വിമുക്തിയുടെ മാതൃകാ കേന്ദ്രം മാവേലിക്കര ജില്ലാ ആശുപത്രിയില്‍ ആരംഭിക്കുന്നതിനുള്ള നടപടികള്‍ സ്വീകരിക്കുമോ;

മാവേലിക്കര എക്സൈസ് ഓഫീസ് കെട്ടിടത്തിന്റെ രണ്ടാംഘട്ട നിര്‍മ്മാണത്തിന് ആവശ്യമായ തുക അനുവദിക്കുന്നതിനുള്ള നടപടികള്‍ സ്വീകരിക്കുമോ; വ്യക്തമാക്കാമോ?

12.1.24ന് നിലവിൽ വന്ന കാറ്റഗറി നമ്പർ 609/2021 പ്രകാരമുള്ള പി. എസ്. സി. റാങ്ക് ലിസ്റ്റ് നിലനിൽക്കുമ്പോൾ ബെവ്‌കോയിലെ ഒ. എ./ ഷോപ്പ് അറ്റൻഡർ തസ്തികയിലെ സാങ്ഷൻഡ് സ്ട്രെങ്തിലുള്ള 220 ഒഴിവുകളിലേക്ക് വിവിധ വകുപ്പുകളിൽ നിന്നും ഉദ്യോഗസ്ഥരെ ഡെപ്യൂട്ടേഷനിൽ നിയമിച്ചത് ഗൗരവത്തോടെ കാണുന്നുണ്ടോ;

പി. എസ്‌. സി. റാങ്ക് ലിസ്റ്റ് നിലനിൽക്കുമ്പോൾ 220 പേർക്ക് ഡെപ്യൂട്ടേഷൻ നിയമനം നൽകിയതിലൂടെ റാങ്ക് ലിസ്റ്റിൽ നിന്നുള്ള നിയമന സാധ്യത 50% ആയി കുറഞ്ഞത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

മേൽപ്പറഞ്ഞ ഡെപ്യൂട്ടേഷൻ ജീവനക്കാരെ തിരികെ അയച്ച് പി. എസ്. സി. റാങ്ക് ലിസ്റ്റിൽ നിന്ന് നിയമനം നടത്തുന്നതിനായി ബെവ്‌കോ അനുമതി ആവശ്യപ്പെട്ടിട്ടുണ്ടോ; ഇക്കാര്യത്തിൽ സർക്കാരിന്റെ തീരുമാനം എന്താണെന്ന് വ്യക്തമാക്കുമോ;

ബെവ്‌കോ പുതിയ ഷോപ്പുകൾ ആരംഭിക്കുന്നതിന് ആനുപാതികമായി പി. എസ്‌. സി. റാങ്ക് ലിസ്റ്റിൽ നിന്ന് നിയമനം നടത്താത്തത് ഗൗരവത്തോടെ കാണുന്നുണ്ടോ; പുതിയ ഷോപ്പുകൾ ആരംഭിക്കുന്നതിന് ആനുപാതികമായി പി. എസ്. സി. റാങ്ക് ലിസ്റ്റിൽ നിന്ന് നിയമനം നടത്തുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ;

ബെവ്കോയുടെ അടച്ചുപൂട്ടിയ ഷോപ്പുകളിൽ ജോലി ചെയ്തിരുന്ന ജീവനക്കാരെ മറ്റുള്ള വകുപ്പുകളിലേക്കോ ബോർഡുകളിലേക്കോ കോർപ്പറേഷനുകളിലേക്കോ പുനർവിന്യാസം ചെയ്തിട്ടുണ്ടോ; ഉണ്ടെങ്കിൽ അവരെ ബെവ്ക്കോയിലേക്ക് തിരിച്ചെടുക്കാതെ പുതിയ ജീവനക്കാരെ മറ്റു വകുപ്പുകളിൽ നിന്ന് ഡെപ്യൂട്ടേഷൻ വ്യവസ്ഥയിൽ നിയമിച്ചത് എന്തുകൊണ്ടാണെന്ന് വ്യക്തമാക്കുമോ;

നിയമവിരുദ്ധമായ പ്രസ്തുത ഡെപ്യൂട്ടേഷൻ നിയമനങ്ങൾ റദ്ദാക്കി പി. എസ്. സി. റാങ്ക് ലിസ്റ്റിൽ നിന്നും നിയമനം നടത്തുന്നതിന് നടപടി സ്വീകരിക്കുമോയെന്നു വ്യക്തമാക്കുമോ?

തദ്ദേശ സ്ഥാപനങ്ങളിലെ വാര്‍ഡ് തലങ്ങളില്‍ രൂപീകരിച്ച ലഹരി വിരുദ്ധ സമിതികള്‍ പലയിടത്തും പേരിന് മാത്രമായി ഒതുങ്ങുന്നു എന്ന പരാതി ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

പ്രസ്തുത സമിതികളുടെ പ്രവര്‍ത്തനം സംബന്ധിച്ച വിശദാംശം ലഭ്യമാക്കുമോ;

കഴിഞ്ഞ ഒരു വര്‍ഷത്തിനിടെ വാര്‍ഡ് തല സമിതികള്‍ മുഖേന എത്ര ലഹരി വില്‍പ്പന കേന്ദ്രങ്ങള്‍ കണ്ടെത്താന്‍ സാധിച്ചിട്ടുണ്ടെന്ന് വിശദമാക്കുമോ;

പ്രസ്തുത സമിതികളുടെ പ്രവര്‍ത്തനത്തിനായി തദ്ദേശ സ്ഥാപനങ്ങളുടെ പ്ലാന്‍ ഫണ്ടില്‍ നിന്ന് തുക മാറ്റിവെക്കാന്‍ അനുമതി നല്‍കിയിട്ടുണ്ടോ;

എങ്കില്‍ കഴിഞ്ഞ 2 വര്‍ഷത്തില്‍ ഇത്തരത്തില്‍ എത്ര തുക അനുവദിച്ചിട്ടുണ്ടെന്ന് ജില്ലയും തദ്ദേശ സ്ഥാപനങ്ങളും തിരിച്ചുള്ള കണക്ക് ലഭ്യമാക്കുമോ;

സിന്തറ്റിക് ഡ്രഗ്സ് വ്യാപനം തടയാന്‍ എക്‌സൈസ് എന്‍ഫോഴ്സ്മെന്റ് യൂണിറ്റുകളുടെ എണ്ണം വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ; വ്യക്തമാക്കുമോ?

വെള്ളരിക്കുണ്ട് എക്സൈസ് സർക്കിൾ ഓഫീസ് നിലവിൽ വന്നത് എന്നാണെന്ന് അറിയിക്കാമോ;

പ്രസ്തുത സ്ഥാപനത്തിന്റെ അധികാര പരിധി നിർണയിച്ച് ഉത്തരവ് ആയിട്ടുണ്ടോ; എങ്കിൽ വിശദാംശം നൽകാമോ;

നിലവിൽ എത്ര തസ്തികകൾ പ്രസ്തുത സ്ഥാപനത്തിൽ സൃഷ്ടിച്ചിട്ടുണ്ടെന്ന് വ്യകതമാക്കാമോ;

എക്സൈസ് വകുപ്പിന് വെള്ളരിക്കുണ്ട് താലൂക്ക് പരിധിയിൽ സ്വന്തമായി സ്ഥലം ലഭ്യമായിട്ടുണ്ടോ; എങ്കിൽ വിശദാംശം നൽകാമോ;

പ്രസ്തുത സ്ഥലത്ത് കെട്ടിട നിർമ്മാണത്തിന് നടപടികൾ സ്വീകരിച്ചിട്ടുണ്ടോ; എങ്കിൽ വിശദാംശം നൽകാമോ;

വെള്ളരിക്കുണ്ട് എക്സൈസ് സർക്കിൾ ഓഫീസിന് കീഴിൽ റേഞ്ച് ഓഫീസ് അനുവദിച്ചിട്ടുണ്ടോ; ഇല്ലെങ്കിൽ പുതിയ റേഞ്ച് ഓഫീസ് അനുവദിക്കാൻ നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കല്ല്യാശ്ശേരി മണ്ഡലത്തില്‍ എക്സൈസ് വകുപ്പ് മുഖേന നടപ്പിലാക്കിയ പദ്ധതികളുടെ വിശദവിവരം നല്‍കാമോ?

കാസർഗോഡ്, കണ്ണൂർ ജില്ലകളിലെ കേരള സ്റ്റേറ്റ് ബിവറേജസ് കോർപ്പറേഷൻ ഓഫീസുകളിലും ഔട്ട്‌ലെറ്റുകളിലുമായി ക്ലാർക്ക് തസ്തികയില്‍ എത്ര ഒഴിവുകള്‍ നിലവിലുണ്ട്; ഈ ഒഴിവുകൾ ഏതൊക്കെ ഓഫീസുകളിലും ഔട്ട്‌ലെറ്റുകളിലുമാണെന്നതിന്റെ വിശദാംശം ലഭ്യമാക്കാമോ?

നിലവിലെ സർക്കാരിന്റെ കാലയളവിൽ കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷനിൽ താത്കാലിക/ദിവസക്കൂലി/കരാർ ജീവനക്കാരെ ആരെയെങ്കിലും സ്ഥിരപ്പെടുത്തുന്നതിനുള്ള അപേക്ഷ ലഭിച്ചിട്ടുണ്ടോ; എങ്കിൽ ആരുടെയൊക്കെ അപേക്ഷകളാണ് ലഭിച്ചിട്ടുള്ളതെന്നും ആയതിന്മേൽ കൈക്കൊണ്ടിട്ടുള്ള തീരുമാനം എന്താണെന്നും അറിയിക്കുമോ?

സംസ്ഥാനത്താകെയുള്ള തദ്ദേശസ്വയംഭരണ സ്ഥാപനങ്ങളിൽ ജില്ലാ പഞ്ചായത്തുകളുടെയും നഗരസഭകളുടെയും ഗ്രാമപഞ്ചായത്തുകളുടെയും ഉടമസ്ഥതയിലുളളതും മൂന്ന് മീറ്ററിൽ കുറഞ്ഞ വീതിയുള്ളതും മൂന്ന് മീറ്ററിൽ കൂടുതൽ വീതിയുള്ളതുമായ എത്ര കിലോമീറ്റർ റോഡുകളാണുള്ളതെന്ന് അറിയിക്കാമോ;

റോഡ് ‍ഡേറ്റ അനുസരിച്ചാണോ റോഡുകളുടെ മെയിന്റനൻസ് ഫണ്ട് നൽകിയതെന്ന് വ്യക്തമാക്കാമോ;

യഥാർത്ഥ ആവശ്യത്തിനനുസരിച്ച് റോഡ് ഫണ്ട് ലഭിക്കുന്നില്ല എന്ന കാലങ്ങളായിട്ടുള്ള പരാതിക്ക് ഇതുമൂലം പരിഹാരം കാണാന്‍ കഴിഞ്ഞിട്ടുണ്ടോ; വ്യക്തമാക്കാമോ;

2021 മുതൽ 2026 വരെയുള്ള കാലയളവിൽ സംസ്ഥാനത്തെ തദ്ദേശസ്വയംഭരണ റോഡ് പ്രവൃത്തികള്‍ക്ക് മാത്രമായി ചെലവഴിച്ച തുകയുടെ വിശദാംശങ്ങള്‍ ലഭ്യമാക്കാമോ?

തദ്ദേശസ്വയംഭരണ സ്ഥാപനങ്ങൾക്ക് 2025-26 സാമ്പത്തിക വർഷം എത്ര തുകയാണ് ബജറ്റ് വിഹിതമായി അനുവദിച്ചിട്ടുള്ളത് എന്നത് കോർപ്പറേഷൻ, നഗരസഭ, ജില്ല, ബ്ലോക്ക്, ഗ്രാമപഞ്ചായത്ത് എന്നിവ തിരിച്ച് ലഭ്യമാക്കുമോ;

ഇതിൽ നാളിതുവരെ എത്ര തുക ലഭിച്ചിട്ടുണ്ട് എന്നും എത്ര ശതമാനം ചെലവഴിച്ചിട്ടുണ്ട് എന്നും സ്ഥാപനങ്ങൾ തിരിച്ചുള്ള വിശദാംശങ്ങൾ ലഭ്യമാക്കുമോ?

