13KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >1^st Session>Unstarred questions Answers

Answer Provided

Answer Not Yet Provided

FOURTEENTH KLA - 1^st SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ജലനിധി പദ്ധതി

559.

ശ്രീ.എ.എം. ആരിഫ്
,, കെ. ആന്‍സലന്‍
,, കെ.ജെ. മാക്സി
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	'ജലനിധി' പദ്ധതിയുടെ നടത്തിപ്പിലെ അലംഭാവം, പദ്ധതി ലക്ഷ്യപ്രാപ്തിയിലെത്തിക്കാന്‍ കഴിയാത്ത അവസ്ഥ സംസ്ഥാനത്ത് സംജാതമാക്കിയിട്ടുണ്ടോ;

(ബി)	പദ്ധതിയുടെ ഓരോ ഘട്ടത്തിന്റെയും ആസൂത്രണവും, നിര്‍മ്മാണവും, വിതരണവും സമയബന്ധിതമായി നടത്താന്‍ കഴിഞ്ഞിരുന്നോ ;വ്യക്തമാക്കുമോ;

(സി)	'ജലനിധി' പദ്ധതി സാധാരണ ജനങ്ങള്‍ക്ക് പ്രയോജനപ്പെടുത്തക്കവിധം പ്രായോഗികമായി നടപ്പാക്കാന്‍ നിര്‍ദ്ദേശം നല്‍കുമോ;

(ഡി)	പദ്ധതിയുടെ പൂര്‍ത്തീകരണത്തോടെ എത്ര പേര്‍ക്ക് ഇതിന്റെ പ്രയോജനം ലഭ്യമാക്കാന്‍ സാധിക്കുമെന്ന് അറിയിക്കുമോ;

(ഇ)	പ്രസ്തുത പദ്ധതിയുടെ നടത്തിപ്പുമായി ബന്ധപ്പെട്ട് എന്തെങ്കിലും ആരോപണങ്ങള്‍ ഉയര്‍ന്നുവന്നിട്ടുണ്ടോയെന്ന് പരിശോധിക്കുമോ?

ചീക്കോട് കുടിവെള്ള പദ്ധതി

560.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കൊണ്ടോട്ടി നിയോജക മണ്ഡലത്തിലെ ചീക്കോട് കുടിവെള്ള പദ്ധതിയുടെ നിലവിലുള്ള അവസ്ഥ വ്യക്തമാക്കുമോ;

(ബി)	പദ്ധതി പൂര്‍ണ്ണമായും കമ്മീഷന്‍ ചെയ്യുന്നതിന് എത്ര കാലം എടുക്കുമെന്ന് വ്യക്തമാക്കാമോ;

(സി)	പദ്ധതി പൂര്‍ത്തീകരണത്തിനായി ചെയ്യാനുദ്ദേശിക്കുന്ന കാര്യങ്ങള്‍ ഏന്തൊക്കെയാണെന്ന് വെളിപ്പെടുത്തുമോ?

പ്രാദേശിക ജലാശയങ്ങള്‍ നവീകരിക്കുന്നതിന് നടപടി

561.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രാദേശിക ജലാശയങ്ങളുടെ സര്‍വ്വെ സംബന്ധിച്ച നടപടികള്‍ ഏതുഘട്ടത്തിലാണ്; വിശദമാക്കാമോ;

(ബി)	കേന്ദ്ര സര്‍ക്കാര്‍ പദ്ധതിയായ 'ആര്‍. ആര്‍. ആര്‍. ഓഫ് പോണ്ട്സ്' -ല്‍ ഉള്‍പ്പെടുത്തി പ്രാദേശിക ജലാശയങ്ങള്‍ നവീകരിക്കുന്നതിന് നടപടികള്‍ സ്വീകരിച്ചിട്ടുണ്ടോ;

(സി)	എല്ലാ പാരമ്പര്യ ജല സ്രോതസുകളെയും നവീകരിക്കുന്നതിന് ഒരു സമഗ്ര പദ്ധതി ആസൂത്രണം ചെയ്തു നടപ്പിലാക്കാന്‍ നടപടികള്‍ സ്വീകരിക്കുമോ?

മീനാട് കുടിവെള്ള പദ്ധതി

562.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജപ്പാന്‍ സഹായത്തോടെയുള്ള മീനാട് കുടിവെള്ള പദ്ധതിയുടെ നിര്‍മ്മാണ പ്രവൃത്തികള്‍ ആരംഭിച്ചത് എന്നാണെന്ന് വ്യക്തമാക്കുമോ;

(ബി)	പദ്ധതിയുടെ നിര്‍മ്മാണ പ്രവൃത്തികള്‍ മുടങ്ങിയിട്ട് എത്ര കാലമായി;

(സി)	പദ്ധതിയില്‍ അവശേഷിക്കുന്ന പ്രവര്‍ത്തികള്‍ എന്തെല്ലാമാണ്; അവ എവിടെയെല്ലാമാണ്;

(ഡി)	ശേഷിക്കുന്ന പണികള്‍ അടിയന്തരമായി ആരംഭിക്കുന്നതിന് സ്വീകരിച്ച നടപടികള്‍ വിശദമാക്കുമോ;

(ഇ)	പദ്ധതി എന്നത്തേക്ക് പൂര്‍ത്തീകരിക്കാനാണ് ഉദ്ദേശിയ്ക്കുന്നതെന്ന് വ്യക്തമാക്കുമോ?

ജലസേചന വകുപ്പിലെ നിര്‍മ്മാണ പ്രവര്‍ത്തന ങ്ങള്‍

563.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)

കഴിഞ്ഞ 5 വര്‍ഷക്കാലം ജലസേചന വകുപ്പില്‍എത്ര റഗുലേറ്റര്‍ കം ബ്രിഡ്ജ്, തടയണകള്‍ എന്നിവ നിര്‍മ്മിക്കാന്‍ അനുമതി നല്‍കിയിട്ടുണ്ട്; അവ ഏതെല്ലാം; ഈ ഇനത്തില്‍ ഓരോ വര്‍ഷവും എത്ര തുകയ്ക്കുള്ള ഭരണാനുമതിയാണ് നല്‍കിയിട്ടുള്ളത്; ഇവയില്‍ എത്രയെണ്ണം പുര്‍ത്തിയായി; പൂര്‍ത്തിയാകാനുള്ളതിന്റെ ഇപ്പോഴത്തെ അവസ്ഥ വ്യക്തമാക്കാമോ?

പാറശാല മണ്ഡലത്തിലെ കുളങ്ങളുടെ സംരക്ഷണം

564.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പാറശാല മണ്ഡലത്തിലുള്ള ചെറുതും വലുതുമായുളള ആയിരത്തിലേറെ കുളങ്ങളുടെ സംരക്ഷണം ഉറപ്പുവരുത്തുന്നതിനും അവ ജലസേചന ആവശ്യങ്ങള്‍ക്കായി ഉപയോഗിക്കുന്നതിനും ഏതെങ്കിലും തരത്തിലുള്ള നടപടികള്‍ കൈക്കൊള്ളുവാന്‍ ഉദ്ദേശിയ്ക്കുന്നുണ്ടോ;

(ബി)	ജലസ്രോതസുകള്‍ സംരക്ഷിക്കേണ്ടതിന്റെ ആവശ്യകതയെ സംബന്ധിച്ച് സ്കൂള്‍തലം മുതല്‍ അവബോധം വളര്‍ത്തേണ്ടതിന്റെ ആവശ്യകതയുടെ അടിസ്ഥാനത്തില്‍ ഇക്കൊല്ലം ഏതെങ്കിലും പദ്ധതി നടപ്പിലാക്കുവാന്‍ ഉദ്ദേശിക്കുന്നുണ്ടോ എന്ന് വ്യക്തമാക്കുമോ?

കരീമ്പ, കോങ്ങാട് എന്നീ പഞ്ചായത്തുകളിലെ കുടിവെളളക്ഷാമം

565.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കോങ്ങാട് മണ്ഡലത്തിലെ കരീമ്പ, കോങ്ങാട് എന്നീ പഞ്ചായത്തുകളിലെ രൂക്ഷമായ കുടിവെളളക്ഷാമം പരിഹരിക്കുന്നതിനായി അടിയന്തര നടപടി സ്വീകരിക്കുമോ;

(ബി)	ഇതിനായി വാട്ടര്‍ അതോറിറ്റി എം.ഡി.യ്ക്ക് നല്‍കിയ കത്തിന്മേല്‍ സത്വര നടപടി സ്വീകരിച്ച് ഭരണാനുമതി ലഭ്യമാക്കുന്നതിനുള്ള നടപടി സ്വീകരിക്കുമോ ?

ചിറക്കര ലിഫ്റ്റ് ഇറിഗേഷന്‍ പദ്ധതി പ്രവര്‍ത്തന സജ്ജമാക്കാന്‍ നടപടി

566.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കല്ലട ജലസേചന പദ്ധതിയിന്‍ കീഴില്‍ ചിറക്കര ഗ്രാമപഞ്ചായത്ത് പ്രദേശത്ത് സ്ഥാപിതമായിട്ടുളള ചിറക്കര ലിഫ്റ്റ് ഇറിഗേഷന്‍ പദ്ധതി പ്രവര്‍ത്തന സജ്ജമാക്കുവാന്‍ നടപടി സ്വീകരിക്കുമോ;

(ബി)	പ്രസ്തുത പദ്ധതി പ്രവര്‍ത്തനസജ്ജമാക്കുന്നതിനായി ഇനി എന്തൊക്കെ നടപടികളാണ് സ്വീകരിക്കാനുള്ളതെന്ന് വിലയിരുത്തിയിട്ടുണ്ടോ; എങ്കില്‍ ആയത് എന്തൊക്കെയാണെന്ന് അറിയിക്കുമോ;

(സി)	പരവൂര്‍ നഗരസഭ, പൂതക്കുളം ഗ്രാമപഞ്ചായത്ത്, ചിറക്കര ഗ്രാമപഞ്ചായത്ത് എന്നീ പ്രദേശങ്ങളില്‍ കനാല്‍ നിര്‍മ്മാണം പൂര്‍ത്തീകരിക്കുവാന്‍ എത്ര രൂപ വേണ്ടിവരുമെന്ന് കണക്കാക്കിയിട്ടുണ്ടോ; വിശദാംശം നല്‍കുമോ?

തൃശൂര്‍ ജില്ലയിലെ കനോലികനാലിലെ ജലപാതകള്‍

567.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തൃശൂര്‍ ജില്ലയിലെ കനോലി കനാലില്‍ നിലവില്‍ ജലപാതകള്‍ ഉണ്ടെങ്കിൽ വിശദമാക്കാമോ;

(ബി)	കനാലിൽ പുതിയ ജലപാതകളുടെ നിര്‍മ്മാണത്തിന് പദ്ധതികള്‍ ഉണ്ടെങ്കിൽ ഏതൊക്കെയാണെന്ന് വെളിപ്പെടുത്താമോ;

(സി)	ഗുരുവായൂര്‍ ക്ഷേത്രം, പാലയൂര്‍, പാവരട്ടിപള്ളികള്‍, തൃപ്രയാര്‍, കൊടുങ്ങല്ലൂര്‍ ക്ഷേത്രങ്ങള്‍ എന്നിവിടങ്ങളിലെ തീര്‍ത്ഥാടകരുടെ സൗകര്യാര്‍ത്ഥ്യമുള്ള ജലപാത നിര്‍മ്മാണം പരിഗണിക്കുമോയെന്ന് വ്യക്തമാക്കാമോ?

