സംസ്ഥാനത്ത് പുരാവസ്തുക്കൾ സൂക്ഷിക്കുന്നതിനും ക്രയവിക്രയം നടത്തുന്നതിനും ബാധകമായ ചട്ടങ്ങളിലെ വ്യവസ്ഥകൾ പ്രകാരം രജിസ്ട്രേഷൻ ലഭിക്കാത്ത വ്യാജ വസ്തുക്കൾ പുരാവസ്തു എന്ന പേരിൽ പ്രദർശനവും വിൽപനയും നടത്തുന്നത് ശ്രദ്ധയിൽപ്പെട്ടിട്ടുണ്ടോ;

ഇത് സംബന്ധിച്ച് സംസ്ഥാന പോലീസ് മേധാവി ജില്ലാ പോലീസ് അധികാരികൾക്ക് ജാഗ്രതാനിർദേശം നൽകിയിട്ടുണ്ടോ; വിശദാംശങ്ങൾ നൽകാമോ;

ചേർത്തല സ്വദേശിയായ വ്യക്തിയുടെ നേതൃത്വത്തിൽ പുരാവസ്തു തട്ടിപ്പ് നടക്കുന്നതായി മുൻ പോലീസ് മേധാവിക്ക് ബോധ്യപെട്ടിട്ടും ഇയാൾക്കെതിരെ നിയമനടപടികൾ സ്വീകരിക്കാത്തതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; പ്രസ്തുത വ്യക്തിയുടെ വീടിനും വ്യാജ വസ്തുശേഖരത്തിനും പോലീസ് സംരക്ഷണം നൽകിയതിയതായി പറയപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ കാരണം വ്യക്തമാക്കാമോ;

ഉന്നത പോലീസ് ഉദ്യോഗസ്ഥരുമായുള്ള ബന്ധം ദുരുപയോഗം ചെയ്ത് കോടികളുടെ തട്ടിപ്പ് നടത്തിയതിന് എന്തെങ്കിലും തെളിവുകൾ ലഭിച്ചിട്ടുണ്ടോ; എങ്കില്‍ സംസ്ഥാന പോലീസിലെ ഇത്തരം ബന്ധങ്ങൾ അവസാനിപ്പിക്കുന്നതിന് നടപടി സ്വീകരിച്ചിട്ടുണ്ടോ?

സംസ്ഥാനത്ത് സംഘടിത കുറ്റകൃത്യം തടയുന്നത് സംബന്ധിച്ച് നിയമ നി‍ർമ്മാണം നടത്താൻ നടപടികൾ സ്വീകരിച്ചിട്ടുണ്ടോ; ഉണ്ടെങ്കില്‍ പ്രസ്തുത നിയമത്തിന്റെ കരട് നിർദ്ദേശങ്ങൾ എന്തൊക്കെയാണെന്ന് വിശദമാക്കാമോ;

ഇതിന്റെ നടപടികൾ ഏത് ഘട്ടത്തിലാണെന്ന് വ്യക്തമാക്കാമോ;

സംഘടിത കുറ്റവാളികളെ വിചാരണ കൂടാതെ 180 ദിവസം വരെ കരുതൽ തടങ്കലിൽ പാർപ്പിക്കുന്നത് സംബന്ധിച്ച വ്യവസ്ഥ പ്രസ്തുത നിയമത്തിൽ ഉള്‍പ്പെടുത്താന്‍ ഉദ്ദേശിക്കുന്നുണ്ടോ;

പോലീസിന് നൽകുന്ന മൊഴി തെളിവായി സ്വീകരിക്കാൻ കരട് നിയമത്തിൽ വ്യവസ്ഥ ചെയ്യുന്നുണ്ടോയെന്ന് വ്യക്തമാക്കാമോ; എങ്കിൽ ഇത് വ്യാപകമായി ദുരുപയോഗം ചെയ്യാൻ സാധ്യതയുണ്ട് എന്ന ആരോപണം പരിശോധിച്ചിട്ടുണ്ടോ; വിശദമാക്കാമോ?