ഏകീകൃത തദ്ദേശസ്വയംഭരണ വകുപ്പ് സബോർഡിനേറ്റ് സർവീസ് റൂൾസ് - 2022 നിലനിൽക്കെ സ്ഥാനകയറ്റങ്ങൾക്കും മറ്റു കാര്യങ്ങൾക്കും മുൻകാല സ്പെഷ്യൽ റൂളുകൾ ആണോ മാനദണ്ഡമാക്കുന്നതെന്ന് വ്യക്തമാക്കാമോ;

ഏകീകൃത തദ്ദേശസ്വയംഭരണ വകുപ്പിൻ കീഴിൽ മുൻ ഗ്രാമവികസന വകുപ്പിലെ സെക്രട്ടറി തസ്തികയിലേക്കുള്ള നിയമനം 2008 ലെ ഗ്രാമവികസന വകുപ്പിലെ സബോർഡിനേറ്റ് സർവീസ് റൂൾസ് പ്രകാരമുള്ള ഡിഗ്രി യോഗ്യത ഇല്ലാത്തതിനാൽ തടഞ്ഞു വച്ചിട്ടുള്ള വിവരം ശ്രദ്ധയിൽപ്പെട്ടിട്ടുണ്ടോ; ആയതിന്മേൽ എന്ത് നടപടിയാണ് സ്വീകരിക്കുന്നത്;

പഞ്ചായത്ത്, മുൻസിപ്പാലിറ്റി, കോർപ്പറേഷൻ തുടങ്ങിയ തദ്ദേശസ്വയംഭരണ സ്ഥാപനങ്ങളിൽ നിന്ന് വകുപ്പ് ഏകീകരണത്തിന്റെ ഭാഗമായി ട്രാൻസ്ഫറായി വരുന്ന ജീവനക്കാർക്ക് സർക്കാർ ജീവനക്കാരുടെ സർവീസ് സംബന്ധമായ കാര്യങ്ങൾ കൈകാര്യം ചെയ്യുന്ന സ്പാർക്ക് സോഫ്റ്റ്‌വെയർ അനുവദിക്കാത്ത പ്രശ്നം ശ്രദ്ധയിൽപ്പെട്ടിട്ടുണ്ടോ; ആയതിന്മേൽ എന്ത് നടപടിയാണ് സ്വീകരിച്ചിട്ടുള്ളതെന്ന് വിശദമാക്കാമോ;

സ്പാർക്ക് അനുവദിക്കാത്തത് മൂലം ടി ജീവനക്കാരുടെ ശമ്പളം തടസപ്പെടുന്നത് ഉൾപ്പെടെയുള്ള സർവീസ് സംബന്ധമായ പ്രശ്നങ്ങൾ ശ്രദ്ധയിൽപ്പെട്ടിട്ടുണ്ടോ; ആയതിൻമേൽ എന്ത് നടപടിയാണ് സ്വീകരിക്കുന്നത്;

ബ്ലോക്കിലും തദ്ദേശസ്വയംഭരണ വകുപ്പ് എഞ്ചിനീയറിംഗ് ഡിപ്പാർട്ട്മെന്റ് തുടങ്ങിയ മറ്റു സ്ഥാപനങ്ങളിലേക്കും ട്രാൻസ്ഫറായി വരുന്ന ജീവനക്കാർക്ക് സ്പാർക്ക് അനുവദിക്കാത്തതുമൂലം ശമ്പളം ലഭിക്കുന്നതിനായി ഓരോ മാസവും ജോലി ചെയ്തതായുള്ള സാക്ഷ്യപത്രം ജില്ലാ ജോയിന്റ് ഡയറക്ടർക്ക് സമർപ്പിക്കേണ്ടിവരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ആയതിന്മേൽ സ്വീകരിച്ച നടപടികൾ എന്തൊക്കെയാണ്;

ഏകീകൃത തദ്ദേശസ്വയംഭരണ വകുപ്പിന് കീഴിലെ എക്സ്റ്റൻഷൻ ഓഫീസറുടെ (പഴയ വി. ഇ. ഒ. ) ഇന്റർ ട്രാൻസ്ഫറബിലിറ്റി അനുവദിക്കാത്ത പ്രശ്നം ശ്രദ്ധയിൽപ്പെട്ടിട്ടുണ്ടോ; ആയതിന്മേൽ എന്ത് നടപടിയാണ് സ്വീകരിച്ചിട്ടുള്ളത്; വ്യക്തമാക്കുമോ?

വാർഡ് വിഭജനവും കെട്ടിടങ്ങളുടെ പുതു നമ്പറിംഗും നടപ്പിലാക്കിയതിനെ തുടർന്ന് ആധാർ, റേഷൻ കാർഡ്, വോട്ടർ ഐ.ഡി., ബാങ്ക് രേഖകൾ, ലൈസൻസ് എന്നിവയിൽ വിലാസം /നമ്പർ തിരുത്തൽ നടത്തേണ്ടിവരുന്ന ബുദ്ധിമുട്ട് തടയാന്‍ നടപടി സ്വീകരിക്കുമോ; വ്യക്തമാക്കുമോ;

പുതു നമ്പറിംഗ് കാരണം രേഖകൾ തിരുത്തുന്നതിന് സാമ്പത്തികവും ഭരണപരവുമായ ബുദ്ധിമുട്ടുകൾ സാധാരണ ജനങ്ങൾക്ക് ഉണ്ടാകുന്നുണ്ടെന്ന് വിലയിരുത്തിയിട്ടുണ്ടോ; ഉണ്ടെങ്കിൽ ഇതുമായി ബന്ധപ്പെട്ട് പഠനം നടത്തിയിട്ടുണ്ടോ; അറിയിക്കാമോ;

വാർഡ് വിഭജനത്തെ തുടർന്ന് പഴയ കെട്ടിട നമ്പരും പുതിയ നമ്പരും തമ്മിലുള്ള ബന്ധം വ്യക്തമാക്കുന്ന ഏകീകൃത സർട്ടിഫിക്കറ്റ് തദ്ദേശസ്വയംഭരണ സ്ഥാപനങ്ങൾ വഴി നൽകുന്നതിനുള്ള മാർഗനിർദേശങ്ങൾ നിലവിലുണ്ടോ; ഇല്ലെങ്കിൽ ഇത്തരമൊരു സംവിധാനം കൊണ്ടുവരാൻ ആലോചിക്കുന്നുണ്ടോ; വ്യക്തമാക്കുമോ;

കെട്ടിടങ്ങളുടെ പുതു നമ്പറിംഗ് മൂലം പെൻഷൻ, സാമൂഹ്യസുരക്ഷാ ആനുകൂല്യങ്ങൾ, ബാങ്ക് ഇടപാടുകൾ, വിദ്യാഭ്യാസ രേഖകൾ തുടങ്ങിയവയിൽ തടസ്സം നേരിടുന്നവർക്കായി പ്രത്യേക പരിഹാര സംവിധാനം ഏർപ്പെടുത്താൻ തയ്യാറാകുമോ;

ഭാവിയിൽ വാർഡ് വിഭജനവും കെട്ടിട നമ്പറിംഗ് മാറ്റവും നടപ്പിലാക്കുമ്പോൾ ജനങ്ങൾക്ക് ഒരേ സമയം രേഖകളിൽ മാറ്റം വരുത്തേണ്ട സാഹചര്യം ഒഴിവാക്കുന്നതിനായി ഏകീകൃത ഡിജിറ്റൽ സംവിധാനമോ ട്രാൻസിഷൻ കാലയളവോ ഏർപ്പെടുത്താൻ നടപടി സ്വീകരിക്കുമോ; വ്യക്തമാക്കുമോ?

വര്‍ക്കല ഇടവ സ്റ്റേഡിയത്തിലേക്കുള്ള റോഡിന്റെ വീതി കൂട്ടുന്നതിനായി സ്വീകരിച്ചിട്ടുള്ള നടപടികളുടെ പുരോഗതി വിശദമാക്കാമോ?

സംസ്ഥാന ബഡ്ജറ്റിൽ 20% തുക വകയിരുത്തി രണ്ടുകോടി രൂപ അനുവദിച്ചിട്ടുള്ള കൈപ്പമംഗലം നിയോജകമണ്ഡലത്തിലെ എടത്തിരുത്തി ഗ്രാമപഞ്ചായത്ത് കെട്ടിട നിർമ്മാണം പൂർത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്;

നവകേരള സദസ്സിൽ നാല് കോടി രൂപ അനുവദിക്കപ്പെട്ട മൂന്നു പീടിക മാർക്കറ്റ് കെട്ടിട നിർമ്മാണം പൂർത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്;വ്യക്തമാക്കുമോ?

സംസ്ഥാനത്തെ വീട്ടമ്മമാര്‍ക്കുള്ള സ്ത്രീ സുരക്ഷാ പെന്‍ഷന്‍ പദ്ധതിയിലേയ്ക്ക് നിലവില്‍ ആകെ ലഭിച്ച അപേക്ഷകളുടെ എണ്ണം വ്യക്തമാക്കാമോ;

പ്രസ്തുത പദ്ധതിയിലേയ്ക്ക് കാട്ടാക്കട നിയോജക മണ്ഡലത്തിലെ ആറ് പഞ്ചായത്തുകളില്‍ നിന്ന് ലഭിച്ച അപേക്ഷകളുടെ എണ്ണം പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത പെൻഷന്‍ എന്നു മുതൽ നല്‍കാനാകും; ആയതിന്റെ മാനദണ്ഡങ്ങള്‍, അപേക്ഷിക്കുന്ന രീതി എന്നിവ എങ്ങനെയെന്ന് വിശദമാക്കാമോ; അപേക്ഷ ഫോമിന്റെ പകര്‍പ്പ് ലഭ്യമാക്കാമോ?

സംസ്ഥാനത്ത് എന്നാണ് ഹരിതകര്‍മ്മസേന രൂപീകരിച്ചത്; ഹരിതകര്‍മ്മസേന രൂപീകരിച്ചതിന്റെ ഉദ്ദേശ്യലക്ഷ്യങ്ങള്‍ വ്യക്തമാക്കാമോ;

ഹരിതകര്‍മ്മസേനയുടെ പ്രവര്‍ത്തനങ്ങളുമായി ബന്ധപ്പെട്ട നാളിതുവരെ പുറപ്പെടുവിച്ചിട്ടുള്ള സർക്കാർ ഉത്തരവുകളുടെ പകര്‍പ്പ് നൽകാമോ;

ത്രിതല പഞ്ചായത്തുകളിലെ വീടുകളില്‍ നിന്നും എത്ര രൂപ വീതമാണ് യൂസര്‍ ഫീ ശേഖരിക്കുന്നത്; യൂസര്‍ ഫീ ശേഖരിക്കുവാന്‍ ഹരിതകര്‍മ്മസേനയെ ചുമതലപ്പെടുത്തിയിട്ടുണ്ടോ; എങ്കില്‍ ആയത് സംബന്ധിച്ച ഉത്തരവ് ലഭ്യമാക്കാമോ;

യൂസര്‍ ഫീ ശേഖരിക്കാന്‍ സ്വകാര്യ ഏജന്‍സികളെ ചുമതലപ്പെടുത്തിയിട്ടുണ്ടോ; എങ്കില്‍ ഏതൊക്കെ തദ്ദേശസ്വയംഭരണ സ്ഥാപനങ്ങളിലാണെന്ന് വ്യക്തമാക്കാമോ; സ്വകാര്യ ഏജന്‍സികള്‍ നേരിട്ട് യൂസര്‍ ഫീ ശേഖരിക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ഹരിതകര്‍മ്മസേന രൂപീകരിക്കപ്പെടാത്ത/പ്രവര്‍ത്തിക്കാത്ത തദ്ദേശസ്വയംഭരണ സ്ഥാപനങ്ങള്‍ സംസ്ഥാനത്ത് നിലവിലുണ്ടോ; എങ്കില്‍ അവ ഏതൊക്കെയെന്ന് വ്യക്തമാക്കാമോ; അവിടെ മാലിന്യ ശേഖരണം, സംസ്കരണം തുടങ്ങിയവ എങ്ങനെയാണ് നിര്‍വ്വഹിക്കപ്പെടുന്നത്; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം കൊല്ലം ജില്ലയില്‍ അനുവദിച്ച നബാര്‍ഡ് സഹായ പദ്ധതികളുടെ വിശദാംശങ്ങള്‍ നല്‍കുമോ;

നബാര്‍ഡ് സഹായ പദ്ധതികളില്‍ കൊല്ലം ജില്ലയില്‍ നിന്നും നിലവില്‍ പരിഗണനയിലുള്ള പദ്ധതികളുടെ വിശദാംശം ലഭ്യമാക്കുമോ?

സംസ്ഥാനത്ത് ഇ- വേസ്റ്റ് റീസൈക്കിള്‍ ചെയ്യുന്ന പ്ലാന്റുകള്‍ പ്രവര്‍ത്തിക്കുന്നുണ്ടോ;

ഉണ്ടെങ്കില്‍ അവ ഏതൊക്കെയെന്ന് വിശദമാക്കാമോ?

പൂഞ്ഞാർ മണ്ഡലത്തിലെ വിവിധ തദ്ദേശസ്വയംഭരണ സ്ഥാപനങ്ങളില്‍ ലൈഫ് ഭവന പദ്ധതി പ്രകാരം നാളിതുവരെ എത്ര വീടുകള്‍ അനുവദിച്ചിട്ടുണ്ട്; അതില്‍ എത്രയെണ്ണം പൂര്‍ത്തിയായിട്ടുണ്ട്; പൂര്‍ത്തീകരിക്കുവാൻ എത്രയെണ്ണം ബാക്കിയുണ്ട്; തദ്ദേശസ്വയംഭരണ സ്ഥാപനം തിരിച്ചുള്ള കണക്കുകള്‍ ലഭ്യമാക്കുമോ;

പൂഞ്ഞാർ മണ്ഡലത്തിലെ വിവിധ തദ്ദേശസ്വയംഭരണ സ്ഥാപനങ്ങളില്‍ അവശേഷിക്കുന്ന ഭവന രഹിതര്‍ എത്രയെന്ന് തദ്ദേശസ്വയംഭരണസ്ഥാപനം തിരിച്ചുള്ള കണക്ക് ലഭ്യമാക്കുമോ?

ഇൻഫർമേഷൻ കേരള മിഷനിലെ നിയമനത്തിനായി 31.08.2017-ലെ G.O.(Rt) No. 176/2017/LSGD സർക്കാർ ഉത്തരവിൽ നിർദ്ദേശിച്ചിരുന്നത് പോലെ സ്പെഷ്യൽ റൂൾസ് തയ്യാറാക്കുന്ന നടപടികൾ ഏതു ഘട്ടത്തിലാണെന്ന് അറിയിക്കാമോ; വിശദ വിവരങ്ങൾ നൽകാമോ;

ഇൻഫർമേഷൻ കേരള മിഷനിൽ ജീവനക്കാരുടെ ശമ്പളം പരിഷ്കരിച്ചിട്ട് എത്ര വർഷമായി എന്നറിയിക്കാമോ;

നിലവിൽ ഇൻഫർമേഷൻ കേരള മിഷനിലെ ജീവനക്കാർക്ക് വേണ്ടി ശമ്പളം പരിഷ്കരണം നടപ്പിലാക്കുന്നതിന് നടപടി സ്വീകരിച്ചിട്ടുണ്ടോ എന്നറിയിക്കാമോ;

നിലവിലെ ജീവനക്കാരുടെ വിദ്യാഭ്യാസ യോഗ്യതകൾ എല്ലാം പരിഗണിച്ചാണോ ശമ്പളവും തസ്തികയും പുന:നിർണ്ണയിക്കുന്നത് എന്ന് വ്യക്തമാക്കാമോ?

