14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >10^th Session>starred Questions and Answers

Answer Provided

Answer Not Yet Provided

FOURTEENTH KLA - 10^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

തസ്തിക നഷ്ടമായ അധ്യാപകരുടെ സംരക്ഷണത്തിന് അധ്യാപക ബാങ്ക്

*361.

ശ്രീമതി യു. പ്രതിഭ ഹരി
ശ്രീ.ജെയിംസ് മാത്യു
,, മുരളി പെരുനെല്ലി
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	എയ്ഡഡ് സ്കൂളുകളില്‍ നിന്ന് തസ്തിക നഷ്ടമായ അധ്യാപകരുടെ സംരക്ഷണത്തിന് അധ്യാപക ബാങ്ക് രൂപീകരിച്ചിട്ടുണ്ടോ; അധ്യാപക ബാങ്കില്‍ ഉള്‍പ്പെടുത്തുന്നതിനുള്ള വ്യവസ്ഥകള്‍ എന്തെല്ലാമാണെന്ന് വിശദമാക്കാമോ;

(ബി)	അധ്യാപക ബാങ്കില്‍ ഉള്‍പ്പെട്ടവരുടെ പുനര്‍ നിയമനത്തിനുള്ള വ്യവസ്ഥകള്‍ എന്തെല്ലാമാണ്; ഇവ പാലിക്കപ്പെടുന്നുണ്ടോ എന്ന് പരിശോധിച്ചിരുന്നോ;

(സി)	ഇൗ സര്‍ക്കാര്‍ അധികാരത്തിലെത്തിയ ശേഷം സര്‍ക്കാര്‍/എയ്ഡഡ് ഹയര്‍ സെക്കണ്ടറി സ്കൂളുകളില്‍ എത്ര അധ്യാപക തസ്തികകള്‍ അനുവദിച്ചിട്ടുണ്ടെന്നും ഇൗ തസ്തികകളിലേക്ക് നിയമനം നടത്താന്‍ നടപടി സ്വീകരിച്ചിട്ടുണ്ടോയെന്നും വെളിപ്പെടുത്തുമോ?

എല്‍.ഇ.ഡി ലൈറ്റ്,നിരോധിത വലകൾ എന്നിവ ഉപയോഗിച്ചുള്ള മത്സ്യബന്ധനം

*362.

ശ്രീ.കെ.എം.ഷാജി
,, പാറക്കല്‍ അബ്ദുല്ല
,, സി.മമ്മൂട്ടി
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ബോട്ടുകളും വള്ളങ്ങളും കടലില്‍ എല്‍.ഇ.ഡി. ലൈറ്റ് ഉപയോഗിച്ച് നടത്തുന്ന രാത്രികാല മത്സ്യബന്ധനം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് പരമ്പരാഗത മത്സ്യത്തൊഴിലാളികള്‍ക്ക് സൃഷ്ടിക്കുന്ന പ്രയാസങ്ങള്‍ പരിശോധിച്ചിട്ടുണ്ടോ;

(സി)	ഇത്തരം ലൈറ്റ് ഉപയോഗിച്ചുള്ള മത്സ്യബന്ധനത്തിന് തമിഴ്‍നാട്ടില്‍ വിലക്കുള്ള കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ തമിഴ്‍നാട്ടില്‍ നിന്നുള്ള ബോട്ടുകളും വള്ളങ്ങളുമാണ് ഇവിടെ വന്ന് ഇപ്രകാരം മത്സ്യബന്ധനം നടത്തുന്നതെന്ന കാര്യം പരിശോധിച്ചിട്ടുണ്ടോ;

(ഇ)	നിരോധിച്ച വലകള്‍ ഉപയോഗിച്ച് വന്‍കിട ട്രോളറുകള്‍ നടത്തുന്ന മത്സ്യബന്ധനവും ആയത് മൂലം മത്സ്യങ്ങള്‍ക്ക് സംഭവിക്കുന്ന വംശനാശവും പരിശോധിച്ചിട്ടുണ്ടോ;എങ്കില്‍ ഇവ തടയാന്‍ എന്തൊക്കെ നടപടികള്‍ സ്വീകരിക്കുമെന്ന് വിശദമാക്കുമോ?

റോഡുകളുടെ പരിപാലനം

*363.

ശ്രീ.ഒ. ആര്‍. കേളു
,, പി. ഉണ്ണി
,, സി.കെ. ഹരീന്ദ്രന്‍
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന് കീഴില്‍ വരുന്ന റോഡുകളുടെ പരിപാലനത്തിന് ഈ സര്‍ക്കാര്‍ പുതുതായി ഏര്‍പ്പെടുത്തിയിട്ടുള്ള സംവിധാനം എന്താണെന്ന് അറിയിക്കാമോ;

(ബി)

റോഡുകളുടെ ഗുണനിലവാരം ഇന്‍ഡ്യന്‍ റോ‍ഡ്സ് കോണ്‍ഗ്രസ്സ് അനുശാസിക്കുന്ന പ്രകാരമാണെന്ന് ഉറപ്പുവരുത്തുന്നതിനായി റോഡുകളുടെ പ്രത്യേകതയനുസരിച്ച് പരിപാലന രീതികള്‍ അവലംബിക്കാന്‍ നടപടിയെടുത്തിട്ടുണ്ടോ; സാങ്കേതിക സഹായ ലഭ്യതയ്ക്കായി കേന്ദ്ര റോഡ് റിസര്‍ച്ച് ഇന്‍സ്റ്റിറ്റ്യൂട്ടിനെ നോഡല്‍ ഏജന്‍സിയായി ഏര്‍പ്പെടുത്തിയിട്ടുണ്ടോ; വ്യക്തമാക്കാമോ;

(സി)	റോഡ് ഉപയോക്താക്കളുടെയും പൊതുജനങ്ങളുടെയും പരാതി പരിഹാരത്തിനും മെച്ചപ്പെട്ട സേവനം ലഭ്യമാക്കുന്നതിനും സംവിധാനം ഏര്‍പ്പെടുത്തിയിട്ടുണ്ടോ എന്നറിയിക്കാമോ?

കശുവണ്ടിത്തൊഴിലാളികളും വ്യവസായികളും നേരിടുന്ന ബുദ്ധിമുട്ടുകൾ

*364.