സംസ്ഥാനത്ത് ഉറവിട മാലിന്യസംസ്കരണം ഫലപ്രദമാക്കുന്നതിന് തദ്ദേശ സ്വയംഭരണ സ്ഥാപനങ്ങള്‍ നടത്തുന്ന പ്രവര്‍ത്തനം വിലയിരുത്തിയിട്ടുണ്ടോ; വിശദാംശം അറിയിക്കാമോ;

മാലിന്യരഹിത കേരളം എന്ന ലക്ഷ്യത്തോടെ ആരംഭിച്ച ഹരിത കര്‍മസേനയുടെ പ്രവര്‍ത്തനം എല്ലാ പ്രദേശത്തേക്കും വ്യാപിപ്പിക്കാനായിട്ടുണ്ടോ; അതിനായി സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമാണ്;

സംസ്ഥാനത്തെ കോര്‍പ്പറേഷനുകളിലും നഗരസഭകളിലും ഖരമാലിന്യ സംസ്കരണത്തിന് ലോകബാങ്ക് സഹായം ലഭ്യമായിട്ടുണ്ടോ; പ്രസ്തുത പദ്ധതി പരിസ്ഥിതി സൗഹൃദപരമായി നടപ്പിലാക്കാന്‍ തീരുമാനമെടുത്തിട്ടുണ്ടോ; വ്യക്തമാക്കുമോ?

സംസ്ഥാനത്ത് തുടർച്ചയായി റേഷൻ സാധനങ്ങൾ വാങ്ങാതിരുന്ന ഗുണഭോക്താക്കളെ മുൻഗണന വിഭാഗത്തിൽനിന്നും ഒഴിവാക്കുന്നത് സംബന്ധിച്ച് തീരുമാനമെടുത്തിരുന്നുവോ; വിശദമാക്കാമോ;

മാനസിക, ശാരീരിക വെല്ലുവിളികൾ നേരിടുന്ന കുട്ടികളുള്ള കുടുംബാംഗങ്ങളെ മുൻഗണന പട്ടികയിൽ ഉൾപ്പെടുത്തുന്നതിന് മാനദണ്ഡങ്ങളിൽ ഇളവ് നല്കാൻ ഉദ്ദേശിക്കുന്നുണ്ടോ; വിശദമാക്കാമോ;

റേഷൻ മുൻഗണന വിഭാഗത്തിൽ ഉൾപ്പെടുത്തുന്നതിനുള്ള മാനദണ്ഡങ്ങൾ പൊതുജനങ്ങളെ അറിയിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

മുൻഗണന വിഭാഗത്തിലുള്ള അനർഹരെ ഒഴിവാക്കുമ്പോൾ സംസ്ഥാനം സബ്സിഡി നൽകിവരുന്ന നീല കാർഡുകാരെ ആനുപാതികമായി ഉൾപ്പെടുത്തുവാൻ കഴിയുമോ; വിശദമാക്കാമോ?

പുരാവസ്തുക്കൾ എന്ന പേരിൽ വ്യാജ സാധനങ്ങൾ പ്രദർശിപ്പിച്ച് തട്ടിപ്പ് നടത്തിയ വ്യക്തിയുമായി സംസ്ഥാന പോലീസിലെ ഉന്നത ഉദ്യോഗസ്ഥര്‍ക്ക് നേരിട്ട് ബന്ധമുള്ളതായും തട്ടിപ്പ് നടത്തുന്നതിന് സഹായം നൽകിയതായുമുള്ള റിപ്പോർട്ടുകൾ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം സർക്കാർ ഗൗരവത്തോടെ കാണുന്നുണ്ടോ;

എങ്കിൽ ഇതിൽ ആരോപണവിധേയരായ ഉദ്യോഗസ്ഥർക്കെതിരെ നടപടികൾ സ്വീകരിക്കുമോ;

പുരാവസ്തു തട്ടിപ്പ് കേസില്‍ പോലീസ് പിടിയിലായ വ്യക്തിയുടെ ഇടപാട് ഗുരുതരമാണെന്നും നിരീക്ഷിക്കണമെന്നും മുൻ പോലീസ് മേധാവി ജില്ലാ പോലീസ് അധികാരികൾക്ക് നിർദ്ദേശം നല്‍കിയതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശം നൽകുമോ;

എങ്കിൽ പ്രസ്തുത കേസുമായി ബന്ധപ്പെട്ട് പോലീസ് പിടിയിലായ വ്യക്തി കേരള പോലീസിന്റെ സൈബർ സെക്യൂരിറ്റി കോൺഫറൻസ് ആയ കൊക്കൂണിൽ പങ്കെടുത്തതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിന് ഇടയായ സാഹചര്യവും ആരുടെ ക്ഷണപ്രകാരമാണ് പങ്കെടുത്തതെന്നും വ്യക്തമാക്കാമോ?

