റോഡപകടങ്ങള്‍ വര്‍ദ്ധിക്കുന്നതിനനുസരിച്ച് ഡ്രെെവിംഗ് ലെെസന്‍സ് ടെസ്റ്റുകളുടെ നിലവാരം കൂടുതല്‍ ഉറപ്പുവരുത്തുന്നതിനുപകരം ടെസ്റ്റു തന്നെ ഇല്ലാതാക്കുന്ന തരത്തില്‍ ലെെസന്‍സ് നല്‍കാനുളള കേന്ദ്ര നിയമം വന്‍കിട അക്രെഡിറ്റഡ് ഏജന്‍സികളെ സഹായിക്കുന്നതിന് വേണ്ടിയാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

സര്‍ക്കാര്‍ മേഖലയിലെ റെഗുലേറ്ററി ഫംഗ്ഷന്‍ സര്‍വ്വീസായ ഡ്രെെവിംഗ് ടെസ്റ്റും വാഹന ടെസ്റ്റും സ്വകാര്യ മേഖലയിലേയ്ക്ക് മാറ്റുന്നതുവഴി നോണ്‍ റെഗുലേറ്ററി ഫംഗ്ഷന്‍ സര്‍വ്വീസായി മാറുമോയെന്ന് വെളിപ്പെടുത്താമോ;

പൊതുജന സുരക്ഷയ്ക്ക് പ്രാധാന്യം നല്‍കിയിരുന്ന സര്‍ക്കാര്‍ സംവിധാനത്തിന്റെ സ്ഥാനത്ത് സ്വകാര്യമേഖല കടന്നുവരുമ്പോള്‍ സേവനം പണസമ്പാദനത്തിനുളള മാര്‍ഗ്ഗമായി മാറുമെന്നതും ഉപഭോക്താക്കളില്‍ സാമ്പത്തികബാധ്യത അടിച്ചേല്‍പ്പിക്കുന്ന സാഹചര്യം ഉണ്ടാകാനിടവരുമെന്ന ജനങ്ങളുടെ ആശങ്കയും കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തുവാന്‍ നടപടി സ്വീകരിക്കുമോയെന്ന് വ്യക്തമാക്കാമോ?

കോവിഡ് വ്യാപനം മൂലം പ്രതിസന്ധിയിലായ ടൂറിസ്റ്റ് വാഹന മേഖലയെ സംരക്ഷിക്കുന്നതിന് എന്തു നടപടികളാണ് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്നത്; വ്യക്തമാക്കാമോ;

ടൂറിസ്റ്റ് വാഹനങ്ങള്‍ക്ക് നികുതി ഇളവ് നല്‍കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

ഇല്ലെങ്കില്‍ ഉടന്‍ നടപടി സ്വീകരിക്കുമോ?

കോവിസ് പ്രതിസന്ധിയിൽ ഓടാന്‍ കഴിയാത്ത ടുറിസ്റ്റ് വാഹനങ്ങളുടെ നികുതി ഒഴിവാക്കുന്ന കാര്യം പരിഗണിക്കുമോ;

കോവിഡ് പ്രതിസന്ധിയിൽ സർവ്വീസ് നിർത്തിവച്ച ടൂറിസ്റ്റ് വാഹനങ്ങളുടെ പെർമിറ്റ് പുതുക്കുന്നതിനും, ഇൻഷ്വറൻസ്, വാഹനനികുതി എന്നിവ അടയ്ക്കുന്നതിനും സാവകാശം അനുവദിക്കുമോ;

വാഹന ഉടമകളുടെ ബാങ്ക് വായ്പയുടെ തിരിച്ചടവിന് സാവകാശം അനുവദിക്കുന്നതിന്, സംസ്ഥാന ബാങ്കേഴ്സ് സമിതിയുടെ യോഗം വിളിച്ചു ചേർത്ത് അടിയന്തര പരിഹാരം ഉണ്ടാക്കുവാൻ സർക്കാർ തയ്യാറാകുമോ; വിശദമാക്കാമോ?

സംസ്ഥാനത്തെ പൊതുഗതാഗത മേഖലയില്‍ വിപ്ലവകരമായ മാറ്റം സൃഷ്ടിക്കാന്‍ കഴിയുന്ന കൊച്ചി മെട്രോപോളിറ്റന്‍ ട്രാന്‍സ്പോര്‍ട്ട് അതോറിറ്റിയുടെ പ്രാരംഭ പ്രവര്‍ത്തനങ്ങളുടെ പുരോഗതി വിവരിക്കാമോ;

പൊതുഗതാഗതം, ഏകോപനം, നടത്തിപ്പ്, നിയന്ത്രണം, ആസൂത്രണം എന്നീ കാര്യങ്ങളില്‍ പ്രസ്തുത അതോറിറ്റിക്ക് എന്തെല്ലാം അധികാരങ്ങളും ചുമതലകളുമാണ് ഉളളതെന്ന് വ്യക്തമാക്കുമോ;

സംസ്ഥാനത്തെ വലിയ നഗരങ്ങളില്‍ ഇത്തരം അതോറിറ്റികള്‍ രൂപീകരിക്കുന്ന കാര്യം പരിഗണിക്കുമോയെന്ന് അറിയിക്കാമോ?

കോവിഡ് 19 നിയന്ത്രണങ്ങള്‍ കാരണം, യാത്രക്കാര്‍ കുറയുകയും ലാഭകരമല്ലാതാവുകയും ചെയ്ത റൂട്ടുകളില്‍ കെ.എസ്.ആര്‍.ടി.സി. സര്‍വ്വീസുകള്‍ വെട്ടിക്കുറച്ചിട്ടുണ്ടോ;

എങ്കില്‍ ഇത് പുന:സ്ഥാപിക്കുന്നതിനുള്ള നടപടി സ്വീകരിക്കാമോ;

കോഴിക്കോട് ജില്ലയിലെ കക്കയം- കൂരാച്ചുണ്ട് ഭാഗങ്ങളിലേക്ക് പോകേണ്ട യാത്രാക്കാര്‍ക്ക് ഏക ആശ്രയമായിരുന്ന കെ.എസ്.ആര്‍.ടി.സി. സര്‍വ്വീസ് പുനരാരംഭിക്കാന്‍ തയ്യാറാകുമോ?

ഇന്ധനവില അനിയന്ത്രിതമായി വര്‍ദ്ധിക്കുന്ന സാഹചര്യത്തില്‍ പൊതുഗതാഗതരംഗത്ത് ഇലക്ട്രിക് വാഹനങ്ങളുടെ ഉപയോഗം വർദ്ധിപ്പിക്കുന്നതിനായി എന്തെങ്കിലും പദ്ധതി നടപ്പാക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ;

സംസ്ഥാനത്ത് പൊതുഗതാഗതരംഗത്ത് ഇലക്ട്രിക് വാഹനങ്ങള്‍ ഉപയോഗിക്കുന്നതിന് സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ?

മുന്‍സര്‍ക്കാരിന്റെ കാലഘട്ടത്തിൽ കെ.എസ്.ആര്‍.ടി.സി. ബസ് ഉൾപ്പെട്ട അപകടങ്ങളില്‍ മരണപ്പെട്ടവരുടെ എണ്ണം എത്രയെന്നാണ് ഗതാഗതവകുപ്പ് കണക്കാക്കിയിട്ടുള്ളത്; വെളിപ്പെടുത്തുമോ?

വൈക്കം കെ.എസ്.ആര്‍.ടി.സി. ഡിപ്പോയില്‍ നിലവിലുള്ള സുപ്പര്‍ഫാസ്റ്റ്, ഫാസ്റ്റ്, ഓര്‍ഡിനറി ബസ്സ് സര്‍വീസുകളുടെ വിശദ വിവരങ്ങള്‍ ലഭ്യമാക്കുമോ;

രണ്ട് ക്ഷേത്ര നഗരങ്ങളെ തമ്മില്‍ ബന്ധിപ്പിക്കുന്ന വൈക്കം - ഗുരുവായൂര്‍ ബസ്സ് സര്‍വീസ് നിര്‍ത്തലാക്കാന്‍ ഉദ്ദേശിക്കുന്നുണ്ടോ; വ്യക്തമാക്കുമോ;

കോട്ടയം, എറണാകുളം ഡിപ്പോകള്‍ക്കിടയിലുള്ള പ്രധാന സബ്ഡിപ്പോയായ വൈക്കത്ത് പ്രവേശിക്കാതെ കാഞ്ഞിരമറ്റം വഴി ബസുകള്‍ സര്‍വീസ് നടത്തുന്നത് ശ്രദ്ധയില്‍പ്പെട്ടിട്ടുണ്ടോ;

ഇതുമൂലം യാത്രക്കാര്‍ക്കുണ്ടാകുന്ന ബുദ്ധിമുട്ടുകള്‍ പരിഹരിക്കാന്‍ നടപടി സ്വീകരിക്കുമോ?

വാഹന എന്‍ജിനുകള്‍ സി.എന്‍.ജി. യിലേക്ക് മാറ്റുന്നതിന് സാമ്പത്തിക സഹായം നല്‍കുന്ന കാര്യം പരിഗണനയിലുണ്ടാേ; വിശദാംശം നല്‍കാമാേ?

കോവിഡ് -19 ന്റെ സാഹചര്യത്തില്‍ കെ.എസ്.ആര്‍.ടി.സി. ബസ്സുകളും സ്വകാര്യ ബസ്സുകളും കുറവായതിനാല്‍ സ്കൂള്‍ വിദ്യാര്‍ത്ഥികളുടെ യാത്രാ പ്രശ്നം പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ?

