14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >4th Session>Unstarred questions Answers

Answer Provided

Answer Not Yet Provided

FOURTEENTH KLA - 4th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ദുരന്ത നിവാരണ നിധിയില്‍ നിന്ന് അധികതുക

3000.

ശ്രീ.കെ.സി.ജോസഫ്
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	രൂക്ഷമായ ശുദ്ധജലക്ഷാമം പരിഹരിക്കുവാൻ പതിനൊന്നായിരം ജല കിയോസ്ക്കുകള്‍ സ്ഥാപിക്കുവാന്‍ തീരുമാനം എടുത്തിരുന്നോ; എന്നാണ് ഇതുസംബന്ധിച്ച തീരുമാനം എടുത്തത്;

(ബി)	ഇതില്‍ എത്ര കിയോസ്ക്കുകള്‍ സ്ഥാപിച്ചുവെന്നറിയിക്കുമോ;

(സി)	വരള്‍ച്ച നേരിടുന്നതിന് ദുരന്ത നിവാരണ നിധിയില്‍ നിന്ന് അധികതുക ആവശ്യപ്പെട്ട് കേന്ദ്രസര്‍ക്കാരിന് മെമ്മോറാണ്ടം നല്‍കും എന്ന് 31-10-2016-ല്‍ നിയമസഭയില്‍ പ്രഖ്യാപിച്ചതിന്റെ അടിസ്ഥാനത്തില്‍ എന്ത് നടപടി സ്വീകരിച്ചു; മെമ്മോറാണ്ടത്തിന്റെ പകര്‍പ്പ് ലഭ്യമാക്കുമോ?

മുളിയാര്‍ വില്ലേജില്‍ വ്യാജ പട്ടയത്തിന് ഭൂനികുതി

3001.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ മൂളിയാര്‍ വില്ലേജില്‍ വ്യാജ പട്ടയത്തിന് ഭൂനികുതി സ്വീകരിച്ചതായി അന്വേഷണത്തില്‍ കണ്ടെത്തിയിട്ടുണ്ടോ; വിശദാംശങ്ങള്‍ അറിയിക്കാമോ;

(ബി)	പ്രസ്തുത വില്ലേജില്‍ വര്‍ഷങ്ങളായി ഭൂരഹിതരുടെ പേരില്‍ റവന്യൂ ഭൂമി കൈക്കലാക്കി ഉദ്യോഗസ്ഥരും ഭൂമാഫിയയും ആയത് കൈമാറ്റം ചെയ്ത് പണം സമ്പാദിച്ചിട്ടുളള വിഷയം വിജിലന്‍സിനെ കൊണ്ട് അന്വേഷിപ്പിക്കുന്ന വിഷയം പരിഗണിക്കുമോ; വിശദാംശങ്ങള്‍ അറിയിക്കാമോ?

കുടിയേറ്റ കര്‍ഷകര്‍ക്ക് ഉപാധിരഹിത പട്ടയം

3002.

ശ്രീ.എസ്.രാജേന്ദ്രന്‍
,, ആന്റണി ജോണ്‍
,, കെ.സുരേഷ് കുറുപ്പ്
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കിയിലും മറ്റു മലയോര മേഖലയിലും 01/01/1997- ന് മുമ്പ് കുടിയേറിയ കര്‍ഷകര്‍ക്ക് ഉപാധിരഹിത പട്ടയം നൽകുന്നതിന് തീരുമാനിച്ചിട്ടുണ്ടോ ; ഇതിനായി സ്വീകരിച്ചിട്ടുള്ള നടപടികള്‍ എന്തൊക്കെയാണ്;

(ബി)	റവന്യൂ,വനം എന്നീ വകുപ്പുകളുടെ സംയുക്ത പരിശോധന പൂര്‍ത്തിയായിട്ടുണ്ടോ;

(സി)	ഇടുക്കി ജില്ലയില്‍ വീടു നിര്‍മ്മിക്കുന്നതിന് അനുമതി ലഭിക്കുന്നില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ; ഇത് അടിയന്തരമായി പരിഹരിക്കാന്‍ നടപടിയുണ്ടാകുമോ?

ഇ ഡിസ്ട്രിക്റ്റ് പദ്ധതി

3003.

ശ്രീ.എ.എം. ആരിഫ്
,, കെ. ആന്‍സലന്‍
,, പി.വി. അന്‍വര്‍
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പൊതു ജനങ്ങള്‍ക്കാവശ്യമായ സര്‍ട്ടിഫിക്കറ്റുകള്‍ വേഗത്തിലും സുതാര്യമായും ലഭ്യമാക്കുന്നതിനായി റവന്യൂ വകുപ്പില്‍ ഇ ഡിസ്ട്രിക്റ്റ് പദ്ധതി നടപ്പിലാക്കിയിട്ടുണ്ടോ;

(ബി)	എങ്കില്‍ പ്രസ്തുത പദ്ധതി മുഖേന എന്തെല്ലാം സേവനങ്ങളാണ് ലഭിക്കുന്നതെന്ന് വ്യക്തമാക്കാമോ;

(സി)	നിലവില്‍ ഏതെല്ലാം സര്‍ട്ടിഫിക്കറ്റുകളാണ് ഈ സംവിധാനം വഴി ലഭിക്കുന്നത്;

(ഡി)	അക്ഷയ കേന്ദ്രങ്ങള്‍ വഴി ലഭിക്കുന്ന സര്‍ട്ടിഫിക്കറ്റുകള്‍ക്ക് നല്‍കേണ്ട ഫീസ് എത്ര വീതമാണ്;

(ഇ)	പട്ടികജാതി പട്ടിക വര്‍ഗ്ഗക്കാര്‍ക്ക് ജാതി തെളിയിക്കുന്നതിനാവശ്യമായ സര്‍ട്ടിഫിക്കറ്റ് എത്ര ദിവസങ്ങള്‍ക്കുള്ളില്‍ നല്‍കണമെന്നാണ് വ്യവസ്ഥ ചെയ്തിരിക്കുന്നത്;

(എഫ്)

പ്രസ്തുത വിഭാഗക്കാര്‍ക്ക് ആവശ്യമായ ജാതി സര്‍ട്ടിഫിക്കറ്റ് കാലതാമസം കൂടാതെ ലഭ്യമാക്കുന്നതിനുള്ള നടപടി സ്വീകരിക്കുമോ?

ടാനാ - ചന്തമുക്ക് ജംഗ്ഷന്‍ റോഡിന് ഭൂമി ഏറ്റെടുക്കല്‍

3004.

പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഇരിങ്ങാലക്കുട മണ്ഡലത്തിലെ ടാനാ-ചന്തമുക്ക് ജംഗ്ഷന്‍ റോഡിന്റെ അഭിവൃദ്ധിപ്പെടുത്തല്‍ ജോലിസംബന്ധിച്ച് 2013-14 വര്‍ഷത്തെ ബജറ്റില്‍ പ്രഖ്യാപിച്ചിട്ടുണ്ടോ; പ്രസ്തുത ജോലിയുമായി ബന്ധപ്പെട്ട ഭൂമി ഏറ്റെടുക്കല്‍ നടപടികളുടെ ഇപ്പോഴത്തെ സ്ഥിതി വ്യക്തമാക്കാമോ;

(ബി)	എത്ര കോടി രൂപയുടെ ഭൂമി ഏറ്റെടുക്കല്‍ നടപടികളാണ് വേണ്ടതെന്ന് വ്യക്തമാക്കാമോ?

ഭൂമി കയ്യേറ്റം

3005.

ശ്രീ.മുല്ലക്കര രത്നാകരന്‍
,, ഇ.കെ.വിജയന്‍
,, ഇ.ടി. ടൈസണ്‍ മാസ്റ്റര്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ഭൂമി കയ്യേറ്റം എത്രത്തോളം ഒഴിപ്പിച്ചെന്നും ഇതുമായി ബന്ധപ്പെട്ട് എത്ര കേസുകള്‍ നിലനില്‍ക്കുന്നുണ്ടെന്നും വിശദമാക്കുമോ;

(ബി)	ഇപ്രകാരം കയ്യേറ്റം ഒഴിപ്പിച്ചെടുത്ത ഭൂമിയുടെ നിലവിലെ അവസ്ഥ സംരക്ഷിക്കുന്നതിന് എന്തൊക്കെ നടപടികള്‍ സ്വീകരിച്ചുവെന്ന് അറിയിക്കുമോ;

(സി)	ലോ അക്കാദമി ഭൂമി വിഷയവുമായി ബന്ധപ്പെട്ട് സ്വീകരിച്ച നടപടികള്‍ എന്തെല്ലാമാണെന്ന് അറിയിക്കുമോ?

റോഡ് വികസനത്തിന് സ്ഥലം നല്‍കിയവര്‍ക്ക് ലഭിച്ച തുക

3006.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം ജില്ലയില്‍ റോഡ് വികസനത്തിന് സ്ഥലം ഏറ്റെടുക്കുകയും,പൊന്നുംവില മാത്രം ലഭിക്കുകയും ചെയ്ത ഉടമസ്ഥര്‍ക്ക്, കോടതി ഉത്തരവ് പ്രകാരം സ്ഥലത്തിന് വില കൂട്ടി നല്‍കിയിട്ടുണ്ടോ; എങ്കില്‍ സ്ഥലം വിട്ടുകൊടുത്ത എല്ലാപേര്‍ക്കും വിലകൂട്ടി നല്‍കുവാന്‍ നടപടി സ്വീകരിക്കുമോ;

(ബി)	സ്ഥലം ഏറ്റെടുക്കുന്നവരുടെ റഫറന്‍സ് ഫോമുകള്‍ ,പരിധിയില്ലാതെ കോടതിയിലേക്ക് അയച്ചുകൊടുക്കുന്നതിനുള്ള നടപടി സ്വീകരിക്കുമോ; വ്യ‍ക്തമാക്കുമോ?

ഭൂമി കയ്യേറ്റങ്ങള്‍

3007.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ സര്‍ക്കാര്‍ഭൂമി സംരക്ഷിക്കുന്നതിനും കയ്യേറ്റങ്ങള്‍ തടയുന്നതിനും നെല്‍വയലുകള്‍ ഉള്‍പ്പെടെയുള്ളവ പരിവര്‍ത്തിതപ്പെടുത്തുന്നതു തടയുന്നതിനും ജനപങ്കാളിത്തത്തോടെയുള്ള എന്തെങ്കിലും പദ്ധതികള്‍ സര്‍ക്കാര്‍ ആവിഷ്കരിക്കുന്നുണ്ടോ; ഇതിന്റെ വിശദാംശം വെളിപ്പെടുത്തുമോ?

വീട് കത്തിപ്പോയതിന് നഷ്ടപരിഹാരം

3008.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വീട് കത്തിപ്പോയ കുടുംബത്തിന് നഷ്ടപരിഹാരം നല്‍കാന്‍ ഉണ്ടാകുന്ന കാലതാമസം വ്യക്തമാക്കാമോ;

(ബി)	ഫയല്‍ നമ്പര്‍. 883419/റവ.കെ/2016 ലെ പുരോഗതി വ്യക്തമാക്കാമോ;

(സി)	പ്രസ്തുത ഫയലില്‍ നടപടി സ്വീകരിക്കാന്‍ ഉണ്ടാകുന്ന കാലതാമസം വ്യക്തമാക്കാമോ;

(ഡി)	പ്രസ്തുത ഫയലില്‍ എന്നേക്ക് നടപടി പൂര്‍ത്തിയാക്കും എന്നറിയിക്കാമോ?

കേരള സംസ്ഥാനത്തിന്റെ വിസ്തൃതി

3009.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ വകുപ്പു കണക്കനുസരിച്ച് കേരള സംസ്ഥാനത്തിന്റെ വിസ്തൃതി എത്രയെന്നും ആയതില്‍ വനഭൂമി തുടങ്ങി പുറമ്പോക്കുഭൂമി ഉള്‍പ്പെടെ ഇനം തിരിച്ച് വിശദാംശം ലഭ്യമാക്കുമോ;

(ബി)

സംസ്ഥാനത്ത് ആകെ എത്ര വില്ലേജുകള്‍ (ജില്ലതിരിച്ച്) ഉണ്ട് എന്നും 1966 ല്‍ ആരംഭിച്ച റീസര്‍വ്വേ പ്രകാരം ഇതുവരെ റീസര്‍വ്വേ നടത്തിയ വില്ലേജുകള്‍ ഇവയില്‍ ഡിജിറ്റലൈസേഷന്‍ പൂര്‍ത്തിയാക്കിയവ/അല്ലാത്തവ എത്ര എന്നും പരാതികള്‍ പരിഹരിച്ച് പൂര്‍ണ്ണമായും റീസര്‍വ്വേ നടപടി പൂര്‍ത്തീകരിച്ച വില്ലേജുകള്‍ എത്ര എന്നും വ്യക്തമാക്കുമോ;

(സി)	റീസര്‍വ്വേ പൂര്‍ത്തീകരിയ്ക്കുന്നതില്‍ നാളിതുവരെ വന്ന വീഴ്ചകളും പരിഹാരവും സംബന്ധിച്ച് ഈ സര്‍ക്കാര്‍ എന്തെങ്കിലും പഠനം നടത്തിയോ എങ്കില്‍ എന്ത് എന്നും വ്യക്തമാക്കുമോ;

(ഡി)	റവന്യൂ വകുപ്പ് സംസ്ഥാനത്തിന്റെ വിശദമായ രൂപരേഖ നാളിതുവരെ തയ്യാറാക്കിയിട്ടുണ്ടോ; ഉണ്ട് എങ്കില്‍ പകര്‍പ്പ് ലഭ്യമാക്കുമോ;

(ഇ)	ഇല്ലെങ്കില്‍ വ്യക്തമായ രൂപരേഖ തയ്യാറാക്കുവാനും അതിനുശേഷം മാത്രം റീസര്‍വ്വേ നടപടികള്‍ സമയബന്ധിതമായി പ്രഖ്യാപനം നടത്തി പൂര്‍ത്തീകരിക്കാനും എന്തു നടപടികള്‍ സ്വീകരിക്കും എന്നും വ്യക്തമാക്കുമോ?

