FOURTEENTH   KLA - 22^nd SESSION 
 UNSTARRED QUESTIONS AND ANSWERS 
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                          Questions  and Answers

സ്വാഭാവിക വനവല്‍ക്കരണം

2705.

ശ്രീ . പാറക്കൽ അബ്ദുല്ല : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

വന്യജീവി സങ്കേതങ്ങളെ ഏകവിളത്തോട്ട വിമുക്തമാക്കി സ്വാഭാവിക വനവല്‍ക്കരണത്തിനുള്ള അനുമതിക്കായി സംസ്ഥാന സര്‍ക്കാര്‍ ദേശീയ വന്യജീവി ബോര്‍ഡിനെ ഇതിനകം സമീപിക്കുകയുണ്ടായോ;

( ബി )

വന്യജീവി സങ്കേതങ്ങളിലെ തേക്ക് തോട്ടങ്ങള്‍ മുറിച്ച് മാറ്റുന്നതിനെക്കുറിച്ച് പഠിക്കുന്നതിന് സര്‍ക്കാര്‍ രൂപീകരിച്ച കമ്മിറ്റിയുടെ റിപ്പോര്‍ട്ട് ഇതിനകം ലഭിച്ചിട്ടുണ്ടോ; എങ്കില്‍ എന്നാണ് ലഭിച്ചത്; ഈ കമ്മിറ്റിയിലെ അംഗങ്ങള്‍ ആരൊക്കെയാണ്; വ്യക്തമാക്കുമോ;

( സി )

ദേശീയ വന്യജീവി ബോര്‍ഡിന്റെ അനുമതി ലഭിച്ചാല്‍ വന്യജീവി സങ്കേതങ്ങളിലെ തേക്ക് മുറിച്ച് മാറ്റുന്നതിനും പകരം സ്വാഭാവിക വനവല്‍ക്കരണം നടത്തുന്നതിനും വഴി ഒരുങ്ങുമോ; വിശദാംശങ്ങള്‍ നല്‍കുമോ?

കടുവ സെന്‍സസ്

2706.

ശ്രീ . ടി. വി. ഇബ്രാഹിം : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് 'കടുവ' സെന്‍സസ് അവസാനമായി നടന്നത് എന്നാണെന്ന് അറിയിക്കാമോ;

( ബി )

ഈ സെന്‍സസ് പ്രകാരം ഓരോ വന്യജീവി സങ്കേതങ്ങളിലും എത്ര കടുവകള്‍ ഉണ്ടെന്ന് അറിയിക്കാമോ;

( സി )

സാധാരണയായി മറ്റ് ഏതെല്ലാം മൃഗങ്ങളുടെ സെന്‍സസാണ് സര്‍ക്കാര്‍ നടത്താറുള്ളത് എന്നറിയിക്കാമോ;

( ഡി )

കന്നുകാലി സെന്‍സസിന്റെ പരിധിയില്‍ ഏതെല്ലാം മൃഗങ്ങളാണ് വരുന്നത് എന്നതിന്റെ വിശദാംശങ്ങള്‍ അറിയിക്കാമോ;

( ഇ )

വന്യജീവികളുടെ സെന്‍സസ് നടത്തുന്നതിന് ഉപയോഗിക്കുന്ന രീതികള്‍ വിശദമാക്കാമോ?

2707. ചോദ്യം ഒഴിവാക്കിയിരിക്കുന്നു.

ഇ.എസ് .എ യുടെ അതിരുകൾ

2708.

ശ്രീ . കെ. സി . ജോസഫ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഹരിത ട്രിബ്യൂണല്‍ 2014-ല്‍ അംഗീകരിക്കുകയും ഡ്രാഫ്റ്റ് നോട്ടിഫിക്കേഷന്‍ ആയി പുറപ്പെടുവിക്കുകയും ചെയ്ത കേരള ബയോ ഡൈവേഴ്സിറ്റി ബോര്‍ഡിന്റെ വെബ് സൈറ്റിലുള്ള പ്ലാന്‍ തന്നെയാണോ ഇപ്പോഴും പരിസ്ഥിതി പ്രാധാന്യമുള്ള മേഖലകളുടെ ( ഇ.എസ്.എ.)അതിരുകള്‍ നിശ്ചയിക്കുന്നത്; വിവരം നല്കാമോ;

( ബി )

ഈ വെബ് സൈറ്റില്‍ ഇപ്പോള്‍ ലഭ്യമായ 187 ജിയോകോര്‍ഡിനേറ്റുകള്‍ കൃഷി ഭൂമികളിലൂടെയും ജനവാസ മേഖലകളിലൂടെയുമാണ് കടന്ന് പോകുന്നതെന്ന ജനങ്ങളുടെ പരാതി ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കാനുള്ള എന്ത് നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

( സി )

ഹരിത ട്രിബ്യൂണലിന്റെ തീരുമാനം അനുസരിച്ച് ഏറ്റവും ചെറിയ യൂണിറ്റ് വില്ലേജ് ആണെന്നിരിക്കെ കൃഷി ഭൂമികളെ അടുത്തുള്ള വില്ലേജുകളില്‍ ലയിപ്പിക്കുവാനോ പുതിയ വില്ലേജുകള്‍ രൂപീകരിക്കാനോ ഉള്ള നടപടികള്‍ സ്വീകരിക്കുമോ; വിശദമാക്കുമോ?

വനം കയ്യേറ്റം

2709.

ശ്രീ . സണ്ണി ജോസഫ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

വനം കയ്യേറ്റക്കാരെ ഒഴിപ്പിക്കണമെന്ന 4.9.2015 ലെ ഹൈക്കോടതി വിധിയുടെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണ്;

( ബി )

വനം വകുപ്പിന്റെ കണക്ക് പ്രകാരം 1.1.1977-ന് ശേഷം എത്ര ഹെക്ടര്‍ വനഭൂമി കയ്യേറി എന്നാണ് കണ്ടെത്തിയിട്ടുള്ളത്; അതില്‍ എത്ര ഹെക്ടര്‍ ഇതിനകം ഒഴിപ്പിച്ചു എന്ന വിവരം നല്കാമോ;

( സി )

നിലവില്‍ വിധി നടപ്പിലാക്കുന്നതിന് എന്തെങ്കിലും പ്രതിബന്ധം ഉണ്ടോ;

( ഡി )

വിധി നടപ്പിലാക്കി കോടതിയില്‍ റിപ്പോര്‍ട്ട് സമര്‍പ്പിക്കുവാന്‍ കൂടുതല്‍ സമയം അനുവദിച്ചിട്ടുണ്ടോ; വിശദമാക്കുമോ?

സ്വകാര്യ എസ്റ്റേറ്റുകള്‍ ഏറ്റെടുക്കല്‍

2710.

ശ്രീ. അനിൽ അക്കര : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് വനവിസ്തൃതി കൂട്ടുന്നതിന്റെ ഭാഗമായി നഷ്ടപരിഹാരം നല്‍കി സ്വകാര്യ എസ്റ്റേറ്റുകള്‍ ഏറ്റെടുക്കുവാന്‍ പദ്ധതി ആവിഷ്ക്കരിച്ചിട്ടുണ്ടോ;

( ബി )

എത്ര സ്വകാര്യ എസ്റ്റേറ്റുകളാണ് ഇപ്രകാരം ഏറ്റെടുക്കുന്നത്; അവ ഏതൊക്കെ എന്നറിയിക്കാമോ;

( സി )

ഏറ്റെടുക്കുന്ന എസ്റ്റേറ്റുകള്‍ അളന്ന് തിട്ടപ്പെടുത്തുന്നതിനുള്ള നടപടികള്‍ ഏത് ഘട്ടത്തിലാണ്; ഇതിനായി പ്രത്യേക ഉദ്യോഗസ്ഥരെ നിയോഗിച്ചിട്ടുണ്ടോ;

( ഡി )

എസ്റ്റേറ്റുകള്‍ ഏറ്റെടുക്കുന്നതിനായി എത്ര കോടി രൂപ നഷ്ടപരിഹാരം നല്‍കേണ്ടിവരും; ഇതിനകം എത്ര പേര്‍ക്ക് നഷ്ടപരിഹാരം നല്‍കി; വിശദമാക്കുമോ?