ശ്രീമതി സി.കെ. ആശ
ശ്രീ.ചിറ്റയം ഗോപകുമാര്‍
,, ജി.എസ്.ജയലാല്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലയിലെ അറുനൂറോളം കശുവണ്ടി ഫാക്ടറികള്‍ അടഞ്ഞുകിടക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിന്റെ കാരണം വ്യക്തമാക്കുമോ;

(ബി)	വ്യവസായം പ്രതിസന്ധിയിലായതോടെ പരമ്പരാഗത കശുവണ്ടിത്തൊഴിലാളികളുടെ തൊഴില്‍ നഷ്ടപ്പെട്ടത് പരിഹരിക്കുന്നതിന് സ്വീകരിച്ച് വരുന്ന നടപടികള്‍ വിശദമാക്കുമോ;

(സി)	ബാങ്കുകളില്‍ നിന്നും വായ്പയെടുത്ത് തിരിച്ചടക്കാന്‍ കഴിയാതെ ജപ്തി നടപടി നേരിടുന്നത് മൂലം കശുവണ്ടി വ്യവസായികള്‍ ആത്മഹത്യയില്‍ അഭയം തേടുന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	സര്‍ഫാസി നിയമപ്രകാരം ഇവര്‍ക്ക് നേരെയുളള ജപ്തി നടപടികള്‍ നിര്‍ത്തിവച്ച് ആശ്വാസമേകുന്നതിന് തയ്യാറാകുമോ;

(ഇ)	ജപ്തി ഒഴിവാക്കുന്നതിനും വായ്പകള്‍ക്ക് മോറട്ടോറിയം പ്രഖ്യാപിക്കുന്നതിനും വായ്പ പുന:ക്രമീകരിക്കുന്നതിനും സ്വീകരിച്ച നടപടികള്‍ വിശദമാക്കുമോ?

സര്‍വശിക്ഷാ അഭിയാന്‍ പദ്ധതി

*365.

ശ്രീ.എ. പ്രദീപ്കുമാര്‍
പ്രൊഫ.കെ.യു. അരുണന്‍
ശ്രീ.എ. എന്‍. ഷംസീര്‍
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എല്‍.പി, യു.പി സ്കൂളുകളിലെ എന്തെല്ലാം പ്രവര്‍ത്തനങ്ങള്‍ക്കാണ് സര്‍വശിക്ഷാ അഭിയാന്‍ (എസ്.എസ്.എ) പദ്ധതി പ്രകാരം ഫണ്ട് ലഭിക്കുന്നത്; 2018 - 19 വര്‍ഷത്തേക്കുളള സര്‍വശിക്ഷാ അഭിയാന്‍ പദ്ധതിക്ക് അംഗീകാരം ലഭിച്ചിട്ടുണ്ടോ; വിശദാംശം നല്‍കുമോ;

(ബി)	മുന്‍ വര്‍ഷം നിര്‍ദ്ദേശിച്ചത് എത്ര തുകയുടെ പദ്ധതിയായിരുന്നു; ആയതിലേക്കുളള കേന്ദ്ര വിഹിതം പൂര്‍ണമായി ലഭിച്ചോ; ഇല്ലെങ്കില്‍ ഇതിനുള്ള കാരണം കേന്ദ്രം അറിയിച്ചിട്ടുണ്ടോ;

(സി)	സംസ്ഥാനത്തെ പ്രാഥമിക വിദ്യാഭ്യാസ മേഖലയിലെ ആധുനീകരണ പ്രവര്‍ത്തനങ്ങളെയും പഠന പരിപോഷണ പ്രവര്‍ത്തനങ്ങളെയും എസ്. എസ്. എ. ഫണ്ടിന്റെ ലഭ്യതക്കുറവും ഫണ്ട് ലഭിക്കുന്നതിലുളള കാലതാമസവും ബാധിക്കാതിരിക്കാനായി സ്വീകരിച്ച നടപടികള്‍ അറിയിക്കാമോ?

പുതിയ റെയില്‍ പാത നിര്‍മ്മാണം

*366.

ശ്രീ.സി.കൃഷ്ണന്‍
,, ബി.സത്യന്‍
,, ജോര്‍ജ് എം. തോമസ്
,, രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്ത് ഗതാഗത വികസനം മന്ദീഭവിപ്പിക്കുന്ന മുഖ്യഘടകം ഭൂമിയുടെ ലഭ്യതയിലുണ്ടാകുന്ന പ്രശ്നങ്ങളാണെന്നത് പരിഗണിച്ച് നിലവിലുളള റെയില്‍ പാതകളോടുചേര്‍ന്ന് തിരുവനന്തപുരം മുതല്‍ കാസര്‍ഗോഡ് വരെയുള്ള പുതിയ റെയില്‍ പാത നിര്‍മ്മാണത്തിന് കേരള റെയില്‍ ഡെവലപ്മെന്റ് കോര്‍പ്പറേഷന്‍ ഉദ്ദേശിക്കുന്നുണ്ടോ; ഈ പദ്ധതിയോട് കേന്ദ്ര റെയില്‍വേ മന്ത്രാലയത്തിന്റെ സമീപനം എന്താണെന്ന് അറിയിക്കാമോ;

(ബി)	കേരള റെയില്‍ ഡെവലപ്മെന്റ് കോര്‍പ്പറേഷന്‍ ഉടനെ ഏറ്റെടുക്കാന്‍ ഉദ്ദേശിക്കുന്ന പദ്ധതികള്‍ ഏതെല്ലാമാണ്;

(സി)	ശബരി റെയില്‍പാതയുടെ സ്ഥലമെടുപ്പിനും തലശ്ശേരി-മൈസൂര്‍ പാതയുടെ അംഗീകാരത്തിനുമായി സ്വീകരിച്ച നടപടികള്‍ അറിയിക്കാമോ?

വരള്‍ച്ച പ്രതിരോധ പദ്ധതികള്‍

*367.

ശ്രീ.കെ. ആന്‍സലന്‍
,, ജോണ്‍ ഫെര്‍ണാണ്ടസ്
,, പി.കെ. ശശി
,, സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	അതിരൂക്ഷമായ വരള്‍ച്ചയുടെ ഫലമായി സംസ്ഥാനത്തെ വിവിധ പ്രദേശങ്ങളില്‍ അനുഭവപ്പെടുന്ന കുടിവെള്ളക്ഷാമം പരിഹരിക്കാന്‍ അടിയന്തരമായി ഇടപെടല്‍ നടത്തുമോ;

(ബി)	കടുത്ത വരള്‍ച്ചയില്‍ കാര്‍ഷിക മേഖല നേരിടുന്ന വിളനഷ്ടവും പ്രതിസന്ധിയും ഒഴിവാക്കാനായി റവന്യൂ വകുപ്പ് നടപ്പാക്കി വരുന്ന വരള്‍ച്ച പ്രതിരോധ പദ്ധതികള്‍ എന്തെല്ലാമാണ്; ഇതിനായി കേന്ദ്ര സര്‍ക്കാരിന്റെ എന്തൊക്കെ സഹായം ലഭിക്കുന്നുണ്ടെന്ന് അറിയിക്കാമോ;

(സി)	മുന്‍ വര്‍ഷം കടുത്ത വരള്‍ച്ചയുടെ ഫലമായുണ്ടായ വിളനാശം എത്രയായിരുന്നു; ദുരന്ത പ്രതികരണ നിധിയില്‍ നിന്ന് കേന്ദ്ര സര്‍ക്കാരിനോട് എത്ര തുകയാണ് ആവശ്യപ്പെട്ടത്; അതില്‍ എത്ര തുക കേന്ദ്രം അനുവദിച്ചു; വ്യക്തമാക്കാമോ?

