മഞ്ചേശ്വരം താലൂക്ക് സപ്ലൈ ഓഫീസ് നിലവില്‍ വാടക കെട്ടിടത്തില്‍ പ്രവര്‍ത്തിക്കുന്നത് ശ്രദ്ധയില്‍പ്പെട്ടിട്ടുണ്ടോ; ടി ഓഫീസിനായി കെട്ടിടം നിര്‍മ്മിക്കുന്നതിന് നടപടി സ്വീകരിക്കുമോ;

സ്വന്തമായി വാഹനമില്ലാത്തതു മൂലം പ്രസ്തുത ഓഫീസ് നേരിടുന്ന പ്രയാസങ്ങള്‍ പരിഹരിക്കുന്നതിനായി വാഹനം അനുവദിക്കുന്നതിന് നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പൊതു വിപണിയില്‍ പൂഴ്ത്തിവയ്പും കരിഞ്ചന്തയും തടയുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ?

ഭക്ഷ്യ പൊതുവിതരണ മേഖല മെച്ചപ്പെടുത്തുന്നതിനും കാര്യക്ഷമതയുള്ളതാക്കുന്നതിനുമായി എന്തെല്ലാം പുതിയ പദ്ധതികളാണ് ആസൂത്രണം ചെയ്യുന്നതെന്ന് വിശദമാക്കാമോ?

ലോക്ഡൗണ്‍ കാലത്ത് ആരംഭിച്ച സൗജന്യ ഭക്ഷ്യകിറ്റ് വിതരണത്തിനായി സിവില്‍ സപ്ലൈസ് കോര്‍പ്പറേഷന് ഇതുവരെ എത്ര തുക അനുവദിച്ചു എന്നതിന്റെ വിശദമായ കണക്ക് ലഭ്യമാക്കുമോ;

ഗുണനിലവാരമില്ലാത്ത ഉല്‍പ്പന്നങ്ങള്‍ വിതരണം ചെയ്യുന്ന കമ്പനികളെ രണ്ടുവര്‍ഷത്തേക്ക് കരിമ്പട്ടികയില്‍പെടുത്തണമെന്ന ചട്ടമനുസരിച്ച് കരിമ്പട്ടികയില്‍ ഉള്‍പ്പെട്ട ചില കമ്പനികള്‍ കാലാവധി പൂര്‍ത്തിയാക്കുന്നതിനു മുന്‍പ് തന്നെ ടെന്‍ഡറില്‍ പങ്കെടുത്ത് പര്‍ച്ചേസ് ഓര്‍ഡര്‍ നേടിയത് പരിശോധിച്ചിട്ടുണ്ടോ;

എങ്കില്‍ കരിമ്പട്ടികയില്‍ ഉള്‍പ്പെട്ട ഏതെല്ലാം കമ്പനികളാണ് ടെന്‍ഡറില്‍ പങ്കെടുത്ത് പര്‍ച്ചേസ് ഓര്‍ഡര്‍ നേടിയതെന്ന് വിശദമാക്കുമോ; ഇതിന് കൂട്ടുനിന്ന ഉദ്യോഗസ്ഥര്‍ക്കെതിരെ നടപടി സ്വീകരിക്കുമോ;

ഭക്ഷ്യകിറ്റ് വിതരണം ചെയ്തതിന്റെ കമ്മീഷന്‍ മാസങ്ങളായി റേഷന്‍ വ്യാപാരികള്‍ക്ക് ലഭിച്ചിട്ടില്ല എന്ന കാര്യം ശ്രദ്ധിയില്‍പ്പെട്ടിട്ടുണ്ടോ; എങ്കില്‍ ഇത് അടിയന്തരമായി നല്‍കുവാന്‍ നടപടി സ്വീകരിക്കുമോ;

ഭക്ഷ്യകിറ്റിനായി ഉപയോഗിക്കുന്ന തുണി സഞ്ചി ഏഴ് മുതല്‍ എട്ട് രൂപ വരെ വിലയ്ക്ക് പൊതു വിപണിയില്‍ ലഭ്യമാകുമെന്നിരിക്കെ 12 രൂപയ്ക്ക് ഗുണനിലവാരം കുറഞ്ഞ തുണിസഞ്ചി വാങ്ങിക്കുന്നതിലെ അഴിമതി ശ്രദ്ധയില്‍പ്പെട്ടിട്ടുണ്ടോ; ഇത് സംബന്ധിച്ച് സപ്ലൈകോ വിജിലന്‍സ് അന്വേഷണം നടത്തിയിട്ടുണ്ടോ; വിശദാംശം ലഭ്യമാക്കുമോ?

