വിവിധ ആരോഗ്യ സുരക്ഷാ പദ്ധതികളായ കാരുണ്യ ആരോഗ്യ സുരക്ഷാ പദ്ധതി , കാരുണ്യ ബെനവലന്റ് പദ്ധതി, ആർ.ബി.എസ്.കെ., ആരോഗ്യ കിരണം , ഹൃദ്യം , ആവാസ് , അമ്മയും കുഞ്ഞും , സുകൃതം എന്നീ പദ്ധതികളിൽ എത്ര രൂപ വീതം വിവിധ ആശുപത്രികൾക്കും മറ്റും കുടിശ്ശികയായി ഉണ്ടെന്ന് വ്യക്തമാക്കുമോ;

ടി പദ്ധതികളിലെ കുടിശ്ശിക മൂലം എംപാനൽ ചെയ്ത ആശുപത്രികളിൽ മതിയായ ചികിത്സ ലഭിക്കാത്ത സാഹചര്യം ശ്രദ്ധയിൽപ്പെടിട്ടുണ്ടോ; എങ്കിൽ ഈ കുടിശ്ശിക എന്നത്തേക്ക് തീർക്കാൻ സാധിക്കുമെന്ന് വ്യക്തമാക്കുമോ ?

ഈ സർക്കാർ അധികാരത്തിൽ വന്നതിനുശേഷം നാളിതുവരെ പൂഞ്ഞാർ മണ്ഡലത്തില്‍ ആരോഗ്യവകുപ്പ് നടപ്പിലാക്കിയ പദ്ധതികള്‍ ഏതെല്ലാമാണെന്ന് വിശദമാക്കാമോ;

മേൽപ്പറഞ്ഞ ഓരോ പദ്ധതിയ്ക്കും വേണ്ടി എത്ര തുക വീതമാണ് ചെലവഴിച്ചതെതെന്നും അവയുടെ നിലവിലെ സ്ഥിതിയും വ്യക്തമാക്കാമോ?

ലഹരിയുടെ ഉപയോഗം, കുടുംബ ബന്ധങ്ങളുടെ തകര്‍ച്ച, ഡ‍ിജിറ്റല്‍ അടിമത്തം എന്നിവ മാനസികാരോഗ്യ പ്രശ്നങ്ങള്‍ വര്‍ദ്ധിക്കുന്നതിന് കാരണമാകുന്നുണ്ടോ; വിശദമാക്കാമോ;

മാനസികരോഗങ്ങൾ പ്രാരംഭ ഘട്ടത്തിൽ തന്നെ കണ്ടെത്തി വിദഗ്‌ദ്ധ ചികിത്സയും തുടർചികിത്സയും ഉറപ്പുവരുത്തുന്ന സാമൂഹ്യ മാനസികാരോഗ്യ (കമ്മ്യൂണിറ്റി മെന്റല്‍ ഹെല്‍ത്ത്) പദ്ധതികൾക്ക് പ്രാമുഖ്യം കൊടുത്തിട്ടുണ്ടോ; വിശദമാക്കാമോ;

ലഹരി വസ്തുക്കളുടെ ഉപയോഗവും അനുബന്ധ മാനസിക പ്രശ്നങ്ങളും പരിഹരിക്കുവാനുതകുന്ന പദ്ധതികള്‍ ആവിഷ്കരിച്ച് നടപ്പിലാക്കാൻ ഉദ്ദേശിക്കുന്നുണ്ടോ; ലഹരി വിമോചന ചികിത്സ, മനോരോഗചികിത്സയുടെ ഭാഗമായി കണക്കാക്കി മെന്റല്‍ ഹെല്‍ത്ത്‌ കെയര്‍ ആക്ട്‌ പ്രകാരം നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

ഭാവിയില്‍ വിഷാദരോഗം ഉള്‍പ്പെടെയുള്ള മാനസിക പ്രശ്‌നങ്ങളുടെ ആധിക്യം ഉണ്ടാകാനുള്ള സാധ്യത കണക്കിലെടുത്ത് ഇനിയും കൂടുതല്‍ പരിഗണന ഈ മേഖലയ്ക്ക് നല്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ?

ജീവൻതന്നെ അപകടത്തിലാക്കുന്ന, ദീർഘകാല രോഗങ്ങളുള്ള ഒട്ടേറെ കുട്ടികൾ നമ്മുടെ നാട്ടിലുണ്ടെന്നത് ശ്രദ്ധയിൽപ്പെട്ടിട്ടുണ്ടോ; ഇത്തരം കുട്ടികളുടെയും അവരുടെ മാതാപിതാക്കളുടെയും കാര്യത്തിൽ വലിയ ശ്രദ്ധ വേണമെന്നത് ഗ‍ൗരവമായി പരിഗണിക്കുന്നുണ്ടോ; വ്യക്തമാക്കാമോ;

ജീവന് ഭീഷണിയായ രോഗങ്ങളുള്ള കുട്ടികൾക്ക് നിത്യേന വിലകൂടിയ മരുന്നുകൾ ആവശ്യമായി വരുന്നത് ശ്രദ്ധയിൽപ്പെട്ടിട്ടുണ്ടോ; ഇത്തരം കുട്ടികളുടെ ചികിത്സാച്ചെലവ് ലഘൂകരിക്കുന്നതിന് സഹായകരമാകുന്ന പദ്ധതികൾ നടപ്പിലാക്കാന്‍ നടപടികള്‍ സ്വീകരിച്ചിട്ടുണ്ടോയെന്ന് വിശദമാക്കാമോ;

ദീർഘകാല രോഗബാധിതരായ കുട്ടികളെ ഒരു പ്രത്യേക വിഭാഗമായി പരിഗണിച്ച്, അവർക്ക് പ്രത്യേക 'ഹെൽത്ത് കാർഡ്' നൽകി മരുന്നുകള്‍ വാങ്ങാനുള്ള സൗകര്യം ഒരുക്കുന്ന കാര്യം പരിഗണിക്കുമോയെന്ന് വിശദമാക്കാമോ;

മരുന്നിന്റെ ലഭ്യതയ്ക്ക് പുറമെ, ഈ കുട്ടികളും കുടുംബങ്ങളും നേരിടുന്ന മറ്റ് സാമൂഹിക-മാനസിക പ്രശ്നങ്ങൾ ശ്രദ്ധയിൽപ്പെട്ടിട്ടുണ്ടോ; ഇത്തരം കുട്ടികളുടെ മാതാപിതാക്കളെ സഹായിക്കുന്നതിനായി പ്രത്യേക പദ്ധതികൾ പരിഗണനയിലുണ്ടോയെന്ന് വിശദമാക്കാമോ?

108 ആംബുലന്‍സ് പദ്ധതിയുടെ കരാർ ജി. വി. കെ. എമർജൻസി മാനേജ്‌മെന്റ് ആൻഡ്‌ റിസർച്ച് ഇൻസ്റ്റിറ്റ്യൂട്ട് എന്ന സ്ഥാപനത്തിന് വീണ്ടും നൽകാൻ തീരുമാനിച്ചിട്ടുണ്ടോ; എങ്കിൽ വിശദമാക്കാമോ;

മറ്റ് സംസ്‌ഥാനങ്ങളിൽ ബ്ലാക്ക് ലിസ്റ്റ് ചെയ്യപ്പെട്ടിട്ടുള്ള പ്രസ്തുത സ്ഥാപനത്തിന് കരാർ നൽകാനുള്ള തീരുമാനത്തിന്റെ അടിസ്ഥാനം വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ആദിവാസി മേഖലയിലെ ആരോഗ്യ ചികിത്സാ സംവിധാനം ശക്തിപ്പെടുത്തുന്നതിനായി നടപ്പിലാക്കിയ പ്രവൃത്തികൾ വിലയിരുത്തിയിട്ടുണ്ടോ;

ഇടുക്കി ജില്ലയിലെ ഇടമലക്കുടി, ചട്ടമൂന്നാര്‍ ഉൾപ്പടെയുള്ള ആദിവാസി മേഖലകളിൽ എവിടെയെല്ലാമാണ് പുതിയ തസ്തികകള്‍ സൃഷ്ടിച്ചതെന്ന് വ്യക്തമാക്കാമോ;

അട്ടപ്പാടി സ്പെഷ്യല്‍ ഇന്റര്‍വെന്‍ഷന്‍ പ്ലാന്‍ ആവിഷ്കരിച്ചിട്ടുണ്ടോ; ഉണ്ടെങ്കില്‍ ഉദ്ദേശലക്ഷ്യങ്ങള്‍ എന്തെല്ലാമാണെന്നും ദീര്‍ഘകാലാടിസ്ഥാനത്തില്‍ ആദിവാസി സമൂഹത്തിന്റെ ആരോഗ്യ സംരക്ഷണം ഉറപ്പുവരുത്താന്‍ ഈ പദ്ധതിയിലൂടെ സാധ്യമാകുമോയെന്നും വിശദമാക്കാമോ;

ഈ കാലയളവില്‍ അട്ടപ്പാടി മേഖലയിലും മറ്റു ആദിവാസി മേഖലകളിലും സ്ഥാപിച്ച ജനകീയ ആരോഗ്യ കേന്ദ്രങ്ങളുടെ എണ്ണം എത്ര വീതമാണെന്ന് അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം അരുവിക്കര മണ്ഡലത്തില്‍ ആരോഗ്യമേഖലയിലെ വിവിധ പദ്ധതികള്‍ക്കായി അനുവദിച്ച തുക, അവയുടെ വിശദംശം, പദ്ധതിയുടെ പേര്, നിലവിലെ സ്ഥിതി എന്നിവ വിശദമാക്കാമോ?

കാരുണ്യ ചികിത്സാ പദ്ധതിയിലൂടെ എത്ര കോടി രൂപയുടെ സൗജന്യ ചികിത്സാ സഹായമാണ് സംസ്ഥാന സര്‍ക്കാര്‍ നല്‍കിയിട്ടുളളതെന്ന് വ്യക്തമാക്കാമോ?

മാവേലിക്കര മണ്ഡലത്തിലെ വിവിധ ആരോഗ്യ സ്ഥാപനങ്ങളില്‍ കിഫ്ബി മുഖേന അനുവദിച്ച പദ്ധതികളും അവയുടെ തല്‍സ്ഥിതിയും വിശദമാക്കുമോ?

കൊല്ലം ജില്ലാ ആശുപത്രിയുടെ അടിസ്ഥാന സൗകര്യവികസനത്തിനായുള്ള കിഫ്ബി പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ എപ്രകാരമാണ് പുരോഗമിക്കുന്നത്; വിശദാംശം ലഭ്യമാക്കാമോ?

കിഫ്ബി പദ്ധതിയിൽ ഉൾപ്പെടുത്തി സംസ്ഥാനത്തെ എത്ര ആശുപത്രികളിലാണ് ഡയാലിസിസ് യൂണിറ്റുകൾ സജ്ജമാക്കിയിട്ടുള്ളതെന്ന് വ്യക്തമാക്കാമോ?

കിഫ്ബി ഫണ്ട് ഉപയോഗിച്ച് കൊല്ലം വിക്ടോറിയ ആശുപത്രിയിൽ നടപ്പിലാക്കാൻ വിഭാവനം ചെയ്തിട്ടുള്ള വികസന പദ്ധതിയുടെ നിലവിലെ സ്ഥിതി വിശദമാക്കാമോ; പ്രസ്തുത പദ്ധതിക്ക് കിഫ്ബിയില്‍ നിന്നും സാമ്പത്തികാനുമതി ലഭ്യമാക്കുന്നതിന് തടസ്സം നേരിടുന്നതിന്റെ കാരണം വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ആരോഗ്യ മേഖലയിലെ അടിസ്ഥാന സൗകര്യ വികസനത്തിനായി മട്ടന്നൂര്‍ മണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദാംശം ലഭ്യമാക്കാമോ?

കോഴിക്കോട് മെഡിക്കല്‍ കോളേജ് ആശുപത്രിയുടെ നവീകരണത്തിനും വികസനത്തിനുമായി എന്തെല്ലാം പ്രവ‍ൃത്തികളാണ് നിലവിൽ നടന്നു വരുന്നതെന്ന് വ്യക്തമാക്കാമോ;

ഓരോ പ്രവൃത്തികളുടെയും നിലവിലെ സ്ഥിതി വ്യക്തമാക്കാമോ?

2020-21 സാമ്പത്തിക വര്‍ഷം മുതല്‍ നാളിതുവരെ ആലത്തൂര്‍ നിയോജകമണ്ഡലത്തില്‍ ആരോഗ്യ വകുപ്പും നാഷണല്‍ ഹെല്‍ത്ത് മിഷനും നടപ്പിലാക്കിയ വിവിധ വികസന പ്രവര്‍ത്തനങ്ങളുടെ വിശദാംശം ലഭ്യമാക്കാമോ?

സംസ്ഥാനത്തെ സര്‍ക്കാര്‍ ആശുപത്രികളിലും അനുബന്ധ സ്ഥാപനങ്ങളിലുമായി 2021-26 കാലഘട്ടങ്ങളില്‍ വിവിധ പദ്ധതികള്‍ക്കായി എത്ര കോടി രൂപ ചെലവഴിച്ചിട്ടുണ്ടെന്ന് അറിയിക്കാമോ;

നിലവില്‍ പുരോഗമിച്ചുകൊണ്ടിരിക്കുന്ന പദ്ധതികള്‍ ഏതെല്ലാമാണെന്നും അവയ്ക്കായി എത്ര കോടി രൂപയാണ് ചെലവ് പ്രതീക്ഷിക്കുന്നതെന്നും അറിയിക്കാമോ?

