം വകുപ്പിന്റെ ശാക്തീകരണ പരിപാടികള്‍

1868.

ശ്രീ.തിരുവഞ്ചൂര്‍ രാധാകൃഷ്ണന്‍
,, എം. വിന്‍സെന്റ്
,, വി.എസ്.ശിവകുമാര്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനം വകുപ്പിന്റെ ശാക്തീകരണത്തിനും പരിഷ്കരണത്തിനും വേണ്ടി കര്‍മ്മ പദ്ധതി നടപ്പാക്കിയിട്ടുണ്ടോ; എങ്കില്‍ വിശദമാക്കുമോ;

(ബി)	എന്തെല്ലാം ലക്ഷ്യങ്ങളാണ് പ്രസ്തുത പദ്ധതി വഴി കൈവരിക്കാന്‍ ഉദ്ദേശിച്ചതെന്ന് വിശദമാക്കുമോ;

(സി)	പദ്ധതി നടത്തിപ്പിന് ഭരണതലത്തില്‍ എന്തെല്ലാം നടപടികള്‍ കൈക്കൊണ്ടിട്ടുണ്ടെന്ന് വിശദമാക്കുമോ?

വനം, വന്യജീവി സംരക്ഷണം വകുപ്പുകളില്‍ ജോലി ചെയ്യുന്ന തൊഴിലാളികള്‍

1869.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലയില്‍ വനം, വന്യജീവി സംരക്ഷണം വകുപ്പുകളില്‍ കരാര്‍ അടിസ്ഥാനത്തിലോ, ദിവസവേതന വ്യവസ്ഥയിലോ ജീവനക്കാരോ, തൊഴിലാളികളോ ജോലിനോക്കുന്നുണ്ടോ;

(ബി)	എങ്കില്‍ ഏതെല്ലാം ഓഫീസുകളില്‍ എത്രപേര്‍ ജോലിനോക്കുന്നുവെന്നതിന്റെ തസ്തിക തിരിച്ചുള്ള വിശദാംശം അറിയിക്കുമോ?

അടവി ഇക്കോ ടൂറിസം പദ്ധതി

1870.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അടവി ഇക്കോ ടൂറിസം പദ്ധതി സന്ദര്‍ശിക്കുന്നതിന് കഴിഞ്ഞ സാമ്പത്തികവര്‍ഷം എത്രപേര്‍ വന്നുപോയിട്ടുണ്ടെന്നുള്ള കണക്കുകള്‍ ലഭ്യമാണോ; എങ്കില്‍ വ്യക്തമാക്കുമോ;

(ബി)	ഇവിടെ ലഭിക്കുന്ന വരുമാനം ഏതുതരത്തിലാണ് വിനിയോഗിക്കുന്നത്; വ്യക്തമാക്കുമോ;

(സി)	കൂടുതല്‍ സന്ദര്‍ശകരെ ആകര്‍ഷിക്കുന്നതിനായി പുതുതായി എന്തെല്ലാംപദ്ധതികളാണ് ഇവിടെ നടപ്പിലാക്കാന്‍ ഉദ്ദേശിക്കുന്നതെന്ന് വിശദീകരിക്കുമോ?

കോന്നി ഇക്കോ ടൂറിസം പദ്ധതി

1871.

(എ)	കോന്നി ഇക്കോ ടൂറിസം പദ്ധതിയുമായി ബന്ധപ്പെട്ട് കഴിഞ്ഞ സാമ്പത്തിക വര്‍ഷത്തില്‍ എത്ര ആളുകള്‍ സന്ദര്‍ശനം നടത്തിയിട്ടുണ്ടെന്നുള്ളതിന്റെ കണക്കുകള്‍ വ്യക്തമാക്കാമോ;

(ബി)	കൂടുതല്‍ ആളുകള്‍ വരുന്നതിലേയ്ക്കായി കോന്നിയില്‍ കൂടുതല്‍ ആകര്‍ഷകമായ പദ്ധതികള്‍ നടപ്പാക്കുവാന്‍ ഉദ്ദേശിക്കുന്നുണ്ടോ;

(സി)	പ്രകൃതിക്ക് ദോഷം സംഭവിക്കാത്ത തരത്തില്‍ എന്തൊക്കെ പുതിയ പദ്ധതികളാണ് നടപ്പിലാക്കാന്‍ ഉദ്ദേശിക്കുന്നതെന്ന് വിശദീകരിക്കുമോ?

പാമ്പ് കടിയേറ്റ് മരണപ്പെടുന്നവരുടെ കുടുംബത്തിന് വനം വകുപ്പ് നല്‍കുന്ന ആനുകൂല്യങ്ങള്‍

1872.

(എ)	പാമ്പ് കടിയേറ്റ് മരണപ്പെടുന്നവരുടെ കുടുംബത്തിന് വനം വകുപ്പ് നല്‍കുന്ന ആനുകൂല്യങ്ങള്‍ എന്തൊക്കെയാണ്; ഇതിലേക്ക് സമര്‍പ്പിക്കേണ്ട രേഖകള്‍ എന്തൊക്കെയാണെന്നും, ആര്‍ക്കാണ് അപേക്ഷ നല്‍കേണ്ടതെന്നും വ്യക്തമാക്കുമോ:

(ബി)	പ്രസ്തുത ആനുകൂല്യം ലഭിക്കുന്നതിലേക്കായി ശ്രീമതി ജലജ.സി., ജലജ വിലാസം, ആശാരിമുക്ക്, പൂതക്കുളം, കൊല്ലം ഏന്നയാളുടെ അപേക്ഷ 16.7.2015-ന് 653/VIP/15 എന്ന നമ്പരില്‍ ബന്ധപ്പെട്ട ഉദ്യോഗസ്ഥര്‍ക്ക് ലഭിച്ചിരുന്നുവോ; വിശദാംശം അറിയിക്കുമോ;

(സി)	അപേക്ഷകയുടെ മകന്‍ ആര്‍. അജിത്ത്, പാമ്പ് കടിയേറ്റു മരിച്ചതുമായി ബന്ധപ്പെട്ട് ടിയാള്‍ നല്‍കിയ അപേക്ഷയിന്മേല്‍ കഴിഞ്ഞ ഒരു വര്‍ഷത്തിനുള്ളില്‍ സ്വീകരിച്ച നടപടികള്‍ എന്തൊക്കെയാണ്; വിശദമാക്കുമോ;

(ഡി)	ഈ കുടുംബത്തിന് ആനുകൂല്യം ലഭ്യമാക്കുവാന്‍ നടപടി സ്വീകരിക്കുമോ?

സുസ്ഥിര കേരളം പദ്ധതി

1873.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പരിസ്ഥിതി സംരക്ഷണം ലക്ഷ്യം വെച്ച് സുസ്ഥിര കേരളം എന്ന പേരില്‍ ഒരു പദ്ധതി രൂപീകരിച്ചിട്ടുണ്ടോ; വ്യക്തമാക്കുമോ;

(ബി)	പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കാമോ;

(സി)	ആയതു നടപ്പിലാക്കാന്‍ സ്വീകരിച്ചിട്ടുള്ള നടപടികൾ വ്യക്തമാക്കാമോ?

