ബജറ്റില്‍ ഇരുപത് ശതമാനം തുക വകയിരുത്തിയ കൊയിലാണ്ടി മണ്ഡലത്തിലെ പുറക്കാട് ഇൻഡോർ സ്റ്റേഡിയം നിർമ്മാണ പ്രവൃത്തിയുടെ എസ്റ്റിമേറ്റ് പൂര്‍ത്തിയാക്കിയിട്ടുണ്ടോ;

പൂര്‍ത്തിയാക്കിയ എസ്റ്റിമേറ്റും പ്ലാനും ഭരണാനുമതിക്കായി സമര്‍പ്പിച്ചിട്ടുണ്ടോ; വിശദമാക്കാമോ;

ഇല്ലെങ്കില്‍ ഈ പ്രവൃത്തിക്ക് വേഗത്തില്‍ ഭരണാനുമതി നല്‍കാനുള്ള നടപടികള്‍ സ്വീകരിക്കുമോ; വിശദമാക്കാമോ?

ഒരു വില്ലേജില്‍ ഒരു കളിസ്ഥലം എന്ന പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടോ; വിശദാംശങ്ങള്‍ അറിയിക്കാമോ;

പഞ്ചായത്തുകളിലെ മിനി സ്റ്റേഡിയങ്ങള്‍ നവീകരിക്കുന്നതിന് പ്രത്യേക പദ്ധതി ആവിഷ്കരിക്കുവാന്‍ തയ്യാറാകുമോ; വ്യക്തമാക്കാമോ;

ബാലുശ്ശേരി മിനി സ്റ്റേഡിയം നവീകരിക്കുന്നതുമായി ബന്ധപ്പെട്ട് നിവേദനം ലഭിച്ചിട്ടുണ്ടോ; എങ്കില്‍ പ്രസ്തുത നിവേദനത്തിന്മേല്‍ സ്വീകരിച്ച നടപടികള്‍ അറിയിക്കാമോ?

കേരളത്തില്‍ കായിക മേഖലയുടെ വികസനത്തിനായി ആവിഷ്ക്കരിച്ചിട്ടുള്ള പദ്ധതികള്‍ ഏതൊക്കെയാണ്; അവയുടെ വിശദാംശം നൽകാമോ;

കായിക മേഖലയുടെ വികസനത്തിനായി മട്ടന്നൂര്‍ നിയോജക മണ്ഡലത്തില്‍ മുൻ സർക്കാർ ഭരണാനുമതി നല്‍കിയ പദ്ധതികള്‍ ഏതൊക്കെയാണ്; അവയുടെ നിലവിലെ സ്ഥിതി വ്യക്തമാക്കാമോ?

സംസ്ഥാനത്ത് പുതിയ കായിക നയം പരിഗണനയിലുണ്ടോ; വിശദമാക്കാമോ;

കായിക നയം രൂപീകരിക്കുന്നതിന്റെ ഭാഗമായി നിര്‍ദ്ദേശങ്ങൾ സമർപ്പിക്കുവാന്‍ പൊതുജനങ്ങള്‍ക്ക് അവസരം നല്കുമോ;

കായിക രംഗത്തിന്റെ സമഗ്രപുരോഗതി ലക്ഷ്യമിട്ട് പദ്ധതികൾ ആസൂത്രണം ചെയ്യുന്നുണ്ടോ; വ്യക്തമാക്കാമോ;

കളികളിലൂടെ കുട്ടികളുടെ ശാരീരിക, മാനസിക ആരോഗ്യം വളര്‍ത്തിയെടുക്കുന്നതിനായി ആരംഭിച്ച പ്ലേ ഫോര്‍ ഹെല്‍ത്ത്‌ പദ്ധതിയുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; പദ്ധതി സംസ്ഥാന വ്യാപകമായി നടപ്പാക്കാൻ ഉദ്ദേശിക്കുന്നുണ്ടോ?

ഉടുമ്പന്‍ചോല നിയോജക മണ്ഡലത്തില്‍ കായിക മേഖലയുടെ സമഗ്ര പുരോഗതി ലക്ഷ്യമാക്കി എന്തൊക്കെ പ്രവൃത്തികള്‍ക്കാണ് ഫണ്ട് അനുവദിച്ചിട്ടുള്ളതെന്ന് അറിയിക്കുമോ; പ്രസ്തുത പ്രവൃത്തികള്‍ക്ക് അനുവദിച്ച ഫണ്ട് സംബന്ധിച്ച വിശദാംശം നല്‍കാമോ;

ഓരോ നിര്‍മ്മാണ പ്രവൃത്തിയും ഇപ്പോള്‍ ഏത് ഘട്ടത്തിലാണെന്ന് അറിയിക്കുമോ; ആയതിന്റെ വിശദാംശം നല്‍കാമോ?