പെരുവള്ളൂർ സി. എച്ച്. സി. യിൽ ഐസൊലേഷൻ വാർഡ് നിർമ്മാണം വർഷങ്ങളായി മുടങ്ങി കിടക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത നിർമ്മാണപ്രവർത്തനം എന്നത്തേക്ക് പൂർത്തീകരിക്കാനാകുമെന്നത് വ്യക്തമാക്കാമോ;

പ്രസ്തുത പ്രവൃത്തി നിർമ്മാണ ചുമതലയുണ്ടായിരുന്ന കരാർ ഏജൻസിയിൽ നിന്ന് മറ്റൊരു ഏജൻസിക്ക് കൈമാറിയിട്ടുണ്ടോ; എങ്കിൽ അതിന്റെ വിശദാംശങ്ങൾ നൽകാമോ;

നിർമ്മാണ പ്രവർത്തനങ്ങൾ ഭാഗികമായ നിലയിൽ തുടരുന്ന സാഹചര്യത്തിൽ നിർമ്മാണ സാമഗ്രികൾ മഴയും വെയിലും ഏറ്റ് ഗുണനിലവാരം നഷ്ടപ്പെട്ടത് സംബന്ധിച്ച് ലഭിച്ച പരാതികളിൽ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

ഐസൊലേഷൻ വാർഡ് നിർമ്മാണത്തിൽ പ്രീ-ഫാബ് സാങ്കേതിക വിദ്യയ്ക്ക് പകരം കോൺക്രീറ്റ് കെട്ടിടം നിർമിക്കണമെന്നാവശ്യപ്പെട്ട് സർക്കാരിന് ലഭിച്ച നിവേദനത്തിൽ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ; ആയത് സംബന്ധിച്ച് സർക്കാരിന് ലഭിച്ച നിവേദനങ്ങളുടെ പകർപ്പുകളും ബന്ധപ്പെട്ട ഫയലുകളുടെ പകർപ്പുകളും ലഭ്യമാക്കാമോ?

ആരോഗ്യ ഇൻഷുറൻസ് ചികിത്സയുമായി ബന്ധപ്പെട്ട് എറണാകുളം ജനറൽ ആശുപത്രിക്ക് ലഭ്യമാക്കാനുള്ള തുക എത്രയാണെന്ന് ഇനം തിരിച്ച് വ്യക്തമാക്കാമോ; ആയതിന്റെ വിതരണം എന്നത്തേക്ക് പൂർത്തിയാക്കാൻ കഴിയുമെന്ന്‌ അറിയിക്കാമോ; വിശദാംശം നല്‍കാമോ?

നബാര്‍ഡിന്റെ ധനസഹായത്തോടെ നിര്‍മ്മിക്കുന്ന മുക്കം കമ്മ്യൂണിറ്റി ഹെൽത്ത് സെന്ററിന്റെ കെട്ടിടനിര്‍മ്മാണം ആരംഭിക്കുന്നതിന് കാലതാമസം വന്നതെന്തുകൊണ്ടാണെന്ന് വ്യക്തമാക്കുമോ;

സാങ്കേതിക പ്രശ്നങ്ങൾ അടിയന്തരമായി പരിഹരിച്ച് നിര്‍മ്മാണം ആരംഭിക്കുന്നതിന് നടപടികള്‍ സ്വീകരിക്കുമോ?

പാലാ ജനറല്‍ ആശുപത്രിയുടെ വികസനവുമായി ബന്ധപ്പെട്ട് ലിഫ്റ്റ്, സോളാര്‍ പാനല്‍ എന്നിവ സ്ഥാപിക്കുന്ന പദ്ധതികളുടെ നിലവിലെ സ്ഥിതി വ്യക്തമാക്കാമോ;

പ്രസ്തുത ആശുപത്രിയുടെ വികസനത്തിനുവേണ്ടി എന്തെങ്കിലും പുതിയ പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം കാഞ്ഞങ്ങാട് സ്ത്രീകളുടെയും കുട്ടികളുടെയും ആശുപത്രിയിൽ ആകെ അനുവദിച്ച തസ്തികകൾ ഏതെല്ലാമാണെന്ന് വിശദമാക്കാമോ;

പുതുതായി തസ്തികകൾ സൃഷ്ടിക്കാനുള്ള നടപടികൾ സ്വീകരിച്ചിട്ടുണ്ടോ; എങ്കിൽ വിശദാംശം നൽകാമോ;

പ്രസ്തുത ആശുപത്രിയില്‍ ചികിത്സക്കായി എന്തൊക്കെ സജ്ജീകരണങ്ങൾ ഇതുവരെ സ്ഥാപിച്ചിട്ടുണ്ട്; ആയതിന്റെ വിശദാംശം ലഭ്യമാക്കാമോ?

കൊരട്ടി ഗാന്ധിഗ്രാം ത്വക്ക് രോഗാശുപത്രി കോമ്പൗണ്ടിലെ‍ ആരോഗ്യ പ്രവര്‍ത്തകര്‍ക്കായുള്ള പരിശീലന കേന്ദ്രത്തിന്റെ അവശേഷിക്കുന്ന നിര്‍മ്മാണ പ്രവൃത്തികള്‍ എന്തൊക്കെയാണെന്നും ആയത് എന്ന് പൂര്‍ത്തീകരിക്കുമെന്നും വിശദമാക്കുമോ;

പ്രസ്തുത നിര്‍മ്മാണം പൂര്‍ത്തീകരിക്കുന്നതിന് എത്ര തുകയുടെ എസ്റ്റിമേറ്റാണ് തയ്യാറാക്കിയിട്ടുള്ളതെന്നും ആയതിന് അംഗീകാരം നല്‍കിയിട്ടുണ്ടോയെന്നും അറിയിക്കുമോ;

പരിശീലന കേന്ദ്രത്തിന്റെ നടത്തിപ്പിന് എത്ര തസ്തികകള്‍ ആവശ്യമായിട്ടുണ്ടെന്നും, അവ ഏതൊക്കെയാണെന്നും, എപ്രകാരമാണ് നിയമിക്കാന്‍ ഉദ്ദേശിക്കുന്നതെന്നും വിശദമാക്കാമോ?

ഗുരുവായൂര്‍ നിയോജകമണ്ഡലത്തിലെ പൂക്കോട് കുടുംബാരോഗ്യ കേന്ദ്രത്തിന്റെ പുതിയ കെട്ടിട നിര്‍മ്മാണത്തിന്റെ ഭാഗമായി പഴയ കെട്ടിടം പൊളിച്ചു നീക്കുന്ന പ്രവൃത്തിയുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തിയുമായി ബന്ധപ്പെട്ട് ആരോഗ്യവകുപ്പ് ഡയറക്ടറുടെ ശിപാര്‍ശ എന്നാണ് ലഭിച്ചതെന്ന് വിശദമാക്കാമോ;

പഴയ കെട്ടിടം പൊളിച്ചു നീക്കുന്നതിന് അനുമതി ലഭിയ്ക്കാത്തതിനാല്‍ ബജറ്റില്‍ ഉള്‍പ്പെട്ട നിര്‍മ്മാണ പ്രവൃത്തികള്‍ നടപ്പാക്കുന്നതിന് കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ കാലതാമസം ഒഴിവാക്കി പദ്ധതി അടിയന്തരമായി നടപ്പിലാക്കുന്നതിന് നടപടി സ്വീകരിക്കുമോ?

മുന്‍ സര്‍ക്കാരിന്റെയും ഈ സര്‍ക്കാരിന്റെയും കാലയളവില്‍ വര്‍ക്കല മണ്ഡലത്തിലെ ഏതെല്ലാം പി.എച്ച്.സി. കളാണ് എഫ്.എച്ച്.സി കളായി ഉയര്‍ത്തിയിട്ടുള്ളതെന്ന് വിശദമാക്കാമോ;

ഓരോ ആശുപത്രികളിലും നിലവിൽ സേവനത്തിന് ലഭ്യമായ ഡോക്ടർമാരുടെ എണ്ണം പ്രസ്തുത ആശുപത്രികളുടെ പ്രവർത്തന സമയത്തെക്കുറിച്ചുള്ള വിശദാംശങ്ങൾ എന്നിവ ലഭ്യമാക്കാമോ?

ആറ്റിങ്ങല്‍ വലിയകുന്ന് താലൂക്ക് ആശുപത്രിയിലെ ഒ. പി. ബ്ലോക്ക് നിര്‍മ്മാണത്തിന് എത്ര രൂപയാണ് അനുവദിച്ചിട്ടുള്ളത്; നിര്‍മ്മാണം പൂര്‍ത്തിയാക്കുന്നതിന് ഇനി എത്ര രൂപ കൂടി ആവശ്യമായി വരും; വ്യക്തമാക്കാമോ?

പള്ളിക്കല്‍ കമ്മ്യൂണിറ്റി ആരോഗ്യ കേന്ദ്രത്തില്‍ കിടത്തി ചികിത്സ ആരംഭിക്കുന്നതിനായുള്ള നടപടികള്‍ സ്വീകരിക്കാമോ?

വിളപ്പിൽ ആശുപത്രിയിൽ ശ്വാസതടസം നേരിട്ട് ചികിത്സക്ക് എത്തിയ രോഗി ചികിത്സ കിട്ടാതെ മരിച്ച സംഭവം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത സംഭവത്തിൽ അന്വേഷണം നടത്തിയിട്ടുണ്ടോ; വിശദമാക്കാമോ;

സമാനമായ സംഭവങ്ങൾ വീണ്ടും ഉണ്ടാകുന്നത് തടയാൻ എന്തെല്ലാം നടപടികൾ സ്വീകരിക്കുമെന്ന് വിശദമാക്കാമോ?

തിരൂരങ്ങാടി താലൂക്ക് ആശുപത്രിയിൽ അനുവദിച്ചിട്ടുള്ള പ്രാരംഭ വൈകല്യ മുക്തി കേന്ദ്രം, ഡീ-അഡിക്ഷൻ സെന്റർ, നെഫ്റോളജി യൂണിറ്റ്, ബ്ലഡ് സ്റ്റോറേജ് യൂണിറ്റ് എന്നിവ ഇപ്പോൾ പ്രവർത്തിക്കുന്നുണ്ടോ; വിശദമാക്കാമോ;

ഈ ആശുപത്രിയിൽ അനുവദിച്ച മെഡിക്കൽ ഐ.സി.യു. ഇപ്പോൾ പ്രവർത്തിക്കുന്നുണ്ടോ; ഇല്ലെങ്കിൽ കാരണങ്ങൾ വിശദമാക്കാമോ;

തിരൂരങ്ങാടി താലൂക്ക് ആശുപത്രിയിൽ നിലവിലുള്ള തസ്തികകൾ ഏതെല്ലാമാണ്; സ്ഥിരം, കോൺട്രാക്ട്, താൽക്കാലികം എന്നിവ ഇനം തിരിച്ചു വിശദമാക്കാമോ;

ഈ തസ്തികകളിൽ ഏതെല്ലാം തസ്തികളിൽ നിലവിൽ ജീവനക്കാർ ഉണ്ട്; സ്ഥിരം ജീവനക്കാർ, വർക്കിംഗ് അറേഞ്ച്മെന്റ്, അഡീഷണൽ ചാർജ്, കോൺട്രാക്ട് വ്യവസ്ഥ, താൽക്കാലികം എന്നിവ ഇനം തിരിച്ച് വിശദമാക്കാമോ;

തിരൂരങ്ങാടി താലൂക്ക് ആശുപത്രിയിൽ ഏതു തീയതി മുതലാണ് തസ്തികകൾ ഒഴിഞ്ഞു കിടക്കുന്നത് ; ഇനം തിരിച്ചു വിശദമാക്കാമോ ?

കൊണ്ടോട്ടി താലൂക്ക് ആശുപത്രിയുടെ പുതിയ കെട്ടിടത്തിന്റെ പ്രവൃത്തി എന്നത്തേയ്ക്ക് പൂർത്തീകരിക്കാൻ കഴിയുമെന്ന് വ്യക്തമാക്കുമോ;

ഇവിടെ സ്പെഷ്യാലിറ്റി ഡോക്ടർമാർ, മെഡിക്കൽ സൂപ്രണ്ട്, മറ്റ് സ്റ്റാഫുകള്‍ എന്നിവരുടെ നിയമനത്തിന് പ്രൊപ്പോസലുകൾ ലഭിച്ചിട്ടുണ്ടോ; എങ്കിൽ വിശദാംശങ്ങളും അതിന്റെ നിലവിലുള്ള അവസ്ഥയും വിശദമാക്കുമോ;

സമീപകാലത്ത് സ്പെഷ്യാലിറ്റി ഡോക്ടർമാരുടെ തസ്തിക സൃഷ്ടിച്ചപ്പോൾ കൊണ്ടോട്ടി താലൂക്ക് ആശുപത്രി ഒഴിവാക്കപ്പെട്ടത് ജില്ലയിലെ ആരോഗ്യ വകുപ്പ് അപേക്ഷിക്കാത്തത് കൊണ്ടാണോയെന്ന് വ്യക്തമാക്കുമോ;

കൊണ്ടോട്ടി താലൂക്ക് ആശുപത്രിയില്‍ അനുവദിച്ച പോളി ദന്തൽ ക്ലിനിക്കിൽ ഡോക്ടറെ കൂടാതെ മറ്റ് തസ്തികകള്‍ കൂടി അനുവദിക്കുന്നതിന് നടപടി സ്വീകരിക്കുമോ;

കൊണ്ടോട്ടി താലൂക്ക് ആശുപത്രിക്ക് താലൂക്ക് ആശുപത്രി നിലവാരത്തിലുള്ള തസ്തികകൾ സൃഷ്ടിക്കുന്നതിന് നടപടി സ്വീകരിക്കുമോ?

മഞ്ചേശ്വരം താലൂക്കിൽ താലൂക്ക് ആയുർവേദ ആശുപത്രി തുടങ്ങുന്നത് പരിഗണനയിലുണ്ടോ; വിശദ വിവരങ്ങൾ ലഭ്യമാക്കുമോ?

ഇത്തവണത്തെ ശബരിമല തീർത്ഥാടനവുമായി ബന്ധപ്പെട്ട് ആരോഗ്യവകുപ്പിന് കീഴിൽ വിവിധ പ്രവർത്തനങ്ങൾ ഏകോപിപ്പിക്കുന്നതിനായും തീർത്ഥാടകർക്ക് തത്സമയം ആവശ്യമായ അടിയന്തിര ചികിത്സ നൽകുന്നതിനുമായി ചെലവഴിച്ച തുകയുടെ വിശദാംശങ്ങൾ ലഭ്യമാക്കാമോ;

ഏതെല്ലാം വിഭാഗത്തിലെ എത്ര ജീവനക്കാരെയാണ് മണ്ഡല മഹോത്സവകാലത്തെ പ്രവർത്തനങ്ങൾക്കായി ആരോഗ്യ വകുപ്പ് അണിനിരത്തിയതെന്ന് അറിയിക്കാമോ?