റേഷന്‍ മുന്‍ഗണന ലിസ്റ്റില്‍ നിന്ന് അനര്‍ഹരെ ഒഴിവാക്കുന്നതിനായി പുറപ്പെടുവിച്ച മാനദണ്ഡങ്ങള്‍ മൂലം സാധാരണ ജനങ്ങള്‍ക്കുണ്ടായിട്ടുള്ള പ്രയാസങ്ങള്‍ ശ്രദ്ധയില്‍പെട്ടിട്ടുണ്ടോ;

മുന്‍ഗണന മാനദണ്ഡങ്ങള്‍ നിശ്ചയിക്കുന്നതിലുണ്ടായ സാങ്കേതികത്വവും അവ്യക്തതയും മൂലം അര്‍ഹരായ പല കുടുംബങ്ങളും മുന്‍ഗണനാ പട്ടികയില്‍ നിന്ന് ഒഴിവാക്കപ്പെട്ട സാഹചര്യം ശ്രദ്ധയില്‍പെട്ടിട്ടുണ്ടോ;

ഇക്കാര്യം പരിഹരിക്കുന്നതിനായി കാര്‍ഡ് മാറ്റത്തിന് അപേക്ഷിക്കുന്നതിനുളള സമയപരിധി ദീര്‍ഘിപ്പിക്കുവാന്‍ നടപടി സ്വീകരിക്കുമോ?

മുന്‍ സര്‍ക്കാരിന്റെ കാലയളവില്‍ ചങ്ങനാശ്ശേരി നിയോജകമണ്ഡലത്തില്‍ ഭക്ഷ്യവും സിവില്‍ സപ്ലൈസും വകുപ്പ് നടപ്പാക്കിയ പദ്ധതികളുടെ വിശദാംശം നല്‍കുമോ;

ഈ കാലയളവില്‍ മണ്ഡലത്തില്‍ അനുവദിച്ച ഓരോ പദ്ധതിയുടെയും നിലവിലെ സ്ഥിതി വ്യക്തമാക്കുമോ; ബന്ധപ്പെട്ട ഉത്തരവുകളുടെ പകര്‍പ്പ് ലഭ്യമാക്കുമോ?

അന്ത്യോദയ അന്ന യോജന, മുൻഗണന, പൊതുവിഭാഗം സബ്‌സിഡി, പൊതുവിഭാഗം എന്നീ വിഭാഗങ്ങളിലോരോന്നിലും നിലവിലുള്ള റേഷൻകാർഡുകളുടെ എണ്ണം എത്രയെന്ന് വ്യക്തമാക്കാമോ ;

കൊല്ലം താലൂക്ക് സപ്ലൈ ആഫീസ് പരിധിയിൽ മേല്‍പറഞ്ഞ വിഭാഗങ്ങളിലോരോന്നിലും നിലവിലുള്ള റേഷൻകാർഡുകളുടെ എണ്ണം എത്രയെന്ന് അറിയിക്കാമോ;

പൊതുവിഭാഗം സബ്‌സിഡി വിഭാഗത്തിൽ ഉൾപ്പെട്ട റേഷൻകാർഡ് ഉടമകൾ നിലവിൽ എന്തെല്ലാം ആനുകൂല്യങ്ങൾക്ക് അർഹരാണെന്ന് വിശദമാക്കാമോ?

സംസ്ഥാനത്ത് റേഷന്‍ കാര്‍ഡുകളുടെ മുന്‍ഗണന നിശ്ചയിക്കുന്നത് ഏതെല്ലാം മാനദണ്ഡങ്ങള്‍ പ്രകാരമാണ്; വിശദമാക്കുമോ;

മുന്‍ഗണന പട്ടികയില്‍ നിന്നും അനര്‍ഹരെ ഒഴിവാക്കുന്നതിന് സ്വീകരിച്ചുവരുന്ന നടപടികള്‍ എന്തെല്ലാം; വ്യക്തമാക്കുമോ;

മുന്‍ഗണന വിഭാഗത്തില്‍ ഉള്‍പ്പെടുത്തുന്നതിനായി എത്ര അപേക്ഷകളാണ് ഇപ്പോള്‍ പരിഗണനയിലുള്ളതെന്ന് അറിയിക്കാമോ?