കായിക പ്രതിഭകളെ സ്കൂള്‍ തലത്തില്‍ തന്നെ കണ്ടെത്തുന്നതിന് പ്രത്യേക പദ്ധതി ആവിഷ്ക്കരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

സ്കൂളുകളില്‍ കളിസ്ഥല നിര്‍മ്മാണം, സ്പോര്‍ട്സ് ഉപകരണങ്ങള്‍ എന്നിവയ്ക്ക് കായിക വകുപ്പ് പ്രത്യേക ആനുകൂല്യം നല്‍കുന്നുണ്ടോ; എങ്കില്‍ ഇതിന്റെ മാനദണ്ഡം വിശദമാക്കാമോ?

സംസ്ഥാനത്ത് കായിക രംഗത്തിന്റെ വികസനത്തിനായി നടപ്പാക്കാന്‍ ഉദ്ദേശിക്കുന്ന പദ്ധതികള്‍ എന്തെല്ലാമാണ്; വിശദമാക്കുമോ;

സംസ്ഥാനത്തെ എല്ലാ പഞ്ചായത്തുകളിലും കായിക പരിശീലനത്തിനായി സ്റ്റേഡിയങ്ങള്‍ ഒരുക്കുന്നതിന് നിര്‍ദ്ദേശമുണ്ടോ; ഇല്ലെങ്കില്‍ ആയത് പരിഗണിക്കുമോ?

കൊയിലാണ്ടി സ്പോര്‍ട്സ് കൗണ്‍സില്‍ സ്റ്റേഡിയത്തില്‍ എന്തെങ്കിലും നവീകരണ പദ്ധതി തയ്യാറാക്കിയിട്ടുണ്ടോ; വിശദമാക്കാമോ;

പ്രസ്തുത നവീകരണ പദ്ധതിക്ക് അംഗീകാരം ലഭിച്ചിട്ടുണ്ടോയെന്ന് വ്യക്തമാക്കാമോ; ഇല്ലെങ്കില്‍ അംഗീകാരത്തിനായി സ്വീകരിച്ച നടപടികള്‍ എന്തെല്ലാമെന്നും ആയതിന്റെ ഇപ്പോഴത്തെ സ്ഥിതിയും വിശദമാക്കാമോ?

മാവൂര്‍ പഞ്ചായത്തില്‍ മരാമത്ത് വകുപ്പിന്റെകൈവശമുള്ള 7.8 ഏക്കര്‍ ഭൂമിയില്‍ ഒരു സ്പോര്‍ട്സ് കോംപ്ലക്സ് നിര്‍മ്മിക്കുന്നത് സംബന്ധിച്ച് സ്പോര്‍ട്സ് കൗണ്‍സില്‍ പരിശോധന നടത്തി തൃപ്തി രേഖപ്പെടുത്തിയത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്ഥലം അന്യാധീനപ്പെടുന്നത് ഒഴിവാക്കാന്‍ പൊതു മരാമത്ത് വകുപ്പില്‍ നിന്നും ആയത് ഏറ്റെടുത്ത് സ്പോര്‍ട്സ് കോംപ്ലക്സ് നിര്‍മ്മിക്കാന്‍ നടപടി സ്വീകരിക്കുമോ?

കഴിഞ്ഞ സര്‍ക്കാരിന്റെ കാലത്ത് പ്രഖ്യാപിച്ച മലപ്പുറം ജില്ലയിലെ പി.മൊയ്തീന്‍കുട്ടി സ്മാരക സ്പോര്‍ട്സ് അക്കാദമി ഇപ്പോള്‍ ഏത് ഘട്ടത്തിലാണ്; വിശദാംശം നല്‍കുമോ;

മലപ്പുറം ജില്ലയില്‍ ഒരു സ്പോര്‍ട്സ് അക്കാദമി യാഥാര്‍ത്ഥ്യമാക്കുന്നതിന് സത്വര നടപടികള്‍ സ്വീകരിക്കുമോ;

അന്തര്‍ദേശീയ നിലവാരത്തിലുള്ള സ്റ്റേഡിയത്തിന്റെ അഭാവം ജില്ലയിലെ കായിക വികസനത്തിന് തടസ്സമാകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ എം.എസ്.പി. യുടെ കീഴിലുള്ള മലപ്പുറം കൂട്ടമണ്ണ സ്റ്റേഡിയം അന്തര്‍ ദേശീയ നിലവാരത്തിലേക്കുയര്‍ത്തുന്നതിന് നടപടി സ്വീകരിക്കുമോ?