സച്ചാര്‍ കമ്മിറ്റി ശിപാര്‍ശ പ്രകാരമുള്ള ആനുകൂല്യങ്ങള്‍ മുസ്ലീം സമുദായത്തിന് പൂര്‍ണ്ണമായും ലഭ്യമാക്കുന്നതിന് നടപടി സ്വീകരിക്കണമെന്ന് ആവശ്യപ്പെട്ട് വിവിധ മുസ്ലീം സമുദായ സംഘടന നേതാക്കള്‍ നിവേദനം സമര്‍പ്പിച്ചിരുന്നോ;

എങ്കില്‍ പ്രസ്തുത നിവേദനത്തിലെ ആവശ്യങ്ങള്‍ നടപ്പിലാക്കുക എന്ന ഉദ്ദേശത്തോടെ എന്തെങ്കിലും നടപടികള്‍ നാളിതുവരെ സ്വീകരിച്ചിരുന്നോ; വ്യക്തമാക്കുമോ;

കമ്മീഷന്‍ ശിപാര്‍ശയിലെ എന്തെല്ലാം കാര്യങ്ങളാണ് സമയബന്ധിതമായി നടപ്പിലാക്കാനുദ്ദേശിക്കുന്നതെന്നും അതിനായി ഏര്‍പ്പെടുത്തിയിട്ടുള്ള ക്രമീകരണങ്ങൾ സംബന്ധിച്ചും വിശദവിവരം ലഭ്യമാക്കുമോ?

സംസ്ഥാനത്ത് വളര്‍ത്തു മൃഗങ്ങള്‍ക്ക് ലൈസന്‍സ് ഏര്‍പ്പെടുത്തണമെന്ന് ഹൈക്കോടതി നിര്‍ദ്ദേശം ഉണ്ടായിട്ടുണ്ടോ;

എങ്കില്‍ ഈ നിര്‍ദ്ദേശം നടപ്പിലാക്കുന്നതിനായി എന്തെല്ലാം നടപടികള്‍ ഇതിനകം സ്വീകരിച്ചുവെന്ന് വ്യക്തമാക്കുമോ;

ലൈസന്‍സ് ഫീ നിശ്ചയിക്കുന്നതിനുള്ള അധികാരം ആര്‍ക്കാണ് നല്‍കിയിരിക്കുന്നത്; ഇക്കാര്യത്തില്‍ എന്തെങ്കിലും നിര്‍ദ്ദേശങ്ങള്‍ തദ്ദേശ സ്വയംഭരണ സ്ഥാപനങ്ങള്‍ക്ക് നല്‍കിയിട്ടുണ്ടോയെന്ന് വ്യക്തമാക്കുമോ?

സംസ്ഥാനത്ത് കോവിഡ് വ്യാപനത്തെ കുറിച്ച് ശാസ്ത്രീയ പഠനം നടത്തുന്നതിനായി സീറോ സർവൈലൻസ് പഠനം നടത്തിയിട്ടുണ്ടോ;

ഏതൊക്കെ ജില്ലകളിലാണ് ഇപ്രകാരം സീറോ സർവൈലൻസ് പഠനം നടത്തിയിട്ടുള്ളതെന്ന് വിശദമാക്കാമോ;

പ്രസ്തുത പഠനത്തിനായി ആകെ എത്ര സാമ്പിളുകള്‍ ശേഖരിച്ചെന്നും സര്‍വേ പ്രകാരം ലഭിച്ച പ്രധാന കണ്ടെത്തലുകൾ എന്തൊക്കെയാണെന്നും വിശദമാക്കാമോ;

പ്രസ്തുത സർവേയുടെ അടിസ്ഥാനത്തിൽ എന്തെങ്കിലും നടപടികൾ സർക്കാർ കൈക്കൊണ്ടിട്ടുണ്ടോ എന്ന് വ്യക്തമാക്കാമോ?

