ധനകാര്യ പരിശോധന വിഭാഗം 2025 ഒക്ടോബർ മുതൽ 2026 ജനുവരി വരെ പട്ടികജാതി പട്ടികവർഗ്ഗ വകുപ്പുമായി ബന്ധപ്പെട്ട് സർക്കാരിന് എത്ര പരിശോധന റിപ്പോർട്ടുകൾ സമർപ്പിച്ചുവെന്നും ആയതിൽ ക്രമക്കേട് കണ്ടെത്തിയത് എത്ര പരിശോധനകളിൽ ആണെന്നും വ്യക്തമാക്കുമോ; ക്രമക്കേട് കണ്ടെത്തിയ റിപ്പോർട്ടുകളുടെ പകർപ്പ് ലഭ്യമാക്കുമോ?

കഴിഞ്ഞ സർക്കാരിന്റെ കാലം മുതൽ നാളിതുവരെയുള്ള കാലയളവിൽ സർവ്വീസിൽ നിന്നും വിരമിച്ച ഉദ്യോഗസ്ഥർക്ക് പുനർനിയമനം നൽകിയതിൽ പ്രസ്തുത ഉദ്യോഗസ്ഥരുടെ പേര്, പുനർനിയമനം നൽകിയ തസ്തിക, അനുവദിച്ച ശമ്പളവും മറ്റ് ആനുകൂല്യങ്ങളും എന്നിവയുൾപ്പെടുന്ന വിവരത്തോടൊപ്പം പുനർനിയമനം നൽകിയ ഇനത്തിൽ സർക്കാരിന് ആകെ ചെലവായ തുകയുടെ വിശദാംശങ്ങളും തരം തിരിച്ച് ലഭ്യമാക്കാമോ?

കേന്ദ്രത്തിന് സംസ്ഥാനത്തോട് സാമ്പത്തിക കാര്യത്തിൽ നിഷേധാത്മക നിലപാട് ഉണ്ടെന്ന് കരുതുന്നുണ്ടോ; എങ്കിൽ അതു തിരുത്താൻ സ്വീകരിച്ചുവരുന്ന നടപടികൾ എന്തെല്ലാമെന്ന് വ്യക്തമാക്കുമോ;

വിവിധ മേഖലകളിലേക്കുള്ള സാമ്പത്തിക വിഹിതം കേന്ദ്ര സർക്കാർ തടഞ്ഞു വെക്കുന്നുവെന്നു കരുതുന്നുണ്ടോ; എങ്കിൽ ഏതെല്ലാം മേഖലകളിലെ പണമാണ് കേന്ദ്ര സർക്കാർ തടഞ്ഞുവെച്ചിരിക്കുന്നതെന്ന് വ്യക്തമാക്കുമോ;

നികുതി വിഹിതത്തിലെ കുറവും കടമെടുപ്പിലെ വെട്ടിക്കുറവും എങ്ങനെയൊക്കെയാണ് സംസ്ഥാനത്തിന്റെ സാമ്പത്തിക മേഖലയെ തകർക്കാൻ കാരണമാകുന്നതെന്ന് വ്യക്തമാക്കുമോ;

ഇതിനെതിരെ ശക്തമായ പ്രക്ഷോഭവും സുപ്രീം കോടതി അടക്കമുള്ള നീതിന്യായ സംവിധാനങ്ങളെ സമീപിക്കുന്നതിനുള്ള നടപടികളും ഉണ്ടാകുമോ; എങ്കിൽ വിശദാംശം ലഭ്യമാക്കുമോ?

2025 ഡിസംബർ മാസത്തിൽ സംസ്ഥാനത്തെ വിലക്കയറ്റനിരക്ക് ദേശീയ നിരക്കിനേക്കാൾ ഉയർന്ന നിലയിൽ തുടരുന്നുവെന്ന സെൻട്രൽ സ്റ്റാറ്റിസ്റ്റിക്കൽ ഓഫീസിന്റെ റിപ്പോർട്ട് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

രാജ്യത്തെ മറ്റ് സംസ്ഥാനങ്ങളെ അപേക്ഷിച്ച് കേരളത്തിൽ വിലക്കയറ്റം ക്രമാതീതമായി വർദ്ധിക്കുന്നതിന്റെ കാരണം വിശദമാക്കാമോ;

വിലക്കയറ്റം നിയന്ത്രിക്കുന്നതിനായി എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കുമോ?

സർക്കാർ ജീവനക്കാരുടെ ശമ്പളപരിഷ്കരണം സമയബന്ധിതമായി നടപ്പിലാക്കണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ഇതിനായി സ്വീകരിച്ച നടപടികളെന്തൊക്കെയെന്നും ശമ്പളം പരിഷ്കരണം എപ്പോൾ നടപ്പിലാക്കാനാകുമെന്നുമുള്ള വിവരങ്ങൾ അറിയിക്കാമോ?

വടക്കേക്കോട്ട തൃപ്പൂണിത്തുറയിൽ സ്ഥിതി ചെയ്യുന്ന കൊച്ചി മെട്രോ റെയിൽ ലിമിറ്റഡിന്റെ കെട്ടിടം ജി.എസ്.ടി. അപ്പീൽ ട്രൈബ്യൂണൽ, ജി.എസ്.ടി. ഇന്റലിജൻസ് ആൻഡ് എൻഫോഴ്‌സ്‌മെന്റ് വിഭാഗം, ഓഡിറ്റ് വിഭാഗം എന്നീ കാര്യാലയങ്ങളുടെ പ്രവർത്തനങ്ങൾക്കായി വാടകയ്ക്ക് എടുത്തിട്ടുണ്ടോ; വ്യക്തമാക്കാമോ;

വാടകയ്ക്ക് എടുത്ത കെട്ടിടത്തിന്റെ മൊത്തം വിസ്തീർണ്ണം എത്രയാണ്; പ്രതിമാസം അടയ്‌ക്കേണ്ട വാടക എത്രയാണ്; വാടക കരാർ ഒപ്പുവെച്ചിട്ടുണ്ടോ; എങ്കിൽ ഇതുവരെ അടച്ച വാടകയുടെ മൊത്തം തുക എത്രയാണ്; വ്യക്തമാക്കാമോ;

വാടകയ്ക്കെടുത്ത കെട്ടിടത്തിൽ എന്തെങ്കിലും പ്രവർത്തനങ്ങൾ ആരംഭിച്ചിട്ടുണ്ടോ; വാടക കെട്ടിടത്തിന്റെ ഇന്റീരിയർ പൂർത്തീകരിച്ചിട്ടുണ്ടോ; എങ്കിൽ ഇന്റീരിയർ പൂർത്തീകരിക്കുന്നതിന് കണക്കാക്കിയ ചെലവ് എത്ര; ഈ ചെലവുകൾക്ക് അനുമതി നൽകിയിട്ടുണ്ടോ; വിശദമാക്കാമോ;

പ്രസ്തുത കെട്ടിടത്തിന്റെ ഇന്റീരിയർ പ്രവൃത്തികൾ നിർവ്വഹിക്കുന്ന ചുമതല ആരെയാണ് ഏൽപ്പിക്കുന്നത്; ഈ ജോലികൾ പൂർത്തീകരിക്കുന്നതിനായി നിശ്ചയിച്ചിട്ടുള്ള സമയക്രമം വ്യക്തമാക്കാമോ; മേൽപ്പറഞ്ഞ ജി.എസ്.ടി. യൂണിറ്റുകളെ വാടക കെട്ടിടത്തിലേക്ക് മാറ്റിപ്പാർപ്പിക്കുന്നതിനുള്ള നിർദ്ദിഷ്ട സമയപരിധി എപ്രകാരമാണ്; വിശദമാക്കാമോ?

കേരള സോഷ്യൽ സെക്യൂരിറ്റി പെൻഷൻ ലിമിറ്റഡ് കമ്പനിയുടെ നിലവിലെ ബാധ്യത എത്രയാണെന്ന് ഇനം തിരിച്ചു നൽകാമോ;

കേരള സോഷ്യൽ സെക്യൂരിറ്റി പെൻഷൻ ലിമിറ്റഡ് കമ്പനിക്ക് സര്‍ക്കാര്‍ എത്ര കോടി രൂപ നൽകാനുണ്ടെന്ന് വ്യക്തമാക്കാമോ?

സർക്കാർ ജീവനക്കാരുടെ ശമ്പള പരിഷ്കരണം ഈ വർഷം നടപ്പിലാക്കാൻ ഉദ്ദേശിക്കുന്നുണ്ടോ;

ഇതിനായി കമ്മീഷനെയോ കമ്മിറ്റിയെയോ നിയമിക്കാൻ ആലോചിക്കുന്നുണ്ടോ;

എന്നു മുതൽ പരിഷ്ക്കരണം നടപ്പിലാക്കാനാണ് ഉദ്ദേശിക്കുന്നത്; വിശദമാക്കാമോ?

2016 മുതൽ നാളിതുവരെ ഓരോ വർഷവും സംസ്ഥാനം വകയിരുത്തിയ എസ്.സി.പി. അടങ്കലും ചെലവഴിച്ച തുകയും വർഷം തിരിച്ച് നൽകാമോ;

2016 മുതൽ നാളിതുവരെ ഓരോ വർഷവും വകയിരുത്തിയ ടി. എസ്. പി. അടങ്കലും ചെലവഴിച്ച തുകയും വർഷം തിരിച്ച് നൽകാമോ?

2025-26 സാമ്പത്തിക വർഷം നാളിതുവരെ സംസ്ഥാനത്തെ ആകെ വാർഷിക വരുമാനം എത്രയെന്ന് വ്യക്തമാക്കാമോ;

2025-26 സാമ്പത്തിക വർഷം നാളിതുവരെ സംസ്ഥാനത്തെ മൊത്തം വാർഷിക ചെലവ് എത്രയെന്ന് വ്യക്തമാക്കാമോ;

2025-26 സാമ്പത്തിക വർഷം നാളിതുവരെ സംസ്ഥാനത്തെ ധനക്കമ്മി ജി. എസ്. ഡി. പി. അനുപാതത്തിൽ എത്രയാണെന്ന് വ്യക്തമാക്കാമോ?

കേരള മെഡിക്കൽ സര്‍വ്വീസ് കോർപ്പറേഷൻ കോവിഡ് കാലത്ത് നടത്തിയ പർച്ചേസുകൾ സംബന്ധിച്ച് ധനകാര്യ പരിശോധനാ വിഭാഗം നടത്തിയ അന്വേഷണ റിപ്പോർട്ടിന്റെ പകർപ്പ് ലഭ്യമാക്കാമോ?

2025-26 സാമ്പത്തിക വർഷം നാളിതുവരെ ലഭിച്ച ആകെ വരുമാനം ഇനം തിരിച്ചു ലഭ്യമാക്കാമോ?

2025-26 സാമ്പത്തിക വർഷം നാളിതുവരെ സംസ്ഥാനത്തെ റവന്യു വരുമാനം, റവന്യു ചെലവ് എന്നിവ എത്രയാണെന്ന് വ്യക്തമാക്കാമോ;

2025-26 സാമ്പത്തിക വർഷം നാളിതുവരെ സംസ്ഥാനത്തെ റവന്യു കമ്മി ജി.എസ്.ഡി.പി. അനുപാതത്തിൽ എത്രയാണെന്ന് വ്യക്തമാക്കാമോ?

നടപ്പ് സാമ്പത്തിക വർഷത്തെ സി.എ.ജി.യുടെ കണക്കുകൾ പ്രകാരം സംസ്ഥാനത്തെ ചെലവ്, വരവിനേക്കാൾ മുപ്പത്തൊൻപതിനായിരത്തോളം കോടി രൂപ അധികമാണെന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

നടപ്പ് സാമ്പത്തിക വർഷം നാളിതുവരെ സംസ്ഥാനം പ്രതീക്ഷിച്ച നികുതി പിരിച്ചെടുക്കാൻ സാധിച്ചിട്ടില്ലെന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാനത്തെ വരുമാനം വർധിപ്പിക്കുന്നതിനു സർക്കാർ സ്വീകരിക്കാൻ ഉദ്ദേശിക്കുന്ന നടപടികൾ വിശദമാക്കാമോ?

2025-26 സാമ്പത്തിക വർഷം നാളിതുവരെ സംസ്ഥാനത്തെ ക്യാപിറ്റൽ എക്സ്പെന്റിച്ചർ എത്രയാണെന്ന് വ്യക്തമാക്കാമോ?

2016 മുതൽ നാളിതുവരെ ഓരോ വർഷവും സംസ്ഥാനം വകയിരുത്തിയ പദ്ധതി അടങ്കലും ചെലവഴിച്ച തുകയും വർഷം തിരിച്ചുള്ള വിവരം നൽകാമോ?

2025-26 സാമ്പത്തിക വർഷം നാളിതുവരെ സംസ്ഥാനത്തെ പദ്ധതി പുരോഗതിയുടെ ഇനം തിരിച്ചുള്ള വിവരം നൽകാമോ?

വിദ്യാഭ്യാസ വായ്പ എടുത്ത് തിരിച്ചടവ് മുടങ്ങിയവരുടെ കുടിശ്ശിക തീര്‍പ്പാക്കുന്നതിന് നടപ്പാക്കി വന്നിരുന്ന എ‍ഡ്യുക്കേഷൻ ലോൺ റീപേയ്മെന്റ് സപ്പോർട്ട് സ്കീം പ്രകാരം നിശ്ചയിച്ച തുക അടച്ചിട്ടും ബാങ്കുകളില്‍ നിന്നും റവന്യു റിക്കവറി നടപടികള്‍ സ്വീകരിച്ചു വരുന്നു എന്ന വിവരം ശ്രദ്ധില്‍പ്പെട്ടിട്ടുണ്ടോ; എങ്കിൽ ആയത് സംബന്ധിച്ച് പരിശോധന നടത്തിയിട്ടുണ്ടോ; വിശദമാക്കാമോ;

സര്‍ക്കാര്‍ അടയ്ക്കാന്‍ നിശ്ചയിച്ച തുക അടച്ചിട്ടും ബാക്കി തുക ബാങ്കുകള്‍ക്ക് ലഭിച്ചിട്ടില്ല എന്ന് കാണിച്ച് ബാങ്കുകള്‍ റവന്യു വകുപ്പ് മുഖേന റിക്കവറി നടപടികള്‍ സ്വീകരിച്ചു വരുന്ന സാഹചര്യത്തില്‍ റിക്കവറി നേരിടുന്നവരെ സംരക്ഷിക്കാൻ എന്തൊക്കെ നടപടികള്‍ സ്വീകരിക്കുമെന്ന് വിശദമാക്കാമോ;

ഇ.എൽ.ആർ.എസ്. പദ്ധതി സംബന്ധിച്ച വിശദാംശം നല്‍കാമോ; ഇതുമായി ബന്ധപ്പെട്ട ഉത്തരവിന്റെ പകര്‍പ്പ് ലഭ്യമാക്കുമോ?

നിരാമയ ഇൻഷുറൻസ് പദ്ധതിയിൽ ഗുണഭോക്താക്കളായി ഉൾപ്പെടുത്തിയിരിക്കുന്ന പ്രധാന ഭിന്നശേഷി വിഭാഗങ്ങൾ ഏതൊക്കെയാണെന്ന് വ്യക്തമാക്കാമോ;

2025-ലെ സംസ്ഥാന ബജറ്റിൽ നിരാമയ പദ്ധതിക്കായി തുക വകയിരുത്തിയിട്ടുണ്ടെങ്കിലും ഭിന്നശേഷിക്കാർ ഇപ്പോഴും പ്രശ്നങ്ങൾ നേരിടുന്നുണ്ട് എന്നത് ശ്രദ്ധയിൽപ്പെട്ടിട്ടുണ്ടോ; അവ എന്തൊക്കെയാണെന്ന് വിശദമാക്കാമോ;

പ്രീമിയം കൃത്യമായി അടയ്ക്കുന്നുവെങ്കിലും നിരവധി കുടുംബങ്ങൾക്ക് ചികിത്സാ ചെലവ് (റീ ഇംബേഴ്‌സ്‌മെന്റ് ) തിരികെ ലഭിക്കാതിരിക്കുന്നതിനാൽ അവർക്കുണ്ടാകുന്ന അതിയായ സാമ്പത്തിക ബാധ്യത എത്രത്തോളമാണെന്ന് വിലയിരുത്തിയിട്ടുണ്ടോ ; വ്യക്തമാക്കാമോ;

നിരാമയ ഉൾപ്പെടെയുള്ള വിവിധ ആരോഗ്യ ഇൻഷുറൻസ് പദ്ധതികൾ കാരുണ്യ ആരോഗ്യ ഇൻഷുറൻസ് പദ്ധതിയിൽ ലയിപ്പിച്ചതിന്റെ ഫലമായുണ്ടായ പ്രശ്നങ്ങൾ എന്തൊക്കെയാണെന്നും തുടർന്ന് അതൊഴിവാക്കുന്നതിനായി എടുത്ത തീരുമാനമെന്തായിരുന്നുവെന്നും വിശദമാക്കാമോ?

നെയ്യാറ്റിൻകര മണ്ഡലത്തിൽ 2016-17 മുതൽ 2025-26 വരെയുള്ള കാലയളവിൽ ആകെ എത്ര പ്രോജക്റ്റുകൾക്കാണ് ഫണ്ട് അനുവദിച്ചതെന്ന് വിശദമാക്കാമോ; ഓരോ പ്രവൃത്തിയുടെയും പേര്, അനുവദിച്ച തുക എന്നിവ ഉൾപ്പെടുത്തിയുള്ള വിശദാംശം ലഭ്യമാക്കാമോ?

സംസ്ഥാനത്തെ 'ഐ.ടി. അറ്റ് സ്കൂൾ' ന്റെ പ്രവര്‍ത്തനം ധനകാര്യ പരിശോധനയ്ക്ക് വിധേയമായിട്ടുണ്ടോ; ഉണ്ടെങ്കില്‍ ഏത് വര്‍ഷം വരെയാണ് പരിശോധന നടത്തിയതെന്ന് വ്യക്തമാക്കാമോ;

'ഐ.ടി. അറ്റ് സ്കൂള്‍' പദ്ധതി വഴി സ്കൂളുകള്‍ക്കായി വാങ്ങി വിതരണം ചെയ്ത കമ്പ്യൂട്ടർ ഉപകരണങ്ങളുടെ ഗുണനിലവാരവും പർച്ചേസ് നടപടികളും വകുപ്പ് പരിശോധിച്ചിട്ടുണ്ടോ; ഉണ്ടെങ്കില്‍ ക്രമക്കേടുകൾ ശ്രദ്ധയില്‍പ്പെട്ടിരുന്നോ; വിശദാംശങ്ങൾ ലഭ്യമാക്കാമോ;

'ഐ.ടി. അറ്റ് സ്കൂള്‍' വഴി സ്കൂളുകളിലെ സ്മാര്‍ട്ട് ക്ലാസ്സ് റൂമിന് നല്‍കിയ കമ്പ്യൂട്ടറും അനുബന്ധ ഉപകരണങ്ങളും ഗ്യാരണ്ടി പീരിയഡിന് മുമ്പ് തന്നെ കേടുവന്ന് കോടികൾ നഷ്ടം വരുത്തി സംസ്ഥാനത്തെ വിവിധ സ്കൂളുകളില്‍ പാഴായി കിടക്കുന്നതിന്റെ കണക്ക് ധനവകുപ്പ് ശേഖരിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ;

ഗുണമേന്മ ഇല്ലാത്തതും കാലാനുസൃതമല്ലാത്തതിനാൽ ഉപയോഗപ്രദമല്ലാത്തതുമായ ഇത്തരം ഉപകരണങ്ങള്‍ കുട്ടികള്‍ക്കായി വാങ്ങി വിതരണം ചെയ്യേണ്ടിവന്നതിനാൽ ഉണ്ടായ സാമ്പത്തിക നഷ്ടത്തിന്റെ ഉത്തരവാദിത്തം ആർക്കാണെന്ന് ധനവകുപ്പ് വ്യക്തമാക്കാമോ;

സംസ്ഥാനത്തെ സ്കൂളുകളില്‍ ഉപയോഗിക്കാന്‍ പറ്റാത്ത തരത്തില്‍ കേടായ ഉപകരണങ്ങളുടെ കണക്ക് ധനവകുപ്പ് പരിശോധിച്ച് വിശദാംശങ്ങൾ ലഭ്യമാക്കാമോ?

ഒൻപതാം ശമ്പള പരിഷ്കരണ കമ്മീഷൻ ​പ്രൊഫഷണല്‍ വിഭാഗത്തിലുളള ജീവനക്കാർക്കായി കരിയർ അഡ്വാൻസ് സ്കീം നടപ്പിലാക്കിയിരുന്നോ; എങ്കിൽ എപ്പോഴാണ് നടപ്പിലാക്കിയതെന്ന് വ്യക്തമാക്കാമോ;

പ്രസ്തുത പദ്ധതിയുടെ ആനുകൂല്യം ഏതെല്ലാം ജീവനക്കാർക്ക് കിട്ടിയിരുന്നുവെന്ന് വ്യക്തമാക്കാമോ;

ആയുർവ്വേദ, ഹോമിയോ, വെറ്റിനറി ഡോക്ടർമാർക്ക് ഈ സ്കീമിന്റെ ആനുകൂല്യം കിട്ടാത്ത സാഹചര്യം സംജാതമായിരുന്നോ എന്ന് വ്യക്തമാക്കാമോ;

2017-ൽ ആയുർവ്വേദ, ഹോമിയോ, വെറ്റിനറി ഡോക്ടർമാർക്ക് കൂടി ഈ ആനുകൂല്യം അനുവദിച്ച് ഉത്തരവ് ഇറക്കിയിരുന്നോയെന്നും പ്രസ്തുത ഉത്തരവ് തൊട്ടടുത്ത ദിവസം ത​ന്നെ റദ്ദ് ചെയ്തിരുന്നോ എന്നും വ്യക്തമാക്കാമോ?

2025-26 സാമ്പത്തിക വർഷത്തിലെ പദ്ധതി അടങ്കൽ എത്രയായിരുന്നു എന്ന് വ്യക്തമാക്കുമോ;

ഈ സാമ്പത്തിക വർഷത്തിലെ പദ്ധതി പ്രവർത്തനങ്ങൾക്കായി എത്ര രൂപ ചെലവഴിച്ചു എന്ന് വ്യക്തമാക്കുമോ;

വിവിധ ഉത്തരവുകൾ പ്രകാരം 2025-26 സാമ്പത്തിക വർഷത്തെ പദ്ധതി അടങ്കലിൽ എത്ര രൂപ കുറവ് വരുത്തിയെന്നും പുതുക്കിയ പദ്ധതി അടങ്കൽ എത്രയായിരുന്നുവെന്നും വ്യക്തമാക്കുമോ ?

സംസ്ഥാന സർക്കാർ ജീവനക്കാരുടെ ഇൻഷുറൻസ് പദ്ധതിയായ മെഡിസെപ്പിന്റെ പ്രീമിയം തുക വർദ്ധിപ്പിക്കാൻ ഇടയായ സാഹചര്യങ്ങൾ എന്തെല്ലാമാണെന്ന് വിശദമാക്കുമോ;

വർദ്ധിച്ച പ്രീമിയം അടയ്ക്കുന്നതിലൂടെ ജീവനക്കാർക്ക് അധികമായി ലഭിക്കുന്ന ആനുകൂല്യങ്ങൾ എന്തൊക്കെയാണെന്ന് അറിയിക്കുമോ; പുതുക്കിയ മെഡിസെപ്പ് പദ്ധതിയിൽ പുതുതായി ഉൾപ്പെടുത്തിയ ആശുപത്രികൾ ഏതൊക്കെയാണെന്നും അറിയിക്കാമോ;

മെഡിസെപ്പ് പദ്ധതിയിൽ ഉൾപ്പെടുത്തിയിരിക്കുന്ന ആശുപത്രികളിൽ എല്ലാ ചികിത്സകളും ജീവനക്കാർക്ക് ലഭ്യമാകുന്നില്ലെന്ന പരാതി ശ്രദ്ധയിൽപ്പെട്ടിട്ടുണ്ടോ; അതുമൂലം അടിയന്തര സാഹചര്യങ്ങളിൽ ചികിത്സ തേടുന്ന ജീവനക്കാർക്ക് മെഡിസെപ്പ് ആനുകൂല്യം നഷ്ടപ്പെടുന്ന സാഹചര്യം ഉളവാകുന്നത് സർക്കാർ പരിശോധിച്ചിട്ടുണ്ടോ;

മെഡിസെപ്പ് പദ്ധതിയിൽ വിവിധ ചികിത്സകൾക്കായി നിശ്ചയിച്ചിരിക്കുന്ന നിരക്കുകൾ യഥാർത്ഥ ചികിത്സാ ചെലവിന്റെ 50 ശതമാനത്തിലും താഴെയായതിനാൽ, മെഡിസെപ്പ് ക്ലെയിം ചെയ്തതിനു ശേഷവും 50 മുതൽ 70 ശതമാനം വരെ ചെലവ് ജീവനക്കാർ സ്വയം വഹിക്കേണ്ടിവരുന്ന സാഹചര്യം സർക്കാർ പരിശോധിച്ചിട്ടുണ്ടോ;

മെഡിസെപ്പിനെക്കാൾ കൂടുതൽ ആനുകൂല്യങ്ങൾ നൽകുന്ന സ്വകാര്യ ഇൻഷുറൻസ് പദ്ധതികൾ ലഭ്യമായിരിക്കെ എല്ലാ ജീവനക്കാരും നിർബന്ധമായും മെഡിസെപ്പ് പദ്ധതിയിൽ ഉൾപ്പെടണം എന്ന് നിഷ്കർഷിക്കുന്നതിന് കാരണമായ സാഹചര്യങ്ങൾ എന്തെല്ലാമാണെന്ന് വിശദമാക്കുമോ; മെഡിസെപ്പിൽ ചേരാൻ താൽപര്യമില്ലാത്ത ജീവനക്കാർക്ക് പദ്ധതിയിൽ നിന്ന് വിട്ടുനിൽക്കുന്നതിന് അനുമതി നല്‍കുന്ന കാര്യം സർക്കാർ പരിഗണിക്കുമോ?