സംസ്ഥാനത്ത് മാലിന്യ സംസ്കരണത്തിന്റെ ഭാഗമായി എത്ര എം.സി.എഫ് (Material Collection Facility), മിനി എം.സി.എഫ്. കള്‍ ഉണ്ടെന്നും അവ എത്ര സ്ക്വയര്‍ഫീറ്റ് വീതമാണെന്നും തദ്ദേശസ്വയംഭരണ സ്ഥാപനം തിരിച്ച് വ്യക്തമാക്കാമോ;

അതിൽ വാടക കൊടുത്ത് പ്രവർത്തിക്കുന്നവയുണ്ടോ; ഉണ്ടെങ്കിൽ അവ ഏതൊക്കെ; സ്ക്വയർഫീറ്റ് ഉൾപ്പടെയുള്ള വിശദാംശങ്ങൾ ലഭ്യമാക്കാമോ;

സംസ്ഥാനത്ത് എം.സി.എഫ്.,മിനി എം.സി.എഫ്. കൾ ഇല്ലാത്ത തദ്ദേശസ്വയംഭരണ സ്ഥാപനങ്ങള്‍ ഉണ്ടോ; ഉണ്ടെങ്കില്‍ അവ ഏതൊക്കെ; വിശദമാക്കാമോ?

സംസ്ഥാനത്തെ എല്ലാ തദ്ദേശസ്വയംഭരണ സ്ഥാപനങ്ങളുടെയും പ്രവര്‍ത്തനങ്ങള്‍ പൂര്‍ണ്ണമായും ഓണ്‍ലൈനിലേയ്ക്ക് മാറ്റുന്നതിന് കെ-സ്മാര്‍ട്ട് പദ്ധതിയിലൂടെ സാധിച്ചിട്ടുണ്ടോ; എങ്കില്‍ വിശദാംശങ്ങള്‍ ലഭ്യമാക്കുമോ;

കെ-സ്മാര്‍ട്ട് നടപ്പാക്കിയതിലൂടെ കൈവരിക്കാന്‍ കഴിഞ്ഞ നേട്ടങ്ങള്‍ എന്തൊക്കെയാണ്; വിശദമാക്കുമോ;

സംസ്ഥാനത്ത് നടപ്പാക്കുന്ന കെ-സ്മാര്‍ട്ട് പദ്ധതിയെക്കുറിച്ച് പഠിക്കുന്നതിനും പകര്‍ത്തുന്നതിനുമായി ഇതര സംസ്ഥാനങ്ങളില്‍ നിന്നും ഏതെങ്കിലും പ്രതിനിധികള്‍ എത്തിയിട്ടുണ്ടോ; ഉണ്ടെങ്കില്‍ ആരൊക്കെയാണ്; വ്യക്തമാക്കുമോ;

പ്രസ്തുത പദ്ധതിയുടെ പ്രവര്‍ത്തന മികവും ന്യൂനതകളും കണ്ടെത്തുന്നതിനും ആവശ്യമായ നവീകരണ പ്രവര്‍ത്തനങ്ങള്‍ സമയബന്ധിതമായി നടപ്പാക്കുന്നതിനും നിര്‍ദേശം നല്‍കുമോ?

നഗരസഭകളിലേക്ക് ഓൺലൈൻ വഴി അടക്കുന്ന നികുതി, ഫീസുകൾ എന്നിവ ഇന്‍ഫര്‍മേഷന്‍ കേരള മിഷന്റെ (ഐ.കെ.എം. )അക്കൗണ്ടില്‍ നിന്നും എത്ര ദിവസം കൂടുമ്പോഴാണ് നഗരസഭ അക്കൗണ്ടിൽ എത്തുന്നത്;വ്യക്തമാക്കാമോ;

ഇത്തരത്തിൽ ഐ.കെ.എം. നൽകുന്ന സേവനത്തിന് നികുതിയുടെ നിശ്ചിത ശതമാനം അനുവദിക്കാൻ തീരുമാനം എടുത്തിട്ടുണ്ടോ;

നഗരസഭകളിൽ റവന്യൂ ഇൻസ്‌പെക്ടർ, ഹെൽത്ത് ഇൻസ്‌പെക്ടർ ഗ്രേഡ് 1 എന്നീ തസ്തികകളിൽ ഉള്ള ജീവനക്കാരിൽ ചിലർ ഇനി പ്രൊമോഷൻ വേണ്ടായെന്ന് (റിലിന്‍ക്വിഷ്‍മെന്റ്) തദ്ദേശസ്വയംഭരണ വകുപ്പ് പ്രിൻസിപ്പൽ ഡയറക്ടർക്ക്‌ അപേക്ഷ നൽകിയിട്ടും അതേ തസ്തികകളില്‍ തുടരുന്നത് ശ്രദ്ധയിൽപ്പെട്ടിട്ടുണ്ടോ;

ഇത് സംബന്ധിച്ചു പരിശോധിക്കാൻ ബന്ധപ്പെട്ട ഏജൻസികൾക്ക് നിർദ്ദേശം നൽകാമോ;

ഇത്തരക്കാരുടെ റിലിന്‍ക്വിഷ്‍മെന്റ് അപേക്ഷ റദ്ദു ചെയ്യാൻ നടപടി സ്വീകരിക്കാമോ; വ്യക്തമാക്കുമോ?

ലൈഫ് ഭവന പദ്ധതിയിൽ ഉൾപ്പെടുത്തി 2020 ൽ നി‍ർമ്മാണം ആരംഭിച്ച പുന്നപ്ര വടക്ക് പഞ്ചായത്തിലെ പറവൂർ ഫ്ലാറ്റ് സമുച്ചയത്തിന്റെ നിർമ്മാണം തടസ്സപ്പെട്ടിരിക്കുന്നതിന്റെ കാരണം വ്യക്തമാക്കാമോ;

തടസ്സങ്ങൾ നീക്കി നിർമ്മാണം പൂർത്തീകരിക്കാൻ എന്ത് നടപടി സ്വീകരിച്ചുവെന്ന് അറിയിക്കുമോ?

ചെറുവാടി ഗവണ്‍മെന്റ് ഹയര്‍ സെക്കണ്ടറി സ്കൂളിന് പുതുതായി നിര്‍മ്മിച്ച കെട്ടിടത്തിന് ഫിറ്റ്നസ്, കെട്ടിട നമ്പർ എന്നിവ ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

നിര്‍മ്മാണം ക്രമവല്‍ക്കരിക്കുന്നതിനും നമ്പര്‍ ലഭിക്കുന്നതിനും ഉചിത മാര്‍ഗേണ അപേക്ഷ ലഭിച്ചിട്ടുണ്ടോ എന്നും ആയതിന്റെ നിലവിലെ സ്ഥിതി എന്താണെന്നും വ്യക്തമാക്കുമോ?

വാർഡ് സഭകളും ഗ്രാമസഭകളും ചേരുന്നതിന് ഗ്രാമപഞ്ചായത്ത് മെമ്പർമാർക്കും കൗൺസിലർമാ‍ർക്കും റിഫ്രഷ്മെന്റ് ഇനത്തിൽ വേണ്ടി വരുന്ന ചെലവ് തനത് ഫണ്ടിൽ നിന്ന് നൽകാൻ വ്യവസ്ഥയുണ്ടോ;

വാർഡ്/ ഗ്രാമസഭകളിൽ മിനിറ്റ്സ് തയ്യാറാക്കുന്നതിനായുളള ചുമതല ആർക്കാണ്; വിശദമാക്കാമോ?

സംസ്ഥാനത്ത് മാലിന്യ നിര്‍മ്മാര്‍ജ്ജനവുമായി ബന്ധപ്പെട്ട് ഈ സര്‍ക്കാര്‍ നടപ്പിലാക്കിയ നൂതന ആശയങ്ങള്‍ എന്തെല്ലാമെന്ന് വിശദമാക്കുമോ?

ഗുരുവായൂര്‍ മണ്ഡലത്തിലെ തദ്ദേശ റോഡ് പുനരുദ്ധാരണ പദ്ധതിയുമായി ബന്ധപ്പെട്ട പ്രവൃത്തികളുടെ പുരോഗതി വിശദമാക്കാമോ;

പ്രസ്തുത പ്രവൃത്തികള്‍ എന്നത്തേയ്ക്ക് പൂര്‍ത്തിയാക്കാന്‍ കഴിയുമെന്ന് വിശദമാക്കാമോ;

തദ്ദേശ റോഡ് പുനരുദ്ധാരണ പ്രവൃത്തികളുടെ ബില്ല് മാറുന്നത് എപ്രകാരമാണെന്ന് വിശദമാക്കാമോ; പ്രവൃത്തി പൂര്‍ത്തിയാക്കി ബില്‍ സമര്‍പ്പിച്ചിട്ടും തുക അനുവദിയ്ക്കാന്‍ ബാക്കിയുള്ള പ്രവൃത്തികളുടെ വിശദാംശം ലഭ്യമാക്കാമോ?

കുണ്ടറ നിയോജക മണ്ഡലത്തിൽ അനുവദിച്ചിട്ടുളള തദ്ദേശസ്വയംഭരണ റോഡ് പുനരുദ്ധാരണ പദ്ധതി പ്രകാരമുളള പ്രവൃത്തികളുടെ പ്രവര്‍ത്തന പുരോഗതി വിശദമാക്കാമോ?

കോര്‍പ്പറേഷന്‍, മുനിസിപ്പാലിറ്റി, ത്രിതല പഞ്ചായത്ത് ജനപ്രതിനിധികളുടെ നിലവിലെ പ്രതിമാസ ഓണറേറിയം എത്ര രൂപ വീതമാണെന്ന് വിശദമാക്കുമോ;

അവസാനമായി ഓണറേറിയം വര്‍ദ്ധിപ്പിച്ചത് എന്നാണെന്ന് അറിയിക്കുമോ; നിലവിലെ ഓണറേറിയം വര്‍ദ്ധിപ്പിക്കുന്ന കാര്യം പരിഗണനയിലുണ്ടോ; വിശദമാക്കുമോ?

ഉദുമ നിയോജക മണ്ഡലത്തിലെ ബേഡഡുക്ക പഞ്ചായത്തിലെ ടീം ബേഡകം കുടുംബശ്രീ അഗ്രോ ഫാര്‍മേഴ്സ് പ്രൊഡ്യൂസര്‍ കമ്പനി ലിമിറ്റഡിന്റെ സ്ഥലം രജിസ്ട്രേഷനുമായി ബന്ധപ്പെട്ട് സ്റ്റാമ്പ് ഡ്യൂട്ടി, രജിസ്ട്രേഷന്‍ ഫീസ് എന്നിവ ഒഴിവാക്കുന്നതിന് ശിപാര്‍ശ ചെയ്തിട്ടുണ്ടോ; വ്യക്തമാക്കാമോ?

തദ്ദേശസ്വയംഭരണ സ്ഥാപനങ്ങളിലെ നിലവിലെ അസസ്മെന്റ് രജിസ്റ്ററിൽ ഉൾപ്പെട്ടിരുന്ന കെട്ടിടങ്ങൾ കെ-സ്മാർട്ടിൽ ഉൾപ്പെടാതിരുന്നാൽ അവ ഉൾപ്പെടുത്തുന്നതിന് എന്തൊക്കെ നടപടികളാണ് സ്വീകരിക്കേണ്ടതെന്ന് വിശദമാക്കുമോ;

തദ്ദേശസ്വയംഭരണ സ്ഥാപനങ്ങൾ ഇതിനായി ജോയിന്റ് ഡയറക്ടർ വഴി പ്രിൻസിപ്പൽ ഡയറക്ടർക്ക് അപേക്ഷ നൽകുകയും പ്രിൻസിപ്പൽ ഡയറക്ടർ ഇൻഫർമേഷൻ കേരള മിഷന് നിർദ്ദേശം നൽകുകയും ചെയ്യണമെന്ന വ്യവസ്ഥ വെച്ചിരിക്കുന്നത് എന്തുകൊണ്ടാണെന്ന് വ്യക്തമാക്കുമോ;

ജീവനക്കാർ ഡാറ്റ എൻട്രി വരുത്തിയപ്പോള്‍ വന്ന തെറ്റുകൾ തിരുത്തുന്നതിന് പോലും ദീർഘവും സങ്കീർണവുമായ നടപടി ക്രമങ്ങളാണ് വേണ്ടിവരുന്നതെന്നു ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത വ്യവസ്ഥ കാരണം ചെറിയ തിരുത്തലുകൾക്ക് പോലും മാസങ്ങൾ കാത്തിരിക്കേണ്ടി വരുന്ന സാഹചര്യത്തെക്കുറിച്ച് അന്വേഷിക്കാമോ;

വസ്തു നികുതി ഇളവുള്ള ആരാധനാലയങ്ങൾ, സ്കുളുകള്‍ തുടങ്ങിയവയുടെ വിവരങ്ങൾ കെ-സ്മാർട്ടിൽ ഉൾപ്പെട്ടിട്ടില്ലായെന്ന പരാതികൾ പരിഹരിക്കുന്നതിന് പ്രത്യേക ഉത്തരവ് പുറപ്പെടുവിക്കുമോ;വ്യക്തമാക്കുമോ;

അധികാര വികേന്ദ്രീകരണത്തിന്റെ കാലത്ത് പ്രിൻസിപ്പൽ ഡയറക്ടർ തലം വരെ അപേക്ഷകൾ എത്തണമെന്ന വ്യവസ്ഥ പിൻവലിച്ച് അവ ജോയിന്റ് ഡയറക്ടർ തലത്തിൽ പരിഹരിക്കുന്നതിന് ആവശ്യമായ നടപടികൾ സ്വീകരിക്കുമോ;വ്യക്തമാക്കാമോ?