ഈ വർഷത്തെ ശബരിമല മണ്ഡല ഉത്സവത്തോടനുബന്ധിച്ച് തീർത്ഥാടകർക്ക് അടിയന്തര വൈദ്യസഹായം ഉറപ്പാക്കുന്നതിനായി ആരോഗ്യ വകുപ്പ് നടപ്പിലാക്കിയ പ്രവർത്തനങ്ങൾ അവലോകനം ചെയ്തിട്ടുണ്ടോ; വിശദമാക്കാമോ;

വകുപ്പിലെ ഏതെല്ലാം വിഭാഗത്തിലെ എത്ര ജീവനക്കാരെ വീതമാണ് ശബരിമല തീര്‍ത്ഥാടനവുമായി ബന്ധപ്പെട്ട് നിയമിച്ചിരുന്നതെന്ന് വ്യക്തമാക്കാമോ;

മെച്ചപ്പെട്ട ആംബുലന്‍സ് സംവിധാനങ്ങള്‍ ക്രമീകരിക്കുന്നതിന് എന്തെല്ലാം സൗകര്യങ്ങളാണ് ഒരുക്കിയിരുന്നതെന്ന് അറിയിക്കാമോ;

കിടത്തി ചികിത്സിക്കാന്‍ കഴിയും വിധം വിപുലമായ സൗകര്യങ്ങള്‍ എവിടെയെല്ലാം ഒരുക്കിയിരുന്നുവെന്ന് വ്യക്തമാക്കാമോ;

ശബരിമല തീർത്ഥാടന ക്രമീകരണങ്ങൾക്കിടെ ആരോഗ്യ വകുപ്പിലെ ഏതെങ്കിലും ജീവനക്കാർക്ക് അപകടമോ അത്യാഹിതമോ സംഭവിച്ചിട്ടുണ്ടോ; അങ്ങനെയുള്ളവർക്ക് അടിയന്തര ചികിത്സ ഒരുക്കുവാന്‍ കഴിഞ്ഞിട്ടുണ്ടോയെന്ന് വിശദമാക്കാമോ;

തീർത്ഥാടന കാലയളവിൽ ഏറ്റവും മികച്ച രീതിയിലുള്ള ചികിത്സാ സൗകര്യങ്ങൾ ഒരുക്കാൻ സാധിച്ചുവെന്ന പൊതുജനാഭിപ്രായം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ ?

നവജാത ശിശുക്കളിൽ ജനിതക വൈകല്യങ്ങൾ ഉള്ളവരുടെ എണ്ണം വർദ്ധിച്ചുവരുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

ഇതിന്റെ കാരണങ്ങൾ എന്തെല്ലാമാണെന്നാണ് കണ്ടെത്തിയിട്ടുളളതെന്ന് വിശദമാക്കാമോ;

ഈ വിഷയത്തിൽ ശാസ്ത്രീയമായ പഠനങ്ങൾ നടത്തി ആവശ്യമായ തുടർനടപടികൾ സ്വീകരിക്കാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്തെ ഹൃദയമാറ്റ ശസ്ത്രക്രിയകള്‍ അടക്കം ഹൃദ്രോഗ ചികിത്സയില്‍ കൈവരിച്ച നേട്ടങ്ങള്‍ എന്തെല്ലാമാണെന്ന് വിശദമാക്കാമോ;

2021-2025 കാലയളവില്‍ സര്‍ക്കാര്‍ ആശുപത്രികളില്‍ ഹൃദ്രോഗത്തിനു നൂതന ചികിത്സാ സൗകര്യങ്ങള്‍ ഒരുക്കുന്നതിനായി എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കാമോ;

പ്രസ്തുത കാലയളവിൽ എത്ര സർക്കാർ ആശുപത്രികളിലാണ് കാത്ത് ലാബുകൾ പ്രവർത്തിച്ചിരുന്നതെന്നും നിലവിൽ ഏതെല്ലാം ആശുപത്രികളിൽ കാത്ത് ലാബ് സൗകര്യങ്ങൾ ഏർപ്പെടുത്തി വരുന്നതായും വ്യക്തമാക്കാമോ;

രോഗികളുടെ തിരക്ക് നിയന്ത്രിക്കുന്നതിന് കാത്ത് ലാബുകൾ പ്രയോജനപ്രദമാകുമോ; ഇതിനായി ചെലവഴിച്ച തുകയുടെ വിശദാംശം ലഭ്യമാക്കാമോ ?

2016 മുതല്‍ നാളിതുവരെ കിഫ്ബി ഫണ്ട് മുഖേന ആരോഗ്യ-കുടുംബക്ഷേമ മേഖലയിൽ എത്ര കോടി രൂപയുടെ നിര്‍മ്മാണ പ്രവര്‍ത്തനങ്ങള്‍ നടത്തിയിട്ടുണ്ടെന്ന വിവരം ജില്ല തിരിച്ച് വ്യക്തമാക്കാമോ;

കിഫ്ബി ഫണ്ട് മുഖേന ഇനിയും എത്ര പ്രവൃത്തികള്‍ ആരംഭിക്കാനുണ്ടെന്ന് അറിയിക്കാമോ?

2016-ല്‍ സംസ്ഥാനത്ത് സര്‍ക്കാര്‍ ആശുപത്രികളില്‍ കിടത്തി ചികിത്സിക്കാനുള്ള സൗകര്യങ്ങള്‍ എത്രയായിരുന്നുവെന്നും 2026-ല്‍ അത് എത്രയായി വര്‍ദ്ധിപ്പിക്കാന്‍ കഴിഞ്ഞിട്ടുണ്ടെന്നും വിശദമാക്കാമോ?

സംസ്ഥാനത്ത് 2016 വരെ എത്ര മെഡിക്കല്‍ കോളേജ് ആശുപത്രികള്‍, ജില്ലാ-താലൂക്ക്, ജനറല്‍ ആശുപത്രികള്‍ എന്നിവ പ്രവര്‍ത്തിച്ചിരുന്നുവെന്ന് അറിയിക്കാമോ;

2016-21, 2021-2025 കാലഘട്ടങ്ങളിലായി എത്ര പുതിയ ആശുപത്രികള്‍ കൂടി അപ്ഗ്രേഡ് ചെയ്യാനോ, സ്ഥാപിക്കാനോ കഴിഞ്ഞിട്ടുണ്ടോയെന്ന് അറിയിക്കാമോ; അവ ഏതെല്ലാമാണെന്ന് വ്യക്തമാക്കാമോ?

2016-17 മുതല്‍ നാളിതുവരെയുള്ള കാലഘട്ടങ്ങളില്‍ സംസ്ഥാനത്തെ സര്‍ക്കാര്‍ ആശുപത്രികളില്‍ സി. എ. ജി. നടത്തിയ ഓഡിറ്റിന്റെ കണ്ടെത്തലുകൾ സര്‍ക്കാരിന് നല്‍കിയിട്ടുണ്ടോ; ഉണ്ടെങ്കിൽ അതിന്റെ പകര്‍പ്പ് ലഭ്യമാക്കാമോ?

സംസ്ഥാനത്തെ ആശുപത്രികളിൽ ചികിത്സാ പിഴവുകൾ സംഭവിക്കുന്നത് ശ്രദ്ധയിൽപ്പെട്ടിട്ടുണ്ടോ;

കാലിനേറ്റ മുറിവിന് ചികിത്സ തേടി പമ്പയിലെ സർക്കാർ ആശുപത്രിയിലെത്തിയ തീർത്ഥാടകയുടെ കാലിനേറ്റ മുറിവിന് ചികിത്സ നൽകിയപ്പോൾ സർജിക്കൽ ബ്ലേഡ് ഉള്ളിൽവച്ച്‌ തുന്നിക്കെട്ടിയെന്ന ആരോപണം ശ്രദ്ധയിൽപ്പെട്ടിട്ടുണ്ടോ;

പ്രസ്തുത സംഭവത്തില്‍ സ്വീകരിച്ചിട്ടുള്ള നടപടികൾ വിശദമാക്കാമോ?

സർക്കാർ ആശുപത്രികളിലേക്ക് മരുന്ന് വാങ്ങിയ ഇനത്തില്‍ മരുന്ന് കമ്പനികൾക്കു നാളിതുവരെ കൊടുക്കാനുള്ള കുടിശികയുടെ വിശദാംശം നൽകാമോ;

കാരുണ്യ ഫാർമസിക്ക് മരുന്ന് വാങ്ങിയതിൽ മരുന്ന് കമ്പനികളുടെ കുടിശ്ശികയുടെ വിശദാംശം നൽകാമോ?

കേരളത്തിലെ പ്രധാനപ്പെട്ട സ്വകാര്യ ആശുപത്രികളുടെ ഭൂരിഭാഗം ഓഹരികളും അമേരിക്കൻ കമ്പനികളായ കെ. കെ. ആർ., ബ്ലാക്ക്സ്റ്റോൺ എന്നിവർ വിലയ്ക്കു വാങ്ങിയതായും തൻനിമിത്തം ചികിത്സാ ചെലവുകൾ കുത്തനെ ഉയർന്നതായും ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

സ്വകാര്യ ആശുപത്രികളുടെ ചികിത്സാ ചെലവ് ക്രമാതീതമായി വർദ്ധിച്ചതിനാൽ സർക്കാർ ആശുപത്രികളിൽ പൊതുജനങ്ങൾക്ക് കൂടുതൽ ചികിത്സാ സൗകര്യങ്ങളും മെച്ചപ്പെട്ട ചികിത്സയും ഏർപ്പെടുത്തുന്നതിന് വേണ്ട നടപടികൾ സ്വീകരിക്കുമോ?

പതിനൊന്ന് വയസ്സിൽ താഴെയുളള കുട്ടികൾക്ക് സൗജന്യ ചികിത്സ നൽകുന്ന പദ്ധതി നിലവിലുണ്ടോ; വിശദാംശം ലഭ്യമാക്കാമോ;

ഏതെല്ലാം രോഗങ്ങൾക്ക്, ഏതൊക്കെ ആശുപത്രികളിലാണ് ഈ പദ്ധതി നിലവിലുളളതെന്ന് വ്യക്തമാക്കാമോ;

ആയതിന്റെ അർഹതാ മാനദണ്ഡങ്ങൾ എന്തൊക്കെയാണെന്ന് വിശദമാക്കാമോ?

തൃശൂര്‍ ഗവ. മെഡിക്കല്‍ കോളജിലെ ചികില്‍സാ സംവിധാനങ്ങള്‍ കൂടുതല്‍ മെച്ചപ്പെടുത്തുന്നതിനുവേണ്ടി സ്വീകരിച്ച നടപടികള്‍ എന്തെല്ലാമെന്ന് വിശദമാക്കാമോ;

പ്രസ്തുത മെഡിക്കല്‍ കോളജില്‍ ഹൃദയ സംബന്ധമായ അസുഖങ്ങള്‍ക്ക് ഓപ്പണ്‍ സര്‍ജ്ജറിയടക്കമുള്ള ചികിത്സയ്ക്ക് ഡോക്ടര്‍മാരുടെ കുറവുള്ളത് പ്രതിസന്ധിയുണ്ടാക്കുന്നതായി ശ്രദ്ധയില്‍പ്പെട്ടിട്ടുണ്ടോ;

കാര്‍ഡിയോളജി വിഭാഗത്തില്‍ രോഗികളുടെ വര്‍ദ്ധന വിനനുസരിച്ച് ഡോക്ടര്‍മാരുടെ എണ്ണത്തിലും കാര്‍ഡിയോളജി യൂണിറ്റുകളുടെ എണ്ണത്തിലും വര്‍ദ്ധനവരുത്തുന്നതിനുള്ള നടപടികള്‍ സ്വീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത മെഡിക്കല്‍ കോളേജിലെ കാര്‍ഡിയോളജി വിഭാഗത്തിലെ രോഗികളുടെ വര്‍ദ്ധനവിനനുസരിച്ച് ഡോക്ടര്‍മാരെ നിയമിക്കുന്ന കാര്യം പരിഗണനയിലുണ്ടോ; വിശദമാക്കാമോ?

സർക്കാർ മെഡിക്കൽ കോളേജ് ആശുപത്രികളിലെ തിരക്ക് അനിയന്ത്രിതമായി വർദ്ധിച്ചു വരുന്ന കാര്യം പ്രത്യേകമായി വിലയിരുത്തിയിട്ടുണ്ടോ;

മെഡിക്കൽ കോളേജുകളുടെ ജോലി ഭാരം കുറയ്ക്കുവാനും രോഗികൾക്ക് അവരുടെ തൊട്ടടുത്തുളള ആശുപത്രികളിൽ തന്നെ മികച്ച ചികിത്സ ഉറപ്പാക്കുന്നതിനുമുളള സമഗ്ര റഫറൽ പ്രോട്ടോക്കോൾ പുറപ്പെടുവിച്ചിട്ടുണ്ടോ; എങ്കിൽ ആയതിന്റെ വിശദവിവരങ്ങൾ ലഭ്യമാക്കുമോ;

റഫറൽ, ബാക്ക് റഫറൽ പ്രോട്ടോക്കോൾ നടപ്പിലാക്കുന്നതോടെ മെഡിക്കൽ കോളേജുകൾ ഉൾപ്പെടെയുളള പ്രധാന ആശുപത്രികളിലെ രോഗികളുടെ ബാഹുല്യം കുറയ്ക്കാൻ കഴിയുമെന്ന് പ്രതീക്ഷിക്കുന്നുണ്ടോ;

ജില്ലാ, ജനറൽ, താലൂക്ക് ആശുപത്രികളിൽ സ്പെഷ്യാലിറ്റി സൗകര്യങ്ങൾ വ‍ർദ്ധിപ്പിക്കുന്നതിന് നടപടി സ്വീകരിച്ചിട്ടുണ്ടോ;?

