സംസ്ഥാനത്ത് അടിസ്ഥാന സൗകര്യ വികസനമെന്ന ആവശ്യം കണക്കാക്കി ഉദാരമായ കേന്ദ്ര സഹായം നേടിയെടുക്കാനായി സ്വീകരിച്ചു വരുന്ന പ്രവര്‍ത്തനങ്ങളുടെ വിശദാംശം നല്‍കാമോ;

പ്രസ്തുത ആവശ്യത്തിലേക്കായി പ്രധാനമന്ത്രിയുമായും കേന്ദ്ര റോഡ് ഗതാഗതവും ഹെെവേയും മന്ത്രിയുമായും മുഖ്യമന്ത്രി കൂടിക്കാഴ്ച നടത്തിയതിന്‍ പ്രകാരം ലഭ്യമാകുന്ന വികസന പദ്ധതികള്‍ എന്തെല്ലാം; അവ പ്രാവര്‍ത്തികമാക്കാന്‍ നടത്തിവരുന്ന പ്രവര്‍ത്തനങ്ങള്‍ വിശദമാക്കുമോ?

നിയോജകമണ്ഡലങ്ങളില്‍ നടപ്പിലാക്കുന്ന ചെറുതും വലുതുമായ വികസന പ്രവര്‍ത്തനങ്ങളുടെ വിവരങ്ങളും നടപടിക്രമങ്ങളും അവയുമായി ബന്ധപ്പെട്ട ഉത്തരവുകളും യഥാസമയം ബന്ധപ്പെട്ട എം.എൽ.എ. മാരെ അറിയിക്കണമെന്ന ഉത്തരവ് നിലനില്‍ക്കുന്നുണ്ടോ;

ഉണ്ടെങ്കില്‍ പ്രസ്തുത ഉത്തരവിന്റെ പകര്‍പ്പ് ലഭ്യമാക്കാമോ;

പ്രസ്തുത ഉത്തരവിലെ നിര്‍ദ്ദേശങ്ങള്‍ നടപ്പിലാക്കാനാവശ്യമായ നടപടികള്‍ സ്വീകരിയ്ക്കാമോ?

ഭരണപരിഷ്കാര കമ്മീഷന്‍ ഇതുവരെ എത്ര ശിപാര്‍ശകളാണ് സര്‍ക്കാരില്‍ സമര്‍പ്പിച്ചിട്ടുള്ളതെന്ന് വ്യക്തമാക്കാമോ;

ഭരണപരിഷ്കാര കമ്മീഷന്‍ സര്‍ക്കാരില്‍ സമര്‍പ്പിച്ച ശിപാര്‍ശകളില്‍ ഒന്നായ "Capacity Development of Civil Servants-Kerala" എന്ന ശിപാര്‍ശയിന്മേല്‍ സര്‍ക്കാര്‍ നടപടികള്‍ എന്തെങ്കിലും സ്വീകരിച്ചിട്ടുണ്ടോയെന്ന് വിശദമാക്കാമോ?

2020 മാര്‍ച്ച് 23-ന് ലോക്ക് ഡൗണ്‍ പ്രഖ്യാപിച്ചതിന് ശേഷം മാര്‍ച്ച്, ഏപ്രില്‍ മാസങ്ങളില്‍ ഇതര സംസ്ഥാന തൊഴിലാളികളെ താമസിപ്പിക്കുന്നതിനായി എത്ര ക്യാമ്പുകള്‍ തുറന്നിട്ടുണ്ടെന്ന് വ്യക്തമാക്കാമോ;

ഏത് വകുപ്പിന്റെ ചുമതലയിലാണ് ക്യാമ്പുകള്‍ പ്രവ‍ര്‍ത്തിച്ചിട്ടുളളതെന്ന് വ്യക്തമാക്കാമോ;

മേല്‍പ്പറഞ്ഞ ക്യാമ്പിനായി എത്ര രൂപയാണ് ചെലവാക്കിയിട്ടുളളതെന്ന് ജില്ല തിരിച്ച് വ്യക്തമാക്കാമോ?

നിയമസഭയുടെ തന്നെ മിനിയേച്ചര്‍ ആയി അംഗീകരിക്കപ്പെട്ട നിയമസഭാ സമിതികള്‍ നല്‍കുന്ന റിപ്പോര്‍ട്ടുകള്‍ മിക്കവാറും വകുപ്പുകള്‍ സഗൗരവം പരിഗണിക്കുന്നില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

ഈ റിപ്പോര്‍ട്ടുകളിലെ ശിപാര്‍ശകള്‍ വര്‍ഷങ്ങളോളം അവഗണിക്കപ്പെടുന്നതായി ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കാമോ;

സമിതി റിപ്പോര്‍ട്ടുകളില്‍ നല്‍കുന്ന ശിപാര്‍ശകളോ നിര്‍ദ്ദേശങ്ങളോ അംഗീകരിക്കത്തക്കത് അല്ലെങ്കില്‍ അത്തരം ശിപാര്‍ശകള്‍ സമിതിയുടെ ശ്രദ്ധയില്‍പ്പെടുത്തുന്നതിനും മറ്റുള്ളവ കാലവിളംബം കൂടാതെ നടപ്പാക്കുന്നതിനും എല്ലാ വകുപ്പുകളോടും പ്രത്യേകമായി നിര്‍ദ്ദേശം നല്‍കുമോയെന്ന് അറിയിക്കാമോ;

നിയമസഭയില്‍ ബഹു. മന്ത്രിമാര്‍ സബ്മിഷനിലും മറ്റും നല്‍കുന്ന ഉറപ്പുകള്‍ പ്രത്യേകം ഫയലുകളായി കണക്കാക്കി നടപ്പാക്കുന്നതിനുള്ള നടപടി സ്വീകരിക്കുമോ; വ്യക്തമാക്കുമോ?

രാജ്യത്ത് പെട്രോള്‍, ഡീസല്‍ വില അനുദിനം വർദ്ധിക്കുന്നതിനാൽ, ഉപഭോക്തൃ സംസ്ഥാനം എന്ന നിലയില്‍, ഇത് സംസ്ഥാനത്തിന്റെ സമ്പദ്ഘടനയെ ഏതെല്ലാം തരത്തില്‍ ദോഷകരമായി ബാധിക്കുന്നുവെന്ന് വിലയിരുത്തിയിട്ടുണ്ടോ; വിശദമാക്കാമോ;

മുന്‍ സര്‍ക്കാര്‍, വിലക്കയറ്റം നിയന്ത്രിക്കുന്നതിന്റെ ഭാഗമായി പതിനാല് ഇനം അവശ്യസാധനങ്ങളുടെ വില ഉയരാതെ നിലനിര്‍ത്താൻ എന്തെല്ലാം നടപടികളാണ് കൈക്കൊണ്ടതെന്ന് വിശദമാക്കാമോ;

ജനങ്ങള്‍ക്ക് ഏറെ ആശ്വാസകരമായിരുന്ന പ്രസ്തുത തീരുമാനം തുടരാന്‍ സര്‍ക്കാര്‍ ഉദ്ദേശിക്കുന്നുണ്ടോ;

ഇന്ധന വില വര്‍ദ്ധനവുമൂലം കമ്പോളത്തിലെ അവശ്യവസ്തുക്കളുടെയും അസംസ്കൃത വസ്തുക്കളുടെയും വില ഉയരാതിരിക്കുന്നതിന് വിവിധ വകുപ്പുകളെ ഏകോപിപ്പിച്ചുകൊണ്ട് എന്തെല്ലാം നടപടികളാണ് സ്വീകരിച്ചുവരുന്നതെന്ന് അറിയിക്കാമോ?

ട്രാന്‍സ്ജെന്‍ഡര്‍ വിഭാഗത്തില്‍പ്പെട്ട ഉദ്യോഗാര്‍ത്ഥികള്‍ക്ക് എംപ്ലോയ്മെന്റ് എക്സ്ചേഞ്ച് മുഖേനയുള്ള നിയമനങ്ങളില്‍ സംവരണം ഏര്‍പ്പെടുത്തുന്ന കാര്യം പരിഗണനയിലുണ്ടോ; വിശദാംശങ്ങള്‍ ലഭ്യമാക്കാമോ?

ഈ സര്‍ക്കാർ ചുമതലയേറ്റതിനു ശേഷം മുഖ്യമന്ത്രി പ്രധാനമന്ത്രിയുമായി എത്ര തവണ കൂടിക്കാഴ്ച നടത്തുകയുണ്ടായി;

ഈ സന്ദര്‍ശനത്തില്‍ സംസ്ഥാന വികസനവുമായി ബന്ധപ്പെട്ട ഏതെല്ലാം വിഷയങ്ങളില്‍ ചര്‍ച്ച നടത്തുകയുണ്ടായി;

കൂടിക്കാഴ്ചയില്‍ സംസ്ഥാനത്തെ ഗതാഗത-കാര്‍ഷിക-ടൂറിസം രംഗങ്ങളിലെ വികസന പ്രവര്‍ത്തനങ്ങള്‍ സംബന്ധിച്ച് ചര്‍ച്ച ചെയ്യുകയുണ്ടായോ; വിശദാംശം നല്‍കാമോ;

സംസ്ഥാനത്തിന്റെ സമഗ്ര വികസനം ലക്ഷ്യമാക്കി പ്രധാനമന്ത്രി മുന്നോട്ടു വച്ച പ്രധാന നിര്‍ദ്ദേശങ്ങള്‍ എന്തെല്ലാമാണ്; വിശദമാക്കുമോ;

സംസ്ഥാനത്തിന്റെ സാമ്പത്തിക-സാമൂഹിക രംഗത്തെ വികസനത്തിനായി മുഖ്യമന്ത്രി സമര്‍പ്പിച്ച നിവേദനങ്ങളെ സംബന്ധിച്ച് വ്യക്തമാക്കാമോ?

വാമനപുരം നിയോജകമണ്ഡലത്തില്‍ റീബില്‍ഡ് കേരള പദ്ധതിയില്‍ ഉള്‍പ്പെടുത്തി ഭരണാനുമതി നല്‍കിയ പദ്ധതികള്‍ ഏതൊക്കെയെന്ന് അറിയിക്കാമോ;

ഓരോ പദ്ധതിക്കും അനുവദിച്ച തുക എത്ര വീതമെന്ന് അറിയിക്കാമോ;

ഓരോ പദ്ധതിയുടെയും പ്രവര്‍ത്തന പുരോഗതി അറിയിക്കാമോ?

കോവിഡ് 19 പ്രതിരോധത്തിന്റെ ഭാഗമായി വാക്സിനുകള്‍ കയറ്റുമതി ചെയ്യുന്ന നടപടികള്‍ തിരുത്തണമെന്നും സംസ്ഥാനത്തിന് ആവശ്യത്തിന് വാക്സിനുകള്‍ ലഭ്യമാക്കണമെന്നും ആവശ്യപ്പെട്ട് കേന്ദ്രത്തിന് നിവേദനം നല്‍കിയിട്ടുണ്ടോ; വ്യക്തമാക്കാമോ;

ആവശ്യത്തിന് വാക്സിനുകള്‍ കേരളത്തില്‍ ലഭ്യമാക്കാത്ത സാഹചര്യം പരിഗണിച്ച് കേരളത്തില്‍ തന്നെ കോവിഡ് പ്രതിരോധ വാക്സിന്‍ നിര്‍മ്മിക്കുന്നതിന് തീരുമാനിച്ചിട്ടുണ്ടോ; വിശദാംശങ്ങള്‍ നല്‍കാമോ;

വാക്സിന്‍ നിര്‍മ്മാണവുമായി ബന്ധപ്പെട്ട് ഇതുവരെ നടന്ന പ്രവര്‍ത്തനങ്ങള്‍ എന്തൊക്കെയാണ്; എന്നത്തേക്ക് വാക്സിന്‍ നിര്‍മ്മാണം ആരംഭിക്കാന്‍ കഴിയുമെന്ന് വ്യക്തമാക്കാമോ?

എറണാകുളം ജില്ലയില്‍ എച്ച്.എസ്.എ. സോഷ്യല്‍ സയന്‍സ് റാങ്ക് ലിസ്റ്റ് നിലവിലുണ്ടോ; ഉണ്ടെങ്കിൽ ആയതിന്റെ കാലാവധി എന്നുവരെയാണ്;

മുന്‍ വര്‍ഷങ്ങളില്‍ സ്റ്റാഫ് ഫിക‍്സേഷന്‍ നടക്കാത്തതുകൊണ്ട് പ്രസ്തുത റാങ്ക് ലിസ്റ്റിന്റെ കാലാവധി നീട്ടുന്നതിനാവശ്യമായ നടപടി സ്വീകരിക്കാമോ; വ്യക്തമാക്കുമോ?

ഫയലുകളില്‍ കുരുങ്ങിക്കിടക്കുന്ന പൊതു സമൂഹത്തിന്റെ ജീവിത സങ്കടങ്ങള്‍ സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഓരോ ഫയലും ഓരോ ജീവിതമാകയാല്‍ ഉദ്യോഗസ്ഥര്‍ അവയെ ചുവപ്പുനാടയിൽ കുരുക്കുന്നത് ഒഴിവാക്കുന്നതിനും പൊതുസമൂഹത്തിന്റെ കണ്ണീരകറ്റുന്നതിനും സ്വീകരിച്ചുവരുന്ന പ്രധാന നടപടികള്‍ എന്തെല്ലാമെന്ന് വ്യക്തമാക്കാമോ;

ഫയലുകളിൽ കാലതാമസം ഉണ്ടാക്കുന്ന ഉദ്യോഗസ്ഥര്‍ക്കെതിരെ കര്‍ശന ശിക്ഷാനടപടികള്‍ ഉറപ്പുവരുത്താന്‍ എന്തെല്ലാം നടപടികള്‍ സ്വീകരിച്ചുവരുന്നു എന്ന് വ്യക്തമാക്കാമോ;

വിവിധ വകുപ്പുകളിലും സെക്രട്ടേറിയറ്റിലും ഇത്തരത്തില്‍ തീരുമാനമാകാതെ കെട്ടികിടക്കുന്ന ഫയലുകള്‍ സംബന്ധിച്ച വിശദാംശം ലഭ്യമാക്കാമോ?

സംസ്ഥാനത്ത് കുട്ടികളില്‍ ലഹരി വസ്തുക്കളുടെ ഉപയോഗം വര്‍ദ്ധിച്ചു വരുന്നതായി ശ്രദ്ധയില്‍പ്പെട്ടിട്ടുണ്ടോ;

കുട്ടികള്‍ ലഹരി വസ്തുക്കള്‍ ഉപയോഗിക്കുന്നതുമായി ബന്ധപ്പെട്ട് സംസ്ഥാനത്ത് നിലവില്‍ എത്ര കേസുകള്‍ രജിസ്റ്റര്‍ ചെയ്തിട്ടുണ്ടെന്ന് വ്യക്തമാക്കുമോ; 2018-19, 2019-20 എന്നീ വര്‍ഷങ്ങളിലെ കണക്കുകള്‍ അറിയിക്കുമോ;

കുട്ടികളില്‍ ലഹരി വസ്തുക്കളുടെ ഉപയോഗം കുറയ്ക്കുന്നതിനായി സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ;

വിദ്യാഭ്യാസ വകുപ്പുമായി ചേര്‍ന്ന് ബോധവല്‍ക്കരണമുള്‍പ്പെടെ എന്തൊക്കെ നടപടികളാണ് സ്വീകരിക്കുന്നതെന്ന് വിശദമാക്കുമോ?

സംസ്ഥാനത്ത് വികസനത്തിന്റെ സദ്ഫലം എല്ലാ ഭവനങ്ങളിലേക്കുമെത്തിക്കുമെന്ന ലക്ഷ്യത്തോടെയുള്ള സുസ്ഥിര വികസന ലക്ഷ്യങ്ങള്‍ കൈവരിക്കുന്നതിന് നടത്തുന്ന പ്രധാന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കാമോ;

പ്രസ്തുത വികസന ലക്ഷ്യങ്ങള്‍ കൈവരിക്കുന്നതില്‍ രാജ്യത്ത് ഏറ്റവും മികച്ച സ്ഥാനം നേടാനായത് നിലനിറുത്തുന്നത്തിനും വികസന പ്രക്രിയ കൂടുതല്‍ മുന്നോട്ട് കൊണ്ടുപോകുന്നതിനും ഉള്ള പ്രധാന പരിപാടികള്‍ എന്തൊക്കെയെന്ന് അറിയിക്കാമോ;

പുതുതായി പ്രഖ്യാപിച്ചിട്ടുള്ള ഏകോപന നവകേരളം പദ്ധതിയുടെ രൂപരേഖ തയ്യാറായിട്ടുണ്ടോ എന്നറിയിക്കാമോ?

അര്‍ധ അതിവേഗ റെയില്‍വേ പദ്ധതിയായ സില്‍വര്‍ ലൈനിന് അന്തിമാനുമതി ലഭിക്കുന്നതിന് എന്തെല്ലാം നിബന്ധനകളാണ് കേന്ദ്ര സര്‍ക്കാര്‍ അറിയിച്ചിട്ടുള്ളതെന്നറിയിക്കാമോ;

പ്രസ്തുത പദ്ധതി നടപ്പിലാക്കുമ്പോള്‍ ഉണ്ടാകുന്ന ബാധ്യതകള്‍ സംസ്ഥാന സര്‍ക്കാര്‍ ഏറ്റെടുക്കണമെന്ന നിര്‍ദ്ദേശം ലഭിച്ചിട്ടുണ്ടോ;

എങ്കില്‍ ഇക്കാര്യത്തില്‍ കേന്ദ്ര സര്‍ക്കാരിന് മറുപടി നല്‍കിയിട്ടുണ്ടോ; വിശദാംശം നല്‍കുമോ?

സില്‍വര്‍ ലൈന്‍ ട്രെയിന്‍ സര്‍വ്വീസ് ആരംഭിക്കാന്‍ പദ്ധതിയുണ്ടോ; വ്യക്തമാക്കുമോ;

കെ-റെയില്‍ പദ്ധതിയും സില്‍വര്‍ ലൈന്‍ പദ്ധതിയും തമ്മിലുള്ള അന്തരം വിശദമാക്കാമോ?

കോവിഡി ​ന്റെ പശ്ചാത്തലത്തിൽ ഓൺലൈൻ പഠന സൗകര്യങ്ങൾ ഉൾപ്പെടെ വിദ്യാഭ്യാസ മേഖലയുടെ ശാക്തീകരണത്തിനായി അധിക വിഭവ സമാഹരണം നടത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

മുഖ്യമന്ത്രിയുടെ ദുരിതാശ്വാസനിധിയുടെ മാതൃകയിൽ വിദ്യാഭ്യാസ ശാക്തീകരണത്തിനായി ഒരു നിധി രൂപീകരിക്കുവാൻ ഉദ്ദേശിക്കുന്നുണ്ടോ; വിശദമാക്കാമോ;

എങ്കില്‍ പ്രസ്തുത നിധിയിൽ നിന്നുള്ള ധനസഹായം ഏതെല്ലാം ആവശ്യങ്ങൾക്ക് വേണ്ടി ഉപയോഗിക്കുവാനാണ് ഉദ്ദേശിക്കുന്നതെന്ന് വിശദമാക്കാമോ;

ഫണ്ടിലേക്ക് ധനസമാഹരണത്തിനായി എന്തെല്ലാം നടപടികളാണ് സ്വീകരിക്കുവാൻ ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനത്തെ അതിവേഗ റെയില്‍ പദ്ധതിയായ കെ-റെയിലിന്റെ അന്തിമ അലൈന്‍മെന്റ് നിര്‍ണ്ണയിക്കപ്പെട്ടിട്ടുണ്ടോ; കെ-റെയില്‍ പദ്ധതിയുടെ പേരില്‍ ബോധപൂര്‍വ്വം സൃഷ്ടിക്കപ്പെടുന്ന അനാവശ്യ ആശങ്ക പരിഹരിക്കുന്നതിനുള്ള പ്രചരണ മാര്‍ഗ്ഗങ്ങള്‍ ആലോചിക്കുന്നുണ്ടോ; വ്യക്തമാക്കുമോ?

വയനാട് പാക്കേജില്‍ എന്തെല്ലാം പദ്ധതികളാണ് വിഭാവനം ചെയ്തിട്ടുള്ളതെന്ന് വ്യക്തമാക്കാമോ;

നിലവില്‍ വയനാട് പാക്കേജുമായി ബന്ധപ്പെട്ട് നടക്കുന്ന നടപടിക്രമങ്ങള്‍ വിശദമാക്കാമോ;

വിവിധ വകുപ്പുകള്‍ക്ക് കീഴിൽ വയനാട് പാക്കേജില്‍ ഉള്‍പ്പെടുത്തി നടപ്പാക്കുന്ന പദ്ധതികള്‍ക്ക് ക്രോഡീകരണവും ഏകോപനവും ഉറപ്പുവരുത്തുന്നതിനുള്ള നടപടി സ്വീകരിക്കുമോ?

സിൽവർ ലൈൻ റെയിൽ പാതയ്ക്കു വേണ്ടി എത്ര ഭൂമി ഏറ്റെടുക്കേണ്ടിവരുമെന്ന് ജില്ല തിരിച്ച് വ്യക്തമാക്കാമോ;

ഏറ്റെടുക്കുന്ന ഭൂമികളുടെ വിസ്തീർണ്ണവും സർവ്വേ നമ്പരും വില്ലേജും ജില്ല തിരിച്ച് വ്യക്തമാക്കാമോ;

സിൽവർ ലൈൻ റെയിൽ പാതയ്ക്കാവശ്യമായ ചെലവ് എങ്ങനെ കണ്ടെത്തുമെന്ന് വ്യക്തമാക്കാമോ;

ഏറ്റെടുക്കുന്ന സ്ഥലത്തിന്റെ ഉടമകൾക്ക് നൽകുന്ന നഷ്ടപരിഹാരത്തിന്റെ മാനദണ്ഡമെന്താണെന്നും വ്യക്തമാക്കാമോ;

സിൽവർ ലൈൻ റെയിൽ പാതയിൽകൂടി ഓടുന്ന ട്രെയിനുകൾക്ക് ഏതെല്ലാം സ്റ്റേഷനുകളിൽ സ്റ്റോപ്പ് ഉണ്ടാകുമെന്ന് വ്യക്തമാക്കാമോ;

പ്രസ്തുത പദ്ധതി എപ്പോൾ തുടങ്ങുമെന്നും ട്രെയിന്‍ ഓടിത്തുടങ്ങുക എപ്പോഴാണെന്നും അറിയിക്കാമോ?

കഴിഞ്ഞ അഞ്ചുവർഷം മന്ത്രിമാർക്ക് യാത്ര ചെയ്യുന്നതിനുവേണ്ടി പുതിയ കാറുകൾ വാങ്ങിയിട്ടുണ്ടോ; എങ്കിൽ ഏതൊക്കെ മന്ത്രിമാർക്ക് വേണ്ടിയാണ് വാഹനങ്ങൾ വാങ്ങിച്ചതെന്നും ഓരോ വാഹനത്തിനും ചെലവഴിച്ച തുക എത്രയാണെന്നും വ്യക്തമാക്കുമോ;

കഴിഞ്ഞ മന്ത്രിസഭാ കാലയളവിൽ മന്ത്രിമാർക്ക് വാഹനങ്ങൾ മാറ്റി നൽകിയിട്ടുണ്ടോ; എങ്കിൽ ഏതൊക്കെ മന്ത്രിമാർക്ക്, എത്ര തവണ, വാഹനങ്ങൾ മാറ്റി നൽകിയിട്ടുണ്ടെന്ന് വ്യക്തമാക്കുമോ; ഇങ്ങനെ വാഹനങ്ങൾ മാറ്റി നൽകാൻ ഉണ്ടായ സാഹചര്യം എന്താണെന്ന് അറിയിക്കുമോ?

സെക്രട്ടേറിയറ്റിലേയും സര്‍ക്കാര്‍ ഓഫീസുകളിലേയും ഫയലുകള്‍ കാലതാമസമില്ലാതെ അതിവേഗം തീര്‍പ്പാക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ;

എല്ലാ സര്‍ക്കാര്‍ ഓഫീസുകളും ഇ-ഫയലുകള്‍ കൈകാര്യം ചെയ്യാന്‍ സജ്ജമായിട്ടുണ്ടോ; വിശദമാക്കാമോ;

നിലവില്‍ ഇ-ഫയല്‍, ഇ-ഓഫീസ് എന്നിവ പൂര്‍ണ്ണസജ്ജമായി കൈകാര്യം ചെയ്യുന്ന സംസ്ഥാനത്തെ ഡയറക്ടറേറ്റുകള്‍ ഏതൊക്കെയാണെന്ന് വ്യക്തമാക്കാമോ;

പ്രസ്തുത ഡയറക്ടറേറ്റുകളില്‍ നിന്നും സെക്രട്ടേറിയറ്റിലേക്ക് ഇ -ഓഫീസ് മുഖേന ഫയലുകള്‍ അയക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

ഗവണ്‍മെന്റ് സെക്രട്ടേറിയറ്റ്/കേരള പബ്ലിക് സര്‍വ്വീസ് കമ്മീഷന്‍/കേരള സംസ്ഥാന ഓഡിറ്റ് വകുപ്പ്/അഡ്വക്കേറ്റ് ജനറലിന്റെ ഓഫീസ്/വിജിലന്‍സ് ട്രിബ്യൂണല്‍/കേരള ലോകായുക്ത എന്നീ വകുപ്പുകളില്‍ കമ്പ്യൂട്ടര്‍ അസിസ്റ്റന്റ് ഗ്രേഡ് II വിഭാഗത്തില്‍ ആകെ എത്ര തസ്തികകളാണ് നിലവിലുള്ളത്; വകുപ്പ് തിരിച്ച് മറുപടി ലഭ്യമാക്കാമോ;

പ്രസ്തുത വകുപ്പുകളില്‍ ടി തസ്തികയില്‍ നിലവില്‍ ജോലി നോക്കുന്ന ജീവനക്കാരുടെ എണ്ണം വകുപ്പ് തിരിച്ച് നല്‍കാമോ;

പ്രസ്തുത വകുപ്പുകളില്‍ മേപ്പടി തസ്തികയില്‍ നിലവില്‍ എത്ര ഒഴിവുകള്‍ പി.എസ്.സി. ക്ക് റിപ്പോര്‍ട്ട് ചെയ്തിട്ടുണ്ട്; നിലവില്‍ എത്ര ഒഴിവുകളാണ് റിപ്പോര്‍ട്ട് ചെയ്യാനുള്ളത്; വിശദാംശം വകുപ്പ് തിരിച്ച് നല്‍കാമോ;

പ്രസ്തുത വകുപ്പുകളില്‍ ഈ തസ്തികയില്‍ രണ്ട് വര്‍ഷത്തിനുള്ളില്‍ പ്രൊമോഷന്‍, റിട്ടയര്‍മെന്റ് എന്നിങ്ങനെ എത്ര ഒഴിവുകള്‍ പ്രതീക്ഷിക്കുന്നു; വിശദാംശം അറിയിക്കാമോ;

ഈ വകുപ്പുകളുടെ പ്രവര്‍ത്തനം മെച്ചപ്പെടുത്തുന്നതിലേക്കായി കമ്പ്യൂട്ടര്‍ അസിസ്റ്റന്റ് ഗ്രേഡ് II ന്റെ പുതിയ തസ്തിക അനുവദിക്കുന്നതിനുള്ള നടപടികള്‍ പരിഗണനയിലുണ്ടോയെന്നറിയിക്കുമോ?