സാമൂഹ്യ വനവത്കരണ പദ്ധതി

1874.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സാമൂഹ്യ വനവത്കരണ പദ്ധതിയിലൂടെ പ്രധാനമായും ഏതെല്ലാം മരങ്ങളാണ് വളര്‍ത്തുന്നത് എന്ന് അറിയിക്കാമോ;

(ബി)	ഭൂഗര്‍ഭ ജലം അമിതമായി ചൂഷണം ചെയ്യുന്ന അക്കേഷ്യ പോലുള്ള മരങ്ങള്‍ക്ക് പകരം ഫല വൃക്ഷങ്ങളായ മാവ്, പ്ലാവ് തുടങ്ങിയവ നട്ടുപിടിപ്പിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ ?

ഇടുക്കി ജില്ലയിലെ ശാന്തന്‍പാറ, ചിന്നക്കനാല്‍ പ്രദേശങ്ങളില്‍ കാട്ടാന ശല്യം

1875.

ശ്രീ.എം.എം. മണി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി ജില്ലയിലെ ശാന്തന്‍പാറ, ചിന്നക്കനാല്‍ പഞ്ചായത്തുകളില്‍ 2011-2016 കാലയളവില്‍ കാട്ടാനകളുടെ ആക്രമണങ്ങളില്‍ എത്ര പേര്‍ക്ക് ജീവഹാനി സംഭവിച്ചിട്ടുണ്ട്;

(ബി)	പ്രദേശങ്ങളില്‍ കാട്ടാന ശല്യം രൂക്ഷമായിട്ടും ആയത് ഫലപ്രദമായി തടയുന്നതിന് നടപടി സ്വീകരിക്കാനാവാത്ത സാഹചര്യം പരിശോധിക്കാമാേ;

(സി)	ജനങ്ങളുടെ ജീവനും സ്വത്തിനും സംരക്ഷണം ഉറപ്പ് വരുത്തുന്നതിന് കാട്ടാനകളുടെ ശല്യം ഫലപ്രദമായി തടയുന്നതിന് എന്തെല്ലാം നടപടി സ്വീകരിച്ചിട്ടുണ്ട്;

(ഡി)	ജീവഹാനി സംഭവിച്ചവരുടെ ആശ്രിതര്‍ക്കെല്ലാം വകുപ്പ് ധനസഹായം നല്‍കിയിട്ടുണ്ടോ; എത്രപേര്‍ അപേക്ഷ നല്‍കിയിരുന്നു; എത്ര പേര്‍ക്ക് ധനസഹായം നല്‍കി എന്നതു സംബന്ധിച്ച വിശദാംശം നല്‍കാമോ;

(ഇ)	കാട്ടാനകളുടെ ആക്രമണത്തില്‍ ജീവഹാനി സംഭവിച്ചവരുടെ ആശ്രിതര്‍ക്ക് ധനസഹായം അനുവദിക്കുന്നതിന് അപേക്ഷ ആര്‍ക്കാണ് നല്‍കേണ്ടത്; എന്തൊക്കെ സര്‍ട്ടിഫിക്കറ്റുകള്‍ അപേക്ഷയോടൊപ്പം സമര്‍പ്പിക്കണം; വിശദാംശം നല്‍കാമാേ?

സാമൂഹ്യ വനവല്‍ക്കരണ പദ്ധതി

1876.

ശ്രീ.കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സാമൂഹ്യ വനവല്‍ക്കരണ പദ്ധതി പ്രകാരം വെച്ച് പിടിപ്പിക്കുന്ന വൃക്ഷത്തൈകള്‍ നഷ്ടപ്പെട്ടുപോകുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പദ്ധതി പ്രകാരം വെച്ച് പിടിപ്പിക്കുന്നത് ഫലവൃക്ഷത്തൈകള്‍ ആക്കുന്ന കാര്യം ആലോചിച്ചിട്ടുണ്ടോ;

(സി)	പ്രസ്തുത പദ്ധതി പ്രകാരം വെച്ചുപിടിപ്പിക്കുന്ന തൈകള്‍ക്ക് നിരന്തരമായ സംരക്ഷണവും മേല്‍നോട്ടവും ഏര്‍പ്പെടുത്തുന്ന കാര്യം ആലോചിച്ചിട്ടുണ്ടോ?

വനദീപ്തി പദ്ധതി

1877.

ശ്രീ.വി.ഡി.സതീശന്‍
,, കെ.മുരളീധരന്‍
,, അനില്‍ അക്കര
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വനദീപ്തി പദ്ധതി നടപ്പിലാക്കിയിട്ടൂണ്ടോയെന്ന് വിശദമാക്കാമോ;

(ബി)	എന്തെല്ലാം ഉദ്ദേശലക്ഷ്യങ്ങളാണ് ഇതു വഴി കൈവരിക്കാന്‍ ഉദ്ദേശിച്ചതെന്ന് വിശദമാക്കാമോ;

(സി)	സംസ്ഥാനത്ത് വനദീപ്തി പദ്ധതി നടപ്പാക്കുന്നതിന് ഭരണതലത്തില്‍ എന്തെല്ലാം നടപടികള്‍ കൈക്കാണ്ടിടുണ്ടെന്ന് വ്യക്തമാക്കാമോ?

ക്ലോഷര്‍ പിരീഡില്‍ ഈറ്റ ശേഖരിക്കുന്നതിനുള്ള അനുമതി

1878.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ക്ലോഷര്‍ പീരിഡില്‍ ഈറ്റ ശേഖരിക്കുന്നതിന് പ്രത്യേക അനുവാദം അഭ്യര്‍ത്ഥിച്ചുള്ള നിവേദനം ശ്രദ്ധയില്‍പ്പെട്ടിട്ടുണ്ടോ ; വിശദാംശം ലഭ്യമാക്കാമോ;

(ബി)	ക്ലോഷര്‍ പീരിഡില്‍ ഈറ്റ ശേഖരിക്കാന്‍ കഴിയാത്തതിനാല്‍ ആദിവാസികള്‍ ഉള്‍പ്പെടെ ഇതുമായി ബന്ധപ്പെട്ട തൊഴിലാളികള്‍ അനുഭവിക്കുന്ന ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ ; വിശദാംശം ലഭ്യമാക്കാമോ;

(സി)	മുന്‍കാലങ്ങളില്‍ നല്‍കുന്നതുപോലെ ക്ലോഷര്‍ സമയം ഈറ്റ ശേഖരിക്കുന്നതിന് പ്രത്യേക അനുമതി നല്‍കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

കാര്‍ഷിക മേഖലകളില്‍ കാട്ടാന ശല്യം

1879.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാര്‍ഷിക മേഖലകളില്‍ കാട്ടാനകള്‍ ഇറങ്ങി വിളനാശവും, ആള്‍നാശവും ഉണ്ടാക്കുന്നതുമായി ബന്ധപ്പെട്ട പരാതികളിന്‍മേല്‍ എന്തു നടപടിയാണ് വനം വകുപ്പ് സ്വീകരിച്ചിട്ടുളളതെന്ന് വ്യക്തമാക്കാമോ;

വനാശ്രിത സമൂഹത്തിന് കൂടുതല്‍ തൊഴില്‍സാദ്ധ്യത

1880.