പുതിയ ദേശീയ പാതകള്‍ക്ക് അംഗീകാരം

*368.

ശ്രീ.പി.കെ.അബ്ദു റബ്ബ്
,, ടി.എ.അഹമ്മദ് കബീര്‍
ഡോ.എം. കെ. മുനീര്‍
ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയ ദേശീയ പാതകള്‍ക്ക് അംഗീകാരം ലഭിച്ചിട്ടുണ്ടോ; എങ്കില്‍ അംഗീകാരം ലഭിച്ച ദേശീയ പാതകള്‍ ഏതെല്ലാമാണെന്ന് വിശദീകരിക്കാമോ;

(ബി)	ഇത് സംബന്ധിച്ച് പ്രോജക്ട് റിപ്പോര്‍ട്ട് തയ്യാറാക്കിയിട്ടുണ്ടോ; വിശദാംശങ്ങള്‍ നല്‍കാമോ;

(സി)	പുതിയ ദേശീയ പാതകള്‍ യാഥാര്‍ത്ഥ്യമാകുന്നതിന്എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് വ്യക്തമാക്കുമോ?

നദീതീര കയ്യേറ്റങ്ങള്‍

*369.

ശ്രീ.പുരുഷന്‍ കടലുണ്ടി
,, എം. സ്വരാജ്
,, പി. ഉണ്ണി
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ നദീതീര കയ്യേറ്റങ്ങള്‍ തടയുന്നതിനായി നിലവിലുള്ള നിയമങ്ങള്‍ പര്യാപ്തമാണോ എന്ന് പരിശോധിച്ചിട്ടുണ്ടോ; വിശദമാക്കാമോ;

(ബി)	പെരിയാര്‍, ഭാരതപ്പുഴ, ചാലിയാര്‍, പമ്പ, കല്ലട, വാമനപുരം, ചന്ദ്രഗിരി, കരമന, മീനച്ചില്‍ തുടങ്ങിയ നദികളിലെ കയ്യേറ്റങ്ങള്‍ സംബന്ധിച്ച് സര്‍വ്വേ നടത്തിയിട്ടുണ്ടോ; ഉണ്ടെങ്കില്‍ വിശദമാക്കുമോ;

(സി)	ഈ സര്‍ക്കാര്‍ അധികാരത്തില്‍ വന്നതിന് ശേഷം പ്രസ്തുത നദികളുടെ കയ്യേറ്റങ്ങള്‍ തടയുന്നതിനും ഒഴിപ്പിക്കുന്നതിനും എന്തെല്ലാം നടപടികളാണ് സ്വീകരിച്ചു വരുന്നതെന്ന് വെളിപ്പെടുത്താമോ?

സര്‍വ്വകലാശാലകള്‍ മികവുറ്റതാക്കാൻ നടപടി

*370.

ശ്രീ.ഷാഫി പറമ്പില്‍
,, അന്‍വര്‍ സാദത്ത്
,, ഐ.സി.ബാലകൃഷ്ണന്‍
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വകലാശാലകള്‍ മികച്ച വിദ്യാഭ്യാസ ആശയങ്ങളോടും സമ്പ്രദായങ്ങളോടും കൂടിയുളളതാകണമെന്ന ലക്ഷ്യം പ്രാവര്‍ത്തികമാക്കുന്നതിന് സ്വീകരിച്ച നടപടികള്‍ എന്തൊക്കെയാണെന്ന് അറിയിക്കാമോ;

(ബി)	സര്‍വ്വകലാശാല ലൈബ്രറികളെ അന്തര്‍ദേശീയ നിലവാരത്തിലുളള ഗവേഷണ കേന്ദ്രങ്ങളുടെ നിലവാരത്തിലേക്ക് ഉയര്‍ത്തുന്നതിന് പദ്ധതി ആവിഷ്കരിച്ചിട്ടുണ്ടോ; എങ്കില്‍ ഇതിനായി ഇതിനകം സ്വീകരിച്ച നടപടികള്‍ എന്തൊക്കെയാണെന്ന് വിശദീകരിക്കാമോ;

(സി)	സര്‍വ്വകലാശാലകളെ ആധുനിക നിലവാരത്തിലേക്ക് ഉയര്‍ത്തുന്നതിന് സ്വീകരിച്ച നടപടികള്‍ വ്യക്തമാക്കുമോ?

മത്സ്യബന്ധന മേഖലയിൽ ഇന്‍ഷ്വറന്‍സ്

*371.

ശ്രീ.വി.കെ.ഇബ്രാഹിം കുഞ്ഞ്
,, എം.ഉമ്മര്‍
,, മഞ്ഞളാംകുഴി അലി
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മത്സ്യബന്ധന തൊഴിലാളികള്‍ക്കും ബോട്ടുകള്‍ക്കും ഉപകരണങ്ങള്‍ക്കും ഇന്‍ഷ്വറന്‍സ് ഏര്‍പ്പെടുത്തിയിട്ടുണ്ടോ; വിശദമാക്കാമോ;

(ബി)	പൈലറ്റ് പ്രോജക്ടിനായി വകയിരുത്തിയ അന്‍പത് ലക്ഷം രൂപയില്‍ എത്ര രൂപയാണ് ചെലവഴിച്ചത്; ആയതിന്റെ വിശദാംശം നല്‍കുമോ;

(സി)	പ്രസ്തുത പൈലറ്റ് പ്രോജക്ടിന്റെ വിലയിരുത്തല്‍ നടത്തിയിട്ടുണ്ടോ; കണ്ടെത്തലുകള്‍ വിശദമാക്കാമോ;

(ഡി)	പ്രസ്തുത പദ്ധതി സംസ്ഥാനത്ത് പൂര്‍ണ്ണമായും നടപ്പിലാക്കുന്നതിനായി ഉദ്ദേശിക്കുന്നുണ്ടോ; വിശദമാക്കാമോ?

ചെലവുകുറഞ്ഞ വീടുനിര്‍മ്മാണം

*372.