ഈ സർക്കാർ അധികാരത്തിൽ വന്നതിനുശേഷം സംസ്ഥാനത്തെ മെഡിക്കൽ കോളേജ് ആശുപത്രികളിൽ എന്തെല്ലാം പുതിയ ചികിത്സാ സംവിധാനങ്ങള്‍ ആരംഭിക്കുന്നതിന് കഴിഞ്ഞിട്ടുണ്ട്; അവ ഓരോന്നും ഏതെല്ലാമാണെന്ന് പ്രത്യേകം അറിയിക്കാമോ?

മെഡിക്കൽ കോളേജുകളിൽ ആവശ്യത്തിനു മരുന്നുകളോ ചികിത്സാ ഉപകരണങ്ങളോ ലഭ്യമല്ലാത്തതിനാൽ ചികിത്സ നൽകുന്നതിൽ ഗുരുതര പ്രതിസന്ധി സൃഷ്ടിക്കുന്ന കാര്യം പരിശോധിച്ചിട്ടുണ്ടോ;

ഉപകരണങ്ങളുടെ ക്ഷാമം കാരണം തിരുവനന്തപുരം മെഡിക്കൽ കോളേജിൽ ചികിത്സാ പ്രതിസന്ധി ഉണ്ടായിട്ടുണ്ടെന്ന യൂറോളജി വിഭാഗം മേധാവിയുടെ വെളിപ്പെടുത്തലിൽ അന്വേഷണം നടത്തിയിട്ടുണ്ടോ;

ചികിത്സ മുടങ്ങാതിരിക്കാൻ രോഗികളുടെ ബന്ധുക്കൾക്ക് സ്വന്തം ചെലവിൽ ചികിത്സാ ഉപകരണങ്ങൾ വാങ്ങിക്കേണ്ട സാഹചര്യം ഉണ്ടായിട്ടുണ്ടോ;

മെഡിക്കൽ കോളേജുകളിലെ ചികിത്സ തടസ്സപ്പെടാതിരിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

കാസർഗോഡ് ഗവ. മെഡിക്കൽ കോളേജിൽ നിലവിൽ എന്തെല്ലാം സൗകര്യങ്ങളും സേവനങ്ങളുമാണ് ഉള്ളതെന്ന് വിശദമാക്കുമോ;

പ്രസ്തുത മെഡിക്കൽ കോളേജ് പൂർണ തോതിൽ സജ്ജമാക്കാൻ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

കാനം രാജേന്ദ്രന്റെ സ്മാരകത്തിനായി ആരോഗ്യ വകുപ്പിന്റെ കീഴിലുള്ള തിരുവനന്തപുരം മെഡിക്കൽ കോളജിനു സമീപമുള്ള സ്ഥലം അനുവദിക്കുന്നതുമായി ബന്ധപ്പെട്ട അപേക്ഷ ആരോഗ്യ വകുപ്പിന്റെ പരിഗണനയിലാണോ; എങ്കിൽ പ്രസ്തുത ആവശ്യത്തിന് എൻ.ഒ.സി. നൽകാൻ തീരുമാനമെടുത്തിട്ടുണ്ടോ;

മേൽപ്പറഞ്ഞ വിഷയം സംബന്ധിച്ച ഫയൽ എന്നാണ് ആരോഗ്യവകുപ്പിനു ലഭിച്ചതെന്നും എന്തെല്ലാം കാര്യങ്ങളാണ് ഇതുവരെ പരിശോധിച്ചിട്ടുള്ളതെന്നും പ്രസ്തുത അപേക്ഷയിൽ എത്ര ഭൂമിയാണ് ആവശ്യപ്പെട്ടിരിക്കുന്നതെന്നും വ്യക്തമാക്കാമോ;

ഈ സർക്കാരിന്റെ കാലത്ത് ആരോഗ്യവകുപ്പിന്റെ കീഴിലുള്ള സ്ഥലങ്ങൾ ഏതെങ്കിലും സ്മാരകങ്ങൾക്കോ സംഘടനകൾക്കോ വിട്ടുനൽകിയിട്ടുണ്ടോ; വിശദമാക്കാമോ?

സർക്കാർ മെഡിക്കൽ കോളേജ് അധ്യാപകർ ശമ്പള പരിഷ്കരണവുമായി ബന്ധപ്പെട്ട് നടത്തിവരുന്ന സമരം മൂലം രോഗികൾക്ക് ഉണ്ടായിട്ടുള്ള ബുദ്ധിമുട്ട് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ അത് അവസാനിപ്പിക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

സർക്കാർ മെഡിക്കൽ കോളേജുകളിൽ പി.എസ്.സി. വഴി നിയമനം ലഭിക്കുന്ന പുതിയ ഡോക്ടർമാർ ജോലിക്ക് ചേരാത്തതായി ശ്രദ്ധയിൽപ്പെട്ടിട്ടുണ്ടോ;

സംസ്ഥാനത്തെ വിവിധ മെഡിക്കൽ കോളേജുകളിലായി എത്ര അധ്യാപകരുടെ ഒഴിവുകൾ നിലവിലുണ്ടെന്ന് അറിയിക്കുമോ;

സർക്കാർ മെഡിക്കൽ കോളേജുകളിലെ ഡോക്ടർമാരുടെ ശമ്പളപരിഷ്കരണം അവസാനമായി നടപ്പിലാക്കിയത് എന്നുമുതലാണ്; അതിന്റെ പ്രാബല്യ തീയതി വ്യക്തമാക്കുമോ; ശമ്പളപരിഷ്കരണത്തിന്റെ കുടിശിക എത്ര മാസത്തെ വിതരണം ചെയ്യാൻ ബാക്കിയുണ്ടെന്നറിയിക്കുമോ?

സംസ്‌ഥാനത്ത്‌ ആശുപത്രികളിൽ ഡോക്ടർമാർക്കും സ്റ്റാഫംഗങ്ങൾക്കും നേരെ അതിക്രമങ്ങൾ നടക്കുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

സർക്കാർ ആശുപത്രികളിലെ ഡ്യൂട്ടിയിലുളള ഡോക്ടർമാർക്കും ജീവനക്കാർക്കും നേരെയുണ്ടാകുന്ന അതിക്രമങ്ങൾ തടയാൻ എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കാമോ?

സംസ്ഥാനത്തെ സര്‍ക്കാര്‍ ആശുപത്രികളിലെ നിലവിലെ സ്റ്റാഫ് പാറ്റേണ്‍ ഏത് വർഷമാണ് പ്രാബല്യത്തിൽ വന്നതെന്ന് വ്യക്തമാക്കാമോ; സ്റ്റാഫ് പാറ്റേണ്‍ കാലാനുസൃതമായി പരിഷ്കരിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

മെഡിക്കൽ കോളേജുകളിലെയും ജില്ലാ ആശുപത്രികളിലെയും അമിതമായ തിരക്ക് നിയന്ത്രിക്കുന്നതിനായി, താലൂക്ക് ആശുപത്രികളിൽ സ്പെഷ്യലിസ്റ്റ് ഡോക്ടർമാരുടെ സേവനം സ്ഥിരമായി ലഭ്യമാക്കാൻ നടപടി സ്വീകരിക്കുമോ; വ്യക്തമാക്കാമോ;

സർക്കാർ ആശുപത്രികളിൽ ലഭ്യമാക്കിയിട്ടുള്ള ആധുനിക മെഡിക്കൽ ഉപകരണങ്ങൾ കാര്യക്ഷമമായി പ്രവർത്തിപ്പിക്കുന്നതിനും പരിപാലിക്കുന്നതിനും ആവശ്യമായ സാങ്കേതിക വൈദഗ്ധ്യമുള്ള ഉദ്യോഗാർത്ഥികളെ സ്ഥിരമായി നിയമിക്കാൻ നടപടി സ്വീകരിക്കുമോ; ആയതിലേയ്ക്കായി സ്ഥിരം തസ്തികകള്‍ സൃഷ്ടിക്കുന്നതിന് നടപടി സ്വീകരിക്കുമോ; വിശദമാക്കാമോ?

കേശവപുരം കമ്മ്യൂണിറ്റി ഹെല്‍ത്ത് സെന്ററില്‍ എത്ര ഡോക്ടര്‍ തസ്തികകളാണ് നിലവിലുള്ളത്;

ഇപ്പോൾ ഇതിൽ എത്ര ഒഴിവുകളാണ് നിലവിലുള്ളത്;

ഏതെങ്കിലും അവധി അപേക്ഷകള്‍ വകുപ്പിന്റെ പരിഗണനയിലുണ്ടോ;

ഒഴിവുകള്‍ നികത്തുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ?

പാറശ്ശാല മണ്ഡലത്തിലെ കുടുംബാരോഗ്യകേന്ദ്രങ്ങള്‍, സാമൂഹികാരോഗ്യ കേന്ദ്രങ്ങള്‍, താലൂക്ക് ഹെഡ് ക്വാര്‍ട്ടേഴ്സ് ആശുപത്രി എന്നിവിടങ്ങളില്‍ ഓരോന്നിലും അനുവദിച്ചിട്ടുള്ള തസ്തികകള്‍ എത്രയെന്നും നിലവില്‍ പ്രവൃത്തി ചെയ്യുന്ന ജീവനക്കാരുടെ എണ്ണവും ഓരോ വിഭാഗത്തിലും ഒഴിവുള്ള തസ്തികകളും ആശുപത്രി തിരിച്ച് വ്യക്തമാക്കാമോ;

പാറശ്ശാല മണ്ഡലത്തില്‍ പഞ്ചായത്ത് അടിസ്ഥാനത്തില്‍ എത്ര ഹെല്‍ത്ത് & വെല്‍നെസ്സ് സെന്ററുകള്‍ നിലവില്‍ പ്രവര്‍ത്തിക്കുന്നുണ്ടെന്നും ഓരോ കേന്ദ്രത്തിലും എത്ര ജീവനക്കാര്‍ വീതം ജോലി ചെയ്യുന്നുണ്ടെന്നും അറിയിക്കാമോ;

പാറശ്ശാല താലൂക്ക് ഹെഡ് ക്വാര്‍ട്ടേഴ്‍സ് ആശുപത്രിയില്‍ അനുവദിച്ചിട്ടുള്ള 27 നഴ്‍സിംഗ് അസിസ്റ്റന്റ് തസ്തികകളില്‍ 10 എണ്ണം ഒഴിഞ്ഞുകിടക്കുന്നത് ആശുപത്രിയുടെ ദൈനംദിന പ്രവര്‍ത്തനങ്ങളെ ബാധിക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത ഒഴിവുകള്‍ അടിയന്തരമായി നികത്തുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

വിവിധ ആരോഗ്യകേന്ദ്രങ്ങളിലെ ജീവനക്കാരുടെ കുറവ് കാരണം ജനങ്ങള്‍ അനുഭവിക്കുന്ന ബുദ്ധിമുട്ടുകള്‍ പരിഹരിക്കുന്നതിനും സേവനം സുഗമമാക്കുന്നതിനും അടിയന്തരമായി പുതിയ നിയമനങ്ങള്‍ നടത്തുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ?

സംസ്ഥാനത്തെ ഡി.എച്ച്.എസ്.-ന് കീഴിലുള്ള സര്‍ക്കാര്‍ ആശുപത്രികളില്‍ പ്രവര്‍ത്തിക്കുന്ന ഡയാലിസിസ് യൂണിറ്റുകളില്‍ രോഗികളുടെ എണ്ണം വര്‍ദ്ധിച്ചുവരുന്ന സാഹചര്യത്തില്‍ പ്രസ്തുത യൂണിറ്റുകളുടെ പ്രവര്‍ത്തനം സുഗമമാക്കുന്നതിന് ടെക്നീഷ്യന്‍മാരുടെ സ്ഥിരം തസ്തികകള്‍ എത്രത്തോളം ആവശ്യമാണെന്ന് വിലയിരുത്തിയിട്ടുണ്ടോ;

ആരോഗ്യവകുപ്പിന്റെ കീഴില്‍ വിവിധ പാരാമെഡിക്കല്‍ തസ്തികകളില്‍ പുതിയ തസ്തിക സൃഷ്ടിച്ച് പി.എസ്.സി. വഴി നിയമനങ്ങള്‍ നടത്തുന്നതുപോലെ ഡയാലിസിസ് ടെക്നീഷ്യന്‍ തസ്തികയില്‍ സ്ഥിരം നിയമന നടപടികള്‍ ഇല്ലാത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിന്റെ സാങ്കേതിക തടസ്സങ്ങള്‍ എന്തൊക്കെയാണെന്ന് വിശദമാക്കാമോ;

ഹരിപ്പാട് താലൂക്ക് ആശുപത്രിയിലെ ഡയാലിസിസ് യൂണിറ്റില്‍ നിലവില്‍ സ്ഥിരം നിയമനം ലഭിച്ച എത്ര ടെക്നീഷ്യന്‍മാരുണ്ടെന്നും അവിടുത്തെ യൂണിറ്റിന്റെ സുഗമമായ പ്രവര്‍ത്തനത്തിന് എത്ര പേരെ കൂടി നിയോഗിക്കേണ്ടതുണ്ടെന്നും വ്യക്തമാക്കാമോ;

ഡയാലിസിസ് യൂണിറ്റുകളില്‍ വിദഗ്ദ്ധരായ നെഫ്രോളജിസ്റ്റുകളുടെയും ടെക്നീഷ്യന്‍മാരുടെയും സേവനം 24 മണിക്കൂറും ലഭ്യമാക്കുന്നതിനും എല്ലാ യൂണിറ്റുകളിലും നിശ്ചിത കാലയളവിനുള്ളില്‍ സ്ഥിരം നിയമനങ്ങള്‍ പൂര്‍ത്തീകരിക്കുന്നതിനുമായി ഒരു പ്രത്യേക കര്‍മ്മ പദ്ധതി തയ്യാറാക്കാന്‍ ഉദ്ദേശിക്കുന്നുണ്ടോ; വ്യക്തമാക്കുമോ?