ജാതി സര്‍ട്ടിഫിക്കറ്റുകള്‍

T 3010.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി പട്ടികവര്‍ഗ്ഗങ്ങള്‍ക്കുള്ള ആനുകൂല്യങ്ങള്‍ ലഭിക്കുന്നതിനായി ഓരോ ആവശ്യങ്ങള്‍ക്കും വെവ്വേറെ ജാതി സര്‍ട്ടിഫിക്കറ്റുകള്‍ ഹാജരാക്കേണ്ടി വരുന്നത് അപേക്ഷകര്‍ക്ക് ബുദ്ധിമുട്ടുണ്ടാക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് പരിഹരിക്കുന്നതിനായി നടപടി സ്വീകരിക്കുമോ; വിശദമാക്കുമോ?

വക്കോ ആന്റ് കമ്പനി കുടിശിക

3011.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളം ജില്ലയിലെ രാമേശ്വരം വില്ലേജിന്റെ വിവിധ ഭാഗങ്ങളില്‍ വക്കോ ആന്റ് കമ്പനിയുടെ പേരില്‍ ഉണ്ടായിരുന്നതും സെയില്‍സ് ടാക്സ് കുടിശികയുടെ പേരില്‍ ജപ്തി നടപടികള്‍ വഴി സര്‍ക്കാര്‍ ഏറ്റെടുക്കുകയും ചെയ്ത വസ്തുവകകളുടെ വിശദാംശങ്ങള്‍ ലഭ്യമാക്കാമോ;

(ബി)	ഇതിന്റെ ഉടമസ്ഥാവകാശം സര്‍ക്കാരിലാണോ;

(സി)	പ്രസ്തുത ഭൂമിയില്‍ നിന്ന് ആര്‍ക്കെല്ലാം ഭൂമി നല്‍കിയിട്ടുണ്ടെന്ന് വ്യക്തമാക്കാമോ?

പുതിയ വില്ലേജ് ഓഫീസുകളുടെ പ്രവര്‍ത്തനം

3012.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി രൂപീകരിച്ച വില്ലേജ് ഓഫീസുകളുടെ പ്രവര്‍ത്തനം ഇപ്പോള്‍ ഏതു ഘട്ടത്തിലായെന്ന് വ്യക്തമാക്കുമോ;

(ബി)	പിറവം നിയോജകമണ്ഡലത്തിലുൾപ്പെട്ട കീച്ചേരി, കുലയറ്റിക്കര എന്നീ ഓഫീസുകളുടെ പ്രവര്‍ത്തനം ആരംഭിക്കാത്തതിന്റെ കാരണം വ്യക്തമാക്കാമോ;

(സി)	പ്രസ്തുത വില്ലേജ് ഓഫീസുകളുടെ പ്രവര്‍ത്തനവുമായി ബന്ധപ്പെട്ട് ഇതുവരെ സ്വീകരിച്ച നടപടിക്രമങ്ങള്‍ ലഭ്യമാക്കുമോ;

(ഡി)	പിറവം നിയോജകമണ്ഡലത്തില്‍ ഉള്‍പ്പെട്ട പുതിയ വില്ലേജ് ഓഫീസുകള്‍ എന്നത്തേയ്ക്ക് പ്രവര്‍ത്തനം ആരംഭിക്കുമെന്ന് വ്യക്തമാക്കുമോ?

പുതിയ ഭൂപരിഷ്ക്കരണ നിയമം

3013.

ശ്രീ.തിരുവഞ്ചൂര്‍ രാധാകൃഷ്ണന്‍
,, കെ.സി.ജോസഫ്
,, അടൂര്‍ പ്രകാശ്
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഒരു പുതിയ ഭൂപരിഷ്ക്കരണ നിയമത്തിന് രൂപം നല്‍കുവാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ?

(ബി)	തോട്ടഭൂമിയ്ക്ക് പരമാവധി പരിധി പ്രസ്തുത നിയമപ്രകാരം നിശ്ചയിക്കുന്നതിനും ശേഷിക്കുന്ന ഭൂമി തിരിച്ച് പിടിച്ച് പാവപ്പെട്ടവര്‍ക്ക് വിതരണം ചെയ്യുന്നതിനും ഉദ്ദേശിക്കുന്നുണ്ടോ?

റിവര്‍ മാനേജ് മെന്റ് ഫണ്ട് ഉപയോഗിച്ച് നടപ്പിലാക്കിയ പദ്ധതികള്‍

3014.

ശ്രീമതി യു. പ്രതിഭ ഹരി
ശ്രീ.സി.കൃഷ്ണന്‍
,, ബി.ഡി. ദേവസ്സി
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം റിവര്‍ മാനേജ് മെന്റ് ഫണ്ട് ഉപയോഗിച്ച് നടപ്പിലാക്കിയ പദ്ധതികള്‍ എന്തൊക്കെയാണെന്ന് വ്യക്തമാക്കാമോ;

(ബി)	റിവര്‍ മാനേജ് മെന്റ്ഫണ്ട് വിനിയോഗിച്ച് നടപ്പാക്കാവുന്ന പദ്ധതികള്‍ എന്തൊക്കെയാണെന്നും ഇതിന്റെ മാനദണ്ഡങ്ങള്‍ എപ്രകാരമാണെന്നും വിശദമാക്കാമോ;

(സി)	വിവിധ ജില്ലകളില്‍ റിവര്‍ മാനേജ് മെന്റ് ഫണ്ട് പ്രകാരം അനുവദിച്ചിട്ടുളള തുക വിനിയോഗിക്കാതെ കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കുമോ;

(ഡി)	പ്രസ്തുത ഫണ്ട് പ്രകാരം എസ്റ്റിമേറ്റ് തയ്യാറാക്കിയിട്ടുളള പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിനും തുക ഫലപ്രദമായി വിനിയോഗിക്കുന്നുവെന്ന് ഉറപ്പു വരുത്തുന്നതിനും നടപടി സ്വീകരിക്കുമോ?

ദുരന്ത നിവാരണസേന

T 3015.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	2016- ല്‍ കോഴിക്കോട് ജില്ലയിലെ പശുക്കടവിലുണ്ടായ ദുരന്തത്തിന്റെ പശ്ചാത്തലത്തില്‍ പ്രസ്തുത സ്ഥലത്ത് ദുരന്തം ആവര്‍ത്തിക്കാതിരിക്കാന്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ;

(ബി)	നടപടി സ്വീകരിച്ചിട്ടില്ലെങ്കില്‍ ആയത് പരിഗണയിലുണ്ടോയെന്ന് വ്യ‍ക്തമാക്കുമോ;

(സി)	സംസ്ഥാനത്ത് ദുരന്ത നിവാരണസേന എവിടെയൊക്കെയാണുള്ളതെന്ന് വിശദമാക്കാമോ ?

റവന്യു വകുപ്പില്‍ യു.ഡി.ക്ലാര്‍ക്കുമാരുടെ തസ്തികൾ

3016.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യു വകുപ്പില്‍ ഇപ്പോഴും വിവിധ ജില്ലകളിലെ ഓഫീസുകളില്‍ യു.ഡി.ക്ലാര്‍ക്കുമാരുടെ തസ്തികകള്‍ വിഭജിച്ച് നിലനിര്‍ത്തിയിട്ടുണ്ടോ;

(ബി)	യു.ഡി.ക്ലാര്‍ക്കായി പ്രമോഷന്‍ നേടുന്ന ജീവനക്കാരെ അതാത് ഓഫീസുകളില്‍ നിന്ന് മറ്റ് ഓഫീസുകളിലേക്കും ഇതര ജില്ലകളിലെ ഓഫീസുകളിലേക്കും ട്രാന്‍ഫര്‍ നല്‍കി നിയമിക്കാറുണ്ടോ;

(സി)	സംസ്ഥാനത്തെ എല്ലാ വകുപ്പുകളിലും എല്‍.ഡി / യു.ഡി. അനുപാതം ഓഫീസുകളില്‍ പ്രത്യേകമായി നിലനിര്‍ത്താതെ വകുപ്പ് ഒരു സിംഗിള്‍ യൂണിറ്റായി കണക്കാക്കി ക്ലാര്‍ക്ക് തസ്തിക ഒന്നായിക്കണ്ട് നിയമനം നടത്തണമെന്ന് 16.03.1989 -ലെ GO(P)5/89/P&ARD പ്രകാരം ഉത്തരവായിട്ടുള്ള വിവരം ശ്രദ്ധയില്‍പ്പെട്ടിട്ടുണ്ടോ;

(ഡി)	ഈ ഉത്തരവില്‍ നിന്ന് റവന്യു വകുപ്പിനെ ഏതെങ്കിലും തരത്തില്‍ ഒഴിവാക്കിയിട്ടുണ്ടോ;

(ഇ)

ഇല്ലെങ്കില്‍ നിലവില്‍ യു.ഡി. ക്ലാര്‍ക്കായി പ്രമോഷന്‍ ലഭിക്കുന്ന ജീവനക്കാരെ മറ്റ് ഓഫീസുകളിലേക്കും ഇതര ജില്ലകളിലേക്കും ട്രാന്‍സ്ഫര്‍ ചെയ്യുന്ന സമ്പ്രദായം ഒഴിവാക്കി എല്‍.ഡി / യു.ഡി. അനുപാതം സംസ്ഥാനതലത്തില്‍ റവന്യു കമ്മീഷണറേറ്റില്‍ മെയിന്റയിന്‍ ചെയ്ത് ക്ലാര്‍ക്ക് എന്നത് ഒന്നായിക്കണ്ട് നിയമനം നടത്തുന്നതിന് നടപടി സ്വീകരിക്കുമോ?

റവന്യൂ വകുപ്പില്‍ സ്ഥലം മാറ്റത്തിന് മാനദണ്ഡങ്ങള്‍

3017.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ വകുപ്പില്‍ സ്ഥലം മാറ്റത്തിന് (റീ അലോട്ട്മെന്റ്) നിലവില്‍ സ്വീകരിച്ചുവരുന്ന മാനദണ്ഡങ്ങള്‍ വിശദമാക്കാമോ;

(ബി)	കംപാഷണേറ്റ് വ്യവസ്ഥയില്‍ ചട്ടപ്രകാരം സ്ഥലം മാറ്റം നല്‍കുന്നതിന്റെ അനുപാതം എത്രയെന്ന് വിശദമാക്കാമോ;

(സി)	എങ്കില്‍ 2016 ജൂണിനു ശേഷം പാലക്കാട്, മലപ്പുറം ജില്ലകളില്‍ നിന്നും തിരുവനന്തപുരം ജില്ലയിലേക്ക് റീ അലോട്ട്മെന്റ് വഴി എത്ര പേര്‍ക്ക് സ്ഥലം മാറ്റം നല്‍കിയിട്ടുണ്ടെന്ന് വ്യക്തമാക്കുമോ;

(ഡി)	പ്രസ്തുത സ്ഥലം മാറ്റത്തിന് ചട്ടപ്രകാരമുള്ള അനുപാതം പാലിച്ചിട്ടുണ്ടോ; ഇല്ലെങ്കില്‍ അതിനുള്ള കാരണം വിശദമാക്കാമോ;

(ഇ)	വ്യവസ്ഥകള്‍ ലംഘിച്ച് സ്ഥലംമാറ്റ ഉത്തരവ് പുറപ്പെടുവിച്ചിട്ടുണ്ടെങ്കില്‍ പ്രസ്തുത ഉത്തരവ് റദ്ദ് ചെയ്യുന്നതിനും അര്‍ഹരായവര്‍ക്ക് സ്ഥലം മാറ്റം നല്‍കുന്നതിനും അടിയന്തര നടപടികള്‍ സ്വീകരിക്കുമോ; വിശദമാക്കാമോ?

റവന്യു അദാലത്തുകള്‍

3018.

(എ)	താലൂക്ക് തലത്തില്‍ റവന്യൂ അദാലത്തുകള്‍ നടത്താന്‍ ആലോചിക്കുന്നുണ്ടോ; വിശദമാക്കുമോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം താലൂക്ക് തലത്തിലോ വില്ലേജ് തലത്തിലോ റവന്യൂ അദാലത്തുകള്‍ നടത്തിയിട്ടുണ്ടോ; എങ്കില്‍ എവിടെയൊക്കെയെന്ന് വിശദീകരിക്കുമോ?

റിവര്‍ മാനേജ്മെന്റ് ഫണ്ടില്‍ ഉള്‍പെടുത്തി സമര്‍പ്പിച്ച പദ്ധതികള്‍

3019.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം റിവര്‍ മാനേജ്മെന്റ് ഫണ്ടില്‍ ഉള്‍പെടുത്തി നടപ്പിലാക്കുന്നതിനു കോഴിക്കോട് ജില്ലാതല കമ്മിറ്റി ശുപാര്‍ശ ചെയ്ത് സര്‍ക്കാരിലേയ്ക്ക് സമര്‍പ്പിച്ച പ്രവൃത്തികള്‍ ഏതെല്ലാം;

(ബി)	ഇതിൽ ഏതെല്ലാം പ്രവർത്തികൾക്ക് ഭരണാനുമതി ലഭിച്ചു; ഭരണാനുമതി ലഭിച്ച പ്രവൃത്തികളില്‍ കൊയിലാണ്ടി മണ്ഡലത്തില്‍ ഉള്‍പ്പെടുന്ന പ്രവൃത്തികള്‍ ഏതെല്ലാം;

(സി)	കൊയിലാണ്ടി മണ്ഡലത്തിലെ പയ്യോളി കോട്ടതുരുത്തി ദ്വീപിന്റെ കര സംരക്ഷിക്കുന്നതിന് തുക അനുവദിച്ചിട്ടുണ്ടോ; വ്യക്തമാക്കുമോ?