എല്‍.ഡി. ടൈപ്പിസ്റ്റ് തസ്തികയുടെ പേര് കമ്പ്യൂട്ടര്‍ അസിസ്റ്റന്റ് എന്ന് പുനര്‍നാമകരണം ചെയ്യുന്നത് സര്‍ക്കാര്‍ പരിഗണനയിലുണ്ടോ; വിശദാംശങ്ങള്‍ ലഭ്യമാക്കാമോ?

2021 ഫെബ്രുവരി 3, 4, 5 തീയതികളില്‍ മുഖ്യമന്ത്രി നടത്തിയ അദാലത്തില്‍ തസ്തികമാറ്റം വഴി ആശ്രിത നിയമനം ലഭിക്കുന്നതിന് എത്ര പേരുടെ അപേക്ഷയാണ് ലഭിച്ചതെന്നറിയിക്കാമോ;

മലപ്പുറത്തെ മൃഗസംരക്ഷണ വകുപ്പില്‍ ലെെവ് സ്റ്റോക്ക് ഇന്‍സ്പെക്ടര്‍ ആയി ജോലി ചെയ്ത് വരികെ മരണമടഞ്ഞ ഉദയന്‍. ആര്‍. കെ.യുടെ ഭാര്യ നിഷ. എ. ആശ്രിത നിയമനത്തിനുവേണ്ടി സമര്‍പ്പിച്ച അപേക്ഷയിലെ File No. E1/44/15-AH കംപാഷനേറ്റ് എംപ്ലാേയ്‍മെന്റ് നമ്പര്‍ പ്രകാരമുള്ള അപേക്ഷയുടെ നിലവിലെ അവസ്ഥ അറിയിക്കാമോ;

2013 ജൂണ്‍ 28-ന് മരണമടഞ്ഞ ഉദയന്റെ ഭാര്യക്ക് ആശ്രിത നിയമന നടപടി വെെകുന്നത് ശ്രദ്ധയില്‍പ്പെട്ടിട്ടുണ്ടോ; ശ്രീമതി നിഷയുടെ നിയമനനടപടി വേഗത്തിലാക്കാന്‍ നടപടി സ്വീകരിക്കുമോ?

കോവിഡ് വ്യാപനത്തെ തുടര്‍ന്ന് വലിയ സാമ്പത്തിക പ്രതിസന്ധി നേരിടുമ്പോഴും സംസ്ഥാന ജീവനക്കാര്‍ക്ക് ശമ്പളവും ആനുകൂല്യങ്ങളും മുടങ്ങാതിരിക്കാന്‍ സര്‍ക്കാര്‍ നടത്തിയ നടപടികള്‍ സംബന്ധിച്ച് ജീവനക്കാരുടെ സംഘടനകളുടെ പ്രതികരണം എന്തായിരുന്നു;

അഴിമതി തടയുന്നതിന്റെ ഭാഗമായി വിജിലന്‍സ് ആന്റ് ആന്റി കറപ്ഷന്‍ ബ്യൂറോയെ ശക്തിപ്പെടുത്തുന്നതിന് കഴിഞ്ഞിട്ടുണ്ടോ;

സര്‍ക്കാര്‍ ജീവനക്കാരെ വ്യക്തിഹത്യ ചെയ്യുക എന്ന ലക്ഷ്യത്തോടെ വ്യാജ രേഖകള്‍ / കത്തുകള്‍ ചമയ്ക്കുന്നതും, സമൂഹ മാധ്യമങ്ങളിലൂടെ അപവാദം പ്രചരിപ്പിക്കുന്നതും ശ്രദ്ധയില്‍പ്പെട്ടാല്‍ കുറ്റക്കാര്‍ക്കെതിരെ എന്തെല്ലാം നിയമ നടപടികള്‍ സ്വീകരിക്കാന്‍ കഴിയുമെന്ന് വിശദമാക്കാമോ ?

പൊതുഭരണ സെക്രട്ടേറിയറ്റിലെ അസിസ്റ്റന്റ് മുതൽ സ്പെഷ്യൽ സെക്രട്ടറി വരെയുള്ള ഉദ്യോഗസ്ഥരുടെ സീനിയോരിറ്റി ലിസ്റ്റിന്റെ പകർപ്പ് ലഭ്യമാക്കാമോ;

അസിസ്റ്റന്റ് ഇതര വിഭാഗങ്ങളിൽ നിന്നും സെക്ഷൻ ഓഫീസർ തസ്തികയിലേക്ക് പ്രൊമോഷൻ/ ബൈട്രാൻസ്ഫർ നിയമനങ്ങൾ നടത്തുന്നുണ്ടോ; എങ്കിൽ പ്രസ്തുത നിയമനങ്ങള്‍ നടത്തുന്നതിനുള്ള അനുപാതം, യോഗ്യത ഉൾപ്പടെയുള്ള വിശദാംശങ്ങൾ ലഭ്യമാക്കുമോ;

സെക്ഷന്‍ ഓഫീസര്‍, അസിസ്റ്റന്റ്‌ തസ്തികകളിലേക്ക് മറ്റ് വിഭാഗം തസ്തികകളില്‍ നിന്നും നിയമനം നടത്തുന്നതിന്റെ മാനദണ്ഡങ്ങള്‍ വിശദമാക്കാമോ; പ്രസ്തുത നിയമനങ്ങള്‍ക്കായി വിവിധ വിഭാഗങ്ങളില്‍ നിലവിലുള്ള സീനിയോരിറ്റി ലിസ്റ്റിന്റെ പകര്‍പ്പ് ലഭ്യമാക്കാമോ?

സംസ്ഥാനത്ത് 2012 നവംബര്‍ 1-ന് നിലവില്‍ വന്ന സേവന അവകാശ നിയമം എത്ര വകുപ്പുകളിലാണ് നടപ്പിലാക്കിയിട്ടുള്ളതെന്നും ഇനി എത്ര വകുപ്പുകളിലാണ് ഈ നിയമം നടപ്പിലാക്കാനുള്ളതെന്നും അവ ഏതെല്ലാമാണെന്നും വ്യക്തമാക്കുമോ;

പ്രസ്തുത നിയമം നടപ്പിലാക്കിയ വകുപ്പുകളില്‍ യഥാസമയം സേവനങ്ങള്‍ നല്‍കാത്തത് സംബന്ധിച്ച് എത്ര പരാതികളാണ് ലഭിച്ചിട്ടുള്ളതെന്ന് വകുപ്പ് തിരിച്ച് വ്യക്തമാക്കുമോ;

സേവന അവകാശ നിയമപ്രകാരം യഥാസമയം സേവനം ലഭിക്കാത്തതിന് നാളിതുവരെ എത്ര സര്‍ക്കാര്‍ ജീവനക്കാരില്‍ നിന്ന് പിഴ ഈടാക്കിയിട്ടുണ്ടെന്ന് വ്യക്തമാക്കുമോ;

ഈ നിയമപ്രകാരമുള്ള അപ്പീല്‍ അപേക്ഷകള്‍ കൈകാര്യം ചെയ്യുന്നതിന് നിലവില്‍ സംവിധാനമുണ്ടോ; എങ്കില്‍ അത് വ്യക്തമാക്കാമോ;

പ്രസ്തുത നിയമം നടപ്പിലാക്കാത്ത വകുപ്പുകളില്‍ ആയത് നടപ്പിലാക്കുന്നതിനുള്ള നടപടികള്‍ എന്നത്തേയ്ക്ക് പൂര്‍ത്തിയാക്കാനാകും എന്ന് പറയുമോ;

ഒന്‍പത് വര്‍ഷങ്ങള്‍ക്ക് ശേഷവും നിയമം പൂര്‍ണ്ണ തോതില്‍ നടപ്പിലാക്കാന്‍ കഴിയാത്തതിലെ വീഴ്ചകള്‍ പരിശോധിക്കുമോ?

വിവിധ വകുപ്പുകളിൽ ജോലി ചെയ്തിരുന്ന താല്ക്കാലിക ജീവനക്കാരില്‍ എത്ര പേരെയാണ് 2016-21 കാലയളവില്‍ സ്ഥിരപ്പെടുത്തിയത് എന്ന് വ്യക്തമാക്കാമോ;

പ്രസ്തുത ജീവനക്കാരെ സ്ഥിരപ്പെടുത്തുന്നതിന് സ്വീകരിച്ച മാനദണ്ഡം വിശദമാക്കാമോ ;

ഓരോ വകുപ്പിലും എത്ര പേരെ സ്ഥിരപ്പെടുത്തിയിട്ടുണ്ട് എന്ന് വിശദമാക്കാമോ?

കോവിഡ് കാരണം വിവിധ വകുപ്പുകളില്‍ പൊതു സ്ഥലംമാറ്റം നടക്കാത്തത് ശ്രദ്ധയില്‍പ്പെട്ടിട്ടുണ്ടോ; ഇതുമൂലം ദീര്‍ഘകാലമായി അന്യജില്ലകളില്‍ ജോലി നോക്കേണ്ടി വരുന്ന ജീവനക്കാരുടെ ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

പൊതു സ്ഥലംമാറ്റം നടക്കാത്തതു കാരണം നിലവില്‍ വരുന്ന ഒഴിവുകളില്‍ അനര്‍ഹരായവര്‍ക്കും സീനിയോറിറ്റി മറികടന്നും സ്ഥലം മാറ്റം അനുവദിയ്ക്കുന്നതായുള്ള പരാതികള്‍ പരിഹരിക്കുന്നതിന് നടപടി സ്വീകരിക്കുമോ;

പൊതു സ്ഥലംമാറ്റം യഥാസമയം നടക്കാത്ത എല്ലാ വകുപ്പുകളിലും മാനദണ്ഡ പ്രകാരമുള്ള സ്ഥലംമാറ്റം നടത്തുന്നതിനും ഇതുമായി ബന്ധപ്പെട്ട് ഉയര്‍ന്നു വന്നിട്ടുള്ള പരാതികള്‍ പരിഹരിക്കുന്നതിനും നടപടി സ്വീകരിക്കുമോ?

സംസ്ഥാനത്ത് ഐ.എ.എസ് , ഐ.പി.എസ്, ഐ.എഫ്.എസ് തുടങ്ങിയ സിവില്‍ സര്‍വ്വീസ് ഉദ്യോഗസ്ഥരുടെ കുറവ് ഉണ്ടോ; വ്യക്തമാക്കാമോ;

ഒരു വകുപ്പ് മേധാവിയ്ക്ക്, പല വകുപ്പുകളുടെ ചുമതലകള്‍ നല്‍കിയിട്ടുള്ള സാഹചര്യം ഒഴിവാക്കുന്നതിനുള്ള നടപടി സ്വീകരിക്കുമോ;

അഖിലേന്ത്യാ സര്‍വ്വീസില്‍, കേരള കേഡറിലുള്ള എത്ര ഓഫീസര്‍മാര്‍ ഡെപ്യൂട്ടേഷനില്‍ പ്രവര്‍ത്തിക്കുന്നുണ്ടെന്ന് വിശദമാക്കാമോ?

റീബില്‍ഡ് കേരള പദ്ധതിയിലുള്‍പ്പെടുത്തി പാലക്കാട് ജില്ലയിലെ ഏതെല്ലാം റോഡുകളാണ് നവീകരിക്കുന്നത് എന്ന് അറിയിക്കാമോ;

ഇതില്‍ ഓരോ റോഡിനും അനുവദിച്ച തുകയും പ്രവൃത്തിയുടെ നിലവിലെ സ്ഥിതിയും അറിയിക്കാമോ?

നവ കേരള നിര്‍മ്മിതിയുടെ നാലു സുപ്രധാന സംരംഭങ്ങളായി ആവിഷ്കരിച്ച ലെെഫ്, ആര്‍ദ്രം, ഹരിത കേരളം, പൊതുവിദ്യാഭ്യാസ സംരക്ഷണം എന്നീ യജ്ഞങ്ങള്‍ പുനഃസംഘടിപ്പിക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ;

പ്രസ്തുത യജ്ഞങ്ങള്‍ വിപുലീകരിച്ച് ഏകോപിപ്പിക്കാനുദ്ദേശിക്കുന്ന പരിപാടിയുടെ ലക്ഷ്യവും പ്രവര്‍ത്തന പരിപാടിയും സംബന്ധിച്ച മാര്‍ഗ്ഗരേഖ തയ്യാറാക്കിയിട്ടുണ്ടോ;

തദ്ദേശസ്വയംഭരണ സ്ഥാപനങ്ങളുടെ ആഭിമുഖ്യത്തില്‍ ജനപങ്കാളിത്തം ഉറപ്പാക്കിക്കൊണ്ടാണോ രണ്ടാം നവ കേരളം കര്‍മ്മ പദ്ധതി രൂപീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

തീരദേശപരിപാലന നിയമം ലംഘിച്ച് വാണിജ്യാവശ്യങ്ങള്‍ക്കായി നിര്‍മ്മിച്ച കെട്ടിടങ്ങള്‍ എത്രയുണ്ടെന്നാണ് കണ്ടെത്തിയിട്ടുള്ളത്; പ്രസ്തുത കെട്ടിടങ്ങളുടെ കാര്യത്തിലുള്ള നിലപാട് വ്യക്തമാക്കുമോ?

ആഗോളതാപനത്തിന്റെയും കാലാവസ്ഥാ വ്യതിയാനത്തിന്റെയും അനന്തരഫലമായി സംസ്ഥാനത്തിന്റെ തീരദേശ പ്രദേശങ്ങള്‍ കടല്‍ കവരുന്നത് തീരപ്രദേശത്തെ ആവാസ വ്യവസ്ഥയെത്തന്നെ പ്രതികൂലമായി ബാധിച്ചിരിക്കുന്ന വസ്തുത സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

കടലാക്രമണം തടയുന്നതിന് പരമ്പരാഗത രീതിയില്‍ നിര്‍മ്മിച്ചിട്ടുളള കടല്‍ഭിത്തികള്‍ പ്രസ്തുത സാഹചര്യങ്ങളെ അതിജീവിക്കുന്നതിന് പര്യാപ്തമാണോ എന്ന് സര്‍ക്കാര്‍ വിലയിരുത്തിയിട്ടുണ്ടോ;

സവിശേഷമായ സാഹചര്യത്തിനനുസരിച്ച് സംരക്ഷണഭിത്തി നിര്‍മ്മിക്കുന്നതിന് ശാസ്ത്രീയവും പ്രായോഗികവുമായ മാര്‍ഗ്ഗങ്ങള്‍ സര്‍ക്കാര്‍ ആരായുന്നുണ്ടോ; ഇത് സംബന്ധിച്ചുളള എന്തെങ്കിലും പഠനങ്ങള്‍ സര്‍ക്കാരിന്റെ പരിശോധനയിലുണ്ടോ; വിശദമാക്കുമോ?

തിരുവല്ല റവന്യൂ ടവറിന് സമീപം നിർമ്മിച്ചുകൊണ്ടിരിക്കുന്ന കാലാവസ്ഥാ നിരീക്ഷണത്തിനായുള്ള സ്റ്റേഷനിൽ എന്തൊക്കെ സൗകര്യങ്ങളാണ് ഏർപ്പെടുത്തിയിട്ടുള്ളതെന്ന് വിശദമാക്കാമോ;

സ്റ്റേഷന്റെ നിർമ്മാണം പൂർത്തീകരിച്ച് എന്നത്തേക്ക് പ്രവർത്തനം തുടങ്ങുവാനാണ് ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനത്ത് പതിനെട്ട് വയസിന് താഴെ പ്രായമുള്ള കുട്ടികള്‍ക്ക് ഗുരുതര രോഗങ്ങളുടെ ചികിത്സ സൗജന്യമായി തുടരുന്നുണ്ടോ;

റേഷന്‍ കാര്‍ഡ് മുന്‍ഗണനാ ലിസ്റ്റില്‍ ഉള്‍പ്പെട്ടിട്ടില്ല എന്ന കാരണത്താല്‍ സൗജന്യ ചികിത്സ കുട്ടികള്‍ക്ക് നിഷേധിക്കുന്ന സാഹചര്യം നിലനില്‍ക്കുന്നുണ്ടോ;

തിരുവനന്തപുരം ശ്രീ ചിത്തിര തിരുനാള്‍ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് ആന്റ് ടെക്നോളജിയില്‍ റേഷന്‍കാര്‍ഡ് മുന്‍ഗണനാ പട്ടികയില്‍ ഉള്‍പ്പെടാത്ത കുട്ടികള്‍ക്ക് സൗജന്യ ചികിത്സ നിഷേധിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിശോധിച്ച് സൗജന്യ ചികിത്സ ഉറപ്പുവരുത്തുമോ;

റേഷന്‍ കാര്‍ഡ് ഭേദമന്യേ പ്രസ്തുത ആശുപത്രിയില്‍ ഈ വിഭാഗത്തില്‍പ്പെട്ട കുട്ടികള്‍ക്ക് സൗജന്യ ചികിത്സ നല്‍കി വന്നിരുന്നോ; എങ്കില്‍ നിലവില്‍ ഇത് നിഷേധിക്കുന്നത് ഏത് സാഹചര്യത്തിലാണ് എന്നത് പരിശോധിക്കുമോ;

സൗജന്യ ചികിത്സ അനുവദിച്ചുതുമായി ബന്ധപ്പെട്ട് പ്രസ്തുത ആശുപത്രിക്ക് സര്‍ക്കാര്‍ പണം നല്‍കുവാനുണ്ടോ; എങ്കില്‍ എത്രയെന്ന് വെളിപ്പെടുത്തുമോ;

റേഷന്‍ കാര്‍ഡ് ഒരു പ്രത്യേക വിഭാഗത്തില്‍ ഉള്‍പ്പെട്ടുപോയി എന്ന കാരണത്താല്‍ ഗുരുതര രോഗങ്ങള്‍ക്ക് ചികിത്സ തേടിവരുന്ന പതിനെട്ട് വയസിന് താഴെ പ്രായമുള്ള കുട്ടികള്‍ക്ക് സൗജന്യ ചികിത്സ നിഷേധിക്കുന്നത് ഒഴിവാക്കുന്നതിനാവശ്യമായ അടിയന്തര നടപടി സ്വീകരിക്കുമോ?

പൊതുമേഖലാ സ്ഥാപനങ്ങളിലെ നിയമനങ്ങള്‍ക്ക് വേണ്ടി പ്രത്യേക റിക്രൂട്ട്മെന്റ് ബോർഡ് രൂപീകരിക്കാൻ ഉദ്ദേശിക്കുന്നുണ്ടോയെന്ന് വ്യക്തമാക്കുമോ; പ്രത്യേക റിക്രൂട്ട്മെന്റ് ബോർഡ് രൂപീകരിക്കേണ്ടതിന്റെ ആവശ്യകത എന്താണെന്ന് അറിയിക്കുമോ;

നിലവിൽ പൊതുമേഖലാസ്ഥാപനങ്ങളിലെ നിയമനം നടത്തി വരുന്നത് ഏത് സർക്കാർ ഏജൻസി വഴിയാണ്; പ്രസ്തുത നിയമന രീതിയില്‍ ന്യൂനതകൾ കണ്ടെത്തിയിട്ടുണ്ടോ; വിശദാംശം നൽകുമോ;

പൊതുമേഖലാ സ്ഥാപനങ്ങളിലെ നിയമനം നടത്തിവരുന്ന സർക്കാർ ഏജൻസിയിൽ നിന്നും നിയമന പ്രക്രിയ മാറ്റുന്നതിന് കാരണം വ്യക്തമാക്കാമോ?

സംസ്ഥാനത്ത് പി.എസ്.സി.യുടെ പ്രവര്‍ത്തനം യു.പി.എസ്.സി.യുടെ മാതൃകയില്‍ ക്രമീകരിക്കണമെന്ന നിര്‍ദ്ദേശം ഉണ്ടായിട്ടുണ്ടോ; വ്യക്തമാക്കാമോ;

പി.എസ്.സി. പരീക്ഷകള്‍ക്ക് വാര്‍ഷിക കലണ്ടര്‍ പ്രസിദ്ധീകരിക്കാന്‍ നടപടി സ്വീകരിക്കുമോ; അറിയിക്കാമോ;

റാങ്ക് ലിസ്റ്റില്‍ ഉള്‍പ്പെട്ടിട്ടുള്ളവരില്‍ നിയമനം ആവശ്യമില്ലാത്തവര്‍ക്ക് റാങ്ക് ലിസ്റ്റില്‍ നിന്നും പിന്മാറുന്നതിന് നിലവിലുള്ള വ്യവസ്ഥകള്‍ ലഘൂകരിക്കണമെന്ന ആവശ്യത്തിന്മേൽ തീരുമാനം എടുത്തിട്ടുണ്ടോ; വിശദാംശം നല്‍കാമോ?

മുന്‍സര്‍ക്കാരിന്റെ അഞ്ച് വര്‍ഷത്തെ ഭരണകാലത്ത് പ്രസിദ്ധീകരിച്ച പി.എസ്.സി. റാങ്ക് ലിസ്റ്റുകളുടെ എണ്ണമെത്രയെന്ന് അറിയിക്കാമോ;

ഇക്കാലത്ത് പ്രസിദ്ധീകരിച്ച പല റാങ്ക് ലിസ്റ്റുകളിലും നിയമന വേഗത കുറഞ്ഞത് ശ്രദ്ധയില്‍പ്പെട്ടിട്ടുണ്ടോ;

റാങ്ക് ലിസ്റ്റുകള്‍ നിലവിലുള്ളപ്പോള്‍ റവന്യൂ ഉള്‍പ്പെടെയുള്ള പല വകുപ്പുകളിലും ഉയര്‍ന്ന തസ്തികകളിലുള്ള പ്രമോഷന്‍ വെെകുന്നത് മൂലം പരമാവധി പേര്‍ക്ക് നിയമനം ലഭിക്കാതെ പോകുന്നത് ശ്രദ്ധയില്‍പ്പെട്ടിട്ടുണ്ടോ;

ഇതിനു പരിഹാരമായി ഓരോ വകുപ്പിലുമുള്ള പ്രമോഷനുകള്‍ സമയബന്ധിതമായി നല്‍കുന്നതിനും ഇതുവഴി റാങ്ക് ലിസ്റ്റില്‍ ഉള്‍പ്പെട്ട കൂടുതല്‍ ഉദ്യോഗാര്‍ത്ഥികള്‍ക്ക് നിയമനം ലഭ്യമാക്കുന്നതിനും എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

കഴിഞ്ഞ നാലു വര്‍ഷമായി സംസ്ഥാന സ്പോര്‍ട്സ് കൗണ്‍സില്‍ അംഗീകാരത്തോടെ ദേശീയതല മത്സരങ്ങളില്‍ കേരളത്തിന് മെഡലുകള്‍ നേടി തന്നിട്ടുള്ള നെറ്റ് ബോള്‍ എന്ന കായിക ഇനത്തെ പി.എസ്.സി അംഗീകരിക്കാത്തത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത വിഷയം പരിഹരിക്കുന്നതിനുള്ള നടപടി സ്വീകരിക്കാമോ; വിശദാംശങ്ങള്‍ ലഭ്യമാക്കാമോ?

കൃഷി വകുപ്പിലെ കൃഷി അസിസ്റ്റന്റ് തസ്തികയുടെ അടിസ്ഥാനയോഗ്യത എന്താണ്;

പ്രസ്തുത തസ്തികയുടെ അടിസ്ഥാന യോഗ്യതയില്‍ ബി.എസ്.സി. അഗ്രികള്‍ച്ചര്‍ ഉള്‍പ്പെട്ടിട്ടുണ്ടോ;

പ്രസ്തുത തസ്തികയ്ക്ക് നിലവില്‍ പ്രസിദ്ധീകരിച്ച റാങ്ക് ലിസ്റ്റില്‍ ഏതെല്ലാം യോഗ്യതകള്‍ നേടിയ ആള്‍ക്കാരെയാണ് ഉള്‍പ്പെടുത്തിയിട്ടുള്ളത്;

പി.എസ്.സി. നടത്തിയ പരീക്ഷയില്‍ കിട്ടിയ മാര്‍ക്കിന്റെ അടിസ്ഥാനത്തിലാണോ റാങ്ക് ലിസ്റ്റ് പ്രസിദ്ധീകരിച്ചത്;

പ്രസ്തുത തസ്തികയുടെ അടിസ്ഥാനയോഗ്യത ഡിപ്ലോമ ഇൻ അഗ്രികള്‍ച്ചര്‍ അല്ലെങ്കിൽ വി.എച്ച്.എസ്.ഇ അഗ്രികള്‍ച്ചര്‍ എന്നാക്കി മാറ്റാന്‍ ആവശ്യമായ നടപടികള്‍ സ്വീകരിക്കുമോ?

പബ്ലിക് സര്‍വ്വീസ് കമ്മീഷനില്‍ നിലവിലുള്ള അംഗങ്ങളുടെ ഒഴിവുകള്‍ നികത്തുന്നതിനു നടപടി സ്വീകരിച്ചിട്ടുണ്ടോ;

പി.എസ്.സി. അംഗമാകാന്‍ കോഴ വാങ്ങുന്നു എന്ന റിപ്പോര്‍ട്ടുകള്‍ ശ്രദ്ധയിൽപ്പെട്ടിട്ടുണ്ടോ;

പ്രസ്തുത സംഭവം പി.എസ്.സി.യുടെ വിശ്വാസ്യതയ്ക്ക് ഭംഗം വരുത്തിയെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് വീണ്ടെടുക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കുമോ?