കാലിക്കറ്റ് സര്‍വ്വകലാശാല കേന്ദ്രീകരിച്ച് ഒരു സ്പോര്‍ട്സ് ഹബ്ബ് തയ്യാറാക്കുന്ന കാര്യം പരിഗണിക്കുമോ;

വള്ളിക്കുന്ന് നിയോജക മണ്ഡലത്തിലെ അരിയലൂരിൽ സ്റ്റേഡിയം നിര്‍മ്മിക്കുന്നതിന് ഫണ്ട് അനുവദിക്കുമോ; ഇതിനാവശ്യമായ നടപടികള്‍ സ്വീകരിക്കുമോ?

മാവേലിക്കര നിയോജക മണ്ഡലത്തിലെ തെക്കേക്കര ഗ്രാമ പ‍ഞ്ചായത്തില്‍ ഒരു ഫിറ്റ്നസ് സെന്റര്‍ അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ഫിറ്റ്നസ് സെന്ററിന്റെ പ്രവര്‍ത്തനം ആരംഭിക്കുന്നതിനുള്ള നടപടികള്‍ സ്വീകരിക്കുമോ; വിശദമാക്കുമോ?

സംസ്ഥാനത്തെ സ്പോര്‍ട്സ് സ്റ്റേഡിയങ്ങളുടെ നിര്‍മ്മാണത്തിന് കിഫ്ബിയിൽ നിന്ന് സഹായങ്ങള്‍ ലഭ്യമാകുന്നുണ്ടോ;

ആയതിലേയ്ക്കായി എത്ര കോടി രൂപയുടെ പദ്ധതിയാണ് അംഗീകാരത്തിനായി സമര്‍പ്പിച്ചിട്ടുള്ളതെന്ന് അറിയിക്കുമോ;

ഇവയില്‍ അംഗീകാരം ലഭിച്ച പദ്ധതികള്‍ ഏതെല്ലാമാണെന്ന് വ്യക്തമാക്കുമോ?

തിരുവനന്തപുരം ജിമ്മി ജോര്‍ജ് ഇൻഡോര്‍ സ്റ്റേഡിയം അടച്ചിട്ട് എത്ര കാലമായി എന്ന് അറിയിക്കാമോ;

കോവിഡ് പ്രോട്ടോക്കോള്‍ പാലിച്ചുകൊണ്ട് ഷട്ടില്‍ ബാഡ്മിന്റൻ കളിക്കാൻ സൗകര്യം നിഷേധിച്ച് കോര്‍ട്ടുകള്‍ അടച്ചിടാനുള്ള കാരണം വ്യക്തമാക്കാമോ;

നിര്‍മ്മാണ പ്രവര്‍ത്തനം നീട്ടിക്കൊണ്ടു പോകുകയും അതിന്റെ പേരില്‍ പ്രസ്തുത സ്റ്റേഡിയം അനിശ്ചിതമായി അടച്ചിടുകയും ചെയ്യുന്നത് ശ്രദ്ധയില്‍പെട്ടിട്ടുണ്ടോ;

സ്റ്റേഡിയത്തിന്റെ നിലവിലെ മാനേജിംഗ് കമ്മിറ്റി അംഗങ്ങള്‍ ആരെല്ലാമാണെന്ന് അറിയിക്കുമോ;

സ്പോര്‍ട്സുമായി ബന്ധമുള്ള അംഗങ്ങളെ ഉള്‍പ്പെടുത്തി നിലവിലുള്ള കമ്മിറ്റി പുന:സംഘടിപ്പിക്കുന്നതിന് നടപടി സ്വീകരിക്കുമോ;