പട്ടയം നല്കുന്നതിന് സ്വീകരിച്ച നടപടി

3020.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയം ജില്ലയില്‍ കാഞ്ഞിരപ്പള്ളി താലൂക്കില്‍ മണിമല വില്ലേജില്‍ ആലപ്ര-പൊന്തന്‍പുഴ ഭാഗത്ത് വനത്തിനോട് അതിര്‍ത്തി പങ്കിടുന്ന പ്രദേശങ്ങളിലുള്ള ചിലര്‍ക്ക് പട്ടയം ലഭിച്ചിട്ടുള്ളതും അര്‍ഹതപ്പെട്ട പലര്‍ക്കും ലഭിച്ചിട്ടില്ലാത്തതും ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് സംബന്ധിച്ച് വ്യക്തികളുടെയോ സന്നദ്ധ സംഘടനകളുടെയോ അപേക്ഷകള്‍ ലഭിച്ചിട്ടുണ്ടോ; എങ്കില്‍ ആയതിന്മേൽ സ്വീകരിച്ച നടപടികള്‍ വിശദമാക്കുമോ;

(സി)	നടപടികള്‍ സ്വീകരിച്ചിട്ടില്ലെങ്കില്‍, നുറ് വര്‍ഷത്തിലധികമായി കൈവശം വച്ച് അനുഭവിച്ചുവരുന്നതും രജിസ്ട്രേഡ് ആധാരമുള്ളതുമായ അര്‍ഹതപ്പെട്ടവര്‍ക്ക് പട്ടയം നല്കുന്നതിന് അടിയന്തര നടപടി സ്വീകരിക്കുമോ എന്ന് വ്യക്തമാക്കുമോ?

അരൂര്‍ കെല്‍ട്രോണ്‍ കുമ്പളങ്ങി പാലത്തിന്റെ അപ്രോച്ച് റോഡ്

3021.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	അരൂര്‍ കെല്‍ട്രോണ്‍ കുമ്പളങ്ങി പാലത്തിന്റെ അപ്രോച്ച് റോഡിനുള്ള സ്ഥലമെടുപ്പ് സംബന്ധമായ നടപടികള്‍ ഏതു ഘട്ടത്തിലാണ്;

(ബി)	കുമ്പളങ്ങി വില്ലേജില്‍ എത്ര സ്ഥലമുടമകളുടെ ഭൂമി ഏറ്റെടുക്കേണ്ടിവരും;

(സി)	സ്ഥലമുടമകളില്‍ എത്ര പേര്‍ പൊതുമരാമത്ത് വകുപ്പിന് അഡ്വാന്‍സായി സമ്മതപത്രം നല്‍കിയിട്ടുണ്ട്;അവരുടെ പേരുകള്‍ വ്യക്തമാക്കാമോ;

(ഡി)	അരൂര്‍, കുമ്പളങ്ങി വില്ലേജുകളിലായി ആകെ എത്ര സെന്റ് സ്ഥലം സര്‍ക്കാര്‍ ഏറ്റെടുക്കേണ്ടിവരും;

(ഇ)	പൊതുമേഖലാ സ്ഥാപനമായ അരൂര്‍ കെല്‍ട്രോണ്‍ കണ്‍ട്രോള്‍സിനെ ഭൂമി വിട്ടുനല്‍കുന്നതിന് സമീപിച്ചിട്ടുണ്ടോ; ആയതിന്റെ വിശദാംശങ്ങള്‍ ലഭ്യമാക്കാമോ;

(എഫ്)

അരൂര്‍ വില്ലേജില്‍ ഭൂമി ഏറ്റെടുക്കുന്നതിന് സംയുക്ത പരിശോധന നടത്തിയിരുന്നോ; ഭൂമി ഏറ്റെടുക്കുന്നതിന് ഭൂമി അളന്ന് അതിര്‍ത്തി കല്ലുകള്‍ സ്ഥാപിച്ചിട്ടുണ്ടോ;അപ്രോച്ച് റോഡിനുള്ള ഭൂമി ഏറ്റെടുക്കുന്നതിന് കാലതാമസം വരുന്നതായി ശ്രദ്ധയില്‍പെട്ടിട്ടുണ്ടോ;

(ജി)

ആലപ്പുഴ ജില്ലാതല പര്‍ച്ചേസ് കമ്മിറ്റി യോഗത്തില്‍ സെന്റ് ഒന്നിന് ജില്ലാകളക്ടര്‍ സമ്മതിച്ച വില എത്ര രൂപയാണ്; ടി പാലത്തിന്റെ അപ്രോച്ച് റോഡിനുള്ള ഭൂമി ഏറ്റെടുക്കുന്നതിലുള്ള തടസ്സങ്ങള്‍ നീക്കുന്നതിന് റവന്യു പ്രിന്‍സിപ്പല്‍ സെക്രട്ടറിയുടെ നേതൃ ത്വത്തില്‍ ഉദ്യോഗസ്ഥരുടെ യോഗം വിളിച്ചു ചേര്‍ക്കുന്നതിന് നിര്‍ദ്ദേശിക്കുമോ?

ലാന്റ് ട്രൈബ്യൂണലുകള്‍

3022.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കൈവശത്തിലുള്ള ഭൂമിയുടെ പട്ടയത്തിനായി വര്‍ഷങ്ങളോളം ലാന്റ് ട്രൈബ്യൂണലുകളില്‍ കയറി ഇറങ്ങുന്ന ഭൂവുടമകളുടെ പ്രയാസം വിലയിരുത്തിയിട്ടുണ്ടോ;

(ബി)	ഇക്കാര്യം പരിഹരിക്കുന്നതിന് സമയബന്ധിതമായ പദ്ധതിക്ക് രൂപം നല്‍കുമോ;

(സി)	ട്രൈബ്യൂണലുകള്‍, വില്ലേജുകളില്‍ ക്യാമ്പ് സിറ്റിങ് നടത്തി കേസുകള്‍ തീര്‍പ്പാക്കുന്നതിനുള്ള സംവിധാനം സ്വീകരിക്കുമോ; വ്യ‍ക്തമാക്കുമോ?

നേവല്‍ അക്കാഡമിയ്ക്കായി സ്ഥലം വിട്ടുനല്‍കിയവര്‍ക്കുള്ള നഷ്ടപരിഹാര തുക

3023.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	രാമന്തളി നേവല്‍ അക്കാഡമിയ്ക്കായി സ്ഥലം വിട്ടുനല്‍കിയവര്‍ക്കുള്ള നഷ്ടപരിഹാര തുക നല്‍കുന്നത്, നടപടികളിലെ കാലതാമസം കാരണം വൈകുന്നു എന്ന പരാതി ലഭിച്ചിട്ടുണ്ടോ;

(ബി)	പ്രസ്തുത നഷ്ടപരിഹാര തുക കാലതാമസം ഒഴിവാക്കി വിതരണം ചെയ്യുവാന്‍ നടപടി സ്വീകരിക്കുമോ?

സ്കൂള്‍ ഗ്രൗണ്ട് നിര്‍മ്മാണം

3024.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

വളപട്ടണം ഗവണ്മെന്റ് ഹയര്‍ സെക്കന്ററി സ്കൂളിന് റവന്യൂ വകുപ്പിന്റെ പരിധിയിലുള്ള ഭൂമി സ്കൂള്‍ ഗ്രൗണ്ട് നിര്‍മ്മിക്കുന്നതിനായി വകുപ്പുകള്‍ തമ്മിലുള്ള ഭൂമി കൈമാറ്റ വ്യവസ്ഥപ്രകാരം കൈമാറിക്കിട്ടുന്നതിന് സര്‍ക്കാരില്‍ നിലവിലുള്ള 23/L2/16/Rev. നമ്പര്‍ ഫയലില്‍ അന്തിമ ഉത്തരവ് പുറപ്പെടുവിച്ചിട്ടുണ്ടോ; എങ്കിൽ ആയതിന്റെ പകര്‍പ്പ് ലഭ്യമാക്കുമോ;

(ബി)	2014 ല്‍ നല്‍കിയ ശുപാര്‍ശയില്‍ കാലതാമസത്തിനുള്ള കാരണം പരിശോധിച്ചിട്ടുണ്ടോ; എങ്കില്‍ ആയത് വ്യക്തമാക്കുമോ;

(സി)	ടി ഭൂമി കൈമാറ്റ നടപടികള്‍ എന്നത്തേക്ക് പൂര്‍ത്തിയാക്കാന്‍ കഴിയുമെന്ന് വ്യക്തമാക്കുമോ?

കെട്ടിടം നിര്‍മ്മിക്കാന്‍ റവന്യൂ ഭൂമി

3025.

ശ്രീ.പി.ടി.എ. റഹീം : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

കുന്ദമംഗലം എക്സൈസ് റേഞ്ച് ഓഫീസിന് സ്വന്തമായി കെട്ടിടം നിര്‍മ്മിക്കാന്‍ റവന്യൂ ഭൂമി വിട്ടുനല്‍കുന്നത് സംബന്ധിച്ച 61396/L2/2014/Rev ഫയലിന്മേല്‍ സ്വീകരിച്ച നടപടികള്‍ വിശദമാക്കാമോ?

വെളളായണി കായല്‍ ഭൂമി

3026.

ശ്രീ.എം. വിന്‍സെന്റ് : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

വെളളായണി കായലിന്റെ വിസ്തീര്‍ണ്ണം എത്രയാണ്; വെളളത്തിനടിയില്‍ കൃഷി ചെയ്യാന്‍ കഴിയാതെ കിടക്കുന്ന ഭൂമി അളന്ന് തിട്ടപ്പെടുത്തിയിട്ടുണ്ടോ; എങ്കില്‍ എത്ര വിസ്തീര്‍ണ്ണമുണ്ട്; പ്രസ്തുതസ്ഥലം ഏറ്റെടുക്കുന്നതിനുളള നടപടി സ്വീകരിക്കുമോ?

തേവരയിലെ കായല്‍ കയ്യേറ്റം

3027.

(എ)	തേവര ജംഗ്ഷന്‍ മുതല്‍ തേവര തെക്കേ അറ്റം ഫെറി വരെ വേമ്പനാട് കായല്‍ അനധികൃതമായി ആരെങ്കിലും കൈവശം വച്ചിട്ടുണ്ടോ;

(ബി)	ഉണ്ടെങ്കിൽ കായല്‍ കയ്യേറി നികത്തി കൈവശം വച്ചിട്ടുള്ള വ്യക്തികളും സ്ഥാപനങ്ങളും ഏതൊക്കെയെന്ന് വ്യക്തമാക്കാമോ;

(സി)	തേവര പടിഞ്ഞാറന്‍ കായല്‍ തീരം അളന്നു തിട്ടപ്പെടുത്തി കയ്യേറ്റങ്ങള്‍ ഒഴിപ്പിക്കുവാന്‍ നടപടി സ്വീകരിക്കുമോ?

വാമനപുരം നിയോജക മണ്ഡലത്തില്‍ സ്വന്തമായി കെട്ടിടമില്ലാത്ത സര്‍ക്കാര്‍ ഓഫീസുകള്‍

3028.

(എ)	വാമനപുരം നിയോജക മണ്ഡലത്തില്‍ സ്വന്തമായി കെട്ടിടമില്ലാത്ത സര്‍ക്കാര്‍ ഓഫീസുകള്‍ ഏതൊക്കെ;വിശദമാക്കുമോ;

(ബി)	അവയ്ക്ക് സ്വന്തമായി കെട്ടിടം നിര്‍മ്മിക്കാന്‍ സമയബന്ധിതമായി നടപടി സ്വീകരിക്കുമോ?

ഹാരിസണ്‍ മലയാളം പ്ലാന്റേഷന്‍സ് അനധികൃതമായി കെവശം വച്ചിരിക്കുന്ന തോട്ടം ഭൂമി

3029.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഹാരിസണ്‍ മലയാളം പ്ലാന്റേഷന്‍സ് അനധികൃതമായി തോട്ടം ഭൂമി കെവശം വെച്ചിരിക്കുന്നതു സംബന്ധിച്ച് ,ജില്ലാ കളക്ടറായിരുന്ന ശ്രീ. രാജമാണിക്യം നല്‍കിയ റിപ്പോര്‍ട്ടിന്‍മേല്‍ ഇതുവരെ എന്ത് നടപടി സ്വീകരിച്ചു;

(ബി)	1947 ല്‍ ബ്രിട്ടീഷ് കമ്പനികള്‍ ഉപേക്ഷിച്ചു പോയ തോട്ടം അനധികൃതമായി ഹാരിസണ്‍ മലയാളം പ്ലാന്റേഷന്‍സ് കെെവശപ്പെടുത്തിയത് സ‍ംബന്ധിച്ച് എന്‍ഫോഴ്സ്മെന്റ്/സി. ബി. എെ. അന്വേഷണ‍ം നടത്തണമെന്ന് ശ്രീ. രാജമാണിക്യം നൽകിയ ശുപാര്‍ശയില്‍ തുടര്‍ നടപടി സ്വീകരിച്ചിട്ടുണ്ടോ എന്ന് വ്യക്തമാക്കുമോ?

ഭൂമിയുടെ ന്യായവില

3030.

(എ)	മലപ്പുറം ജില്ലയിലെ ഏറനാട് താലൂക്കിലെ മഞ്ചേരി, നറുകര വില്ലേജുകളിലെ ന്യായവില പുതുക്കി നിശ്ചയിക്കുന്നതിന്റെ നിലവിലെ അവസ്ഥ വിശദമാക്കാമോ;

(ബി)	റവന്യൂ വകുപ്പിന്റെ 8.02.2017-ലെ 468/2017/റവ. ഉത്തരവ് പ്രകാരം ആയതിന്‍ മേല്‍ ജില്ലാ കളക്ടര്‍ എന്തെല്ലാം നടപടി സ്വീകരിച്ചിട്ടുണ്ട്;വിശദമാക്കാമോ;

(സി)	പ്രസ്തുത ഉത്തരവിന്റെ അടിസ്ഥാനത്തില്‍ ഫെയര്‍ വാല്യൂ നിശ്ചയിച്ച് ഉത്തരവ് പുറപ്പെടുവിക്കുന്നതിന് എന്തെല്ലാം നടപടികള്‍ പൂര്‍ത്തീകരിക്കേണ്ടതുണ്ട്; വിശദാംശം നല്‍കുമോ;

(ഡി)	പ്രസ്തുത വില്ലേജുകളിലെ ന്യായവില പുന:ക്രമീകരിക്കുന്നതിന് അടിയന്തിര നടപടികള്‍ സ്വീകരിക്കുമോ; വിശദമാക്കാമോ?

കുടവൂര്‍ വില്ലേജ് ഓഫീസ് കെട്ടിടം

3031.

ശ്രീ.വി. ജോയി : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

വര്‍ക്കല നിയോജക മണ്ഡലത്തിലെ കുടവൂര്‍ വില്ലേജ് ഓഫീസ് കെട്ടിടം കാലപ്പഴക്കത്താല്‍ ജീര്‍ണ്ണിച്ച് തകര്‍ന്നു വീഴാന്‍ സാദ്ധ്യതയുള്ള സാഹചര്യത്തില്‍ പ്രസ്തുത വില്ലേജിന് പുതിയ ഓഫീസ് കെട്ടിടം പണിയുന്നതിന് ആവശ്യമായ നടപടി സ്വീകരിക്കുമോ?