ശ്രീ.പി.ടി. തോമസ്
,, കെ.മുരളീധരന്‍
,, ഹൈബി ഈഡന്‍
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനാശ്രിത സമൂഹത്തിന് കൂടുതല്‍ തൊഴില്‍സാദ്ധ്യത ലക്ഷ്യമിട്ട് കര്‍മ്മപദ്ധതി നടപ്പാക്കിയിട്ടുണ്ടോ; വിശദമാക്കുമോ;

(ബി)	എന്തെല്ലാം ഉദ്ദേശ്യലക്ഷ്യങ്ങളാണ് ഇതുവഴി കൈവരിക്കാന്‍ ഉദ്ദേശിച്ചത്; വിശദീകരിക്കുമോ;

(സി)	പദ്ധതി നടത്തിപ്പിന് ഭരണതലത്തില്‍ എന്തെല്ലാം നടപടികള്‍ കൈക്കൊള്ളുകയുണ്ടായി; വിശദമാക്കാമോ?

കാട്ടുതീ പ്രതിരോധിക്കാന്‍ നടപടി

1881.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഒരു വര്‍ഷം ശരാശരി എത്ര ഹെക്ടര്‍ വനഭൂമിയാണ് കത്തിനശിക്കുന്നതായി കണക്കാക്കിയിട്ടുള്ളത്.വിശദമാക്കാമോ;

(ബി)	ഓരോ വര്‍ഷവും ഇതിന്റെ കണക്ക് എത്രവീതമാണെന്ന് വിശകലനം ചെയ്യാറുണ്ടോ;

(സി)	വനഭൂമി കത്തിനശിച്ചതുമൂലം എത്ര രൂപയുടെ നഷ്ടമാണ് കഴിഞ്ഞവര്‍ഷം കണക്കാക്കപ്പെട്ടിട്ടുള്ളതെന്ന് വ്യക്തമാക്കാമോ;

(ഡി)	കാട്ടുതീ പ്രതിരോധപ്രവര്‍ത്തനങ്ങള്‍ക്ക് നിലവില്‍ അനുവദിക്കുന്ന തുക പര്യാപ്തമാണെന്ന് സര്‍ക്കാര്‍ കരുതുന്നുണ്ടോ;

(ഇ)	കാട്ടുതീ പ്രതിരോധപ്രവര്‍ത്തനങ്ങള്‍ കാര്യക്ഷമമാക്കുന്നതിന് സര്‍ക്കാര്‍ ആവശ്യമായ നടപടികള്‍ സ്വീകരിക്കാമോ?

ഇടപ്പള്ളി ഫോറസ്റ്റ് ഓഫീസ്

1882.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തൃക്കാക്കര നിയോജക മണ്ഡലത്തില്‍പ്പെട്ട ഇടപ്പള്ളി ഫോറസ്റ്റ് ഓഫീസിന് സ്വന്തമായി എത്ര സ്ഥലമുണ്ടെന്ന് വിശദീകരിക്കാമോ;

(ബി)	പ്രസ്തുത ഓഫീസില്‍ എത്ര ജീവനക്കാരാണുള്ളതെന്ന് വിശദീകരിക്കാമോ;

(സി)	ഫോറസ്റ്റ് വകുപ്പിന്റെ കൈവശമുള്ള ഈ ഭൂമിയില്‍ കൈയ്യേറ്റമെന്തെങ്കിലും നടന്നിട്ടുണ്ടോ; ആയതിന്റെ വിശദാംശം വെളിപ്പെടുത്താമോ?

ആനക്കൊമ്പ് കേസിലെ അന്വേഷണങ്ങള്‍

1883.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അജിബ്രൈറ്റ് അടക്കമുള്ള ആനക്കൊമ്പ് കേസിലെ പ്രതികളെ മര്‍ദ്ദിച്ചതുമായി ബന്ധപ്പെട്ട് വനംവകുപ്പ് ഉദ്യോഗസ്ഥര്‍ക്കെതിരെ നാളിതുവരെ എത്ര പരാതികള്‍ ലഭിച്ചിട്ടുണ്ടെന്നും ഇതില്‍ ഏതെല്ലാം പരാതികളിന്മേല്‍ അന്വേഷണം പൂര്‍ത്തിയായിട്ടുണ്ടെന്നും ഓരോ പരാതിയിന്മേലുള്ള അന്വേഷണ പുരോഗതിയും വിശദമാക്കാമോ ;

(ബി)	വനംവകുപ്പല്ലാതെ ഇതുമായി ബന്ധപ്പട്ട കേസ്സുകള്‍ വേറെ ഏതെല്ലാം ഏജന്‍സികളാണ് അന്വേഷിക്കുന്നതെന്ന് വ്യക്താമാക്കുമോ ;

(സി)	ഇതുമായി ബന്ധപ്പെട്ട് ബഹു. വനംവകുപ്പ് മന്ത്രി പ്രഖ്യാപിച്ച അന്വേഷണത്തിന്റെ തല്‍സ്ഥിതി എന്താണെന്ന് വ്യക്തമാക്കാമോ ?

കാസര്‍ഗോഡ് ജില്ലയില്‍ വനത്തിനുള്ളിലൂടെ കടന്നുപോകുന്ന റോ‍ഡുകള്‍

1884.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ വനത്തിനുള്ളിലൂടെ കടന്നുപോകുന്ന റോ‍ഡുകള്‍ എത്രയുണ്ടെന്ന് വ്യക്തമാക്കാമോ;

(ബി)	ഇവ നിര്‍മ്മിച്ചത് ഏതു വകുപ്പാണെന്നും അവയുടെ അറ്റകുറ്റപ്പണികള്‍ നടത്തുന്നതാരാണെന്നും ഓരോ റോഡിന്റെയും അറ്റകുറ്റപ്പണി ഏറ്റവും ഒടുവില്‍ ചെയ്തത് എന്നാണെന്നും അതിന് എന്തു തുക ചെലവഴിച്ചു എന്നും വിശദമാക്കാമോ?