സംസ്ഥാനത്ത് പൊതുഗതാഗതം ശക്തിപ്പെടുത്താന്‍ സ്വീകരിച്ചുവരുന്ന നടപടികള്‍ വ്യക്തമാക്കുമോ;

പൊതുഗതാഗതം ശക്തിപ്പെടുത്താന്‍ ആവശ്യമായ സഹായങ്ങള്‍ അഭ്യര്‍ത്ഥിച്ചുകൊണ്ട് കേന്ദ്ര സര്‍ക്കാരിന് നിവേദനം നല്‍കുന്ന കാര്യം പരിഗണിക്കുമോ; എങ്കില്‍ വിശദാംശം ലഭ്യമാക്കുമോ?

സംസ്ഥാനത്ത് യുവാക്കള്‍ അത്യാധുനിക ബെെക്കുകള്‍ ഉപയോഗിച്ച് മത്സരയോട്ടം നടത്തുന്നതുകാരണം അപകടമരണം സംഭവിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് തടയുന്നതിനായി എന്തൊക്കെ നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കാമോ?

മുന്‍സര്‍ക്കാരിന്റെ കാലത്ത് വാഹനങ്ങളുടെ അമിതവേഗം ഉള്‍പ്പെടെയുള്ള വിവിധ കാരണങ്ങളാല്‍ പിടിക്കപ്പെട്ട എത്ര പേരുടെ ഡ്രൈവിംഗ് ലൈസന്‍സ് റദ്ദാക്കി; ഇവരില്‍ കെ.എസ്.ആര്‍.ടി.സി. ഡ്രൈവര്‍മാര്‍ എത്ര പേരുണ്ടെന്ന് അറിയിക്കുമോ; വിശദാംശങ്ങൾ വർഷം തിരിച്ച് ലഭ്യമാക്കാമോ?

മുന്‍സര്‍ക്കാരിന്റെ കാലത്ത് (2016 - 21) റോഡ് സുരക്ഷാഫണ്ട് ഉപയോഗിച്ച് പാലക്കാട് ജില്ലയില്‍ എത്ര പ്രവൃത്തികള്‍ നടത്തിയിട്ടുണ്ട്; അവ ഏതെല്ലാമെന്നും എത്ര തുക വിനിയോഗിച്ചു എന്നും വ്യക്തമാക്കാമോ;

പ്രസ്തുത കാലയളവില്‍ ഒറ്റപ്പാലം നിയോജകമണ്ഡലത്തില്‍ നടത്തിയ പ്രവ‍ര്‍ത്തനങ്ങളുടെ വിശദാംശങ്ങള്‍ വെളിപ്പെടുത്താമോ;

മണ്ഡലത്തില്‍ പുതുതായി പരിഗണനയിലുള്ള പദ്ധതികളുടെ വിശദാംശങ്ങള്‍ അറിയിക്കാമോ?

ദേശീയ-സംസ്ഥാന പാതകളില്‍ കൂടുതല്‍ അപകടങ്ങള്‍ ഉണ്ടാകുന്ന സ്ഥലങ്ങളില്‍ ഗതാഗത നിയമ ലംഘനം കണ്ടുപിടിക്കുന്നതിന് എന്തൊക്കെ സംവിധാനം ഏര്‍പ്പെടുത്തിയിട്ടുണ്ട്; വിശദാംശം നല്‍കുമോ?

കല്ലമ്പലം ജംഗ്ഷനില്‍ ട്രാഫിക്ക് സിഗ്നല്‍ ലെെറ്റ് സ്ഥാപിക്കുന്നതിന് പോലീസ് വകുപ്പ് മുഖേന ലഭിച്ച 1,38,450 രൂപയുടെ ശിപാര്‍ശക്ക് 08.11.2017-ല്‍ ചേര്‍ന്ന മുപ്പത്തിമൂന്നാമത് കേരള റോഡ് സുരക്ഷാ അതോറിറ്റി യോഗം അംഗീകാരം നല്കിയിട്ടുണ്ടോ; എങ്കില്‍ പദ്ധതി നടപ്പിലാക്കുന്നതിന് എന്താണ് നിലവിലെ തടസ്സമെന്ന് വ്യക്തമാക്കാമോ?

മുന്‍സർക്കാരിന്റെ കാലഘട്ടത്തിൽ, ഇരുചക്ര വാഹനമോടിക്കുന്ന വ്യക്തി ഹെൽമെറ്റ് ധരിക്കാത്തതിന് പിഴ ഈടാക്കിയ ഇനത്തിൽ എത്ര രൂപ ലഭ്യമായിട്ടുണ്ട്; വര്‍ഷം തിരിച്ചുള്ള കണക്കുകൾ ലഭ്യമാക്കാമോ?

കേന്ദ്ര മോട്ടോർ വെഹിക്കിൾ ആക്ട് 2019 സെക്ഷന്‍ 129 പ്രകാരം ടൂവീലര്‍ യാത്രികരില്‍ പിന്‍സീറ്റിലിരിക്കുന്നയാൾ ഹെല്‍മറ്റ് ധരിക്കുന്നത് നിര്‍ബന്ധമാക്കിയിട്ടുണ്ടോ;

മുന്‍ യു.ഡി.എഫ്. സർക്കാർ യാത്രികരുടെ പ്രായോഗിക ബുദ്ധിമുട്ട് കണക്കിലെടുത്ത് ഇതിന് ഇളവ് അനുവദിച്ചിരുന്നോ;

നിയമലംഘകരില്‍ നിന്ന് പിഴ പിരിച്ച് റവന്യൂ വരുമാനം വര്‍ദ്ധിപ്പിക്കുന്നതിനായി, കേരള ഹൈക്കോടതിയുടെ നിര്‍ദ്ദേശം ധൃതിപിടിച്ച് സര്‍വ്വ മാര്‍ഗ്ഗങ്ങളും അവലംബിച്ച് നടപ്പിലാക്കുവാൻ തീരുമാനമെടുത്തിട്ടുണ്ടോ;

നിയമം ലംഘിക്കുന്ന വൃദ്ധരുടെയും കുട്ടികളുടെയും ശാരീരിക ബുദ്ധിമുട്ട് കണക്കിലെടുത്ത്, അവർക്ക് പിഴ ചുമത്തുന്നതില്‍ മൃദു സമീപനം ഉണ്ടാകുമോ ; വ്യക്തമാക്കാമോ?

ഈ സര്‍ക്കാര്‍ അധികാരമേറ്റതിനുശേഷം അമിതവേഗം ഉള്‍പ്പെടെ വിവിധ കാരണങ്ങള്‍ക്ക് പിടിക്കപ്പെട്ട എത്ര പേരുടെ ലൈസന്‍സ് റദ്ദാക്കി; ഇവരില്‍ കെ.എസ്.ആര്‍.ടി.സി. ഡ്രൈവര്‍മാര്‍ എത്ര പേരുണ്ടെന്ന് അറിയിക്കുമോ; വിശദാംശം ലഭ്യമാക്കുമോ?

ലോക്ഡൗണിന് ശേഷം ബാംഗ്ലൂരില്‍ നിന്നും കേരളത്തിലേക്ക് സര്‍വ്വീസ് പുനരാരംഭിച്ച ദീര്‍ഘദൂര സ്വകാര്യ ബസ്സുകളെ തമിഴ്‍നാടിന്റെ റോഡ് ടാക്സിന്റെ പേരില്‍ അതിര്‍ത്തിയില്‍ തടഞ്ഞുവയ്ക്കുന്നത് ശ്രദ്ധയില്‍പ്പെട്ടിട്ടുണ്ടോ;

ആള്‍ ഇന്‍ഡ്യാ പെര്‍മിറ്റ് എടുത്ത വാഹനങ്ങള്‍ക്ക് ഇന്‍ഡ്യയില്‍ ഏതു സംസ്ഥാനത്തും ഓടാമെന്നിരിക്കെ തമിഴ്‍നാട്ടില്‍ ബസ്സുകള്‍ തടയുന്നതിന്റെ കാരണം എന്തെന്ന് വിശദമാക്കുമോ; ഇത് സംബന്ധിച്ച് തമിഴ്‍നാട് സര്‍ക്കാരുമായി ബന്ധപ്പെട്ടിട്ടുണ്ടോ; വിശദാംശം ലഭ്യമാക്കുമോ?

സ്വകാര്യ ബസ് തൊഴിലാളികൾക്ക് ക്ഷേമനിധി ഏർപ്പെടുത്തിയിട്ടുണ്ടോ;

എങ്കിൽ എപ്പോഴാണ് ഏർപ്പെടുത്തിയതെന്നും ഈ ക്ഷേമനിധിയിൽ അംഗങ്ങളായിട്ടുള്ളവർ ഇപ്പോൾ എത്രയാണെന്നും വ്യക്തമാക്കാമോ;

പ്രസ്തുത ക്ഷേമനിധിയിൽ ഇപ്പോൾ എത്ര രൂപ നിക്ഷേപമായിട്ടുണ്ടെന്നും നാളിതുവരെ തൊഴിലാളികൾക്ക് എത്ര തുക നൽകിയിട്ടുണ്ടെന്നും വ്യക്തമാക്കാമോ;

ലോക്‌ഡൗൺ കാലത്ത് ക്ഷേമനിധിയിൽ നിന്ന് തൊഴിലാളികൾക്ക് നൽകിയ ആനുകൂല്യങ്ങൾ എന്തൊക്കെയാണെന്ന് വ്യക്തമാക്കാമോ?