പി.എസ്.സി.യിലെ എന്‍.സി.എ. വേക്കന്‍സികള്‍ എത്ര തവണ നോട്ടിഫൈ ചെയ്യണമെന്നാണ് വ്യവസ്ഥ ചെയ്തിട്ടുള്ളതെന്ന് വ്യക്തമാക്കാമോ;

ഓരോ എന്‍.സി.എ. നോട്ടിഫിക്കേഷനും ഇടക്കുള്ള കാലയളവ് എത്രയാണെന്ന് നിഷ്ക്കര്‍ശിച്ചിട്ടുണ്ടോ;

എന്‍.സി.എ. നോട്ടിഫിക്കേഷന്‍ നീണ്ടുപോവുന്നത് മൂലം ഒഴിവുകള്‍ നികത്തപ്പെടാതെയും റാങ്ക് ലിസ്റ്റില്‍ എത്തുന്നവര്‍ക്ക് അവസരങ്ങള്‍ നഷ്ടപ്പെടുന്നതായുമുള്ള പരാതി ശ്രദ്ധയില്‍പെട്ടിട്ടുണ്ടോ;

എങ്കില്‍ ആയത് പരിഹരിക്കാന്‍ എന്ത് നടപടികളാണ് സര്‍ക്കാര്‍ സ്വീകരിക്കുന്നതെന്ന് വിശദമാക്കാമോ?

പി.എസ്.സി. റാങ്ക് പട്ടികയിൽ പട്ടികവർഗ്ഗവിഭാഗക്കാരായ ഉദ്യോഗാർഥികളുടെ അഭാവത്തിൽ ഉടലെടുത്തതും ഇതര സമുദായങ്ങൾക്ക് ഊഴം നൽകി കൊടുത്തിട്ടുള്ളതും എന്നാൽ നാളിതുവരെ പട്ടികവർഗക്കാരായ ഉദ്യോഗാർത്ഥികൾക്ക് തിരികെ നൽകാൻ കഴിയാത്തതുമായ എൻ.സി.എ. ഒഴിവുകൾ നിലവിലുണ്ടോ; എങ്കില്‍ എത്രയെണ്ണം ഉണ്ടെന്നും ഏതൊക്കെ തസ്തികകളിലാണെന്നും വിശദമാക്കുമോ?

തിരുവനന്തപുരം റീജിയണല്‍ ക്യാന്‍സര്‍ സെന്ററിന്റെ നിയമാവലി പ്രകാരം ഭരണനിയന്ത്രണം കേരള സര്‍ക്കാരിലാണോ കേന്ദ്രസര്‍ക്കാരിലാണോ നിക്ഷിപ്തമായിരിക്കുന്നതെന്ന് വ്യക്തമാക്കാമോ;

കഴിഞ്ഞ പത്തു വര്‍ഷത്തിനിടയില്‍ ഈ സ്ഥാപനത്തിന് ഓരോ വര്‍ഷവും കേരളാ സര്‍ക്കാരില്‍ നിന്നും ലഭ്യമായ സാമ്പത്തിക സഹായം എത്രയായിരുന്നു എന്നറിയിക്കാമോ;

പ്രസ്തുത സ്ഥാപനത്തില്‍ ഇപ്പോള്‍ പ്രവര്‍ത്തിയെടുക്കുന്ന സ്ഥിരം ജീവനക്കാരുടെയും താല്‍ക്കാലിക ജീവനക്കാരുടെയും കരാര്‍ ദിവസവേതന നിരക്കില്‍ ജോലി നോക്കി വരുന്നവരുടേയും തസ്തിക തിരിച്ചുള്ള വിവരം ലഭ്യമാക്കാമോ;

ഇവിടെ നടക്കുന്ന അദ്ധ്യാപക-അനദ്ധ്യാപക നിയമനങ്ങളില്‍ സംസ്ഥാന സര്‍ക്കാര്‍ നടപ്പിലാക്കി വരുന്ന സംവരണ തത്വങ്ങള്‍ പാലിക്കുന്നുണ്ടോ; ഇല്ലെങ്കില്‍ ഇതിനുള്ള കാരണങ്ങള്‍ വ്യക്തമാക്കുമോ;

ആര്‍.സി.സി.യിലെ അദ്ധ്യാപക-അനദ്ധ്യാപക നിയമനങ്ങള്‍ കേരളാ പബ്ലിക് സര്‍വ്വീസ് കമ്മീഷന്റെ പരിധിയില്‍ കൊണ്ടുവരുന്നതിനുളള നടപടികള്‍ സ്വീകരിക്കുമോ?

534/19, 535/19 എന്നീ കാറ്റഗറി നമ്പരുകള്‍ പ്രകാരം നടന്ന ലൈവ് സ്റ്റോക്ക് ഇൻസ്പെക്ടർ പരീക്ഷയിൽ പൊതുവിഭാഗത്തില്‍ നിന്നും സർവീസ് വിഭാഗത്തില്‍ നിന്നും ഓരോ ജില്ലയിലും എത്ര അപേക്ഷകൾ വീതം ലഭിച്ചിട്ടുണ്ടെന്നും ഇതിൽ എത്ര പേർ പരീക്ഷയെഴുതുന്നതിനുള്ള കൺഫർമേഷൻ നൽകിയിട്ടുണ്ടെന്നും ജില്ല തിരിച്ചുള്ള വിവരം ലഭ്യമാക്കുമോ;

പ്രസ്തുത തസ്തികയിൽ എത്ര ഒഴിവുകൾ പി.എസ്.സി. ക്ക് റിപ്പോർട്ട് ചെയ്തിട്ടുണ്ടെന്നുള്ള വിവരം ജില്ലതിരിച്ച് ലഭ്യമാക്കുമോ?

2020 നവംബർ മാസത്തിൽ നിലവിൽ വന്ന എൽ.ഡി ടൈപ്പിസ്റ്റ് (വിവിധം) റാങ്ക് ലിസ്റ്റില്‍ നിന്നും നാമമാത്രമായ നിയമനമാണ് നടന്നതെന്ന കാര്യം ശ്രദ്ധയിൽപ്പെട്ടിട്ടുണ്ടോ;

ഈ തസ്തികയിൽ വിവിധ ജില്ലകളിൽ നിലനിൽക്കുന്ന റാങ്ക് ലിസ്റ്റുകളില്‍ നിന്നും എത്ര പേർക്ക് നിയമനം നൽകി; അഡ്വൈസ് അയക്കാൻ വിവിധ ജില്ലകളിൽ എത്ര ഒഴിവുകൾ പി.എസ്.സി.യിൽ ഉണ്ട് ; വിശദീകരിക്കാമോ;

പ്രസ്തുത തസ്തികയിലെ ഒഴിവുകൾ ഉദ്യോഗസ്ഥരുടെ പിടിപ്പുകേട് മൂലം പല ജില്ലകളിലും റിപ്പോർട്ട് ചെയ്യപ്പെടുന്നില്ല എന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ ; ഒഴിവുകൾ റിപ്പോർട്ട് ചെയ്യുന്നതിന് കർശന നിർദേശം നൽകുമോ;

പ്രസ്തുത തസ്തികയിലെ 2013-16, 2016-19 കാലയളവിലെ റാങ്ക് ലിസ്റ്റുകളിലെയും നിലവിലെ റാങ്ക് ലിസ്റ്റിലെയും നിയമനങ്ങള്‍ താരതമ്യം ചെയ്യുമ്പോൾ ടി തസ്തികയിലേക്കുള്ള നിയമനം ഓരോ വർഷം കഴിയും തോറും കുറഞ്ഞു വരുന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ?

വനിതാ സിവില്‍ എക്സെെസ് ഓഫീസര്‍ തസ്തികയിലേക്കുള്ള റാങ്ക് ലിസ്റ്റ് നിലവില്‍ വന്നത് എന്നാണെന്നും റാങ്ക് ലിസ്റ്റിന്റെ കാലാവധി അവസാനിക്കുന്ന തീയതിയും വ്യക്തമാക്കാമോ;

പ്രസ്തുത റാങ്ക് ലിസ്റ്റില്‍ നിന്നും എത്ര പേര്‍ക്ക് നിയമനം നല്‍കി എന്ന് ജില്ല തിരിച്ചുള്ള കണക്ക് വ്യക്തമാക്കാമോ;

പ്രസ്തുത റാങ്ക് ലിസ്റ്റില്‍ നിന്നും നിലവില്‍ ഒഴിവുകള്‍ റിപ്പോര്‍ട്ട് ചെയ്തിട്ടുണ്ടോ; ഉണ്ടെങ്കില്‍ ഏതെല്ലാം ജില്ലകളില്‍ ആണെന്ന് വ്യക്തമാക്കാമോ;

റാങ്ക് ലിസ്റ്റിന്റെ കാലാവധിക്കുള്ളില്‍ പ്രതീക്ഷിക്കാവുന്ന ഒഴിവുകളുടെ വിവര ശേഖരണം നടത്തിയിട്ടുണ്ടോ; വിശദമാക്കാമോ;

എക്സെെസ്, ക്രെെംബ്രാഞ്ച്, നര്‍കോട്ടിക്സ്, സെെബര്‍ സെല്‍, വിമുക്തി തുടങ്ങിയവയില്‍ വനിതാ സിവില്‍ എക്സെെസ് ഓഫീസര്‍മാരെ നിയമിക്കുന്ന കാര്യം പരിഗണനയില്‍ ഉണ്ടോയെന്നറിയിക്കാമോ;

വനിതാ സിവില്‍ എക്സെെസ് ഓഫീസര്‍ പോസ്റ്റ് ക്രിയേഷന്‍ സംബന്ധിച്ച ഫയല്‍ പരിഗണനയിലുണ്ടോ; ഉണ്ടെങ്കില്‍ സ്വീകരിച്ചിട്ടുള്ള തുടര്‍നടപടി വ്യക്തമാക്കാമോ;

റാങ്ക് ലിസ്റ്റിന്റെ കാലാവധി അവസാനിക്കുന്നതിന് മുന്‍പായി പരമാവധി പേര്‍ക്ക് നിയമനം ലഭ്യമാക്കുന്നതിന് വേണ്ട നടപടി സ്വീകരിക്കുമോ; വിശദമാക്കാമോ?

കാറ്റഗറി നമ്പർ 278/2018 പ്രകാരം നടന്ന കോൺഫിഡൻഷ്യൽ അസിസ്റ്റന്റ് പരീക്ഷയ്ക്ക് ഓരോ ജില്ലയിലും എത്ര ഉദ്യോഗാർത്ഥികൾ അപേക്ഷ നൽകിയിരുന്നുവെന്നും എത്ര പേർ പരീക്ഷ എഴുതാൻ കൺഫർമേഷൻ നൽകിയെന്നും കൺഫർമേഷൻ നൽകിയ എത്ര പേർ പരീക്ഷ എഴുതി എന്നുമുള്ള കണക്ക് ജില്ല തിരിച്ച് ലഭ്യമാക്കുമോ;

മേൽപ്പറഞ്ഞ തസ്തികയിൽ എത്ര ഒഴിവുകൾ വീതമാണ് നാളിതുവരെ പി.എസ്.സി.ക്ക് റിപ്പോർട്ട് ചെയ്തിട്ടുള്ളതെന്ന വിവരം ജില്ല തിരിച്ച് നൽകാമോ;

06.07.2019-ന് നടന്ന കോൺഫിഡൻഷ്യൽ അസിസ്റ്റന്റ് പരീക്ഷയ്ക്ക് രണ്ടു വർഷങ്ങൾക്കുശേഷവും സാധ്യതാ ലിസ്റ്റ് പോലും പ്രസിദ്ധീകരിക്കാത്തതിന്റെ കാരണം വ്യക്തമാക്കുമോ;

പ്രസ്തുത തസ്തികയിലേക്കുള്ള നിയമനത്തിന് ഇന്റർവ്യൂ നടത്തുവാൻ പി.എസ്‌.സി. തീരുമാനിച്ചിട്ടുണ്ടോയെന്ന് വ്യക്തമാക്കുമോ?

സംസ്ഥാനത്തെ വിവിധ വകുപ്പുകളിലേക്കുള്ള നിയമനങ്ങള്‍ക്കായി പി.എസ്.സി. തയ്യാറാക്കിയ എല്‍.ഡി. ടൈപ്പിസ്റ്റ് (കാറ്റഗറി നമ്പര്‍. 280/2018) റാങ്ക് ലിസ്റ്റില്‍ നിന്നും എത്ര ഉദ്യോഗാര്‍ത്ഥികള്‍ക്കാണ് നിയമനം നല്‍കിയിട്ടുള്ളത്;

പ്രസ്തുത തസ്തികയിലേക്ക് എത്ര ഒഴിവുകള്‍ റിപ്പോര്‍ട്ട് ചെയ്തിട്ടുണ്ട്;

പരമാവധി ഒഴിവുകള്‍ റിപ്പോര്‍ട്ട് ചെയ്ത് കൂടുതല്‍ ഉദ്യോഗാര്‍ത്ഥികള്‍ക്ക് നിയമനം ലഭ്യമാക്കാനാവശ്യമായ നടപടി സ്വീകരിക്കുമോ; വിശദമാക്കാമോ?

കൊറോണ വ്യാപനം തദ്ദേശ-നിയമസഭാ തെര‍ഞ്ഞെടുപ്പുകള്‍ എന്നീ സാഹചര്യങ്ങളാല്‍ വിവിധ വകുപ്പുകളില്‍ എല്‍.ജി.എസ്. റാങ്ക് ലിസ്റ്റില്‍ നിന്നുള്ള നിയമനം, പ്രമോഷന്‍ എന്നിവ യഥാസമയം നടക്കാത്തതിനാല്‍ ഈ റാങ്ക് ലിസ്റ്റിന്റെ കാലാവധി ദീര്‍ഘിപ്പിക്കുന്ന കാര്യം പരിഗണിക്കാമോ;

സര്‍വ്വകലാശാലകളിലെ ലാസ്റ്റ് ഗ്രേഡ് തസ്തികകളിലേക്ക് വിവിധ വകുപ്പിലെ എല്‍.ജി.എസ്. റാങ്ക് ലിസ്റ്റില്‍ നിന്നും നിയമനം നല്‍കുന്ന കാര്യം പരിഗണിക്കാമോ?

സംസ്ഥാനത്ത് സേവനം ചെയ്യുന്ന സിവില്‍ പോലീസ് ഓഫീസര്‍മാരുടെ എണ്ണം എത്രയാണെന്നും അതില്‍ വിവിധ വിഭാഗങ്ങളിലായി എത്ര വനിതാ സിവില്‍ പോലീസ് ഓഫീസര്‍മാര്‍ സേവനം ചെയ്യുന്നുണ്ട് എന്നും വ്യക്തമാക്കുമോ;

പുരുഷ സിവില്‍ പോലീസ് ഓഫീസര്‍മാരുടെ എണ്ണത്തിന്റെ നിശ്ചിത ശതമാനം വനിതാ പോലീസ് തസ്തിക സൃഷ്ടിക്കും എന്നും അതനുസരിച്ച് നിയമനം നടത്തുമെന്നുമുള്ള പ്രഖ്യാപനത്തിന്റെ അടിസ്ഥാനത്തില്‍ എത്ര തസ്തികകള്‍ സൃഷ്ടിക്കുന്നതിന് വേണ്ടിയാണ് ഡിജിപി പ്രൊപ്പോസൽ സര്‍ക്കാരിലേക്ക് നല്‍കിയിട്ടുള്ളത്; വെളിപ്പെടുത്തുമോ;

പ്രസ്തുത പ്രൊപ്പോസലുകള്‍ സര്‍ക്കാരില്‍ എത്തിയിട്ട് എത്ര നാളായെന്നും പ്രസ്തുത പ്രൊപ്പോസലുകളില്‍ നയപരമായ തീരുമാനം എടുത്ത് തസ്തിക സൃഷ്ടിച്ചിട്ടുണ്ടോയെന്നും വ്യക്തമാക്കുമോ;

ഇല്ലെങ്കില്‍ നിലവില്‍ തസ്തിക സൃഷ്ടിക്കുന്നതിനായി സര്‍ക്കാരിന് മുന്‍പിലുള്ള പ്രൊപ്പോസലുകള്‍ പരിഗണിച്ച് പുരുഷ സിവില്‍ പോലീസ് ഓഫീസര്‍മാരുടെ എണ്ണത്തിന് ആനുപാതികമായി വനിതാ സിവില്‍ പോലീസ് ഓഫീസര്‍ തസ്തിക അടിയന്തരമായി സൃഷ്ടിക്കുന്ന കാര്യം പരിഗണിക്കുമോയെന്ന് വ്യക്തമാക്കുമോ;

നിലവിലുള്ള വനിതാ സിവില്‍ പോലീസ് ഓഫീസര്‍ പി.എസ്.സി. റാങ്ക് ലിസ്റ്റിലെ മെയിന്‍, സപ്ലിമെന്ററി ലിസ്റ്റുകളിലായി എത്ര ഉദ്യോഗാര്‍ത്ഥികളാണ് ഉള്‍പ്പെട്ടിരിക്കുന്നതെന്നും അതില്‍ എത്ര പേര്‍ക്ക് നാളിതുവരെ നിയമനം നല്‍കിയെന്നും വ്യക്തമാക്കുമോ;

പ്രസ്തുത റാങ്ക് ലിസ്റ്റില്‍ നിന്നും വളരെ കുറച്ച് നിയമനങ്ങള്‍ മാത്രമേ നടന്നിട്ടുളളു എന്നതിനാല്‍ റാങ്ക് ലിസ്റ്റ് കാലാവധി ആറ് മാസം കൂടി നീട്ടി നല്‍കുന്ന കാര്യം പരിഗണിക്കുമോയെന്നും വ്യക്തമാക്കുമോ?

കാറ്റഗറി നമ്പർ 499/19 പ്രകാരം 29.09.2020-ന് പരീക്ഷ നടന്ന ഫുഡ്‌ സേഫ്റ്റി ഓഫീസർ തസ്തികയുടെ സാധ്യതാ ലിസ്റ്റ് പോലും പി.എസ്.സി. പ്രസിദ്ധീകരിക്കാത്തതിന്റെ കാരണം വ്യക്തമാക്കുമോ; ഇക്കാര്യത്തിൽ പി.എസ്.സി. എന്തെങ്കിലും പ്രായോഗിക ബുദ്ധിമുട്ട് നേരിടുന്നുണ്ടോയെന്ന് വ്യക്തമാക്കുമോ?

കാലാവധി കഴിഞ്ഞ പി.എസ്.സി. റാങ്ക് ലിസ്റ്റുകള്‍ നീട്ടാന്‍ പി.എസ്.സി. യോട് ശിപാര്‍ശ ചെയ്യാന്‍ സർക്കാരിന് അധികാരമുണ്ടോ;

20.3.2020 മുതല്‍ 29.3.2020 വരെയുളള ഏതെല്ലാം റാങ്ക് ലിസ്റ്റുകളാണ് 30.3.2020-ലെ എ.വി.(2) 4182/02/ജി.ഡബ്ല്യൂ. ഉത്തരവ് പ്രകാരം കാലാവധി നീട്ടിയത്; വിശദവിവരം നല്‍കാമോ;

പ്രസ്തുത ഉത്തരവ് നിയമപരമായിരുന്നോ; കാലാവധി കഴിഞ്ഞ ലിസ്റ്റുകള്‍ പുനരുജ്ജീവിപ്പിക്കാന്‍ പി.എസ്.സി. ക്ക് അധികാരമുണ്ടോയെന്ന് അറിയിക്കാമോ;

20.3.2020-ന് കാലാവധി കഴിയുന്നവയെയും 5.2.2021 മുതല്‍ 3.8.2021 വരെയും ഉളള പി.എസ്.സി. ലിസ്റ്റുകള്‍ നീട്ടിയപ്പോള്‍ കോവിഡ് 19 രൂക്ഷമായിരുന്ന, 21.3.2020 മുതല്‍ 4.2.2021 വരെയുളള റാങ്ക് ലിസ്റ്റുകള്‍ക്ക് പ്രസ്തുത ആനുകൂല്യം നല്‍കാതിരുന്നത് തുല്യനീതിയുടെ ലംഘനമല്ലെ; പ്രസ്തുത കാലയളവിലെ ലിസ്റ്റിലുള്‍പ്പെട്ടവര്‍ക്ക് അനുകൂലമായി ലിസ്റ്റിന്റെ കാലാവധി നീട്ടി നല്‍കല്‍ പരിഗണനയിലുണ്ടോയെന്ന് അറിയിക്കാമോ;

പുതിയ റാങ്ക് ലിസ്റ്റ് വരുന്നതുവരെയുണ്ടാവുന്ന ഒഴിവുകളില്‍ കാലാവധി കഴിഞ്ഞുപോയ ലിസ്റ്റിലുളളവരെ നിയമിക്കാന്‍ പ്രത്യേക ഉത്തരവ് ഇറക്കാന്‍ കഴിയുമോയെന്ന് വ്യക്തമാക്കാമോ;

20.3.2020-ന് കാലാവധി കഴിഞ്ഞു പോയ ലിസ്റ്റ് 30.3.2020-ലെ ഉത്തരവ് പ്രകാരം പുനരുജ്ജീവിപ്പിക്കാമെങ്കില്‍ 21.3.2020 മുതല്‍ 4.2.2021 വരെയുളള പി.എസ്.സി. ലിസ്റ്റുകളുടെ കാലാവധി ഒന്നര വര്‍ഷം വരെ പരമാവധി കാലാവധി നല്‍കി പുനരുജ്ജീവിപ്പിക്കാന്‍ നടപടി സ്വകരിക്കുമോ?

പി.എസ്.സി. യിലേക്ക് വിവിധ വകുപ്പുകളില്‍ നിന്ന് റിപ്പോര്‍ട്ട് ചെയ്യപ്പെടുന്ന ഒഴിവുകളിന്മേല്‍ നിലവിലുളള ചട്ടപ്രകാരം നിയമന ശിപാര്‍ശ നല്‍കേണ്ട സമയപരിധി വ്യക്തമാക്കുമോ;

റാങ്ക് പട്ടികയിലെ നിയമനത്തിന്‍മേല്‍ അഡ്മിനിസ്ട്രേറ്റീവ് ട്രൈബ്യൂണലിന്റെ ഏതെങ്കിലും തരത്തിലുളള സ്റ്റേ ഒഴിവാക്കുന്നതിന് പി.എസ്.സി സ്വീകരിച്ചു വരുന്ന നടപടിക്രമങ്ങള്‍ എന്തെല്ലാം; വിശദാംശം ലഭ്യമാക്കാമോ;

തിരുവനന്തപുരം ജില്ലയിലെ എല്‍.പി.എസ്.എ തസ്തികയിലേക്ക് 18.09.2019-ല്‍ റിപ്പോര്‍ട്ട് ചെയ്തിരുന്ന 47 ഒഴിവുകളിലെ നിയമന ശിപാര്‍ശ തടയുന്നതുമായി ബന്ധപ്പെട്ട് ഹര്‍ജി നല്‍കിയവര്‍ നിയമന ശിപാര്‍ശ തടസ്സപ്പെടുത്തുന്നതിന് ഉന്നയിച്ച തടസ്സവാദം എന്താണ്; ഈ ഹര്‍ജിക്കാര്‍ക്ക് ഇതേ തസ്തികയിലേക്ക് നിയമന ശിപാര്‍ശ നല്‍കിയിട്ടുണ്ടോ; എങ്കില്‍ ഇവര്‍ ഉന്നയിച്ച തടസ്സവാദം നിലനില്‍ക്കുന്നതാണോ; ഇല്ലെങ്കില്‍ സ്റ്റേ ഒഴിവാക്കുന്നതിന് പി.എസ്.സി സ്വീകരിച്ചിട്ടുളള നടപടികള്‍ എന്തെല്ലാമാണെന്ന് അറിയിക്കുമോ;

യഥാസമയം സ്റ്റേ ഒഴിവാക്കി ഉദ്യോഗാര്‍ത്ഥികള്‍ക്ക് നിയമന ശിപാര്‍ശ നല്‍കാത്തത് റാങ്ക് പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്ക് സമയബന്ധിതമായി നിയമനം നല്‍കുക എന്ന സര്‍ക്കാര്‍ നയത്തിന് വിരുദ്ധമാണെന്ന് കരുതുന്നുണ്ടോ;

റിപ്പോര്‍ട്ട് ചെയ്യപ്പെട്ട 47 ഒഴിവുകളിലേക്ക് അടിയന്തരമായി സ്റ്റേ ഒഴിവാക്കി നിയമന ശിപാര്‍ശ നല്‍കുന്നതിന് ആവശ്യമായ നടപടി സ്വീകരിക്കുമോ?

കേരഫെഡിന്റെ ഫീഡര്‍ കാറ്റഗറി റൂള്‍സിന് (സ്പെഷ്യല്‍ റൂള്‍) നിലവില്‍ അംഗീകാരം ലഭ്യമായിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ഫീഡര്‍ കാറ്റഗറി റൂള്‍സിന് അംഗീകാരം നല്‍കുന്ന നടപടിയുടെ നിലവിലെ സ്ഥിതി വിശദമാക്കാമോ;

ഫീഡര്‍ കാറ്റഗറി റൂള്‍സിന് അംഗീകാരം ലഭ്യമാകാത്തത് കേരഫെഡിലെ ജീവനക്കാരുടെ പ്രൊമോഷനെ ബാധിക്കുമോ എന്ന് വ്യക്തമാക്കാമോ;

പ്രസ്തുത ഫീഡര്‍ കാറ്റഗറി റൂള്‍സിന് അംഗീകാരം നല്‍കുന്ന നടപടി വേഗത്തിലാക്കുമോ; വിശദമാക്കാമോ?

സംസ്ഥാന സര്‍ക്കാര്‍ കഴിഞ്ഞ അഞ്ച് വര്‍ഷത്തിനുള്ളില്‍ എല്‍.ഡി.ടൈപ്പിസ്റ്റ് തസ്തികയില്‍ എത്ര പേര്‍ക്ക് നിയമനം ലഭ്യമാക്കിയിട്ടുണ്ടെന്ന് ജില്ല തിരിച്ച് വ്യക്തമാക്കാമോ;

പുതിയ എല്‍.ഡി.ടൈപ്പിസ്റ്റ് തസ്തികകള്‍ സൃഷ്ടിക്കുന്നത് പരിഗണനയിലുണ്ടോ; എങ്കില്‍ ആയതിന് എന്തെല്ലാം നടപടികള്‍ ആണ് സ്വീകരിച്ചിട്ടുള്ളതെന്ന് അറിയിക്കുമോ?

ഗവണ്‍മെന്റ് സെക്രട്ടേറിയറ്റില്‍ പാര്‍ട്ട് ടൈം/ഫുള്‍ടൈം, കണ്ടിജന്റ് ജീവനക്കാരെ ലാസ്റ്റ് ഗ്രേഡ് വിഭാഗത്തില്‍ ഉള്‍പെടുത്തിയിട്ടുണ്ടോ;

പാര്‍ട്ട് ടൈം/ഫുള്‍ടൈം, കണ്ടിജന്റ് ജീവനക്കാരുടെ നിയമന രീതിയും പ്രമോഷനും എങ്ങനെയെന്ന് വിശദീകരിക്കാമോ?