കവ്വായി കായലിലെയും കാര്യങ്കോട് നദിയിലെയും കരയിടിച്ചില്‍ തടയുന്നതിന് നടപടി

568.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ തൃക്കരിപ്പൂര്‍ മണ്ഡലത്തിലെ തീരപ്രദേശങ്ങളായ കവ്വായി കായലിലെയും കാര്യങ്കോട് നദിയിലെയും വ്യാപകമായ കരയിടിച്ചില്‍ തടയുന്നതിന് നടപടികള്‍ സ്വീകരിയ്ക്കുമോ;

(ബി)	പ്രസ്തുത പ്രദേശങ്ങളില്‍ കരകെട്ടി സംരക്ഷിക്കാനും അനിയന്ത്രിതമായ മണലെടുപ്പ് തടയാനും നടപടികള്‍ സ്വീകരിയ്ക്കുമോ എന്ന് വ്യക്തമാക്കുമോ?

ചേലക്കര മണ്ഡലത്തില്‍ തടയണ നിര്‍മ്മാണം

569.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ചേലക്കര മണ്ഡലത്തില്‍ നിര്‍മ്മാണത്തിലിരിക്കുന്ന ഇനിയും പൂര്‍ത്തീകരിക്കാത്ത തടയണകള്‍ എതെല്ലാമാണെന്ന് വ്യക്തമാക്കുമോ; അവ പൂര്‍ത്തീകരിയ്ക്കാത്തതിനുളള കാരണങ്ങള്‍ വ്യക്തമാക്കാമോ;

(ബി)	ചെറുതുരുത്തി തടയണ നിര്‍മ്മാണം പൂര്‍ത്തിയാക്കുന്നതില്‍ കുറ്റകരമായ അലംഭാവം കാണിച്ചതായി കംപ്‍ട്രോളര്‍ & ആഡിറ്റര്‍ ജനറല്‍ റിപ്പോര്‍ട്ടില്‍ പരാമര്‍ശമുളളതായി ശ്രദ്ധയില്‍പ്പെട്ടിട്ടുണ്ടോ; ഇത് സംബന്ധിച്ച വിശദാംശങ്ങള്‍ എന്തൊക്കെയാണെന്ന് വ്യക്തമാക്കാമോ;

(സി)	നിര്‍മ്മാണം പൂര്‍ത്തിയാക്കേണ്ട തടയണകളുടെ പദ്ധതിയില്‍ ഉള്‍പ്പെടുത്തി പ്രസ്തുത തടയണ നിര്‍മ്മാണം അടിയന്തരമായി പൂര്‍ത്തിയാക്കുന്നതിനുളള നടപടി സ്വീകരിക്കുമോ ?

കായംകുളം മണ്ഡലത്തിലെ ജലസേചന പദ്ധതികള്‍

570.

ശ്രീമതി യു. പ്രതിഭാ ഹരി : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കായംകുളം അസംബ്ലി മണ്ഡലത്തില്‍ 2014 - 2015, 2015 - 2016 കാലഘട്ടത്തില്‍, മേജര്‍/ മൈനര്‍ ഇറിഗേഷന്‍ വകുപ്പു വഴി ഭരണാനുമതി ലഭിച്ചിരുന്ന പ്രവൃത്തികള്‍ ഏതൊക്കെയെന്നും, പദ്ധതികള്‍, അനുവദിച്ച തുക, പ്രവൃത്തികളുടെ നിലവിലുള്ള പുരോഗതി എന്നിവയും വിശദമാക്കാമോ?

ഭരണാനുമതി ലഭിച്ച പ്രവൃത്തികള്‍

571.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സര്‍ക്കാരിന്റെ കാലത്ത് ഇറിഗേഷന്‍, മെെനര്‍ ഇറിഗേഷന്‍ വകുപ്പുകളില്‍ ഭരണാനുമതി ലഭിച്ച പ്രവൃത്തികളുടെ നിലവിലുള്ള അവസ്ഥ വിശദമാക്കാമോ;

(ബി)	പ്രസ്തുത പ്രവൃത്തികള്‍ എപ്പോള്‍ പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ?

പുത്തൂര്‍ കുടിവെളള പദ്ധതി

572.

(എ)	പയ്യന്നൂര്‍ നിയോജകമണ്ഡലത്തില്‍ ആസ്തി വികസന പദ്ധതി പ്രകാരം കരിവെളളൂര്‍ -പെരളം പഞ്ചായത്തില്‍ നടപ്പിലാക്കുന്ന പുത്തൂര്‍ കുടിവെളള പദ്ധതിയുടെ നിലവിലുളള അവസ്ഥ വിശദമാക്കാമോ;

(ബി)	പ്രസ്തുത പദ്ധതി പൂര്‍ത്തീകരിച്ച് ജനങ്ങള്‍ക്ക് കുടിവെളളം എപ്പോള്‍ വിതരണം ചെയ്യാന്‍ സാധിക്കുമെന്ന് അറിയിക്കാമോ?

കൊയിലാണ്ടി നിയോജക മണ്ഡലത്തിലെ വിവിധ കുടിവെള്ള പദ്ധതികള്‍

573.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി നിയോജക മണ്ഡലത്തില്‍ കേരള വാട്ടര്‍ അതോറിട്ടി മുഖേന പരിപാലിക്കപ്പെടുന്നതും ,മറ്റ് വകുപ്പുകളുടെ നിര്‍ദ്ദേശപ്രകാരം കേരള വാട്ടര്‍ അതോറിട്ടി ഏറ്റെടുത്ത് നടപ്പിലാക്കിവരുന്നതും, നടപ്പിലാക്കാനിരിക്കുന്നതുമായ വിവിധ കുടിവെള്ള പദ്ധതികള്‍ ഏതെല്ലാം; ഓരോ പദ്ധതിയുടെയും വിശദമായ വിവരം വ്യക്തമാക്കാമോ;

(ബി)	ഈ പദ്ധതികളില്‍ പ്രവര്‍ത്തനക്ഷമമല്ലാത്തതായി മാറിയ പദ്ധതികള്‍ ഏതെല്ലാം ; ഇത്തരത്തിലുള്ള പദ്ധതികളെ പ്രവര്‍ത്തനയോഗ്യമാക്കാന്‍ കേരള വാട്ടര്‍ അതോറിട്ടി തനതായും മറ്റ് വകുപ്പുകളുമായി ചേര്‍ന്നും എന്ത് നടപടികള്‍ ഉടനെ സ്വീകരിക്കും എന്നത് വ്യക്തമാക്കാമോ;

(സി)

കൊയിലാണ്ടി നഗരത്തില്‍ ചിറ്റാറികടവ് റെഗുലേറ്റര്‍ കം ബ്രിഡ്ജ് കമ്മീഷന്‍ ചെയ്യുന്നതോടെ പ്രാവര്‍ത്തികമാക്കാന്‍ ഉദ്ദേശിച്ച് കേരള വാട്ടര്‍ അതോറിട്ടി മുന്‍ സര്‍ക്കാരിന്റെ കാലയളവില്‍ സമര്‍പ്പിച്ച പ്രോജക്ടിന്റെ വിശദാംശം ലഭ്യമാക്കാമോ ; ഈ പ്രോജക്ടിന്റെ സമ്പൂര്‍ണ പകര്‍പ്പ് ലഭ്യമാക്കാമോ; സര്‍ക്കാരിന് സമര്‍പ്പിച്ച ഈ പദ്ധതിക്ക് ഭരണാനുമതി നല്‍കുന്നതിന് അന്നത്തെ സര്‍ക്കാര്‍ നടപടി സ്വീകരിച്ചിരുന്നുവോ; ഈ പദ്ധതി ഇപ്പോള്‍ പരിഗണിച്ച് ഭരണാനുമതി നല്‍കാന്‍ നടപടികള്‍ സ്വീകരിക്കുമോ?

നായര്‍കുഴി ലിഫ്റ്റ് ഇറിഗേഷന്‍ പദ്ധതി

574.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നബാര്‍ഡ് സഹായത്തോടെ ടെണ്ടര്‍ ചെയ്ത കുന്ദമംഗലം മണ്ഡലത്തിലെ നായര്‍കുഴി ലിഫ്റ്റ് ഇറിഗേഷന്‍ പദ്ധതി കരാര്‍ എടുക്കാന്‍ ആരും സന്നദ്ധമാവാത്തത് കാരണം നടപ്പിലാക്കാന്‍ കഴിയാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	എസ്റ്റിമേറ്റ് തുകയില്‍ സിംഹഭാഗവും പൈപ്പ് വാങ്ങുന്നതിനായതി നാലാണ് കരാര്‍ ഏറ്റെടുക്കാന്‍ ആരും മുമ്പോട്ടുവരാതിരുന്നതെന്നത് കണക്കിലെടുത്ത് പൈപ്പിനും സിവില്‍ വര്‍ക്കിനും പ്രത്യേകം പ്രത്യേകം ടെണ്ടര്‍ ക്ഷണിക്കാന്‍ നടപടി സ്വീകരിക്കുമോയെന്ന് വ്യക്തമാക്കാമോ?

കാസര്‍ഗോഡ് മയ്യിച്ച-വെങ്ങാട്ട് പാലത്തേരയില്‍ കാര്‍ഷിക പാക്കേജില്‍ ഉള്‍പ്പെടുത്തി പാലം നിര്‍മ്മിക്കുന്നത്

575.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ മയ്യിച്ച-വെങ്ങാട്ട് പാലത്തേര പുഴയ്ക്ക് കുറുകെ കാര്‍ഷിക പാക്കേജില്‍ ഉള്‍പ്പെടുത്തി പാലം നിര്‍മ്മിക്കുന്നതിനായി നേരത്തെ സ്വീകരിച്ച നടപടി ഇപ്പോള്‍ ഏതു ഘട്ടത്തിലാണെന്ന് അറിയിക്കുമോ; പ്രസ്തുത പ്രവൃത്തി എന്നാരംഭിക്കാന്‍ കഴിയുമെന്ന് വ്യക്തമാക്കാമോ?

കുറ്റ്യാടി ഇറിഗേഷന്‍ പ്രോജക്റ്റിന്റെ കനാലുകള്‍ ബലപെടുത്തുന്നതിനും മെയിന്റനന്‍സിനുമായി സമഗ്രമായ ഒരു പാക്കേജ് നടപ്പിലാക്കാന്‍ നടപടി

576.