കഴിഞ്ഞ സർക്കാർ പുനരുദ്ധാരണ പാക്കേജായി കെ.എസ്.ആര്‍.ടി.സി. ക്ക് ഓരോ വര്‍ഷവും എത്ര തുകവീതമാണ് നല്‍കിയിട്ടുള്ളതെന്ന് വ്യക്തമാക്കുമോ?

കഴിഞ്ഞ സർക്കാരിന്റെ കാലഘട്ടത്തിൽ കെ.എസ്.ആര്‍.ടി.സി. യുടെ ലാഭം/നഷ്ടം ഓരോ വര്‍ഷവും എത്രയായിരുന്നു എന്ന് വ്യക്തമാക്കുമോ; വർഷം തിരിച്ച് കണക്കുകൾ ലഭ്യമാക്കാമോ?

2013-14 സാമ്പത്തിക വർഷം മുതൽ നാളിതുവരെ കെ.എസ്.ആർ.ടി.സി. ബസ്സുകളിൽ പരസ്യം ചെയ്യുന്നതിന് കരാർ എടുത്ത കമ്പനികള്‍, കരാർ തിയതി, കരാർ തുക എന്നിവയുടെ വിശദവിവരം പട്ടികയായി നൽകാമോ;

പ്രസ്തുത കമ്പനികള്‍ കരാർ പ്രകാരമുള്ള തുക നൽകാതെ കുടിശ്ശികയാക്കിയിട്ടുണ്ടോ; എങ്കിൽ കുടിശ്ശിക എത്രയാണെന്നും കുടിശ്ശിക ലഭ്യമാക്കുവാൻ എന്ത് നടപടിയാണ് സ്വീകരിച്ചതെന്നും വെളിപ്പെടുത്താമോ;

കുടിശ്ശികയുള്ള കമ്പനികൾക്ക് പുതിയ പരസ്യ കരാർ നൽകിയിട്ടുണ്ടോ; ഉണ്ടെങ്കിൽ പ്രസ്തുത കമ്പനികള്‍ ബാങ്ക് ഗ്യാരണ്ടിയായി എത്ര തുക നൽകണമെന്നാണ് ബോർഡ് നിർദ്ദേശിച്ചതെന്നും ലഭിച്ച തുകയെത്രയാണെന്നും വിശദമാക്കാമോ;

പിഴവുകൾ പരിഹരിച്ച് പുതിയ പരസ്യ കരാർ നൽകി കെ.എസ്.ആർ.ടി.സി. യുടെ വരുമാനം വർദ്ധിപ്പിക്കുവാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം കെ.എസ്.ആര്‍.ടി.സി.യുടെ വരുമാനം വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

കെ.എസ്.ആര്‍.ടി.സി. യുടെ കീഴിൽ സബ്സിഡിയറി കോർപ്പറേഷൻ രൂപീകരിക്കാന്‍ നിയമം അനുവദിക്കുന്നുണ്ടോ; ഇപ്രകാരം ഏതെങ്കിലും കോർപ്പറേഷൻ രൂപീകരിച്ചിട്ടുണ്ടോ;

പ്രസ്തുത കോർപ്പറേഷനിലെ ആസ്തി-ബാധ്യതകൾ കൈകാര്യം ചെയ്യാനുള്ള സംവിധാനം എന്താണെന്ന് വ്യക്തമാക്കുമോ;

മോട്ടോര്‍ വെഹിക്കിള്‍ ആഗ്രഗേറ്റര്‍ ഗൈഡ് ലൈന്‍സ് 2020 പ്രകാരം രൂപീകരിച്ച കെ-സിഫ്റ്റ് കമ്പനിയുടെ ആസ്തി-ബാധ്യതകൾ സംബന്ധിച്ച വ്യവസ്ഥകൾ എന്താണെന്ന് വ്യക്തമാക്കുമോ;

പ്രസ്തുത കമ്പനിയെ സംബന്ധിച്ച എല്ലാ തീരുമാനങ്ങളും ഡയറക്ടർ ബോർഡിൽ നിക്ഷിപ്തമാണോ എന്നും കമ്പനിയുടെ ലാഭം കെ.എസ്.ആര്‍.ടി.സി. ക്ക് കൈമാറുന്നതിന് സാധ്യമാണോ എന്നും വ്യക്തമാക്കാമോ;

പൊതു ഗതാഗത സംവിധാനമായ കെ.എസ്.ആര്‍.ടി.സി. യെ ഇല്ലാതാക്കുന്ന രീതിയിൽ സ്വകാര്യ മേഖലയിൽ കമ്പനി രൂപീകരിക്കുന്നതിന്റെ കാരണങ്ങൾ വ്യക്തമാക്കുമോ?

കെ.എസ്.ആര്‍.ടി. സി.യുടെ കീഴിൽ കെ-സ്വിഫ്റ്റ് എന്ന സമാന്തര കമ്പനി രൂപീകരിച്ചത് ഏത് നിയമം, മാർഗ്ഗനിർദ്ദേശ പ്രകാരമാണ് എന്ന് അറിയിക്കുമോ; വിശദാംശങ്ങൾ നൽകുമോ;

ഇന്ത്യയിൽ മറ്റേതെങ്കിലും സംസ്ഥാനത്ത് ഇപ്രകാരം കമ്പനി രൂപീകരിച്ചിട്ടുണ്ടോ;

കിഫ്ബിയിൽ നിന്നും ലോണെടുത്ത് കെ.എസ്.ആര്‍.ടി.സി. ബസ്സുകൾ വാങ്ങി പ്രസ്തുത കമ്പനിക്ക് വാടകയ്ക്ക് നൽകാൻ പദ്ധതിയുണ്ടോ; വിശദാംശം നൽകുമോ;

കെ.എസ്.ആര്‍.ടി.സി. യുടെ റൂട്ടുകളും വർക്ക് ഷോപ്പുകളും ഈ കമ്പനിക്ക് യഥേഷ്ടം ഉപയോഗിക്കാൻ വിട്ട് നൽകുന്നതിന് തീരുമാനിച്ചിട്ടുണ്ടോ; വ്യക്തമാക്കുമോ?

കെ.എസ്.ആര്‍.ടി.സി. നാളിതുവരെ എത്ര എല്‍.എന്‍.ജി. ബസ്സുകള്‍ വാങ്ങി എന്ന് വ്യക്തമാക്കാമോ; പ്രസ്തുത ബസ്സുകള്‍ വാങ്ങിയതിന് പെട്രാേനെറ്റ് എല്‍.എന്‍.ജി. സാമ്പത്തിക സഹായം ലഭ്യമാക്കിയിട്ടുണ്ടോ; വിശദമാക്കുമാേ?

കെ.എസ്.ആര്‍.ടി.സി. യുടെ ദീർഘദൂര സർവ്വീസുകൾ കെ-സ്വിഫ്റ്റ് കമ്പനിയിലേക്ക് മാറ്റുമ്പോൾ പ്രധാന വരുമാന സ്രോതസ്സ് ഇല്ലാതാകുമെന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ എന്ത് പരിഹാര നടപടിയാണ് സ്വീകരിച്ചിട്ടുള്ളതെന്ന് അറിയിക്കുമോ;

പ്രസ്തുത കമ്പനിയിലേക്ക് നിയമനങ്ങൾ നടത്തുന്നതിന്റെ മാനദണ്ഡം എന്താണെന്ന് വ്യക്തമാക്കുമോ;

ഈ കമ്പനിയിൽ കെ.എസ്.ആര്‍.ടി.സി. യിലെ സ്ഥിരം ജീവനക്കാരുടെ സേവനം പ്രയോജനപ്പെടുത്താൻ ഉദ്ദേശിക്കുന്നുണ്ടോ; വ്യക്തമാക്കുമോ;

കെ-സ്വിഫ്റ്റ് കമ്പനിയുടെ രൂപീകരണവുമായി ബന്ധപ്പെട്ട് വരുമാന സ്രോതസ്സ് നഷ്ടപ്പെടും എന്നത് കെ.എസ്.ആര്‍.ടി.സി. യെ കൂടുതൽ പ്രതിസന്ധിയിലാക്കുമോ എന്ന് വ്യക്തമാക്കുമോ?

അന്തരീക്ഷ മലിനീകരണവും ഇന്ധനച്ചെലവും കുറയ്ക്കുന്നതിനായി കെ.എസ്.ആര്‍.ടി.സി. വാഹനങ്ങളില്‍ ഉപയോഗിക്കുന്നതിനായി സംസ്ഥാനത്ത് സി.എന്‍.ജി., എല്‍.എന്‍.ജി. വിതരണ കേന്ദ്രങ്ങള്‍ ആരംഭിച്ചിട്ടുണ്ടോ; വിശദാംശങ്ങൾ നൽകാമോ?

കെ.എസ്.ആര്‍.ടി.സി. ബസ് സര്‍വ്വീസ് ലാഭത്തിലാക്കുന്നതിനും ഗ്രാമീണ മേഖലകളിലടക്കം ബസുകള്‍ ഓടിക്കുന്നതിനും പുതിയ പദ്ധതികള്‍ ആവിഷ്ക്കരിച്ചിട്ടുണ്ടോ; വിശദാംശം ലഭ്യമാക്കാമോ?

