കോളേജ് വിദ്യാഭ്യാസ വകുപ്പിന് കീഴിലുളള തൃശ്ശൂരിലെ ഇന്‍സ്റ്റിറ്റ്യൂട്ട് ഓഫ് അഡ്വാന്‍സ്ഡ് സ്റ്റഡി ഇന്‍ എഡ്യുക്കേഷന്‍ ഓഫീസില്‍ സേവനത്തിലിരിക്കെ മരണമടഞ്ഞ ശ്രീമതി അനിത എം.ബി.-യുടെ മകള്‍ അനഘയ്ക്ക് ആശ്രിത നിയമനം നല്‍കുന്നതിനുളള നടപടികള്‍ ഏത് ഘട്ടത്തിലാണെന്ന് വ്യക്തമാക്കാമോ ?

സംസ്ഥാനത്ത് 2024-25 അധ്യയന വർഷത്തിൽ ആരംഭിച്ച നാലുവര്‍ഷ ബിരുദ പ്രോഗ്രാമിന്റെ അവലോകനം നടത്തിയിട്ടുണ്ടോ; വിശദാംശം നൽകാമോ;

നാലുവ‍ര്‍ഷ ബിരുദ പ്രോഗ്രാമിന്റെ സവിശേഷതകളായ പ്രധാന വിഷയങ്ങളിലെ മാറ്റം, കോളേജ് മാറ്റം, അന്തര്‍ സര്‍വകലാശാല മാറ്റം എന്നിവ നടപ്പിലാക്കിയിട്ടുണ്ടോ; വിശദാംശം നല്‍കാമോ;

നാലുവര്‍ഷ ബിരുദ പ്രോഗ്രാമില്‍ പരീക്ഷ നടത്തിപ്പ്, റിസള്‍ട്ട് പ്രഖ്യാപനം എന്നിവ സംബന്ധിച്ച വിശദാംശങ്ങള്‍ നൽകാമോ?

ഉന്നത വിദ്യാഭ്യാസ വകുപ്പിനു കീഴിലുള്ള ആർട്സ് & സയൻസ് കോളേജുകളിലെ ബിരുദാനന്തര ബിരുദ ക്ലാസുകൾക്ക് നൽകി വന്നിരുന്ന പി. ജി. വെയിറ്റേജ് പിൻവലിക്കാൻ തീരുമാനിച്ചത് ഏത് അക്കാദമിക് പഠനത്തിന്റെ അടിസ്ഥാനത്തിലാണെന്ന് വ്യക്തമാക്കാമോ; ഈ തീരുമാനം എടുക്കുന്നതിന് മുമ്പ് വിദഗ്ധ സമിതിയെ നിയോഗിച്ചിട്ടുണ്ടോ; ഉണ്ടെങ്കിൽ ആ സമിതിയിലെ അംഗങ്ങൾ ആരെല്ലാമാണ്; സമിതിയുടെ റിപ്പോർട്ട് സഭയിൽ വയ്ക്കുമോ;

പ്രസ്തുത കോളേജുകളിലെ പതിനാറ് മണിക്കൂറിൽ താഴെ വരുന്ന ടീച്ചിംഗ് തസ്തികകൾ എക്സസ് പോസ്റ്റുകളായി കണക്കാക്കി കൊണ്ടുള്ള ഉത്തരവ് പുറത്തിറക്കും മുൻപ് ഇതുമായി ബന്ധപ്പെട്ട് എന്തൊക്കെ നടപടിക്രമങ്ങൾ ആണ് പൂർത്തിയാക്കിയത്; ഇതുമായി ബന്ധപ്പെട്ട് അക്കാദമിക്/ വിദഗ്ധ സമിതി രൂപീകരിച്ചിട്ടുണ്ടോ; ഉണ്ടെങ്കിൽ വിശദാംശങ്ങൾ നൽകാമോ;

പ്രസ്തുത കോളേജുകളിലെ പതിനാറ് മണിക്കൂറിൽ താഴെ വരുന്ന ടീച്ചിംഗ് തസ്തികകൾ എക്സസ് പോസ്റ്റുകളായി കണക്കാക്കി കൊണ്ട് 01.04.2020 ൽ പുറത്തിറക്കിയ ഉത്തരവ് സംബന്ധിച്ച് പരാതികൾ ലഭിച്ചിട്ടുണ്ടോ; ഇത് മൂലം എസ്. സി./എസ്. ടി. ഉദ്യോഗാർത്ഥികൾക്ക് ഉണ്ടായ ബുദ്ധിമുട്ട് വിലയിരുത്തിയിട്ടുണ്ടോ;

ഉന്നത വിദ്യാഭ്യാസ വകുപ്പിനു കീഴിലുള്ള ആർട്സ് & സയൻസ് കോളേജുകളിൽ എഫ്. വൈ. യു. ജി. പി. (ഫോർ ഇയർ അണ്ടർ ഗ്രാജുവേറ്റ് പ്രോഗ്രാം) നടപ്പിലാക്കിയതിനെ തുടർന്ന് അധ്യയന സമയങ്ങളിൽ വർദ്ധനവ് ഉണ്ടായിട്ടുണ്ടോ; പ്രസ്തുത അധ്യയന സമയങ്ങളിലേക്ക് ഗസ്റ്റ് അധ്യാപകരെ നിയമിച്ചിട്ടുണ്ടോ; ഇപ്രകാരം ഗസ്റ്റ് അധ്യാപകർ പതിനാറ് മണിക്കൂർ ജോലി ചെയ്യുന്ന തസ്തികകളിലേക്ക് സ്ഥിരം അധ്യാപകരെ പി.എസ്.സി. റാങ്ക് ലിസ്റ്റിൽ നിന്നും നിയമിക്കുന്നതിൽ നിയമപരവും സാങ്കേതികപരവുമായി എന്തെങ്കിലും തടസ്സമുണ്ടോ; ഉണ്ടെങ്കിൽ വ്യക്തമാക്കാമോ?

01.06.2016-ന് ശേഷം സംസ്ഥാനത്ത് പുതുതായി ആരംഭിച്ച സർക്കാർ, എയ്ഡഡ് കോളേജുകളുടെ വിശദാംശം ജില്ലാടിസ്ഥാനത്തിൽ ലഭ്യമാക്കാമോ;

പ്രസ്തുത തീയതിക്ക് ശേഷം പുതുതായി ആരംഭിച്ച എയ്ഡഡ് കോളേജുകളുടെ മാനേജ്മെന്റിന്റെ വിശദാംശം ലഭ്യമാക്കാമോ;

01.06.2016-ന് ശേഷം സംസ്ഥാനത്ത് പുതുതായി എയ്‌ഡഡ്‌ കോളേജുകൾ ആരംഭിക്കുന്നതുമായി ബന്ധപ്പെട്ട് അപേക്ഷകൾ ലഭ്യമായിട്ടുണ്ടോ; ഉണ്ടെങ്കിൽ എത്രയെന്ന് അറിയിക്കാമോ?

പഠനത്തിനൊപ്പം വരുമാനം കൂടി ഉറപ്പാക്കാന്‍ സാധിക്കും വിധം ഏണ്‍ ബൈ ലേണ്‍ പദ്ധതി നടപ്പിലാക്കിയിട്ടുണ്ടോ; വിശദമാക്കാമോ;

പ്രസ്തുത പദ്ധതിക്കായി സർക്കാർ നൽകിയ സഹായങ്ങൾ വിശദമാക്കാമോ;

പ്രൊഫഷണല്‍ കോഴ്സുകളില്‍ പ്രവേശനം നേടുന്ന വിദ്യാര്‍ത്ഥികള്‍ക്ക് പഠനകാലത്തുതന്നെ പ്രായോഗിക പരിശീലനം ഉറപ്പാക്കാന്‍ തെരഞ്ഞെടുക്കപ്പെട്ട ഉന്നതവിദ്യാഭ്യാസ സ്ഥാപനങ്ങളില്‍ ഇന്‍ക്യുബേഷന്‍ സെന്ററുകള്‍ ആരംഭിക്കുമെന്ന പ്രഖ്യാപനം നടപ്പിലാക്കാൻ സ്വീകരിച്ച നടപടികൾ വിശദമാക്കാമോ?

സംസ്ഥാനത്ത് നടപ്പിലാക്കിയ നാലുവർഷ ബിരുദ പ്രോഗ്രാം, ദേശീയ വിദ്യാഭ്യാസ നയം വിഭാവനം ചെയ്യുന്ന രീതിയിൽ നിന്ന് എങ്ങനെയെല്ലാം വ്യത്യസ്തമായിരിക്കുന്നുവെന്ന് വിശദീകരിക്കാമോ;

യു.ജി.സി. മുന്നോട്ട് വയ്ക്കുന്ന ഇന്ത്യൻ നോളജ് സിസ്റ്റംസ് കോഴ്സിന് ബദലായി സംസ്ഥാനം സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വ്യക്തമാക്കാമോ;

കേരളത്തിന്റെ മാതൃകകള്‍ യു.ജി.സി. സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

സംസ്ഥാനത്തെ ഉന്നതവിദ്യാഭ്യാസ മേഖല സാമ്പ്രദായിക വിദ്യാഭ്യാസ രീതിയില്‍ നിന്നും മാറി ആധുനിക കാലഘട്ടത്തിലെ വെല്ലുവിളികളെ നേരിടുന്നതിന് വിദ്യാർത്ഥികളെ പ്രാപ്തരാക്കുന്ന രീതിയില്‍ എന്തെല്ലാം പരിഷ്കകരണങ്ങളാണ് നടത്തി വരുന്നതെന്ന് വിശദമാക്കാമോ;

വിദ്യാര്‍ത്ഥികളെ ലോകോത്തര രീതിയില്‍ ഉയര്‍ത്തുന്നതിന് ഉന്നത വിദ്യാഭ്യസ മേഖലയിൽ ആവിഷ്ക്കരിച്ചു നടപ്പിലാക്കുന്ന പ്രത്യേക പദ്ധതികളുണ്ടോ; വിശദമാക്കാമോ;

വിദ്യാര്‍ത്ഥികള്‍ക്ക് ഇംഗ്ലീഷ് ഭാഷയിലെ ആശയ വിനിമയത്തിൽ പ്രതിഫലിക്കുന്ന നിലവാരക്കുറവ് പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചു വരുന്നു എന്ന് വ്യക്തമാക്കാമോ?

വികസിത് ഭാരത് ശിക്ഷാ അധിസ്ഥാൻ ബില്ലിലെ വ്യവസ്ഥകൾ സംസ്ഥാനത്തെ ഉന്നത വിദ്യാഭ്യാസ മേഖലയെ ഏതൊക്കെ രീതിയിൽ ബാധിക്കുമെന്ന് വ്യക്തമാക്കാമോ;

ഉന്നത വിദ്യാഭ്യാസ സ്ഥാപനങ്ങൾ പൂർണമായും കേന്ദ്ര മാനവ വിഭവശേഷി വികസന മന്ത്രാലയത്തിന്റെ നിയന്ത്രണത്തിന് വിധേയമാകുന്ന രീതിയിലുള്ള വ്യവസ്ഥകളോട് സംസ്ഥാന സർക്കാർ വിയോജിപ്പ് അറിയിച്ചിട്ടുണ്ടോയെന്ന് വ്യക്തമാക്കാമോ ?

സംസ്ഥാനത്തെ ഉന്നതവിദ്യാഭ്യാസ മേഖലയെ അന്താരാഷ്ട്ര നിലവാരത്തിലേക്കുയർത്തി മറ്റു സംസ്ഥാനങ്ങൾക്ക് മാതൃകയാക്കുന്നതിനായി സ്വീകരിച്ചുവരുന്ന പ്രധാന നടപടികൾ എന്തെല്ലാമാണെന്ന് വിശദമാക്കാമോ;

പ്രസ്തുത മേഖലയില്‍ സ്വകാര്യമേഖലയുടെ പ്രവര്‍ത്തനം മെച്ചപ്പെടുത്താനും കാര്യക്ഷമമാക്കാനും സ്വീകരിച്ചു വരുന്ന പ്രധാന പ്രവര്‍ത്തനങ്ങള്‍ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ചങ്ങനാശ്ശേരി മണ്ഡലത്തില്‍ ഉന്നതവിദ്യാഭ്യാസ വകുപ്പ് മുഖാന്തിരം നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

ഓരോ പദ്ധതിക്കും അനുവദിച്ച തുക, അവയുടെ നിലവിലെ സ്ഥിതി എന്നിവ വ്യക്തമാക്കാമോ; ഉത്തരവുകളുടെ പകര്‍പ്പ് ലഭ്യമാക്കുമോ;

ചങ്ങനാശ്ശേരി നിയോജക മണ്ഡലത്തിലെ ഏതെല്ലാം കോളേജുകള്‍ക്കാണ് അസാപ്, റൂസ ഫണ്ടുകള്‍ അനുവദിച്ചിട്ടുള്ളതെന്ന് വ്യക്തമാക്കുമോ; വിശദവിവരം നല്‍കുമോ?

മലയിന്‍കീഴ് മാധവകവി മെമ്മോറിയല്‍ ആര്‍ട്സ് & സയന്‍സ് കോളേജില്‍ കിഫ്ബി മുഖാന്തിരം നടന്ന കെട്ടിട നിര്‍മ്മാണങ്ങളുടെ വിശദാംശങ്ങള്‍ വ്യക്തമാക്കാമോ; അടങ്കല്‍ തുക, കെട്ടിടങ്ങളുടെ വിസ്തീര്‍ണ്ണം, ഉപയോഗം എന്നിവ സംബന്ധിച്ച വിശദാംശങ്ങള്‍ നൽക്കാമോ;

പ്രസ്തുത കോളേജില്‍ കഴിഞ്ഞ 10 വര്‍ഷത്തിനുള്ളില്‍ പുതിയ കോഴ്സുകള്‍ ആരംഭിച്ചിട്ടുണ്ടോ; വ്യക്തമാക്കാമോ?

നടപ്പു സർക്കാർ അധികാരത്തിൽ വന്നശേഷം നാളിതുവരെ മഞ്ചേരി മണ്ഡലത്തിൽ നടപ്പിലാക്കിയ ഉന്നത വിദ്യാഭ്യാസ പദ്ധതികൾ ഏതൊക്കെയാണെന്ന് വിശദമാക്കാമോ; വർഷം തിരിച്ചുള്ള കണക്കുകൾ ലഭ്യമാക്കാമോ; പ്രവർത്തികൾ നടന്നുവരുന്ന നിലവിലുള്ള പദ്ധതികളുടെ പുരോഗതി കൂടി വ്യക്തമാക്കാമോ;

കേരളത്തിലെ എയ്ഡഡ് കോളേജുകളിൽ പുതിയ കോഴ്സുകൾ ആരംഭിക്കുന്നതിനുള്ള അനുമതി നൽകുവാൻ സർക്കാർ തയ്യാറാകുമോ;

മഞ്ചേരി യൂണിറ്റി വുമൺസ് കോളേജിൽ എം.എസ്‌സി. ഹോം സയൻസ് കോഴ്സ് ആരംഭിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

മഞ്ചേരി മണ്ഡലത്തിൽ ഉന്നത വിദ്യാഭ്യാസ, സാങ്കേതിക വിദ്യാഭ്യാസ വകുപ്പുകൾക്ക് കീഴിൽ പുതിയ വിദ്യാഭ്യാസ പദ്ധതികൾ ആരംഭിക്കുന്ന കാര്യം ആലോചിക്കുമോ; വിശദമാക്കാമോ?