(എ)	കുറ്റ്യാടി ഇറിഗേഷന്‍ പ്രോജക്റ്റ് നിലവില്‍ വന്നത് എന്നാണ്;വ്യക്തമാക്കാമോ:

(ബി)	ഈ പ്രോജക്റ്റിന്റെ ഭാഗമായുള്ള മെയിന്‍ കനാല്‍, ബ്രാഞ്ച് കനാല്‍, ഡിസ്ട്രിബ്യൂട്ടറി എന്നിവ ഏതെല്ലാമാണ്; കൊയിലാണ്ടി മണ്ഡലത്തിലൂടെ കടന്ന് പോവുന്നത് ഏതെല്ലാമാണെന്ന് വിശദമാക്കാമോ;

(സി)

കുറ്റ്യാടി ഇറിഗേഷന്‍ പ്രോജക്റ്റ് കനാലിന്റെ പല ഭാഗങ്ങളും നാശാവസ്ഥയിലാണ് എന്നും ഇത് കാരണം വേനല്‍ കാലത്ത് വെള്ളമെത്താത്ത അവസ്ഥ കൊയിലാണ്ടിയിലെ മിക്ക പഞ്ചായത്തുകളിലും ഉണ്ടായി എന്നതും പ്രസ്തുത പ്രശ്നവുമായി ബന്ധപ്പെട്ട് കൊയിലാണ്ടി തഹസില്‍ദാരുടെ ഓഫീസ് ജനപ്രതിനിധികള്‍ ഖെരാവോ ചെയ്തു എന്നതും ശ്രദ്ധയില്‍പ്പെട്ടിട്ടുണ്ടോ;

(ഡി)	കുറ്റ്യാടി ഇറിഗേഷന്‍ പ്രോജക്റ്റിന്റെ വിവിധ കനാലുകള്‍ ബലപെടുത്തുന്നതിനും മെയിന്റനന്‍സിനുമായി സമഗ്രമായ ഒരു പാക്കേജ് നടപ്പിലാക്കാന്‍ നടപടി സ്വീകരിക്കുമോ;

(ഇ)	പതിനായിരക്കണക്കിന് കുടുംബങ്ങളുടെ കുടിവെള്ള ആവശ്യം എന്ന നിലയില്‍ ഇതിന് പ്രാഥമിക പരിഗണന നല്‍കുമോ?

കോഴിക്കോട് ചാത്തമംഗലം എന്‍.എെ.ടി.യിലെ ശുദ്ധജലക്ഷാമം

577.

(എ)	കോഴിക്കോട് ചാത്തമംഗലം എന്‍.എെ.ടി.യില്‍ ശുദ്ധജലക്ഷാമം അനുഭവപ്പെടുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി)	ജപ്പാന്‍ കുടിവെള്ള പദ്ധതി എന്‍.എെ.ടി.യിലേക്ക് നീട്ടുന്നതിനുള്ള അപേക്ഷ ലഭിച്ചിട്ടുണ്ടോ ; ഇതിനായി എത്ര പണം കെട്ടിവയ്ക്കണമെന്നാണ് കണക്കാക്കിയിട്ടുള്ളത് ;

(സി)	ചാത്തമംഗലം ഗ്രാമപഞ്ചായത്ത് പണം കെട്ടിവെച്ചാല്‍ ജപ്പാന്‍കുടിവെള്ള പദ്ധതിയില്‍ നിന്നും ജലം ലഭ്യമാക്കുമോ എന്ന് വ്യക്തമാക്കുമോ?

ആലപ്പാട്ട് പഞ്ചായത്തിലെ പുലിമുട്ട് നിര്‍മ്മാണം

578.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജല വിഭവ വകുപ്പിന്റെ ചുമതലയില്‍, ആലപ്പാട്ട് പഞ്ചായത്തിലെ ഏതെല്ലാം ഭാഗങ്ങളില്‍ പുലിമുട്ട് നിര്‍മ്മിക്കുന്നുണ്ടെന്ന് വ്യക്തമാക്കുമോ;

(ബി)	കുഴിത്തുറ, ശ്രായിക്കാട് ഭാഗങ്ങളില്‍ നിര്‍മ്മിച്ചുകൊണ്ടിരിക്കുന്ന പുലിമുട്ടിന്റെ നിലവിലെ അവസ്ഥ വ്യക്തമാക്കുമോ;

(സി)	പുലിമുട്ട് നിര്‍മ്മാണം പൂര്‍ത്തീകരിക്കുന്നതിനുള്ള തടസ്സങ്ങള്‍ എന്തെല്ലാമാണെന്ന് വ്യക്തമാക്കുമോ;

(ഡി)	ഈ പ്രദേശത്തെ മറ്റ് പ്രോജക്ടുകളുടെ നിലവിലെ അവസ്ഥ വ്യക്തമാക്കാമോ ?

കടല്‍ക്ഷോഭ പ്രദേശങ്ങളില്‍ കടല്‍ഭിത്തി നിര്‍മ്മിക്കാന്‍ നടപടി

579.

(എ)	കൊയിലാണ്ടി മണ്ഡലത്തില്‍ മഴക്കാലത്ത് സ്ഥിരമായി കടല്‍ക്ഷോഭം അനുഭവപ്പെടുന്ന കാപ്പാട്, കോട്ടപ്പുറം, കൊളാവി പ്രദേശങ്ങളില്‍ ഈയടുത്ത ദിവസങ്ങളില്‍ അതിരൂക്ഷമായ കടല്‍ക്ഷോഭം അനുഭവപ്പെട്ട് കടല്‍ഭിത്തി തകര്‍ന്നതും പുതിയതായി നിര്‍മ്മിച്ച തീരദേശ റോഡ് തകര്‍ന്നതും ശ്രദ്ധയില്‍പ്പെട്ടിട്ടുണ്ടോ;

(ബി)	കൊയിലാണ്ടി മണ്ഡലത്തിലെ നിരന്തര കടല്‍ക്ഷോഭ പ്രദേശങ്ങള്‍ ഉള്‍പ്പെടുത്തി എന്‍.സി.സി.റ്റി പഠനം നടത്തി കണ്ടെത്തിയ പ്രദേശങ്ങളില്‍ കടല്‍ഭിത്തി നിര്‍മ്മിക്കുന്നതിനും നിലവിലുള്ളവ ശക്തിപ്പെടുത്തുന്നതിനും മുന്‍ സര്‍ക്കാര്‍ എന്തെങ്കിലും നടപടി സ്വീകരിച്ചിരുന്നുവോ;

(സി)	കടല്‍ക്ഷോഭ പ്രദേശങ്ങളില്‍ കടല്‍ഭിത്തി നിര്‍മ്മിക്കാന്‍ നടപടികള്‍ സ്വീകരിക്കുമോ?

മലപ്പുറത്തെ കുടിവെള്ള പദ്ധതികള്‍

580.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം നിയോജക മണ്ഡലത്തില്‍ ആസ്തിവികസന ഫണ്ടില്‍ ഉള്‍പ്പെടുത്തി നടപ്പാക്കുന്ന കുടിവെള്ള പദ്ധതികളില്‍ ഭരണാനുമതി ലഭിച്ചവ എത്രയെന്നും അവ ഓരോന്നും ഇപ്പോള്‍ ഏത് ഘട്ടത്തിലാണെന്നും വിശദാമാക്കാമോ;

(ബി)	അംഗീകാരം ലഭിക്കാത്ത പദ്ധതികള്‍ക്ക് അടിയന്തര ഭരണാനുമതിയും സാങ്കേതികാനുമതിയും നല്‍കാന്‍ നടപടികള്‍ സ്വീകരിക്കുമോ?

സംസ്ഥാനത്തെ കുടിവെള്ള പദ്ധതികള്‍

581.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഇപ്പോള്‍ കേരള വാട്ടര്‍ അതോറിറ്റിയുടെ എത്ര കുടിവെള്ള പദ്ധതികളുടെ പണികള്‍ നടന്നുവരുന്നു; അവ ഏതെല്ലാം;

(ബി)	ഭരണാനുമതിയും സാങ്കേതികാനുമതിയും ലഭിച്ച് എത്ര പദ്ധതികളുടെ പണി ആരംഭിക്കാനുണ്ട്; അവ ഏതെല്ലാം;

(സി)	കഴിഞ്ഞ 5 വര്‍ഷക്കാലം എന്‍.ആര്‍.ഡി.ഡബ്ല്യൂ.പി യുടെ കീഴില്‍ എത്ര തുകയ്ക്കുള്ള കുടിവെള്ള പദ്ധതികള്‍ക്ക് അംഗീകാരം നല്‍കിയിട്ടുണ്ട്; വര്‍ഷം തിരിച്ചുള്ള കണക്ക് വ്യക്തമാക്കാമോ;

(ഡി)	കഴിഞ്ഞ 5 വര്‍ഷത്തിനുള്ളില്‍ നബാര്‍ഡിന്റെ സഹായത്തോടെ എത്ര തുകയ്ക്കുള്ള കുടിവെള്ള പദ്ധതികള്‍ക്ക് അംഗീകാരം നല്‍കിയിട്ടുണ്ട്; വര്‍ഷം തിരിച്ചുള്ള കണക്ക് വ്യക്തമാക്കാമോ?

നെടുമങ്ങാട് മണ്ഡലത്തിലെ അര്‍ബന്‍ വാട്ടര്‍ സപ്ലൈ സ്കീം

582.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നെടുമങ്ങാട് നിയോജകമണ്ഡലത്തിലെ നിലവിലുള്ള പദ്ധതിയായ അര്‍ബന്‍ വാട്ടര്‍ സപ്ലൈ സ്കീം വിപൂലീകരിച്ച് പത്ത് ദശലക്ഷം യൂണിറ്റായി ഉയര്‍ത്തുന്നതിനുള്ള പദ്ധതി നടപ്പിലാക്കുമോയെന്ന് വ്യക്തമാക്കാമോ;

(ബി)	നാല്‍പ്പത് വര്‍ഷം മുമ്പ് സ്ഥാപിച്ച എ.സി. പൈപ്പ് മാറ്റി പുതിയ പൈപ്പ് സ്ഥാപിക്കുവാന്‍ പദ്ധതിയുണ്ടോ; വിശദമാക്കാമോ?

തിരുവമ്പാടി മണ്ഡലത്തിലെ ചെറുകിട ജലസേചന പുഴ സംരക്ഷണ പ്രവര്‍ത്തികള്‍

583.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സര്‍ക്കാരിന്റെ കാലത്ത് തിരുവമ്പാടി മണ്ഡലത്തില്‍ ഭരണാനുമതി ലഭിച്ചതും പ്രവൃത്തി ആരംഭിച്ചതും പ്രവൃത്തി പൂര്‍ത്തീകരിച്ചതുമായ ചെറുകിട ജലസേചന പുഴ സംരക്ഷണ പ്രവര്‍ത്തികളുടെ വിശദാംശവും നിലവിലുള്ള സ്ഥിതിയും വിശദമാക്കാമോ?