ഇതര ആവശ്യങ്ങള്‍ക്ക് കാര്‍ പാര്‍ക്കിംഗ് ഉള്‍പ്പെടെയുള്ള സൗകര്യപ്രദമായ മറ്റ് സ്ഥലങ്ങള്‍ ലഭ്യമാണെന്നിരിക്കെ, സ്റ്റേഡിയം സ്പോര്‍ട്സിതര ആവശ്യങ്ങള്‍ക്ക് നൽകാതെ ഇവിടെ സ്പോര്‍ട്സ് പ്രവര്‍ത്തനങ്ങള്‍ പുനരാരംഭിക്കുന്നതിന് നടപടി സ്വീകരിക്കുമോ;

സ്റ്റേഡിയം ഇതര ആവശ്യങ്ങള്‍ക്ക് നല്‍കുന്നതു മൂലം കേടുപാടുകള്‍ സംഭവിക്കുന്നതിനാല്‍ സ്പോര്‍ട്സ് ആവശ്യങ്ങള്‍ക്ക് മാത്രം ഉപയോഗിക്കുന്നതിനായി നടപടി സ്വീകരിക്കുമോ?

വണ്ടൂര്‍ നിയോജക മണ്ഡലത്തിലെ വണ്ടൂരില്‍ ആധുനിക രീതിയിലുള്ള സ്റ്റേഡിയം നിര്‍മ്മാണവുമായി ബന്ധപ്പെട്ട് കായിക വകുപ്പ് ഉദ്യോഗസ്ഥതലത്തില്‍ നാളിതുവരെ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ;

സ്റ്റേഡിയത്തിന്റെ നിര്‍മ്മാണം എന്നത്തേയ്ക്ക് തുടങ്ങാന്‍ കഴിയുമെന്ന് അറിയിക്കുമോ; പ്രവൃത്തി സമയബന്ധിതമായി പൂര്‍ത്തിയാക്കാന്‍ എന്തൊക്കെ നടപടികള്‍ സ്വീകരിക്കുമെന്ന് അറിയിക്കാമോ?

പാറശാല മണ്ഡലത്തിലെ കുന്നത്തുകാല്‍, കള്ളിക്കാട്, കൊല്ലയില്‍ എന്നീ ഗ്രാമപഞ്ചായത്ത് സ്റ്റേഡിയങ്ങളുടെ അടിസ്ഥാന സൗകര്യ വികസനത്തിന് നടപടി സ്വീകരിക്കാമോ;

പ്രസ്തുത സ്റ്റേഡിയങ്ങളുടെ നവീകരണവുമായി ബന്ധപ്പെട്ട് സ്പോര്‍ട്സ് എഞ്ചിനീയറിങ് വിഭാഗം മാസ്റ്റര്‍പ്ലാന്‍ തയ്യാറാക്കിയിട്ടുണ്ടോ; ഇല്ലെങ്കില്‍ ഇതിനുള്ള നടപടി സ്വീകരിക്കാമോ;

ഒരു പഞ്ചായത്തില്‍ ഒരു സ്റ്റേഡിയം പദ്ധതിയില്‍ ഉള്‍പ്പെടുത്തി പ്രസ്തുത സ്റ്റേഡിയങ്ങളുടെ അടിസ്ഥാന സൗകര്യ വികസനത്തിനുള്ള നടപടി സ്വീകരിക്കാമോ; വിശദാംശം അറിയിക്കാമോ?

തൃക്കരിപ്പൂർ ചീമേനി ഗവ. ഹയര്‍ സെക്കന്ററി സ്കൂള്‍ ഗ്രൗണ്ടില്‍ ഒരു ഫുട്ബോള്‍ സ്റ്റേഡിയം അനുവദിക്കാന്‍ നടപടികള്‍ സ്വീകരിക്കുമോ;

ഇതിനാവശ്യമായ ഗ്രൗണ്ട് സൗകര്യം ഇവിടെ ലഭ്യമായിട്ടുളളതിനാല്‍ ഈ വര്‍ഷം തന്നെ സ്റ്റേഡിയം അനുവദിക്കുമോ?