തെരുവുനായ പ്രശ്നം നിയന്ത്രിക്കാന്‍ രൂപീകരിച്ച അനിമല്‍ ബര്‍ത്ത് കണ്‍ട്രോള്‍ (എ.ബി.സി.) പദ്ധതിയുടെ പുരോഗതി എന്താണെന്ന് വിശദമാക്കാമോ;

തെരുവുനായ നിയന്ത്രണത്തില്‍ മൃഗസംരക്ഷണം, തദ്ദേശസ്വയംഭരണം, ആരോഗ്യകുടുംബക്ഷേമം എന്നീ വകുപ്പുകള്‍ തമ്മിലുള്ള ഏകോപനം എങ്ങനെ ഉറപ്പാക്കുന്നു എന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ലൈഫ് ഭവന പദ്ധതി പ്രകാരം എത്ര പേര്‍ക്ക് ഭവനങ്ങള്‍ അനുവദിച്ചു എന്ന് പഞ്ചായത്ത് തിരിച്ച് കണക്ക് ലഭ്യമാക്കാമോ;

ലൈഫ് ഭവന പദ്ധതി പ്രകാരം ഭവനം അനുവദിച്ചതില്‍ എത്ര പേര്‍ക്ക് സ്ഥലം ലഭ്യമാക്കി ഭവനങ്ങള്‍ അനുവദിച്ചു എന്ന് വ്യക്തമാക്കാമോ;

ഈ കാലയളവില്‍ കുന്നത്തുനാട് മണ്ഡലത്തില്‍ എത്ര പട്ടികജാതി പട്ടികവർഗ്ഗ കുടുംബങ്ങള്‍ക്ക് ലൈഫ് ഭവന പദ്ധതി മുഖേന ഭവനങ്ങള്‍ ലഭ്യമാക്കിയെന്ന് വ്യക്തമാക്കാമോ;

ഈ കാലയളവില്‍ കുന്നത്തുനാട് മണ്ഡലത്തില്‍ എത്ര കുടുംബങ്ങള്‍ക്ക് വീട് മെയിന്റനന്‍സിനായി തുക അനുവദിച്ചുവെന്ന് വ്യക്തമാക്കാമോ?

കോന്നി നിയോജക മണ്ഡലത്തില്‍ ഈ സര്‍ക്കാരിന്റെ കാലത്തും കഴിഞ്ഞ സര്‍ക്കാരിന്റെ കാലത്തും തദ്ദേശസ്വയംഭരണ, എക്സെെസ് വകുപ്പുൂകളിൽ നിന്നും വിവിധ പദ്ധതികള്‍ക്കായി അനുവദിച്ച തുകയും പ്രവൃത്തികളുടെ പേരും അവയുടെ പുരോഗതിയും ലഭ്യമാക്കാമോ;

പ്രസ്തുത പ്രവൃത്തികളില്‍ പൂര്‍ത്തീകരിച്ചവ, പൂര്‍ത്തീകരിക്കാനുള്ളവ എന്നിവയുടെ വിശദ വിവരങ്ങള്‍ ലഭ്യമാക്കാമോ;

ടി പ്രവൃത്തികളില്‍ കിഫ്ബി പദ്ധതികള്‍ ഉള്‍പ്പെട്ടിട്ടുണ്ടെങ്കില്‍ അവയുടെ വിശദവവിരങ്ങളും പുരോഗതിയും വിശദമാക്കാമോ?

സംസ്ഥാന സര്‍ക്കാരിന്റെ അതിദാരിദ്ര്യ നിര്‍മ്മാര്‍ജ്ജന പദ്ധതി പ്രകാരം പാറശ്ശാല നിയോജക മണ്ഡലത്തിലെ ഒന്‍പത് പഞ്ചായത്തുകളിലായി ആകെ എത്ര അതിദരിദ്ര കുടുംബങ്ങളെയാണ് കണ്ടെത്തിയിട്ടുള്ളതെന്ന് പഞ്ചായത്ത് തിരിച്ച് വ്യക്തമാക്കാമോ;

ഇപ്രകാരം കണ്ടെത്തിയവര്‍ക്ക് തിരിച്ചറിയല്‍ രേഖകള്‍, ഭക്ഷണം, ചികിത്സ, മരുന്ന് എന്നിവ ഉറപ്പാക്കുന്നതിനായി ഓരോ പഞ്ചായത്തിലും നടപ്പാക്കി വരുന്ന പദ്ധതികളുടെ പുരോഗതി അറിയിക്കാമോ;

അതിദരിദ്രര്‍ക്കായി തയ്യാറാക്കിയ മൈക്രോ പ്ലാനുകളില്‍ ഉള്‍പ്പെടുത്തിയിട്ടുള്ള ഭവന നിര്‍മ്മാണം, ഭൂമി ലഭ്യമാക്കല്‍ തുടങ്ങിയ പ്രവര്‍ത്തനങ്ങള്‍ക്കായി പാറശ്ശാല മണ്ഡലത്തില്‍ ഇതുവരെ എത്ര തുക ചെലവഴിച്ചിട്ടുണ്ടെന്ന് വിശദമാക്കാമോ;

മണ്ഡലത്തിൽ അതിദരിദ്രരായി കണ്ടെത്തിയവരില്‍ എത്ര പേരെ ഇതിനോടകം ദാരിദ്ര്യരേഖയ്ക്ക് മുകളിലേക്ക് കൊണ്ടു പോകാന്‍ സാധിച്ചിട്ടുണ്ടെന്നും ഈ ലക്ഷ്യം പൂര്‍ണ്ണമായും കൈവരിക്കാന്‍ നിശ്ചയിച്ചിട്ടുള്ള സമയപരിധി എത്രയാണെന്നും അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം അരുവിക്കര നിയോജക മണ്ഡലത്തിലെ വിവിധ ഗ്രാമപഞ്ചായത്തുകള്‍ക്ക് ഓരോ വര്‍ഷവും പ്ലാന്‍, നോണ്‍ പ്ലാന്‍, ധനകാര്യ കമ്മീഷന്‍ തുടങ്ങി വിവിധ ഫണ്ടുകള്‍ മുഖേന അനുവദിച്ച ആകെ തുക സംബന്ധിച്ച വിവരങ്ങള്‍ തദ്ദേശസ്വയംഭരണ സ്ഥാപനം തിരിച്ച് അറിയിക്കാമോ;

അരുവിക്കര നിയോജക മണ്ഡലത്തിലെ വിവിധ ഗ്രാമപഞ്ചായത്തുകളിലായി എത്ര അതിദരിദ്രരെയാണ് കണ്ടെത്തിയിട്ടുളളതെന്നും ഇവരുടെ സംരക്ഷണം ഉറപ്പാക്കുന്നതിനായി നാളിതുവരെ സ്വീകരിച്ച നടപടികള്‍ എന്തെല്ലാമാണെന്നും പഞ്ചായത്ത് തിരിച്ച് വിവരം നല്‍കാമോ?

കെ-സ്മാര്‍ട്ട് പോര്‍ട്ടലിലെ സാങ്കേതിക തകരാറുകള്‍ മൂലം കെട്ടിട നികുതി ഒടുക്കുന്നതിനും സര്‍ട്ടിഫിക്കറ്റുകള്‍ ലഭിക്കുന്നതിനും പൊതുജനങ്ങള്‍ നേരിടുന്ന ബുദ്ധിമുട്ടുകള്‍ പരിഹരിക്കാന്‍ സ്വീകരിച്ച നടപടികള്‍ വിശദമാക്കാമോ;

കെ-സ്മാര്‍ട്ട് നടപ്പിലാക്കിയ ശേഷം ഡാറ്റാ മൈഗ്രേഷനില്‍ ഉണ്ടായ പിഴവുകള്‍ കാരണം എത്ര കുടുംബങ്ങളുടെ കെട്ടിട നമ്പരുകള്‍ പോര്‍ട്ടലില്‍ നിന്ന് അപ്രത്യക്ഷമായിട്ടുണ്ടെന്നതിന്റെ ജില്ല തിരിച്ചുള്ള കണക്ക് ലഭ്യമാക്കുമോ;

കെ-സ്മാര്‍ട്ടിന് ബദലായി തദ്ദേശസ്വയംഭരണ സ്ഥാപനങ്ങളില്‍ ഫിസിക്കല്‍ കൗണ്ടറുകള്‍ വഴി അടിയന്തര സേവനം നല്‍കാന്‍ നിര്‍ദ്ദേശം നല്‍കുമോ; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ലൈഫ് ഭവന പദ്ധതി മുഖേന എത്ര വീടുകളാണ് അനുവദിച്ചിട്ടുള്ളതെന്ന് ജില്ല തിരിച്ചുള്ള കണക്ക് ലഭ്യമാക്കുമോ;

ലൈഫ് ഭവന പദ്ധതിയിലൂടെ അര്‍ഹതപ്പെട്ട മുഴുവന്‍ ആളുകള്‍ക്കും വീട് അനുവദിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

സംസ്ഥാന സർക്കാരിന്റെ ലൈഫ് മിഷൻ പദ്ധതിയിലൂടെ ആകെ എത്ര വീടുകൾ നിർമ്മിക്കാനാണ് ഉദ്ദേശിക്കുന്നത്; ഇതിൽ എത്ര വീടുകളുടെ നിർമ്മാണം ആരംഭിച്ചു; എത്ര വീടുകൾ പൂർത്തീകരിച്ചു ഗുണഭോക്താക്കൾക്ക് നൽകി; വ്യക്തമാക്കാമോ;

01.01.2026 വരെ ലൈഫ് മിഷൻ പദ്ധതി പ്രകാരം വീട് നിർമ്മാണത്തിന് സർക്കാർ എത്ര തുക നൽകി; വ്യക്തമാക്കാമോ?

2021-26 കാലത്ത് തദ്ദേശ സ്വയംഭരണ വകുപ്പ് മുഖേന അഴീക്കോട് മണ്ഡലത്തില്‍ നടപ്പിലാക്കിയ പ്രവൃത്തികള്‍ വിശദമാക്കാമോ;

ഇവയില്‍ പൂര്‍ത്തിയായവ, പുരോഗമിക്കുന്നവ, ആരംഭിക്കാത്തവ എന്നിങ്ങനെ തരംതിരിച്ച് വിശദമായ മറുപടി ലഭ്യമാക്കാമോ?

കുണ്ടറ നിയോജക മണ്ഡലത്തിൽ ആര്‍.കെ.ഐ പദ്ധതി പ്രകാരം അനുവദിച്ചിട്ടുളള റോഡ് പ്രവൃത്തികള്‍ ഏതൊക്കെയാണെന്നും അവയില്‍ പൂര്‍ത്തീകരിച്ചിട്ടുളളവ, നിര്‍മ്മാണത്തിലിരിക്കുന്നവ, ഇതുവരെയും നിര്‍മ്മാണം ആരംഭിക്കാത്തവ എന്നിവ പഞ്ചായത്ത് തിരിച്ച് വിശദാംശം നല്‍കാമോ?

മണലൂര്‍ നിയോജക മണ്ഡലത്തിലെ വിവിധ തദ്ദേശസ്വയംഭരണ സ്ഥാപനങ്ങളിലെ ജീവനക്കാരുടെ അംഗീകൃത തസ്തികകള്‍ ഏതെല്ലാമാണെന്നം ഏതെല്ലാം തസ്തികകളില്‍ ഒഴിവ് നിലവിലുണ്ടെന്നും തദ്ദേശ സ്ഥാപനങ്ങള്‍ തിരിച്ചുള്ള വിശദാംശം ലഭ്യമാക്കാമോ;

പ്രസ്തുത സ്ഥാപനങ്ങളില്‍ നിലവിലുള്ള ഒഴിവുകള്‍ നികത്താന്‍ നടപടി സ്വീകരിച്ചിട്ടുണ്ടോ; വിശദാംശം അറിയിക്കാമോ?

തദ്ദേശസ്വയംഭരണ സ്ഥാപനങ്ങളില്‍ നിന്നും പൊതുജനങ്ങള്‍ക്ക് ലഭിക്കേണ്ട സേവനങ്ങള്‍ സുതാര്യവും കാര്യക്ഷമവുമായി ലഭിക്കുന്നതിന് ഈ സര്‍ക്കാര്‍ എന്തെല്ലാം പരിഷ്ക്കാരങ്ങളാണ് നടത്തിയിട്ടുള്ളതെന്ന് വിശദമാക്കുമോ?

ലൈഫ് ഭവന പദ്ധതി പ്രകാരം കാസര്‍ഗോഡ് ജില്ലയില്‍ എത്ര പട്ടികജാതി പട്ടികവര്‍ഗ്ഗ വിഭാഗക്കാര്‍ക്ക് വീടുകള്‍ ലഭിച്ചിട്ടുണ്ടെന്നും ഇതില്‍ എത്ര വീടുകള്‍ പൂര്‍ത്തീകരിച്ചിട്ടുണ്ടെന്നുമുള്ള വിവരം തദ്ദേശസ്വയംഭരണ സ്ഥാപനം തിരിച്ച് ലഭ്യമാക്കാമോ?

തദ്ദേശസ്വയംഭരണ സ്ഥാപനങ്ങളിൽ ജനപ്രതിനിധികളായിരുന്നവര്‍ക്ക് പെൻഷൻ നൽകുന്ന പദ്ധതി നിലവിൽ ഏത് ഘട്ടത്തിലാണ്; അറിയിക്കാമോ;

ഇതുമായി ബന്ധപ്പെട്ട് തദ്ദേശസ്വയംഭരണ വകുപ്പ് ഡയറക്ടർ കൺവീനറായി ആറംഗ സമിതി രൂപീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത സമിതി ഈ വിഷയം സംബന്ധിച്ച് റിപ്പോർട്ട് സർക്കാരിന് സമർപ്പിച്ചിട്ടുണ്ടോ; ഉണ്ടെങ്കിൽ റിപ്പോർട്ടിന്റെ പകർപ്പ് ലഭ്യമാക്കാമോ;

പ്രസ്തുത റിപ്പോർട്ടിന്മേൽ സർക്കാർ പഠനം നടത്തിയിട്ടുണ്ടോ; ഉണ്ടെങ്കിൽ ഏതെല്ലാം ശിപാർശങ്ങളാണ് നടപ്പിലാക്കാൻ ഉദ്ദേശിക്കുന്നത്; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം കില നടത്തിവരുന്ന പരിശീലന പരിപാടികളെ സംബന്ധിച്ച് വിലയിരുത്തല്‍ നടത്തിയിട്ടുണ്ടോ; വ്യക്തമാക്കുമോ;

2021-25 കാലയളവില്‍ കില വഴി നടപ്പാക്കിയ പരിശീലന പരിപാടികളും അവയുടെ പങ്കാളിത്തവും വിശദമാക്കാമോ; ഏതെല്ലാം വിഭാഗങ്ങളിലെ പരിശീലനാര്‍ത്ഥികളാണ് പങ്കെടുത്തതെന്ന് വിശദമാക്കാമോ;

ഐക്യരാഷ്ട്ര സംഘടന സര്‍വകലാശാല (യു എന്‍ യൂണിവേഴ്സിറ്റി) യുമായി വിവിധ വിഷയങ്ങളില്‍ പഠന-പരിശീലന പരിപാടികള്‍ ആവിഷ്കരിക്കുന്നതിന് കില ധാരണ പത്രത്തില്‍ ഒപ്പുവെച്ചിട്ടുണ്ടോ; വിശദമാക്കാമോ;

ദേശീയ കാര്യശേഷി കമ്മീഷനുമായി എന്തെല്ലാം പരിശീലന പരിപാടികളില്‍ സഹകരിക്കുന്നതിനാണ് തീരുമാനിച്ചിട്ടുള്ളത്; വിശദമാക്കാമോ;

കൂടുതല്‍ പരിശീലന പദ്ധതികള്‍ ഏറ്റെടുത്തു നടത്തുന്നതിനാവശ്യമായ നവീകരണ പ്രവര്‍ത്തനങ്ങള്‍ ആവിഷ്കരിച്ചു നടപ്പാക്കാന്‍ നിര്‍ദേശം നല്‍കുമോ; വ്യക്തമാക്കുമോ?