ബഫര്‍ സോണിന് പുറത്തെ പരിസ്ഥിതി ലോല മേഖല

2711.

ശ്രീ . കെ. സി . ജോസഫ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

വന്യജീവി സങ്കേതങ്ങളുടെയും സംരക്ഷിത വന മേഖലകളുടേയും ബഫര്‍ സോണിന് പുറത്തേക്ക് ഓരോ കിലോമീറ്റര്‍ കൂടി പരിസ്ഥിതി ലോല മേഖലയായി കണക്കാക്കിയുള്ള 2019 -ഒക്ടോബര്‍ 23-ാം തീയതിയിലെ മന്ത്രിസഭായോഗതീരുമാനത്തിന് വിരുദ്ധമായി ചൂലന്നൂര്‍, പീച്ചി- വാഴാനി മുതലായ വന്യജീവി സങ്കേതങ്ങള്‍ക്ക് ചുറ്റുമുള്ള കൃഷിഭൂമികള്‍ കൂടി ഉള്‍പ്പെടുത്തി മൂന്നും അതില്‍ കൂടുതലും കിലോമീറ്റര്‍ ദൂരം ഉള്‍പ്പെടുത്തി വിജ്ഞാപനം പുറപ്പെടുവിച്ചത് ശ്രദ്ധയില്‍പെട്ടിട്ടുണ്ടോ;

( ബി )

മേല്‍ പറഞ്ഞ മന്ത്രി സഭായോഗ തീരുമാനം കേരളത്തിലെ മലയോരമേഖലകളിലെ കൃഷിക്കാരെയോ അവരുടെ കൃഷിഭൂമികളെയോ എത്രമാത്രം ബാധിക്കുമെന്ന് എന്തെങ്കിലും പഠനം നടത്തിയിട്ടുണ്ടോ; ഉണ്ടെങ്കില്‍ ആ പഠന റിപ്പോര്‍ട്ട് സഭയില്‍ വയ്ക്കുമോ;

( സി )

സംരക്ഷിത വനമേഖല എന്നതിന്റെ നിര്‍വചനം ഏത് നിയമത്തിന്റെ അടിസ്ഥാനത്തിലാണെന്ന് വ്യക്തമാക്കുമോ?

വന നശീകരണവുമായി ബന്ധപ്പെട്ട കേസുകള്‍

2712.

ശ്രീ. സി. ദിവാകരൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്ന ശേഷം അനധികൃതമായി വനത്തിലെ മരം മുറിക്കുന്നതുമായി ബന്ധപ്പെട്ട എത്ര കേസ്സുകള്‍ രജിസ്റ്റര്‍ ചെയ്തിട്ടുണ്ടെന്ന് വ്യക്തമാക്കുമോ; വിശദാംശം നല്‍കുമോ?

കാസര്‍കോട് മണ്ഡലത്തിലെ വന റോഡുകള്‍

2713.

ശ്രീ എൻ. എ. നെല്ലിക്കുന്ന് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കാസര്‍കോട് നിയോജകമണ്ഡലത്തില്‍ വന പ്രദേശത്ത് കൂടി കടന്നുപോകുന്ന റോഡുകള്‍ ഏതെല്ലാമെന്ന് പഞ്ചായത്ത് തിരിച്ചു വ്യക്തമാക്കാമോ;

( ബി )

പ്രസ്തുത റോഡുകള്‍ എത്ര കാലമായി വനം വകുപ്പിന്റെ അധീനതയിലുണ്ടെന്ന് വ്യക്തമാക്കാമോ;

( സി )

പ്രസ്തുത റോഡുകള്‍ നിര്‍മ്മിക്കാന്‍ ഫണ്ട് അനുവദിച്ചതാരാണെന്നും നിര്‍മ്മാണത്തിനു ശേഷം പുനരുദ്ധാരണ പ്രവൃത്തികള്‍ നടന്നിട്ടുണ്ടോ എന്നും എങ്കില്‍ ആയതിന് ഫണ്ട് കണ്ടെത്തിയതാരാണെന്നും വ്യക്തമാക്കാമോ;

( ഡി )

അറ്റകുറ്റപ്പണി ആവശ്യമായതും ജനങ്ങള്‍ ഉപയോഗിക്കുന്നതും എന്നാല്‍ ടാറിംഗ് പ്രവൃത്തിയോ കോണ്‍ക്രീറ്റോ ഇതുവരെ ചെയ്യാത്തതുമായ ഏതെല്ലാം റോഡുകള്‍ മണ്ഡലത്തിലുണ്ടെന്നും ഇവയുടെ പുനരുദ്ധാരണം എപ്രകാരം സാധ്യമാകുമെന്നും വ്യക്തമാക്കാമോ?

അലിമുക്ക് - അച്ചന്‍കോവില്‍ റോഡ്‌ പുനരുദ്ധാരണം

2714.

ശ്രീ. കെ.ബി. ഗണേഷ് കുമാർ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

നബാര്‍ഡ് ഫണ്ട് ഉപയോഗിച്ച് നടപ്പിലാക്കുന്ന അലിമുക്ക്- അച്ചന്‍കോവില്‍ റോഡ്‌ പുനരുദ്ധാരണ പ്രവൃത്തിയുടെ പൂര്‍ത്തീകരണം അന്യായമായി വൈകുന്നതിന് കാരണം എന്താണെന്ന് വ്യക്തമാക്കുമോ;

( ബി )

പ്രസ്തുത റോഡ്‌ നിര്‍മ്മാണ പ്രവൃത്തിയിലെ അപാകതകള്‍ സംബന്ധിച്ച പരാതികള്‍ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ എന്ത് നടപടി സ്വീകരിച്ചുവെന്ന് വ്യക്തമാക്കുമോ;

( സി )

കോട്ടക്കയം- കൂട്ടുമുക്ക് ഭാഗത്തെ മെറ്റലിംഗ് പ്രവൃത്തി പൂര്‍ത്തിയായോ എന്നും എന്നാണ് പൂര്‍ത്തിയായത് എന്നും വ്യക്തമാക്കുമോ;

( ഡി )

മെറ്റലിംഗ് യഥാവിധി നടത്തി ഉറപ്പിക്കാതിരിക്കുകയും മെറ്റലിംഗിന് ശേഷം അനേകം മാസങ്ങള്‍ പിന്നിട്ടിട്ടും ടാറിംഗ് പ്രവൃത്തി ആരംഭിക്കാതിരിക്കുകയും ചെയ്യുന്നത് നിമിത്തം പ്രസ്തുത റോഡിലൂടെ യാത്ര ചെയ്യുന്ന ചെരിപ്പിട്ടകാവ്, ചെമ്പനരുവി, അച്ചന്‍കോവില്‍ നിവാസികളായ ആയിരക്കണക്കിന് ജനങ്ങള്‍ അനുഭവിക്കുന്ന അതികഠിനമായ ദുരിതം ശ്രദ്ധയില്‍പ്പെട്ടിട്ടുണ്ടോ;

( ഇ )

കൊവിഡ്‌ വ്യാപനം മൂലം അച്ചന്‍കോവില്‍- ചെങ്കോട്ട റോഡില്‍ കോട്ടവാസല്‍ ചെക്ക്പോസ്റ്റ് വഴിയുള്ള ഗതാഗതം തടഞ്ഞിരിക്കുന്ന പശ്ചാത്തലത്തില്‍ അച്ചന്‍കോവില്‍ നിവാസികളായ ആദിവാസികള്‍ അടക്കമുള്ള സാധാരണക്കാര്‍ക്ക് ചികിത്സ ഉള്‍പ്പെടെയുള്ള അത്യാവശ്യങ്ങള്‍ക്ക് പുറം ലോകവുമായി ബന്ധപ്പെടുവാനുള്ള ഏക സഞ്ചാരമാര്‍ഗ്ഗമായ അലിമുക്ക്- അച്ചന്‍കോവില്‍ റോഡ്‌ അടിയന്തരമായി ഗതാഗത യോഗ്യമാക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കാട്ടുതീയില്‍ നിന്ന് സംരക്ഷണം

2715.

