ഇടുക്കി ജില്ലയിലെ അടിമാലി ഗ്രാമപഞ്ചായത്തിലെ ഇരുമ്പുപാലത്ത് ബിവറേജസ് ഔട്ട് ലെറ്റ് സ്ഥാപിക്കുന്നതിന് അനുമതി നൽകിയിട്ടുണ്ടോ; എങ്കിൽ പ്രസ്തുത ഔട്ട് ലെറ്റ് സ്ഥാപിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

2016-17 മുതല്‍ മാവേലിക്കര മണ്ഡലത്തില്‍ എക്സൈസ് വകുപ്പ് അനുവദിച്ചതും നടപ്പിലാക്കിയതുമായ പദ്ധതികളുടെ വിശദ വിവരം ലഭ്യമാക്കുമോ; മണ്ഡലത്തില്‍ ചെലവഴിച്ച തുക എത്രയെന്ന് അറിയിക്കാമോ?

കുട്ടനാട്ടിൽ എക്സൈസ് വകുപ്പിന് കൂടുതൽ സൗകര്യങ്ങൾ ലഭ്യമാക്കാൻ സ്വീകരിച്ചുവരുന്ന നടപടികൾ എന്തൊക്കെയാണെന്ന് വ്യക്തമാക്കാമോ;

കുട്ടനാടിന്റെ ഭൂപ്രകൃതി കണക്കിലെടുത്ത് പട്രോളിംഗിനായി സ്പീഡ് ബോട്ടുകൾ ലഭ്യമാക്കാൻ നടപടികൾ ഉണ്ടാകുമോ; എങ്കിൽ വിശദാംശം ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ഉദുമ മണ്ഡലത്തില്‍ എക്സൈസ് വകുപ്പ് മുഖേന നടപ്പിലാക്കിയ പദ്ധതികളുടെ വിശദവിവരം നല്‍കാമോ?

സംസ്ഥാനത്ത് എക്സൈസ് വകുപ്പ് മുഖേന നടപ്പിലാക്കുന്ന ലഹരി വിരുദ്ധ ക്യാമ്പയിനുകളുടെയും പദ്ധതികളുടെയും വിശദാംശം ലഭ്യമാക്കാമോ;

സ്കൂളുകള്‍ കേന്ദ്രീകരിച്ചുള്ള ലഹരി മാഫിയകളുടെ പ്രവര്‍ത്തനം തടയുന്നതിനായി സ്വീകരിച്ച നടപടികളും പദ്ധതികളും വിശദമാക്കാമോ?

മുന്‍ സര്‍ക്കാരിന്റെയും ഈ സര്‍ക്കാരിന്റെയും കാലയളവില്‍ വര്‍ക്കല മണ്ഡത്തിലെ എക്സൈസ് ഓഫീസുകളുടെ നിര്‍മ്മാണത്തിനായി എത്ര രൂപയുടെ ഫണ്ട് അനുവദിച്ചിട്ടുണ്ടെന്ന് വിശദമാക്കാമോ;

എക്സൈസ് ഓഫീസുകളുടെ പ്രവര്‍ത്തനം മെച്ചപ്പെടുത്തുന്നതിനായി സ്വീകരിച്ചിട്ടുള്ള നടപടികള്‍ വിശദമാക്കാമോ?

എക്സൈസ് വകുപ്പിനു കീഴില്‍ പുനലൂർ നിയോജക മണ്ഡലത്തിൽ കഴിഞ്ഞ സര്‍ക്കാരിന്റെ കാലയളവില്‍ അനുവദിച്ചതും എന്നാല്‍ 2021 മാർച്ചിന് മുന്‍പ് പൂര്‍ത്തിയാക്കാന്‍ കഴിയാത്തതുമായ വിവിധ പ്രവൃത്തികളുടെ/പദ്ധതികളുടെ വിശദാംശം ലഭ്യമാക്കാമോ; പ്രസ്തുത കാലയളവില്‍ അനുവദിച്ച പ്രവൃത്തികളില്‍/പദ്ധതികളില്‍ നിലവില്‍ നടപ്പിലുള്ളവയുടെ വിശദാംശം ലഭ്യമാക്കാമോ;

നിലവിലെ സർക്കാർ അധികാരത്തിൽ വന്നതിനുശേഷം എക്സൈസ് വകുപ്പിന് കീഴില്‍ പുനലൂർ മണ്ഡലത്തിൽ അനുവദിച്ച വിവിധ പ്രവൃത്തികളുടെ വിശദാംശം, ഓരോ പ്രവൃത്തിയുടെയും പേരും അനുവദിച്ച തുകയും പദ്ധതി നിര്‍വഹണ ഏജന്‍സിയുടെ വിവരങ്ങളും സഹിതം ലഭ്യമാക്കാമോ;

പ്രസ്തുത പ്രവൃത്തികളിൽ പൂർത്തിയാക്കിയിട്ടുള്ളവയുടെ വിശദാംശവും നടപ്പിലാക്കിവരുന്ന പ്രവൃത്തികളുടെ നിലവിലെ സ്ഥിതിയും ആയവ എപ്പോള്‍ പൂർത്തിയാക്കാൻ സാധിക്കുമെന്നുമുള്ള വിവരവും ലഭ്യമാക്കുമോ;

എക്സൈസ് വകുപ്പിന് കീഴില്‍ പുനലൂർ മണ്ഡലത്തില്‍ പുതുതായി നടപ്പാക്കാനുദ്ദേശിയ്ക്കുന്ന പ്രവൃത്തികള്‍ /പദ്ധതികള്‍ ഉണ്ടെങ്കില്‍ അവയുടെ വിശദാംശം ലഭ്യമാക്കാമോ?

സംസ്ഥാനത്ത് 2016 മുതല്‍ രജിസ്റ്റർ ചെയ്ത മയക്കുമരുന്ന് കേസുകളുടെ എണ്ണം ജില്ല തിരിച്ചു എത്രയാണെന്നും, ഇവയിൽ സംഘടിത മാഫിയ സംഘങ്ങളുടെ പങ്കാളിത്തം കണ്ടെത്തിയ കേസുകളുടെ എണ്ണം എത്രയാണെന്നും, യുവജനങ്ങള്‍ വിദ്യാര്‍ഥി വിദ്യാര്‍ഥിനികള്‍ ഉള്‍പ്പെട്ട കേസുകളുടെ എണ്ണം എത്രയാണെന്നും, ഏത് ജില്ലയിലാണ് കൂടുതല്‍ കേസുകള്‍ രജിസ്റ്റര്‍ ചെയ്തിരിക്കുന്നതെന്നും, പിടിച്ചെടുത്ത ലഹരി വസ്തുക്കളുടെ വിപണി മൂല്യം എത്രയാണെന്നും അറിയിക്കാമോ;

ഈ കേസുകളിൽ അന്തർസംസ്ഥാനമോ അന്തർദേശീയമോ ആയ ബന്ധങ്ങൾ കണ്ടെത്തിയിട്ടുണ്ടോ; എങ്കിൽ വിശദാംശങ്ങൾ എന്തൊക്കെയാണെന്ന് വെളിപ്പെടുത്താമോ;

2016 മുതൽ ഇതുവരെ പോലീസ്, എക്സൈസ്, എൻസിബി എന്നിവയുടെ സംയുക്ത ഓപ്പറേഷനുകളിൽ പിടിച്ചെടുത്ത മയക്കുമരുന്നുകളുടെ തരം, അളവ്, കണക്കാക്കിയ വിപണി മൂല്യം എത്രയാണെന്നും, മയക്കുമരുന്ന് വ്യാപാരത്തിലൂടെ സമ്പാദിച്ചതായി കണ്ടെത്തിയ സ്വത്തുക്കൾ കണ്ടുകെട്ടിയ കേസുകളുടെ എണ്ണം എത്രയാണെന്നും അറിയിക്കാമോ;

സ്കൂളുകൾ, കോളേജുകൾ, ഹോസ്റ്റലുകൾ, സ്കൂള്‍ കോളേജ് പരിസരങ്ങളിലുള്ള കടകള്‍ എന്നിവ കേന്ദ്രീകരിച്ച് ലഹരി വ്യാപാരം നടക്കുന്നുവെന്ന പരാതികൾ സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; ഓൺലൈൻ പ്ലാറ്റ്‌ഫോമുകൾ, സോഷ്യൽ മീഡിയ, ഡാർക്ക് വെബ് തുടങ്ങിയവ വഴി നടക്കുന്ന ലഹരി വ്യാപാരം കണ്ടെത്തിയ കേസുകളുടെ എണ്ണം എത്രയാണെന്നും ഇവ തടയുന്നതിന് സ്വീകരിച്ച നടപടികള്‍ എന്തെല്ലാമാണെന്നും അറിയിക്കാമോ;

തുറമുഖങ്ങൾ, വിമാനത്താവളങ്ങൾ, അന്തർസംസ്ഥാന അതിർത്തികൾ വഴി നടക്കുന്ന ലഹരി കടത്തിനെ തടയാൻ സ്വീകരിച്ച പ്രത്യേക നടപടികൾ എന്തൊക്കെയാണ്; വ്യക്തമാക്കാമോ;

സംസ്ഥാനത്ത് ലഹരി വ്യാപനവും വിപണനവും തടയുന്നതിനും ലഹരി വിമുക്ത കേരളം പദ്ധതി നടപ്പിലാക്കുന്നതിനുമായി സര്‍ക്കാര്‍ സ്വീകരിച്ച നടപടികള്‍, ലഹരി സംബന്ധമായ നിയമങ്ങളിലെ പഴുതുകള്‍ ഇല്ലാതാക്കി നിയമം കര്‍ശനമാക്കാന്‍ കേന്ദ്രവുമായി യോജിച്ച് സ്വീകരിച്ച നടപടികള്‍, അവയുടെ പുരോഗതി എന്നിവ അറിയിക്കാമോ?

കോഴിക്കോട് നഗരത്തില്‍ മാളുകളും വിദ്യാഭ്യാസ സ്ഥാപനങ്ങളും കേന്ദ്രീകരിച്ച് മയക്കുമരുന്ന് വില്‍പ്പനയും ഉപയോഗവും വര്‍ദ്ധിച്ചു വരുന്നു എന്ന ആരോപണങ്ങള്‍ ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ഇത് തടയുന്നതിന്/കുറച്ചു കൊണ്ട് വരുന്നതിന് സ്വീകരിച്ചു വരുന്ന നടപടികള്‍ വിശദമാക്കാമോ?

പാലക്കാട് എലപ്പുള്ളിയിലെ ബ്രൂവറിക്ക് നൽകിയ അംഗീകാരം റദ്ദാക്കിയ സംഭവം ശ്രദ്ധയിൽപ്പെട്ടിട്ടുണ്ടോ;

സർക്കാരിന്റെ ഭാഗത്തു നിന്നുമുണ്ടായ വീഴ്ചകള്‍ കാരണമാണോ പാലക്കാട് എലപ്പുള്ളിയിലെ ബ്രൂവറിക്ക് നൽകിയ അംഗീകാരം ഹൈക്കോടതി റദ്ദാക്കിയത്; എങ്കിൽ പ്രസ്തുത വീഴ്ചകൾ ഏതൊക്കെയെന്ന് വിശദമാക്കാമോ;

നടപടിക്രമങ്ങൾ പാലിക്കാതെ പാലക്കാട് എലപ്പുള്ളിയിലെ ബ്രൂവറിക്ക് അനുമതി നൽകി എന്ന് പറയപ്പെടുന്ന സംഭവത്തിൽ അന്വേഷണം നടത്തി കുറ്റക്കാർക്കെതിരെ നടപടി സ്വീകരിക്കുമോ; വ്യക്തമാക്കാമോ?

മുൻ സർക്കാരിന്റെ കാലം മുതൽ നാളിതുവരെ എക്സൈസ് വകുപ്പിന് കീഴിലുള്ള വിവിധ സ്ഥാപനങ്ങളിൽ എത്ര കരാർ, ദിവസ വേതന ജീവനക്കാരെ നിയമിച്ചിട്ടുണ്ടെന്ന് സ്ഥാപനം തിരിച്ചു വിശദമാക്കാമോ;

മേൽപ്പറഞ്ഞവരിൽ എത്ര പേരെ നാളിതുവരെ സ്ഥിരപ്പെടുത്തിയിട്ടുണ്ടെന്ന് വ്യക്തമാക്കാമോ;

കരാർ ജീവനക്കാരെ സ്ഥിരപ്പെടുത്തുന്നതിന് നിലവിൽ എന്തെങ്കിലും നടപടികൾ സ്വീകരിക്കാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

ഈ സർക്കാരിന്റെ കാലത്ത് എക്സൈസ് വകുപ്പ് മുഖാന്തരം പിടിച്ചെടുത്ത ലഹരി ഉല്പന്നങ്ങളും അവയുടെ അളവും ഇനം തിരിച്ച് വിശദമാക്കാമോ;

ഈ സര്‍ക്കാരിന്റെ കാലത്ത് എന്‍ ഡി പി എസ് നിയമവുമായി ബന്ധപ്പെട്ട് എത്ര കേസുകള്‍ രജിസ്റ്റര്‍ ചെയ്തിട്ടുണ്ടെന്നും എത്രപേര്‍ ശിക്ഷിക്കപ്പെട്ടിട്ടുണ്ടെന്നും വിശദമാക്കാമോ?

2016 ൽ നിലവിലുണ്ടായിരുന്ന സർക്കാരിന്റെ കാലാവധി കഴിയുന്ന സമയത്ത് സംസ്ഥാനത്ത് എത്ര കള്ള്ഷാപ്പ്, ബിവറേജസ് ഔട്ട്‍ലെറ്റുകള്‍, ബാറുകൾ എന്നിവയുണ്ടായിരുന്നെന്ന് വ്യക്തമാക്കുമോ;

സംസ്ഥാനത്ത് നിലവിൽ കള്ള്ഷാപ്പ്, ബീവ്റേജസ് ഔട്ട്‍ലെറ്റുകള്‍, ബാറുകൾ എന്നിവ എത്രയെണ്ണമെന്ന് വ്യക്തമാക്കുമോ;

2016 മുതൽ നാളിതുവരെ മദ്യ ഷാപ്പുകൾ തുടങ്ങുന്നതിന് അനുവാദം നൽകാൻ തദ്ദേശസ്ഥാപനങ്ങൾക്കും മറ്റുമുണ്ടായിരുന്ന നിയന്ത്രണങ്ങളിൽ ഏതെല്ലാം ഇളവുകൾ അനുവദിച്ചിട്ടുണ്ടെന്ന് വ്യക്തമാക്കുമോ?

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ഭാഗമായി സംസ്ഥാനത്ത് പ്രവര്‍ത്തിക്കുന്ന തൊഴിലാളികളുടെ ജില്ല തിരിച്ചുള്ള കണക്ക് ലഭ്യമാക്കാമോ;

കേന്ദ്ര സര്‍ക്കാരിന്റെ പരിഷ്കരിച്ച നിയമ പ്രകാരം ഇതുമായി ബന്ധപ്പെട്ട് സംസ്ഥാനത്തിനുണ്ടായ ആശങ്കകള്‍ എന്തെല്ലാമെന്ന് വ്യക്തമാക്കാമോ;

പുതിയ നിയമ പ്രകാരം കുറയുന്ന കേന്ദ്രവിഹിതം എത്രയാണെന്ന വിശദാംശം ലഭ്യമാക്കാമോ;

തൊഴിലുറപ്പ് പദ്ധതി പൂര്‍ണ്ണമായും ഇല്ലാതാക്കാനുള്ള കേന്ദ്ര സര്‍ക്കാര്‍ നയം പുതിയ നിയമത്തിലൂടെ ആസൂത്രിതമായി നടപ്പാക്കാന്‍ ശ്രമിക്കുന്നത് തടയുന്നതിലേക്കായി വിവിധ സംസ്ഥാനങ്ങളുമായി സഹകരിച്ച് സംസ്ഥാന സര്‍ക്കാര്‍ ഏതെല്ലാം തുടര്‍നടപടികളാണ് ലക്ഷ്യമിടുന്നതെന്ന് വ്യക്തമാക്കുമോ?