നിലമ്പൂര്‍ സ്റ്റേഡിയം കോംപ്ലക്സ് പദ്ധതിയുടെ നിലവിലെ അവസ്ഥയും പദ്ധതി നിര്‍വ്വഹണം എത്ര ശതമാനം പൂര്‍ത്തീകരിച്ചുവെന്നും അറിയിക്കാമോ;

നാനൂറ് മീറ്റര്‍ സിന്തറ്റിക് ട്രാക്ക് നിര്‍മ്മാണം എന്നത്തേയ്ക്ക് പൂര്‍ത്തീകരിക്കാനാവും എന്ന് അറിയിക്കാമോ; സിന്തറ്റിക് ട്രാക്ക് നിര്‍മ്മാണ കരാര്‍ കാലാവധി എത്രയാണെന്നും വ്യക്തമാക്കാമോ;

പദ്ധതിയുടെ ഭാഗമായ മള്‍ട്ടി പര്‍പ്പസ് ഇന്‍ഡോര്‍ സ്റ്റേഡിയം, പരിശീലന നീന്തല്‍ക്കുളം എന്നിവയുടെ നിര്‍മ്മാണ പ്രവൃത്തികള്‍ ആരംഭിക്കാത്തതിന്റെ കാരണം വിശദമാക്കാമോ; ഇവയുടെ നിര്‍മ്മാണം ആരംഭിക്കുന്നതിന് എന്തെങ്കിലും തടസ്സങ്ങളുണ്ടോയെന്ന് അറിയിക്കാമോ;

സ്റ്റേഡിയത്തിന്റെ പാര്‍ശ്വസംരക്ഷണം ചില ഭാഗങ്ങളില്‍ മാത്രമേ ചെയ്തിട്ടുളളൂവെന്ന കാര്യം ശ്രദ്ധയില്‍പ്പെട്ടിട്ടുണ്ടോ; മഴക്കാലത്ത് പാര്‍ശ്വസംരക്ഷണ ഭിത്തി കെട്ടിയിട്ടില്ലാത്ത ഭാഗത്ത് മണ്ണിടിച്ചിലുണ്ടാകാനുളള സാധ്യത കണക്കിലെടുത്ത് ശേഷിക്കുന്ന ഭാഗത്ത് കൂടി സംരക്ഷണ ഭിത്തി കെട്ടുന്നതിന് കിഫ്ബിയില്‍ നിന്നും അധിക തുക വകയിരുത്താനാകുമോ എന്നറിയിക്കാമോ ?

ചങ്ങനാശ്ശേരി മുനിസിപ്പല്‍ സ്റ്റേഡിയം സിന്തറ്റിക് ട്രാക്കിലേയ്ക്ക് മാറ്റി പുനരുദ്ധരിക്കുന്നതിന് നടപടികള്‍ ആരംഭിച്ചിട്ടുണ്ടോ എന്ന് വ്യക്തമാക്കുമോ;

എങ്കില്‍ ഇതിനായി എത്ര തുക അനുവദിച്ചിട്ടുണ്ടെന്നും ആയതിന്റെ നിലവിലെ സ്ഥിതി എന്താണെന്നും വ്യക്തമാക്കുമോ; ബന്ധപ്പെട്ട ഉത്തരവുകളുടെ പകര്‍പ്പ് ലഭ്യമാക്കുമോ?

അമ്പലപ്പുഴ സര്‍ക്കാര്‍ കോളേജില്‍ കിഫ്ബി ഫണ്ട് ഉപയോഗപ്പെടുത്തി നിര്‍മ്മിക്കാന്‍ ഉദ്ദേശിച്ച സ്റ്റേഡിയത്തിന്റെ നിര്‍മ്മാണ ചുമതല ഏത് ഏജന്‍സിയെയാണ് ഏല്‍പ്പിച്ചിട്ടുള്ളത്; ഇത് സംബന്ധിച്ച സര്‍ക്കാര്‍ ഉത്തരവിന്റെ കോപ്പി ലഭ്യമാക്കാമോ;

പ്രസ്തുത പ്രോജക്ടിന് അ​ഗീകാരം ലഭ്യമായിട്ടുണ്ടോ; ഇല്ലെങ്കില്‍ എന്തുകൊണ്ട് എന്ന് വ്യക്തമാക്കാമോ;

വിശദമായ പ്രോജക്ട് റിപ്പോര്‍ട്ട് തയ്യാറാക്കാന്‍ താമസിക്കുന്നത് എന്തുകൊണ്ടെന്ന് വ്യക്തമാക്കാമോ;

ഇത് പരിഹരിച്ച് സ്റ്റേഡിയം നിര്‍മ്മാണം യാഥാര്‍ത്ഥ്യമാക്കാന്‍ എന്തൊക്കെ നടപടി സ്വീകരിക്കാനാണ് ഉദ്ദേശിക്കുന്നത് എന്ന് അറിയിക്കുമോ?