സംസ്ഥാനത്ത് ടേക്ക് എ ബ്രേക്ക് പദ്ധതി പ്രകാരം എത്ര വഴിയോര വിശ്രമ കേന്ദ്രങ്ങളാണ് നിലവില്‍ പ്രവര്‍ത്തിച്ചു വരുന്നതെന്ന് വ്യക്തമാക്കാമോ;

ആലപ്പുഴ നിയോജക മണ്ഡലത്തിൽ ടേക്ക് എ ബ്രേക്ക് പദ്ധതി പ്രകാരം എത്ര വഴിയോര വിശ്രമ കേന്ദ്രങ്ങളാണ് നിലവില്‍ പ്രവര്‍ത്തിച്ചു വരുന്നതെന്നും അവ എവിടെയൊക്കെയാണ് സ്ഥാപിച്ചിട്ടുള്ളതെന്നുമുള്ള വിശദവിവരം ലഭ്യമാക്കാമോ?

കാസർഗോഡ് ജില്ലയിലെ തദ്ദേശസ്വയംഭരണ സ്ഥാപനങ്ങളിൽ കെട്ടിട നിർമ്മാണ പെർമിറ്റിനും കെട്ടിട നമ്പറിനും 2025 ഏപ്രിൽ 1 മുതൽ 2026 ജനുവരി 26 വരെ എത്ര അപേക്ഷകൾ ലഭിച്ചിട്ടുണ്ട് എന്ന് തദ്ദേശസ്വയംഭരണ സ്ഥാപനങ്ങൾ തിരിച്ച് കണക്ക് ലഭ്യമാക്കുമോ;

പ്രസ്തുത അപേക്ഷകളിൽ എത്ര അപേക്ഷകള്‍ തീര്‍പ്പാക്കിയിട്ടുണ്ട് എന്ന് വിശദമാക്കുമോ;

പ്രസ്തുത അപേക്ഷകളിൽ തീർപ്പ് കൽപിക്കാത്ത അപേക്ഷകളുടെ വിശദവിവരങ്ങൾ തദ്ദേശസ്വയംഭരണ സ്ഥാപനങ്ങൾ തിരിച്ച് ലഭ്യമാക്കുമോ;

തീർപ്പ് കൽപിക്കാത്ത അപേക്ഷകളിൽ തീരുമാനം വൈകുന്നത് എന്തുകൊണ്ടാണ് എന്ന് വ്യക്തമാക്കുമോ;

കെട്ടിട നിർമ്മാണ പെർമിറ്റ്, നമ്പറിംഗ് എന്നിവക്കായി ഒരു അപേക്ഷ കിട്ടിയാൽ എത്ര ദിവസം കൊണ്ട് ആയത് തീര്‍പ്പാക്കണമെന്ന് വ്യക്തമാക്കുമോ;

ജില്ലയിലെ തദ്ദേശസ്വയംഭരണ സ്ഥാപനങ്ങളിൽ പ്രസ്തുത സേവനം യഥാസമയം ലഭ്യമാക്കുന്നതിന് നടപടി സ്വീകരിക്കുമോ; ഇത് സംബന്ധിച്ച് തദ്ദേശസ്വയംഭരണ ജോയിന്റ് ഡയറക്ടർ തലത്തിൽ അവലോകനം നടത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

ഹരിപ്പാട് നഗരസഭയിലെ ജീവനക്കാരുടെ അഭാവം നിമിത്തം പദ്ധതി നിര്‍വ്വഹണ പ്രവര്‍ത്തനങ്ങളില്‍ ഗുരുതര പ്രതിസന്ധി നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; പ്രസ്തുത സ്ഥാപനത്തിലെ എഞ്ചിനീയറിംഗ്, മിനിസ്റ്റീരിയല്‍ വിഭാഗങ്ങളിലായി ഒഴിവുള്ള തസ്തികകളുടെ വിശദാംശങ്ങള്‍ അറിയിക്കാമോ; ഈ ഒഴിവുകള്‍ എത്രയും വേഗം നികത്തുന്നതിനുള്ള നടപടി സ്വീകരിക്കുമോ; ജീവനക്കാരുടെ കുറവിനെ തുടര്‍ന്ന് പദ്ധതി നിര്‍വ്വഹണത്തില്‍ എന്തെല്ലാം പോരായ്മകള്‍ സംഭവിച്ചിട്ടുണ്ടെന്ന് അറിയിക്കാമോ;

ഗുരുതരമായ കൃത്യവിലോപം നടത്തി ഹരിപ്പാട് നഗരസഭയുടെ പദ്ധതി നിര്‍വ്വഹണ പ്രവര്‍ത്തനങ്ങള്‍ പ്രതിസന്ധിയിലാക്കിയതിനെ തുടര്‍ന്ന് ഹരിപ്പാട് നഗരസഭയില്‍ നിന്നും സ്ഥലം മാറ്റപ്പെട്ട മുന്‍ അസി. എഞ്ചിനീയര്‍ ഇപ്പോഴും ഹരിപ്പാട് നഗരസഭയില്‍ തുടരുന്നതിന്റെ കാരണം അറിയിക്കാമോ;

ഇത് സംബന്ധിച്ച് സംസ്ഥാന അഡ്മിസ്ട്രേറ്റീവ് ട്രിബ്യൂണല്‍ എന്തെങ്കിലും ഉത്തരവ് നല്‍കിയിട്ടുണ്ടോ; ഇക്കാര്യത്തില്‍ സര്‍ക്കാര്‍ എതിര്‍ സത്യവാങ്മൂലം നല്‍കിയിട്ടുണ്ടോ; എങ്കില്‍ വിശദാംശം നല്‍കാമോ; വിഷയത്തിന്റെ ഗൗരവ സ്വഭാവം അഡ്മിനിസ്ട്രേറ്റീവ് ട്രിബ്യൂണലിനെ ബോധ്യപ്പെടുത്തി ഇക്കാര്യത്തില്‍ അടിയന്തര നടപടി സ്വീകരിക്കുമോയെന്ന് അറിയിക്കാമോ;

വാര്‍ഷിക പദ്ധതികളുടെ സമയബന്ധിതമായ നിര്‍വ്വഹണത്തിലൂടെ പൊതുജനങ്ങള്‍ക്ക് ലഭിക്കേണ്ട പദ്ധതി ആനുകൂല്യങ്ങള്‍ തടസ്സപ്പെടുത്തിയ പ്രസ്തുത ഉദ്യോഗസ്ഥയ്ക്കെതിരെ എന്ത് അച്ചടക്ക/ശിക്ഷ നടപടിയാണ് സ്വീകരിക്കാന്‍ ഉദ്ദേശിക്കുന്നതെന്ന് അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നതുമുതല്‍ നാളിതുവരെ കോട്ടയം മണ്ഡലത്തില്‍ തദ്ദേശസ്വയംഭരണ റോഡ് പുനരുദ്ധാരണ പദ്ധതി വഴി അനുവദിച്ച പദ്ധതികള്‍, അവയില്‍ പൂര്‍ത്തിയായവ, പൂര്‍ത്തിയാകാനുള്ളവ ഏതൊക്കെയെന്ന് വിശദമാക്കുമോ; പൂര്‍ത്തീകരിക്കാനുള്ള പദ്ധതികളുടെ പുരോഗതിയും അറിയിക്കാമോ?

ബാർബർ ഷോപ്പ്/ബ്യൂട്ടിപാര്‍ലറുകള്‍ എന്നിവയില്‍ നിന്നും പ്ലാസ്റ്റിക് മാലിന്യങ്ങൾ ശേഖരിക്കുന്നതിന് ഹരിതകർമ്മ സേന പ്രതിമാസം എത്ര രൂപയാണ് യൂസർ ഫീസായി ഈടാക്കുന്നത്; ഇത് സംബന്ധിച്ച വിശദാംശം ലഭ്യമാക്കാമോ;

ബാർബർ ഷോപ്പ്/ബ്യൂട്ടിപാര്‍ലറുകള്‍ എന്നിവിടങ്ങളില്‍ സാധാരണയായി പ്ലാസ്റ്റിക് മാലിന്യങ്ങൾ ഉണ്ടാകാറില്ലയെന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ പ്ലാസ്റ്റിക് മാലിന്യ ശേഖരണത്തിനായുള്ള യൂസർ ഫീസിൽ നിന്നും ബാർബർ ഷോപ്പ്/ബ്യൂട്ടിപാര്‍ലറുകള്‍ എന്നിവയെ ഒഴിവാക്കാൻ നടപടി സ്വീകരിക്കുമോ; വിശദാംശം ലഭ്യമാക്കാമോ?

മുഖ്യമന്ത്രിയുടെ തദ്ദേശസ്വയംഭരണ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി ഉടുമ്പ‍ൻചോല മണ്ഡലത്തിൽ അനുവദിച്ച പ്രവൃത്തികൾ ഏതൊക്കെയെന്നും ആകെ അനുവദിച്ച തുക എത്രയെന്നുമുള്ള വിവരങ്ങൾ നൽകാമോ;

പ്രസ്തുത പ്രവൃത്തികളിൽ എത്രയെണ്ണം പൂർത്തീകരിച്ചുവെന്നും എത്രയെണ്ണം നിർമ്മാണഘട്ടത്തിലാണെന്നുമുള്ള വിവരങ്ങൾ നൽകാമോ;

ഈ പ്രവൃത്തികളിൽ നിന്നും ചില റോഡുകൾക്ക് പകരം പുതിയ പ്രവൃത്തികൾ ഏറ്റെടുക്കാൻ നിർദേശിച്ചതിൻ പ്രകാരം സ്വീകരിച്ച നടപടികൾ വിശദമാക്കാമോ;

പ്രസ്തുത പ്രവൃത്തികൾ കൂടി അടിയന്തിരമായി പൂ‍ർത്തിയാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം തദ്ദേശസ്വയംഭരണ വകുപ്പില്‍ പുതുതായി എത്ര തസ്തികകള്‍ സൃഷ്ടിച്ചിട്ടുണ്ട് എന്ന് വ്യക്തമാക്കാമോ;

പി.എസ്.സി. വഴി എത്ര പേര്‍ക്ക് നിയമനം നല്‍കിയിട്ടുണ്ടെന്ന് വ്യക്തമാക്കാമോ?

തദ്ദേശസ്വയംഭരണ സ്ഥാപനങ്ങള്‍ക്ക് 2011-12 മുതല്‍ 2015-16 വരെയുള്ള കാലയളവില്‍ സംസ്ഥാന പദ്ധതി അടങ്കലിന്റെ എത്ര ശതമാനം തുകയായിരുന്നു നല്‍കിയതെന്ന് വ്യക്തമാക്കാമോ;

2021-22 മുതൽ 2025-26 നാളിതുവരെയുള്ള കാലയളവില്‍ തദ്ദേശസ്വയംഭരണ സ്ഥാപനങ്ങള്‍ക്ക് നല്‍കിയ തുകയില്‍ സംസ്ഥാന പദ്ധതി അടങ്കലിന്റെ എത്ര ശതമാനം വർദ്ധനവ് ഉണ്ടായിയെന്ന് വ്യക്തമാക്കാമോ?

രാജ്യത്താദ്യമായി തദ്ദേശസ്വയംഭരണ റോഡുകളുടെ ജി.ഐ.എസ്. അധിഷ്ഠിത വിവരശേഖരണം സമയബന്ധിതമായി പൂര്‍ത്തികരിക്കുന്നതിനായി എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കാമോ;

സംസ്ഥാനത്തെ ഓരോ കോര്‍പ്പറേഷന്‍, മുനിസിപ്പാലിറ്റി, ജില്ലാ/ഗ്രാമ പഞ്ചായത്ത് എന്നിവകളുടെ അധീനതയില്‍ വരുന്ന റോഡുകളുടെ ആസ്തിവിവരം പ്രത്യേകം ലഭ്യമാക്കാമോ?

കാട്ടാക്കട മണ്ഡലത്തിലെ കൊല്ലാട് വാര്‍ഡില്‍ കോസ്റ്റ് ഫോർഡ് മുഖാന്തരം നിര്‍മ്മിക്കുന്ന 'ഒപ്പം' വനിതാ മന്ദിരത്തിന്റെ നിലവിലെ സ്ഥിതി വിശദമാക്കാമോ;

മേൽപ്പറഞ്ഞ പ്രവൃത്തിയുടെ രണ്ടാഘട്ട ബിൽ അനുവദിക്കുന്നതിനുണ്ടായ കാലതാമസത്തിന്റെ കാരണം വിശദമാക്കാമോ;

പ്രസ്തുത പദ്ധതിയുടെ രണ്ടാം ഘട്ടത്തിന് സാങ്കേതിക അനുമതി ലഭിച്ചിട്ടുണ്ടോ; ഇല്ലെങ്കിൽ അതിന്റെ കാരണം വ്യക്തമാക്കാമോ;

പ്രസ്തുത പദ്ധതി പൂര്‍ത്തീകരിക്കുന്നതിനായി അടിയന്തര നടപടി സ്വീകരിക്കുമോയെന്ന് വിശദമാക്കാമോ?