2016 മുതല്‍ നാളിതുവരെ മലമ്പുഴ മണ്ഡലത്തില്‍ ലൈഫ് പദ്ധതി പ്രകാരം ആകെ എത്ര വീടുകള്‍ അനുവദിച്ചിട്ടുണ്ട് എന്നതിന്റെ വിശദാംശം പഞ്ചായത്ത് തിരിച്ച് ലഭ്യമാക്കാമോ;

ഇതില്‍ എത്ര വീടുകളുടെ നിര്‍മ്മാണം പൂര്‍ത്തിയാക്കിയെന്നും എത്ര വീടുകളുടെ നിര്‍മ്മാണം പൂര്‍ത്തിയാക്കാനുണ്ടെന്നും അറിയിക്കാമോ?

സംസ്ഥാന ബഡ്ജറ്റില്‍ ഫണ്ട് വകയിരുത്തിയ കോഴിക്കോട് പീപ്പിള്‍സ് റോ‍ഡ് നവീകരണത്തിനു തദ്ദേശസ്വയംഭരണ വകുപ്പ് എന്തെല്ലാം നടപടികളാണ് സ്വീകരിച്ചത്;

പ്രസ്തുത പദ്ധതിയുടെ തുടര്‍നടപടികള്‍ സ്വീകരിക്കുന്നതില്‍ കാലതാമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത കാലതാമസം പരിഹരിച്ച് പ്രവൃത്തി ആരംഭിക്കുന്നതിന് അടിയന്തിര നടപടികള്‍ സ്വീകരിക്കുമോ?

ഈ സർക്കാർ അധികാരത്തിൽ വന്ന ശേഷം ചാത്തന്നൂർ നിയോജക മണ്ഡലത്തിലെ പരവൂർ നഗരസഭയിലും പൂതക്കുളം, ചിറക്കര, കല്ലുവാതുക്കൽ, ചാത്തന്നൂർ, ആദിച്ചനല്ലൂർ, പൂയപ്പള്ളി എന്നീ ഗ്രാമപഞ്ചായത്തുകളിലും ലൈഫ് ഭവന പദ്ധതി വഴി എത്ര വീടുകൾ അനുവദിച്ചിട്ടുണ്ടെന്ന വിശദാംശം തദ്ദേശ സ്വയംഭരണസ്ഥാപന അടിസ്ഥാനത്തില്‍ അറിയിക്കാമോ;

മേൽപ്പറഞ്ഞ തദ്ദേശസ്വയംഭരണ സ്ഥാപനങ്ങളിൽ പട്ടികജാതി വിഭാഗത്തിൽപ്പെട്ട എത്ര പേർക്ക് വസ്തുവും വീടും അനുവദിച്ചിട്ടുണ്ടെന്നും എത്രപേർക്ക് വീട് മാത്രം അനുവദിച്ചിട്ടുണ്ടെന്നും തദ്ദേശസ്വയംഭരണ സ്ഥാപന അടിസ്ഥാനത്തില്‍ അറിയിക്കാമോ?

ആലത്തൂര്‍ മണ്ഡലത്തില്‍ തദ്ദേശ റോഡ് പുനരുദ്ധാരണ പദ്ധതിയുടെ ഭാഗമായി നടന്നുവരുന്ന പ്രവൃത്തികളുടെ പുരോഗതി വിശദമാക്കാമോ;

പ്രസ്തുത പ്രവൃത്തികള്‍ എന്നത്തേക്ക് പൂര്‍ത്തിയാക്കാന്‍ കഴിയുമെന്ന് വ്യക്തമാക്കാമോ?

കാസര്‍ഗോഡ്, കണ്ണൂര്‍ ജില്ലകളിലായി തദ്ദേശസ്വയംഭരണ വകുപ്പുകളിലെ വിവിധ ഓഫീസുകളിലായി എത്ര ഒഴിവുകള്‍ നിലവിലുണ്ടെന്ന് അറിയിക്കുമോ;

അതില്‍ പി.എസ്.സി. വഴി നികത്താനുള്ള എത്ര ഒഴിവുകളുണ്ടെന്നും താല്‍ക്കാലികമായി നികത്തിയത് എത്ര ഒഴിവുകളാണെന്നും അറിയിക്കാമോ?

ഈ സര്‍ക്കാരിന്റെ കാലത്ത് കല്ല്യാശ്ശേരി മണ്ഡലത്തില്‍ റോഡുകളുടെ വികസനത്തിനായി തദ്ദേശസ്വയംഭരണ സ്ഥാപനങ്ങള്‍ ആകെ എത്ര തുക ചെലവഴിച്ചിട്ടുണ്ട്; ആകെ എത്ര കിലോമീറ്റര്‍ റോഡ് നവീകരിച്ചിട്ടുണ്ട്; തദ്ദേശസ്വയംഭരണ സ്ഥാപനങ്ങള്‍ തിരിച്ച് വിവരം ലഭ്യമാക്കാമോ;

ഈ സര്‍ക്കാരിന്റെ കാലത്ത് കല്ല്യാശ്ശേരി മണ്ഡലത്തിലെ പൊതുവിദ്യാലയങ്ങളുടെ അടിസ്ഥാന സൗകര്യ വികസനത്തിനായി ജില്ലാ പഞ്ചായത്ത് ഉള്‍പ്പെടെ ഓരോ തദ്ദേശസ്വയംഭരണ സ്ഥാപനവും ആകെ എത്ര തുക ചെലവഴിച്ചിട്ടുണ്ട്; വിദ്യാലയങ്ങള്‍ തിരിച്ച് വിശദാംശം നൽകാമോ;

ഈ സര്‍ക്കാരിന്റെ കാലത്ത് കല്ല്യാശ്ശേരി മണ്ഡലത്തിലെ ആരോഗ്യകേന്ദ്രങ്ങളുടെ അടിസ്ഥാന - പശ്ചാത്തല സൗകര്യ വികസനത്തിനായി ജില്ലാ പഞ്ചായത്ത് ഉള്‍പ്പെടെ ഓരോ തദ്ദേശസ്വയംഭരണ സ്ഥാപനവും ആകെ എത്ര തുക ചെലവഴിച്ചിട്ടുണ്ട്; ആശുപത്രി അടിസ്ഥാനത്തില്‍ വിശദാംശം നൽകാമോ?

അതിദരിദ്രരില്ലാത്ത കേരളം എന്ന പ്രഖ്യാപനത്തിന്റെ ഭാഗമായി സംസ്ഥാനത്താകെ എത്ര കു‍ടുംബങ്ങളുടെ സംരക്ഷണമാണ് ഉറപ്പാക്കാനായതെന്ന് വ്യക്തമാക്കുമോ; അതിദാരിദ്ര്യ നിര്‍മ്മാര്‍ജ്ജനത്തിന്റെ ലക്ഷ്യങ്ങളും രീതികളും നടത്തിയ പ്രവര്‍ത്തനങ്ങളും വിശദമാക്കാമോ;

കാട്ടാക്കട നിയോജക മണ്ഡലത്തിലെ ആറ് പഞ്ചായത്തുകളിലായി എത്ര അതിദരിദ്രരെ കണ്ടെത്തി സംരക്ഷണം ഉറപ്പാക്കാനായെന്ന് പ‍ഞ്ചായത്ത് തിരിച്ച് വിവരം ലഭ്യമാക്കാമോ?

വര്‍ക്കല നിയോജക മണ്ഡലത്തില്‍ എം.എല്‍.എ.യുടെ ആസ്തി വികസന പദ്ധതി പ്രകാരം തദ്ദേശസ്വയംഭരണ വകുപ്പിനെ നിര്‍വഹണ ഏജന്‍സിയായി ചുമതലപ്പെടുത്തിയ പ്രവൃത്തികളുടെ ടെസ്റ്റര്‍ സേവിംഗ്സ് തുക എത്രയെന്ന് വ്യക്തമാക്കാമോ;

ആയതില്‍ എത്ര രൂപയ്ക്ക് പുതിയ പദ്ധതികള്‍ നിര്‍ദ്ദേശിക്കുവാന്‍ കഴിയുമെന്ന് വിശദമാക്കാമോ?

കഴിഞ്ഞ സർക്കാരിന്റെ കാലം മുതൽ നാളിതുവരെ തദ്ദേശസ്വയംഭരണ വകുപ്പിന് കീഴിലുള്ള വിവിധ സ്ഥാപനങ്ങളിൽ എത്ര കരാർ, ദിവസ വേതന ജീവനക്കാരെ നിയമിച്ചിട്ടുണ്ട്; വിശദാംശം സ്ഥാപനം തിരിച്ചു വ്യക്തമാക്കുമോ ;

മേൽപ്പറഞ്ഞവരിൽ എത്ര പേരെ നാളിതുവരെ സ്ഥിരപ്പെടുത്തിയിട്ടുണ്ട്; വിശദാംശം വ്യക്തമാക്കുമോ; കരാർ ജീവനക്കാരെ സ്ഥിരപ്പെടുത്തുന്നതിന് നിലവിൽ എന്തെങ്കിലും നടപടികൾ സ്വീകരിക്കാൻ ഉദ്ദേശിക്കുന്നുണ്ടോ; വിശദാംശം വ്യക്തമാക്കുമോ?

2021 മുതല്‍ പ്രധാനമന്ത്രി ഗ്രാമ സഡക് യോ‍‍‍ജന പദ്ധതിയില്‍ ഉള്‍പ്പടുത്തി മലമ്പുഴ മണ്ഡലത്തിലെ ഏതെല്ലാം റോഡുകളാണ് നവീകരിക്കുന്നതെന്ന് അറിയിക്കാമോ; ഇതിനായി വകയിരുത്തിയിട്ടുള്ള തുക, പ്രവൃത്തിയുടെ നിലവിലെ സ്ഥിതി എന്നീ വിശദാംശങ്ങള്‍ ലഭ്യമാക്കാമോ?

2016 മുതല്‍ തദ്ദേശസ്വയംഭരണ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി മാവേലിക്കര നിയോജകമണ്ഡലത്തില്‍ അനുവദിച്ച പ്രവൃത്തികളുടെ പേരും അനുവദിച്ച തുകയും അവയുടെ നിലവിലെ സ്ഥിതിയും വിശദമാക്കുമോ;

2016 മുതല്‍ റീബില്‍ഡ് കേരള ഇനിഷ്യേറ്റീവ് പദ്ധതിയില്‍ ഉള്‍പ്പെടുത്തി മാവേലിക്കര നിയോജകമണ്ഡലത്തില്‍ അനുവദിച്ച പ്രവൃത്തികളുടെ പേരും അനുവദിച്ച തുകയും അവയുടെ നിലവിലെ സ്ഥിതിയും വിശദമാക്കുമോ?

കഴിഞ്ഞ സര്‍ക്കാരും നിലവിലെ സര്‍ക്കാരും ലെെഫ് മിഷന്‍ പദ്ധതിയിലൂടെ നാളിതുവരെ എത്ര കുടുംബങ്ങള്‍ക്ക് പാര്‍പ്പിട സൗകര്യം നല്‍കിയെന്ന് വ്യക്തമാക്കാമോ;

സര്‍ക്കാര്‍ കണക്കുകള്‍ പ്രകാരം ഇത്തരത്തില്‍ സംസ്ഥാനത്ത് ഇനിയും പാര്‍പ്പിട സൗകര്യം ഉറപ്പാക്കേണ്ട കുടുംബങ്ങളുടെ എണ്ണം എത്രയെന്നും ഇവര്‍ക്കായുള്ള പാര്‍പ്പിട സൗകര്യം സമയബന്ധതിമായി ഉറപ്പാക്കാന്‍ സ്വീകരിച്ചു വരുന്ന പ്രവര്‍ത്തനങ്ങള്‍ എന്തൊക്കെയാണെന്നും വ്യക്തമാക്കാമോ?

കാട്ടാക്കട നിയോജക മണ്ഡലത്തിലെ ആറു പഞ്ചായത്തുകളിലായി ലൈഫ് ഭവന പദ്ധതി പ്രകാരം പൂര്‍ത്തിയാക്കിയ വീടുകള്‍, ഇനിയും പൂര്‍ത്തിയാക്കാനുള്ളവ, ലഭിച്ച അപേക്ഷകള്‍ എന്നിവ പ‍ഞ്ചായത്ത് തിരിച്ച് വിശദമാക്കാമോ;

കാട്ടാക്കട പഞ്ചായത്തില്‍ നിര്‍മ്മിച്ച ലൈഫ് ഭവന സമുച്ചയത്തിന് എത്ര രൂപയുടെ ഭരണാനുമതിയാണ് ലഭ്യമായത്; നിര്‍മ്മാണം ആരംഭിച്ചതും പൂര്‍ത്തിയാക്കിയതും എന്നാണ്; എത്ര കുടുംബങ്ങള്‍ക്കാണ് അവിടെ താമസമൊരുക്കിയത്; വിശദാംശങ്ങള്‍ ലഭ്യമാക്കാമോ?

തദ്ദേശസ്വയംഭരണ സ്ഥാപനങ്ങളില്‍ നിലവില്‍ എത്ര ശതമാനം പ്രദേശങ്ങളിലാണ് ശാസ്ത്രീയമായ മാലിന്യ സംസ്കരണ സംവിധാനം കാര്യക്ഷമമായി നടപ്പിലാക്കുന്നത്; വിശദാംശം നല്‍കുമോ;

മാലിന്യ ശേഖരണം, വേര്‍തിരിക്കല്‍, സംസ്കരണം എന്നിവയില്‍ പരാജയപ്പെടുന്ന തദ്ദേശസ്വയംഭരണ സ്ഥാപനങ്ങള്‍ക്കെതിരെ സ്വീകരിച്ചിട്ടുള്ള നടപടികള്‍ എന്തെല്ലാമാണ്; വിശദമാക്കുമോ;

ജൈവ മാലിന്യവും അജൈവ മാലിന്യവും ഉറവിടത്തില്‍ തന്നെ വേര്‍തിരിക്കാന്‍ ജനങ്ങളെ ബോധവത്കരിക്കുന്നതിനായി സര്‍ക്കാര്‍ ആവിഷ്‌കരിച്ച പദ്ധതികള്‍ ഏതെല്ലാമാണ്; പ്രസ്തുത പദ്ധതികളുടെ നിലവിലെ പുരോഗതി വ്യക്തമാക്കാമോ;

തദ്ദേശസ്വയംഭരണ സ്ഥാപനങ്ങള്‍ക്ക്, ഹരിത കർമ്മ സേന മുഖേനയുള്ള മാലിന്യ സംസ്കരണ പദ്ധതികള്‍ക്കായി അനുവദിച്ച സാമ്പത്തിക സഹായത്തിന്റെ വിശദാംശം നല്‍കുമോ; ഫണ്ട് വിനിയോഗത്തില്‍ ഉണ്ടായ അപാകതകള്‍ കണ്ടെത്തിയിട്ടുണ്ടോ;

മാലിന്യ പ്രശ്നം മൂലം ഉണ്ടാകുന്ന ആരോഗ്യ പരിസ്ഥിതി പ്രശ്നങ്ങള്‍ പരിഹരിക്കുന്നതിന് സര്‍ക്കാര്‍ ആസൂത്രണം ചെയ്തിരിക്കുന്ന അടിയന്തരവും ദീര്‍ഘകാലവുമായ നടപടികള്‍ എന്തെല്ലാമാണ്; വ്യക്തമാക്കുമോ?