സംസ്ഥാനത്ത് അനര്‍ഹരായ നിരവധിപേര്‍ക്ക് മുന്‍ഗണന റേഷന്‍ കാര്‍ഡുകള്‍ ലഭ്യമായ സാഹചര്യത്തില്‍ ആയത് തിരികെ വാങ്ങുന്നതിനായി നടത്തിയ കാമ്പയിനില്‍ എത്ര റേഷന്‍ കാര്‍ഡുകള്‍ സറണ്ടര്‍ ചെയ്തിട്ടുണ്ടെന്ന് അറിയിക്കുമോ;

അനര്‍ഹര്‍ എന്ന് കണ്ടെത്തിയ റേഷന്‍ കാര്‍ഡ് ഉടമകളില്‍ എത്ര ശതമാനം ആളുകളാണ് കാര്‍ഡുകള്‍ തിരികെ ഏല്‍പ്പിക്കാന്‍ തയ്യാറായിട്ടുള്ളതെന്ന് അറിയിക്കുമോ;

സമൂഹത്തിലെ ഏറ്റവും പാവപ്പെട്ട ജനവിഭാഗങ്ങള്‍ക്ക് അര്‍ഹതപ്പെട്ട ഭക്ഷ്യധാന്യങ്ങള്‍ മറ്റുള്ളവര്‍ അനര്‍ഹമായി കെെപ്പറ്റുന്ന സാഹചര്യം ഒഴിവാക്കി അര്‍ഹതപ്പെട്ട എല്ലാവര്‍ക്കും ഭക്ഷ്യധാന്യങ്ങള്‍ ഉറപ്പാക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

അനര്‍ഹരായ മുഴുവന്‍ ആളുകളില്‍ നിന്നും മുന്‍ഗണന റേഷന്‍ കാര്‍ഡുകള്‍ തിരികെ വാങ്ങി പൊതുവിതരണ സംവിധാനം ശുദ്ധീകരിക്കുന്നതിന് എന്തെങ്കിലും നടപടി സ്വീകരിക്കാന്‍ ഉദ്ദേശിക്കുന്നുണ്ടോ; വ്യക്തമാക്കുമോ?

റേഷന്‍ കടകളില്‍ ബി.പി.എല്‍. കാര്‍ഡുടമകളുടെ പേരും വിലാസവും പ്രദര്‍ശിപ്പിക്കുവാനുള്ള നടപടി പരിഗണനയിലുണ്ടോ ; വ്യക്തമാക്കുമോ ;

ബി.പി.എല്‍. പട്ടികയില്‍ നിന്നും അനര്‍ഹരെ ഒഴിവാക്കുവാന്‍ സ്വീകരിച്ചിരിക്കുന്ന മാര്‍ഗങ്ങളെന്തെല്ലാം; വിശദമാക്കുമോ ?

പാറശ്ശാല മണ്ഡലത്തിലെ ഒന്‍പത് ഗ്രാമപഞ്ചായത്തുകളിലായി നിലവില്‍ എത്ര റേഷന്‍ കാര്‍ഡുകളാണ് ഉള്ളതെന്നും അവയില്‍ അന്ത്യോദയ അന്ന യോജന, മുന്‍ഗണന, മുന്‍ഗണനേതര സബ്സിഡി, മുന്‍ഗണനേതര എന്നിങ്ങനെ എത്രയെന്നും തരംതിരിച്ച് പ‍ഞ്ചായത്ത് അടിസ്ഥാനത്തിലുള്ള വിവരങ്ങള്‍ ലഭ്യമാക്കാമോ;

പ്രസ്തുത പട്ടികയില്‍ നിന്നും നിലവില്‍ എ.പി.എല്‍. വിഭാഗത്തില്‍പ്പെട്ട എത്ര റേഷന്‍ കാര്‍ഡ് ഉടമകള്‍ ബി.പി.എല്‍. വിഭാഗത്തിലേയ്ക്ക് കാര്‍ഡ് മാറ്റുന്നതിനുവേണ്ടി അപേക്ഷ സമര്‍പ്പിച്ചിട്ടുണ്ടെന്നും ഇതില്‍ എത്ര അപേക്ഷകര്‍ക്ക് ബി.പി.എല്‍. വിഭാഗത്തിലേയ്ക്ക് റേഷന്‍ കാര്‍ഡ് മാറ്റി നല്‍കിയിട്ടുണ്ടെന്നും പഞ്ചായത്ത് അടിസ്ഥാനത്തിലുള്ള വിവരങ്ങള്‍ ലഭ്യമാക്കാമോ;

അര്‍ഹരായ മുഴുവന്‍ അപേക്ഷകരുടെയും റേഷന്‍ കാര്‍ഡുകള്‍ ബി.പി.എല്‍. വിഭാഗത്തിലേയ്ക്ക് മാറ്റി നല്‍കുന്നതിനുവേണ്ട അടിയന്തര നടപടി സ്വീകരിക്കുമോ; വിശദമാക്കാമോ?