ഡോ.എം.കെ . മുനീർ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

വനമേഖലയ്ക്ക് കാട്ടുതീയില്‍ നിന്ന് സംരക്ഷണം നല്‍കുന്നതിനായി സ്വീകരിച്ചുവരുന്ന നടപടികള്‍ ഏന്തെല്ലാം; വിശദമാക്കാമോ;

( ബി )

ഫയര്‍ ലൈനുകള്‍ നിര്‍മ്മിക്കുന്നതിനും ശാസ്ത്രീയ കാട്ടുതീ സംരക്ഷണ ഉപകരണങ്ങള്‍ വാങ്ങുന്നതിനും നടപടി സ്വീകരിച്ചിട്ടുണ്ടോ?

കാട്ടുതീയില്‍ നശിച്ച ജെെവസമ്പത്ത്

2716.

ശ്രീ. എ . പി . അനിൽ കുമാർ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കാട്ടുതീയില്‍ നശിച്ച വനമേഖല പുന:സൃഷ്ടിക്കുന്നതിന് വനംവകുപ്പ് പദ്ധതി ആവിഷ്ക്കരിച്ചിട്ടുണ്ടോ; വിശദാംശം നല്‍കുമോ;

( ബി )

ഏത് മേഖലയിലാണ് ഈ പദ്ധതി നടപ്പിലാക്കുന്നത്;

( സി )

കാട്ടുതീയില്‍ നഷ്ടപ്പെട്ടു പോയ ജെെവസമ്പത്ത് തിരിച്ച് പിടിക്കുന്നതിന് ഈ പദ്ധതിയിലൂടെ കഴിയുമെന്ന് വിലയിരുത്തുന്നുണ്ടോ; ഇതിനായി എത്ര തുക അനുവദിച്ചിട്ടുണ്ട്?

കണ്ടല്‍ വനം

2717.

ശ്രീ. കെ ദാസൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

സ്വകാര്യ ഭൂമിയില്‍ കണ്ടല്‍ വെച്ചു പിടിപ്പിക്കുന്നവര്‍ക്ക് സംസ്ഥാന സര്‍ക്കാര്‍ ഏതെങ്കിലും തരത്തിലുള്ള ധനസഹായം നല്‍കി വരുന്നുണ്ടോയെന്നറിയിക്കാമോ;

( ബി )

ഉണ്ടെങ്കില്‍ പ്രസ്തുത പദ്ധതിയെക്കുറിച്ച് വിശദമാക്കാമോ;

( സി )

പ്രസ്തുത സഹായം ലഭ്യമാകാന്‍ കോഴിക്കോട് ജില്ലയിലുള്ളവര്‍ അപേക്ഷ നല്‍കേണ്ടതെവിടെയാണ്; അപേക്ഷാ ഫോറം എവിടെ ലഭ്യമാണ്; വിശദാംശങ്ങള്‍ ലഭ്യമാക്കാമോ?

കണ്ടല്‍ക്കാടുകളുടെ സംരക്ഷണം

2718.

ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

മണലൂര്‍, ഗുരുവായൂര്‍ മണ്ഡലങ്ങളില്‍ ചേര്‍ന്നുകിടക്കുന്ന കണ്ടല്‍ക്കാടുകൾ സംരക്ഷിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കാമോ;

( ബി )

പ്രസ്തുത വിഷയവുമായി ബന്ധപ്പെട്ട് വനംവകുപ്പു മന്ത്രിയുടെ അധ്യക്ഷതയില്‍ ചേര്‍ന്ന യോഗത്തിലെ തീരുമാനങ്ങള്‍ നടപ്പാക്കുന്നതിനായി സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ;

( സി )

കണ്ടല്‍ക്കാടുകളും പുഴകളും സംരക്ഷിക്കുന്നതിന്റെ ഭാഗമായി എന്തെല്ലാം പദ്ധതികളാണ് ആവിഷ്കരിച്ച് നടപ്പാക്കുന്നതെന്ന് വിശദമാക്കുമോ?

സാമൂഹ്യവനവല്‍ക്കരണപദ്ധതിയുടെ പരിശോധന

2719.

ശ്രീ. വി .ഡി. സതീശൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

സാമൂഹ്യവനവല്‍ക്കരണ വിഭാഗം ലക്ഷക്കണക്കിന് തെെകള്‍ തയ്യാറാക്കി സൗജന്യമായി വിതരണം ചെയ്യുന്നുണ്ടെങ്കിലും അവ കൃത്യമായി നട്ട് പരിപാലിക്കുന്നുണ്ടോ എന്ന കാര്യം പരിശോധിക്കുന്നതിന് സംവിധാനം നിലവിലുണ്ടോ;

( ബി )

കഴിഞ്ഞ നാല് വര്‍ഷത്തിനിടയില്‍ സാമൂഹ്യ വനവല്‍ക്കരണ വിഭാഗം എത്ര ലക്ഷം തെെകളാണ് സൗജന്യമായി വിതരണം ചെയ്തത്; അതില്‍ എത്ര ശതമാനം തെെകളുടെ അതിജീവനം സാധ്യമാക്കിയെന്ന് വെളിപ്പെടുത്തുമോ;

( സി )

സാമൂഹ്യവനവല്‍ക്കരണ വിഭാഗം നിലവില്‍ തെെകള്‍ തയ്യാറാക്കി നല്‍കുന്നത് പ്രകൃതിക്ക് ദോഷം ചെയ്യുന്ന പ്ലാസ്റ്റിക് കൂടകളില്‍ ആയതിനാല്‍ അത് മാറ്റി പ്രകൃതിക്ക് അനുയോജ്യമായ വിധത്തില്‍ ഉളള കൂടകളില്‍ തെെ ഉല്പാദിപ്പിച്ച് വിതരണം ചെയ്യുന്നതിന് നടപടി സ്വീകരിക്കുമോ?

വനാശ്രയവിഭാഗങ്ങളുടെ ഉന്നമനം

2720.

ശ്രീ . വി. ടി. ബൽറാം : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

വനാശ്രയവിഭാഗങ്ങളുടെ ഉന്നമനത്തിനായി വനസംരക്ഷണസമിതി വഹിക്കുന്ന പങ്കെന്താണ്; അതിലൂടെ അവരുടെ ജീവിതനിലവാരം ഉയര്‍ത്തുവാന്‍ സാധിച്ചിട്ടുണ്ടോ എന്നറിയിക്കാമോ?

അനങ്ങന്‍മല ഇക്കോ ടൂറിസം പദ്ധതി

2721.

ശ്രീ . പി . കെ . ശശി : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഷൊര്‍ണ്ണൂര്‍ മണ്ഡലത്തിലെ അനങ്ങന്‍മല ഇക്കോ ടൂറിസം പദ്ധതി കൂടുതല്‍ സഞ്ചാരികളെ ആകര്‍ഷിക്കുന്ന തരത്തില്‍ ഒരു വലിയ ഇക്കോ ടൂറിസം കേന്ദ്രം ആയി ഉയര്‍ത്തുന്നതിന് വനം വകുപ്പ് പദ്ധതി തയ്യാറാക്കിയിട്ടുണ്ടോ; വിശദാംശങ്ങള്‍ ലഭ്യമാക്കാമോ?

ചേലക്കരയിലെ ഫോറസ്റ്റ് റെയിഞ്ച് ആഫീസുകള്‍

2722.

ശ്രീ യു. ആർ. പ്രദീപ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നതിനുശേഷം ചേലക്കര നിയോജക മണ്ഡലത്തില്‍ മച്ചാട്, വടക്കാഞ്ചേരി എന്നീ ഫോറസ്റ്റ് റെയിന്‍ഞ്ച് ആഫീസ് പരിധിക്കുള്ളിലായി ഏതെല്ലാം പദ്ധതികള്‍ക്കും പ്രവൃത്തികള്‍ക്കും ആണ് തുക അനുവദിച്ചിട്ടുള്ളതെന്ന് അറിയിക്കുമോ; അവയുടെ പേരുവിവരവും അനുവദിച്ച തുകയും പ്രവൃത്തികളുടെ ഇപ്പോഴത്തെ അവസ്ഥയും എന്താണെന്ന് വ്യക്തമാക്കാമോ?