ശ്രീ.എല്‍ദോസ് പി. കുന്നപ്പിള്ളില്‍
,, കെ.മുരളീധരന്‍
,, കെ.സി.ജോസഫ്
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	എല്ലാവര്‍ക്കും താങ്ങാവുന്ന ചെലവിലുള്ള വീടുകള്‍ നല്‍കുകയെന്ന ലക്ഷ്യം സാക്ഷാത്കരിക്കുന്നതിന് പ്രീഫാബ് സാങ്കേതിക വിദ്യ ജനകീയമാക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം നല്‍കുമോ;

(ബി)	ഭവന നിര്‍മ്മാണ പ്രവര്‍ത്തനങ്ങളില്‍ യുവജനങ്ങള്‍ക്ക് പരിശീലനം നല്‍കുന്നതിനുളള എന്തെങ്കിലും പരിപാടി ആവിഷ്ക്കരിച്ചിട്ടുണ്ടോ; ഇതിലൂടെ ഇതിനകം എത്രപേര്‍ക്ക് പരിശീലനം നല്‍കുകയുണ്ടായെന്ന് അറിയിക്കാമോ;

(സി)	പൊതുനിര്‍മ്മാണ പ്രവൃത്തികള്‍ക്ക് ലാറി ബേക്കറുടെ കെട്ടിട നിര്‍മ്മാണ സാങ്കേതിക വിദ്യയ്ക്ക് പ്രാമുഖ്യം നല്‍കും എന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ; വിശദീകരിക്കുമോ;

(ഡി)	ലാറി ബേക്കര്‍ ഇന്റര്‍ നാഷണല്‍ സ്ക്കൂള്‍ ഓഫ് ഹാബിറ്റാറ്റിനെ പരിസ്ഥിതിക്ക് അനുയോജ്യമായ ചെലവ് കുറഞ്ഞ കെട്ടിട നിര്‍മ്മാണ സാങ്കേതിക വിദ്യ വികസിപ്പിക്കുന്ന കേന്ദ്രമായി വളര്‍ത്തിയെടുക്കുന്നതിന് എന്തൊക്കെ സഹായമാണ് സര്‍ക്കാര്‍ തലത്തില്‍ നല്‍കുന്നതെന്ന് വിശദമാക്കാമോ?

ഹയര്‍ സെക്കണ്ടറി പാഠപുസ്തകങ്ങളുടെ മലയാള വിവര്‍ത്തനം

*373.

ശ്രീ.ചിറ്റയം ഗോപകുമാര്‍
,, മുല്ലക്കര രത്നാകരന്‍
,, വി.ആര്‍. സുനില്‍ കുമാര്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഹയര്‍ സെക്കണ്ടറി പാഠപുസ്തകങ്ങള്‍ മലയാളത്തിലേക്ക് വിവര്‍ത്തനം ചെയ്യുന്നത് ആലോചിക്കുന്നുണ്ടോ;

(ബി)	ഇത്തരത്തില്‍ പാഠപുസ്തകങ്ങള്‍ മലയാളത്തിലാക്കുന്നതിന്റെ നേട്ടങ്ങള്‍ വിശദമാക്കുമോ;

(സി)	വിവിധ വിഷയങ്ങളിലെ സാങ്കേതിക പദങ്ങളുടെ വിവര്‍ത്തനം അടങ്ങുന്ന മലയാള നിഘണ്ടു പ്രസിദ്ധീകരിക്കുന്നതിന് നീക്കമുണ്ടോ; വ്യക്തമാക്കുമോ?

ഹാര്‍ബര്‍ എഞ്ചിനീയറിംഗ് വകുപ്പ് നടപ്പിലാക്കുന്ന പദ്ധതികള്‍

*374.

ശ്രീ.എം. രാജഗോപാലന്‍
,, എസ്.ശർമ്മ
,, കെ. ദാസന്‍
,, കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഹാര്‍ബര്‍ എഞ്ചിനീയറിംഗ് വകുപ്പ് നിലവില്‍ നടപ്പിലാക്കിക്കൊണ്ടിരിക്കുന്ന പദ്ധതികള്‍ ഏതെല്ലാമാണ്;

(ബി)	തലായി, ചേറ്റുവ, കൊയിലാണ്ടി തുടങ്ങിയ മത്സ്യബന്ധന തുറമുഖങ്ങളുടെ പണി പൂര്‍ത്തിയായിട്ടുണ്ടോ; തീരദേശ റോഡുകളുടെ നിര്‍മ്മാണത്തിനായി എത്ര തുക അനുവദിച്ചിട്ടുണ്ടെന്നും അവയുടെ നിര്‍മ്മാണ പുരോഗതിയും അറിയിക്കുമോ;

(സി)

സംസ്ഥാനത്ത് നിര്‍മ്മാണം നടന്ന് വരുന്ന വിവിധ മത്സ്യബന്ധന തുറമുഖങ്ങള്‍ക്ക് വാഗ്ദാനം ചെയ്ത കേന്ദ്ര സഹായം ലഭിക്കുകയുണ്ടായോ; ഇല്ലെങ്കില്‍ ഇൗ പദ്ധതികള്‍ പൂര്‍ത്തിയാക്കുന്നതിന് ആവിഷ്ക്കരിച്ചിട്ടുള്ള മാര്‍ഗ്ഗം എന്താണ്; ഏതെല്ലാം മത്സ്യബന്ധന തുറമുഖ നിര്‍മ്മാണ പദ്ധതികളാണ് ഇത്തരത്തില്‍ പൂര്‍ത്തീകരിക്കാന്‍ ഉദ്ദേശിക്കുന്നത്; വ്യക്തമാക്കുമോ?

കെ.എസ്.ടി.പി. റോഡ് നിര്‍മ്മാണത്തിലെ ക്രമക്കേടുകള്‍

*375.

ശ്രീ.പി.ടി. തോമസ്
,, തിരുവഞ്ചൂര്‍ രാധാകൃഷ്ണന്‍
,, സണ്ണി ജോസഫ്
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ടി.പി. റോഡ് നിര്‍മ്മാണത്തിലെ ക്രമക്കേടുകളും അഴിമതിയും അന്വേഷിക്കുവാന്‍ പൊതുമരാമത്ത് വകുപ്പിന് അധികാരമുണ്ടോ; എങ്കില്‍ ഇക്കാര്യത്തില്‍ ഏത് വിധത്തിലുള്ള അന്വേഷണം നടത്തുവാനാണ് തീരുമാനിച്ചിട്ടുള്ളത്;

(ബി)	ഈ പദ്ധതിയുടെ കീഴില്‍ ഏറ്റെടുത്ത് നടത്തുന്ന റോഡ് വികസന പദ്ധതികളില്‍ ഇന്ത്യന്‍ റോഡ്സ് കോണ്‍ഗ്രസ് നിര്‍ദ്ദേശിച്ചിട്ടുള്ള മാനദണ്ഡം ബാധകമല്ലേ എന്ന് വ്യക്തമാക്കുമോ;

(സി)	കെ.എസ്.ടി.പി.റോഡ് നിര്‍മ്മാണത്തിന്റെ കണ്‍സള്‍ട്ടന്റും കരാറുകാരുമായി ഒത്തുചേര്‍ന്ന് ക്രമക്കേടുകള്‍ നടത്തുന്നതായ പരാതി ശ്രദ്ധയില്‍പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്ത് നടപടിയാണ് സ്വീകരിച്ചിട്ടുള്ളത് എന്ന് അറിയിക്കുമോ?