സെക്രട്ടേറിയറ്റ് ലാസ്റ്റ് ഗ്രേഡ് കാറ്റഗറിയില്‍ സബോര്‍ഡിനേറ്റ് സര്‍വീസ് നടപ്പാക്കുന്നതിന് സ്വീകരിച്ച് വരുന്ന നടപടികള്‍ വ്യക്തമാക്കുമോ ;

എന്ന് മുതല്‍ ഇത് നടപ്പാക്കുവാന്‍ കഴിയുമെന്നാണ് പ്രതീക്ഷിക്കുന്നത് ?

സര്‍ക്കാര്‍ സര്‍വ്വീസിലുള്ള ഭിന്നശേഷിക്കാരായ ജീവനക്കാര്‍ക്ക് സ്ഥാനക്കയറ്റത്തില്‍ സംവരണം നല്‍കുന്നത് സംബന്ധിച്ച സുപ്രീം കോടതി വിധി ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍, എത്ര മാസത്തിനകം ഈ വിധി നടപ്പാക്കണമെന്നാണ് കോടതി ഉത്തരവിൽ പറഞ്ഞിരിക്കുന്നത് ;

ഇതനുസരിച്ച് ഇക്കണോമിക്സ് & സ്റ്റാറ്റിസ്റ്റിക്സ് വകുപ്പില്‍ സ്വീകരിച്ച നടപടി വ്യക്തമാക്കാമോ?

1999-2003 കാലയളവില്‍ എംപ്ലോയ്മെന്റ് എക്സ്ചേഞ്ച് മുഖേന നിയമനം ലഭിച്ചതും പിന്നീട് സ്ഥിരപ്പെടുകയും ചെയ്ത ഭിന്നശേഷിക്കാരായ ജീവനക്കാര്‍ക്ക് കോടതി വിധിയുടേയും 14-ാം കേരള നിയമസഭയുടെ സബ്ജക്റ്റ് കമ്മിറ്റിയുടെ ശിപാര്‍ശയുടെയും അടിസ്ഥാനത്തില്‍ പ്രൊമോഷന്‍ ഉള്‍പ്പെടെയുള്ള സര്‍വ്വീസ് ആനുകൂല്യങ്ങള്‍ അനുവദിക്കാന്‍ ഉദ്ദേശിക്കുന്നുണ്ടോ; വിശദവിവരങ്ങള്‍ ലഭ്യമാക്കാമോ?

സർക്കാർ ജീവനക്കാർക്ക് ഗുഡ് സർവീസ് എൻട്രി അനുവദിക്കുന്നതിലെ മാനദണ്ഡം വ്യക്തമാക്കാമോ; സർക്കാർ ജീവനക്കാർക്ക് സർക്കാർ ആണോ അതോ വകുപ്പ് തലവൻമാർ സ്വന്തം നിലയിൽ ആണോ ഗുഡ് സർവീസ് എൻട്രി നൽകുന്നതെന്ന് അറിയിക്കാമോ;

റവന്യൂ വകുപ്പിലെ ഒരു ജീവനക്കാരിക്ക് സർക്കാർ അനുവദിച്ചു നൽകിയ ഗുഡ് സർവീസ് എൻട്രി വകുപ്പുതലവൻ സ്വന്തം നിലയിൽ റദ്ദാക്കിയ നടപടി ശ്രദ്ധയിൽപ്പെട്ടിട്ടുണ്ടോ;

സർക്കാർ അനുവദിച്ച ഗുഡ് സർവീസ് എൻട്രി വ്യക്തിപരമായി ഒഴിവാക്കുന്നു എന്ന നിലയിൽ ഉത്തരവിറക്കിയ പ്രസ്തുത ഉദ്യോഗസ്ഥനെതിരെ എന്തെങ്കിലും നടപടി സ്വീകരിച്ചിട്ടുണ്ടോ; വ്യക്തമാക്കുമോ?

ആശ്രിത നിയമനവുമായി ബന്ധപ്പെട്ട അപേക്ഷകളില്‍ കാലാനുസൃതമായ നടപടികള്‍ ഉണ്ടാവുന്നില്ലയെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

ആശ്രിത നിയമനവുമായി ബന്ധപ്പെട്ട് എത്ര അപേക്ഷകള്‍ നിലവില്‍ പരിഹരിക്കപ്പെടാതെ ഉണ്ടെന്നുളള കാര്യം വകുപ്പ് തിരിച്ച് വിശദാംശം ലഭ്യമാക്കാമോ;

ആശ്രിത നിയമനവുമായി ബന്ധപ്പെട്ട് 2016 മുതല്‍ നാളിതുവരെ പുറപ്പെടുവിച്ച പൊതുവായ ഉത്തരവുകളുടെ പകര്‍പ്പ് ലഭ്യമാക്കാമോ?

ഇക്കഴിഞ്ഞ നിയമസഭാ തിര‍ഞ്ഞെടുപ്പില്‍ മഞ്ചേശ്വരം മണ്ഡലത്തിലെ സ്ഥാനാര്‍ത്ഥിയായിരുന്ന കെ. സുന്ദരയ്ക്ക് സ്ഥാനാര്‍ത്ഥിത്വം പിന്‍വലിക്കുന്നതിന് പണം നല്‍കിയെന്ന ആരോപണത്തെ തുടര്‍ന്ന് പോലീസ് കേസ് രജിസ്റ്റര്‍ ചെയ്തിട്ടുണ്ടോയെന്ന് വ്യക്തമാക്കുമോ; വിശദവിവരം ലഭ്യമാക്കാമോ;

പ്രസ്തുത കേസിലെ പ്രതികള്‍ക്കെതിരെ ഏതൊക്കെ വകുപ്പുകളാണ് ചുമത്തിയിട്ടുള്ളതെന്നു വ്യക്തമാക്കുമോ;

കേസിന്റെ അന്വേഷണം ഏത് ഘട്ടത്തിലാണെന്നും അന്വേഷണ ഉദ്യോഗസ്ഥര്‍ ആരൊക്കെയാണെന്നും വ്യക്തമാക്കുമോ;

ഈ കേസുമായി ബന്ധപ്പെട്ട് പണം, മറ്റു തൊണ്ടിമുതലുകള്‍ പോലീസ് കണ്ടെത്തി ഏറ്റെടുത്തിട്ടുണ്ടോ; കേസിലെ പ്രതികള്‍ക്ക് ജാമ്യം ലഭിച്ചിട്ടുണ്ടോ; കേസിലെ പ്രതികള്‍ക്ക് ഒരു ദേശീയ പാർട്ടിയുടെ സംസ്ഥാന പ്രസിഡന്റുമായുള്ള ബന്ധം അന്വേഷണ വിധേയമാക്കിയിട്ടുണ്ടോ;

മഞ്ചേശ്വരം മണ്ഡലത്തിലെ പ്രസ്തുത ദേശീയ കക്ഷിയുടെ സ്ഥാനാര്‍ത്ഥിക്കു വേണ്ടിയാണ് കെ. സുന്ദരയുടെ പത്രിക പിന്‍വലിച്ചത് എന്ന ആക്ഷേപമുള്ളതിനാൽ ദേശീയ കക്ഷിയുടെ സ്ഥാനാർത്ഥി ഈ കേസില്‍ പ്രതിയായിട്ടുണ്ടോ; ഈ കേസില്‍ ദേശീയ കക്ഷിയുടെ സ്ഥാനാർത്ഥിയെ ചോദ്യം ചെയ്തിട്ടുണ്ടോയെന്നും അദ്ദേഹത്തിന്റെ പങ്ക് അന്വേഷിച്ചിട്ടുണ്ടോയെന്നും അറിയിക്കുമോ?;

പ്രസ്തുത ദേശീയ കക്ഷിയുടെ ഏതൊക്കെ ഉന്നത പ്രാദേശിക നേതാക്കളെയാണ് ചോദ്യം ചെയ്തിട്ടുള്ളതെന്ന് വ്യക്തമാക്കുമോ?

സ്പ്രിംഗ്ലർ വിഷയവുമായി ബന്ധപ്പെട്ട മാധവൻ നമ്പ്യാർ കമ്മിറ്റിയുടെ കണ്ടെത്തലുകൾ വിശദമാക്കാമോ; റിപ്പോർട്ടിന്റെ പകർപ്പ് ലഭ്യമാക്കാമോ;

മാധവൻ നമ്പ്യാർ കമ്മിറ്റി സമർപ്പിച്ച റിപ്പോർട്ട് പഠിക്കാൻ സർക്കാർ വേറെ ഏതെങ്കിലും കമ്മിറ്റിയെ ചുമതലപ്പെടുത്തിയിട്ടുണ്ടോയെന്നും കമ്മിറ്റിയുടെ ഘടനയും എന്നാണ് കമ്മിറ്റി രൂപീകരിച്ചതെന്നും വ്യക്തമാക്കാമോ;

പ്രസ്തുത കമ്മിറ്റിക്ക് വേണ്ടി എത്ര തുക ചെലവായിട്ടുണ്ടെന്നും കമ്മിറ്റി സർക്കാരിന് റിപ്പോർട്ട് സമർപ്പിച്ചിട്ടുണ്ടോയെന്നും പ്രധാന നിർദ്ദേശങ്ങൾ എന്തെല്ലാമാണെന്നും അറിയിക്കാമോ; റിപ്പോർട്ടിന്റെ പകർപ്പ് ലഭ്യമാക്കാമോ;

റിപ്പോർട്ട് സമർപ്പിച്ചിട്ടില്ലെങ്കിൽ കാരണം വ്യക്തമാക്കാമോ; എങ്കിൽ റിപ്പോർട്ട് എന്ന് സമർപ്പിക്കുമെന്ന് അറിയിക്കുമോ?

വിവിധ താലൂക്കുകളില്‍ നിന്നും ലീഗല്‍ ഹെയര്‍ഷിപ്പ് സര്‍ട്ടിഫിക്കറ്റുകള്‍ക്കു വേണ്ടി അയക്കുന്ന അപേക്ഷകള്‍ ഗസറ്റില്‍ പ്രസിദ്ധീകരിച്ചു വരാന്‍ കാലതാമസവും ഏത് ഗസറ്റിലാണ് പ്രസിദ്ധീകരിച്ച് വരുന്നതെന്ന് അറിയാന്‍ ജനങ്ങള്‍ക്ക് ബുദ്ധിമുട്ടും അനുഭവപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

വില്ലേജ് ഓഫീസില്‍ അപേക്ഷ സമര്‍പ്പിക്കുമ്പോള്‍ ലഭിക്കുന്ന ഫയല്‍ നമ്പര്‍ (കമ്പ്യൂട്ടര്‍ ഇ-ഫയല്‍ നമ്പര്‍) ഉപയോഗിച്ച് പിന്നീട് ആയത് ഏത് ഗസറ്റില്‍ പ്രസിദ്ധീകരിക്കും എന്ന് അറിയാവുന്ന തരത്തില്‍ ഈ സംവിധാനങ്ങള്‍ കണക്ട് ചെയ്തുകൊണ്ട് ഇ-ഫയലിംഗ് സംവിധാനം ഏര്‍പ്പെടുത്തുന്നത് ഗുണകരമാകുമോ ; വിശദമാക്കാമോ;

റവന്യൂ വിഭാഗം ഇ-ഫയലിംഗ് സംവിധാനത്തിലേക്ക് മാറുമ്പോള്‍ ഗവണ്‍മെന്റ് പ്രസ്സിനെ കൂടി കണക്ട് ചെയ്തുകൊണ്ട് ഗസറ്റ് വിജ്ഞാപന സെക്ഷന്‍ കൂടി ഇതിന്റെ ഭാഗമാക്കാന്‍ ആലോചിച്ചുവരുന്നുണ്ടോ; വിശദമാക്കാമോ?

സംസ്ഥാനത്ത് വിദ്യാര്‍ത്ഥികള്‍ക്കും ഉദ്യോഗാര്‍ത്ഥികള്‍ക്കുമായി സ്വകാര്യ സംരംഭകര്‍ രൂപപ്പെടുത്തി വിതരണം ചെയ്യുന്ന ഓണ്‍ലൈന്‍/മൊബൈല്‍ ആപ്ലിക്കേഷനുകളുടെ ഫീസ് നിരക്ക്, ഉള്ളടക്കം, ഗുണനിലവാരം, സേവന വ്യവസ്ഥ എന്നിവ വിലയിരുത്തുന്നതിന് നിലവിലുള്ള സംവിധാനങ്ങള്‍ എന്തെല്ലാമാണ്; ഇത് സംബന്ധിച്ച പരാതികള്‍ ലഭ്യമായിട്ടുണ്ടോ; വിശദമാക്കുമോ;

ഡിജിറ്റല്‍ പഠനത്തിനായി സര്‍ക്കാര്‍ തലത്തില്‍ ആപ്ലിക്കേഷനുകള്‍ തയ്യാറാക്കുന്ന കാര്യം പരിഗണനയിലുണ്ടോ; വ്യക്തമാക്കുമോ?

സംസ്ഥാനത്തെ അക്ഷയ കേന്ദ്രങ്ങള്‍ വഴി കൂടുതല്‍ സേവനങ്ങള്‍ ലഭ്യമാക്കുന്നതിനും, അക്ഷയ കേന്ദ്രങ്ങളെ കൂടുതല്‍ കാര്യക്ഷമമാക്കുന്നതിനും എന്തൊക്കെ നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ;

ഒറ്റപ്പാലം നിയോജകമണ്ഡലത്തില്‍ നിലവില്‍ എത്ര അക്ഷയ കേന്ദ്രങ്ങളാണ് ഉളളത്;

പ്രസ്തുത നിയോജകമണ്ഡലത്തില്‍ പുതുതായി അക്ഷയ കേന്ദ്രം ആരംഭിക്കാൻ അപേക്ഷ നൽകിയിട്ടുള്ള സംരംഭകർ ആരൊക്കെയാണ്;

പ്രസ്തുത അപേക്ഷകളിന്മേല്‍ നാളിതുവരെ സീകരിച്ച നടപടികള്‍ വിശദമാക്കാമോ?

ആലത്തൂര്‍ മണ്ഡലത്തില്‍ നിലവില്‍ എത്ര അക്ഷയകേന്ദ്രങ്ങള്‍ പ്രവര്‍ത്തിക്കുന്നുണ്ടെന്ന് പഞ്ചായത്ത് തിരിച്ച് കണക്ക് ലഭ്യമാക്കാമോ;

പുതുതായി അക്ഷയകേന്ദ്രങ്ങള്‍ അനുവദിക്കുന്നതിനുള്ള മാനദണ്ഡങ്ങള്‍ എന്തൊക്കെയെന്ന് വിശദമാക്കാമോ?

സംസ്ഥാനത്ത് അക്ഷയ കേന്ദ്രങ്ങൾ അനുവദിക്കുന്നതിന്റെ മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കാമോ;

അക്ഷയ കേന്ദ്രങ്ങൾ അനുവദിക്കുന്നതിന് ആർക്കാണ് അപേക്ഷ നൽകേണ്ടതെന്ന് അറിയിക്കുമോ; അപേക്ഷയോടൊപ്പം നല്‍കേണ്ട രേഖകൾ ഏതൊക്കെയാണെന്ന് വ്യക്തമാക്കാമോ;

ഇതുമായി ബന്ധപ്പെട്ട് പഞ്ചായത്തുകൾക്കും മുനിസിപ്പാലിറ്റികൾക്കും കോർപ്പറേഷനും പ്രത്യേകം മാനദണ്ഡമാണോയെന്ന് വിശദമാക്കാമോ?

സംസ്ഥാനത്തെ ഐ.ടി. പാര്‍ക്കുകളുടെ വിസ്തൃതി 2.3 കോടി ചതുരശ്ര അടിയായി വര്‍ദ്ധിപ്പിക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണ്;

ഐ.ടി. മേഖലയില്‍ മുന്‍ സര്‍ക്കാര്‍ എത്ര തൊഴിലവസരങ്ങളാണ് സൃഷ്ടിച്ചത്; വ്യക്തമാക്കാമോ?

സംസ്ഥാനത്ത് സൈബര്‍ കുറ്റകൃത്യങ്ങള്‍ തടയുന്നതിന്റെ ഭാഗമായി തിരുവനന്തപുരം, കൊച്ചി, കോഴിക്കോട് എന്നിവിടങ്ങളില്‍ പ്രവര്‍ത്തിച്ചുവരുന്ന സൈബര്‍ ഡോമുകള്‍ ശക്തിപ്പെടുത്തുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്നറിയിക്കാമോ;

സംസ്ഥാനത്ത് ഹൈടെക് സൈബര്‍ സുരക്ഷാ കേന്ദ്രം സ്ഥാപിക്കുന്നതിന് ഉദ്ദേശിക്കുന്നുണ്ടോ; എങ്കില്‍ വിശദാംശം നല്‍കുമോ?

എല്ലാ സര്‍ക്കാര്‍ ആഫീസുകളിലും സ്റ്റാറ്റിസ്റ്റിക്സ് വകുപ്പിലെ ജീവനക്കാര്‍ പ്രവര്‍ത്തിക്കുന്നതുപോലെ ഐ.ടി. വകുപ്പിലെ വിദഗ്ദ്ധരായ ജീവനക്കാരെ മറ്റ് വകുപ്പുകളില്‍ നിയമിക്കാന്‍ കഴിയുമോ; ഇല്ലെങ്കില്‍ കാരണം വ്യക്തമാക്കാമോ?

ദേശീയ പ്രാധാന്യമുള്ള ഇന്ത്യന്‍ നേവല്‍ അക്കാദമി, ഇന്ത്യൻ എയര്‍ഫോഴ്സ് അക്കാദമി, ഇന്ത്യന്‍ മിലിട്ടറി അക്കാദമി, നാഷണല്‍ ഡിഫന്‍സ് അക്കാദമി എന്നിവിടങ്ങളില്‍ പഠിക്കുന്ന കേരളീയരായ കുട്ടികള്‍ക്ക് സംസ്ഥാന സര്‍ക്കാര്‍ ഉത്തരവ് (കയ്യെഴുത്ത്)നമ്പര്‍ 27/2019/സെെ.ക്ഷേ.വ. തീയതി 29.07.2019 പ്രകാരം ഏര്‍പ്പെടുത്തിയ രണ്ട് ലക്ഷം രൂപയുടെ സ്കോളര്‍ഷിപ്പ് വിതരണം ചെയ്യാന്‍ നടപടി സ്വീകരിച്ചിട്ടുണ്ടോ; ആയതിന്റെ വിശദാംശം ലഭ്യമാക്കാമോ;

പ്രസ്തുത ഉത്തരവില്‍ തുടര്‍ന്ന് മാറ്റങ്ങള്‍ വരുത്തിയിട്ടുണ്ടോ; ഉണ്ടെങ്കില്‍ ആയതിന്റെ വിശദാംശം അറിയിക്കാമോ; പ്രസ്തുത ഉത്തരവുകളുടെ പകര്‍പ്പ് ലഭ്യമാക്കാമോ;

ഏതുകാലയളവില്‍ അഡ്മിഷന്‍ നേടിയ കുട്ടികള്‍ക്കാണ് സ്കോളര്‍ഷിപ്പിനുള്ള അര്‍ഹത ഉണ്ടായിരിക്കുന്നത്; പ്രസ്തുത സ്കോളര്‍ഷിപ്പിന് അപേക്ഷിക്കുന്നതിന് സ്വീകരിച്ചിട്ടുള്ള മാനദണ്ഡങ്ങള്‍ എന്തൊക്കെയാണ്;

പ്രസ്തുത സ്കോളര്‍ഷിപ്പ് നല്‍കുന്നതിന് സംസ്ഥാന ബജറ്റില്‍ തുക വകയിരുത്തിയിട്ടുണ്ടോ; ആയതിന്റെ വിശദാംശം അറിയിക്കാമോ?

പുതുക്കാട് മണ്ഡലത്തിലെ വിവിധ പഞ്ചായത്തുകളില്‍, മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി പ്രകാരം അനുവദിച്ചിട്ടുള്ള റോഡുകള്‍ ഏതെല്ലാമാണെന്നും നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണെന്നും അറിയിക്കാമോ?

കോവിഡ് നിയന്ത്രണവുമായി ബന്ധപ്പെട്ട് തദ്ദേശസ്വയംഭരണ സ്ഥാപനങ്ങളെ വിവിധ കാറ്റഗറികളാക്കി ടി.പി.ആര്‍. അടിസ്ഥാനത്തില്‍ തരംതിരിക്കുന്നതിനെക്കുറിച്ച് വിശദമായ പഠനം നടത്തിയിട്ടുണ്ടോ;

ശാസ്ത്രീയമായ രീതികള്‍ അവലംബിക്കാതെയുള്ള കാറ്റഗറി തരംതിരിവുകള്‍ക്കെതിരെ ഉയര്‍ന്നു വന്നിട്ടുള്ള വിമര്‍ശനങ്ങള്‍ ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ടെസ്റ്റ് പോസിറ്റിവിറ്റി നിരക്ക് സംബന്ധിച്ച മാനദണ്ഡങ്ങള്‍ പുനഃപരിശോധിക്കുവാനും, ആവശ്യമായ ശാസ്ത്രീയ പഠനങ്ങള്‍ക്ക് ശേഷം മാത്രം കോവിഡ് നിയന്ത്രണങ്ങള്‍ പുനഃക്രമീകരിക്കുവാനും നടപടി സ്വീകരിക്കുമോ; വ്യക്തമാക്കാമോ?

കോവിഡ് ബാധിച്ചു മരണപ്പെടുന്നവരുടെ കുടുംബത്തിന് മുഖ്യമന്ത്രിയുടെ ദുരിതാശ്വാസനിധിയില്‍ നിന്നും ധനസഹായം നല്‍കുന്നുണ്ടോ; ഇല്ലെങ്കില്‍ ധനസഹായം നല്‍കുന്നതിന് ഉദ്ദേശിക്കുന്നുണ്ടോ എന്ന് വിശദീകരിക്കാമോ?

കായംകുളം മണ്ഡലത്തില്‍ റീ ബില്‍ഡ് കേരളയില്‍ ഉള്‍പ്പെടുത്തി നടപ്പാക്കുന്ന പദ്ധതികള്‍ ഏതൊക്കെയെന്ന് അറിയിക്കുമോ; ഇതില്‍ ഓരോ പ്രവൃത്തികളുടേയും നിലവിലുള്ള പുരോഗതി സംബന്ധിച്ച വിശദാംശങ്ങള്‍ ലഭ്യമാക്കാമോ?

കോവിഡ് പശ്ചാത്തലത്തില്‍, ടി.പി.ആര്‍. മാനദണ്ഡമാക്കി കച്ചവട സ്ഥാപനങ്ങള്‍ തുറന്ന് പ്രവര്‍ത്തിക്കുന്നതിനുള്ള അനുമതിയും നിയന്ത്രണങ്ങളും നടപ്പാക്കുമ്പോള്‍ ജനങ്ങള്‍ക്കുണ്ടാവുന്ന ബുദ്ധിമുട്ടുകളും തിരക്കും ആള്‍ക്കൂട്ടവും ശ്രദ്ധയില്‍പ്പെട്ടിട്ടുണ്ടോ;

എല്ലാ ദിവസവും കടകള്‍ തുറന്നു പ്രവര്‍ത്തിക്കുകയും പ്രവര്‍ത്തന സമയം ദീര്‍ഘിപ്പിക്കുകയും ചെയ്താല്‍, ജനങ്ങളുടെ ബുദ്ധിമുട്ടുകള്‍ക്ക് പരിഹാരം കാണുവാനും, തിരക്കും ആള്‍ക്കൂട്ടവും ഒഴിവാക്കുവാനും സാധിക്കുമെന്നതിനാൽ സര്‍ക്കാര്‍ ഇക്കാര്യം പരിശോധിക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ?

ദീര്‍ഘ നാളുകളായി നീളുന്ന കൊവിഡ്‌ ലോക്ഡൗൺ കാരണം വരുമാനം ഇല്ലാതെയായതിനാൽ ദൈനംദിന ജീവിതത്തില്‍ ദുരിതം അനുഭവിച്ചുവരുന്ന സംസ്ഥാനത്തെ ആട്ടോറിക്ഷാ തൊഴിലാളികള്‍ക്ക് സമാശ്വാസം നല്‍കുന്നതിന് സഹായപദ്ധതി പരിഗണിക്കുന്നുണ്ടോ;

കുടുംബാംഗങ്ങളുടെ ചികിത്സ, മക്കളുടെ വിദ്യാഭ്യാസം, ദൈനംദിന ജീവിത ചെലവുകള്‍ എന്നിവ നിറവേറ്റാൻ ബുദ്ധിമുട്ടിലായ ഇവർക്ക് അടിയന്തരമായി ഉചിതമായ ധനസഹായം നല്‍കുന്നതിന് നടപടി സ്വീകരിക്കുമോ?

സംസ്ഥാനത്തെ വിനോദസഞ്ചാര കേന്ദ്രങ്ങള്‍ കേന്ദ്രീകരിച്ച് എയര്‍സ്ട്രിപ്പുകള്‍ സ്ഥാപിക്കുന്ന പദ്ധതി ഇപ്പോള്‍ ഏത് ഘട്ടത്തിലാണെന്ന് അറിയിക്കുമോ; വിശദാംശം ലഭ്യമാക്കാമോ;

കൊല്ലം ആശ്രാമം മൈതാനത്ത് എയര്‍സ്ട്രിപ്പ് നിര്‍മ്മിക്കുന്നതിനുള്ള പദ്ധതി രൂപരേഖ തയ്യാറായിട്ടുണ്ടോ; വിശദാംശം ലഭ്യമാക്കാമോ?

സംസ്ഥാനത്ത് ആരംഭിക്കാനുദ്ദേശിക്കുന്ന ലൈറ്റ് മെട്രോ പദ്ധതികള്‍ സംബന്ധിച്ച് വിശദാംശങ്ങള്‍ നല്‍കാമോ;

തിരുവനന്തപുരത്ത് ലൈറ്റ് മെട്രോ പദ്ധതി ആരംഭിക്കുന്നതിനുള്ള വിശദപദ്ധതി റിപ്പോര്‍ട്ട് (ഡി.പി.ആര്‍.) തയ്യാറാക്കിയിട്ടുണ്ടോ; വ്യക്തമാക്കാമോ;

പ്രാരംഭ പ്രവര്‍ത്തനങ്ങളുടെ ഭാഗമായി ലൈറ്റ് മെട്രോ ഡിപ്പോ, മേല്‍പ്പാലം എന്നിവ നിര്‍മ്മിക്കുന്നതിന് സംസ്ഥാന സര്‍ക്കാര്‍ തുക അനുവദിച്ചിട്ടുണ്ടോ; പദ്ധതി ചെലവ് എത്രയെന്ന് കണക്കാക്കിയിട്ടുണ്ടോ?