വര്‍ക്കല മണ്ഡലത്തില്‍ തദ്ദേശസ്വയംഭരണ റോഡ് പുനരുദ്ധാരണ പദ്ധതി പ്രകാരം അനുവദിച്ച ഗ്രാമീണ റോഡുകളുടെ പ്രവൃത്തി പുരോഗതി വിശദമാക്കാമോ?

ലൈഫ് ഭവന പദ്ധതി പ്രകാരം ഓരോ ജില്ലയിലും അനുവദിച്ച വീടുകളുടെ എണ്ണം വര്‍ഷം തിരിച്ച് വ്യക്തമാക്കാമോ;

ഇവയില്‍ പൂര്‍ത്തീകരിച്ചവ, പൂര്‍ത്തീകരിക്കാത്തവ എന്നിവ വേര്‍തിരിച്ച് വ്യക്തമാക്കാമോ;

ഈ കാലയളവില്‍ പട്ടികജാതി പട്ടികവർഗ്ഗ വിഭാഗങ്ങള്‍ക്ക് അനുവദിച്ച വീടുകളുടെ എണ്ണം ജില്ല തിരിച്ച് വിശദമാക്കാമോ?

2016 മുതല്‍ നാളിതുവരെ ശുചിത്വമിഷന്‍ മുഖേന കായംകുളം മണ്ഡലത്തില്‍ നടപ്പാക്കിയ പദ്ധതികള്‍, അനുവദിച്ച തുക, പദ്ധതിയുടെ പുരോഗതി എന്നിവ വിശദമാക്കാമോ?

കേരളത്തില്‍ നെറ്റ് സീറോ കാര്‍ബണ്‍ പദ്ധതിയുടെ വിജയത്തിന് തദ്ദേശസ്വയംഭരണ വകുപ്പ് തയ്യാറാക്കി നടപ്പിലാക്കുന്ന പദ്ധതികള്‍ വിശദമാക്കാമോ;

കോഴിക്കോട് ജില്ലയില്‍ നെറ്റ് സീറോ കാര്‍ബണ്‍ പദ്ധതി നടപ്പിലാക്കുന്ന തദ്ദേശസ്വയംഭരണ സ്ഥാപനങ്ങള്‍ ഏതെല്ലാമാണ്; വിശദമാക്കാമോ?

തദ്ദേശസ്വയംഭരണ വകുപ്പുമായി ബന്ധപ്പെട്ട് 2025-ലെ ബജറ്റിൽ രണ്ടാം ഘട്ടമായി പ്രഖ്യാപിച്ച തുകയുടെ അടിസ്ഥാനത്തില്‍ എത്ര പദ്ധതികൾക്കാണ് ഭരണാനുമതി ഇതിനകം നല്‍കിയിട്ടുള്ളത്; ആയത് എത്ര രൂപയുടെയാണെന്നും വ്യക്തമാക്കാമോ;

ഇതില്‍ എത്ര പദ്ധതിക്കാണ് ഇതിനകം സാങ്കേതിക അനുമതി ലഭിച്ചിട്ടുള്ളത്; ഇതില്‍ എത്ര പ്രവൃത്തികള്‍ ടെൻഡര്‍ നല്‍കാന്‍ കഴിഞ്ഞിട്ടുണ്ട്; വ്യക്തമാക്കുമോ;

ഇതില്‍ എത്ര പദ്ധതികള്‍ പൂര്‍ത്തീകരിച്ചിട്ടുണ്ട്; എത്ര എണ്ണം കരാറിലേര്‍പ്പെട്ടിട്ടുണ്ട്; അറിയിക്കാമോ?

സംസ്ഥാനത്തെ തദ്ദേശസ്വയംഭരണ സ്ഥാപനങ്ങളിലേക്ക് തെരഞ്ഞെടുക്കപ്പെട്ട ജനപ്രതിനിധികൾക്ക് അലവൻസ്, സിറ്റിംഗ് ഫീ ഇനങ്ങളിൽ എത്ര രൂപ വീതമാണ് നൽകിവരുന്നത്; വ്യക്തമാക്കാമോ;

ഇവർക്ക് യാത്രാബത്തക്ക് അർഹതയുണ്ടോ; എങ്കിൽ ടി.എ, ഡി.എ. ഇനത്തിൽ എത്ര രൂപ വീതം അനുവദിക്കുന്നതിനാണ് വ്യവസ്ഥ ചെയ്തിട്ടുളളത്; വ്യക്തമാക്കാമോ;

ജനപ്രതിനിധികൾ നടത്തുന്ന ഔദ്യോഗിക യാത്രകൾക്ക് ഭരണസമിതിയുടെ മുൻകൂർ അനുമതി ആവശ്യമുണ്ടോ; വ്യക്തമാക്കാമോ?

മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി ഫണ്ട് അനുവദിച്ച മലപ്പുറം മണ്ഡലത്തിലെ മങ്ങാട്ടുപുലം ഹാജിയാർ പള്ളി തുക്കുപാലത്തിന്റെ പുനർനിർമ്മാണ നടപടികൾ ഇപ്പോൾ ഏതു ഘട്ടത്തിലാണ്; വിശദാംശം നൽകുമോ;

ടെണ്ടർ നടപടികൾ പൂർത്തീകരിച്ചിട്ടുണ്ടോ; പ്രവൃത്തികൾ എന്നത്തേക്ക്‌ ആരംഭിക്കുമെന്ന് വെളിപ്പെടുത്തുമോ;

പുതുക്കിയ ഭരണാനുമതി തുക എത്രയെന്നും നിർമ്മാണ കാലാവധി എന്നുവരെയെന്നും ചുമതല ആർക്കാണെന്നും വെളിപ്പെടുത്തുമോ?

കാസര്‍ഗോഡ് ജില്ലയിലെ തദ്ദേശസ്വയംഭരണ സ്ഥാപനങ്ങളില്‍ ഒഴിവുളള ജീവനക്കാരുടെ എണ്ണം തസ്തികയും സ്ഥാപനവും തിരിച്ച് വ്യക്തമാക്കാമോ;

പ്രസ്തുത ഒഴിവുകള്‍ എത്ര കാലമായി തുടരുന്നുവെന്ന് തസ്തികയും സ്ഥാപനവും തിരിച്ച് വ്യക്തമാക്കാമോ;

ഒഴിവുകള്‍ നികത്തപ്പെടാതെ തുടരുന്നത് എന്തുകൊണ്ടാണെന്നും പരിഹാരനടപടികള്‍ എപ്പോള്‍ ഉണ്ടാകുമെന്നും വ്യക്തമാക്കാമോ;

ജില്ലയില്‍ എത്ര പഞ്ചായത്ത് സെക്രട്ടറിമാരെ അവസാനമായി നിയമിച്ചിട്ടുണ്ടെന്നും അത് എപ്പോഴാണെന്നും പഞ്ചായത്ത് തിരിച്ച് വ്യക്തമാക്കാമോ?

ലൈഫ് ഭവന പദ്ധതി പ്രകാരം കാസര്‍ഗോഡ് ജില്ലയില്‍ നിലവില്‍ എത്ര വീടുകള്‍ പൂര്‍ത്തിയാക്കിയിട്ടുണ്ടെന്നും ഇനിയും എത്ര വീടുകള്‍ പൂര്‍ത്തീകരിക്കേണ്ടതുണ്ടെന്നും അറിയിക്കാമോ?

ലെെഫ് ഭവന പദ്ധതി പ്രകാരം സംസ്ഥാനത്ത് ഇതുവരെ പൂര്‍ത്തീകരിച്ച വീടുകളുടെയും ഭവന സമുച്ചയങ്ങളുടെയും എണ്ണം ജില്ല തിരിച്ച് ലഭ്യമാക്കുമോ;

കോര്‍പ്പറേഷനുകളിലും നഗരസഭകളിലും സ്ഥല ലഭ്യതക്കുറവുള്ളതിനാല്‍ ഭവന സമുച്ചയങ്ങള്‍ നിര്‍മ്മിക്കുന്നതിന് മുന്‍തൂക്കം നല്‍കാന്‍ ഉദ്ദേശിക്കുന്നുണ്ടോ;

പ്രസ്തുത സ്ഥലങ്ങളിലെ സ്ഥല ലഭ്യതക്കുറവുമൂലം തൊട്ടടുത്ത പ‍ഞ്ചായത്തുകളിലെ സ്ഥല ലഭ്യതയ്ക്കനുസരിച്ച് ഭവന സമുച്ചയങ്ങളും അതിനോടനുബന്ധിച്ച് മറ്റു പശ്ചാത്തല സൗകര്യവും കൂടി ലഭ്യമാക്കത്തക്കവിധം പദ്ധതികള്‍ ആസൂത്രണം ചെയ്യുമോ; വ്യക്തമാക്കുമോ?

സംസ്ഥാനത്തെ തദ്ദേശസ്വയംഭരണ റോഡ് വികസനത്തിനായി സര്‍ക്കാര്‍ നേരിട്ട് തുക നല്‍കി നടപ്പാക്കുന്ന സി.എം.എൽ.ആർ.ആർ.പി (ചീഫ് മിനിസ്റ്റേഴ്സ് ലോക്കല്‍ റോഡ് റിബില്‍ഡ് പ്രോജക്ട്) പദ്ധതിയുടെ ഒന്നാംഘട്ട പ്രവര്‍ത്തനത്തിന്റെ പുരോഗതി വിലയിരുത്തിയിട്ടുണ്ടോ;

ഏതെല്ലാം ജില്ലകളില്‍ എത്ര പദ്ധതികള്‍ വീതം ഏറ്റെടുത്തിരുന്നുവെന്നും അതിനായി എത്ര രൂപയുടെ ഭരണാനുമതി നല്‍കിയിരുന്നതായും അറിയിക്കുമോ;

സി.എം.എൽ.ആർ.ആർ.പി.-യില്‍ ഉള്‍പ്പെടുത്തി ഇതിനകം എത്ര കിലോമീറ്റര്‍ റോ‍ഡ് നവീകരിച്ചിട്ടുണ്ട്; അതിനായി എത്ര തുക ചെലവഴിച്ചിട്ടുണ്ട്; വ്യക്തമാക്കാമോ;

പ്രസ്തുത പദ്ധതിയുടെ രണ്ടാംഘട്ട പ്രവര്‍ത്തനം ആരംഭിച്ചിട്ടുണ്ടോ; എങ്കില്‍ വിശദമാക്കാമോ?

മാലിന്യമുക്ത കേരളത്തിനായി തദ്ദേശസ്വയംഭരണ വകുപ്പിന്റെ നേതൃത്വത്തിൽ സംസ്ഥാന വ്യാപകമായി പരിശോധന നടത്തുന്നതിന് ഓപ്പറേഷൻ ക്ലീൻ സ്വീപ്പ് എന്ന പദ്ധതിക്ക് രൂപം നൽകിയിട്ടുണ്ടോ; എങ്കില്‍ വിശദമാക്കാമോ;

ശുചിത്വ നിയമങ്ങള്‍ കര്‍ശനമായി നടപ്പാക്കാൻ വകുപ്പ് തുടര്‍ച്ചയായി നടത്തുന്ന നടപടികളുടെ ഭാഗമായുണ്ടായ പുരോഗതി വ്യക്തമാക്കാമോ;

ഏതെല്ലാം തരത്തിലുള്ള ശുചിത്വ ചട്ടലംഘനങ്ങള്‍ കണ്ടെത്താന്‍ കഴിഞ്ഞിട്ടുണ്ടെന്നും അതിലൂടെ എത്ര തുക പിഴ ഈടാക്കാന്‍ സാധിച്ചിട്ടുണ്ടെന്നും അറിയിക്കാമോ;

ഓപ്പറേഷന്‍ ക്ലീന്‍ സ്വീപ്പ് പദ്ധതി വ്യാപിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കാമോ?

ഈ സര്‍ക്കാര്‍ നിലവിൽ വന്നതു മുതൽ നാളിതുവരെ തദ്ദേശസ്വയംഭരണ എഞ്ചീനീയറിംഗ് വകുപ്പ്, എം.എല്‍.എ.-എസ്.‍ഡി.എഫ് (സ്പെഷ്യൽ ഡെവലപ്മെന്റ് ഫണ്ട് ), എ.ഡി.എസ് (അസറ്റ് ഡെവലപ്മെന്റ് ഫണ്ട്), സി.എം.എല്‍.ആര്‍.ആര്‍.പി (ചീഫ് മിനിസ്റ്റേഴ്‌സ് ലോക്കൽ റോഡ് റീബില്‍ഡ് പ്രോഗ്രാം), വെള്ളപ്പൊക്ക ദുരന്ത നിവാരണ പദ്ധതി എന്നിവയില്‍ ഉള്‍പ്പെടുത്തി മാവേലിക്കര മണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദവിവരവും തല്‍സ്ഥിതിയും ലഭ്യമാക്കുമോ?

2016 മുതല്‍ നാളിതുവരെ തദ്ദേശസ്വയംഭരണ വകുപ്പിന്റെ വിവിധ ഫണ്ടുകള്‍, നബാര്‍ഡ് ഫണ്ടുകള്‍ ഇവ പ്രയോജനപ്പെടുത്തി ഉടുമ്പന്‍ചോല മണ്ഡലത്തില്‍ അനുവദിച്ച പ്രവൃത്തികള്‍, ഓരോ പ്രവൃത്തിക്കും അനുവദിച്ച തുക, ഓരോ പ്രവൃത്തിയുടെയും നിര്‍മ്മാണ പുരോഗതി എന്നിവ സംബന്ധിച്ച വിശദംശം പഞ്ചായത്ത് തിരിച്ച് നല്‍കാമോ?

ഉടുമ്പൻചോല മണ്ഡലത്തിൽ ലൈഫ് ഭവന നിർമ്മാണ പദ്ധതി പ്രകാരം ആകെ അനുവദിച്ച വീടുകളിൽ നിർമ്മാണം പൂർത്തിയായവ, നിർമ്മാണം പൂർത്തിയാകാനുളളവ എന്നിവ സംബന്ധിച്ച വിശദാംശം പഞ്ചായത്ത് തിരിച്ച് ലഭ്യമാക്കാമോ?