അട്ടത്തോട് സര്‍ക്കാര്‍ ട്രൈബല്‍ സ്കൂളിന് സ്ഥലം

1885.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി ആരംഭിച്ച അട്ടത്തോട് സര്‍ക്കാര്‍ ട്രൈബല്‍ സ്കൂളിന് വനം വകുപ്പ്, സ്ഥലം വിട്ടു നല്‍കണമെന്ന ആവശ്യം ഉന്നയിക്കപ്പെട്ടിട്ടുണ്ടോ; ഉണ്ടെങ്കില്‍ ആരാണെന്നും എത്ര സ്ഥലമാണ് ആവശ്യപ്പെട്ടിരിക്കുന്നതെന്ന് വെളിപ്പെടുത്താമോ;

(ബി)	അട്ടത്തോട് ട്രൈബല്‍ സ്ക്കൂളിനായി വനഭൂമി വിട്ടു നല്‍കാന്‍ എന്തെങ്കിലും നീക്കം നടത്തിയിട്ടുണ്ടോ; ഉണ്ടെങ്കില്‍ എത്ര സ്ഥലം വിട്ടു നല്‍കാനാണ് നിശ്ചയിച്ചിരിക്കുന്നതെന്നും ഇതു സംബന്ധിച്ച ഫയല്‍ ഇപ്പോള്‍ ആരുടെ പക്കലാണ് ഉള്ളതെന്നും വ്യക്തമാക്കാമോ;

(സി)	വനമേഖലയില്‍ ഒറ്റപ്പെട്ടു കഴിയുന്ന ആദിവാസി കുട്ടികള്‍ക്ക് വിദ്യാഭ്യാസം ഉറപ്പാക്കുന്ന അടത്തോട്ട് ട്രൈബല്‍ സ്ക്കൂളിന് സ്ഥലം വിട്ടു നല്‍കാനായി എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

നഗരങ്ങളിലെ റോഡുകള്‍ക്കിരുവശവും വൃക്ഷങ്ങള്‍ നട്ടുപിടിപ്പിക്കുന്നത് സംബന്ധിച്ച്

1886.

(എ)	നഗരങ്ങളിലെ റോഡുകള്‍ക്കിരുവശവും വൃക്ഷങ്ങള്‍ നട്ടുപിടിപ്പിക്കുന്നതിന് സര്‍ക്കാര്‍ സ്വീകരിച്ചു വരുന്നുണ്ടോ എന്ന് വ്യക്തമാക്കുമോ;

(ബി)	പൊതുജന പങ്കാളിത്തത്തോടെ പ്രസ്തുത പരിപാടി നടപ്പിലാക്കുവാന്‍ തയ്യാറാകുമോ എന്ന് വ്യക്തമാക്കുമോ;?

ശംഖുകുളങ്ങര കാവ് സംരക്ഷിക്കാന്‍ നടപടി

T 1887.

ശ്രീ.ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പ്രകൃതിദത്തമായ കാവുകളെ സംരക്ഷിക്കാനുള്ള പദ്ധതികള്‍ നിലവിലുണ്ടോ;

(ബി)	കയ്പമംഗലം മണ്ഡലത്തിലെ ശ്രീനാരായണപുരം ഗ്രാമപഞ്ചായത്തിലെ ശംഖുകുളങ്ങര കാവ് സംരക്ഷിക്കുവാന്‍ നടപടിയെടുക്കാമോ?

സംസ്ഥാനത്തെ വനഭൂമി

1888.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ ഭൂവിസ്തൃതിയുടെ എത്ര ശതമാനം വനമുണ്ടെന്ന് വ്യക്തമാക്കാമോ;

(ബി)	സംസ്ഥാനത്തെ വനഭൂമി രാജ്യത്തെ വനവിസ്തൃതിയുടെ എത്ര ശതമാനം വരുമെന്ന് കണക്കാക്കിയിട്ടുണ്ടോയെന്ന് വ്യക്തമാക്കാമോ?

വന്യമൃഗങ്ങള്‍ ജനവാസ മേഖലകളില്‍ കടക്കുന്നത് മൂലമുള്ള വിപത്തുകൾ

1889.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	2015 ഏപ്രില്‍ മുതല്‍ 2016 മാര്‍ച്ച് 31 വരെ എത്ര വന്യമൃഗങ്ങള്‍ ജനവാസ മേഖലകളില്‍ കടന്ന് നാശനഷ്ടമുണ്ടാക്കിയിട്ടുണ്ടെന്നും അവ ഏതൊക്കെയാണെന്നും വ്യക്തമാക്കാമോ;

(ബി)	ജനവാസ മേഖലയിൽ വന്യമൃഗങ്ങളുടെ ആക്രമണത്തില്‍ എത്ര പേർ കൊല്ലപ്പെട്ടു എന്നു വ്യക്തമാക്കാമോ;

(സി)	വന്യമൃഗങ്ങള്‍ നാട്ടിലിറങ്ങുന്നത് തടയുന്നതിനായി എന്തെല്ലാം നടപടി സ്വീകരിച്ചുവെന്ന് വ്യക്തമാക്കാമോ?

വനഭൂമിസംരക്ഷണ സംവിധാനങ്ങള്‍

1890.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഓരോ ജില്ലയിലും എത്ര ഏക്കര്‍ വീതം വനഭൂമിയുണ്ട്; വ്യക്തമാക്കാമോ;

(ബി)	ഓരോ ജില്ലയിലും എത്ര ഏക്കര്‍ വനഭൂമിവീതം ആള്‍ക്കാര്‍ കയ്യേറിയിട്ടുണ്ട്; വിശദമാക്കാമോ?

വന്യജീവികളുടെ ആക്രമണങ്ങളില്‍ മരണപ്പെടുന്നവരുടെ ആശ്രിതര്‍ക്ക് സഹായങ്ങള്‍

1891.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വന്യജീവികളുടെ ആക്രമണങ്ങളില്‍ മരണപ്പെടുന്നവരുടെ ആശ്രിതര്‍ക്ക് സഹായങ്ങള്‍ ലഭിക്കുന്നതിനുള്ള നടപടിക്രമം വ്യക്തമാക്കുമോ?

കൊക്കാത്തോട് ഫോറസ്റ്റ് സ്റ്റേഷന്‍ റോഡ്

1892.

(എ)	പത്തനംതിട്ട ജില്ലയില്‍ കൊക്കാത്തോട് ഫോറസ്റ്റ് സ്റ്റേഷന്‍െറ മുന്‍ഭാഗത്തുളള റോഡ് പൂര്‍ണ്ണമായും തകര്‍ന്ന് കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	റോഡിന്റെ തകര്‍ന്നു കിടക്കുന്ന ഇൗ ഭാഗത്ത് ഒരു പാലത്തിന്‍െറ ആവശ്യം ഉളളതായി ശ്രദ്ധയില്‍പ്പെട്ടിട്ടുണ്ടോയെന്ന് അറിയിക്കാമോ;

(സി)	പ്രസ്തുത പാലം പണിയുന്നതിന് ആവശ്യമായ നടപടികള്‍ സ്വീകരിക്കാമോ;

(ഡി)	പ്രസ്തുത പ്രശ്നത്തില്‍ നാളിതുവരെ കെെക്കൊണ്ടിട്ടുളള നടപടികള്‍ വിശദമാക്കാമോ?