ആരോഗ്യ വകുപ്പിന് കീഴിലുള്ള അലോപ്പതി ആരോഗ്യ കേന്ദ്രങ്ങളുടെയും ആശുപത്രികളുടെയും എണ്ണം എത്രയാണെന്ന് ജില്ല , സ്ഥാപനം തിരിച്ച് പ്രത്യേകം ലഭ്യമാക്കാമോ;

പ്രസ്തുത മേഖലയില്‍ സേവനമനുഷ്ഠിക്കുന്ന ഡോക്ടർമാരുടെ എണ്ണം എത്രയാണെന്ന് ജില്ല, സ്ഥാപനം, തസ്തിക തിരിച്ച് പ്രത്യേകം ലഭ്യമാക്കാമോ;

ആരോഗ്യ വകുപ്പിന് കീഴിലുള്ള ആയുഷ് ആരോഗ്യ കേന്ദ്രങ്ങളുടെയും ആശുപത്രികളുടെയും എണ്ണം എത്രയാണെന്ന് ജില്ല , സ്ഥാപനം തിരിച്ച് പ്രത്യേകം ലഭ്യമാക്കാമോ;

പ്രസ്തുത മേഖലയില്‍ സേവനമനുഷ്ഠിക്കുന്ന ഡോക്ടർമാരുടെ എണ്ണം എത്രയാണെന്ന് ജില്ല, സ്ഥാപനം, തസ്തിക തിരിച്ച് പ്രത്യേകം ലഭ്യമാക്കാമോ?

നിലമ്പൂർ ജില്ലാ ആശുപത്രിയിൽ ഫോറൻസിക് സർജൻ ഇല്ലാത്തതിനാൽ പല മൃതദേഹങ്ങളും പോസ്റ്റ്മോർട്ടം ചെയ്യുന്നതിനായി മഞ്ചേരി മെഡിക്കൽ കോളേജിലേക്ക് അയയ്ക്കുന്ന സ്ഥിതിവിശേഷം ശ്രദ്ധയിൽപ്പെട്ടിട്ടുണ്ടോ;

നിലമ്പൂർ ജില്ലാ ആശുപത്രിയിലേക്ക് ഫോറൻസിക് സർജനെ അനുവദിക്കുവാൻ നടപടികൾ സ്വീകരിക്കുമോയെന്ന് വ്യക്തമാക്കാമോ?

കാസര്‍ഗോഡ് ജില്ലയില്‍ ആരോഗ്യ വകുപ്പില്‍ നിലവിലുള്ള ഒഴിവുകള്‍ നികത്തുന്നതിന് ഏതൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

പി. എസ്. സി. റാങ്ക് പട്ടിക നിലവിലില്ലാത്ത തസ്തികകളിലെ ഒഴിവുകള്‍ താല്‍ക്കാലികമായി നികത്തുന്നതിന് നടപടി സ്വീകരിക്കുമോ; വ്യക്തമാക്കാമോ?

മണമ്പൂര്‍ കമ്മ്യൂണിറ്റി ഹെല്‍ത്ത് സെന്ററില്‍ എത്ര ഡോക്ടര്‍മാരുടെ തസ്തികകളാണ് നിലവിലുള്ളതെന്നും ഇതില്‍ എത്ര തസ്തികകളാണ് ഒഴിവ് നികത്തുവാന്‍ തീരുമാനിച്ചിട്ടുള്ളതെന്നും വ്യക്തമാക്കാമോ;

പ്രസ്തുത ഒഴിവ് നികത്തുവാന്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കുമോ?

പെരിന്തല്‍മണ്ണ ജില്ലാ ആശുപത്രിയിൽ സ്‌ട്രോക്ക് യൂണിറ്റ് ആരംഭിക്കുന്നതിന്റെ മുന്നോടിയായി ആരോഗ്യ വകുപ്പ് സ്വീകരിച്ചിട്ടുള്ള മുന്നൊരുക്കങ്ങള്‍ എന്തെല്ലാമാണെന്ന് വിശദമാക്കുമോ;

സ്‌ട്രോക്ക് യൂണിറ്റ് ആരംഭിക്കുന്നതിന്റെ ഭാഗമായി ഡോക്ടര്‍മാരുടെയും ജീവനക്കാരുടെയും നിയമന നടപടികള്‍ ഏതു ഘട്ടത്തിലാണെന്ന് വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം കുന്നത്തുനാട് മണ്ഡലത്തില്‍ ഏതെല്ലാം ആരോഗ്യ കേന്ദ്രങ്ങള്‍ അപ്ഗ്രേഡ് ചെയ്തിട്ടുണ്ടെന്ന് വ്യക്തമാക്കാമോ;

പ്രസ്തുത ആരോഗ്യ കേന്ദ്രങ്ങള്‍ അപ്ഗ്രേഡ് ചെയ്തപ്പോള്‍ ഓരോ ആരോഗ്യ കേന്ദ്രത്തിലും ലഭ്യമാക്കിയ അധിക സേവനങ്ങള്‍ എന്തെല്ലാമെന്ന് ആരോഗ്യ കേന്ദ്രങ്ങള്‍ തിരിച്ച് വ്യക്തമാക്കാമോ;

പ്രസ്തുത മണ്ഡലത്തിലെ ആരോഗ്യ കേന്ദ്രങ്ങള്‍ അപ്ഗ്രേഡ് ചെയ്യുന്നതിനും പുതിയ സേവനങ്ങള്‍ ഏര്‍പ്പെടുത്തുന്നതിനുമായി ഓരോ ആരോഗ്യകേന്ദ്രത്തിലും എത്ര തുക വീതമാണ് അനുവദിച്ചിട്ടുളളതെന്ന് വ്യക്തമാക്കാമോ;

ഈ സര്‍ക്കാര്‍ അധികാരത്തില്‍ വന്ന ശേഷം കുന്നത്തുനാട് മണ്ഡലത്തിലെ വിവിധ ആരോഗ്യ കേന്ദ്രങ്ങളിലായി എത്ര തുക ചെലവഴിച്ചിട്ടുണ്ടെന്നും ഓരോ ആരോഗ്യ കേന്ദ്രത്തിലും അനുവദിച്ച തുക എത്രയെന്നും എന്തെല്ലാം പദ്ധതികള്‍ക്കായിട്ടാണ് തുക അനുവദിച്ചതെന്നും വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം സര്‍ക്കാര്‍ ആശുപത്രികളില്‍ ഏതെല്ലാം നൂതന ശസ്ത്രക്രിയകളും, ചികിത്സാരീതികളും അവലംബിക്കാന്‍ കഴിഞ്ഞിട്ടുണ്ട്;

അവ ഓരോന്നിന്റെയും പ്രത്യേകത വ്യക്തമാക്കാമോ?

സംസ്ഥാനത്തെ സര്‍ക്കാര്‍ ആശുപത്രികളില്‍ വര്‍ഷംതോറും നിശ്ചയിച്ചിരുന്ന ഡയാലിസിസ് ചികിത്സകളുടെ എണ്ണവും ആയതിൽ നടത്തപ്പെട്ടവയുടെ എണ്ണവും വിവിധ കാരണങ്ങളാല്‍ മുടങ്ങിയവയുടെ എണ്ണവും അറിയിക്കാമോ;

ഡയാലിസിസ് മുടങ്ങുന്നതിനുള്ള പ്രധാന കാരണങ്ങള്‍ എന്തൊക്കെയാണെന്ന് യന്ത്രങ്ങളുടെ കുറവ്, യന്ത്രങ്ങളുടെ തകരാര്‍, ജീവനക്കാരുടെ അഭാവം, ഫണ്ടിന്റെ അപര്യാപ്തത തുടങ്ങിയവയുടെ കണക്കുകള്‍ സഹിതം വിശദീകരിക്കാമോ;

സര്‍ക്കാര്‍ ആശുപത്രികളിലെ ഡയാലിസിസ് യൂണിറ്റുകളില്‍ നിലവില്‍ ആവശ്യമായ യന്ത്രങ്ങളുടെ എണ്ണം, ലഭ്യമായവയുടെ എണ്ണം, യന്ത്രങ്ങൾ കുറവാണെങ്കിൽ പ്രസ്തുത കുറവ് നികത്തുന്നതിനായി സ്വീകരിച്ച നടപടികള്‍ എന്നിവ വിശദമാക്കാമോ;

ഡയാലിസിസ് നടത്തിപ്പിന് ആവശ്യമായ ഡോക്ടര്‍മാര്‍, ടെക്‌നീഷ്യന്‍മാര്‍, നഴ്‌സുമാര്‍ എന്നിവരുടെ അംഗീകൃത തസ്തികകളും നിലവിലെ ഒഴിവുകളും എത്രയാണെന്ന് ജില്ലാതല വിവരങ്ങളോടെ വ്യക്തമാക്കാമോ;

ഭാവിയില്‍ ഡയാലിസിസ് ചികിത്സ ഒരു രോഗിക്കും മുടങ്ങാതിരിക്കുമെന്ന് ഉറപ്പാക്കുന്നതിനായി തയ്യാറാക്കിയ ഹ്രസ്വകാലവും ദീര്‍ഘകാലവുമായ കര്‍മ്മപദ്ധതികള്‍ എന്തൊക്കെയാണെന്ന് വിശദമാക്കാമോ?

ആരോഗ്യകേരളം നേരിടുന്ന പ്രധാന വെല്ലുവിളിയായ അർബുദരോഗബാധയെ ചെറുക്കുന്നതിനായി കാലോചിതമായ നടപടികള്‍ സ്വീകരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

കുടുംബങ്ങളെ വൈകാരികമായും സാമ്പത്തികമായും തകർക്കുന്ന അർബുദരോഗബാധയെ സംബന്ധിച്ച സംസ്ഥാനത്തെ കണക്കുകൾ ഏറെ ജാഗ്രത ആവശ്യപ്പെടുന്നതാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

അർബുദരോഗബാധ ഏറ്റവും കൂടുതലുള്ള സംസ്ഥാനങ്ങളിലൊന്നായ കേരളത്തിൽ രോഗപ്രതിരോധത്തിനായി ആരോഗ്യവകുപ്പ് രൂപംനൽകിയ ജനകീയ ക്യാമ്പയിൻ ഫലപ്രദമായ മാറ്റത്തിന്‌ വഴിതെളിച്ചിട്ടുണ്ടോ; വിശദീകരിക്കുമോ;

അർബുദരോഗ ബാഹുല്യത്തെ തടയുന്നതിനായി ക്യാൻസർ സ്ട്രാറ്റജി ആക്ഷൻ പ്ലാൻ രൂപീകരിച്ച് നടപ്പിലാക്കി വരുന്നുണ്ടോ; വിശദമാക്കാമോ?

സംസ്ഥാനത്തെ ട്രൈബല്‍ മേഖലയിലെ ആശുപത്രികളുടെ വികസന പ്രവര്‍ത്തനങ്ങളുടെ ഭാഗമായി ചാലക്കുടി നിയോജകമണ്ഡലത്തിലെ വെറ്റിലപ്പാറ കുടുംബാരോഗ്യകേന്ദ്രത്തിന്റെ പുതിയ കെട്ടിടത്തിന് ഭരണാനുമതി നല്‍കിയത് എന്നാണെന്നും പ്രസ്തുത പ്രവൃത്തി ഏത് ഘട്ടത്തിലാണെന്നും അറിയിക്കുമോ;

മേൽപ്പറഞ്ഞ പ്രവൃത്തി എന്നത്തേയ്ക്ക് ആരംഭിക്കുവാന്‍ കഴിയുമെന്ന് അറിയിക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം മട്ടന്നൂര്‍ മണ്ഡലത്തില്‍ ആരോഗ്യവകുപ്പ് മുഖേന അടിസ്ഥാന സൗകര്യ വികസനത്തിന് ലഭിച്ച ഫണ്ടുകളുടെ വിശദാംശങ്ങള്‍ ലഭ്യമാക്കാമോ?

കോതമംഗലം മണ്ഡലത്തിൽ വാരപ്പെട്ടി പ‍ഞ്ചായത്തിലെ ഐസൊലേഷന്‍ സെന്ററിന്റെ നിര്‍മ്മാണപുരോഗതി വ്യക്തമാക്കാമോ;

എന്തെല്ലാം സേവനങ്ങളും സൗകര്യങ്ങളുമാണ് പ്രസ്തുത ഐസൊലേഷന്‍ സെന്ററില്‍ ഒരുക്കുന്നതെന്ന് വിശദമാക്കാമോ;

ഐസൊലേഷന്‍ സെന്ററിന്റെ നിര്‍മ്മാണ പ്രവൃത്തികൾ വേഗത്തില്‍ പൂര്‍ത്തീകരിച്ച് ആയതിന്റെ പ്രവര്‍ത്തനം ആരംഭിക്കുന്നതിനു വേണ്ടിയുള്ള നടപടികൾ സ്വീകരിക്കുമോയെന്ന് വ്യക്തമാക്കാമോ?

2021-22 വര്‍ഷത്തെ എം.എല്‍.എ. ആസ്തി വികസന ഫണ്ട് വിനിയോഗിച്ച് ഓരോ മണ്ഡലത്തിലും ഐസൊലേഷന്‍ വാര്‍ഡുകള്‍ നിര്‍മ്മിക്കാന്‍ തീരുമാനിച്ചതിന്റെ ഭാഗമായുള്ള ഐസൊലേഷന്‍ വാര്‍ഡുകളുടെ നിർമാണ പ്രവൃത്തി കോട്ടക്കൽ മണ്ഡലത്തില്‍ നാളിതുവരെ ആരംഭിച്ചിട്ടില്ല എന്നുള്ള വസ്തുത ശ്രദ്ധയില്‍പ്പെട്ടിട്ടുണ്ടോ;

ഐസൊലേഷൻ വാർഡുകളുടെ നിർമ്മാണം ആരംഭിക്കാൻ കാലതാമസം വരുന്നതിന്റെ കാരണം എന്തെല്ലാമാണെന്ന് വിശദമാക്കാമോ; എങ്കിൽ ആയത് പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

ഐസൊലേഷന്‍ വാര്‍ഡ് നിര്‍മ്മിക്കുന്നതിനായി കോട്ടക്കല്‍ മണ്ഡലത്തില്‍ നിന്ന് നിലവില്‍ ഏത് ആശുപത്രിയെയാണ് തെരഞ്ഞെടുത്തിരിക്കുന്നതെന്നും പ്രസ്തുത ഐസൊലേഷന്‍ വാര്‍ഡ് നിര്‍മ്മാണ പദ്ധതി എപ്പോള്‍ ആരംഭിക്കാൻ കഴിയുമെന്നും അറിയിക്കുമോ?