വില്ലേജ് ഓഫീസിന്റെ ജോലിഭാരം

3032.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് താലൂക്കിലെ പിരായിരി വില്ലേജ് ഓഫീസിന്റെ ജോലിഭാരം വളരെ കൂടുതലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ പ്രസ്തുത വില്ലേജ് ഓഫീസിനെ വിഭജിച്ച് അപേക്ഷകരുടെയും മറ്റും ബാഹുല്യം ലഘൂകരിക്കുന്നതിന് വേണ്ട നടപടി സ്വീകരിക്കുമോ?

ബീനാച്ചി എസ്റ്റേറ്റ്

3033.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വയനാട് ജില്ലയില്‍ മദ്ധ്യപ്രദേശ് സര്‍ക്കാരിന്റെ ഉടമസ്ഥതയിലുളള ബീനാച്ചി എസ്റ്റേറ്റിന്റെ വിസ്തൃതി എത്രയാണ്;

(ബി)	ബീനാച്ചി എസ്റ്റേറ്റ് കേരള സര്‍ക്കാര്‍ ഏറ്റെടുത്ത് സംരക്ഷിക്കുവാനുളള നടപടികള്‍ സ്വീകരിക്കുമോ?

കായംകുളം മണ്ഡലത്തിലെ റവന്യു ഭൂമിയും പുറമ്പോക്ക് സ്ഥലങ്ങളും

3034.

ശ്രീമതി യു. പ്രതിഭ ഹരി : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

കായംകുളം മണ്ഡലത്തില്‍ ഉള്‍പ്പെട്ട പത്തിയൂര്‍, കൃഷ്ണപുരം, ദേവികുളങ്ങര, കണ്ടല്ലൂര്‍, ചെട്ടിക്കുളങ്ങര, ഭരണിക്കാവ് പഞ്ചായത്തുകളിലും കായംകുളം നഗരസഭയിലും ഉള്ള റവന്യു ഭൂമിയും പുറമ്പോക്ക് സ്ഥലങ്ങളും എവിടെയൊക്കെ സ്ഥിതിചെയ്യുന്നു എന്നും ഇതില്‍ ഓരോന്നിന്റെയും വിസ്തീര്‍ണ്ണം എത്രയെന്നും പ്രത്യേകം തരംതിരച്ച് ലഭ്യമാക്കാമോ?

മലപ്പുറം ക്യാന്‍സര്‍ സെന്ററിന് ഭൂമി നല്‍കുന്നതിന് നടപടി

3035.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ക്യാന്‍സര്‍ സെന്റര്‍ ആന്റ് റിസര്‍ച്ച് ഇന്‍സ്റ്റിറ്റ്യൂട്ടിന്, വ്യവസായ വകുപ്പിന്റെ ഉടമസ്ഥതയിലുളള ഇന്‍കെല്‍ എജ്യുസിറ്റിയില്‍, ഇരുപത്തിയ‍‍‍‍ഞ്ച് ഏക്കര്‍ ഭൂമി അനുവദിച്ചുകൊണ്ട് മുന്‍ സര്‍ക്കാര്‍ ഉത്തരവിറക്കിയിട്ടുണ്ടോ;

(ബി)	ഇതിന്റെ അടിസ്ഥാനത്തില്‍ സെന്ററിന് ഭൂമി ഏറ്റെടുക്കുന്നതുമായി ബന്ധപ്പെട്ട് നാളിതുവരെ സ്വീകരിച്ച നടപടികള്‍ വിശദീകരിക്കാമോ;

(സി)	ഭൂമി ഏറ്റെടുത്ത് നല്‍കുന്നതില്‍ എന്തെങ്കിലും സാങ്കേതിക തടസ്സങ്ങള്‍ നിലവിലുണ്ടോ; വിശദാംശം നല്‍കുമോ;

(ഡി)	ക്യാന്‍സര്‍ സെന്ററിന് പ്രസ്തുത ഭൂമി എന്ന് ഏറ്റെടുത്ത് നല്‍കാനാകുമെന്ന് വെളിപ്പെടുത്തുമോ?

ബീനാച്ചി എസ്റ്റേറ്റ് പ്രദേശത്തുള്ളവരുടെ ഭൂമി പ്രശ്നം പരിഹരിക്കുവാന്‍ നടപടി

3036.

(എ)	മദ്ധ്യപ്രദേശ് സര്‍ക്കാരിന്റെ ഉടമസ്ഥതയിലുള്ള വയനാട് ജില്ലയിലെ ബീനാച്ചി എസ്റ്റേറ്റ് പ്രദേശത്തുള്ള ചൂരിമല നിവാസികള്‍ക്ക് ഭൂമിരേഖ ലഭിക്കാത്തതു സംബന്ധിച്ച വിഷയം ശ്രദ്ധയില്‍പ്പെട്ടിട്ടുണ്ടോ;

(ബി)	ചൂരിമല ഭൂമി പ്രശ്നം പരിഹരിക്കുവാനായി സ്വീകരിച്ച നടപടികള്‍ വ്യക്തമാക്കാമോ;

(സി)	മദ്ധ്യപ്രദേശ് സര്‍ക്കാരുമായി ബന്ധപ്പെട്ട് ചൂരിമല ഭൂമി പ്രശ്നം പരിഹരിക്കുവാനുള്ള നടപടികള്‍ സ്വീകരിക്കുമോ?

കോതമംഗലം മണ്ഡലത്തില്‍ പുതുതായി പട്ടയ വിതരണം

3037.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം കോതമംഗലം മണ്ഡലത്തില്‍ പുതുതായി പട്ടയ വിതരണം നടന്നിട്ടുണ്ടോ; വിശദമാക്കാമോ;

(ബി)	പട്ടയം ലഭിച്ചവരുടെ പേരും വിലാസവും ലഭ്യമാക്കുമോ?

കാര്‍ഷിക വായ്പകള്‍ക്ക് മോറട്ടോറിയം

T 3038.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാര്‍ഷിക വായ്പകള്‍ക്ക് മെയ് 31 വരെ മോറട്ടോറിയം പ്രഖ്യാപിച്ചെങ്കിലും ആയത് സംബന്ധിച്ച സര്‍ക്കുലര്‍ പുറപ്പെടുവിച്ചിട്ടില്ലായെന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ ; എങ്കില്‍ സര്‍ക്കുലര്‍ പുറപ്പെടുവിക്കുന്നതിനുള്ള നടപടി സ്വീകരിക്കുമോ;

(ബി)	മോറട്ടോറിയം പ്രഖ്യാപിച്ചതിനെത്തുടര്‍ന്ന് കാര്‍ഷിക വായ്പ തിരിച്ചടയ്ക്കാത്ത കര്‍ഷകര്‍ക്കെതിരെ ജപ്തി നടപടികള്‍ ആരംഭിച്ചതായി ദൃശ്യമാദ്ധ്യമങ്ങളില്‍ വന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തിലാവശ്യമായ അടിയന്തിര തുടര്‍നടപടികള്‍ സ്വീകരിക്കുമോ?

തലശ്ശേരി-മാഹി ബൈപ്പാസ്

3039.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	തലശ്ശേരി- മാഹി ബൈപ്പാസിന് 2017 ജനുവരി 31 വരെ എത്ര ഏക്കര്‍ സ്ഥലം ഏറ്റെടുത്തിട്ടുണ്ട്; ഇവയുടെ സര്‍വ്വേ നമ്പര്‍, സബ് ഡിവിഷന്‍ നമ്പര്‍, വില്ലേജ്, ദേശം എന്നിവ തിരിച്ച് ലഭ്യമാക്കുമോ;

(ബി)	നിര്‍ദ്ദിഷ്ട തലശ്ശേരി മാഹി ബൈപ്പാസില്‍ ഇനി എത്ര സ്ഥലം ഏറ്റെടുക്കാന്‍ ബാക്കിയുണ്ട്; ഇവ സര്‍വ്വേ നമ്പര്‍, സബ് ഡിവിഷന്‍ നമ്പര്‍, വില്ലേജ്, ദേശം എന്നിവ തിരിച്ച് ലഭ്യമാക്കുമോ;

(സി)	സ്ഥലം ഏറ്റെടുത്ത വകയില്‍ എത്ര തുക സ്ഥലം ഉടമകള്‍ക്ക് നല്‍കാന്‍ ബാക്കിയുണ്ട്; ഇത് എത്ര മാസം കൊണ്ട് കൊടുത്ത് തീര്‍ക്കും; വിശദാംശം അറിയിക്കുമോ?

നേരേകടവ്, മാക്കേക്കടവ് പാലത്തിന്റെ അപ്രോച്ച് റോഡ്

3040.

(എ)	തുറവൂര്‍-പമ്പ പാതയിലെ പ്രധാന പാലമായ നേരേകടവ്, മാക്കേക്കടവ് പാലത്തിന്റെ അപ്രോച്ച് റോഡിന്റെ സ്ഥലമെടുപ്പ് നടപടികള്‍ ഏതു ഘട്ടത്തിലാണെന്ന് വിശദമാക്കാമോ;

(ബി)	പാലത്തിന്റെ ഇരുകരകളിലുമുളള റോഡ് അല്ലാതെ ഇതിനോട് ചേര്‍ന്ന് സര്‍ക്കാര്‍ ഭൂമി, പുറംപോക്ക്, കായല്‍ പുറംമ്പോക്ക് തുടങ്ങിയ പ്രദേശങ്ങള്‍ നിലവിലുണ്ടോ;

(സി)	പുറമ്പോക്ക്ഭൂമിയുടെ സ്കെച്ച്, ലിത്തോ പ്ലാന്‍ പ്രകാരം അളന്ന് തിരിച്ചിട്ടുണ്ടോ;

(ഡി)	കായല്‍ പുറമ്പോക്ക് പതിച്ച് നല്‍കിയിട്ടുണ്ടെങ്കില്‍ പൊതു ആവശ്യത്തിന് തിരികെ എടുക്കുന്നതിന് നിയമം അനുവദിക്കുന്നുണ്ടോ;

(ഇ)	സ്ഥലമെടുപ്പ് നിയമം അനുസരിച്ച് സോഷ്യല്‍ ഇംപാക്ട് സ്റ്റഡി നടത്തിയിട്ടുണ്ടോ; വിശദമാക്കാമോ?

ഹെല്‍ത്ത് സബ്-സെന്റര്‍ സ്ഥാപിക്കുന്നതിന് ഭൂമി ഏറ്റെടുക്കൽ

3041.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

വര്‍ക്കല മണ്ഡലത്തിലെ അയിരൂര്‍ വില്ലേജില്‍ ബ്ലോക്ക് നം.3-ല്‍ റീ സര്‍വ്വേ നമ്പര്‍ 293/5-ല്‍ ഉള്‍പ്പെട്ട ഒരു ഏക്കര്‍ ഭൂമിയില്‍ നിന്ന് 10 സെന്റ് 2001-ല്‍ ശ്രീ. ദേവരാജന്‍ എന്ന പൊതുപ്രവര്‍ത്തകന്‍ ഹെല്‍ത്ത് സബ്ബ്-സെന്റര്‍ സ്ഥാപിക്കുന്നതിന് വിട്ടു നല്‍കിയിരുന്നുവെങ്കിലും ആയത് സര്‍ക്കാര്‍ ഭൂമിയായി ഏറ്റെടുക്കുന്നതിനുള്ള നടപടി 16 വര്‍ഷക്കാലമായിട്ടും പൂര്‍ത്തിയാക്കിയിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ സര്‍ക്കാര്‍ ഭൂമിയായി ഏറ്റെടുക്കുന്നതിന് സത്വര നടപടി സ്വീകരിക്കുമോ:

(ബി)	പ്രസ്തുത ഭൂമി സര്‍ക്കാര്‍ ഭൂമിയായി മാറ്റുന്നതിനുള്ള നടപടി പൂര്‍ത്തിയാക്കുന്നതിന് കാലപരിധി നിശ്ചയിക്കുമോ എന്ന് വ്യക്തമാക്കുമോ?

സമുദ്രതീര പുറമ്പോക്ക് പതിച്ചു നല്‍കുവാന്‍ നടപടി

3042.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	തീരദേശ മത്സ്യത്തൊഴിലാളികള്‍ക്ക് അവര്‍ വര്‍ഷങ്ങളായി കൈവശം വച്ച് അനുഭവിക്കുന്ന സമുദ്രതീര പുറമ്പോക്ക് പതിച്ചു നല്‍കുവാന്‍ നടപടി സ്വീകരിക്കുമോ;

(ബി)	സര്‍ക്കാര്‍ ഉത്തരവ് കാത്ത് എത്ര പേരുടെ ഫയല്‍ പരിഗണനയിലുണ്ട്; ആയത് പരിഹരിക്കുന്നതിന് ശ്രമിക്കുമോ;

(സി)	ഇത്തരത്തില്‍ കോവളം നിയോജകമണ്ഡലത്തിലെ വിഴിഞ്ഞം, കോട്ടുകാല്‍, കരുങ്കുളം, പൂവ്വാര്‍ എന്നീ തീരദേശ വില്ലേജുകളില്‍ നിന്നും റിപ്പോര്‍ട്ട് തയ്യാറാക്കി സമര്‍പ്പിച്ചവര്‍ക്ക് ഉടന്‍ പട്ടയം നല്‍കാന്‍ തയ്യാറാകുമോ?

വരള്‍ച്ചാ ദുരിതാശ്വാസ പ്രവര്‍ത്തനങ്ങള്‍

3043.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വരള്‍ച്ചാ ദുരിതാശ്വാസത്തിന് വേണ്ടി തദ്ദേശ സ്വയം ഭരണ സ്ഥാപനങ്ങള്‍ക്ക് ഫണ്ടുകള്‍ കൈമാറിയിട്ടുണ്ടോ; വിശദാംശങ്ങള്‍ ലഭ്യമാക്കാമോ;

(ബി)	ഇതിന് വേണ്ടി കേന്ദ്രത്തില്‍ നിന്നും ലഭിച്ച സാമ്പത്തിക സഹായങ്ങളുടെ വിശദാംശങ്ങള്‍ ലഭ്യമാക്കാമോ?