വനംവകുപ്പിന്റെ ആധുനികവല്ക്കരണത്തിന് കേന്ദ്രസഹായം

1893.

ശ്രീ.ചിറ്റയം ഗോപകുമാര്‍
,, ആര്‍. രാമചന്ദ്രന്‍
,, എല്‍ദോ എബ്രഹാം
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വനംവകുപ്പിന്റെ ആധുനികവല്ക്കരണത്തിന് കേന്ദ്രസര്‍ക്കാരില്‍ നിന്നും ധനസഹായം തേടിയിട്ടുണ്ടോ; ഉണ്ടെങ്കില്‍ ഏതെല്ലാം പദ്ധതികള്‍ക്ക് എത്രകോടിയുടെ വീതം സഹായമാണ് ആവശ്യപ്പെട്ടിട്ടുളളത്; വ്യക്തമാക്കുമോ;

(ബി)	വനവാസികളായ പട്ടികവര്‍ഗ്ഗവിഭാഗങ്ങളുടെ പുനരധിവാസത്തിനായി എന്തെങ്കിലും പദ്ധതികള്‍ ആവിഷ്ക്കരിച്ചിട്ടുണ്ടോ; ഉണ്ടെങ്കില്‍ വിശദമാക്കുമോ?

കാട്ടുമൃഗങ്ങള്‍ നാട്ടിലിറങ്ങുന്നത് തടയാന്‍ നടപടി

1894.

(എ)	കാട്ടുമൃഗങ്ങള്‍ നാട്ടിലിറങ്ങി കൃഷികും മനുഷ്യര്‍ക്കും വളര്‍ത്തുമൃഗങ്ങള്‍ക്കും ഉപദ്രവം ചെയ്ത എത്ര കേസുകള്‍ കഴിഞ്ഞ വര്‍ഷം രജിസ്റ്റര്‍ ചെയ്തിട്ടുണ്ട്; ജില്ല തിരിച്ചുള്ള കണക്ക് നല്‍കുമോ ; എത്ര രൂപ നഷ്ടപരിഹാരമായി നല്‍കി എന്നതിന്റെ ജില്ല തിരിച്ചുള്ള കണക്ക് നല്‍കാമോ ;

(ബി)	കാട്ടുമൃഗങ്ങള്‍ നാട്ടിലേക്ക് ഇറങ്ങാതിരിക്കാന്‍ വനാതിര്‍ത്തിയില്‍ എന്തെങ്കിലും സംവിധാനം ഏര്‍പ്പെടുത്താന്‍ വനംവകുപ്പ് ഉദ്ദേശിക്കുന്നുണ്ടോ ; ഉണ്ടെങ്കില്‍ എന്തൊക്കെ സംവിധാനങ്ങളാണ് ഏര്‍പ്പെടുത്താന്‍ ഉദ്ദേശിക്കുന്നതെന്ന് വ്യക്തമാക്കുമോ;

(സി)	കാട്ടുമൃഗങ്ങള്‍ നാട്ടിലിറങ്ങുന്നത് പൂര്‍ണ്ണമായും തടയാന്‍ നടപടി സ്വീകരിക്കുമോ ?

വനം വകുപ്പ് സൂക്ഷിച്ചിട്ടുള്ള ആനക്കൊമ്പ്

1895.

(എ)	സംസ്ഥാനത്ത് വനം വകുപ്പ് സൂക്ഷിച്ചിട്ടുള്ള ആനക്കൊമ്പിന്റെ ഏകദേശ അളവ് എത്രയാണെന്ന് അറിയിക്കാമോ;

(ബി)	ഇവ സൂക്ഷിക്കുന്നതിന് ഏത് രീതിയിലുള്ള സംവിധാനമാണ് നിലവില്‍ ഏർപ്പെടുത്തിയിട്ടുള്ളതെന്ന് വ്യക്തമാക്കാമോ ;

(സി)	വനം വകുപ്പ് സൂക്ഷിച്ചിട്ടുള്ള ആനക്കൊമ്പുകള്‍ കൈകാര്യം ചെയ്യുന്നത് സംബന്ധിച്ച് എന്തെങ്കിലും നിര്‍ദ്ദേശം കേന്ദ്ര സര്‍ക്കാർ നല്‍കിയിട്ടുണ്ടോ; ഉണ്ടെങ്കിൽ വ്യക്തമാക്കാമോ;

(ഡി)	ആനക്കൊമ്പ് കത്തിച്ചു കളയാനാണോ മ്യൂസിയത്തില്‍ സൂക്ഷിക്കാനാണോ തീരുമാനിച്ചിട്ടുള്ളതെന്നു വ്യക്തമാക്കാമോ?

പെരിയാര്‍ കടുവ സംരക്ഷണ കേന്ദ്രത്തില്‍ ആനകളുടെ ജഡങ്ങള്‍

1896.

ശ്രീ.പാറക്കല്‍ അബ്ദുള്ള : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പെരിയാര്‍ കടുവ സംരക്ഷണ കേന്ദ്രത്തില്‍ ആനകളുടെ ജഡങ്ങള്‍ കണ്ടെത്തിയ കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി)	ഏതൊക്കെ റെയിഞ്ചുകളിലാണ് ഈ വിധം ജഡങ്ങള്‍ കണ്ടെത്തിയതെന്നും എത്ര ജഡങ്ങള്‍ ഇതിനകം കണ്ടെത്തിയെന്നും വെളിപ്പെടുത്താമോ ;

(സി)	സംഭവത്തെക്കുറിച്ച് ഏതെങ്കിലും തലത്തിലുള്ള അന്വേഷണം നടക്കുന്നുണ്ടോ ;

(ഡി)	എങ്കില്‍ ആരാണ് അന്വേഷണത്തിന് ഉത്തരവിട്ടതെന്നും അന്വേഷണം ഇപ്പോള്‍ ഏത് ഘട്ടത്തിലാണെന്നും വ്യക്തമാക്കാമോ ;

(ഇ)	അന്വേഷണത്തില്‍ ഇതിനകം കണ്ടെത്തിയ കാര്യങ്ങള്‍ എന്തൊക്കെയാണെന്ന് വിശദാംശങ്ങള്‍ നല്‍കാമോ ?

പക്ഷികളുടെ ആവാസ കേന്ദ്രങ്ങളുടെ സംരക്ഷണം

1897.