സംസ്ഥാനത്ത് വിശപ്പുരഹിത കേരളം പദ്ധതിയുടെ ഇതുവരെയുളള പ്രവര്‍ത്തനം വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത പദ്ധതിയുടെ ഭാഗമായ സുഭിക്ഷ ഹോട്ടലുകള്‍ സംസ്ഥാനത്തെ എല്ലാ നിയോജകമണ്ഡലങ്ങളിലും ആരംഭിച്ചിട്ടുണ്ടോ; ഇത് കൂടുതല്‍ സ്ഥലങ്ങളിലേയ്ക്ക് വ്യാപിപ്പിക്കാന്‍ ഉദ്ദേശിക്കുന്നുണ്ടോ; വിശദാംശം അറിയിക്കുമോ?

സംസ്ഥാനത്ത് നിലവില്‍ അവയവമാറ്റ ശസ്ത്രക്രിയ ഉള്‍പ്പെടെയുള്ള അടിയന്തിര ഘട്ടങ്ങളില്‍ അവയവങ്ങളും ഡോക്ടമാരെയും മറ്റ് ജീവനക്കാരെയും വേഗത്തില്‍ ആശുപത്രികളില്‍ എത്തിക്കുന്നതിന് സ്വീകരിച്ചിരിക്കുന്ന മാര്‍ഗ്ഗങ്ങള്‍ എന്തൊക്കെയാണെന്ന് വ്യക്തമാക്കാമോ;

പ്രസ്തുത സാഹചര്യങ്ങളില്‍ റോഡ് മാര്‍ഗ്ഗം യാത്രയ്ക്ക് എടുക്കുന്ന സമയ ദൈര്‍ഘ്യം ഒഴിവാക്കുന്നതിനായി സര്‍ക്കാര്‍ ഉടമസ്ഥതയില്‍ എയര്‍ ആംബുലന്‍സ് സംവിധാനം ഏര്‍പ്പെടുത്തുന്നതിന് ആലോചിക്കുന്നുണ്ടോ; ഉണ്ടെങ്കില്‍ എന്തെല്ലാം നടപടികളാണ് ഈ വിഷയത്തില്‍ സ്വീകരിച്ചിരിക്കുന്നതെന്ന് വ്യക്തമാക്കാമോ?

സംസ്ഥാനത്ത് അധികാര വികേന്ദ്രീകരണത്തെയും പ്രാദേശിക സര്‍ക്കാരുകളെയും ശക്തിപ്പെടുത്തി പതിനാലാം പ‍ഞ്ചവത്സര പദ്ധതി നടപ്പിലാക്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ;

നവകേരള സൃഷ്ടിക്കായുള്ള നയവും സമീപനവും ജനകീയാസൂത്രണ പ്രക്രിയയില്‍ അധിഷ്ഠിതമായി നിര്‍വ്വഹിക്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ;

അധികാരം, ഉദ്യോഗസ്ഥശേഷി, ദൈനംദിന ഭരണ മികവ്, സാമ്പത്തിക ഭദ്രത തുടങ്ങിയ ഘടകങ്ങള്‍ പരിശോധിക്കുമ്പോള്‍ രാജ്യത്തെ ഏറ്റവും ശക്തമായ പ്രാദേശിക ഭരണ സംവിധാനം കേരളത്തിലാണെന്നത് വിലയിരുത്തിയിട്ടുണ്ടോ; വിശദമാക്കാമോ;

പ്രകൃതി ക്ഷോഭങ്ങളെയും കോവിഡ് മഹാമാരിയെയും പ്രതിരോധിക്കുന്നതില്‍ സംസ്ഥാനത്തിന്റെ പ്രാദേശിക സര്‍ക്കാരുകള്‍ എത്രത്തോളം സഹായകരമായി എന്ന് വെളിപ്പെടുത്താമോ;

പ്രാദേശിക സര്‍ക്കാരുകള്‍ക്ക് കൂടുതല്‍ പ്രവര്‍ത്തന സ്വാതന്ത്ര്യം അനുവദിച്ചുകൊണ്ട് ഉത്തരവാദിത്തങ്ങളും ഇടപെടലുകളും മെച്ചപ്പെടുത്താന്‍ നടപടികള്‍ സ്വീകരിക്കുമോ; വിശദമാക്കാമോ?

