14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >4th Session>Unstarred questions Answers

Answer Provided

Answer Not Yet Provided

FOURTEENTH KLA - 4th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ചെറുകിട തുറമുഖങ്ങളിലേയ്ക്ക് റെയില്‍ കണക്റ്റിവിറ്റി

3286.

ശ്രീ.വി. കെ. സി. മമ്മത് കോയ
,, കെ.ജെ. മാക്സി
,, വി. ജോയി
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ചെറുകിട തുറമുഖങ്ങളിലെ ചരക്കുനീക്കം ശക്തിപ്പെടുത്തുന്നതിനായി ചെറുകിട തുറമുഖങ്ങളിലേയ്ക്ക് റെയില്‍കണക്റ്റിവിറ്റി ഏര്‍പ്പെടുത്തുന്നതിന് ഉദ്ദേശിക്കുന്നുണ്ടോ;

(ബി)	ഇതു സംബന്ധിച്ച് പഠന റിപ്പോര്‍ട്ട് തയ്യാറാക്കുന്നുണ്ടോ; വിശദാംശം നല്‍കാമോ;

(സി)	കേന്ദ്രസര്‍ക്കാരിന്റെ സാഗര്‍മാല പദ്ധതി പ്രകാരം എന്തെല്ലാം പ്രവൃത്തികളാണ് നടപ്പാക്കാനുദ്ദേശിക്കുന്നത്;

(ഡി)	മാന്വല്‍ ഡ്രഡ്ജിംഗ് നടപ്പിലാക്കാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ?

വിഴിഞ്ഞം തുറമുഖ നിര്‍മ്മാണത്തിന്റെ പുരോഗതി

3287.

ശ്രീ.എസ്.ശർമ്മ
,, ബി.സത്യന്‍
ശ്രീമതി യു. പ്രതിഭ ഹരി
ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ നിര്‍മ്മാണത്തിന്റെ പുരോഗതി അവലോകനം നടത്താറുണ്ടോ; പ്രൊജക്ട് ഇംപ്ലിമെന്റേഷന്‍ കമ്മിറ്റിയുടെ പ്രവര്‍ത്തനങ്ങള്‍ എന്തൊക്കെയെന്നും, കമ്മിറ്റിയില്‍ ആരെല്ലാമാണുളളതെന്നും അറിയിക്കാമോ;

(ബി)	പദ്ധതിയുടെ ഭാഗമായി കണ്‍സഷണര്‍ നടത്തുമെന്നു പ്രഖ്യാപിച്ചിരുന്ന തൊഴില്‍ പരിശീലന പരിപാടിയുടെ നിലവിലെ സ്ഥിതിയെന്തെന്ന് അറിയിക്കാമോ;

(സി)	പദ്ധതി മൂലം തൊഴില്‍ നഷ്ടപ്പെടുന്നവരെ കണ്ടെത്താനായി രൂപീകരിച്ച ഉപജീവനാഘാത നിര്‍ണ്ണയ സമിതി (LIAC) റിപ്പോര്‍ട്ട് നല്‍കിയോ; ഇതിന്റെ അടിസ്ഥാനത്തില്‍ പുനരധിവാസത്തിനായി ചെയ്തിട്ടുളള കാര്യങ്ങള്‍ എന്തെല്ലാമെന്ന് അറിയിക്കാമോ?

വിഴിഞ്ഞം തുറമുഖ നിര്‍മ്മാണത്തിന്റെ ഭാഗമായി കണ്ടയിനര്‍ റോഡ്

3288.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ നിര്‍മ്മാണത്തിന്റെ ഭാഗമായി മംഗലപുരം-നെടുമങ്ങാട്-ബാലരാമപുരം പാതയില്‍ കണ്ടയിനര്‍ റോഡ് നിര്‍മ്മിക്കാന്‍ നടപടികള്‍ സ്വീകരിച്ചിട്ടുണ്ടോ എന്ന് വ്യക്തമാക്കുമോ;

(ബി)	ഉണ്ടെങ്കില്‍ റോഡിന്റെ അലൈന്‍മെന്റും എവിടെയെല്ലാമാണ് കണ്ടയിനര്‍ ഹബുകൾ നിര്‍മ്മിക്കുന്നതെന്നും വ്യക്തമാക്കുമോ;

(സി)	ഇതിനായി സര്‍വ്വേ നടത്തിയിട്ടുണ്ടോ; ഉണ്ടെങ്കില്‍ ഏത് ഏജന്‍സിയാണ് സര്‍വ്വേ നടത്തിയതെന്ന് വ്യക്തമാക്കുമോ;

(ഡി)	സര്‍വ്വേ പൂര്‍ത്തിയായിട്ടുണ്ടെങ്കില്‍ അതിന്റെ വിശദാംശം നല്‍കുമോ?