തൃപ്പൂണിത്തുറ എസ്.എന്‍. ജംഗ്ഷനിൽ നിന്ന് തൃപ്പൂണിത്തുറ റെയിൽവെ സ്‌റ്റേഷൻ വരെ കൊച്ചി മെട്രോ റെയിൽ നീട്ടുന്നതിന് ഭരണാനുമതി നൽകിയിട്ടുണ്ടോ; എങ്കിൽ വിശദാംശം വ്യക്തമാക്കാമോ;

എസ്.എന്‍. ജംഗ്ഷൻ വരെയുള്ള മെട്രോ റെയിലിന് വേണ്ടി തൂണുകൾ നിർമ്മിച്ചിരിക്കുന്ന റോഡിന്റെ വീതി എത്രയാണെന്ന് വ്യക്തമാക്കാമോ;

എസ്.എന്‍. ജംഗ്ഷനിൽ നിന്ന് റെയിൽവെ സ്റ്റേഷനിലേക്ക് എത്ര മീറ്റർ റോഡാണ് നിർമ്മിക്കുന്നതെന്ന് അറിയിക്കുമോ ;

ഈ റോഡ് നിർമ്മിക്കാമെന്ന് നഗരസഭ ഉറപ്പ് നൽകിയിട്ടുണ്ടോ; എങ്കിൽ വിശദാംശം വ്യക്തമാക്കാമോ?

കൊല്ലം നിയോജകമണ്ഡല പരിധിയില്‍ ഉള്‍നാടന്‍ ജലഗതാഗത വകുപ്പ് മുഖാന്തിരം നടപ്പിലാക്കുന്നതിനായി 2019-20 മുതല്‍ ഭരണാനുമതി ലഭിച്ചതും നിര്‍വ്വഹണം പുരോഗമിക്കുന്നതുമായ വിവിധ പ്രവൃത്തികള്‍ ഏതെല്ലാമെന്ന് അറിയിക്കുമോ; അവയുടെ ഇപ്പോഴത്തെ സ്ഥിതി സഹിതം വിശദവിവരം ലഭ്യമാക്കുമോ?

കുണ്ടറ നിയോജകമണ്ഡലത്തില്‍ ഉൾനാടൻ ജലഗതാഗത വകുപ്പിന്റെ കീഴില്‍ നിലവില്‍ ഏതൊക്കെ പ്രവൃത്തികളാണ് നടന്നുകൊണ്ടിരിക്കുന്നതെന്ന് വ്യക്തമാക്കാമോ; ഭരണാനുമതി ലഭിച്ചിട്ടും ആരംഭിച്ചിട്ടില്ലാത്ത പ്രവൃത്തികള്‍, ടെന്‍ഡര്‍ ചെയ്തിട്ടുളള പ്രവൃത്തികള്‍, എഗ്രിമെന്റ് ചെയ്തിട്ടുളള പ്രവൃത്തികള്‍ എന്നിവയുടെ വിവരം തരംതിരിച്ച് നല്‍കാമോ?

സംസ്ഥാനത്ത് പ്രാദേശിക പത്രപ്രവര്‍ത്തകര്‍ക്ക് ക്ഷേമനിധി ഏര്‍പ്പെടുത്തണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കുമോ;

ഉണ്ടെങ്കില്‍ ക്ഷേമനിധി ഏര്‍പ്പെടുത്തുന്നതിന് സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

അസംഘടിത മേഖലയില്‍ പ്രവര്‍ത്തിക്കുന്നവര്‍ എന്ന നിലയില്‍ പ്രാദേശിക പത്രപ്രവര്‍ത്തകര്‍ അനുഭവിക്കുന്ന ബുദ്ധിമുട്ടുകള്‍ പരിഹരിക്കുന്നതിന് എന്തെങ്കിലും പദ്ധതികള്‍ പരിഗണനയിലുണ്ടോ; വിശദവിവരം നല്‍കുമോ?

സംസ്ഥാനത്ത് പ്രാദേശിക മാധ്യമപ്രവര്‍ത്തകരുടെ വിവരം സംബന്ധിച്ച് കണക്കെടുപ്പ് പൂര്‍ത്തീകരിച്ചിട്ടുണ്ടോയെന്ന് വ്യക്തമാക്കാമോ;

പ്രാദേശിക മാധ്യമപ്രവര്‍ത്തകര്‍ക്ക് ജില്ലാതല അക്രഡിറ്റേഷൻ ഏര്‍പ്പെടുത്താൻ നടപടികള്‍ സ്വീകരിക്കുമോ; വിശദമാക്കുമോ;

പ്രാദേശിക മാധ്യമപ്രവര്‍ത്തകരുടെ വിഷയം സംബന്ധിച്ച് പഠനം നടത്തുന്നതിനായി കമ്മീഷനെ നിയോഗിക്കുന്ന കാര്യം പരിഗണനയിലുണ്ടോ; വിശദമാക്കുമോ?

സംസ്ഥാനത്ത് തിരികെ എത്തിയ പ്രവാസികള്‍ക്ക് സ്വയം തൊഴില്‍ സംരംഭങ്ങള്‍ ആരംഭിക്കുന്നതിനായി ബാങ്കുകളുമായി സഹകരിച്ച് നിലവില്‍ നല്‍കി വരുന്ന ഇളവുകള്‍ എന്താണെന്നും കൂടുതല്‍ ഇളവുകള്‍ നല്‍കുന്നതിന് ഉദ്ദേശിക്കുന്നുണ്ടോയെന്നും വ്യക്തമാക്കുമോ;

സമയബന്ധിതമായി വായ്പ ലഭ്യമാക്കുന്നതിനും കൂടുതല്‍ ബാങ്കുകളെ സഹകരിപ്പിക്കുന്നതിനും നടപടികള്‍ സ്വീകരിക്കുമോ;

മടങ്ങിവരുന്ന പ്രവാസികളുടെ പുനരധിവാസത്തിനും തൊഴില്‍ സംരംഭങ്ങള്‍ക്കുമായി കൂടുതല്‍ പദ്ധതികള്‍ ആവിഷ്കരിക്കാന്‍ ഉദ്ദേശിക്കുന്നുണ്ടോ; വിശദവിവരം ലഭ്യമാക്കുമോ?

പ്രവാസി മലയാളികള്‍ക്ക് ഈ സര്‍ക്കാര്‍ നല്‍കി വരുന്ന സഹായങ്ങള്‍ എന്തെല്ലാമെന്ന് വ്യക്തമാക്കുമോ;

തിരിച്ചെത്തുന്ന പ്രവാസി മലയാളികള്‍ക്ക് സംരംഭങ്ങള്‍ തുടങ്ങാന്‍ കൂടുതല്‍ സാമ്പത്തിക സഹായങ്ങള്‍ നല്‍കുന്ന കാര്യം പരിഗണിക്കുമോ ;

പ്രവാസികളുടെ പെന്‍ഷന്‍, ചികിത്സാസഹായം, മറ്റ് വിവിധ സഹായങ്ങള്‍ എന്നിവ കാലോചിതമായി പരിഷ്ക്കരിക്കുന്നതിന് പ്രത്യേക നടപടികള്‍ ഉണ്ടാകുമോ?

നോർക്ക മുഖാന്തരം പ്രാസികൾക്ക് ഏതൊക്കെ ആനുകൂല്യങ്ങൾ, സഹായങ്ങൾ, പദ്ധതികൾ എന്നിവ ലഭ്യമാക്കുന്നുവെന്ന് വ്യക്തമാക്കുമോ;

കോവിഡ് 19 പശ്ചാത്തലത്തിൽ നാട്ടിൽ വന്ന് തിരിച്ചു പോകാൻ കഴിയാത്ത പ്രവാസികൾക്ക് എന്ത് സഹായമാണ് നോർക്ക ചെയ്തിട്ടുള്ളത് എന്ന് വ്യക്തമാക്കുമോ; നോർക്കയിൽ ധനസഹായത്തിനായി എത്ര പ്രവാസികൾ അപേക്ഷ നൽകിയിട്ടുണ്ട് എന്നും എത്ര പേർക്ക് സഹായം അനുവദിച്ചു എന്നും വ്യക്തമാക്കുമോ; ധനസഹായം വിതരണം ചെയ്യാൻ ബാക്കിയുള്ളവർക്ക് ആയത് നൽകുന്നതിന് നടപടി സ്വീകരിക്കുമോ;

കോവിഡിന്റെ പശ്ചാത്തലത്തിൽ നാട്ടിൽ വന്ന് തിരിച്ച് വിദേശത്തേക്ക് പോകാൻ കഴിയാതെ സാമ്പത്തിക പ്രയാസം നേരിടുന്ന ധാരാളം പ്രവാസികളുടെ ദയനീയാവസ്ഥ സർക്കാറിന്റെ ശ്രദ്ധയിൽപ്പെട്ടിട്ടുണ്ടോ; ഇവർക്ക് എന്തെങ്കിലും ആശ്വാസ പദ്ധതികൾ സർക്കാറിന്റെ പരിഗണനയിൽ ഉണ്ടോ എന്ന് വിശദമാക്കുമോ;

ഇത്തരത്തിൽ നാട്ടിലുള്ള പ്രവാസികൾക്ക് വിദേശത്ത് തിരിച്ച് പോകാൻ ഭാരിച്ച തുക വേണ്ടി വരുന്നത് സർക്കാറിന്റെ ശ്രദ്ധയിൽപ്പെട്ടിട്ടുണ്ടോ; ഇതിന് പരിഹാരമായി പ്രവാസികൾക്ക് വിമാന ടിക്കറ്റിന് സാമ്പത്തിക സഹായമോ ഒരു വർഷ കാലാവധിയിൽ പലിശരഹിത വായ്പയോ നൽകാൻ തയ്യാറാകുമോ?

വിദേശ രാജ്യങ്ങളില്‍ ഉപരിപഠനം, പ്രൊഫഷണല്‍ വിദ്യാഭ്യാസം എന്നിവയ്ക്ക് പോകുന്ന വിദ്യാര്‍ത്ഥികള്‍ക്ക് പ്രവാസിക്ഷേമ വകുപ്പ് ലഭ്യമാക്കുന്ന സേവനങ്ങള്‍ വിശദമാക്കുമോ; വിദ്യാര്‍ത്ഥികള്‍ക്ക് കരാര്‍ ഉടമ്പടികള്‍ക്ക് വിരുദ്ധമായ അനുഭവങ്ങള്‍ നേരിടേണ്ടി വരുന്നത് സംബന്ധിച്ച പരാതികള്‍ ലഭിച്ചിട്ടുണ്ടോ;

ഉപരിപഠനത്തിന് വിദേശത്ത് പ്രവേശനം ലഭ്യമാക്കുന്ന ഏജന്‍സികള്‍ക്ക് സര്‍ക്കാര്‍ അംഗീകാരം നല്‍കുന്നുണ്ടോ; സംസ്ഥാനത്ത് ഇത്തരത്തിലുളള എത്ര അംഗീകൃത ഏജന്‍സികളാണ് പ്രവര്‍ത്തിക്കുന്നതെന്ന് അറിയിക്കുമോ?

പ്രവാസികളെ സഹായിക്കാനായി നോര്‍ക്ക റൂട്ട്സ് വഴി നടത്തുന്ന പ്രവര്‍ത്തനങ്ങള്‍ ഏതൊക്കെയെന്ന് വ്യക്തമാക്കാമോ;

കോവിഡ് മഹാമാരി കാരണം ജോലി നഷ്ടപ്പെട്ട പ്രവാസികള്‍ക്ക് ഏതൊക്കെ തരത്തിലുള്ള സഹായങ്ങളാണ് നോര്‍ക്ക റൂട്ട്സ് മുഖേന ലഭ്യമാക്കുന്നതെന്ന് അറിയിക്കാമോ?

2015-ൽ നടന്ന നിയമസഭാ കൈയ്യാങ്കളി കേസിലെ പ്രതികൾ വിചാരണ നേരിടണമെന്ന് സുപ്രീം കോടതി വിധിച്ചിട്ടുണ്ടോ;

പ്രസ്തുത കേസിൽ ഏതൊക്കെ നിയമത്തിലെ എന്തൊക്കെ വകുപ്പുകൾക്കാണ് പ്രതികൾ വിചാരണ നേരിടണമെന്ന് സുപ്രീം കോടതി വിധിച്ചിരിക്കുന്നതെന്ന് വ്യക്തമാക്കാമോ;

സംസ്ഥാനത്ത് പൊതുമുതൽ നശിപ്പിക്കുന്നത് കുറ്റകരമാകുന്നത് ഏതെല്ലാം നിയമപ്രകാരമാണെന്ന് അറിയിക്കുമോ?

സംസ്ഥാനത്ത് ഗുണ്ടാ, മാഫിയ പ്രവര്‍ത്തനങ്ങള്‍ അമര്‍ച്ച ചെയ്യുന്നതിന് പോലീസ് കമ്മീഷ്ണര്‍മാര്‍ക്ക് മജിസ്റ്റീരിയല്‍ അധികാരം നല്‍കണമെന്ന നിര്‍ദ്ദേശം പരിഗണനയിലുണ്ടോ എന്നറിയിക്കാമോ;

ഗുണ്ടാ നിയമപ്രകാരം കരുതല്‍ തടങ്കലില്‍ വെയ്ക്കേണ്ട കേസുകളുടെ ഫയലുകളില്‍ കളക്ടര്‍മാര്‍ കാലതാമസം വരുത്തുന്നതായ ആക്ഷേപം പരിശോധിച്ചിട്ടുണ്ടോ;

പ്രസ്തുത കാലതാമസം ഒഴിവാക്കാൻ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശം ലഭ്യമാക്കുമോ?

വര്‍ഗ്ഗീയ സംഘര്‍ഷങ്ങള്‍ കൈകാര്യം ചെയ്യുന്നതിന് സംസ്ഥാന പോലീസില്‍ പ്രത്യേക സേനാവിഭാഗം രൂപീകരിച്ചിട്ടുണ്ടോ; വിശദമാക്കുമോ?

കൊടകരയില്‍ പണം കവര്‍ച്ച നടത്തിയെന്ന പരാതിയുടെ അടിസ്ഥാനത്തില്‍ നടത്തിയ അന്വേഷണത്തെത്തുടര്‍ന്ന് കുഴല്‍പ്പണ ഇടപാട് സംബന്ധിച്ച് കുറ്റാന്വേഷണ വിഭാഗം കോടതിയില്‍ സമര്‍പ്പിച്ച കുറ്റപത്രത്തിലെ പ്രധാന ചാര്‍ജ്ജുകള്‍ എന്തൊക്കെയെന്ന് വെളിപ്പെടുത്താമോ;

ഒരു ദേശീയ രാഷ്ട്രീയപാര്‍ട്ടി സ്വതന്ത്രമായ തെരഞ്ഞെടുപ്പു പ്രക്രിയ അട്ടിമറിക്കുകയെന്ന ലക്ഷ്യത്തോടെ വന്‍ തുക സംസ്ഥാനത്തിനു പുറത്തു നിന്നെത്തിച്ചെന്നും സംസ്ഥാനത്തെ അസംബ്ലി മണ്ഡലങ്ങളില്‍ വിതരണം ചെയ്തെന്നുമുള്ള വിഷയം ഇലക്ഷന്‍ കമ്മീഷന്റെയും കേന്ദ്ര സര്‍ക്കാരിന്റെയും ശ്രദ്ധയില്‍പ്പെടുത്തിയിരുന്നോ;

എന്‍ഫോഴ്സ്മെന്റ് വിഭാഗമോ ആദായ നികുതി വകുപ്പോ ഈ കുഴല്‍പ്പണ കേസ് ഏറ്റെടുത്തിട്ടുണ്ടോ എന്ന് ഇറിയിക്കുമോ?

സംസ്ഥാനത്ത് ഉണ്ടാകുന്ന എല്ലാ കസ്റ്റഡിമരണങ്ങളും സി.ബി.ഐ. ക്ക് കൈമാറുവാന്‍ സംസ്ഥാന സര്‍ക്കാര്‍ തീരുമാനിച്ചിട്ടുണ്ടോ;

ഇതിന്റെ അടിസ്ഥാനത്തില്‍ ഏതൊക്കെ കേസുകളാണ് ഇതിനകം സി.ബി.ഐ. ക്ക് കൈമാറിയിട്ടുള്ളത്;

കേസുകള്‍ സി.ബി.ഐ. ഏറ്റെടുക്കുന്നത് സംബന്ധിച്ച് കേന്ദ്ര പേഴ്സണല്‍ മന്ത്രാലയം ഏകജാലക സംവിധാനം ഒരുക്കിയിട്ടുണ്ടോ;

സംസ്ഥാന സര്‍ക്കാര്‍ സി.ബി.ഐ. ക്ക് വിട്ട ഏതെങ്കിലും കേസുകള്‍ സി.ബി.ഐ. ഏറ്റെടുക്കുന്നില്ലായെന്ന് അറിയിച്ചിട്ടുണ്ടോ; എങ്കില്‍ ഏതൊക്കെ കേസുകളാണെന്നും അതിന്റെ കാരണമെന്താണെന്നും അറിയിക്കുമോ?

പോലീസ് ടെലികമ്മ്യൂണിക്കേഷനില്‍ ടെക്നിക്കല്‍ കേഡര്‍ രൂപീകരിച്ചിട്ടുണ്ടോ; എങ്കില്‍ എത്ര സബ്ഡിവിഷനുകളാണ് ഇപ്രകാരം രൂപീകരിച്ചത്;

പ്രസ്തുത സബ്ഡിവിഷനുകളിലേക്ക് കമ്പ്യൂട്ടര്‍, എ.സി. എന്നിവ വാങ്ങിയ വകയില്‍ എന്ത് തുക ചെലവഴിച്ചു;

പ്രസ്തുത ടെക്നിക്കല്‍ കേഡറിലുള്ള ഉദ്യാേഗസ്ഥർക്ക് എന്തെങ്കിലും പരിശീലനം നല്‍കിയിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കുമോ?

സംസ്ഥാന രൂപീകരണത്തിന് ശേഷം സ്പെഷ്യല്‍ റൂള്‍സ് പ്രകാരം നിലവില്‍ വന്ന ആംഡ് പോലീസ് ബറ്റാലിയന്‍, ഡിസ്ട്രിക്ട് ആംഡ് റിസര്‍വ്വ് , ജനറല്‍ എക്സിക്യുട്ടീവ് എന്ന സംവിധാനത്തില്‍ എന്തെങ്കിലും മാറ്റം സ്റ്റാറ്റ്യൂട്ടറി സമ്പ്രദായ പ്രകാരം നിലവില്‍ വന്നിട്ടുണ്ടോ;

സംസ്ഥാനത്തെ എത്ര പോലീസ് ജില്ലകളില്‍ ഡിസ്ട്രിക്ട് ആംഡ് റിസര്‍വ്വ് നിലവില്‍ ഉണ്ടെന്നും അവ ഏതെല്ലാം എന്നും അറിയിക്കുമോ;

ആംഡ് റിസര്‍വ്വ് ല്‍ എച്ച്.സി., ആര്‍.എ.എസ്.ഐ., ആര്‍.എസ്.ഐ., ആര്‍.ഐ., എ.സി., ഡി.സി. കമാന്‍ഡന്റ് പോസ്റ്റുകളില്‍ ഒഴിവുകള്‍ നിലവിലുണ്ടോ; ഉണ്ടെങ്കില്‍ എത്ര; ഏതെല്ലാം ജില്ലകളില്‍; ഈ ഒഴിവുകള്‍ നികത്താന്‍ നടപടി സ്വീകരിക്കുമോ; വ്യക്തമാക്കുമോ;

കോടതി വിധി പ്രകാരമുള്ള പ്രൊമോഷന്‍ എ.ആര്‍. ല്‍ നടപ്പിലാക്കിയിട്ടുണ്ടോയെന്നും അന്തര്‍ജില്ലാ-ജില്ലാ സ്ഥലം മാറ്റം സംബന്ധിച്ച നടപടിക്രമവും വിശദമാക്കുമോ;

നിലവില്‍ പോലീസ് ഉദ്യാേഗസ്ഥര്‍ക്ക് കെ.എസ്.& എസ്.എസ്.ആര്‍. ബാധകമാണോയെന്നും അവരുടെ പ്രമോഷന് ഇ.ഡി.പി. കണക്കാക്കുന്നുണ്ടോയെന്നും വിശദമാക്കുമോ; ഉണ്ടെങ്കില്‍ ആംഡ് പോലീസ്, ആംഡ് റിസര്‍വ്വ്, ജനറല്‍ എക്സിക്യുട്ടീവ്, മിനിസ്റ്റീരിയല്‍, ടെലികമ്മ്യൂണിക്കേഷന്‍ തുടങ്ങി പോലീസിലെ മറ്റ് ടെക്നിക്കല്‍ വിഭാഗത്തില്‍പ്പെട്ട എല്ലാവര്‍ക്കും ഇ.ഡി.പി. പ്രകാരമാണോ പ്രമോഷന്‍ നല്‍കുന്നതെന്നും അറിയിക്കുമോ?

ഡ്യൂട്ടിക്കിടയില്‍ മരണമടയുന്ന പോലീസ് ഉദ്യോഗസ്ഥരുടെ കുടുംബങ്ങള്‍ക്ക് സമയബന്ധിതമായി ആശ്വാസനടപടികള്‍ ലഭിക്കുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ എന്തൊക്കെ മാര്‍ഗ്ഗനിര്‍ദ്ദേശങ്ങള്‍ നല്‍കിയിട്ടുണ്ട്; വ്യക്തമാക്കുമോ?

മോട്ടോര്‍ വാഹന നിയമത്തിലെ സെക്ഷന്‍ 192 (എ) പ്രകാരം പെര്‍മിറ്റ് വ്യവസ്ഥകള്‍ ലംഘിച്ച് ഓടുന്ന ബസ്സുകള്‍ക്കെതിരെ പോലീസിന് എന്തൊക്കെ നടപടികള്‍ സ്വീകരിക്കാനാകുമെന്ന് വ്യക്തമാക്കുമോ?

തൃശ്ശൂര്‍ ജില്ലയിലെ അന്തിക്കാട് പോലീസ് സ്റ്റേഷന്റെ പരിധിയില്‍ ഏതെല്ലാം പഞ്ചായത്തുകളാണ് വരുന്നത്;

വിസ്തൃതമായ ഭൂപ്രദേശത്തിന്റെ ക്രമസമാധാന ചുമതലയുള്ള അന്തിക്കാട് പോലീസ് സ്റ്റേഷനില്‍ മതിയായ പോലീസ് ഉദ്യോഗസ്ഥരില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

അന്തിക്കാട് പോലീസ് സ്റ്റേഷന് അനുവദിക്കപ്പെട്ട തസ്തികകള്‍ ഏതെല്ലാമാണ്;

പ്രസ്തുത സ്റ്റേഷനിലെ നിലവിലുള്ള ജീവനക്കാരുടെ വിശദാംശങ്ങള്‍ നല്‍കാമോ;

പ്രസ്തുത സ്റ്റേഷനില്‍ ഉദ്യാേഗസ്ഥരുടെ കുറവുണ്ടെങ്കില്‍ ആയത് നികത്തുന്നതിന് വേണ്ട നടപടി സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?

സംസ്ഥാനത്ത് ചിലര്‍ സദാചാര പോലീസ് ആയി നടത്തുന്ന പ്രവര്‍ത്തനങ്ങള്‍ സമൂഹത്തിലുണ്ടാക്കുന്ന പ്രശ്നങ്ങള്‍ സംബന്ധിച്ച് പരിശോധന നടത്തിയിട്ടുണ്ടോ; ഈ കാര്യത്തില്‍ പോലീസിന്റെ കാര്യക്ഷമമായ ഇടപെടല്‍ ഉണ്ടാകുന്നതിന് എന്തൊക്കെ നടപടി സ്വീകരിച്ചിട്ടുണ്ടെന്ന് അറിയിക്കാമോ?

പയ്യന്നൂര്‍ മണ്ഡലത്തിലെ എരമം - കുറ്റൂര്‍ ഗ്രാമപഞ്ചായത്തിലെ വെള്ളോറയില്‍ പുതിയ പോലീസ് സ്റ്റേഷന്‍ ആരംഭിക്കുന്ന കാര്യം പരിഗണനയിലുണ്ടോ; വിശദമാക്കാമോ?

നെയ്യാറ്റിന്‍കര മണ്ഡലത്തിലെ അതിയന്നൂര്‍ പഞ്ചായത്തിലെ നെല്ലിമൂട് ജംഗ്ഷനില്‍ പോലീസ് എയ്ഡ് പോസ്റ്റ് സ്ഥാപിക്കുന്നതിനു 2020-ല്‍ നെയ്യാറ്റിന്‍കര എം.എല്‍.എ. ഡി.ജി.പി.യ്ക്ക് നല്‍കിയ നിവേദനത്തിന്‍ മേല്‍ എന്ത് നടപടിയെടുത്തു എന്ന് വ്യക്തമാക്കാമോ;

എ‍യ്ഡ് പോസ്റ്റ് സ്ഥാപിക്കുന്നതിന് വേണ്ട നടപടിയെടുക്കാന്‍ നെയ്യാറ്റിന്‍കര ഡി.വൈ.എസ്.പി.യെ ചുമതലപ്പെടുത്തിയിട്ടുണ്ടോയെന്ന് വിശദമാക്കാമോ; എയ്ഡ് പോസ്റ്റ് എപ്പോള്‍ സ്ഥാപിക്കും എന്ന് വ്യക്തമാക്കാമോ?