മൂവാറ്റുപുഴ നിയോജകമണ്ഡലത്തിലെ ഭരണാനുമതി ലഭിച്ച പ്രവൃത്തികൾ

584.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മൈനര്‍ ഇറിഗേഷന്‍ വകുപ്പിന്റെ കീഴില്‍ മൂവാറ്റുപുഴ നിയോജക മണ്ഡലത്തില്‍ നടന്നുവരുന്നതും ഭരണാനുമതി ലഭിച്ചതുമായ പ്രവൃത്തികൾ ഏതൊക്കെയാണെന്നും അവയുടെ നിലവിലെ സ്ഥിതി എന്താണെന്നും അറിയിക്കാമോ;

(ബി)	മേജര്‍ ഇറിഗേഷന്‍ വകുപ്പിന്റെ കീഴില്‍ മൂവാറ്റുപുഴ നിയോജക മണ്ഡലത്തില്‍ നടന്നുവരുന്നതും ഭരണാനുമതി ലഭിച്ചതുമായ പ്രവൃത്തികൾ ഏതൊക്കെയാണെന്ന് അറിയിക്കാമോ;

(സി)	റിവര്‍ മാനേജ് മെന്റ് ഫണ്ട് ഉപയോഗപ്പെടുത്തി നടന്നുവരുന്ന പ്രവൃത്തികളുടെ വിവരവും നിലവിലെ സ്ഥിതിയും അറിയിക്കാമോ?

ജലാശയങ്ങളിലെ ജൈവവൈവിധ്യം

585.

(എ)	സംസ്ഥാനത്തെ ജലാശയങ്ങളിലെ തനത് ജൈവവൈവിധ്യത്തിന്റെ ശോഷണം സംബന്ധിച്ച് പഠനം നടത്തിയിട്ടുണ്ടോയെന്ന് വിശദമാക്കുമോ;

(ബി)	ഇത്തരം ജൈവവൈവിധ്യത്തിന്റെ നിലനില്‍പിന് ഭീഷണിയായ ജലസസ്യ- ജന്തുജാലങ്ങളെ ഒഴിവാക്കാന്‍ പ്രത്യേക പദ്ധതികള്‍ ആവിഷ്കരിച്ച് നടപ്പിലാക്കിയിട്ടുണ്ടോയെന്ന് വ്യക്തമാക്കുമോ;

(സി)	എങ്കില്‍ അതിനായി ബന്ധപ്പെട്ട വകുപ്പുകളും ത്രിതല പഞ്ചായത്ത് സംവിധാനവും യോജിച്ച് പ്രവര്‍ത്തിക്കുന്നതിനായുള്ള നടപടികള്‍ സ്വീകരിക്കുമോയെന്ന് വിശദമാക്കുമോ?

കരുനാഗപ്പള്ളി മണ്ഡലത്തിലെ ജപ്പാന്‍ കുടിവെള്ള പദ്ധതികള്‍

586.

(എ)	ജപ്പാന്‍ കുടിവെള്ള പദ്ധതി പ്രകാരം കരുനാഗപ്പള്ളി നിയോജക മണ്ഡലത്തിലെ ഏതെല്ലാം പഞ്ചായത്തുകളില്‍ കുടിവെള്ളം വിതരണം ചെയ്യുന്നുവെന്ന് വ്യക്തമാക്കുമോ;

(ബി)	പ്രസ്തുത പദ്ധതി പ്രകാരം ഏതെല്ലാം കേന്ദ്രങ്ങളില്‍ നിന്ന് കുടിവെള്ളം പമ്പ് ചെയ്യുന്നുവെന്ന് വ്യക്തമാക്കാമോ;

(സി)	കരുനാഗപ്പള്ളി നഗരസഭാ പ്രദേശത്ത് ജപ്പാന്‍ കുടിവെള്ള പദ്ധതി പ്രകാരം കുടിവെള്ളം വിതരണം ചെയ്യുന്നുണ്ടോ;

(ഡി)	കുലശേഖരപുരം പഞ്ചായത്തിലെ ടി.എസ്. കനാലിനോട് ചേര്‍ന്ന ഭാഗങ്ങള്‍, രൂക്ഷമായ കുടിവെള്ള ക്ഷാമം അനുഭവപ്പെടുന്ന പ്രദേശമെന്ന പരിഗണനയില്‍ പ്രസ്തുത പദ്ധതിയില്‍ ഉള്‍പ്പെടുത്തുമോയെന്ന് വിശദമാക്കാമോ ?

ഭാരതപ്പുഴയ്ക്ക് കുറുകെ സ്റ്റീല്‍ തടയണ നിര്‍മ്മാണം

587.

(എ)	ഭാരതപ്പുഴയ്ക്ക് കുറുകെ സ്റ്റീല്‍ തടയണ നിര്‍മ്മാണം നടക്കുന്നതായി ശ്രദ്ധയില്‍പ്പെട്ടിട്ടുണ്ടോ ; എങ്കില്‍ പ്രസ്തുത പദ്ധതിക്ക് ചെലവ് വരുന്ന തുക എത്രയാണെന്നും പദ്ധതിയുമായി ബന്ധപ്പെട്ട വിശദാംശങ്ങള്‍ എന്തൊക്കെയാണെന്നും വിശദമാക്കുമോ;

(ബി)	സ്റ്റീല്‍ തടയണ നിര്‍മ്മാണം മൂലം മുന്‍പ് ഭരണാനുമതി നല്‍കിയ തടയണകളിലേക്ക് വേണ്ടത്ര ജലം എത്തിച്ചേരുന്നില്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ;

(സി)	വേണ്ടത്ര പഠനം നടത്താതെയും അശാസ്ത്രീയ നിര്‍മ്മാണം മൂലവും നഷ്ടമുണ്ടായി എന്ന് കരുതുന്നുണ്ടോ; എങ്കില്‍ ആയതിന്റെ ഉത്തരവാദിത്വം ആര്‍ക്കാണെന്ന് വ്യക്തമാക്കാമോ?

കൊട്ടാരക്കരയിലെ പുലമണ്‍ തോടിന്‍െറ സംരക്ഷണം

588.

(എ)	കൊട്ടാരക്കരയിലെ പുലമണ്‍ തോടിന്‍െറ സംരക്ഷണ പ്രവൃത്തികള്‍ക്ക് ഭരണാനുമതി ലഭിച്ചത് എന്നാണെന്നും അടങ്കല്‍ തുക എത്രയാണെന്നും വ്യക്തമാക്കാമോ;

(ബി)	പ്രസ്തുത പ്രവൃത്തിയുടെ എഗ്രിമെന്‍റ് നടപടികള്‍ പൂര്‍ത്തിയായത് എന്നാണെന്നറിയിക്കുമോ ;

(സി)	ഇതിന്റെ നിര്‍മ്മാണ പ്രവൃത്തികള്‍ ആരംഭിച്ചത് എന്നാണ്; നാളിതുവരെ എത്ര ശതമാനം പണികള്‍ നടന്നു; വിശദമാക്കാമോ;

(ഡി)	നിര്‍മ്മാണ പ്രവൃത്തികള്‍ തടസപ്പെട്ടിരിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ഇ)	പ്രസ്തുത നിര്‍മ്മാണ പ്രവൃത്തികള്‍ അടിയന്തിരമായി പൂര്‍ത്തീകരിക്കാന്‍ എന്തെല്ലാം നടപടികള്‍ സ്വീകരിക്കും?വ്യക്തമാക്കാമോ?

മുല്ലപ്പെരിയാറില്‍ തമിഴ് നാടിന്‍െറ അനധികൃത ഷട്ടര്‍ കണ്‍ട്രോള്‍ യൂണിറ്റുകള്‍

589.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മുല്ലപ്പെരിയാര്‍ അണക്കെട്ടിനു സമീപത്തെ സ്പില്‍വേയില്‍ സംസ്ഥാനത്തിന്റെ അനുമതിയില്ലാതെ തമിഴ് നാട് ഷട്ടര്‍ കണ്‍ട്രോള്‍ യൂണിറ്റുകള്‍ സ്ഥാപിച്ചതായുള്ള റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത്തരം എത്ര യൂണിറ്റുകളാണ് അനുമതിയില്ലാതെ സ്ഥാപിച്ചിട്ടുള്ളതെന്ന് വെളിപ്പെടുത്താമോ;

(സി)	ഇത് അണക്കെട്ടിലെ ജലനിരപ്പ് ഉയര്‍ത്തുന്നതിന്റെ മുന്നോരുക്കമാണെന്ന നിഗമനം വിശകലനം ചെയ്തിട്ടുണ്ടോയെന്ന് വിശദമാക്കാമോ;

(ഡി)	തമിഴ് നാടിന്റെ ഈ നടപടി ഉന്നധാതികാര സമിതിയുടെ നിര്‍ദ്ദേശങ്ങള്‍ക്ക് വിരുദ്ധമണോ എന്ന് പരിശോധിച്ചിട്ടുണ്ടോ;

(ഇ)	ഏങ്കില്‍ തമിഴ് നാടിന്റെ ഈ നടപടി പ്രതിരോധിക്കാന്‍ എന്തെല്ലാം ചെയ്തുവെന്ന വിശദമാക്കാമോ?

തണ്ണീര്‍ത്തടങ്ങളുടേയും ജലാശയങ്ങളുടേയും സംരക്ഷണം

590.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തണ്ണീര്‍ത്തടങ്ങളും ജലാശയങ്ങളും ഉള്‍പ്പെടെയുള്ള കേരളത്തിലെ ജലസ്രോതസ്സുകള്‍ മലിനീകരണത്തില്‍ നിന്നും കയ്യേറ്റങ്ങളില്‍ നിന്നും സംരക്ഷിക്കുന്നതിനായി സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കാമോ;

(ബി)	ശാസ്താംകോട്ട കായല്‍ ഉള്‍പ്പെടെയുള്ള കായലുകളുടെ കയ്യേറ്റവും മലിനീകരണവും തടയാന്‍ എന്തെല്ലാം നടപടികളാണ് സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(സി)	2008 ആഗസ്റ്റ് മാസത്തിന് മുമ്പ് നടത്തിയ അനധികൃത തണ്ണീര്‍ത്തട നികത്തലുകള്‍ നിയമാനുസൃതമാക്കിയ നടപടി ജലസ്രോതസ്സുകളുടെ സംരക്ഷണത്തെ എങ്ങനെ ബാധിക്കുമെന്ന് പഠനം നടത്തിയിട്ടുണ്ടോയെന്ന് വിശദമാക്കുമോ?

താല്‍ക്കാലികാടിസ്ഥാനത്തിലും കരാര്‍ വ്യവസ്ഥയിലുമുള്ള ജോലി

591.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ ജലവിഭവ വകുപ്പിന്റെ വിവിധ ഓഫീസുകളില്‍ താല്‍ക്കാലികാടിസ്ഥാനത്തിലും കരാര്‍ വ്യവസ്ഥയിലും എത്രപേര്‍ ജോലി ചെയ്യുന്നുണ്ട് ; ഓഫീസ് തിരിച്ച് വിശദമാക്കാമോ ?

മഴവെള്ള സംഭരണം

592.