സംസ്ഥാനത്തെ എല്ലാ തദ്ദേശസ്വയംഭരണ സ്ഥാപനങ്ങളിലും കെ-സ്മാർട്ട് സോഫ്റ്റ്‌വെയർ വഴി ജനങ്ങൾക്ക് സേവനങ്ങൾ ലഭിക്കുന്നതിലുണ്ടായ കാലതാമസം എത്രത്തോളം കുറയ്ക്കാൻ സാധിച്ചുവെന്ന് വിശദമാക്കാമോ;

നഗരസഭകളിൽ നടപ്പിലാക്കിയ ഈ സംവിധാനം ഗ്രാമപഞ്ചായത്തുകളിലേക്ക് വ്യാപിപ്പിക്കുന്നതിനുള്ള പ്രവർത്തനങ്ങൾ ഏത് ഘട്ടത്തിലാണ്; എല്ലാ പഞ്ചായത്തുകളിലും ഇത് ലഭ്യമാക്കുന്നതിന് നിശ്ചയിച്ചിട്ടുള്ള സമയപരിധി വ്യക്തമാക്കാമോ;

കെ-സ്മാർട്ട് നടപ്പിലാക്കിയതുമായി ബന്ധപ്പെട്ട് ജനന-മരണ സർട്ടിഫിക്കറ്റുകൾ, വിവാഹ രജിസ്ട്രേഷൻ, കെട്ടിട നിർമ്മാണ അനുമതി എന്നിവ ലഭിക്കുന്നതിൽ പ്രവാസികൾ നേരിടുന്ന സാങ്കേതിക തടസ്സങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കിൽ പരിഹാര നടപടികൾ എന്തെല്ലാമാണെന്ന് വ്യക്തമാക്കാമോ;

പഞ്ചായത്തുകളിലെ ഇന്റർനെറ്റ് സൗകര്യം, ഉദ്യോഗസ്ഥർക്കുള്ള പരിശീലനം, പഴയ ഫയലുകളുടെ ഡിജിറ്റൈസേഷൻ എന്നിവ കെ-സ്മാർട്ട് വ്യാപനത്തിനായി പൂർത്തിയാക്കിയിട്ടുണ്ടോ; ഇതിനായി തദ്ദേശസ്വയംഭരണ സ്ഥാപനങ്ങൾക്ക് അധിക ഫണ്ട് അനുവദിച്ചിട്ടുണ്ടോ; വിശദമാക്കാമോ;

കെ-സ്മാർട്ട് സോഫ്റ്റ്‌വെയർ ഉപയോഗിക്കുമ്പോൾ ഉണ്ടാകുന്ന സാങ്കേതിക തകരാറുകൾ (സെര്‍വര്‍/ടെക്നിക്കല്‍) പരിഹരിക്കുന്നതിനും പൊതുജനങ്ങൾക്ക് സഹായം നൽകുന്നതിനുമായി സംസ്ഥാന തലത്തിലോ ജില്ലാ തലത്തിലോ പ്രത്യേക ഹെൽപ്പ് ഡെസ്ക് സംവിധാനം നിലവിലുണ്ടോ; വിശദാംശം നൽകുമോ?

പാലാ നിയോജക മണ്ഡലത്തിലെ മീനച്ചല്‍ ഗ്രാമപഞ്ചായത്തില്‍ പൊന്നൊഴുകുംതോട് പാലത്തിന്റെ അപ്രോച്ച് റോഡ് നിര്‍മ്മാണവുമായി ബന്ധപ്പെട്ട് പൊതുമരാമത്ത് വകുപ്പിന്റെ ഡെപ്പോസിറ്റ് ഹെഡിലേയ്ക്ക് തുക നിക്ഷേപിക്കുന്നതുമായി ബന്ധപ്പെട്ട ഫയലിന്റെ ( No. LSGD/PD/11430/2025-EW6) നിജസ്ഥിതി വ്യക്തമാക്കാമോ;

വര്‍ഷങ്ങളുടെ കാലതാമസം എടുക്കുന്ന പ്രസ്തുത അപ്രോച്ച് റോഡ് നിര്‍മ്മാണം ജനങ്ങളുടെ ബുദ്ധിമുട്ട് പരിഗണിച്ച് സമയബന്ധിതമായി പൂര്‍ത്തീകരിക്കുവാന്‍ നടപടി സ്വീകരിക്കുമോ; വിശദമാക്കാമോ?

ഹരിപ്പാട് മണ്ഡലത്തില്‍ തദ്ദേശസ്വയംഭരണ വകുപ്പ് എഞ്ചിനീയറിംഗ് വിഭാഗത്തിന്റെ നേതൃത്വത്തില്‍ നിയോജകമണ്ഡലം ആസ്തി വികസന പദ്ധതി, എം.എൽ.എ. എസ്.ഡി.എഫ്, എം.പി. ഫണ്ട്, മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതി, ആര്‍.കെ.ഐ, പി.എം.ജി.എസ്.വൈ. എന്നിവ വിനിയോഗിച്ച് 2021-26 കാലയളവിൽ പൂർത്തീകരിച്ച വിവിധ പ്രവൃത്തികളുടെയും നിർവ്വഹണം നടന്നു വരുന്നതുമായ പ്രവൃത്തികളുടെയും ഇനം തിരിച്ച് വർഷം തിരിച്ചുള്ള പുരോഗതിയുടെ വിശദാംശം ലഭ്യമാക്കാമോ?

2021 മുതല്‍ പ്രധാനമന്ത്രി ഗ്രാമ സഡക് യോ‍‍‍ജന പദ്ധതിയില്‍ ഉള്‍പ്പെടുത്തി പൂഞ്ഞാർ മണ്ഡലത്തിൽ ഏതെല്ലാം റോഡുകളാണ് നവീകരിക്കുന്നതെന്ന് അറിയിക്കാമോ; ഇതിനായി വകയിരുത്തിയിട്ടുള്ള തുക, പ്രവൃത്തിയുടെ നിലവിലെ സ്ഥിതി എന്നീ വിശദാംശം ലഭ്യമാക്കാമോ?

എളവള്ളി ഗ്രാമപഞ്ചായത്തിലെ എഞ്ചിനീയറിംഗ് വിഭാഗത്തില്‍ ഓവര്‍സീയര്‍ തസ്തികകള്‍ ഒഴിഞ്ഞ് കിടക്കുകയാണെന്നും സമീപ പഞ്ചായത്തുകളില്‍ നിന്നുമെത്തുന്ന ഓവര്‍സീയര്‍മാരുടെ സേവനം ആഴ്ചയില്‍ രണ്ടു ദിവസം മാത്രമാണുള്ളതെന്നും ശ്രദ്ധയില്‍പ്പെട്ടിട്ടുണ്ടോ;

ജിവനക്കാരുടെ അപര്യാപ്തത പഞ്ചായത്തിന്റെ പ്രവ‍ർത്തനങ്ങളെ ബാധിക്കാനിടയുള്ളതിനാൽ പ്രസ്തുത ഒഴിവുകള്‍ അടിയന്തരമായി നികത്തുന്നതിന് നടപടി സ്വീകരിച്ചിട്ടുണ്ടോ എന്ന് അറിയിക്കാമോ;

ഇല്ലെങ്കില്‍ അതിനുള്ള നടപടി സ്വീകരിക്കുമോ; വ്യക്തമാക്കുമോ?

വൈപ്പിൻ മണ്ഡലത്തിൽ ലൈഫ് പദ്ധതി പ്രകാരം വീട് നിർമ്മാണത്തിന് തുക അനുവദിച്ചിട്ടും സി.ആർ.ഇസഡ് (Coastal Regulation Zone ) നിയമ പ്രകാരം വീട് നിർമ്മാണം സാധ്യമാകാത്ത എത്ര ഗുണഭോക്താക്കൾ ഉണ്ടെന്ന് പഞ്ചായത്ത് അടിസ്ഥാനത്തിൽ വെളിപ്പെടുത്താമോ;

പ്രസ്തുത ഗുണഭോക്താക്കളില്‍ പട്ടികജാതി പട്ടികവര്‍ഗ്ഗ വിഭാഗങ്ങളില്‍പ്പെട്ടവര്‍ എത്രപേര്‍ ഉണ്ടെന്ന് വ്യക്തമാക്കാമോ;

കാലപ്പഴക്കത്താല്‍ ജീര്‍ണ്ണിച്ച ഗൃഹങ്ങളില്‍ താമസിക്കുന്ന ഇവർക്ക് വീട് എന്ന സ്വപ്നം യാഥാര്‍ത്ഥ്യമാക്കുന്നതിനായി വൈപ്പിൻ മണ്ഡലത്തിലെ ഞാറയ്ക്കൽ പഞ്ചായത്തിൽ 1997 ൽ ജില്ലാ കളക്ടർ പട്ടികജാതി പട്ടികവർഗ്ഗ വിഭാഗങ്ങൾക്ക് ഭവന നിർമ്മാണത്തിനായി അനുവദിച്ച ഭൂമിയിൽ ഫ്ലാറ്റ് നിർമ്മിച്ച് പുനരധിവസിപ്പിക്കാൻ നടപടി സ്വീകരിക്കുമോ; വിശദമാക്കാമോ?

കട്ടിപ്പാറ ഗ്രാമപ‍ഞ്ചായത്തിലെ നിലവിലുള്ള സെക്രട്ടറിക്കെതിരെ ആക്ഷേപം നല്‍കിയിട്ടുണ്ടോയെന്നും അതിന് ആധാരമായിട്ടുള്ള വസ്തുതകള്‍ എന്താണെന്നും വിശദമാക്കാമോ;

ഈ വിഷയത്തില്‍ സമഗ്രമായ അന്വേഷണം നടത്തുന്നതിന് നടപടികള്‍ സ്വീകരിക്കുമോ; വ്യക്തമാക്കുമോ?

സംസ്ഥാനത്തെ ഭവനരഹിതർക്കായി നടപ്പിലാക്കുന്ന ലൈഫ് മിഷൻ പദ്ധതിയുടെ നിലവിലെ പുരോഗതിയുടെ വിശദാംശം വ്യക്തമാക്കാമോ; വിവിധ ഘട്ടങ്ങളിലായി ഇതുവരെ പൂർത്തീകരിച്ച വീടുകളുടെ എണ്ണം ജില്ല തിരിച്ചുള്ള കണക്കുകൾ സഹിതം ലഭ്യമാക്കാമോ;

ലൈഫ് മിഷൻ പദ്ധതിയുടെ മൂന്നാം ഘട്ടത്തിൽ ഗുണഭോക്താക്കളായി തിരഞ്ഞെടുക്കപ്പെട്ട പലർക്കും ധനസഹായം ലഭിക്കുന്നതിൽ വലിയ കാലതാമസം നേരിടുന്നതായി ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ഇതിനുള്ള കാരണം വ്യക്തമാക്കാമോ; ആയത് പരിഹരിക്കാന്‍ സ്വീകരിച്ച നടപടികള്‍ വിശദമാക്കാമോ;

സംസ്ഥാനത്ത് ലൈഫ് മിഷന്‍ പ്രഖ്യാപിച്ചത് മുതല്‍ നാളിതുവരെ എത്ര പട്ടികജാതി പട്ടികവര്‍ഗ്ഗ കുടുംബങ്ങള്‍ക്ക് വീടുകള്‍ നിര്‍മ്മിച്ചു നല്‍കിയിട്ടുണ്ട്; ജില്ലാ തിരിച്ചുള്ള വിവരങ്ങളും, ആയതിനായി എത്ര തുക ചെലവഴിച്ചിട്ടുണ്ടെന്നും വ്യക്തമാക്കാമോ;

ലൈഫ് മിഷൻ വഴി നിർമ്മിക്കുന്ന ഫ്ലാറ്റ് സമുച്ചയങ്ങളുടെ നിർമ്മാണ പ്രവർത്തനങ്ങൾ ഏത് ഘട്ടത്തിലാണെന്ന് വ്യക്തമാക്കാമോ;

ലൈഫ് മിഷൻ പദ്ധതിയുടെ മൂന്ന് ഘട്ടങ്ങളിലായി ഇതുവരെ പൂർത്തീകരിച്ച വീടുകളുടെ എണ്ണം ലഭ്യമാക്കാമോ; ഓരോ ഘട്ടത്തിലും വിനിയോഗിച്ച തുകയുടെ വിശദാംശങ്ങളും, ഈ പദ്ധതിക്കായി ധനസമാഹരണം നടത്തിയ സ്രോതസ്സുകളും വെളിപ്പെടുത്താമോ?

കോട്ടക്കല്‍ നിയോജക മണ്ഡലത്തിലെ വളാഞ്ചേരി സബ്ട്രഷറി കെട്ടിട നിര്‍മ്മാണത്തിനായി ഗ്രാമവികസന വകുപ്പിന്റെ കൈവശമുള്ള കുറ്റിപ്പുറം ബ്ലോക്ക് പഞ്ചായത്ത് കോമ്പൗണ്ടിലെ പത്ത് സെന്റ് സ്ഥലം ലഭ്യമാക്കണമെന്ന വിഷയത്തിന്മേല്‍ തദ്ദേശ സ്വയംഭരണ(ആർ.ഇ) വകുപ്പിൽ ആര്‍.ഇ3/139/2025- ത.സ്വ.ഭ.വ. നമ്പർ ഫയലിൽ സ്വികരിച്ച് വരുന്ന നടപടികള്‍ വിശദമാക്കുമോ;

പ്രസ്തുത വിഷയം സംബന്ധിച്ച് തദ്ദേശസ്വയംഭരണ വകുപ്പില്‍ നിന്നും ആവശ്യപ്പെട്ട പ്രകാരമുള്ള റിപ്പോര്‍ട്ട് നിയമ വകുപ്പിൽ നിന്നും ലഭ്യമായിട്ടുണ്ടോ; ഭൂമി കൈമാറുന്നത് സംബന്ധിച്ചുള്ള നടപടിക്രമങ്ങള്‍ ഏത് ഘട്ടത്തിലാണെന്ന് വിശദമാക്കാമോ?