അയല്‍ സംസ്ഥാനങ്ങളില്‍ നിന്നുള്ള കഞ്ചാവ് കടത്ത് വര്‍ദ്ധിക്കുന്നുവെന്ന വാര്‍ത്തയുടെ അടിസ്ഥാനത്തില്‍ അതിര്‍ത്തി പരിശോധന കര്‍ശനമാക്കുന്നതിന് നടപടി എടുത്തിട്ടുണ്ടോ;

മയക്കുമരുന്ന് ഉപയോഗത്തോടുള്ള പ്രതിരോധം ഫലപ്രദമാകുന്നതിന് ജനപങ്കാളിത്തത്തിന്റെ അനിവാര്യത കണക്കിലെടുത്ത് അതിന് വേണ്ട മാര്‍ഗ്ഗം ആലോചിക്കുമോ;

ലഹരി വിരുദ്ധ ആശയ പ്രചരണത്തിന്റെ വര്‍ദ്ധിത തോതിലുള്ള ആവശ്യകത കണക്കിലെടുത്ത് വിമുക്തി മിഷന്റെ പ്രവര്‍ത്തനം വിപുലീകരിക്കാന്‍ ഉദ്ദേശിക്കുന്നുണ്ടോ എന്ന് അറിയിക്കുമോ?

സംസ്ഥാനത്ത് സുസ്ഥിര വികസനലക്ഷ്യങ്ങള്‍ കൈവരിക്കുന്നതിന്റെ ഭാഗമായി ക്ഷയരോഗ നിവാരണം എന്ന ലക്ഷ്യത്തിലെത്താന്‍ പ്രത്യേക പദ്ധതി ആവിഷ്കരിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

കോവിഡ് വെല്ലുവിളികള്‍ക്കിടയിലും ക്ഷയരോഗികളെ കണ്ടെത്താനായി സര്‍ക്കാര്‍ ആരംഭിച്ച അക്ഷയകേരളം പദ്ധതിയുടെ വിശദാംശങ്ങള്‍ ലഭ്യമാക്കാമോ;

വാക്സിന്‍ വിതരണ കേന്ദ്രങ്ങളിലും കോവിഡാനന്തര ക്ലിനിക്കുകളിലുമെത്തുന്ന ശ്വാസകോശ സംബന്ധമായ രോഗമുള്ളവര്‍ക്ക് പ്രത്യേകമായ പരിശോധനയും ചികിത്സയും ഉറപ്പ് വരുത്തുന്നതിന് നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ നല്‍കുമോ?

കോവിഡ്‌ കാലത്ത് ജോലി നഷ്ടപ്പെട്ടും അവധിയിലും നാട്ടിലെത്തിയ ശേഷം കോവിഡ്‌ ബാധിച്ച് മരണപ്പെട്ട പ്രവാസികളുടെ കുടുംബത്തെ സഹായിക്കുന്നതിന് പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ;

ഉണ്ടെങ്കില്‍ പദ്ധതിയുടെ വിശദാംശങ്ങള്‍ നല്‍കുമോ;

വിദേശ രാജ്യങ്ങളില്‍ വച്ച് കോവിഡ്‌ ബാധിച്ച് മരണപ്പെടുകയും ബന്ധുക്കള്‍ക്ക് മൃതദേഹം കാണാന്‍ അവസരം ഇല്ലാതാവുകയും ചെയ്ത പ്രവാസികളുടെ കുടുംബങ്ങള്‍ക്ക് പ്രത്യേക ധനസഹായം നല്‍കുന്നതിന് നടപടി സ്വീകരിക്കുമോ?