കഴിഞ്ഞ സർക്കാരിന്റെ കാലത്ത് കെ.എസ്.ആര്‍.ടി.സി. യെ ലാഭത്തിലാക്കിയിരുന്നുവെന്നത് വസ്തുതയാണോ; എങ്കില്‍ വിശദാംശം നല്‍കുമോ;

പ്രസ്തുത കാലയളവില്‍ ജീവനക്കാരുടെ ശമ്പളവും ആനുകൂല്യങ്ങളും കൃത്യമായി നല്‍കിയിരുന്നോ; ഇല്ലെങ്കില്‍ ഈ തുകയും ലാഭക്കണക്കില്‍ ഉള്‍പ്പെട്ടിരുന്നോ; വിശദാംശം നല്‍കുമോ?

അത്യാധുനിക സൗകര്യങ്ങളുള്ള എത്ര എ.സി. ലോ ഫ്ലോര്‍ ബസ്സുകളാണ് കെ.യു.ആര്‍.ടി.സി. യുടെ കീഴിലുള്ളതെന്ന് വിശദമാക്കാമോ;

കോവിഡ് നിയന്ത്രണങ്ങള്‍ക്ക് മുമ്പ് കോഴിക്കോട്, മലപ്പുറം, വയനാട് ജില്ലകള്‍ ഉള്‍പ്പെടുന്ന ക്ലസ്റ്റര്‍ I-ല്‍ എത്ര ലോ ഫ്ലോര്‍ ബസ്സുകള്‍ സര്‍വ്വീസ് നടത്തിയിരുന്നെന്നും ഏതെല്ലാം ഡിപ്പോകള്‍ കേന്ദ്രീകരിച്ചായിരുന്നു സര്‍വീസുകളെന്നും അറിയിക്കാമോ;

ഐ.ആര്‍.സി.ടി.സി. മാതൃകയില്‍ സംസ്ഥാനത്തെ ടൂറിസ്റ്റ് കേന്ദ്രങ്ങളിലേക്ക് കെ.യു.ആര്‍.ടി.സി. ലോ ഫ്ലോര്‍ ബസ്സുകളില്‍ പ്രീ ബുക്കിംഗ്/ചാര്‍ട്ടേഡ് സര്‍വ്വീസുകള്‍ നടത്തുന്നുണ്ടോ; ഇല്ലെങ്കില്‍ ഇത്തരം പദ്ധതികള്‍ ആവിഷ്കരിക്കുമോ; ഇതിനായി നടപടി സ്വീകരിക്കുമോ;

നിലമ്പൂര്‍ നിയോജകമണ്ഡലത്തിലെ വിവിധ ടൂറിസം കേന്ദ്രങ്ങള്‍ ലക്ഷ്യമാക്കി കെ.യു.ആര്‍.ടി.സി. യുടെ കണക്റ്റഡ് ടൂര്‍ സര്‍വ്വീസ് ആരംഭിക്കുന്നതിന് സര്‍ക്കാര്‍ സന്നദ്ധമാകുമോ; വിശദമായ പദ്ധതി രേഖ തയ്യാറാക്കുന്നതിന് നടപടി സ്വീകരിക്കുമോ?

കഴിഞ്ഞ അഞ്ചുവർഷ കാലയളവിൽ കെ.എസ്.ആർ.ടി.സി. യിൽ നിന്നും എം പാനൽ ഉൾപ്പെടെയുള്ള എത്ര ജീവനക്കാരെ പിരിച്ചുവിട്ടിട്ടുണ്ടെന്ന് അറിയിക്കാമോ;

കഴിഞ്ഞ അഞ്ചു വർഷക്കാലയളവിൽ കെ.എസ്.ആർ.ടി.സി. യില്‍ പി.എസ്.സി. മുഖേന എത്ര നിയമനങ്ങൾ നടത്തിയിട്ടുണ്ടെന്ന് വ്യക്തമാക്കാമോ;

കെ.എസ്.ആർ.ടി.സി. ഡ്രൈവർ/കണ്ടക്ടർ മാർക്ക് ഒരു ദിവസം പന്ത്രണ്ട് മണിക്കൂർ ജോലി ചെയ്യേണ്ട സാഹചര്യം നിലവിലുണ്ടോ വിശദാംശം നൽകുമോ;

ജീവനക്കാരെ വിശ്വാസത്തിലെടുത്ത് കൊണ്ടും തൊഴിൽ അവകാശങ്ങൾ ഉറപ്പുവരുത്തിയും കെ.എസ്.ആർ.ടി.സി. യുടെ പുനരുജ്ജീവനത്തിന് വേണ്ട നടപടികൾ സ്വീകരിക്കുമോ; വ്യക്തമാക്കുമോ?

കെ.എസ്.ആർ.ടി.സി. ജീവനക്കാര്‍ക്ക് ശമ്പളവും പെന്‍ഷനും നല്‍കാന്‍, കഴിഞ്ഞ സര്‍ക്കാര്‍ എത്ര കോടി രൂപയാണ് അനുവദിച്ചിട്ടുള്ളത്; വര്‍ഷം തിരിച്ച് കണക്കുകൾ നൽകാമോ;

ഇപ്പോള്‍ കെ.എസ്.ആർ.ടി.സി. യിലെ എത്ര ശതമാനം ബസ്സുകളാണ് സര്‍വ്വീസ് നടത്തുന്നതെന്ന് വ്യക്തമാക്കാമോ?

ഡീസൽ എഞ്ചിൻ ബസ്സുകൾക്ക് പകരം സി.എൻ.ജി. എഞ്ചിൻ ബസ്സുകളിലേക്ക് മാറുവാൻ കെ.എസ്.ആർ.ടി.സി. ഉദ്ദേശിച്ചിട്ടുണ്ടോ; ഉണ്ടെങ്കിൽ ഇതിന്റെ പ്രായോഗിക ഗുണങ്ങളും ദോഷങ്ങളും വിശദമാക്കാമോ;

സി.എൻ.ജി., ഡീസൽ, ഇലക്ട്രിക് ബസ്സുകൾ തമ്മിലുള്ള ഇന്ധനക്ഷമത, മെയിന്റനൻസ് കോസ്റ്റ്, അനുബന്ധ അടിസ്ഥാനസൗകര്യ നിക്ഷേപം, സ്പെയർ പാർട്സ് ലഭ്യത എന്നിവ സംബന്ധിച്ചുള്ള താരതമ്യ പഠനം നടത്തിയിട്ടുണ്ടോ; ഉണ്ടെങ്കിൽ പട്ടിക രൂപത്തില്‍ വിശദമാക്കാമോ;

ദീർഘകാലാടിസ്ഥാനത്തിൽ വൻ നിക്ഷേപം നടത്തേണ്ടി വരുന്ന സി.എൻ.ജി. ബസ്സുകൾ മലയോര മേഖലകളിൽ ഗതാഗതത്തിന് അനുയോജ്യമാണോയെന്ന് വെളിപ്പെടുത്താമോ;

സി.എൻ.ജി. ഇന്ധനം സംഭരിക്കാനും വിതരണം ചെയ്യാനുമുള്ള സംഭരണ-വിതരണ സ്റ്റേഷനുകൾ പ്രവർത്തനക്ഷമമായിട്ടുണ്ടോയെന്ന് അറിയിക്കാമോ?

പാറശ്ശാല നിയോജകമണ്ഡലത്തിലെ ഗ്രാമീണ മേഖലകളിലെ യാത്രാക്ലേശം പരിഹരിക്കുന്നതിനായി, പാറശ്ശാല, വെള്ളറട, കാട്ടാക്കട, നെയ്യാറ്റിന്‍കര, പൂവാര്‍ എന്നീ ഡിപ്പോകളില്‍ നിന്നും മുടങ്ങിക്കിടന്നിരുന്ന കെ.എസ്.ആർ.ടി.സി. ബസ് ഷെഡ്യൂളുകള്‍ പുനരാരംഭിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദാംശങ്ങൾ അറിയിക്കാമോ;

പാറശ്ശാല, വെള്ളറട, കാട്ടാക്കട, നെയ്യാറ്റിന്‍കര ഡിപ്പോകളില്‍ നിന്നും പാറശ്ശാല മണ്ഡലത്തിലെ മറ്റു സ്ഥലങ്ങളുമായി ബന്ധപ്പെടുത്തി നടത്തുന്ന ഷെഡ്യൂളുകള്‍ ഏതൊക്കെയാണ്; ഇവയുടെ റൂട്ട് അടക്കമുള്ള വിവരങ്ങള്‍ ഡിപ്പോ തിരിച്ച് ലഭ്യമാക്കാമോ;

പ്രസ്തുത ഡിപ്പോകളില്‍ ബസിന്റെ കുറവുകാരണം ഏതെങ്കിലും ഷെഡ്യൂളുകള്‍ റദ്ദാക്കിയിട്ടുണ്ടോ; വിശദാംശം അറിയിക്കാമോ;

12.07.2021-ന് കെ.എസ്.ആർ.ടി.സി. പാറശ്ശാല ഡിപ്പോയിലെ ഒരു വിഭാഗം ജീവനക്കാര്‍ നടത്തിയ മിന്നല്‍ പണിമുടക്കിനെത്തുടര്‍ന്ന് എട്ടിലധികം പേര്‍ ജോലിക്ക് ഹാജരാകാതിരിക്കുകയും, മൂന്നിലധികം ഷെഡ്യൂളുകള്‍ മുടങ്ങുകയും ചെയ്ത വിവരം ശ്രദ്ധയില്‍പ്പെട്ടിട്ടുണ്ടോ; പ്രസ്തുത വിഷയത്തില്‍ കെ.എസ്.ആർ.ടി.സി. എന്ത് നടപടി സ്വീകരിച്ചു എന്ന വിവരം അറിയിക്കാമോ?