നിലമ്പൂര്‍ താലൂക്കില്‍ ആകെ എത്ര റേഷന്‍ കാര്‍ഡുടമകള്‍ ഉണ്ടെന്നും അതില്‍ എത്ര കാര്‍ഡുകള്‍ മുന്‍ഗണന വിഭാഗങ്ങളില്‍ ഉള്‍പ്പെടുന്നുവെന്നും തരംതിരിച്ച് വിശദമാക്കുമോ;

നിലമ്പൂര്‍ താലൂക്കില്‍ എത്ര റേഷന്‍ കാര്‍ഡുടമകളാണ് ഇതുവരെ മുന്‍ഗണന വിഭാഗങ്ങളില്‍നിന്നും സ്വമേധയാ ഒഴിവായിട്ടുള്ളതെന്നും വകുപ്പുതല പരിശോധനയില്‍ മുന്‍ഗണനയ്ക്ക് അര്‍ഹരല്ലെന്ന് കണ്ടെത്തിയ കാര്‍ഡുകള്‍ എത്രയെന്നും വിശദമാക്കുമോ;

അനര്‍ഹരെ ഒഴിവാക്കി അര്‍ഹരായ എത്ര പേരെയാണ് മുന്‍ഗണന കാര്‍ഡുകളില്‍ ഇനി ഉള്‍പ്പെടുത്താനാകുകയെന്നും ഇതിനായുള്ള മാനദണ്ഡങ്ങള്‍ എന്തെല്ലാമാണെന്നും വിശദമാക്കാമോ?

കാഞ്ഞങ്ങാട് താലൂക്ക് സപ്ലെെ ഓഫീസില്‍ എ.പി.എല്‍. വിഭാഗത്തില്‍നിന്ന് ബി.പി.എല്‍. വിഭാഗത്തിലേക്ക് മാറ്റാനായി നല്‍കിയ എത്ര അപേക്ഷകള്‍ ഇനിയും തീര്‍പ്പ് കല്പിക്കാതെയുണ്ടെന്ന് വ്യക്തമാക്കാമോ;

ഗുരുതരമായ രോഗത്തെ തുടര്‍ന്ന് ജീവിത പ്രയാസം നേരിടുന്ന കുടുംബങ്ങള്‍ക്ക് എ.പി.എല്‍ കാര്‍ഡ് ബി.പി.എല്‍ കാര്‍ഡായി മാറ്റികിട്ടാന്‍ ഈ വര്‍ഷം ഇതേ ഓഫീസില്‍ എത്ര അപേക്ഷകള്‍ ലഭിച്ചിട്ടുണ്ടെന്നും ഇതില്‍ എത്ര പേര്‍ക്ക് ബി.പി.എല്‍ റേഷന്‍ കാര്‍ഡ് അനുവദിച്ചിട്ടുണ്ടെന്നും അറിയിക്കാമോ?

സംസ്ഥാനത്ത് റേഷന്‍ കാര്‍ഡ് ബി.പി.എല്‍ ആക്കി മാറ്റുന്നതിനുള്ള അപേക്ഷ ഓണ്‍ലൈനായി സമര്‍പ്പിക്കുന്നതിനുള്ള നടപടി സ്വീകരിക്കുമോ;

ദാരിദ്ര്യരേഖയ്ക്ക് താഴെയുള്ള അര്‍ഹരായ കുടുംബങ്ങളുടെ റേഷന്‍ കാര്‍ഡ് ബി.പി.എല്‍ കാര്‍ഡ് ആക്കി മാറ്റുന്നതിന് കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്തരം അപേക്ഷകളില്‍ സമയബന്ധിതമായി തീരുമാനമെടുക്കുന്നതിന് സ്വീകരിച്ചിട്ടുള്ള നടപടികള്‍ വിശദീകരിക്കാമോ?

എ.പി.എല്‍., ബി.പി.എല്‍ കാര്‍ഡുകള്‍ സംബന്ധിച്ച് നിലവിലുള്ള പരാതികള്‍ സമയബന്ധിതമായി പരിഹരിക്കുന്നതിന് നടപടി സ്വീകരിക്കുമോ; എങ്കില്‍ വിശദവിവരം നല്‍കുമോ;

പ്രസ്തുത വിഷയം സംബന്ധിച്ച് നാളിതുവരെ എത്ര പരാതികള്‍ ലഭിച്ചിട്ടുണ്ട്; ജില്ല തിരിച്ചുള്ള വിവരങ്ങള്‍ നല്‍കുമോ?

തുടര്‍ച്ചയായി റേഷന്‍ സാധനങ്ങള്‍ വാങ്ങാതിരുന്ന ഗുണഭോക്താക്കളെ മുന്‍ഗണന വിഭാഗത്തില്‍ നിന്നും ഒഴിവാക്കുന്നത് സംബന്ധിച്ച് തീരുമാനമെടുത്തിരുന്നോ; എങ്കില്‍ വിശദാംശങ്ങള്‍ നല്‍കാമോ;

പ്രസ്തുത വിഷയത്തില്‍ സര്‍ക്കാരിന്റെ നയം വ്യക്തമാക്കാമോ?