(എ)	സംസ്ഥാനത്ത് ദേശാടപക്ഷികളുടെയും മറ്റ് പക്ഷികളുടെയും ആവാസ കേന്ദ്രങ്ങളായി മാറുന്ന സ്ഥലങ്ങള്‍ കണ്ടെത്തുന്നതിന് ഏതെങ്കിലും തരത്തിലുള്ള സര്‍വ്വെകള്‍ നടത്താറുണ്ടോ; ഇല്ലെങ്കില്‍ ആയതിന് നടപടി സ്വീകരിക്കാമോ;

(ബി)	ദേശാടന പക്ഷികളുടെയും മറ്റ് അപൂര്‍വ്വ ഇനം പക്ഷികളുടെയും ആവാസ കേന്ദ്രങ്ങളാകുന്ന പ്രദേശങ്ങളുടെ പ്രത്യേകതകള്‍ നിലനിര്‍ത്തുന്നതിനും ഇവയ്ക്കാവശ്യമായ അനുകൂല സാഹചര്യമൊരുക്കുന്നതിനും നടപടി സ്വീകരിക്കാമോ;

(സി)	ഇത്തരം പ്രദേശങ്ങളുടെ സംരക്ഷണം ഏറ്റെടുക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നതെന്ന് വിശദമാക്കാമോ?

കാട്ടുപന്നി ആക്രമണത്തിന് നഷ്ടപരിഹാരം

1898.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	തിരുവമ്പാടി മണ്ഡലത്തിലെ കാരശ്ശേരി പഞ്ചായത്തില്‍ കാട്ടുപന്നി ആക്രമണത്തില്‍ മരണപ്പെട്ട കീലത്ത് അബ്ദുസ്സലാമിന്റെ കുടുംബത്തിന് മുന്‍ സര്‍ക്കാര്‍ പ്രഖ്യാപിച്ച നഷ്ടപരിഹാരം ലഭ്യക്കാത്തതിന്റെ കാരണം വിശദമാക്കുമോ;

(ബി)	പ്രസ്തുത നഷ്ടപരിഹാരം ലഭിക്കുന്നതിന് അടിയന്തര നടപടി സ്വീകരിക്കുമോ?

വന്യമൃഗങ്ങളുടെ ആക്രമണം - നഷ്ടപരിഹാരം

1899.

(എ)	വന്യമൃഗങ്ങള്‍ ജനവാസ മേഖലകളില്‍ ഇറങ്ങുന്നത് ഒഴിവാക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നത്; ഇപ്പോഴത്തെ നടപടികള്‍ ഉദ്ദേശിച്ച ഫലം ചെയ്യുന്നുണ്ടോ; ഇല്ലെങ്കില്‍ മറ്റെന്തെങ്കിലും നടപടികളെക്കുറിച്ച് ചിന്തിക്കുന്നുണ്ടോ;

(ബി)	വന്യജീവികളുടെ ആക്രമണമുണ്ടായാലും കൃഷിനാശം സംഭവിച്ചാലും എത്ര ദിവസത്തിനുള്ളിലാണ് നഷ്ടപരിഹാരത്തുക വിതരണം ചെയ്യുന്നത്; കഴിഞ്ഞ അഞ്ച് വര്‍ഷം വിതരണം ചെയ്ത നഷ്ടപരിഹാരങ്ങളുടെ കണക്ക് ജില്ല തിരിച്ച് നല്‍കാമോ; ഈ ഇനത്തില്‍ ആര്‍ക്കെങ്കിലും തുക നല്‍കാന്‍ ബാക്കിയുണ്ടോ; വ്യക്തമാക്കുമോ;

(സി)	പാമ്പുകടിയേറ്റ് മരിക്കുന്നവരുടെ ആശ്രിതര്‍ക്ക് എത്ര രൂപയാണ് നല്‍കിവരുന്നത്; കഴിഞ്ഞ അഞ്ച് വര്‍ഷം നല്‍കിയ തുകയുടെ കണക്ക് ജില്ല തിരിച്ച് നല്‍കാമോ; ഈ ഇനത്തില്‍ ആര്‍ക്കെങ്കിലും തുക നല്‍കാന്‍ ബാക്കിയുണ്ടോ എന്നും വ്യക്തമാക്കാമോ;

(ഡി)	ആനയുടെ കുത്തേറ്റ് മരിക്കുന്നവര്‍ക്ക് നല്‍കുന്ന നഷ്ടപരിഹാരത്തുക എത്രയാണ്; കഴിഞ്ഞ അഞ്ച് വര്‍ഷം നല്‍കിയ തുകയുടെ കണക്ക് ജില്ല തിരിച്ച് വ്യക്തമാക്കാമോ; ഈ ഇനത്തില്‍ ആര്‍ക്കെങ്കിലും തുക നല്‍കാന്‍ ബാക്കിയുണ്ടോ; വിശദാംശങ്ങള്‍ നല്‍കുമോ?

ആട് വളര്‍ത്തലിന് സബ്സിഡി

1900.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആട് വളര്‍ത്തല്‍ പ്രോത്സാഹിപ്പിക്കാനുള്ള നടപടികള്‍ എന്തെന്ന് വ്യക്തമാക്കാമോ;

(ബി)	ആട് വളര്‍ത്തലിന് സബ്സിഡി നല്‍കാന്‍ ആലോചിക്കുന്നുണ്ടോ;

ഇറച്ചിക്കോഴി ഉദ്പാദന സംസ്കരണ വിപണന കേന്ദ്രങ്ങൾ

1901.

(എ)	കേരളാ പൗള്‍ട്രി ഡവലപ്മെന്റ് കോര്‍പ്പറേഷന്റെ നിയന്ത്രണത്തില്‍ കോഴിയിറച്ചി വിപണന കേന്ദ്രങ്ങള്‍ എവിടെയെല്ലാമാണുള്ളതെന്നു വ്യക്തമാക്കാമോ;

(ബി)	എല്ലാ ജില്ലകളിലും സംസ്ക്കരണ വിപണന കേന്ദ്രങ്ങളുണ്ടോ എന്നു വ്യക്തമാക്കാമോ;

(സി)	ഇല്ലെങ്കിൽ എല്ലാ ജില്ലകളിലും അവ സ്ഥാപിക്കുന്നതിന് നടപടി സ്വീകരിക്കാമോ;

(ഡി)	കേരളത്തിലെ ഇറച്ചിക്കോഴി കര്‍ഷകരില്‍ നിന്നും മികച്ച വില നല്‍കി കോഴിയിറച്ചി വാങ്ങുന്നതിനുള്ള നടപടി സ്വീകരിക്കുമോ എന്നു വ്യക്തമാക്കാമോ;

(ഇ)	എല്ലാ ജില്ലകളിലും പൗള്‍ട്രി ഡവലപ്മെന്റ് കോര്‍പ്പറേഷന്റെ ഉടമസ്ഥതയില്‍ ഇറച്ചിക്കോഴി ഉല്‍പാദന കേന്ദ്രങ്ങള്‍ സ്ഥാപിക്കുന്നതിന് നടപടി സ്വീകരിക്കുമോ എന്നറിയിക്കാമോ?

കോഴിത്തീറ്റ ഫാക്ടറിയുടെ പ്രതിദിന ഉല്പാദനക്ഷമതയും പ്രതിദിനം ഉല്പാദിപ്പിക്കുന്ന തീറ്റയുടെ അളവും

1902.