കെ.എസ്.ആര്‍.ടി.സി.യുടെ കായംകുളം, ഹരിപ്പാട്, മാവേലിക്കര ഡിപ്പോകളില്‍ നിന്നും എത്ര ഷെഡ്യൂളുകളാണ് ദിനംപ്രതി ഓപ്പറേറ്റ് ചെയ്യുന്നതെന്ന് അറിയിക്കാമോ;

എത്ര അന്തര്‍ സംസ്ഥാന സര്‍വ്വീസുകള്‍ ഈ ഡിപ്പോകളില്‍ നിന്നും ഓപ്പറേറ്റ് ചെയ്യുന്നുണ്ടെന്ന് വിശദമാക്കാമോ; ഓരോ ഡിപ്പോയിലുമുള്ള ബസ്സുകളുടെ എണ്ണം എത്രയെന്ന് വിശദമാക്കാമോ?

ഷൊര്‍ണ്ണൂര്‍ മണ്ഡലത്തിലെ ഷൊര്‍ണ്ണൂര്‍, ചെര്‍പ്പുളശ്ശേരി ടൗണുകളിലൂടെ മാത്രമാണ് കെ.എസ്.ആര്‍.ടി.സി. ബസ് സര്‍വ്വീസ് നിലവിലുള്ളതെന്ന് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത മണ്ഡലത്തിലെ നഗരസഭകളുടെയും പഞ്ചായത്തുകളുടെയും പ്രാന്ത പ്രദേശങ്ങളിലൂടെ സുഗമമായ റോഡ് സൗകര്യം ഉണ്ടായിട്ടും ബസ് സര്‍വ്വീസ് നടത്താത്തതിന്റെ കാരണം വിശദമാക്കാമോ;

ബസ് സര്‍വ്വീസ് ഇല്ലാത്ത റൂട്ടുകളില്‍ പുതുതായി സര്‍വ്വീസ് തുടങ്ങുന്നതിനുള്ള നടപടി സ്വീകരിക്കുമോ; ഇല്ലെങ്കില്‍ കാരണം വിശദമാക്കാമോ?

പൂഞ്ഞാര്‍ നിയോജകമണ്ഡലത്തിലെ മുണ്ടക്കയത്ത് കെ.എസ്.ആര്‍.ടി.സി. യുടെ അധീനതയിലുള്ള സ്ഥലവും കെട്ടിടവും നിലവില്‍ ഉപയോഗിക്കാതെ കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്ഥലം കെ.എസ്.ആര്‍.ടി.സി. യുടെ പ്രവര്‍ത്തനങ്ങള്‍ക്കായി ഉപയോഗിക്കാന്‍ നടപടി സ്വീകരിക്കുമോ;

മുണ്ടക്കയത്ത് കെ.എസ്.ആര്‍.ടി.സി. ഡിപ്പോ ആരംഭിക്കാന്‍ നടപടി സ്വീകരിക്കുമോ; വ്യക്തമാക്കാമോ?

കോതമംഗലം കെ.എസ്.ആർ.ടി.സി. ഡിപ്പോയില്‍ ഒരേക്കറോളം വരുന്ന പാറപ്രദേശം ഉപയോഗ യോഗ്യമല്ലാതെ കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

നിലവില്‍ കോമ്പൗണ്ട് വാളുകള്‍ ഇല്ലാത്ത ഈ ഡിപ്പോയില്‍ പ്രസ്തുത പാറകള്‍ പൊട്ടിച്ചെടുത്തുപയോഗിച്ച് കോമ്പൗണ്ട് വാളുകള്‍ പണിയുന്നത് പരിഗണനയിലുണ്ടോ;

നിര്‍ദ്ദിഷ്ട ന്യൂബൈപാസ് കടന്ന് വരുന്നത് ഈ പ്രദേശത്തുകൂടിയാണെന്നത് പരിഗണിച്ച് പ്രസ്തുത ഡിപ്പോ കോമ്പൗണ്ടില്‍ ഷോപ്പിങ് കോപ്ലക്സ് ആരംഭിക്കുന്ന കാര്യം പരിഗണിക്കാമോ; വിശദമാക്കാമോ;

കെ.എസ്.ആർ.ടി.സി. ആരംഭിക്കുവാനുദ്ദേശിച്ചിട്ടുള്ള ഫ്യുവല്‍ പമ്പുകളുടെ പ്രോജക്ടില്‍ ഉള്‍പ്പെടുത്തി പ്രസ്തുത ഡിപ്പോയില്‍ ഒരു ഫ്യുവല്‍ പമ്പ് സ്ഥാപിക്കുന്ന കാര്യം സര്‍ക്കാര്‍ പരിശോധിക്കുമോ; വിശദമാക്കാമോ?

തരൂര്‍ മണ്ഡലത്തിലെ വടക്കഞ്ചേരി കെ.എസ്.ആര്‍.ടി.സി. ഓപ്പറേറ്റിംഗ് സെന്ററിനെ സബ് ഡിപ്പോ ആയി ഉയര്‍ത്തുവാനും ജില്ലാതല വര്‍ക്ക് ഷോപ്പ് ആരംഭിക്കുവാനും വേണ്ട നടപടിക്രമങ്ങള്‍ ഏതുവരെയായി;

പദ്ധതി പ്രവര്‍ത്തനം എന്ന് ആരംഭിക്കുവാനും എന്ന് പൂര്‍ത്തീകരിക്കാനും കഴിയുമെന്ന് അറിയിക്കാമോ?

തിരുവാണിയൂര്‍ സിറ്റി വഴി സര്‍വ്വീസ് നടത്തുന്ന കെ.എസ്.ആര്‍.ടി.സി ബസ്സുകള്‍ പരിമിതമായതിനാല്‍ ജനങ്ങള്‍ ബുദ്ധിമുട്ട് നേരിടുന്ന വിഷയം ശ്രദ്ധയില്‍പ്പെട്ടിട്ടുണ്ടോ;

തിരക്കുള്ള സമയങ്ങളില്‍ മൂവാറ്റുപുഴ-എറണാകുളം റൂട്ടില്‍ സര്‍വ്വീസ് നടത്തുന്ന മൂന്നോ നാലോ കെ.എസ്.ആര്‍.ടി.സി. ബസ്സുകള്‍ തിരുവാണിയൂര്‍ സിറ്റി വഴി കടന്നുപോകുന്ന വിധത്തില്‍ റൂട്ട് ക്രമീകരിക്കുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കാമോ?

അരൂര്‍ മണ്ഡലത്തിലെ അരൂക്കുറ്റിയില്‍ നിന്ന് രാവിലെ 5 മണിക്ക് തിരുവനന്തപുരത്തേയ്ക്ക് പുറപ്പെടുന്ന കെ.എസ്.ആര്‍.ടി.സി. ബസ്സ് സര്‍വ്വീസ് നിര്‍ത്തലാക്കിയിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

കെ.എസ്.ആര്‍.ടി.സി. ക്ക് വരുമാനം കൂടുതല്‍ ലഭിക്കുന്ന എത്ര സര്‍വ്വീസുകളാണ് സംസ്ഥാനത്ത് ഇപ്പോള്‍ നിര്‍ത്തലാക്കിയിരിക്കുന്നത്; വിശദമാക്കാമോ;

അരൂക്കുറ്റി-തിരുവനന്തപുരം ഫാസ്റ്റ് സർവീസ് പുനരാരംഭിക്കാമോ; ആയതിനുള്ള തടസ്സം എന്താണെന്ന് വ്യക്തമാക്കാമോ?

കഴിഞ്ഞ ഒന്നര വര്‍ഷക്കാലമായി നിര്‍ത്തിവച്ചിരിക്കുന്ന നെയ്യാറ്റിന്‍കര- നാഗര്‍കോവില്‍-കന്യാകുമാരി റൂട്ടിലെ കെ.എസ്.ആര്‍.ടി.സി. സര്‍വ്വീസുകള്‍ പുനരാരംഭിക്കുന്നതിനുള്ള നടപടി സ്വീകരിച്ചിട്ടുണ്ടോ എന്ന് വിശദമാക്കാമോ;

പ്രസ്തുത സര്‍വ്വീസുകള്‍ എന്ന് പുനരാരംഭിക്കാന്‍ കഴിയുമെന്ന് വ്യക്തമാക്കാമോ?

നാദാപുരം മണ്ഡലത്തിലെ തൊട്ടിൽപ്പാലം ഡിപ്പോയിൽ നിന്നും നിലവിലുള്ള ബസ്സ് സർവ്വീസുകളുടെ ഷെഡ്യൂൾ അറിയിക്കാമോ;

നിലവിൽ എത്ര സർവ്വീസുകൾ വെട്ടിച്ചുരുക്കിയിട്ടുണ്ടെന്ന് വിശദമാക്കാമോ;

പ്രസ്തുത ഡിപ്പോയിൽ കൂടുതൽ ബസ്സ് സർവ്വീസുകൾ ലഭ്യമാക്കാൻ നടപടി സ്വീകരിക്കുമോ?