റോഡുകള്‍ വേഗത്തില്‍ തകരാതിരിക്കാൻ നടപടി

*376.

ശ്രീ.അനില്‍ അക്കര
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിര്‍മ്മാണത്തിലെ പോരായ്മ മൂലം പി.ഡബ്ല്യു.ഡി റോഡുകള്‍ വേഗത്തില്‍ തകരുന്ന സാഹചര്യം കണ്ടെത്തിയിട്ടുണ്ടോ; വിശദാംശം നല്‍കുമോ;

(ബി)	പ്രസ്തുത കേടുപാടുകള്‍ പ്രവൃത്തി നടത്തിയ കരാറുകാരെകൊണ്ടുതന്നെ നന്നാക്കുന്നതിന് നടപടി സ്വീകരിച്ചിട്ടുണ്ടോ; എങ്കില്‍ എത്ര വര്‍ഷം വരെയുള്ള കാലയളവില്‍ ഉണ്ടാകുന്ന കേടുപാടുകള്‍ക്കാണ് കരാറുകാരന്‍ ഇപ്രകാരം ഉത്തരവാദിയാകുന്നതെന്ന് വിശദമാക്കാമോ;

(സി)

മരാമത്ത് നിരത്ത് വിഭാഗത്തിന് കീഴിലുള്ള പ്രവൃത്തികളില്‍ നാച്ചുറല്‍ റബ്ബര്‍ മോഡിഫൈഡ് ബിറ്റുമിന്‍ ഉപയോഗിക്കുന്നത് റോഡുകള്‍ മഴയില്‍ വേഗത്തില്‍ തകരാറിലാകാതിരിക്കുവാന്‍ സഹായകമാണെന്ന് കണ്ടെത്തിയിട്ടുണ്ടോ; എങ്കില്‍ പ്രസ്തുത നിര്‍മ്മാണ വസ്തു കൂടുതല്‍ റോഡുകളില്‍ ഉപയോഗിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

റസ്റ്റ് ഹൗസുകളുടെ നവീകരണം

*377.

ശ്രീ.ഐ.സി.ബാലകൃഷ്ണന്‍
,, കെ.എസ്.ശബരീനാഥന്‍
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ കീഴിലുള്ള റസ്റ്റ് ഹൗസുകള്‍ ടൂറിസം വകുപ്പിന്റെ ഗസ്റ്റ് ഹൗസുകളുടെ നിലവാരത്തിലേക്ക് മാറ്റുന്നതിന് തീരുമാനം എടുത്തിട്ടുണ്ടോ; വിശദാംശം നല്‍കുമോ;

(ബി)	റസ്റ്റ് ഹൗസുകള്‍ മോടിപിടിപ്പിക്കുന്നതിനും കൂടുതല്‍ അതിഥികളെ ആകര്‍ഷിക്കുന്നതിനും ലക്ഷ്യമിട്ടുള്ള എന്തൊക്കെ നവീകരണ പ്രവര്‍ത്തനങ്ങളാണ് നടത്താനുദ്ദേശിക്കുന്നതെന്നറിയിക്കാമോ;

(സി)	റസ്റ്റ് ഹൗസ് ജീവനക്കാര്‍ക്ക് യൂണിഫോം ഏര്‍പ്പെടുത്തുന്നതിന് നടപടി സ്വീകരിച്ചിട്ടുണ്ടോയെന്ന് വിശദമാക്കാമോ?

സംസ്ഥാന വൈദഗ്ദ്ധ്യ വികസന പദ്ധതി

*378.

ശ്രീ.ഡി.കെ. മുരളി
,, പി.ടി.എ. റഹീം
,, കെ.ഡി. പ്രസേനന്‍
,, എം. സ്വരാജ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന വൈദഗ്ദ്ധ്യ വികസന പദ്ധതിയുടെ (എസ്.എസ്.ഡി.പി.) ഭാഗമായി നടത്തുന്ന പ്രവര്‍ത്തനങ്ങള്‍ വിശദമാക്കാമോ;

(ബി)	പ്രസ്തുത പദ്ധതിയുടെ മുഖ്യ ഘടക പദ്ധതികളിലൊന്നായ അധിക വൈദഗ്ദ്ധ്യം ആര്‍ജ്ജിക്കല്‍ പദ്ധതി (അസാപ്) എത്ര സ്കൂളുകളില്‍ നടപ്പിലാക്കി വരുന്നു; പദ്ധതിക്കായി സ്കൂളുകളെ തെരഞ്ഞെടുക്കുന്നതിന്റെ മാനദണ്ഡം എന്താണ്; ഈ പദ്ധതി പ്രകാരം പരിശീലനം നല്‍കുന്നതിന് ഫീസ് ഈടാക്കുന്നതിനുള്ള മാനദണ്ഡം എന്താണ്;

(സി)	അസാപ് പ്രകാരം ഏതെല്ലാം മേഖലകളിലാണ് പ്രാവീണ്യം നേടാന്‍ പരിശീലനം നല്‍കുന്നത് ; പരിശീലനത്തിന്റെ ഫലമായി വിദ്യാര്‍ത്ഥികള്‍ ആര്‍ജ്ജിച്ച കഴിവുകള്‍ വിലയിരുത്തിയിരുന്നോ; വിശദാംശം അറിയിക്കാമോ?

മത്സ്യത്തൊഴിലാളികളെ സഹായിക്കുന്നതിന് നടപടി

*379.

ശ്രീ.എം. വിന്‍സെന്റ്
,, ഹൈബി ഈഡന്‍
,, വി.ഡി.സതീശന്‍
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കടല്‍, കായല്‍ എന്നിവിടങ്ങളില്‍ മത്സ്യബന്ധനത്തിനുള്ള അവകാശം മത്സ്യത്തൊഴിലാളികള്‍ക്ക് ഉറപ്പ് വരുത്തുന്ന നിയമം കൊണ്ടുവരുന്നതിനുള്ള നടപടി ഏത് ഘട്ടത്തിലാണ്;

(ബി)	കടല്‍ മത്സ്യത്തിന്റെ ശോഷണം മൂലം മത്സ്യത്തൊഴിലാളികള്‍ വറുതിയിലാണെന്നതും ഓഖിക്ക് ശേഷമുള്ള സ്ഥിതി വിശേഷം മത്സ്യത്തൊഴിലാളികളുടെ ജീവിതനിലവാരത്തെ ബാധിച്ചുവെന്നതും വസ്തുതയാണോ; എങ്കില്‍ അവരെ സഹായിക്കുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണ്;

(സി)	മത്സ്യ മാര്‍ക്കറ്റുകള്‍ ആധുനിക രീതിയില്‍ പ്രവര്‍ത്തിപ്പിക്കുന്നതിനും മത്സ്യത്തിന്റെ ഗുണനിലവാരം ഉറപ്പാക്കുന്നതിനും സഹായകമായ മാനേജുമെന്റ് കമ്മിറ്റികളുടെ രൂപീകരണം ഏത് ഘട്ടത്തിലാണ്എന്നറിയിക്കാമോ?