അതിദാരിദ്ര്യമെന്നത് വരുമാനത്തിന്റെ അഭാവം മാത്രമല്ലെന്നതും ശേഷികളുടെ അഭാവം മൂലം അടിസ്ഥാന സ്വാതന്ത്ര്യം തന്നെ നിഷേധിക്കപ്പെടുന്ന അവസ്ഥയാണെന്നതും ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കഴിഞ്ഞ അര നൂറ്റാണ്ടിനിടയിൽ ദാരിദ്ര്യം ഗണ്യമായി കുറയ്ക്കാൻ സംസ്ഥാനത്തിന് കഴിഞ്ഞിട്ടുണ്ടോ; അവശേഷിച്ചവരെക്കൂടി കണ്ടെത്തി അതിദാരിദ്ര്യം നിർമാർജനം ചെയ്യാനുള്ള പദ്ധതിയിലുടെ കേരളം ചരിത്രനേട്ടം കൈവരിച്ചതായി കണക്കാക്കുന്നുണ്ടോയെന്ന് വിശദമാക്കാമോ;

വിവിധ വകുപ്പുകൾ നൽകുന്ന നിലവിലുള്ള എല്ലാ സാമൂഹ്യക്ഷേമ പദ്ധതികളെയും സേവനങ്ങളെയും അതിദാരിദ്ര്യനിർമാർജന പദ്ധതിയുടെ കുടക്കീഴില്‍ കൊണ്ടുവരുന്നതിന് കഴിഞ്ഞിട്ടുണ്ടോ; വിശദമാക്കാമോ?

സി.എം.എൽ ആർ.ആർ.പി. പദ്ധതി പ്രകാരം കാട്ടാക്കട നിയോജക മണ്ഡലത്തിലെ 6 പഞ്ചായത്തുകളിലായി അനുവദിച്ച റോഡുകളുടെ പേരും, തുകയും നിലവിലെ സ്ഥിതിയും വിശദമാക്കാമോ;

തദ്ദേശ റോഡ് പുനരുദ്ധാരണ പദ്ധതി (2024-25) പ്രകാരം കാട്ടാക്കട മണ്ഡലത്തിലെ 6 പഞ്ചായത്തുകളിലായി അനുവദിച്ച റോഡുകളും, തുകയും നിലവിലെ സ്ഥിതിയും പഞ്ചായത്ത് തിരിച്ച് വിശദമാക്കാമോ?

കെ-സ്മാര്‍ട്ട് മുഖേന എന്തെല്ലാം സേവനങ്ങളാണ് ലഭ്യമാക്കുന്നത് എന്ന് വിശദമാക്കാമോ;

കെ-സ്മാര്‍ട്ട് മുഖേന സംസ്ഥാനത്ത് എത്ര ഉപഭോക്താക്കൾക്ക് സേവനം ലഭ്യമാക്കിയിട്ടുളളതെന്ന് കണക്കാക്കിയിട്ടുണ്ടോ;

എങ്കിൽ ജില്ല തിരിച്ച് കണക്കുകൾ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം സംസ്ഥാനത്ത് തെരുവു നായ്ക്കളുടെ കടിയേറ്റതിനാലും പേവിഷബാധ മൂലവും മരിച്ചവരുടെയും ചികിത്സ തേടിയവരുടെയും ജില്ല തിരിച്ചുള്ള കണക്കുകൾ ലഭ്യമാക്കാമോ;

തെരുവു നായ ആക്രമണത്തിന് ഇരയാകുന്നവർക്കും കടിയേറ്റ് വളർത്തു മൃഗങ്ങൾ ചത്ത കർഷകർക്കും നൽകി വരുന്ന നഷ്ടപരിഹാര തുകയുടെ മാനദണ്ഡം വ്യക്തമാക്കാമോ; ഇത്തരത്തില്‍ എത്ര ആളുകള്‍ക്ക് നഷ്ടപരിഹാരം നല്കിയിട്ടുണ്ട്; ജില്ല തിരിച്ച് വിശദാംശം നല്‍കാമോ; സുപ്രീം കോടതി നിർദ്ദേശിച്ച ജസ്റ്റിസ് സിരിജഗൻ കമ്മിറ്റി മുഖേന ഇതുവരെ എത്ര പേർക്ക് നഷ്ടപരിഹാരം നൽകിയിട്ടുണ്ട്; വ്യക്തമാക്കാമോ;

തെരുവു നായ്ക്കളുടെ വന്ധ്യംകരണത്തിനായി നടപ്പിലാക്കുന്ന അനിമൽ ബർത്ത് കൺ‍‍ട്രോള്‍ (എ.ബി.സി) പദ്ധതി നിലവിൽ എത്ര തദ്ദേശസ്വയംഭരണ സ്ഥാപനങ്ങളിൽ സജീവമായി നടക്കുന്നുണ്ട് എന്ന് വ്യക്തമാക്കാമോ; പല ജില്ലകളിലും എ.ബി.സി. സെന്ററുകൾ സാങ്കേതിക കാരണങ്ങളാൽ അടഞ്ഞു കിടക്കുന്നത് ശ്രദ്ധയിൽപ്പെട്ടിട്ടുണ്ടോ; ഇവ പുനരാരംഭിക്കാൻ സ്വീകരിച്ച അടിയന്തര നടപടികൾ എന്തെല്ലാമാണ്; അറിയിക്കാമോ;

കുടുംബശ്രീ യൂണിറ്റുകളെ വന്ധ്യംകരണ ചുമതലയിൽ നിന്ന് ഒഴിവാക്കിയ ഹൈക്കോടതി ഉത്തരവിനെ തുടർന്ന് പകരം സംവിധാനങ്ങൾ പൂർണ്ണതോതിൽ പ്രവർത്തന സജ്ജമായിട്ടുണ്ടോയെന്ന് വ്യക്തമാക്കാമോ?

ജനകീയ ഇടപെടലിലൂടെ വികസന നേട്ടങ്ങൾ കൈവരിക്കാൻ കഴിഞ്ഞിട്ടുള്ള സംസ്ഥാനമെന്ന നിലയിൽ മാലിന്യ നിർമാർജ്ജനത്തിന് ലോകത്തിന് മാതൃകയാകുന്ന പ്രവർത്തനങ്ങൾ കേരളം ഏറ്റെടുക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാനത്തെ മാലിന്യ നിർമാർജ്ജന രംഗത്ത് സ്റ്റാർട്ടപ്പുകൾക്കും നിക്ഷേപകർക്കും അവസരമൊരുക്കുവാന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

വീടുകളിലും സ്ഥാപനങ്ങളിലും ഉണ്ടാകുന്ന അജൈവ പാഴ് വസ്തുക്കൾ നേരിട്ട് കൈമാറുന്നതിനായി ക്ലീൻ കേരള കമ്പനിയുടെ "ഇക്കോ ബാങ്ക്സ് " എന്ന പുതിയ സംരംഭത്തിന് തുടക്കമായിട്ടുണ്ടോ; വിശദമാക്കാമോ;

സംസ്ഥാനത്ത് ശാസ്ത്രീയ ദ്രവ മാലിന്യ പരിപാലന സംവിധാനങ്ങളൊരുക്കി മുഴുവൻ ജലാശയങ്ങളേയും മാലിന്യ മുക്തമായി സംരക്ഷിക്കുന്ന പ്രവർത്തനങ്ങളുടെ പുരോഗതി വിലയിരുത്തിയിട്ടുണ്ടോ; വ്യക്തമാക്കുമോ?

തെരുവുനായ്ക്കളെ വന്ധ്യംകരിക്കുന്നതിനുളള സഞ്ചരിക്കുന്ന യൂണിറ്റുകൾ സംസ്ഥാനത്ത് പ്രവർത്തനം ആരംഭിച്ചിട്ടുണ്ടോയെന്ന് വ്യക്തമാക്കാമോ;

ഇതിന്റെ പ്രവർത്തനം വിലയിരുത്തിയിട്ടുണ്ടോ; സംസ്ഥാനം മുഴുവൻ ഇതിന്റെ പ്രവർത്തനം വ്യാപകമാക്കാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

ഇത്തരം യൂണിറ്റുകളുടെ പ്രവർത്തന ഫലമായി തെരുവുനായ ശല്യം എത്രത്തോളം കുറയ്ക്കാൻ കഴിഞ്ഞു എന്നു വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം തദ്ദേശസ്വയംഭരണ വകുപ്പിന്റെ വിവിധ ഫണ്ടുകള്‍ വിനിയോഗിച്ച് ചങ്ങനാശ്ശേരി നിയോജകമണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദവിവരം നല്‍കാമോ;

ഓരോ പ്രവൃത്തിക്കും അനുവദിച്ച തുക, നിലവിലെ സ്ഥിതി എന്നിവ വ്യക്തമാക്കുമോ; ഉത്തരവുകളുടെ പകര്‍പ്പുകള്‍ ലഭ്യമാക്കുമോ?

തദ്ദേശസ്വയംഭരണ സ്ഥാപനങ്ങളിൽ അഴിമതി ഒഴിവാക്കുന്നതിനായി സ്വതന്ത്ര ഓഡിറ്റ് കമ്മീഷനെ നിയോഗിക്കണമെന്ന ധനകമ്മീഷൻ റിപ്പോർട്ടിലെ ശിപാർശ നടപ്പാക്കുന്നതിലെ നടപടിക്രമങ്ങൾ ഏത് ഘട്ടത്തിലാണെന്ന് അറിയിക്കാമോ;

പ്രസ്തുത റിപ്പോർട്ടിലെ ശിപാർശകൾ നടപ്പിലാക്കുന്നതിനായി വകുപ്പുതലത്തിൽ സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ;

ഇത്തരത്തിൽ സ്വതന്ത്ര ഓഡിറ്റ് സംവിധാനം കൊണ്ടുവരുന്നതിലൂടെ തദ്ദേശസ്വയംഭരണ സ്ഥാപനങ്ങളിലെ അഴിമതി നിർമ്മാർജനം ചെയ്യാൻ കഴിയുമെന്ന് കരുതുന്നുണ്ടോ; ഉണ്ടെങ്കിൽ വിശദാംശം ലഭ്യമാക്കാമോ?

എലപ്പുള്ളിയിൽ ഒയാസിസ്‌ കമ്പനി പെട്രോളിൽ ചേർക്കാനുള്ള ആൽക്കഹോൾ നിർമ്മാണത്തിനാണോ അനുമതി തേടിയത് എന്ന് വ്യക്തമാക്കാമോ; വിശദാംശം നൽകാമോ;

ഒയാസിസ്‌ കമ്പനിക്ക് നൽകിയ പ്രാഥമിക അംഗീകാരം റദ്ദാക്കിയ കോടതി ഉത്തരവിന്റെ പകർപ്പ് ലഭ്യമാക്കാമോ?

ധനകാര്യ (ഡെവലപ്പ്‌മെന്റ്) വകുപ്പ്പുറപ്പെടുവിച്ച 05/06/2025 തീയതിയിലെ ഉത്തരവ് പ്രകാരം (File No: 5022/2025/) ഏകീകൃത തദ്ദേശസ്വയംഭരണ വകുപ്പിന് കീഴിലുള്ള എല്ലാ വിഭാഗം ജീവനക്കാരുടെയും ശമ്പളവിതരണം തടസ്സമില്ലാതെ നടത്തുന്നതിനായി 5 അംഗ കമ്മിറ്റി രൂപീകരിച്ചതായി സർക്കാർ വ്യക്തമാക്കിയിട്ടുണ്ടോ; ഇതിന്റെ ലക്ഷ്യം എന്തൊക്കെയാണ്; വ്യക്തമാക്കാമോ;

05.01.2025, 04.02.2025 എന്നീ തീയതികളിലെ LSGD/PD/67428/2023-AE. നമ്പർ കത്തുകൾ പ്രകാരം തദ്ദേശസ്വയംഭരണ വകുപ്പ് പ്രിൻസിപ്പൽ ഡയറക്ടർ നൽകിയ ശിപാർശകളിന്മേൽ പ്രധാനമായി ഉന്നയിച്ച പ്രശ്നങ്ങൾ എന്തെല്ലാമായിരുന്നു; വിശദമാക്കാമോ;

ഏകീകൃത തദ്ദേശസ്വയംഭരണ വകുപ്പിലെ ജീവനക്കാരുടെ ശമ്പള വിതരണവുമായി ബന്ധപ്പെട്ട് നിലവിൽ നേരിടുന്ന പ്രധാന തടസ്സങ്ങൾ എന്തൊക്കെയാണെന്ന് സർക്കാർ തിരിച്ചറിഞ്ഞിട്ടുണ്ടോ; വിശദമാക്കാമോ; മേൽ ഉത്തരവ് പ്രകാരം രൂപീകരിച്ച കമ്മിറ്റിയിൽ ആരൊക്കയാണ് അംഗങ്ങള്‍; ഈ കമ്മിറ്റി എത്ര പ്രാവശ്യം മീറ്റിംഗ് നടത്തി; ആയതിന്റെ റിപ്പോര്‍ട്ട് സമര്‍പ്പിച്ചിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ;

ശമ്പളവിതരണവുമായി ബന്ധപ്പെട്ട വിഷയങ്ങളോടൊപ്പം ‘SPARK’ സംവിധാനവുമായി ബന്ധപ്പെട്ട മറ്റു സാങ്കേതിക/ഭരണപരമായ പ്രശ്നങ്ങളും കമ്മിറ്റി പരിശോധിക്കുമെന്ന് ഉത്തരവിൽ വ്യക്തമാക്കിയിട്ടുണ്ടോ; അങ്ങനെയെങ്കിൽ ഏതെല്ലാം വിഷയങ്ങളാണ് പരിഗണനയിൽ ഉള്ളത്; ആയതിന്റെ വിശദാംശം നല്‍കാമോ;

പ്രസ്തുത കമ്മിറ്റി മൂന്ന് ആഴ്ചയ്ക്കുള്ളിൽ റിപ്പോർട്ട് സമർപ്പിക്കേണ്ടതാണെന്ന് ഉത്തരവിൽ പറയുന്നതിനാൽ ടി സമയപരിധി പാലിക്കുന്നതിന് സ്വീകരിച്ചിരിക്കുന്ന മേൽനോട്ട സംവിധാനങ്ങൾ എന്തൊക്കെയാണെന്ന് വ്യക്തമാക്കാമോ;

കമ്മിറ്റി റിപ്പോർട്ട് ലഭിച്ച ശേഷം ഏകീകൃത തദ്ദേശസ്വയംഭരണ വകുപ്പിന് കീഴിലുള്ള ജീവനക്കാരുടെ ശമ്പളവിതരണം സ്ഥിരവും ഏകീകൃതവുമായ രീതിയിൽ ഉറപ്പാക്കുന്നതിനായി സർക്കാർ കൈക്കൊള്ളാൻ ഉദ്ദേശിക്കുന്ന തുടർ നടപടികൾ ഏതൊക്കെയാണ്; വിശദമാക്കാമോ?

'കെ സ്മാർട്ട്' വഴി എന്തൊക്കെ സേവനങ്ങളാണ് നൽകുന്നത്;

ഈ സേവനങ്ങൾ നൽകുന്ന ആപ്ലിക്കേഷനുകൾ ആമസോൺ ക്ലൗഡിലാണോ ഹോസ്റ്റ് ചെയ്തിരിക്കുന്നത്;

എങ്കിൽ ' കെ സ്മാർട്ട്ന് 'വേണ്ടി എത്ര രൂപയാണ് പ്രതിമാസ ബിൽ വരുന്നത്; 2026 ജനുവരി വരെയുള്ള കണക്ക് മാസം തിരിച്ച് ലഭ്യമാക്കാമോ;

ആമസോണിന് എത്ര രൂപയുടെ ബിൽ കുടിശ്ശികയായി നൽകാനുണ്ട്;

എന്തുകൊണ്ടാണ് ഈ ആപ്ലിക്കേഷനുകൾ സ്റ്റേറ്റ് ഡാറ്റ സെന്ററിൽ ഹോസ്റ്റ് ചെയ്യാതിരുന്നത്?

സംസ്ഥാനത്ത് തെരുവുനായ ശല്യം രൂക്ഷമാകുന്നത് ശ്രദ്ധയിൽപ്പെട്ടിട്ടുണ്ടോ;

ഹൈക്കോടതിയുടെയും സുപ്രീംകോടതിയുടെയും ഭാഗത്തു നിന്ന് രൂക്ഷ വിമർശനം ഉണ്ടായിട്ടും തെരുവുനായ ശല്യം പരിഹരിക്കാൻ നടപടികൾ സ്വീകരിക്കാത്തതിന്റെ കാരണം വിശദമാക്കാമോ;

തെരുവുനായ ശല്യം രൂക്ഷമാകുന്നത് തടയാൻ എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

കഴിഞ്ഞ അഞ്ചുവർഷക്കാലം തദ്ദേശസ്വയംഭരണ വകുപ്പ് മുഖേന കൈപ്പമംഗലം നിയോജകമണ്ഡലത്തിൽ നടപ്പിലാക്കിയ വികസന പ്രവർത്തനങ്ങൾ എന്തെല്ലാമെന്ന് വിശദമാക്കാമോ?