2020-21-ലെ ബഡ്ജറ്റില്‍ പ്രഖ്യാപിച്ച വെള്ളൂര്‍ ഇരുമ്പയം പെരുംതട്ട് സ്റ്റേഡിയം പദ്ധതി ഇപ്പോള്‍ നിര്‍വഹണത്തിന്റെ ഏത് ഘട്ടത്തിലാണെന്ന് വ്യക്തമാക്കുമോ; പ്രസ്തുത പദ്ധതിക്കുവേണ്ടി ബഡ്ജറ്റില്‍ അനുവദിച്ച തുകയുടെ വിശദാംശങ്ങള്‍ നൽകുമോ?

ചങ്ങനാശ്ശേരിയില്‍ പുതിയതായി സ്റ്റേഡിയം നിര്‍മ്മിക്കുന്നതിന് അനുമതി നല്‍കിയിട്ടുണ്ടോയെന്ന് വ്യക്തമാക്കുമോ;

എങ്കില്‍ പ്രസ്തുത പദ്ധതിയുടെ നിലവിലെ സ്ഥിതി വ്യക്തമാക്കുമോ; എത്ര തുകയുടെ ഭരണാനുമതിയാണ് നല്‍കിയിട്ടുള്ളതെന്ന് വ്യക്തമാക്കുമോ; ഉത്തരവിന്റെ പകര്‍പ്പ് ലഭ്യമാക്കുമോ?

സംസ്ഥാനത്തെ എല്ലാ പഞ്ചായത്തുകളിലും ഒരു കളിസ്ഥലം എന്നത് നടപ്പിലാക്കുന്നതിന് എന്തെല്ലാം നടപടികളാണ് സര്‍ക്കാര്‍ സ്വീകരിച്ചിട്ടുള്ളതെന്ന് വിശദമാക്കുമോ;

നെന്മാറ നിയോജകമണ്ഡലത്തില്‍ ഈ പദ്ധതിക്കായി എത്ര പഞ്ചായത്തുകളെയാണ് ഉള്‍പ്പെടുത്തിയിട്ടുള്ളത് ; ഉണ്ടെങ്കില്‍ വിശദാംശം നല്‍കുമോ?

സംസ്ഥാനത്തെ എല്ലാ പഞ്ചായത്തുകളിലും പൊതു കളിസ്ഥലം / സ്റ്റേഡിയം ആരംഭിക്കുന്ന കാര്യം വകുപ്പിന്റെ പരിണനയില്‍ ഉണ്ടോ; വിശദമാക്കുമോ?

വളരുന്ന തലമുറകളുടെ കായികശേഷി വര്‍ദ്ധിപ്പിക്കുന്നതിനും കായികമത്സരങ്ങള്‍ പരിപോഷിപ്പിക്കുന്നതിനും പഞ്ചായത്തുകളില്‍ കളിസ്ഥലങ്ങളും, മിനി സ്റ്റേഡിയങ്ങളും നിര്‍മ്മിക്കാന്‍ സര്‍ക്കാര്‍ നടപടി സ്വീകരിച്ചിട്ടുണ്ടോ;എങ്കില്‍ വിശദീകരിക്കാമോ;

കോങ്ങാട് മണ്ഡലത്തിലെ കാരാകുറുശ്ശി, തച്ചമ്പാറ, കാഞ്ഞിരപ്പുഴ എന്നീ പഞ്ചായത്തുകളിൽ ലഭ്യമായ സ്ഥലങ്ങളില്‍ മിനി സ്റ്റേഡിയങ്ങള്‍ നിര്‍മ്മിക്കാന്‍ നടപടി സ്വീകരിക്കുമോയെന്ന് അറിയിക്കാമോ?

ടോക്കിയോ ഒളിംപിക്സിൽ 4 x 400 മീറ്റർ മിക്സഡ് റിലേയിൽ ഇന്ത്യയെ പ്രതിനിധീകരിക്കുന്ന തിരുവനന്തപുരം പുല്ലുവിള സ്വദേശി അലക്സ് ആന്റണിക്ക് വീടും സ്ഥലവും അനുവദിക്കുന്നതിന് നടപടി സ്വീകരിക്കുമോ?

കോവിഡ് മഹാമാരിയെ തുടര്‍ന്ന് കായിക പരിശീലനം, കായിക പ്രകടനങ്ങള്‍, ചെറുതും വലുതുമായ ടൂര്‍ണമെന്റുകള്‍ എന്നിവ നിലച്ചിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഈ പ്രതിസന്ധി പരിഹരിക്കാന്‍ സ്വീകരിക്കുന്ന നടപടികളെ കുറിച്ച് വിശദമാക്കാമോ?