നടപ്പ് സാമ്പത്തിക വർഷം ആകെ എത്ര കോടി രൂപ വായ്പ എടുക്കുന്നതിനാണ് കേന്ദ്രസർക്കാരിന്റെ അനുമതിയുള്ളതെന്ന് അറിയിക്കാമോ;

നിലവിൽ എത്ര കോടി രൂപ വായ്പ എടുത്തിട്ടുണ്ട്; ഇനി അവശേഷിക്കുന്നത് എത്ര തുകയാണ്; വിശദാംശം ലഭ്യമാക്കാമോ;

സംസ്ഥാനം സാമ്പത്തിക പ്രതിസന്ധി നേരിടുന്ന സാഹചര്യത്തിൽ ട്രഷറി നിയന്ത്രണം ഏർപ്പെടുത്തേണ്ട സാഹചര്യമുണ്ടോ; എങ്കില്‍ ഈ പ്രതിസന്ധി ഏത് രീതിയിൽ പരിഹരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

2015-16 മുതൽ നാളിതുവരെയുള്ള ഓരോ സാമ്പത്തിക വർഷവും സംസ്ഥാനത്തിന്റെ മൊത്തം കടബാധ്യത എത്രയായിരുന്നുവെന്ന് അറിയിക്കുമോ; നടപ്പ് സാമ്പത്തിക വർഷം അവസാനിക്കുമ്പോൾ പ്രസ്തുത കടബാധ്യത എത്രയായിരിക്കുമെന്ന് വ്യക്തമാക്കാമോ;

2015-16 സാമ്പത്തിക വർഷം മുതൽ നാളിതുവരെ സംസ്ഥാനത്തിന് ധനകാര്യ കമ്മീഷന്റെ ശിപാർശ പ്രകാരം ഗ്രാന്റായി ഓരോ വർഷവും ലഭിച്ച തുക എത്രയാണെന്ന് അറിയിക്കുമോ;

പ്രസ്തുത സാമ്പത്തിക വർഷങ്ങളിൽ കേന്ദ്രാവിഷ്കൃത പദ്ധതികൾ ഉൾപ്പെടെ വിവിധയിനങ്ങളിൽ കേന്ദ്രത്തിൽനിന്ന് അനുവദിച്ച തുക എത്രയാണെന്ന് സാമ്പത്തിക വർഷം അടിസ്ഥാനമാക്കി വ്യക്തമാക്കുമോ?

2025-26 സാമ്പത്തിക വർഷം നാളിതുവരെ സംസ്ഥാനത്തെ പൊതു കടം എത്രയാണെന്ന് വ്യക്തമാക്കാമോ;

2025-26 സാമ്പത്തിക വർഷം നാളിതുവരെ സംസ്ഥാനത്തെ പൊതു കടം ജി.എസ്.ഡി.പി. അനുപാതത്തിൽ എത്രയാണെന്ന് വ്യക്തമാക്കാമോ?

സംസ്ഥാനത്തിന്റെ നിലവിലെ ആകെ കടബാധ്യത എത്രയാണെന്ന് വിശദമാക്കാമോ;

ജി.എസ്.ഡി.പി. യുമായി താരതമ്യം ചെയ്യുമ്പോള്‍ കടത്തിന്റെ ശതമാനം നിലവില്‍ മുന്‍ വര്‍ഷങ്ങളെ അപേക്ഷിച്ച് കൂടുകയാണോ കുറയുകയാണോ ചെയ്തതെന്ന് വിശദമാക്കാമോ;

നികുതി കുടിശ്ശിക പിരിച്ചെടുക്കുന്നതിന് സര്‍ക്കാര്‍ നടപ്പിലാക്കിയ ആംനസ്റ്റി സ്‌കീം വഴി ഈ സര്‍ക്കാരിന്റെ കാലത്ത് സമാഹരിച്ച പണം സംബന്ധിച്ച വിശദാംശത്തിന്റെ വര്‍ഷം തിരിച്ചുള്ള കണക്ക് ലഭ്യമാക്കാമോ?

അടുത്ത പത്തു വർഷം കൊണ്ട് സംസ്ഥാനം വായ്പ തിരിച്ചടവ് ഇനത്തിൽ എത്ര കോടി രൂപ നൽകണമെന്ന കണക്കുകൾ വാർഷാടിസ്ഥാനത്തിൽ നൽകാമോ?

സംസ്ഥാന സര്‍ക്കാരിന്റെ ആസ്തി ബാധ്യതകള്‍ സംബന്ധിച്ച് ഏറ്റവും അവസാനത്തെ മാസത്തെ കണക്കുകളുടെ അടിസ്ഥാനത്തിലുളള വിവരം ലഭ്യമാക്കാമോ;

കഴിഞ്ഞ പത്ത് വര്‍ഷത്തിനിടയില്‍ സംസ്ഥാനത്തിന്റെ കടത്തില്‍ വര്‍ദ്ധനവ് ഉണ്ടായിട്ടുണ്ടെങ്കില്‍ ആയതിന്റെ കണക്ക് ലഭ്യമാക്കാമോ;

കഴിഞ്ഞ സർക്കാരിന്റെയും നിലവിലെ സർക്കാരിന്റെയും കാലയളവില്‍ സംസ്ഥാനം കടക്കെണിയില്‍ ആയെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ സംസ്ഥാനത്തിന്റെ സാമ്പത്തിക സ്ഥിതിയെ ഗുരുതരമായി ബാധിച്ചിട്ടുള്ള കാരണങ്ങള്‍ എന്തൊക്കെയാണെന്ന് വ്യക്തമാക്കാമോ;

സംസ്ഥാനത്തിന്റെ സാമ്പത്തിക സ്ഥിതി സംബന്ധിച്ച് ധവളപത്രം പുറപ്പെടുവിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന് നപടി സ്വീകരിക്കുമോയെന്ന് വ്യക്തമാക്കാമോ?

2025-26 സാമ്പത്തിക വർഷം നാളിതുവരെ സംസ്ഥാനത്തെ മൊത്തം കടം എത്രയാണെന്ന് വ്യക്തമാക്കാമോ;

പ്രസ്തുത സാമ്പത്തിക വർഷം നാളിതുവരെ മൊത്തം കടം ജി.എസ്.ഡി.പി. അനുപാതത്തിൽ എത്രയാണ് എന്ന് വ്യക്തമാക്കാമോ?

സംസ്ഥാനത്തിന്റെ പൊതുകടത്തിൽ ആഭ്യന്തര വിപണിയിൽ നിന്നുള്ള വായ്പകൾ, വിദേശ വായ്പകൾ എന്നിവയുടെ ഇനംതിരിച്ചുള്ള വിശദവിവരം ലഭ്യമാക്കാമോ;

2021-22 സാമ്പത്തിക വർഷം മുതൽ നാളിതുവരെ ഓരോ വർഷവും ആഭ്യന്തര, വിദേശ വായ്പ ഇനത്തിൽ തിരിച്ചടച്ച തുക എത്രയാണ് എന്നതിന്റെ വിശദാംശം നൽകാമോ?

വിവിധ ആരോഗ്യ സുരക്ഷാ പദ്ധതികള്‍, ഉച്ചഭക്ഷണ പദ്ധതി, സര്‍ക്കാര്‍ കരാറുകാര്‍ക്ക് നല്‍കാനുള്ള തുക, ജീവനക്കാരുടെയും പെന്‍ഷന്‍കാരുടെയും ക്ഷാമബത്തയും മറ്റ് ആനുകൂല്യങ്ങളും, ലൈഫ് പദ്ധതി, മറ്റ് പദ്ധതികകൾ എന്നിവയില്‍ നാളിതുവരെ എത്ര രൂപയുടെ കുടിശ്ശികയുണ്ട്; ഇനം തിരിച്ച് കണക്ക് ലഭ്യമാക്കുമോ;

നിലവിലുള്ള സാമ്പത്തിക വര്‍ഷം അവസാനിക്കുമ്പോള്‍ മേൽപ്പറഞ്ഞവയിൽ ഓരോന്നിന്റെയും കുടിശ്ശിക തുക എത്ര വീതം കൊടുത്ത് തീര്‍ക്കാന്‍ കഴിയുമെന്ന് വ്യക്തമാക്കുമോ; പ്രസ്തുത തുക ഏത് രീതിയിലാണ് കണ്ടെത്താന്‍ ഉദ്ദേശിച്ചിട്ടുള്ളതെന്ന് അറിയിക്കുമോ;

ജീവനക്കാര്‍ക്ക് അനുവദിച്ച ക്ഷാമബത്തയുടെ കുടിശ്ശിക ഏത് തീയതി മുതലാണ് വിതരണം ചെയ്യാനുള്ളത്; എത്ര തുകയാണ് ഇതിനായി ആവശ്യമുള്ളത്; ഏത് തീയതിയില്‍ ഇത് പൂര്‍ണ്ണമായും വിതരണം ചെയ്യാന്‍ കഴിയും; വ്യക്തമാക്കാമോ;

വിവിധ സാമൂഹ്യ ക്ഷേമപെന്‍ഷന്‍ ഇനത്തില്‍ നാളിതുവരെ എത്ര മാസത്തെ കുടിശ്ശികയുണ്ട്; കുടിശ്ശിക മുഴുവന്‍ വിതരണം ചെയ്യാന്‍ ആകെ എത്ര തുക വേണ്ടി വരും; കണക്കുകള്‍ ലഭ്യമാക്കുമോ; കുടിശ്ശിക തീർത്ത് പെന്‍ഷന്‍ വിതരണം ചെയ്യുന്നതിന് നടപടി സ്വീകരിക്കുമോ?

സംസ്ഥാനത്തിന്റെ മൊത്ത കടബാധ്യത എത്ര രൂപയാണെന്ന് വ്യക്തമാക്കാമോ; കഴിഞ്ഞ സർക്കാർ അധികാരമേൽക്കുമ്പോൾ സംസ്ഥാനത്തിന്റെ പൊതു കടം എത്ര രൂപയായിരുന്നുവെന്ന് വ്യക്തമാക്കാമോ;

2016-17 കാലയളവ് മുതൽ സർക്കാർ എടുത്ത ആഭ്യന്തര വായ്പകളും കേന്ദ്ര വായ്പകളും ഉൾപ്പെടെയുള്ള കടങ്ങളുടെ വിശദാംശങ്ങളും തിരിച്ചടവിന്റെ നിലവിലെ സ്ഥിതിയും വ്യക്തമാക്കാമോ;

ഏതെല്ലാം സ്ഥാപനങ്ങൾക്കും പദ്ധതികൾക്കുമാണ് സർക്കാർ ജാമ്യത്തിൽ വായ്പ എടുത്തിട്ടുള്ളതെന്നും അവയുടെ വിശദവിവരവും ലഭ്യമാക്കാമോ;

2021-22 സാമ്പത്തിക വർഷം മുതൽ നാളിതുവരെ കേന്ദ്രാവിഷ്കൃത പദ്ധതികൾ ഉൾപ്പെടെ വിവിധയിനങ്ങളിൽ കേന്ദ്രത്തിൽനിന്ന് അനുവദിച്ച തുക എത്രയാണെന്ന് സാമ്പത്തിക വർഷം അടിസ്ഥാനമാക്കി വ്യക്തമാക്കാമോ; ആയതിൽ ഓരോ പദ്ധതിക്കും എത്ര തുക ചെലവഴിച്ചിട്ടുണ്ടെന്നും ഓരോന്നിനും സംസ്ഥാന വിഹിതമായി എത്ര തുക വകയിരുത്തിയിട്ടുണ്ടെന്നും ഇനം തിരിച്ചു വിശദമാക്കുമോ;

സാമൂഹ്യ സുരക്ഷാ ക്ഷേമ പെൻഷൻ, മറ്റ് വിവിധ ക്ഷേമ പെൻഷനുകൾ, വിവിധ ക്ഷേമനിധി പെൻഷനുകൾ, സ്‌കോളർഷിപ്പുകൾ, വിവിധ ആരോഗ്യ സുരക്ഷാ പദ്ധതികള്‍ എന്നിവ നാളിതുവരെ എത്ര മാസത്തോളം കുടിശ്ശിക ഉണ്ടെന്നും കുടിശ്ശിക പൂർണ്ണമായി കൊടുത്തു തീർക്കാൻ എത്ര രൂപ വേണ്ടി വരുമെന്നും ഇനം തിരിച്ചു ലഭ്യമാക്കുമോ?

സംസ്ഥാന സർക്കാരി​ന് ഈ സാമ്പത്തിക വർഷം കടമെടുക്കാൻ കഴിയുന്ന തുക എത്രയാണെന്ന് നിശ്ചയിച്ച് ​കേന്ദ്ര സർക്കാരിൽ നിന്നും അറിയിപ്പ് ലഭിച്ചിട്ടുണ്ടോ; വ്യക്തമാക്കാമോ;

നടപ്പു സാമ്പത്തിക വർഷം കടമെടുക്കാൻ കഴിയുന്ന തുക ഉൾപ്പെടെ ശേഷിക്കുന്ന കാലയളവിലെ ചെലവ് എത്രയാണെന്ന് കണക്കാക്കിയിട്ടുണ്ടോ;

സർക്കാരിന്റെ ദൈനംദിന ചെലവുകൾക്കാവശ്യമായ തുക എപ്രകാരം കണ്ടെത്താമെന്നാണ് നിശ്ചയിച്ചിട്ടുള്ളതെന്ന് വിശദമാക്കുമോ?

ജീവനക്കാരുടെയും പെന്‍ഷന്‍കാരുടെയും ക്ഷാമബത്തയും മറ്റ് ആനുകൂല്യങ്ങളും സംബന്ധിച്ച് നാളിതുവരെ എത്ര കുടിശ്ശികയുണ്ടെന്ന് ഇനം തിരിച്ച് കണക്ക് ലഭ്യമാക്കാമോ;

നടപ്പ് സാമ്പത്തിക വർഷം അവസാനിക്കുമ്പോൾ മേൽപ്പറഞ്ഞ ഇനങ്ങളിൽ ഓരോന്നിനും എത്ര തുകയുടെ കുടിശ്ശിക തീർപ്പാക്കാൻ കഴിയുമെന്ന് വ്യക്തമാക്കുമോ; പ്രസ്തുത കുടിശ്ശിക തുക ഏത് രീതിയിലാണ് കണ്ടെത്താന്‍ ഉദ്ദേശിച്ചിട്ടുള്ളത്; വ്യക്തമാക്കാമോ;

ജീവനക്കാരുടെ ക്ഷാമബത്ത കുടിശ്ശിക വിതരണം ചെയ്യുന്നത് ഏത് തീയതി മുതൽ ആരംഭിക്കാനാണ് ഉദ്ദേശിക്കുന്നത്; ആയതിന് എത്ര തുകയാണ് ആവശ്യമുള്ളത്; ഏത് തീയതിയില്‍ ഇത് പൂര്‍ണ്ണമായും വിതരണം ചെയ്യാന്‍ കഴിയും; വ്യക്തമാക്കാമോ;

വിവിധ സാമൂഹ്യ ക്ഷേമ പെന്‍ഷന്‍ ഇനത്തില്‍ നാളിതുവരെ എത്ര മാസത്തെ കുടിശ്ശികയുണ്ട്; കുടിശ്ശിക മുഴുവന്‍ വിതരണം ചെയ്യാന്‍ ആകെ എത്ര തുക വേണ്ടി വരും; കണക്കുകള്‍ ലഭ്യമാക്കുമോ; കുടിശ്ശിക തീർത്ത് പെന്‍ഷന്‍ വിതരണം ചെയ്യുന്നതിന് നടപടി സ്വീകരിക്കുമോ?

സംസ്ഥാനത്തെ സമഗ്ര വികസനത്തിന് കിഫ്ബി വഹിച്ച പങ്ക് വിലയിരുത്തിയിട്ടുണ്ടോ; വ്യക്തമാക്കുമോ;

കിഫ്ബി ഫണ്ട് വഴി ഓരോ നിയമസഭാ മണ്ഡലത്തിലും നടപ്പാക്കിയതും നിലവില്‍ പ്രവൃത്തി പുരോഗമിക്കുന്നതുമായ പദ്ധതികളുടെ വിശദാംശം നല്‍കാമോ;

കിഫ്ബി വഴിമാത്രം ഓരോമണ്ഡലത്തിലും വിവിധ പദ്ധതികള്‍ക്കായി ഇതിനകം അനുവദിച്ച തുക എത്ര വീതമാണെന്നും പ്രത്യേകം ലഭ്യമാക്കാമോ?

കോങ്ങാട് മണ്ഡലത്തിലെ കിഫ്ബി പദ്ധതികളുടെ വിശദവിവരങ്ങള്‍ ലഭ്യമാക്കുമോ;

പ്രസ്തുത പദ്ധതികള്‍ നിര്‍വ്വഹണത്തിന്റെ ഏത് ഘട്ടത്തിലാണെന്ന് വ്യക്തമാക്കുമോ?

കിഫ്ബി പദ്ധതിയായി നടപ്പാക്കുന്ന തങ്കളം-കാക്കനാട് നാലുവരിപ്പാതയുടെ നിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ;

തടസ്സങ്ങള്‍ നീക്കി പദ്ധതി യാഥാര്‍ത്ഥ്യമാക്കുന്നതിനാവശ്യമായ നടപടി ഉറപ്പുവരുത്തുമോ; വ്യക്തമാക്കാമോ?

നിലവിലെ സർക്കാരിന്റെ കാലയളവിൽ നാളിതുവരെ മഞ്ചേരി മണ്ഡലത്തിൽ കിഫ്ബി മുഖേന അനുമതി നൽകിയ പദ്ധതികളും പ്രവൃത്തികളും ഏതൊക്കെയാണെന്ന് വർഷം തിരിച്ച് വ്യക്തമാക്കാമോ;

പ്രസ്തുത പദ്ധതികളിൽ ഏതൊക്കെ പൂർത്തിയായിട്ടുണ്ടെന്നും ഇനി ഏതൊക്കെ പൂർത്തിയാക്കാൻ ഉണ്ടെന്നുമുളളതിന്റെ കണക്കുകൾ വർഷം തിരിച്ച് വ്യക്തമാക്കാമോ;

നിലവിലെ സർക്കാരിന്റെ കാലയളവിൽ മഞ്ചേരി മണ്ഡലത്തിൽ ധനകാര്യ വകുപ്പ് ഭരണാനുമതി നൽകിയ പ്രവൃത്തികളുടെ വിശദാംശങ്ങൾ വർഷം തിരിച്ച് ലഭ്യമാക്കാമോ;

പ്രസ്തുത പ്രവൃത്തികളിൽ ഏതൊക്കെ പൂർത്തിയായിട്ടുണ്ടെന്നും ഇനി ഏതൊക്കെ പൂർത്തിയാകാൻ ഉണ്ടെന്നും വർഷം തിരിച്ച് വിശദമാക്കാമോ;

നിലവിലെ സർക്കാരിന്റെ കാലയളവിൽ മഞ്ചേരി മണ്ഡലത്തിൽ നാളിതുവരെ ധനകാര്യ വകുപ്പ് ഭരണാനുമതി നൽകിയ ആകെ പ്രവൃത്തികളുടെ എണ്ണവും അതിന് അനുവദിച്ച ആകെ തുകയും വർഷം തിരിച്ച് വിശദമാക്കാമോ?

കിഫ്‌ബി സി.ഇ.ഒ.യുടെ ശമ്പളം അവസാനമായി പരിഷ്കരിച്ചതെന്നാണെന്ന് അറിയിക്കുമോ; ആയത് സംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ;

ശമ്പളം, മറ്റ് അലവൻസുകൾ എന്നീ ഇനങ്ങളിലായി നാളിതുവരെ കിഫ്‌ബി സി.ഇ.ഒ. കൈപ്പറ്റിയ തുകയുടെ പ്രതിമാസ വിവരങ്ങൾ ലഭ്യമാക്കാമോ;

കിഫ്‌ബി ജീവനക്കാർക്ക് ശമ്പളത്തോടൊപ്പം പ്രത്യേക അലവൻസുകൾ നൽകുന്നുണ്ടോ; എങ്കിൽ ഏതൊക്കെ അലവൻസുകളാണ് നൽകുന്നതെന്നും ഓരോ അലവൻസിനും നൽകുന്ന തുക എത്രയാണെന്നും വ്യക്തമാക്കാമോ; ആയത് സംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ?

കിഫ്ബി വഴിയുള്ള ജി.എച്ച്.എസ്.എസ്. കല്ലിക്കന്‍പാടം കെട്ടിടത്തിന്റെ പ്രവൃത്തി പുരോഗതി നിലവില്‍ ഏത് ഘട്ടത്തിലാണെന്നും എന്ന് പൂര്‍ത്തീകരിക്കുവാന്‍ കഴിയുമെന്നും വ്യക്തമാക്കാമോ?

കിഫ്‌ബിക്ക് 2017 മുതൽ നാളിതുവരെ സർക്കാർ ഏതൊക്കെ ഇനത്തിൽ എത്ര കോടി രൂപ നൽകി എന്ന് വ്യക്തമാക്കാമോ; വിശദാംശങ്ങൾ വർഷാടിസ്ഥാനത്തിൽ ലഭ്യമാക്കാമോ?

കോതമംഗലം നഗരസഭയില്‍ കിഫ്ബി ഫണ്ട് ഉപയോഗിച്ച് നിര്‍മ്മിക്കുന്ന മോഡേണ്‍ ക്രിമറ്റോറിയവുമായി ബന്ധപ്പെട്ട നിലവിലെ സാഹചര്യം വ്യക്തമാക്കാമോ;

ഇതുമായി ബന്ധപ്പെട്ട് ഏതെല്ലാം നിര്‍മ്മാണ പ്രവര്‍ത്തനങ്ങളാണ് ഇതുവരെ പൂര്‍ത്തീകരിച്ചിട്ടുള്ളത്; ഇനി പൂര്‍ത്തീകരിക്കാനുള്ള നിര്‍മ്മാണ പ്രവര്‍ത്തനങ്ങള്‍ ഏതെന്ന് വ്യക്തമാക്കാമോ;

ശേഷിക്കുന്ന നിര്‍മ്മാണ പ്രവര്‍ത്തനങ്ങള്‍ വേഗത്തില്‍ പൂര്‍ത്തീകരിച്ച് ക്രിമറ്റോറിയത്തിന്റെ പ്രവര്‍ത്തനം ആരംഭിക്കുന്നതിനാവശ്യമായ നടപടികള്‍ സ്വീകരിക്കാമോ; വ്യക്തമാക്കാമോ?

കിഫ്ബി ഫണ്ടില്‍നിന്നും ഒരു കോടി രൂപ അനുവദിച്ച കോഴിക്കോട് നോര്‍ത്ത് മണ്ഡലത്തിലെ കാരപ്പറമ്പ് എല്‍.പി. സ്കൂളിന്റെ കെട്ടിട നിര്‍മ്മാണ പ്രവൃത്തിയുടെ ഡ്രോയിംഗിന് കിഫ്ബിയില്‍ നിന്നും അന്തിമാനുമതി ലഭിക്കാത്തത് മൂലം നിര്‍മ്മാണ പ്രവൃത്തി തടസ്സപ്പെട്ടത് ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ സാങ്കേതികാനുമതി ലഭ്യമാക്കുവാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

കിഫ്ബി ഫണ്ട് വിനിയോഗിച്ച് നടപ്പിലാക്കുന്ന മലമ്പുഴ മണ്ഡലത്തിലെ "ഒലവക്കോട്-ധോണി-മുട്ടിക്കുളങ്ങര" റോഡ് നവീകരണത്തിന്റെ നിലവിലെ സ്ഥിതിവിവരങ്ങൾ ലഭ്യമാക്കാമോ;

പ്രസ്തുത പദ്ധതിക്ക് കിഫ്ബി പുതുക്കിയ ധനാനുമതി നല്‍കിയിട്ടുണ്ടോ; വിശദാംശങ്ങൾ ലഭ്യമാക്കാമോ?

കിഫ്‌ബി നാളിതുവരെ പരസ്യ ഇനത്തിൽ ചെലവഴിച്ച തുകയുടെ വിശദാംശം, പരസ്യം നൽകിയ സ്ഥാപനത്തിന്റെ പേര്, പരസ്യത്തിനായി നൽകിയ തുക എന്നിവ സഹിതം സാമ്പത്തിക വർഷാടിസ്ഥാനത്തിൽ ഇനം തിരിച്ചു വ്യക്തമാക്കുമോ;

മുൻ സർക്കാരിന്റെ കാലം മുതൽ നാളിതുവരെ വിവിധ വാർഷികാഘോഷ പരിപാടികൾക്കായി കിഫ്ബി ചെലവഴിച്ച തുകയുടെ വിശദാംശം ഇനം തിരിച്ച് വർഷാടിസ്ഥാനത്തിൽ വ്യക്തമാക്കുമോ?

ഈ സർക്കാർ അധികാരത്തിൽ വന്ന ശേഷം കേരള ഇൻഫ്രാസ്ട്രക്ചർ ഇൻവെസ്റ്റ്മെന്റ് ഫണ്ട് ബോർഡ്, കേരള റോഡ് ഫണ്ട് ബോർഡ് എന്നിവ മുഖേന കുന്നത്തുനാട് മണ്ഡലത്തിൽ നടപ്പിലാക്കി വരുന്ന പദ്ധതികൾ ഏതെല്ലാമാണെന്ന് വിശദമാക്കാമോ;

ഓരോ പദ്ധതിയ്ക്കും അനുവദിച്ചിട്ടുളള തുക എത്ര വീതമാണെന്ന് വ്യക്തമാക്കാമോ;

ഓരോ പ്രവൃത്തിയുടേയും നിലവിലെ സ്ഥിതി വിശദമാക്കാമോ?