റിസര്‍വ്വ് വാച്ചര്‍ റാങ്ക് ലിസ്റ്റിൽ നിന്നുള്ള നിയമനം

2723.

ശ്രീ . എം . വിൻസെൻറ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കാറ്റഗറി നമ്പര്‍ 354/2016 പ്രകാരമുള്ള പി.എസ്.സി യുടെ റിസര്‍വ്വ് വാച്ചര്‍/ഡിപ്പോ വാച്ചര്‍ (വനം വകുപ്പ്) റാങ്ക് ലിസ്റ്റിന് 2 വര്‍ഷം കാലാവധി കഴിഞ്ഞിട്ടും യാതൊരു നിയമനവും ഇല്ലായെന്നുള്ള കാര്യം ശ്രദ്ധയില്‍പ്പെട്ടിട്ടുണ്ടോ; ആയതിനുള്ള കാരണങ്ങള്‍ വ്യക്തമാക്കാമോ;

( ബി )

റിസര്‍വ്വ് വാച്ചര്‍ റാങ്ക് ലിസ്റ്റിന്റെ വിജ്ഞാപനത്തില്‍ പറഞ്ഞിട്ടുള്ള 12-ലധികം വാച്ചര്‍ തസ്തികകളില്‍ വേണ്ടത്ര പോസ്റ്റ് ക്രിയേഷന്‍, സാങ്ഷന്‍ഡ് പോസ്റ്റ് എന്നിവ വര്‍ദ്ധിപ്പിച്ച് പരമാവധി നിയമനങ്ങള്‍ നടത്തുവാന്‍ നിർദേശം നൽകുമോ; ഇക്കാര്യത്തിൽ സ്വീകരിച്ച നടപടികള്‍ വ്യക്തമാക്കാമോ;

( സി )

വാച്ചര്‍ ഒഴിവുകള്‍ മറച്ചുവെച്ച് പി.എസ്.സി ക്ക് റിപ്പോര്‍ട്ട് ചെയ്യുന്നതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ കാരണക്കാരായ ഉദ്യോഗസ്ഥര്‍ക്കെതിരെ നടപടി സ്വീകരിക്കുവാന്‍ തയ്യാറാകുമോ;

( ഡി )

അംഗീകൃത വാച്ചര്‍മാര്‍ക്ക് പ്രൊമോഷന്‍ നല്‍കി നിലവിലെ പി.എസ്.സി റിസര്‍വ്വ് വാച്ചര്‍ റാങ്ക് ലിസ്റ്റില്‍ നിന്നും നിയമനങ്ങള്‍ നടത്തുവാന്‍ സര്‍ക്കാര്‍ നടപടി സ്വീകരിക്കുമോ;

( ഇ )

ഓണ്‍ലൈന്‍ ഡിലീഷന്‍ നടപ്പിലാക്കി, ആവശ്യമില്ലാത്തവരെ ഒഴിവാക്കി, വാച്ചര്‍ ജോലി ആവശ്യമുള്ള, നിലവില്‍ മറ്റു സര്‍ക്കാര്‍ ജോലി ഇല്ലാത്ത പ്രസ്തുത റാങ്ക് ലിസ്റ്റിലുള്ള മറ്റുള്ള ഉദ്യോഗാര്‍ത്ഥികള്‍ക്ക് നിയമനം നല്‍കാന്‍ നടപടി സ്വീകരിക്കുമോ;

( എഫ് )

13 ജില്ലകളില്‍ നിലനില്‍ക്കുന്ന റിസര്‍വ്വ് വാച്ചര്‍/ഡിപ്പോ വാച്ചര്‍ പി.എസ്.സി റാങ്ക് ലിസ്റ്റുകളില്‍ നിന്നും പരമാവധി നിയമനങ്ങള്‍ നടത്തുവാന്‍ നടപടി സ്വീകരിക്കുമോ?

വന്യജീവി ആക്രമങ്ങളില്‍പ്പെടുന്നവര്‍ക്കുള്ള ധനസഹായം

2724.

ശ്രീ . മുല്ലക്കര രത്‌നാകരൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം വന്യജീവി ആക്രമണങ്ങളില്‍പ്പെട്ട് പരിക്കേല്‍ക്കപ്പെടുകയോ മരണപ്പെടുകയോ ചെയ്ത ആളുകളുടെ എണ്ണം വര്‍ഷം തിരിച്ച് ലഭ്യമാക്കാമോ;

( ബി )

ജനവാസ മേഖലകളില്‍ വന്യജീവി ആക്രമണങ്ങള്‍ വര്‍ദ്ധിച്ചുവരുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

( സി )

വന്യജീവി ആക്രമങ്ങളില്‍പ്പെടുന്നവര്‍ക്ക് ഇപ്പോള്‍ സര്‍ക്കാര്‍ നല്‍കിവരുന്ന ധനസഹായം സംബന്ധിച്ച വിവരങ്ങള്‍ വിശദമാക്കാമോ;

( ഡി )

ജനവാസ മേഖലകളില്‍ വന്യജീവി ആക്രമണങ്ങള്‍ തടയുന്നതിന് സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ;

( ഇ )

വന്യജീവി ആക്രമങ്ങളില്‍ പെടുന്നവര്‍ക്ക് നല്‍കിവരുന്ന നഷ്ടപരിഹാരവും ചികിത്സാ സഹായവും വര്‍ദ്ധിപ്പിക്കുന്ന കാര്യം പരിഗണിക്കുമോ; ഇക്കാര്യത്തില്‍ സ്വീകരിച്ച നടപടികള്‍ വിശദമാക്കാമോ?

കേന്ദ്ര ഫോറസ്റ്റ് ആക്ട്

2725.

ശ്രീ. കെ എം ഷാജി : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

വന്യമൃഗങ്ങളുടെ ആക്രമണങ്ങളാല്‍ പരുക്ക് പറ്റുന്നവര്‍ക്ക് നല്‍കുന്ന നഷ്ടപരിഹാരം സംബന്ധിച്ച കേന്ദ്ര ഫോറസ്റ്റ് ആക്ടിനനുസരിച്ച് സംസ്ഥാനത്ത് റൂൾസ്(ചട്ടം) തയ്യാറാക്കി എസ്.ആർ.ഒ. ആയി പ്രസിദ്ധീകരിക്കുന്നതിനുപകരം ഗൈഡ് ലൈൻസ് പ്രസിദ്ധീകരിച്ച കാര്യം വനം വകുപ്പ് പരിശോധിച്ചിട്ടുണ്ടോ;

( ബി )

പ്രസ്തുത ഗൈഡ് ലൈൻസിൽ വരുത്തിയ ഭേദഗതികള്‍ സര്‍ക്കാര്‍ ഉത്തരവായി ഇറക്കിയ കാര്യം പരിശോധിക്കുമോ;

( സി )

കേന്ദ്രനിയമം അനുസരിച്ച് സംസ്ഥാനം ചട്ടം തയ്യാറാക്കുമ്പോള്‍ പാര്‍ലമെന്റിനെ കാണിക്കണമെന്ന നിര്‍ദ്ദേശം പാലിച്ചിട്ടുണ്ടോ; വ്യക്തമാക്കുമോ;

( ഡി )

കേന്ദ്രനിയമത്തില്‍ സംസ്ഥാനങ്ങളോട് ചട്ടം തയ്യാറാക്കുവാന്‍ നിര്‍ദ്ദേശിച്ചിട്ടുണ്ടോ; വിശദമാക്കുമോ;

( ഇ )

ഈ വിഷയത്തില്‍ നിയമവകുപ്പിന്റെ നിര്‍ദ്ദേശം എന്തായിരുന്നു; വ്യക്തമാക്കുമോ?

ദേവികുളത്തെ ആദിവാസികള്‍ക്കുളള ഭൂമി വിതരണം

2726.