കേരള പോലീസിൽ നോൺ-ഐ.പി.എസ്. തസ്തികകളിൽ ആകെ എത്ര ഉദ്യോഗസ്ഥർ ഉണ്ട്; പ്രസ്തുത വിഭാഗത്തിൽ മുസ്ലിം സമുദായത്തിലും മറ്റുപിന്നാക്ക വിഭാഗങ്ങളിലുംപെട്ട എത്ര ഉദ്യോഗസ്ഥർ ഉണ്ടെന്നും ഇതിൽ സംവരണത്തിലൂടെ നിയമിതരായ ഉദ്യോഗസ്ഥരുടെ എണ്ണം എത്രയെന്നും അറിയിക്കാമോ;

കേരള പോലീസിൽ മുസ്ലിം സമുദായത്തിലും മറ്റുപിന്നാക്ക വിഭാഗങ്ങളിലുംപെട്ട ഉദ്യോഗാര്‍ത്ഥികളുടെ ബാക്ക്‌ലോഗ് നിലവിലുണ്ടോ; ഉണ്ടെങ്കിൽ എത്ര; വിശദാംശം നൽകുമോ;

മുസ്ലിം സമുദായത്തിലും മറ്റുപിന്നാക്ക വിഭാഗങ്ങളിലുംപെട്ട ഉദ്യോഗാര്‍ത്ഥികളുടെ ബാക്ക്‌ലോഗ് നികത്തുന്നതിനായി എൻ.സി.എ. വിജ്ഞാപനം പുറത്തിറക്കിയിട്ടുണ്ടോ; പ്രസ്തുത വിജ്ഞാപനം ഇറക്കിയത് എന്നാണ്; ആയതിൽ നിയമനപ്രക്രിയ ഏതുവരെയായി; വിശദാംശം നൽകുമോ?

പോലീസ് സേനയില്‍ ടെക്നിക്കല്‍ കേഡര്‍ രൂപീകരിച്ചിട്ടുണ്ടോ;

പ്രസ്തുത കേഡറിലേക്ക് പോലീസിലെ എം.ടെക്., ബി. ടെക്., എം.ബി.എ. തുടങ്ങിയ യോഗ്യതയുള്ളവരെ കണ്ടെത്തി നിയമിക്കുമെന്ന പ്രഖ്യാപനം പ്രാവര്‍ത്തികമാക്കിയിട്ടുണ്ടോ; എങ്കില്‍ ഇതിനകം എത്രപേര്‍ക്ക് നിയമനം നല്‍കിയെന്ന് അറിയിക്കുമോ;

പ്രസ്തുത ജീവനക്കാര്‍ക്ക് പ്രത്യേക പരിശീലനം നല്‍കി എസ്.ഐ. മാരുടെ കീഴില്‍ സബ് ഡിവിഷനുകളില്‍ നിയമിച്ചിട്ടുണ്ടോ; ഇല്ലെങ്കില്‍ എന്തുകൊണ്ട് എന്ന് അറിയിക്കുമോ?

കേരളാ പോലീസില്‍ വനിതാ പ്രാധിനിധ്യം നിലവില്‍ എത്ര ശതമാനമാണെന്നറിയിക്കാമോ?

സംസ്ഥാനത്ത് വർദ്ധിച്ചു വരുന്ന വാഹന ഗതാഗതക്കുരുക്ക് ശ്രദ്ധയിൽപ്പെട്ടിട്ടുണ്ടോ, ഉണ്ടെങ്കിൽ ആയത് പരിഹരിക്കുന്നതിനു വേണ്ടി എന്തൊക്കെ നടപടികളാണ് സ്വീകരിച്ചു വരുന്നതെന്ന് വിശദമാക്കാമോ;

അനുദിനം ഗതാഗതക്കുരുക്ക് വർദ്ധിച്ചു വരുന്ന കൂത്തുപറമ്പിൽ ആയത് ശാസ്ത്രീയമായി പരിഹരിക്കുന്നതിന് നടപടികൾ സ്വീകരിക്കുമോ, എങ്കിൽ ഇക്കാര്യത്തിൽ എന്തെല്ലാം നടപടികളാണ് സ്വീകരിക്കുകയെന്ന് വിശദമാക്കുമോ;

കൂത്തുപറമ്പ് കേന്ദ്രമായി പുതിയ ട്രാഫിക്ക് യൂണിറ്റ് അനുവദിച്ചിട്ടുണ്ടോ, ഉണ്ടെങ്കിൽ ആയതിന്റെ പ്രവർത്തന പുരോഗതി വിശദമാക്കാമോ;

പ്രസ്തുത യൂണിറ്റിനായി ട്രാഫിക്ക് പോലീസ് സ്റ്റേഷൻ നിർമ്മിക്കുന്നതിന് ഫണ്ട് അനുവദിച്ചിട്ടുണ്ടോ, ഉണ്ടെങ്കിൽ അത് എത്രയാണെന്നും ആയതിന്റെ പ്രവർത്തന പുരോഗതിയും വിശദമാക്കുമോ?

കോഴിക്കോട് ജില്ലയിലെ കൊയിലാണ്ടി, പേരാമ്പ്ര, മേപ്പയ്യൂര്‍, പെരുവണ്ണാമൂഴി പോലീസ് സ്റ്റേഷന്‍ പരിധിയിലെ എത്ര സ്കൂളുകളില്‍ എസ്.പി.സി. നിലവിലുണ്ടെന്ന് വ്യക്തമാക്കാമോ;

പ്രസ്തുത പോലീസ് സ്റ്റേഷന്‍ പരിധിയിലെ സ്കൂളുകളില്‍ നിന്നും എത്ര പുതിയ അപേക്ഷകള്‍ ലഭിച്ചിട്ടുണ്ട് ; വിവരം ലഭ്യമാക്കാമോ?

സംസ്ഥാനത്ത് പോലീസ് വകുപ്പിലെ അഴിമതിയും കെെക്കൂലിയും തടയുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ;

നിലവില്‍ എത്ര പോലീസ് ഉദ്യോഗസ്ഥരാണ് കെെക്കൂലി/അഴിമതി കേസുകളില്‍പെട്ടിട്ടുളളതെന്ന് വിശദമാക്കുമോ?

മാവോയിസ്റ്റ് സാന്നിദ്ധ്യമുള്ള പ്രദേശങ്ങളിലെ പ്രതിരോധ പ്രവര്‍ത്തനങ്ങള്‍ക്കായി സംസ്ഥാനത്ത് കേരള ആന്റി ടെറര്‍ സ്ക്വാഡ് രൂപീകരിച്ച തീയതി അറിയിക്കാമോ; സ്ക്വാഡിന്റെ ഘടനയും ഉദ്യോഗസ്ഥരുടെ തെരഞ്ഞെടുപ്പും നിയമന കാലാവധിയും വിശദമാക്കാമോ;

കെ.എ.റ്റി.എസ് ഇന്റലിജന്‍സ് വിഭാഗത്തിലെ അംഗങ്ങളായി ലോക്കല്‍ സ്റ്റേഷനുകളിലെ എത്ര പോലീസ് ഉദ്യോഗസ്ഥരെ നിയമിച്ചുവെന്നും എന്നാണ് ഇവരെ നിയമിച്ചതെന്നും എത്ര വര്‍ഷമായി ഇവര്‍ മാറ്റമില്ലാതെ ഇന്റലിജന്‍സ് വിഭാഗത്തില്‍ തന്നെ തുടരുന്നുവെന്നും അറിയിക്കാമോ; കെ.എ.റ്റി.എസ് അംഗങ്ങള്‍ക്ക് മൂന്ന് വര്‍ഷത്തെ സേവന കാലാവധി എന്ന, പോലീസ് ആസ്ഥാനത്തെ 08.11.2017-ാം തീയതിയിലെ 39/2017 നമ്പര്‍ എക്സിക്യൂട്ടീവ് ഡിറക്ടീവ് കെ.എ.റ്റി.എസ് ഇന്റലിജന്‍സ് വിഭാഗത്തിന് ബാധകമാണോ എന്ന് അറിയിക്കാമോ;

കെ.എ.റ്റി.എസ് സ്ക്വാഡിലുള്ള ഉദ്യോഗസ്ഥര്‍ക്ക് അവരുടെ റാങ്ക് അനുസരിച്ച് നല്‍കുന്ന പ്രത്യേക ആനുകൂല്യങ്ങള്‍ എന്തൊക്കെയാണെന്നും അധിക അലവന്‍സ് എത്രയാണ് നല്‍കുന്നതെന്നും അറിയിയ്ക്കാമോ; ഈ ആനുകൂല്യം മാവോയിസ്റ്റ് സാന്നിദ്ധ്യമുള്ള പ്രദേശങ്ങളിലെ പോലീസ് സ്റ്റേഷനുകളിലെ മുഴുവന്‍ ഉദ്യോഗസ്ഥര്‍ക്കും അനുവദിക്കാതിരിക്കുന്നത് വിവേചനപരമാണെന്നത് ശ്രദ്ധയില്‍പ്പെട്ടിട്ടുണ്ടോ;

മാവോയിസ്റ്റ് സാന്നിദ്ധ്യമുള്ളതായി കണ്ടെത്തിയ പ്രദേശങ്ങളിലെ പോലീസ് സ്റ്റേഷനുകളിലെ മുഴുവന്‍ ഉദ്യോഗസ്ഥരും ദൈനംദിന ജോലികളുടെ ഭാഗമായി മാവോയിസ്റ്റ് ഭീഷണി നേരിടുന്ന വിവരം ശ്രദ്ധയില്‍പ്പെട്ടിട്ടുണ്ടോ; ഈ സാഹചര്യത്തില്‍ കെ.എ.റ്റി.എസ് അംഗങ്ങള്‍ക്ക് നല്‍കുന്ന പ്രത്യേക ആനുകൂല്യങ്ങള്‍ പ്രസ്തുത പോലീസ് സ്റ്റേഷനുകളിലെ മുഴുവന്‍ ഉദ്യോഗസ്ഥര്‍ക്കും അനുവദിക്കുന്നതിന് നടപടി സ്വീകരിക്കുമോ;

കെ.എ.റ്റി.എസ് ഇന്റലിജന്‍സ് വിഭാഗത്തില്‍ നിലവില്‍ പ്രവര്‍ത്തിക്കുന്ന ഉദ്യോഗസ്ഥര്‍ ആന്റി-എല്‍.ഡബ്ല്യൂ.ഇ. ട്രെയിനിംഗ് പൂര്‍ത്തീകരിച്ചവരാണോ എന്നറിയിക്കാമോ; കെ.എ.റ്റി.എസ് സ്ക്വാഡിലേയ്ക്ക് ഇന്റലിജന്‍സ് ആന്റി-എല്‍.ഡബ്ല്യൂ.ഇ. ട്രയിനിംഗ് പൂര്‍ത്തിയാക്കിയ പോലീസ് ഉദ്യോഗസ്ഥരെ പുതുതായി ഉള്‍പ്പെടുത്തുന്നതിന് സര്‍ക്കാര്‍ ഉദ്ദേശിക്കുന്നുണ്ടോ; ഇതിനായി നടപടി സ്വീകരിക്കുമോ?

സംസ്ഥാനത്ത് കഴിഞ്ഞ അഞ്ച് വർഷത്തിനിടയിൽ സർക്കാർ വിരുദ്ധ സമരങ്ങളുടെ പേരിൽ രജിസ്റ്റർ ചെയ്യപ്പെട്ട കേസുകളുടെ എണ്ണം എത്രയാണെന്ന് അറിയിക്കുമോ;

പ്രസ്തുത കാലയളവില്‍ ഇത്തരം സമരങ്ങളുടെ ഭാഗമായി നശിപ്പിക്കപ്പെട്ട പൊതുമുതലിന്റെ ആകെ മൂല്യം എത്രയാണ്; വർഷം തിരിച്ചുള്ള കണക്ക് ലഭ്യമാക്കുമോ;

സമരങ്ങളുടെ ഭാഗമായി പൊതുമുതൽ നശിപ്പിച്ചതിന്റെ പേരിൽ എത്ര കേസുകൾ രജിസ്റ്റർ ചെയ്യപ്പെട്ടുവെന്നും ആകെ പ്രതികളുടെ എണ്ണം എത്രയെന്നും ഇതിൽ എത്രപേരാണ് ശിക്ഷിക്കപ്പെട്ടതെന്നുമുള്ള വിശദാംശങ്ങൾ നൽകുമോ;

സമരങ്ങളുടെ ഭാഗമായി പൊതുമുതൽ നശിപ്പിച്ചതിന് ഇക്കഴിഞ്ഞ അഞ്ചുവർഷത്തിനിടയിൽ രജിസ്റ്റർ ചെയ്യപ്പെട്ട കേസുകളിൽ എത്ര നിയമസഭാ സാമാജികരും മുൻ നിയമസഭാ സാമാജികരുമാണ് പ്രതികൾ ആയിട്ടുള്ളത്; ഇവരുടെ പേര് വിവരങ്ങൾ ലഭ്യമാക്കുമോ?

കോവിഡ് നിയന്ത്രണങ്ങളുടെ പേരിൽ, വഴിയോരത്ത്‌ മത്സ്യക്കച്ചവടം നടത്തുന്ന സ്ത്രീകളോട്, പോലീസ് മനുഷ്യത്വരഹിതമായി പെരുമാറുന്നതായി ശ്രദ്ധയിൽപ്പെട്ടിട്ടുണ്ടോ;

പാരിപ്പള്ളി പോലീസ് സ്റ്റേഷൻ പരിധിയിൽ വഴിയോരത്ത്‌ മത്സ്യക്കച്ചവടം ചെയ്തിരുന്ന ശ്രീമതി മേരി എന്ന സ്ത്രീയുടെ കൈവശമുണ്ടായിരുന്ന മത്സ്യം അഴുക്കുചാലിലേക്ക് തട്ടിത്തെറുപ്പിച്ച പോലീസ് ഉദ്യോഗസ്ഥർക്കെതിരെ നടപടി സ്വീകരിക്കുമോ; വ്യക്തമാക്കാമോ?

ഹൈക്കോടതി ഉത്തരവ് പ്രകാരം സർവീസിൽ നിന്നും പിരിച്ചു വിടപ്പെട്ട മുൻ തൊടുപുഴ സി.ഐ. ശ്രീ.എൻ.ജി. ശ്രീമോനെ സർവ്വീസിൽ തിരിച്ചെടുക്കാൻ ഉദ്ദേശിക്കുന്നുണ്ടോ; പ്രസ്തുത വ്യക്തി അപ്പീൽ സമർപ്പിച്ചിട്ടുണ്ടോ;

അച്ചടക്കനടപടിക്ക് കാരണമായ പരാതി നൽകിയ ശ്രീ.ബേബിച്ചൻ വർക്കി എന്ന വ്യക്തിയെ ശ്രീ. എൻ.ജി. ശ്രീമോൻ ഭീഷണിപ്പെടുത്തിയത് ശ്രദ്ധയിൽപ്പെട്ടിട്ടുണ്ടോ; ഇക്കാര്യത്തിൽ 12.03.2021-ന് മുഖ്യമന്ത്രി, ഡി.ജി.പി. എന്നിവർക്ക് നൽകിയ പരാതിയിൽ എന്തു നടപടി സ്വീകരിച്ചുവെന്ന് അറിയിക്കുമോ;

ശ്രീ.എൻ.ജി. ശ്രീമോന്‍ അനുകൂലമായി ഹൈക്കോടതിയിൽ വ്യാജ റിപ്പോർട്ട് നൽകിയതായി ആക്ഷേപം ഉള്ള ഉദ്യോഗസ്ഥൻ തന്നെ ടിയാനെ സർവീസിൽ തിരിച്ചെടുക്കണമെന്ന അപ്പീൽ അപേക്ഷ പരിഗണിക്കുന്നത് ഉചിതമാണോ; ഇക്കാര്യത്തിൽ ശ്രീ. ബേബിച്ചൻ വർക്കി നൽകിയ പരാതിയിന്മേല്‍ സ്വീകരിച്ച നടപടി വ്യക്തമാക്കുമോ?

സംസ്ഥാനത്തെ ഹൈക്കോടതി ഉള്‍പ്പെടെയുള്ള കോടതികളില്‍ ക്രിമിനല്‍ കേസുകള്‍ ഏറെക്കാലമായി തീര്‍പ്പാക്കാതെ കിടക്കുന്നത് വേഗത്തിലാക്കാന്‍ സര്‍ക്കാരിന്റെ ഭാഗത്ത് നിന്നും എന്ത് ചെയ്യാന്‍ സാധിക്കുമെന്ന് പരിശോധിക്കുമോ; സി.ബി.ഐ. ഉള്‍പ്പെടെയുള്ള കേന്ദ്ര പ്രോസിക്യൂട്ടിംഗ് ഏജന്‍സികളുടെയും സംസ്ഥാന സര്‍ക്കാര്‍ പ്രോസിക്യൂഷന്റെയും ഭാഗത്ത് നിന്നും ഇക്കാര്യത്തിൽ കാലതാമസം ഉണ്ടാകുന്നുണ്ടോ;

കേസുകള്‍ ദശാബ്ദങ്ങളായി തീര്‍പ്പാക്കാതെ കിടക്കുന്നത് നീതിന്യായ ഭരണത്തെ ദുര്‍ബലപ്പെടുത്തുമെന്നതിനാല്‍ ഇക്കാര്യത്തില്‍ സംസ്ഥാന സര്‍ക്കാരിന് ഏതെങ്കിലും തരത്തില്‍ ഇടപെടാന്‍ സാധിക്കുമോ; സംസ്ഥാന പ്രോസിക്യൂട്ടിംഗ് ഏജന്‍സികളുടെ ഭാഗത്ത് നിന്നും അലംഭാവം ഉണ്ടാകാതിരിക്കാന്‍ നിര്‍ദ്ദേശം നല്‍കുമോ;

തലശ്ശേരി ഫസല്‍ വധ കേസില്‍ ഒരു ദശാബ്ദമായിട്ടും വിചാരണ തുടങ്ങാത്ത സാഹചര്യത്തിൽ നിയമ സംവിധാനത്തിന് മേല്‍ ജനങ്ങളുടെ വിശ്വാസം ഉലയ്ക്കുംവിധം ആ കേസില്‍ പ്രതിപ്പട്ടികയിലുള്ള പൊതുപ്രവര്‍ത്തകര്‍ നാടുകടത്തലിന് വിധേയരായിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

കുറ്റകൃത്യത്തില്‍ ഏര്‍പ്പെട്ടവരുടെ വെളിപ്പെടുത്തലിന്റെ അടിസ്ഥാനത്തില്‍ കേസുകള്‍ പുനരന്വേഷിക്കുന്നതിനുള്ള വ്യവസ്ഥ ഉണ്ടോ; ഫസല്‍ വധം നടത്തിയത് തങ്ങളാണെന്ന ഒരു സംഘടനാ പ്രവര്‍ത്തകന്‍ വെളിപ്പെടുത്തിയത് സാമൂഹ്യമാധ്യമങ്ങളിലൂടെയും മാധ്യമങ്ങളിലൂടെയും പുറത്തുവന്നതായി ശ്രദ്ധയില്‍പ്പെട്ടിട്ടുണ്ടോ; പ്രസ്തുത കേസ് കാലവിളംബം കൂടാതെ പുനരന്വേഷണം നടത്തുന്നതിന് സര്‍ക്കാരിന്റെ ഭാഗത്തുനിന്നും നടപടി സാധ്യമാണോ; വ്യക്തമാക്കുമോ?

സ്ത്രീകള്‍ക്കും കുട്ടികള്‍ക്കും നേരെയുള്ള അതിക്രമങ്ങള്‍, പീഡനങ്ങള്‍ എന്നിവ സംബന്ധിച്ച് 2020 മുതല്‍ കേരളത്തില്‍ എത്ര കേസുകളാണ് പോലീസ് രജിസ്റ്റര്‍ ചെയ്തിട്ടുള്ളത്; ഇതില്‍ എത്ര പ്രതികള്‍ പിടിക്കപ്പെട്ടിട്ടുണ്ട്; ഇനി പ്രതികളായുള്ളവരില്‍ എത്രപേര്‍ പിടിക്കപ്പെടാനുണ്ട്; വ്യക്തമാക്കുമോ?

തിരുവനന്തപുരം ജില്ലയിലെ പൊഴിയൂരിൽ ബ്രൂണോ എന്ന നായയെ അതിക്രൂരമായി പീഡിപ്പിച്ച് കൊലപ്പെടുത്തിയ സംഭവം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത കേസിലെ പ്രതികൾക്കെതിരെ സ്വീകരിച്ച നടപടികൾ വിശദമാക്കാമോ;

പ്രതികൾക്കെതിരെ ചുമത്തിയിരിക്കുന്ന വകുപ്പുകൾ ഏതൊക്കെയാണെന്നും മാതൃകാപരമായ ശിക്ഷ നല്‍കുവാന്‍ വകുപ്പ് സ്വീകരിച്ച നടപടികള്‍ എന്തെല്ലാമെന്നും വിശദമാക്കാമോ?

സംസ്ഥാനത്ത് അന്ധവിശ്വാസത്തിന്റെ മറവില്‍ ചികിത്സ നടത്തുന്ന കേന്ദ്രങ്ങള്‍ പ്രവര്‍ത്തിക്കുന്നുണ്ടെന്നത് ശ്രദ്ധയിൽപ്പെട്ടിട്ടുണ്ടോ;

ഇത്തരം കേന്ദ്രങ്ങളില്‍ നടക്കുന്ന ചൂഷണങ്ങള്‍ തടയുന്നതിന് നിലവില്‍ എന്തെല്ലാം നിയമങ്ങളാണ് നടപ്പിലാക്കിയിട്ടുളളതെന്ന് വിശദമാക്കുമോ?

കോവിഡ് ലോക്ക്ഡൗണിന്റെ പേരിൽ ജനങ്ങൾക്കെതിരെ പോലീസ് അതിക്രമങ്ങൾ ഉയർന്നു വരുന്നുവെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

അഞ്ചുതെങ്ങ് കൊച്ചുമേത്തൻ കടവില്‍ മീന്‍ വില്‍പ്പന നടത്തിയിരുന്ന മേരി എന്ന വയോധികയുടെ പതിനാറായിരത്തോളം രൂപ വിലവരുന്ന മത്സ്യം പാരിപ്പള്ളി പൊലീസ് അഴുക്കുചാലിലേക്ക് വലിച്ചെറിഞ്ഞ സംഭവത്തിൽ എന്തെങ്കിലും നടപടികൾ സ്വീകരിച്ചിട്ടുണ്ടോയെന്നറിയിക്കാമോ;

ലോക്ക്ഡൗൺ മൂലം ജനങ്ങൾ സാമ്പത്തിക പരാധീനത അനുഭവിക്കുമ്പോള്‍ പാവപ്പെട്ട ജനങ്ങളുടെ മുകളിൽ പിഴ ചുമത്തുന്ന സംഭവങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത് തടയാൻ അടിയന്തിര നടപടി സ്വീകരിക്കുമോ?

ബാലരാമപുരം-കാട്ടാക്കട റോഡിൽ, സിമന്റ് കയറ്റി വരുന്ന വലിയ ടോറസ് ലോറികൾ ഊരൂട്ടമ്പലം ജംഗ്ഷനിൽ അനധികൃതമായി പാർക്ക് ചെയ്യുന്നതുമൂലം കാൽനട യാത്രക്കാർക്കും വാഹന യാത്രികർക്കും വലിയ തോതിൽ ബുദ്ധിമുട്ടുകൾ ഉണ്ടാകുന്നതായി ശ്രദ്ധയിൽപ്പെട്ടിട്ടുണ്ടോ;

പ്രസ്തുത ലോറികൾ ബന്ധപ്പെട്ട സ്വകാര്യ വ്യക്തിയുടെ സിമന്റ് ഗോഡൗണിന് സമീപത്തുള്ള പാർക്കിംഗ് യാർഡിൽ പാർക്ക് ചെയ്യിക്കുന്നതിനുള്ള നടപടികൾ സ്വീകരിക്കുമോ?

സാമൂഹ്യമാധ്യമങ്ങള്‍ വ്യാപകമായതിനെ തുടര്‍ന്ന് ഇത്തരം മാധ്യമങ്ങളിലൂടെ സ്ത്രീകളെ അപകീര്‍ത്തിപ്പെടുത്തുന്നതും കുട്ടികളെ കെണിയില്‍പ്പെടുത്തി വഴിതെറ്റിക്കുന്നതുമായ സംഭവങ്ങള്‍ വര്‍ദ്ധിച്ചുവരുന്നതിനാല്‍ ഇതു സംബന്ധിച്ച പരാതികള്‍ ഫലപ്രദമായി കൈകാര്യം ചെയ്യാന്‍ പ്രത്യേക സംവിധാനം ഏര്‍പ്പെടുത്തുമോ;

സൈബര്‍ കുറ്റകൃത്യങ്ങള്‍ വര്‍ദ്ധിച്ചുവരുന്നതിനാല്‍ എല്ലാ ജില്ലകളിലും സൈബര്‍ പോലീസ് സ്റ്റേഷന്‍ സ്ഥാപിച്ചിട്ടുണ്ടോ; ഇവയുടെ പ്രവര്‍ത്തന രീതി അറിയിക്കാമോ;

നിരവധി ആപ്പുകൾ സ്വകാര്യതയിലേക്ക് കടന്നുകയറ്റം നടത്തുന്നവയും വിവരചോര്‍ച്ച നടത്തുന്നവയും ആയതിനാല്‍ ഇതേക്കുറിച്ച് അവബോധം വളര്‍ത്താന്‍ പരിപാടിയുണ്ടോ;

ഡാര്‍ക്ക് വെബിലൂടെയുള്ള അധോലോക പ്രവര്‍ത്തനം തടയാന്‍ ശ്രമം നടത്തുന്നുണ്ടോയെന്ന് വ്യക്തമാക്കാമോ?

സംസ്ഥാനത്ത് സൈബര്‍ ആക്രമണങ്ങള്‍ വര്‍ദ്ധിച്ചു വരുന്ന സാഹചര്യത്തില്‍ അത് നേരിടുന്നതിന് പോലീസിനെ പ്രാപ്തമാക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കുമോ;

പോലീസിന് മാത്രമായി ഒരു ഐ.റ്റി. കേഡര്‍ രൂപീകരിച്ചിട്ടുണ്ടോ; വിശദാംശം നല്‍കുമോ?

തിരുവനന്തപുരം വാൻറോസ് ജംഗ്ഷനിൽ കട നടത്തിയിരുന്ന കലാ ശ്രീകുമാർ എന്ന ആളുടെ വസ്തു കയ്യേറി അടച്ചുകെട്ടിയത് സംബന്ധിച്ച് തിരുവനന്തപുരം കന്റോൺമെന്റ് പോലീസ് സ്റ്റേഷനിൽ രജിസ്റ്റർ ചെയ്ത കേസിന്റെ വിശദാംശങ്ങൾ ലഭ്യമാക്കാമോ;

പ്രസ്തുത പരാതി രജിസ്റ്റർ ചെയ്യാൻ പോലീസ് കാലതാമസം വരുത്തിയിട്ടുണ്ടോ; കാരണം വ്യക്തമാക്കാമോ;

പ്രസ്തുത കേസിലെ പ്രതികൾ ആരെല്ലാമാണെന്ന് വ്യക്തമാക്കാമോ;

പ്രതികളിൽ ആർക്കെങ്കിലും എതിരെ, അനധികൃതമായി ഭൂമി കയ്യേറിയതുമായി ബന്ധപ്പെട്ട്, സംസ്ഥാനത്തെ ഏതെങ്കിലും പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ടോ; വിശദാംശം ലഭ്യമാക്കാമോ ;

കേസിലെ ഏതെങ്കിലും പ്രതിയുടെ വൃദ്ധമാതാവിന് പോലീസ് സംരക്ഷണം നൽകിക്കൊണ്ട് കോടതി ഉത്തരവായിട്ടുണ്ടോ; വ്യക്തമാക്കാമോ?