സംസ്ഥാനത്തെ തദ്ദേശസ്വയംഭരണ വകുപ്പിനും കില, റീജിയണൽ ഡെവലപ്മെന്റ് അതോറിറ്റീസ്, ടൗൺ പ്ലാനിങ് തുടങ്ങിയവയുടെയും കീഴിലുള്ള സ്ഥാപനങ്ങളിലും 2016 മുതൽ നാളിതുവരെ കരാർ അടിസ്ഥാനത്തിലും ദിവസവേതനാടിസ്ഥാനത്തിലും മറ്റ് ഏതെങ്കിലും രീതിയിൽ താൽക്കാലികമായും ജീവനക്കാർ നിയമിക്കപ്പെട്ടിട്ടുണ്ടെങ്കിൽ ആയത് ഏതെല്ലാം തസ്തികകളിലാണെന്നും ഓരോ തസ്തികയിലും നിയമിക്കപ്പെട്ടവരുടെ എണ്ണം എത്രയാണെന്നും വകുപ്പ്, ജില്ല, തസ്തിക എന്നിവ തിരിച്ച് ലഭ്യമാക്കാമോ;

ഇപ്രകാരം നിയമിക്കപ്പെട്ടിട്ടുള്ള ജീവനക്കാരിൽ ആരെയെങ്കിലും സ്ഥിരപ്പെടുത്തിയിട്ടുണ്ടെങ്കിൽ അവർ ആരെല്ലാമാണെന്നും ഏതെല്ലാം തസ്തികകളിലാണെന്നും അവരെ സ്ഥിരപ്പെടുത്തിയതിന്റെ അടിസ്ഥാനം എന്തെന്നും വകുപ്പ്, ജില്ല, തസ്തിക എന്നിവ തിരിച്ച് അറിയിക്കാമോ;

മേല്‍ സൂചിപ്പിച്ച സ്ഥാപനങ്ങളിൽ 2016 മുതൽ നാളിതുവരെ ഡെപ്യൂട്ടേഷൻ നിയമനങ്ങൾ ഏതെല്ലാം തസ്തികകളിലാണെന്നും പ്രസ്തുത തസ്തികകളിൽ നിയമിക്കപ്പെട്ടവർ ആരെല്ലാമാണെന്നും അവർ ഏത് തസ്തികകളിൽ നിന്നാണ് ഡെപ്യൂട്ടേഷൻ തസ്തികകളിലേക്ക് നിയമിതരായതെന്നുമുള്ള വിവരം വകുപ്പ്, ജില്ല, തസ്തിക എന്നിവ തിരിച്ച് ലഭ്യമാക്കാമോ?

മട്ടന്നൂര്‍ നിയോജകമണ്ഡലത്തില്‍ പ്രധാനമന്ത്രി ഗ്രാം സഡക് യോജന പദ്ധതിയിൽ പുതുതായി ഉള്‍പ്പെടുത്താന്‍ തീരുമാനിച്ചിട്ടുള്ള പ്രവൃത്തികള്‍ ഏതൊക്കെയാണ്; വിശദാംശം ലഭ്യമാക്കാമോ?

സംസ്ഥാനത്തെ എല്ലാ തദ്ദേശ സ്വയംഭരണ സ്ഥാപനങ്ങളിലും കെ-സ്മാര്‍ട്ട് മുഖേനയുള്ള സേവനങ്ങള്‍ വിജയകരമായി ലഭ്യമാക്കാന്‍ കഴിഞ്ഞിട്ടുണ്ടോ; വ്യക്‌തമാക്കുമോ;

കെ-സ്മാര്‍ട്ട് മുഖേന ഏതൊക്കെ സേവനങ്ങളാണ് ലഭ്യമായിട്ടുള്ളത്; വിശദാംശം ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം തദ്ദേശസ്വയംഭരണ സ്ഥാപനങ്ങള്‍ വഴി നടപ്പിലാക്കിയ വിജയകരമായ പ്രവര്‍ത്തനങ്ങള്‍ കേരളീയ സാമൂഹ്യ ജീവിതത്തെ പുതിയ ഉയരങ്ങളില്‍ എത്തിക്കാന്‍ കഴിഞ്ഞിട്ടുണ്ടെന്ന വിലയിരുത്തല്‍ ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രാദേശിക സര്‍ക്കാര്‍ എന്ന നിലയില്‍ സംസ്ഥാന സര്‍ക്കാരിന്റെ വിവിധ വികസന ക്ഷേമ പ്രവര്‍ത്തനങ്ങള്‍ ഏകോപിപ്പിക്കുന്നതിനും തനതു പ്രവര്‍ത്തനങ്ങള്‍ ആസൂത്രണം ചെയ്തു നടപ്പിലാക്കുന്നതിനും കഴിഞ്ഞിട്ടുണ്ടോ;

തദ്ദേശസ്വയംഭരണ സ്ഥാപനങ്ങളിലെ ജനതയ്ക്ക് ലഭ്യമാക്കേണ്ട സേവന പ്രവര്‍ത്തനങ്ങള്‍ വേഗത്തിലും സുഗമമായും നടപ്പിലാക്കുന്നതിന് നടത്തിവരുന്ന പ്രവര്‍ത്തനങ്ങളുടെ നിലവിലെ പുരോഗതി വ്യക്തമാക്കാമോ?

ലൈഫ് ഭവന പദ്ധതി ആരംഭിച്ചത് മുതല്‍ ഇതുവരെ പാറശ്ശാല മണ്ഡലത്തില്‍ ആകെ എത്ര ഗുണഭോക്താക്കളെയാണ് തിരഞ്ഞെടുത്തതെന്ന് വ്യക്തമാക്കാമോ;

പ്രസ്തുത മണ്ഡലത്തില്‍ ഇതുവരെ എത്ര വീടുകളുടെ നിര്‍മ്മാണം പൂര്‍ത്തിയാക്കി താക്കോല്‍ കൈമാറിയിട്ടുണ്ടെന്ന് പഞ്ചായത്ത് തിരിച്ചുള്ള കണക്കുകള്‍ ലഭ്യമാക്കാമോ;

നിലവില്‍ എത്ര വീടുകളുടെ നിര്‍മ്മാണം വിവിധ ഘട്ടങ്ങളിലായി പുരോഗമിക്കുന്നുവെന്നും നിര്‍മ്മാണം തടസ്സപ്പെട്ട വീടുകള്‍ ഉണ്ടെങ്കില്‍ അവ പൂര്‍ത്തിയാക്കാന്‍ എന്തൊക്കെ നടപടികളാണ് സ്വീകരിക്കുന്നതെന്നും വ്യക്തമാക്കാമോ;

ഭൂമിയില്ലാത്ത ഭവനരഹിതര്‍ക്കായി പാറശ്ശാല മണ്ഡലത്തില്‍ പുതിയതായി ലൈഫ് ഭവന സമുച്ചയങ്ങള്‍ (ലൈഫ് ടവേർസ്) നിര്‍മ്മിക്കാന്‍ പദ്ധതിയുണ്ടോ എന്ന് വ്യക്തമാക്കാമോ?

ലൈഫ് ഭവന പദ്ധതി ആരംഭിച്ചതിനുശേഷം നാളിതുവരെ മാവേലിക്കര മണ്ഡലത്തില്‍ അനുവദിച്ചതും പൂര്‍ത്തിയാക്കിയതുമായ ഭവനങ്ങളുടെ വിശദവിവരം ലഭ്യമാക്കുമോ?

നിലവിൽ എത്ര പ്രൊവിഷണൽ സെക്രട്ടറിമാർ എല്‍.എസ്.ജി.ഡി. പൊതുസർവ്വീസിൽ മുനിസിപ്പൽ സെക്രട്ടറിമാരുടെ (ഗ്രേഡ് III) ഒഴിവിൽ നിലനില്‍ക്കുന്നുവെന്ന് വ്യക്തമാക്കാമോ; ഇവർ ഓരോരുത്തരുടേയും പേരു വിവരങ്ങളും റിട്ടയർ ചെയ്യുന്ന വർഷവും മാസവും ഉള്‍പ്പെടെ ലഭ്യമാക്കാമോ; പ്രസ്തുത പ്രൊവിഷണൽ സെക്രട്ടറിമാർ ഓരോരുത്തരും മുൻ മുനിസിപ്പൽ കോമൺ സർവ്വീസിലെ ഏതെല്ലാം തസ്തികകളിലാണ് ജോലി ചെയ്തിരുന്നതെന്ന് ഓരോരുത്തരുടെയും പേരു വിവരങ്ങൾ ഉൾപ്പെടെ ലഭ്യമാക്കാമോ;

എല്‍.എസ്.ജി.ഡി. പൊതുസർവ്വീസ് നിലവിൽ വന്നതിന് ശേഷം ടി പ്രൊവിഷണൽ സെക്രട്ടറിമാർ തുടരുന്നത് ഏത് നിയമത്തിന്റെ പരിരക്ഷ പ്രകാരമാണെന്ന് അറിയിക്കാമോ; നിലവിലെ എല്‍.എസ്.ജി.ഡി. സെക്രട്ടറി റാങ്ക് ലിസ്റ്റിൽ ഉൾപ്പെട്ടവരെയും ബൈട്രാൻസ്ഫർ ഫ്രം കാറ്റഗറി 1 എല്‍.എസ്.ജി.ഡി. സബോർഡിനേറ്റ് സർവ്വീസിൽ നിന്നുമുള്ളവരെയും തദ്ദേശ സ്വയംഭരണ വകുപ്പിന്റെ ഇ.ആർ.എ2/53/2023/ത.സ്വ.ഭ.മ. നമ്പർ കത്തിലെ നിർദ്ദേശ പ്രകാരം മുനിസിപ്പൽ സെക്രട്ടറി ഗ്രേഡ് III യുടെ ഒഴിവിലേക്ക് നിയമനം നടത്തുന്നതിന് നടപടികൾ സ്വീകരിച്ചിട്ടുണ്ടോ; ആയതു പ്രകാരം പ്രൊവിഷണൽ സെക്രട്ടറിമാരെ റിവർട്ട് ചെയ്യുന്നതിന് നടപടികൾ ആരംഭിച്ചിട്ടുണ്ടോ; നിലവിൽ പ്രൊവിഷണൽ സെക്രട്ടറിമാർക്ക് നിയമനം നൽകിയിരിക്കുന്നത് താൽക്കാലികമാണോ അതോ സ്ഥിരനിയമനമാണോ എന്ന് വ്യക്തമാക്കാമോ;

നിലവിൽ പ്രൊവിഷണൽ സെക്രട്ടറിമാരായി പ്രവർത്തിക്കുന്നവരെ മുനിസിപ്പൽ സെക്രട്ടറി ഗ്രേഡ് III ആയി സ്ഥിരപ്പെടുത്താൻ കഴിയുമോ; നിലവിൽ മുനിസിപ്പൽ സെക്രട്ടറി ഗ്രേഡ് III എല്‍.എസ്.ജി.ഡി. സെക്രട്ടറിയുടെ തസ്തികയ്ക്ക് തുല്യമായ തസ്തിക ആയതിനാൽ പ്രൊവിഷണൽ സെക്രട്ടറിമാർ പ്രവർത്തിക്കുന്ന മുനിസിപ്പൽ ഗ്രേഡ് III സെക്രട്ടറിയുടെ അടക്കമുള്ള ഒഴിവുകളുടെ 40% തസ്തികകൾ എല്‍.എസ്.ജി.ഡി. സ്റ്റേറ്റ് സർവ്വീസ് സ്പെഷ്യൽ റൂളിന്റെ റൂൾ 5 ഗ്രൂപ്പ് 1 ജനറല്‍ വിംഗിൽ സീരിയല്‍ നമ്പര്‍ 5നു് താഴെയുളള നോട്ട് 1 പ്രകാരം എല്‍.എസ്.ജി.ഡി. സെക്രട്ടറി റാങ്ക് ലിസ്റ്റിൽ അനുവദിക്കുന്നതിന് നിയമ തടസ്സമുണ്ടോ;

നിലവിൽ മുനിസിപ്പൽ സെക്രട്ടറി ഗ്രേഡ് III എല്‍.എസ്.ജി.ഡി. സെക്രട്ടറിയുടെ തസ്തികയിൽ പ്രൊവിഷണൽ സെക്രട്ടറിമാർ പ്രവർത്തിക്കുന്ന മുനിസിപ്പൽ ഗ്രേഡ് III സെക്രട്ടറിയുടെ ഒഴിവിലേക്ക് എല്‍. എസ്. ജി.ഡി. സ്റ്റേറ്റ് സർവ്വീസ് സ്പെഷ്യൽ റൂളിന്റെ റൂൾ 5 ഗ്രൂപ്പ് 1 ജനറല്‍ വിംഗിൽ സീരിയല്‍ നമ്പര്‍ 5 നു താഴെയുളള നോട്ട് 2 പ്രകാരം ആനുപാതികമായി ബൈട്രാൻസ്ഫർ നിയമനം നടത്തുന്നതിന് എന്തെങ്കിലും നിയമ തടസ്സമുണ്ടോ; വ്യക്തമാക്കാമോ;

പ്രിൻസിപ്പൽ ഡയറക്ടറുടെ 02.03.2023 ലെ പി. ഡി. എല്‍. എസ്. ജി. ഡി/6/2023 സി2 നമ്പർ കത്തിൽ ആവശ്യപ്പെട്ടതുപ്രകാരം മുനിസിപ്പൽ സർവ്വീസുമായി ഉണ്ടാകേണ്ടുന്ന മാറ്റങ്ങൾ സംബന്ധിച്ച് തദ്ദേശ സ്വയംഭരണ വകുപ്പിന്റെ ഇ.ആർ.എ2/53/2023/തസ്വഭമ നമ്പർ കത്തിൽ ക്രമനമ്പർ 5, 6 എന്നിവ സംബന്ധിച്ച് നടപടികൾ സ്വീകരിക്കുന്നതിന് എന്തെങ്കിലും തടസ്സമുണ്ടോ;

നിലവിൽ മുനിസിപ്പൽ കോമൺ സർവീസിൽ ഉണ്ടായിരുന്ന ഡെപ്യൂട്ടി സെക്രട്ടറി തസ്തികയിൽ എത്ര ഒഴിവുകൾ ഉണ്ടെന്ന് വ്യക്തമാക്കാമോ; പ്രസ്തുത തസ്തികയിൽ നിയമനം നടത്തുന്നതിന് സ്വീകരിച്ച നടപടിയുടെ വിശദാംശം ലഭ്യമാക്കാമോ; മുനിസിപ്പൽ കോമൺ സർവീസിൽ ഉണ്ടായിരുന്ന റവന്യൂ ഓഫീസർ ഗ്രേഡ് 2 തസ്തികയിൽ ഒഴിവുകൾ ഉണ്ടോയെന്നും ഉണ്ടെങ്കിൽ ആയത് നികത്തുന്നതിന് സ്വീകരിച്ച നടപടികളും ലഭ്യമാക്കാമോ;

മുനിസിപ്പൽ കോമൺ സർവീസിൽ ഉണ്ടായിരുന്നവരും എല്‍. എസ്. ജി. ഡി. വകുപ്പ് രൂപീകരണത്തെ തുടർന്ന് ജില്ലാ ജോയിന്റ് ഡയറക്ടർ ഓഫീസുകളിലേക്ക് സ്ഥലം മാറ്റം ലഭിച്ച് 2024-ൽ അതേ ഓഫീസിൽ നിന്നും റിട്ടയർ ചെയ്തവർക്ക്‌ സ്പാര്‍ക്ക് സോഫ്റ്റ്‍വെയറില്‍ ആവശ്യമായ മാറ്റങ്ങൾ വരുത്തിയ സാഹചര്യത്തിൽ ഇ.എല്‍. ടെർമിനൽ സറണ്ടർ അനുവദിച്ചിട്ടുണ്ടോ എന്ന് വിശദമാക്കാമോ; ഇത്തരത്തിൽ ആർക്കെങ്കിലും ഇനി ഇ.എല്‍. ടെർമിനൽ സറണ്ടർ അനുവദിക്കാനുണ്ടോ എന്ന് വിശദമാക്കാമോ?