വരള്‍ച്ചാ ദുരിതാശ്വാസ പ്രവര്‍ത്തനങ്ങള്‍

3044.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

വരള്‍ച്ചാ ദുരിതാശ്വാസത്തിന്റെ ഭാഗമായുള്ള സര്‍ക്കാര്‍ പ്രവര്‍ത്തനങ്ങള്‍ ഏതെല്ലാം വകുപ്പുകളിലൂടെ, എങ്ങനെ നടത്താനാണ് ഉദ്ദേശിക്കുന്നതെന്ന് വ്യക്തമാക്കുമോ?

കാഞ്ഞൂര്‍ പഞ്ചായത്തില്‍ മിനി സിവില്‍ സ്റ്റേഷന്‍

3045.

(എ)	ആലുവ മണ്ഡലത്തില്‍ കാഞ്ഞൂര്‍ പഞ്ചായത്തില്‍ ഉള്‍പ്പെട്ടുവരുന്ന കിഴക്കുംഭാഗം വില്ലേജാഫീസ് കോമ്പൗണ്ടിലെ മിച്ചമുള്ള സ്ഥലത്ത് മിനി സിവില്‍ സ്റ്റേഷന്‍ പണിയണമെന്ന് ആവശ്യപ്പെട്ട് കാഞ്ഞൂര്‍ പഞ്ചായത്ത് അപേക്ഷ സമര്‍പ്പിച്ചിട്ടുണ്ടോ;

(ബി)	കാഞ്ഞൂരില്‍ മിനി സിവില്‍ സ്റ്റേഷന്‍ പണിയുവാന്‍ അനുമതി നല്‍കുമോ?

കൊച്ചിന്‍ കോളേജ്

3046.

(എ)	കൊച്ചി താലൂക്കിലെ ചുള്ളിക്കലില്‍ പ്രവര്‍ത്തിക്കുന്ന കൊച്ചിന്‍ കോളേജിന്റെ ഭൂമിയില്‍ റവന്യു വകുപ്പിന് അധികാരമുണ്ടോ;

(ബി)	ഉണ്ടെങ്കില്‍ എത്ര ഭൂമിയിലാണെന്ന് വ്യക്തമാക്കാമോ;

(സി)	പ്രസ്തുത ഭൂമിയില്‍ കോളേജിന് നിശ്ചയിച്ച് നല്കിയിട്ടുള്ള പാട്ട തുക എത്രയാണ്;

(ഡി)	അനുവദിച്ചതില്‍ കൂടുതല്‍ ഭൂമി കോളേജ് കൈവശം വച്ച് ഉപയോഗിക്കുന്നുണ്ടോ; വിശദമാക്കാമോ?

കാടുകുറ്റി വില്ലേജ് ഓഫീസ്

3047.

ശ്രീ.ബി.ഡി. ദേവസ്സി : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

ചാലക്കുടി താലൂക്കിലെ കല്ലൂര്‍ വടക്കും മുറി വില്ലേജ് ഓഫീസിന്റെ പേര് 'കാടുകുറ്റി വില്ലേജ് ഓഫീസ് ' എന്ന് പുനര്‍നാമകരണം ചെയ്യുന്നതിനായി കാടുകുറ്റി ഗ്രാമപഞ്ചായത്ത് സമര്‍പ്പിച്ച അപേക്ഷയില്‍ അനുകൂല നടപടി സ്വീകരിക്കുമോ?

നിലമ്പൂര്‍ വില്ലേജ് ഓഫീസ്

3048.

ശ്രീ.പി.വി. അന്‍വര്‍ : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

നിലമ്പൂര്‍ മണ്ഡലത്തിലെ നഗരവില്ലേജായ നിലമ്പൂര്‍ വില്ലേജ് ഓഫീസില്‍ ആവശ്യത്തിന് ജീവനക്കാരില്ലാത്തതിനാലും പൊതുജനങ്ങള്‍ക്ക് ഇതു മൂലം ബുദ്ധിമുട്ടുണ്ടാകുന്നതിനാലും ആവശ്യത്തിന് ജീവനക്കാരെ നിയമിക്കുന്നതിന് നടപടി സ്വീകരിക്കുമോ?

കാസര്‍ഗോഡ് ജില്ലയില്‍ പട്ടയം

3049.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നിലവിലുള്ള സര്‍ക്കാര്‍ അധികാരത്തില്‍ വന്നശേഷം കാസര്‍ഗോഡ് ജില്ലയില്‍ എത്ര പേര്‍ക്ക് പട്ടയം അനുവദിച്ചിട്ടുണ്ട്; വില്ലേജ് തിരിച്ച് കണക്കും, പേരു വിവരങ്ങളും, അനുവദിക്കപ്പെട്ട ഭൂമി എത്ര വീതമാണെന്നും വ്യക്തമാക്കാമോ;

(ബി)	ഭൂരഹിത കേരളം പദ്ധതിയുടെ ഭാഗമായി കഴിഞ്ഞ സര്‍ക്കാരിന്റെ കാലത്ത് ആദ്യഘട്ടത്തില്‍ അനുവദിക്കപ്പെട്ട പട്ടയത്തിന്റെ ഉടമകള്‍ക്ക് സ്ഥലം തിട്ടപ്പെടുത്തി നല്‍കാന്‍ ബാക്കിയുണ്ടോ; ഉണ്ടെങ്കില്‍ എന്നത്തേക്ക് അളന്നു തിട്ടപ്പെടുത്തി നല്‍കാനാവും; വ്യക്തമാക്കാമോ;

(സി)	ഭൂരഹിത കേരളം പദ്ധതിയുടെ രണ്ടാം ഘട്ടത്തില്‍ സംസ്ഥാനത്ത് ആകെ എത്ര അപേക്ഷകള്‍ ലഭിച്ചിട്ടുണ്ട്; ജില്ല തിരിച്ച് വ്യക്തമാക്കാമോ;

(ഡി)	ഇത്തരത്തില്‍ ലഭിച്ച അപേക്ഷകളിന്മേല്‍ സ്വീകരിച്ച നടപടി വിശദീകരിക്കാമോ; അപേക്ഷകര്‍ക്ക് എന്നത്തേക്ക് ഭൂമി പതിപ്പിച്ചു നല്കാനാകുമെന്നു പറയുമോ ?

കാട്ടാക്കട സാംസ്കാരിക നിലയനിര്‍മ്മാണം തടസ്സപ്പെടുത്തിയ നടപടി

3050.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	2003-ല്‍, കാട്ടാക്കട പട്ടണത്തോട് ചേര്‍ന്ന് പഞ്ചായത്ത് ആരംഭിച്ച സാംസ്കാരിക നിലയത്തിനായുളള കെട്ടിട നിര്‍മ്മാണം റവന്യൂ വകുപ്പ് തടസ്സപ്പെടുത്തിയത് എന്തിനായിരുന്നെന്ന് വ്യക്തമാക്കാമോ;

(ബി)	ഈ ഭൂമിയുടെ ഉടമസ്ഥാവകാശം ആര്‍ക്കാണെന്ന് വ്യക്തമാക്കാമോ?

ചിറ്റൂരിലെ പുറമ്പോക്ക് നിവാസികള്‍ക്ക് പട്ടയം

3051.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ചിറ്റൂരിലെ പുറമ്പോക്ക് നിവാസികള്‍ക്ക് പട്ടയം ലഭിക്കുന്നതിനായി കഴിഞ്ഞ അഞ്ച് വര്‍ഷക്കാലയളവില്‍ എത്ര അപേക്ഷകള്‍ ലഭിച്ചിട്ടുണ്ട്;

(ബി)	ഇങ്ങനെ ലഭ്യമായ അപേക്ഷകളില്‍ എത്ര അപേക്ഷകര്‍ക്ക് ഭൂമി അനുവദിച്ച് നല്‍കിയിട്ടുണ്ട്; എത്ര അപേക്ഷകള്‍ നിരസിച്ചിട്ടുണ്ട്; ഭൂമി അനുവദിയ്ക്കാത്ത എത്ര അപേക്ഷകള്‍ കെട്ടിക്കിടക്കുന്നുണ്ട്;

(സി)	കഴിഞ്ഞ 5 വര്‍ഷക്കാലയളവില്‍ പട്ടയഭൂമി അനുവദിക്കുന്നതിനുളള അസൈന്‍മെന്റ് കമ്മിറ്റികള്‍ എത്രയെണ്ണം ചിറ്റൂര്‍ താലൂക്കില്‍ കൂടിയിട്ടുണ്ട്;ഇങ്ങനെ കൂടിയ ഓരോ അസൈന്‍മെന്റ് കമ്മിറ്റികളും എത്ര അപേക്ഷ പരിഗണനയ്ക്കെടുത്തു;

(ഡി)	ഓരോ കമ്മിറ്റിയിലും എത്ര അപേക്ഷകര്‍ക്ക് ഭൂമി അനുവദിച്ചു; എത്ര അപേക്ഷകള്‍ നിരസിച്ചു; വിശദാംശങ്ങള്‍ ലഭ്യമാക്കാമോ?

മൂന്നാറില്‍ അനധികൃത നിര്‍മ്മാണ പ്രവര്‍ത്തനങ്ങള്‍

3052.

ശ്രീ.എല്‍ദോസ് കുന്നപ്പിള്ളി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മൂന്നാറില്‍ അനധികൃത നിര്‍മ്മാണ പ്രവര്‍ത്തനങ്ങള്‍ നടക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	സ്റ്റോപ്പ് മെമ്മോ നല്‍കിയ ശേഷവും അനധികൃത നിര്‍മ്മാണ പ്രവര്‍ത്തനങ്ങള്‍ മൂന്നാര്‍ മേഖലയില്‍ അനുസ്യൂതം നടത്തി വരുന്നത് ഏതെങ്കിലും രാഷ്ട്രീയ പാര്‍ട്ടിയുടെ പിന്‍ബലത്തോടെയാണോ ;

(സി)	എങ്കില്‍ അനധികൃത നിര്‍മ്മാണ പ്രവര്‍ത്തനങ്ങള്‍ തടയുന്നതിനും മൂന്നാറിന്റെ ജൈവ സമ്പത്ത് സംരക്ഷിക്കുന്നതിനും നടപടി സ്വീകരിക്കുമോ?

അതിയന്നൂര്‍ വില്ലേജ് ഓഫീസ്

3053.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര മണ്ഡലത്തില്‍ അതിയന്നൂര്‍ പഞ്ചായത്തില്‍ വില്ലേജ് ഓഫീസ് ആരംഭിക്കണമെന്നുള്ള ജനങ്ങളുടെ ആവശ്യം പരിഗണിക്കാന്‍ നടപടി സ്വീകരിച്ചിട്ടുണ്ടോ;

(ബി)	നെയ്യാറ്റിന്‍കര താലൂക്കാഫീസില്‍ നിരവധി അപേക്ഷകള്‍ റീസര്‍വ്വേ നടപടികളുമായി ബന്ധപ്പെട്ട് തീര്‍പ്പാക്കുന്നതിന് കാലവിളംബം നേരിടുന്നതിനാല്‍ ആയത് സമയബന്ധിതമായി തീര്‍പ്പ് കല്പിക്കാനുള്ള നടപടി സ്വീകരിച്ചിട്ടുണ്ടോ;

(സി)	നെയ്യാര്‍തീരങ്ങളിലും കുളംപുറമ്പോക്കുകളിലും അനധികൃതമായി കൈവശം വച്ചിട്ടുള്ള സര്‍ക്കാര്‍ ഭൂമി ഒഴിപ്പിക്കാന്‍ നടപടി സ്വീകരിച്ചിട്ടുണ്ടോ;

(ഡി)	കുളത്തൂര്‍ പഞ്ചായത്തിലെ പൊഴിക്കരയില്‍, റിസോര്‍ട്ട് ഉടമകള്‍ അനധികൃതമായി ഉപയോഗിക്കുന്ന ഭൂമി വീണ്ടെടുക്കുന്നതിന് നടപടികള്‍ സ്വീകരിച്ചിട്ടുണ്ടോ; വ്യ‍ക്തമാക്കുമോ?

നെടുമങ്ങാട് താലൂക്കില്‍ റവന്യൂ വകുപ്പ് ജീവനക്കാരുടെ ഒഴിവുകള്‍

3054.

(എ)	നെടുമങ്ങാട് താലൂക്കില്‍ റവന്യൂ വകുപ്പ് ജീവനക്കാരുടെ എത്ര ഒഴിവുകള്‍ നിലവിലുണ്ടെന്ന് തസ്തിക തിരിച്ചുള്ള കണക്ക് നല്‍കാമോ;

(ബി)	പ്രസ്തുത ഒഴിവുകള്‍ നികത്തുന്നതിന് അടിയന്തര നടപടി സ്വീകരിക്കുമോ?

നെടുമങ്ങാട് താലൂക്കില്‍ പുറമ്പോക്ക് ഭൂമി കയ്യേറാന്‍ ശ്രമം

3055.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നെടുമങ്ങാട് താലൂക്കില്‍ അരുവിക്കര വില്ലേജില്‍ ബ്ലോക്ക് നമ്പര്‍ 41ല്‍ സര്‍വ്വേ നം.137/4, 137/5, 137/32, 137/35 എന്നിവയില്‍പ്പെട്ട സര്‍ക്കാരിന്റെ മൂന്നേക്കര്‍ പുറമ്പോക്ക് ഭൂമി കയ്യേറാന്‍ ശ്രമം നടക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	ടി ഭൂമി സംരക്ഷിക്കുന്നതിന് ആവശ്യമായ നടപടികള്‍ അടിയന്തരമായി സ്വീകരിക്കുമോ;

(സി)	ഇതു സംബന്ധിച്ച് ആരെങ്കിലും കത്ത് നല്‍കിയിട്ടുണ്ടോ; ഉണ്ടെങ്കില്‍ വിശദാംശം അറിയിക്കുമോ?