ഒളിമ്പിക് അസോസിയേഷന്‍ സംസ്ഥാനത്തെ കായിക മേഖലയ്ക്ക് നല്‍കുന്ന സംഭാവന എന്തെല്ലാമെന്ന് വിലയിരുത്തിയിട്ടുണ്ടോ;

അസോസിയേഷന്‍ വിഭാവനം ചെയ്യുന്ന ഒളിമ്പിക് വേവ് പദ്ധതിയുടെ വിശദാംശങ്ങള്‍ വ്യക്തമാക്കുമോ;

സംസ്ഥാന-ജില്ലാ ഒളിമ്പിക് അസോസിയേഷനുകളുടെ വരവ്-ചെലവുകള്‍ ഓഡിറ്റ് ചെയ്യുന്നത് ഏത് ഏജന്‍സിയാണെന്ന് അറിയിയ്ക്കാമോ;

അസോസിയേഷന്റെ പ്രവര്‍ത്തനങ്ങള്‍ക്കാവശ്യമായ ഫണ്ട് ഏതെല്ലാം സ്രോതസ്സുകളില്‍ നിന്നാണ് ലഭ്യമാകുന്നത്;

ഒളിമ്പിക്സ് പ്രചാരണത്തിന്റെ ഭാഗമായി കായിക മേഖലയില്‍ ആകര്‍ഷകമായ ഏതെങ്കിലും പദ്ധതിക്ക് രൂപം നല്‍കിയിട്ടുണ്ടോ എന്ന് വ്യക്തമാക്കാമോ?

കേരള വഖഫ് ബോര്‍ഡിന് 2016 മുതല്‍ ഒരോ വര്‍ഷവും സംസ്ഥാന സര്‍ക്കാര്‍ നല്‍കിയ ഗ്രാന്റുകള്‍ എത്രയാണെന്ന് വ്യക്തമാക്കുമോ;

പ്രസ്തുത കാലയളവില്‍ വഖഫ് ബോര്‍ഡിന്റെ സാമൂഹ്യ ക്ഷേമ പദ്ധതിയുടെ കീഴില്‍ ചികിത്സ, വിവാഹം എന്നിവയ്ക്ക് എത്ര തുക ധനസഹായം നല്‍കി എന്ന് വ്യക്തമാക്കുമോ;

ഈ കാലയളവിലെ ചികിത്സ, വിവാഹ സഹായങ്ങൾക്കുള്ള എത്ര അപേക്ഷകള്‍ തീർപ്പാക്കാനുണ്ടെന്ന് വ്യക്തമാക്കുമോ;

പ്രസ്തുത അപേക്ഷകള്‍ പരിശോധിച്ച് സഹായം അനുവദിക്കുന്നതിനുള്ള തടസ്സം എന്തെന്ന് വ്യക്തമാക്കുമോ;

വഖഫ് ബോര്‍ഡിന്റെ ഗ്രാന്റോ തനത് ഫണ്ടോ ഉപയോഗിച്ച് സാമൂഹ്യ സുരക്ഷ പദ്ധതികള്‍ക്കോ വഖഫ് ബോര്‍ഡില്‍ ലഭിച്ച അപേക്ഷകള്‍ക്കോ അല്ലാതെ മറ്റേതെങ്കിലും കാര്യത്തിനോ മുഖ്യമന്ത്രിയുടെ ദുരിതാശ്വാസ നിധിയിലേക്കോ ധനസഹായം അനുവദിച്ചിട്ടുണ്ടോ; എങ്കില്‍ വിശദാംശങ്ങള്‍ ലഭ്യമാക്കുമോ?

പയ്യന്നൂര്‍ മണ്ഡലത്തിലെ വെള്ളൂര്‍ ഗവണ്‍മെന്റ് മാപ്പിള എൽ.പി. സ്കൂള്‍ വഖഫ് ഉടമസ്ഥതയിലുള്ള ഭൂമിയിലാണോ പ്രവര്‍ത്തിക്കുന്നത്;

എങ്കില്‍ പുതിയ കെട്ടിടം നിര്‍മ്മിക്കാന്‍ ആവശ്യമായ ഭൂമി സ്കൂളിന് വിട്ടുകൊടുക്കാന്‍ നടപടികള്‍ സ്വീകരിക്കുമോ?