2016-2021, 2021-2026 കാലയളവുകളിൽ കിഫ്ബി മുഖേന വിവിധ വകുപ്പുകളിലായി ആകെ എത്ര കോടി രൂപയുടെ പദ്ധതികളാണ് നടപ്പിലാക്കാൻ തീരുമാനിച്ചതെന്നും ഇതിൽ എത്ര പദ്ധതികൾക്ക് ഇതിനകം സാമ്പത്തിക അനുമതി നൽകിയിട്ടുണ്ടെന്നും അതിനായി വകയിരുത്തിയ തുക എത്രയാണെന്നും വ്യക്തമാക്കാമോ;

കിഫ്ബി മുഖേന ഇതിനകം ഏതെല്ലാം പദ്ധതികള്‍ പൂര്‍ത്തീകരിച്ചിട്ടുണ്ടെന്നും ഇതിനായി എത്ര കോടി രൂപ ചെലവഴിച്ചിട്ടുണ്ടെന്നും വ്യക്തമാക്കാമോ?

കിഫ്ബി വഴിയുള്ള ജി.എച്ച്.എസ്.എസ്. പെരിങ്ങോട്ടുകുറിശ്ശി സ്കൂള്‍ കെട്ടിടത്തിന്റെ പ്രവൃത്തി പുരോഗതി നിലവില്‍ ഏത് ഘട്ടത്തിലാണെന്നും എന്ന് പൂര്‍ത്തീകരിക്കുവാന്‍ കഴിയുമെന്നും വ്യക്തമാക്കാമോ?

കിഫ്ബി പദ്ധതിയില്‍ ഉള്‍പ്പെടുത്തിയ കോഴിക്കോട് എൻ.ജി.ഒ. ക്വാര്‍ട്ടേഴ്സ് സ്കൂളിന്റെ ഓഡിറ്റോറിയം നിര്‍മ്മാണ പ്രവൃത്തി പൂര്‍ത്തീകരിക്കുന്നതുമായി ബന്ധപ്പെട്ട് ചേര്‍ന്ന യോഗത്തില്‍ എന്തെല്ലാം തീരുമാനങ്ങളാണ് എടുത്തതെന്ന് വ്യക്തമാക്കുമോ;

പ്രസ്തുത യോഗതീരുമാന പ്രകാരം കെട്ടിട നിര്‍മ്മാണം പൂര്‍ത്തീകരിക്കുവാന്‍ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കുമോ;

ഇതിന്റെ ഭാഗമായി പൊതുമരാമത്ത് വകുപ്പുമായി ബന്ധപ്പെട്ട് കിഫ്ബി പ്രോജക്ട് സെല്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

പ്രസ്തുത കെട്ടിട നിര്‍മ്മാണം സമയബന്ധിതമായി പൂര്‍ത്തീകരിക്കുവാന്‍ എന്തെല്ലാം നടപടികളാണ് സ്വീകരിക്കുന്നതെന്ന് വ്യക്തമാക്കുമോ?

ആറ്റിങ്ങല്‍ മണ്ഡലത്തിലെ പോങ്ങനാട് ഗവണ്‍മെന്റ് യു.പി.എസ്. കെട്ടിട നിര്‍മ്മാണവുമായി ബന്ധപ്പെട്ട് സ്വീകരിച്ചിട്ടുള്ള നടപടികള്‍ വിശദമാക്കാമോ;

പ്രസ്തുത മണ്ഡലത്തിലെ വക്കം ഗവണ്‍മെന്റ് എച്ച്.എസ്.എസ്. കെട്ടിട നിര്‍മ്മാണവുമായി ബന്ധപ്പെട്ട് സ്വീകരിച്ചിട്ടുള്ള തുടര്‍ നടപടികള്‍ വിശദമാക്കാമോ;

പ്രസ്തുത മണ്ഡലത്തിലെ തട്ടത്തുമല ഗവണ്‍മെന്റ് എച്ച്.എസ്.എസ്. കെട്ടിട നിര്‍മ്മാണവുമായി ബന്ധപ്പെട്ട് സ്വീകരിച്ചിട്ടുള്ള തുടര്‍ നടപടികള്‍ വിശദമാക്കാമോ;

പ്രസ്തുത മണ്ഡലത്തിലെ കിളിമാനൂര്‍ ടൗണ്‍ യു.പി.എസ്. കെട്ടിട നിര്‍മ്മാണവുമായി ബന്ധപ്പെട്ട് സ്വീകരിച്ചിട്ടുള്ള തുടര്‍ നടപടികള്‍ വിശദമാക്കാമോ?

കാട്ടാക്കട നിയോജക മണ്ഡലത്തില്‍ കിഫ്ബി വഴി അനുമതി ലഭ്യമായ പ്രവൃത്തികള്‍, തുക, പൂര്‍ത്തിയായ പ്രവൃത്തികള്‍ എന്നിവ സംബന്ധിച്ച വിശദമായ വിവരങ്ങള്‍ ലഭ്യമാക്കാമോ?

കിഫ്ബി ധനസഹായത്തോടെ കെ.എസ്.എഫ്.ഡി.സി. ക്ക് കീഴില്‍ സംസ്ഥാനത്ത് നിര്‍മ്മിക്കുന്ന തീയറ്ററുകളുടെ നിര്‍മ്മാണ പ്രവൃത്തികള്‍ നിര്‍ത്തിവെക്കാനുണ്ടായ സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദമാക്കാമോ;

കിഫ്ബി ധനസഹായത്തിന്റെ തിരിച്ചടവുമായി ബന്ധപ്പെട്ട കരാർ വ്യവസ്ഥകൾ നടപ്പിലാക്കാത്തത് പ്രവൃത്തി നിര്‍ത്തിവെക്കാന്‍ കാരണമായിട്ടുണ്ടോ;

കിഫ്ബിയും കെ.എസ്.എഫ്.ഡി.സി.യും തമ്മിലുള്ള വായ്പ തിരിച്ചടവ് കരാര്‍ നിലവില്‍ പ്രാബല്യത്തിൽ വന്നിട്ടുണ്ടോ; ഇല്ലെങ്കില്‍ ആയതിന്റെ നിലവിലെ സ്ഥിതി എന്താണ്; വിശദീകരിക്കാമോ;

കിഫ്ബി ധനസഹായത്തോടെ പയ്യന്നൂരില്‍ നിര്‍മ്മിക്കുന്ന തീയറ്റര്‍ സമുച്ചയത്തിന്റെ നിലവിലെ സ്ഥിതി എന്താണ്; വ്യക്തമാക്കാമോ?

കിഫ്‌ബി നാളിതുവരെ ഏതൊക്കെ സ്രോതസ്സുകളിൽ നിന്നും തുക കടമെടുത്തിട്ടുണ്ട്; വിശദാംശം ഇനം തിരിച്ചു ലഭ്യമാക്കുമോ;

ഓരോ വായ്പയുടെയും പലിശ നിരക്കും തിരിച്ചടവ് വ്യവസ്ഥകളും എന്താണെന്ന് വ്യക്തമാക്കാമോ;

മേൽപ്പറഞ്ഞ വായ്പകളിൽ നാളിതുവരെ എത്ര തുക തിരിച്ചടച്ചിട്ടുണ്ട്; വിശദാംശം ഇനം തിരിച്ചു വ്യക്തമാക്കാമോ;

വരുന്ന അഞ്ചു സാമ്പത്തിക വർഷങ്ങളിൽ വായ്പ തിരിച്ചടവ് ഇനത്തിൽ എത്ര തുക ആവശ്യമുണ്ടെന്ന് സാമ്പത്തിക വർഷാടിസ്ഥാനത്തിൽ ഇനം തിരിച്ചു ലഭ്യമാക്കാമോ;

കിഫബിക്ക് സംസ്ഥാന സർക്കാർ നാളിതുവരെ നൽകിയ തുക എത്രയാണെന്ന് ഇനം തിരിച്ചു ലഭ്യമാക്കാമോ?

കഴിഞ്ഞ സര്‍ക്കാരിന്റെ കാലത്തും ഈ സര്‍ക്കാരിന്റെ കാലത്തുമായി പാറശ്ശാല മണ്ഡലത്തില്‍ കിഫ്ബി മുഖേന ആകെ എത്ര പദ്ധതികള്‍ക്കാണ് അനുമതി നല്‍കിയിട്ടുള്ളത്; ഇവയുടെ വിശദാംശം ലഭ്യമാക്കുമോ;

ഓരോ പദ്ധതിക്കും അനുവദിച്ചിട്ടുള്ള തുക എത്ര വീതമാണെന്നും ഏതെല്ലാം വകുപ്പുകള്‍ക്ക് കീഴിലാണ് ഇവ നടപ്പിലാക്കുന്നതെന്നും വ്യക്തമാക്കുമോ;

ഇതില്‍ എത്ര പ്രവൃത്തികള്‍ പൂര്‍ത്തീകരിച്ചുവെന്നും പൂര്‍ത്തീകരിക്കാത്ത പ്രവൃത്തികളുടെ നിലവിലെ പ്രവര്‍ത്തന പുരോഗതിയും വ്യക്തമാക്കാമോ;

പൂര്‍ത്തീകരിക്കാത്ത പ്രവൃത്തികള്‍ എന്ന് പൂര്‍ത്തിയാക്കാന്‍ കഴിയുമെന്നാണ് പ്രതീക്ഷിക്കുന്നത്; ഓരോന്നിന്റെയും നിശ്ചിത സമയപരിധി വിശദമാക്കുമോ?

കിഫ്ബി ധനസഹായത്തോടെ ചാലക്കുടി നിയോജക മണ്ഡലത്തില്‍ അനുവദിക്കപ്പെട്ട പ്രവൃത്തികളും അവയുടെ നിലവിലെ സ്ഥിതിയും വെളിപ്പെടുത്തുമോ;

നാളിതുവരെ പൂര്‍ത്തിയാകാത്തതും എന്നാല്‍ പുരോഗമിച്ചു കൊണ്ടിരിക്കുന്നതുമായ പ്രവൃത്തികള്‍ ഓരോന്നും നിലവില്‍ ഏതുഘട്ടത്തിലാണെന്നും ഇനി എന്തെല്ലാം നടപടികളാണ് ബാക്കിയുള്ളതെന്നും അറിയിക്കുമോ; പ്രസ്തുത പ്രവൃത്തികള്‍ എപ്പോള്‍ പൂര്‍ത്തിയാകുമെന്ന് വിശദമാക്കുമോ?

2016 മുതൽ നാളിതുവരെ കാഞ്ഞങ്ങാട് മണ്ഡലത്തിൽ കിഫ്‌ബി പദ്ധതി പ്രകാരം നടപ്പിലാക്കിയ പദ്ധതികൾ ഏതെല്ലാമാണെന്ന് വിശദമാക്കാമോ;

ആയതിൽ പൂർത്തീകരിച്ച പദ്ധതികൾ ഏതെല്ലാമാണെന്നും പൂർത്തീകരിക്കാനുള്ള പദ്ധതികൾ ഏതെല്ലാമാണെന്നും വിശദമാക്കാമോ;

പൂർത്തീകരിക്കാനുള്ള പദ്ധതികൾ ഈ സർക്കാരിന്റെ കാലത്ത് തന്നെ പൂർത്തീകരിക്കാനുള്ള നടപടികൾ സ്വീകരിച്ചിട്ടുണ്ടോ; എങ്കിൽ വിശദാംശം നൽകാമോ?

കുറവിലങ്ങാട് താലൂക്ക് ആശുപത്രിയുടെ കെട്ടിട നിര്‍മ്മാണത്തിന് വേണ്ടി സ്പെഷ്യൽ പർപ്പസ് വെഹിക്കിൾ (എസ്. പി. വി.) സമർപ്പിച്ച എസ്റ്റിമേറ്റിലെ പിഴവുകൾ കണ്ടെത്തി തിരുത്തുന്നതിനായി കിഫ്ബിയിൽ ഏത് തരത്തിലുള്ള പരിശോധനാ സംവിധാനങ്ങളാണ് നിലവിലുള്ളതെന്നും അവ പ്രായോഗികമായി എത്രത്തോളം ഫലപ്രദമാണെന്ന് വിലയിരുത്തിയിട്ടുണ്ടോയെന്നും വ്യക്തമാക്കാമോ;

കുറവിലങ്ങാട് താലൂക്ക് ആശുപത്രിയിലെ കിഫ്ബി പദ്ധതിയുമായി ബന്ധപ്പെട്ട് അപ്രൈസൽ, ടെക്നിക്കൽ ഇൻസ്പെക്ഷൻ, ഇ. എസ്. ജി. എന്നീ വിഭാഗങ്ങൾ നടത്തിയ പരിശോധനകളിൽ കണ്ടെത്തിയ പ്രധാന നിരീക്ഷണങ്ങൾ എന്തൊക്കെയാണ്; അവ എസ്. പി. വി.-യെ രേഖാമൂലം അറിയിച്ചിട്ടുണ്ടോ;

04-09-2024-ന് എസ്. പി. വി.-യ്ക്ക് നൽകിയ പുതുക്കിയ ശിപാർശ സമർപ്പിക്കാനുള്ള നിർദ്ദേശം ഇതുവരെ പാലിക്കപ്പെടാത്തതിന്റെ കാരണം എന്താണ്; ഇതുസംബന്ധിച്ച് കിഫ്ബി പിന്നീട് ഓർമ്മപെടുത്താൻ നടപടികൾ സ്വീകരിച്ചിട്ടുണ്ടോ;

കിഫ്ബിയുടെ 12-11-2024-ലെ കത്ത് പ്രകാരം കെ. എസ്. എച്ച്. ബി-യ്ക്ക് പകരം മറ്റൊരു നിർവ്വഹണ ഏജൻസിയെ നിയമിക്കണമെന്ന ശിപാർശ സർക്കാർ തലത്തിൽ പരിഗണിക്കുന്നതിൽ ഉണ്ടായിരിക്കുന്ന കാലതാമസത്തിന് കാരണം എന്താണ്; ഈ വിഷയത്തിൽ അന്തിമ തീരുമാനം എപ്പോൾ ഉണ്ടാവുമെന്ന് അറിയിക്കുമോ?

കിഫ്‌ബി നാളിതുവരെ എത്ര പദ്ധതികൾക്ക് അംഗീകാരം നൽകിയെന്ന് വ്യക്തമാക്കാമോ; പ്രസ്തുത പദ്ധതികളുടെ വിശദാംശങ്ങളും നിലവിലെ പുരോഗതിയും ലഭ്യമാക്കാമോ;

മേൽ സൂചിപ്പിച്ച പദ്ധതികൾക്കായി കിഫ്‌ബി നാളിതുവരെ എത്ര രൂപ ചെലവഴിച്ചുവെന്ന് വ്യക്തമാക്കാമോ; പ്രസ്തുത പദ്ധതികളുടെ വിശദാംശങ്ങളും നിലവിലെ പുരോഗതിയും ലഭ്യമാക്കാമോ;

കിഫ്‌ബി നാളിതുവരെ എത്ര പദ്ധതികൾ പൂർത്തിയാക്കിയെന്നും പൂർത്തീകരിച്ച പദ്ധതികൾക്കായി എത്ര രൂപ ചെലവഴിച്ചു എന്നും വ്യക്തമാക്കാമോ; പ്രസ്തുത പദ്ധതികളുടെ വിശദാംശം ലഭ്യമാക്കാമോ?

കിഫ്‌ബി നിലവിൽ പണം നൽകിയിട്ടുള്ള പദ്ധതികളിൽ എസ്. സി. വിഭാഗങ്ങൾക്ക് നൽകിയ ഫണ്ട് എത്രയാണെന്ന് വ്യക്തമാക്കാമോ;

കിഫ്‌ബി നിലവിൽ പണം നൽകിയ പദ്ധതികളിൽ എസ്. ടി. വിഭാഗങ്ങൾക്ക് നൽകിയ ഫണ്ട് എത്രയാണെന്ന് വ്യക്തമാക്കാമോ;

കിഫ്‌ബി നിലവിൽ പണം നൽകിയ പദ്ധതികളിൽ മത്സ്യതൊഴിലാളി വിഭാഗങ്ങൾക്ക് നൽകിയ ഫണ്ട് എത്രയാണെന്ന് വ്യക്തമാക്കാമോ?

കിഫ്ബി ധനസഹായത്തോട് കൂടി സംസ്ഥാനത്ത് 2016 മുതല്‍ 2021 വരെ എത്ര രൂപയുടെ പദ്ധതികള്‍ക്കാണ് ഭരണാനുമതി നല്‍കിയിട്ടുള്ളതെന്ന വിവരം വര്‍ഷം തിരിച്ച് ലഭ്യമാക്കാമോ;

ഭരണാനുമതി നല്‍കിയ എത്ര പദ്ധതികളാണ് പൂര്‍ത്തീകരിച്ചിട്ടുള്ളതെന്ന് ജില്ലകള്‍ തിരിച്ചുള്ള കണക്കുകൾ ലഭ്യമാക്കാമോ;

കുന്നംകുളം നിയോജകമണ്ഡലത്തില്‍ ഏതെല്ലാം പദ്ധതികളാണ് പൂര്‍ത്തീകരിച്ചിട്ടുള്ളത് വിശദമാക്കാമോ?

കൊണ്ടോട്ടി മണ്ഡലത്തിൽ കിഫ്ബി പദ്ധതിയിൽ ഉൾപ്പെടുത്തി ഭരണാനുമതി നൽകിയ പ്രവൃത്തികൾ ഏതെല്ലാമാണെന്ന് വ്യക്തമാക്കുമോ; ഓരോ പ്രവൃത്തിക്കും നാളിതുവരെ ഭരണാനുമതി ലഭിച്ച തുക എത്രയാണെന്നും അതിൽ എത്ര തുക ചെലവഴിച്ചെന്നും പദ്ധതി തിരിച്ച് വിശദാംശം ലഭ്യമാക്കുമോ;

മത്സ്യമാർക്കറ്റുകളുടെ നവീകരണത്തിനായി കിഫ്ബി ഫണ്ട് അനുവദിക്കുന്നതിന് പദ്ധതിയിട്ടിരുന്നോ; എങ്കിൽ കൊണ്ടോട്ടി മത്സ്യ മാർക്കറ്റ് വികസനം ഇതിൽ ഉൾപ്പെട്ടിരുന്നോയെന്ന് വ്യക്തമാക്കുമോ;

മത്സ്യ മാർക്കറ്റുകളുടെ നവീകരണത്തിന് പുതുതായി ഫണ്ട് അനുവദിക്കുന്നുണ്ടോയെന്ന് വ്യക്തമാക്കുമോ?

അഴീക്കോട് മണ്ഡലത്തില്‍ കിഫ്ബി ആഭിമുഖ്യത്തില്‍ നടക്കുന്ന പ്രവ‍ൃത്തികള്‍ ഏതൊക്കെയെന്ന് വിശദമാക്കാമോ;

നിലവില്‍ ഓരോ പ്രവൃത്തിയുടേയും പുരോഗതിയെന്തെന്നും ഓരോ പ്രവൃത്തിയും എന്നത്തേക്ക് പൂര്‍ത്തിയാകുമെന്നുമുള്ള വിശദാംശം ലഭ്യമാക്കുമോ;

ഏതെങ്കിലും പ്രവൃത്തി പൂര്‍ത്തീകരിക്കുന്നതിൽ തടസ്സം നേരിടുന്നെങ്കിൽ അത് വ്യക്തമാക്കാമോ?

മഞ്ചേശ്വരം നിയോജക മണ്ഡലത്തിൽ നടപ്പിലാക്കുന്ന കിഫ്ബി പദ്ധതികളുടെ വിശദ വിവരങ്ങളും ഇതുവരെയുള്ള പ്രവർത്തന പുരോഗതിയും ലഭ്യമാക്കാമോ;

മേൽപ്പറഞ്ഞവയിൽ പൂർത്തീകരിക്കാത്ത പദ്ധതികൾ എപ്പോൾ പൂർത്തീകരിക്കാൻ കഴിയുമെന്ന് വിശദമാക്കുമോ?

കൊടുങ്ങല്ലൂർ നിയോജകമണ്ഡലത്തിൽ കഴിഞ്ഞ അഞ്ച് വർഷത്തിൽ എം. എല്‍. എ. ആസ്തി വികസന ഫണ്ട്, പ്രാദേശിക വികസന ഫണ്ട് എന്നിവ വിനിയോഗിച്ച് അനുവദിച്ച പ്രവൃത്തികൾ ഏതൊക്കെയാണെന്ന് വർഷം തിരിച്ച് അറിയിക്കാമോ;

പ്രസ്തുത പ്രവൃത്തികളില്‍ ഓരോന്നിന്റെയും നിലവിലുള്ള സ്ഥിതി എന്താണെന്ന് അറിയിക്കാമോ; പൂർത്തിയാകാത്ത പ്രവൃത്തികളും അതിനുള്ള കാരണങ്ങളും എന്താണെന്ന് അറിയിക്കാമോ?

ഡിസ്ട്രിക്ട് ഫ്ലാഗ്ഷിപ് ഇൻഫ്രാസ്ട്രക്ച്ചർ പ്രോജക്റ്റിന്റെ ഭാഗമായി 450 കോടി രൂപ ചെലവിൽ നിർമ്മാണത്തിന് തുടക്കമിട്ട നാടുകാണി പരപ്പനങ്ങാടി റോഡ് പാതിവഴിയിൽ ഉപേക്ഷിച്ചതുകാരണം ആയതിന്റെ ഭാഗമായ വഴിക്കടവ് മുതൽ മഞ്ചേരി വരെയുള്ള റോഡ് കഴിഞ്ഞ പത്തു വർഷമായി തകർന്നുകിടക്കുന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത റോഡിന്റെ പുനരുദ്ധാരണ പ്രവർത്തനത്തിനായി നടപടികൾ സ്വീകരിക്കുമോ; വിശദമാക്കാമോ?

നിയോജക മണ്ഡല ആസ്തി വികസന പദ്ധതിയുടെ മാനദണ്ഡങ്ങളിൽ എന്തെങ്കിലും മാറ്റങ്ങൾ വരുത്തിയിട്ടുണ്ടോ; വിശദാംശം ലഭ്യമാക്കാമോ;

ആകെ നൽകാവുന്ന പ്രവൃത്തികളുടെ എണ്ണത്തിൽ മാറ്റം വരുത്താൻ ആലോചിക്കുന്നുണ്ടോ;

ഗ്രന്ഥശാല സംഘങ്ങളുടെ അംഗീകാരമുളള ലൈബ്രറികൾക്ക് കെട്ടിടങ്ങൾ നിർമ്മിക്കുന്നതിന് അനുമതി നൽകുന്ന വിഷയം പരിഗണിക്കുമോ; വിശദമാക്കാമോ?

ആലത്തൂര്‍ മണ്ഡലത്തിലെ 2023-24 ആസ്തി വികസന പദ്ധതി പ്രകാരം പൂര്‍ത്തിയായ പ്രവൃത്തികളുടെ ടെണ്ടര്‍ സേവിംഗ്സ് എത്രയാണെന്ന് വിശദമാക്കാമോ?

അഴീക്കോട് മണ്ഡലത്തില്‍ എം. എൽ. എ. ആസ്തി വികസന ഫണ്ട്, പ്രത്യേക വികസന നിധി എന്നിവയില്‍ നിന്നും ശിപാര്‍ശ ചെയ്തിട്ടുള്ള പ്രവൃത്തികളില്‍ പ്രത്യേകാനുമതിക്ക് വേണ്ടി അപേക്ഷ സമര്‍പ്പിച്ചിട്ടുള്ളതില്‍ ഏതൊക്കെ പദ്ധതികള്‍ക്ക് 2021-26-ല്‍ അനുമതി നല്‍കിയിട്ടുണ്ട്; ഏതൊക്കെ പ്രവൃത്തികള്‍ക്ക് ഇനി അനുമതി നല്‍കാനുണ്ട്; വ്യക്തമാക്കാമോ;

ഇവയില്‍ ഏതൊക്കെ അപേക്ഷകള്‍ നിരസിച്ചിട്ടുണ്ടെന്ന് വ്യക്തമാക്കാമോ?

കോഴിക്കോട് സൗത്ത് മണ്ഡലത്തില്‍ 2021-22, 2022-23 വര്‍ഷങ്ങളിലെ എം. എല്‍. എ. ആസ്തി വികസന നിധി, പ്രത്യേക വികസന നിധി എന്നിവയില്‍ ഉള്‍പ്പെടുത്തി നടപ്പിലാക്കുന്നതും നടപ്പിലാക്കിയതുമായ പദ്ധതികള്‍ വിശദമാക്കാമോ;

പ്രസ്തുത പദ്ധതികളുടെ നിലവിലെ സ്ഥിതി വിശദമാക്കാമോ?

മലമ്പുഴ മണ്ഡലത്തില്‍ എം. എൽ. എ. മാരുടെ പ്രത്യേക വികസന നിധി വിനിയോഗിച്ച് നടപ്പിലാക്കുവാന്‍ ശിപാര്‍ശ ചെയ്ത പദ്ധതികളില്‍ ധനകാര്യ വകുപ്പിന്റെ പ്രത്യേക അനുമതി ലഭിക്കാത്തത് മൂലം ഭരണാനുമതി നല്‍കാന്‍ കഴിയാത്ത പദ്ധതികളുടെ വിശദാംശം ലഭ്യമാക്കാമോ?

കല്ല്യാശ്ശേരി മണ്ഡലത്തിലെ എം. എൽ. എ.യുടെ പ്രത്യേക വികസന നിധിയിൽ ഉൾപ്പെടുത്തി ധനകാര്യ വകുപ്പിന്റെ പ്രത്യേകാനുമതിക്കായി സമർപ്പിച്ചിട്ടുള്ള ഓരോ പ്രവൃത്തിയുടെയും നിലവിലെ പുരോഗതി വ്യക്തമാക്കാമോ?