ശ്രീ. എസ്. രാജേന്ദ്രൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

വനാവകാശ നിയമപ്രകാരം ദേവികുളം നിയോജകമണ്ഡലത്തിലെ ആദിവാസികള്‍ക്ക് നാളിതുവരെ എത്ര ഏക്കര്‍ ഭൂമി വിതരണം ചെയ്തിട്ടുണ്ടെന്ന് വ്യക്തമാക്കാമോ; ആയതിന്റെ വില്ലേജ് തിരിച്ചുളള വിശദ വിവരം ലഭ്യമാക്കാമോ;

( ബി )

ദേവികുളം നിയോജകമണ്ഡലത്തില്‍ സംയുക്ത പരിശോധന വഴി എത്ര ഏക്കര്‍ വനഭൂമി വിതരണത്തിനായി കണ്ടെത്തിയിട്ടുണ്ടെന്ന് അറിയിക്കാമോ; ആയതിന്റെ വില്ലേജ് തിരിച്ചുളള കണക്ക് അറിയിക്കാമോ;

( സി )

സംയുക്ത പരിശോധനയില്‍ കണ്ടെത്തിയിട്ടുളള ഭൂമിയുടെ വിതരണം നടന്നിട്ടുണ്ടോ; ഇത് സംബന്ധിച്ച വിശദ വിവരം ലഭ്യമാക്കാമോ?

കാട്ടുമൃഗങ്ങളുടെ ആക്രമണം

2727.

ശ്രീ. പി. ടി. തോമസ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കഴിഞ്ഞ അഞ്ച് വര്‍ഷത്തിനിടെ സംസ്ഥാനത്ത് കാട്ടുമൃഗങ്ങളുടെ ആക്രമണത്തില്‍ എത്ര മനുഷ്യജീവനുകള്‍ നഷ്ടപ്പെട്ടു എന്നും എത്രപേര്‍ക്ക് പരിക്കുപറ്റി എന്നും വിശദമാക്കാമോ?

കുറുക്കന്‍കുണ്ട് പ്രദേശത്തെ വൈദ്യുതീകരണം

2728.

ശ്രീ . എൻ . ഷംസുദീൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

മണ്ണാര്‍ക്കാട് താലൂക്കിലെ കള്ളമല വില്ലേജില്‍ കുറുക്കന്‍കുണ്ട് പ്രദേശത്ത് താമസിക്കുന്ന കുടുംബങ്ങള്‍ വൈദ്യുതീകരണത്തിനായി നല്‍കിയ അപേക്ഷ വനം വകുപ്പ് നിഷേധിക്കുവാനുണ്ടായ കാരണം എന്തെന്ന് വിശദമാക്കാമോ;

( ബി )

കുറുക്കൻകുണ്ട് പ്രദേശത്തേക്ക് പോകുന്നത് പഞ്ചായത്ത് ആസ്തി രജിസ്റ്ററില്‍ ഉള്ള റോഡായിട്ടും ഇതിലൂടെ വൈദ്യുതി ലൈൻ സ്ഥാപിക്കുവാൻ അനുമതി ലഭ്യമാക്കാത്തത് എന്തുകൊണ്ട് എന്നതിന്റെ വിശദവിവരം ലഭ്യമാക്കുമോ;

( സി )

മണ്ണാര്‍ക്കാട് ഡി.എഫ്.ഒ. അംഗീകരിച്ച ബയോഡൈവേഴ്സിറ്റി ബോര്‍ഡിന്റെ മാപ്പില്‍ കുറുക്കൻകുണ്ടിനെ ജനവാസമേഖലയായി അംഗീകരിച്ചിട്ടും ഇവിടത്തെ ജനങ്ങള്‍ക്ക് അടിസ്ഥാന സൗകര്യം നിഷേധിക്കുന്നതിന്റെ കാരണം എന്തെന്ന് വ്യക്തമാക്കുമോ;

( ഡി )

ഇവിടത്തെ ജനങ്ങള്‍ക്ക് അടിസ്ഥാന സൗകര്യം ഏര്‍പ്പെടുത്തുവാൻ തടസ്സം നില്‍ക്കുന്ന വനംവകുപ്പിന്റെ നടപടി തിരുത്തുവാൻ നടപടി സ്വീകരിക്കുമോ?

അങ്കമാലി മണ്ഡലത്തിലെ വന്യമൃഗശല്യം ഒഴിവാക്കുന്നതിന് പുതിയ പദ്ധതികള്‍

2729.

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

അങ്കമാലി മണ്ഡലത്തില്‍ വനാതിര്‍ത്തിയോട് ചേര്‍ന്ന് കിടക്കുന്ന മലയാറ്റൂര്‍-നീലേശ്വരം, അയ്യമ്പുഴ എന്നീ പഞ്ചായത്തുകളില്‍ വന്യമൃഗ ശല്യം രൂക്ഷമായിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കാമോ;

( ബി )

ഈ സര്‍ക്കാര്‍ അധികാരത്തില്‍ വന്ന ശേഷം മണ്ഡലത്തില്‍ നിന്നും എത്ര കേസുകളാണ് റിപ്പോര്‍ട്ട് ചെയ്തിട്ടുള്ളതെന്ന് വ്യക്തമാക്കാമോ;

( സി )

ഈ സര്‍ക്കാര്‍ അധികാരത്തില്‍ വന്ന ശേഷം നാളിതുവരെയായി വന്യമൃഗ ശല്യത്തിന് പരിഹാരം കാണുന്നതിന് രണ്ട് പഞ്ചായത്ത് പരിസരത്തും സ്വീകരിച്ച നടപടികളുടെ വിശദാംശങ്ങള്‍ ലഭ്യമാക്കാമോ;

( ഡി )

അങ്കമാലി മണ്ഡലത്തിലെ വന്യമൃഗ ശല്യം ഒഴിവാക്കുന്നതിന് പുതിയ പദ്ധതികള്‍ ആരംഭിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ?

നിലമ്പൂർ ക്രാഷ്ഗാര്‍ഡ് റോപ്പ് ഫെന്‍സിംഗ് നിർമാണം

2730.

ശ്രീ. പി.വി.അൻവർ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

2019-2020 സംസ്ഥാന ബജറ്റില്‍ നിലമ്പൂര്‍ മണ്ഡലത്തിലെ വഴിക്കടവ്, മൂത്തേടം, പോത്തുകല്‍, അമരമ്പലം, കരുളായി പഞ്ചായത്തുകളിലെ വന്യമൃഗശല്യം തടയുന്നതിന് ക്രാഷ്ഗാര്‍ഡ് റോപ്പ് ഫെന്‍സിംഗ് സ്ഥാപിക്കുന്നതിന് 1394-ാം ക്രമ നമ്പരായി പത്ത്‌ കോടി രൂപ അനുവദിച്ച വിവരം വനംവകുപ്പിന്റെ ശ്രദ്ധയില്‍പെട്ടിട്ടുണ്ടോ; ഇക്കാര്യത്തില്‍ ഫയല്‍ നടപടി എവിടെവരെയായി; പത്ത്‌ കോടിയുടെ 20% തുക വകയിരുത്തിയിട്ടും ഫയല്‍ നടപടി വെെകുന്നതിന് കാരണമെന്താണ്; വ്യക്തമാക്കുമോ;

( ബി )

പ്രസ്തുത പദ്ധതി നടപ്പിലാക്കുന്നതിന് നിലമ്പൂര്‍ സൗത്ത് ഡി.എഫ്.ഒ. യ്ക്കും & നോര്‍ത്ത് ഡി.എഫ്.ഒ. യ്ക്കും 2020 ജൂലെെ മാസത്തില്‍ നല്‍കിയ നിവേദനത്തിന്മേല്‍ സ്വീകരിച്ച നടപടി അറിയിക്കാമോ?

1972 -ലെ വനം വന്യജീവി സംരക്ഷണ നിയമ ഭേദഗതി

2731.

ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കടുവാ സംരക്ഷണ കേന്ദ്രങ്ങള്‍ക്ക് സമാനമായി രാജ്യത്തെ ആനസംരക്ഷണ കേന്ദ്രങ്ങള്‍ക്കും ആനത്താരകള്‍ക്കും നിയമപരമായ പദവി നല്‍കുന്നതിന് 1972 ലെ വനം വന്യജീവി സംരക്ഷണ നിയമം ഭേദഗതി ചെയ്യുന്നതിന് കേന്ദ്രം ആലോചിക്കുന്നതായ വാര്‍ത്ത ശ്രദ്ധയില്‍പെട്ടിട്ടുണ്ടോ;

( ബി )

ഇത് സംബന്ധിച്ച അഭിപ്രായം ആരാഞ്ഞുകൊണ്ട് കേന്ദ്ര വനം പരിസ്ഥിതി മന്ത്രാലയത്തില്‍ നിന്നും കത്ത് ലഭിച്ചിട്ടുണ്ടോ; എങ്കില്‍ അതിന്മേല്‍ എന്ത് പ്രതികരണമാണ് അറിയിച്ചതെന്ന് വ്യക്തമാക്കുമോ;

( സി )

സംസ്ഥാനത്ത് ഇത് നടപ്പിലാക്കിയാല്‍ ഏതൊക്കെ പ്രദേശങ്ങളെയാണ് ബാധിക്കുന്നത് എന്ന് വെളിപ്പെടുത്തുമോ?

വനാതിര്‍ത്തികളിലെ വന്യമൃഗശല്യം

2732.

ശ്രീ. പി കെ അബ്ദു റബ്ബ്

പ്രൊഫ . ആബിദ് ഹുസൈൻ തങ്ങൾ

ശ്രീ എൻ. എ. നെല്ലിക്കുന്ന്

ശ്രീ . ടി . എ . അഹമ്മദ് കബീർ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

വനാതിര്‍ത്തികളിലെ വന്യമൃഗശല്യത്തിന് പരിഹാരമായി സോളാര്‍, റെയില്‍ വേലികള്‍, കിടങ്ങുകള്‍ എന്നിവ നിര്‍മ്മിക്കുന്നതിന് പദ്ധതി ആവിഷ്ക്കരിച്ചിട്ടുണ്ടോ;

( ബി )

ഇതിനാവശ്യമായ ഫണ്ട് എപ്രകാരമാണ് കണ്ടെത്തിയിരിക്കുന്നത്;

( സി )

വേലികള്‍ നിലവാരമില്ലാത്തവയാണന്ന ആക്ഷേപത്തിന്‍മേല്‍ അന്വേഷണം നടത്തിയിട്ടുണ്ടോ; വിശദാംശം നല്‍കുമോ?

മലബാര്‍ വന്യജീവിസങ്കേതത്തിന്റെ ബഫര്‍സോണ്‍

2733.

ശ്രീ . ജോർജ് എം .തോമസ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

മലബാര്‍ വന്യജീവിസങ്കേതത്തോടനുബന്ധിച്ച് ബഫര്‍സോണ്‍ ഏര്‍പ്പെടുത്തണമെന്ന കേന്ദ്ര നിര്‍ദ്ദേശത്തില്‍ കര്‍ഷകര്‍ക്കും സ്ഥലവാസികള്‍ക്കും ഉണ്ടായ ആശങ്ക പരിഹരിക്കുന്നതിന് സ്വീകരിച്ച നടപടികള്‍ വിശദമാക്കുമോ;

( ബി )

പ്രസ്തുത നിര്‍ദ്ദേശത്തിന്റെ നിലവിലെ അവസ്ഥ വ്യക്തമാക്കുമോ?

കാവും-കുളവും പദ്ധതി

2734.

ശ്രീ. കെ. ആൻസലൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കാവും കുളവും സംരക്ഷിക്കുന്ന പദ്ധതിയുടെ ഭാഗമായി 2016, 2017, 2018, 2019, 2020 എന്നീ വര്‍ഷങ്ങളില്‍ നെയ്യാറ്റിന്‍കര നിയോജകമണ്ഡലത്തില്‍ ഏതാെക്കെ സ്ഥലങ്ങളില്‍ ആണ് ഫണ്ട് അനുവദിച്ചത് എന്ന് വ്യക്തമാക്കാമോ;

( ബി )

കാവും-കുളവും പദ്ധതിയുമായി ബന്ധപ്പെട്ട് മണ്ഡലത്തില്‍ ഓരോ സ്ഥലത്തും അനുവദിച്ച ഫണ്ട് എത്രയെന്ന് വിശദമാക്കാമോ?

വന്യജീവി ആക്രമണത്തിൽ നിന്ന് കര്‍ഷകർക്ക് പരിരക്ഷ

2735.

ശ്രീ . എൽദോസ് പി. കുന്നപ്പിള്ളിൽ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കര്‍ഷകരുടെ സംരക്ഷണം ഉറപ്പാക്കാന്‍ കാട്ടുപന്നിയെ ലൈസന്‍സ് ഉള്ള തോക്ക് ഉപയോഗിച്ച് വെടിവെച്ച് കൊല്ലുവാന്‍ വനം വകുപ്പ് അനുവാദം നല്‍കിയിട്ടുണ്ടോ;

( ബി )

നിലവിലുള്ള ഉത്തരവിന്റെ കാലാവധി എന്നാണ് അവസാനിക്കുന്നത്; അത് നീട്ടി നല്‍കുന്നതിന് ഉദ്ദേശിക്കുന്നുണ്ടോ;

( സി )

ജീവനോപാധിയടക്കം കര്‍ഷകര്‍ക്ക് വന്യജീവികളില്‍ നിന്നുണ്ടാകുന്ന നാശനഷ്ടങ്ങള്‍ക്ക് മറ്റ് മേഖലകളില്‍ നല്‍കുന്ന നഷ്ടപരിഹാരത്തിന് സമാനമായ നഷ്ടപരിഹാരം നല്‍കാറുണ്ടോ; ഇല്ലെങ്കില്‍ അക്കാര്യം പരിഗണിക്കുമോ;

( ഡി )

വന്യജീവി ആക്രമണത്തിന് വിധേയരാകുന്നവര്‍ക്ക് പരിരക്ഷ നല്‍കുന്നതിനായി പ്രത്യേക ഇന്‍ഷ്വറന്‍സ് പദ്ധതി നടപ്പിലാക്കുമോ?

കല്‍പ്പറ്റ മണ്ഡലത്തില്‍ വനം വകുപ്പിന്റെ പ്രവൃത്തികൾ

2736.

ശ്രീ .സി .കെ .ശശീന്ദ്രൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാരിന്റെ കാലത്ത് വനം വകുപ്പ് മുഖേന കല്‍പ്പറ്റ മണ്ഡലത്തില്‍ എത്ര രൂപയുടെ എന്തൊക്കെ കാര്യങ്ങള്‍ നടപ്പിലാക്കി; വിശദമാക്കാമോ;

( ബി )

വന്യജീവികളുടെ ശല്യം ലഘൂകരിക്കുന്നതിന് ഈ സര്‍ക്കാരിന്റെ കാലത്ത് കല്‍പ്പറ്റ മണ്ഡലത്തില്‍ എന്തൊക്കെ കാര്യങ്ങളാണ് ചെയ്തത്; ഇതിനായി എത്ര രൂപ ചെലവഴിച്ചു; വിശദമാക്കാമോ;

( സി )

കിഫ്ബിയില്‍ ഉള്‍പ്പെടുത്തി വന്യമൃഗശല്യം നേരിടുന്നതിന് കല്‍പ്പറ്റ മണ്ഡലത്തില്‍ എത്ര രൂപ അനുവദിച്ചു; പ്രസ്‌തുത പ്രവൃത്തി ടെണ്ടര്‍ ചെയ്തുവോ; ഇല്ലെങ്കില്‍ കാലതാമസം നേരിടുന്നതിന് കാരണമെന്ത്; വിശദമാക്കാമോ?

മനുഷ്യ-വന്യജീവി സംഘര്‍ഷം

2737.