അഴീക്കോട് മണ്ഡലത്തില്‍ 2021-26 കാലഘട്ടത്തില്‍ ആരോഗ്യ വകുപ്പ് നടപ്പിലാക്കിയ പ്രവൃത്തികളുടെ വിശദാംശം നല്‍കാമോ;

പ്രസ്തുത പ്രവൃത്തികളില്‍ പൂര്‍ത്തിയായവ, പുരോഗമിക്കുന്നവ, ആരംഭിക്കാത്തവ എന്നിങ്ങനെ തരംതിരിച്ച് തുക ഉള്‍പ്പെടെ രേഖപ്പെടുത്തി വിശദമായ വിവരം ലഭ്യമാക്കാമോ?

ഈ സര്‍ക്കാരിന്റെ കാലത്ത് കോട്ടയം മണ്ഡലത്തില്‍ ആരോഗ്യ വകുപ്പ് മുഖേനെ നടപ്പിലാക്കിയ പദ്ധതികള്‍ ഏതൊക്കെയെന്നും ഓരോ പദ്ധതിയ്ക്കായി അനുവദിച്ച തുകയും അവയില്‍ പൂര്‍ത്തിയായവ, പൂര്‍ത്തിയാകാനുള്ളവ ഏതൊക്കെയെന്നും, പൂര്‍ത്തീകരിക്കാനുള്ള പദ്ധതികളുടെ പുരോഗതിയും അറിയിക്കാമോ?

സംസ്ഥാനത്ത് 2016 മുതല്‍ 2026 വരെ സൗജന്യ ചികിത്സ നൽകിയതിൽ കിടത്തി ചികിത്സ നല്‍കിയത് എത്ര പേര്‍ക്കാണ്; വ്യക്തമാക്കാമോ?

ഈ സര്‍ക്കാരിന്റെ കാലത്ത് ഡോക്ടര്‍മാരുടെ അഭാവം, വിദഗ്ധരുടെ കുറവ്, ഗവൺമെന്റ് ആശുപത്രികളില്‍ മരുന്ന്/ഉപകരണ വിതരണം തടസ്സപ്പെടുന്നുവെന്ന റിപ്പോര്‍ട്ടുകള്‍, ചികിത്സാപിഴവുകള്‍, ആശുപത്രി കെട്ടിടങ്ങള്‍ തകര്‍ന്ന് വീഴുക എന്നിവ പൊതുജനാരോഗ്യമേഖലയിലുള്ള ജനവിശ്വാസം ദുർബലമാക്കിയിട്ടുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ രോഗികള്‍ക്ക് പൊതുജനാരോഗ്യമേഖലയെ കുറിച്ചുണ്ടായിട്ടുള്ള അവമതിപ്പ് ഇല്ലാതാക്കുന്നതിനും ആരോഗ്യ മേഖലയെ ശക്തിപ്പെടുത്തുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളത്;

സംസ്ഥാനത്തെ ഓരോ മെഡിക്കല്‍ കോളേജുകളിലും എത്ര ഡോക്ടര്‍മാരുടെ ഒഴിവുകള്‍ നിലനില്‍ക്കുന്നുണ്ട്; പ്രസ്തുത ഒഴിവുകള്‍ ഏതെല്ലാം വകുപ്പുകളിലാണ് ഉള്ളതെന്ന് വ്യക്തമാക്കുമോ;

ഈ സര്‍ക്കാരിന്റെ കാലത്ത് ചികിത്സാപ്പിഴവുകള്‍ സംബന്ധിച്ച് പരാതി ലഭിച്ചിട്ടുള്ള എത്ര കേസുകള്‍ വകുപ്പിന്റെ ശ്രദ്ധയില്‍പ്പെട്ടിട്ടുണ്ട്; ചികിത്സാപ്പിഴവ് മൂലം മരണങ്ങള്‍ ഉണ്ടായിട്ടുള്ളതായി ആരോപിച്ച് ലഭിച്ചിട്ടുള്ള പരാതികള്‍, ചികിത്സാപ്പിഴവ് കണ്ടെത്തിയിട്ടുള്ള കേസുകള്‍ എന്നിവ എത്രയുണ്ട്; ഈ വിഷയത്തില്‍ ഡോക്ടര്‍മാർ, ആരോഗ്യ വകുപ്പ് ജീവനക്കാര്‍ എന്നിവർക്ക് എതിരെ നടപടികള്‍ സ്വീകരിച്ചിട്ടുണ്ടോ; ഉണ്ടെങ്കിൽ എത്ര പേര്‍ക്കെതിരെ ഏതെല്ലാം കേസുകളില്‍ നടപടി സ്വീകരിച്ചിട്ടുണ്ടെന്നുള്ള വിശദാംശം ലഭ്യമാക്കുമോ?

ആയുർവേദ പഠനത്തിന്റെ നിലവാരം ഉയർത്താനും ഗവേഷണങ്ങളെ പ്രോത്സാഹിപ്പിക്കാനും ആയുർവേദത്തെ ആധുനിക ശാസ്ത്രവുമായി ബന്ധിപ്പിച്ച് അടിസ്ഥാന ഗവേഷണങ്ങൾ നടത്തുന്നതിനും മികച്ച പ്രൊഫഷണലുകളെ വാർത്തെടുക്കേണ്ടതിന്റെ ആവശ്യകത കണക്കിലെടുത്തും സംസ്ഥാനത്ത് ഒരു ആയുർവ്വേദ സർവ്വകലാശാല സ്ഥാപിക്കുന്നത് പരിഗണനയിലുണ്ടോ;

കോട്ടക്കല്‍ കേന്ദ്രീകരിച്ച് അന്താരാഷ്ട്ര നിലവാരത്തിലുള്ള ഒരു ആയുര്‍വേദ സർവകലാശാല സ്ഥാപിക്കുന്നതുമായി ബന്ധപ്പെട്ട് സമര്‍പ്പിച്ച പ്രൊപ്പോസൽ നിലവിൽ പരിഗണിക്കേണ്ടതില്ല എന്ന് തീരുമാനം എടുത്തിട്ടുണ്ടോ; എങ്കിൽ ആയതിന്റെ കാരണം വിശദമാക്കാമോ;

കോട്ടക്കൽ ആസ്ഥാനമായി ആയുര്‍വേദ സർവകലാശാല സ്ഥാപിക്കുന്നതിന് ആവശ്യമായ നടപടി സ്വീകരിക്കാമോ; വിശദമാക്കാമോ?

അവയവദാനം എന്താണെന്ന് വിശദമാക്കാമോ; ജീവിച്ചിരിക്കുമ്പോഴുള്ളതും മരണാനന്തരമുള്ളതുമായ അവയവദാനങ്ങൾ തമ്മിലുള്ള വ്യത്യാസങ്ങൾ വിശദീകരിക്കാമോ;

അവയവദാനം സമൂഹത്തിന് നൽകുന്ന ആരോഗ്യപരവും മാനവികവുമായ പ്രാധാന്യം എന്തൊക്കെയാണ്;

അവയവദാനവുമായി ബന്ധപ്പെട്ട നിയമപരമായ വ്യവസ്ഥകളും നൈതിക വിഷയങ്ങളും വിശദീകരിക്കാമോ;

അവയവദാനത്തെക്കുറിച്ചുള്ള തെറ്റിദ്ധാരണകളും സാമൂഹിക തടസ്സങ്ങളും എന്തൊക്കെയാണ്; അവ മറികടക്കാൻ സ്വീകരിക്കാവുന്ന മാർഗങ്ങൾ വിശദീകരിക്കാമോ;

അവയവദാനം പ്രോത്സാഹിപ്പിക്കുന്നതിനായി വിദ്യാഭ്യാസ സ്ഥാപനങ്ങൾ, മാധ്യമങ്ങൾ എന്നിവക്ക് എന്തെല്ലാം പങ്ക് വഹിക്കാന്‍ കഴിയുമെന്ന് വ്യക്തമാക്കാമോ;

അവയവം സ്വീകരിച്ചവര്‍ക്കും അവയവങ്ങള്‍ സംഭാവന ചെയ്തവര്‍ക്കും തുടര്‍ ചികില്‍സയ്ക്ക് സര്‍ക്കാര്‍ ധനസഹായം നല്‍കാറുണ്ടോ; വിശദീകരിക്കാമോ?

മെഡിക്കല്‍ ബോര്‍ഡ് ഡിസെബിലിറ്റി സര്‍ട്ടിഫിക്കറ്റ് നൽകുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് വിശദമാക്കാമോ;

ഒരു കണ്ണിന്റെ കാഴ്ച പൂര്‍ണ്ണമായും നഷ്ടപ്പെട്ടവര്‍ക്ക് എത്ര ശതമാനം വൈകല്യം ഉള്ളതായാണ് സർട്ടിഫൈ ചെയ്ത നൽകുക; വിശദാംശം നൽകാമോ;

മെഡിക്കല്‍ ബോര്‍ഡ് സര്‍ട്ടിഫിക്കറ്റിനായി ചെങ്ങന്നൂര്‍ ജില്ലാ ആശുപത്രിയില്‍ കുമാരി അക്ഷയദേവി ,ഒല്ലശ്ശേരില്‍, ബുധനൂര്‍ പി.ഒ, ചെങ്ങന്നൂര്‍, ആലപ്പുഴ നല്കിയ അപേക്ഷ ശ്രദ്ധയില്‍പ്പെട്ടിട്ടുണ്ടോ; വിശദാംശം നൽകാമോ;

ഡിസെബിലിറ്റി സര്‍ട്ടിഫിക്കറ്റ് നല്കുന്നതിനുള്ള മാനദണ്ഡങ്ങള്‍ പരിഷ്കരിക്കുന്ന വിഷയം പരിഗണനയിലുണ്ടോ; വിശദമാക്കാമോ?

കോവിഡ് മഹാമാരി പോലുളള സാഹചര്യങ്ങളെ നേരിടുന്നതിന് വേണ്ടി നിർമ്മിച്ച പുതുക്കാട് താലൂക്ക് ആശുപത്രിയിലെ ഐസൊലേഷൻ വാർഡ് കെട്ടിടം പൂർണ്ണമായും ഉപയോഗപ്പെടുത്തുന്നതിനുള്ള നടപടികൾ സ്വീകരക്കുമോ;

ആധുനിക സൗകര്യങ്ങളോടു കൂടിയ പ്രസ്തുത വാർഡുകൾ ഐസൊലേഷൻ സാഹചര്യങ്ങളിൽ മാത്രം പ്രയോജനപ്പെടുത്തുന്നതിനപ്പുറം മറ്റു സേവന സൗകര്യങ്ങൾക്കും കൂടി ഉപയോഗപ്പെടുത്തുന്നതിനുള്ള മാ‍ർഗ്ഗനിർദ്ദേശങ്ങൾ നൽകുന്നതിന് നടപടി സ്വീകരക്കുമോ;

പുതുക്കാട് താലൂക്ക് ആശുപത്രിയിൽ നിർമ്മിച്ചിട്ടുളള ഐസൊലേഷൻ വാർഡ് കെട്ടിടം മുഴുവൻ സമയവും പ്രയോജനപ്പെടുത്തുന്നതിന് ആവശ്യമായ നടപടികൾ സ്വീകരിക്കുമോ?

മട്ടന്നൂര്‍ മള്‍ട്ടി സ്പെഷ്യാലിറ്റി ആശുപത്രിയുടെ നിര്‍മ്മാണ പുരോഗതിയും ആയതിന്റെ ഒന്നാം ഘട്ട നിര്‍മ്മാണ പ്രവർത്തനങ്ങൾ എന്നത്തേക്ക് പൂര്‍ത്തിയാക്കാന്‍ സാധിക്കുമെന്നും വിശദമാക്കാമോ;

പ്രസ്തുത ആശുപത്രിയില്‍ പുതുതായി എത്ര തസ്തികകൾ സൃഷ്ടിച്ചിട്ടുണ്ടെന്ന് വിശദമാക്കാമോ?

ആരോഗ്യ സ്ഥാപനങ്ങളുടെ അടിസ്ഥാന സൗകര്യ വികസനത്തിനായി വള്ളിക്കുന്ന് മണ്ഡലത്തിലെ ഏതെല്ലാം സ്ഥാപനങ്ങൾക്ക് 2021 മുതൽ ഹെൽത്ത് ഗ്രാൻ്റ് ഫണ്ട് അനുവദിച്ചുവെന്ന് വ്യക്തമാക്കാമോ; ഈ ഫണ്ട് ഉപയോഗിച്ച് നടത്തിയ പ്രവർത്തികളുടെ പുരോഗതി വിശദമാക്കാമോ;

പ്രസ്തുത മണ്ഡലത്തിലെ ഏതെല്ലാം സ്ഥാപനങ്ങൾ നിലവിൽ ഹെൽത്ത് ഗ്രാന്റ് ഫണ്ടിനായി പ്രൊപ്പോസൽ സമർപ്പിച്ചിട്ടുണ്ടെന്ന് വ്യക്തമാക്കാമോ; നിലവിൽ അത്തരം പ്രൊപ്പോസലുകളിൽ സ്വീകരിച്ച നടപടി വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം ആലപ്പുഴ നിയോജക മണ്ഡലത്തിലെ വിവിധ അങ്കണവാടികള്‍ക്കുവേണ്ടി നാളിതുവരെ അനുവദിച്ച വിവിധ പദ്ധതികള്‍, അവയുടെ നിലവിലെ അവസ്ഥ, ഫണ്ട് വിവരം എന്നിവ സ്ഥാപനം തിരിച്ച് ലഭ്യമാക്കാമോ?

പ്രകൃതി ചികിത്സ കേന്ദ്രം ആരംഭിക്കുന്നതിനുള്ള നടപടികള്‍ എന്തെല്ലാമാണെന്ന് വിശദമാക്കാമോ;

ബാലുശ്ശേരി കോട്ടൂര്‍ ഗ്രാമപഞ്ചായത്തില്‍ പ്രകൃതി ചികിത്സ കേന്ദ്രം ആരംഭിക്കുന്നതിനായി കോട്ടൂര്‍ ഗ്രാമപഞ്ചായത്ത് അപേക്ഷ സമര്‍പ്പിച്ചിട്ടുണ്ടോ; ഉണ്ടെങ്കില്‍ പ്രസ്തുത അപേക്ഷയില്‍ സ്വീകരിച്ച നടപടികള്‍ വിശദമാക്കാമോ?