കേരള ഹെെവേ റിസര്‍ച്ച് ഇന്‍സ്റ്റിറ്റ്യൂട്ടിന്റെ പ്രവര്‍ത്തനങ്ങള്‍

*380.

ശ്രീ.എ.എം. ആരിഫ്
,, വി. കെ. സി. മമ്മത് കോയ
,, എം. മുകേഷ്
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരള ഹെെവേ റിസര്‍ച്ച് ഇന്‍സ്റ്റിറ്റ്യൂട്ട് നടത്തി വരുന്ന പ്രവര്‍ത്തനങ്ങള്‍ എന്തൊക്കെയാണെന്ന് അറിയിക്കാമോ; റോഡ്-കെട്ടിട നിര്‍മ്മാണത്തില്‍ നിലവാരം ഉറപ്പാക്കാനായി എന്തെങ്കിലും പ്രവര്‍ത്തനങ്ങള്‍ നടത്തി വരുന്നുണ്ടോ;

(ബി)	റോഡ് - കെട്ടിട നിര്‍മ്മാണ സാമഗ്രികളുടെ ഗുണനിലവാര പരിശോധനയ്ക്കും നിര്‍മ്മാണ രീതിയിലെ അപാകതകള്‍ ഒഴിവാക്കുന്നതിനും എന്തെല്ലാം ഇടപെടലുകള്‍ പ്രസ്തുത സ്ഥാപനം നടത്തി വരുന്നെന്ന് അറിയിക്കാമോ;

(സി)	നവീന സാങ്കേതിക വിദ്യകളും നിര്‍മ്മാണ രീതികളും എഞ്ചിനീയര്‍മാര്‍ക്കും മറ്റ് ഉദ്യാേഗസ്ഥര്‍ക്കും പരിചയപ്പെടുത്തുന്നതിനായി പരിശീലനം നല്‍കി വരുന്നുണ്ടോ ; ഇത് മൂലം പൊതു കെട്ടിടങ്ങളുടെ നിര്‍മ്മാണ രീതിയില്‍ കാലികമായ മാറ്റം വരുത്തല്‍ സാധ്യമാകുന്നുണ്ടോയെന്ന് അറിയിക്കുമോ?

തീരദേശമേഖലയുടെ വികസനത്തിന് പ്രത്യേക പാക്കേജ്

*381.

ശ്രീ.വി.എസ്.ശിവകുമാര്‍
,, കെ.എസ്.ശബരീനാഥന്‍
,, എം. വിന്‍സെന്റ്
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	തീരദേശമേഖലയുടെ ഏകീകൃത വികസനത്തിന് പ്രത്യേക പാക്കേജിന് രൂപം നല്‍കിയിട്ടുണ്ടോ; വിശദാംശം നല്‍കുമോ;

(ബി)	മത്സ്യത്തൊഴിലാളികളുടെ സമഗ്ര ഡേറ്റാ ബാങ്ക് തയ്യാറാക്കിയിട്ടുണ്ടോ; വ്യക്തമാക്കുമോ;

(സി)	എല്ലാ രജിസ്റ്റേര്‍ഡ് മത്സ്യത്തൊഴിലാളികള്‍ക്കും ഫാമിലി കാര്‍ഡ് നല്‍കുന്നതിനും മത്സ്യഭവനുകള്‍ കൂടുതല്‍ പ്രവര്‍ത്തനക്ഷമമാക്കുന്നതിനും ആവശ്യമായ അടിസ്ഥാന സൗകര്യങ്ങളും മാനവശേഷിയും ഉറപ്പാക്കിയിട്ടുണ്ടോ; വ്യക്തമാക്കാമോ;

(ഡി)	മത്സ്യത്തൊഴിലാളികള്‍ക്ക് സബ്സിഡി നിരക്കില്‍ മണ്ണെണ്ണ ലഭിക്കുന്നില്ലായെന്ന പരാതി ശ്രദ്ധയില്‍പെട്ടിട്ടുണ്ടോ; സബ്സിഡി നിരക്കില്‍ മണ്ണെണ്ണ നല്‍കുന്നതിന് നടപടി സ്വീകരിക്കുമോ; വ്യക്തമാക്കാമോ?

കശുവണ്ടി വികസന കോര്‍പ്പറേഷന്റെ പ്രവര്‍ത്തനങ്ങള്‍

*382.

ശ്രീ.എന്‍. വിജയന്‍ പിള്ള
,, എം. നൗഷാദ്
ശ്രീമതി യു. പ്രതിഭ ഹരി
ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	വിയറ്റ്നാം പോലുള്ള രാജ്യങ്ങള്‍ കശുമാവ് കൃഷി തുടങ്ങിയതും ആഫ്രിക്കന്‍ രാജ്യങ്ങള്‍ കശുവണ്ടി സംസ്ക്കരണ രംഗത്ത് പ്രവേശിച്ചതും ആഗോള കശുവണ്ടി വ്യവസായ രംഗത്ത് സൃഷ്ടിച്ച കടുത്ത മത്സരം കേരളത്തിന്റെ കശുവണ്ടി മേഖലയെ ബാധിക്കാതിരിക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്;

(ബി)	കശുവണ്ടി വ്യവസായ മേഖലയില്‍ കേരള സംസ്ഥാന കശുവണ്ടി വികസന കോര്‍പ്പറേഷന്‍ നടത്തുന്ന പ്രവര്‍ത്തനങ്ങള്‍ അവലോകനം ചെയ്യാറുണ്ടോ;

(സി)	കശുമാവിന്റെ ഉല്പാദനക്ഷമത വര്‍ദ്ധിപ്പിക്കുന്നതിനും മൂല്യവര്‍ദ്ധിത ഉല്പന്നങ്ങളുടെ ഉത്പാദനം കാര്യക്ഷമമാക്കുന്നതിനും എന്തെല്ലാം നടപടികളാണ് കോര്‍പ്പറേഷന്‍ സ്വീകരിച്ചിട്ടുള്ളത്;

(ഡി)	അന്തര്‍ദേശീയ കമ്പോളത്തില്‍ മെച്ചപ്പെട്ട വില്പന തന്ത്രങ്ങള്‍ ആവിഷ്ക്കരിച്ച് മികച്ച വില നേടിയെടുക്കുന്നതിനോടാെപ്പം പ്രാദേശിക കമ്പോളത്തില്‍ വില്‍പ്പനയുടെ അളവ് ഗണ്യമായി വര്‍ദ്ധിപ്പിക്കുന്നതിന് പ്രസ്തുത കോര്‍പ്പറേഷന്‍ എന്തെല്ലാം പദ്ധതികളാണ് ആസൂത്രണം ചെയ്തിട്ടുള്ളതെന്ന് വ്യക്തമാക്കാമോ?