2023-24 ബജറ്റിൽ ഒരു കോടി രൂപ വകയിരുത്തിയ കോട്ടായി പ്രൈമറി ഹെൽത്ത് സെന്റർ നവീകരണ പ്രവൃത്തി നിലവില്‍ ഏത് ഘട്ടത്തിലാണെന്നും പ്രസ്തുത പ്രവൃത്തി എന്ന് ആരംഭിക്കാന്‍ കഴിയുമെന്നും വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം കോങ്ങാട് മണ്ഡലത്തില്‍ തദ്ദേശസ്വയംഭരണ വകുപ്പിന്റെ കീഴില്‍ നടപ്പിലാക്കുന്ന പദ്ധതികളുടെ പ്രവര്‍ത്തന പുരോഗതി അറിയിക്കുമോ; പഞ്ചായത്ത് തിരിച്ച് മേല്‍ പദ്ധതികളുടെ വിശദാംശം നല്‍കാമോ;

2021-22 സാമ്പത്തിക വര്‍ഷം മുതലുള്ളതും 20% ബജറ്റ് പ്രൊവിഷന്‍ ലഭിച്ചതും തദ്ദേശസ്വയംഭരണ വകുപ്പ് മുഖേന കോങ്ങാട് മണ്ഡലത്തില്‍ നടപ്പിലാക്കുന്നതുമായ പ്രവൃത്തികളുടെ പേര്, തുക എന്നിവ തരം തിരിച്ച് വിശദമാക്കാമോ; പ്രസ്തുത പദ്ധതികളുടെ പ്രവര്‍ത്തന പുരോഗതി അറിയിക്കാമോ?

മങ്കട നിയോജക മണ്ഡലത്തിലെ വിവിധ തദ്ദേശസ്വയംഭരണ സ്ഥാപനങ്ങളില്‍ ലൈഫ് ഭവന പദ്ധതി പ്രകാരം നാളിതുവരെ എത്ര വീടുകള്‍ അനുവദിച്ചിട്ടുണ്ട്; അതില്‍ എത്രയെണ്ണം പൂര്‍ത്തിയായിട്ടുണ്ട്; പൂര്‍ത്തീകരിക്കുവാൻ എത്രയെണ്ണം ബാക്കിയുണ്ട്; തദ്ദേശസ്വയംഭരണ സ്ഥാപനം തിരിച്ചുള്ള കണക്കുകള്‍ ലഭ്യമാക്കുമോ;

മങ്കട നിയോജക മണ്ഡലത്തിലെ വിവിധ തദ്ദേശസ്വയംഭരണ സ്ഥാപനങ്ങളില്‍ അവശേഷിക്കുന്ന ഭവന രഹിതര്‍ എത്രയെന്ന് തദ്ദേശസ്വയംഭരണസ്ഥാപനം തിരിച്ചുള്ള കണക്ക് ലഭ്യമാക്കുമോ?

സംസ്ഥാനത്ത് നിയമാനുസരണം പ്രവര്‍ത്തിക്കുന്ന ആട്, മാട്, കോഴി ഇറച്ചി സംസ്‌കരണ പ്ലാന്റുകളുടെ ഇനം, ജില്ല എന്നിവ തിരിച്ചുള്ള കണക്ക് ലഭ്യമാക്കുമോ;

പഞ്ചായത്ത്, നഗരസഭ, കോര്‍പ്പറേഷന്‍ എന്നിവയുടെ നേതൃത്വത്തില്‍ നേരിട്ട് അറവ് മാലിന്യ സംസ്‌കരണ പ്ലാന്റുകള്‍ ആരംഭിക്കുന്നതിന് ഉദ്ദേശിക്കുന്നുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കുമോ;

അറവ് മാലിന്യ സംസ്‌കരണ പ്ലാന്റുകള്‍ ആരംഭിക്കുന്നതിന് അനുമതി ലഭിക്കുന്നതിനായി ഓരോ ജില്ലയിലും നിലവില്‍ ലഭിച്ചിട്ടുള്ള അപേക്ഷകളുടെ ഇനം, ജില്ല തിരിച്ചുള്ള കണക്ക് ലഭ്യമാക്കുമോ;

പ്രസ്തുത അപേക്ഷകളിന്മേൽ എന്തു കൊണ്ടാണ് തീര്‍പ്പ് കല്‍പ്പിക്കാത്തതെന്ന് വിശദമാക്കുമോ;

സംസ്ഥാനത്ത് ഏതെങ്കിലും ജില്ലയില്‍ പ്രവര്‍ത്തിക്കുന്ന സ്വകാര്യ കോഴി, ഇറച്ചി (ആട്, മാട്) സംസ്‌കരണ പ്ലാന്റുകളില്‍ നിന്നുള്ള എന്‍.ഒ.സിയോ, മറ്റ് സര്‍ട്ടിഫിക്കറ്റുകളോ, രേഖകളോ, ലഭ്യമായിട്ടുള്ള കോഴി, ഇറച്ചി (ആട്, മാട്) കച്ചവട സ്ഥാപനങ്ങള്‍ക്ക് മാത്രമേ തദ്ദേശസ്വയംഭരണ സ്ഥാപനങ്ങളില്‍ നിന്നും ലൈസന്‍സ് അനുവദിക്കാന്‍ പാടുള്ളൂ എന്ന സര്‍ക്കാര്‍ ഉത്തരവ് നിലവിലുണ്ടോ; ഉണ്ടെങ്കില്‍ പ്രസ്തുത സ്ഥാപനങ്ങളു‍‍ടെ വിശദാംശവും പ്രസ്തുത ഉത്തരവിന്റെ പകര്‍പ്പും ലഭ്യമാക്കുമോ?

2023-24 ബഡ്ജറ്റിൽ തരൂർ നിയോജകമണ്ഡലത്തിലെ അത്തിപ്പൊറ്റ വാതക ക്രിമറ്റോറിയത്തിന് ഒരു കോടി വകയിരുത്തിയിരുന്ന പ്രവൃത്തി നിലവില്‍ ഏത് ഘട്ടത്തിലാണെന്നും പ്രസ്തുത പ്രവൃത്തി എന്ന് പൂര്‍ത്തീകരിക്കുവാന്‍ കഴിയുമെന്നും വ്യക്തമാക്കാമോ?

2023-24 ബജറ്റിൽ ഒരു കോടി രൂപ വകയിരുത്തിയ ചക്കുംപുറം- മണിമല-അത്താണിമുക്ക് റോഡ് നിർമ്മാണ പ്രവൃത്തി നിലവില്‍ ഏത് ഘട്ടത്തിലാണ്; പ്രസ്തുത പ്രവൃത്തി എന്നത്തേക്ക് പൂര്‍ത്തിയാക്കുവാന്‍ കഴിയും; വ്യക്തമാക്കാമോ?

തരൂർ നിയോജകമണ്ഡലത്തിലെ മേരിഗിരി-രക്കാണി-പ്രാത്ത് ചാടി റോഡിന്റെ (2023-24 ബജറ്റ്) പ്രവൃത്തി നിലവില്‍ ഏത് ഘട്ടത്തിലാണെന്നും പ്രസ്തുത പ്രവൃത്തി എപ്പോൾ പൂര്‍ത്തീകരിക്കുവാനാകുമെന്നും വ്യക്തമാക്കാമോ?

മണലൂര്‍ മണ്ഡലത്തിലെ എളവള്ളി പഞ്ചായത്തിലെ കുന്നംപുള്ളി ഹൗസില്‍ സെയ്തു മുഹമ്മദ് എന്നയാള്‍ അസുഖബാധിതനായി ചികിത്സയിലായിരുന്നെന്നും സാമ്പത്തിക പ്രയാസങ്ങള്‍ മൂലം ബാങ്ക് വായ്പ തിരിച്ചടയ്ക്കാനാകുന്നില്ലെന്നും അതിനാല്‍ സര്‍ക്കാര്‍ നല്‍കിയ വീട് വില്‍ക്കുന്നതിന് അനുമതി നല്‍കണമെന്നും അഭ്യര്‍ത്ഥിച്ച് നല്‍കിയ അപേക്ഷ (9750180/2025/O/o മിനിസ്റ്റര്‍ ഓഫ് എല്‍.എസ്.ജി.ഡി.) ശ്രദ്ധയില്‍പ്പെട്ടിട്ടുണ്ടോ;

രോഗബാധിതനായി മരണപ്പെട്ട സെയ്തു മുഹമ്മദിന്റെ കടബാധ്യത തീര്‍ക്കാന്‍ സാമ്പത്തിക ബുദ്ധിമുട്ടനുഭവിക്കുന്ന ടിയാന്റെ കുടുംബത്തിന് വീട് വില്‍പ്പനയ്ക്ക് അനുമതി നല്‍കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോയെന്നുമുള്ള വിശദാംശം നല്‍കാമോ; ഇല്ലെങ്കില്‍ അതിനുള്ള നടപടി സ്വീകരിക്കുമോ; വ്യക്തമാക്കുമോ?

തിരഞ്ഞെടുത്ത നഗരസഭകളില്‍ ആരംഭിച്ച ഇ-മാലിന്യ ശേഖരണം നിലവിൽ ഏതു ഘട്ടത്തിലാണ്; എത്ര നഗരസഭകളില്‍ പ്രവര്‍ത്തനം ആരംഭിച്ചു; വിശദാംശം ലഭ്യമാക്കുമോ;

ഇതിനായി ക്ലീന്‍ കേരള കമ്പനിയും ശുചിത്വ മിഷനും നടപ്പാക്കി വരുന്ന പ്രധാന പ്രവര്‍ത്തനങ്ങള്‍ വിശദമാക്കുമോ;

സംസ്ഥാനമൊട്ടാകെ ഇത് നടപ്പാക്കാനായി സ്വീകരിച്ചു വരുന്ന പ്രധാന പ്രവര്‍ത്തനങ്ങള്‍ എന്തൊക്കെയെന്നും ആയതു എപ്പോള്‍ പ്രാവര്‍ത്തികമാകുമെന്നും വ്യക്തമാക്കുമോ?

വൈപ്പിന്‍ മണ്ഡലത്തിലെ പൊതുശ്മശാനങ്ങള്‍ ഏതൊക്കെയാണെന്ന് പ‍ഞ്ചായത്തടിസ്ഥാനത്തില്‍ വ്യക്തമാക്കാമോ;

വൈപ്പിന്‍കരയിലെ ക്രിസ്ത്യന്‍ പെന്തക്കോസ്ത് വിശ്വാസികളുടെ മൃതശരീരം മറവുചെയ്യുവാന്‍ വിദൂര സ്ഥലങ്ങളില്‍ ഇവര്‍ക്കായി അനുവദിച്ചിട്ടുള്ള ശ്മശാനങ്ങളെ ആശ്രയിക്കേണ്ടിവരുന്നതിലെ ബുദ്ധിമുട്ടുകള്‍ കണക്കിലെടുത്ത് വൈപ്പിന്‍കരയിലെ ഏതെങ്കിലും പൊതുശ്മശാനത്തില്‍ ഇവര്‍ക്കായി സ്ഥലം ലഭ്യമാക്കുന്നതിനോ സ്ഥലം അനുവദിക്കുന്നതിനോ നടപടി സ്വീകരിക്കുവാന്‍ തദ്ദേശസ്വയംഭരണ സ്ഥാപനങ്ങള്‍ക്ക് നിര്‍ദ്ദേശം നല്‍കുമോ; വ്യക്തമാക്കാമോ;

ഇതുസംബന്ധിച്ച് വൈപ്പിന്‍ മണ്ഡലത്തില്‍ പ്രവര്‍ത്തിക്കുന്ന യുണൈറ്റഡ് പെന്തക്കോസ്തല്‍ ഫെല്ലോഷിപ്പ്, എം.എല്‍.എ. മുഖാന്തരം 24.06.2025-ന് ബഹു. തദ്ദേശസ്വയംഭരണ വകുപ്പുമന്ത്രിക്ക് സമര്‍പ്പിച്ചതും തദ്ദേശസ്വയംഭരണ വകുപ്പ് അഡീഷണല്‍ ചീഫ് സെക്രട്ടറിക്ക് E 9731455-2025 നമ്പരായി അയച്ചുകൊടുത്തതുമായ അപേക്ഷയില്‍ സ്വീകരിച്ചിട്ടുള്ള നടപടി വിശദമാക്കാമോ?

തദ്ദേശസ്വയംഭരണ സ്ഥാപനങ്ങള്‍ക്ക് നിയന്ത്രണാധികാരം കൈമാറി നല്‍കിയ ആരോഗ്യ കേന്ദ്രങ്ങളില്‍ ഡോക്ടര്‍മാര്‍, പാരാമെഡിക്കല്‍ സ്റ്റാഫ് മുതലായവരെ നിയമിക്കുന്നതിന് തദ്ദേശസ്വയംഭരണ സ്ഥാപനങ്ങള്‍ക്ക് നിയന്ത്രണമേര്‍പ്പെടുത്തിക്കൊണ്ട് ഉത്തരവ് പുറപ്പെടുവിച്ചിട്ടുണ്ടോ;

എങ്കില്‍ ആയതിന് ഇടയാക്കിയ സാഹചര്യം വ്യക്തമാക്കാമോ;

ഓരോ തദ്ദേശസ്വയംഭരണ സ്ഥാപനത്തിന്റെയും പരിധിയില്‍ വരുന്ന ആരോഗ്യ കേന്ദ്രങ്ങളില്‍ ആവശ്യം വേണ്ട സൗകര്യങ്ങളൊരുക്കാന്‍ ബന്ധപ്പെട്ട സ്ഥാപനത്തിന് സാധിക്കാതെ വരുന്നത് പ്രാദേശികമായി പ്രതിഷേധങ്ങള്‍ക്കിടയാക്കുന്നുവെന്ന പരാതി ശ്രദ്ധയില്‍പ്പെട്ടിട്ടുണ്ടോ;

ഇക്കാര്യത്തില്‍ ഒരു പുനഃവിചിന്തനത്തിന് സന്നദ്ധമാവുമോ?

അമ്പലപ്പുഴ നിയോജക മണ്ഡലത്തിൽ ഈ സർക്കാരിന്റെ കാലയളവിൽ തദ്ദേശസ്വയംഭരണ വകുപ്പുമായി ബന്ധപ്പെട്ട് നടപ്പിലാക്കിയ വിവിധ വികസന പദ്ധതികളുടെ വിശദാംശങ്ങള്‍ ഓരോ പദ്ധതിയ്ക്കും അനുവദിച്ച തുക സഹിതം ലഭ്യമാക്കുമോ?

2026 -ാം ആണ്ടോടെ കേരളത്തിലെ വയോജനങ്ങളുടെ എണ്ണം ആകെ ജനസംഖ്യയുടെ 25 % അധികം വരുമെന്ന 2023 ലെ പ്ലാനിംഗ് ബോര്‍ഡിന്റെ ഇക്കണോമിക് സൂചന പ്രകാരം സംസ്ഥാന, ജില്ലാ, ബ്ലോക്ക്, ഗ്രാമപഞ്ചായത്ത്, വാര്‍ഡ് തലങ്ങളില്‍ വയോജന ക്ഷേമ പ്രവര്‍ത്തനങ്ങളുടെ നടപ്പാക്കലും മോണിറ്ററിംഗും ഉറപ്പാക്കുന്ന വയോജന കൗണ്‍സിലുകള്‍ സര്‍ക്കാര്‍ രൂപീകരിച്ചിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കുമോ;

ഇല്ലെങ്കില്‍ സങ്കീര്‍ണ്ണമായ ഒട്ടേറെ സാമൂഹ്യ സാമ്പത്തിക ആരോഗ്യ പ്രശ്നങ്ങളുടെ നടുവില്‍പ്പെട്ട് ഏറെ ക്ലേശകരവും പ്രശ്നഭരിതവുമായ ജീവിതം നയിക്കുവാന്‍ നിര്‍ബന്ധിക്കപ്പെടുന്ന വയോജനങ്ങള്‍ക്കുവേണ്ടി വയോജന കൗണ്‍സിലുകള്‍ രൂപീകരിച്ച് ടി വിഭാഗം ആളുകളുടെ ക്ഷേമം ഉറപ്പാക്കുവാന്‍ നടപടി സ്വീകരിക്കുമോ; വിശദമാക്കാമോ?