ശ്രീ.ഹൈബി ഈഡന്‍
,, സണ്ണി ജോസഫ്
,, പി.ടി. തോമസ്
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മഴവെള്ള സംഭരണം ജനകീയമാക്കുന്നതിന് മുന്‍ സര്‍ക്കാര്‍ എന്തെല്ലാം കര്‍മ്മ പദ്ധതികള്‍ ആവിഷ്കരിച്ച് നടപ്പിലാക്കിയിട്ടുണ്ടെന്ന് പരിശോധിച്ചിട്ടുണ്ടോ; എങ്കില്‍ വിശദമാക്കുമോ;

(ബി)	ഇതുവഴി എന്തെല്ലാം ഉദ്ദേശ്യലക്ഷ്യങ്ങളാണ് കൈവരിക്കാനുദ്ദേശിച്ചത്;

(സി)	ഇതിനായി ഭരണതലത്തില്‍ എന്തെല്ലാം നടപടികളാണ് കൈക്കൊണ്ടതെന്ന് പരിശോധിച്ചിട്ടുണ്ടോ ; വിശദമാക്കുമോ;

(ഡി)	പദ്ധതി നിര്‍വഹണത്തില്‍ എന്തെല്ലാം നേട്ടങ്ങള്‍ കൈവരിച്ചിട്ടുണ്ട്; വിശദമാക്കുമോ?

ഭൂഗര്‍ഭ ജലവിതാനം

593.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഭൂഗര്‍ഭ ജലവിതാനത്തിന്റെ കണക്കെടുപ്പ് കൃത്യമായ ഇടവേളകളില്‍ നടത്താറുണ്ടോ; ഓവര്‍ എക്സ്പ്ലോയിറ്റഡ്,ക്രിട്ടിക്കല്‍ , സെമിക്രിട്ടിക്കല്‍, സേഫ് എന്നിങ്ങനെ കണക്കുകള്‍ ലഭ്യമാണോ?

ഭൂഗര്‍ഭ ജലവിതാനം

594.

ശ്രീ.കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഭൂഗര്‍ഭ ജലവിതാനം താഴുന്നതായ കണക്കുകള്‍ പുറത്ത് വരുന്ന സാഹചര്യത്തില്‍ ഇതിനെ മറികടക്കുന്നതിന് എന്തൊക്കെ നടപടികളാണ് സ്വീകരിയ്ക്കാന്‍ ഉദ്ദേശിയ്ക്കുന്നതെന്ന് വ്യക്തമാക്കുമോ;

(ബി)	ഭൂമിയിലേക്ക് ഊര്‍ന്നിറങ്ങുന്ന ജലത്തിന്റെ അളവ് വര്‍ദ്ധിപ്പിക്കുന്നതിനായി നദികള്‍ക്ക് കുറുകെ തടയണകള്‍ നിര്‍മ്മിക്കുക എന്ന ആശയം കൂടുതല്‍ വ്യാപകമാക്കാന്‍ പദ്ധതിയുണ്ടോ; എങ്കില്‍ വിശദമാക്കുമോ;

(സി)	പരമ്പരാഗത ജലസ്രോതസ്സുകള്‍ ഇല്ലാതായിക്കൊണ്ടിരിക്കുന്ന ഇപ്പോഴത്തെ സാഹചര്യത്തില്‍ നിലവിലുള്ളവയുടെ ഒരു ഡാറ്റാ ബാങ്ക് രൂപീകരിക്കുകയും അവ സംരക്ഷിക്കുകയും ചെയ്യുന്ന പദ്ധതി വിഭാവനം ചെയ്യാന്‍ കഴിയുമോ എന്ന് വ്യക്തമാക്കുമോ?

മഴപ്പൊലിമ പദ്ധതി

595.

ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഒല്ലൂര്‍ നിയോജക മണ്ഡലത്തില്‍ മഴപ്പൊലിമ പദ്ധതിയിലൂടെ എത്ര കിണറുകള്‍ റീ ചാര്‍ജ് ചെയ്തിട്ടുണ്ടെന്ന് പഞ്ചായത്ത് തിരിച്ചു വ്യക്തമാക്കാമോ;

(ബി)	പ്രസ്തത പദ്ധതി ഒല്ലൂര്‍ നിയോജക മണ്ഡലത്തിലെ മുഴുവന്‍ വാര്‍ഡുകളിലും നടപ്പാക്കുന്നതിന് നടപടി സ്വീകരിക്കുമോ ?

പരിസ്ഥിതി പുനരുജ്ജീവന പദ്ധതി

596.

ശ്രീമതി യു. പ്രതിഭാ ഹരി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കായംകുളം അസംബ്ലി മണ്ഡലത്തില്‍ പരിസ്ഥിതി പുനരുജ്ജീവന പദ്ധതി പ്രകാരം സോയില്‍ കണ്‍സര്‍വേഷന്‍ വകുപ്പ് വഴി എത്ര കുളങ്ങള്‍ക്കാണ് ഭരണാനുമതി ലഭിച്ചതെന്ന് വ്യക്തമാക്കുമോ;

(ബി)	ഇതില്‍ എത്ര പ്രവൃത്തികള്‍ക്ക് സാങ്കേതികാനുമതി ലഭിച്ചെന്നും, പ്രവൃത്തികളുടെ നിലവിലുള്ള പുരോഗതി എന്തൊക്കെയാണെന്നും വിശദമാക്കാമോ?

അനധികൃത മിനറര്‍ വാട്ടര്‍ ബ്രാന്‍ഡുകളുടെ നിരോധനം

597.

(എ)	അന്യസംസ്ഥാനങ്ങളില്‍ ഉല്പാദിപ്പിക്കുന്ന മിനറര്‍ വാട്ടര്‍ ബ്രാന്‍ഡുകള്‍ സംസ്ഥാനത്തില്‍ ധാരാളമായി വിറ്റഴിക്കപ്പെടുന്നതായി ശ്രദ്ധയില്‍പ്പെട്ടിട്ടുണ്ടോ: വിശദാംശം നല്‍കാമോ;

(ബി)	ഇത്തരം ബ്രാന്‍ഡഡ് മിനറല്‍ വാട്ടറിന്റെ ഗുണമേന്മ ഉറപ്പുവരുത്തുന്നതിന് സര്‍ക്കാര്‍ തലത്തില്‍ സ്വീകരിച്ച നടപടികള്‍ വിശദമാക്കുമോ;

(സി)	കൃത്യമായ ഇടവേളകളില്‍ ഇവയുടെ ഗുണനിലവാരം ഉറപ്പുവരുത്തുന്നതിന് നടപടികള്‍ സ്വീകരിച്ചിട്ടുണ്ടോ;

(ഡി)	എങ്കില്‍ ഗുണമേന്മയില്ലാത്ത മിനറല്‍ വാട്ടര്‍ വിറ്റഴിക്കുന്ന കമ്പനികളെ നിരോധിച്ചിട്ടുണ്ടോ;

(ഇ)	ഉണ്ടെങ്കില്‍ ആയത് പൊതുജനങ്ങളെ യഥാസമയം അറിയിക്കുന്നതിന് നടപടികള്‍ സ്വീകരിച്ചിട്ടുണ്ടോയെന്ന് വ്യക്തമാക്കാമോ?

ബേപ്പൂരിലെ ജപ്പാന്‍ കുടിവെള്ള പദ്ധതി

598.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)

ജപ്പാന്‍ കുടിവെള്ള പദ്ധതി കമ്മീഷന്‍ ചെയ്തത് മുഖേന ബേപ്പൂര്‍ നിയോജക മണ്ഡലത്തില്‍പ്പെട്ട ബേപ്പൂര്‍, ചെറുവണ്ണൂര്‍, നല്ലളം, കടലുണ്ടി എന്നീ മേഖലകളില്‍ നിര്‍മ്മിച്ച ടാങ്കുകളില്‍ വെള്ളമെത്തിയിട്ടും ജനങ്ങള്‍ക്ക് ഇനിയും വെള്ളം കിട്ടിയിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ ; ജല വിതരണത്തിനായി സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ ; ഇതിന്റെ പ്രവൃത്തി എപ്പോള്‍ പൂര്‍ത്തീകരിക്കുമെന്ന് വിശദമാക്കാമോ?

കുറ്റ്യാടി നിയോജക മണ്ഡലത്തിലെ കുടിവെള്ള പദ്ധതികള്‍

599.

ശ്രീ.പാറക്കല്‍ അബ്ദുള്ള : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കുറ്റ്യാടി നിയോജക മണ്ഡലത്തിലെ വിവിധ പഞ്ചായത്തുകളില്‍ ഇപ്പോള്‍ നടപ്പാക്കിക്കൊണ്ടിരിക്കുന്ന കുടിവെള്ള പദ്ധതികള്‍ ഏതൊക്കെ;

(ബി)	പഞ്ചായത്തിന്റെയും കുടിവെള്ള പദ്ധതിയുടെയും പേരും അനുവദിച്ച തുകയും പ്രവൃത്തി ഇപ്പോള്‍ ഏതുഘട്ടത്തിലാണെന്ന കാര്യവും വ്യക്തമാക്കുമോ;

(സി)	മണ്ഡലത്തിലെ വിവിധ പഞ്ചായത്തുകളില്‍ ഭരണാനുമതി ലഭിച്ചതും എന്നാല്‍ പ്രവൃത്തി ഇതിനകം ആരംഭിക്കാത്തതുമായ കുടിവെള്ള പദ്ധതികളുടെ വിശദാംശങ്ങള്‍ നല്‍കുമോ;

(ഡി)	മണ്ഡലത്തിലെ കുടിവെള്ള പ്രശ്നത്തിന് പരിഹാരം കാണാന്‍ ഏതെങ്കിലും പുതിയ പദ്ധതികള്‍ ജലവിഭവ വകുപ്പിന്റെ പരിഗണനയിലുണ്ടോ; എങ്കില്‍ വിശദാംശങ്ങള്‍ നല്‍കുമോ?

ജല ഗുണ നിലവാര പരിശോധന

600.

ശ്രീ.വി.ഡി.സതീശന്‍
,, വി.എസ്.ശിവകുമാര്‍
,, സണ്ണി ജോസഫ്
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജല ഗുണ നിലവാര പരിശോധനയ്ക്കായി ലാബുകള്‍ ആരംഭിക്കാന്‍ മുന്‍ ഗവണ്‍മെന്റ് എന്തെല്ലാം പദ്ധതികള്‍ ആവിഷ്കരിച്ച് നടപ്പാക്കിയിട്ടുണ്ട് ;

(ബി)	ഇതുവഴി എന്തെല്ലാം ഉദ്ദേശ്യ ലക്ഷ്യങ്ങളാണ് കൈവരിക്കാനുദ്ദേശിച്ചത്;

(സി)	ഇതിനായി ഭരണ തലത്തില്‍ കൈക്കൊണ്ട നടപടികള്‍ എന്തെല്ലാനമെന്ന് വിശദമാക്കുമോ;

(ഡി)	പദ്ധതി നിര്‍വ്വഹണത്തില്‍ എന്തെല്ലാം നേട്ടങ്ങള്‍ കൈവരിച്ചിട്ടുണ്ട് ; വിശദാംശങ്ങള്‍ എന്തെല്ലാം ,വ്യക്തമാക്കുമോ?