സംസ്ഥാനത്ത് റേഷന്‍ മുൻഗണന പട്ടികയിൽ നിന്നും പേര് നീക്കം ചെയ്യാൻ എത്ര പേർ അപേക്ഷ നല്കിയിട്ടുണ്ടെന്ന് അറിയിക്കുമോ?

റേഷന്‍ മുന്‍ഗണന വിഭാഗത്തില്‍ നിന്നും മാനദണ്ഡപ്രകാരം അനര്‍ഹരായവരോട് മുന്‍ഗണനാ പട്ടികയില്‍ നിന്നും സ്വയം ഒഴിവാകുന്നതിന് ഭക്ഷ്യവകുപ്പ് നടത്തിയ അഭ്യര്‍ത്ഥന മാനിച്ച് എത്ര ശതമാനം പേര്‍ ഒഴിഞ്ഞുപോയെന്ന് അറിയിക്കാമോ;

അസുഖബാധിതരായ മക്കള്‍ ഉള്ളവരും നാലുചക്രവാഹനം ടാക്സിയായി ഉപയോഗിക്കുന്നവരും മുന്‍ഗണനാപട്ടികയില്‍ നിന്നും ഒഴിവാക്കപ്പെടുമെന്ന ആശങ്ക പരിഹരിക്കുമോ;

ഓരോ റേഷന്‍കടയുടെയും പരിധിയില്‍ മുന്‍ഗണന വിഭാഗത്തില്‍ വരുന്നവരുടെ ലിസ്റ്റ് പഞ്ചായത്ത് ഓഫീസിലോ വില്ലേജ് ഓഫീസിലോ പ്രദര്‍ശിപ്പിക്കുന്നതിന് തീരുമാനിച്ചിട്ടുണ്ടോയെന്ന് അറിയിക്കുമോ?

കോതമംഗലം മണ്ഡലത്തില്‍ കുട്ടമ്പുഴ പഞ്ചായത്തിലെ ബ്ലാവനയില്‍ പുതിയ റേഷന്‍കട ആരംഭിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ഏകദേശം 3000 ത്തോളം ആളുകള്‍ അധിവസിക്കുന്ന പൂയംകുട്ടി, മണികണ്ഠംചാല്‍ മേഖലകളിലായി നിലവില്‍ ഒരു റേഷന്‍കട മാത്രമാണ് ഉള്ളത് എന്നതിനാല്‍ റേഷന്‍ സാധനങ്ങള്‍ വാങ്ങാന്‍ പ്രദേശവാസികള്‍ക്ക് ദീര്‍ഘദൂരം സഞ്ചരിക്കേണ്ടി വരുന്നത് ശ്രദ്ധയില്‍പ്പെട്ടിട്ടുണ്ടോ;

ആദിവാസി കോളനികള്‍ ഉള്‍പ്പെടുന്ന പ്രദേശങ്ങളായ പൂയംകുട്ടി, മണികണ്ഠംചാല്‍ പ്രദേശങ്ങള്‍ക്ക് പുറമെ കല്ലേലിമേട് ആദിവാസി കോളനിയിലേക്കും ബ്ലാവനയില്‍ നിന്നാണ് യാത്ര ആരംഭിക്കുന്നത് എന്നതിനാല്‍ മേല്‍പറഞ്ഞ പ്രദേശങ്ങളിലെ ആളുകളുടെ ബുദ്ധിമുട്ടുകള്‍ പരിഹരിക്കുന്നതിനായി ബ്ലാവനയില്‍ പുതിയ റേഷന്‍കട ആരംഭിക്കുന്ന കാര്യം പരിഗണിക്കുമോ; വിശദമാക്കാമോ?

നിലവിലെ സര്‍ക്കാര്‍ റേഷന്‍കടകളില്‍ നടപ്പിലാക്കിയ പരിഷ്കാരങ്ങള്‍ എന്തെല്ലാം; വിശദമാക്കുമോ;

റേഷന്‍കടകളിലെ ഇ-പോസ് മെഷീനുകളുടെ സെര്‍വര്‍ സംബന്ധമായ പരാതികള്‍ പരിഹരിക്കുന്നതിനുവേണ്ടി എന്തൊക്കെ നടപടികള്‍ കെെക്കൊണ്ടുവെന്ന് വ്യക്തമാക്കുമോ;

റേഷന്‍ വ്യാപാരി മരണമടഞ്ഞാല്‍ എന്തൊക്കെ ആനുകൂല്യങ്ങളാണ് നിലവില്‍ സര്‍ക്കാര്‍ തലത്തില്‍ നല്കിവരുന്നത്; പുതുതായി എന്തെങ്കിലും ആനുകൂല്യം നല്‍കുന്ന കാര്യം പരിഗണനയിലുണ്ടോ; വിശദമാക്കാമോ?

കോവിഡ് മഹാമാരിയെ തുടര്‍ന്ന് ആരംഭിച്ച ഭക്ഷ്യക്കിറ്റ് വിതരണത്തിന് ഓരോ മാസവും ചെലവഴിക്കുന്ന തുകയും ഭക്ഷ്യക്കിറ്റ് ലഭിക്കുന്ന റേഷന്‍ കാര്‍ഡുടമകളുടെ എണ്ണവും വിശദമാക്കുമോ;

പ്രസ്തുത ഭക്ഷ്യക്കിറ്റിന് കേന്ദ്ര വിഹിതം അനുവദിച്ചിട്ടുണ്ടോയെന്നും സംസ്ഥാനം ഇതിലേക്ക് മാറ്റിവച്ചിട്ടുള്ള തുക എത്രയെന്നും വ്യക്തമാക്കാമോ?

കോവിഡ് പ്രതിസന്ധിയുടെ കാലത്ത് പട്ടികവര്‍ഗ്ഗ മേഖലകളില്‍ അര്‍ഹതപ്പെട്ട ഭക്ഷ്യധാന്യങ്ങള്‍ എത്തിച്ച് നല്‍കുന്നതില്‍ വീഴ്ച സംഭവിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഇത് പരിഹരിക്കുന്നതിനായി സംസ്ഥാനത്തെ മുഴുവന്‍ പട്ടികവര്‍ഗ്ഗ മേഖലകളിലും സഞ്ചരിക്കുന്ന റേഷന്‍കടകള്‍ ആരംഭിക്കുന്നതിന് നടപടി സ്വീകരിക്കുമോ; വിശദമാക്കുമോ?

റേഷന്‍ കടകള്‍ വഴി വിതരണം ചെയ്യാനുള്ള ഭക്ഷ്യധാന്യങ്ങള്‍ ഗോഡൗണുകളില്‍ നിന്നും കാണാതാകുന്ന സംഭവങ്ങള്‍ റിപ്പോര്‍ട്ട് ചെയ്യപ്പെട്ടിട്ടുള്ളതായി ശ്രദ്ധയില്‍ പെട്ടിട്ടുണ്ടോ; എങ്കില്‍ വിശദാംശം നല്‍കുമോ;

ഉദ്യോഗസ്ഥരും റേഷന്‍ കടക്കാരും ചേര്‍ന്ന് മേല്‍പ്പറ‌ഞ്ഞ സംഭവങ്ങള്‍ക്ക് ഒത്താശ ചെയ്യുന്നതായി കണ്ടെത്താനായിട്ടുണ്ടോ;

എങ്കില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ സ്വീകരിച്ച നടപടികള്‍ വിശദമാക്കുമോ?

സംസ്ഥാനത്ത് അവശ്യം വേണ്ട നിത്യോപയോഗ സാധനങ്ങള്‍ കുറഞ്ഞ വിലയില്‍ ജനങ്ങള്‍ക്ക് ലഭ്യമാക്കുന്നതില്‍ സപ്ലൈകോയുടെ പ്രവര്‍ത്തനം എത്രത്തോളം സഹായകമാണെന്ന് വ്യക്തമാക്കാമോ;

കാര്യക്ഷമമായ പര്‍ച്ചേയ്സ് സംവിധാനത്തിലൂടെ സപ്ലൈകോ ഔട്ട്‌ ലെറ്റുകളില്‍ നിത്യോപയോഗ സാധനങ്ങളുടെ ലഭ്യത ഉറപ്പുവരുത്താന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

മാവേലി സ്റ്റോറുകള്‍ മാവേലി സൂപ്പര്‍ സ്റ്റോര്‍ ആക്കി മാറ്റുന്നതിന് നടപടി സ്വീകരിച്ചിട്ടുണ്ടോ; എങ്കില്‍ വിശദാംശം നല്‍കുമോ?

സപ്ലൈകോ, മാവേലി സ്റ്റോറുകള്‍ എന്നിവ വഴി വിതരണം ചെയ്യുന്ന സാധനങ്ങളുടെ ഗുണനിലവാര പരിശോധന ഉറപ്പുവരുത്താന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

പ്രസ്തുത സാംപിള്‍ പരിശോധനയില്‍ ഗുണനിലവാരം ഇല്ലാതെ പുറത്താകുന്ന ബ്രാന്‍ഡുകളുടെ വിവരം പൊതുജനങ്ങളുടെ അറിവില്‍ എത്തിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?