2016-ന് ശേഷം പട്ടാമ്പി മണ്ഡലത്തിൽ സർവീസ് നടത്തിയിരുന്നതും നിലവില്‍ സര്‍വ്വീസ് നിര്‍ത്തലാക്കിയിട്ടുള്ളതുമായ ട്രാന്‍സ്പോര്‍ട്ട് ബസ്സുകളുടെ വിവരങ്ങള്‍ ലഭ്യമാക്കാമോ;

പ്രസ്തുത സര്‍വ്വീസുകള്‍ പുനരാരംഭിക്കുവാന്‍ നടപടികള്‍ സ്വീകരിക്കുമോയെന്ന് വ്യക്തമാക്കാമോ?

മാവേലിക്കര കെ.എസ്.ആര്‍.ടി.സി. ഡിപ്പോയില്‍ നിന്നും ഓപ്പറേറ്റ് ചെയ്യുന്ന സര്‍വ്വീസുകളുടെ വിശദവിവരം ലഭ്യമാക്കുമോ; ഇവിടെ നിന്നും പുതുതായി സര്‍വ്വീസ് ആരംഭിക്കുവാന്‍ തീരുമാനിച്ചിട്ടുണ്ടോ; വ്യക്തമാക്കുമോ;

പ്രസ്തുത ഡിപ്പോയില്‍ പുതിയ പമ്പ് ആരംഭിക്കുവാന്‍ സ്വീകരിച്ച നടപടികള്‍ വിശദമാക്കുമോ; ഇത് എന്ന് ആരംഭിക്കുമെന്ന് വ്യക്തമാക്കുമോ;

ഡിപ്പോയിലെ വര്‍ക്ക്ഷോപ്പ് ഗ്യാരേജ് മാറ്റുന്നതിന് തീരുമാനിച്ചിട്ടുണ്ടോ ; എങ്കിൽ മാറ്റുവാനുള്ള കാരണം വ്യക്തമാക്കുമോ?

മാനന്തവാടി കെ.എസ്.ആർ.ടി.സി. ഡിപ്പോ സ്ഥിതിചെയ്യുന്ന സ്ഥലത്തുതന്നെ ഇന്ധനപ്പമ്പ് സ്ഥാപിക്കുന്നതിന് നിലവിലെ ബുദ്ധിമുട്ട് എന്താണെന്ന് അറിയിക്കാമോ;

ഡീസല്‍ നിറയ്ക്കുന്നതിനായി മാത്രം ബസുകള്‍ മറ്റാെരു സ്ഥലത്തേയ്ക്ക് ഓടുന്നത് വകുപ്പിന് നഷ്ടം വരുത്തുന്നതായി ശ്രദ്ധയില്‍പ്പെട്ടിട്ടുണ്ടോ;

വരുമാനം വര്‍ദ്ധിപ്പിക്കുന്നതിനായി മാനന്തവാടിയിലെ പഴയ കെ.എസ്.ആർ.ടി.സി. ഡിപ്പോയുണ്ടായിരുന്ന സ്ഥലത്ത് ഏതെങ്കിലും പദ്ധതി നടപ്പാക്കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ?

വൈപ്പിനില്‍ നിന്നും കൊച്ചി നഗരത്തിലേക്ക് ബസ്സുകള്‍ പ്രവേശിക്കുന്നതിലെ തടസ്സങ്ങള്‍ എന്തെല്ലാമാണെന്ന് വ്യക്തമാക്കാമോ;

ദേശീയ ഗതാഗത ആസൂത്രണ ഗവേഷണ കേന്ദ്രത്തെ പ്രസ്തുത വിഷയം സംബന്ധിച്ച് പഠനം നടത്തുന്നതിനായി ചുമതലപ്പെടുത്തിയിട്ടുണ്ടോയെന്ന് അറിയിക്കുമോ;

പ്രസ്തുത സ്ഥാപനം ആയത് സംബന്ധിച്ച റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ;

ഇല്ലെങ്കില്‍ പ്രസ്തുത റിപ്പോര്‍ട്ട് എന്നത്തേക്ക് സമര്‍പ്പിക്കാന്‍ സാധിക്കുമെന്ന് വ്യക്തമാക്കാമോ?

കോഴിക്കോട് ജില്ലയില്‍ യാത്രയ്ക്കായി ജനങ്ങള്‍ ഏറ്റവും കൂടുതൽ ആശ്രയിക്കുന്നത് സ്വകാര്യ ബസ്സുകളെയാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

കോവിഡ് പ്രതിസന്ധിമൂലം സ്വകാര്യ ബസ് സർവ്വീസ് പാടെ നിര്‍ത്തലാക്കിയതിനാല്‍ ജനങ്ങള്‍ അനുഭവിക്കുന്ന യാത്രാക്ലേശം ശ്രദ്ധയില്‍പ്പെട്ടിട്ടുണ്ടോ;

അതിരൂക്ഷമായ യാത്രാക്ലേശം അനുഭവിക്കുന്ന പ്രദേശങ്ങളിലേക്ക് ബസ് സര്‍വ്വീസ് അനുവദിക്കുന്നതിനായി എം.എൽ.എ. മാര്‍ പ്രത്യേകം കത്ത് നല്‍കിയിരുന്നോ;

ഇത്തരത്തില്‍ എം.എൽ.എ. മാർ ആവശ്യപ്പെട്ട പ്രകാരം കെ.എസ്.ആർ.ടി.സി. അനുവദിച്ച ബസ്സുകള്‍ ഇപ്പോള്‍ സര്‍വ്വീസ് നടത്തുന്നുണ്ടോ; ഇതു സംബന്ധിച്ച വിശദാംശങ്ങള്‍ ലഭ്യമാക്കാമോ?

ഭാരം കയറ്റിയ ബഹുചക്രവാഹനങ്ങളും കണ്ടൈനര്‍/ടാങ്കര്‍ ലോറികളും നാലുവരിപ്പാതയിലൂടെ വലതുവശം ചേര്‍ന്ന് മറ്റു വാഹനങ്ങള്‍ക്ക് തടസ്സം സൃഷ്ടിച്ച് സഞ്ചരിക്കുന്നതുമൂലം അപകടങ്ങള്‍ ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ മോട്ടോര്‍ വാഹന നിയമങ്ങള്‍ ലംഘിച്ചും മറ്റു വാഹനങ്ങള്‍ക്ക് മാര്‍ഗ്ഗതടസ്സം സൃഷ്ടിച്ചും അപകടമുണ്ടാക്കുന്ന വിധവും സര്‍വ്വീസ് നടത്തുന്ന ഇത്തരം വാഹനങ്ങളുടെ ഡ്രൈവര്‍മാര്‍ക്കെതിരെ എന്ത് നടപടിയാണ് സ്വീകരിക്കാറുള്ളത്;

കഴിഞ്ഞ മൂന്ന് മാസത്തിനിടയില്‍ ഇത്തരത്തിലുള്ള എത്ര വാഹനങ്ങള്‍ക്കെതിരെ നടപടി സ്വീകരിച്ചിട്ടുണ്ട്; വിശദാംശം ലഭ്യമാക്കുമോ;

മറ്റു വാഹനങ്ങള്‍ക്ക് മാര്‍ഗ്ഗതടസ്സം സൃഷ്ടിച്ചും അപകടകരമായും വാഹനമോടിക്കുന്ന ഇത്തരം ലോറി ഡ്രൈവര്‍മാര്‍ക്കെതിരെ കര്‍ശന നടപടി സ്വീകരിക്കുമോ?

ട്രാഫിക് നിയമലംഘനങ്ങള്‍ തടയുവാനും അപകടങ്ങള്‍ ഒഴിവാക്കുവാനുമായി എന്തെല്ലാം പുതിയ സംവിധാനങ്ങള്‍ ഒരുക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ?

മോട്ടോർ വാഹനവകുപ്പിലെ എൻഫോഴ്സ്മെന്റ് സ്ക്വാഡുകൾക്ക് ഓഫീസുകൾ ഇല്ലെന്ന വസ്തുത ശ്രദ്ധയിൽപ്പെട്ടിട്ടുണ്ടോ;

എങ്കിൽ ഇക്കാര്യത്തിൽ എന്തു നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

ആർ.ടി.ഒ.-എസ്.ആർ.ടി.ഒ. ഓഫീസുകളിലെ ഉദ്യോഗസ്‌ഥർ കേസെഴുതിയാൽ കേസിനെ സംബന്ധിച്ച പ്രിന്റഡ് റസീപ്റ്റ് പലപ്പോഴും നൽകാറില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ; ഇ-പോസ് മെഷീൻ പ്രിന്റർ ഇല്ലാത്തതാണ് കാരണമെങ്കിൽ ഇത് പരിഹരിക്കാൻ നടപടികൾ സ്വീകരിക്കുമോ;

മോട്ടോർ വാഹന വകുപ്പിൽ എത്ര കോടി രൂപയുടെ നികുതിക്കുടിശ്ശികയുണ്ടെന്ന് ജില്ല തിരിച്ച് വ്യക്തമാക്കാമോ; ആയത് പിരിച്ചെടുക്കാനുള്ള നടപടികൾ സ്വീകരിക്കുമോ?