(എ)	മൃഗസംരക്ഷണവകുപ്പിന്റെ ചുമതലയില്‍ കൊട്ടിയം കേന്ദ്രമാക്കി സ്ഥാപിച്ചിട്ടുളള കോഴിത്തീറ്റ ഫാക്ടറിയുടെ പ്രതിദിന ഉല്പാദനക്ഷമതയും ഇപ്പോള്‍ പ്രതിദിനം ഉല്പാദിപ്പിക്കുന്ന തീറ്റയുടെ അളവും എത്രയാണെന്ന് വ്യക്തമാക്കുമോ;

(ബി)	ഈ സ്ഥാപനത്തില്‍ ആകെ എത്ര ജീവനക്കാരാണുളളത്; ഇതില്‍ സ്ഥിര നിയമനം ലഭിച്ചവര്‍ ഏതൊക്കെ തസ്തികകളില്‍ ജോലി ചെയ്യുന്നുവെന്ന് അറിയിക്കുമോ;

(സി)	ദിവസവേതന അടിസ്ഥാനത്തിലോ, കരാര്‍ അടിസ്ഥാനത്തിലോ ജോലി ചെയ്യുന്ന ജീവനക്കാര്‍ എത്ര പേര്‍ ഉണ്ടെന്നും, ഏതൊക്കെ തസ്തികകളില്‍ എന്നു മുതല്‍ ജോലി ചെയ്യുന്നുവെന്നും വ്യക്തമാക്കുമോ;

(ഡി)	ഈ സ്ഥാപനം ഇപ്പോള്‍ ലാഭകരമായിട്ടാണോ പ്രവര്‍ത്തിക്കുന്നത്; ഇല്ലെങ്കില്‍ കാരണം വ്യക്തമാക്കുമോ?

ചെങ്ങന്നൂര്‍ സെന്‍ട്രല്‍ ഹാച്ചറിയുടെ ശോച്യാവസ്ഥ

1903.

(എ)	ചെങ്ങന്നൂര്‍ സെന്‍ട്രല്‍ ഹാച്ചറിയുടെ നിലവിലെ ശോച്യാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	ചെങ്ങന്നൂര്‍ സെന്‍ട്രല്‍ ഹാച്ചറിയുടെ പുരോഗതിക്കാവശ്യമായ റിവോള്‍വിംഗ് ഫണ്ട്, ജീവനക്കാര്‍, മറ്റ് ഘടകങ്ങള്‍ എന്നിവ സജ്ജീകരിച്ച് പ്രസ്തുത ഹാച്ചറിയെ ശോച്യാവസ്ഥയില്‍ നിന്ന് കരകയറ്റുന്നതിനുള്ള നടപടി സ്വീകരിക്കുമോ;

(സി)	ചെങ്ങന്നൂര്‍ സെന്‍ട്രല്‍ ഹാച്ചറിയില്‍ ഇപ്പോള്‍ പ്രവര്‍ത്തന യോഗ്യമല്ലാത്ത കെട്ടിടങ്ങളും സ്ഥലങ്ങളും പ്രയോജനപ്പെടുത്തി വെറ്ററിനറി കോളേജ് ആരംഭിക്കുന്ന കാര്യം ആലോചിക്കുന്നുണ്ടോയെന്ന് വ്യക്തമാക്കുമോ??

കേരള ലൈവ് സ്റ്റോക്ക് ആക്റ്റ് 1961

1904.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കേരള ലൈവ് സ്റ്റോക്ക് ആക്റ്റ് 1961, പ്രകാരം നാടന്‍ പശുക്കളെ ബ്രീഡ് ചെയ്യാന്‍ പാടില്ല എന്ന നിയമം സംസ്ഥാനത്ത് നിലവിലുണ്ടോ; വ്യക്തമാക്കുമോ;

(ബി)	നാടന്‍ പശുക്കളെ ബ്രീഡ് ചെയ്യാന്‍ പാടില്ലെന്നും നിയമവിരുദ്ധമായി ബ്രീഡു ചെയ്യുകയാണെങ്കില്‍ 3 മാസം വരെ ശിക്ഷ നല്‍കാവുന്നതാണെന്നും നിയമം അനുശാസിക്കുന്നുണ്ടോ;

(സി)	എങ്കില്‍ ഈ നിയമം മൂലം നാടന്‍ പശുക്കള്‍, വംശനാശ ഭീഷണിയിലാകുന്നതിനാല്‍ 1961 ലെ ലൈവ്സ്റ്റേക്ക് ആക്റ്റ് ഭേദഗതി ചെയ്ത് ഇവയുടെ സംരക്ഷണം ഉറപ്പുവരുത്തുമോ?

വിതുര ചെറ്റച്ചല്‍ ജെഴ്സി ഫാമിലെ ഡയറി സയന്‍സ് കോളേജിന്റെ നിര്‍മ്മാണം

1905.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	വിതുര പഞ്ചായത്തില്‍ ആരംഭിക്കുന്ന ഡയറി സയന്‍സ് കോളേജിന്റെ നിര്‍മ്മാണവുമായി ബന്ധപ്പെട്ട് എന്തെല്ലാം നടപടികളാണ് പൂര്‍ത്തിയായിട്ടുളളത്. വിശദമാക്കാമോ;

(ബി)	ഡയറി സയന്‍സ് കോളേജിന്റെ നി‍ര്‍മ്മാണത്തിനാവശ്യമായ ഭൂമി ഏറ്റെടുക്കുന്നതുമായി ബന്ധപ്പെട്ട നടപടികളുടെ പുരോഗതി വ്യക്തമാക്കാമോ;

(സി)	ഡയറി സയന്‍സ് കോളേജിന്റെ പ്രവര്‍ത്തനങ്ങള്‍ക്കാവശ്യമായ തസ്തികകള്‍ സൃഷ്ടിച്ചിട്ടുണ്ടോ; ഇല്ലെങ്കില്‍ ഇതിനുളള സത്വര നടപടികള്‍ സ്വീകരിക്കാമോ?

കൊയിലാണ്ടി മണ്ഡലത്തിലെ തിരുവണ്ടൂരില്‍ സ്ഥാപിച്ച കാലിത്തീറ്റ ഫാക്ടറി

1906.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി മണ്ഡലത്തിലെ തിരുവണ്ടൂരില്‍ സ്ഥാപിച്ച കാലിത്തീറ്റ ഫാക്ടറി ഉത്ഘാടനം കഴിഞ്ഞിട്ടും പ്രവര്‍ത്തനം ആരംഭിച്ചിട്ടില്ലാത്തത് ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കാമോ;

(ബി)	പ്രസ്തുത സ്ഥാപനത്തിന് ബില്‍ഡിംഗ് നമ്പരും, വൈദ്യുതി കണക്ഷനും ലഭിച്ചിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോയെന്ന് വെളിപ്പെടുത്താമോ;

(സി)	പ്രസ്തുത കാലിത്തീറ്റ ഫാക്ടറി അടിയന്തരമായി തുറന്ന് പ്രവര്‍ത്തിപ്പിക്കാന്‍ നടപടികള്‍ സ്വീകരിക്കാമോ?