കായംകുളം നിയോജക മണ്ഡലത്തില്‍ ലൈഫ് ഭവന പദ്ധതി പ്രകാരം ആകെ എത്ര വീടുകള്‍ അനുവദിച്ചെന്നും അതിൽ പൂര്‍ത്തീകരിച്ചവയെത്രയെന്നും ഇനിയും പൂര്‍ത്തീകരിക്കാനുള്ളവയെത്രയെന്നുമുള്ള കണക്കുകള്‍ പഞ്ചായത്ത്, നഗരസഭ എന്നിവ തിരിച്ച് ലഭ്യമാക്കാമോ?

പൂഞ്ഞാർ നിയോജക മണ്ഡലത്തിലെ ഈരാറ്റുപേട്ട മുനിസിപ്പാലിറ്റിയിൽ നടപ്പാക്കുന്ന അമൃത് കുടിവെള്ള പദ്ധതിയുടെ നിലവിലെ സ്ഥിതി സംബന്ധിച്ച വിശദാംശങ്ങൾ ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം ആലപ്പുഴ മണ്ഡലത്തില്‍ അമൃത് പദ്ധതി പ്രകാരം തദ്ദേശസ്വയംഭരണ വകുപ്പ് എന്തൊക്കെ പ്രവൃത്തികളാണ് നടപ്പിലാക്കിയിട്ടുള്ളതെന്ന വിശദവിവരം ലഭ്യമാക്കാമോ;

പ്രസ്തുത പദ്ധതി പ്രകാരം ഏതൊക്കെ പ്രവൃത്തികളാണ് പൂര്‍ത്തീകരിക്കാനുള്ളതെന്നും അവ എന്ന് പൂര്‍ത്തീകരിക്കാനാകുമെന്നും പൂര്‍ത്തീകരിക്കാനുള്ള തടസ്സങ്ങള്‍ എന്തൊക്കെയാണെന്നുമുള്ള വിശദവിവരം ലഭ്യമാക്കാമോ?

കഴിഞ്ഞ സര്‍ക്കാരിന്റെ കാലയളവിലും ഈ സര്‍ക്കാരിന്റെ ഇതുവരെയുള്ള കാലയളവിലും തദ്ദേശ സ്വയംഭരണ വകുപ്പിന്റെ വിവിധ ഫണ്ടുകള്‍ വിനിയോഗിച്ച് കായംകുളം മണ്ഡലത്തില്‍ നടപ്പാക്കിയ പ്രവ‍ൃത്തികള്‍ എന്തൊക്കെയെന്നും ഓരോ പ്രവൃത്തികള്‍ക്കും അനുവദിച്ച തുക എത്രയെന്നും ഓരോ പ്രവൃത്തികളുടെയും പുരോഗതി എന്തൊക്കെയാണെന്നും വിശദമാക്കാമോ?

2023-24 സാമ്പത്തിക വര്‍ഷത്തെ ബജറ്റില്‍ ഉള്‍പ്പെടുത്തിയിരുന്ന തരൂർ നിയോജകമണ്ഡലത്തിലെ ചൂണ്ടക്കാട്- കുംഭാരതറ റോഡിന്റെയും കാവശ്ശേരി ഗ്രാമപഞ്ചായത്തിലെ മൂന്ന് അംഗന്‍വാടികളുടെയും പ്രവൃത്തി പുരോഗതി നിലവില്‍ ഏത് ഘട്ടത്തിലാണ്;

പ്രസ്തുത പ്രവൃത്തികള്‍ എന്ന് പൂര്‍ത്തീകരിക്കുവാന്‍ കഴിയുമെന്ന് വ്യക്തമാക്കാമോ?

സംസ്ഥാനത്ത് അതിദാരിദ്ര്യ നിര്‍മ്മാര്‍ജ്ജന പ്രവര്‍ത്തനങ്ങളുമായി ബന്ധപ്പെട്ട് നടത്തിയ സര്‍വ്വേയില്‍ ഏതെല്ലാം തരത്തിലുള്ള ദാരിദ്ര്യാവസ്ഥകളാണ് കണ്ടെത്തിയിട്ടുള്ളതെന്നത് വിശദമായി വ്യക്തമാക്കാമോ ;

അതിദാരിദ്ര്യ നിര്‍മ്മാര്‍ജ്ജന പ്രവര്‍ത്തനങ്ങളുമായി ബന്ധപ്പെട്ട് എന്തെല്ലാം പ്രവര്‍ത്തനങ്ങളാണ് പൂര്‍ത്തീകരിച്ചിട്ടുള്ളതെന്നും ഏതെല്ലാം കാര്യങ്ങളിലാണ് തുടര്‍ നടപടികള്‍ ആവശ്യമായിവരുന്നതെന്നും അറിയിക്കാമോ;

സംസ്ഥാനത്ത് അതിദരിദ്രര്‍ ഉണ്ടാകാതിരിക്കുന്നതിനാവശ്യമായ എന്തെല്ലാം തുടര്‍ നടപടികളും കരുതലുമാണ് സര്‍ക്കാര്‍ സ്വീകരിച്ചു വരുന്നതെന്ന് വ്യക്തമാക്കാമോ?

വിവിധ തദ്ദേശസ്വയംഭരണ സ്ഥാപനങ്ങൾക്ക് നൽകുന്ന ഗ്രാന്റുകൾ പൂർണമായും വിതരണം ചെയ്തിട്ടുണ്ടോ; ഇല്ലെങ്കിൽ ഇനി എത്ര തുക വിതരണം ചെയ്യാനുണ്ട്; വിശദാംശം വ്യക്തമാക്കുമോ;

കഴിഞ്ഞ സർക്കാരിന്റെ കാലം മുതൽ നാളിതുവരെ ഓരോ സാമ്പത്തിക വർഷവും സംസ്ഥാന ബജറ്റിൽ തദ്ദേശസ്വയംഭരണ സ്ഥാപനങ്ങൾക്കായി വകയിരുത്തിയ തുകയും അനുവദിച്ച തുകയും വർഷം തിരിച്ചു വ്യക്തമാക്കുമോ?

പഞ്ചായത്ത് ബില്‍ഡിംഗ് റൂള്‍ പരിഷ്കരണത്തിനു ശേഷം സര്‍ക്കാര്‍ വകുപ്പുകളിലെ നിര്‍മ്മാണ പ്രവൃത്തികള്‍ക്ക് അനുമതി ലഭിക്കുന്നതിന് നിലവില്‍ കെ സ്മാര്‍ട്ടിലൂടെ അപേക്ഷ സമര്‍പ്പിക്കാന്‍ കഴിയുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ പ്രസ്തുത പ്രശ്നം പരിഹരിക്കുന്നതിന് അടിയന്തര നടപടി സ്വീകരിക്കാമോ?

2021-22 സാമ്പത്തിക വര്‍ഷം മുതല്‍ 2025-26 സാമ്പത്തിക വര്‍ഷം വരെ ബഡ്ജറ്റില്‍ 20% തുക വകയിരുത്തിയിട്ടുളളതും തദ്ദേശസ്വയംഭരണ വകുപ്പിന് നിര്‍വഹണ ചുമതല ലഭിച്ചിട്ടുളളതുമായ ഒറ്റപ്പാലം നിയോജക മണ്ഡലത്തിലെ പ്രവൃത്തികള്‍ ഏതെല്ലാമെന്ന് വര്‍ഷം തിരിച്ച് വിശദമാക്കാമോ;

തദ്ദേശ സ്വയംഭരണ വകുപ്പിന് നിര്‍വഹണ ചുമതലയുളള പ്രസ്തുത പ്രവൃത്തികളുടെ നിലവിലെ സ്ഥിതി വിശദമാക്കാമോ;

നാളിതുവരെ ഭരണാനുമതിക്കുളള എസ്റ്റിമേറ്റ് സമര്‍പ്പിക്കാത്ത പ്രവൃത്തികള്‍ ഏതെല്ലാമാണെന്നും അങ്ങനെ ഉണ്ടെങ്കില്‍ എന്തുകൊണ്ട് ഇത്രയും കാലതാമസം സംഭവിച്ചുവെന്നും വ്യക്തമാക്കാമോ?

സംസ്ഥാനത്തെ പുഴകളിലെ മാലിന്യം നീക്കം ചെയ്യുന്നതിന് നിലവിൽ എന്തെങ്കിലും പദ്ധതികൾ നടപ്പിലാക്കിയിട്ടുണ്ടോ;

ഉണ്ടെങ്കിൽ പദ്ധതികളുടെ വിവരങ്ങളും നാളിതുവരെ പ്രസ്തുത പദ്ധതി നടപ്പിലാക്കിയ പുഴകളുടെ പേരും അതിനായി ചെലവഴിച്ച തുകയും വർഷം, ജില്ല എന്നിവ തിരിച്ചു ലഭ്യമാക്കാമോ;

മാലിന്യം നിമിത്തം പുഴകളിലെ വെള്ളം ഉപയോഗയോഗ്യമല്ലാതായത് ശ്രദ്ധയിൽപെട്ടിട്ടുണ്ടോ; വിശദാംശം ലഭ്യമാക്കുമോ;

പുഴകളിലും തോടുകളിലും മറ്റു ജലാശയങ്ങളിലും മാലിന്യം നിക്ഷേപിക്കുന്നവർക്കെതിരെ ചുമത്തുന്ന വകുപ്പുകൾ ഏതെല്ലാം; പ്രസ്തുത വകുപ്പുകൾ പ്രകാരം ലഭിക്കുന്ന ശിക്ഷകൾ എന്തെല്ലാം; വിശദമാക്കാമോ;

ഈ സർക്കാർ നിലവിൽ വന്നതിനുശേഷം ഇത്തരത്തിൽ എത്രപേർക്കെതിരെ കേസുകൾ ചുമത്തിയിട്ടുണ്ടെന്ന വിവരം ജില്ല തിരിച്ച് ലഭ്യമാക്കാമോ?

കോന്തുരുത്തിപ്പുഴ പൂർവ്വ സ്ഥിതിയിലാക്കുന്നത് സംബന്ധിച്ച പൊതു താൽപര്യ ഹർജിയിന്മേൽ 2026 ഏപ്രിൽ 16-നകം അവിടെ താമസിക്കുന്ന 126 കുടുംബങ്ങളെ പോലീസ് സഹായത്തോടെ കുടിയൊഴിപ്പിച്ച് എല്ലാ കയ്യേറ്റങ്ങളും നീക്കം ചെയ്യാൻ ബഹു. ഹൈക്കോടതി നിർദേശിച്ചിട്ടുള്ളത് ശ്രദ്ധയിൽപ്പെട്ടിട്ടുണ്ടോ;

ഇത്തരത്തിൽ അവിടെ കുടിയൊഴിപ്പിക്കപ്പെടുന്നവർക്ക് വേണ്ടി എപ്രകാരമുള്ള പുനരധിവാസ പദ്ധതി നടപ്പിലാക്കാനാണ് ഉദ്ദേശിക്കുന്നതെന്ന് അറിയിക്കുമോ; വിശദാംശം നൽകുമോ;

പുഴയുടെ ഇരുവശങ്ങളിലുമായി ഏതാണ്ട് 126 കുടുംബങ്ങള്‍ 45 വര്‍ഷത്തിലധികമായി വീടുകള്‍ കെട്ടി താമസിക്കുണ്ടെന്നത് ശ്രദ്ധയില്‍പ്പെട്ടിട്ടുണ്ടോ; ഇവരുടെ വീടുകള്‍ക്ക് വൈദ്യുതി കണക്ഷന്‍, നഗരസഭ കെട്ടിട നമ്പര്‍ എന്നിവ ലഭിച്ചി‍‍ട്ടുള്ളതും താമസക്കാര്‍ക്ക് റേഷന്‍കാര്‍ഡ്, ആധാര്‍ കാര്‍ഡ്, വോട്ടര്‍ ഐ.ഡി. എന്നിങ്ങനെയുള്ള തിരിച്ചറിയില്‍ രേഖകളും കോര്‍പ്പറേഷന്റെ കൈവശാവകാശ രേഖയും ഉണ്ടെന്നുമുള്ള വിവരം ശ്രദ്ധയില്‍പ്പെട്ടിട്ടുണ്ടോ;

സര്‍ക്കാര്‍ തലത്തില്‍ പ്രസ്തുത പ്രദേശത്ത് പുനരധിവാസത്തിന് ഭൂമി കണ്ടെത്താന്‍ ബുദ്ധിമുട്ടായ സാഹചര്യത്തില്‍, ഗുണഭോക്താക്കള്‍ക്ക് സ്വന്തം രീതിയില്‍ ഭൂമി കണ്ടെത്താമെന്നും ഈ പദ്ധതിക്ക് വേണ്ടി സര്‍ക്കാര്‍ കോടതിയില്‍ അറിയിച്ച തുകയായ 24.82 കോടി രൂപ, ഗുണഭോക്താക്കള്‍ക്ക് ഇതിനായി വീതിച്ച് നല്‍കാമെന്നും സമ്മതിച്ച വിവരം ശ്രദ്ധയില്‍പ്പെട്ടിട്ടുണ്ടോ; ഇതിനായി എന്ത് നടപടി സ്വീകരിച്ചു എന്നറിയിക്കുമോ;

കോവളം - ബേക്കല്‍ വെസ്റ്റ് കോസ്റ്റ് കനാല്‍ ജലപാതയുമായി ബന്ധപ്പെട്ട് കനാല്‍ പുറമ്പോക്കില്‍ നിന്നും സമാനരീതിയില്‍ കുടിയൊഴിപ്പിക്കപ്പെടുന്നവര്‍ക്ക് സ.ഉ.(സാധാ)നം.22/2022/സി.എസ്.ഐ.എന്‍.ഡി. തീയതി, 24-11-2022 പ്രകാരം പ്രത്യേക പാക്കേജ് അനുവദിച്ച് നല്‍കിയിട്ടുള്ളതുപോലെ ഒരു സ്പെഷ്യല്‍ പാക്കേജ് കോന്തുരുത്തി നിവാസികള്‍ക്ക് കൂടി അനുവദിക്കുമോ; വിശദാംശം അറിയിക്കുമോ?

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ജില്ലാ ഓംബുഡ്സ് പേഴ്സൺ നിയമന നടപടികൾ പൂർത്തിയായിട്ടുണ്ടോ; വിശദമാക്കാമോ;

പ്രസ്തുത നിയമനം എന്നത്തേക്ക് നടത്താൻ കഴിയുമെന്ന് അറിയിക്കാമോ; നിയമനവുമായി ബന്ധപ്പെട്ട് കോടതി വ്യവഹാരങ്ങൾ ഉണ്ടോ;

എങ്കിൽ ഇതുമായി ബന്ധപ്പെട്ട് എന്തു നടപടികളാണ് സ്വീകരിച്ചിട്ടുള്ളത്; കോടതി വ്യവഹാരങ്ങൾ ഇല്ലാത്ത ജില്ലകളിൽ ഓംബുഡ്സ് പേഴ്സൺമാരെ നിയമിക്കുന്നതിന് എന്തെങ്കിലും തടസ്സമുണ്ടോ; വ്യക്തമാക്കുമോ?