ശ്രീ . മുല്ലക്കര രത്‌നാകരൻ

ശ്രീ. ചിറ്റയം ഗോപകുമാർ

ശ്രീമതി സി. കെ. ആശ

ശ്രീ. വി. ആർ. സുനിൽ കുമാർ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

മനുഷ്യ-വന്യജീവി സംഘര്‍ഷം ലഘൂകരിക്കുന്നതിന് ഈ സര്‍ക്കാര്‍ നിലവില്‍ വന്നശേഷം സ്വീകരിച്ച നടപടികള്‍ വിശദമാക്കുമോ;

( ബി )

മനുഷ്യ-വന്യജീവി സംഘര്‍ഷം ലഘൂകരിക്കുന്നതിന് മൊബെെല്‍ ആപ്പ് തയ്യാറാക്കിയിട്ടുണ്ടോ; വ്യക്തമാക്കുമോ;

( സി )

വന്യജീവി ആക്രമണം മൂലം ജീവഹാനി സംഭവിക്കുന്നവര്‍ക്കും സ്ഥിരം അംഗവെെകല്യം സംഭവിക്കുന്നവര്‍ക്കുമുള്ള നഷ്ടപരിഹാരം ഈ സര്‍ക്കാര്‍ ഉയര്‍ത്തിയിട്ടുണ്ടോ; വ്യക്തമാക്കുമോ;

( ഡി )

വയനാട് കാെളവള്ളിയില്‍ കടുവയിറങ്ങി വനപാലകരെ ആക്രമിച്ച സംഭവത്തില്‍ കടുവയെ പിടികൂടുന്നതിനും ജനങ്ങള്‍ക്ക് സുരക്ഷ നല്കുന്നതിനും സ്വീകരിച്ച നടപടികള്‍ വ്യക്തമാക്കുമോ?

കാട്ടുപന്നികളെ വെടിവെക്കുന്നതിനുള്ള അനുമതി

2738.

ശ്രീ . ജോർജ് എം .തോമസ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കൃഷിയിടത്തിലിറങ്ങി കാര്‍ഷിക വിളകള്‍ നശിപ്പിക്കുന്ന കാട്ടുപന്നികളെ വെടിവെക്കുന്നതിനുള്ള അനുമതി കോഴിക്കോട് ജില്ലയില്‍ ഏതൊക്കെ പഞ്ചായത്തുകള്‍ക്ക് ലഭിച്ചിട്ടുണ്ടെന്നു വ്യക്തമാക്കുമോ;

( ബി )

ശല്യം രൂക്ഷമായ മറ്റു പഞ്ചായത്തുകള്‍ക്കും അനുമതി ലഭിക്കുന്നതിന് അടിയന്തിര നടപടികള്‍ സ്വീകരിക്കുമോ; വിശദമാക്കുമോ?

പാമ്പ് കടിയേറ്റ് മരണമടയുന്നവര്‍ക്ക് നഷ്ടപരിഹാരം

2739.

ശ്രീമതി ഷാനിമോൾ ഉസ്മാൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

സംസ്ഥാനത്ത് പാമ്പ് കടിയേല്‍ക്കുന്നവരുടെ എണ്ണം വര്‍ഷംതോറും വര്‍ദ്ധിക്കുന്ന സാഹചര്യം ഉണ്ടായിട്ടുണ്ടോ;

( ബി )

കഴിഞ്ഞ രണ്ട് വര്‍ഷത്തിനിടെ സംസ്ഥാനത്ത് എത്ര പേര്‍ക്ക് പാമ്പ് കടിയേറ്റു; അതില്‍ എത്ര പേര്‍ മരണമടഞ്ഞു;

( സി )

പാമ്പ് കടിയേറ്റ് മരണമടയുന്നവര്‍ക്ക് നഷ്ടപരിഹാരം നല്‍കുന്നുണ്ടോ; എങ്കില്‍ അത് എത്രയാണ്; കാടിന് പുറത്ത് പാമ്പ് കടിയേല്‍ക്കുന്നവര്‍ക്കും നഷ്ടപരിഹാരത്തിന് അര്‍ഹതയുണ്ടോയെന്ന് അറിയിക്കാമോ?

വന്യമൃഗങ്ങളില്‍ നിന്നും കൃഷിസംരക്ഷണത്തിന് നടപടി

2740.

ശ്രീ. റോഷി അഗസ്റ്റിൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കൃഷി ഭൂമിയിൽ എത്തി നാശം വരുത്തുന്ന വന്യമൃഗങ്ങളെ പിടിക്കുന്നതിന് പഞ്ചായത്തുകൾക്ക് അധികാരം നൽകിയിട്ടുണ്ടോ;

( ബി )

കാട്ടുപന്നി, കുരങ്ങ് തുടങ്ങിയവയുടെ ഉപദ്രവത്തിൽ നിന്ന് കൃഷി സംരക്ഷിക്കുന്നതിന് എന്ത് നടപടിയാണ് സ്വീകരിച്ചിട്ടുള്ളതെന്ന് അറിയിക്കുമോ; വിശദമാക്കുമോ?

പാമ്പുപിടുത്തക്കാര്‍ക്ക് പരിശീലനം

2741.

ശ്രീ . എൻ . ഷംസുദീൻ

ശ്രീ . ടി. വി. ഇബ്രാഹിം

ശ്രീ. പി കെ അബ്ദു റബ്ബ്

ഡോ.എം.കെ . മുനീർ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

പാമ്പുകളെ പിടികൂടി ദുരുപയോഗം ചെയ്യുന്നതായ വിവരം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

( ബി )

പാമ്പുപിടുത്തക്കാര്‍ക്ക് പരിശീലനം നല്‍കുന്നതിനും രജിസ്ട്രേഷന്‍ ഏര്‍പ്പെടുത്തുന്നതിനും നടപടി എടുത്തിട്ടുണ്ടോ; വിശദാംശം നല്‍കുമോ?

H5 N8 വൈറസ് മനുഷ്യരിലേക്ക് പടരാനുള്ള സാധ്യത

2742.

ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

H5 N8 വൈറസ് പക്ഷികളിൽ നിന്നും മനുഷ്യരിലേക്ക് പടരാനുള്ള സാധ്യത പരിശോധനാവിധേയമാക്കിയിട്ടുണ്ടോയെന്ന് അറിയിക്കുമോ? എങ്കിൽ ഏത് ഏജൻസി/ വകുപ്പാണ് പരിശോധന നടത്തിയതെന്നും പരിശോധനാഫലം എന്തായിരുന്നുവെന്നും അറിയിക്കുമോ? വിശദാംശം ലഭ്യമാക്കുമോ?

എലിഫന്റ് മാനേജ്‍മെന്റ് സെന്റര്‍

2743.

ശ്രീ. പി കെ അബ്ദു റബ്ബ് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ആനപരിപാലനത്തിന് ലോകോത്തര നിലവാരത്തിലുള്ള എലിഫന്റ് മാനേജ്‍മെന്റ് സെന്റര്‍ തുടങ്ങാന്‍ സര്‍ക്കാര്‍ ഉദ്ദേശിക്കുന്നുണ്ടോയെന്നറിയിക്കാമോ;

( ബി )

എങ്കില്‍ എവിടെയെന്നുള്ള വിശദാംശം വ്യക്തമാക്കുമോ?

പക്ഷിപ്പനി

2744.

ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഹരിപ്പാട് മണ്ഡലത്തില്‍ ഈ വര്‍ഷമുണ്ടായ പക്ഷിപ്പനി മൂലം താറാവ്/കോഴി കര്‍ഷകര്‍ക്ക് എത്ര രൂപയുടെ നാശനഷ്ടമാണ് സംഭവിച്ചിട്ടുള്ളതെന്ന് അറിയിക്കുമോ;

( ബി )

ഈ മേഖലയില്‍ പക്ഷിപ്പനിയുടെ വ്യാപനം തടയുന്നതിനും, കര്‍ഷകര്‍ നേരിടുന്ന പ്രതിസന്ധി പരിഹരിക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളത്; ഇവര്‍ക്ക് അടിയന്തര ധനസഹായം അനുവദിച്ചിട്ടുണ്ടോ;

( സി )

ഇപ്പോള്‍ നല്‍കിവരുന്ന നഷ്ടപരിഹാര തുക ഉയര്‍ത്തുന്നതിന് ഉദ്ദേശിക്കുന്നുണ്ടോ; വിശദമാക്കുമോ?