ഈ സർക്കാർ അധികാരമേറ്റതുമുതൽ നാളിതുവരെ കല്ല്യാശ്ശേരി നിയോജക മണ്ഡലത്തിൽ ഉന്നത വിദ്യാഭ്യാസ വകുപ്പ് നടപ്പാക്കിയ കിഫ്ബി പദ്ധതിയുൾപ്പടെയുള്ള എല്ലാ പദ്ധതികളുടെയും പ്രവൃത്തികളുടെയും വിശദാംശങ്ങൾ അറിയിക്കുമോ?

കോന്നി മണ്ഡലത്തില്‍ ഈ സര്‍ക്കാരിന്റെ കാലത്തും മുൻ സര്‍ക്കാരിന്റെ കാലത്തും ഉന്നതവിദ്യാഭ്യാസ വകുപ്പില്‍ നിന്നും വിവിധ പദ്ധതികള്‍ക്കായി അനുവദിച്ച തുകയും പ്രവൃത്തികളുടെ പേരും അവയുടെ പുരോഗതിയും ലഭ്യമാക്കാമോ;

പ്രസ്തുത പ്രവൃത്തികളില്‍ പൂര്‍ത്തീകരിച്ചവയും പൂര്‍ത്തീകരിക്കാന്‍ ഉള്ളവയുടെയും വിശദവിവരം ലഭ്യമാക്കാമോ;

പ്രസ്തുത പ്രവൃത്തികളില്‍ കിഫ്ബി പദ്ധതികള്‍ ഉള്‍പ്പെട്ടിട്ടുണ്ടെങ്കില്‍ അവയുടെ വിശദവിവരവും പുരോഗതിയും നല്‍കാമോ?

ഈ സർക്കാറിന്റെ കാലയളവിൽ മഞ്ചേശ്വരം നിയോജക മണ്ഡലത്തിൽ ഉന്നതവിദ്യാഭ്യാസ വകുപ്പ് നടപ്പാക്കിയതും തുടർന്ന് വരുന്നതുമായ വിവിധ പദ്ധതികളുടെ വിശദ വിവരങ്ങൾ ലഭ്യമാക്കുമോ;

പ്രസ്തുത പദ്ധതികൾക്ക് അനുവദിച്ച തുക, അവയുടെ നിർവ്വഹണ ഏജൻസി, പദ്ധതിയുടെ നിലവിലെ നിർവ്വഹണ പുരോഗതി എന്നിവ സംബന്ധിച്ച വിവരങ്ങൾ ലഭ്യമാക്കുമോ?

നാദാപുരം നിയോജക മണ്ഡലത്തില്‍ 2016 മുതൽ 2025 വരെയുള്ള കാലയളവിൽ ഉന്നത വിദ്യാഭ്യാസ വകുപ്പ് അനുവദിച്ച കെട്ടിട നിർമ്മാണം ഉൾപ്പെടെയുള്ള പദ്ധതികളുടെ വിശദാംശം ലഭ്യമാക്കാമോ?

നിലവിലെ സർക്കാർ അധികാരത്തിൽ വന്നതിനുശേഷം ഉന്നതവിദ്യാഭ്യാസ മേഖലയിൽ നടപ്പിലാക്കിയ പരിഷ്കാരങ്ങൾ എന്തെല്ലാമാണെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ഉന്നതവിദ്യാഭ്യാസ മേഖലയില്‍ വരുത്തിയ പരിഷ്കാരങ്ങള്‍ എന്തെല്ലാം; വ്യക്തമാക്കാമോ;

ഇതിലൂടെ വിദ്യാര്‍ത്ഥികള്‍ക്ക് ലഭിക്കുന്ന നേട്ടങ്ങള്‍ എന്തെല്ലാമെന്ന് വിശദമാക്കുമോ?

ഈ സര്‍ക്കാരിന്റെ കാലത്ത് ഗുരുവായൂര്‍ നിയോജക മണ്ഡലത്തില്‍ നടപ്പാക്കിയ ഉന്നതവിദ്യാഭ്യാസ മേഖലയിലെ പദ്ധതികളുടെ വിശദ വിവരങ്ങള്‍ ലഭ്യമാക്കാമോ?

ഉന്നത വിദ്യാഭ്യാസ വകുപ്പിന്റെ നേതൃത്വത്തിൽ നിലവിലെ സർക്കാരിന്റെ കാലയളവിൽ അഴീക്കോട് മണ്ഡലത്തിൽ നടപ്പിലാക്കിയിട്ടുളള പ്രവൃത്തികൾ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികളില്‍ പൂർത്തീകരിച്ചവ, പുരോഗമിക്കുന്നവ, ആരംഭിക്കാത്തവ എന്നിവ തരംതിരിച്ച് തുക ഉൾപ്പടെയുളള വിശദാംശം നൽകാമോ?

അസിസ്റ്റന്റ് പ്രൊഫസർ (വിവിധ വിഷയങ്ങൾ) റാങ്ക് ലിസ്റ്റിൽ ഉൾപ്പെട്ട പല ഉദ്യോഗാർത്ഥികൾക്കും നിയമനം ലഭിക്കുന്നില്ല എന്ന പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിൽ എന്ത് നടപടികളാണ് സ്വീകരിച്ചത്; വിശദമാക്കാമോ ;

നിലവിൽ കോളേജുകളിൽ അധ്യാപകരുടെ എണ്ണം അധികമായതിനാലാണോ അസിസ്റ്റന്റ് പ്രൊഫസർ നിയമനം തടസ്സപ്പെട്ട് കിടക്കുന്നത്; അധിക അധ്യാപക തസ്തികകളുടെ എണ്ണം കണക്കാക്കുന്നതിന് ഏത് വർക്ക് ലോഡാണ് സ്വീകരിച്ചത്; നാലു വർഷ ഡിഗ്രി (എഫ്.വൈ.യു.ജി.പി.) വന്നതിനുശേഷം ഉള്ള വർക്ക്‌ ലോഡ് ആണോ അതോ അതിനു മുമ്പത്തെ സ്കീമിൽ ഉള്ള വർക്ക് ലോഡ് ആണോ; വിശദമാക്കാമോ ;

നാലു വർഷ ഡിഗ്രി കോഴ്സ് ആരംഭിച്ചതിനുശേഷം അധ്യാപകരുടെ വർക്ക് ലോഡ് വർദ്ധിക്കുകയും അധിക അധ്യാപകരുടെ എണ്ണം കുറയുകയും ചെയ്തിട്ടുണ്ടോ; വിശദമാക്കാമോ;

നാലു വർഷ ഡിഗ്രിയുടെ (എഫ്.വൈ.യു.ജി.പി.) ആദ്യ ബാച്ച് പൂർത്തിയാകുന്നതോടുകൂടി അധിക അധ്യാപകരുടെ പ്രശ്നം പരിഹരിക്കപ്പെടുമോ; വിശദമാക്കാമോ ;

അസിസ്റ്റന്റ് പ്രൊഫസർ റാങ്ക് ലിസ്റ്റിൽ ഉൾപ്പെട്ടവർക്ക് നിയമനം ലഭിക്കുന്നതിനു നിലവിലുള്ള റാങ്ക് ലിസ്റ്റിന്റെ കാലാവധി നീട്ടി നൽകുന്നതിനുള്ള നടപടികൾ സ്വീകരിക്കുമോ ; വിശദമാക്കാമോ?

ഉന്നത വിദ്യാഭ്യാസ വകുപ്പിന് കീഴിലുള്ള കോളേജുകളിലെ അസിസ്റ്റൻറ് പ്രൊഫസർ തസ്തികകളിലേക്കുള്ള ഏതൊക്കെ റാങ്ക് ലിസ്റ്റുകൾ ആണ് 2025-26 അദ്ധ്യയന വര്‍ഷത്തില്‍ നിലവിലുണ്ടായിരുന്നത്;

പ്രസ്തുത തസ്തികകളിലേക്കുള്ള റാങ്ക് ലിസ്റ്റുകളിൽ നിന്ന് ഒന്നാം റാങ്കുകാർക്ക് പോലും നിയമനം നൽകാതെ കാലാവധി അവസാനിക്കുകയോ നിലനിൽക്കുന്നതോ ആയ റാങ്ക് ലിസ്റ്റുകൾ ശ്രദ്ധയിൽപ്പെട്ടിട്ടുണ്ടോ; എങ്കിൽ എന്തുകൊണ്ടാണ് ഇവർക്ക് നിയമനം നൽകാൻ കഴിയാതെ വന്നതെന്ന് വിശദമാക്കുമോ;

എല്ലാ കോളേജുകളിൽ നിന്നും വർക്ക് ലോഡ് സ്റ്റേറ്റ്മെൻറ് ശേഖരിക്കുന്നതിന് ഉന്നത വിദ്യാഭ്യാസ വകുപ്പിനോട് ധനകാര്യ വകുപ്പ് ആവശ്യപ്പെടുകയുണ്ടായോ; എങ്കിൽ പ്രസ്തുത സ്റ്റേറ്റ്മെൻറ് ധനകാര്യ വകുപ്പിന് കൈമാറിയിട്ടുണ്ടോ; എന്നാണ് ഇത് കൈമാറിയത്; വിശദാംശങ്ങള്‍ ലഭ്യമാക്കുമോ;

ധനകാര്യവകുപ്പിന് വർക്ക് ലോഡ് സ്റ്റേറ്റ്മെൻറ് കൈമാറിയതിന്റെ അടിസ്ഥാനത്തിൽ കോളേജുകളിൽ നിയമനം നടത്തുന്നതിന് ധനകാര്യ വകുപ്പിന്റെ അനുമതി ലഭ്യമാക്കുകയുണ്ടായോ;

ഉന്നത വിദ്യാഭ്യാസം തേടി നമ്മുടെ യുവതലമുറ വലിയ തോതിൽ അന്യസംസ്ഥാനങ്ങളിലേക്കും അന്യരാജ്യങ്ങളിലേക്കും ചേക്കേറി കൊണ്ടിരിക്കുന്ന നിലവിലെ സാഹചര്യത്തിൽ ഉന്നത വിദ്യാഭ്യാസ സ്ഥാപനങ്ങളിൽ അധ്യാപക ജീവനക്കാരുടെ കുറവ് ഈ പാലായനത്തിന്റെ ആക്കം കൂട്ടുമെന്ന് കരുതുന്നുണ്ടോ; എങ്കിൽ ഇത് പരിഹരിക്കുന്നതിനായി എന്തൊക്കെ അടിയന്തര നടപടികളാണ് സ്വീകരിക്കുക ?

സംസ്ഥാനത്ത് സർക്കാർ കോളേജുകളിലേക്ക് അസിസ്റ്റൻറ് പ്രൊഫസർ നിയമനത്തിനായുള്ള റാങ്ക് ലിസ്റ്റ് നിലവിലുണ്ടോ; ഈ റാങ്ക് ലിസ്റ്റ് നിലവിൽ വന്നശേഷം ഇതിൽ നിന്നും നടത്തിയ നിയമനങ്ങളുടെ കണക്കുകൾ നൽകാമോ;

ഈ റാങ്ക് ലിസ്റ്റിന്റെ കാലാവധി എന്നുവരെയാണ്; പ്രസ്തുത കാലാവധിക്കുള്ളിൽ പ്രസ്തുത റാങ്ക് ലിസ്റ്റില്‍ നിന്നും നിയമനം നടത്താൻ ഒഴിവുകൾ അവശേഷിക്കുന്നുണ്ടോ; വിശദമാക്കുമോ;

പല കോളേജുകളിലും ഒഴിവുകളുള്ള തസ്തികകളിലേക്ക് ഗസ്റ്റ് അധ്യാപകരെ നിയമിച്ചിട്ടുള്ള സാഹചര്യത്തിൽ പ്രസ്തുത റാങ്ക് ലിസ്റ്റിൽ നിന്ന് നിയമനം നടത്തുന്നില്ലെന്ന പരാതികൾ ഉണ്ടാകുന്നുണ്ടോ; ഈ റാങ്ക് ലിസ്റ്റിന്റെ കാലാവധി അവസാനിക്കാറായ സാഹചര്യത്തിൽ പ്രസ്തുത റാങ്ക് ലിസ്റ്റിൽ നിന്നും സാധ്യമായ പരാമാവധി നിയമനങ്ങൾ നടത്തുന്നതിന് നടപടി സ്വീകരിക്കാമോ?

ഈ സര്‍ക്കാരിന്റെ കാലത്ത് പത്തിരിപ്പാല ഗവ. ആര്‍ട്സ് & സയന്‍സ് കോളേജിന്റെ അടിസ്ഥാന വികസനത്തിനായി എന്തൊക്കെ പദ്ധതികളാണ് നടപ്പിലാക്കിയതെന്നു വിശദമാക്കാമോ;

പ്രസ്തുത പദ്ധതികളുടെ നിലവിലെ സ്ഥിതി വ്യക്തമാക്കാമോ?

മലപ്പുറം ഗവ. വനിതാ ആർട്സ് & സയൻസ് കോളേജിന്റെ കെട്ടിട നിർമാണത്തിന് കിഫ്‌ബിയിൽ ഉൾപ്പെടുത്തി ഫണ്ട് അനുവദിച്ച് ധനാനുമതി ലഭിച്ചെങ്കിലും കഴിഞ്ഞ രണ്ടു വർഷമായിട്ടും നിർമ്മാണ നടപടികളൊന്നും നടന്നിട്ടില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ;

പദ്ധതിക്ക് സാങ്കേതിക അനുമതിയും ടെണ്ടർ നടപടികളും പൂർത്തീകരിച്ചിട്ടുണ്ടോ; വിശദമാക്കാമോ; എങ്കിൽ നിർമ്മാണം വൈകുന്നതിന്റെ കാരണം വ്യക്തമാക്കാമോ;

സാങ്കേതിക തടസ്സങ്ങൾ പരിഹരിച്ച് കെട്ടിട നിർമ്മാണ പ്രവർത്തനങ്ങൾ എന്നേത്തേക്ക് ആരംഭിക്കുവാൻ സാധിക്കുമെന്ന് അറിയിക്കാമോ?

മൊകേരി ഗവണ്‍മെന്റ് കോളേജില്‍ പുതിയ കോഴ്സുകള്‍ അനുവദിക്കുന്നതിനായി ലഭിച്ച അപേക്ഷയില്‍ തീരുമാനമെടുത്തിട്ടുണ്ടോ; എങ്കിൽ വിശദമാക്കാമോ;

2021 മെയ് മാസം മുതല്‍ ഇതു വരെയായി മൊകേരി ഗവണ്‍മെന്റ് കോളേജില്‍ നടത്തിയ വികസന പ്രവര്‍ത്തനങ്ങള്‍ എന്തൊക്കെയെന്ന് പ്രവൃത്തികളുടെ അടങ്കല്‍ തുക സഹിതം വിശദമാക്കാമോ?

വൈപ്പിൻ ഗവ. ആര്‍ട്ട്സ് ആന്റ് സയന്‍സ് കോളേജിന്റെ ഉന്നമനത്തിനായി സ്വീകരിച്ചിട്ടുള്ള നടപടികള്‍ എന്തൊക്കെയെന്ന് വ്യക്തമാക്കാമോ;

കോളേജിന്റെ വികസനത്തിനായി സ്ഥലം ഏറ്റെടുക്കുന്നതിന് തുക അനുവദിച്ചിട്ടുള്ള സാഹചര്യത്തില്‍ സ്വീകരിച്ചിട്ടുള്ള തുടർനടപടികൾ വിശദമാക്കാമോ?