ബേപ്പൂര്‍ പോർട്ടിലെ മണല്‍ വിതരണത്തിലെ ക്രമക്കേടുകള്‍

3289.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ബേപ്പൂര്‍ പോര്‍ട്ടില്‍ മാന്വല്‍ ഡ്രഡ്ജിങ്ങിലൂടെ എടുക്കുന്ന മണല്‍ വിതരണത്തില്‍ വന്‍ക്രമക്കേടുകള്‍ നടക്കുന്നതായ പരാതി ശ്രദ്ധയില്‍പ്പെട്ടിട്ടുണ്ടോ;

(ബി)	വ്യാജബില്ലുകള്‍ പോലും തയ്യാറാക്കി മണല്‍ വിതരണം നടത്തി സര്‍ക്കാരിന് നഷ്ടമുണ്ടാക്കുന്നതായ പരാതിയില്‍ അന്വേഷണം നടത്തിയിട്ടുണ്ടോ;

(സി)	ഇതു സംബന്ധിച്ച് സ്വീകരിച്ച നടപടികള്‍ വ്യക്തമാക്കുമോ;

(ഡി)	ഇത്തരത്തില്‍ പ്രവര്‍ത്തിച്ച സൊസൈറ്റിക്ക് എതിരെ എടുത്ത നടപടികള്‍ വിശദമാക്കുമോ;

കേരളത്തിലെ തുറമുഖങ്ങള്‍

3290.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ വലുതും ചെറുതുമായി എത്ര തുറമുഖങ്ങളാണ് നിലവിലുള്ളത്;

(ബി)	പരമ്പരാഗത, ചെറുകിട തുറമുഖങ്ങളുടെ നവീകരണത്തിന് പദ്ധതിയുണ്ടോ; എങ്കില്‍ വിശദാംശം നല്‍കുമോ;

(സി)	ചെറു തുറമുഖപദ്ധതികള്‍ ജനോപകാരപ്രദവും സര്‍ക്കാരിന് വരുമാനദായകവും ആകുന്ന തരത്തില്‍ രൂപപ്പെടുത്തുന്നതിന് കര്‍മ്മ പദ്ധതിയുണ്ടോ;എങ്കില്‍ വിശദ വിവരം നല്‍കുമോ?

തെയ്യം മ്യൂസിയം

3291.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ കടന്നപ്പള്ളി-പാണപ്പുഴ ഗ്രാമപഞ്ചായത്തിലെ ചന്നപ്പുരയില്‍ പൊതുമരാമത്ത് വകുപ്പിന്റെ അധീനതയിലുള്ള സ്ഥലത്ത് തെയ്യം മ്യൂസിയം സ്ഥാപിക്കുന്നതുമായി ബന്ധപ്പെട്ട് എന്തൊക്കെ തുടര്‍ നടപടികളാണ് സ്വീകരിച്ചിട്ടുള്ളത്; പ്രസ്തുത സ്ഥലം മ്യൂസിയം മൃഗശാല ഡയറക്ടർക്ക് കൈമാറി കിട്ടിയിട്ടുണ്ടോ; വിശദാംശം നല്‍കുമോ?

മ്യൂസിയങ്ങള്‍ ഭിന്നശേഷി സൗഹൃദമാക്കുന്നതിന് പദ്ധതി

T 3292.