പയ്യന്നൂര്‍ മണ്ഡലത്തിലെ ഭൂപ്രശ്നങ്ങള്‍

3056.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പയ്യന്നൂര്‍ മണ്ഡലത്തിലെ ഭൂപ്രശ്നങ്ങള്‍ പരിഹരിക്കുന്നതിന് പ്രത്യേക സെല്ല് രൂപീകരിച്ച് പ്രവര്‍ത്തനം ആരംഭിച്ചിരുന്നുവോ; എങ്കില്‍ സെല്ലിന്റെ പ്രവര്‍ത്തനം ആരംഭിച്ചത് എപ്പോഴാണെന്നും സെല്ലിന്റെ ഘടന ഏത് തരത്തിലുള്ളതാണെന്നും വ്യക്തമാക്കാമോ;

(ബി)	പ്രസ്തുത സെല്‍ പ്രവര്‍ത്തനമാരംഭിച്ചിട്ട് ഇതുവരെ എത്ര കേസ് തീര്‍പ്പാക്കിയിട്ടുണ്ട്; വില്ലേജ്, സര്‍വ്വെ നമ്പര്‍, വ്യക്തിയുടെ പേര് എന്നിവ സഹിതം വിശദമാക്കുമോ;

(സി)	എത്ര കേസ് ഇനി തീര്‍പ്പാക്കാനുണ്ടെന്നും വില്ലേജ്, സര്‍വ്വെ നമ്പര്‍,വ്യക്തിയുടെ പേര് എന്നിവ സഹിതം വിശദമാക്കുമോ?

ആറ്റിങ്ങല്‍ മണ്ഡലത്തില്‍ റീസര്‍വ്വേ ജോലികള്‍

3057.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ആറ്റിങ്ങല്‍ മണ്ഡലത്തില്‍ റീസര്‍വ്വേ ജോലികള്‍ സമയോചിതമായി പൂര്‍ത്തിയാക്കാന്‍ കഴിയുമോ; മതിയായ സര്‍വ്വേയര്‍മാരില്ലാത്തത് ജോലി പൂര്‍ത്തീകരിക്കുന്നതിന് കാലതാമസം വരുത്തുന്നുണ്ടോ; സര്‍വ്വേയര്‍മാരുടെ എത്ര ഒഴിവുകളാണ് നിലവില്‍ ഉളളത്; നിയമന നടപടി കൈക്കൊണ്ടിട്ടുണ്ടോ;

(ബി)	ഒറ്റൂര്‍ പഞ്ചായത്തിലെ ഒറ്റൂര്‍ വില്ലേജില്‍ കയ്യേറിയ പുറമ്പോക്ക് ഭൂമി തിരിച്ച് പിടിച്ചത് ശ്രീനാരായണപുരം മാതൃക അംഗന്‍വാടി നിര്‍മ്മാണത്തിന് കൈമാറാന്‍ അദാലത്തില്‍ ധാരണയായത് ശ്രദ്ധയില്‍പെട്ടിട്ടുണ്ടോ; ഭൂമി കൈമാറിയിട്ടുണ്ടോ; കൈമാറാന്‍ എന്താണ് തടസ്സം; വിശദമാക്കുമോ?

കൂരാച്ചുണ്ട് വില്ലേജ് അതിര്‍ത്തി പുനര്‍നിര്‍ണ്ണയം

3058.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ കൂരാച്ചുണ്ട് വില്ലേജ് അതിര്‍ത്തി പുനര്‍നിര്‍ണ്ണയത്തിനുള്ള സര്‍ക്കാര്‍ ഉത്തരവ് (ജി.ഒ (എം.എസ്) നമ്പര്‍ 354/12/റവന്യു )നടപ്പിലാക്കിയിട്ടുണ്ടോ; എങ്കില്‍ ആയതിന്റെ വിശദാംശങ്ങള്‍ ലഭ്യമാക്കുമോ;

(ബി)	ഇല്ലെങ്കില്‍, ഉത്തരവ് നടപ്പിലാക്കുന്നതില്‍ എന്താണ് കാലതാമസമെന്ന് അറിയിക്കാമോ;

(സി)	ഉത്തരവ് നടപ്പിലാക്കാനുള്ള അടിയന്തര നടപടി സ്വീകരിക്കുമോ?

വിരമിക്കുന്ന ഡെപ്ടൂട്ടി കളക്ടര്‍/ തഹസില്‍ദാര്‍

3059.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ വകുപ്പില്‍ ഡെപ്യൂട്ടി കളക്ടര്‍/തഹസില്‍ദാര്‍ തസ്തികയില്‍ നിന്നും 2017 വര്‍ഷത്തില്‍ വിരമിക്കുന്നവരുടെ എണ്ണം ലഭ്യമാണോ;

(ബി)	എങ്കില്‍ എത്ര ജീവനക്കാര്‍ വിരമിക്കുന്നുണ്ട് എന്നറിയിക്കുമോ;

(സി)	2017-ല്‍ വിരമിക്കുന്ന ഡെപ്യൂട്ടി കളക്ടര്‍മാരുടേയും തഹസില്‍ദാര്‍മാരുടേയും പേരും വിരമിക്കുന്ന മാസവും ലഭ്യമാക്കാമോ?

വില്ലേജുകളുടെ വിഭജനം

3060.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ചിറ്റൂര്‍ താലൂക്കില്‍ എത്ര വില്ലേജുകളാണ് ഉളളത് ഏന്ന് വിശദമാക്കുമോ;

(ബി)	ഒരു വില്ലേജ് മാത്രമുളള ഏതൊക്കെ പഞ്ചായത്തുകളാണ് താലൂക്കില്‍ ഉളളത് എന്ന് വിശദമാക്കുമോ;

(സി)	നെന്മാറ നിയോജക മണ്ഡലത്തിലെ പല്ലശ്ശന, എലവഞ്ചേരി, വടവന്നൂര്‍, പുതുനഗരം ഗ്രാമ പഞ്ചായത്തുകളിലെ വില്ലേജുകള്‍ വിഭജിച്ച് രണ്ട് വില്ലേജ് ആക്കുന്നതിനുളള നടപടി സ്വീകരിക്കുമോ;

(ഡി)	വില്ലേജുകളുടെ വിഭജനം സംബന്ധിച്ച മാനദണ്ഡങ്ങള്‍ എന്തെല്ലാമെന്ന് വിശദമാക്കുമോ?

മൊടവണ്ണക്കടവ് തൂക്കുപാലം നിര്‍മാണം

3061.

(എ)	ഏറനാട് മണ്ഡലത്തില്‍ ചാലിയാറിന് കുറുകെ മൊടവണ്ണക്കടവ് എന്ന സ്ഥലത്ത് റിവര്‍ മാനേജ്മെന്റ്റ് ഫണ്ട് ഉപയോഗിച്ച് ഒരു തൂക്കുപാലം നിര്‍മിക്കുന്നതിന് ഭരണാനുമതി നല്‍കുകയും പിന്നീടതിനെ നടപ്പാലം ആയി നിര്‍മിക്കുന്നതിനായി ഭരണാനുമതിയും മറ്റ് നടപടിക്രമങ്ങളും പൂര്‍ത്തീകരിച്ചിരുന്നോ; വ്യക്തമാക്കുമോ ?

(ബി)	പ്രസ്തുത പ്രവൃത്തിക്ക് നിര്‍മിതി കേന്ദ്രവുമായി എഗ്രിമെന്റ് വെച്ചിരുന്നോ; പിന്നീട് പ്രവൃത്തി തുടങ്ങുന്നതിന് എന്താണ് തടസ്സമായി വന്നിട്ടുള്ളതെന്ന് വിശദമാക്കുമോ; ഇതിനോടൊപ്പം ഭരണാനുമതി നല്‍കിയ പ്രവൃത്തികള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ;

(സി)	മലപ്പുറം ജില്ലയിലെ റിവര്‍ മാനേജ്മെന്റ്റ് ഫണ്ടില്‍ നിന്നും ടി നടപ്പാലം നിര്‍മിക്കുന്നതിന് ഫണ്ട് അനുവദിക്കാത്തതാണ് പ്രവൃത്തിക്ക് തടസ്സമായി എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	എങ്കില്‍ ടി പ്രവര്‍ത്തിയുടെ അടിയന്തിര ആവശ്യകത പരിഗണിച് ടി പ്രവര്‍ത്തിക്കുള്ള മൊബിലൈസേഷന്‍ അഡ്വാന്‍സും ബാക്കി ഫണ്ടും മലപ്പുറം ജില്ല റിവര്‍ മാനേജ്മെന്റ് ഫണ്ടില്‍ നിന്നും അടിയന്തിരമായി നല്‍കുന്നതിനും ഈ പ്രവൃത്തി ഇനിയും കാലതാമസം കൂടാതെ പൂര്‍ത്തിയാക്കുന്നതിനും നടപടി സ്വീകരിക്കുമോ എന്ന് വ്യക്തമാക്കുമോ?

നികത്തപ്പെട്ട സ്ഥലങ്ങളില്‍ നിര്‍മ്മാണ പ്രവര്‍ത്തനം

3062.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

റവന്യുരേഖകളില്‍ നിലം എന്നു രേഖപ്പെടുത്തിയതും എന്നാല്‍ വര്‍ഷങ്ങള്‍ക്ക് മുമ്പ് നികത്തപ്പെട്ടതുമായ സ്ഥലങ്ങളില്‍ നിര്‍മ്മാണ പ്രവര്‍ത്തനം നടത്തുന്നതിനും കെട്ടിടം പുതുക്കിപ്പണിയുന്നതിനും അനുമതി ലഭിക്കുന്നതിന് തടസ്സം നിലനിൽക്കുന്നതിനാൽ ഇതു പരിഹരിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

നെടുമ്പ്രക്കാട് - വിളക്കുമരം പാലത്തിന്റെ അപ്രോച്ച് റോഡ്

3063.

(എ)	അരൂര്‍-ചേര്‍ത്തല മണ്ഡലങ്ങളെ തമ്മില്‍ ബന്ധിപ്പിക്കുന്ന നെടുമ്പ്രക്കാട്-വിളക്കുമരം പാലത്തിന്റെ അപ്രോച്ച് റോഡിനാവശ്യമായ ഭൂമി ഏറ്റെടുത്തിട്ടുണ്ടോ;

(ബി)	ഏറ്റെടുത്തിട്ടുള്ള ഭൂമിക്ക് മുഴുവന്‍ നഷ്ടപരിഹാരത്തുകയും നല്‍കിയിട്ടുണ്ടോ;

(സി)	ഇരുകരകളിലുമായി എത്ര സെന്റ് ഭൂമിയാണ് ഏറ്റെടുത്തിട്ടുള്ളതെന്നറിയിക്കാമോ?

കുന്ദമംഗലത്തിന് പൂര്‍ണ്ണ താലൂക്ക് പദവി

3064.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ ഏക സബ് താലൂക്കായ കുന്ദമംഗലത്തിന് പൂര്‍ണ്ണ താലൂക്ക് പദവി നല്‍കുന്നത് സംബന്ധിച്ച 24069/F2/2013/Rev.നമ്പര്‍ ഫയലിന്മേല്‍ എന്ത് നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	പുതിയ താലൂക്കുകള്‍ രൂപീകരിച്ച ശേഷവും കേരളത്തിലെ ഏറ്റവും വലിയ താലൂക്കാണ് കോഴിക്കോട് എന്നത് പരിഗണിച്ച് കോഴിക്കോട് താലൂക്ക് വിഭജിച്ച് കുന്ദമംഗലം ആസ്ഥാനമായി താലൂക്ക് രൂപീകരിക്കാന്‍ നടപടി സ്വീകരിക്കുമോ?

മുഖ്യമന്ത്രിയുടെ ദുരിതാശ്വാസനിധി

3065.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് 2016 ജൂണ്‍ മുതല്‍ നാളിതുവരെയായി മുഖ്യമന്ത്രിയുടെ ദുരിതാശ്വാസനിധിയില്‍ നിന്നും ധനസഹായത്തിനായി അപേക്ഷിച്ച എത്ര പേര്‍ക്ക് തുക അനുവദിച്ച് ഉത്തരവായിട്ടുണ്ടെന്ന് വ്യക്തമാക്കാമോ;

(ബി)	ഇതില്‍ എത്ര പേര്‍ക്ക് തുക വിതരണം ചെയ്തിട്ടുണ്ടെന്ന് ജില്ല തിരിച്ചും മണ്ഡലം തിരിച്ചും വ്യക്തമാക്കാമോ?

വില്ലേജാഫീസുകളില്‍ നിന്നും നല്‍കുന്ന വിവിധ സര്‍ട്ടിഫിക്കറ്റുകളുടെ കാലാവധി

3066.

ശ്രീ.എ.പി. അനില്‍ കുമാര്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസ ആവശ്യത്തിന് വില്ലേജാഫീസുകളില്‍ നിന്നും നല്‍കുന്ന വിവിധ സര്‍ട്ടിഫിക്കറ്റുകളുടെ കാലാവധി വര്‍ദ്ധിപ്പിക്കുവാന്‍ തീരൂമാനിച്ചിട്ടുണ്ടോ;ഉണ്ടെങ്കില്‍ വിശദാംശം വ്യക്തമാക്കുമോ;

(ബി)	കഴിഞ്ഞ എല്‍.ഡി.എഫ് സര്‍ക്കാരിന്റെ കാലയളവില്‍ വിവിധ സര്‍ട്ടിഫിക്കറ്റുകളുടെ കാലാവധി വര്‍ദ്ധിപ്പിച്ച് ഉത്തരവായ ശേഷം അത് വീണ്ടും കുറയ്ക്കുവാനുണ്ടായ സാഹചര്യമെന്തായിരുന്നുവെന്ന് വെളിപ്പെടുത്താമോ?

ഭൂമി കയ്യേറ്റങ്ങള്‍ ഒഴിപ്പിക്കാന്‍ നടപടി

3067.

ഈ സര്‍ക്കാര്‍ അധികാരത്തില്‍ വന്നതിനു ശേഷം സര്‍ക്കാര്‍ ഭൂമി കയ്യേറ്റങ്ങള്‍ ഒഴിപ്പിക്കുന്നതിനുവേണ്ടി സ്വീകരിച്ചിട്ടുളള നടപടികള്‍ വ്യക്തമാക്കാമോ;ഇത്തരത്തില്‍ വീണ്ടെടുത്ത ഭൂമിയുടെ കണക്കുകള്‍ ലഭ്യമാക്കാമോ?