സംസ്ഥാനത്തെ സർക്കാർ കോളേജുകളിൽ പ്രിൻസിപ്പൽ നിയമനത്തിന് കാലതാമസം നേരിടുന്നതിനാൽ ഗുരുതരമായ പ്രതിസന്ധി നിലനിൽക്കുന്നത് ഗൗരവത്തോടെ കാണുന്നുണ്ടോ; വിശദാംശങ്ങൾ വ്യക്തമാക്കാമോ;

സംസ്ഥാനത്ത് നിലവിൽ ആകെ എത്ര ഗവൺമെന്റ് കോളേജുകളുണ്ടെന്നും അവയിൽ എത്രയിടങ്ങളിൽ സ്ഥിരം പ്രിൻസിപ്പൽമാരുടെ സേവനം ലഭ്യമാണെന്നും വ്യക്തമാക്കാമോ; പ്രിൻസിപ്പൽ നിയമനം അടിയന്തരമായി നടത്തുന്നതിനുളള നടപടികൾ സ്വീകരിക്കുമോയെന്ന് വ്യക്തമാക്കാമോ?

വണ്ടൂര്‍ നിയോജക മണ്ഡലത്തിലെ കാളികാവില്‍ സര്‍ക്കാര്‍ കോളേജ് ആരംഭിക്കുന്നതിനുള്ള നടപടിക്രമങ്ങള്‍ എന്തൊക്കെയായെന്നു വിശദമാക്കാമോ;

പ്രസ്തുത കോളേജ് എന്നത്തേക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ;

2016 മെയ് മുതല്‍ നാളിതുവരെ സംസ്ഥാനത്ത് പുതുതായി എത്ര സര്‍ക്കാര്‍ കോളേജുകള്‍ ആരംഭിച്ചുണ്ട്; വിശദവിവരം ലഭ്യമാക്കാമോ?

മലയിൻകീഴ് മാധവകവി മെമ്മോറിയൽ ഗവൺമെന്റ് കോളേജിൽ ഹെൽത്ത് ഫിറ്റ്‌നസ് ആൻഡ് സ്‌പോർട്‌സ് മാനേജ്‌മെന്റിൽ നാലുവർഷ ബിരുദ പ്രോഗ്രാം ആരംഭിക്കുന്നത് സംബന്ധിച്ച നിർദ്ദേശം പരിഗണനയിലുണ്ടോ; ആയതിനായി അടിയന്തര നടപടികൾ സ്വീകരിക്കുമോ എന്ന് വ്യക്തമാക്കാമോ?

നിലമ്പൂർ ഗവൺമെന്റ് കോളേജിന് വേണ്ടിയുള്ള സ്ഥലമേറ്റെടുക്കൽ പൂർത്തീകരിച്ചതായി ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രസ്തുത കോളേജിന്റെ നിർമ്മാണ പ്രവൃത്തികൾ ആരംഭിക്കുവാനുള്ള നടപടികൾ സ്വീകരിക്കുമോ?

കിനാനൂർ - കരിന്തളം ഗവഃ ആർട്സ് & സയൻസ് കോളജിന് കെട്ടിടം നിർമ്മിക്കാനുള്ള നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ എസ്റ്റിമേറ്റ് തുക ഉൾപ്പെടെയുള്ള വിശദാംശങ്ങൾ നൽകാമോ;

പ്രസ്തുത കെട്ടിടത്തിന്റെ കിഫ്‌ബി ഫണ്ട്‌ ഉപയോഗിച്ചിട്ടുള്ള നിർമ്മാണ നടപടികൾ ഏത് ഘട്ടത്തിലാണെന്ന് വ്യക്തമാക്കാമോ?

നെയ്യാറ്റിന്‍കര കുളത്തൂരില്‍ സ്ഥിതി ചെയ്യുന്ന ഗവ: ആർട്‌സ് ആൻഡ് സയൻസ് കോളേജില്‍ 2016-17 മുതല്‍ 2025-26 വരെയുള്ള അദ്ധ്യയന വര്‍ഷങ്ങളില്‍ അനുവദിച്ച പുതിയ കോഴ്സുകളുടെ വിവരം ആരംഭിച്ച വര്‍ഷം സഹിതം വ്യക്തമാക്കാമോ?

നെയ്യാറ്റിന്‍കര കുളത്തൂര്‍ ഗവണ്‍മെന്റ് കോളേജില്‍ 2016-17 സാമ്പത്തിക വര്‍ഷം മുതല്‍ 2025-26 സാമ്പത്തിക വര്‍ഷം വരെ ഏതൊക്കെ നിര്‍മ്മാണ പ്രവൃത്തികള്‍ക്ക് ഫണ്ട് അനുവദിച്ചു; ഓരോ നിര്‍മ്മാണ പ്രവര്‍ത്തിക്കും അനുവദിച്ച തുക എത്ര; എന്നിവ വ്യക്തമാക്കാമോ?

സംസ്ഥാനത്ത് സർക്കാർ, എയ്ഡഡ് മേഖലകളിൽ നിലവിലുള്ള ആർട്സ് & സയൻസ് കോളേജുകളുടെ ജില്ല തിരിച്ചുളള എണ്ണം ലഭ്യമാക്കാമോ;

പ്രസ്തുത എയ്ഡഡ് കോളേജുകളുടെ മാനേജ്മെന്റിന്റെ വിശദാംശങ്ങൾ ജില്ല തിരിച്ച് ലഭ്യമാക്കാമോ?

രാജ്യത്ത് ഉന്നതവിദ്യാഭ്യാസത്തിന് പ്രവേശനം നേടുന്നവരുടെ സ്ത്രീ-പുരുഷ അനുപാതത്തില്‍ സംസ്ഥാനത്തിന് ഒന്നാം സ്ഥാനം ലഭിച്ചിട്ടുണ്ടോ; പ്രസ്തുത നേട്ടം കൈവരിക്കുന്നതിന് കഴിഞ്ഞ സർക്കാരിന്റെയും നിലവിലെ സർക്കാരിന്റെയും വിദ്യാഭ്യാസ നയങ്ങള്‍ എത്രത്തോളം സഹായകമായിട്ടുണ്ടെന്ന് വിലയിരുത്തിയിട്ടുണ്ടോ; വിശദമാക്കുമോ;

ഉന്നതവിദ്യാഭ്യാസം നേടുന്ന സ്ത്രീകളിൽ കൂടുതല്‍ പേരും തൊഴിൽ രംഗത്ത് എത്തിച്ചേരുന്നില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

ഉന്നതവിദ്യാഭ്യാസം നേടുന്ന വനിതകള്‍ക്ക് തൊഴില്‍ മേഖലയില്‍ വിജയം കൈവരിക്കുന്നതിനുളള കഴിവുകള്‍ വികസിപ്പിക്കുന്നതിന് സഹായങ്ങള്‍ നല്‍കുന്നുണ്ടോ; വിശദാംശം ലഭ്യമാക്കുമോ?

വിവര സാങ്കേതികവിദ്യയുടെ കുതിച്ചുചാട്ടം സൃഷ്ടിക്കുന്ന പുതിയ വ്യവസായ മേഖലയ്ക്ക് ആവശ്യമായ സാങ്കേതികവെെദഗ്ദ്ധ്യമുള്ള മനുഷ്യവിഭവശേഷി സൃഷ്ടിക്കുന്നതിന് സംസ്ഥാനത്തെ ഉന്നത സാങ്കേതിക വിദ്യാഭ്യാസ സ്ഥാപനങ്ങള്‍ക്ക് സാധ്യമാകുന്നുണ്ടോ; വിശദമാക്കുമോ;

വ്യവസായ മേഖലയുടെ പുതിയ ആവശ്യങ്ങള്‍ക്ക് അനുസൃതമായ സാങ്കേതികവെെദഗ്ദ്ധ്യം വിദ്യാര്‍ത്ഥികളില്‍ സൃഷ്ടിക്കുന്നതിന് സംസ്ഥാനത്തെ എഞ്ചിനീയറിംഗ് കോളേജുകളെ സജ്ജമാക്കുന്നതിന് നടപടികള്‍ സ്വീകരിച്ചിട്ടുണ്ടോ;‍ വിശദമാക്കാമോ;

ആധുനികകാല വ്യവസായത്തിന്റെ ആവശ്യകതയ്ക്കനുസരിച്ച് കോഴ്സുകള്‍ രൂപകൽപന ചെയ്യുന്നതിനും വ്യവസായസംരംഭകരുമായി ആശയവിനിമയം നടത്തുന്നതിനും സംസ്ഥാനത്തെ സര്‍വ്വകലാശാലകള്‍ക്ക് നിലവിൽ സംവിധാനങ്ങളുണ്ടോ; വ്യക്തമാക്കാമോ;

സംസ്ഥാനത്തെ സാങ്കേതിക വിദ്യാഭ്യാസ സ്ഥാപനങ്ങളില്‍ എ.ഐ. സാങ്കേതിക വിദ്യ ഉള്‍പ്പടെയുള്ള നൂതന സാങ്കേതികവിദ്യകളിലധിഷ്ഠിതമായ‍ കാേഴ്സുകള്‍ തുടങ്ങുന്നതിന് നടപടികള്‍ സ്വീകരിച്ചിട്ടുണ്ടാേ; വിശദമാക്കാമോ?

കോഴിക്കോട് ഗവണ്‍മെന്റ് എഞ്ചിനീയറിംഗ് കോളേജ് വികസനത്തിനായി നിലവിലെ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

പ്രസ്തുത കാലയളവിൽ കോഴിക്കോട് ഗവണ്‍മെന്റ് എഞ്ചിനീയറിംഗ് കോളേജില്‍ ഏതെങ്കിലും പുതിയ കോഴ്സിന് അംഗീകാരം നല്‍കിയിട്ടുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കുമോ?

കിഫ്ബി ഫണ്ട് ഉപയോഗിച്ച് പ്രവൃത്തി നടത്താനുള്ള ഒറ്റപ്പാലം മണ്ഡലത്തിലെ ശ്രീകൃഷ്ണപുരം ഗവ: എഞ്ചിനീയറിംഗ് കോളേജിലെ ലേഡീസ് ഹോസ്റ്റല്‍ നിര്‍മ്മാണത്തിന്റെ ടെന്‍ഡര്‍ നടപടികള്‍ ഏത് അവസ്ഥിയിലാണ് ഉള്ളത്; വ്യക്തമാക്കുമോ;

പ്രസ്തുത ടെന്‍ഡറില്‍ ഊരാളുങ്കല്‍ സൊസൈറ്റി പങ്കെടുത്തിട്ടുണ്ടോ; ഇല്ലെങ്കില്‍ അവര്‍ക്ക് പ്രസ്തുത ടെന്‍ഡര്‍ നല്‍കണമെന്ന വ്യവസ്ഥ ഉണ്ടോ; എങ്കില്‍ എന്തുകൊണ്ട് അവര്‍ക്ക് നല്‍കുന്നില്ല; വ്യക്തമാക്കുമോ;

നിലവില്‍ ടെന്‍ഡറുമായി ബന്ധപ്പെട്ട ഫയല്‍ ആരുടെ കൈവശമാണ് ഉള്ളത്; എന്നത്തേക്ക് ടെന്‍ഡര്‍ നടപടികള്‍ പൂര്‍ത്തിയാക്കും; വിശദവിവരങ്ങള്‍ ലഭ്യമാക്കാമോ?

പാലാ സർക്കാർ പോളിടെക്നിക്ക് കോളേജിൽ ട്രേഡ് ഇൻസ്പെക്ടർ തസ്തികയിൽ സേവനത്തിലിരിക്കെ മരണപ്പെട്ട അബി.കെ.അലിയാരുടെ ഭാര്യ ശ്രീമതി. ജാസ്മോൾ എ.എം.- ന് സമാശ്വാസ തൊഴിൽദാന പദ്ധതി പ്രകാരം സാങ്കേതിക വിദ്യാഭ്യാസ വകുപ്പിൽ ക്ലർക്ക് തസ്തികയിൽ നിയമനം നൽകുന്നതിന് ഉത്തരവ് നൽകിയിരുന്നുവെങ്കിലും പ്രസ്തുത ഉത്തരവ് നടപ്പിലാക്കുവാൻ വൈകുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത ഉത്തരവ് അടിയന്തരമായി നടപ്പിലാക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

2016-17 സാമ്പത്തിക വര്‍ഷം മുതല്‍ 2025-26 സാമ്പത്തിക വര്‍ഷം വരെ നെയ്യാറ്റിന്‍കര ഗവണ്‍മെന്റ് പോളിടെക്‌നിക്കില്‍ വിവിധ നിര്‍മ്മാണ പ്രവ്യത്തികള്‍ക്ക് വേണ്ടി എത്ര കോടി രൂപയാണ് അനുവദിച്ചതെന്ന് വിശദമാക്കാമോ; ഓരോ ഫണ്ടും ഏതൊക്കെ പ്രവൃത്തികള്‍ക്കാണ് വിനിയോഗിച്ചതെന്ന് വ്യക്തമാക്കാമോ?

പേരാമ്പ്ര മണ്ഡലത്തില്‍ ഗവ: പോളിടെക്നിക് കോളേജ് തുടങ്ങാന്‍ ഉദ്ദേശിക്കുന്നുണ്ടോ; ഉണ്ടെങ്കില്‍ എവിടെയാണ് കോളേജ് തുടങ്ങാന്‍ ഉദ്ദേശിക്കുന്നത്;

കഴിഞ്ഞ ബജറ്റില്‍ പ്രസ്തുത ആവശ്യത്തിന് എത്ര തുകയാണ് നീക്കിവെച്ചിട്ടുള്ളത്;

ഏതെല്ലാം കോഴ്സുകളാണ് ആദ്യമായി ആരംഭിക്കാനുദ്ദേശിക്കുന്നത്; അടുത്ത അദ്ധ്യായന വര്‍ഷം തന്നെ കോളേജിന്റെ പ്രവര്‍ത്തനം ആരംഭിക്കുവാന്‍ കഴിയുമോ?

സാങ്കേതിക വിദ്യാഭ്യാസ വകുപ്പിന് കീഴിലുള്ള പോളിടെക്നിക് കോളേജുകളിൽ പ്രാക്ടിക്കൽ അദ്ധ്യാപകരുടെ കുറവ് പരിഹരിക്കുന്നതിനായി, എഞ്ചിനീയറിങ് ഡിപ്ലോമ യോഗ്യതയുള്ള സീനിയർ പ്രാക്ടിക്കൽ അദ്ധ്യാപകരുടെ പ്രമോഷൻ തസ്തികകൾ അധിക സാമ്പത്തിക ബാധ്യതകളൊന്നുമില്ലാതെ സൃഷ്ടിക്കുന്നത് സംബന്ധിച്ച് 24.11.2021-ന് സാങ്കേതിക വിദ്യാഭ്യാസ ഡയറക്ടർ സമർപ്പിച്ച ശിപാർശയുടെ വിശദാംശം ലഭ്യമാക്കാമോ;

പ്രസ്തുത ശിപാർശയിന്മേല്‍ സ്വീകരിച്ചിട്ടുള്ള നടപടി എന്താണെന്ന് വ്യക്തമാക്കാമോ;

പ്രസ്തുത തസ്തികകള്‍ സൃഷ്ടിക്കുന്നതിന് എന്തെങ്കിലും തടസ്സമുണ്ടെങ്കിൽ എന്താണെന്ന് വ്യക്തമാക്കാമോ;

പ്രസ്തുത തസ്തികകൾ സൃഷ്ടിക്കുന്നതിന് നടപടി സ്വീകരിക്കുമോയെന്ന് വിശദമാക്കാമോ?