ചവറ മണ്ഡലത്തിലെ കുടിവെള്ളക്ഷാമം പരിഹരിക്കുവാന്‍ നടപടി

601.

ശ്രീ.എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ചവറ മണ്ഡലത്തിലെ കുടിവെള്ളക്ഷാമം പരിഹരിക്കുന്നതിനു പ്രാദേശിക സ്രോതസ്സുകള്‍ കണ്ടെത്തി അനുയോജ്യമായ പദ്ധതികള്‍ നടപ്പാക്കുമോ?

(ബി)	ചവറ മണ്ഡലത്തിലെ കുടിവെള്ളക്ഷാമം പരിഹരിക്കുവാന്‍ പ്രത്യേക പദ്ധതി തയ്യാറാക്കി നല്‍കിയാല്‍ പരിഗണിക്കുമോ?

തടയണ നിര്‍മ്മാണം

602.

(എ)

കാസര്‍ഗോഡ് ജില്ലയിലെ കാക്കടവില്‍ നേവല്‍ അക്കാദമി, സി.ആര്‍.പി.എഫ് ക്യാമ്പ് എന്നിവയ്ക്ക് കുടിവെള്ളം നല്‍കുന്ന പദ്ധതി പ്രദേശത്ത് വര്‍ഷങ്ങളായി പണിയുന്ന തടയണ നിര്‍മ്മാണം ഒഴിവാക്കി സ്ഥിരം തടയണ നിര്‍മ്മിക്കാനുള്ള നടപടി ഇപ്പോള്‍ ഏതു ഘട്ടത്തിലാണെന്നും ഈ തടയണ നിര്‍മ്മാണം എപ്പോള്‍ ആരംഭിക്കാന്‍ കഴിയുമെന്നും വ്യക്തമാക്കാമോ?

മംഗലം ഡാം സമഗ്ര ശുദ്ധജല വിതരണ പദ്ധതി

603.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കിഴക്കഞ്ചേരി, വണ്ടാഴി, വടക്കഞ്ചേരി, കണ്ണമ്പ്ര പഞ്ചായത്തുകള്‍ക്കായുള്ള മംഗലം ഡാം സമഗ്ര ശുദ്ധജല വിതരണ പദ്ധതിയുടെ പ്രവര്‍ത്തനം ആരംഭിച്ചിട്ടുണ്ടോ?

(ബി)	ടാങ്ക് നിര്‍മ്മാണത്തിനുള്ള സ്ഥലം കൈമാറ്റം സംബന്ധിച്ച് ഇറിഗേഷന്‍ വകുപ്പും, വാട്ടര്‍ അതോറിറ്റിയും തമ്മില്‍ ധാരണയിലെത്തിയിട്ടുണ്ടോ;

(സി)	പദ്ധതിയുടെ നിര്‍മ്മാണം എന്ന് ആരംഭിക്കുവാന്‍ സാധിക്കുമെന്നു വ്യക്തമാക്കാമോ?

മണിമല മേജര്‍ കുടിവെള്ള പദ്ധതി

604.

ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാഞ്ഞിരപ്പള്ളി നിയോജക മണ്ഡലത്തിലെ അഞ്ച് പഞ്ചായത്തുകള്‍ക്കായി വിഭാവനം ചെയ്ത മണിമല മേജര്‍ കുടിവെള്ള പദ്ധതിയുടെ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വ്യക്തമാക്കാമോ;

(ബി)	പ്രസ്തുത പദ്ധതിയുടെ വിതരണ ശൃംഖലയ്ക്കുള്ള ടെണ്ടര്‍ നടപടികള്‍ പൂര്‍ത്തീകരിച്ചിട്ടുണ്ടോ എന്ന് വെളിപ്പെടുത്താമോ;

(സി)	എങ്കില്‍ നിര്‍മ്മാണം എപ്പോള്‍ ആരംഭിക്കാന്‍ കഴിയുമെന്ന് വിശദമാക്കാമോ;

(ഡി)	പ്രസ്തുത പദ്ധതി എത്രകാലത്തിനുള്ളില്‍ പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ;

(ഇ)	കാഞ്ഞിരപ്പള്ളി, ചിറക്കടവ് പഞ്ചായത്തുകളിലെ കരിമ്പുകയം കുടിവെള്ള പദ്ധതിയുടെ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വ്യക്തമാക്കാമോ;

(എഫ്)

ഈ പ്രവൃത്തികള്‍ സമയബന്ധിതമായി പൂര്‍ത്തീകരിക്കാന്‍ നടപടി സ്വീകരിയ്ക്കുമോ?

ജലനിധി ഒന്നാം ഘട്ട പദ്ധതികള്‍

605.

ശ്രീ.അന്‍വര്‍ സാദത്ത്
,, വി.എസ്.ശിവകുമാര്‍
,, എല്‍ദോസ് കുന്നപ്പിള്ളി
,, അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ജലനിധി ഒന്നാം ഘട്ട പദ്ധതികള്‍ പൂര്‍ത്തിയാക്കാന്‍ മുന്‍ സര്‍ക്കാര്‍ എന്തെല്ലാം കര്‍മ്മ പദ്ധതികളാണ് ആവിഷ്ക്കരിച്ച് നടപ്പിലാക്കിയിരുന്നതെന്ന് വ്യക്തമാക്കാമോ;

(ബി)	ഇതുവഴി എന്തെല്ലാം ലക്ഷ്യങ്ങളാണ് കൈവരിക്കാന്‍ ഉദ്ദേശിച്ചിരുന്നതെന്ന് വ്യക്തമാക്കാമോ;

(സി)	ഇതിനായി ഭരണതലത്തില്‍ എന്തെല്ലാം നടപടികളാണ് കൈക്കൊണ്ടിരുന്നതെന്ന് വിശദമാക്കുമോ;

(ഡി)	പ്രസ്തുത പദ്ധതി നിര്‍വ്വഹണത്തില്‍ എന്തെല്ലാം നേട്ടങ്ങള്‍ കൈവരിച്ചിട്ടുണ്ടെന്ന് വിശദമാക്കുമോ?

ശുദ്ധജല വിതരണം

606.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നോര്‍ത്ത് പറവൂര്‍ പമ്പ് ഹൗസില്‍ നിന്ന് വിതരണം ചെയ്തു വരുന്ന ശുദ്ധജലം മുടക്കമില്ലാതെയും സമതുലിതമായും വിതരണം ചെയ്യുന്നതിന് പള്ളിപ്പുറം ഗ്രാമപഞ്ചായത്തില്‍ പുതുതായി ഓവര്‍ഹെഡ് വാട്ടര്‍ ടാങ്ക് നിര്‍മ്മിക്കുന്നതിന് നടപടി സ്വീകരിക്കുമോ എന്ന് വെളിപ്പെടുത്താമോ;

(ബി)	ഇതു സംബന്ധിച്ച് വിശദമായ പ്രോജക്ട് തയ്യാറാക്കി സമര്‍പ്പിക്കുവാന്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശം നല്‍കുമോ എന്ന് അറിയിക്കുമോ?

മണലൂര്‍ നിയോജക മണ്ഡലത്തിലെ കുടിവെള്ളപദ്ധതികള്‍

607.

(എ)	മണലൂര്‍ നിയോജകമണ്ഡലത്തിലെ കുടിവെള്ളക്ഷാമം പരിഹരിക്കുന്നതിനായി നടപ്പാക്കി വരുന്ന പദ്ധതികള്‍ ഏതൊക്കെയാണ്;

(ബി)	വെന്തിടങ്ങ്, കരിക്കൊടി ഭാഗങ്ങളിലെ ജലലഭ്യതക്കായി നടപ്പാക്കിവരുന്ന സാര്‍ക്ക് പദ്ധതിയുടെ ഇപ്പോഴത്തെ സ്ഥിതി അറിയിക്കാമോ ;

(സി)	ഒളരി പ്രദേശത്തെ ടാങ്കിന്റെ പ്രവര്‍ത്തനം തുടങ്ങിയോ എന്ന് വ്യക്തമാക്കാമോ;

(ഡി)	പദ്ധതിയുടെ കമ്മീഷനിങ്ങ് സംബന്ധിച്ച വിശദാംശം അറിയിക്കാമോ?

പട്ടുവം ജപ്പാന്‍ കുടിവെള്ള പദ്ധതി

608.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കല്യാശ്ശേരി മണ്ഡലത്തിലെ പട്ടുവം ജപ്പാന്‍ കുടിവെള്ള പദ്ധതിയില്‍ ഉള്‍പ്പെട്ട പ്രദേശങ്ങളില്‍ കുടിവെള്ള ക്ഷാമം രൂക്ഷമായതിനാല്‍ രണ്ടാം ഘട്ട പദ്ധതിയില്‍ ഉള്‍പ്പെടുത്തി പ്രസ്തുത പ്രദേശങ്ങളില്‍ കുടിവെള്ളം ലഭ്യമാക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം നല്‍കുമോ;

(ബി)	കുടിവെള്ള ക്ഷാമം രൂക്ഷമായ ചെറുതാഴം, കുഞ്ഞിമംഗംലം പഞ്ചായത്തുകളില്‍ ജപ്പാന്‍കുടിവെള്ള പദ്ധതിയില്‍ഉള്‍പ്പെടുത്തി കുടിവെള്ളം ലഭ്യമാക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

ശുദ്ധജല പദ്ധതികള്‍ പൂര്‍ത്തിയാക്കാന്‍ മുന്‍ ഗവണ്‍മെന്റ്ആവിഷ്കരിച്ച് നടപ്പാക്കിയ പദ്ധതികള്‍

609.

ശ്രീ.കെ.സി.ജോസഫ്
,, തിരുവഞ്ചൂര്‍ രാധാകൃഷ്ണന്‍
,, ഷാഫി പറമ്പില്‍
,, വി.റ്റി.ബല്‍റാം : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ശുദ്ധജല പദ്ധതികള്‍ പൂര്‍ത്തിയാക്കാന്‍ മുന്‍ ഗവണ്‍മെന്റ് എന്തെല്ലാം കര്‍മ്മ പദ്ധതി ആവിഷ്കരിച്ച് നടപ്പാക്കിയിട്ടുണ്ട്; വിശദമാക്കുമോ;

(ബി)	ഇതുവഴി എന്തെല്ലാം ഉദ്ദേശ്യ ലക്ഷ്യങ്ങളാണ് കൈവരിക്കാന്‍ ഉദ്ദേശിച്ചത്;

(സി)	ഇതിനായി ഭരണതലത്തില്‍ എന്തെല്ലാം നടപടികളാണ് സ്വീകരിച്ചത്; വിശദമാക്കുമോ;

(ഡി)	പദ്ധതി നിര്‍വഹണത്തില്‍ എന്തെല്ലാം നേട്ടങ്ങള്‍ കൈവരിച്ചിട്ടുണ്ട്; വിശദാംശങ്ങള്‍ എന്തെല്ലാം?