കുടികിടപ്പുകാര്‍ക്ക് പട്ടയം

3068.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം എത്ര കുടികിടപ്പുകാര്‍ക്ക് പട്ടയം അനുവദിച്ചു നല്‍കിയിട്ടുണ്ട്; ജില്ല തിരിച്ചുള്ള കണക്ക് വ്യക്തമാക്കുമോ;

(ബി)	ഇതു പ്രകാരം എത്ര ഏക്കര്‍ ഭൂമി പതിച്ചു നല്‍കിയിട്ടുണ്ട്;

(സി)	ഇനിയും തീര്‍പ്പു കല്‍പ്പിക്കാനുള്ള അപേക്ഷകളില്‍ സമയബന്ധിതമായി തീര്‍പ്പു കല്‍പിച്ച് പട്ടയം ലഭ്യമാക്കുന്നതിനുള്ല നടപടി സ്വീകരിക്കുമോ?

സര്‍ട്ടിഫിക്കറ്റുകള്‍ ലഭിക്കുന്നതിനുളള നടപടിക്രമങ്ങള്‍

3069.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യു വകുപ്പിന്റെ കീഴിലുള്ള വിവിധ ഓഫീസുകളിൽ നിന്നും സര്‍ട്ടിഫിക്കറ്റുകള്‍ ലഭിക്കുന്നതിനുള്ള നടപടിക്രമങ്ങളിലെ കാലതാമസം മൂലമുള്ള ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ സര്‍ട്ടിഫിക്കറ്റുകള്‍ ലഭിക്കുന്നതിനുള്ള നടപടിക്രമങ്ങള്‍ ലളിതമാക്കുന്നതിനും സര്‍ട്ടിഫിക്കറ്റുകളുടെ കാലാവധി വര്‍ദ്ധിപ്പിക്കുന്നതിനുമുള്ള നടപടികള്‍ സ്വീകരിക്കുമോ?

2008 ലെ നെല്‍വയല്‍ തണ്ണീര്‍തട സംരക്ഷണ നിയമം

3070.

ശ്രീ.അടൂര്‍ പ്രകാശ്
,, കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	2008 ലെ നെല്‍വയല്‍ തണ്ണീര്‍തട സംരക്ഷണ നിയമം വിഭാവനം ചെയ്ത പ്രകാരം ഉപഗ്രഹ ഛായചിത്രത്തിന്റെ സഹായത്തോടുകൂടി ‍ഡേറ്റാ ബേസ് തയ്യാറാക്കുന്ന നടപടി പൂര്‍ത്തീയായിട്ടുണ്ടോ;

(ബി)	എന്നത്തേക്ക് അത് പ്രസിദ്ധീകരിക്കുവാന്‍ കഴിയും എന്ന് വെളിപ്പെടുത്തുമോ?

കിറ്റ്സിന്റെ (KITTS) അധീനതയിലുള്ള ഭൂമി

3071.

(എ)	തിരുവനന്തപുരം തൈയ്ക്കാട് പ്രവര്‍ത്തിക്കുന്ന കിറ്റ്സിന്റെ (KITTS) അധീനതയില്‍ എത്ര ഭൂമിയാണുള്ളതെന്ന് വ്യക്തമാക്കാമോ;ഈ സ്ഥലം മറ്റേതെങ്കിലും കേന്ദ്ര/സംസ്ഥാനസര്‍ക്കാര്‍ സ്ഥാപനങ്ങള്‍ക്ക് നല്‍കിയിട്ടുണ്ടോ;ഉണ്ടെങ്കില്‍ എത്ര സെന്റ് സ്ഥലമാണെന്ന് വ്യക്തമാക്കുമോ;

(ബി)	ഈ സ്ഥലം അനുവദിക്കണമെന്നാവശ്യപ്പെട്ട് ഏതെല്ലാം സ്ഥാപനങ്ങള്‍ സര്‍ക്കാരില്‍ അപേക്ഷകള്‍ സമര്‍പ്പിച്ചിട്ടുണ്ടെന്ന് വിശദമാക്കാമോ?

റീ സര്‍വ്വേ ജോലികള്‍

3072.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റീ സര്‍വ്വേ ജോലികള്‍ പൂര്‍ത്തീകരിച്ചിട്ടില്ലാത്ത ജില്ലകള്‍ ഏതെല്ലാമെന്ന് വിശദീകരിക്കുമോ;

(ബി)	റീ സര്‍വ്വേ ജോലികള്‍ പുനരാരംഭിക്കുമ്പോള്‍ നൂതന സാങ്കേതിക വിദ്യകള്‍ റീ സര്‍വ്വേ ജോലികള്‍ക്കു പ്രയോജനപ്പെടുത്തുമോ; വിശദീകരിക്കുമോ;

(സി)	റീ സര്‍വ്വേ ജോലികള്‍ക്ക് പുറം കരാര്‍ അനുവദിക്കുന്നതിന് പദ്ധതിയുണ്ടോ; വിശദീകരിക്കുമോ;

(ഡി)	റീ സര്‍വ്വേ പൂര്‍ത്തീകരിക്കുമ്പോള്‍ അത്യന്തികമായ ഡാറ്റാ ബാങ്ക് തയ്യാറാക്കുന്നതിനും അതനുസരിച്ചുള്ള നടപടികള്‍ പൂര്‍ത്തീകരിക്കുന്നതിനും സാധിക്കുമോ; വിശദീകരിക്കുമോ?

റീ-സര്‍വ്വെ നടപടികള്‍ സമയബന്ധിതമായി പൂര്‍ത്തിയാക്കുന്നതിന് നടപടി

3073.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റീ-സര്‍വ്വെ നടപടികള്‍ സമയബന്ധിതമായി പൂര്‍ത്തിയാക്കുന്നതിന് നടപടികള്‍ ആരംഭിച്ചുവെന്നുള്ള മാധ്യമ വാര്‍ത്തകള്‍ ശ്രദ്ധയിൽപ്പെട്ടിട്ടുണ്ടോ ; എങ്കില്‍ വിശദാംശം നല്‍കുമോ;

(ബി)	അനന്തമായി നീട്ടിക്കൊണ്ടു പോകാതെ, ഷെഡ്യുള്‍ തയ്യാറാക്കി റീസര്‍വ്വെ നടപടികള്‍ എന്നത്തേയ്ക്ക് പൂര്‍ത്തീകരിക്കാനാകുമെന്നാണ് തീരുമാനിച്ചിരിക്കുന്നത്; വിശദവിവരം നല്‍കുമോ?

എല്ലാ വില്ലേജ് ഓഫീസുകളിലും സര്‍വ്വേയര്‍മാർ

3074.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റീസര്‍വ്വേ സംബന്ധമായ പ്രശ്നങ്ങള്‍ക്ക് വളരെ വേഗം പരിഹാരം കാണുവാന്‍ എല്ലാ വില്ലേജ് ഓഫീസുകളിലും സര്‍വ്വേയര്‍മാരെ നിയമിക്കാന്‍ തീരുമാനമെടുത്തിട്ടുണ്ടോ; വ്യക്തമാക്കുമോ;

(ബി)	ഇതുമായി ബന്ധപ്പെട്ട് 12452/ഇ1/2012/ആര്‍.ഡി. എന്ന നമ്പരിലുള്ള ഫയല്‍ നിലവിലുണ്ടോ; ഉണ്ടെങ്കില്‍ പ്രസ്തുത ഫയലില്‍ സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ?

റാന്നി താലൂക്കില്‍ റീസര്‍വ്വെ

3075.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റാന്നി താലൂക്കില്‍ ഏതൊക്കെ വില്ലേജുകളിലാണ് റീസര്‍വ്വെ പൂര്‍ത്തിയാക്കാനുള്ളത് എന്ന് അറിയിക്കുമോ; ഓരോ വില്ലേജിലേയും റീസര്‍വ്വെ നടപടികള്‍ എവിടം വരെയായി എന്ന് വിശദമാക്കാമോ; ഓരോ വില്ലേജിലും റീസര്‍വ്വെ നടപടികള്‍ പൂര്‍ത്തിയാക്കാന്‍ എന്തൊക്കെ തടസ്സങ്ങളാണ് നേരിടുന്നത്;

(ബി)	തടസ്സങ്ങള്‍ പരിഹരിച്ച് റീസര്‍വ്വെ നടത്താന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; ഓരോ വില്ലേജിലേയും റീസര്‍വ്വെ നടപടികള്‍ എന്ന് പൂര്‍ത്തിയാക്കാനാവും എന്ന് വ്യക്തമാക്കുമോ?

സര്‍വ്വേ വകുപ്പിലെ ഒഴിവുകള്‍

3076.

(എ)	സര്‍വ്വേയും ഭൂരേഖയും വകുപ്പില്‍ നിലവിലുള്ള ഒഴിവുകള്‍ സംബന്ധിച്ച് തസ്തിക, എണ്ണം, ഒഴിവു വന്ന തീയതി എന്നിവ ഉള്‍പ്പെടെയുള്ള വിവരം ലഭ്യമാക്കാമോ;

(ബി)	പ്രസ്തുത ഒഴിവുകളില്‍ പി.എസ്.സി.യ്ക്ക് റിപ്പോര്‍ട്ട് ചെയ്തവ ഏതൊക്കെയാണെന്ന് അറിയിക്കാമോ;

(സി)	സ്ഥാനക്കയറ്റം നല്‍കേണ്ട ഒഴിവുകള്‍ ഏതൊക്കെയാണെന്നും ആയതിനുള്ള കാലതാമസം എന്താണെന്നും വിശദമാക്കാമോ?

സര്‍വ്വെ വിഭാഗത്തിന്റെ പ്രവര്‍ത്തനങ്ങള്‍

3077.

(എ)	സംസ്ഥാനത്തെ താലൂക്ക് കാര്യാലയങ്ങളോട് അനുബന്ധിച്ച് പ്രവര്‍ത്തിക്കുന്ന സര്‍വ്വെ വിഭാഗത്തിന്റെ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

(ബി)	സ്വകാര്യ വസ്തുക്കളിലുളള തര്‍ക്കം പരിഹരിക്കുന്നതിനും സ്ഥലവും വസ്തുവകകളും സംരക്ഷിക്കുന്നതിനും വസ്തുവിന്റെ അതിര്‍ത്തി നിര്‍ണ്ണയിച്ച് നല്‍കുന്നതിനുമായി നല്‍കുന്ന അപേക്ഷയില്‍ അകാരണമായ കാലതാമസം വരുത്തുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	അമ്പലപ്പുഴ താലൂക്കില്‍ അതിര്‍ത്തി നിര്‍ണ്ണയത്തിനായി നല്‍കിയ N4-21985/15 എന്ന ഫയല്‍ നമ്പരിലെ അപേക്ഷയിന്മേല്‍ നാളിതുവരെയായി പരിഹാര നടപടികള്‍ സ്വീകരിക്കാതിരുന്നതിന്റെ കാരണം വ്യക്തമാക്കുമോ;

(ഡി)	പ്രസ്തുത അപേക്ഷയുടെ സര്‍വ്വെ ചുമതല ആര്‍ക്കായിരുന്നു നല്‍കിയിരുന്നത് ; എന്തുകൊണ്ടാണ് സര്‍വ്വെ അകാരണമായി നീട്ടികൊണ്ടുപോയതെന്ന് പരിശോധിച്ചിട്ടുണ്ടോ; അതുമൂലം അപേക്ഷകര്‍ക്കുണ്ടായിട്ടുള്ള വിവിധങ്ങളായ ബുദ്ധിമുട്ടുകള്‍ക്കും നഷ്ടത്തിനും ആര്‍ക്കാണ് ഉത്തരവാദിത്വമെന്ന് അറിയിക്കുമോ;

(ഇ)	പ്രസ്തുത അപേക്ഷയിന്മേല്‍ അടിയന്തര നടപടി സ്വീകരിക്കുന്നതിന് നിര്‍ദ്ദേശം നല്‍കുമോ?

റീസര്‍വ്വേ പ്രവര്‍ത്തനം

3078.

(എ)	സംസ്ഥാനത്ത് 1966-ല്‍ തുടങ്ങിയ റീസര്‍വ്വേ പ്രവര്‍ത്തനം 2017-ലും പൂര്‍ത്തീകരിക്കാന്‍ കഴിയാത്തതിന്റെ കാരണം, നടപടികളില്‍ വന്നിട്ടുള്ള വീഴ്ചകള്‍ എന്നിവ കണ്ടെത്തുവാനും, നിലവിലെ സര്‍ക്കാര്‍ കാലയളവില്‍ തന്നെ ഇതു പൂര്‍ത്തീകരിക്കാനും റവന്യൂ വകുപ്പ് എന്തു നടപടികള്‍ സ്വീകരിക്കും എന്ന് വ്യക്തമാക്കുമോ;

(ബി)	റീ സര്‍വ്വേ പൂര്‍ത്തീകരിക്കാത്തതുമൂലം സിവില്‍/ക്രിമിനല്‍ കോടതികളില്‍ വ്യവഹാരങ്ങളുണ്ടാകുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ ഭൂമിയുമായി ബന്ധപ്പെട്ട് സംസ്ഥാനത്ത് നിലവിലുള്ള പ്രശ്ന പരിഹാരങ്ങള്‍ക്കായി സംസ്ഥാന റീസര്‍വ്വേ സമയബന്ധിതമായി പൂര്‍ത്തീകരിക്കാന്‍ എന്തു നടപടികള്‍ സ്വീകരിക്കും എന്നും എപ്പോള്‍ പൂര്‍ത്തീകരിക്കാന്‍ കഴിയും എന്നും വ്യക്തമാക്കുമോ?

ഏറ്റുമാനൂര്‍- എറണാകുളം റോഡിലെ വളവുനികത്തല്‍ സംബന്ധിച്ച് നെഗോഷ്യേറ്റഡ് പര്‍ച്ചേസ്

3079.

(എ)	ഏറ്റുമാനൂര്‍- എറണാകുളം റോഡിലെ അപകടകരമായ വളവുനികത്തല്‍ സംബന്ധിച്ച് നെഗോഷ്യേറ്റഡ് പര്‍ച്ചേസ് നടപടികളുമായി ബന്ധപ്പെട്ട് കോട്ടയം ജില്ലാകലക്ടര്‍ വിശദമായ റിപ്പോര്‍ട്ട് സമര്‍പ്പിച്ചിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ; ആയതിന്റെ കോപ്പി ലഭ്യമാക്കാമോ;

(ബി)	കോട്ടയം കളക്ടറേറ്റില്‍ ഇതു സംബന്ധിച്ച് എന്തെങ്കിലും കാലതാമസം ഉണ്ടായിട്ടുണ്ടോ; ഈ റിപ്പോര്‍ട്ട് എത്രയും വേഗം ലഭ്യമാക്കുന്നതിന് റവന്യൂ വകുപ്പ് സ്വീകരിച്ച നടപടികള്‍ വ്യക്തമാക്കാമോ?