പാലിന്റെയും പാലുല്പന്നങ്ങളുടെയും ഗുണമേന്മ

1907.

(എ)	പാല്‍, പാലുല്പന്നങ്ങള്‍ എന്നിവയുടെ ഗുണമേന്മ പരിശോധിക്കുന്നതിന് എന്തെല്ലാം സംവിധാനങ്ങളാണ് നിലവിലുള്ളത്; വ്യക്തമാക്കുമോ;

(ബി)	ഗുണമേന്മ പരിശോധന കൃത്യമായ ഇടവേളകളില്‍ നടത്താറുണ്ടോ; വിശദാംശം ലഭ്യമാക്കുമോ;

(സി)	പ്രസ്തുത പരിശോധനകളില്‍ ഗുണമേന്മ കുറഞ്ഞതും മായം കലര്‍ന്നതുമായ ഉല്പന്നങ്ങള്‍ കണ്ടെത്തിയിട്ടുണ്ടോയെന്നും; ഉണ്ടെങ്കില്‍ ഏതെല്ലാം കമ്പനികളുടെ ഏതെല്ലാം ഉല്പന്നങ്ങളാണെന്നും വെളിപ്പെടുത്തുമോ;

(ഡി)	ഇവയുടെ വില്പന സംസ്ഥാനത്ത് നിരോധിച്ചിട്ടുണ്ടോ; ഏതെല്ലാം കമ്പനികള്‍ക്കെതിരെ നിയമ നടപടി സ്വീകരിച്ചിട്ടുണ്ട്; വിശദാംശം വെളിപ്പെടുത്തുമോ?

ചാത്തന്നൂര്‍ മണ്ഡലത്തിലെ ക്ഷീരസഹകരണ സംഘങ്ങള്‍

1908.

(എ)	ചാത്തന്നൂര്‍ നിയോജക മണ്ഡലത്തില്‍ അഡ്മിനിസ്ട്രേറ്റര്‍/കമ്മിറ്റിയുടെ നിയന്ത്രണത്തില്‍ പ്രവര്‍ത്തിക്കുന്ന ക്ഷീരസഹകരണ സംഘങ്ങള്‍ നിലവിലുണ്ടോ; എങ്കില്‍ ആയത് ഏതൊക്കെയാണെന്ന് അറിയിക്കുമോ;

(ബി)	പ്രസ്തുത ക്ഷീരസംഘങ്ങളില്‍ സമയ ബന്ധിതമായി തെരഞ്ഞെടുപ്പ് നടത്തുവാന്‍ സന്നദ്ധമാകുമോ; വിശദാംശം അറിയിക്കുമോ?

ക്ഷീരോല്‍പാദക മേഖല

T 1909.

ശ്രീ. എന്‍ .എ.നെല്ലിക്കുന്ന്
,, സി.മമ്മൂട്ടി
,, പി.ഉബൈദുള്ള
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	അഭ്യസ്തവിദ്യരായ ചെറുപ്പക്കാരെ ക്ഷീരോല്‍പാദക മേഖലയിലേക്ക് ആക്ര‍ഷിക്കുന്നതിന് പദ്ധതികള്‍ തയ്യാറാക്കിയിട്ടുണ്ടോ ;

(ബി)	പ്രസ്തുത മേഖലയിലേക്ക് കൂടുതല്‍ കര്‍ഷകര്‍ കടന്നുവരാന്‍ മടിക്കുന്നതിന്റെ കാരണങ്ങള്‍ വിശകലനം ചെയ്തിട്ടുണ്ടോ ;

(സി)	ഉണ്ടെങ്കില്‍ ഇതിന് ശാശ്വത പരിഹാരമുണ്ടാക്കി, ചെറുപ്പക്കാരെ ക്ഷീരോല്‍പാദക മേഖലയിലേക്ക് കൂടുതലായി ആകര്‍ഷിക്കാനും തൊഴില്‍ ലാഭകരമാക്കാനും നടപടി സ്വീകരിക്കുമോ ?

ക്ഷീരോത്പാദനം വര്‍ദ്ധിപ്പിക്കുന്നതിന് നടപടി

1910.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ക്ഷീരോല്പാദനം വര്‍ദ്ധിപ്പിക്കുന്നതിന് ക്ഷീരവികസന വകുപ്പ് എന്തെല്ലാം പദ്ധതികളാണ് നടപ്പിലാക്കി വരുന്നത്;

(ബി)	ചെറുകിട ക്ഷീര കര്‍ഷകര്‍ ഇപ്പോള്‍ ഏറെ നഷ്ടം സഹിച്ചാണ് ഈ മേഖലയില്‍ തുടരുന്നത് എന്നത് കണക്കിലെടുത്ത്, അവര്‍ക്കായി എന്തെല്ലാം സഹായ നടപടികള്‍ സ്വീകരിക്കാന്‍ കഴിയുമെന്ന് വ്യക്തമാക്കുമോ;

(സി)

മില്‍ക്ക് ഷെഡ് ഡവലപ്മെന്റ് പ്രോഗ്രാം പോലുള്ള പദ്ധതികളില്‍ അന്യസംസ്ഥാനത്തു നിന്നും പശുക്കളെ കൊണ്ടുവരണമെന്ന നിയമം ചെറുകിട കര്‍ഷകര്‍ ഈ രംഗത്തേക്ക് വരുന്നതിനെ നിരുത്സാഹപ്പെടുത്തുന്നു എന്ന വസ്തുത ശ്രദ്ധയില്‍പെട്ടിട്ടുണ്ടോ; കെ.എല്‍.ഡി. ബോര്‍ഡ് പോലുള്ള സ്ഥാപനങ്ങളുടെ സഹായത്തോടെ ഉല്പാദന മേന്മയുള്ള പശുക്കളെ കര്‍ഷകര്‍ക്ക് ലഭ്യമാക്കാനാവശ്യമായ നടപടികള്‍ സ്വീകരിക്കാമോ?

പാലുല്പാദനത്തില്‍ സ്വയം പര്യാപ്തത

1911.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പാലുല്പാദനത്തില്‍ സ്വയം പര്യാപ്തത കൈവരിക്കുന്നതിന് എന്തെല്ലാം നടപടികളാണ് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കാമോ;

(ബി)	പ്രസ്തുത പദ്ധതികളില്‍ ജനകീയ പങ്കാളിത്തം ഉറപ്പുവരുത്താന്‍ നടപടികള്‍ സ്വീകരിച്ചിട്ടുണ്ടോ എന്ന് വ്യക്തമാക്കുമോ;

(സി)	സംസ്ഥാനത്ത് പാലിന്റെ ഇറക്കുമതി കുറയ്ക്കുന്നതിന് നിലവില്‍ നടപടി സ്വീകരിച്ചിട്ടുണ്ടോ എന്ന് വ്യക്തമാക്കുമോ?

Website maintained by Information System Section, Kerala Legislative Assembly, Thiruvananthapuram.