ഇൻഫര്‍മേഷൻ കേരള മിഷന്റെ പ്രവര്‍ത്തനം ആരംഭിച്ചത് ഏത് വര്‍ഷമാണ്; നിലവിൽ എത്ര ജീവനക്കാരാണ് ഇൻഫര്‍മേഷൻ കേരള മിഷനിൽ പ്രവര്‍ത്തിക്കുന്നത്; ഇതിൽ എത്ര സ്ഥിരം ജീവനക്കാര്‍ ഉണ്ട്;

സ്ഥിരം ജീവനക്കാരല്ലെങ്കിൽ അവരുടെ ജോലി സ്വഭാവമെന്താണ്; ഇതിൽ പത്ത് വര്‍ഷത്തിൽ അധികമായി ജോലിചെയ്യുന്നവര്‍ എത്ര പേരുണ്ട്; അവർ ആരൊക്കെ എന്ന് വ്യക്തമാക്കുക;

ജീവനക്കാര്‍ക്ക് സര്‍വ്വീസ് റൂൾസ് ബാധകമാക്കണമെന്ന ആവശ്യം ആരെങ്കിലും ഉന്നയിച്ചിട്ടുണ്ടോ; ഉണ്ടെങ്കിൽ ആരാണ് ആവശ്യം ഉന്നയിച്ചത്; പ്രസ്തുത ആവശ്യത്തിന് ഗവൺമെന്റ് തീരുമാനം എടുത്തിട്ടുണ്ടോ; ഇല്ലെങ്കിൽ എന്നത്തേക്ക് തീരുമാനം എടുക്കും; വിശദമാക്കുമോ;

ഇൻഫര്‍മേഷൻ കേരള മിഷൻ ജീവനക്കാര്‍ക്ക് ശമ്പള പരിഷ്കരണം നടപ്പിലാക്കുന്നതിന് നടപടി സ്വീകരിക്കുമോ?

സംസ്ഥാനത്ത് തെരുവു നായ്ക്കളുടെ എണ്ണം വർദ്ധിക്കുന്നതിന്റെ കാരണങ്ങൾ പരിശോധിച്ചിട്ടുണ്ടോ;

വളർത്തു നായകളെ തെരുവിൽ ഉപേക്ഷിക്കുന്ന പ്രവണത വർദ്ധിച്ചു വരുന്നതായി കണ്ടെത്തിയിട്ടുണ്ടോ;

നായകളെ വളർത്തുന്നതിന് ലൈസൻസ് നേ‍ടിയിരിക്കണമെന്ന നി‍ർദ്ദേശം പാലിക്കപ്പെടുന്നുണ്ടെന്ന് ഉറപ്പാക്കാൻ നടപടികൾ സ്വീകരിച്ചിട്ടുണ്ടോ;

നായകളെ വളർത്തുന്നതിന് എന്തെല്ലാം നിബന്ധനകളാണ് ഏർപ്പെടുത്താൻ ഉദ്ദേശിക്കുന്നതെന്ന് വിശദമാക്കാമോ?

വിവിധ വികസന പ്രവർത്തികള്‍ നടപ്പാക്കുന്നതിനായി മുറിച്ചു മാറ്റേണ്ട മരങ്ങളുടെ വില നിശ്ചയിച്ചു കിട്ടുന്നതിന് വലിയ കാലതാമസം ഉണ്ടാകുന്നത് ശ്രദ്ധയില്‍പെട്ടിട്ടുണ്ടോയെന്ന് വ്യക്തമാക്കാമോ;

സോഷ്യല്‍ ഫോറസ്ട്രി വകുപ്പ് മുഖേന മുൻകാലത്ത് നടപ്പാക്കിയിരുന്ന പ്രസ്തുത മൂല്യനിര്‍ണ്ണയം ഇപ്പോള്‍ എല്‍.എസ്.ജി.ഡി. എഞ്ചിനീയറിംഗ് വിഭാഗത്തിന് കൈമാറിയിട്ടുണ്ടോയെന്ന് വ്യക്തമാക്കാമോ;

ഉണ്ടെങ്കില്‍ മരങ്ങളുടെ വില നിശ്ചയിച്ചു നല്‍കുന്നതിനാവശ്യമായ സാങ്കേതിക പരിശീലനങ്ങളോ മാര്‍ഗ്ഗനിര്‍ദ്ദേശങ്ങളോ ഇതിനായി നല്‍കിയിട്ടുണ്ടോ എന്ന് അറിയിക്കാമോ;

വികസന പ്രവർത്തികളുടെ കാലതാമസം ഒഴിവാക്കുന്നതിനായി മരങ്ങളുടെ വില നിശ്ചയിക്കല്‍ അതിവേഗം ലഭ്യമാക്കുന്നതിനാവശ്യമായ സത്വരനടപടികള്‍ സ്വീകരിക്കുമോയെന്ന് വ്യക്തമാക്കാമോ?

കഴിഞ്ഞ സര്‍ക്കാരിന്റെ കാലത്തും ഈ സര്‍ക്കാരിന്റെ കാലത്തും തദ്ദേശ റോഡ് പുനരുദ്ധാരണ പദ്ധതിയില്‍ കായംകുളം മണ്ഡലത്തില്‍ അനുവദിച്ചിട്ടുള്ള റോഡുകള്‍, അനുവദിച്ച തുക, പദ്ധതികളുടെ പുരോഗതി എന്നിവ പഞ്ചായത്തുകള്‍, നഗരസഭ എന്നിങ്ങനെ തരം തിരിച്ച് വിശദമാക്കുമോ?

സംസ്ഥാനത്ത് തെരുവ് നായ ആക്രമണം മൂലം നിരവധി പേര്‍ക്ക് പരുക്ക് ഏല്‍ക്കുകയും മരണപ്പെടുകയും ചെയ്യുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ തെരുവ് നായ്ക്കളുടെ പെരുകി വരുന്ന എണ്ണം നിയന്ത്രിക്കുന്നതിനു് എന്തെല്ലാം പരിഹാര മാര്‍ഗ്ഗങ്ങളാണ് നടപ്പിലാക്കി വരുന്നത് എന്ന് വിശദമാക്കാമോ;

തെരുവ് നായ ആക്രമണത്തിനു് ഇരയാകുന്നവരുടെ ചികിത്സാ ചെലവ് വഹിക്കുന്നത് സര്‍ക്കാര്‍ ആണോ എന്ന് വ്യക്തമാക്കാമോ; എങ്കില്‍ എത്ര രൂപ ചികിത്സാ ചെലവ് ഇനത്തില്‍ നല്‍കിയിട്ടുണ്ട് എന്ന് അറിയിക്കാമോ; നഷ്ടപരിഹാരമായി എത്ര രൂപ വിതരണം ചെയ്തിട്ടുണ്ട് എന്ന് വിശദമാക്കാമോ;

അനധികൃതമായി തെരുവോരങ്ങളില്‍ പെരുകി വരുന്ന ഭക്ഷണശാലകള്‍, അലക്ഷ്യമായി തള്ളുന്ന ഭക്ഷണാവശിഷ്ടങ്ങള്‍ തുടങ്ങിയവ തെരുവ് നായകളുടെ എണ്ണത്തില്‍ ഭീമമായ വര്‍ദ്ധനവിനു കാരണമാകുന്നു എന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് തടയാന്‍ എന്തെല്ലാം പ്രതിരോധ മാര്‍ഗ്ഗങ്ങളാണ് സ്വീകരിച്ചിരിക്കുന്നതെന്ന് വിശദമാക്കാമോ;

മനുഷ്യജീവനു് ഭീഷണിയായ തെരുവ് നായ്ക്കളെ നിയന്ത്രിക്കുന്നതിനു് നിയമ നിര്‍മ്മാണം നടത്തുന്നത് ഉള്‍പ്പെടെയുള്ള പ്രതിരോധ മാര്‍ഗ്ഗങ്ങള്‍ നടത്താന്‍ തീരുമാനം എടുത്തിട്ടുണ്ടോ; വിശദമാക്കാമോ ?

വീടുകളില്‍ നിന്നും അജൈവമാലിന്യങ്ങളും പ്ലാസ്റ്റിക്കുകളും മറ്റും കൃത്യമായി ശേഖരിക്കാത്തതുമൂലം ജനങ്ങള്‍ ബുദ്ധിമുട്ട് അനുഭവിക്കുന്നത് ശ്രദ്ധയില്‍പെട്ടിട്ടുണ്ടോ; എങ്കില്‍ ഇത് കൃത്യമായി ശേഖരിച്ച് സംസ്കരിക്കാന്‍ എന്തെല്ലാം മാര്‍ഗ്ഗങ്ങളാണ് സ്വീകരിച്ചിരിക്കുന്നതെന്ന് വിശദമാക്കാമോ;

വീടുകളില്‍ നിന്നുള്ള അജൈവ മാലിന്യങ്ങള്‍ റോഡുകളിലും വഴിയോരങ്ങളിലും ജലാശയങ്ങളിലും വലിച്ചെറിയുന്നത് ശ്രദ്ധയില്‍പെട്ടിട്ടുണ്ടോ; എങ്കില്‍ ഇതുമൂലം ഉണ്ടാകുന്ന പാരിസ്ഥിതിക പ്രശ്നങ്ങള്‍ തടയാന്‍ എന്തെല്ലാം പ്രതിരോധ മാര്‍ഗ്ഗങ്ങളാണ് സ്വീകരിച്ചിരിക്കുന്നത്; വിശദമാക്കാമോ;

നിലവില്‍ അജൈവമാലിന്യങ്ങള്‍ എത്ര ദിവസം കൂടുമ്പോഴാണ് വീടുകളില്‍നിന്നു് ശേഖരിക്കുന്നത്; അജൈവമാലിന്യങ്ങളുടെ കൃത്യമായ ശേഖരണവും സംസ്കരണവും നടക്കുന്നുണ്ടോ എന്നു് ഉറപ്പ് വരുത്തുവാന്‍ നിലവില്‍ സംവിധാനങ്ങള്‍ ഏര്‍പ്പെടുത്തിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

ഗ്രാമ പഞ്ചായത്തുകളുടെ ആസ്തി രജിസ്‌ട്രേഷന്‍ നിലവില്‍ അപ്‌ഡേഷന്‍ പൂര്‍ത്തീകരിച്ച് സചിത്ര സോഫ്റ്റ്വെയറില്‍ ഓണ്‍ലൈന്‍ ആയി പ്രസിദ്ധീകരിക്കുന്ന പ്രവർത്തി പൂര്‍ത്തീകരിച്ച പഞ്ചായത്തുകളുടെ ജില്ല തിരിച്ചുളള ലിസ്റ്റ് ലഭ്യമാക്കാമോ;

മലപ്പുറം ജില്ലയില്‍ ഇത്തരത്തില്‍ സചിത്ര സോഫ്റ്റ് വെയറില്‍ ആസ്തി വിവരങ്ങള്‍ അപ്ഡേറ്റ് ചെയ്ത ഗ്രാമ പഞ്ചായത്തുകളുടെ വിവരങ്ങൾ ലഭ്യമാക്കാമോ;

ഗ്രാമപഞ്ചായത്തുകളുടെ ഉടമസ്ഥതയിലുളള റോഡുകളും തോടുകളും കലുങ്കുകളും പാലങ്ങളും ഹൈമാസ്റ്റ്/മിനിമാസ്റ്റ് ലൈറ്റുകളും മറ്റു ആസ്തികളും ഗ്രാമ പഞ്ചായത്തുകളുടെ ആസ്തി രജിസ്റ്ററുകളില്‍ അപ്‌ഡേറ്റ് ചെയ്ത് സചിത്ര സോഫ്റ്റ്വെയറില്‍ അപ്‌ഡേറ്റ് ചെയ്യാനുളള സമയ പരിധി നിര്‍ണ്ണയിച്ച് നിര്‍ദേശം നല്‍കുന്ന കാര്യം പരിഗണനയിലുണ്ടോ;

ആസ്തി രജിസ്റ്ററില്‍ ഉള്‍പ്പെട്ട പല റോഡുകളും അപ്‌ഡേഷന്‍ ചെയ്യാത്തതിനാല്‍ റോഡിന്റെ നീളത്തിലും അളവിലും ആസ്തി രജിസ്റ്റർ പ്രകാരം വ്യത്യാസം ഉണ്ടാകുന്ന കേസുകള്‍ പരിഹരിക്കുന്നതിന് പ്രത്യേക ഡ്രൈവ് നടത്തുന്നതിന് ബന്ധപ്പെട്ട ഗ്രാമപഞ്ചായത്തുകള്‍ക്ക് നിര്‍ദേശം നല്‍കുന്ന കാര്യം പരിഗണയിലുണ്ടോ; വിശദമാക്കാമോ?

ഉടുമ്പന്‍ചോല മണ്ഡലത്തിലെ ഏതൊക്കെ തദ്ദേശസ്വയംഭരണ സ്ഥാപനങ്ങളിലാണ് എഞ്ചിനീയറിങ് വിഭാഗത്തില്‍ അസിസ്റ്റന്റ് എഞ്ചിനീയര്‍, ഓവര്‍സിയര്‍ എന്നീ തസ്തികകളിൽ ഒഴിവ് നിലനിൽക്കുന്നതെന്ന് സംബന്ധിച്ച വിശദവിവരം സ്ഥാപനത്തിന്റെ പേര്, തസ്തിക, ഒഴിവ് വന്ന തീയതി എന്നീ വിവരങ്ങളോടൊപ്പം ലഭ്യമാക്കാമോ?

കാസര്‍ഗോഡ് ജില്ലയിലെ തദ്ദേശസ്വയംഭരണ സ്ഥാപനങ്ങളിലെ എഞ്ചിനീയറിംഗ് വിങ്ങുകളിലായി എത്ര ഒഴിവുകളുണ്ടെന്നും ഈ ഒഴിവുകള്‍ സ്ഥിരമായി നികത്താന്‍ നടപടികളായിട്ടുണ്ടോയെന്നും വ്യക്തമാക്കാമോ?

പൂഞ്ഞാർ മണ്ഡലത്തില്‍ തദ്ദേശ റോ‍ഡ് പുനരുദ്ധാരണ പദ്ധതിയുടെ ഭാഗമായി നടന്നുവരുന്ന പ്രവൃത്തികളുടെ പുരോഗതി വിശദാംശങ്ങള്‍ സഹിതം നല്കാമോ;

പ്രസ്തുത പ്രവൃത്തികള്‍ എന്നത്തേയ്ക്ക് പൂർത്തിയാക്കാൻ കഴിയുമെന്ന് വ്യക്തമാക്കുമോ?

മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതി പ്രകാരം കോഴിക്കോട് നോര്‍ത്ത് നിയോജക മണ്ഡലത്തില്‍ ഏതെല്ലാം പ്രവൃത്തികളാണ് അംഗീകരിച്ചതെന്ന് വിശദമാക്കാമോ;

പ്രസ്തുത പ്രവൃത്തികളുടെ നിലവിലുള്ള സ്ഥിതി വ്യക്തമാക്കുമോ?

കോങ്ങാട് നിയോജക മണ്ഡലത്തില്‍ ലൈഫ് ഭവന പദ്ധതി പ്രകാരം നാളിതുവരെയായി എത്ര ഭവനങ്ങള്‍ പൂര്‍ത്തിയാക്കിയിട്ടുണ്ടെന്നും എത്ര വീടുകളുടെ നിര്‍മ്മാണം നടന്നുകൊണ്ടിരിക്കുന്നുവെന്നും പഞ്ചായത്ത് തിരിച്ച് വ്യക്തമാക്കാമോ?