2021-22 മുതല്‍ 2024-25 വരെ എം. എല്‍. എ. പ്രത്യേക വികസന നിധിയില്‍ മിച്ചമുള്ള തുക 2025-26 -ല്‍ വിനിയോഗിക്കുവാന്‍ കഴിയുമോ; ഇതിനായി പ്രത്യേക ഉത്തരവ് ധനവകുപ്പില്‍ നിന്നും നല്‍കേണ്ടതുണ്ടോ; വ്യക്തമാക്കാമോ;

2021-22 മുതല്‍ 2024-25 വരെ എം. എല്‍. എ. പ്രത്യേക വികസന നിധിയില്‍ ഉള്‍പ്പെടുത്തി വള്ളിക്കുന്ന് നിയോജക മണ്ഡലത്തില്‍ വിനിയോഗിക്കാന്‍ സാധിക്കാത്ത വിധത്തില്‍ ഏതെങ്കിലും ഫണ്ട്‌ നിലവിലുണ്ടോ; വിശദാംശം നല്‍കാമോ?

എം.എൽ.എ മാരുടെ പ്രാദേശിക വികസന ഫണ്ടിൽ ഓരോ പ്രവൃത്തിക്കും ഭരണാനുമതി നൽകിയ തുകയേക്കാൾ കുറവാണ് യഥാർത്ഥ ചെലവെങ്കിൽ ശേഷിക്കുന്ന തുക വിനിയോഗിച്ച് പുതിയ പ്രവൃത്തികൾ നിർദ്ദേശിക്കുന്നതിന് എന്തെങ്കിലും നിയന്ത്രണങ്ങൾ ഏർപ്പെടുത്തിയിട്ടുണ്ടോ; വിശദാംശങ്ങൾ ലഭ്യമാക്കാമോ?

എം.എൽ.എ. ആസ്തി വികസന പദ്ധതി പ്രകാരം 2016-17 വർഷം മുതൽ കാഞ്ഞങ്ങാട് മണ്ഡലത്തിൽ ഭരണാനുമതി നൽകിയ പ്രവൃത്തികൾ ഏതെല്ലാമാണെന്ന് വർഷം തിരിച്ച് വിശദമാക്കാമോ;

ഓരോ പ്രവൃത്തിയുടെയും നിലവിലെ സ്ഥിതി എന്താണെന്ന് വ്യക്തമാക്കാമോ?

സംസ്ഥാനത്ത് നടപ്പാക്കുന്ന കേന്ദ്ര പദ്ധതികളിലെ കേന്ദ്ര വിഹിതത്തില്‍ കുടിശ്ശിക വരുത്തിയിട്ടുണ്ടോ; എങ്കിൽ വ്യക്തമാക്കാമോ;

കേന്ദ്രാവിഷ്കൃത പദ്ധതി പ്രകാരമോ കേന്ദ്ര സർക്കാർ നേരിട്ട് നടപ്പിലാക്കുന്ന മറ്റ് പദ്ധതികള്‍ പ്രകാരമോ സംസ്ഥാനത്തിന് ലഭിക്കാതിരിക്കുകയോ തടഞ്ഞ് വയ്ക്കുകയോ ചെയ്തിട്ടുള്ള കേന്ദ്ര വിഹിതത്തിന്റെ വിവരങ്ങള്‍ ലഭ്യമാക്കാമോ?

2021-22 സാമ്പത്തിക വര്‍ഷം മുതല്‍ 2025-26 സാമ്പത്തിക വര്‍ഷം വരെ സംസ്ഥാന സര്‍ക്കാരിന് കേന്ദ്രസര്‍ക്കാരില്‍ നിന്നും ലഭിക്കേണ്ട സാമ്പത്തിക സഹായത്തില്‍ ഏതെല്ലാം ഇനങ്ങളിലായി എത്ര കോടി രൂപയുടെ കുറവ് സംഭവിച്ചിട്ടുണ്ടെന്ന് വിശദമാക്കാമോ;

കേന്ദ്രസര്‍ക്കാരില്‍ നിന്നും ലഭിക്കേണ്ട സാമ്പത്തിക സഹായത്തിലെ കുറവ് പരിഹരിക്കുന്നതിന് നടപടികള്‍ സ്വീകരിച്ചിട്ടുണ്ടോ; എങ്കിൽ വ്യക്തമാക്കാമോ?

കേന്ദ്ര ഗവണ്മെന്റ് പൂർണമായും സാമ്പത്തിക ചെലവ് വഹിക്കുന്ന കേന്ദ്രാവിഷ്‌കൃത പദ്ധതികൾ സംസ്ഥാനത്ത് നടപ്പാക്കുന്നുണ്ടോ; ഉണ്ടെങ്കിൽ പ്രസ്തുത പദ്ധതികൾ ഏതെല്ലാമെന്നും ആയതിനോരോന്നിനും കേന്ദ്രം ചെലവഴിക്കുന്ന തുക എത്രയെന്നും പദ്ധതി തിരിച്ച് വ്യക്തമാക്കാമോ;

കേന്ദ്രവും കേരളവും ധനവിഹിതം പങ്കിടുന്ന ഏതെല്ലാം പദ്ധതികൾ സംസ്ഥാനത്ത് നടപ്പിലാക്കുന്നുണ്ടെന്നും ഓരോ പദ്ധതിക്കും സംസ്ഥാനം വഹിക്കുന്ന തുകയും കേന്ദ്രം വഹിക്കുന്ന തുകയും പട്ടിക തിരിച്ച് അറിയിക്കാമോ;

സംസ്ഥാനത്ത് ഏതെല്ലാം പെൻഷൻ സ്കീമുകൾക്ക് കേന്ദ്ര വിഹിതം ലഭിക്കുന്നുണ്ടെന്നും ഓരോ പെൻഷൻ സ്കീമിലും സംസ്ഥാനം നൽകുന്ന തുകയും കേന്ദ്രം നൽകുന്ന തുകയും എത്രയെന്നും പ്രത്യേകം പ്രത്യേകം വ്യക്തമാക്കാമോ?

കേന്ദ്ര സര്‍ക്കാര്‍ കേരളത്തിന് സാമ്പത്തിക ഉപരോധം ഏര്‍പ്പെടുത്തിയിട്ടുണ്ടോ; വിശദാംശം വ്യക്തമാക്കുമോ;

2026-27 സാമ്പത്തിക വര്‍ഷത്തേക്കുള്ള കേന്ദ്ര ബജറ്റ് അവതരണത്തിന് മുന്നോടിയായി കേന്ദ്ര ധനമന്ത്രി വിളിച്ച സംസ്ഥാന ധനമന്ത്രിമാരുടെ യോഗത്തില്‍ കേരളം മുന്നോട്ടു വച്ച ആശയങ്ങള്‍ എന്തൊക്കെയെന്ന് വ്യക്തമാക്കുമോ?

സംസ്ഥാനത്തിന് ലഭിക്കേണ്ട കേന്ദ്ര വിഹിതം നല്‍കാതെ സംസ്ഥാനത്തെ സാമ്പത്തികമായി അസ്ഥിരപ്പെടുത്തുന്നതിന് കേന്ദ്ര സര്‍ക്കാര്‍ നടപടി സ്വീകരിക്കുന്നുവെന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

കേന്ദ്ര ധനവിഹിതത്തിലെ കുറവുമൂലം പദ്ധതി നിര്‍വ്വഹണം തടസ്സപ്പെടാതിരിക്കുവാന്‍ സംസ്ഥാനം സ്വീകരിച്ച നടപടികള്‍ വ്യക്തമാക്കുമോ?

ഉദ്യോഗസ്ഥ ഭരണപരിഷ്കാര വകുപ്പ് അഡീഷണൽ ചീഫ് സെക്രട്ടറിയുടെ നിർദ്ദേശാനുസരണം കൊണ്ടോട്ടി സബ് ട്രഷറിയിൽ സൂപ്പർവൈസറി ഓഫീസറുടെ തസ്തിക സൃഷ്ടിക്കുന്നതുമായി ബന്ധപ്പെട്ട് ഏതെങ്കിലും തരത്തിലുള്ള പഠനം നടത്തിയിട്ടുണ്ടോയെന്ന് വ്യക്തമാക്കുമോ; ഇതിൽ റിപ്പോർട്ട് വന്നിട്ടുണ്ടോ; എങ്കിൽ അതിന്റെ പകർപ്പ് ലഭ്യമാക്കുമോ;

പ്രസ്തുത പഠന റിപ്പോർട്ടിന്റെ അടിസ്ഥാനത്തിൽ കൊണ്ടോട്ടി സബ് ട്രഷറിയിൽ ഏതൊക്കെ തസ്തികകളാണ് സൃഷ്ടിക്കാൻ ഉദ്ദേശിക്കുന്നതെന്നും പശ്ചാത്തല സൗകര്യങ്ങളിൽ എന്ത് മാറ്റം വരുത്താനാണ് ഉദ്ദേശിക്കുന്നതെന്നും വിശദമാക്കുമോ?

സർക്കാർ ജീവനക്കാരുടെ ശമ്പളം പരിഷ്കരിക്കുന്നതിന് ആലോചിക്കുന്നുണ്ടോ; വ്യക്തമാക്കാമോ;

ശമ്പള പരിഷ്കരണത്തിന് ഉദ്യോഗസ്ഥ സമിതിയെ ചുമതലപ്പെടുത്താൻ ഉദ്ദേശിക്കുന്നുണ്ടോ; വ്യക്തമാക്കാമോ;

ശമ്പള പരിഷ്കരണം എന്നു മുതൽ നടത്താനാണ് ഉദ്ദേശിക്കുന്നത്; ഇതുമൂലം സർക്കാരിനുണ്ടാകുന്ന അധിക ബാധ്യത കണക്കാക്കിയിട്ടുണ്ടോ; വിശദമാക്കുമോ?

സർക്കാർ ജീവനക്കാർക്ക് 2013 ഏപ്രിൽ മുതൽ നടപ്പാക്കിയ പങ്കാളിത്ത പെൻഷൻ പദ്ധതി പുന:പരി​ശോധിക്കുന്നതിന് നിയോഗിച്ച വിദഗ്ധ സമിതിയുടെ റിപ്പോർട്ടിന്മേൽ എന്തു നടപടി സ്വീകരിച്ചുവെന്ന് വിശദമാക്കുമോ;

നിശ്ചിത പെൻഷൻ തുക ഉറപ്പാക്കുന്ന അ​ഷ്വേർഡ് പെൻഷൻ പദ്ധതി നടപ്പാക്കാൻ തീരുമാനിച്ചിട്ടുണ്ടോ;

ഇക്കാര്യത്തിൽ കേന്ദ്ര സർക്കാരിന്റെ സഹായം തേടിയിട്ടുണ്ടോ; വിശദാംശം നൽകുമോ?

സർക്കാർ ജീവനക്കാർക്കും അധ്യാപകർക്കും നൽകുവാനുള്ള ശമ്പള പരിഷ്കരണം, ഡി. എ. എന്നീ ഇനങ്ങളിലായി കുടിശ്ശിക എത്രയാണെന്ന് ഇനം തിരിച്ച് വ്യക്തമാക്കുമോ; പ്രസ്തുത തുക എപ്പോൾ വിതരണം ചെയ്യുവാൻ സാധിക്കുമെന്ന് വ്യക്തമാക്കാമോ;

സാമ്പത്തിക പ്രതിസന്ധിയുടെ പേരിൽ കുടിശ്ശിക വിതരണം ചെയ്യാതിരിക്കാൻ സാധിക്കില്ലെന്ന കോടതി നിരീക്ഷണത്തിന്റെ അടിസ്ഥാനത്തിൽ കുടിശ്ശിക തീർത്ത് ഡി.എ. എപ്പോൾ വിതരണം ചെയ്യുവാൻ കഴിയുമെന്ന് വ്യക്തമാക്കുമോ;

സർക്കാർ ജീവനക്കാരുടെയും അധ്യാപകരുടെയും ശമ്പള പരിഷ്കരണത്തിന് കമ്മീഷനെ നിയോഗിക്കാൻ ഉദ്ദേശിച്ചിട്ടുണ്ടോ; എങ്കിൽ വിശദാംശം നല്‍കാമോ;

ഡി. എ. ജീവനക്കാരുടെ അവകാശമല്ല എന്ന് സർക്കാർ ഹൈക്കോടതിയിൽ സത്യവാങ്മൂലം നൽകിയിട്ടുണ്ടോ; എങ്കിൽ ഏത് സാഹചര്യത്തിലാണ് ഇപ്രകാരം സത്യവാങ്മൂലം നൽകിയത്; വ്യക്തമാക്കുമോ?

പങ്കാളിത്ത പെൻഷൻ പദ്ധതി പിൻവലിക്കുന്നതുമായി ബന്ധപ്പെട്ട് കേന്ദ്രസർക്കാരിന് കത്ത് അയച്ചിട്ടുണ്ടോ; എങ്കിൽ പ്രസ്തുത കത്തിന്റെ പകർപ്പ് ലഭ്യമാക്കുമോ;

പങ്കാളിത്ത പെൻഷൻ പിൻവലിക്കുന്നത് സംബന്ധിച്ച് പഠിച്ച സമിതി നൽകിയ റിപ്പോർട്ടിന്മേൽ നാളിതുവരെ സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കുമോ; പ്രസ്തുത റിപ്പോർട്ട് പരിശോധിച്ച മന്ത്രിതല സമിതിയുടെ യോഗത്തിന്റെ മിനിറ്റ്സിന്റെ പകർപ്പ് ലഭ്യമാക്കുമോ?

സർക്കാർ ജീവനക്കാർക്കും അധ്യാപകർക്കും ഏർപ്പെടുത്തിയ പങ്കാളിത്ത പെൻഷൻ പദ്ധതി പിൻവലിക്കുന്ന കാര്യം പരിഗണനയിലുണ്ടോ; എങ്കിൽ ഇതിനായി സ്വീകരിച്ച നടപടികൾ എന്തൊക്കെയാണെന്ന് അറിയിക്കാമോ;

പ്രസ്തുത പദ്ധതി പുനഃപരിശോധിക്കുന്നതിനായി ഏർപ്പെടുത്തിയ സമിതി എന്നാണ് റിപ്പോർട്ട് സമർപ്പിച്ചതെന്നും ആയതിൽ സ്വീകരിച്ച നടപടികളും അവയുടെ നിലവിലെ സ്ഥിതിയും അറിയിക്കാമോ; പുനഃപരിശോധനാ സമിതി സമർപ്പിച്ച റിപ്പോർട്ടിന്റെ പകർപ്പ് ലഭ്യമാക്കാമോ?

സംസ്ഥാന സർക്കാർ ജീവനക്കാർക്ക് അനുവദിക്കപ്പെട്ട ഡി.എ. യിൽ എത്ര മാസത്തെ ക്ഷാമബത്തയാണ് മുൻകാല പ്രാബല്യം ഇല്ലാത്തതുമൂലം നിരസിക്കപ്പെട്ടിരിക്കുന്നതെന്ന് വ്യക്തമാക്കാമോ;

ക്ഷാമബത്ത ജീവനക്കാരന്റെ അവകാശമല്ല എന്ന് സർക്കാർ കോടതിയിൽ നൽകിയ സത്യവാങ്മൂലം പിൻവലിച്ച് പുതിയ സത്യവാങ്മൂലം സമർപ്പിക്കാൻ തയ്യാറാകുമോയെന്ന് വ്യക്തമാക്കാമോ;

ശമ്പളത്തോടൊപ്പം ഡി.എ. കൂടി നൽകണം എന്ന വ്യവസ്ഥ കേരള സർവീസ് ചട്ടങ്ങളിൽ ഉൾപ്പെടുത്തുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ;

അനുവദിക്കപ്പെട്ട ഡി.എ. യ്ക്ക് മുൻകാല പ്രാബല്യം നൽകുന്നതിന് തയ്യാറാകുമോയെന്ന് വ്യക്തമാക്കാമോ?

പങ്കാളിത്ത പെൻഷൻ പദ്ധതി പുനഃപരിശോധിക്കുന്നതിന് സർക്കാർ നിയോഗിച്ച സമിതി സമർപ്പിച്ച റിപ്പോർട്ടിന്മേല്‍ സ്വീകരിച്ച നടപടികൾ അറിയിക്കാമോ; റിപ്പോർട്ടിന്റെ പകർപ്പ് ലഭ്യമാക്കാമോ;

പ്രസ്തുത റിപ്പോര്‍ട്ട് പഠിക്കുന്നതിനായി നിയമിച്ച ഉപസമിതി എത്ര യോഗങ്ങള്‍ ചേര്‍ന്നുവെന്നും എന്തെല്ലാം തീരുമാനങ്ങള്‍ എടുത്തുവെന്നും സമിതി സമര്‍പ്പിച്ച റിപ്പോര്‍ട്ടിന്റെ അടിസ്ഥാനത്തില്‍ എന്തെങ്കിലും തീരുമാനം എടുത്തിട്ടുണ്ടോയെന്നും വിശദമാക്കുമോ;

2025-26 ലെ ബജറ്റ് പ്രസംഗത്തിൽ അഷ്വേർഡ് പെൻഷൻ സമ്പ്രദായം നടപ്പിലാക്കുന്നതാണെന്ന പ്രഖ്യാപനത്തെ തുടർന്ന് സ്വികരിച്ച നടപടികൾ വിശദമാക്കുമോ;

കേന്ദ്ര സർക്കാര്‍ പുതുതായി കൊണ്ടു വന്ന ഏകീകൃത പെന്‍ഷന്‍ പദ്ധതി ജീവനക്കാർക്ക് ഗുണകരമാണോയെന്ന് പരിശോധിച്ചിട്ടുണ്ടോ; ഏകീകൃത പെൻഷൻ പദ്ധതിക്ക് സമാനമായ പുതിയ പെൻഷൻ പദ്ധതി ആരംഭിക്കാൻ ഉദ്ദേശിക്കുന്നുണ്ടോ; എങ്കിൽ ഇതിനായി സ്വീകരിക്കാൻ ഉദ്ദേശിക്കുന്ന നടപടികൾ എന്തെല്ലാമാണെന്ന് വിശദമാക്കാമോ;

പങ്കാളിത്ത പെന്‍ഷന്‍ പദ്ധതി പൂര്‍ണ്ണമായി പിന്‍വലിച്ച് ജീവനക്കാരെ സ്റ്റാറ്റ്യൂട്ടറി പെന്‍ഷനിലേക്ക് മാറ്റുന്ന കാര്യം പരിശോധിച്ചിട്ടുണ്ടോ; എങ്കില്‍ വിശദാംശം അറിയിക്കുമോ?

മെഡിസെപ്പ് പദ്ധതിയില്‍ ഒരു കുടുംബത്തിലെ സര്‍ക്കാര്‍ ജീവനക്കാര്‍ ആയിട്ടുളള ദമ്പതികള്‍ക്ക് പ്രത്യേകം മെഡിസെപ്പ് അംഗത്വം ഉളളത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന്റെ കാരണം വിശദമാക്കാമോ;

സർക്കാർ ജീവനക്കാരായ ദമ്പതികള്‍ക്ക് എല്‍.റ്റി.സി. ആനുകൂല്യം പ്രത്യേകമായി ലഭിക്കുന്നില്ലെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇവയുടെ കാരണം വിശദമാക്കാമോ?

ക്ഷാമബത്ത ജീവനക്കാരുടെ അവകാശമല്ലെന്നും ഭരണപരമായ തീരുമാനത്തിന്റെ ഭാഗമാണെന്നും സർക്കാർ ഹൈക്കോടതിയെ അറിയിച്ചിട്ടുണ്ടോ; എങ്കിൽ പ്രസ്തുത നിലപാടിന്റെ കാരണം വിശദമാക്കാമോ;

സംസ്ഥാന സർക്കാർ ജീവനക്കാർക്ക് ക്ഷാമബത്ത കുടിശ്ശിക നൽകാനും ശമ്പള പരിഷ്കരണം നടത്താനും സർക്കാർ നടപടി സ്വീകരിക്കുമോ; വിശദമാക്കാമോ?

മെഡിസെപ് രണ്ടാം ഘട്ടം പദ്ധതി നടപ്പിലാക്കിയിട്ടുണ്ടോ; ഇല്ലെങ്കില്‍ നടപ്പാക്കാൻ കഴിയാത്തതിന്റെ വ്യക്തമായ കാരണങ്ങൾ എന്തെല്ലാമാണെന്ന് വിശദമാക്കാമോ;

രണ്ടാം ഘട്ടത്തിൽ പ്രതിമാസ പ്രീമിയം 500 രൂപയിൽ നിന്ന് 810 രൂപയായി വർദ്ധിപ്പിക്കാനുള്ള സാഹചര്യം, പ്രീമിയവർദ്ധനവ് കാരണം ജീവനക്കാര്‍ക്ക് ലഭിക്കുന്ന അധിക സൗകര്യങ്ങൾ എന്നിവയെക്കുറിച്ച് വിശദമാക്കാമോ;

പ്രീമിയം തുകയുടെ 18% വരുന്ന ജി.എസ്.ടി. ഒഴിവാക്കാൻ കേന്ദ്ര സർക്കാരുമായി നടത്തിയ ചർച്ചകളുടെ പുരോഗതി എന്താണെന്നും പ്രസ്തുത ബാധ്യത ഒഴിവാക്കി പ്രീമിയം തുക കുറയ്ക്കാൻ സംസ്ഥാനം പ്രത്യേക ഇടപെടൽ നടത്തിയിട്ടുണ്ടോയെന്നും വെളിപ്പെടുത്താമോ;

പ്രീമിയം തുക ഉയര്‍ത്തുമ്പോള്‍ നിലവില്‍ പദ്ധതിയിൽ നിന്ന് വിട്ടുനിൽക്കുന്ന പ്രമുഖ സ്പെഷ്യലിസ്റ്റ് ആശുപത്രികളെയും സൂപ്പർ സ്പെഷ്യലിസ്റ്റ് വിഭാഗങ്ങളെയും പദ്ധതിയിലേക്ക് കൊണ്ടുവരുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ;

പദ്ധതിയിൽ എംപാനൽ ചെയ്ത ആശുപത്രികളിൽ കൃത്യമായ ചികിത്സ ഉറപ്പാക്കാൻ എന്ത് നിരീക്ഷണ സംവിധാനമാണ് നിലവിലുള്ളതെന്നും വാഗ്ദാനം ചെയ്ത പരിരക്ഷയുടെ പകുതി പോലും നിലവില്‍ ലഭിക്കുന്നില്ലെന്ന പരാതികളിൽ എന്ത് നടപടി സ്വീകരിച്ചുവെന്നും അറിയിക്കാമോ;

മെഡിസെപ്പിൽ ചേരാൻ താൽപ്പര്യമില്ലാത്ത ജീവനക്കാർക്ക് പദ്ധതിയിൽ നിന്ന് ഒഴിഞ്ഞുനിൽക്കാൻ അനുവാദം നൽകുന്ന കാര്യം പരിഗണിക്കുമോ?

2023-24, 2024-25 സാമ്പത്തിക വർഷങ്ങളിലെ ബജറ്റുകളിൽ പേരാമ്പ്ര മണ്ഡലത്തിൽ ഏതെല്ലാം പ്രവൃത്തികള്‍ അനുവദിച്ചുവെന്ന് വ്യക്തമാക്കാമോ;

ഈ പ്രവൃത്തികളുടെ നടപടികള്‍ ഏത് ഘട്ടത്തിലാണെന്ന് വിശദമാക്കാമോ?

നടപ്പ് സാമ്പത്തിക വർഷത്തെ സംസ്ഥാനത്തിന്റെ പദ്ധതി പുരോഗതി വിശദമാക്കാമോ;

നടപ്പ് സാമ്പത്തിക വർഷം അവസാനിക്കാൻ രണ്ടര മാസം മാത്രം ശേഷിക്കുന്ന സാഹചര്യത്തിൽ പദ്ധതി പ്രവർത്തനം മന്ദഗതിയിലാണെന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

സംസ്ഥാനത്തെ പദ്ധതി നടത്തിപ്പ് വേഗത്തിലാക്കാൻ നടപടികൾ സ്വീകരിക്കുമോ; വിശദമാക്കാമോ?

2021-22 മുതൽ 2025 - 26 സാമ്പത്തിക വർഷം വരെ അവതരിപ്പിക്കപ്പെട്ട സംസ്ഥാന ബജറ്റുകളില്‍ ടോക്കൺ തുക മാത്രം വകയിരുത്തിയിരുന്ന പദ്ധതികളിൽ ഏതെല്ലാം പദ്ധതികൾക്ക് ഭരണാനുമതി നൽകിയിട്ടുണ്ട് എന്ന് നിയോജക മണ്ഡലം തിരിച്ച് അറിയിക്കാമോ;

2021-22 മുതൽ 2025 - 26 സാമ്പത്തിക വർഷം വരെ അവതരിപ്പിക്കപ്പെട്ട സംസ്ഥാന ബജറ്റിൽ ടോക്കൺ തുക മാത്രം വകയിരുത്തിയിരുന്ന തിരൂർ നിയോജക മണ്ഡലത്തിലെ പദ്ധതികളിൽ ഭരണാനുമതി നൽകുന്നതിന് വേണ്ടി പരിഗണിക്കുന്ന പദ്ധതികൾ ഏതെല്ലാം ആണെന്ന് അറിയിക്കാമോ?

2021 മുതല്‍ നാളിതുവരെയുള്ള ബഡ്‍ജറ്റുകളിൽ അഴീക്കോട് മണ്ഡലത്തില്‍ അനുവദിച്ച പ്രവൃത്തികളുടെ നിലവിലെ സ്ഥിതി വ്യക്തമാക്കാമോ; ഏതൊക്കെ പ്രവൃത്തികളാണ് ഇനി പൂര്‍ത്തീകരിക്കാനുള്ളതെന്നതും അറിയിക്കാമോ;

പ്രവൃത്തികള്‍ പൂര്‍ത്തീകരിക്കുന്നതിനും ആരംഭിക്കുന്നതിനും എന്തെങ്കിലും തടസ്സങ്ങളുണ്ടോ; ഉണ്ടെങ്കില്‍ ആയതിന്റെ വിശദാംശം ലഭ്യമാക്കാമോ?