നിർദ്ദിഷ്ട ശബരി റെയിൽപാത പദ്ധതി നടപ്പിലാക്കുന്നത് സജീവ പരിഗണനയിലുണ്ടോ; വിശദാംശങ്ങൾ നൽകാമോ;

ഈ പദ്ധതിയ്ക്കായി സ്ഥലമേറ്റെടുപ്പ് നടപടികൾ ആരംഭിച്ചിട്ടുണ്ടോ; എങ്കില്‍ ആയതിന്റെ നിജസ്ഥിതി വ്യക്‌തമാക്കാമോ;

സർക്കാർ ഈ പദ്ധതിക്കായി സ്ഥലമേറ്റെടുക്കുന്നു എന്ന കാരണത്താൽ പദ്ധതി നടത്തിപ്പിനായി 1996-97 കാലത്ത് കണ്ടെത്തിയിട്ടുള്ള/അളന്ന് തിരിച്ചിട്ടുള്ള സ്വകാര്യ ഭൂമി വിൽക്കുന്നതിന് പ്രയാസങ്ങൾ നേരിടുന്നത് ശ്രദ്ധയിൽപെട്ടിട്ടുണ്ടോ; വിശദാംശങ്ങൾ നൽകാമോ;

പ്രസ്തുത സ്വകാര്യ ഭൂമി വിൽക്കുന്നതിനോ കൈമാറ്റം ചെയ്യുന്നതിനോ എന്തെങ്കിലും തടസമുണ്ടെങ്കിൽ ആയത് നീക്കം ചെയ്യുന്നതിന് നടപടികൾ സ്വീകരിക്കാമോ?

തിരുവനന്തപുരം കാസര്‍ഗോഡ് സെമി ഹൈസ്പീഡ് റെയില്‍ പദ്ധതിയ്ക്ക് കേന്ദ്ര റെയില്‍വെ മന്ത്രാലയത്തിന്റെ അനുമതി ലഭ്യമായിട്ടുണ്ടോ; വിശദാംശങ്ങള്‍ വ്യക്തമാക്കാമോ;

പ്രസ്തുത പദ്ധതി പ്രാവര്‍ത്തികമാകുന്നതോടെ എന്തെല്ലാം മാറ്റങ്ങളാണ് ലക്ഷ്യമിടുന്നത്; ഈ പദ്ധതിയുടെ പ്രതീക്ഷിത ചെലവ് എത്രയാണെന്ന് ഇനം തിരിച്ച് വ്യക്തമാക്കാമോ ; ഇതില്‍ സംസ്ഥാന വിഹിതം എത്രയെന്നും ഭരണാനുമതി നല്‍കിയത് ഏതൊക്കെ പ്രവൃത്തികള്‍ക്കാണെന്നും വിശദമാക്കാമോ;

പ്രസ്തുത പദ്ധതിയ്ക്കായി എത്ര ഏക്കര്‍ ഭൂമി ഏറ്റെടുക്കേണ്ടി വരും; വിശദാംശങ്ങള്‍ വ്യക്തമാക്കാമോ?

സംസ്ഥാനത്ത് കഴിഞ്ഞ അഞ്ച് വര്‍ഷം അനുവദിച്ച റെയില്‍ മേല്പാലങ്ങള്‍ എത്രയെന്നും ഇവയില്‍ എത്രയെണ്ണത്തിന്റെ പ്രവൃത്തി ആരംഭിച്ചിട്ടുണ്ടെന്നും വ്യക്തമാക്കാമോ;

കേരള റെയില്‍ ഡവലപ്മെന്റ് കോര്‍പ്പറേഷന്റെ സെമി ഹൈസ്പീഡ് ട്രെയിന്‍ പദ്ധതി പ്രകാരം കാസര്‍ഗോഡ് ജില്ലയില്‍ അനുവദിച്ച എത്ര പാലങ്ങളാണ് അലൈന്‍മെന്റ് പൂര്‍ത്തീകരിക്കാത്തതിനാല്‍ ടെണ്ടര്‍ നടപടി ഉള്‍പ്പെടെ ആരംഭി‌ക്കാന്‍ കഴിയാതെ വന്നതെന്ന് വ്യക്തമാക്കാമോ;

ഇവയുടെ അലൈന്‍മെന്റ് എപ്പോള്‍ പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ?