ഉൾനാടൻ ജലവാഹനങ്ങളിൽ ഉൾനാടൻ യാന നിയമപ്രകാരമുളള പരിശോധനകൾ യഥാസമയം നടക്കുന്നുണ്ടോ; ഇത്തരം ജലവാഹനങ്ങളുടെ പ്രവർത്തന ക്ഷമതയും സുരക്ഷയും ഉറപ്പാക്കുന്നതിന് വകുപ്പ് എന്തെല്ലാം നടപടികൾ സ്വീകരിച്ചിട്ടുണ്ട്?

വിഴിഞ്ഞം തുറമുഖ പദ്ധതിയുടെ നിര്‍മ്മാണ പ്രവൃത്തികള്‍ നിര്‍മ്മാണത്തിന് ആവശ്യമായ പാറയുടെ അഭാവത്തില്‍ നിര്‍ത്തിവച്ചിട്ടുണ്ടോ എന്ന് അറിയിക്കുമോ;

എങ്കില്‍ പാറ ലഭ്യമാക്കുന്നതിനുള്ള തടസ്സങ്ങള്‍ എന്തൊക്കെയാണെന്ന് വ്യക്തമാക്കുമോ;

പദ്ധതി സമയബന്ധിതമായി നടപ്പാക്കുന്നതിനുള്ള ആസൂത്രണത്തില്‍ പാളിച്ച സംഭവിച്ചിട്ടുണ്ടോയെന്ന് പരിശോധിക്കുമോ;

2019 ഡിസംബര്‍ 3‌-ന് ഒന്നാം ഘട്ടം പൂര്‍ത്തികരിക്കേണ്ടതുണ്ടായിരുന്നോ; എങ്കില്‍ പദ്ധതി നാളിതുവരെയായി പൂര്‍ത്തിയാകാത്ത സാഹചര്യത്തില്‍ നിര്‍മ്മാണത്തിന് ആവശ്യമായ പാറ ലഭ്യമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

സംസ്ഥാനത്തെ വന്‍കിടേതര തുറമുഖങ്ങളുടെ സാധ്യത യാത്രക്കാരുടെ സഞ്ചാരത്തിനും ചരക്ക് കടത്തിനും വിനിയോഗിക്കാന്‍ മാരിടെെം ബോര്‍ഡ് നടത്തുന്ന പ്രവര്‍ത്തനങ്ങള്‍ എന്തെല്ലാമെന്ന് അറിയിക്കാമോ;

കൊച്ചി കഴിഞ്ഞാല്‍ ചരക്ക് നീക്കം കെെകാര്യം ചെയ്യുന്നതിലും യാത്രക്കാരുടെ എണ്ണത്തിലും മുന്നിലുള്ള ബേപ്പൂര്‍ തുറമുഖത്തിന്റെ വികസനത്തിനായി നടന്നുവരുന്ന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കുമോ;

അന്താരാഷ്ട്രാ കപ്പല്‍ ചാലിന്റെയും തലസ്ഥാന നഗരത്തിന്റെയും സാമീപ്യം നല്‍കുന്ന അവസരം പ്രയോജനപ്പെടുത്താനുതകും വിധം വിഴിഞ്ഞം കാര്‍ഗോ തുറമുഖം വികസിപ്പിക്കാന്‍ നടപടിയെടുത്തിട്ടുണ്ടോ; ക്രൂ ചെയിഞ്ച് അനുമതി ലഭിച്ച സാഹചര്യം തുറമുഖ വികസനത്തിന് പ്രയോജനപ്പെടുത്തുവാന്‍ സാധ്യമായിട്ടുണ്ടോ എന്നറിയിക്കുമോ?

വിഴിഞ്ഞം ഹാര്‍ബര്‍ നിര്‍മ്മാണത്തിനുള്ള പാറ ശേഖരിച്ച് കടല്‍മാര്‍ഗ്ഗം കൊണ്ടുപോകുന്നതിന് മുതലപ്പൊഴി തുറമുഖം ഉപയോഗപ്പെടുത്തുവാന്‍ അദാനി പോര്‍ട്ട്സുമായി കരാറില്‍ ഏര്‍പ്പെട്ടിരുന്നോ;

എങ്കില്‍ കരാറിന്റെ കാലാവധി എന്നുവരെയായിരുന്നുവെന്നും പ്രസ്തുത കരാര്‍ പുതുക്കിയോ എന്നും അറിയിക്കുമോ; ഇല്ലെങ്കില്‍ കരാര്‍ പുതുക്കാതെ അദാനി പോര്‍ട്ട്സിന് പ്രവര്‍ത്തനങ്ങള്‍ തുടരാന്‍ കഴിയുന്നത് എങ്ങനെയെന്ന് അറിയിക്കുമോ;

പാറകൊണ്ടുപോകാനുള്ള ബാര്‍ജുകളുടെ പ്രവേശനത്തിനായി പരിസ്ഥിതി ആഘാത പഠനം നടത്താതെ ബ്രേക്ക് വാട്ടറിന്റെ തെക്ക് ഭാഗത്തുള്ള പുലിമുട്ട് അദാനി കമ്പനി പൊളിച്ചു നീക്കിയിട്ടുണ്ടോ; ഇതിന് പ്രസ്തുത കമ്പനിക്ക് അനുമതി നല്‍കിയിരുന്നോ; വ്യക്തമാക്കുമോ;

കരാറിലെ വ്യവസ്ഥകള്‍ ലംഘിച്ച് നടത്തുന്ന പ്രവര്‍ത്തനങ്ങളിലൂടെ മുതലപ്പൊഴി തുറമുഖ പ്രദേശത്ത് ഉടലെടുത്തിരിക്കുന്നതായി പറയപ്പെടുന്ന പ്രതിസന്ധി പരിഹരിക്കുവാന്‍ അടിയന്തര നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്തെ ചെറുകിട തുറുമുഖങ്ങളെ തമ്മില്‍ ബന്ധിപ്പിച്ചുകൊണ്ട് തീരദേശ ചരക്ക് കപ്പല്‍ ഗതാഗതം ആരംഭിക്കുന്നതിനായുള്ള പ്രവര്‍ത്തനങ്ങളുടെ പുരോഗതി വ്യക്തമാക്കുമോ;

കൊച്ചി, ബേപ്പൂര്‍, അഴീക്കല്‍ തുറമുഖങ്ങളെ ബന്ധിപ്പിക്കുന്ന ചരക്ക് കപ്പല്‍ സര്‍വ്വീസ് പുനരാരംഭിക്കാന്‍ കഴിഞ്ഞത് സംസ്ഥാനത്തിന്റെ വാണിജ്യ-വ്യവസായ മുന്നേറ്റത്തിന് കരുത്തുപകരാന്‍ ഇടയാക്കുമെന്ന് കരുതുന്നുണ്ടോ;

പ്രസ്തുത സര്‍വ്വീസിന്റെ വിശദാംശങ്ങള്‍ അറിയിക്കാമോ;

തിരുവനന്തപുരം മുതല്‍ കാസര്‍ഗോഡ് വരെയുള്ള ചെറുകിട തുറമുഖങ്ങളെ ബന്ധിപ്പിച്ചുകൊണ്ട് തീരദേശ ചരക്ക് കപ്പല്‍ സര്‍വ്വീസ്‍ ആരംഭിക്കുന്നതിന് നടപടി സ്വീകരിക്കുമോ?