കോതമംഗലം മണ്ഡലത്തിലെ ചെറുവട്ടൂര്‍ ആയുര്‍വേദ ആശുപത്രി അപ്ഗ്രേഡ് ചെയ്യുന്നതിന് ഇതുവരെ സ്വീകരിച്ച നടപടി വിശദമാക്കാമോ;

എന്തെല്ലാം വികസന പ്രവര്‍ത്തനങ്ങളാണ് ഇവിടെ നടപ്പിലാക്കുവാന്‍ തീരുമാനിച്ചിരിക്കുന്നത്; വ്യക്തമാക്കാമോ;

ഇതുമായി ബന്ധപ്പെട്ട നടപടികള്‍ വേഗത്തിലാക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് ആയുഷ് വകുപ്പിൽ സേവനമനുഷ്ഠിക്കുന്ന ഗവണ്മെന്റ് ഡോക്ടർമാരുടെ കരിയർ അഡ്വാൻസ്മെൻ്റ് സ്കീം നിലവിൽ എന്തെല്ലാം മാനദണ്ഡപ്രകാരമാണ് നടപ്പിലാക്കിവരുന്നത് എന്ന് അറിയിക്കാമോ;

എഞ്ചിനീയർമാരുടെ പതിനഞ്ച് വർഷ ഗ്രേഡുമായി താരതമ്യം ചെയ്യുമ്പോൾ പ്രസ്തുത കരിയർ അഡ്വാൻസ്മെൻ്റ് സ്കീമില്‍ വലിയ അന്തരം വരുന്നതായി പരിശോധിച്ചിട്ടുണ്ടോ; വിശദമാക്കാമോ;

2017-ല്‍ പ്രസ്തുത കരിയർ അഡ്വാൻസ്‍മെന്റ് സ്മീമിലെ അനോമലി പരിഹരിക്കാന്‍ ആദ്യഘട്ടത്തില്‍ നടപടി സ്വീകരിച്ചുവെങ്കിലും തുടര്‍ന്ന് പ്രസ്തുത നടപടിയില്‍ നിന്ന് പിന്മാറുവാന്‍ ഉണ്ടായ കാരണങ്ങൾ എന്തെല്ലാമാണെന്ന് വിശദമാക്കാമോ;

എങ്കിൽ ഇക്കാര്യത്തിൽ ഒരു പുന:പരിശോധന നടത്തി ആയുർവേദ ഡോക്ടർമാരുടെ കരിയർ അഡ്വാൻസ്‍മെന്റ് സ്കീമിൽ മാറ്റം വരുത്തി എൻജിനീയമാരുടെ കരിയർ അഡ്വാൻസ്‍മെന്റ് സ്കീമിന് തുല്യമായ രീതിയിൽ പരിഷ്കരിക്കുന്നതിന് നടപടികൾ സ്വീകരിക്കുമോ;

ഇക്കാര്യത്തിൽ വകുപ്പ് തലത്തിൽ ധനകാര്യവകുപ്പിന് ശിപാർശ നൽകുന്നതിന് നടപടികൾ സ്വീകരിക്കുമോ; വിശദാംശം ലഭ്യമാക്കുമോ;

ഈ വിഷയത്തില്‍ ആയുർവേദ ഡോക്ടർമാരുടെ സംഘടന പരാതികള്‍ നൽകിയിട്ടുണ്ടെങ്കിൽ പ്രസ്തുത പരാതിയിൽ വകുപ്പുതലത്തിൽ സ്വീകരിച്ച നടപടികൾ എന്തെല്ലാമാണെന്ന് ഫയൽ നമ്പർ സഹിതം വ്യക്തമാക്കാമോ?

ആയുർവേദത്തിന്റെ പ്രാധാന്യം തിരിച്ചറിഞ്ഞു കേരളത്തെ ആയുർവേദ ചികിത്സയുടെ കേന്ദ്രമാക്കാൻ എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

ആയുർവേദത്തിന്റെ മറവിൽ സാമൂഹിക വിരുദ്ധ പ്രവർത്തനങ്ങൾ ഉണ്ടാകാതെ ആയുർവേദ ചികിത്സയുടെ പ്രാധാന്യം ലോകത്തിനെ ബോധ്യപ്പെടുത്താൻ എന്തൊക്കെ പുതിയ നടപടികൾ സ്വീകരിക്കുമെന്നു വ്യക്തമാക്കാമോ;

ആയുർവേദ ഔഷധങ്ങൾ ഗുണമേന്മയോടെ ഉല്പാദിപ്പിക്കുന്ന ഔഷധിയുടെ ഉല്പാദനം വർദ്ധിപ്പിക്കാൻ എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കാമോ?

ചാലക്കുടി മണ്ഡലത്തിലെ പത്മഭൂഷൺ വൈദ്യഭൂഷണം രാഘവന്‍ തിരുമുല്‍പ്പാട് സ്മാരക ആയുഷ് ആശുപത്രി കെട്ടിടനിര്‍മ്മാണം പൂര്‍ത്തിയായിട്ടുണ്ടോ; ഇല്ലെങ്കിൽ പ്രസ്തുത നിർമ്മാണം നിലവില്‍ ഏതു ഘട്ടത്തിലാണെന്ന് അറിയിക്കുമോ;

പ്രസ്തുത ആശുപത്രിയിലെ തസ്തികകളുടെ വിശദവിവരം തരം തിരിച്ച് ലഭ്യമാക്കാമോ;

പ്രസ്തുത ആശുപത്രിയുടെ പ്രവര്‍ത്തനത്തിനായി സംസ്ഥാന സര്‍ക്കാര്‍ പുതുതായി തസ്തികകള്‍ സൃഷ്ടിച്ചിട്ടുണ്ടോ; എങ്കില്‍ ഏതൊക്കെ തസ്തികകളാണെന്നും ഇല്ലെങ്കില്‍ ഇതിനായുള്ള നടപടികളുടെ പുരോഗതിയും വെളിപ്പെടുത്തുമോ;

പ്രസ്തുത ആശുപത്രിയുടെ പ്രവര്‍ത്തനം എന്നത്തേക്ക് ആരംഭിക്കുവാന്‍ കഴിയുമെന്ന് വിശദമാക്കാമോ?

ഗുരുവായൂര്‍ ആയുര്‍വേദാശുപത്രി കെട്ടിട നിര്‍മ്മാണത്തിന് ആരോഗ്യ വകുപ്പില്‍ നിന്നും അനുവദിച്ച തുക ഉപയോഗിച്ച് കെട്ടിട നിര്‍മ്മാണം പൂര്‍ത്തീകരിക്കാന്‍ സാധിക്കില്ല എന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത കെട്ടിട നിര്‍മ്മാണം പൂര്‍ത്തീകരിക്കുന്നതിന് ഫണ്ട് അനുവദിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് വിലക്കിഴിവ് നൽകി വിറ്റഴിക്കപ്പെടുന്ന മരുന്നുകളുടെ ഗുണനിലവാരം ഉറപ്പുവരുത്താൻ നിലവിലുള്ള സർക്കാർ സംവിധാനങ്ങൾ വഴി പരിശോധനകൾ നടത്തുന്നുണ്ടോ; വിശദമാക്കാമോ;

ഉത്തരേന്ത്യൻ സംസ്ഥാനങ്ങളിൽ നിന്ന് മായം കലർത്തിയും വേണ്ടത്ര ഗുണനിലവാരം ഇല്ലാതെയും മാനദണ്ഡങ്ങൾ ലംഘിച്ചും സംസ്ഥാത്ത് എത്തിച്ച് വൻ വിലക്കുറവിൽ വിറ്റഴിക്കപ്പെടുന്ന മരുന്നുകൾ പൊതുജനാരോഗ്യത്തിന് ഗുരുതരമായ ഭീഷണിയുയർത്തുന്നുവെന്ന് കണ്ട് ഇത്തരം വ്യാപാരം കർശനമായി പരിശോധിക്കുന്നതിന് വേണ്ട അടിയന്തര നടപടികൾ സ്വീകരിക്കുമോ; വ്യക്തമാക്കാമോ;

ഡ്രഗ്സ് കൺട്രോൾ വിഭാഗത്തിൽ മരുന്നുകളുടെ ഗുണനിലവാര പരിശോധനയ്ക്ക് ആവശ്യമായ ഉദ്യോഗസ്ഥ തസ്തികകൾ നിലവിലുണ്ടോ; തസ്തികകളുടെ കുറവ് പ്രവർത്തനങ്ങളെ ബാധിക്കുന്നുണ്ടെന്ന് കണ്ടെത്തിയിട്ടുണ്ടെങ്കിൽ, മതിയായ നിയമനങ്ങൾ നടത്തി വ്യാജമരുന്ന് വിതരണം തടയുന്നതിന് അടിയന്തര നടപടി സ്വീകരിക്കുമോ എന്ന് വ്യക്തമാക്കാമോ?

സംസ്ഥാനത്തെ സർക്കാർ ആശുപത്രികളിൽ ക്ലിനിക്കൽ ഫാർമസിസ്റ്റ് എന്ന തസ്തിക നിലവിലുണ്ടോ; ഇല്ലെങ്കിൽ ഈ തസ്തികകൾ സൃഷ്ടിക്കേണ്ട സാഹചര്യമുണ്ടോ; വിശദമാക്കുമോ;

ക്ലിനിക്കൽ ഫാർമസിസ്റ്റ് തസ്തികകൾ നിർബന്ധമാക്കണമെന്ന് ഫാർമസി കൗൺസിൽ ഓഫ് ഇന്ത്യ ആവശ്യപ്പെട്ടിട്ടുണ്ടോ; ഇതിൽ സ്വീകരിച്ച നടപടികൾ അറിയിക്കുമോ;

പ്രസ്തുത തസ്തികയ്ക്ക് നിലവിൽ വേണ്ട യോഗ്യതകൾ എന്തൊക്കെയെന്ന് വ്യക്തമാക്കാമോ;

സംസ്ഥാനത്ത് ആറുവർഷം ദൈർഘ്യമുള്ള ഫാം. ഡി. കോഴ്സുകൾ നടപ്പിലാക്കിയിട്ടും ഈ കോഴ്സ് പൂർത്തിയാക്കിയവർക്ക് രണ്ടുവർഷത്തെ ഡി. ഫാം. കോഴ്സ് പഠിച്ചവർക്കുള്ള അതേ തൊഴിൽ സാധ്യത മാത്രമേ ഉള്ളൂവെന്ന സ്ഥിതിവിശേഷം ശ്രദ്ധയിൽപ്പെട്ടിട്ടുണ്ടോ; മറ്റ് സംസ്ഥാനങ്ങളിൽ നിലവിലുള്ളതു പോലെ ക്ലിനിക്കൽ ഫാർമസിസ്റ്റ് തസ്തികകൾ ഇവിടെയും സൃഷ്ടിച്ച്‌ ഈ പ്രശ്നത്തിന് പരിഹാരമുണ്ടാക്കുമോയെന്ന് വ്യക്തമാക്കാമോ?

ചൈൽഡ് വെൽഫെയർ കമ്മിറ്റി, ജുവനൈല്‍ ജസ്റ്റിസ് ബോർഡ് എന്നിവയിലെ നിയമനങ്ങൾക്ക് വേണ്ട യോഗ്യതകൾ എന്തെല്ലാമാണ്; പ്രവ്യത്തി പരിചയം ആവശ്യമുണ്ടോ;

കമ്മിറ്റിയിലും ബോർഡിലും ഏറ്റവും പുതിയ അംഗങ്ങൾ ചാർജ് എടുത്തത് എന്നാണ്; ഈ അംഗങ്ങൾക്കെല്ലാം നിയമനത്തിന് വേണ്ട യോഗ്യതയുണ്ടോ; പ്രവ്യത്തി പരിചയമുണ്ടോ; വിശദാംശം ലഭ്യമാക്കുമോ;

ഏതെങ്കിലും കേസുകളിൽ പ്രതി പട്ടികയിൽ ചേർക്കപ്പെട്ടവർ നിലവിലെ കമ്മിറ്റിയിൽ ഉൾപ്പെട്ടിട്ടുണ്ടോ; ഉണ്ടെങ്കിൽ എത്രപേർ; അറിയിക്കുമോ;

മതിയായ യോഗ്യത ഇല്ലാത്തവരെ കമ്മിറ്റികളിൽ നിയമിച്ചതിനെതിരെ ഉദ്യോഗാർത്ഥികളിൽ ആരെങ്കിലും കേസ് നൽകിയിട്ടുണ്ടോ; വിശദാംശം അറിയിക്കുമോ?

2016 മുതല്‍ നാളിതു വരെ വനിത ശിശുവികസന വകുപ്പ് മുഖേന ആലത്തൂര്‍ മണ്ഡലത്തില്‍ അനുവദിച്ച പദ്ധതികള്‍ ഏതൊക്കെയാണെന്നും ഓരോന്നിനും അനുവദിച്ച തുകയും വ്യക്തമാക്കാമോ?

സംസ്ഥാനത്ത് പുതിയതായി നിയമനം ലഭിച്ച അങ്കണവാടി വർക്കർമാർക്കും ഹെൽപ്പർമാർക്കുമായി നല്‍കിവരുന്ന പരിശീലന പരിപാടിയുടെ വിശദാംശങ്ങള്‍ ലഭ്യമാക്കാമോ;

കണ്ണൂര്‍ ജില്ലയില്‍ ഏത് വര്‍ഷം വരെ നിയമനം ലഭിച്ച വര്‍ക്കര്‍മാരും ഹെല്‍പ്പര്‍മാരുമാണ് ഇതുവരെ അവരുടെ പരിശീലനം പൂര്‍ത്തിയാക്കിയിട്ടുള്ളത്; വ്യക്തമാക്കാമോ;

ഇതുവരെ പരിശീലനം ലഭിക്കാത്ത വര്‍ക്കര്‍മാര്‍ക്കും ഹെല്‍പ്പര്‍മാര്‍ക്കും സമയബന്ധിതമായി പരിശീലനം നല്‍കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കാമോ?