കെ.എസ്.ആര്‍.ടി.സി. ക്ക് പൊതുജന സഞ്ചാരത്തിനല്ലാതെ എത്ര വാഹനങ്ങള്‍ ഉണ്ടെന്ന് ഇനം തിരിച്ചും ജില്ല തിരിച്ചും വെളിപ്പെടുത്തുമോ;

ഈ വാഹനങ്ങള്‍ക്കായി ഓരോ വര്‍ഷവും കെ.എസ്.ആര്‍.ടി.സി. ചെലവഴിക്കുന്ന തുക എത്രയാണ്; വിശദാംശം നല്‍കുമോ;

ഇത്തരം വാഹനങ്ങളില്‍ എത്രയെണ്ണം ഉപയോഗയോഗ്യമല്ലാത്തതായുണ്ടെന്നും അവയുടെ നിലവിലെ അവസ്ഥ എന്തെന്നും വിശദമാക്കുമോ;

കെ.എസ്.ആര്‍.ടി.സി.യില്‍ നിലവില്‍ പൊതുജന സഞ്ചാരത്തിനായി എത്ര ബസ്സുകള്‍ സര്‍വ്വീസ് നടത്തുന്നുണ്ട്;

ആയത് ആകെ ബസ്സുകളുടെ എത്ര ശതമാനമാണെന്നും അവയില്‍ എത്രയെണ്ണം ഓര്‍ഡിനറി സര്‍വ്വീസുകളായി സര്‍വീസ് നടത്തുന്നുണ്ടെന്നും വ്യക്തമാക്കുമോ?

ജില്ലാ ആസ്ഥാനങ്ങളില്‍ പ്രവര്‍ത്തിക്കുന്ന ഫ്രണ്ട്സ് ജനസേവന കേന്ദ്രങ്ങള്‍ മുഖേന വാഹന സംബന്ധമായ വിവിധതരം നികുതികള്‍ അടയ്ക്കുന്നതിന് നടപടി സ്വീകരിക്കുമോ;

മുന്‍കാലങ്ങളില്‍ ഫ്രണ്ട്സ് ജനസേവന കേന്ദ്രം മുഖേന മോട്ടോര്‍ വാഹന വകുപ്പിലെ സേവനങ്ങള്‍ ലഭ്യമായിരുന്നത് നിര്‍ത്തലാക്കിയത് എന്തുകൊണ്ടെന്ന് വിശദമാക്കാമോ?

നിലവില്‍ വാഹനങ്ങൾക്ക് രജിസ്‌ട്രേഷൻ നമ്പർ നൽകുന്ന രീതി വിശദമാക്കാമോ;

പുതിയ വാഹനങ്ങൾ അസിസ്റ്റന്റ് മോട്ടോർ വെഹിക്കിൾ ഇൻസ്‌പെക്ടർമാർ നേരിൽ കണ്ട് പരിശോധിച്ച് രജിസ്‌ട്രേഷൻ നമ്പർ നൽകുന്ന രീതി മാറ്റി, വാഹൻ സൈറ്റിൽ വാഹനത്തിന്റെയും ഉടമയുടെയും വിവരങ്ങള്‍ സംബന്ധിച്ച് അപ്‌ലോഡ് ചെയ്ത വിവരങ്ങള്‍ മാത്രം കണ്ട് രജിസ്‌ട്രേഷൻ നമ്പർ നൽകുന്നുണ്ടോ;

എങ്കിൽ വാഹന ഡീലർമാർ എന്തെങ്കിലും തരത്തിലുള്ള തെറ്റായ വിവരണങ്ങൾ അപ്‌ലോഡ് ചെയ്താൽ പോലും കണ്ടുപിടിക്കാൻ പ്രയാസമാണെന്ന കാര്യം ശ്രദ്ധയിൽപ്പെട്ടിട്ടുണ്ടോ;

വാഹൻ സൈറ്റിൽ രജിസ്‌ട്രേഷൻ നമ്പർ നൽകുന്നതിന് മുമ്പായി വാഹനം കാണാതെ ഇൻസ്പെക്ടഡ് എന്ന് എ.എം.വി.ഐ. മാർ രേഖപെടുത്തുന്ന രീതി തെറ്റാണെന്ന് പരാതി ഉയർന്നത് ശ്രദ്ധയിൽപ്പെട്ടിട്ടുണ്ടോ;

നിർത്തലാക്കിയ ബി.എസ്. 4 വാഹനങ്ങൾപോലും ഡീലർമാർക്ക് ഇപ്രകാരം വിറ്റഴിക്കാൻ സാധിക്കുമെന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; അറിയിക്കുമോ?

ഗതാഗത വകുപ്പിന് കീഴില്‍ 2014 നു ശേഷം അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്പെക്ടര്‍ തസ്തികയില്‍ എത്ര ഒഴിവുകള്‍ ഉണ്ടെന്ന് അറിയിക്കാമോ;

പ്രസ്തുത ഒഴിവുകള്‍ പി.എസ്.സി. ക്ക് റിപ്പോര്‍ട്ട് ചെയ്യാന്‍ നടപടികള്‍ സ്വീകരിച്ചിട്ടുണ്ടോ; ഇല്ലെങ്കില്‍ അതിന്റെ കാരണം വിശദമാക്കാമോ;

കേന്ദ്ര സര്‍ക്കാര്‍ ഉത്തരവനുസരിച്ച് അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്പെക്ടര്‍ തസ്തികയുടെ യോഗ്യതയില്‍ മാറ്റം വരുത്തിക്കൊണ്ട് ഉത്തരവ് പുറപ്പെടുവിച്ചിട്ടുണ്ടോ; വിശദമാേക്കാമോ;

പ്രസ്തുത തസ്തികയിലേക്ക് വിജ്ഞാപനം നല്‍കുന്നതിനായി അടിയന്തിര നടപടികള്‍ സ്വീകരിക്കുമോ; വിശദാംശങ്ങള്‍ നല്‍കുമോ?

കോവിഡ് പ്രതിസന്ധിയില്‍ തകര്‍ന്ന ടൂറിസ്റ്റ് വാഹന മേഖലയെ സംരക്ഷിക്കാന്‍ എന്തെല്ലാം പദ്ധതികളാണ് നടപ്പിലാക്കിയത്; വിശദമാക്കാമോ;

പ്രസ്തുത വാഹനങ്ങളെ സംരക്ഷിക്കുന്നതിനായി ട്രയല്‍ റണ്‍ അനുവദിക്കുന്ന കാര്യം പരിഗണിക്കുമോ; വിശദമാക്കാമോ;

പ്രസ്തുത കാലയളവില്‍ വാഹനങ്ങള്‍ക്ക് മേലുള്ള നികുതി ഒഴിവാക്കുന്നതിനും വായ്പകള്‍ക്ക് മൊറട്ടോറിയം നല്‍കുന്നതിനുമായി ബന്ധപ്പെട്ട വകുപ്പുകളുമായി ചേര്‍ന്ന് പുതിയ പദ്ധതികള്‍ നടപ്പിലാക്കുമോ; വിശദാംശങ്ങള്‍ നല്‍കുമോ?

റോഡ് സുരക്ഷ അതോറിറ്റി രൂപീകൃതമായത് എന്നാണെന്ന് വ്യക്തമാക്കാമോ;

രൂപീകൃതമായത് മുതല്‍ ഇതുവരെ ഓരോ വർഷവും ഒറ്റത്തവണ സെസ്സ് ഇനത്തിൽ എത്ര തുക ലഭിച്ചിട്ടുണ്ടെന്നും ട്രാഫിക് നിയമലംഘനത്തിന് ഈടാക്കിയിട്ടുള്ള തുക എത്രയെന്നും വ്യക്തമാക്കാമോ;

സർക്കാരിൽ നിന്നും ഗ്രാന്റ് ഇനത്തില്‍ പ്രതിവര്‍ഷം അതോറിറ്റിക്ക് ലഭിക്കുന്ന തുക എത്രയെന്ന് അറിയിക്കുമോ; റോഡ് സുരക്ഷയ്ക്കായി അതോറിറ്റി ചെലവാക്കിയ തുകയുടെ വിശദാംശങ്ങൾ നൽകാമോ?

സംസ്ഥാനത്ത് എത്ര ആര്‍.ടി.ഒ. ചെക്ക് പോസ്റ്റുകളാണ് പ്രവര്‍ത്തിക്കുന്നതെന്ന് വ്യക്തമാക്കുമോ;

ആര്‍.ടി.ഒ. ചെക്ക് പോസ്റ്റുകളില്‍ നിന്നും പ്രതിവര്‍ഷം ലഭിക്കുന്ന ശരാശരി വരുമാനം എത്രയെന്ന് വിശദമാക്കുമോ?

കഴിഞ്ഞ സർക്കാരിന്റെ കാലഘട്ടത്തിൽ ഇരുചക്ര വാഹന യാത്രികരില്‍ പിന്നിലിരുന്ന വ്യക്തി ഹെല്‍മറ്റ് ധരിക്കാത്ത കാരണത്താല്‍ പിഴ ഈടാക്കിയ ഇനത്തില്‍ എത്ര കോടി രൂപ ലഭിച്ചിട്ടുണ്ടെന്ന് വ്യക്തമാക്കാമോ; വര്‍ഷം തിരിച്ച് കണക്കുകൾ നൽകാമോ?