ആലപ്പുഴ തുറമുഖത്തിന്റെ വികസനത്തിനായി 2020-21 വര്‍ഷത്തെ ബഡ്ജറ്റില്‍ എത്ര രൂപ അനുവദിച്ചിരുന്നുവെന്നും അതില്‍ എത്ര രൂപ ചെലവഴിച്ചുവെന്നും വ്യക്തമാക്കുമോ;

ടി വിഷയത്തിനായി തുകയൊന്നും ചെലവഴിച്ചിട്ടില്ലെങ്കില്‍ ആയതിന്റെ കാരണം വ്യക്തമാക്കുമോ?

സംസ്ഥാനത്ത് കടല്‍മാര്‍ഗ്ഗമുള്ള ചരക്ക് ഗതാഗതം പ്രോത്സാഹിപ്പിക്കുന്നതിന് എന്തെങ്കിലും പദ്ധതി തയ്യാറാക്കിയിട്ടുണ്ടോ; എങ്കില്‍ പ്രസ്തുത ആവശ്യത്തിനായി കപ്പലുകളുടെ സേവനം ഏതെല്ലാം രീതിയില്‍ ലഭ്യമാക്കുവാന്‍ കഴിയുമെന്നാണ് വിലയിരുത്തുന്നത്; വിശദമാക്കുമോ?

ലക്ഷദ്വീപുമായി പതിറ്റാണ്ടുകളുടെ ബന്ധമുള്ള ബേപ്പൂര്‍ തുറമുഖത്തെ ഒഴിവാക്കി ദ്വീപിലേക്കുള്ള ചരക്ക് ഗതാഗതം മംഗളൂരിലേക്ക് മാറ്റാനുള്ള കേന്ദ്രസര്‍ക്കാര്‍ നീക്കം ശ്രദ്ധയില്‍പ്പെട്ടിട്ടുണ്ടോ;

ബേപ്പൂര്‍ തുറമുഖത്തെ ചരക്ക് ഗതാഗതത്തില്‍ നിന്നും ഒഴിവാക്കുന്നതിനുള്ള കാരണങ്ങള്‍ കേന്ദ്രസര്‍ക്കാര്‍ അറിയിച്ചിരുന്നോ;

ചരക്ക് നീക്കം ബേപ്പൂരില്‍ നിലനിര്‍ത്തുന്നതിന് കേന്ദ്രസര്‍ക്കാരിനോട് ആവശ്യപ്പെട്ടിട്ടുണ്ടോ; എങ്കില്‍ അതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

മുൻ സര്‍ക്കാരിന്റെ കാലത്ത് തുറമുഖവകുപ്പിന് കീഴില്‍ വടകര നിയോജക മണ്ഡലത്തില്‍ നടപ്പാക്കിയിട്ടുള്ള പ്രവൃത്തികളുടെ വിശദാംശങ്ങള്‍ നല്‍കുമോ;

ഈ പ്രവൃത്തികള്‍ക്കായി ചെലവഴിച്ചിട്ടുള്ള ആകെ തുക എത്രയെന്ന് അറിയിക്കുമോ;

വടകര മണ്ഡലത്തില്‍ തുറമുഖ വകുപ്പിന് കീഴില്‍ നടപ്പാക്കാന്‍ ഉദ്ദേശിക്കുന്ന പദ്ധതികള്‍ എന്തൊക്കെയാണെന്ന് അറിയിക്കുമോ; വിശദാംശങ്ങള്‍ നല്‍കുമോ;

വടകരയിലെ ചോമ്പാല്‍ ഹാര്‍ബറില്‍ എന്തൊക്കെ പ്രവൃത്തികളാണ് ഇനി നടപ്പാക്കാനുദ്ദേശിക്കന്നത്; ഹാര്‍ബര്‍ നവീകരണത്തിനും വിപുലീകരണത്തിനും പദ്ധതികളെന്തെങ്കിലും നിലവിലുണ്ടോ;

ചോമ്പാല്‍ ഹാര്‍ബറില്‍ നിലവിലുള്ള ഭൗതിക സൗകര്യങ്ങള്‍ ഉപയോഗപ്പെടുത്തി എന്തൊക്കെ ആധുനിക സജ്ജീകരണങ്ങളാണ് ഇനി സ്ഥാപിക്കാന്‍ കഴിയുക എന്ന് അറിയിക്കുമോ?