നെയ്യാറ്റിന്‍കര ഗവണ്‍മെന്റ് പോളി ടെക്നിക്കില്‍ 2016-17 അദ്ധ്യയന വര്‍ഷം മുതല്‍ 2025-26 അദ്ധ്യയന വര്‍ഷം വരെ പുതിയതായി അനുവദിച്ച കോഴ്സുകള്‍ ഏതൊക്കെയാണെന്ന് വിശദമാക്കാമോ; കോഴ്സുകള്‍ അനുവദിച്ചിട്ടുള്ളത് ഏതൊക്കെ വര്‍ഷത്തിലാണെന്നും വ്യക്തമാക്കാമോ?

കുറവിലങ്ങാട് സയൻസ് സിറ്റിയുടെ രണ്ടാംഘട്ട വികസനത്തിന് എത്ര തുക അനുവദിച്ചിട്ടുണ്ട്; ഇതിന്റെ നിലവിലെ പുരോഗതി വിശദമാക്കാമോ;

രണ്ടാംഘട്ട വികസനത്തിൽ ഉൾപ്പെടുത്തിയിരിക്കുന്ന പ്രധാന പദ്ധതികളും സൗകര്യങ്ങളും ഏതെല്ലാമാണ്;

രണ്ടാംഘട്ട വികസന പ്രവർത്തനങ്ങൾ ആരംഭിക്കാനുണ്ടായ താമസത്തിന്റെ കാരണം എന്താണ്; ആയതിന് പരിഹാരം കാണാൻ സ്വീകരിച്ച നടപടികൾ എന്തെല്ലാം;

ഈ വികസന ഘട്ടം പൂർത്തിയാകുന്നതോടെ വിദ്യാർത്ഥികൾക്കും പൊതുജനങ്ങൾക്കും ലഭിക്കാനിരിക്കുന്ന പുതിയ ശാസ്ത്ര–സാങ്കേതിക സൗകര്യങ്ങൾ ഏതെല്ലാം;

രണ്ടാംഘട്ട വികസനത്തിനായി ഭൂമി ഏറ്റെടുക്കൽ, ടെൻഡർ നടപടികൾ എന്നിവ പൂര്‍ത്തിയായിട്ടുണ്ടോ; നിലവിലെ സ്ഥിതി വ്യക്തമാക്കാമോ;

പ്രസ്തുത പദ്ധതി പ്രദേശത്തെ വിദ്യാഭ്യാസമേഖലയ്ക്കും യുവജനങ്ങൾക്കും തൊഴിൽ അവസരങ്ങൾക്കുമായുള്ള പ്രതീക്ഷിത നേട്ടങ്ങൾ എന്തെല്ലാമാണ്;

രണ്ടാംഘട്ട വികസന പ്രവർത്തനങ്ങൾ പൂർത്തിയാക്കുന്നതിനായി സർക്കാർ നിശ്ചയിച്ചിരിക്കുന്ന സമയക്രമം എന്താണ്? അത് കൃത്യമായി പാലിക്കാൻ എന്തെല്ലാം നടപടികൾ സ്വീകരിച്ചിട്ടുണ്ട്?

ചാലക്കുടി മേഖലാ ശാസ്ത്ര കേന്ദ്രത്തിലെ പ്ലാനറ്റോറിയം കെട്ടിടത്തിന്റെ മകുടത്തിലെ ചോര്‍ച്ച പരിഹരിക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദീകരിക്കുമോ;

ചോര്‍ച്ച പരിഹരിച്ച് പ്ലാനറ്റോറിയം എന്നത്തേക്ക് പൊതുജനങ്ങള്‍ക്ക് തുറന്നു നല്‍കാന്‍ കഴിയുമെന്ന് വ്യക്തമാക്കാമോ?

തിരൂരങ്ങാടി നിയോജക മണ്ഡലത്തിലെ പരപ്പനങ്ങാടി എൽ.ബി.എസ്. ഇന്റഗ്രേറ്റഡ് ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജി-ക്ക് സ്ഥലവും കെട്ടിടവും നിർമ്മിക്കുന്നതിനുള്ള ഭരണാനുമതി ലഭ്യമാക്കിയിട്ടുണ്ടോ; വ്യക്തമാക്കാമോ;

സൂചിത പ്രവൃത്തിക്കായി 130 കോടി രൂപയുടെ ഭരണാനുമതി ലഭ്യമാക്കിയിരുന്നോ; വിശദമാക്കാമോ;

പ്രസ്തുത ഭരണാനുമതിയിൽ നിന്നും ഇതുവരെ എത്ര തുക അനുവദിച്ചിട്ടുണ്ട്; വിശദമാക്കാമോ;

ലഭ്യമായ ഭരണാനുമതിയിൽ നിന്നും ഭാഗികമായി തുക അനുവദിച്ച സാഹചര്യത്തിൽ, പ്രസ്തുത ഉത്തരവിന്റെയും ബാക്കി തുകയുടെയും നിലവിലെ അവസ്ഥ എന്താണ്; അവശേഷിക്കുന്ന തുക ഇപ്പോൾ ലഭ്യമാണോ എന്ന് കൂടി വിശദമാക്കാമോ;

പ്രസ്തുത പ്രവൃത്തിക്കായി അനുവദിച്ച തുകയിൽ, വിനിയോഗിച്ചതിന് ശേഷമുള്ള ബാക്കി തുക എന്നത്തേക്ക് അനുവദിക്കുമെന്ന് വ്യക്തമാക്കാമോ?

കോഴിക്കോട് ഗവണ്‍മെന്റ് എഞ്ചിനീയറിംഗ് കോളേജ്, ഗവണ്‍മെന്റ് പോളിടെക്‌നിക് എന്നിവ കേന്ദ്രീകരിച്ച് ഒരു ടെക്‌നിക്കൽ വിദ്യാഭ്യാസ ഹബ് ആരംഭിക്കുന്നതിനു തീരുമാനമെടുത്തിട്ടുണ്ടോ;

ഉണ്ടെങ്കില്‍ പ്രസ്തുത പദ്ധതി നടപ്പിലാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്?

പൂഞ്ഞാർ ഐ.എച്ച് .ആർ.ഡി. കോളേജ് ഓഫ് എഞ്ചിനീയറിങ്ങിൽ ക്യാമ്പസ് ഇൻഡസ്ട്രിയൽ പാർക്ക് സ്ഥാപിക്കുന്നതുമായി ബന്ധപ്പെട്ട നടപടികൾ സ്വീകരിക്കുന്നതിനുള്ള ഡെവലപ്പർ അനുമതി വ്യവസായ വകുപ്പിൽ നിന്നും ലഭിച്ചതിന്റെ അടിസ്ഥാനത്തിൽ എന്തെല്ലാം തുടർനടപടികളാണ് വകുപ്പ് സ്വീകരിച്ചുവരുന്നതെന്ന് വ്യക്തമാക്കാമോ?

സംസ്ഥാനത്ത് ഉന്നത വിദ്യാഭ്യാസ മേഖലയിലെ എന്‍റോള്‍മെന്റ് 75 ശതമാനമായി ഉയർത്താൻ സാധിച്ചിട്ടുണ്ടോ; വിശദമാക്കാമോ;

ഉന്നത വിദ്യാഭ്യാസ മേഖലയില്‍ പത്ത് ശതമാനം സീറ്റ് വര്‍ദ്ധന, പുതിയ കോഴ്സുകള്‍, ഗവേഷണ സൗകര്യ വര്‍ദ്ധന എന്നിവ നടപ്പിലാക്കാൻ സാധിച്ചിട്ടുണ്ടോ; വിശദ വിവരം നൽകാമോ;

ആവശ്യമായ അധ്യാപക തസ്തികകള്‍ സൃഷ്ടിക്കുന്നതിനും നിയമനം പി.എസ്.സി. മുഖേനയാക്കുന്നതിനും സ്വീകരിച്ച നടപടികൾ വിശദമാക്കാമോ?

വയനാട്ടിലെ ട്രൈബൽ യൂണിവേഴ്സിറ്റിയുടെ ലക്ഷ്യങ്ങള്‍ എന്തെല്ലാമാണെന്ന് വിശദമാക്കുമോ;

ട്രൈബൽ യൂണിവേഴ്സിറ്റിയുടെ പ്രവർത്തനങ്ങൾ മെച്ചപ്പെടുത്തുന്നതിന് സർക്കാർ തലത്തിൽ തീരുമാനമെടുത്തിട്ടുണ്ടോ; എങ്കിൽ ഇതിനായി എന്തൊക്കെ നടപടികളാണ് നാളിതുവരെ സ്വീകരിച്ചിട്ടുള്ളത്;

ട്രൈബൽ യൂണിവേഴ്സിറ്റിയിലെ അധ്യാപക നിയമനത്തിന്റെ നിലവിലെ മാനദണ്ഡങ്ങൾ എന്തെല്ലാമാണ്;

ട്രൈബൽ യൂണിവേഴ്സിറ്റിയില്‍ എത്ര അധ്യാപകരാണ് നിലവിലുള്ളത്; സ്ഥിര നിയമനം, താല്‍ക്കാലിക നിയമനം, കരാര്‍ നിയമനം എന്നിങ്ങനെ തസ്തിക തിരിച്ചുള്ള കണക്ക് ലഭ്യമാക്കുമോ?

യൂണിവേഴ്സിറ്റി ഗ്രാന്റ് കമ്മീഷനു പകരം വികസിത് ഭാരത് ശിക്ഷാ അധിഷ്ഠാൻ എന്ന സ്ഥാപനത്തിനു രൂപം നൽകാൻ കേന്ദ്ര സർക്കാർ നടപടികൾ ആരംഭിച്ച കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പുതിയ സംവിധാനം ഉന്നത വിദ്യാഭ്യാസ മേഖലയെ എങ്ങനെയെല്ലാം ബാധിക്കുമെന്നാണ് സര്‍ക്കാര്‍ വിലയിരുത്തിയിട്ടുള്ളത്; വ്യക്തമാക്കാമോ;

സംസ്ഥാനത്തിന്റെ ആശങ്ക കേന്ദ്രസർക്കാരിനെ അറിയിച്ചിട്ടുണ്ടോ; വിശദമാക്കാമോ?

ഏകീകൃത അക്കാദമിക കലണ്ടര്‍ സംസ്ഥാനത്തെ ഉന്നത വിദ്യാഭ്യാസ മേഖലയില്‍ എന്തൊക്കെ മാറ്റങ്ങളാണ് കൊണ്ടുവന്നത്; വ്യക്തമാക്കാമോ;

കേരള റിസോഴ്‌സസ് ഫോർ എജ്യുക്കേഷൻ അഡ്മിനിസ്‌ട്രേഷൻ ആൻഡ് പ്ലാനിംഗ്(കെ-റീപ്പ്)-ന്റെ പ്രവര്‍ത്തനം സംബന്ധിച്ച വിശദാംശം ലഭ്യമാക്കാമോ;

ഏകീകൃത അക്കാദമിക കലണ്ടറും കെ-റീപ്പും നടപ്പിലാക്കാന്‍ നിലവിലെ സര്‍വ്വകലാശാല ചട്ടങ്ങളിലും ഓഫീസ് നടപടിക്രമങ്ങളിലും മാറ്റം വരുത്തേണ്ടതുണ്ടോ; എങ്കിൽ ആയതിനുള്ള നടപടികൾ സ്വീകരിക്കുമോ; വ്യക്തമാക്കാമോ?

2024-25, 2025-26 അക്കാദമിക വർഷങ്ങളിൽ സംസ്ഥാനത്തെ സർവ്വകലാശാലകളുടെ പഠന വകുപ്പുകളിലും സര്‍വ്വകലാശാല നേരിട്ട് നടത്തുന്ന വിവിധ സെന്ററുകളിലും വിവിധ ബിരുദ, ബിരുദാനന്തര ബിരുദ പ്രോഗ്രാമുകള്‍, ഇന്റഗ്രേറ്റഡ് പി. ജി., മറ്റ് പ്രോഗ്രാമുകള്‍ എന്നിവയുടെ ഒന്നാം സെമസ്റ്ററില്‍ പ്രവേശനത്തിന് അപേക്ഷിച്ചവര്‍, പ്രവേശനം നേടിയവര്‍, ലഭ്യമായ ആകെ സീറ്റുകള്‍, ഒഴിഞ്ഞുകിടക്കുന്ന സീറ്റുകള്‍ എന്നിവയുടെ വിശദാംശം അക്കാദമിക വർഷം തിരിച്ച് ലഭ്യമാക്കാമോ?

കേരളത്തിലെ സർവ്വകലാശാലാടിസ്ഥാനത്തില്‍ പരീക്ഷാ സമ്പ്രദായം ആധുനികവൽക്കരിക്കുന്നതിന് വേണ്ടി കഴിഞ്ഞ അഞ്ചു വർഷക്കാലയളവിൽ നടപ്പിലാക്കിയ വിവിധ പദ്ധതികൾക്ക് ചെലവഴിച്ച തുക സർവകലാശാലാടിസ്ഥാനത്തിൽ ഇനം തിരിച്ച് ലഭ്യമാക്കാമോ;

പരീക്ഷ ഫലം പ്രസിദ്ധീകരിച്ച ശേഷം വിദ്യാർത്ഥികൾ അവരുടെ ഉത്തര പേപ്പറുകളുടെ പകർപ്പുകൾ ആവശ്യപ്പെട്ടാൽ അനുവദിക്കാറുണ്ടോ; ആയതിന്റെ നടപടിക്രമം വിശദമാക്കുമോ;

വിവിധ സർവ്വകലാശാലകൾ വിദ്യാർത്ഥികൾക്കനുവദിച്ച പരീക്ഷ ഉത്തര പേപ്പറുകളുടെ പകർപ്പുകൾ മാറിപ്പോയതായി പരാതികൾ ഉണ്ടായിട്ടുണ്ടോയെന്ന് വ്യക്തമാക്കാമോ; പരീക്ഷ, മാറിപ്പോയ ഉത്തര പേപ്പറുകളുടെ എണ്ണം, യഥാർത്ഥ ഉത്തരകടലാസിലെ മാർക്ക് വിദ്യാർത്ഥിക്ക് ലഭിക്കാൻ സ്വീകരിച്ച നടപടി എന്നിവയുൾപ്പെടെ ഉത്തര പേപ്പറുകൾ മാറിപ്പോയതായി ശ്രദ്ധയിൽപ്പെട്ട കേസുകളുടെ വിശദാംശവും അവയിൽ സർവ്വകലാശാല സ്വീകരിച്ച നടപടികളും ലഭ്യമാക്കാമോ;

സംസ്ഥാനത്തെ ഏതെങ്കിലും സർവ്വകലാശാലകളിൽ മൂല്യനിർണയത്തിനുശേഷം ഉത്തര പേപ്പറുകൾ സൂക്ഷിക്കാനും പുനർമൂല്യനിർണ്ണയത്തിന് ലഭ്യമാക്കാനും വേണ്ടിയുള്ള പ്രത്യേക സംവിധാനങ്ങൾ സ്ഥാപിച്ചിട്ടുണ്ടോ; എങ്കിൽ പ്രസ്തുത സംവിധാനത്തിന്റെ പേര്, അതിന് ചെലവാക്കിയ തുക, വാർഷിക അറ്റകുറ്റപ്പണികൾ നടത്താനുള്ള കരാറിൽ ഏർപ്പെട്ടിട്ടുണ്ടെങ്കിൽ ആയതിന് കരാർ പ്രകാരം നൽകിയ തുക എന്നിവയുൾപ്പെടെ വിശദാംശം സർവ്വകലാശാടിസ്ഥാനത്തിൽ ലഭ്യമാക്കാമോ;

കേരളത്തിലെ സർവ്വകലാശാലകൾ പരീക്ഷാ ഫലപ്രഖ്യാപനത്തിനുശേഷം ഉത്തര പേപ്പറുകൾ എത്ര കാലം സൂക്ഷിക്കുന്നുവെന്ന് അറിയിക്കാമോ; പ്രസ്തുത കാലയളവ് സംബന്ധിച്ച് സർവ്വകലാശാലകൾ ഇറക്കിയ പ്രധാനപ്പെട്ട ഉത്തരവുകളുടെ പകർപ്പ് നൽകാമോ?