2020-21 സംസ്ഥാന ബജറ്റില്‍ പാല മണ്ഡലത്തിലെ 878-ാം നമ്പരായി 20% ഫണ്ട് വകയിരുത്തിയ ചില്ലച്ചി തോടിന് കുറുകെ പാലം എന്ന പദ്ധതിക്ക് അനുവദിച്ച 350 ലക്ഷം രൂപയും 2670-ാം നമ്പരായി തീക്കോയി തലനാട് റോഡ് നിര്‍മ്മാണത്തിന് അനുവദിച്ചതില്‍ ബാക്കി നില്‍ക്കുന്ന തുകയായ 1.10 കോടി രൂപയും കടവുപുഴ പാലം പുനര്‍നിര്‍മ്മാണം എന്ന പദ്ധതിക്ക് മാറ്റി അനുവദിക്കണമെന്ന കത്തിന്മേല്‍ സ്വീകരിച്ച നടപടികള്‍ വ്യക്തമാക്കാമോ;

കടവുപുഴ പാലം പ്രളയത്തില്‍ തകര്‍ന്നുപോയതുമൂലം ജനങ്ങള്‍ അനുഭവിക്കുന്ന ദുരിതം പരിഹരിക്കുവാന്‍ പ്രസ്തുത ഫണ്ട് മാറ്റി അനുവദിക്കുകയോ പുതിയ ഫണ്ട് ലഭ്യമാക്കുകയോ ചെയ്തുകൊണ്ട് പ്രസ്തത പാലം പുനര്‍നിര്‍മ്മിക്കുന്നതിനുള്ള നടപടി സ്വീകരിക്കുമോ; വിശദമാക്കാമോ?

കൈപ്പമംഗലം മണ്ഡലത്തിലെ 2016 മുതൽ 2025 വരെയുള്ള ടെൻഡർ ബാലൻസ് എത്രയെന്ന് കണക്കാക്കിയിട്ടുണ്ടോ; ആയതിന്റെ റിപ്പോർട്ട് ലഭ്യമാക്കാമോ;

കൈപ്പമംഗലം മണ്ഡലത്തിലെ എത്ര വിദ്യാലയങ്ങൾക്കാണ് ചലഞ്ച് ഫണ്ട് ലഭ്യമാക്കിയിട്ടുള്ളത്;

പ്രസ്തുത വിദ്യാലയങ്ങൾക്ക് ചലഞ്ച് ഫണ്ട് എത്രയും വേഗം ലഭ്യമാക്കാൻ എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കുമോ;

കൈപ്പമംഗലം മണ്ഡലത്തിലെ 2016 മുതൽ 2025 വരെയുള്ള ബജറ്റ് പ്രവൃത്തികൾ എത്രയും വേഗം പൂർത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്; വ്യക്തമാക്കുമോ?

2024-25 സാമ്പത്തിക വർഷത്തെ ബജറ്റിൽ ഉൾപ്പടുത്തി അരൂർ മണ്ഡലത്തിന് അനുവദിച്ച ചന്തിരൂർ പൊതു മാലിന്യ സംസ്കരണ പ്ലാന്റിന്റെ നിർവ്വഹണ ഉദ്യോഗസ്ഥൻ ആരാണെന്ന് വിശദമാക്കാമോ;

പ്രസ്തുത പദ്ധതിയുമായി ബന്ധപ്പെട്ട് ഫിഷറീസ് വകുപ്പിന് ബജറ്റിൽ തുക വകയിരുത്തിയിട്ടുണ്ടോയെന്ന് വിശദമാക്കാമോ?

സംസ്ഥാന ബജറ്റുകളില്‍ 10 കോടി രൂപയുടെ 20% തുക വകയിരുത്തുകയും 391.30 രൂപ ചെലവഴിച്ച് ആദ്യ ഘട്ടം പണി പൂർത്തീകരിക്കുകയും ചെയ്ത മണലൂ‍ർ മണ്ഡലത്തിലെ അന്നക്കര - കോക്കൂർ - മറ്റം റോഡിന്റെ രണ്ടാം ഘട്ട പ്രവൃത്തിക്ക് പൊതുമരാമത്ത് വകുപ്പ് സമർപ്പിച്ച എസ്റ്റിമേറ്റ് (കമ്പ്യൂട്ടർ നമ്പർ 3080579) ഭരണാനുമതിക്കായി സമർപ്പിച്ചിട്ടുളളത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത പ്രവൃത്തിക്ക് ധനാനുമതി/ഭരണാനുമതി നൽകിയിട്ടുണ്ടോ; എങ്കിൽ അത് സംബന്ധിച്ച ഉത്തരവിന്റെ പകർപ്പ് ലഭ്യമാക്കാമോ;

ഇല്ലെങ്കിൽ പ്രസ്തുത പ്രവൃത്തിക്ക് ആവശ്യമായ അനുമതി നൽകാനുളള സത്വര നടപടി സ്വീകരിക്കുമോ എന്ന് അറിയിക്കാമോ?

2025-26 സാമ്പത്തിക വർഷത്തിലെ നാളിതുവരെയുള്ള പദ്ധതി പുരോഗതി വകുപ്പ് തിരിച്ചു ലഭ്യമാക്കാമോ?

തദ്ദേശ സ്വയംഭരണ സ്ഥാപനങ്ങൾക്ക് 2021-22 സാമ്പത്തിക വർഷം മുതൽ 2025-26 സാമ്പത്തിക വർഷം വരെ ബജറ്റിൽ വകയിരുത്തിയ വിഹിതം എത്ര കോടി രൂപയായിരുന്നുവെന്ന് വിശദീകരിക്കുമോ;

2021-22 മുതൽ 2024-25 സാമ്പത്തിക വർഷം വരെ ഓരോ വർഷവും ഇതിൽ എത്ര കോടി രൂപ അനുവദിച്ചു; വ്യക്തമാക്കാമോ;

തദ്ദേശ സ്ഥാപനങ്ങൾ 2021-22 മുതൽ 2024-25 വരെ ഓരോ സാമ്പത്തിക വർഷവും എത്ര കോടി രൂപ ചെലവഴിച്ചുവെന്ന് അറിയിക്കാമോ;

തദ്ദേശ സ്ഥാപനങ്ങൾക്ക് 2025-26 സാമ്പത്തിക വർഷത്തിൽ ഇതുവരെ എത്ര കോടി രൂപ അനുവദിച്ചു; അതിൽ എത്ര കോടി രൂപ ചെലവഴിച്ചു; വ്യക്തമാക്കുമോ?

2025-26-ലെ ബജറ്റ് പ്രസംഗത്തിൽ പ്രഖ്യാപിച്ച പ്ലാൻ- ബി എന്താണെന്ന് വിശദീകരിക്കാമോ;

പ്ലാൻ- ബി അനുസരിച്ച് സംസ്ഥാനത്ത് എന്തെങ്കിലും പദ്ധതി നടപ്പിലാക്കിയിട്ടുണ്ടോ; വിശദമാക്കാമോ?

2025-26 ല്‍ ഓരോ വകുപ്പുകള്‍ക്കും വകയിരുത്തിയ ബജറ്റ് വിഹിതം എത്രയെന്നും, നാളിതുവരെ ഓരോ വകുപ്പും എത്ര രൂപ ചെലവഴിച്ചുവെന്നുമുള്ള വിവരം ലഭ്യമാക്കാമോ?

ബജറ്റിൽ കിഫ്ബി മുഖേന നവീകരിക്കുമെന്ന പ്രഖ്യാപനം നടത്തിയ തിരൂരങ്ങാടി മണ്ഡലത്തിലെ കുണ്ടൂർ തോട് നവീകരണം എന്ന പദ്ധതിക്ക്‌ കിഫ്ബിയുടെ അംഗീകാരം ലഭ്യമാക്കിയോ; ഇല്ലെങ്കിൽ എന്നേക്ക്‌ ലഭ്യമാക്കാനാകും; വിശദമാക്കുമോ;

പ്രസ്തുത പദ്ധതിയുടെ നിലവിലെ എസ്റ്റിമേറ്റ് തുക എത്രയാണെന്ന് വിശദമാക്കാമോ?

കാഞ്ഞങ്ങാട് മണ്ഡലത്തിലെ ആസ്തി വികസന ഫണ്ട് വിനിയോഗത്തിൽ 2020-21 മുതലുള്ള ടെണ്ടർ സേവിങ്സ് തുക വർഷം തിരിച്ച് വിശദമാക്കാമോ?

2021-22 മുതലുള്ള ബഡ്ജറ്റുകളിൽ 20 ശതമാനം തുക നീക്കിവച്ചിട്ടുള്ള കോട്ടക്കല്‍ മണ്ഡലത്തിലെ പ്രവൃത്തികൾ ഏതെല്ലാമാണ്; ഓരോ പ്രവൃത്തിയുടെയും നിലവിലെ സ്ഥിതി എന്താണെന്ന് സാമ്പത്തിക വര്‍ഷാടിസ്ഥാനത്തില്‍ വിശദമാക്കുമോ;

പ്രസ്തുത പ്രവൃത്തികളിൽ ഇനിയും ഭരണാനുമതി ലഭ്യമായിട്ടില്ലാത്ത പ്രവൃത്തികള്‍ ഏതെല്ലാമാണ്; ഭരണാനുമതി ലഭിക്കുന്നതിലെ കാലതാമസത്തിനുള്ള കാരണം അറിയിക്കാമോ;

നാളിതുവരെ ഭരണാനുമതി ലഭ്യമായിട്ടില്ലാത്ത പ്രവൃത്തികള്‍ക്ക് അടിയന്തരമായി ഭരണാനുമതി നല്‍കുന്നതിന് നടപടി സ്വീകരിക്കുമോ?

കല്ല്യാശ്ശേരി മണ്ഡലത്തില്‍ 2021-22 മുതല്‍ 2025-26 വരെയുള്ള സാമ്പത്തിക വര്‍ഷങ്ങളില്‍ സംസ്ഥാന ബഡ്ജറ്റില്‍ 20% ടോക്കണ്‍ പ്രൊവിഷന്‍ ലഭിച്ച പ്രവൃത്തികളുടെ വിശദാംശം, പ്രവൃത്തിയുടെ പേര്, സാമ്പത്തിക വര്‍ഷം, തുക എന്നിവ സഹിതം ലഭ്യമാക്കാമോ?

മലപ്പുറം മണ്ഡലത്തില്‍ 2021-22 മുതൽ 2025-26 വരെയുള്ള കാലയളവിലെ ബജറ്റുകളില്‍ ഉള്‍പ്പെടുത്തിയ പദ്ധതികളുടെ വിശദാംശങ്ങള്‍ വകുപ്പ് തിരിച്ച് വ്യക്തമാക്കാമോ;

പ്രസ്തുത പദ്ധതികള്‍ക്ക് ഓരോന്നിനും എത്ര തുക അനുവദിച്ചിട്ടുണ്ടെന്നും അവയിൽ ഏതെല്ലാം പ്രവൃത്തികള്‍ക്ക് ഭരണാനുമതി ലഭിച്ചുവെന്നും വ്യക്തമാക്കാമോ;

മേൽപ്പറഞ്ഞ പദ്ധതികളുടെ നിലവിലെ പുരോഗതി വിശദീകരിക്കാമോ?

2016-2017 ലെ പുതുക്കിയ ബജറ്റ് പ്രസംഗത്തിലും മറുപടി പ്രസംഗത്തിലും പ്രഖ്യാപിച്ച റവന്യൂ ടവറുകള്‍/മിനി സിവില്‍ സ്റ്റേഷനുകള്‍ ഏതൊക്കെയെന്നും അതിനായി എത്ര തുക വകയിരുത്തിയിരുന്നുവെന്നും വ്യക്തമാക്കാമോ;

ഇതില്‍ ഏതൊക്കെ പ്രവൃത്തികള്‍ക്ക് കിഫ്ബിയുടെ അംഗീകാരം ലഭിച്ചുവെന്ന് വെളിപ്പെടുത്താമോ;

നിര്‍മ്മാണം പൂര്‍ത്തീകരിച്ച/ആരംഭിച്ച/പുരോഗമിക്കുന്ന റവന്യൂ ടവര്‍/മിനി സിവില്‍ സ്റ്റേഷനുകളുടെ വിശദാംശങ്ങള്‍ നല്‍കാമോ;

സംസ്ഥാന ഭവന നിര്‍മ്മാണ ബോര്‍ഡ് വിശദമായ പദ്ധതി റിപ്പോര്‍ട്ട് തയ്യാറാക്കി അംഗീകാരത്തിനായി സമര്‍പ്പിച്ചിട്ടുള്ള/കിഫ്ബിയുടെ പരിഗണനയിലുള്ള റവന്യൂ ടവര്‍/മിനി സിവില്‍ സ്റ്റേഷനുകള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പ്രവൃത്തികള്‍ക്ക് അംഗീകാരം നല്‍കുന്നതിന് സത്വര നടപടികള്‍ സ്വീകരിക്കുമോയെന്ന് അറിയിക്കാമോ;

ഈ സര്‍ക്കാര്‍ അധികാരത്തില്‍ വന്നതിനുശേഷം ഏതൊക്കെ റവന്യൂ ടവറുകള്‍/മിനി സിവില്‍ സ്റ്റേഷനുകള്‍ക്ക് കിഫ്ബിയുടെ അംഗീകാരം ലഭിച്ചിട്ടുണ്ടെന്ന് അറിയിക്കാമോ?

2024-25 സാമ്പത്തിക വർഷത്തെ സംസ്ഥാന ബജറ്റിൽ പട്ടികജാതി പട്ടികവർഗ്ഗ വികസന വകുപ്പുകളിലെ പദ്ധതികൾക്കായി നീക്കിവെച്ച തുക എത്രയാണ്; വിശദാംശം നൽകുമോ;

പ്രസ്തുത സാമ്പത്തിക വർഷത്തിൽ വകുപ്പിനായി അനുവദിച്ച മുഴുവൻ തുകയും ചെലവഴിച്ചിട്ടുണ്ടോ; ധനകാര്യ വകുപ്പ് അനുവദിച്ച തുക വെട്ടിക്കുറച്ചിട്ടുണ്ടോ; എങ്കിൽ ഇതിന്റെ വിശദാംശം ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ഇതുവരെ എത്ര രൂപ സാമൂഹ്യ സുരക്ഷാ പെന്‍ഷനായി അനുവദിച്ചിട്ടുണ്ട്;

നിലവില്‍ എത്രപേര്‍ക്കാണ് സാമൂഹ്യ സുരക്ഷാ പെന്‍ഷനും ക്ഷേമനിധി ബോര്‍ഡ് പെന്‍ഷനും വിതരണം ചെയ്തുവരുന്നത് എന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ സാമൂഹ്യ സുരക്ഷാ പെന്‍ഷന്‍ ഇനത്തില്‍ എത്ര രൂപ അനുവദിച്ചിട്ടുണ്ട്; നിലവില്‍ എത്ര പേര്‍ക്കാണ് സാമൂഹ്യ സുരക്ഷാ പെന്‍ഷന്‍ നല്‍കി വരുന്നതെന്ന് വ്യക്തമാക്കാമോ; സാമൂഹ്യ സുരക്ഷാ പെന്‍ഷന്‍ നല്‍കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് അറിയിക്കുമോ;

കേന്ദ്ര സഹായം ലഭിക്കുന്ന സാമൂഹ്യ സുരക്ഷാ പെന്‍ഷനുകൾ ഏതൊക്കെയെന്ന് വ്യക്തമാക്കാമോ; എത്ര രൂപയാണ് കേന്ദ്ര വിഹിതമായി ഈയിനത്തില്‍ ലഭിക്കുന്നതെന്ന് വിശദമാക്കാമോ;

2016-2021 കാലയളവിൽ ക്ഷേമ പെൻഷൻ ഇനത്തില്‍ ആകെ എത്ര തുക ചെലവഴിച്ചിട്ടുണ്ട് എന്നും നിലവില്‍ ക്ഷേമ പെൻഷനില്‍ കുടിശ്ശിക എത്രയാണെന്നും വ്യക്തമാക്കുമോ;

സംസ്ഥാനത്ത് 2021 മേയ് മുതല്‍ നാളിതുവരെ അനുവദിച്ച വിവിധ സാമൂഹ്യ സുരക്ഷാ പെന്‍ഷനുകളില്‍ കേന്ദ്രവിഹിതമായി ലഭിച്ച തുകയുടെ വിശദാംശം ലഭ്യമാക്കുമോ;

അന്യായമായി ക്ഷേമ പെന്‍ഷന്‍ വാങ്ങുന്നവരെ കണ്ടെത്തുന്നതിന്റെ ഭാഗമായി എത്ര ആളുകളെ ഒഴിവാക്കിയിട്ടുണ്ട്; ഇവര്‍ക്ക് നല്‍കിയ തുക തിരികെ വാങ്ങുന്നതിന് എന്ത് നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

സാമൂഹ്യ സുരക്ഷാ പെന്‍ഷന്‍ നല്‍കുന്നതിനുള്ള ഫണ്ട് എങ്ങനെയാണ് കണ്ടെത്തുന്നതെന്നും ഇതിനായി കടമെടുപ്പ് നടത്തിയിട്ടുണ്ടെങ്കില്‍ എവിടെനിന്നെല്ലാമാണെന്നും എത്ര തുക ഈയിനത്തില്‍ തിരിച്ചടച്ചിട്ടുണ്ടെന്നും വെളിപ്പെടുത്തുമോ;

സാമൂഹ്യ സുരക്ഷാ പെന്‍ഷന്‍ തുക വര്‍ദ്ധിപ്പിക്കുന്നതിന് തീരുമാനിച്ചിട്ടുണ്ടോ; എങ്കില്‍ എത്ര തുകയാണ് വര്‍ദ്ധിപ്പിക്കുന്നതെന്നും എന്നു മുതലാണ് വര്‍ദ്ധിപ്പിച്ച തുക നല്‍കുന്നതെന്നും ഇതിനായി എത്ര തുക കൂടുതലായി കണ്ടെത്തണമെന്നും അറിയിക്കുമോ?

പ്രതിമാസം ആയിരം രൂപ വീതം നല്‍കുന്ന സ്ത്രീ സുരക്ഷാ പദ്ധതിയില്‍ ഇതുവരെ ലഭ്യമായ അപേക്ഷകളുടെ എണ്ണം ജില്ല തിരിച്ച് ലഭ്യമാക്കുമോ;

പെന്‍ഷന്‍ വിതരണം എന്ന് ആരംഭിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

2011-2016, 2016-2021, 2021-2025 കാലയളവിൽ കേരളത്തിൽ വിതരണം ചെയ്ത ക്ഷേമ പെൻഷനുകളുടെ തുകയടങ്ങുന്ന കണക്ക് ഇനം തിരിച്ച് ലഭ്യമാക്കാമോ?

കാസർഗോഡ് വികസന പാക്കേജ് നിലവിൽ വന്നതിനുശേഷം പ്രസ്തുത പാക്കേജിന് അനുവദിച്ച തുക എത്രയാണെന്ന് വർഷം തിരിച്ച് വ്യക്തമാക്കാമോ;

പ്രസ്തുത തുക വിനിയോഗിച്ച വിശദാംശം പ്രവൃത്തി തിരിച്ച് വ്യക്തമാക്കാമോ;

പ്രവൃത്തി ഏറ്റെടുത്ത കരാറുകാർ നിർമ്മാണം പൂർത്തീകരിച്ചിട്ടുണ്ടോയെന്നും ബിൽ തുക നൽകിയിട്ടുണ്ടോയെന്നും പ്രവൃത്തി തിരിച്ച് വ്യക്തമാക്കാമോ;

പ്രവൃത്തി പൂർത്തീകരിച്ച കരാറുകാർക്ക് തുക നൽകാൻ ബാക്കിയുണ്ടോ; എങ്കില്‍ കുടിശ്ശിക എത്ര കാലമായി തുടരുന്നുവെന്നും അതിനുളള കാരണം എന്താണെന്നും വ്യക്തമാക്കാമോ;

ഓരോ വർഷവും ബജറ്റിൽ കാസർഗോഡ് പാക്കേജിന് അനുവദിച്ച തുക മുഴുവൻ കൈമാറിയിട്ടുണ്ടോ എന്ന് വ്യക്തമാക്കാമോ; എങ്കിൽ ഇതുവരെ ചെലവഴിച്ച തുക എത്രയാണെന്ന് വ്യക്തമാക്കാമോ?

2025-26 സാമ്പത്തിക വർഷം നാളിതുവരെ ലഭിച്ച തനതു നികുതി വരുമാനം ഇനം തിരിച്ച് ലഭ്യമാക്കാമോ;

2025-26 സാമ്പത്തിക വർഷം നാളിതുവരെ ലഭിച്ച നികുതിയേതര വരുമാനം ഇനം തിരിച്ച് ലഭ്യമാക്കാമോ?

സാമൂഹ്യനീതിയും പശ്ചാത്തലസൗകര്യ വികസനവും പരിസ്ഥിതി സംരക്ഷണവും ഉറപ്പാക്കുന്ന വികസന കാഴ്ചപ്പാടിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

വിഴിഞ്ഞം അന്താരാഷ്ട്ര തുറമുഖമുൾപ്പെടെ പശ്ചാത്തല സൗകര്യ വികസന മേഖലയിൽ ഉണ്ടായിക്കൊണ്ടിരിക്കുന്ന പുരോഗതി സംസ്ഥാനത്തിന്റെ സമ്പദ്ഘടനയിൽ പുതിയൊരു വളർച്ചാ തരംഗം സൃഷ്ടിക്കുമോ; വിശദമാക്കാമോ;

സംസ്ഥാനത്തിന് കേന്ദ്രനികുതി വിഹിതം കുറഞ്ഞുവരുന്നതിനെ സംബന്ധിച്ച് പതിനാറാം ധനകാര്യ കമ്മീഷന്റെയും കേന്ദ്രസർക്കാരിന്റെയും മുൻപിൽ ഉന്നയിക്കാൻ ശക്തമായ നടപടികൾ സ്വീകരിച്ചിട്ടുണ്ടോ; വിശദമാക്കാമോ;

പതിനാറാം ധനകാര്യ കമ്മീഷന്റെ മുന്നിൽ സംസ്ഥാനങ്ങളുടെ ആവശ്യങ്ങൾ ഫലപ്രദമായി ഉന്നയിക്കുന്നതിന് മറ്റ് സംസ്ഥാനങ്ങളെയും കൂടി ചേർത്തുകൊണ്ട് ശക്തമായ അഭിപ്രായ രൂപീകരണം നടത്തുന്നതിന് സർക്കാർ ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്ത് വിൽക്കുന്ന പെട്രോൾ, ഡീസൽ, സി.എൻ.ജി., പാചകവാതകം തുടങ്ങിയവയ്ക്ക് നിലവിൽ സംസ്ഥാന സർക്കാർ ഏർപ്പെടുത്തിയിട്ടുള്ള പ്രത്യേക നികുതികൾ ഏതെല്ലാമാണെന്ന് വിശദമാക്കാമോ;

പെട്രോൾ, ഡീസൽ എന്നിവയ്ക്ക് ലിറ്ററിനും പാചകവാതക സിലിണ്ടറിനും സി.എൻ.ജി.ക്ക് കിലോ അളവിനും സംസ്ഥാന സർക്കാർ ചുമത്തിയിട്ടുള്ള നികുതി എത്ര വീതമെന്നും പ്രത്യേകം അറിയിക്കാമോ;

2016 മുതൽ നാളിതുവരെ സംസ്ഥാന സർക്കാർ പെട്രോൾ, ഡീസൽ, സി.എൻ.ജി., പാചകവാതകം തുടങ്ങിയവയ്ക്ക് നികുതി ഏർപ്പെടുത്തിയതും വർദ്ധിപ്പിച്ചതും ആയ തീയതികൾ ഏതൊക്കെയാണെന്നും പ്രസ്തുത തീയതികളിൽ ഏർപ്പെടുത്തിയിട്ടുള്ളതും വർദ്ധിപ്പിച്ചിട്ടുള്ളതുമായ നികുതി എത്രയാണെന്നും അറിയിക്കാമോ;

സംസ്ഥാനത്ത് ക്ഷേമ പെൻഷൻ നൽകുന്നതിനായി ഏർപ്പെടുത്തിയ ഇന്ധന സെസ്സ് നിലവിൽ വന്നത് മുതൽ നാളിതുവരെയും ടി സെസ് ഇനത്തിൽ ആകെ എത്ര രൂപ ലഭ്യമായിട്ടുണ്ടെന്ന് സാമ്പത്തിക വർഷം തിരിച്ച് അറിയിക്കാമോ;

സംസ്ഥാനത്ത് ക്ഷേമ പെൻഷൻ നൽകുന്നതിന് വേണ്ടി ഏർപ്പെടുത്തിയിരുന്ന ഇന്ധന സെസ്സ് തുക ക്ഷേമ പെൻഷനുകൾക്കല്ലാതെ മറ്റേതെങ്കിലും കാര്യത്തിന് വേണ്ടി വിനിയോഗിച്ചിട്ടുണ്ടോ എന്നതും അറിയിക്കാമോ;

സംസ്ഥാനത്ത് ഇന്ധന സെസ്സിലൂടെ ശേഖരിച്ച തുകയിൽ നിന്ന് ക്ഷേമ പെൻഷനുകൾ നൽകിയതിനു ശേഷം തുക ബാക്കി വന്നിട്ടുണ്ടെങ്കിൽ അത് എത്രയായിരുന്നു എന്നത് സാമ്പത്തിക വർഷം തിരിച്ച് അറിയിക്കാമോ?