കഴിഞ്ഞ സര്‍ക്കാരിന്റെ കാലയളവില്‍ ആഭ്യന്തര വകുപ്പ് മുഖാന്തിരം ആലത്തൂര്‍ മണ്ഡലത്തില്‍ എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വിശദമാക്കാമോ?

പോലീസ് സേനാംഗങ്ങളുടെ ട്രെയിനിംഗ് കാലയളവ് സര്‍വ്വീസായി പരിഗണിക്കുവാൻ ഉത്തരവായിട്ടുണ്ടോ; ഉണ്ടെങ്കില്‍ ഏത് തീയതി മുതലാണ് ഈ ആനുകൂല്യം നല്‍കിയിട്ടുള്ളത്;

1.4.2010-ന് ശേഷം സര്‍വ്വീസില്‍ നിന്നും വിരമിച്ചവര്‍ക്ക് പ്രസ്തുത ആനുകൂല്യം ലഭിക്കുകയും 1.4.2010-ന് മുമ്പ് വിരമിച്ചവര്‍ക്ക് ആനുകൂല്യം ലഭിയ്ക്കാതിരിക്കുകയും ചെയ്തതിനുള്ള കാരണമെന്താണ്;

ട്രെയിനിംഗ് കഴിഞ്ഞശേഷം പോലീസ് സേനയില്‍ നിന്നും മറ്റ് ഡിപ്പാര്‍ട്ട്മെന്റുകളിലേക്ക് പോയവര്‍ക്ക് ട്രെയിനിംഗ് കാലയളവ് സര്‍വ്വീസായി പരിഗണിച്ച് ആനുകൂല്യം നല്‍കിയിട്ടും 1.4.2010-ന് മുമ്പ് സേനയില്‍ നിന്നും വിരമിച്ചതും ഇന്ന് ജീവിച്ചിരിക്കുന്നതുമായ അയ്യായിരത്തോളം അംഗങ്ങള്‍ക്ക് പ്രസ്തുത ആനുകൂല്യം ലഭിയ്ക്കാത്തതിന് കാരണമെന്താണ്; വിശദമാക്കുമോ; ആയത് ലഭ്യമാക്കുവാൻ അടിയന്തര നടപടി സ്വീകരിക്കുമോ;

കേരള അഡ്മിനിസ്ട്രേറ്റീവ് ട്രിബ്യൂണലിൽ നിന്നോ മറ്റ് കോടതികളില്‍ നിന്നോ ഈ വിഷയം സംബന്ധിച്ച് ഉത്തരവുകൾ വന്നിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ;

ട്രിബ്യൂണൽ/കോടതി ഉത്തരവുകളില്‍, ആനുകൂല്യം നല്‍കുന്നതിനുള്ള കാലാവധി നിര്‍ദ്ദേശിച്ചിരുന്നോ; ഉണ്ടെങ്കില്‍ വിധിയുടെ അടിസ്ഥാനത്തില്‍ ആനുകൂല്യം പൂര്‍ണ്ണമായും അര്‍ഹതപ്പെട്ടവര്‍ക്ക് നല്‍കിയിട്ടുണ്ടോ; ഇല്ലെങ്കില്‍ എന്തുകൊണ്ട്; വിശദമാക്കാമോ;

1.4.2010-ന് മുമ്പ് വിരമിച്ച എല്ലാ പോലീസുദ്യോഗസ്ഥര്‍ക്കും ട്രെയിനിംഗ് പിരീഡിലെ ആനുകൂല്യം എന്നത്തേക്ക് ലഭ്യമാക്കാന്‍ കഴിയുമെന്ന് വ്യക്തമാക്കാമോ?

ട്രാഫിക് നിയമ ലംഘനത്തിന് ഈടാക്കുന്ന പിഴയുടെ അമ്പത് ശതമാനം റോഡ് സേഫ്റ്റി അതോറിറ്റിക്ക് കൈമാറണം എന്ന നിബന്ധന പോലീസ് ഡിപ്പാർട്ട്മെന്റ് പാലിക്കുന്നുണ്ടോ;

2008-മുതൽ ഇതു വരെ ഓരോ വർഷവും ഈ ഇനത്തിൽ കൈമാറിയ തുകയുടെ വിശദാംശങ്ങൾ ലഭ്യമാക്കാമോ ?

സംസ്ഥാനത്ത് കോവിഡ് നിയന്ത്രണങ്ങള്‍ പാലിക്കാത്തതിന്റെ പേരില്‍ എത്ര രൂപയാണ് പൊതുജനങ്ങളില്‍ നിന്ന് പിഴയായി ഈടാക്കിയിട്ടുളളതെന്ന് ജില്ല തിരിച്ച് വ്യക്തമാക്കാമോ;

ഇത്തരത്തില്‍ സംസ്ഥാനത്തെ വ്യാപാരികളില്‍ നിന്നും ഈടാക്കിയിട്ടുളള തുക എത്രയെന്ന് വ്യക്തമാക്കാമോ?

ഇ-കൊമേഴ്സ് ഏജന്‍സികളെ സഹായിക്കുവാനായി സംസ്ഥാന പോലീസ് മേധാവി, എല്ലാ ജില്ലാ പോലീസ് മോധാവികള്‍ക്കും 15.05.2021 തീയതിയായി റ്റി9-103231/2020 പി.എച്ച്.ക്യൂ എന്ന നമ്പര്‍ പ്രകാരം CoB മെസ്സേജ് നല്‍കിയിട്ടുണ്ടോ; എങ്കില്‍ ഇതിന്റെ വിശദാംശം ലഭ്യമാക്കുമോ; ഏതെല്ലാം ഏജന്‍സികള്‍ക്ക് വേണ്ടിയാണ് പ്രസ്തുത മെസ്സേജ് നല്‍കിയിട്ടുളളത് എന്നതിന്റെ വിശദവിവരം നല്‍കുമോ;

നിത്യോപയോഗ സാധനങ്ങള്‍ എന്ന പേരില്‍ കണ്ടൈന്‍മെന്റ് സോണില്‍ ഉള്‍പ്പെടെ ഇ-കൊമേഴ്സ് സ്ഥാപനങ്ങള്‍ ഡെലിവറി നടത്തുന്നത് മറ്റ് ഉല്‍പ്പന്നങ്ങളാണെന്നിരിക്കെ ഇവരെ സഹായിക്കുവാന്‍ ഇത്തരത്തിലുളള ഒരു സന്ദേശം നല്‍കുവാനുണ്ടായ സാഹചര്യം എന്താണെന്ന് വിശദീകരിക്കുമോ;

ലോക്ക്ഡൗണില്‍ സംസ്ഥാനത്തെ ഭൂരിഭാഗം വ്യാപാരസ്ഥാപനങ്ങളും അടച്ചിടേണ്ടി വന്നപ്പോള്‍ കണ്ടൈന്‍മെന്റ് സോണില്‍ ഉള്‍പ്പെടെ നിത്യോപയോഗ സാധനങ്ങള്‍ എന്ന പേരില്‍ മറ്റുല്‍പ്പന്നങ്ങളുടെ ഡെലിവറി നടത്തുന്നതിനുവേണ്ടി, ഇ-കോമേഴ്സ് സ്ഥാപനങ്ങളെ സഹായിക്കുന്നതിനായി പ്രസ്തുത സന്ദേശം ജില്ലാ പോലീസ് മേധാവികള്‍ക്ക് കൈമാറിയത് സര്‍ക്കാരിന്റെ അറിവോടുകൂടിയാണോ; എങ്കില്‍ ഇതിന്റെ വിശദാംശം നല്‍കുമോ?

കായംകുളം മണ്ഡലത്തില്‍ 2016-ന് ശേഷം നാളിതുവരെ ആഭ്യന്തര വകുപ്പ് മുഖേന അനുമതി ലഭിച്ച പദ്ധതികള്‍ ഏതെല്ലാമെന്ന് വ്യക്തമാക്കുമോ; പ്രസ്തുത പ്രവൃത്തികളുടെ നിലവിലെ പുരോഗതി സംബന്ധിച്ച വിശദാംശം ലഭ്യമാക്കുമോ?

സാഹചര്യം കൊണ്ട് അതീവ ഗുരുതരമല്ലാത്ത കുറ്റകൃത്യം ചെയ്തവരെ തിരുത്തി എടുക്കാന്‍ എന്തെല്ലാം മാര്‍ഗ്ഗങ്ങളാണ് പരിഗണനയിലുള്ളത്; 2021-ല്‍ നിലവില്‍ വന്ന പ്രാെബേഷന്‍ നയം നടപ്പാക്കാന്‍ എന്തെല്ലാം കാര്യ പദ്ധതികളാണ് പരിഗണിക്കുന്നത്;

സാമൂഹ്യ സേവന നിയമം നടപ്പാക്കാന്‍ ആലോചിക്കുന്നുണ്ടോയെന്നറിയിക്കുമോ;

കുറ്റകൃത്യത്തിന് ഇരയാകുന്നവരേയും ജയിലില്‍ കിടക്കുന്നവരുടെ ആശ്രിതരേയും തടവ് കഴിഞ്ഞിറങ്ങുന്നവരേയും എങ്ങനെയെല്ലാം പുനരധിവസിപ്പിക്കാന്‍ സാധിക്കും എന്ന് വ്യക്തമാക്കാമോ?

കേരള പോലീസ് ഹൗസിംഗ് കണ്‍സ്ട്രക്ഷന്‍ കോര്‍പ്പറേഷനില്‍ എത്ര ജീവനക്കാരാണ് നിലവിലുള്ളതെന്ന വിവരം സ്ഥിരം/ താല്‍ക്കാലികം എന്ന തരത്തില്‍ വിശദമാക്കാമോ;

പ്രസ്തുത കോര്‍പ്പറേഷനില്‍ കരാര്‍ വ്യവസ്ഥയില്‍ ജോലി നോക്കുന്നവരില്‍ ഒന്നിലേറെ തവണ കരാര്‍ പുതുക്കി നിയമനം ലഭിച്ചവരുണ്ടോ;എങ്കില്‍ അവരുടെ പേര് വിവരങ്ങള്‍ ലഭ്യമാക്കുമോ;

ഡെപ്യൂട്ടേഷന്‍ വ്യവസ്ഥയില്‍ ജോലി നോക്കുന്നവര്‍ ഏതൊക്കെ വകുപ്പിലെ ജീവനക്കാരാണെന്നും അവരുടെ തസ്തിക ഏതാണെന്നും അവര്‍ ഏത് കാലയളവിലാണ് ഡെപ്യൂട്ടേഷനില്‍ പ്രവേശിച്ചതെന്നും വ്യക്തമാക്കുമോ;

കരാര്‍ നിയമനം നടത്തുന്നതിന് കേരള പോലീസ് ഹൗസിംഗ് കണ്‍സ്ട്രക്ഷന്‍ കോര്‍പ്പറേഷൻ സ്വീകരിച്ചിട്ടുള്ള മാനദണ്ഡം എന്തൊക്കെയാണ്; പ്രസ്തുത നിയമനങ്ങള്‍ ഏംപ്ലോയ്‍മെന്റ് എക്സ്ചേഞ്ച് വഴി നടത്തുന്നതിന് നടപടി സ്വീകരിച്ചിട്ടുണ്ടോയെന്ന് അറിയിക്കുമോ?

ഇ-കോമേഴ്സ് സജീവമായതോടെ ഓണ്‍ലൈന്‍ വ്യാപാരത്തിലെ കുറ്റകൃത്യങ്ങള്‍, എ.ടി.എം. തട്ടിപ്പ്, സാമൂഹ്യമാധ്യമങ്ങള്‍ വഴിയുള്ള തട്ടിപ്പ്, ഓഹരി കമ്പോളത്തിലെ കബളിപ്പിക്കല്‍ എന്നിവ വര്‍ദ്ധിച്ചുവരുന്ന സാഹചര്യത്തില്‍ സൈബര്‍, സാമ്പത്തിക കുറ്റകൃത്യങ്ങള്‍ അന്വേഷിക്കാന്‍ പരിശീലനം നേടിയ പോലീസ് ഉദ്യോഗസ്ഥരെ നിയമിക്കാന്‍ നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

2011 മുതല്‍ 2016 വരെയുള്ള ഭരണകാലത്ത് തൃശ്ശൂര്‍ ജില്ലയിലെ അടാട്ട് ഫാർമേഴ്‌സ് സര്‍വ്വീസ് സഹകരണ ബാങ്കില്‍ തെരഞ്ഞെടുക്കപ്പെട്ട ഭരണസമിതിയെ പിരിച്ച്‍വിട്ട് അധികാരമേറ്റ അഡ്‍മിനിസ്ട്രേറ്ററുടെ ഭരണത്തില്‍ നടന്നിട്ടുള്ള അഴിമതിയെ സംബന്ധിച്ച് വിജിലന്‍സ് അന്വേഷണം നടക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ എന്നാണ് അന്വേഷണം ആരംഭിച്ചത്;

അന്വേഷണത്തിന്റെ ഇപ്പോഴത്തെ സ്ഥിതി സംബന്ധിച്ച വിവരം ലഭ്യമാക്കാമോ;

ഇതില്‍ വകുപ്പ് ഉദ്യോഗസ്ഥന്‍മാര്‍ക്ക് പങ്കുള്ളതായി ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ പ്രസ്തുത ഉദ്യോഗസ്ഥര്‍ക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ?

2020 ലെ പമ്പാ മണല്‍ വാരല്‍ അഴിമതി ആരോപണവുമായി ബന്ധപ്പെട്ട് വിജിലന്‍സ് കേസ്/ എന്‍ക്വയറി/ക്യുക്ക് വെരിഫിക്കേഷന്‍/സര്‍പ്രൈസ് ചെക്ക്/ബോര്‍ഡ് റിപ്പോര്‍ട്ട് എന്നിവ പ്രകാരം അന്വേഷണം നടക്കുന്നുണ്ടോയെന്നറിയിക്കാമോ;

പ്രസ്തുത അന്വേഷണത്തിന്റെ അടിസ്ഥാനത്തിലോ നിലവില്‍ അന്വേഷണം നടക്കുകയാണെങ്കിലോ അഴിമതി തടയുവാന്‍ എന്തു നടപടിയാണ് സ്വീകരിച്ചിട്ടുള്ളത്;

പ്രസ്തുത വിഷയത്തില്‍ ബഹു. കേരളാ ഹൈക്കോടതിയില്‍ വിജിലന്‍സ് വകുപ്പ് കേസ് ഫയല്‍ ചെയ്തിരുന്നോ;

ഉണ്ടെങ്കില്‍ പകര്‍പ്പ് സഹിതം വിവരങ്ങള്‍ വിശദമാക്കുമോ;

പ്രസ്തുത കേസ് അന്വേഷിച്ച ഉദ്യോഗസ്ഥരുടെ പേരുവിവരവും വിശദാംശങ്ങളും വെളിപ്പെടുത്തുമോ;

പമ്പ തീരത്തു നിന്നും നീക്കം ചെയ്ത ലക്ഷകണക്കിന് രൂപ വിലയുള്ള മണല്‍ ശേഖരത്തിന്റെ നിലവിലെ അവസ്ഥ വ്യക്തമാക്കാമോ?

കേരളത്തില്‍ 1.04.2020 മുതല്‍ 28 അതിവേഗ പോക്സോ കോടതികള്‍ ആരംഭിക്കാന്‍ സര്‍ക്കാര്‍ ഉത്തരവിറക്കിയിട്ടുണ്ടോ;

എങ്കിൽ ഈ കോടതികള്‍ക്ക് അനുവദിച്ച തസ്തികകള്‍ ഇനം തിരിച്ച് വ്യക്തമാക്കാമോ;

സിവില്‍ ജുഡീഷ്യറി ഡിപ്പാര്‍ട്ട്മെന്റ് ജീവനക്കാർക്ക് കോടതി നടപടിക്രമങ്ങള്‍ സുതാര്യമായും തടസ്സരഹിതമായും നടത്തുന്നതിന് സഹായകരമായ രീതിയിൽ പ്രസ്തുത കോടതികളില്‍ സ്ഥിരം ജീവനക്കാരുടെ തസ്തിക സൃഷ്ടിക്കുമോ?

സംസ്ഥാനത്ത് ഗ്രാമീണ കോടതികള്‍ സ്ഥാപിക്കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

സിവില്‍ കോടതി നിലവിലില്ലാത്ത കുന്ദമംഗലം ബ്ലോക്ക് പഞ്ചായത്ത് പരിധിയില്‍ ഗ്രാമീണ കോടതി അനുവദിക്കാന്‍ നടപടി സ്വീകരിക്കുമോ?

കൊണ്ടോട്ടിയില്‍ ഒരു ഫസ്റ്റ് ക്ലാസ്സ് മജിസ്ട്രേറ്റ് കോടതി സ്ഥാപിക്കണം എന്ന നിര്‍ദ്ദേശത്തിന്മേല്‍ ഇതിനകം സ്വീകരിച്ച നടപടികള്‍ വിശദമാക്കുമോ;

നിലവിലുള്ള മുന്‍ഗണനാ ലിസ്റ്റില്‍ കൊണ്ടോട്ടിക്ക് എത്രാമത്തെ സ്ഥാനമാണുള്ളതെന്ന് വ്യക്തമാക്കുമോ;

ഇക്കാര്യത്തില്‍ ബഹു. ഹൈക്കോടതി രജിസ്ട്രാറിന്റെ ഏതെങ്കിലും നിര്‍ദ്ദേശം ലഭ്യമായിട്ടുണ്ടോ; വിശദമാക്കുമോ?

സംസ്ഥാനത്ത് സ്ത്രീധന നിരോധന നിയമം കര്‍ശനമായി നടപ്പാക്കാനും ഒപ്പം കേന്ദ്ര സ്ത്രീധന നിരോധന നിയമത്തിന്റെ ഭാഗമായി സംസ്ഥാന സര്‍ക്കാര്‍ തയ്യാറാക്കിയ ചട്ടം കര്‍ശനമായി നടപ്പാക്കാനുമായി സ്വീകരിച്ചുവരുന്ന പ്രധാന നടപടികള്‍ എന്തെല്ലാമെന്നു വ്യക്തമാക്കുമോ;

വിവാഹ സമ്മാനമായി പണവും സ്വര്‍ണ്ണവും വസ്തുവകകളും വീടും വരുമാന സ്രോതസ്സുകളായ കെട്ടിടങ്ങളും ഉള്‍പ്പെടെ വിവാഹം കഴിയ്ക്കുന്ന പുരുഷന്മാര്‍ക്കു നല്‍കുന്നുണ്ടെന്നത് ശ്രദ്ധയില്‍പ്പെട്ടുവോ; വിശദാംശം ലഭ്യമാക്കുമോ;

ഇത്തരം നിയമവിരുദ്ധ പ്രവര്‍ത്തനം നടത്തുന്ന വധൂ വരന്മാരുടെ മാതാപിതാക്കള്‍ക്കെതിരെ കഴിഞ്ഞ 5 വര്‍ഷങ്ങളില്‍ സംസ്ഥാനത്തു എത്ര കേസ്സുകള്‍ പോലീസ് രജിസ്റ്റര്‍ ചെയ്തുവെന്ന കണക്ക് വര്‍ഷം തിരിച്ച് വ്യക്തമാക്കുമോ; കേസ്സുകളില്‍ എത്ര പേര്‍ക്ക് ശിക്ഷ നല്‍കുവാന്‍ കഴിഞ്ഞു; വിശദാംശം ലഭ്യമാക്കുമോ?

ജയില്‍ തടവുകാര്‍ സ്വര്‍ണ്ണക്കടത്ത്, കവര്‍ച്ച, ക്വട്ടേഷന്‍ ഉള്‍പ്പെടെയുള്ള കുറ്റകൃത്യങ്ങള്‍ നിയന്ത്രിക്കുന്നുവെന്ന ആക്ഷേപം പരിശോധിച്ചിട്ടുണ്ടോ;

ജയിലുകളില്‍ മൊബൈല്‍ ഫോണുകള്‍ ഉപയോഗിക്കുന്നതായി കണ്ടെത്തിയിട്ടുണ്ടോ; എങ്കില്‍ എന്തു നടപടി സ്വീകരിച്ചു;

ജയിലുകളില്‍ ഔദ്യോഗിക ഫോണ്‍ ദുരുപയോഗം ചെയ്തതായി റിപ്പോര്‍ട്ട് ചെയ്തിട്ടുണ്ടോ;

ജയില്‍ തടവുകാര്‍ കുറ്റകൃത്യങ്ങളില്‍ ഏര്‍പ്പെടുന്നില്ല എന്ന് ഉറപ്പാക്കാന്‍ സ്വീകരിക്കാനുദ്ദേശിക്കുന്ന നടപടികള്‍ വിശദമാക്കുമോ?

കഴിഞ്ഞ സര്‍ക്കാര്‍ കര്‍ശന നടപടികളിലൂടെ തടഞ്ഞ ബ്ലേഡ് മാഫിയ ഉള്‍പ്പെടെയുള്ള സാമ്പത്തിക കുറ്റവാളികള്‍ ഒരിടവേളയ്ക്കു ശേഷം പ്രവര്‍ത്തനം തുടങ്ങിയിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

ഈ സര്‍ക്കാരിന്റെ കാലയളവില്‍ ഇത്തരം എത്ര കേസ്സുകള്‍ രജിസ്റ്റര്‍ ചെയ്തുവെന്നും എത്ര പേരെ അറസ്റ്റു ചെയ്തു നിയമനടപടികള്‍ക്കു വിധേയമാക്കിയെന്നും അറിയിക്കാമോ;

ഇത്തരം പ്രവര്‍ത്തനം സംസ്ഥാനത്തു നിന്ന് തുടച്ചു നീക്കുവാന്‍ സ്വീകരിച്ചുവരുന്ന പ്രധാന പ്രവര്‍ത്തനങ്ങള്‍ വ്യക്തമാക്കുമോ;

ഇവയോടൊപ്പം സൈബര്‍ സാമ്പത്തിക കുറ്റകൃത്യങ്ങളും വർദ്ധിച്ചുവരുന്നത് കണക്കിലെടുത്ത് അവ നിയന്ത്രിയ്ക്കാന്‍ സ്വീകരിച്ചുവരുന്ന നടപടികള്‍ എന്തെല്ലാമെന്നും വ്യക്തമാക്കുമോ?

പതിനാറ് മീറ്റര്‍ വരെ ഉയരമുള്ള ലോ റൈസ് കെട്ടിടങ്ങള്‍ക്ക് അഗ്നി രക്ഷാ വകുപ്പില്‍ നിന്നും ഫയര്‍ എന്‍.ഒ.സി. ലഭിക്കുന്നതിനുള്ള ബുദ്ധിമുട്ട് സംബന്ധിച്ച് സര്‍ക്കാരിന് പരാതി ലഭിച്ചിട്ടുണ്ടോ; എങ്കില്‍ വിശദാംശം നല്‍കുമോ;

നിലവില്‍ ആയത് ലഭിക്കുന്നതിനുള്ള അപേക്ഷ ബന്ധപ്പെട്ട ഫയര്‍ സ്റ്റേഷനില്‍ നല്‍കി, ജില്ലാ ഫയര്‍ ഓഫീസര്‍ ചെയര്‍മാനായുള്ള കമ്മിറ്റി പരിശോധിച്ച് , സര്‍ട്ടിഫിക്കറ്റ് ലഭിക്കുന്നതിന് വേണ്ടി മാത്രം റീജിയണല്‍ ഓഫീസിലേക്ക് അയക്കുന്നത് മൂലം കാലതാമസം ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ; ഇതു സംബന്ധിച്ച് വിശദാംശം ലഭ്യമാക്കുമോ;

16 മീറ്റര്‍ ഉയരം വരെയുള്ള ഗണത്തില്‍പ്പെട്ട ലോ റൈസ് കെട്ടിടങ്ങള്‍ക്ക് കെ.എം.ബി.ആര്‍., കെ.പി.ബി.ആര്‍ റൂളുകള്‍ പ്രകാരം നിര്‍ദ്ദേശിച്ചിട്ടില്ലാത്ത സ്പെഷ്യല്‍ കാറ്റഗറി തരംതിരിവ് ഒഴിവാക്കി അതേ ജില്ലയിലുള്ള ജില്ലാ ഫയര്‍ ഓഫീസില്‍ നിന്നും ഫയര്‍ എന്‍.ഒ.സി. നല്‍കുവാന്‍ സര്‍ക്കാര്‍ നടപടി സ്വീകരിക്കുമോ; എങ്കില്‍ വിശദാംശം നല്‍കുമോ?

ഭരണ പരിഷ്ക്കാര കമ്മീഷന്‍, ഫയര്‍ ആന്റ് റെസ്ക്യൂ സര്‍വ്വീസില്‍ നടപ്പിലാക്കേണ്ട പരിഷ്കാരം സംബന്ധിച്ച് എന്തെങ്കിലും നിര്‍ദ്ദേശം സമര്‍പ്പിച്ചിരുന്നോ;

പ്രസ്തുത റിപ്പോര്‍ട്ടിന്റെ അടിസ്ഥാനത്തില്‍ എന്തെല്ലാം നടപടി സ്വീകരിച്ചു; വ്യക്തമാക്കാമോ?

സംസ്ഥാനത്ത് ഏതെല്ലാം ഫയര്‍ സ്റ്റേഷനുകളാണ് പുതുതായി ആരംഭിക്കാന്‍ തത്വത്തില്‍ തീരുമാനിച്ചിട്ടുള്ളതെന്ന് വ്യക്തമാക്കാമോ;

ഇവ തുടങ്ങുന്നതിനുള്ള തടസ്സങ്ങള്‍ എന്തെല്ലാമാണെന്ന് വിശദമാക്കാമോ?