കാട്ടാക്കട മണ്ഡലത്തില്‍ 6 പഞ്ചായത്തുകളിലായി അനുമതി ലഭ്യമായ തദ്ദേശസ്വയംഭരണ റോഡ് പുനരുദ്ധാരണ പ്രവൃത്തികളുടെ നിര്‍മ്മാണ പ്രവര്‍ത്തനങ്ങള്‍ക്ക് കാലതാമസമുണ്ടാകുന്നതിന്റെ കാരണങ്ങള്‍ എന്തെന്നും ഓരോ പ്രവൃത്തിയും എന്ന് പൂര്‍ത്തിയാക്കാനാകുമെന്നുമുള്ള വിശദാംശങ്ങളും പഞ്ചായത്ത് തിരിച്ച് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ലൈഫ് ഭവന പദ്ധതിയില്‍ ഉള്‍പ്പെടുത്തി പട്ടികജാതി പട്ടികവർഗ്ഗ വിഭാഗത്തില്‍പ്പെട്ട എത്ര പേര്‍ക്ക് വീട് നിര്‍മിച്ച് നല്‍കിയിട്ടുണ്ടെന്നും അതിന് എത്ര തുക ചെലവഴിച്ചിട്ടുണ്ടെന്നും ജില്ല തിരിച്ച് വ്യക്തമാക്കാമോ;

മേല്‍പ്പറഞ്ഞ കാലയളവില്‍ പട്ടികജാതി വികസന വകുപ്പും പട്ടികവർഗ്ഗ വികസന വകുപ്പും ലൈഫ് ഭവന പദ്ധതിയിലേക്ക് ഓരോ സാമ്പത്തിക വര്‍ഷവും എത്ര തുക നല്‍കിയിട്ടുണ്ടെന്ന് വിശദമാക്കാമോ?

സ്വകാര്യ വ്യക്തികള്‍,ട്രസ്റ്റുകള്‍ തുടങ്ങിയവരുടെ സ്വകാര്യ ഭൂമി പൊതു ഗതാഗതത്തിനും മറ്റ് പൊതു ആവശ്യത്തിനും ഗ്രാമപഞ്ചായത്ത്‌ ഏറ്റെടുക്കുന്നതിനെ തുടര്‍ന്ന് അവ ആസ്തി രജിസ്റ്ററില്‍ ഉള്‍പ്പെടുത്തുന്ന നിലവിലെ രീതി സംബന്ധിച്ച വിശദാംശം നല്‍കാമോ;

ഇത്തരത്തില്‍ ഭൂമി പൊതു ആവശ്യത്തിനായി നല്‍കുന്നവര്‍ അവ രജിസ്റ്റര്‍ ചെയ്ത് നല്‍കണമെന്ന് ഉത്തരവുണ്ടോ; എങ്കില്‍ ഉത്തരവിന്റെ പകര്‍പ്പ് നല്‍കാമോ;

സ്വമേധയാ സ്ഥലം പൊതു ആവശ്യത്തിന് വിട്ടു കൊടുക്കുന്നവര്‍ രജിസ്ട്രേഷന്‍ തുടങ്ങിയ നിബന്ധനകള്‍ കാരണം അതിന് വൈമുഖ്യം കാണിക്കുന്നുവെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ മുന്‍കാലങ്ങളില്‍ അവലംബിച്ചിരുന്ന രീതി തുടരുന്നതിനുള്ള അനുമതി നല്‍കുമോ; വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി മണ്ഡലത്തില്‍ ലൈഫ് ഭവന പദ്ധതിയില്‍ ഉള്‍പ്പെടുത്തി എത്ര വീടുകളുടെ നിര്‍മ്മാണം പൂര്‍ത്തീകരിച്ചുവെന്നും എത്ര വീടുകളുടെ നിര്‍മ്മാണം പുരോഗമിക്കുന്നു എന്നും പഞ്ചായത്ത് തിരിച്ച് വ്യക്തമാക്കുമോ;

ഓരോ പ‍ഞ്ചായത്തിലും ലൈഫ് പദ്ധതിയില്‍ വീടുകള്‍ ലഭിച്ചവരുടെ പട്ടിക ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം ലൈഫ് ഭവന പദ്ധതിയില്‍ ഉള്‍പ്പെടുത്തി ഒറ്റപ്പാലം മണ്ഡലത്തില്‍ എത്ര പട്ടികജാതി പട്ടികവർഗ്ഗ കുടുംബങ്ങള്‍ക്ക് വീ‍ട് നിര്‍മ്മിച്ച് നല്‍കിയിട്ടുണ്ടെന്നും അതിനായി എത്ര തുക ചെലവഴിച്ചുവെന്നും വ്യക്തമാക്കാമോ;

ഇതില്‍ ഭൂരഹിതരായ എത്രപേര്‍ക്ക് സ്ഥലം കണ്ടെത്തി വീട് നിര്‍മ്മിച്ച് നല്‍കിയെന്ന് വ്യക്തമാക്കാമോ?

ഗോശ്രീ ദ്വീപ് വികസന അതോറിറ്റിയുടെ (ജിഡയുടെ) ധനസഹായത്തോടെ നിര്‍മ്മിക്കുന്നതും പൊതുമരാമത്ത് വകുപ്പ് ഭരണാനുമതി നല്‍കിയിട്ടുള്ളതും കോടതിയില്‍ ഫയല്‍ ചെയ്യപ്പെട്ടിട്ടുള്ള കേസില്‍ വിധി ഉണ്ടായിട്ടും തദ്ദേശ സ്വയംഭരണ വകുപ്പിന്റെ പരിഗണനയിലുള്ള വൈപ്പിന്‍ മണ്ഡലത്തിലെ കടമക്കുടി ഗ്രാമ പഞ്ചായത്തിലെ കോതാട്-ചേന്നൂര്‍ പാലം നിര്‍മ്മാണം സംബന്ധിച്ച ഫയലിൽ തീരുമാനം എടുക്കുന്നതില്‍ നേരിടുന്ന കാലതാമസത്തിന് കാരണം വിശദമാക്കാമോ;

കോടതി വിധി വന്നിട്ടും ദിവസങ്ങളോളം ഫയൽ കെട്ടിക്കിടക്കുന്ന അവസ്ഥ പരിശോധിച്ച് പ്രസ്തുത ഫയലിൽ അടിയന്തര തീരുമാനം ലഭ്യമാക്കി പാലത്തിന്റെ നിര്‍മ്മാണം ആരംഭിക്കാന്‍ നടപടി സ്വീകരിക്കുമോ?

നെടുംങ്കണ്ടം ഗ്രാമപഞ്ചായത്തില്‍ അക്കൗണ്ടന്റ് തസ്തിക ഒഴിവായി കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത തസ്തികയിലെ ഒഴിവ് നികത്തുന്നതിന് നടപടി സ്വീകരിക്കുമോ;

നെടുംങ്കണ്ടം ഗ്രാമപ‍ഞ്ചായത്തിലെ എഞ്ചിനീയറിംഗ് വിഭാഗത്തില്‍ അസിസ്റ്റന്റ് എ‍ഞ്ചിനീയറുടെ ഒഴിവ് നികത്തുന്നതിന് നടപടി സ്വീകരിക്കുമോ?

പയ്യന്നൂർ നഗരസഭ ഏത് ഗ്രേഡിൽ വരുന്ന നഗരസഭയാണെന്ന് വ്യക്തമാക്കാമോ;

പയ്യന്നൂ‍ർ നഗരസഭയെ ഒന്നാം ഗ്രേഡ് ആയി ഉയർത്തി ഉത്തരവായെങ്കിലും നിലവിലെ സ്റ്റാഫ് പാറ്റേൺ ഏത് ഗ്രേഡിൽ വരുന്ന നഗരസഭയ്ക്ക് തുല്ല്യമാണെന്ന് വ്യക്തമാക്കാമോ;

പയ്യന്നൂർ നഗരസഭയിൽ ഒന്നാം ഗ്രേ‍ഡ് നഗരസഭയ്ക്ക് ആനുപാതികമായ തസ്തികകൾ അനുവദിക്കാൻ ആവശ്യമായ നടപടികൾ പരിഗണനയിലുണ്ടോ; വിശദമാക്കാമോ?

സംസ്ഥാനത്തെ നഗരസഭകളില്‍ പദ്ധതി വിഹിതതുക കൂടാതെ കിഫ്ബി തുടങ്ങിയ മറ്റു ഫണ്ടുകള്‍ ഉപയോഗിച്ച് എന്തെല്ലാം നിര്‍മ്മാണ വികസന പ്രവര്‍ത്തനങ്ങളാണ് 2016 മുതൽ 2026 നാളിതുവരെയുള്ള കാലയളവില്‍ നടപ്പാക്കിയതെന്ന് അറിയിക്കാമോ;

ആയവയിൽ പൂര്‍ത്തീകരിച്ച പദ്ധതികളും പ്രവൃത്തി പുരോഗമിക്കുന്നവയും ഏതെല്ലാമാണെന്ന് അറിയിക്കാമോ; ഓരോന്നിനും എത്ര തുക വീതമാണ് ചെലവഴിച്ചതെന്ന് വ്യക്തമാക്കാമോ?

കിഫ്ബി പദ്ധതിയില്‍ ഉള്‍പ്പെടുത്തി ഭരണാനുമതി ലഭ്യമായിട്ടുള്ള കോട്ടക്കല്‍ മണ്ഡലത്തിലെ വളാഞ്ചേരി നഗരസഭാ കെട്ടിട നിര്‍മ്മാണ പ്രവൃത്തിയുടെ നിലവിലെ പുരോഗതി വിശദമാക്കാമോ; പ്രവൃത്തിയുടെ പുതുക്കിയ എസ്റ്റിമേറ്റ് തയ്യാറാക്കി സമർപ്പിച്ചിട്ടുണ്ടോ; വിശദമാക്കാമോ;

പ്രസ്തുത പ്രവൃത്തിക്ക് കിഫ്ബിയുടെ പുതുക്കിയ സാമ്പത്തികാനുമതിയും സാങ്കേതികാനുമതിയും ലഭ്യമായിട്ടുണ്ടോ; പ്രസ്തുത പ്രവൃത്തി എന്നത്തേക്ക് ആരംഭിക്കാന്‍ കഴിയുമെന്ന് വിശദമാക്കുമോ?

കൂത്തുപറമ്പ് നഗരസഭയില്‍ ആധുനിക രീതിയിലുള്ള ബസ്‌സ്റ്റാന്റ് ടെര്‍മിനല്‍ നിര്‍മ്മിക്കാന്‍ നഗരസഭയുടെ കണ്ണായ സ്ഥലത്ത് 10.75 ഏക്കര്‍ സ്ഥലം നഗരസഭ വില കൊടുത്ത് വാങ്ങിയെങ്കിലും ആവശ്യമായ ഫണ്ട് ലഭ്യമല്ലാത്തതിനാല്‍ തുടര്‍നടപടികള്‍ സ്വീകരിക്കാന്‍ സാധിക്കാത്ത കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

സംസ്ഥാനത്തെ മികവുറ്റതും സൗകര്യപ്രദവും പാര്‍ക്കിംഗ് സൗകര്യത്തോടുകൂടിയതുമായ അത്യാധുനിക രീതിയിലുള്ള ബസ്‌സ്റ്റാന്റ് ടെര്‍മിനലിന്റെ നിര്‍മ്മാണത്തിന് ആവശ്യമായ പ്രത്യേക ഫണ്ട് അനുവദിക്കുന്നതിന് നടപടികള്‍ സ്വീകരിക്കുമോ; വിശദമാക്കുമോ?

സംസ്ഥാന ബജറ്റിൽ ഉൾപ്പെടുത്തിയിട്ടുള്ള കോഴിക്കോട് കോർപ്പറേഷനിലെ വേങ്ങരി മിനി സ്റ്റേഡിയം, കണ്ണാടിക്കൽ പകൽ വീട് എന്നീ പ്രവൃത്തികളുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തികള്‍ സമയബന്ധിതമായി പൂര്‍ത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വ്യക്തമാക്കാമോ?

നഗര പ്രദേശത്തെ ആളുകൾക്ക് പാർപ്പിട സൗകര്യം ഏർപ്പെടുത്തുന്നതിനുള്ള പി.എം.എ.വൈ.യു (പ്രധാനമന്ത്രി ആവാസ് യോജന) പദ്ധതിയുടെ രണ്ടാം ഘട്ടത്തിൽ സംസ്ഥാനം അംഗമാകാത്തതിനാൽ നിരവധി പേർക്ക് ഭവനനിർമ്മാണ ആനുകൂല്യം നഷ്ടപ്പെടുന്ന സാഹചര്യം ഉണ്ടാകുന്നത് ശ്രദ്ധയില്‍പെട്ടിട്ടുണ്ടോ; എങ്കില്‍ പദ്ധതിയിൽ അംഗമാകാതെ ഇരിക്കുന്നതിനുള്ള കാരണം എന്താണെന്ന് വ്യക്തമാക്കുമോ;

പ്രസ്തുത പദ്ധതി പ്രകാരം നാളിതുവരെ എത്രപേർക്ക് ഭവനനിർമ്മാണത്തിന് സഹായം അനുവദിച്ചിട്ടുണ്ട്; എത്ര വീടുകൾ പൂർത്തീകരിച്ചിട്ടുണ്ട്; വിശദമാക്കുമോ;

ഈ പദ്ധതിയുടെ ഭാഗമായി നാളിതുവരെ സംസ്ഥാനത്തിന് എത്ര തുക ലഭിച്ചിട്ടുണ്ട്; എത്ര തുക ചെലവഴിച്ചിട്ടുണ്ട്; വിശദാംശങ്ങൾ വ്യക്തമാക്കുമോ;

സംസ്ഥാന താൽപര്യങ്ങൾക്ക് വിരുദ്ധമായ എന്തെങ്കിലും വ്യവസ്ഥകൾ ഉൾപ്പെടുത്തിയതിനാലാണോ പദ്ധതിയുടെ രണ്ടാം ഘട്ടത്തിൽ നിന്ന് പിന്മാറിയത്; വ്യക്തമാക്കുമോ; അല്ലെങ്കിൽ പദ്ധതിയിൽ അംഗമായി അർഹതപ്പെട്ടവർക്ക് ആനുകൂല്യം ലഭ്യമാക്കുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?