കോവിഡ് വ്യാപനത്തെ തുടര്‍ന്ന് സര്‍വ്വീസ് നിര്‍ത്തിവച്ച സ്വകാര്യ ടൂറിസ്റ്റ് ബസ് ഉടമകള്‍ നേരിടുന്ന പ്രതിസന്ധി പരിഹരിക്കുന്നതിന് എന്തെല്ലാം ആനുകൂല്യങ്ങളാണ് അനുവദിച്ചിട്ടുള്ളതെന്ന് വിശദമാക്കാമോ;

ഈ മേഖലയുടെ അതിജീവനത്തിനുവേണ്ടി സാമ്പത്തിക പാക്കേജ് നടപ്പിലാക്കുന്നതിന് നടപടി സ്വീകരിക്കുമോ; വിശദമാക്കാമോ;

സ്വകാര്യ ടൂറിസ്റ്റ് ബസ്സുകൾക്ക് മോട്ടര്‍ വാഹന നികുതിയില്‍ ഇളവ് വരുത്തുന്നതിന് നടപടി സ്വീകരിക്കുമോ; വിശദമാക്കാമോ?

വാളയാറിലെ മോട്ടോര്‍ വാഹന ചെക്ക് പോസ്റ്റും ഓഫീസ് സമുച്ചയവും നവീകരിച്ച് ആധുനിക സൗകര്യങ്ങള്‍ ഏര്‍പ്പെടുത്തുന്നതിന് എന്തെല്ലാം നടപടികളാണ് സ്വീകരിച്ച് വരുന്നതെന്ന് അറിയിക്കാമോ?

പരപ്പയിലെ ഓട്ടോമേറ്റഡ് വെഹിക്കിൾ ടെസ്റ്റിംഗ് സ്റ്റേഷന്റെ നിർമ്മാണം ഏത് ഘട്ടത്തിലാണെന്ന് വിശദികരിക്കാമോ;

പദ്ധതി യാഥാർത്ഥ്യമാകാൻ കാലതാമസം നേരിടുന്നത് എന്തുകൊണ്ടെന്ന് അറിയിക്കാമോ?

ജലഗതാഗത വകുപ്പില്‍ ഉപയോഗശൂന്യമായ/കാലപ്പഴക്കം ചെന്ന എത്ര ബോട്ടുകളുണ്ടെന്ന് വിശദമാക്കാമോ;

ബോട്ട് സ്റ്റേഷനുകളില്‍ കെട്ടിയിട്ടിരിക്കുന്ന പ്രസ്തുത ബോട്ടുകള്‍ നീക്കം ചെയ്യാന്‍ എന്തെല്ലാം നടപടികള്‍ സ്വീകരിച്ചെന്ന് വിശദമാക്കാമോ;

പഴകിയ ബോട്ടുകള്‍ ലേലം ചെയ്ത് വില്‍ക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?

ജലഗതാഗതം സുഗമമാക്കുന്നതിനും ടൂറിസം മേഖലയ്ക്ക് കുതിപ്പേകുന്നതിനും വേഗ-2 എന്ന പേരില്‍ ബോട്ട് സര്‍വ്വീസുകള്‍ നടത്തുന്നുണ്ടോ;

ഉണ്ടെങ്കില്‍ ഇത് കൂടുതല്‍ കേന്ദ്രങ്ങളിലേയ്ക്ക് വ്യാപിപ്പിക്കാന്‍ നടപടി സ്വീകരിക്കുമോ;

വാട്ടര്‍ ടാക്സി, വാട്ടര്‍ ആംബുലന്‍സ് എന്നിവ കൂടുതല്‍ കേന്ദ്രങ്ങളിലേയ്ക്ക് എത്തിക്കുവാന്‍ എന്തൊക്കെ നടപടികളാണ് സ്വീകരിക്കുന്നത്; വിശദമാക്കാമോ?

ദ്രവീകൃത പ്രകൃതി വാതകം പ്രയോജനപ്പെടുത്തി കുറഞ്ഞ ചെലവില്‍ യാത്ര ബോട്ടുകള്‍ സര്‍വീസ് നടത്തുവാന്‍ ജലഗതാഗത വകുപ്പ് സ്വീകരിച്ചു വരുന്ന പ്രവര്‍ത്തനങ്ങള്‍ എന്തെല്ലാമെന്ന് വ്യക്തമാക്കുമോ;

ഇതിന്റെ ഭാഗമായി എറണാകുളം ജില്ലയിലുള്‍പ്പെടെ എത്ര സര്‍വ്വീസുകള്‍ ആരംഭിക്കാനുദ്ദേശിക്കുന്നു എന്ന് വ്യക്തമാക്കുമോ; ദ്രവീകൃത പ്രകൃതി വാതകം നിറയ്ക്കാന്‍ എറണാകുളം ബോട്ട് ജെട്ടിയോട് ചേര്‍ന്ന് നിര്‍മ്മിക്കാനുദ്ദേശിക്കുന്ന ഡിസ്പെന്‍സിംഗ് യൂണിറ്റിന്റെ പ്രവര്‍ത്തനങ്ങള്‍ ഏതു ഘട്ടത്തിലാണ് എന്ന് വ്യക്തമാക്കുമോ;

സൗരോര്‍ജ്ജ ബോട്ടുകളുടെ നിര്‍മ്മാണ പ്രവര്‍ത്തനങ്ങള്‍ നിലവില്‍ ഏത് ഘട്ടത്തിലാണ്; വ്യക്തമാക്കുമോ?

സംസ്ഥാനത്ത് ജലഗതാഗതത്തിനായി നിലവില്‍ എത്ര ജങ്കാറുകള്‍ ഉപയോഗിച്ചു വരുന്നു എന്നറിയിക്കാമോ;

അഴീക്കല്‍-മാട്ടൂല്‍ പ്രദേശങ്ങളിലേക്ക് റോഡ് മാര്‍ഗ്ഗമുള്ള യാത്ര വളരെ ദൂരമേറിയതിനാല്‍ പ്രസ്തുത പ്രദേശങ്ങളിലേക്ക് യാത്ര സുഗമമാക്കുന്നതിന് ജങ്കാര്‍ സര്‍വ്വീസ് അനുവദിക്കുമോ;

ജങ്കാര്‍ സര്‍വ്വീസ് അനുവദിക്കുന്നതിന് പ്രത്യേക മാനദണ്ഡങ്ങള്‍ നിശ്ചയിച്ചിട്ടുണ്ടോ; വിശദമാക്കാമോ?

ജലഗതാഗത വകുപ്പിന്റെ റീജിയണല്‍ ഓഫീസ് സ്ഥിതി ചെയ്യുന്ന ആയിറ്റി ഉള്‍പ്പെടുന്ന തൃക്കരിപ്പൂര്‍ മണ്ഡലത്തിലെ കൊറ്റി-കോട്ടപ്പുറം ജലഗതാഗത പാതയില്‍ ജലഗതാഗത വകുപ്പിനു കീഴില്‍ നിലവില്‍ എത്ര ബോട്ട് സര്‍വ്വീസുകളുണ്ടെന്ന് വ്യക്തമാക്കാമോ;

നേരത്തെ മികച്ചരീതിയില്‍ പ്രവര്‍ത്തിച്ചിരുന്ന പ്രസ്തുത റൂട്ടില്‍ എന്തൊക്കെ നവീകരണ പ്രവര്‍ത്തനങ്ങളാണ് നടത്താന്‍ ഉദ്ദേശിക്കുന്നതെന്ന് വ്യക്തമാക്കാമോ;

ഇവിടെ, ബോട്ട് റിപ്പയറിങ് യാര്‍ഡ് പ്രവര്‍ത്തന സജ്ജമാക്കി വര്‍ഷങ്ങള്‍ കഴിഞ്ഞിട്ടും ബോട്ട് റിപ്പയറിങ് നടത്താന്‍ കഴിയാത്ത സാഹചര്യം നിലവിലുണ്ടോയെന്ന് വ്യക്തമാക്കാമോ?

കനോലി കനാലിലൂടെ നടപ്പാക്കാന്‍ ഉദ്ദേശിക്കുന്ന ജലഗതാഗത പദ്ധതികളുടെ വിശദാംശങ്ങള്‍ ലഭ്യമാക്കാമോ;

കനോലി കനാലില്‍ ഏത് സ്ഥലം മുതല്‍ ഏത് സ്ഥലം വരെ നിലവില്‍ ജലഗതാഗതത്തിന് അനുയോജ്യമായ രീതിയില്‍ പ്രവൃത്തികള്‍ നടപ്പിലാക്കിയിട്ടുണ്ട് എന്ന് വ്യക്തമാക്കാമോ?

ജലഗതാഗത വകുപ്പിലെ ബോട്ട് മാസ്റ്റര്‍ തസ്തികയിൽ നിലവിലുള്ള ഒഴിവുകള്‍ സംബന്ധിച്ച് ജില്ല തിരിച്ചുള്ള കണക്ക് ലഭ്യമാക്കാമോ;

പ്രസ്തുത തസ്തികയിലെ ഒഴിവുകള്‍ നികത്തുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കാമോ;

ബോട്ട് മാസ്റ്റര്‍ തസ്തികയുടെ പി.എസ്.സി. റാങ്ക് ലിസ്റ്റ് നിലവിലുണ്ടോ; വിശദാംശങ്ങള്‍ അറിയിക്കാമോ;

തസ്തികയിലെ മുഴുവന്‍ ഒഴിവുകളും അടിയന്തരമായി നികത്തുന്നതിനുള്ള സത്വര നടപടി സ്വീകരിക്കുമോ?