സര്‍വ്വകലാശാലാ പഠന വകുപ്പുകളില്‍ പ്രൊജക്ട് മോഡിലുളള ഏതെല്ലാം കോഴ്‌സുകളാണ് നിലവിലുളളതെന്നും ഏത് വര്‍ഷം മുതലാണ് പ്രസ്തുത കോഴ്‌സുകള്‍ ആരംഭിച്ചതെന്നും വിശദമാക്കാമോ;

ഓരോ വര്‍ഷവും പ്രസ്തുത കോഴ്‌സുകളിൽ ലഭ്യമായിട്ടുള്ള ആകെ സീറ്റുകള്‍, ഒഴിഞ്ഞുകിടക്കുന്ന സീറ്റുകൾ, പ്രവേശനം നേടിയ വിദ്യാര്‍ത്ഥികളുടെ എണ്ണം എന്നിവ വിശദമാക്കാമോ;

പ്രസ്തുത പ്രൊജക്ട് മോഡ് കോഴ്‌സുകളുടെ നടത്തിപ്പുമായി ബന്ധപ്പെട്ട് കരാര്‍, താല്‍ക്കാലിക വ്യവസ്ഥയില്‍ നിയമിച്ച അധ്യാപക, അനധ്യാപക ജീവനക്കാരുടെ എണ്ണവും ഓരോ കോഴ്‌സിനും വേണ്ടി നിയമിച്ചവരുടെ വിശദാംശവും പ്രസ്തുത ജീവനക്കാർക്ക് നാളിതുവരെ അനുവദിച്ച വേതനം സംബന്ധിച്ച വിശദാംശവും ലഭ്യമാക്കാമോ;

പ്രൊജക്ട് മോഡ് കോഴ്‌സുകളുടെ നടത്തിപ്പുമായി ബന്ധപ്പെട്ട് ഫീസ്, സര്‍ക്കാര്‍ ഗ്രാന്റ് എന്നീയിനങ്ങളില്‍ നാളിതുവരെ ലഭിച്ച തുകയുടെയും നാളിതുവരെ ചെലവഴിച്ച തുകയുടെയും (കരാര്‍, താല്‍കാലിക ജീവനക്കാരുടെ വേതനം, ഉപകരണങ്ങള്‍, കംപ്യൂട്ടറുകള്‍, ഫര്‍ണിച്ചറുകള്‍ തുടങ്ങിയവയുടെ വാങ്ങല്‍, മറ്റ് ചെലവുകള്‍ എന്നിവ പ്രത്യേകമായി) വിശദാംശം ലഭ്യമാക്കാമോ?

ഉന്നതവിദ്യാഭ്യാസ മേഖലയുടെ പദ്ധതി അടങ്കല്‍ ഗണ്യമായി ഉയര്‍ത്തും എന്ന വാഗ്ദാനം പാലിക്കാൻ സാധിച്ചിട്ടുണ്ടോയെന്ന് വിശദമാക്കാമോ;

സര്‍വ്വകലാശാലകളില്‍ നടക്കുന്ന ഗവേഷണ പഠനങ്ങൾ അടുത്ത് മനസ്സിലാക്കാനും പ്രധാന വിദേശ ഭാഷകളില്‍ ബിരുദ ബിരുദാനന്തര കോഴ്സുകൾ ചെയ്യുന്നതിന് വിദ്യാര്‍ത്ഥികളെ സജ്ജമാക്കുവാനും സര്‍വ്വകലാശാലകളില്‍ സംവിധാനം ഒരുക്കാൻ നടത്തിയ ഇടപെടലുകൾ എന്തൊക്കെയാണെന്ന് വിശദമാക്കാമോ;

കേരളത്തിലെ സര്‍വ്വകലാശാലകൾക്ക് വിദേശ സര്‍വ്വകലാശാലകളിലെ ഗവേഷണ കേന്ദ്രങ്ങളുമായുള്ള സമ്പര്‍ക്കവും അക്കാദമിക് സഹകരണങ്ങളും പ്രോത്സാഹിപ്പിക്കാൻ സാധിച്ചിട്ടുണ്ടോയെന്ന് വിശദമാക്കാമോ?

കണ്ണൂര്‍ യൂണിവേഴ്സിറ്റിയ്ക്ക് കീഴില്‍ എം.എസ്.സി. ക്ലിനിക്കല്‍&കൗണ്‍സലിംഗ് സൈക്കോളജി കോഴ്‍സ് പഠിച്ച വിദ്യാര്‍ത്ഥികള്‍ക്ക് സംസ്ഥാനത്തെ മറ്റ് യൂണിവേഴ്സിറ്റികള്‍ എം.എ./എം.എസ്.സി. സൈക്കോളജി ഇക്വലന്‍സി സര്‍ട്ടിഫിക്കറ്റ് നല്‍കുന്നുണ്ടോ; വ്യക്തമാക്കാമോ;

ഡിഗ്രി കോഴ്സുകളില്‍ സൈക്കോളജി വിഷയങ്ങള്‍ പഠിക്കാതെ എം.എസ്.സി. ക്ലിനിക്കല്‍ & കൗണ്‍സലിംഗ് സൈക്കോളജി വിഷയങ്ങള്‍ പഠിച്ച വിദ്യാര്‍ത്ഥികള്‍ക്ക് എം.എസ്.സി. സൈക്കോളജി ഇക്വലന്‍സി സര്‍ട്ടിഫിക്കറ്റ് കൊടുക്കുന്നുണ്ടോ; ഇല്ലെങ്കില്‍ എന്തുകൊണ്ടാണ് ഇക്വലന്‍സി സര്‍ട്ടിഫിക്കറ്റ് കൊടുക്കാത്തതെന്ന് വിശദമാക്കാമോ;

ഏതെങ്കിലും വിഷയത്തിലുള്ള ബിരുദം മതി എന്ന നോട്ടിഫിക്കേഷന്‍ വ്യവസ്ഥ പ്രകാരം എം.എസ്.സി. ക്ലിനിക്കല്‍ & കൗണ്‍സലിംഗ് സൈക്കോളജി കോഴ്സ് പഠിച്ച് പാസ്സായ വിദ്യര്‍ത്ഥികള്‍ക്ക് എം.എസ്.സി./എം.എ. സൈക്കോളജി ഇക്വലന്‍സി സര്‍ട്ടിഫിക്കറ്റ് നല്‍കുന്നതിന് നടപടി സ്വീകരിക്കാമോ;

മേല്‍പ്പറഞ്ഞ രീതിയില്‍ കോഴ്സ് പൂര്‍ത്തിയാക്കി സെറ്റ് നേടിയ വിദ്യാര്‍ത്ഥികള്‍ക്ക് ഇക്വലന്‍സി ഇല്ലാത്തതിനാല്‍ സെറ്റിന്റെ സര്‍ട്ടിഫിക്കറ്റ് എല്‍.ബി.എസ്. നല്‍കുന്നില്ല എന്നുളള വിഷയം ശ്രദ്ധയില്‍പ്പെട്ടിട്ടുണ്ടോ; അവര്‍ക്ക് സെറ്റ് സര്‍ട്ടിഫിക്കറ്റ് ലഭിക്കുന്നതിനുളള നടപടി സ്വീകരിക്കുമോ;

മേല്‍പ്പറഞ്ഞ വിഷയങ്ങള്‍ തുല്യമാണെന്ന് കാണിക്കുന്ന ഉന്നതവിദ്യാഭ്യാസ വകുപ്പിന്റെ ഗവണ്‍മെന്റ് ഓര്‍ഡര്‍, കണ്ണൂര്‍ യൂണിവേഴ്സിറ്റിയുടെ ഇക്വലന്‍സി സര്‍ട്ടിഫിക്കറ്റ്, കേരള യൂണിവേഴ്സിറ്റിയുടെ റെക്കഗ്നിഷന്‍ സര്‍ട്ടിഫിക്കറ്റ് എന്നിവ വച്ച് ഇത്തരത്തില്‍ ഇക്വലന്‍സി ലഭിക്കാത്ത വിദ്യാര്‍ത്ഥികള്‍ക്ക് സെറ്റ് സര്‍ട്ടിഫിക്കറ്റ് നല്‍കുന്നതിനുളള നടപടികള്‍ സ്വീകരിക്കാമോ?

തിരൂർ ആസ്ഥാനമായി പ്രവർത്തിക്കുന്ന മലയാള സർവ്വകലാശാലയിലെ നിയമനങ്ങൾ എപ്രകാരമാണ് നടത്തുന്നത്; പ്രസ്തുത നിയമനങ്ങളിൽ സംവരണ വ്യവസ്ഥ പാലിക്കാറുണ്ടോ; വ്യക്തമാക്കാമോ;

പ്രസ്തുത സർവ്വകലാശാലയില്‍ താൽക്കാലികാടിസ്ഥാനത്തിൽ നിയമനങ്ങൾ നടത്തിയിട്ടുണ്ടോ എന്നറിയിക്കാമോ;

താൽക്കാലിക ജീവനക്കാരെ സ്ഥിരപ്പെടുത്തണമെന്ന നിർദ്ദേശം ഉണ്ടായിട്ടുണ്ടോ; എങ്കിൽ എത്ര പേരെ സ്ഥിരപ്പെടുത്താനാണ് ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനത്തെ ഏതൊക്കെ യൂണിവേഴ്സിറ്റികളിലാണ് കമ്പ്യൂട്ടര്‍ അസിസ്റ്റന്റ് തസ്തികയില്‍ നാല് വര്‍ഷം പൂര്‍ത്തിയായവരില്‍ നിന്നും അസിസ്റ്റന്റ് തസ്തികയിലേക്ക് തസ്തിക മാറ്റം വഴി നിയമനം അനുവദിക്കുന്നത്; വിശദമാക്കാമോ;

യുണിവേഴ്സിറ്റികളില്‍ കമ്പ്യൂട്ടര്‍ അസിസ്റ്റന്റ് തസ്തികയില്‍ നിന്നും അസിസ്റ്റന്റ് തസ്തികയിലേക്ക് നിയമനം നല്‍കുന്നതിനുള്ള പൊതുമാനദണ്ഡം നിശ്ചയിച്ചുകൊണ്ടുള്ള ഉത്തരവ് നിലവിലുണ്ടോ; എങ്കില്‍ ഉത്തരവിന്റെ പകര്‍പ്പ് ലഭ്യമാക്കാമോ;

സെക്രട്ടേറിയറ്റിലെ കമ്പ്യൂട്ടര്‍ അസിസ്റ്റന്റമാര്‍ക്ക് അസിസ്റ്റന്റ് തസ്തികയിലേക്കുള്ള നിയമനത്തിന് ബാധകമായ ഉത്തരവ്/സ്പെഷ്യല്‍ റൂള്‍സ് യൂണിവേഴ്സിറ്റികള്‍ക്കും ബാധമാക്കി ഉത്തരവ് നല്‍കുന്നത് പരിഗണനയിലുണ്ടോ; വിശദമാക്കാമോ?

സംസ്ഥാനത്തെ സര്‍വകലാശാലകളില്‍ ഈ സര്‍ക്കാരിന്റെ കാലത്ത് വിവിധ തസ്തികകളില്‍ പി.എസ്.സി. മുഖേന നടത്തിയ നിയമനങ്ങളുടെ തസ്തിക തിരിച്ചുള്ള കണക്ക് നല്‍കാമോ;

സര്‍വകലാശാലകളില്‍ നിലവിലുള്ള വിവിധ തസ്തികകളിലെ ഒഴിവുകള്‍ നികത്തുന്നതിന് സ്വീകരിച്ച നടപടികള്‍ വിശദമാക്കാമോ?

കംപ്യൂട്ടർ അസിസ്റ്റന്റ് ഗ്രേഡ് 2, കംപ്യൂട്ടർ അസിസ്റ്റന്റ് ഗ്രേഡ് 1, കംപ്യൂട്ടർ അസിസ്റ്റന്റ് ​സീനിയർ ഗ്രേഡ്, കംപ്യൂട്ടർ അസിസ്റ്റന്റ് സെലക്ഷൻ ഗ്രേഡ്, ഓഫീസ് സൂപ്രണ്ട് എന്നീ തസ്തികകളിലെ നിയമനങ്ങൾ പി.എസ്.സി. ക്ക് നൽകിയ സംസ്ഥാനത്തെ ഏതെല്ലാം സർവ്വകലാശാലകളിൽ അനുവദനീയമായ ​എത്ര തസ്തികകൾ വീതമാണ് നിലവിലുളളതെന്ന് വ്യക്തമാക്കാമോ; ഇതിൽ എത്ര തസ്തികകളില്‍ നിലവില്‍ ആളുകൾ ജോലി ചെയ്യുന്നുണ്ടെന്നും എത്ര തസ്തികകൾ ഒഴിഞ്ഞു കിടക്കുന്നുണ്ടെന്നും അറിയിക്കാമോ;

കംപ്യൂട്ടർ അസിസ്റ്റന്റ് ഗ്രേഡ് 2 തസ്തികയിൽ ഓരോ സർവ്വകലാശാലകളിലും എത്ര വീതം ഒഴിവുകളാണ് പി.എസ്.സി.ക്ക് റിപ്പോർട്ട് ചെയ്യാൻ നിലവിലുളളതെന്ന് അറിയിക്കാമോ;

വിവിധ സര്‍വ്വകലാശാലകളിലെ കംപ്യൂട്ടർ അസിസ്റ്റന്റ് ഗ്രേഡ് 2 തസ്തികയിൽ നിലവിൽ നിയമന നിരോധനം ഏർപ്പെടുത്തിയിട്ടുണ്ടോ എന്ന് വ്യക്തമാക്കാമോ;

വിവിധ സർവ്വകലാശാലകളിലെ കംപ്യൂട്ടർ അസിസ്റ്റന്റ് ഗ്രേഡ് 2 തസ്തികയിലെ ഒഴിവുകൾ എത്രയും വേഗം പി.എസ്.സി.ക്ക് റിപ്പോർട്ട് ചെയ്യുന്നതിന് നടപടി സ്വീകരിക്കുമോ; വ്യക്തമാക്കാമോ?

ശ്രീനാരായണഗുരു ഓപ്പണ്‍ സര്‍വ്വകലാശാലയുടെ ഫലപ്രദമായ പ്രവര്‍ത്തനത്തിനും വികസനത്തിനും സഹായകരമായി നിലവിലെ സര്‍ക്കാര്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

പ്രസ്തുത സര്‍വ്വകലാശാലയ്ക്ക് ആസ്ഥാന മന്ദിരം നിര്‍മ്മിക്കുന്നതിനുള്ള നടപടികളുടെ പുരോഗതി വിശദമാക്കാമോ?