ശ്രീ.എസ്.ശർമ്മ
,, വി. ജോയി
,, എം. മുകേഷ്
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മ്യൂസിയങ്ങള്‍ ഭിന്നശേഷി സൗഹൃദമാക്കുന്നതിന് പദ്ധതി നടപ്പാക്കാന്‍ ഉദ്ദേശിക്കുന്നുണ്ടോ;

(ബി)	എങ്കില്‍ ഏതെല്ലാം വകുപ്പുകള്‍ക്ക് കീഴിലുളള മ്യൂസിയങ്ങളാണ് ഇപ്രകാരം ഭിന്നശേഷി സൗഹൃദമാക്കുന്നത്;

(സി)	ഇതിന്റെ ഭാഗമായി റേഡിയോ ഫ്രീക്വന്‍സി ഇന്ററാക്ടീവ് ഡിവൈസ് സംവിധാനം, ഗൈഡുകളുടെ സഹായത്തോടെ ബ്രെയിലി ലിപിയില്‍ വിവരങ്ങള്‍ നല്‍കാനുളള സംവിധാനം എന്നിവ സജ്ജമാക്കാന്‍ ഉദ്ദേശിക്കുന്നുണ്ടോ; മറ്റെന്തെല്ലാം സൗകര്യങ്ങളാണ് ഏര്‍പ്പെടുത്താന്‍ ഉദ്ദേശിക്കുന്നത്;

(ഡി)	പ്രസ്തുത പദ്ധതി എന്നത്തേയ്ക്ക് പൂര്‍ത്തീകരിക്കാന്‍ സാധിക്കുമെന്ന് വ്യക്തമാക്കാമോ?

ചരിത്ര സ്മാരകങ്ങളും പുരാവസ്തുക്കളും സംരക്ഷിക്കുവാന്‍ പദ്ധതി

T 3293.

ശ്രീ.പുരുഷന്‍ കടലുണ്ടി
,, സി.കെ. ഹരീന്ദ്രന്‍
ശ്രീമതി യു. പ്രതിഭ ഹരി
ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തു വകുപ്പിന്റെ പ്രവര്‍ത്തനങ്ങള്‍ അവലോകനം ചെയ്യാറുണ്ടോ;

(ബി)	ചരിത്ര സ്മാരകങ്ങളും പുരാവസ്തുക്കളും സംരക്ഷിക്കുന്നതിനായി എന്തെല്ലാം പദ്ധതികളാണ് നടപ്പിലാക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(സി)	പുരാവസ്തു വകുപ്പ് സംരക്ഷിത സ്മാരകമായി പ്രഖ്യാപിച്ച സ്മാരകങ്ങള്‍ നാശോന്മുഖമായിക്കൊണ്ടിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	സാംസ്ക്കാരിക പൈതൃകത്തിന്റെ അമൂല്യ സൂക്ഷിപ്പുകള്‍ വരും തലമുറയ്ക്കായി കരുതി വെയ്ക്കുന്നതിനായി പ്രത്യേക ശ്രദ്ധ നല്‍കുമോ;

(ഇ)	നശിച്ചു കഴിഞ്ഞാല്‍ ഒരിക്കലും വീണ്ടെടുക്കാന്‍ സാധിക്കാത്ത പൈതൃക ശേഷിപ്പുകളും സാംസ്കാരിക അടയാളങ്ങളും നശിച്ചുകൊണ്ടിരിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(എഫ്)

എങ്കില്‍ ഇത് പരിഹരിക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സംരക്ഷിത സ്മാരകങ്ങള്‍

3294.

ശ്രീ.സി. ദിവാകരന്‍
ശ്രീമതി ഇ.എസ്.ബിജിമോള്‍
ശ്രീ.ഇ.ടി. ടൈസണ്‍ മാസ്റ്റര്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തു വകുപ്പിന്റെ അധീനതയില്‍ എത്ര സംരക്ഷിത സ്മാരകങ്ങളാണ് ഉള്ളതെന്ന് വ്യക്തമാക്കുമോ; ഏത് മാനദണ്ഡങ്ങളുടെ അടിസ്ഥാനത്തിലാണ് ഇവയെ സംരക്ഷിക്കുന്നതെന്ന് വ്യക്തമാക്കുമോ;