സർക്കാരിന്റെ സ്ത്രീ സുരക്ഷാ നയത്തിനെതിരായി കേരളാ പോലീസ് ബോധപൂര്‍വ്വമായി ഇടപെടുന്നുവെന്ന ആക്ഷേപം ഗൗരവത്തോടെ കാണുന്നുണ്ടോയെന്ന് അറിയിക്കാമോ;

സ്ത്രീകൾക്ക് നീതി നടപ്പിലാക്കേണ്ട പോലീസിന്റെ അനാസ്ഥ കാരണം ആത്മഹത്യ ചെയ്യുന്ന സ്ത്രീകളുടെ എണ്ണം കൂടിവരുന്നു എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ഗാർഹിക പീഡനത്തിനെ തുടർന്ന് പയ്യന്നൂരിലെ സുനീഷ എന്ന പെൺകുട്ടി ആത്മഹത്യ ചെയ്ത സംഭവത്തിൽ പോലീസിന് വീഴ്ച സംഭവിച്ചിട്ടുണ്ടോ എന്ന് പരിശോധിച്ചിട്ടുണ്ടോ;

സുനീഷയുടെ ഭർത്താവും കുടുംബവും സുനീഷയെ കടുത്ത ഗാർഹിക പീഡനത്തിന് ഇടയാക്കുന്നുവെന്ന് സുനീഷയുടെ അമ്മ പയ്യന്നൂര്‍ പോലീസില്‍ പരാതി നല്‍കിയിരുന്നോ;

പ്രസ്തുത പരാതിയെ തുടർന്ന് പോലീസ് സ്വീകരിച്ച നടപടികൾ എന്തൊക്കെയായിരുന്ന് എന്ന് വിശദമാക്കാമോ?

സംസ്ഥാനത്ത് ഗുരുതരാവസ്ഥയില്‍ ചികിത്സയില്‍ കഴിയുന്ന നിര്‍ദ്ധനരായവര്‍ക്ക് കാന്‍സര്‍, വൃക്കരോഗം, ഹൃദ്രോഗം, കരള്‍ മാറ്റിവയ്ക്കല്‍ തുടങ്ങിയ ചെലവേറിയ ശസ്ത്രക്രിയകള്‍ക്ക് ധനസഹായം നല്‍കുന്നതിന് ആരോഗ്യവകുപ്പിന് നിലവില്‍ എന്തൊക്കെ ചികിത്സാ ധനസഹായ പദ്ധതികളാണുള്ളതെന്ന് വ്യക്തമാക്കുമോ;

അടിയന്തരമായി ശസ്ത്രക്രിയ ആവശ്യമുള്ള രോഗികള്‍ക്ക് മുന്‍ഗണന നല്‍കുവാന്‍ പ്രസ്തുത പദ്ധതികളില്‍ എന്തെങ്കിലും വ്യവസ്ഥകളുണ്ടോ; ഉണ്ടെങ്കില്‍ വിശദാംശങ്ങള്‍ അറിയിക്കുമോ;

മേല്‍പ്പറഞ്ഞ ശസ്ത്രക്രിയകള്‍ക്ക് ആവശ്യമായിവരുന്ന മുഴുവന്‍ തുകയും പ്രസ്തുത പദ്ധതികളിലൂടെ നല്‍കുവാന്‍ കഴിയുന്നുണ്ടോ; തുക അനുവദിക്കാനുള്ള മാനദണ്ഡങ്ങള്‍ എന്തൊക്കെയെന്ന് വിശദമാക്കാമോ?

കോവിഡ് കാലത്ത് പ്രവാസികള്‍ക്ക് സുരക്ഷിതമായി നാട്ടിലെത്താന്‍ വഴിയൊരുക്കിയതുപോലെ വിദേശത്തുള്ള തൊഴിലിടങ്ങളിലേക്ക് തിരികെ പോകാന്‍ ആഗ്രഹിക്കുന്നവര്‍ നേരിടുന്ന പ്രശ്നങ്ങള്‍ പരിഹരിക്കാന്‍ സംസ്ഥാന സര്‍ക്കാര്‍ നടത്തിവരുന്ന ഇടപെടലുകള്‍ എന്തെല്ലാമാണെന്ന് വ്യക്തമാക്കാമോ;

ഇക്കാര്യത്തില്‍ നോര്‍ക്ക കോവിഡ് റെസ്‍പോണ്‍സ് സെല്ലിനൊപ്പം ലോക കേരളസഭയ്ക്കും ഫലപ്രദമായി ഇടപെടാന്‍ കഴിഞ്ഞിരുന്നോയെന്ന് അറിയിക്കാമോ?