അണ്ണാമലൈ യൂണിവേഴ്സിറ്റി ഡിസ്റ്റൻസ് എഡ്യൂക്കേഷൻ മുഖേന നടത്തുന്ന എം. എ. ഇക്കണോമിക്സ് കോഴ്സിന് സംസ്ഥാനത്തെ ഏതെങ്കിലും സർവ്വകലാശാലകളുടെ അംഗീകാരം നിലവിലുണ്ടോ; എങ്കിൽ സർവ്വകലാശാല തിരിച്ച് വിശദമാക്കാമോ;

പ്രസ്തുത കോഴ്സിന് മുൻകാലങ്ങളിൽ സംസ്ഥാനത്തെ ഏതെങ്കിലും സർവ്വകലാശാലയുടെ അംഗീകാരം ഉണ്ടായിരുന്നോ; എങ്കിൽ സർവ്വകലാശാല തിരിച്ചുള്ള വിശദാംശം നൽകാമോ;

മേൽപ്പറഞ്ഞ കോഴ്സിന്റെ അംഗീകാരം സംസ്ഥാനത്തെ സർവ്വകലാശാലകൾ പിൻവലിച്ചിട്ടുണ്ടെങ്കിൽ കാരണം വ്യക്തമാക്കാമോ; പ്രസ്തുത കോഴ്സിന്റെ അംഗീകാരം പുനസ്ഥാപിക്കുന്നതിനായി സർവ്വകലാശാലകളിൽ നടപടികൾ സ്വീകരിക്കുന്നുണ്ടോയോന്ന് വിശദമാക്കാമോ;

അണ്ണാമലൈ സർവകലാശാലയുടെ ഡിസ്റ്റൻസ് എഡ്യൂക്കേഷൻ കോഴ്സുകളിൽ ഏതെല്ലാം കോഴ്സുകൾക്കാണ് സംസ്ഥാനത്ത് നിലവിൽ അംഗീകാരമുള്ളത്; സർവ്വകലാശാലകൾ തിരിച്ച് വിശദമാക്കാമോ?

സംസ്ഥാനത്തെ വിവിധ സർവ്വകലാശാലകളുടെ സർട്ടിഫിക്കറ്റുകളും മാർക്ക് ലിസ്റ്റുകളും വ്യാജമായി നിർമ്മിച്ചതുമായി ബന്ധപ്പെട്ട കേസുകൾ റിപ്പോർട്ട് ചെയ്യപ്പെട്ടിട്ടുണ്ടോ;

01.06.2021 മുതൽ ഒറിജിനൽ ഡിഗ്രി സർട്ടിഫിക്കറ്റ്, ഒഫീഷ്യൽ ട്രാൻസ്ക്രിപ്റ്റ്, ജെനുവിനസ് വേരിഫിക്കേഷൻ എന്നിവയ്ക്കായി സമർപ്പിച്ച അപേക്ഷകളോടൊപ്പം വ്യാജ സർട്ടിഫിക്കറ്റ് അല്ലെങ്കിൽ മാർക്ക് ലിസ്റ്റ് ഹാജരാക്കിയതായ എത്ര കേസുകൾ സർവ്വകലാശാലകളുടെ പരീക്ഷാഭവനിലെ ഓരോ ബ്രാഞ്ചിലും ശ്രദ്ധയിൽപ്പെട്ടിട്ടുണ്ട്; ബ്രാഞ്ചുകൾ തിരിച്ചുളള കണക്ക് ലഭ്യമാക്കാമോ;

വ്യാജ സർട്ടിഫിക്കറ്റുകളും മാർക്ക് ലിസ്റ്റുകളും സമർപ്പിച്ചിട്ടുള്ള ഓരോ അപേക്ഷയിലും ബന്ധപ്പെട്ട സർവ്വകലാശാലകൾ നാളിതുവരെ സ്വീകരിച്ച നിയമനടപടികൾ ഉൾപ്പെടെയുള്ള നടപടികളുടെ വിശദാംശം ഓരോ കേസും പ്രത്യേകമായി രേഖകളുടെ പകർപ്പുകൾ സഹിതം ലഭ്യമാക്കാമോ;

മേൽപ്രകാരം സമർപ്പിച്ച അപേക്ഷകളിൽ ഓൺലൈനായും മാനുവലായും ലഭിച്ചവയുടെ എണ്ണം പ്രത്യേകം ലഭ്യമാക്കാമോ;

വിവിധ സേവനങ്ങൾക്കുളള അപേക്ഷകളോടൊപ്പം മേൽ കാലയളവിൽ വ്യാജരേഖകൾ ഹാജരാക്കിയവർക്കെതിരെ കേസെടുക്കുന്നതിന് സർവകലാശാലകൾ പോലീസിൽ നല്‍കിയ പരാതികളുടെ എണ്ണം, പരാതികളുടെ പകർപ്പുകൾ, എത്ര പരാതികളിൽ നാളിതുവരെ എഫ്. ഐ. ആർ രജിസ്റ്റർ ചെയ്തിട്ടുണ്ട്, എഫ്. ഐ. ആർ രജിസ്റ്റർ ചെയ്തിട്ടില്ലെങ്കിൽ അതിന് പോലീസ് അറിയിച്ച കാരണങ്ങൾ തുടങ്ങിയ വിശദാംശം ലഭ്യമാക്കാമോ;

സർവ്വകലാശാലകൾ രജിസ്റ്റർ ചെയ്ത ഏതൊക്കെ ഇ-മെയിൽ ഐ.ഡികളിൽ നിന്നാണ് നിലവിൽ സർട്ടിഫിക്കറ്റുകളും മാർക്ക് ലിസ്റ്റുകളും സംബന്ധിച്ച ഓൺലൈൻ അപേക്ഷകൾക്ക് മറുപടി നൽകി വരുന്നത്; ഏതെങ്കിലും സർവകലാശാലയുടെ പേരിൽ വ്യാജ ഇ-മെയിൽ സൃഷ്ടിച്ച് സർട്ടിഫിക്കറ്റിന്റെ ആധികാരികത വ്യാജമായി തയാറാക്കി വേരിഫിക്കേഷന് അപേക്ഷിച്ച സ്ഥാപനങ്ങൾക്ക് മറുപടി നൽകിയ സംഭവം ശ്രദ്ധയിൽപെട്ടിട്ടുണ്ടോ; എങ്കിൽ പ്രസ്തുത വിഷയത്തിൽ സർവ്വകലാശാലകൾ സ്വീകരിച്ച നിയമനടപടികളും തുടർനടപടികളും എന്തെല്ലാമാണെന്ന് വിശദമാക്കുമോ?

വടകര മേഖലയിലെ ഉന്നതവിദ്യാഭ്യാസ സ്ഥാപനമായ മടപ്പള്ളി ഗവൺമെന്റ് കോളേജിൽ മലയാളം വിഭാഗം ആരംഭിക്കണമെന്ന ഭാഷാ സ്നേഹികളായ പ്രദേശവാസികളുടെ ആവശ്യം ശ്രദ്ധയിൽപ്പെട്ടിട്ടുണ്ടോ; പ്രസ്തുത വിഭാഗം ആരംഭിക്കുന്നതിന് അടിയന്തര നടപടികൾ സ്വീകരിക്കാമോ;

പ്രസ്തുത ആവശ്യവുമായി ബന്ധപ്പെട്ട് ഇതിനോടകം സ്വീകരിച്ചിട്ടുള്ള നടപടികൾ എന്തെല്ലാമാണെന്ന് അറിയിക്കാമോ?

കാലിക്കറ്റ് സർവ്വകലാശാലയിൽ കേരള റിസോഴ്‌സസ് ഫോർ എജ്യുക്കേഷൻ അഡ്മിനിസ്‌ട്രേഷൻ ആൻഡ് പ്ലാനിംഗ് സംവിധാനം ഉപയോഗപ്പെടുത്തി ഇതുവരെ നടത്തിയ മുഴുവൻ പരീക്ഷകളുടെയും സമഗ്രമായ വിശദാംശം ലഭ്യമാക്കാമോ;

കെ-റീപ്പ് പദ്ധതി നടപ്പിലാക്കുന്നതിനായി സർവ്വകലാശാലയ്ക്ക് സേവനങ്ങള്‍ ലഭ്യമാക്കുന്ന സ്ഥാപനങ്ങളുടെ പേര് ലഭ്യമാക്കാമോ; പരീക്ഷ ഭവനിലെ ജീവനക്കാർ കെ-റീപ്പിലെ സേവനങ്ങള്‍ക്കും സംശയനിവാരണത്തിനുമായി ബന്ധപ്പെടേണ്ട വ്യക്തികള്‍, അവരുടെ മാതൃകമ്പനി എന്നിവയുടെ വിശദാംശം ലഭ്യമാക്കാമോ;

കെ-റീപ്പ് സംവിധാനത്തിലൂടെ ഇതുവരെ നടത്തിയ വിവിധ പരീക്ഷകളുടെ തീയതികൾ, പരീക്ഷാ ഫലപ്രഖ്യാപനത്തിനായി എടുത്ത സമയ ദൈർഘ്യം, വിദ്യാർത്ഥികൾക്ക് മാർക്ക് ലിസ്റ്റുകൾ വിതരണം ചെയ്യാൻ എടുത്ത സമയ ദൈർഘ്യം എന്നിവ വിശദമാക്കാമോ;

കെ-റീപ്പ് സേവനത്തിന് പ്രതിഫലമായി സർവ്വകലാശാല ഏതെങ്കിലും കമ്പനികൾക്ക് ഫീസിനത്തിൽ തുക കൈമാറിയിട്ടുണ്ടോ; എങ്കിൽ തുകയുടെ വിശദാംശം ലഭ്യമാക്കാമോ;

2025 നവംബറിൽ നടന്ന സർവ്വകലാശാലാ പഠനവകുപ്പുകളിലെ ഒന്നാം സെമസ്റ്റർ ബിരുദാനന്തര ബിരുദ പരീക്ഷയില്‍ പരീക്ഷ രജിസ്ട്രേഷന്‍, ഹാൾടിക്കറ്റ് എന്നിവ ഇല്ലാതെ പരീക്ഷ നടത്താൻ നിർദ്ദേശിക്കുന്ന സർക്കുലർ പുറപ്പെടുവിച്ചിട്ടുണ്ടോ; എങ്കിൽ ആയതിന് കാരണമായ സാഹചര്യം എന്താണെന്നും ഇത് നടപ്പിലാക്കാന്‍ ആവശ്യമുന്നയിച്ചത് ആരാണെന്നും വ്യക്തമാക്കാമോ?

കാലിക്കറ്റ് സർവ്വകലാശാലയിലെ സെന്റര്‍ ഫോര്‍ എക്സാമിനേഷന്‍ ഓട്ടോമേഷന്‍ ആന്‍ഡ് മാനേജ്‍മെന്റ് അഥവാ എ.എസ്.ആര്‍.എസ്. സംവിധാനത്തിന്റെ ഭാഗമായി ബന്ധപ്പെട്ട കെട്ടിടം, മെഷിനറികൾ, മറ്റുസൗകര്യങ്ങൾ എന്നിവയ്ക്കോരോന്നിനും നാളിതുവരെ ആകെ ചെലവഴിച്ച തുകയുടെ വിശദാംശവും പദ്ധതിയുടെ ഡി.പി.ആര്‍.ന്റെ പകർപ്പും ലഭ്യമാക്കാമോ;

സി.ഇ.എ.എം.ന്റെ ഭാഗമായുളള കെട്ടിടത്തിൽ എത്ര ഉത്തരപേപ്പറുകൾ സൂക്ഷിക്കുവാനുള്ള സംവിധാനം ഒരുക്കിയിട്ടുണ്ടായിരുന്നുവെന്നും എന്നുമുതലുള്ള സർവ്വകലാശാല പരീക്ഷകളുടെ ഉത്തരപേപ്പറുകളാണ് സി.ഇ.എ.എം.ൽ സ്റ്റോക്ക് ചെയ്യാനാരംഭിച്ചതെന്നും വിശദമാക്കാമോ;

പ്രസ്തുത സംവിധാനം ആരംഭിച്ചതുമുതൽ അവിടെ സൂക്ഷിച്ച വിവിധ പരീക്ഷ ഉത്തരപേപ്പറുകളുടെ ആകെ എണ്ണം, നിലവിൽ സി.ഇ.എ.എം.ൽ സ്റ്റോക്കിലുളള ഉത്തരപേപ്പറുകളുടെ ആകെ എണ്ണം എന്നിവ ലഭ്യമാക്കാമോ;

സി.ഇ.എ.എം.ന്റെ ഭാഗമായിട്ടുളള എ.എസ്.ആര്‍.എസ്. യൂണിറ്റുകൾ എവിടെ നിന്നാണ് വാങ്ങിയതെന്നും ആയതുമായി ബന്ധപ്പെട്ട് സർവ്വകലാശാല നിർദ്ദിഷ്ട കമ്പനിയുമായി ധാരണാപത്രത്തിൽ ഏർപ്പെട്ടിട്ടുണ്ടോയന്നും വ്യക്തമാക്കാമോ; ഇൻസ്റ്റലേഷൻ, സർവീസ്, മെയിന്റനൻസ്, വാറന്റി എന്നിവയുടെ നിബന്ധനകൾ ഉൾപ്പെട്ട പ്രസ്തുത കരാറിന്റെ പകർപ്പ് ലഭ്യമാക്കാമോ;

നിർദ്ദിഷ്ട കമ്പനി എ.എസ്.ആര്‍.എസ്. യൂണിറ്റുകളുടെ സർവീസ്, വാറന്റി എന്നിവയിലെ മുഴുവൻ നിബന്ധനകളും പാലിക്കുന്നുണ്ടെന്ന് ഉറപ്പുവരുത്താൻ ഉത്തരവാദപ്പെട്ടത് സർവ്വകലാശാലയിലെ ഏതുവിഭാഗത്തിലെ ഉദ്യോഗസ്ഥരാണെന്ന് അറിയിക്കുമോ; എ.എസ്.ആര്‍.എസ്. സ്ഥാപിച്ചത് മുതൽ ഇതുവരെ നടത്തിയ അറ്റകുറ്റപ്പണികൾ സംബന്ധിച്ച ലോഗ് ബുക്കിന്റെ പകർപ്പ് ലഭ്യമാക്കുമോ;

എ.എസ്.ആര്‍.എസ്. യൂണിറ്റുകളുടെ പ്രവർത്തനവുമായി ബന്ധപ്പെട്ട് ഏതെങ്കിലും തരത്തിലുള്ള സാങ്കേതിക തകരാറുകൾ ശ്രദ്ധയിൽപ്പെട്ടിട്ടുണ്ടോ; എ.എസ്.ആര്‍.എസ്.ന്റെ തകരാറുകൾ സംബന്ധിച്ച് ബന്ധപ്പെട്ട വിഭാഗത്തിൽനിന്നും പരാതികൾ ലഭിച്ചിട്ടുണ്ടോ; പരാതികളിൽ സ്വീകരിച്ച നടപടികൾ വിശദമാക്കാമോ;

സി.ഇ.എ.എം. സംവിധാനത്തിന്റെ പ്രവർത്തനവുമായി ബന്ധപ്പെട്ട് നിലവിൽ അവിടെ ജോലിചെയ്തുകൊണ്ടിരിക്കുന്ന ജീവനക്കാരുടെ തസ്തിക തിരിച്ചുളള എണ്ണം ലഭ്യമാക്കുമോ?