ഗുരുവായൂര്‍ ഫയര്‍ സ്റ്റേഷന്‍ കെട്ടിടത്തിന്റെ നിലവിലെ അവസ്ഥ അറിയിക്കാമോ;

പ്രസ്തുത ഫയര്‍ സ്റ്റേഷന് പുതിയ കെട്ടിടം നിര്‍മ്മിക്കുന്നതിനുള്ള നടപടികള്‍ വ്യക്തമാക്കാമോ;

കെട്ടിട നിര്‍മ്മാണത്തിനായി അനുവദിച്ച ഭൂമിയുടെ തരം മാറ്റല്‍ നടപടി പൂര്‍ത്തീകരിച്ചിട്ടുണ്ടോ; കെട്ടിടനിര്‍മ്മാണം വേഗതയില്‍ പൂര്‍ത്തീകരിക്കുന്നതിന് സ്വീകരിച്ച നടപടികള്‍ വിശദമാക്കാമോ?

പൂഞ്ഞാര്‍ നിയോജകമണ്ഡലത്തിലെ എരുമേലി, മുണ്ടക്കയം എന്നീ സ്ഥലങ്ങളില്‍ പുതിയതായി ഫയര്‍ സ്റ്റേഷനുകള്‍ അനുവദിക്കുന്നതിനുള്ള നിര്‍ദേശം പരിഗണനയിലുണ്ടോയെന്ന് അറിയിക്കുമോ;

പ്രസ്തുത സ്ഥലങ്ങളില്‍ ഫയര്‍ സ്റ്റേഷനുകള്‍ അനുവദിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

കോട്ടക്കല്‍ നിയോജകമണ്ഡലത്തിലെ വളാഞ്ചേരി ഫയര്‍ സ്റ്റേഷന്റെ കെട്ടിട നിര്‍മ്മാണത്തിനായി ബഡ്ജറ്റില്‍ തുക വകയിരുത്തിയതിന്റെ അടിസ്ഥാനത്തില്‍ പൊതുമരാമത്ത് കെട്ടിടവിഭാഗം വ്യക്തമായ എസ്റ്റിമേറ്റ് നല്‍കിയിട്ടുണ്ടോയെന്ന് വ്യക്തമാക്കുമോ;

എസ്റ്റിമേറ്റിന്റെ അടിസ്ഥാനത്തില്‍ കെട്ടിട നിര്‍മ്മാണത്തിന് ഭരണാനുമതി നല്‍കിയിട്ടുണ്ടോയെന്ന് അറിയിക്കുമോ;

വളാഞ്ചേരി ഫയര്‍ സ്റ്റേഷന്‍ ആരംഭിക്കണമെന്ന പ്രൊപ്പോസല്‍ ഫയര്‍ ആന്റ് റസ്ക്യൂ വകുപ്പ് മേധാവി സര്‍ക്കാരിന് സമര്‍പ്പിച്ചിട്ടുണ്ടോ; വ്യക്തമാക്കുമോ?

കാസർകോട് ബദിയടുക്കയിൽ ഫയർ സ്റ്റേഷൻ നിർമ്മിക്കാൻ ഉദ്ദേശിക്കുന്നുണ്ടോ എന്ന് വ്യക്തമാക്കാമോ;

എങ്കിൽ ഇതിനുവേണ്ടി സ്ഥലം കണ്ടെത്തിയിട്ടുണ്ടോ എന്നും അതുമായി ബന്ധപ്പെട്ട പ്രവർത്തനങ്ങൾ ഏത് ഘട്ടത്തിലാണെന്നും വ്യക്തമാക്കാമോ ;

ഫയർ സ്റ്റേഷൻ നിർമ്മിക്കാൻ ഉദ്ദേശിക്കുന്ന ഭൂമി ഏത് വകുപ്പിന്റെ അധീനതയിലാണെന്നും പ്രസ്തുത വകുപ്പ് ആവശ്യമായ സ്ഥലം വിട്ടു നല്‍കിയിട്ടുണ്ടോയെന്നും വ്യക്തമാക്കാമോ? എങ്കിൽ അതുമായി ബന്ധപ്പെട്ട രേഖകളുടെ പകർപ്പ് നൽകാമോ ;

ബദിയടുക്കയിൽ ഫയർ സ്റ്റേഷൻ നിർമ്മിക്കാന്‍ എത്ര രൂപ ചെലവ് വരുമെന്നാണ് പ്രതീക്ഷിക്കുന്നതെന്ന് വ്യക്തമാക്കാമോ?

ജയില്‍ വകുപ്പില്‍ നിലനിന്നുവരുന്ന ഇന്‍-സര്‍വ്വീസ് ട്രെയിനിംഗിന് പകരം പ്രീ-സര്‍വ്വീസ് ട്രെയിനിംഗ് ഏർപ്പെടുത്തുന്നതിനുള്ള സര്‍ക്കാര്‍ ഉത്തരവ് ഏതെല്ലാം തസ്തികകള്‍ക്ക് ബാധകമാണ്; പ്രസ്തുത ഉത്തരവിന്റെ പകര്‍പ്പും അതിന്മേല്‍ സ്വീകരിച്ച നടപടികളുടെ വിശദാംശങ്ങളും ലഭ്യമാക്കാമോ;

ജയില്‍ വകുപ്പില്‍ ഫിസിക്കല്‍ ട്രെയിനിംഗ് ആവശ്യമുള്ള ഏതെല്ലാം തസ്തികകളിലാണ് പി.എസ്.സി. നേരിട്ട് നിയമനം നടത്തുന്നതെന്ന് വ്യക്തമാക്കാമോ;

2015-ന് ശേഷം നാളിതുവരെ അസിസ്റ്റന്റ് സൂപ്രണ്ട്/സബ് ജയില്‍ സൂപ്രണ്ട് തസ്തികയില്‍ പി.എസ്.സി. വഴി നേരിട്ട് എത്ര പേര്‍ക്ക് നിയമനം നല്‍കി; പരിശീലനം ലഭിക്കുന്നതിന് മുമ്പ് സബ് ജയില്‍ സൂപ്രണ്ടായി നിയമനം നല്‍കാറുണ്ടോ; വിശദാംശം നല്‍കുമോ;

ജയില്‍ വകുപ്പിന്റെ കാര്യക്ഷമത വര്‍ദ്ധിപ്പിക്കുന്നതിന് എക്സിക്യൂട്ടീവ് വിഭാഗത്തിൽ ഫിസിക്കല്‍ ട്രെയിനിംഗ് നിര്‍ബന്ധമാക്കിയിട്ടുള്ളതും പി.എസ്.സി. വഴി നേരിട്ട് നിയമനം നടത്തുന്നതുമായ എല്ലാ തസ്തികകള്‍ക്കും പ്രീ-സര്‍വ്വീസ് ട്രെയിനിംഗ് നിര്‍ബന്ധമാക്കിക്കൊണ്ട് ജയില്‍ നിയമന ചട്ടങ്ങളിൽ ആവശ്യമായ ഭേദഗതി വരുത്തുന്നതിന് നടപടി സ്വീകരിക്കാമോ; വിശദാംശം ലഭ്യമാക്കാമോ?

റിട്ടയേഡ് ഡി.ജി.പി. ഡോ. അലക്സാണ്ടര്‍ ജേക്കബ് ചെയര്‍മാനായ ജയില്‍ പരിഷ്കരണ കമ്മീഷന്‍ സമര്‍പ്പിച്ച റിപ്പോര്‍ട്ടില്‍ ഒരു പൊലീസ് സബ് ഡിവിഷനില്‍ ഒരു ജയില്‍ സ്ഥാപനം ഉണ്ടാകണമെന്ന് ശിപാര്‍ശ ചെയ്തിരുന്നോ എന്നറിയിക്കാമോ;

ജയില്‍ വകുപ്പിലെ തിരുവനന്തപുരം മേഖലയില്‍ ഏതൊക്കെ പോലീസ് സബ് ഡിവിഷനുകളിലാണ് ജയിലുകള്‍ നിലവിലില്ലാത്തത്; ഇവിടങ്ങളില്‍ പുതിയ ജയില്‍ സ്ഥാപനങ്ങള്‍ ആരംഭിക്കുന്നത് പരിഗണനയിലുണ്ടോ; വിശദാംശങ്ങള്‍ അറിയിക്കാമോ;

രാജസ്ഥാനിലെ സാംഗനീര്‍ ഓപ്പണ്‍ എയര്‍ ക്യാമ്പസ് മാതൃകയില്‍ പാറശ്ശാല മണ്ഡലത്തിലെ നെട്ടുകാല്‍ത്തേരി തുറന്ന ജയിലിലെ അനക്സായി പ്രവര്‍ത്തിക്കുന്ന തേവന്‍കോട് അനക്സ് പുതിയ ഓപ്പണ്‍ എയര്‍ ക്യാമ്പസ്സായി മാറ്റണമെന്ന കമ്മീഷന്‍ ശിപാര്‍ശ പരിഗണിക്കുമോ; അതിലേക്കായി എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശങ്ങള്‍ അറിയിക്കാമോ;

പ്രസ്തുത റിപ്പോര്‍ട്ടില്‍ മൂന്ന് സെന്‍ട്രല്‍ ജയിലുകള്‍ കേന്ദ്രീകരിച്ച് നൂറ് അസിസ്റ്റന്റ് പ്രിസണ്‍ ഓഫീസര്‍മാര്‍ വീതമുള്ള മൂന്ന് റിസര്‍വ് സേന രൂപീകരിക്കണമെന്ന് ശിപാര്‍ശ ചെയ്തിട്ടുണ്ടോ; ആയത് പരിഗണിക്കാമോ;

പ്രസ്തുത റിപ്പോര്‍ട്ട് പ്രകാരം ജയില്‍ വകുപ്പിലെ വിവിധ ജയില്‍ സ്ഥാപനങ്ങളിലെ ജീവനക്കാരുടെ കുറവ് പരിഹരിക്കുന്നതിന് പുതുതായി എത്ര തസ്തികകള്‍ അനുവദിക്കണമെന്നാണ് ശിപാര്‍ശ ചെയ്തിട്ടുള്ളത്; പ്രസ്തുത ശിപാര്‍ശ നടപ്പിലാക്കുന്നത് സര്‍ക്കാരിന്റെ പരിഗണനയിലുണ്ടോ; ഈ ശിപാര്‍ശയുമായി ബന്ധപ്പെട്ട് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

ദേശീയപാത വികസനത്തിന് സ്ഥലം നല്‍കിയവരടക്കം വിവിധ ആവശ്യങ്ങള്‍ക്കായി അനന്തരാവകാശ സര്‍ട്ടിഫിക്കറ്റ് ഹാജരാക്കേണ്ടവര്‍ക്ക് സര്‍ട്ടിഫിക്കറ്റ് ലഭിക്കുന്നതിലെ കാലതാമസം ശ്രദ്ധയില്‍പ്പെട്ടിട്ടുണ്ടോ;

ആയത് സംബന്ധിച്ച് സര്‍ക്കാര്‍ പ്രസ്സില്‍ ലഭിച്ചിട്ടുള്ള അപേക്ഷകള്‍ അടിയന്തരമായി ഗസറ്റില്‍ പബ്ലിഷ് ചെയ്യുന്നതിനുള്ള നടപടികള്‍ സ്വീകരിക്കുമോ;

തിരൂരങ്ങാടി താലൂക്കിൽ വള്ളിക്കുന്ന് മണ്ഡലത്തിലെ വിവിധ പ്രദേശങ്ങളില്‍ ഉള്‍പ്പെട്ട ആളുകളുടെ അനന്തരവകാശ സര്‍ട്ടിഫിക്കറ്റുകള്‍ ലഭിക്കുന്നതിന്റെ ഭാഗമായ ഗസറ്റ് വിജ്ഞാപനം നല്‍കുന്നതിന് എത്ര അപേക്ഷകള്‍ സര്‍ക്കാര്‍ സെൻട്രല്‍ പ്രസ്സില്‍ നിലവിലുണ്ട്; ആയത് അടിയന്തരമായി പബ്ലിഷ് ചെയ്യുന്നതിനുള്ള നടപടികള്‍ സ്വീകരിക്കുമോ?

അച്ചടി വകുപ്പില്‍ രണ്ടാം ഗ്രേഡ് ഓഫ് സെറ്റ് പ്രിന്റിംഗ് മെഷീന്‍ ഓപ്പറേറ്റര്‍മാരുടെ എത്ര തസ്തികകളാണ് നിലവിലുള്ളതെന്ന് വ്യക്തമാക്കാമോ;

പ്രസ്തുത തസ്തികയിലേയ്ക്ക് അവസാനമായി പി.എസ്.സി. വഴി നിയമനം എന്നാണ് നടന്നതെന്നും എത്ര നിയമനങ്ങൾ നടന്നുവെന്നും അറിയിക്കാമോ;

നിലവില്‍ അച്ചടി വകുപ്പില്‍ രണ്ടാം ഗ്രേഡ് ഓഫ് സെറ്റ് പ്രിന്റിംഗ് മെഷീന്‍ ഓപ്പറേറ്റര്‍മാരുടെ എത്ര ഒഴിവുകള്‍ നിലവിലുണ്ട്; ഈ ഒഴിവുകള്‍ നിലവില്‍ വന്ന തീയതികള്‍ വ്യക്തമാക്കാമോ;

പ്രസ്തുത തസ്തികയില്‍ നിലവിലുള്ള ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടുണ്ടോ; എങ്കില്‍ റിപ്പോര്‍ട്ട് ചെയ്ത തീയതി വ്യക്തമാക്കുമോ; റിപ്പോര്‍ട്ട് ചെയ്തിട്ടില്ലെങ്കില്‍ അടിയന്തരമായി ഒഴിവുകള്‍ റിപ്പോര്‍ട്ട് ചെയ്യാന്‍ നടപടി സ്വീകരിക്കുമോ;

മേൽ തസ്തികയില്‍‌ നിയമനം നടത്തുന്നതിന് നിയമപരമായോ സാങ്കേതികമായോ എന്തെങ്കിലും തടസ്സങ്ങള്‍ നിലവിലുണ്ടോ എന്ന് വ്യക്തമാക്കുമോ?

അച്ചടി വകുപ്പിലെ ഡെപ്യൂട്ടി സൂപ്രണ്ട്, അസിസ്റ്റന്റ് സൂപ്രണ്ട് എന്നീ തസ്തികകളിലെ നിയമനത്തിന് ഒഴിവുകള്‍ നിലവിലുണ്ടോ; ഇത് സംബന്ധിച്ച് സീനിയോരിറ്റി പട്ടിക പ്രസിദ്ധീകരിച്ചിട്ടുണ്ടോയെന്ന് അറിയിക്കുമോ;

ഡിപ്പാര്‍ട്ട്‌മെന്റല്‍ പ്രൊമോഷന്‍ കമ്മിറ്റി യോഗം ചേര്‍ന്ന് പ്രസ്തുത ഒഴിവുകള്‍ നികത്തുന്നതിനുള്ള നടപടികള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ;

സ്‌പെഷ്യല്‍ റൂള്‍സ് പ്രകാരമുള്ള പ്രൊമോഷന്‍ യഥാസമയം നടത്തി പ്രസ്സുകളുടെ പ്രവര്‍ത്തനം കാര്യക്ഷമമാക്കാന്‍ നടപടികള്‍ ത്വരിതപ്പെടുത്തുമോ; വ്യക്തമാക്കാമോ?

അച്ചടി വകുപ്പില്‍ രണ്ടാം ഗ്രേഡ് ഓഫ് സെറ്റ് പ്രിന്റിംഗ് മെഷീന്‍ ഓപ്പറേറ്ററുടെ എത്ര തസ്തികകളാണ് നിലവിലുള്ളത്;

പ്രസ്തുത തസ്തികയില്‍ പി.എസ്.സി. വഴി അവസാനമായി നിയമനം നടന്നത് എന്നാണെന്നും എത്ര തസ്തികയിലാണെന്നും വിശദമാക്കാമോ;

രണ്ടാം ഗ്രേഡ് ഓഫ് സെറ്റ് പ്രിന്റിംഗ് മെഷീന്‍ ഓപ്പറേറ്റമാരുടെ ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ; ഇല്ലെങ്കില്‍ പ്രസ്തുത ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്യുന്നതിനുള്ള നടപടി സ്വീകരിക്കുമോ;

അച്ചടി വകുപ്പില്‍ നിലവിലെ സ്പെഷ്യല്‍ റൂള്‍ പ്രകാരം രണ്ടാം ഗ്രേഡ് ഓഫ് സെറ്റ് പ്രിന്റിംഗ് മെഷീന്‍ ഓപ്പറേറ്റര്‍ തസ്തികയില്‍ നിയമനം നടത്തുന്നതിന് എന്ത് സാങ്കേതിക നിയമ പ്രശ്നങ്ങളാണ് നിലവിലുള്ളതെന്ന് വ്യക്തമാക്കാമോ;

അച്ചടി വകുപ്പില്‍ സെക്രട്ടറിയും ഡയറക്ടറും നിലവില്‍ എത്ര കേസ്സുകളില്‍ കോടതിയലക്ഷ്യ നടപടികള്‍ നേരിടുന്നുവെന്നും അവ ഏതൊക്കെയെന്നും ഇനം തിരിച്ച് വ്യക്തമാക്കാമോ;

അച്ചടി വകുപ്പിലെ ഏതെങ്കിലും ഉദ്യോഗസ്ഥര്‍ക്കെതിരെ വിജിലന്‍സ് വിഭാഗത്തില്‍ ഏതെങ്കിലും പരാതികള്‍ ലഭിച്ചിട്ടുണ്ടോ; വിശദാംശം ലഭ്യമാക്കാമോ?

ദേശീയപാത വികസനത്തിന് സ്ഥലം നല്‍കിയവരില്‍ അനന്തരാവകാശ സര്‍ട്ടിഫിക്കറ്റ് ഹാജരാക്കേണ്ടവര്‍ക്ക് സര്‍ട്ടിഫിക്കറ്റ് നിലവില്‍ ലഭിക്കുന്നതിലെ കാലതാമസം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ആയത് സംബന്ധിച്ച് നിലവില്‍ സര്‍ക്കാര്‍ പ്രസ്സില്‍ ലഭിച്ചിട്ടുള്ള അപേക്ഷകള്‍ അടിയന്തരമായി ഗസറ്റില്‍ പബ്ലിഷ് ചെയ്യുന്നതിനുള്ള നടപടികള്‍ സ്വീകരിക്കുമോ?

കണ്ണൂര്‍ ജില്ലയിലെ കണ്ണൂര്‍, തലശ്ശേരി, തളിപ്പറമ്പ്, പയ്യന്നൂര്‍, ഇരിട്ടി താലൂക്കുകളില്‍ നിന്നും തിരുവനന്തപുരം ഗവണ്‍മെന്റ് പ്രസ് ഡയറക്ടർക്ക് സര്‍ക്കാര്‍ ഗസറ്റില്‍ പ്രസിദ്ധീകരിക്കാന്‍ ലഭിച്ച പിന്തുടര്‍ച്ചാവകാശ സര്‍ട്ടിഫിക്കറ്റുമായി ബന്ധപ്പെട്ട അപേക്ഷകളില്‍ ഏത് തീയതി വരെ ലഭിച്ച അപേക്ഷകളാണ് രജിസ്റ്റര്‍ ചെയ്തിട്ടുള്ളതെന്നറിയിക്കാമോ;

2021 ജൂലായ് 31 വരെ ലഭിച്ച എത്ര അപേക്ഷകള്‍ രജിസ്റ്റര്‍ ചെയ്യാന്‍ ബാക്കിയുണ്ട്; വിശദാംശം ലഭ്യമാക്കാമോ;

പിന്തുടര്‍ച്ചാവകാശ സര്‍ട്ടിഫിക്കറ്റുമായി ബന്ധപ്പെട്ട അപേക്ഷകള്‍ ഗസറ്റില്‍ പ്രസിദ്ധീകരിക്കാന്‍ ലഭിക്കുന്ന സമയം തന്നെ രജിസ്റ്റര്‍ ചെയ്യുന്നതിനും അടുത്തു തന്നെ പ്രസിദ്ധീകരിക്കുന്ന ഗസറ്റില്‍ ഉള്‍പ്പെടുത്തുന്നതിനും നടപടി സ്വീകരിക്കുമോ?

ന്യൂനപക്ഷ വിഭാഗത്തിൽപ്പെട്ട വിദ്യാർത്ഥികൾക്ക് പഠനത്തിനായി നൽകി വരുന്ന ആനുകൂല്യങ്ങൾ എന്തൊക്കെയാണെന്ന് വ്യക്തമാക്കാമോ;

ടി വിഭാഗത്തിൽപ്പെട്ട വിദ്യാർത്ഥികൾക്ക് മത്സര പരീക്ഷകൾക്കുള്ള പരിശീലനം നൽകുന്നതിനായി കോച്ചിംഗ് സ്ഥാപനങ്ങൾ ആരംഭിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ;

കൽപ്പറ്റ നിയോജക മണ്ഡലത്തിൽ പ്രസ്തുത വിദ്യാർത്ഥികൾക്ക് മത്സര പരീക്ഷകൾക്ക് പരിശീലനം നൽകുന്നതിനായി ഒരു കോച്ചിംഗ് സ്ഥാപനം ആരംഭിക്കുന്നതിനു വേണ്ട നടപടികൾ സ്വീകരിക്കുമോ; വിശദാംശങ്ങൾ ലഭ്യമാക്കാമോ?

22.02.2011-ലെ പൊതുഭരണ (ന്യൂനപക്ഷക്ഷേമ) വകുപ്പിന്റെ സ.ഉ.(കൈ)നം. 57/2011/പൊ.ഭ.വ. ഉത്തരവിനെ തുടര്‍ന്ന് നടപ്പിലാക്കിയ 80:20 അനുപാതമനുസരിച്ച് 2011 മുതല്‍ 2021 മാര്‍ച്ച് മാസം വരെ ഓരോ വര്‍ഷവും ന്യൂനപക്ഷ ക്ഷേമവകുപ്പ് മുസ്ലീം വിദ്യാര്‍ത്ഥികള്‍ക്കും ലത്തീന്‍/പരിവര്‍ത്തിത ക്രൈസ്തവ വിദ്യാര്‍ത്ഥികള്‍ക്കും അനുവദിച്ച സ്കോളര്‍ഷിപ്പുകളുടെ പേരും, എണ്ണവും, തുകയും ജില്ല തിരിച്ച് വ്യക്തമാക്കാമോ?

സംസ്ഥാനത്ത് നടപ്പിലാക്കാനിരിക്കുന്ന അര്‍ദ്ധ അതിവേഗ റെയില്‍ പദ്ധതിയില്‍ എത്ര സ്റ്റോപ്പുകളാണ് അനുവദിച്ചിട്ടുള്ളതെന്നും അവ ഏതെല്ലാമാണെന്നും പ്രസ്തത റെയില്‍പാത ഏതെല്ലാം ജില്ലകളിലൂടെയാണ് കടന്നു പോകുന്നതെന്നും വിശദമാക്കാമോ;

പ്രസ്തത റെയില്‍പാത പാലക്കാട്‌ ജില്ലയിലെ ഏതെല്ലാം സ്ഥലങ്ങളിലൂടെയാണ് കടന്നു പോകുന്നതെന്ന് വ്യക്തമാക്കാമോ?

നിലമ്പൂര്‍ മണ്ഡലത്തിലെ ഏതെല്ലാം സ്കുളുകളിലെ ഏതെല്ലാം വിഭാഗങ്ങളിലാണ് സ്റ്റുഡന്റ് പോലീസ് കേഡറ്റ് പദ്ധതി നിലവിലുള്ളതെന്ന് പഞ്ചായത്ത് തിരിച്ച് അറിയിക്കാമോ;

നിലമ്പൂര്‍ മണ്ഡലത്തിലെ ഏതെല്ലാം സ്കൂളുകളില്‍ നിന്നാണ് പുതുതായി എസ്.പി.സി. തുടങ്ങുന്നതിന് അപേക്ഷ ലഭിച്ചിട്ടുള്ളതെന്നും അപേക്ഷയിന്മേല്‍ സ്വീകരിക്കാനുദ്ദേശിക്കുന്ന നടപടികളും വിശദമാക്കാമോ;

എയിഡഡ് സ്കൂളുകളില്‍ സ്റ്റുഡന്റ് പോലീസ് കേഡറ്റ് പദ്ധതി നടപ്പാക്കുന്നതിന് സ്കൂൾ മാനേജ്‍മെന്റ് ഒരുക്കേണ്ട സൗകര്യങ്ങളും ഒടുക്കേണ്ട തുകയും എത്രയെന്ന് വ്യക്തമാക്കാമോ; ഇക്കാര്യത്തില്‍ ഇളവുകള്‍ അനുവദിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ;

മാവോയിസ്റ്റ് ഭീഷണി നിലനില്‍ക്കുന്ന മലയോര വനപ്രദേശമെന്ന നിലയില്‍ നിലമ്പൂര്‍ മണ്ഡലത്തിലെ കൂടുതല്‍ സ്കൂളുകളില്‍ എസ്.പി.സി. ആരംഭിക്കുന്നതിന് സര്‍ക്കാര്‍ സന്നദ്ധമാകുമോ; ഇതിനായി നടപടി സ്വീകരിക്കുമോ?

തിരുവനന്തപുരം - കാസർഗോഡ് സിൽവർ ലൈൻ അതിവേഗ റെയിൽ പാതയ്ക്ക് കേന്ദ്ര സർക്കാരിന്റെ അനുമതി ലഭിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ?

ബാറുകൾ, കച്ചവട സ്ഥാപനങ്ങൾ, പൊതുഗതാഗതം എന്നിവയെല്ലാം ഭാഗികമായി തുറന്നപ്പോൾ, കോവിഡ് നിയന്ത്രണങ്ങളോടെ ആരാധനാലയങ്ങള്‍ തുറന്ന് പ്രവര്‍ത്തിക്കാന്‍ അനുവദിക്കണമെന്ന് മത നേതാക്കള്‍ ആവശ്യപ്പെട്ടിട്ടുണ്ടോ;

വെള്ളിയാഴ്ചയിലെ ജുമുഅ , ഞായറാഴ്ച ദിവസങ്ങളിലെ ക്രൈസ്തവ ദേവാലയങ്ങളിലെ പ്രാര്‍ത്ഥന, ക്ഷേത്രങ്ങളിലെ പ്രാർത്ഥന എന്നിവയ്ക്ക് അനുമതി നല്‍കാന്‍ സര്‍ക്കാര്‍ തയ്യാറാകാത്തത് എന്ത് കൊണ്ടാണ്;

പ്രത്യേക പ്രാര്‍ത്ഥനകള്‍ക്കായി ആരാധനാലയങ്ങള്‍ തുറന്ന് പ്രവര്‍ത്തിക്കുന്നതിന് അനുമതി നല്‍കുവാന്‍ സര്‍ക്കാര്‍ തയ്യാറാകുമോ; വ്യക്‌തമാക്കാമോ?