കര്‍ഷകര്‍ക്ക് സഹായം

2745.

ശ്രീ വി. കെ. സി. മമ്മത് കോയ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കേരളത്തില്‍ 2018, 2019 വര്‍ഷങ്ങളില്‍ ഉണ്ടായ മഹാപ്രളയങ്ങളില്‍ കന്നുകാലികളെയും, കോഴി, താറാവ് അടക്കമുള്ള ഫാമുകളും നഷ്ടപ്പെടുകയും നശിച്ചു പോവുകയും ചെയ്ത കര്‍ഷകരെ സഹായിക്കുന്നതിന് എന്തെല്ലാം നടപടികളാണ് സര്‍ക്കാര്‍ സ്വീകരിച്ചിട്ടുള്ളത് എന്ന് വ്യക്തമാക്കാമോ?

നാട്ടാനകളുടെ പരിപാലനം

2746.

പ്രൊഫ . ആബിദ് ഹുസൈൻ തങ്ങൾ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

നാട്ടാനകളെ പരിപാലിക്കുന്നതിന് വേണ്ടി സര്‍ക്കാര്‍ തയ്യാറാക്കിയ ചട്ടങ്ങള്‍ കൃത്യമായി പാലിക്കാത്തത് സംബന്ധിച്ച് സര്‍ക്കാര്‍ സ്വീകരിച്ച നടപടികള്‍ അറിയിക്കുമോ; 2018 ജനുവരി ഒന്ന് മുതല്‍ നാട്ടാന പരിപാലനത്തെ സംബന്ധിച്ച് വനം വകുപ്പിന് ലഭിച്ച പരാതികള്‍ എത്രയെന്ന് അറിയിക്കുമോ; ഇതില്‍ എത്ര പരാതികളിൽ നടപടി സ്വീകരിച്ചു ; വിശദമാക്കുമോ;

( ബി )

2018 ജനുവരി ഒന്ന് മുതല്‍ എത്ര നാട്ടാനകള്‍ ചരിഞ്ഞിട്ടുണ്ട്എന്നതിന്റെ ജില്ല തിരിച്ചുള്ള കണക്ക് ലഭ്യമാക്കുമോ; മരണ കാരണം അറിയിക്കാമോ;

( സി )

മതിയായ സംരക്ഷണവും താമസ സൗകര്യവും ലഭിക്കാത്തതും ആനപാപ്പാന്മാരുടെ പീഡനങ്ങളും മരണകാരണമാകുന്നുണ്ടെന്ന കാര്യം പരിശോധിക്കുമോ;

( ഡി )

സര്‍ക്കാര്‍ തയ്യാറാക്കിയ ചട്ടം കൃത്യമായി പാലിക്കുവാനും അത് നിരീക്ഷിക്കുവാനും വനം വകുപ്പില്‍ ആര്‍ക്കെങ്കിലും ചുമതല നല്‍കിയിട്ടുണ്ടോ; വ്യക്തമാക്കുമോ;

( ഇ )

ആനസംരക്ഷണ കേന്ദ്രങ്ങളില്‍ നിലവിലുള്ള ആനകളുടെ വിശദമായ വിവരം ലഭ്യമാക്കുമോ?

കായംകുളം മണ്ഡലത്തില്‍ മൃഗസംരക്ഷണ വകുപ്പ് നടപ്പാക്കിയ പദ്ധതികള്‍

2747.

ശ്രീമതി യു. പ്രതിഭ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തിലേറിയ ശേഷം കായംകുളം മണ്ഡലത്തില്‍ മൃഗസംരക്ഷണ വകുപ്പ് വഴി നടപ്പാക്കിയ പദ്ധതികള്‍ ഏതൊക്കയാണെന്ന് വിശദമാക്കാമോ;

( ബി )

പദ്ധതികള്‍ക്കായി എത്ര രൂപ വിനിയോഗിച്ചുവെന്ന് വിശദമാക്കാമോ?

ഷൊര്‍ണ്ണൂര്‍ മണ്ഡലത്തിലെ മൃഗസംരക്ഷണ വകുപ്പ് പദ്ധതികള്‍

2748.

ശ്രീ . പി . കെ . ശശി : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ മൃഗസംരക്ഷണ വകുപ്പ് മുഖാന്തിരം ഷൊര്‍ണ്ണൂര്‍ നിയോജക മണ്ഡലത്തില്‍ എന്തെല്ലാം പദ്ധതികളാണ് നടപ്പിലാക്കിയിട്ടുള്ളത് എന്ന് അറിയിക്കാമോ; ഇതിനായി എത്ര തുകയാണ് അനുവദിച്ചതെന്നും ഓരോ പദ്ധതിയുടെയും നിലവിലെ സ്ഥിതിയും അറിയിക്കാമോ?

കുഞ്ഞുകൈകളില്‍ അരുമക്കോഴി പദ്ധതി

2749.

ശ്രീമതി യു. പ്രതിഭ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

കുഞ്ഞുകൈകളില്‍ അരുമക്കോഴി എന്ന പദ്ധതി സംസ്ഥാനത്തെ എത്ര സ്കൂളുകളില്‍ നടപ്പിലാക്കിയിട്ടുണ്ട്; പ്രസ്തുത പദ്ധതി ആലപ്പുഴ ജില്ലയില്‍ എത്ര സ്കൂളുകളില്‍ നടപ്പിലാക്കിയിട്ടുണ്ട്; സ്‌കൂളുകളുടെ പേരും വിശദാംശങ്ങളും ലഭ്യമാക്കാമോ?

മൃഗസംരക്ഷണ മേഖലയിലെ നൂതന പദ്ധതികള്‍

2750.

ശ്രീ. എസ്. രാജേന്ദ്രൻ

ശ്രീ. സി. കൃഷ്ണൻ

ശ്രീ . പി . ഉണ്ണി

ശ്രീ . കെ .ഡി .പ്രസേനൻ : താഴെ കാണുന്ന ചോദ്യങ്ങൾക്കു വനവും മൃഗസംരക്ഷണവും മൃഗശാലകളും വകുപ്പുമന്ത്രി സദയം മറുപടി പറയാമോ?

( എ )

ഈ സര്‍ക്കാര്‍ അധികാരത്തില്‍ വന്നശേഷം മൃഗസംരക്ഷണ മേഖലയില്‍ നടപ്പിലാക്കിയ നൂതന പദ്ധതികള്‍ എന്തൊക്കെയാണെന്ന് വ്യക്തമാക്കാമോ;

( ബി )

മൃഗസംരക്ഷണ മേഖലയിലെ കര്‍ഷകര്‍ക്ക് ധനസഹായം നല്‍കുന്നതിന് ഈ സര്‍ക്കാര്‍ ഉപജീവന പിന്തുണ പദ്ധതി നടപ്പിലാക്കിയിട്ടുണ്ടോ; വിശദാംശം നല്‍കുമോ;

( സി )

മൃഗചികിത്സാ സേവനങ്ങൾ ഇരുപത്തിനാലു മണിക്കൂറും ലഭ്യമാക്കുന്നതിന് മൊബൈല്‍ ടെലി വെറ്ററിനറി യൂണിറ്റുകള്‍ വ്യാപകമായി ആരംഭിച്ചിട്ടുണ്ടോ; വിശദമാക്കുമോ;

( ഡി )

സംസ്ഥാനത്ത് ഗുണനിലവാരമുള്ള കാലിത്തീറ്റ സുലഭമാക്കുന്നതിനായി എന്തെല്ലാം നടപടികളാണ് ഈ സര്‍ക്കാര്‍ സ്വീകരിച്ചിട്ടുള്ളതെന്ന് വ്യക്തമാക്കുമോ?

ഇരിങ്ങാലക്കുട നിയോജകമണ്ഡലത്തില്‍ മൃഗസംരക്ഷണ വകുപ്പ് മുഖേന നടപ്പിലാക്കിയ പദ്ധതി