ചാലക്കുടി താലൂക്കിലെ പേരാമ്പ്ര വില്ലേജില്‍ കാലിക്കറ്റ് സര്‍വകലാശാലയുടെ ടീച്ചര്‍ എഡ്യൂക്കേഷന്‍ സെന്ററിന് കെട്ടിടം പണിയുന്നതിനായി സ്വീകരിച്ചിട്ടുള്ള നടപടികള്‍ വിശദീകരിക്കുമോ;

കെട്ടിടം പണിയുന്നതിനായി വിശദമായ പദ്ധതി അടങ്കല്‍ സര്‍വകലാശാല തയ്യാറാക്കിയിട്ടുണ്ടോ; ആയതിന് അംഗീകാരം ലഭിച്ചിട്ടുണ്ടോയെന്ന് അറിയിക്കുമോ;

പുതിയ കെട്ടിടത്തില്‍ ഒരുക്കിയിട്ടുള്ള സൗകര്യങ്ങളും ആയതിനായി എത്ര തുകയ്ക്കുള്ള എസ്റ്റിമേറ്റിനാണ് സര്‍വകലാശാല അംഗീകാരം നല്‍കിയിട്ടുള്ളതെന്നും വിശദമാക്കുമോ;

കെട്ടിട നിര്‍മ്മാണം എന്ന് ആരംഭിക്കാന്‍ കഴിയുമെന്ന് വെളിപ്പെടുത്തുമോ?

കാലിക്കറ്റ് സർവ്വകലാശാലയിലെ ആർക്കിടെക്ചർ ആന്റ് പ്രോഗ്രാമിംഗ് എന്ന കോഴ്സിന്റെ 11.06.2025 തീയതിയിൽ നടന്ന നാലാം സെമസ്റ്റര്‍ ബിരുദ പരീക്ഷ (എ 14 – മൈക്രോപ്രോസസേഴ്‌സ്) റദ്ദാക്കേണ്ടി വന്നതിന്റെ കാരണം വിശദമാക്കാമോ ;

സര്‍വ്വകലാശാലയിൽ നിന്നും ഓൺലൈനായി ലഭ്യമാക്കിയ പ്രസ്തുത പരീക്ഷയുടെ ചോദ്യപേപ്പര്‍ ചോർന്നിട്ടുണ്ടോ; ഏത് കോളേജിലെ അധ്യാപകരുടെ ഭാഗത്ത് നിന്നുളള വീഴ്ചയുടെ ഭാഗമായിട്ടാണ് ചോദ്യപേപ്പര്‍ ചോര്‍ന്നതെന്ന് വ്യക്തമാക്കാമോ;

പരീക്ഷ ആരംഭിക്കുന്നതിന് മുൻപ് പ്രസ്തുത പരീക്ഷയുടെ ചോദ്യപേപ്പര്‍ വാട്സ്ആപ് ഗ്രൂപ്പ് വഴി പ്രചരിപ്പിച്ചവര്‍ക്കെതിരെ സർവ്വകലാശാല നാളിതുവരെ സ്വീകരിച്ച നടപടികൾ എന്തെല്ലാമെന്ന് പകര്‍പ്പുകൾ സഹിതം ലഭ്യമാക്കാമോ;

പ്രസ്തുത വിഷയം പരിഗണിച്ച സിൻഡിക്കേറ്റിന്റെ പരീക്ഷാകാര്യ സ്ഥിരം സമിതിയുടെ അന്വേഷണ റിപ്പോർട്ടിന്റെ പകർപ്പ്, പരീക്ഷാകാര്യ സ്ഥിരം സമിതിയുടെ യോഗത്തിലെ തീരുമാനങ്ങളടങ്ങിയ മിനട്സിന്റെ പകര്‍പ്പ് എന്നിവയും ലഭ്യമാക്കാമോ;

പ്രസ്തുത വിഷയത്തിൽ കുറ്റക്കാരായ അധ്യാപകർക്കെതിരെ സർവ്വകലാശാല നാളിതുവരെ സ്വീകരിച്ച നടപടികൾ വിശദമാക്കാമോ; പ്രസ്തുത വിഷയത്തിൽ സര്‍വ്വകലാശാല പോലീസിൽ പരാതി സമര്‍പ്പിച്ചിരുന്നോ; പരാതിയിലെ തുടര്‍നടപടികൾ വിശദമാക്കാമോ?റ?

നീറ്റ്, കീം പ്രവേശന പരീക്ഷകളിലെ നോർമലൈസേഷൻ പ്രക്രിയ കാരണം പൊതുവിദ്യാലയങ്ങളിലെ വിദ്യാർത്ഥികൾ പിന്തള്ളപ്പെടുന്ന അവസ്ഥ പരിഹരിക്കാൻ സർക്കാർ സ്വീകരിച്ച നടപടികൾ സി.ബി.എസ്.ഇ. സിലബസിൽ പഠിച്ചവർ കോടതി വിധിയാൽ മറികടന്ന സാഹചര്യത്തിൽ വരും വർഷങ്ങളിൽ ഇത് മറികടക്കാൻ എന്തെല്ലാം ബദൽ സംവിധാനങ്ങളാണ് ആവിഷ്കരിക്കുന്നത്; വ്യക്തമാക്കാമോ ?

സംസ്ഥാനത്ത് എഞ്ചിനീയറിംഗ്, ഫാര്‍മസി കോഴ്‌സുകൾ ഉള്‍പ്പെടുന്ന പ്രവേശന പരീക്ഷയുടെ റാങ്ക് പട്ടിക തയ്യാറാക്കുന്നതിലെ സമീകരണ പ്രക്രിയയില്‍ മാറ്റം വരുത്തിയിട്ടുണ്ടോ;

സ്കോര്‍ സമീകരണം നടത്തുന്നതിലെ മാനദണ്ഡം വിശദമാക്കാമോ;

പല ദിവസങ്ങളില്‍ വിവിധ സെഷനുകളിലായി വ്യത്യസ്ത ചോദ്യപേപ്പര്‍ നല്‍കി നടത്തുന്നതിലൂടെ പരീക്ഷാര്‍ത്ഥികള്‍ക്ക് അന്യായമായ നേട്ടമോ നഷ്ടമോ ഉണ്ടാകാത്ത രീതിയില്‍ സമീകരണം ഉറപ്പാക്കുവാന്‍ ഏര്‍പ്പെടുത്തിയിട്ടുള്ള സംവിധാനം വ്യക്തമാക്കാമോ?

സംസ്ഥാനത്തെ പ്രൊഫഷണൽ കോഴ്സുകളിലേക്കുള്ള പ്രവേശന പരീക്ഷയായ കീമിന്റെ അപേക്ഷ ഫീസ് വർദ്ധിപ്പിച്ച നടപടി വിദ്യാർത്ഥികൾക്ക് വലിയ പ്രതിസന്ധി സൃഷ്ടിക്കുന്നത് ഗൗരവത്തോടെ കാണുന്നുണ്ടോ; വിശദാംശം വ്യക്തമാക്കുമോ;

കീമിന്റെ നിലവിലുണ്ടായിരുന്ന ഫീസും വർദ്ധിപ്പിച്ച ഫീസും എത്ര വീതം ആണെന്ന് വ്യക്തമാക്കുമോ; എഞ്ചിനീയറിങ് - മെഡിക്കൽ സ്ട്രീമുകളിലേക്ക് ഒരുമിച്ച് അപേക്ഷിക്കുന്നവർക്ക് ഫീസ് നിരക്ക് കുറച്ചുനൽകിയ കോമ്പോ പാക്കേജ് നിർത്തലാക്കിയിട്ടുണ്ടോ; കോമ്പോ പാക്കേജ് പ്രകാരം നൽകേണ്ടിയിരുന്ന അപേക്ഷാ ഫീസ് എത്രയാണ്; നിലവിൽ എത്രയായിട്ടാണ് മാറ്റിയിട്ടുള്ളത്; വ്യക്തമാക്കുമോ;

ഉയർന്ന ഫീസ് നിരക്ക് പിൻവലിക്കുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

കുട്ടനാട്ടിൽ നിർദ്ദേശിച്ചിട്ടുള്ള എൻ.സി.സി. ട്രെയിനിംഗ് സെന്ററിന്റെ നിർമ്മാണം ആരംഭിക്കാൻ സ്വീകരിച്ചു വരുന്ന നടപടികൾ എന്തൊക്കെയാണെന്ന് വ്യക്തമാക്കുമോ;

പ്രസ്തുത ട്രെയിനിംഗ് സെന്ററിന്റെ നിർമ്മാണം എന്നത്തേക്ക് ആരംഭിക്കാൻ കഴിയുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ?

ആലപ്പുഴ മണ്ഡലത്തിൽ അഡീഷണല്‍ സ്‌കില്‍ അക്വിസിഷന്‍ പ്രോഗ്രാം (അസാപ്പ്) മുഖേന ഈ സര്‍ക്കാര്‍ അധികാരത്തില്‍ വന്നശേഷം എന്തൊക്കെ പദ്ധതികളാണ് നടപ്പിലാക്കിയതെന്ന് വിശദവിവരം ലഭ്യമാക്കാമോ?

അഡീഷണൽ സ്കിൽ അക്വിസിഷൻ പ്രോഗ്രാമിന്റെ നിലവിലെ പ്രവര്‍ത്തന പുരോഗതി സർക്കാര്‍ തലത്തില്‍ വിലയിരുത്തിയിട്ടുണ്ടോ; വ്യക്തമാക്കാമോ;

അഡീഷണൽ സ്കിൽ അക്വിസിഷൻ പ്രോഗ്രാമിന്റെ ഭാഗമായി പിറവം മണ്ഡലത്തിൽ അസാപ് കേരള നടപ്പാക്കുന്ന പ്രവര്‍ത്തനങ്ങളുടെ വിശദാംശം നൽകുമോ;

ഈ സർക്കാര്‍ അധികാരത്തില്‍ വന്ന ശേഷം അഡീഷണൽ സ്കിൽ അക്വിസിഷൻ പ്രോഗ്രാമിനായി എത്ര തുക വകയിരുത്തിയിട്ടുണ്ട്; അതില്‍ ചെലവാക്കിയ തുക എത്രയെന്ന് വർഷം, മണ്ഡലം എന്നിവ അടിസ്ഥാനത്തില്‍ ലഭ്യമാക്കുമോ?

അഴീക്കോട് മണ്ഡലത്തില്‍ 2021-26 കാലത്ത് സാമൂഹ്യനീതി വകുപ്പ് മുഖേന ലഭിച്ച ആനുകൂല്യങ്ങളുടെ വിശദാംശം നല്‍കാമോ; പഞ്ചായത്ത് അടിസ്ഥാനത്തില്‍ പ്രസ്തുത വിവരങ്ങള്‍ തരംതിരിച്ച് ലഭ്യമാക്കാമോ?

ഭിന്നശേഷിക്കാർക്ക് പി. എസ്. സി. നിയമനങ്ങളിൽ എത്ര ശതമാനം സംവരണമാണുള്ളതെന്ന് വ്യക്തമാക്കുമോ; ആയത് സംബന്ധിച്ച ഉത്തരവിന്റെ പകർപ്പ് ലഭ്യമാക്കാമോ;

പി. എസ്. സി. നിയമനത്തിന് ഭിന്നശേഷിക്കാരുടെ ടേൺ നിശ്ചയിച്ചിട്ടുണ്ടോ; ഉണ്ടെങ്കിൽ ഏതെല്ലാം ടേണുകളാണ് ഭിന്നശേഷിക്കാർക്കായി മാറ്റി വച്ചിട്ടുള്ളതെന്ന് അറിയിക്കാമോ; ആയത് നിലവിൽ ഏതെങ്കിലും സംവരണ വിഭാഗങ്ങളുടെ ടേൺ ആണോയെന്ന് വ്യക്തമാക്കുമോ;

മറ്റൊരു സമുദായത്തന്റെ സംവരണ ടേൺ ഭിന്നശേഷിക്കാർക്ക് നൽകുമ്പോൾ പ്രസ്തുത സമുദായത്തിൻ്റെ അവസരം കുറയുന്നത് തടയാൻ എന്ത് നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം സാമൂഹ്യനീതി വകുപ്പ് വഴി കുന്നത്തുനാട് മണ്ഡലത്തില്‍ നടപ്പിലാക്കിയ വിവിധ പദ്ധതികള്‍ ഏതെല്ലാമാണെന്ന് വിശദമാക്കാമോ;

ഓരോ പദ്ധതിക്കും വേണ്ടി ചെലവഴിച്ച തുക എത്രയാണെന്ന് പദ്ധതി തിരിച്ച് വ്യക്തമാക്കാമോ;

ഓരോ പദ്ധതിയുടേയും നിലവിലെ സ്ഥിതി വിശദമാക്കാമോ?

സാമൂഹ്യ നീതി വകുപ്പ് മുഖേന നടപ്പിലാക്കുന്ന ക്ഷേമപ്രവര്‍ത്തനങ്ങള്‍ എന്തെല്ലാമെന്ന് വിശദമാക്കാമോ;

അര്‍ഹതപ്പെട്ട ഗുണഭോക്താക്കള്‍ക്ക് സമയബന്ധിതമായി ആനുകൂല്യങ്ങള്‍ ലഭിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

2016-17 സാമ്പത്തിക വര്‍ഷം മുതല്‍ നാളിതുവരെ സാമൂഹ്യനീതി വകുപ്പ് മുഖേന പാറശ്ശാല മണ്ഡലത്തില്‍ നടപ്പാക്കിയ പദ്ധതികളുടെയും പ്രവൃത്തികളുടെയും വിശദാംശം ലഭ്യമാക്കാമോ;

പ്രസ്തുത കാലയളവില്‍ പാറശ്ശാല മണ്ഡലത്തില്‍ സാമൂഹ്യനീതി വകുപ്പ് മുഖേന നടപ്പാക്കുന്നതിന് അനുമതി ലഭിച്ച ശേഷം നാളിതുവരെയായി നടപ്പാക്കാന്‍ കഴിയാതെ പോയതോ ആരംഭിച്ച ശേഷം പൂര്‍ത്തീകരിച്ചിട്ടില്ലാത്തതോ ആയ പദ്ധതികളും പ്രവൃത്തികളും ഏതെല്ലാമാണ്, ഇവയുടെ നിലവിലെ സ്ഥിതി വിശദമാക്കാമോ;

പ്രസ്തുത പദ്ധതികള്‍ ഓരോന്നിനും നീക്കിവെച്ച തുക, പൂർത്തിയാകാത്ത പദ്ധതികള്‍, പൂര്‍ത്തിയാക്കാന്‍ സ്വീകരിച്ചു വരുന്ന നടപടികള്‍ വ്യക്തമാക്കാമോ;

ഈ കാലയളവില്‍ പാറശ്ശാല നിയോജക മണ്ഡലത്തിനായി സാമൂഹ്യനീതി വകുപ്പ് മുഖേന ചെലവാക്കിയ ആകെ തുക, വര്‍ഷവും ഇനവും/പദ്ധതിയും തിരിച്ച് ലഭ്യമാക്കാമോ?