ഇന്റഗ്രേറ്റഡ് ലോക്കല്‍ ഗവേണന്‍സ് മാനേജ്മെന്റ് സിസ്റ്റം എന്ന ഇ-ഗവേണിംഗ് സംവിധാനം തദ്ദേശ സ്വയംഭരണ സ്ഥാപനങ്ങളില്‍ നടപ്പാക്കുന്നതിലൂടെ ജനങ്ങള്‍ക്ക് സേവനം ലഭ്യമാകുന്ന കാര്യത്തില്‍ എന്തെല്ലാം മാറ്റങ്ങളാണ് പ്രതീക്ഷിക്കുന്നത്; എന്തൊക്കെ സേവനങ്ങളാണ് ഇത് വഴി ലഭിക്കുന്നത്; വിശദാംശങ്ങള്‍ നല്‍കാമോ;

നിലവില്‍ പ്രസ്തുത പദ്ധതി ഏതുഘട്ടത്തിലാണ്; എല്ലാ തദ്ദേശ സ്വയംഭരണ സ്ഥാപനങ്ങളിലും പദ്ധതി വ്യാപിപ്പിക്കുന്നതിന് നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കാമോ?

ദേശീയ, സംസ്ഥാന പാതയോരങ്ങളിലും ജനബാഹുല്യമുള്ള മേഖലകളിലും സ്ത്രീകള്‍ക്കും കുട്ടികള്‍ക്കുമുള്‍പ്പെടെ ഏത് സമയത്തും ഉപയോഗിക്കാന്‍ കഴിയുന്ന രീതിയില്‍ ശുചിമുറികള്‍ നിര്‍മ്മിക്കുന്നതിന് പദ്ധതി ആവിഷ്കരിച്ചിട്ടുണ്ടോ; എങ്കില്‍ പദ്ധതിയുടെ വിശദാംശങ്ങള്‍ ലഭ്യമാക്കാമോ;

ശുചിമുറികളോടനുബന്ധിച്ച് കോഫി ഷോപ്പുകളോട് കൂടിയ വിശ്രമകേന്ദ്രങ്ങള്‍ ആരംഭിക്കുന്നതിന് പദ്ധതിയുണ്ടോ; മറ്റെന്തെല്ലാം സംവിധാനങ്ങളാണ് ഇതോടനുബന്ധിച്ച് നല്‍കാന്‍ ഉദ്ദേശിക്കുന്നത്; വിശദമാക്കാമോ;

ആഭ്യന്തര വിദേശ ടൂറിസ്റ്റുകള്‍ക്കുള്‍പ്പെടെയുള്ളവര്‍ക്ക് പ്രയോജനം ചെയ്യുന്ന പ്രസ്തുത പദ്ധതി പൂര്‍ണമായി പ്രാവര്‍ത്തികമാകുന്നതിലൂടെ എന്തെല്ലാം മാറ്റങ്ങളാണ് പ്രതീക്ഷിക്കുന്നതെന്ന് വിശദമാക്കാമോ?

സംസ്ഥാനത്ത് സ്ത്രീകളുടെയും കുട്ടികളുടെയും സുരക്ഷാ കാര്യത്തിൽ പോലീസിൽ നിന്നും ബോധപൂർവ്വമായ വീഴ്ചകൾ ഉണ്ടാകുന്നുവെന്ന ആക്ഷേപം ഉയരുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഗൗരവമായി കാണുന്നുണ്ടോ;

അടുത്ത കാലത്ത് പോലീസിലെ പിങ്ക് വിഭാഗം ഉൾപ്പെടെയുള്ളവരുടെ പ്രവൃത്തികളുടെ അടിസ്ഥാനത്തിലുയർന്ന പരാതി പരിശോധിച്ചിട്ടുണ്ടോ;