(ബി)	യുനെസ്കോയുടെ പൈതൃകപട്ടികയില്‍ നിലവില്‍ കേരളത്തിലെ ഏതെല്ലാം സ്മാരകങ്ങളാണ് ഉള്‍പ്പെട്ടിരിക്കുന്നത്; ഇനിയേതൊക്കെ ഉള്‍ക്കൊള്ളിക്കുന്നതിനാണ് ശ്രമം നടത്തിവരുന്നത്;

(സി)	പ്രസ്തുത പട്ടികയില്‍ ഉള്‍പ്പെട്ടാല്‍ ഏതെങ്കിലും ആനുകൂല്യങ്ങള്‍ ലഭ്യമാകുമോയെന്നറിയിക്കാമോ;

(ഡി)	നമ്മുടെ പൈതൃകത്തിന്റെയും ചരിത്രത്തിന്റെയും ശേഷിപ്പുകളുടെ സംരക്ഷണം ഉറപ്പാക്കുന്നതിനും ഭാവി തലമുറയ്ക്ക് അവബോധം നല്‍കുന്നതിനുമായി ജില്ലകളില്‍ പൈതൃക മ്യൂസിയങ്ങള്‍ സ്ഥാപിക്കുന്നതിന് നടപടി സ്വീകരിച്ചു വരുന്നുണ്ടോ; വ്യക്തമാക്കുമോ ?

കാസര്‍ഗോഡ് ജില്ലയിലെ പുരാവസ്തുക്കള്‍

3295.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ പുരാവസ്തുവായി പ്രഖ്യാപിക്കപ്പെട്ട നിലവിലുള്ള സ്ഥാപനങ്ങളും കെട്ടിടങ്ങളും ഭൂമിയും ഏതൊക്കെയാണെന്നും അവയുടെ ചരിത്രപശ്ചാത്തലവും വിശദീകരിക്കാമോ; ഇത്തരത്തിലുള്ള സ്ഥാപനമോ കെട്ടിടങ്ങളോ ഭൂമിയോ അന്യാധീനപ്പെട്ടുപോയിട്ടുണ്ടോ;

(ബി)	ഉണ്ടെങ്കില്‍ അത്തരം സംഭവങ്ങളില്‍ സ്വീകരിച്ച നടപടികള്‍ വിശദീകരിക്കുമോ;

(സി)	അന്യാധീനപ്പെട്ടിട്ടുണ്ടെങ്കില്‍ അവ തിരിച്ചുപിടിക്കുന്നതിന് നടപടി സ്വീകരിക്കുമോ?

കാസര്‍ഗോഡ് ചന്ദ്രഗിരി കോട്ട

3296.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ചന്ദ്രഗിരി കോട്ടയുടെ ഭാഗമായി പുരാവസ്തു വകുപ്പിന്റെ കൈവശം എത്ര ഏക്കര്‍ സ്ഥലമാണുണ്ടായിരുന്നത്; ആയത് അത്ര തന്നെ ഇപ്പോഴും നിലവിലുണ്ടോ;

(ബി)	ഈ കോട്ടയുടെ അറ്റകുറ്റപ്പണികള്‍ക്കായി കഴിഞ്ഞ മൂന്ന് വര്‍ഷത്തിനിടെ എത്ര തുക അനുവദിച്ചിട്ടുണ്ട്; ഈ തുക ഇവിടെ ചെലവഴിച്ചിട്ടുണ്ടോ എന്ന് പരിശോധന നടത്തിയിട്ടുണ്ടോ; വിശദാംശങ്ങള്‍ അറിയിക്കാമോ;

(സി)	ഈ കോട്ട സന്ദര്‍ശിക്കുന്നവരില്‍ നിന്നും പുരാവസ്തു വകുപ്പ് ഫീസ് ഈടാക്കുന്നുണ്ടോ; വിശദാംശങ്ങള്‍ അറിയിക്കാമോ;

(ഡി)	വളരെ മനോഹരമായ ഈ കോട്ട നല്ല നിലയില്‍ സംരക്ഷിച്ച് സന്ദര്‍ശകരില്‍ നിന്ന് ചെറിയ ഫീസ് ഈടാക്കി ജില്ലയിലെ പ്രധാന ടൂറിസ്റ്റ് കേന്ദ്രമായി ഉയര്‍ത്തുന്നതിനുളള നടപടി പരിഗണനയിലുണ്ടോ; വിശദാംശങ്ങള്‍ അറിയിക്കാമോ?