ദേശീയപാതകളുടെ വികസനം

*383.

ശ്രീമതി ഇ.എസ്.ബിജിമോള്‍
ശ്രീ.ജി.എസ്.ജയലാല്‍
ശ്രീമതി സി.കെ. ആശ
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദേശീയപാതകളുടെ വികസനം ഏത് ഘട്ടം വരെയായെന്ന് വ്യക്തമാക്കുമോ;

(ബി)	ചേര്‍ത്തല-കഴക്കൂട്ടം ദേശീയപാത 45 മീറ്ററായി വികസിപ്പിക്കുന്നതിന് സ്ഥലമേറ്റെടുപ്പ് പൂര്‍ത്തിയായോ; വ്യക്തമാക്കുമോ;

(സി)	പ്രസ്തുത പദ്ധതി എന്നത്തേക്ക് പൂര്‍ത്തിയാക്കാനാകുമെന്ന് വ്യക്തമാക്കുമോ;

(ഡി)	പളനി-ശബരിമല ദേശീയപാത യാഥാര്‍ത്ഥ്യമാക്കുന്നതിന് നടപടി സ്വീകരിക്കുമോ; പാതയുടെ വിശദാംശങ്ങള്‍ വെളിപ്പെടുത്തുമോ?

റവന്യൂ വകുപ്പിലെ ഇ-ഗവേണന്‍സ് പദ്ധതികള്‍

*384.

ശ്രീ.ഇ.കെ.വിജയന്‍
,, സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റവന്യൂ വകുപ്പുമായി ബന്ധപ്പെട്ട് നടപ്പിലാക്കി വരുന്ന ഇ-ഗവേണന്‍സ് പദ്ധതികളായ ഇന്റഗ്രേറ്റഡ് ലാന്റ് ഇന്‍ഫര്‍മേഷന്‍ സിസ്റ്റം, റവന്യൂ ഇ-പെയ്മെന്റ്, ഇ-ട്രഷറി, ഇ-പ്രൊക്യുര്‍മെന്റ്,ഡിജിറ്റല്‍ ഇന്ത്യ, ലാന്റ് റെക്കോര്‍ഡ്സ് മോഡേണൈസേഷന്‍ പ്രോഗ്രാം തുടങ്ങിയ പദ്ധതികള്‍ വിശദമാക്കുമോ;

(ബി)	പ്രസ്തുത പദ്ധതികളുടെ നിലവിലെ അവസ്ഥ വ്യക്തമാക്കുമോ;

(സി)	മേല്‍പ്പറഞ്ഞ ഓരോ പദ്ധതിയും എന്നത്തേയ്ക്ക് പൂര്‍ണ്ണമായി നടപ്പിലാകും എന്ന് വ്യക്തമാക്കുമോ;

(ഡി)	ഇ-പേയ്മെന്റ് പദ്ധതികള്‍ നടപ്പിലാക്കുമ്പോള്‍ ഭൂനികുതി ഉള്‍പ്പെടെയുള്ളവ അക്ഷയ സെന്ററുകളും സര്‍വീസ് സെന്ററുകളും വഴി അടയ്ക്കുന്നതിന് ഫീസ് ചുമത്തുന്നത് ജനങ്ങള്‍ക്ക് ബുദ്ധിമുട്ടുണ്ടാക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഇ)	എങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

സംസ്ഥാന റോഡ് മെച്ചപ്പെടുത്തല്‍ പദ്ധതി

*385.

ശ്രീ.കെ.ഡി. പ്രസേനന്‍
,, ഇ.പി.ജയരാജന്‍
,, എ.എം. ആരിഫ്
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളുടെ സമഗ്രവികസനത്തിനായി സംസ്ഥാന റോഡ് മെച്ചപ്പെടുത്തല്‍ പദ്ധതി (എസ്.ആര്‍.ഐ.പി.) നടപ്പിലാക്കിയിട്ടുണ്ടോ;

(ബി)	പ്രസ്തുത പദ്ധതിയില്‍ എന്തെല്ലാം പ്രവൃത്തികളാണ് ഉള്‍പ്പെടുത്തിയിരിക്കുന്നതെന്ന് വിശദമാക്കാമോ;

(സി)	പ്രസ്തുത റോഡ് വികസന പ്രവര്‍ത്തനങ്ങള്‍ ഫലപ്രദമായി നടപ്പിലാക്കുന്നതിനായി റോഡ് ഇന്‍ഫ്രാസ്ട്രക്ചര്‍ കമ്പനി കേരളാ ലിമിറ്റഡ് എന്ന പേരില്‍ പ്രത്യേക കമ്പനി രൂപീകരിച്ചിട്ടുണ്ടോ; വിശദാംശങ്ങള്‍ നല്‍കുമോ;

(ഡി)	കമ്പനിയുടെ 2017-18 ലെ പ്രധാന പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ?

മലയോര ഹൈവേ

*386.

ശ്രീ.രാജു എബ്രഹാം
,, സി.കെ. ഹരീന്ദ്രന്‍
,, ജോര്‍ജ് എം. തോമസ്
,, കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പതിനൊന്ന് ജില്ലകളിലൂടെ കടന്നു പോകുന്നതും നന്ദാരപ്പടവ് മുതല്‍ പാറശ്ശാല വരെ 1251 കിലോമീറ്റര്‍ നീളത്തില്‍ വിഭാവനം ചെയ്തതുമായ മലയോര ഹൈവേയുടെ പ്രാരംഭ പ്രവര്‍ത്തനത്തിന്റെ പുരോഗതി വ്യക്തമാക്കുമോ;

(ബി)	വനമേഖലകളിലൂടെ കടന്നു പോകുന്ന പ്രസ്തുത പദ്ധതിയ്ക്ക് കേന്ദ്ര വനം-പരിസ്ഥിതി മന്ത്രാലയത്തിന്റെയും സംസ്ഥാന വനം വകുപ്പിന്റെയും പ്രത്യേക അനുമതി ലഭിച്ചിട്ടുണ്ടോ;

(സി)	ഇത് സംബന്ധിച്ച് പൊതുമരാമത്ത് വകുപ്പ് മന്ത്രി കേന്ദ്ര വനം-പരിസ്ഥിതി വകുപ്പ് മന്ത്രിയുമായി നടത്തിയ ചര്‍ച്ചയുടെ വിശദാംശങ്ങള്‍ വെളിപ്പെടുത്തുമോ?

ദേശീയ നൈപുണ്യ വികസന പദ്ധതി

*387.