സപ്ലൈകോയുടെ ഓണക്കാല പര്‍ച്ചേസുകളില്‍ ഗുണനിലവാരം പരിശോധിക്കുന്നതിന് സര്‍ക്കാര്‍ ലാബുകളെ ഒഴിവാക്കി സ്വകാര്യ ലാബിലേക്ക് സാധനങ്ങള്‍ അയക്കുവാന്‍ തീരുമാനമെടുത്തിട്ടുണ്ടോ; എങ്കില്‍ ഉത്തരവിന്റെ പകര്‍പ്പ് ലഭ്യമാക്കാമോ;

സപ്ലൈകോ മുഖേന വില്‍പ്പന നടത്തുന്ന സാധനങ്ങളുടെ ഗുണനിലവാരം പരിശോധിക്കുന്നതിന് നിലവില്‍ എന്തെല്ലാം സംവിധാനങ്ങളുണ്ട്; വിശദമാക്കാമോ?

സൗജന്യ ഭക്ഷ്യകിറ്റിനുള്ള തുണിസഞ്ചികള്‍ വാങ്ങിയതില്‍ വന്‍ അഴിമതി നടന്നതായി സപ്ലൈകോ വിജിലന്‍സ് കണ്ടെത്തിയിട്ടുണ്ടോ;

ടെന്‍ഡര്‍ നടപടികള്‍ കൂടാതെ സഞ്ചികള്‍ വാങ്ങുന്നതിന് സപ്ലൈകോ ഓര്‍ഡര്‍ നല്‍കാനിടയായ സാഹചര്യം എന്താണെന്ന് അറിയിക്കുമോ; ഇപ്രകാരം എത്ര സ്ഥാപനങ്ങള്‍ക്ക് ഓര്‍ഡര്‍ നല്‍കിയിട്ടുണ്ടെന്നും അവ ഏതൊക്കെയെന്നും വ്യക്തമാക്കുമോ;

മേല്‍പ്പറഞ്ഞ സ്ഥാപനങ്ങളില്‍ ചിലത് അവര്‍ക്ക് ലഭിച്ച ഓര്‍ഡര്‍ മറ്റ് സ്ഥാപനങ്ങള്‍ക്ക് മറിച്ചു നല്‍കുകയും പര്‍ച്ചേസിംഗ് ഓര്‍ഡര്‍ ഇല്ലാതെയും വ്യാജരേഖകള്‍ ചമച്ചും അഴിമതി നടത്തുന്നതിന് അവസരമൊരുക്കുകയും ചെയ്തുവെന്ന ആക്ഷേപത്തിന്റെ പശ്ചാത്തലത്തില്‍ സര്‍ക്കാര്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ; വെളിപ്പെടുത്തുമോ;

സംസ്ഥാനം കോവിഡ് മൂലം കടുത്ത സാമ്പത്തിക പ്രതിസന്ധി നേരിടുന്ന സാഹചര്യത്തില്‍ ജനങ്ങള്‍ക്ക് ആശ്വാസമേകുന്നതിനായി അനുവദിച്ച സൗജന്യ കിറ്റ് വിതരണത്തില്‍ വന്‍ അഴിമതി നടന്നുവെന്ന ആക്ഷേപം ഉയര്‍ന്ന സാഹചര്യത്തില്‍ ഉത്തരവാദപ്പെട്ടവര്‍ക്കെതിരെ ശക്തമായ നടപടി സ്വീകരിക്കുമോ എന്ന് വ്യക്തമാക്കുമോ?

റേഷന്‍കടകള്‍ വഴി വിതരണം ചെയ്യുന്നതിനായി എന്‍.എഫ്.എസ്.എ. ഗോഡൗണില്‍ സൂക്ഷിച്ച അരിയും ഗോതമ്പും കരിഞ്ചന്തയിലേക്ക് കടത്തിയതായുളള ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു സംബന്ധിച്ച് എന്തൊക്കെ തുടര്‍ നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ;

സപ്ലൈകോ ഗോഡൗണുകളില്‍ നിന്നും വന്‍തോതില്‍ ഭക്ഷ്യധാന്യങ്ങള്‍ കരിഞ്ചന്തയിലേക്ക് കടത്തുന്നതും ചിലയിടങ്ങളില്‍ ഭക്ഷ്യധാന്യങ്ങള്‍ കെട്ടിക്കിടന്നു നശിക്കുന്നതുമായി പറയപ്പെടുന്ന സംഭവങ്ങള്‍ ആവര്‍ത്തിക്കാതിരിക്കാന്‍ നടപടി സ്വീകരിച്ചിട്ടുണ്ടോ; വ്യക്തമാക്കുമോ;