റീസര്‍വ്വേക്ക് ആധുനിക സാങ്കതികവിദ്യകള്‍

3080.

ശ്രീ.സണ്ണി ജോസഫ്
,, കെ.മുരളീധരന്‍
,, അനില്‍ അക്കര
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റീസര്‍വ്വേ നടപടികള്‍ ഏത് ഘട്ടത്തിലാണ്;

(ബി)	റീസര്‍വ്വെ നടപടികള്‍ ആധുനിക സാങ്കതികവിദ്യകള്‍ ഉപയോഗപ്പെടുത്തി അടിയന്തിരമായി പൂര്‍ത്തിയാക്കുവാന്‍ നടപടി സ്വീകരിക്കുമോ?

ഡേറ്റാ ബാങ്ക്

3081.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഡേറ്റാ ബാങ്കില്‍ നിലമെന്നോ, തണ്ണീര്‍തടമെന്നോ രേഖപ്പെടുത്താത്തതും 2008 ന് മുമ്പ് നികത്തിയതുമായ സ്ഥലത്ത് നഗരപ്രദേശങ്ങളില്‍ 5 സെന്റും, ഗ്രാമപ്രദേശങ്ങളില്‍ 10 സെന്റും ഭൂഉടമയ്ക്ക് വീട് വയ്ക്കാന്‍ അനുമതി നല്‍കാം എന്ന ഉത്തരവ് നല്‍കിയിട്ടുണ്ടോ; ഉണ്ടെങ്കില്‍ പ്രസ്തുത ഉത്തരവിന്റെ പകര്‍പ്പ് ലഭ്യമാക്കുമോ;

(ബി)	ഈ ഉത്തരവ് 1963 ലെ ഭൂവിനിയോഗ നിയമത്തിനെതിരാണോ;

(സി)	2008 ന് മുമ്പ് നികത്തപ്പെട്ട നെല്‍വയല്‍ ഉപയോഗിക്കുവാന്‍ ഭൂവിനിയോഗ ഉത്തരവ് പ്രകാരം ജില്ലാകളക്ടറുടെ അനുമതി ആവശ്യമുണ്ടോ; ഇക്കാര്യത്തില്‍ സുപ്രീംകോടതിയുടെ ഏതെങ്കിലും വിധി നിലവിലുണ്ടോ; ഉണ്ടെങ്കില്‍ വിശദമാക്കുമോ;

(ഡി)	ഇക്കാര്യത്തില്‍ പുതിയ നിയമനിര്‍മ്മാണത്തിന് ഉദ്ദേശിക്കുന്നുണ്ടോ; ഉണ്ടെങ്കില്‍ വിശദാംശം നല്‍കുമോ?

തൃശൂര്‍-കാഞ്ഞാണി-വാടാനപ്പള്ളി ഹൈവേ

3082.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	2011ല്‍ മുന്‍എല്‍.ഡി.എഫ്. സര്‍ക്കാര്‍ സ്റ്റേറ്റ് ഹൈവെ 75 ആയി പ്രഖ്യാപിച്ചു ബജറ്റില്‍ തുക വകയിരുത്തിയ തൃശൂര്‍-മണലൂര്‍ മണ്ഡലങ്ങളുമായി ബന്ധപ്പെട്ടു കിടക്കുന്ന തൃശൂര്‍-കാഞ്ഞാണി-വാടാനപ്പള്ളി ഹൈവേയുടെ 17 മീറ്റര്‍‍ വീതിയില്‍ ഭൂമി ഏറ്റെടുക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വിശദീകരിക്കാമോ;

(ബി)	ഈ പ്രവര്‍ത്തങ്ങള്‍ വേഗതയിലാക്കുന്നതിനായി ഒരു സ്പെഷ്യല്‍ ടീമിനെ നിയോഗിക്കാന്‍ അടിയന്തര നടപടികള്‍ ഏടുക്കുമോ ?

റിവര്‍മാനേജ്മെന്റ് ഫണ്ട്

3083.

(എ)	സംസ്ഥാനത്ത് റിവര്‍മാനേജ്മെന്റ് ഫണ്ട് വിനിയോഗിച്ച് പൂര്‍ത്തിയാക്കുന്നതിന് കഴിഞ്ഞ 5 വര്‍ഷത്തില്‍ അനുമതി നല്‍കിയ പ്രവൃത്തികള്‍ ഏതൊക്കെയാണെന്ന് അറിയിക്കാമോ;

(ബി)	പ്രസ്തുത പ്രവൃത്തികളില്‍ പൂര്‍ത്തിയായവ ഏതൊക്കെയാണെന്നും ബാക്കിയുള്ളവയുടെ നിലവിലെ സ്ഥിതി വിവരം എന്താണെന്നും അറിയിക്കാമോ;

(സി)	പ്രസ്തുത പ്രവൃത്തികളുടെ നിര്‍വഹണ ഏജന്‍സികള്‍ ഏതൊക്കെ ആണെന്നും പൂര്‍ത്തിയാകാനുള്ള പ്രവൃത്തികൾ പൂർത്തീ കരിക്കുന്നതിന് ഈ സര്‍ക്കാര്‍ സ്വീകരിച്ച നടപടികള്‍ എന്തൊക്കെയാണെന്നും വിശദമാക്കാമോ ?

ഭവന നിര്‍മ്മാണ ബോര്‍ഡ്

3084.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭവന നിര്‍മ്മാണ വകുപ്പ് നിലവില്‍ എവിടെയൊക്കെ വാസഗൃഹ ഫ്ലാറ്റ് സമുച്ചയങ്ങള്‍ നിര്‍മ്മിച്ചുവരുന്നുണ്ട്; വിശദമാക്കാമോ;

(ബി)	കേരള ഭവന നിര്‍മ്മാണ ബോര്‍ഡ് ലാഭത്തിലാണോ നഷ്ടത്തിലാണോ പ്രവര്‍ത്തിക്കുന്നത്; വിശദമാക്കുമോ;

(സി)	മുന്‍സര്‍ക്കാരിന്റെ കാലത്ത് ബോര്‍ഡിന് എത്ര കോടി രൂപയുടെ നഷ്ടം ഉണ്ടായിട്ടുണ്ട്; വിശദമാക്കുമോ;

(ഡി)	ബോര്‍ഡില്‍ ഡെപ്യൂട്ടേഷന്‍ വ്യവസ്ഥയില്‍ അനധികൃതമായി അധികം ആള്‍ക്കാരെ നിയമിച്ചിട്ടുണ്ടെന്ന വാര്‍ത്ത ശരിയാണോ;

(ഇ)	ബോര്‍ഡില്‍ മറ്റ് ഡിപ്പാര്‍ട്ട്മെന്റുകളിലുളള എത്ര പേര്‍ നിലവില്‍ ജോലി ചെയ്യുന്നുണ്ട്; ജില്ല തിരിച്ച് വിശദാംശം വെളിപ്പെടുത്തുമോ?

ഭവന നിര്‍മ്മാണ രംഗത്തെ പുതിയ പദ്ധതികള്‍

3085.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഭവന നിര്‍മ്മാണ രംഗത്ത് പുതിയ പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ;

(ബി)	ഉണ്ടെങ്കില്‍ അവ ഏതെല്ലാമാണെന്ന് വിശദീകരിക്കുമോ?

ഭവന നിര്‍മ്മാണ പദ്ധതികള്‍

3086.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭവന നിര്‍മ്മാണ വകുപ്പ് വഴി നടപ്പിലാക്കി വരുന്ന പദ്ധതികള്‍ ഏതൊക്കെയാണ്;

(ബി)	ഭവന നിര്‍മ്മാണത്തിനായി ഗവണ്‍മെന്റ് പുതിയ പദ്ധതികള്‍ നടപ്പിലാക്കുവാന്‍ സാധ്യതയുണ്ടോ;

(സി)	ഭവനനിര്‍മ്മാണത്തിനായി ബി.പി.എല്‍. കാര്‍ഡില്‍ ഉള്‍പ്പെട്ടിട്ടുള്ള എല്ലാ കുടുംബാംഗങ്ങള്‍ക്കും കുറഞ്ഞ പലിശ നിരക്കില്‍ ധനസഹായം നല്‍കുമോ?

ചേമഞ്ചേരി പഞ്ചായത്തിലെ സുനാമി വീടുകള്‍

3087.

(എ)	കൊയിലാണ്ടി മണ്ഡലത്തില്‍ ചേമഞ്ചേരി പഞ്ചായത്തിലെ സുനാമി വീടുകളുടെ പരിതാപകരമായ അവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	സുനാമി വീടുകളുടെ അറ്റകുറ്റ പണികള്‍ക്കായി കോഴിക്കോട് ജില്ലാകളക്ടര്‍ 2010/17144/11 ടി1 പ്രകാരം അയച്ച കത്തിന്മേല്‍ റവന്യൂ വകുപ്പില്‍ സ്വീകരിച്ചിട്ടുള്ള നടപടികള്‍ വിശദമാക്കുമോ;

(സി)	അടിയന്തരമായി സുനാമി വീടുകളുടെ അറ്റകുറ്റപണികള്‍ നടത്തി ജനങ്ങള്‍ക്ക് നല്‍കാന്‍ നടപടി സ്വീകരിക്കുമോ?

കേരളത്തിലെ ഭവന രഹിതര്‍

3088.

(എ)	പ്ലാനിംഗ് ബോര്‍ഡിന്റെ 2015-ലെ റിപ്പോര്‍ട്ട് അനുസരിച്ച് കേരളത്തില്‍ എത്ര ഭവനരഹിതരുണ്ടെന്ന് വ്യക്തമാക്കാമോ;

(ബി)	ആയതില്‍ തിരുവനന്തപുരം നഗരത്തില്‍ എത്ര ഭവനരഹിതര്‍/ഭൂരഹിത ഭവനരഹിതര്‍ ഉണ്ടെന്ന് വ്യക്തമാക്കാമോ;

(സി)	തിരുവനന്തപുരം നഗരത്തിനെ ഭവനരഹിതരില്ലാത്ത നഗരമാക്കാന്‍ എന്തെല്ലാം പദ്ധതികളാണ് നടപ്പിലാക്കാൻ ഉദ്ദേശിക്കുന്നത്?

ചാലക്കുടിയിലെ ഭവന നിര്‍മ്മാണ വകുപ്പിനു കീഴില്‍ പ്ലോട്ടുകളുടെ ഉടമസ്ഥര്‍ക്ക് ഡീഡ്

3089.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ചാലക്കുടിയിലെ ഭവനനിര്‍മ്മാണ വകുപ്പിനു കീഴില്‍ 30 വര്‍ഷങ്ങള്‍ക്കു മുന്‍പ് പണികഴിച്ച് കൈമാറിയ പ്ലോട്ടുകളുടെ ഉടമസ്ഥര്‍ക്ക് ഇനിയും ഒറിജിനല്‍ ഡീഡ് നല്‍കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇവര്‍ക്ക് ഒറിജിനല്‍ ആധാരം നല്‍കുവാന്‍ അടിയന്തര നടപടി സ്വീകരിക്കുമോ?

ഭവനനിര്‍മ്മാണ ബോര്‍ഡ് ചീഫ് എഞ്ചിനീയറുടെ ശമ്പള കുടിശ്ശിക

3090.

(എ)	മുൻ സര്‍ക്കാരിന്റെ കാലത്ത് ഭവനനിര്‍മ്മാണ ബോര്‍ഡില്‍ കരാര്‍ അടിസ്ഥാനത്തില്‍ നിയമിച്ച ചീഫ് എഞ്ചിനീയര്‍ക്ക് അവസാന മാസത്തെ ശമ്പളം നാളിതുവരെ കൊടുക്കാതെ പിടിച്ച് വച്ചിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇതിനെതിരെ ഏതെങ്കിലും എം.എല്‍.എ ചീഫ് എഞ്ചിനീയറുടെ അപേക്ഷയോടൊപ്പം ഭവനനിര്‍മ്മാണ വകുപ്പ് സെക്രട്ടറിക്ക് കത്ത് നല്‍കിയിട്ടുണ്ടോ; ഉണ്ടെങ്കില്‍ ഇതുപ്രകാരം എന്തു നടപടി ഇതുവരെ സ്വീകരിച്ചു; വിശദമാക്കുമോ;

(സി)	ഭവനനിര്‍മ്മാണ വകുപ്പ് പ്രസ്തുത ചീഫ് എഞ്ചിനീയര്‍ക്ക് കൊടുക്കുവാനുള്ള അവസാന മാസത്തെ ശമ്പളത്തിലെ ടി.ഡി.എസ് വരെ മുന്‍കൂറായി പിടിച്ച കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	അനധികൃതമായി ശമ്പളം തടഞ്ഞുവച്ച ഉദ്യോഗസ്ഥര്‍ക്കെതിരെ നിയമാനുസരണം നടപടികള്‍ സ്വീകരിക്കുമോ?

പ്രധാനമന്ത്രി ഭവനനിര്‍മ്മാണ പദ്ധതി

3091.

(എ)	കേന്ദ്ര ഗവണ്‍മെന്റിന്റെ പ്രധാനമന്ത്രി ഭവനനിര്‍മ്മാണ പദ്ധതിക്ക് സംസ്ഥാന ഭവന നിര്‍മ്മാണ ബോര്‍ഡുമായി ബന്ധമുണ്ടോ ;

(ബി)	നിര്‍വ്വഹണ ഏജന്‍സി ഭവന നിര്‍മ്മാണ ബോര്‍ഡാണോ;

(സി)	സംസ്ഥാന ഭവന നിര്‍മ്മാണ ബോര്‍ഡ് ഈ സാമ്പത്തിക വര്‍ഷം എത്ര വീടുകള്‍ നിര്‍മ്മിച്ചു;

(ഡി)	ഭവന നിര്‍മ്മാണ ബോര്‍ഡ് നിലവില്‍ നടപ്പിലാക്കുന്ന പദ്ധതികള്‍ എന്തെല്ലാം;ഇവയുടെ നടപടിക്രമം വിശദമാക്കുമോ?

Website maintained by Information System Section, Kerala Legislative Assembly, Thiruvananthapuram.