ശ്രീ.ആര്‍. രാജേഷ്
,, വി. അബ്ദുറഹിമാന്‍
,, കെ. ബാബു
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ നൈപുണ്യ വികസന പദ്ധതി (എന്‍.എസ്.ക്യു.എഫ്) സംസ്ഥാനത്ത് നടപ്പാക്കാന്‍ തീരുമാനിച്ചിട്ടുണ്ടോ; പദ്ധതി കൊണ്ട് ലക്ഷ്യമാക്കുന്ന നേട്ടങ്ങള്‍ അറിയിക്കാമോ;

(ബി)	ദേശവ്യാപകമായി ഇതിന് ഏകീകൃത പാഠ്യപദ്ധതി നിശ്ചയിച്ചിട്ടുണ്ടോ; വ്യക്തമാക്കാമോ;

(സി)	വിവിധ ലെവലുകളിലായി ആര്‍ജ്ജിക്കേണ്ട വൈദഗ്ദ്ധ്യം എന്തെല്ലാമാണ്; ഈ ലെവലുകള്‍ ഓരോന്നും ഏതൊക്കെ ക്ലാസുകളില്‍ ആര്‍ജ്ജിക്കേണ്ടതാണ്; ഇതിനായി പാഠ്യക്രമം തയ്യാറായിട്ടുണ്ടോ; വിശദാംശം ലഭ്യമാക്കുമോ;

(ഡി)	വൈദഗ്ദ്ധ്യ ആര്‍ജ്ജനത്തിനായി പാഠ്യപദ്ധതിയില്‍ ഏര്‍പ്പെടുത്തുന്ന അധികഭാരം അക്കാദമിക നിലവാരത്തെ പ്രതികൂലമായി ബാധിക്കാതിരിക്കാനായി അധിക പഠന സമയം ഉദ്ദേശിക്കുന്നുണ്ടോ;

(ഇ)	പദ്ധതിക്കായി നല്‍കുന്ന കേന്ദ്ര സഹായം എന്തെല്ലാമാണ്; വിശദാംശങ്ങള്‍ ലഭ്യമാക്കുമോ?

സ്കൂളുകളില്‍ കുട്ടികള്‍ക്ക് ശുദ്ധജലം ഉറപ്പുവരുത്തല്‍

*388.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്കൂളുകളില്‍ കുട്ടികള്‍ക്ക് ശുദ്ധജലം ഉറപ്പുവരുത്താന്‍ കേരള സംസ്ഥാന ബാലാവകാശ കമ്മീഷന്‍ സര്‍ക്കാരിനോട് നിര്‍ദ്ദേശിച്ചിട്ടുണ്ടോ;

(ബി)	സ്കൂളുകളില്‍ കുട്ടികള്‍ക്ക് ശുദ്ധജലം ഉറപ്പുവരുത്താനായി എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കുമോ?

എസ്.എസ്.എല്‍.സി, ഹയര്‍ സെക്കണ്ടറി പരീക്ഷകളിലെ പരിഷ്ക്കാരങ്ങള്‍

*389.

ശ്രീമതി.പി. അയിഷാ പോറ്റി
ശ്രീ.റ്റി.വി.രാജേഷ്
,, ആന്റണി ജോണ്‍
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഓരോ ക്ലാസിലും പഠിക്കുന്ന വിദ്യാര്‍ത്ഥികള്‍ ആര്‍ജ്ജിക്കണമെന്ന് വിഭാവനം ചെയ്തിട്ടുള്ള അറിവുകള്‍ ആര്‍ജ്ജിച്ചിട്ടുണ്ടോ എന്ന പരിശോധനയ്ക്കായി നടത്തപ്പെടേണ്ട പരീക്ഷകള്‍ വിദ്യാര്‍ത്ഥികള്‍ക്ക് പീഡയായി മാറാതിരിക്കാന്‍ നിലവിലെ പരീക്ഷാരീതി പരിഷ്കരിക്കുന്നത് പരിശോധിക്കുമോ;

(ബി)	മുന്‍കാലങ്ങളില്‍ നിന്ന് വിഭിന്നമായി ഇത്തവണത്തെ എസ്.എസ്.എല്‍.സി. ഹയര്‍ സെക്കണ്ടറി പരീക്ഷകള്‍ വിദ്യാര്‍ത്ഥി സൗഹൃദമാക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ നടപ്പാക്കിയ പരിഷ്ക്കാരങ്ങള്‍ എന്തെല്ലാമായിരുന്നു;

(സി)	മുന്‍കാല അനുഭവങ്ങളുടെ പശ്ചാത്തലത്തില്‍ ചോദ്യ പേപ്പര്‍ തയ്യാറാക്കുന്നതില്‍ മാറ്റം വരുത്തിയിട്ടുണ്ടോ; എങ്കിൽ വിശദാംശം വെളിപ്പെടുത്തുമോ?

കശുമാവ് കൃഷി ലാഭകരമാക്കാന്‍ നടപടി

*390.

ശ്രീ.ജോണ്‍ ഫെര്‍ണാണ്ടസ്
,, കെ.കുഞ്ഞിരാമന്‍
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	നിലവില്‍ സംസ്ഥാനത്ത് ഉല്പാദിപ്പിക്കുന്ന കശുവണ്ടിയുടെ നല്ലൊരു ഭാഗം ഇടനിലക്കാര്‍ മുഖേന സംസ്ഥാനത്തിന്റെ പുറത്തേക്ക് എത്തിപ്പെടുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് പരിഹരിക്കുന്നതിനും കര്‍ഷകര്‍ക്ക് മെച്ചപ്പെട്ട മൂല്യം ലഭിക്കുന്നതിനുമായി കശുമാവ് കര്‍ഷകരുടെ കൂട്ടായ്മകള്‍ രൂപീകരിക്കുന്നതിനും ഇവ ക്രോഡീകരിച്ച് കാഷ്യൂ ഫാര്‍മേഴ്സ് മാര്‍ക്കറ്റ് സ്ഥാപിക്കുന്നതിനും ഉദ്ദേശിക്കുന്നുണ്ടോ; വിശദാംശം നല്‍കുമോ;

(സി)	കശുമാങ്ങയില്‍ നിന്ന് മൂല്യവര്‍ദ്ധിത ഉല്‍പന്നങ്ങള്‍ നിര്‍മ്മിച്ച് വിതരണം ചെയ്യാന്‍ സാധിച്ചാല്‍ കശുമാവ് കൃഷി കൂടുതല്‍ ആകര്‍ഷകവും ലാഭകരവും ആകുമെന്നതിനാല്‍ ഇത്തരം ഉത്പന്നങ്ങൾ നിർമ്മിക്കുന്ന യൂണിറ്റുകള്‍ ആരംഭിക്കുന്നതിന് ധനസഹായം നല്‍കാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ?

Website maintained by Information System Section, Kerala Legislative Assembly, Thiruvananthapuram.