മലബാര്‍ ഇന്റര്‍നാഷണല്‍ പോര്‍ട്ട് & സെസ് ലിമിറ്റഡിന്റെ കീഴില്‍ അഴീക്കലില്‍ തുറമുഖം നിര്‍മ്മിക്കുന്നതിനുള്ള ടെക്നോ ഇക്കണോമിക് സാധ്യതാ റിപ്പോര്‍ട്ട് സര്‍ക്കാര്‍ അംഗീകരിച്ചിട്ടുണ്ടോ; വ്യക്തമാക്കുമോ;

പദ്ധതിയുടെ ഡി.പി.ആര്‍. തയ്യാറാക്കിയിട്ടുണ്ടോ; ഏത് ഏജന്‍സിയെയാണ് ഇതിനായി ചുമതലപ്പെടുത്തിയിരിക്കുന്നതെന്ന് അറിയിക്കുമോ; കണ്‍സള്‍ട്ടന്‍സി ഫീസ് എത്രയെന്ന് അറിയിക്കുമോ;

സെസ്/വ്യവസായ പാര്‍ക്ക് നിര്‍മ്മിക്കുന്നതിനായി പഠനം നടത്തുവാന്‍ ഏജന്‍സിയെ ചുമതലപ്പെട്ടുത്തിയിട്ടുണ്ടോ; എങ്കില്‍ ഇതിനായി നിയോഗിച്ച ഏജന്‍സി ഏതെന്നും കണ്‍സള്‍ട്ടന്‍സി ഫീസ് ഇനത്തില്‍ നല്കുന്ന തുക എത്രയെന്നും അറിയിക്കുമോ; ഈ പദ്ധതി സംബന്ധിച്ച് പാരിസ്ഥിതിക ആഘാത പഠനം നടത്തിയിട്ടുണ്ടോ; എങ്കില്‍ ഏത് ഏജന്‍സിയാണ് പഠനം നടത്തിയതെന്ന് അറിയിക്കുമോ;

മേല്‍പറഞ്ഞ ഏജന്‍സികള്‍ക്ക് അതാത് മേഖലയില്‍ പഠനം നടത്തുന്നതിനുള്ള അംഗീകാരമുണ്ടോയെന്ന് വ്യക്തമാക്കുമോ;

പദ്ധതിയുടെ സമയബന്ധിതമായ പൂര്‍ത്തികരണത്തിന് എന്തൊക്കെ നടപടികള്‍ സ്വീകരിക്കുമെന്ന് അറിയിക്കുമോ?

സാഗര്‍മാലാ പദ്ധതിയില്‍ ഉള്‍പ്പെടുത്തി വികസിപ്പിക്കുന്നതിനായി ഏതൊക്കെ തുറമുഖങ്ങളാണ് കേന്ദ്രസര്‍ക്കാരിലേക്ക് നിര്‍ദ്ദേശിച്ചിട്ടുള്ളതെന്ന് അറിയിക്കുമോ;

പ്രസ്തുത നിര്‍ദ്ദേശത്തിന് അനുമതി ലഭിച്ചിട്ടുണ്ടോ; ആയതിന്റെ നിലവിലെ സ്ഥിതി വ്യക്തമാക്കുമോ?

റോഡ് മുഖാന്തരമുളള ചരക്കുഗതാഗതത്തേക്കാൾ ലാഭകരമായ ജലമാർഗ്ഗേനയുള്ള ചരക്കുഗതാഗതത്തിന് വേണ്ടത്ര പ്രാധാന്യം നൽകാത്തതിന്റെ കാരണം അറിയിക്കുമോ; ജലമാർഗ്ഗത്തിലൂടെയുള്ള ചരക്ക് ഗതാഗതം കാര്യക്ഷമമായി നടത്തുന്നതിന് ആവശ്യമായ അടിയന്തര നടപടികൾ സ്വീകരിക്കുമോ?