കുളക്കട പവിത്രേശ്വരം കുടിവെള്ള പദ്ധതി

610.

(എ)	കൊല്ലം ജില്ലയില്‍പ്പെടുന്ന കുളക്കട - പവിത്രേശ്വരം കുടിവെളള പദ്ധതിയില്‍ അവശേഷിക്കുന്ന പ്രവൃത്തികള്‍ എന്തെല്ലാമാണെന്നും അവയുടെ നിലവിലുളള സ്ഥിതിയും വിശദമാക്കുമോ;

(ബി)	പദ്ധതി എപ്പോള്‍ കമ്മീഷന്‍ ചെയ്യാനാണ് ആദ്യം വിഭാവനം ചെയ്തിരുന്നത് എന്നും, അവശേഷിക്കുന്ന പ്രവൃത്തികള്‍ പൂര്‍ത്തീകരിച്ച്, പദ്ധതി എപ്പോള്‍ പൂര്‍ണ്ണമായും കമ്മീഷന്‍ ചെയ്യാന്‍ സാധിക്കും എന്നും വ്യക്തമാക്കാമോ?

മാവൂര്‍, ചാത്തമംഗലം പഞ്ചായത്തുകളില്‍ കുടിവെളളം ലഭ്യമാക്കുന്നത്

611.

(എ)	കുന്ദമംഗലം നിയോജക മണ്ഡലത്തില്‍ ജപ്പാന്‍ കുടിവെള്ള പദ്ധതിയുടെ പരിധിയില്‍ പെടാത്ത ചാത്തമംഗലം, മാവൂര്‍ പഞ്ചായത്തുകളില്‍ കൂളിമാട് പമ്പിംഗ് സ്റ്റേഷനില്‍ നിന്ന് കുടിവെള്ളം ലഭ്യമാക്കുന്നത് സംബന്ധിച്ച് റിപ്പോര്‍ട്ട് നല്‍കാന്‍ ഒരു സമിതിയെ നിയോഗിച്ചിരുന്നോ എന്ന് വ്യക്തമാക്കാമോ;

(ബി)	എങ്കില്‍ പ്രസ്തുത സമിതിയുടെ റിപ്പോര്‍ട്ട് ലഭ്യമായിട്ടുണ്ടോ എന്ന് വെളിപ്പെടുത്താമോ;

(സി)	മാവൂര്‍, ചാത്തമംഗലം പഞ്ചായത്തുകളില്‍ കുടിവെളളം ലഭ്യമാക്കുന്നത് സംബന്ധിച്ച വിഷയം ചര്‍ച്ച ചെയ്യുന്നതിന്, ബന്ധപ്പെട്ടവരുടെ ഒരു യോഗം വിളിച്ചു ചേര്‍ക്കാന്‍ നടപടി സ്വീകരിയ്ക്കുമോ എന്ന് വ്യക്തമാക്കുമോ?

ജപ്പാന്‍ കടിവെള്ള പദ്ധതി

612.

(എ)	ജപ്പാന്‍ കടിവെള്ള പദ്ധതിയിന്‍ കീഴിലുള്ള മീനാട് ശുദ്ധ ജലവിതരണ പദ്ധതി പ്രകാരം ഡിസ്ട്രിബ്യൂഷന്‍ പൈപ്പ് ലൈന്‍ സ്ഥാപിക്കുന്നതിനുള്ള പ്രവര്‍ത്തന പുരോഗതി അറിയിക്കുമോ;

(ബി)	പ്രസ്തുത പ്രവര്‍ത്തനങ്ങള്‍ എന്നത്തേക്ക് പൂര്‍ത്തീകരിക്കുവാന്‍ കഴിയുമെന്ന് വ്യക്തമാക്കുമോ;

(സി)	പരവൂര്‍ നഗരസഭാ പ്രദേശത്ത് പ്രസ്തുത പദ്ധതിയുടെ പ്രയോജനം ലഭിക്കുവാന്‍ എന്തെങ്കിലും തടസ്സങ്ങള്‍ നിലവിലുണ്ടോ; എങ്കില്‍ വിശദാംശം നല്‍കുമോ?

ബാവിക്കര റഗുലേറ്റര്‍ കം ബ്രിഡ്ജിന്റെ നിര്‍മ്മാണം

613.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് നഗരത്തിലെയും പ്രാന്ത പ്രദേശങ്ങളിലെയും ജനങ്ങള്‍ക്ക് ശുദ്ധജലം ലഭ്യമാക്കാനുദ്ദേശിച്ച് നിര്‍മ്മാണം ആരംഭിച്ച ബാവിക്കര റഗുലേറ്റര്‍ കം ബ്രിഡ്ജിന്റെ നിര്‍മ്മാണം പാതിവഴിയില്‍ ഉപേക്ഷിക്കപ്പെടാനുള്ള കാരണമെന്താണ്;

(ബി)	പ്രസ്തുത പദ്ധതിയുടെ ആരംഭം മുതല്‍ എത്ര കരാറുകാര്‍ ഇതിന്റെ പ്രവൃത്തി ഏറ്റെടുത്ത് ഉപേക്ഷിച്ചു പോയിട്ടുണ്ട്;

(സി)	കരാറുകാര്‍ ഓരോരുത്തരും ചെയ്ത പ്രവൃത്തിയും, കൈപ്പറ്റിയ തുകയും, പേരുവിവരം സഹിതം നല്‍കുമോ;

(ഡി)	ഈ പദ്ധതിയുടെ മൊത്തം കരാര്‍ തുക എത്ര; പദ്ധതിയുടെ എത്ര ശതമാനം ജോലികള്‍ പൂര്‍ത്തിയായിട്ടുണ്ട്; ബാക്കി പണി പൂര്‍ത്തിയാക്കാന്‍ എന്തു നടപടിയാണ് ഉദ്ദേശിക്കുന്നത് എന്ന് വ്യക്തമാക്കുമോ ?

കായംകുളം മണ്ഡലത്തിലെ കേരള വാട്ടര്‍ അതോറിറ്റിയുടെ പദ്ധതികള്‍

614.

(എ)	കായംകുളം അസംബ്ലി നിയോജക മണ്ഡലത്തില്‍ വരള്‍ച്ചാ ദുരിതാശ്വാസ പദ്ധതികള്‍ ഉള്‍പ്പെടെ കേരള വാട്ടര്‍ അതോറിറ്റിയുടെ നേതൃത്വത്തില്‍ 2014-2015, 2015-2016 കാലയളവിൽ ഭരണാനുമതി ലഭിച്ചിരുന്ന പ്രവൃത്തികള്‍ ഏതൊക്കെയാണ്; വിശദമാക്കാമോ?

(ബി)	പദ്ധതികളുടെ നിലവിലുള്ള അവസ്ഥ തരം തിരിച്ചു വിശദമാക്കാമോ?

കായംകുളം മണ്ഡലത്തിലെ പെെപ്പുകളുടെ ജീര്‍ണ്ണാവസ്ഥ

615.

(എ)	കായംകുളം മണ്ഡലത്തില്‍ ശുദ്ധജല വിതരണത്തിനായി വാട്ടര്‍ അതോറിറ്റി സ്ഥാപിച്ചിട്ടുള്ള പെെപ്പുകള്‍ കാലപ്പഴക്കത്താല്‍ ജീര്‍ണ്ണാവസ്ഥയിലായിട്ടുള്ളതും പലപ്പോഴും ജീവജാലങ്ങളുെട അവശിഷ്ടങ്ങള്‍ കുടിവെള്ളത്തില്‍ പ്രത്യക്ഷപ്പെടുന്നുണ്ട് എന്നതും ശ്രദ്ധയില്‍പെട്ടിട്ടുണ്ടോ;

(ബി)	എങ്കില്‍ പുതിയ പെെപ്പ് ലെെനുകള്‍ സ്ഥാപിച്ച് കുടിവെള്ള സുരക്ഷ ഉറപ്പാക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത് എന്ന് വിശദമാക്കാമോ?

തകരാറിലായ പൈപ്പ് ലൈന്‍

616.

(എ)	വല്ലാര്‍പാടം റെയില്‍ ലൈന്‍ സ്ഥാപിക്കുന്നതിനിടെ തകരാറിലായ പൈപ്പ് ലൈനിനു പകരം വ്യാസം കുറഞ്ഞ പൈപ്പ് സ്ഥാപിച്ചത് മൂലം ആവശ്യാനുസരണം വെള്ളം പമ്പ് ചെയ്യാനാകാതെ പ്രദേശത്ത് ശുദ്ധജലക്ഷാമം അനുഭവപ്പെടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പൈപ്പ് മാറ്റി പകരം അനുയോജ്യമായ പൈപ്പ് സ്ഥാപിക്കുന്നതിന് സ്വീകരിച്ച നടപടി വിശദമാക്കാമോ;

(സി)	പൈപ്പ് മാറ്റി സ്ഥാപിക്കുന്നതിന് തടസ്സങ്ങളുണ്ടോ; എങ്കില്‍ വിശദമാക്കാമോ;

(ഡി)	പ്രസ്തുത പൈപ്പ് എന്നത്തേക്ക് മാറ്റി സ്ഥാപിക്കാനാകുമെന്ന് വിശദമാക്കാമോ?

ആലത്തൂര്‍ നിയോജക മണ്ഡലത്തിലെ കുടിവെള്ള പദ്ധതി

617.

(എ)	ആലത്തൂര്‍ നിയോജക മണ്ഡലത്തിലെ കുഴല്‍മന്ദം, തേങ്കുറിശ്ശി, കണ്ണാടി ഏന്നീ പഞ്ചായത്തുകള്‍ക്കുള്ള സമഗ്ര കുടിവെള്ള പദ്ധതിയുടെ നിര്‍മ്മാണം ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കാമോ;

(ബി)	എന്തെല്ലാം പ്രവൃത്തികളാണ് ഇതിനകം പൂര്‍ത്തീകരിച്ചിട്ടുള്ളതെന്നും ഇനി എന്തെല്ലാമാണ് പൂര്‍ത്തീകരിക്കുവാനുള്ളതെന്നും വ്യക്തമാക്കാമോ;

(സി)	പദ്ധതി പൂര്‍ത്തീകരിച്ച് എന്നത്തേക്ക് ജലവിതരണം നടത്തുവാന്‍ സാധിക്കുമെന്നു വ്യക്തമാക്കാമോ?