ഗോഡൗണുകളില്‍ നിന്നും നഷ്ടപ്പെടുന്ന ഭക്ഷ്യധാന്യങ്ങളുടെ സാമ്പത്തികബാധ്യത ഉത്തരവാദിത്തപ്പെട്ടവരില്‍ നിന്നും ഈടാക്കുന്നത് സംബന്ധിച്ച് സ‍ര്‍ക്കാരിന്റെ നിലപാട് അറിയിക്കുമോ; വിശദാംശങ്ങള്‍ നല്‍കുമോ?

സിവിൽ സപ്ലൈസ് വകുപ്പിന്റെ കീഴിൽ തൃശൂർ നിയോജകമണ്ഡലത്തിൽ എത്ര മാവേലി സ്റ്റോറുകളും സൂപ്പർ സ്റ്റോറുകളും പീപ്പിൾസ് ബസാറുകളും ഉണ്ടെന്നും അവയുടെ വിശദാംശങ്ങളും ലഭ്യമാക്കാമോ ;

തൃശൂർ നിയോജകമണ്ഡലത്തിൽ ഹൈപ്പർ മാർക്കറ്റ് ആരംഭിക്കുന്നതിനുള്ള നടപടി സ്വീകരിക്കുമോ?

സപ്ലൈകോ സൂപ്പര്‍ മാര്‍ക്കറ്റുകള്‍ അനുവദിക്കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് അറിയിക്കാമോ;

പുതിയ സപ്ലൈകോ സൂപ്പര്‍ മാര്‍ക്കറ്റുകള്‍ തുടങ്ങുന്നതിന് നിലവിലെ സര്‍ക്കാര്‍ എന്തെങ്കിലും കര്‍മ്മപദ്ധതി ആവിഷ്ക്കരിച്ചിട്ടുണ്ടോ; വിശദാംശങ്ങള്‍ നല്‍കാമോ;

മണലൂര്‍ മണ്ഡലത്തില്‍ പുതിയ ഒരു സപ്ലൈകോ സൂപ്പര്‍ മാര്‍ക്കറ്റ് അനുവദിക്കുവാന്‍ നടപടി സ്വീകരിക്കുമോ?

പാട്ടത്തിനും പലിശയ്ക്കും കൃഷി ചെയ്യുന്ന കുട്ടനാട്ടിലെ കര്‍ഷകരില്‍ നിന്നും സംഭരിച്ച നെല്ലിന്റെ വില അടിയന്തരമായി നല്‍കുന്നതിനുള്ള നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

വേനല്‍ മഴയിലും മറ്റും നനഞ്ഞ് കേടു വരാതെ കൊയ്ത്ത് കഴിഞ്ഞാല്‍ ഉടന്‍ നെല്ല് സംഭരണം നടത്തുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

ഭക്ഷ്യ വകുപ്പിന്റെ കീഴില്‍ കോന്നി പെരിഞ്ഞാട്ടക്കലില്‍ ഫുഡ് ടെക്നോളജി കോളേജും ലാബും പ്രവര്‍ത്തിക്കുന്ന 35 ഏക്കര്‍ സ്ഥലത്ത് മിനി ഫുഡ് പാര്‍ക്ക് ആരംഭിക്കുന്നതിന് നടപടി സ്വീകരിക്കുമോ?

2016-21 കാലയളവില്‍ ഭക്ഷ്യ സിവില്‍ സപ്ലൈസ് വകുപ്പ് മുഖാന്തിരം മലമ്പുഴ മണ്ഡലത്തില്‍ എന്തെല്ലാം വികസന പ്രവര്‍ത്തനങ്ങളാണ് നടപ്പിലാക്കിയത് ; വിശദമാക്കുമോ;

ഇതിനായി അനുവദിച്ച തുകയും പ്രവൃത്തികളുടെ നിലവിലെ സ്ഥിതിയും അറിയിക്കുമോ?

സംസ്ഥാനത്ത് ഭിന്നശേഷിക്കാരായ കുട്ടികളെ പാര്‍പ്പിക്കുന്ന സ്ഥാപനങ്ങളില്‍ ഭക്ഷ്യകിറ്റ് വിതരണം നടത്തിയിട്ടുണ്ടോ;

ഇല്ലെങ്കില്‍ ഇത്തരത്തിലുള്ള എല്ലാ സ്ഥാപനങ്ങളിലും കിറ്റ് വിതരണം നടത്തുവാന്‍ ആവശ്യമായ നടപടി സ്വീകരിക്കുമോ?