പയ്യന്നൂരിലെ ഗാന്ധി സ്മൃതി മ്യൂസിയത്തിന്റെ രണ്ടാം ഘട്ട വികസനത്തിന്റെ ഡി.പി.ആര്‍. തയ്യാറാക്കിയിട്ടുണ്ടോ;

എങ്കില്‍ അതിന്റെ നിലവിലെ അവസ്ഥ എന്താണെന്ന് വിശദമാക്കാമോ;

ഇല്ലെങ്കില്‍ ഡി.പി.ആര്‍ തയ്യാറാക്കാന്‍ ആവശ്യമായ സത്വര നടപടികള്‍ സ്വീകരിക്കുമോ?

ആലപ്പുഴ നിയോജക മണ്ഡലത്തില്‍ മ്യൂസിയം വകുപ്പ് മുഖേന നടപ്പിലാക്കാന്‍ ഉദ്ദേശിക്കുന്ന പദ്ധതികളെക്കുറിച്ച് വിശദമാക്കുമോ;

പ്രസ്തുത മണ്ഡലത്തില്‍ നിലവില്‍ മ്യൂസിയം വകുപ്പ് മുഖേന നടപ്പിലാക്കുന്ന പദ്ധതികളെന്തെല്ലാം; വിശദാംശം ലഭ്യമാക്കുമോ?

കോഴിക്കോട് ഈസ്റ്റ് ഹില്ലിലെ കൃഷ്ണമേനോന്‍ മ്യൂസിയം, പഴശ്ശിരാജ മ്യൂസിയം എന്നിവ വിപുലീകരിക്കുന്നതിന് പദ്ധതി തയ്യാറാക്കിയിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

ചാലക്കുടിയില്‍ ട്രാംവേ റെയില്‍ പൈത‍ൃക മ്യൂസിയം സജ്ജീകരിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കുമോ;

പ്രസ്തത പദ്ധതിയില്‍ എന്തെല്ലാം ഉള്‍പ്പെടുത്തിയിട്ടുണ്ടെന്ന് വിശദീകരിക്കുമോ;

മ്യൂസിയം നിര്‍മ്മാണം എന്ന് ആരംഭിക്കുവാന്‍ കഴിയുമെന്ന് വ്യക്തമാക്കുമോ?

2015-ല്‍ ഇരിക്കൂര്‍ നിയോജക മണ്ഡലത്തിലെ ചെമ്പന്തൊട്ടിയില്‍ പ്രവര്‍ത്തി ഉദ്ഘാടനം നിര്‍വ്വഹിച്ച ബിഷപ്പ് വള്ളോപ്പിള്ളി സ്മാരക കുടിയേറ്റ മ്യുസിയത്തിന്റെ ഒന്നാംഘട്ട പ്രവര്‍ത്തി പൂര്‍ത്തിയായോ എന്ന് വ്യക്തമാക്കുമോ;

ഇല്ലെങ്കില്‍ എന്ന് പൂര്‍ത്തികരിക്കാനാവുമെന്നാണ് പ്രതീക്ഷിക്കുന്നത്?

പുരാവസ്തു വകുപ്പിന്റെ നിയന്ത്രണത്തിലുള്ള ചേറ്റുവ കോട്ടയുടെ സംരക്ഷണത്തിനായി നടപ്പാക്കുന്ന പദ്ധതികളുടെ വിശദാംശങ്ങള്‍ അറിയിക്കാമോ;

ടൂറിസം വകുപ്പുമായി യോജിച്ച് വിനോദ സഞ്ചാരികള്‍ക്ക് കോട്ടയുടെ സൗന്ദര്യം ആസ്വദിയ്ക്കുന്നതിന് പദ്ധതികള്‍ തയ്യാറാക്കുമോ?