തദ്ദേശസ്വയംഭരണ പൊതു സര്‍വ്വീസില്‍ ഉള്‍പ്പെടുന്ന ഗ്രാമപഞ്ചായത്ത് വകുപ്പിലെ അഡീഷണല്‍/ജോയിന്റ്/ഡെപ്യൂട്ടി/അസി.ഡെപ്യൂട്ടി ഡയറക്ടര്‍, ഇന്റേർണല്‍ വിജിലന്‍സ് ഓഫീസര്‍, ഗ്രാമപഞ്ചായത്ത് സെക്രട്ടറി/സീനിയര്‍ സൂപ്രണ്ട്, അസി.സെക്രട്ടറി/ജൂനിയര്‍ സൂപ്രണ്ട്, ഹെഡ് ക്ലാര്‍ക്ക് എന്നീ വിഭാഗത്തില്‍ നിലവില്‍ ജോലി ചെയ്യുന്ന ജീവനക്കാരുടെ സീനിയോറിറ്റി പട്ടിക തയ്യാറാക്കിയിട്ടുണ്ടോ;

മേല്‍ സൂചിപ്പിച്ച തസ്തികകളുടെ സീനിയോറിറ്റി ലിസ്റ്റ് തയ്യാറാക്കിയിട്ടുണ്ടെങ്കില്‍ ആയതിന്റെ പകര്‍പ്പ് തസ്തിക അടിസ്ഥാനത്തില്‍ ലഭ്യമാക്കാമോ;

2026 ജനുവരി മുതല്‍ മെയ് വരെ മേല്‍ വിഭാഗത്തില്‍പെട്ട ജീവനക്കാരിൽ എത്ര പേര്‍ വിരമിക്കുന്നുവെന്നതിന്റെ കാറ്റഗറി തിരിച്ചുള്ള വിശദാംശം മാസം തിരിച്ച് നല്‍കുമോ;

ഇത്തരത്തില്‍ വിരമിക്കുന്നവരുടെ പട്ടികയില്‍ പി. എസ്. സി. മുഖേന നേരിട്ട് സെക്രട്ടറിയായി നിയമനം ലഭിച്ച എത്ര പേരുണ്ട്; അത്തരത്തില്‍ വിരമിക്കുന്നവരുടെ ഒഴിവുകള്‍ എപ്രകാരമാണ് നികത്തുന്നത്; വിശദാംശങ്ങള്‍ നല്‍കാമോ;

2026 ജനുവരി മുതല്‍ മെയ് വരെ ഇത്തരത്തില്‍ നേരിട്ട് സെക്രട്ടറിയായി നിയമനം ലഭിച്ച എത്ര പേര്‍ വിരമിക്കുന്നുവെന്നതിന്റെ വിശദാംശങ്ങള്‍ നല്‍കാമോ?

തദ്ദേശസ്വയംഭരണ (ആർ.ഇ) വകുപ്പിന്റെ 21/06/2024 തീയതിയിലെ ആർ.ഇ1/13/2024/ത.സ്വ.ഭ.വ. നമ്പർ കത്ത് പ്രകാരം ആവശ്യപ്പെട്ട അധിക വിവരങ്ങൾക്ക് കടുത്തുരുത്തി ഗ്രാമപഞ്ചായത്തും ബന്ധപ്പെട്ട ജില്ലാ, സംസ്ഥാന ഡയറക്ടർമാരും സമയബന്ധിതമായി മറുപടി നൽകിയിട്ടുണ്ടോ; ഇല്ലെങ്കില്‍ അതിന്റെ കാരണം വിശദീകരിക്കാമോ; മറുപടി നൽകിയിട്ടുണ്ടെങ്കിൽ ആയതിന്റെ പകർപ്പുകൾ നല്‍കാമോ;

പോളിടെക്നിക്കിനായി മുൻപ് വിട്ടുകൊടുത്ത ഭൂമിയുടെയും ഇപ്പോൾ കൈമാറ്റത്തിനായി പരിഗണിക്കുന്ന ഭൂമിയുടെയും സർവ്വേ നമ്പരുകൾ രേഖകൾ പ്രകാരം വ്യത്യസ്തമാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; ഈ വൈരുദ്ധ്യം സംബന്ധിച്ച വില്ലേജ് ഓഫീസറുടെ റിപ്പോർട്ട് നേരത്തെ ലഭ്യമാക്കാതിരുന്നതിന് കാരണം എന്താണെന്ന് വ്യക്തമാക്കാമോ;

2017-ൽ ഭൂമി കൈമാറ്റവുമായി ബന്ധപ്പെട്ട നടപടികൾ ആരംഭിച്ചിട്ടും എട്ട് വർഷമായി അന്തിമ തീരുമാനത്തിലെത്താൻ കഴിയാതിരുന്നതിന്റെ ഭരണപരമായ കാരണങ്ങൾ എന്തൊക്കെയാണ്; ഈ കാലതാമസത്തിനുള്ള ഉത്തരവാദിത്തം ഏത് വകുപ്പുകൾക്കാണെന്ന് അറിയിക്കാമോ;

19 ഏക്കർ 39.147 സെന്റ് ഭൂമിയിൽ നിന്ന് പോളിടെക്നിക്ക്, കേന്ദ്രീയ വിദ്യാലയം, ഫയർ സ്റ്റേഷൻ, ഹോമിയോ ഡിസ്പെൻസറി, അങ്കണവാടി, ലൈഫ് മിഷൻ എന്നിവയ്ക്കായി ഭൂമി തരംതിരിച്ചിരുന്നുവെങ്കിലും ഓരോ സ്ഥാപനത്തിനും അനുവദിക്കേണ്ട ഭൂമിയുടെ വിസ്തീർണ്ണവും സ്ഥാനവും സംബന്ധിച്ച അന്തിമ തീരുമാനം വൈകിയതിന്റെ കാരണം വിശദീകരിക്കാമോ;

പൊതുവഴിക്കായി മാറ്റിവെച്ചിരിക്കുന്ന സ്ഥലത്തിന്റെ വീതി സംബന്ധിച്ച സർവ്വേ നടപടികൾ പൂർത്തിയായിട്ടും റവന്യൂ വകുപ്പിന്റെ അന്തിമ റിപ്പോർട്ട് പ്രകാരം തുടർനടപടികൾ സ്വീകരിക്കുന്നതിൽ ഉണ്ടായ കാലതാമസത്തിന്റെ കാരണം എന്താണെന്ന് വ്യക്തമാക്കാമോ;

പഞ്ചായത്ത്, വില്ലേജ് ഓഫീസ്, കൃഷി വകുപ്പ്, പ്രിൻസിപ്പൽ ഡയറക്ടർ എന്നിവരിൽ നിന്നും ആവശ്യപ്പെട്ടിരുന്ന ബേസിക് ടാക്സ് രജിസ്റ്റർ (ബി.ടി.ആർ) പകർപ്പ്, ഭൂമിയുടെ അനുയോജ്യത സാക്ഷ്യപത്രങ്ങൾ, അർത്ഥനാപത്രങ്ങൾ തുടങ്ങിയ രേഖകൾ ഇതുവരെ സമർപ്പിക്കപ്പെടാത്തത് സർക്കാരിന്റെ തീരുമാനത്തെ തടസ്സപ്പെടുത്തിയിട്ടുണ്ടോ; ഇതിന് ഉത്തരവാദികളായ ഉദ്യോഗസ്ഥർക്കെതിരെ നടപടി സ്വീകരിക്കുമോ;

മറ്റു വകുപ്പുകളിൽ നിന്നും ഭൂമി അനുയോജ്യമാണെന്ന സാക്ഷ്യപത്രങ്ങൾ ലഭ്യമാക്കുന്നതിനായി സർക്കാർ സമയപരിധി നിശ്ചയിച്ചിട്ടുണ്ടോ; കടുത്തുരുത്തി ഗവ. പോളിടെക്നിക്കിനായുള്ള പഞ്ചായത്ത് വക സ്ഥല കൈമാറ്റവുമായി ബന്ധപ്പെട്ട എല്ലാ നടപടികളും എപ്പോൾ പൂർത്തിയാക്കുമെന്ന് അറിയിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം ലെെഫ് ഭവന പദ്ധതിയില്‍ ഉള്‍പ്പെടുത്തി കുന്നത്തുനാട് മണ്ഡലത്തില്‍ എത്രപേര്‍ക്ക് വീടുകള്‍ അനുവദിച്ചിട്ടുണ്ടെന്ന് പ‍ഞ്ചായത്ത് തിരിച്ചുള്ള കണക്ക് വ്യക്തമാക്കാമോ;

ഇതില്‍ ഭൂമിയില്ലാത്ത എത്രപേര്‍ക്ക് ഭൂമി കണ്ടെത്തി വീട് അനുവദിച്ചുവെന്ന് വ്യക്തമാക്കാമോ;

ലെെഫ് പദ്ധതി പ്രകാരം അനുവദിച്ച വീടുകളില്‍ എത്ര വീടുകളുടെ നിര്‍മ്മാണം പൂര്‍ത്തീകരിച്ചു എന്ന് വ്യക്തമാക്കാമോ;

കുന്നത്തുനാട് മണ്ഡലത്തില്‍ അര്‍ഹരായി കണ്ടെത്തിയ ഭൂരഹിത ഭവന രഹിതരുടെ എണ്ണം പഞ്ചായത്ത് തിരിച്ച് വ്യക്തമാക്കാമോ; ഇതില്‍ എത്ര പേര്‍ക്ക് ഭൂമി കണ്ടെത്തി നല്കിയെന്ന് പ‍ഞ്ചായത്ത് തിരിച്ച് വ്യക്തമാക്കാമോ?

ദേവികുളം മണ്ഡലത്തിലെ ഗ്രാമീണ റോഡ് പുനരുദ്ധാരണ പദ്ധതി പ്രകാരം അനുവദിച്ച റോഡുകൾ ഏതെല്ലാമെന്ന് പഞ്ചായത്ത് തിരിച്ച് അറിയിക്കാമോ;

ദേവികുളം മണ്ഡലത്തിലെ ഗ്രാമീണ റോഡ് പുനരുദ്ധാരണ പ്രവൃത്തികളുടെ നിലവിലെ സ്ഥിതിയെന്തെന്ന് വിശദമാക്കാമോ?

തദ്ദേശറോഡ് പുനരുദ്ധാരണ പദ്ധതി പ്രകാരം കോങ്ങാട് മണ്ഡലത്തില്‍ ഏതൊക്കെ റോ‍ഡുകള്‍ക്കാണ് ഭരണാനുമതി നല്‍കിയിട്ടുള്ളതെന്നും എത്ര തുകയാണ് ഇവയ്ക്കായി അനുവദിച്ചിട്ടുള്ളതെന്നും പഞ്ചായത്ത് തിരിച്ചുള്ള വിശദവിവരം ലഭ്യമാക്കുമോ;

പ്രസ്തുത പ്രവൃത്തികളുടെ നിലവിലെ സ്ഥിതി സംബന്ധിച്ച വിശദവിവരം ലഭ്യമാക്കുമോ?

കെ-ലിഫ്റ്റ് ഉപജീവന ക്യാമ്പയിനിലൂടെ ഓരോ പഞ്ചായത്തിലും എത്ര പേ‍ര്‍ക്കാണ് ഉപജീവന സൗകര്യങ്ങൾ ലഭ്യമാക്കിയിട്ടുളളതെന്ന് വിശദമാക്കാമോ;

ഇത്തരത്തിൽ തൊഴിലവസരങ്ങൾ സൃഷ്ടിക്കുന്നതിനും വിപുലീകരിക്കുന്നതിനും എന്തെല്ലാം നടപടികളാണ് സ്വീകരിച്ച് വരുന്നതെന്ന് വിശദമാക്കാമോ?

കേരളീയ സമൂഹത്തിന്റെ പുതിയ ആവശ്യങ്ങൾ നിറവേറ്റുന്നതിനായി ത്രിതല പഞ്ചായത്തുകളുടെ പ്രവർത്തനം കൂടുതൽ കാര്യക്ഷമമാക്കാൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കാമോ;

ത്രിതല പഞ്ചായത്തുകളുടെ പ്രവർത്തനങ്ങളിൽ വയോജന ക്ഷേമം, പാലിയേറ്റിവ് കെയർ, ലഹരിക്കെതിരെ മുന്നേറ്റം തുടങ്ങിയ പ്രവർത്തനങ്ങൾക്ക് മുൻഗണന നൽകുന്നതിന് നടപടികൾ സ്വീകരിക്കുമോ; വിശദാംശം ലഭ്യമാക്കാമോ?

2011-16 കാലയളവില്‍ സംസ്ഥാനത്ത് പുതുതായി എത്ര നഗരസഭകളാണ് രൂപീകരിച്ചതെന്നും അവ ഏതെല്ലാമാണെന്നും വ്യക്തമാക്കാമോ;

അവയില്‍ ഏതെല്ലാം നഗരസഭകള്‍ക്കാണ് പുതിയ കെട്ടിടങ്ങള്‍ നിര്‍മ്മിച്ചിട്ടുള്ളത്; വ്യക്തമാക്കുമോ;

സൗകര്യപ്രദമായ കെട്ടിടങ്ങളില്ലാത്ത എത്ര നഗരസഭകളുണ്ടെന്നും അവ ഏതെല്ലാമാണെന്നും വിശദമാക്കാമോ;

പുതുതായി രൂപീകരിച്ച നഗരസഭകള്‍ക്ക് കെട്ടിടങ്ങള്‍ നിര്‍മ്മിക്കാന്‍ എത്ര രൂപ വീതമാണ് അനുവദിച്ചിരുന്നതെന്നും ഈ തുക ഉപയോഗപ്പെടുത്തി കെട്ടിട നിര്‍മ്മാണ പ്രവൃത്തി ഇതുവരെയും ആരംഭിക്കാത്ത നഗരസഭകള്‍ ഏതൊക്കെയാണെന്നും വ്യക്തമാക്കാമോ?

ഷൊര്‍ണൂര്‍ നിയോജക മണ്ഡലത്തിലെ ചെര്‍പ്പുളശ്ശേരി, ഷൊര്‍ണൂര്‍ മുനിസിപ്പാലിറ്റികളില്‍ ജൈവ/അജൈവ മാലിന്യ ശേഖരണം പൂര്‍ണമായി നടപ്പിലാക്കാന്‍ സാധിക്കുന്നുണ്ടോ; വിശദമാക്കാമോ;

പ്രസ്തുത മുനിസിപ്പാലിറ്റികളില്‍ മാലിന്യ സംസ്കരണ യൂണിറ്റുകള്‍ സ്ഥാപിക്കാന്‍ ഭൂമി കണ്ടെത്തിയിട്ടുണ്ടോയെന്നും ഇതുമായി ബന്ധപ്പെട്ട കോടതി നിര്‍ദ്ദേശങ്ങള്‍ ലഭിച്ചിട്ടുണ്ടോയെന്നും വിശദമാക്കാമോ?

കോതമംഗലം നഗരസഭയില്‍ കിഫ്ബി ഫണ്ട് ഉപയോഗിച്ച് നിര്‍മ്മിക്കുന്ന മോഡേണ്‍ ക്രിമറ്റോറിയവുമായി ബന്ധപ്പെട്ട നിലവിലെ സ്ഥിതി വ്യക്തമാക്കാമോ;

ശേഷിക്കുന്ന നിര്‍മ്മാണ പ്രവര്‍ത്തനങ്ങള്‍ വേഗത്തില്‍ പൂര്‍ത്തീകരിച്ച് ക്രിമറ്റോറിയത്തിന്റെ പ്രവര്‍ത്തനം ആരംഭിക്കുന്നതിനാവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കാമോ?

15.08.2022-ലെ 186/2022/ത.സ്വ.ഭ.വ. നമ്പര്‍ ഉത്തരവ് പ്രകാരം അനുമതി ലഭിച്ചിട്ടുള്ള കൊച്ചി സുസ്ഥിര നഗര പുനര്‍നിര്‍മ്മാണ പദ്ധതി നടപ്പിലാക്കുന്നതിനായി നാളിതുവരെ സ്വീകരിച്ചിട്ടുള്ള നടപടി വിശദമാക്കാമോ;

പ്രസ്തുത പദ്ധതിയുടെ വിശദമായ പദ്ധതി രേഖ തയ്യാറാക്കുന്നതിനും സ്പെഷ്യല്‍ പര്‍പ്പസ് വെഹിക്കിള്‍ രൂപീകരിക്കുന്നതിനുമായി സ്വീകരിച്ചിട്ടുള്ള നടപടികളുടെ നിലവിലെ സ്ഥിതി വ്യക്തമാക്കാമോ?