ഈ സർക്കാർ അധികാരത്തിൽ വന്നശേഷം സാമൂഹ്യനീതി വകുപ്പിന് കീഴിൽ കാഞ്ഞങ്ങാട് മണ്ഡലത്തിൽ നടപ്പിലാക്കിയ പദ്ധതികൾ ഏതെല്ലാമാണെന്ന് വ്യക്തമാക്കാമോ;

ഓരോ പദ്ധതിക്കും അനുവദിച്ച തുകയും പ്രസ്തുത പദ്ധതികളുടെ നിലവിലെ സ്ഥിതിയും വിശദമാക്കാമോ?

മാവേലിക്കര മണ്ഡലത്തില്‍ നിലവിലെ സര്‍ക്കാര്‍ അധികാരമേറ്റ ശേഷം സാമൂഹികനീതി വകുപ്പ് വിവിധ പദ്ധതികളില്‍ ഉള്‍പ്പെടുത്തി അനുവദിച്ച പ്രവൃത്തികളുടെ വിശദവിവരം ലഭ്യമാക്കാമോ?

സാമൂഹ്യ നീതി വകുപ്പ് മുഖേന നടപ്പാക്കുന്ന വിവിധ പദ്ധതികൾ ഏതൊക്കെയാണ്;

ഈ പദ്ധതികൾ മുഖേന നൽകുന്ന ആനുകൂല്യങ്ങൾ എന്തൊക്കെയാണ്; ഓരോ പദ്ധതിയിലും നിലവിൽ എത്ര തുക കുടിശ്ശികയായി വിതരണം ചെയ്യാനുണ്ട്;

നിലവിൽ ഓരോ പദ്ധതിയുടെയും ഗുണഭോക്താകളുടെ എണ്ണം എത്രയാണ്; ഓരോന്നിലും അവസാനമായി ഗുണഭോക്താക്കളെ ഉൾപ്പെടുത്തിയത് എന്നാണ്; വിശദമാക്കാമോ?

65 വയസ്സിനു മുകളിലുളളവർക്ക് ക്ലിനിക്കൽ സൗകര്യവും മരുന്നും സൗജന്യമായി നൽകുന്ന വയോമിത്രം പദ്ധതിയുടെ പ്രായപരിധി കുറയ്ക്കണമെന്ന ആവശ്യം പരിഗണനയിലുണ്ടോ; ഇക്കാര്യത്തിൽ മനുഷ്യാവകാശ കമ്മീഷൻ നിർദ്ദേശം നൽകിയിട്ടുണ്ടോയെന്ന് വ്യക്തമാക്കാമോ;

വയോജനങ്ങളുടെ നിരാലംബതയും നിസ്സഹായതയും കണക്കിലെടുത്ത്, അവർക്കായി അടിയന്തര ചികിത്സാ പദ്ധതികൾ ആവിഷ്കരിക്കാൻ ആലോചിക്കുന്നുണ്ടോ; വിശദമാക്കാമോ;

മുതിർന്ന പൗരന്മാരുടെ സുരക്ഷിതത്വം ഉറപ്പാക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

2016 മുതല്‍ നാളിതുവരെ സാമൂഹ്യനീതി വകുപ്പ് മാവേലിക്കര മണ്ഡലത്തില്‍ അനുവദിച്ച പദ്ധതികളുടെ വിശദവിവരം ലഭ്യമാക്കാമോ?

ഈ സര്‍ക്കാരിന്റെ കാലയളവില്‍ സാമൂഹ്യ സുരക്ഷാ മിഷന്‍ മുഖാന്തരം നടപ്പിലാക്കിക്കൊണ്ടിരിക്കുന്ന പദ്ധതികള്‍ എന്തെല്ലാമാണെന്ന് വിശദമാക്കാമോ;

ഓരോ പദ്ധതി പ്രകാരവും എത്രപേര്‍ക്ക് പ്രയോജനം ലഭിച്ചിട്ടുണ്ടെന്നം ഓരോ പദ്ധതിക്കും നാളിതുവരെ ചെലവാക്കിയ തുക എത്രയെന്നും വിശദമാക്കാമോ?

ഈ സർക്കാർ അധികാരത്തില്‍ വന്നതുമുതൽ നാളിതുവരെ സാമൂഹ്യ നീതി വകുപ്പ് മുഖേന കല്ല്യാശ്ശേരി മണ്ഡലത്തിൽ നടപ്പാക്കിയ പദ്ധതികളുടെയും പ്രവൃത്തികളുടെയും വിശദാംശം അറിയിക്കുമോ?

ആലത്തുര്‍ നിയോജക മണ്ഡലത്തില്‍ സാമൂഹ്യനീതി വകുപ്പിന് കീഴില്‍ ഏതൊക്കെ സ്ഥാപനങ്ങള്‍ പ്രവര്‍ത്തിക്കുന്നുവെന്ന് വ്യക്തമാക്കാമോ;

ഈ സര്‍ക്കാരിന്റെ കാലത്ത് പ്രസ്തുത സ്ഥാപനങ്ങള്‍ക്ക് അനുവദിച്ചിട്ടുള്ള വിവിധ ഫണ്ടുകളുടെ വിശദാംശം ലഭ്യമാക്കാമോ?

നിലവിലെ സര്‍ക്കാര്‍ അധികാരത്തില്‍ വന്ന 2021 മുതല്‍ നാളിതുവരെയായി സാമൂഹ്യനീതി വകുപ്പ് വഴി കോക്ലിയാര്‍ ഇംപ്ലാന്റേഷന്‍ ചികിത്സക്കായി എത്ര രൂപ ധനസഹായം അനുവദിച്ചിട്ടുണ്ടെന്നും എത്ര പേര്‍ക്ക് അതിന്റെ ഗുണം ലഭ്യമായിട്ടുണ്ടെന്നും അറിയിക്കാമോ?

ശാരീരികവും മാനസികവുമായ വൈകല്യമുള്ള കിടപ്പുരോഗികളെ പരിചരിക്കുന്ന കൂടുംബാംഗങ്ങളോ ബന്ധുക്കളോ ആയവര്‍ക്ക് ധനസഹായം നൽകിവരുന്ന ആശ്വാസകിരണം പദ്ധതിയിൽ, 2018 മാർച്ച് 31-നു ശേഷം അപേക്ഷ നൽകിയവരെ ഉൾപ്പെടുത്താത്തതിന്റെ കാരണം വ്യക്തമാക്കാമോ; പ്രസ്തുത പദ്ധതിയിൽ പുതിയ ഗുണഭോക്താക്കളെ ചേർക്കേണ്ടതില്ലെന്ന് തീരുമാനിച്ചിട്ടുണ്ടോ; വ്യക്തമാക്കാമോ;

2018 മാർച്ച് 31-നു ശേഷം അപേക്ഷ സമർപ്പിച്ച മുഴുവൻ ആളുകളെയും പദ്ധതിയിൽ ഉൾപ്പെടുത്തി സഹായം അനുവദിക്കാൻ നടപടി സ്വീകരിക്കുമോ; വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ആലപ്പുഴ മണ്ഡലത്തില്‍ സാമൂഹ്യനീതി വകുപ്പിന് കീഴിലുള്ള വിവിധ പദ്ധതികളിലൂടെ നല്‍കിയ ധനസഹായ വിതരണം സംബന്ധിച്ച വിശദാംശം ഇനം തിരിച്ച് ലഭ്യമാക്കുമോ?

സാമൂഹ്യനീതി വകുപ്പിനു കീഴില്‍ വയോജനങ്ങളെ സംരക്ഷിക്കുന്നതിനായി നടത്തിവരുന്ന വിവിധ പദ്ധതികള്‍ വിശദമാക്കാമോ;

ഭാവിയില്‍ വയോജനങ്ങളുടെ സംരക്ഷണം ഉറപ്പുവരുത്തുന്നതിനായി കൂടുതല്‍ പദ്ധതികള്‍ ആവശ്യമായി വരുമെന്ന് കരുതുന്നുണ്ടോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതുമുതല്‍ നാളിതുവരെ കോട്ടയം മണ്ഡലത്തില്‍ സാമൂഹ്യനീതി വകുപ്പ് മുഖേന നടപ്പിലാക്കിയ നടപ്പിലാക്കിയ പദ്ധതികള്‍ ഏതൊക്കെയാണ്; വിശദമാക്കാമോ;

പ്രസ്തുത പദ്ധതികളില്‍ പൂര്‍ത്തിയായ പദ്ധതികള്‍ ഏതൊക്കെയെന്നും ഇനി പൂര്‍ത്തിയാകാനുള്ളവ ഏതൊക്കെയെന്നും വ്യക്തമാക്കാമോ;

അവയില്‍ പൂര്‍ത്തീകരിക്കാനുള്ള പദ്ധതികളുടെ പുരോഗതി വിശദമാക്കാമോ?

കേന്ദ്ര ഭിന്നശേഷി അവകാശ നിയമപ്രകാരം ഭിന്നശേഷിക്കാർക്ക് സാമൂഹ്യ സുരക്ഷാ പദ്ധതികളിൽ നൽകേണ്ട 25% അധിക ആനുകൂല്യം സംസ്ഥാനത്ത് പാലിക്കപ്പെടുന്നില്ല എന്നത് ഗൗരവമായി കാണുന്നുണ്ടോ; വിശദാംശങ്ങൾ വ്യക്തമാക്കാമോ;

സാമൂഹ്യ സുരക്ഷാ പെൻഷൻ തുകയിൽ ഉൾപ്പെടെ മേൽപ്പറഞ്ഞ കേന്ദ്ര നിയമത്തിന് അനുസൃതമായി ഭിന്നശേഷിക്കാർക്ക് അവകാശപ്പെട്ട അധിക ആനുകൂല്യം ഉറപ്പാക്കുന്നതിന് ബന്ധപ്പെട്ട വകുപ്പ് അടിയന്തര നടപടികൾ സ്വീകരിക്കുമോയെന്ന് വ്യക്തമാക്കാമോ?

വാർഷിക വരുമാന പരിധി ഒരു ലക്ഷം രൂപയായി നിശ്ചയിച്ചിരിക്കുന്നതിനാൽ ഭാഗിക വരുമാനം ഉള്ള ഭിന്നശേഷിക്കാർക്ക് പെൻഷൻ നഷ്ടപ്പെടുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

വര്‍ദ്ധിച്ചുവരുന്ന ജീവിതച്ചെലവ്, മരുന്ന് ചെലവ്, ചികിത്സാ ചെലവ് എന്നിവ കണക്കിലെടുത്ത് വരുമാന പരിധി പുനഃപരിശോധിക്കേണ്ടതുണ്ടെന്ന ആവശ്യം വിലയിരുത്തിയിട്ടുണ്ടോ; അറിയിക്കാമോ;

കുടുംബത്തിലെ മറ്റ് അംഗങ്ങളുടെ ചെറിയ വരുമാനം കൂടി കണക്കിലെടുത്ത് ഭിന്നശേഷിക്കാരെ പെൻഷൻ അർഹതയിൽ നിന്ന് ഒഴിവാക്കുന്നത് സാമൂഹ്യനീതിയ്ക്ക് വിരുദ്ധമാകുമെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

വാർഷിക വരുമാന പരിധി വർദ്ധിപ്പിക്കുന്നതിനോ അല്ലെങ്കിൽ ഭിന്നശേഷിയുടെ ശതമാനത്തെ അടിസ്ഥാനമാക്കി പെൻഷൻ അർഹത പുനർനിർവചിക്കുകയോ ചെയ്യുന്നതിന് എന്തെങ്കിലും നടപടി സ്വീകരിക്കാനുദ്ദേശിക്കുന്നുണ്ടോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം സാമൂഹ്യനീതി വകുപ്പിന് കീഴില്‍ അനുവദിച്ച വിവിധ പദ്ധതികളുടെയും പ്രവൃത്തികളുടെയും വിശദാംശങ്ങളും അവയുടെ ഭരണാനുമതി തുക, നിലവിലെ സ്ഥിതി എന്നിവ വ്യക്തമാക്കുമോ?

ഇതര സംസ്ഥാന തൊഴിലാളികളുടെ സാമൂഹ്യ സുരക്ഷ ഉറപ്പാക്കാന്‍ സാമൂഹ്യനീതി വകുപ്പിന്റെ കീഴില്‍ നടപ്പിലാക്കുന്ന പദ്ധതികള്‍ എന്തൊക്കെയാണെന്ന് വിശദമാക്കാമോ?

സംസ്ഥാനത്ത് ഭിന്നശേഷി സർട്ടിഫിക്കറ്റ് നൽകുന്നതിന് ഏതെല്ലാം തരത്തിലുള്ള പരിശോധനകളാണ് നിലവിൽ നടത്തുന്നതെന്ന് വിശദമാക്കുമോ;

കാഴ്ച പരിമിതി, കേൾവി പരിമിതി എന്നിവ മനസ്സിലാക്കുന്നതിന് ശാസ്ത്രീയ മാർഗ്ഗങ്ങൾ ഉപയോഗിക്കുന്നുണ്ടോയെന്ന് വിശദമാക്കുമോ;

അനർഹർ വ്യാപകമായി ഭിന്നശേഷി സർട്ടിഫിക്കറ്റ് നേടിയെടുക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ആവശ്യമായ ചികിത്സ നൽകിയാൽ മാറ്റിയെടുക്കാവുന്ന പരിമിതികൾക്ക്‌ പെർമനന്റ് ഭിന്നശേഷി സർട്ടിഫിക്കറ്റ് നൽകുന്നതിനുള്ള കാരണങ്ങൾ എന്താണ്; വിശദമാക്കുമോ;

എയ്ഡഡ് സ്കൂൾ അടക്കമുള്ള ജോലികളിൽ മേൽപ്പറഞ്ഞ രൂപത്തിൽ ഭിന്നശേഷി സർട്ടിഫിക്കറ്റ് ഉപയോഗിച്ച് അനർഹർ കയറിക്കൂടുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

അനർഹരെ ഒഴിവാക്കുന്നതിന് വേണ്ടി എയ്ഡഡ് സ്കൂളുകൾ, മറ്റു സർക്കാർ വകുപ്പുകൾ എന്നിവിടങ്ങളിൽ ഭിന്നശേഷി സംവരണ തസ്തികകളിലേത് നിയമിക്കപ്പെടുന്നവരുടെ പരിമിതികൾ കൃത്യമായി മനസ്സിലാക്കുന്നതിന് കർശനമായ മെഡിക്കൽ പരിശോധനകൾ വീണ്ടും നടത്തുന്നതിന് നടപടികൾ സ്വീകരിക്കുമോ; വിശദമാക്കുമോ;

മുമ്പ് പെർമനന്റ് ഡിസബിലിറ്റി സർട്ടിഫിക്കറ്റ് നൽകിയവർക്ക് യു. ഡി. ഐ. ഡി. (യുണീക്ക് ഡിസബിലിറ്റി ഐഡെൻന്റിറ്റി കാർഡ്) കാർഡുകൾ നൽകുമ്പോൾ മെഡിക്കൽ പരിശോധന നടത്തുന്നതിന് ഉദ്ദേശിക്കുന്നുണ്ടോ; വിശദമാക്കുമോ?

സാമൂഹിക നീതി വകുപ്പുവഴി കായംകുളം മണ്ഡലത്തിൽ 2016 മുതൽ 2026 ജനുവരി 15 വരെ അനുവദിച്ചിട്ടുള്ള പദ്ധതികളുടെയും അവയ്ക്കായി അനുവദിച്ച തുകയുടെയും വിശദാംശം ലഭ്യമാക്കാമോ?