വള്ളോപ്പള്ളി സ്മാരക കുടിയേറ്റ മ്യൂസിയം

3297.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ബിഷപ്പ് വള്ളോപ്പള്ളി സ്മാരക കുടിയേറ്റ മ്യൂസിയത്തിന്റെ പ്രവൃത്തി ഇപ്പോള്‍ ഏതു ഘട്ടത്തിലാണ്;

(ബി)	ഇതിന്റെ പ്രവൃത്തി എന്നത്തേക്ക് പൂര്‍ത്തിയാക്കാനാണ് ലക്ഷ്യമിടുന്നതെന്ന് വ്യക്തമാക്കുമോ?

പുരാവസ്തുവകുപ്പിന്റെ കീഴിലെ കോട്ടകള്‍

3298.

(എ)	കാസര്‍കോഡ് ജില്ലയില്‍ പുരാവസ്തുവകുപ്പിന്റെ കീഴില്‍ എത്ര കോട്ടകളുണ്ട്; വിശദാംശങ്ങള്‍ അറിയിക്കാമോ;

(ബി)	ഈ കോട്ടകളുടെ സാധാരണ സംരക്ഷണ പ്രവര്‍ത്തികള്‍ക്ക് വര്‍ഷം തോറും എത്ര തുകയാണ് അനുവദിക്കാറുള്ളത്; വിശദാംശങ്ങള്‍ അറിയിക്കാമോ;

(സി)	മൂളിയാറിലുള്ള പൊവ്വല്‍ കോട്ടയ്ക്ക് അടുത്ത കാലത്ത് സംരക്ഷണത്തിനായി എത്ര തുകയ്ക്ക് ഭരണാനുമതി നല്‍കിയിരുന്നു; ഈ തുക ഉപയോഗിച്ച് എന്തൊക്കെ പ്രവൃത്തികളാണ് ഇവിടെ ചെയ്തിട്ടുള്ളതെന്ന് വിശദമാക്കാമോ ?

പുരാവസ്തുവകുപ്പിന്‍െറ പ്രവര്‍ത്തനങ്ങള്‍

3299.

ശ്രീ.കെ.വി.അബ്ദുള്‍ ഖാദര്‍
,, ഐ.ബി. സതീഷ്
,, റ്റി.വി.രാജേഷ്
,, കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുരാവസ്തുവകുപ്പിന്‍െറ പ്രവര്‍ത്തനങ്ങള്‍ പരിശോധിക്കാറുണ്ടോ; വിശദാംശം നല്‍കുമോ;

(ബി)	ഇൗ സര്‍ക്കാര്‍ അധികാരത്തില്‍ വന്ന ശേഷം വകുപ്പ് മുഖേന നടപ്പിലാക്കിയ പദ്ധതികള്‍ ഏതൊക്കെയാണ്;

(സി)	എല്ലാ ജില്ലകളിലും പെെതൃക മ്യൂസിയങ്ങള്‍ ആരംഭിക്കുന്ന പദ്ധതി പ്രകാരം ഏതെല്ലാം ജില്ലകളിലാണ് ആയത് സ്ഥാപിച്ചിട്ടുളളതെന്ന് വ്യക്തമാക്കാമോ;

(ഡി)	ഏതെല്ലാം പെെതൃക സ്മാരകങ്ങള്‍ക്കാണ് കേന്ദ്ര സര്‍ക്കാരിന്‍െറ ധനസഹായം ലഭിച്ചിട്ടുളളതെന്ന് വിശദമാക്കാമോ;

(ഇ)	പെെതൃകത്തെക്കുറിച്ച് മറുനാടന്‍ മലയാളികള്‍ക്ക് അവബോധം സൃഷ്ടിക്കുന്നതിനായി കേരള പെെതൃകോത്സവം സംഘടിപ്പിക്കാന്‍ തീരുമാനിച്ചിട്ടുണ്ടോ;വിശദാംശം നല്‍കുമോ?

Website maintained by Information System Section, Kerala Legislative Assembly, Thiruvananthapuram.