സംസ്ഥാനത്തിന്റെ നിലവിലെ ധനസ്ഥിതിയെ സംബന്ധിച്ച വിശദാംശങ്ങൾ വെളിപ്പെടുത്താമോ; ധനസ്ഥിതി മുന്‍വര്‍ഷത്തെക്കാള്‍ മോശമായ അവസ്ഥയിലാണോയെന്ന് വ്യക്തമാക്കാമോ;

നടപ്പുവര്‍ഷത്തിൽ അനുവദിച്ച പരിധിയിൽ കൂടുതൽ കടമെടുക്കാൻ കേന്ദ്രത്തിൽ നിന്നും അനുമതി തേടിയിട്ടുണ്ടോ; എങ്കിൽ അതിന്റെ കാരണം വിശദമാക്കുമോ;

സംസ്ഥാനത്തിന്റെ കടമെടുപ്പ് അഭ്യർത്ഥന കേന്ദ്ര സർക്കാർ നിരസിച്ചിട്ടുണ്ടോ; എങ്കിൽ ആയതിന്റെ വിശദാംശം നൽകാമോ?

ഈ സർക്കാരിന്റെ കാലത്ത് എത്ര ദിവസം സംസ്ഥാനത്തിന് റിസര്‍വ് ബാങ്കിലുള്ള ക്യാഷ് റിസര്‍വ് പരിധി നിലനിര്‍ത്താന്‍ സാധിക്കാതെ വന്നിരുന്നുയെന്നത് സംബന്ധിച്ച വിവരം ലഭ്യമാക്കാമോ;

ഈ കാലയളവിൽ സംസ്ഥാനം എപ്പോഴെല്ലാം ഓവര്‍ ഡ്രാഫ്റ്റിലായിട്ടുണ്ട്; ഓവര്‍ ഡ്രാഫ്റ്റിന് പലിശ നല്‍കേണ്ടി വന്നിട്ടുണ്ടോ; എങ്കില്‍ എത്ര രൂപയാണ് പലിശ നല്‍കേണ്ടി വന്നതെന്ന് വിശദമാക്കാമോ?

2016 ഏപ്രില്‍ 1 മുതൽ സ്പാര്‍ക്ക് പദ്ധതിയുടെ പ്രോജക്ട് മാനേജ്‍മെന്റ് യൂണിറ്റ് സംബന്ധിച്ച് വിവിധ വകുപ്പുകൾ നടത്തിയ പരിശോധനകളിൽ സാമ്പത്തികവും ഭരണപരവുമായ ഗുരുതര ക്രമക്കേടുകൾ കണ്ടെത്തിയതായി ധനകാര്യ പരിശോധനാ റിപ്പോർട്ടുകൾ ലഭിച്ചിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

2016 മുതൽ ഇതുവരെ സ്പാര്‍ക്ക് പി.എം.യു. -നെ സംബന്ധിച്ച് ലഭിച്ച പരിശോധനാ റിപ്പോർട്ടുകളുടെ എണ്ണം, റിപ്പോർട്ട് തയ്യാറാക്കിയ വകുപ്പുകൾ, റിപ്പോർട്ടുകളുടെ കാലയളവ് എന്നിവ സംബന്ധിച്ച വിവരം അറിയിക്കുമോ; പ്രസ്തുത പരിശോധനാ റിപ്പോർട്ടുകളിൽ കണ്ടെത്തിയ പ്രധാന ക്രമക്കേടുകളും ഗുരുതരമായ അപാകതകളും ഏതെല്ലാമാണെന്ന് വ്യക്തമാക്കുമോ;

പ്രസ്തുത പരിശോധനാ റിപ്പോർട്ടുകളുടെ അടിസ്ഥാനത്തിൽ സ്പാര്‍ക്ക് പി.എം.യുവിന്റെ ഭാഗത്തുനിന്നും ഇതുവരെ സ്വീകരിച്ചിട്ടുള്ള നടപടികൾ ഏതെല്ലാമാണെന്ന് വിശദീകരിക്കുമോ; റിപ്പോർട്ടുകളിൽ ശിപാർശ ചെയ്ത നടപടികൾ പൂർണ്ണമായി നടപ്പാക്കിയിട്ടുണ്ടോയെന്ന് വ്യക്തമാക്കാമോ;

പരിശോധനകളിൽ കണ്ടെത്തിയ ക്രമക്കേടുകൾ സംബന്ധിച്ച് ഉത്തരവാദികളായ ഉദ്യോഗസ്ഥർക്കെതിരെ വകുപ്പുതല ശിക്ഷാനടപടികൾ ആരംഭിച്ചിട്ടുണ്ടോ; എങ്കിൽ കേസുകളുടെ എണ്ണം, നിലവിലെ സ്ഥിതി എന്നിവ സംബന്ധിച്ച വിശദാംശം ലഭ്യമാക്കാമോ;

പ്രസ്തുത റിപ്പോർട്ടുകളിൽ ക്രിമിനൽ സ്വഭാവമുള്ള വീഴ്ചകൾ കണ്ടെത്തിയ സാഹചര്യത്തിൽ പോലീസ് അന്വേഷണം അല്ലെങ്കിൽ വിജിലൻസ് അന്വേഷണം ആവശ്യപ്പെട്ടിട്ടുണ്ടോ; എങ്കില്‍  വിശദാംശം ലഭ്യമാക്കാമോ;

ഇത്തരം ക്രമക്കേടുകൾ ആവർത്തിക്കാതിരിക്കാനും സ്പാര്‍ക്ക് പി.എം.യു.-ന്റെ പ്രവർത്തനങ്ങളിൽ സുതാര്യത, ഉത്തരവാദിത്തം, ധനകാര്യ നിയന്ത്രണം എന്നിവ ഉറപ്പാക്കാനും സ്വീകരിക്കാനുദ്ദേശിക്കുന്ന അടിയന്തര നടപടികൾ ഏതെല്ലാമാണെന്ന് വിശദമാക്കാമോ?

വര്‍ക്കല നിയോജക മണ്ഡലത്തില്‍ 2021-22, 2022-23, 2023-24, 2024-25 എന്നീ സാമ്പത്തിക വര്‍ഷങ്ങളില്‍ ആസ്തി വികസന പദ്ധതി മുഖേന തദ്ദേശസ്വയംഭരണ വകുപ്പ്, ഇറിഗേഷന്‍, പൊതുമരാമത്ത് എന്നീ വകുപ്പുകള്‍ നിര്‍വഹണ ഏജന്‍സിയായിട്ടുള്ള പ്രവര്‍ത്തികളുടെ ടെണ്ടര്‍ സേവിംഗ്സ് തുക എത്രയാണെന്ന് വര്‍ഷം തിരിച്ച് വിശദമാക്കാമോ?

2016 മുതൽ നാളിതുവരെ തദ്ദേശ സ്വയംഭരണ സ്ഥാപനങ്ങള്‍ക്ക് പദ്ധതി സംസ്ഥാന വിഹിതമായി എത്ര തുകയാണ് വകയിരുത്തിയത് എന്ന് വർഷം തിരിച്ചു വ്യക്തമാക്കാമോ;

2016 മുതൽ നാളിതുവരെ തദ്ദേശ സ്വയംഭരണ സ്ഥാപനങ്ങള്‍ക്ക് സംസ്ഥാന പദ്ധതി വിഹിതമായി എത്ര തുകയാണ് അനുവദിച്ചത് എന്ന് വർഷം തിരിച്ചു വ്യക്തമാക്കാമോ?

സംസ്ഥാന ജി.എസ്.ടി. വകുപ്പിൽ ചീഫ് ഇൻവെസ്റ്റിഗേറ്റർ ആയി കരാർ അടിസ്ഥാനത്തിൽ നിയമിതനായ ജോണ്‍സണ്‍ ചാക്കോ എന്നയാളുടെ കരാർ കാലാവധി നീട്ടി നൽകിയിട്ടുണ്ടോ; എങ്കിൽ ആയതിന്റെ പകർപ്പ് ലഭ്യമാക്കാമോ; കരാർ നിയമനം പുതുക്കിയപ്പോൾ അദ്ദേഹം എഗ്രിമെൻ്റ് ഒപ്പുവെച്ചിട്ടുണ്ടോ; എങ്കിൽ ആയതിന്റെ പകർപ്പ് ലഭ്യമാക്കാമോ?

ധനകാര്യ വകുപ്പിന്റെ നിയന്ത്രണത്തില്‍ എത്ര കോര്‍പ്പറേഷന്‍/ബോര്‍ഡുകള്‍ ഉണ്ടെന്നും അവ ഏതൊക്കെയാണെന്നും വ്യക്തമാക്കാമോ;

പ്രസ്തുത സ്ഥാപനങ്ങളിലെ വിവിധ തസ്തികകളിലെ ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്യുന്നതിന് സ്വീകരിച്ച നടപടികള്‍ വിശദമാക്കാമോ?

ഉടുമ്പന്‍ചോല മണ്ഡലത്തില്‍ 2021-22 മുതല്‍ 2025-26 സാമ്പത്തിക വര്‍ഷം വരെ ആസ്തി വികസന ഫണ്ടില്‍ ടെണ്ടര്‍ സേവിംഗ്സ് ഇനത്തില്‍ എത്ര രൂപ ബാക്കിയുണ്ടെന്നത് സാമ്പത്തിക വര്‍ഷം തിരിച്ച് വ്യക്തമാക്കാമോ;

പ്രസ്തുത മണ്ഡലത്തില്‍ ആസ്തി വികസന ഫണ്ടിലെ സേവിംഗ്സ് പ്രയോജനപ്പെടുത്തി എത്ര തുകയുടെ പുതിയ പ്രവൃത്തികള്‍ നിര്‍വഹിക്കാന്‍ കഴിയുമെന്ന് വ്യക്തമാക്കാമോ?

മെഡിസെപ് പദ്ധതിയില്‍ ആയുര്‍വ്വേദ ചികിത്സ ഉള്‍പ്പെടുത്തുന്നതിനുള്ള നടപടി സ്വീകരിക്കുമോ; നിലവില്‍ ഇത് ഉള്‍പ്പെടുത്താനുള്ള തടസ്സം എന്താണെന്ന് വിശദമാക്കാമോ?

ധനകാര്യ പരിശോധന വിഭാഗം 2025 ഒക്ടോബർ മുതൽ 2026 ജനുവരി വരെ സർക്കാരിന് എത്ര പരിശോധന റിപ്പോർട്ടുകൾ സമർപ്പിച്ചുവെന്ന വിവരം അറിയിക്കാമോ;

അതിൽ ക്രമക്കേട് കണ്ടെത്തിയത് എത്ര പരിശോധനകളിലാണ്; ക്രമക്കേട് കണ്ടെത്തിയ റിപ്പോർട്ടുകളുടെ പകർപ്പ് ലഭ്യമാക്കാമോ?

2021-22, 2022-23, 2023-24, 2024-25 എന്നീ വര്‍ഷങ്ങളില്‍ പാലക്കാട് ജില്ലയില്‍ കാരുണ്യ ബെനവലന്റ് ഫണ്ട് മുഖേന എത്ര തുക അനുവദിച്ചുവെന്നും എത്ര പേര്‍ക്കാണ് അനുവദിച്ചതെന്നും വിശദമാക്കാമോ?

നിലവിൽ സംസ്ഥാനം കടുത്ത സാമ്പത്തിക പ്രതിസന്ധി നേരിടുന്നുണ്ടോ; എങ്കിൽ ആയതിന്റെ കാരണങ്ങൾ എന്തെല്ലാമാണ്; വ്യക്തമാക്കാമോ;

സാമ്പത്തിക പ്രതിസന്ധി മൂലം തടഞ്ഞുവെച്ചിട്ടുള്ള വിവിധ ബില്ലുകളുടെ ആകെ തുക എത്രയാണ്; ആയവയിൽ തദ്ദേശ സ്ഥാപനങ്ങളുടെ പദ്ധതി വിഹിതം എത്രയാണ്; വ്യക്തമാക്കുമോ;

സംസ്ഥാനത്തിന്റെ നികുതി പിരിവ് കാര്യക്ഷമമല്ലെന്ന സി.എ.ജി. റിപ്പോർട്ടിലെ പരാമർശങ്ങൾ പരിഹരിക്കാൻ എന്ത് നടപടി സ്വീകരിച്ചു; വിവിധ ഇനങ്ങളിലെ നികുതി കുടിശ്ശിക എത്രയാണ്; ആയത് പിരിച്ചെടുക്കാന്‍ എന്തു നടപടിയാണ് സ്വീകരിച്ചിട്ടുള്ളത്; വിശദമാക്കാമോ;

സാമ്പത്തിക പ്രതിസന്ധി കാരണം ബജറ്റിൽ പ്രഖ്യാപിച്ച വികസന പദ്ധതികളുടെ വിഹിതത്തിൽ എന്തെങ്കിലും കുറവ് വരുത്താൻ തീരുമാനിച്ചിട്ടുണ്ടോ; എങ്കിൽ എത്ര തുകയാണ് ഇത്തരത്തിൽ വെട്ടിക്കുറയ്ക്കാൻ ഉദ്ദേശിക്കുന്നത്;

സംസ്ഥാനത്തിന്റെ തനത് വരുമാനം വര്‍ധിപ്പിച്ച് സാമ്പത്തിക പ്രതിസന്ധിയില്‍ നിന്നും കരകയറുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണ്; നിലവിലുള്ള സർക്കാർ അധികാരത്തിൽ വന്നതിനു ശേഷം തനത് വരുമാനത്തില്‍ ഉണ്ടായ വര്‍ധനവ് ഓരോ വര്‍ഷവും എത്ര തുകയാണ്; വ്യക്തമാക്കുമോ?

കോട്ടക്കൽ മണ്ഡലത്തിലെ വളാഞ്ചേരിയിൽ പുതിയതായി നിർമ്മിക്കുന്ന യു. പി. എച്ച്. സി. കെട്ടിടത്തിന്റെ ഒന്നാം ഘട്ട യൂട്ടിലൈസേഷൻ സർട്ടിഫിക്കറ്റ് പ്രകാരമുള്ള തുക അനുവദിക്കുന്നതിനുള്ള പ്രൊപ്പോസൽ ലഭ്യമായിട്ടുണ്ടോ; ആയതിന്മേൽ സ്വീകരിച്ച നടപടികൾ വിശദമാക്കുമോ;

യൂട്ടിലൈസേഷൻ സർട്ടിഫിക്കറ്റ് പ്രകാരമുള്ള തുക മലപ്പുറം ജില്ലാ നാഷണൽ ഹെൽത്ത് മിഷന് കൈമാറുന്നതിന് അടിയന്തര നടപടി സ്വീകരിക്കുമോ; വ്യക്തമാക്കാമോ?

ചങ്ങനാശ്ശേരി നിയോജകമണ്ഡലത്തില്‍ 2018-19 മുതല്‍ 2025-26 വരെയുള്ള കാലഘട്ടത്തില്‍ ബഡ്ജറ്റ് എസ്റ്റിമേറ്റുകളുടെ അനുബന്ധം II വാല്യം II -ല്‍ ഉള്‍പ്പെടുത്തി 20% തുക അനുവദിച്ച പ്രവൃത്തികളില്‍ ഇനിയും ഭരണാനുമതി ലഭ്യമാക്കാനുള്ള പ്രവൃത്തികള്‍ ഏതെല്ലാം എന്ന് വ്യക്തമാക്കുമോ;

ചങ്ങനാശ്ശേരി മണ്ഡലത്തില്‍ 2021-22, 2022-23, 2023-24, 2024-25, 2025-26 എന്നീ സാമ്പത്തിക വര്‍ഷങ്ങളില്‍ എല്‍.എല്‍.എ. യുടെ ആസ്തി വികസന ഫണ്ട്, പ്രാദേശിക വികസന ഫണ്ട്, നബാര്‍ഡ് ഫണ്ട് എന്നിവ ഉപയോഗിച്ച് നടപ്പിലാക്കിയ പ്രവൃത്തികളുടെ വിശദാംശം നല്‍കുമോ; ഉത്തരവുകളുടെ പകര്‍പ്പുകൾ ലഭ്യമാക്കുമോ?

2016 മുതൽ നാളിതുവരെ ഊരാളുങ്കൾ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റിക്ക് ടെൻഡർ മുഖേനയും അല്ലാതെയും അനുവദിച്ചിട്ടുള്ള പ്രവൃത്തികള്‍ ഏതെല്ലാമായിരുന്നുവെന്ന് വ്യക്തമാക്കുമോ; ഓരോ പ്രവൃത്തിയുടെയും എസ്റ്റിമേറ്റ് തുകയും പ്രസ്തുത പ്രവര്‍ത്തികളുടെ നിലവിലെ അവസ്ഥ എന്താണെന്നും അറിയിക്കുമോ;

2020–21 മുതൽ 2024–25 വരെയുള്ള സാമ്പത്തിക വർഷങ്ങളിൽ സംസ്ഥാനത്തെ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റികൾക്ക് വിവിധ വകുപ്പുകൾ മുഖേന അനുവദിച്ചിട്ടുള്ള പ്രവൃത്തികൾ ഏതൊക്കെയാണെന്ന് വ്യക്തമാക്കുമോ; പ്രവൃത്തി, വകുപ്പ്, അനുവദിച്ച വർഷം, സൊസൈറ്റിയുടെ പേര്, എസ്റ്റിമേറ്റ് തുക എന്നിവ ഉൾപ്പെടുത്തി വിശദാംശം നല്‍കുമോ;

പ്രസ്തുത സൊസൈറ്റികള്‍ക്ക് ടെൻഡർ നടപടികൾ ഒഴിവാക്കി നോമിനേഷൻ അടിസ്ഥാനത്തിൽ അനുവദിച്ചിട്ടുള്ള പ്രവൃത്തികളുടെ എണ്ണം, മൂല്യം, അനുവദിച്ച വർഷം, ടെൻഡർ ഒഴിവാക്കിയതിന് കാരണം എന്നിവ വ്യക്തമാക്കുമോ;

ഏറ്റവും കുറഞ്ഞ ടെൻഡർ തുകയെ അപേക്ഷിച്ച് പത്ത് ശതമാനത്തിലധികം തുക ടെൻഡർ എക്സസ്സ് വന്ന സാഹചര്യങ്ങളിലും പ്രസ്തുത സൊസൈറ്റികൾക്ക് പ്രവൃത്തികൾ അനുവദിച്ചിട്ടുണ്ടോ; എങ്കിൽ വിശദമാക്കാമോ; ഇപ്രകാരം അനുവദിച്ചതിനാൽ സർക്കാരിന് എത്ര രൂപയുടെ സാമ്പത്തിക നഷ്ടം സംഭവിച്ചിട്ടുണ്ടെന്ന് വർഷവും പ്രവൃത്തിയും തിരിച്ച് വിശദമാക്കാമോ;

മേൽപ്പറഞ്ഞ സാഹചര്യങ്ങളിൽ ലേബർ കോൺട്രാക്ട് സൊസൈറ്റികൾക്ക് പ്രത്യേക പരിഗണന നൽകുന്നതിനായി നിലവിൽ ഏതെങ്കിലും മാർഗനിർദ്ദേശങ്ങളോ ഉത്തരവുകളോ പുറപ്പെടുവിച്ചിട്ടുണ്ടോ; എങ്കിൽ അതിന്റെ പകർപ്പ് ലഭ്യമാക്കുമോ;

പത്ത് ശതമാനം അധികരിച്ച ടെണ്ടര്‍ തുകയില്‍ പ്രവൃത്തികള്‍ നല്‍കിയ ഇനത്തില്‍ സര്‍ക്കാരിന് ഉണ്ടായ നഷ്ടം സംബന്ധിച്ച് ഓഡിറ്റ് വിഭാഗം നടത്തിയ കണ്ടെത്തല്‍ എന്തൊക്കെയായിരുന്നുവെന്നും പ്രസ്തുത നഷ്ടം നികത്തുന്നതിനായി ഓഡിറ്റ് നിർദേശിച്ച പരിഹാര മാർഗ്ഗങ്ങൾ എന്തൊക്കെയാണെന്നും വ്യക്തമാക്കുമോ?

വിവിധ വകുപ്പുകളിലെ നിർമ്മാണ പ്രവർത്തനങ്ങൾക്കായി നിലവിലുള്ള സർക്കാരിന്റെ കാലയളവിൽ കരാറുകാർക്ക് അനുവദിച്ച തുക എത്രയാണെന്നത് സംബന്ധിച്ച ജില്ല തിരിച്ചുള്ള കണക്കുകളോടൊപ്പം അതിൽ എത്ര തുക നല്കിതീർത്തിട്ടുണ്ടെന്നും അറിയിക്കാമോ;

പൂർത്തീകരിച്ച പ്രവൃത്തികളുടെ തുക കരാറുകാർക്ക് നൽകി തീർത്തിട്ടുണ്ടോയെന്നും ഇല്ലെങ്കിൽ ഇനിയും എത്ര തുക ഈ ഇനത്തിൽ നല്കാന്‍ ഉണ്ടെന്നും അത് എന്നേക്ക് നല്കാനാകുമെന്നും അറിയിക്കാമോ;

കരാറുകാര്‍ക്കുള്ള കുടിശ്ശികയുമായി ബന്ധപ്പെട്ട് നിലവില്‍ ഏതെല്ലാം കേസുകള്‍ നിലനില്‍ക്കുന്നുണ്ടെന്ന് വ്യക്തമാക്കാമോ?

അവശ്യ വസ്തുക്കളുടെ വില മറ്റ് സംസ്ഥാനങ്ങളിൽ നിന്നും കേരളത്തിൽ വളരെ ഉയർന്ന നിൽക്കുന്നതായി പറയപ്പെടുന്ന സാഹചര്യത്തിൽ നികുതിയിളവിലൂടെയോ മറ്റു മാർഗ്ഗങ്ങളിലൂടെയോ വിപണി വില കുറയ്ക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ;

അവശ്യവസ്തു വില വർദ്ധന തടയാന്‍ ഇതുവരെ സ്വീകരിച്ചിട്ടുള്ള നടപടികൾ എന്തൊക്കെയാണ്; വിശദമാക്കാമോ;

അവശ്യ വസ്തു വില മറ്റ് സംസ്ഥാനങ്ങളുമായി താരതമ്യം ചെയ്യുമ്പോൾ എത്ര ശതമാനം വർദ്ധനവിലാണ് എന്ന് വ്യക്തമാക്കാമോ;

സംസ്ഥാനത്ത് വിൽക്കുന്ന അവശ്യവസ്തുക്കളുടെ നികുതിയിൽ സംസ്ഥാന സർക്കാരിന് ഇളവ് നൽകാൻ സാധിക്കുന്ന മാർഗ്ഗങ്ങൾ എന്തൊക്കെയാണെന്ന് വിശദമാക്കാമോ;

സബ്സിഡി നൽകി വിലവർദ്ധനയെ പിടിച്ചുനിർത്തുന്നതിനുള്ള നടപടികൾ സർക്കാരിന്റെ ഭാഗത്തുനിന്ന് ഉണ്ടാകുമോ എന്ന് വ്യക്തമാക്കാമോ?

സര്‍ക്കാര്‍ ഏറ്റെടുത്ത ശ്രീ.വാസുദേവാശ്രമം ഹയര്‍ സെക്കണ്ടറി സ്കൂളിലെ ഹൈസ്കൂള്‍ വിഭാഗത്തിന്റെ ഡി.ഡി.ഒ. കോഡ് സര്‍ക്കാര്‍ സ്കൂളിന്റേതാക്കി മാറ്റാന്‍ വിദ്യാഭ്യാസ വകുപ്പില്‍ നിന്നും എന്തൊക്കെ രേഖകള്‍ സഹിതമാണ് അപേക്ഷിച്ചിരുന്നതെന്ന് വ്യക്തമാക്കുമോ;

ഡി.ഡി.ഒ. കോഡ് മാറ്റിക്കൊണ്ട് എന്നാണ് ഉത്തരവ് ഇറങ്ങിയതെന്ന് വ്യക്തമാക്കുമോ; ഇതേ സ്കൂളിന്റെ ഹയര്‍ സെക്കണ്ടറി കോഡ് സര്‍ക്കാര്‍ സ്കൂളിന്റേതാക്കി മാറ്റുന്നതിന് അപേക്ഷ ലഭിച്ചിട്ടുണ്ടോയെന്നും എങ്കില്‍ എന്തൊക്കെ രേഖകളാണ് ലഭിച്ചതെന്നും എന്നാണ് ലഭിച്ചതെന്നും വ്യക്തമാക്കുമോ;

ഹയര്‍ സെക്കണ്ടറി ഡി.ഡി.ഒ. കോഡ് മാറുന്നതിന് എന്താണ് തടസ്സമെന്നും എന്നേക്ക് ഇത് മാറ്റി ലഭിക്കുമെന്നും വ്യക്തമാക്കുമോ?

കോഴിക്കോട് സിവില്‍ സ്റ്റേഷന്‍ കോമ്പൗണ്ടില്‍ ഇന്ത്യന്‍ കോഫി ഹൗസിന് ഔട്ട്‍ലെറ്റ് തുടങ്ങുന്നത് സംബന്ധിച്ച ഫയല്‍ ധനകാര്യ വകുപ്പിന്റെ പരിഗണനയിലുണ്ടോ;

റവന്യു വകുപ്പില്‍ നിന്നും അയച്ച പ്രസ്തുത ഫയലില്‍ (കമ്പ്യൂട്ടർ നമ്പർ: 2356688) തുടര്‍ നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത ഔട്ട്‍ലെറ്റിന് അനുമതി ലഭിക്കുവാന്‍ എന്തെല്ലാം തുടര്‍ നടപടികളാണ് സ്വീകരിക്കേണ്ടത്; വ്യക്തമാക്കാമോ?