കുടിവെള്ള ക്ഷാമം പരിഹരിക്കാന്‍ നടപടി

618.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റപ്പാലം അസംബ്ലി മണ്ഡലത്തിലെ അമ്പലപ്പാറ, തച്ചനാട്ടുകര എന്നീ ഗ്രാമപഞ്ചായത്തുകളില്‍ അതിരൂക്ഷമായ കുടിവെള്ള ക്ഷാമം അനുഭവപ്പെടുന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ അതു പരിഹരിക്കുന്നതിനായി ശുദ്ധജലവിതരണ പദ്ധതി നടപ്പിലാക്കുന്ന കാര്യം പരിഗണിക്കുമോ ; അതിനായി സ്വീകരിക്കുവാന്‍ ഉദ്ദേശിക്കുന്ന നടപടികള്‍ വിശദീകരിക്കാമോ;

(സി)	ഏത് സ്കീമില്‍ ഉള്‍പ്പെടുത്തി പദ്ധതി നടപ്പിലാക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ;ഇതിനായി എത്ര രൂപ വകയിരുത്തുവാനാണ് ഉദ്ദേശിക്കുന്നതെന്ന് വ്യക്തമാക്കുമോ;

കുടിവെള്ള പദ്ധതി പൂര്‍ത്തീകരിക്കാന്‍ മുന്‍സര്‍ക്കാര്‍ ആവിഷ്ക്കരിച്ച് നടപ്പാക്കിയ കര്‍മ്മ പദ്ധതികള്‍

619.

ശ്രീ.കെ.മുരളീധരന്‍
,, ഹൈബി ഈഡന്‍
,, വി.ഡി.സതീശന്‍
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കുടിവെള്ള പദ്ധതി പൂര്‍ത്തീകരിക്കാന്‍ മുന്‍സര്‍ക്കാര്‍ എന്തെല്ലാം കര്‍മ്മ പദ്ധതി ആവിഷ്ക്കരിച്ച് നടപ്പാക്കിയിട്ടുണ്ട്; വിശദമാക്കുമോ;

(ബി)	ഇതുവഴി എന്തെല്ലാം ഉദ്ദേശ്യലക്ഷ്യങ്ങളാണ് കൈവരിക്കാനുള്ളത്;

(സി)	ഇതിനായി ഭരണതലത്തില്‍ എന്തെല്ലാം നടപടികളാണ് കൈക്കൊണ്ടത്; വിശദമാക്കുമോ;

(ഡി)	പദ്ധതി നിര്‍മ്മാണത്തില്‍ എന്തെല്ലാം നേട്ടങ്ങള്‍ കൈവരിച്ചിട്ടുണ്ട്; വിശദാംശം എന്തെല്ലാം?

തിരുമ്പാടി - മേജര്‍ കുടിവെള്ള പദ്ധതി

620.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തിരുവമ്പാടി മേജര്‍ കുടിവെള്ള പദ്ധതിയുടെ നിലവിലുള്ള അവസ്ഥ വിശദമാക്കുമോ;

(ബി)	പ്രസ്തുത പദ്ധതിക്ക് ഭരണാനുമതി നല്‍കി പ്രവൃത്തി ആരംഭിക്കുന്നതിന് അടിയന്തിര നടപടി സ്വീകരിക്കുമോ?

പോത്തുണ്ടി കുടിവെള്ള പദ്ധതി

621.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	പോത്തുണ്ടി കുടിവെള്ള പദ്ധതിയുടെ വിപുലീകരണ പ്രവൃത്തികള്‍ ഏത് ഘട്ടം വരെയായി എന്ന് അറിയിക്കാമോ;

(ബി)	പ്രസ്തുത പദ്ധതി എന്ന് പൂര്‍ത്തിയാക്കാന്‍ കഴിയുമെന്ന് അറിയിക്കാമോ;

(സി)	പ്രസ്തുത പദ്ധതിയുടെ അവശേഷിക്കുന്ന പ്രവര്‍ത്തനങ്ങള്‍ എന്തൊക്കെയെന്ന് വ്യക്തമാക്കാമോ?

കാസര്‍ഗോഡ് ജില്ലയിലെ ബാവിക്കര കുടിവെള്ള പദ്ധതി

622.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ ബാവിക്കര കുടിവെള്ള പദ്ധതിയുടെ നിലവിലുള്ള സ്ഥിതി വിശദമാക്കാമോ ;

(ബി)	ഈ പ്രവൃത്തി എന്നാണ് തുടങ്ങിയതെന്നും ഉപേക്ഷിച്ചുപോയ കരാറുകാര്‍ ,ചെലവാക്കിയ തുക എന്നിവയുടെ വിശദാംശങ്ങളും അറിയിക്കാമോ ;

(സി)	പണി ഉപേക്ഷിച്ചുപോയ കരാറുകാര്‍ക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ ; ഇല്ലെങ്കില്‍ കാരണം വിശദമാക്കാമോ ;

(ഡി)	പ്രസ്തുത പ്രവൃത്തി റീടെണ്ടര്‍ ചെയ്യുമ്പോള്‍ കരാറുകാര്‍ ഉപേക്ഷിക്കുന്ന നടപടി ഒഴിവാക്കാനായി ഡിവൈന്‍ ടെണ്ടര്‍ സ്വീകരിച്ച് സര്‍ക്കാര്‍ നിയന്ത്രണത്തിലുള്ള ഏജന്‍സിയെ ഏല്‍പ്പിക്കുന്നതിനുള്ള നടപടി സ്വീകരിക്കുമോ ; വിശദാംശങ്ങള്‍ അറിയിക്കുമോ ?

കാലപ്പഴക്കം വന്ന പൈപ്പുകള്‍ മാറ്റി സ്ഥാപിക്കാന്‍ നടപടി

623.

(എ)	കടമക്കുടിയില്‍ ശുദ്ധജല വിതരണ ശൃംഖലയിലെ കാലപ്പഴക്കം വന്ന പൈപ്പുകള്‍ മാറ്റി സ്ഥാപിക്കാത്തതുമൂലം ശുദ്ധജലം പാഴാകുന്നതും ശുദ്ധജലക്ഷാമം രൂക്ഷമാകുന്നതും ശ്രദ്ധയില്‍പ്പെട്ടിട്ടുണ്ടോ; എങ്കില്‍, ഇക്കാര്യത്തില്‍ സ്വീകരിക്കാനുദ്ദേശിക്കുന്ന നടപടി വ്യക്തമാക്കാമോ;

(ബി)	കാലപ്പഴക്കം വന്ന പൈപ്പുകള്‍ മാറ്റി സ്ഥാപിക്കുന്നതിനുള്ള അടിയന്തര നടപടി സ്വീകരിക്കുവാനുള്ള നിര്‍ദ്ദേശം നല്‍കുമോ;

(സി)	പൈപ്പുകള്‍ മാറ്റി സ്ഥാപിക്കുന്നതില്‍ തടസ്സങ്ങളുണ്ടെങ്കില്‍ വ്യക്തമാക്കാമോ?

ഞാറയ്ക്കല്‍, മുരിക്കുംപാടം ഓവര്‍ഹെഡ് വാട്ടര്‍ടാങ്കുകളുടെ നിര്‍മ്മാണം

624.

ശ്രീ.എസ്.ശർമ്മ : താഴെ കാണുന്ന ചോദ്യത്തിന് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)

ജിഡ കുടിവെള്ള പദ്ധതിയുടെ ഭാഗമായതും, നിര്‍മ്മാണം മുടങ്ങിക്കിടക്കുന്നതുമായ ഞാറയ്ക്കല്‍, മുരിക്കുംപാടം ഓവര്‍ഹെഡ് വാട്ടര്‍ടാങ്കുകളുടെ നിര്‍മ്മാണം പുനരാരംഭിക്കുന്നതിനുള്ള നടപടികള്‍ വിശദമാക്കുമോ; നിര്‍മ്മാണം നടത്തുന്നതില്‍ തുടര്‍ച്ചയായി അലംഭാവം കാണിക്കുന്ന കരാറുകാരനെതിരെ സര്‍ക്കാര്‍ സ്വീകരിച്ച നടപടി എന്തെന്ന് വ്യക്തമാക്കാമോ; ടി പ്രവൃത്തി എന്നത്തേക്ക് പുനരാരംഭിക്കുമെന്ന് വിശദമാക്കാമോ?

കിളിമാനൂര്‍, പഴയകുന്നുമ്മേല്‍, മടവൂര്‍ ഗ്രാമപഞ്ചായത്തുള്‍ക്കായുളള കുടിവെളള പദ്ധതിയുടെ നിര്‍മ്മാണ പ്രവര്‍ത്തനങ്ങള്‍

625.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കിളിമാനൂര്‍, പഴയകുന്നുമ്മേല്‍, മടവൂര്‍ ഗ്രാമപഞ്ചായത്തുള്‍ക്കായുളള സമഗ്ര കുടിവെളള പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണെന്നും ഇനി എന്തെല്ലാം പണികളാണ് അവശേഷിക്കുന്നതെന്നും ഇത് എന്നത്തേക്ക് കമ്മീഷന്‍ ചെയ്യുവാനാണ് തീരുമാനിച്ചിട്ടുളളതെന്നും വിശദമാക്കാമോ;

(ബി)	പ്രസ്തുത പദ്ധതിക്കായി ആകെ എന്ത് തുകയാണ് അനുവദിച്ചിട്ടുളളതെന്നും ഇതിനകം എന്ത് തുക ചെലവഴിച്ച് കഴിഞ്ഞുവെന്നും വിശദമാക്കാമോ?

കോട്ടക്കല്‍ -കല്ലാകായം - പറപ്പൂര്‍ കുടിവെളള പദ്ധതി

626.

ശ്രീ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കോട്ടക്കല്‍ മണ്ഡലത്തിലെ കുടിവെളള പദ്ധതിയായ കോട്ടക്കല്‍ -കല്ലാകായം - പറപ്പൂര്‍ പദ്ധതിയുടെ നിലവിലെ അവസ്ഥ എന്താണെന്ന് വ്യക്തമാക്കാമോ;

(ബി)	ഈ പദ്ധതിയ്ക്ക് ഭരണാനുമതി നല്‍കിയിട്ടുണ്ടോ;

(സി)	പ്രസ്തുത പദ്ധതി എന്ന് പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ?

ജീവനക്കാരുടെ സ്ഥലം മാറ്റം

627.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ജലവിഭവ വകുപ്പില്‍ എത്ര ജീവനക്കാരെ കാലാവധി തീരും മുമ്പ് സ്ഥലം മാറ്റി നിയമിച്ചു;

(ബി)	ജില്ല തിരിച്ചും തസ്തിക തിരിച്ചുമുള്ള കണക്കുകള്‍ വെളിപ്പെടുത്താമോ;

(സി)	മാനദണ്ഡങ്ങള്‍ പാലിക്കാതെയുള്ള ഇത്തരം സ്ഥലംമാറ്റങ്ങള്‍ പുനഃപരിശോധിക്കുവാന്‍ തയ്യാറാകുമോ;

കുന്നുമ്മല്‍ കുടിവെള്ള പദ്ധതി

628.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരം നിയോജകമണ്ഡലത്തിലെ കുന്നുമ്മല്‍ അനുബന്ധ കുടിവെള്ള പദ്ധതിയുടെ നിര്‍മ്മാണ പ്രവൃത്തി വെെകുന്നതായി സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ;

(ബി)	എങ്കില്‍ പ്രസ്തുത പദ്ധതിയുടെ നിര്‍മ്മാണ പ്രവൃത്തികള്‍ ത്വരിതപ്പെടുത്തി കുടിവെള്ള വിതരണം നടത്തുന്നതിന് ആവശ്യമായ നടപടികള്‍ സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.