2016 മുതല്‍ നാളിതുവരെ കല്ല്യാശ്ശേരി മണ്ഡലത്തിലെ ഏതൊക്കെ അങ്കണവാടികളെ സ്മാര്‍ട്ട് അങ്കണവാടികളാക്കുന്നതിന് ഫണ്ട് അനുവദിച്ചിട്ടുണ്ടെന്ന് വര്‍ഷം, അനുവദിച്ച തുക എന്നിവ തിരിച്ച് വിശദമാക്കാമോ;

ഇനി ഏതെങ്കിലും അങ്കണവാടികളെ സ്മാര്‍ട്ട് അങ്കണവാടികളാക്കുന്നതിനുള്ള പ്രൊപ്പോസല്‍ നിലവിലുണ്ടോ; വിശദമാക്കാമോ?

ഈ സർക്കാർ അധികാരമേറ്റത് മുതൽ അരുവിക്കര നിയോജക മണ്ഡലത്തിൽ വനിതാ ശിശുവികസന വകുപ്പിന് കീഴിൽ അനുവദിച്ച വികസന പദ്ധതികൾ, നവീകരണ പ്രവർത്തനങ്ങൾ, പുതിയ നിർമ്മാണങ്ങൾ എന്നിവയുടെ വിശദാംശങ്ങൾ ലഭ്യമാക്കാമോ; ഓരോ സ്ഥാപനത്തിനും അനുവദിച്ച ഫണ്ട്, നിലവിലെ നിർമ്മാണ പുരോഗതി എന്നിവ സ്ഥാപനാടിസ്ഥാനത്തിൽ വ്യക്തമാക്കാമോ?

കോന്നി മണ്ഡലത്തില്‍ ഈ സര്‍ക്കാരിന്റെ കാലത്തും മുൻ സര്‍ക്കാരിന്റെ കാലത്തും വനിതാ-ശിശുവികസന വകുപ്പില്‍ നിന്നും വിവിധ പദ്ധതികള്‍ക്കായി അനുവദിച്ച തുകയും പ്രവൃത്തികളുടെ പേരും അവയുടെ പുരോഗതിയും സംബന്ധിച്ച വിവരം ലഭ്യമാക്കാമോ;

പ്രസ്തുത പ്രവൃത്തികളില്‍ പൂര്‍ത്തീകരിച്ചവയും പൂര്‍ത്തീകരിക്കാന്‍ ഉള്ളവയുടെയും വിശദ വിവരങ്ങള്‍ ലഭ്യമാക്കാമോ;

പ്രസ്തുത പ്രവൃത്തികളില്‍ കിഫ്ബി പദ്ധതികള്‍ ഉള്‍പ്പെട്ടിട്ടുണ്ടെങ്കില്‍ അവയുടെ വിശദ വിവരങ്ങളും പുരോഗതിയും വിശദമാക്കാമോ?

അങ്കണവാടി സേവനങ്ങള്‍ ഡിജിറ്റലൈസ് ചെയ്യുന്നതില്‍ ഇതുവരെ കൈവരിച്ച പുരോഗതി എന്താണെന്ന് വിശദമാക്കാമോ;

കുട്ടികളുടെ ആരോഗ്യ-പോഷണ വിഷയം സംബന്ധിച്ച വിവരശേഖരണത്തിനായി പുതിയ ഡിജിറ്റല്‍ പ്ലാറ്റ്ഫോം പുറത്തിറക്കിയിട്ടുണ്ടോ; വിശദമാക്കാമോ?

പോഷൻ ട്രാക്കർ ആപ്പ് പൂർണമായി പ്രവർത്തനസജ്ജമാകാത്തതിന്റെ പേരിൽ സംസ്ഥാനത്തെ അങ്കണവാടികളിലെ ഭക്ഷ്യധാന്യങ്ങളുടെ വിതരണത്തിൽ പ്രശ്നങ്ങളുണ്ടോ; ആയത് സംബന്ധിച്ച് പരാതികളോ നിവേദനങ്ങളോ ലഭിച്ചിട്ടുണ്ടോ;

പ്രസ്തുത ആപ്പ് കൈകാര്യം ചെയ്യുന്നവരിൽ സ്ഥിരം ജീവനക്കാരില്ലെന്ന കാര്യം ശ്രദ്ധയിൽപെട്ടിട്ടുണ്ടോ; ആയത് പരിഹരിക്കാൻ നടപടികൾ സ്വീകരിച്ചിട്ടുണ്ടോ;

പ്രസ്തുത ആപ്പിലെ ഡേറ്റ കൃത്യമല്ലാത്തതിനാൽ ഗുണഭോക്താക്കളുടെ എണ്ണത്തിൽ ഇരട്ടിപ്പുണ്ടെന്നും അധിക ഭക്ഷ്യധാന്യങ്ങൾ എഫ്.സി.ഐ. ഗോഡൗണുകളിൽ കെട്ടിക്കിടക്കുകയാണെന്നും പറയുന്നത് ശരിയാണോ; സംസ്ഥാനത്തെ ഐ.സി.ഡി.എസി.നുള്ള ഭക്ഷ്യധാന്യവിഹിതം ഏറ്റവും ഒടുവിലത്തെ ക്വാർട്ടറിൽ ലഭിക്കാത്ത പ്രശ്നമുണ്ടോ?

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി നിയോജക മണ്ഡലത്തില്‍ എത്ര അങ്കണവാടികള്‍ നവീകരിച്ചുവെന്നും ഓരോ നവീകരണ പ്രവൃത്തിക്കും അനുവദിച്ച തുക എത്രയെന്നും അവയുടെ നിലവിലെ സ്ഥിതി എന്താണെന്നും വ്യക്തമാക്കുമോ; വിശദവിവരം നല്‍കാമോ;

ചങ്ങനാശ്ശേരി നിയോജക മണ്ഡലത്തില്‍ എത്ര അങ്കണവാടികളാണ് നിലവിൽ പ്രവര്‍ത്തിക്കുന്നതെന്ന് പഞ്ചായത്ത് തിരിച്ച് വ്യക്തമാക്കുമോ;

പ്രസ്തുത അങ്കണവാടികളിൽ സ്വന്തമായി സ്ഥലവും കെട്ടിടവും ഇല്ലാത്ത അങ്കണവാടികളുടെ വിശദാംശം ലഭ്യമാക്കുമോ?

ഈ സർക്കാരിന്റെ കാലയളവിൽ (2021-26) വനിത-ശിശു വികസന വകുപ്പിന്റെ കീഴിൽ പയ്യന്നൂർ മണ്ഡല പരിധിയിൽ നടപ്പിലാക്കിയ പദ്ധതികൾ ഏതൊക്കെയാണെന്നും അതിനായി അനുവദിച്ച തുകയും നിലവിലെ സ്ഥിതിയും വിശദമാക്കാമോ?

149/2022, 255/2024 എന്നീ കാറ്റഗറി നമ്പരിലുള്ള ഐ.സി.ഡി.എസ്. സൂപ്പർവൈസർ തസ്തികയുടെ എത്ര ഒഴിവുകൾ പി.എസ്.സി.ക്ക് റിപ്പോർട്ട് ചെയ്തിട്ടുണ്ടെന്ന് ഇനം തിരിച്ച് ലഭ്യമാക്കാമോ;

255/2024 കാറ്റഗറി നമ്പർ റാങ്ക് ലിസ്റ്റിൽനിന്ന് എസ്.സി. വിഭാഗത്തിന്റെ ഒഴിവുകൾ പൂർണമായും റിപ്പോർട്ട് ചെയ്തിട്ടുണ്ടോ; ഇനി ഒഴിവുകൾ നിലവിലുണ്ടോ എന്ന് വ്യക്തമാക്കുമോ;

അംഗൻവാടി വർക്കർമാരിൽ നിന്ന് ഐ.സി.ഡി.എസ്. സൂപ്പർവൈസർ തസ്തികയിലേക്ക് നിയമനം നൽകുന്നതിന് തയ്യാറാക്കിയ 149/2022 നമ്പർ പി.എസ് .സി . റാങ്ക് ലിസ്റ്റിലേക്ക് ഒഴിവുകൾ റിപ്പോർട്ട് ചെയ്യുന്നതിന് നടപടി സ്വീകരിക്കുമോ;

നേരിട്ടുള്ള നിയമനം വഴിയും അംഗൻവാടി വർക്കർമാരിൽ നിന്നുള്ള പ്രൊമോഷൻ വഴിയും ഐ.സി.ഡി.എസ്. സൂപ്പർവൈസർമാരുടെ കേഡർ സ്ട്രെങ്തിന്റെ വിശദാംശങ്ങൾ ലഭ്യമാക്കുമോ;

കേഡർ സ്ട്രെങ്തിനനുസരിച്ച് അംഗൻവാടി വർക്കർമാരിൽനിന്ന് ഐ.സി.ഡി.എസ്. സൂപ്പർവൈസർ തസ്തികയിലേക്ക് പൂർണമായും നിയമനം നൽകിയിട്ടുണ്ടോ എന്ന വിവരം ലഭ്യമാക്കുമോ?

വനിതാ ശിശുവികസന വകുപ്പിന് കീഴില്‍ പൊതുസ്ഥലം മാറ്റത്തിനുളള അപേക്ഷ സമര്‍പ്പിക്കുമ്പോള്‍ ഭിന്നശേഷിയുളള ജീവനക്കാര്‍ക്ക് പ്രത്യേക പരിഗണന നല്‍കാന്‍ നിയമമുണ്ടോ;

ഇത്തരത്തില്‍ നിലവില്‍ എത്ര ഭിന്നശേഷിയുളള ജീവനക്കാര്‍ സ്വന്തം ജില്ലയിലേക്ക് സ്ഥലംമാറ്റം ലഭിക്കാന്‍ അപേക്ഷ സമര്‍പ്പിച്ചിട്ടുണ്ട് എന്നറിയിക്കാമോ;

പത്തുവര്‍ഷത്തിലധികം സര്‍വീസ് ഉളള ഭിന്നശേഷിയുളള ജീവനക്കാരന്‍ അന്തര്‍ ജില്ലാ സ്ഥലം മാറ്റത്തിന് അപേക്ഷ നല്‍കിയാല്‍ ഏത് അനുപാതത്തിലാണ് അത് പരിഗണിക്കുന്നത് എന്ന് വ്യക്തമാക്കാമോ;

വനിത ശിശുക്ഷേമ വകുപ്പിന് കീഴില്‍ അന്തര്‍ ജില്ലാ സ്ഥലംമാറ്റത്തിന് അപേക്ഷ നല്‍കിയ ഏതെങ്കിലും ജീവനക്കാര്‍ക്ക് നിലവില്‍ നിയമാനുസൃതം ലഭിക്കേണ്ട അവകാശം നിഷേധിച്ചിട്ടുണ്ടോ; വിശദമാക്കാമോ;

2014 മുതല്‍ മലപ്പുറം ജില്ലയില്‍ വനിതാ ശിശുക്ഷേമ വകുപ്പിന് കീഴില്‍ ഓഫീസ് അറ്റന്‍ഡറായി ജോലി ചെയ്യുന്ന ഭിന്നശേഷിയുളള ഏതെങ്കിലും ജീവനക്കാരന്‍ പാലക്കാട് ജില്ലയിലേക്ക് സ്ഥലംമാറ്റം കിട്ടാന്‍ അപേക്ഷ സമര്‍പ്പിച്ചിട്ടുണ്ടോ; ഉണ്ടെങ്കില്‍ ഇതുവരെയും സ്ഥലംമാറ്റം ലഭിക്കാത്തതിനുള്ള കാരണം വ്യക്തമാക്കാമോ; അത്തരത്തില്‍ അപേക്ഷ സമര്‍പ്പിച്ചിട്ടുളളവര്‍ ആരെല്ലാമാണ്; വിശദവിവരം ലഭ്യമാക്കാമോ?

കാട്ടാക്കട നിയോജക മണ്ഡലത്തില്‍ 6 പഞ്ചായത്തുകളിലായി എത്ര അങ്കണവാടികള്‍ ഉണ്ടെന്ന് പഞ്ചായത്ത് തിരിച്ച് വിശദമാക്കാമോ; അവയില്‍ സ്വന്തമായി സ്ഥലമുള്ളതും ഇല്ലാത്തതും ഏതൊക്കെ എന്ന് വ്യക്തമാക്കാമോ;

പ്രസ്തുത മണ്ഡലത്തിൽ കഴിഞ്ഞ 10 വര്‍ഷത്തിനുള്ളില്‍ എത്ര അങ്കണവാടികള്‍ക്കാണ് കെട്ടിടം നിര്‍മ്മിച്ചത്; എം.എൽ.എ. ഫണ്ട് ഉപയോഗിച്ച് നിര്‍മ്മിച്ച അങ്കണവാടികള്‍ ഏതൊക്കെയാണ്; വിശദാംശങ്ങള്‍ ലഭ്യമാക്കാമോ?

അന്യ സംസ്ഥാനങ്ങളില്‍ നിന്നും വരുന്ന പാല്‍, മത്സ്യം എന്നിവയുടെ ഗുണനിലവാര പരിശോധന ഉറപ്പ് വരുത്താന്‍ വകുപ്പ് തലത്തില്‍ എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ?

സംസ്ഥാനത്ത് മോഡേണൈസേഷന്‍ ഓഫ് ഫുഡ് സ്ട്രീറ്റ് പദ്ധതി നടപ്പാക്കിയിട്ടുണ്ടോ;

പ്രസ്തുത പദ്ധതി ഏതെല്ലാം വകുപ്പുകളുടെയും ഏജൻസികളുടെയും സഹകരണത്തോടെയാണ് നടപ്പാക്കുന്നതെന്ന് അറിയിക്കുമോ;

മേൽപ്പറഞ്ഞ പദ്ധതിയില്‍ സുരക്ഷിത ഭക്ഷണം ഉറപ്പാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

സംസ്ഥാനത്ത് ഏതെല്ലാം മേഖലയിലാണ് പ്രസ്തുത പദ്ധതി നടപ്പാക്കുന്നതെന്ന് അറിയിക്കുമോ?