സർക്കാർ പ്രഖ്യാപിച്ച ക്ഷേമ പെന്‍ഷന്‍ തുക വര്‍ദ്ധനവിന്റെയും വിതരണത്തിന്റെയും വിശദാംശങ്ങള്‍ ലഭ്യമാക്കാമോ;

ക്ഷേമപെന്‍ഷന്‍ അതത് മാസങ്ങളില്‍ തന്നെ വിതരണം ചെയ്യണമെന്ന സര്‍ക്കാര്‍ ലക്ഷ്യം ഇതിലൂടെ പാലിക്കുന്നതിന് കഴിഞ്ഞിട്ടുണ്ടോ;

2024 നവംബർ മാസത്തിൽ ക്ഷേമ പെന്‍ഷന്‍ വിതരണത്തിനായി എത്ര തുകയാണ് ധനവകുപ്പ് അനുവദിച്ചതെന്നത് വ്യക്തമാക്കാമോ;

കുറ്റമറ്റനിലയില്‍ സമയബന്ധിതമായി ക്ഷേമ പെന്‍ഷനുകളുടെ വിതരണം പൂർത്തിയാക്കുന്നതിനായി സര്‍ക്കാര്‍ ഒരുക്കിയ സംവിധാനങ്ങൾ വിശദമാക്കാമോ?

പാലാ നിയോജക മണ്ഡലത്തിലെ തലനാട് ഇലവുംപാറ ചൊവ്വൂര്‍ നരിമറ്റം റോ‍ഡിനുവേണ്ടി സമര്‍പ്പിച്ച ഫയല്‍ നം. ഐ. എന്‍. പി. ഡബ്ല്യൂ. സി1/59/2025/ഫിന്‍ ഫയലിന്റെ തല്‍സ്ഥിതി വ്യക്തമാക്കാമോ; വര്‍ഷങ്ങളുടെ കാലതാമസം നേരിടുന്ന പ്രസ്തുത പ്രവൃത്തി സമയബന്ധിതമായി പൂര്‍ത്തീകരിക്കുവാന്‍ ആവശ്യമായ നടപടി സ്വീകരിക്കുമോ; വിശദമാക്കാമോ?

നിലവിലെ സര്‍ക്കാര്‍ അധികാരത്തില്‍ വന്നതിന് ശേഷം ശബരിമല തീര്‍ത്ഥാടനത്തിന്റെ സുഗമമായ നടത്തിപ്പിനായി വിവിധ വകുപ്പുകള്‍ വഴി എത്ര തുകയുടെ പ്രവൃത്തികളാണ് നടപ്പാക്കിയിട്ടുള്ളത്; വകുപ്പു തിരിച്ചുള്ള കണക്കുകള്‍ ലഭ്യമാക്കാമോ;

ശബരിമല വികസന മാസ്റ്റര്‍ പ്ലാനുമായി ബന്ധപ്പെട്ട് ഇതുവരെ നടത്തിയിട്ടുള്ള പ്രവര്‍ത്തനങ്ങള്‍ വിശദമാക്കാമോ; എത്ര തുകയാണ് ആയതിനായി നീക്കിവെച്ചിട്ടുള്ളത്; ഇതുവരെ എത്ര തുക ചെലവഴിച്ചിട്ടുണ്ട്; വിശദമാക്കാമോ?

സംസ്ഥാനത്തെ ഉന്നത/പൊതുവിദ്യാഭ്യാസ മേഖലയില്‍ കിഫ്ബി മുഖേന എത്ര വികസന പ്രവര്‍ത്തനങ്ങളാണ് അനുവദിച്ചതെന്നും ഇതിനായി എത്ര കോടി രൂപ ചിലവഴിച്ചുവെന്നുമുള്ള വിവരം ജില്ല തിരിച്ച് ലഭ്യമാക്കാമോ;

പ്രസ്തുത തുക അനുവദിക്കപ്പെട്ടിട്ടും ഇനിയും തുടങ്ങാത്ത എത്ര പ്രവൃത്തികള്‍ ഉണ്ടെന്ന് വിശദമാക്കാമോ?

കോഴിക്കോട് നോർത്ത് നിയോജക മണ്ഡലത്തിലെ പുതിയങ്ങാടി–കൃഷ്ണൻ നായർ റോഡിന്റെ ഭൂമി ഏറ്റെടുക്കൽ നടപടി കോടതി കാര്യങ്ങൾ മൂലം തടസ്സപ്പെട്ടത് ശ്രദ്ധയിൽപ്പെട്ടിട്ടുണ്ടോ;

കേസിലെ കക്ഷിയായ ശ്രീ. രാജേന്ദ്രന്‍ നമ്പ്യാര്‍ തന്റെ ഭൂമി പൂര്‍ണ്ണമായി ഏറ്റെടുക്കണമെന്നാവശ്യപ്പെട്ട് കിഫ്ബിക്ക് അപേക്ഷ നല്‍കിയിട്ടുണ്ടോ; ഉണ്ടെങ്കില്‍ പ്രസ്തുത അപേക്ഷയില്‍ സ്വീകരിച്ച തുടര്‍നടപടികൾ എന്തൊക്കെയാണ്;

പ്രസ്തുത ഭൂമി ഏറ്റെടുക്കല്‍ സംബന്ധിച്ച കേസ് അടിയന്തരമായി തീര്‍പ്പുകല്‍പ്പിച്ച് പ്രവൃത്തി പുനരാരംഭിക്കുവാന്‍ നടപടി സ്വീകരിക്കുമോ?

കഴിഞ്ഞ പത്തു വര്‍ഷകാലയളവില്‍ കിഫ്ബി മുഖാന്തരം അമ്പലപ്പുഴ നിയോജകമണ്ഡലത്തില്‍ അനുവദിച്ച വിവിധ പദ്ധതികളുടെ വിവരവും ആയതിന് അനുവദിച്ച തുകയും ഓരോ പ്രവൃത്തിയുടെ നിലവിലെ സ്ഥിതിയും വ്യക്തമാക്കാമോ?

കോതമംഗലം മണ്ഡലത്തില്‍ കിഫ്ബി പദ്ധതിയില്‍ ഉള്‍പ്പെടുത്തി നടപ്പിലാക്കുന്ന ചേലാട് സ്റ്റേഡിയം നിര്‍മ്മാണത്തിന്റെ നിലവിലെ അവസ്ഥ വ്യക്തമാക്കാമോ;

തടസ്സങ്ങള്‍ നീക്കി സ്റ്റേഡിയം നിര്‍മ്മാണം ആരംഭിക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

ഒറ്റപ്പാലം മണ്ഡലത്തിൽ കിഫ്ബി ഫണ്ട് ഉപയോഗിച്ച് ശ്രീകൃഷ്ണപുരം ഗവ. എഞ്ചിനീയറിംഗ് കോളേജില്‍ ലേഡീസ് ഹോസ്റ്റല്‍ നിര്‍മ്മിക്കുന്നതിനുള്ള പ്രവൃത്തിയുടെ ടെന്‍ഡര്‍ നടപടികള്‍ നിലവിൽ ഏത് ഘട്ടത്തിലാണെന്ന് വ്യക്തമാക്കാമോ;

നിലവില്‍ പ്രസ്തുത ഫയല്‍ ആരുടെ കൈവശമാണ് ഉള്ളതെന്നും ടെന്‍ഡര്‍ നടപടികള്‍ എന്നത്തേക്ക് പൂര്‍ത്തിയാക്കാന്‍ സാധിക്കുമെന്നും വിശദമാക്കാമോ?

കിഫ്ബി 1.30 കോടി രൂപയ്ക്ക് ധനാനുതി നല്‍കിയിട്ടുളളതും കരാര്‍ വച്ചിട്ടുളളതുമായ കടമക്കുടി ഗവ. വൊക്കേഷണല്‍ ഹയര്‍ സെക്കണ്ടറി സ്കൂള്‍ കെട്ടിട നിര്‍മ്മാണം ആരംഭിക്കാത്തതിന്റെ കാരണം വ്യക്തമാക്കാമോ;

പ്രസ്തുത നിര്‍മ്മാണം എന്നത്തേയ്ക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

ലോകനാര്‍ക്കാവ് മ്യൂസിയം പ്രവൃത്തി, പെരിഞ്ചേരി കടവ് റെഗുലേറ്റര്‍ കം ബ്രിഡ്ജ് നിര്‍മ്മാണ പ്രവൃത്തി, മൊകേരി കോളേജ് ലേഡീസ് ഹോസ്റ്റല്‍ നിര്‍മ്മാണം എന്നീ കിഫ്ബി പ്രവൃത്തികള്‍ ഏതുഘട്ടത്തില്‍ ആണെന്ന് വിശദമാക്കാമോ;

പ്രസ്തുത പ്രവൃത്തികള്‍ എന്ന് പൂര്‍ത്തിയാക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

2016 മുതല്‍ നാളിതുവരെ കായംകുളം മണ്ഡലത്തില്‍ കിഫ്ബി പദ്ധതി പ്രകാരം അനുവദിച്ച പ്രവൃത്തികള്‍ എതെല്ലാമെന്നും ഓരോ പ്രവൃത്തിക്കും അനുവദിച്ച തുകയും പ്രവൃത്തികളുടെ നിലവിലുള്ള പുരോഗതിയും വിശദമാക്കാമോ?

നിലവിലുള്ള സര്‍ക്കാരിന്റെ കാലയളവില്‍ കിഫ്ബി പദ്ധതിയില്‍ ഉള്‍പ്പെടുത്തി അരുവിക്കര മണ്ഡലത്തില്‍ ഭരണാനുമതി നല്‍കിയ പ്രവൃത്തികളുടെ വിവരങ്ങളും അനുവദിച്ച തുകയും തരം തിരിച്ച് നല്‍കാമോ?

മങ്കട മണ്ഡലത്തില്‍ കിഫ്ബി പദ്ധതിയില്‍ ഉള്‍പ്പെടുത്തി നടന്നുവരുന്ന പ്രവൃത്തികളുടെ നിലവിലെ സ്ഥിതി സംബന്ധിച്ച വിശദാംശം നല്‍കുമോ;

നാളിതുവരെ പൂര്‍ത്തിയാകാത്തതും എന്നാല്‍ പുരോഗമിച്ചു കൊണ്ടിരിക്കുന്നതുമായ പ്രവൃത്തികള്‍ ഓരോന്നും ഏത് ഘട്ടത്തിലാണെന്നും ഇനി എന്തെല്ലാം നടപടികളാണ് ബാക്കിയുള്ളതെന്നും അറിയിക്കുമോ; ഏതെല്ലാം എസ്. പി. വി. (Special Purpose Vehicle)-കളെയാണ് നിര്‍വഹണ ചുമതല ഏല്‍പ്പിച്ചിട്ടുള്ളത്; ഏതെങ്കിലും പ്രവൃത്തി നടപ്പിലാക്കുന്നതില്‍ എന്തെങ്കിലും തടസ്സങ്ങള്‍ നിലവിലുണ്ടോ; വിശദാംശം നല്‍കുമോ;

മങ്കട ആര്‍ട്സ് ആൻഡ് സയന്‍സ് കോളേജിന്റെ നിർമ്മാണ പ്രവൃത്തികളില്‍ കാര്യമായ പുരോഗതി കൈവരിക്കാത്തത് ശ്രദ്ധയില്‍പ്പെട്ടിട്ടുണ്ടോ; കെ. എസ്. ഐ. റ്റി. എല്‍. മുഖേന നടപ്പിലാക്കുന്ന പ്രസ്തുത കോളേജിന്റെ കെട്ടിട നിര്‍മ്മാണത്തിന്റെ ബിഡിംഗ് നടപടികള്‍ പൂര്‍ത്തിയായിട്ടുണ്ടോ; കെട്ടിട നിര്‍മ്മാണ പ്രവൃത്തി സമയബന്ധിതമായി പൂര്‍ത്തിയാക്കുന്നതിന് കര്‍ശന നിര്‍ദ്ദേശം നല്‍കുമോ?

കിഫ്ബി 1.30 കോടി രൂപ ധനാനുമതി നല്‍കിയിട്ടുളളതും കരാർ വെച്ചിട്ടുള്ളതുമായ എളങ്കുന്നപ്പുഴ ഗവ. ഹൈസ്ക്കൂള്‍ കെട്ടിട നിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ;

പ്രസ്തുത നിര്‍മ്മാണം കരാര്‍ കാലാവധി പ്രകാരം എന്നത്തേക്ക് പൂര്‍ത്തീകരിക്കുമെന്ന് വ്യക്തമാക്കാമോ?

2016 മുതൽ 2025 വരെ നാദാപുരം മണ്ഡലത്തിൽ കിഫ്ബി പദ്ധതി പ്രകാരം നടപ്പിലാക്കിയ പദ്ധതികൾ എന്തെല്ലാമാണ്;

ആയതിൽ പൂർത്തീകരിച്ച പദ്ധതികൾ ഏതെല്ലാമെന്നും പൂർത്തീകരിക്കാനുള്ള പദ്ധതികൾ ഏതെല്ലാമെന്നും ഇനം തിരിച്ച് ലഭ്യമാക്കാമോ;

ഇനിയും പൂർത്തീകരിക്കാത്ത കിഫ്ബി പദ്ധതികൾ ഈ സർക്കാരിന്റെ കാലത്ത് തന്നെ പൂർത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കുമോ;

നാദാപുരം മണ്ഡലത്തെയും കൂത്തുപറമ്പ് മണ്ഡലത്തെയും ബന്ധിപ്പിക്കുന്ന തുരുത്തിമുക്ക്-കരിയാട്, കല്ലാച്ചേരി കടവ് പാലം എന്നീ പ്രവൃത്തികളുടെ പുരോഗതി അറിയിക്കാമോ;

കിഫ്ബി പദ്ധതിയിൽ ഉൾപ്പെട്ട എടച്ചേരി-കുന്നുംചിറ -കായപ്പനച്ചി റോഡ് എന്നീ പ്രവൃത്തികള്‍ക്ക് ഭരണാനുമതി നല്‍കുന്നതിലേക്കായി നാളിതുവരെ എന്തൊക്കെ നടപടികൾ സ്വീകരിച്ചിട്ടുണ്ടെന്ന് അറിയിക്കാമോ?

പേരാമ്പ്ര മണ്ഡലത്തില്‍ 2016 മുതല്‍ 2021 വരെ കിഫ്ബി വഴി പൂര്‍ത്തിയാക്കിയ പദ്ധതികള്‍ ഏതൊക്കെയാണെന്ന് വ്യക്തമാക്കാമോ;

ഓരോ പദ്ധതിയുടെയും എസ്റ്റിമേറ്റ് തുക, ചെലവഴിച്ച തുക എന്നിവ ലഭ്യമാക്കാമോ?

കോഴിക്കോട് സൗത്ത് മണ്ഡലത്തില്‍ കിഫ്ബി ഫണ്ട് അനുവദിച്ച മാനഞ്ചിറ ഗവ. മോഡല്‍ സ്കൂള്‍ കെട്ടിട നിര്‍മ്മാണ പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

പ്രസ്തുത കെട്ടിട നിര്‍മ്മാണത്തിനുള്ള തടസ്സങ്ങള്‍ നീക്കി പ്രവൃത്തി പൂര്‍ത്തീകരിക്കുന്നതിന് അടിയന്തര നടപടി സ്വീകരിക്കുമോ; വിശദമാക്കാമോ?

നെന്മാറ മണ്ഡലത്തില്‍ കിഫ്‍ബി മുഖേന നടപ്പിലാക്കുന്ന പദ്ധതികള്‍ എതെല്ലാമാണ്; വിശദമാക്കുമോ;

പ്രസ്തുത പദ്ധതികളുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; എങ്കിൽ വിശദമാക്കാമോ;

മേൽപ്പറഞ്ഞതിൽ എത്ര പദ്ധതികളാണ് പൂര്‍ത്തീകരിച്ചതെന്നും നിലവില്‍ എത്ര പദ്ധതികളാണ് തുടങ്ങാന്‍ ഉള്ളതെന്നും വിശദമാക്കുമോ?

കിഫ്ബി ധനസഹായത്തോടെ 3.90 കോടി രൂപ ചെലവിൽ നിർമിക്കുന്ന ജി.എച്ച്.എസ്.എസ്. തോലന്നൂർ സ്കൂൾ കെട്ടിടത്തിന്റെ പ്രവൃത്തി പുരോഗതി നിലവില്‍ ഏത് ഘട്ടത്തിലാണ്; പ്രസ്തുത നിർമാണം എന്ന് പൂര്‍ത്തീകരിക്കുവാന്‍ കഴിയും; വ്യക്തമാക്കാമോ?

കിഫ്ബി 2.76 കോടി രൂപയ്ക്ക് ധനാനുമതി നല്‍കിയിട്ടുള്ള നായരമ്പലം മത്സ്യമാര്‍ക്കറ്റിന്റെ നിര്‍മ്മാണം ആരംഭിക്കാത്തതിന്റെ കാരണം വ്യക്തമാക്കാമോ;

പ്രസ്തുത നിര്‍മ്മാണം എന്നത്തേക്ക് ആരംഭിക്കാന്‍ സാധിക്കുമെന്ന് അറിയിക്കാമോ?

വടക്കാഞ്ചേരി മണ്ഡലത്തില്‍ കിഫ്ബി ഫണ്ട് വകയിരുത്തിയ പദ്ധതികള്‍ ഏതെല്ലാമാണ്; ആയതില്‍ പൂര്‍ത്തീകരിച്ച പദ്ധതികള്‍ ഏതെല്ലാമെന്നും പൂര്‍ത്തീകരിക്കാനുളള പദ്ധതികള്‍ ഏതെല്ലാമെന്നും ഇനം തിരിച്ച് അറിയിക്കാമോ;

മേൽപ്പറഞ്ഞതിൽ ഓരോ പദ്ധതിയുടെയും നിലവിലെ പുരോഗതി വിശദമാക്കാമോ?

ജി. എസ്. ടി. കാലഘട്ടത്തിൽ സംസ്ഥാന ജി. എസ്. ടി. വകുപ്പ് ഇതുവരെ നടത്തിയ അറസ്റ്റുകളുടെയും ആരംഭിച്ച പ്രോസിക്യൂഷൻ കേസുകളുടെയും എണ്ണം വ്യക്തമാക്കുമോ;

ഇതിൽ നിന്ന് ഇതുവരെ എത്ര പേർക്ക് ജാമ്യം ലഭിച്ചു; ഓരോ കേസിലെയും റിമാൻഡ് കാലയളവ് വ്യക്തമാക്കുമോ; നിലവിൽ എത്ര പേർ ജയിലിലാണ് എന്നീ വിവരം നല്കുാമോ;

എത്ര കേസുകളിൽ സംസ്ഥാന ജി. എസ്. ടി. വകുപ്പ് വിചാരണ ആരംഭിക്കുന്നതിനുള്ള ചാർജ്ജ് ഷീറ്റ്/അന്തിമ റിപ്പോർട്ട് ഫയൽ ചെയ്തിട്ടുണ്ടെന്നത് വ്യക്തമാക്കാമോ;

കേസുകളിൽ ചാർജ്ജ് ഷീറ്റ്/അന്തിമ റിപ്പോർട്ട് ഇതുവരെ ഫയൽ ചെയ്തിട്ടില്ലെങ്കിൽ കാരണം വ്യക്തമാക്കുമോ;

ജി. എസ്. ടി. കേസുകളിലെ വിചാരണ ഏത് കോടതിയിലാണ് നടത്തുന്നത് എന്നതറിയിക്കാമോ;

കേസ് വാദിക്കുന്നതിന് സംസ്ഥാന ജി. എസ്. ടി. വകുപ്പ് ഇതുവരെ ഏതെങ്കിലും പ്രോസിക്യൂട്ടറെ നിയമിച്ചിട്ടുണ്ടോ; ജി. എസ്. ടി. കേസുകൾ കൈകാര്യം ചെയ്യുന്നതിനുള്ള പ്രോസിക്യൂട്ടറുടെ പേര് വ്യക്തമാക്കുമോ; ഇതുവരെ നിയമിച്ചിട്ടില്ലെങ്കിൽ, നിയമനം നടത്താത്തതിന്റെ കാരണം വ്യക്തമാക്കുമോ;

പ്രോസിക്യൂട്ടറെ നിയമിക്കുന്നതിനുള്ള നിർദ്ദേശം സംസ്ഥാന ജി. എസ്. ടി. വകുപ്പ് സമർപ്പിച്ചിട്ടുണ്ടോ; ഉണ്ടെങ്കിൽ ഏത് തീയതിയിൽ സമർപ്പിച്ചു എന്നത് വ്യക്തമാക്കുമോ?

കേന്ദ്ര സര്‍ക്കാര്‍ സൃഷ്ടിച്ച ധന ഞെരുക്കം അതിജീവിക്കുന്നതിനായി തനത് നികുതി വരുമാനം വര്‍ദ്ധിപ്പിക്കാന്‍ സ്വീകരിച്ച പ്രവര്‍ത്തനങ്ങള്‍ ഫലവത്തായിട്ടുണ്ടോ; വിശദമാക്കുമോ;

നികുതി പിരിവ് കാര്യക്ഷമമാക്കുന്നതിനും നികുതി വെട്ടിപ്പ് കണ്ടെത്തുന്നതിനും നടപ്പിലാക്കിയിട്ടുള്ള പ്രവര്‍ത്തനങ്ങള്‍ നികുതി വരുമാനം ഉയര്‍ത്തുന്നതിന് സഹായമായിട്ടുണ്ടോ; വിശദാംശം ലഭ്യമാക്കുമോ?

2017 മുതൽ നാളിതുവരെ ഓരോ വർഷവും ഐ. ജി. എസ്. ടി. ഇനത്തിൽ സംസ്ഥാനത്തിന് ലഭിച്ച തുക വർഷം തിരിച്ച് ലഭ്യമാക്കാമോ;

ഇതിൽ ഐ. ജി. എസ്. ടി. പൂളിൽനിന്നും കേന്ദ്രസർക്കാർ സംസ്ഥാനങ്ങൾക്ക് വീതിച്ചുനൽകുന്നതിന്റെ ഭാഗമായി ലഭിച്ച തുക എത്രയാണെന്ന് വർഷം തിരിച്ച് ലഭ്യമാക്കാമോ?

ജി. എസ്. ടി. നിര്‍ണ്ണയത്തിലെ അപാകതകള്‍ പരിഹരിക്കുന്നതിന് ആവശ്യമായ ഇടപെടലുകള്‍ നടത്തിയിട്ടുണ്ടോ; വ്യക്തമാക്കുമോ;

സര്‍ക്കാരിന്റെ വികസന നിര്‍മ്മാണ പ്രവൃത്തികള്‍ക്ക് 18% ജി.എസ്.ടി. ഈടാക്കുന്നത് കുറയ്ക്കുന്നതിനോ ഒഴിവാക്കുന്നതിനോ ആവശ്യമായ ഇടപെടലുകള്‍ നടത്തുമോ?

2019 ഏപ്രിൽ മുതൽ സംസ്ഥാന ജി. എസ്. ടി. വകുപ്പ് സ്വമേധയാ കണ്ടെത്തിയ വ്യാജ ജി. എസ്. ടി. രജിസ്ട്രേഷനുകളുടെ എണ്ണം എത്രയാണെന്ന് വ്യക്തമാക്കാമോ; ഇതിന്റെ ജില്ലാടിസ്ഥാനത്തിലുള്ള സ്ഥിതിവിവരക്കണക്കുകളും ഇടപാടുകളുടെ വ്യാപ്തിയും വ്യാജ ഐ. ടി. സി. (ഇന്‍പുട്ട് ടാക്സ് ക്രെഡിറ്റ്) തുകയും ഉൾപ്പെടെ വിശദമാക്കാമോ;

പ്രസ്തുത തട്ടിപ്പിന് പിന്നിലുള്ള കുറ്റവാളികളെ കണ്ടെത്താൻ സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കാമോ; ഇതുവരെ എത്ര പേരെ അറസ്റ്റ് ചെയ്യുകയോ പ്രോസിക്യൂട്ട് ചെയ്യുകയോ ചെയ്തുവെന്നും വ്യക്തമാക്കാമോ;

നിരപരാധികളായ പൗരന്മാരുടെ ഐഡന്റിറ്റി ക്രെഡൻഷ്യലുകൾ ഉപയോഗിച്ച് അജ്ഞാതരായ കുറ്റവാളികൾ ജി. എസ്. ടി. രജിസ്ട്രേഷൻ നേടുകയും വൻതുക ഉൾപ്പെടുന്ന ഇടപാടുകൾ നടത്തുകയും ചെയ്തതായി ലഭിച്ച പരാതികളുടെ എണ്ണം വ്യക്തമാക്കാമോ; പ്രസ്തുത പരാതികളുടെ ജില്ലാടിസ്ഥാനത്തിലുള്ള വിശദാംശങ്ങളും സ്ഥിതിവിവരക്കണക്കുകളും ലഭ്യമാക്കാമോ;

പ്രസ്തുത വിഷയത്തില്‍ ജി. എസ്. ടി. വകുപ്പ് സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കാമോ;

ഇതു സംബന്ധിച്ച് അന്വേഷണം നടത്തുന്നതിന് ആഭ്യന്തരവകുപ്പിന് ഔപചാരികമായ പരാതി നൽകിയിട്ടുണ്ടോ; വ്യക്തമാക്കാമോ;

പരാതി നൽകിയിട്ടില്ലെങ്കിൽ പരാതി നൽകുന്നതിൽ നിന്ന് വിട്ടുനിന്നത് എന്തുകൊണ്ടാണെന്ന് വ്യക്തമാക്കുമോ; പ്രസ്തുത വിഷയവുമായി ബന്ധപ്പെട്ട് എത്ര പേർ ഹൈക്കോടതിയിൽ ഹർജി നൽകിയിട്ടുണ്ടെന്നതിന്റെ വിശദാംശങ്ങളും ലഭ്യമാക്കാമോ?

2025 ജൂലൈ മുതൽ സംസ്ഥാന ജി. എസ്.‌ ടി. വകുപ്പിന് കീഴിലുള്ള വിവിധ വിഭാഗങ്ങളുടെ പ്രതിമാസ പ്രകടന വിവരങ്ങൾ കാണിക്കുന്ന പ്രതിമാസ വസ്തുതാ പത്രിക വകുപ്പിന്റെ ഔദ്യോഗിക വെബ്‌സൈറ്റിൽ പ്രസിദ്ധീകരിക്കുന്നത് നിർത്തിവച്ചിട്ടുണ്ടോയെന്ന് വ്യക്തമാക്കുമോ;

അങ്ങനെയെങ്കിൽ, പതിവായി പ്രസിദ്ധീകരിച്ചുവന്ന ഈ രീതി നിർത്തിവച്ചതിന്റെ കാരണങ്ങൾ എന്തൊക്കെയാണ്; വസ്തുതാ പത്രികകൾ സമയബന്ധിതമായി പ്രസിദ്ധീകരിക്കുന്നതിൽ വകുപ്പ് ഉദ്യോഗസ്ഥർ വിമുഖത കാണിക്കുന്നത് ശ്രദ്ധയി‍ൽപ്പെട്ടിട്ടുണ്ടോ;വ്യക്തമാക്കുമോ;

വകുപ്പിന്റെ പ്രകടന വിവരങ്ങൾ പങ്കാളികൾക്കും പൊതുജനങ്ങൾക്കും പതിവായി വെളിപ്പെടുത്തേണ്ടതിന്റെയും സുതാര്യതയുടെയും പ്രാധാന്യം സർക്കാർ അംഗീകരിക്കുന്നുണ്ടോ; വ്യക്തമാക്കുമോ;

പ്രതിമാസ വസ്തുതാ പത്രികകൾ ഔദ്യോഗിക വെബ്‌സൈറ്റിൽ സമയബന്ധിതമായി പ്രസിദ്ധീകരിക്കുന്നത് ഉറപ്പാക്കാൻ സംസ്ഥാന ജി.എസ്.‌ടി.കമ്മീഷണർക്ക് ആവശ്യമായ നിർദ്ദേശങ്ങൾ നൽകുമോ;

2025 ജൂലൈ മുതൽ 2025 ഡിസംബർ വരെയുള്ള കാലയളവിലെ പ്രതിമാസ വസ്തുതാ വിവരണ പത്രികകളുടെ പകർപ്പുകൾ നൽകുമോ?

എറണാകുളം ജില്ലയിൽ പെന്റോണിക്സ് സിസ്റ്റംസ്, രവിപുരം എന്ന സ്ഥാപനത്തിൽ 2025 നവംബർ 13-ന് ജി. എസ്. ടി. വകുപ്പ് നടത്തിയ പരിശോധനയിൽ, ജി.എസ്.ടി. ആക്ട് 2017-ലെ 70, 71 എന്നീ വകുപ്പുകള്‍ പ്രകാരം അധികാരമില്ലാതെ പരിശോധന നടത്തിയെന്നും കരാറടിസ്ഥാനത്തിൽ നിയമിക്കപ്പെട്ട ജീവനക്കാരും ഇന്റേൺഷിപ്പ് വിദ്യാർത്ഥികളും അനധികൃതമായി പരിശോധനയിൽ പങ്കെടുത്തെന്നും ഉള്ള പരാതി ശ്രദ്ധയിൽപ്പെട്ടിട്ടുണ്ടോ;

ജി. എസ്. ടി. ആക്ട് 2017-ലെ വകുപ്പ് 71 പ്രകാരം ജോയിന്റ് കമ്മീഷണറോ അതിനു മുകളിലോ ഉള്ള ഉദ്യോഗസ്ഥൻ അധികാരപ്പെടുത്തിയ ഉദ്യോഗസ്ഥനല്ലാതെ പരിശോധന നടത്താൻ പാടില്ലെന്ന് വ്യവസ്ഥയുള്ളപ്പോള്‍ ഈ പരിശോധനയിൽ, 2025 ഒക്ടോബർ 18-ന് കരാർ കാലാവധി അവസാനിച്ച ശ്രീ. ജോൺസൺ ചാക്കോ എന്ന വിരമിച്ച ജീവനക്കാരൻ പ്രത്യേക അന്വേഷണ ഉദ്യോഗസ്ഥനായി പ്രവർത്തിച്ചെന്നും അദ്ദേഹം വിജിലൻസ് അന്വേഷണം (പി. ഇ./11/2022/എസ്. സി. ഇ.) നേരിടുന്നുണ്ടെന്നും വ്യക്തമായിട്ടുണ്ടോ;

സി. ജി. എസ്. ടി. റൂൾസിലെ റൂൾ 139 പ്രകാരം ജി. എസ്. ടി. ഐ. എന്‍. എസ്-01 ഫോമിൽ ശരിയായ അധികാര പത്രം നൽകാതെയും ജി.എസ്.ടി. ഐ.എന്‍.എസ്-02 ഫോമിലെ പിടിച്ചെടുക്കൽ ഉത്തരവിൽ പിടിച്ചെടുക്കലിനുള്ള കാരണങ്ങൾ വ്യക്തമാക്കാതെയും നടപടി സ്വീകരിച്ചതായി കണ്ടെത്തിയിട്ടുണ്ടോ;

പരിശോധന സംഘത്തിൽ നിയമ വിദ്യാലയത്തിലെ ഇന്റേൺഷിപ്പ് വിദ്യാർത്ഥികൾ, ഡ്രൈവർമാർ, അനധികൃത വ്യക്തികൾ എന്നിവരും ഉൾപ്പെട്ടിരുന്നതായി സി. സി. ടി. വി. ദൃശ്യങ്ങളിൽ നിന്ന് തെളിഞ്ഞിട്ടുണ്ടോ; ജി.എസ്.ടി. ആക്ട് 2017-ലെ വകുപ്പ് 72 പ്രകാരം അധികാരമില്ലാത്ത വ്യക്തികളുടെ സാന്നിധ്യം നിയമ ലംഘനമാണോയെന്ന് വ്യക്തമാക്കാമോ;

പരിശോധന ഉദ്യോഗസ്ഥർ പരാതിക്കാരന്റെ ഓഡിറ്ററുമായി ബന്ധപ്പെട്ട് 12 ലക്ഷം രൂപ ആവശ്യപ്പെട്ടതായും പരിശോധന വേളയിൽ ഒരു സോവറിൻ തൂക്കമുള്ള സ്വർണ്ണമോതിരം നഷ്ടപ്പെട്ടതായും പരാതി ലഭിച്ചിട്ടുണ്ടോ;

ഈ സംഭവത്തിൽ ക്രൈംബ്രാഞ്ച് അന്വേഷണം നടത്താനും ഉത്തരവാദികളായ ഉദ്യോഗസ്ഥർക്കെതിരെ നടപടി സ്വീകരിക്കാനും തയ്യാറാകുമോ; ജി. എസ്. ടി. വകുപ്പിലെ കരാർ നിയമനങ്ങളുടെ നിയമസാധുതയും അവരുടെ അധികാരപരിധിയും വ്യക്തമാക്കുന്ന മാർഗ്ഗനിർദേശങ്ങൾ പുറപ്പെടുവിക്കുമോ?

കാസര്‍ഗോഡ് ജില്ലയിലെ തൃക്കരിപ്പൂരില്‍ അനുവദിക്കപ്പെട്ടതും പ്രവര്‍ത്തിച്ചു വരുന്നതുമായ വണ്‍മാന്‍ ട്രഷറി നിര്‍ത്തലാക്കി സബ് ട്രഷറി അനുവദിക്കുമെന്ന് അറിയിച്ചിട്ട് വര്‍ഷങ്ങള്‍ കഴിഞ്ഞിട്ടും സബ് ട്രഷറി അനുവദിക്കാന്‍ കഴിയാത്തതെന്തുകൊണ്ടെന്ന് അറിയിക്കാമോ; തൃക്കരിപ്പൂര്‍ സബ്ട്രഷറി എന്ന് പ്രഖ്യാപിക്കാന്‍ കഴിയുമെന്ന് വ്യക്തമാക്കാമോ?

കോഴിക്കോട് ജില്ലയിലെ ഏതൊക്കെ സബ്ട്രഷറികള്‍ക്കാണ് സ്വന്തമായി കെട്ടിടം ഇല്ലാത്തത്;

ബാലുശ്ശേരി നിയോജകമണ്ഡലത്തിലെ കൂരച്ചുണ്ട് ഗ്രാമ പഞ്ചായത്തിലെ സബ്ട്രഷറിക്ക് കെട്ടിടം നിര്‍മ്മിക്കുന്നതിനായി ഫണ്ട് അനുവദിച്ചിട്ടുണ്ടോ; വിശദമാക്കാമോ?

കുന്നംകുളം നിയോജകമണ്ഡലത്തിലെ പുതിയ സബ്ട്രഷറി ഓഫീസിന്റെ നിര്‍മ്മാണ പുരോഗതി വിശദമാക്കാമോ?

അരൂർ മണ്ഡലത്തിലെ കുത്തിയതോട് സബ്ട്രഷറി കെട്ടിട നിർമ്മാണവുമായി ബന്ധപ്പെട്ട് സർക്കാർ സ്വീകരിച്ച നടപടികൾ വിശദമാക്കാമോ?

ട്രഷറി ഇടപാടുകളിലെ ക്രമക്കേടുകള്‍ തടയുന്നതിന് നടപ്പിലാക്കി വരുന്ന ആന്തരിക ഓഡിറ്റ് സംവിധാനങ്ങള്‍ എന്തെല്ലാമെന്ന് വിശദമാക്കാമോ;

കഴിഞ്ഞ അഞ്ച് വര്‍ഷം ട്രഷറി സംബന്ധമായ ക്രമക്കേടുകള്‍ കണ്ടെത്തിയിട്ടുണ്ടോ; എങ്കില്‍ എന്തൊക്കെ നടപടി എടുത്തിട്ടുണ്ട്; വിശദമാക്കാമോ?

സംസ്ഥാനത്തെ ലോട്ടറി ടിക്കറ്റ് കച്ചടവം നടത്തി ഉപജീവനം നടത്തുന്ന ഏജന്റുമാരുടെ ക്ഷേമത്തിന് സര്‍ക്കാര്‍ എന്തെല്ലാം പദ്ധതികളാണ് നടപ്പിലാക്കിയിട്ടുള്ളത് എന്ന് വ്യക്തമാക്കാമോ;

ലോട്ടറി ടിക്കറ്റ് കച്ചവടക്കാര്‍ക്ക് ലോട്ടറി വകുപ്പ് നല്‍കി വരുന്ന മൂച്ചക്ര വാഹനങ്ങള്‍ വിതരണം ചെയ്യുന്നതിലുള്ള മാര്‍ഗനിര്‍ദേശങ്ങള്‍ വിശദമാക്കാമോ;

ഇത്തരത്തില്‍ പട്ടാമ്പി നിയോജക മണ്ഡലത്തില്‍ മുച്ചക്ര വാഹനം എത്ര പേര്‍ക്ക് നല്‍കിയിട്ടുണ്ട് എന്നും ഈ ഇനത്തില്‍ എത്ര അപേക്ഷ സര്‍ക്കാരിന് ലഭിച്ചിട്ടുണ്ടെന്നും വ്യക്തമാക്കാമോ?

സംസ്ഥാന ലോട്ടറി ക്ഷേമനിധി ബോർഡിലെ ഏജന്റുമാരും തൊഴിലാളികളും അടച്ച അംശാദായത്തിൽനിന്നും 14.93 കോടി രൂപ തട്ടിയെടുത്ത സംഭവം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത വിഷയം സർക്കാർ ഗൗരവത്തോടെ കാണുന്നുണ്ടോ;

അംശാദായം ബാങ്കിലേക്ക് അടയ്ക്കുന്നതിനും സർക്കാർ ഗ്രാന്റ് കൈകാര്യം ചെയ്യുന്നതിനും നിലവിലുള്ള സംവിധാനങ്ങൾ എന്തൊക്കെയാണെന്ന് വ്യക്തമാക്കാമോ;

മേൽപ്പറഞ്ഞ സംവിധാനങ്ങളുടെ പ്രവർത്തനത്തിൽ മേൽനോട്ടം വഹിക്കുന്ന ഉദ്യോഗസ്ഥരുടെ ഭാഗത്ത് നിന്ന് ഗുരുതരമായ വീഴ്ച സംഭവിച്ചതായി കണ്ടെത്തിയിട്ടുണ്ടോ; എങ്കിൽ ഇവർക്കെതിരെ നടപടി സ്വീകരിച്ചിട്ടുണ്ടോ; വിശദമാക്കാമോ?

ലോട്ടറി വകുപ്പ് ഡയറക്ടറേറ്റിലെ ഒരു ജീവനക്കാരൻ നിയമവിരുദ്ധമായി ഡയറക്ടറുടെ ഡിജിറ്റൽ ഒപ്പ് ഉപയോഗിച്ച് അനധികൃതമായി ജീവനക്കാരുടെ ഇൻക്രിമെന്റ് പാസാക്കുക, ലീവ് അനുവദിക്കുക തുടങ്ങിയ പ്രവൃത്തികൾ ചെയ്തതായി പറയപ്പെടുന്ന സംഭവം ശ്രദ്ധയില്‍പെട്ടിട്ടുണ്ടോ; പ്രസ്തുത സംഭവത്തിന്മേല്‍ എന്തെങ്കിലും അന്വേഷണം നടക്കുന്നുണ്ടോ; എങ്കിൽ വിശദാംശം ലഭ്യമാക്കാമോ;

സമ്മാനർഹമായ ലോട്ടറിയുടെ കൈപ്പറ്റാത്ത സമ്മാനത്തുകകള്‍ ഇത്തരത്തിൽ ഡിജിറ്റൽ ഒപ്പ് ഉപയോഗിച്ച് തട്ടിപ്പ് നടത്തിയത് സംബന്ധിച്ച് എന്തെങ്കിലും അന്വേഷണം നടക്കുന്നുണ്ടോ; ഉണ്ടെങ്കിൽ ആർക്കെല്ലാമെതിരെയാണ് അന്വേഷണം നടക്കുന്നതെന്നും അന്വേഷണത്തിന്റെ നിലവിലെ സ്ഥിതി എന്തെന്നും വിശദമാക്കാമോ;

ഇത്തരത്തിൽ ആരോപണവിധേയരായ ഉദ്യോഗസ്ഥർക്കെതിരെ സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ?

സംസ്ഥാന ലോട്ടറി വകുപ്പിന്റെ കീഴിൽ പ്രവർത്തിക്കുന്ന ലോട്ടറി ക്ഷേമനിധി ഫണ്ടുമായി ബന്ധപ്പെട്ട് അടുത്തകാലത്ത് ഗുരുതരമായ സാമ്പത്തിക ക്രമക്കേടുകൾ നടന്നതായി ശ്രദ്ധയില്‍പ്പെട്ടിട്ടുണ്ടോ; ലോട്ടറി ക്ഷേമനിധിയിൽ ഇതുവരെ കണ്ടെത്തിയ ക്രമക്കേടുകൾ മൂലം സംസ്ഥാനത്തിന് സംഭവിച്ച ആകെ സാമ്പത്തിക നഷ്ടം എത്രയാണെന്ന് സർക്കാർ കണക്കാക്കിയിട്ടുണ്ടോ; ഉണ്ടെങ്കിൽ വിശദമായ കണക്കുകൾ നൽകുമോ;

പ്രസ്തുത അഴിമതികളിൽ ഉത്തരവാദിത്തം നിർണയിച്ച് ഏതെല്ലാം ഉദ്യോഗസ്ഥർക്കും/വ്യക്തികൾക്കും എതിരെയാണ് നടപടികൾ ആരംഭിച്ചിട്ടുള്ളത്; ഇതുവരെ എത്രപേർക്കെതിരെയാണ് വകുപ്പുതല നടപടികൾ സ്വീകരിച്ചിട്ടുള്ളത്;  സര്‍ക്കാര്‍ നഷ്ടം തിരികെ പിടിക്കുന്നതിനുള്ള നടപടി സ്വീകരിച്ചിട്ടുണ്ടോ;

ഈ വിഷയത്തിൽ പോലീസ് കേസ്/FIR രജിസ്റ്റർ ചെയ്തിട്ടുണ്ടോ; ഉണ്ടെങ്കിൽ ഏത് ഏജൻസിയെയാണ് അന്വേഷണം ഏൽപ്പിച്ചിരിക്കുന്നത്; അന്വേഷണത്തിന്റെ ഇപ്പോഴത്തെ സ്ഥിതി എന്താണ്; ലോട്ടറി ക്ഷേമനിധി അഴിമതിയുമായി ബന്ധപ്പെട്ട് ധനകാര്യ വകുപ്പിന്റെ ഇൻസ്‌പെക്ഷൻ വിങ്ങ് (ഫിനാൻസ് ഇൻസ്പെക്ഷൻ വിംങ്) ഏതെങ്കിലും അന്വേഷണം/പ്രത്യേക പരിശോധന നടത്തിയിട്ടുണ്ടോ; ഉണ്ടെങ്കിൽ പരിശോധനാ റിപ്പോർട്ടിലെ പ്രധാന കണ്ടെത്തലുകൾ എന്തെല്ലാമാണെന്ന് വ്യക്തമാക്കാമോ; അതിന്റെ അടിസ്ഥാനത്തിൽ സർക്കാർ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ;

ഭാവിയിൽ ഇത്തരത്തിലുള്ള ക്രമക്കേടുകൾ ആവർത്തിക്കാതിരിക്കാനായി ലോട്ടറി ക്ഷേമനിധിയുടെ പ്രവർത്തനങ്ങളിൽ സുതാര്യതയും സാമ്പത്തിക നിയന്ത്രണവും ഉറപ്പാക്കുന്നതിനായി സർക്കാർ സ്വീകരിച്ചിട്ടുള്ളതോ സ്വീകരിക്കാൻ ഉദ്ദേശിക്കുന്നതോ ആയ പരിഷ്കാര നടപടികൾ എന്തെല്ലാമാണ്; വിശദമാക്കാമോ?

കെ. എസ്. എഫ്. ഇ.യിൽ വൺ ടൈം സെറ്റിൽമെന്റ് നടപ്പാക്കാന്‍ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ;

കെ. എസ്. എഫ്. ഇ.യിൽ ഒ. റ്റി. എസ്. നടപ്പാക്കുമ്പോള്‍ അർഹതപ്പെട്ടവർക്ക് കൂടുതൽ ആനുകൂല്യങ്ങൾ നൽകാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

കെ.എസ്.എഫ്.ഇ. ചിട്ടികള്‍ മുടങ്ങിയവര്‍ക്കും ലോണ്‍ തിരിച്ചടവില്‍ മുടക്കം വന്നവര്‍ക്കും എന്തെല്ലാം ഇളവുകളാണ് നിലവില്‍ നല്‍കുന്നത്; വ്യക്തമാക്കുമോ;

കുടിശ്ശിക നിവാരണ പദ്ധതികള്‍ നിലവില്‍ ഏത് ഘട്ടത്തിലാണ്; വ്യക്തമാക്കാമോ;

പ്രസ്തുത പദ്ധതി കാലയളവില്‍ ലക്ഷ്യമിട്ട മൊത്തം പിരിവ്, പിരിച്ചെടുക്കുവാന്‍ സാധിച്ച തുക, അനുവദിച്ച പലിശ ഇളവ് എന്നിവ അവലോകനം ചെയ്തിട്ടുണ്ടോ; വിശദാംശം നല്‍കുമോ?

കാട്ടാക്കട നിയോജക മണ്ഡലത്തില്‍ കഴിഞ്ഞ പത്ത് വര്‍ഷത്തിനുള്ളില്‍ പുതുതായി എത്ര കെ.എസ്.എഫ്.ഇ. ശാഖകള്‍ ആരംഭിച്ചിട്ടുണ്ടെന്നും അതെവിടെയൊക്കെയാണെന്നും എന്നുമുതലാണെന്നുമുള്ള വിശദാംശങ്ങൾ ലഭ്യമാക്കാമോ?

കെ. എസ്. എഫ്. ഇ. കുടിശ്ശികയുളളവര്‍ക്ക് വണ്‍ടൈം സെറ്റില്‍മെന്റ് ആനുകൂല്യം ഇപ്പോള്‍ നിലവിലുണ്ടോ എന്ന് വ്യക്തമാക്കാമോ;

കുടിശ്ശികയുളളവര്‍ക്ക് വണ്‍ടൈം സെറ്റില്‍മെന്റിലൂടെ എന്തെല്ലാം ആനുകൂല്യങ്ങളാണ് കെ . എസ്. എഫ്. ഇ. നല്‍കിയിരുന്നത് എന്ന് വിശദമാക്കാമോ;

പ്രസ്തുത പദ്ധതി പുന:സ്ഥാപിക്കുവാന്‍ ആലോചനയുണ്ടോ; വിശദമാക്കാമോ?

നിലവിലുള്ള മെഡിസെപ് ആരോഗ്യ ഇന്‍ഷുറന്‍സ് പദ്ധതിയില്‍ എന്തൊക്കെ മാറ്റങ്ങള്‍ വരുത്തിയാണ് പുതിയ പദ്ധതി ആരംഭിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

പുതിയ പദ്ധതി എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കുമോ?

സർക്കാർ ജീവനക്കാർക്കും പെൻഷൻകാർക്കും മെഡിസെപ് ഇൻഷുറൻസ് പരിരക്ഷയിൽ ഉൾപ്പെടാത്ത ആശുപത്രി ചെലവുകൾ ലഭിക്കുന്നതിനായി സമർപ്പിക്കുന്ന മെഡിക്കൽ റീ-ഇംബേഴ്സ്‌മെന്റ് അപേക്ഷകൾ സമയബന്ധിതമായി തീർപ്പാക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കാമോ;

നിലവില്‍ അനുവദിച്ചിട്ടുള്ള ആശുപത്രികളുടെ സൗകര്യങ്ങള്‍ പരിശോധിച്ച് അവിടെ നല്‍കുന്ന എല്ലാ ചികിത്സയ്ക്കും മെഡിസെപ് പരിരക്ഷ അനുവദിക്കാന്‍ ആവശ്യമായ നടപടി സ്വീകരിക്കാമോ?

അനിൽ അംബാനിയുടെ ഉടമസ്ഥതയിലുള്ള സ്ഥാപനത്തിൽ കേരള ഫിനാൻഷ്യൽ കോർപ്പറേഷൻ നിക്ഷേപം നടത്തിയിട്ടുണ്ടോ; ഉണ്ടെങ്കിൽ എത്ര കോടി രൂപയാണ് നിക്ഷേപിച്ചതെന്ന് വ്യക്തമാക്കാമോ;

പ്രസ്തുത നിക്ഷേപത്തിൽ നിന്നും നാളിതുവരെ എത്ര കോടി രൂപ തിരികെ ലഭിച്ചിട്ടുണ്ടെന്നത് വ്യക്തമാക്കാമോ?

സംസ്ഥാനത്ത് ഇ-സ്റ്റാംപ് സംവിധാനം എന്നു മുതലാണ് നിലവിൽ വന്നത്;

കംപ്യൂട്ടറിൽ സ്റ്റാംപ് ​വെണ്ടർമാർ ജനറേറ്റ് ചെയ്തെടുക്കുന്ന ഇ-സ്റ്റാംപിന് പ്രിന്റിംഗ് ചാർജ് നൽകേണ്ടതുണ്ടോ; എങ്കിൽ എത്ര;

അഞ്ഞൂറ് രൂപ വരെ മുഖവിലയുളള ഇ-സ്റ്റാംപിന് പ്രിന്റിംഗ് ചാർജ് നൽകി വരാറുണ്ടോ; ഉണ്ടെങ്കിൽ എത്ര രൂപയാണെന്നും ഇല്ലെങ്കിൽ അതിന്റെ കാരണവും വിശദമാക്കുമോ;

സൗജന്യമായി നൽകി വരുന്ന പത്രം എടുക്കുന്നതിന് സർക്കാർ എന്തെങ്കിലും ആനുകൂല്യങ്ങൾ വെണ്ടർമാർക്ക് നൽകി വരുന്നുണ്ടോ; ഇല്ലെങ്കിൽ കാരണം വ്യക്തമാക്കുമോ;

എല്ലാ തുകക്കുമുളള ഇ-സ്റ്റാംപിനും പ്രിന്റിംഗ് ചാർജ് നൽകണമെന്നാവശ്യപ്പെട്ടു കൊണ്ട് കേരള സ്റ്റാംപ് വെണ്ടേഴ്സ് യൂണിയൻ നൽകിയ നിവേദനത്തിൽ എന്തു നടപടി സ്വീകരിച്ചു എന്ന് വ്യക്തമാക്കുമോ;

വെണ്ടർമാർക്ക് അഞ്ഞൂറ് രൂപ വരെയുളള ഓരോ ഇ-സ്റ്റാംപും എടുത്തു കൊടുക്കുമ്പോൾ ഉണ്ടാവുന്ന സാമ്പത്തിക നഷ്ടം നികത്തുന്നതിനായി എന്തു നടപടി സ്വീകരിക്കാനാണ് ഉദ്ദേശിക്കുന്നത്;

ഇ-സ്റ്റാംപ് വിതരണം പൂർണ്ണമായും സ്വകാര്യ വ്യക്തികൾക്ക് നൽകുവാൻ ആലോചിക്കുന്നുണ്ടോ; ഇക്കാര്യത്തിൽ ധനകാര്യ,നികുതി, ട്രഷറി വകുപ്പുകളി​ലെ ഉദ്യോഗസ്ഥർ ചർച്ച നടത്തിയിട്ടുണ്ടോ; വിശദമാക്കുമോ; എല്ലാ തുകക്കുമുളള ഇ-സ്റ്റാംപുകൾക്കും ഒരേ രീതിയിൽ പ്രിന്റിംഗ് ചാർജ് ഏർപ്പെടുത്തി ട്രഷറി ഉദ്യോഗസ്ഥരുടെ ജോലി ഭാരം കുറയ്ക്കുവാൻ നടപടി സ്വീകരിക്കുമോ?