സ്ത്രീകളുടെ പ്രത്യേകിച്ച് കുട്ടികളുടെ സുരക്ഷാ നിയമങ്ങൾ സംബന്ധിച്ച് പോലീസ് സേനയ്ക്കാകെ പരിശീലനം ആവശ്യമാണെന്ന് കരുതുന്നുണ്ടോ;

പോലീസിലെ വനിതാ വിഭാഗത്തിലുൾപ്പെടെയുള്ളവരിൽ നിന്നുണ്ടാകുന്നതായി പറയപ്പെടുന്ന നിയമലംഘനത്തിനെതിരെ പഴുതടച്ച നിയമനടപടിക്ക് തയ്യാറാകുമോ; വ്യക്തമാക്കുമോ?

സംസ്ഥാനത്ത് അഭ്യസ്തവിദ്യരായ യുവാക്കളുടെ സംരംഭകശേഷി യാഥാർത്ഥ്യമാക്കുന്നതിനായി കേരള സ്റ്റാർട്ടപ്പ് മിഷൻ നടത്തുന്ന ഇടപെടലുകൾ എന്തൊക്കെയെന്ന് അറിയിക്കാമോ;

പ്രസ്തുത മിഷന് കീഴിൽ കളമശ്ശേരിയിൽ സ്ഥാപിതമായ രാജ്യത്തെ ഏറ്റവും വലിയ ഡിജിറ്റൽ ഉല്പന്ന വ്യവസായ കേന്ദ്രം വഴി എന്തെല്ലാം നേട്ടങ്ങൾ പ്രതീക്ഷിക്കുന്നു; വിശദാംശം ലഭ്യമാക്കുമോ;

നൂതന സംരംഭങ്ങളുടെ സുസ്ഥിര വളർച്ചയ്ക്കും സംരംഭകരുടെ ആശയങ്ങൾ സാക്ഷാല്‍ക്കരിച്ച് വിപണിവല്‍ക്കരിക്കുന്നതിനുമുള്ള ഏകോപനത്തിനായി ഏർപ്പെടുത്തിയിട്ടുള്ള സംവിധാനത്തെക്കുറിച്ച് അറിയിക്കാമോ?

സംസ്ഥാനത്ത് ഹോം നേഴ്സിംഗ് ഏജന്‍സികള്‍ പ്രവര്‍ത്തിക്കുന്നതിന് ലെെസന്‍സ് അനുവദിച്ച് നല്‍കുന്നതിന് സ്വീകരിക്കുന്ന മാനദണ്ഡങ്ങള്‍ എന്തൊക്കെയെന്ന് വ്യക്തമാക്കാമോ;

സംസ്ഥാനത്ത് ആകെ എത്ര ഹോം നേഴ്സിംഗ് ഏജന്‍സികള്‍ നിലവിലുണ്ടെന്നും ഇതില്‍ ലെെസന്‍സുളള എത്ര ഏജന്‍സികള്‍ ഉണ്ടെന്നുമുള്ള കണക്ക് ലഭ്യമാണോ; എങ്കില്‍ വിശദമാക്കാമോ;

ഈ രംഗത്തെ ഏജന്‍സികള്‍ പരിശീലനം ലഭിച്ചവരെയാണോ ഹോം നേഴ്സുകളായി നിയമിക്കുന്നതെന്ന് പരിശോധിച്ചിട്ടുണ്ടോ; വ്യക്തമാക്കാമോ;

ഹോം നേഴ്സുന്മാര്‍ക്ക് പരിശീലനം നല്‍കുവാന്‍ സര്‍ക്കാര്‍ തലത്തില്‍ സംവിധാനങ്ങളുണ്ടോ; ഇല്ലെങ്കില്‍ ഇക്കാര്യം പരിശോധിക്കുമോ; ഹോം നേഴ്സുകള്‍ക്ക് പ്രായപരിധി നിശ്ചയിച്ചിട്ടുണ്ടാേ; ഉണ്ടെങ്കില്‍ എത്രയെന്ന് വ്യക്തമാക്കാമോ?

ഇന്ത്യയിലെ ആദ്യ ടെക്നോപാര്‍ക്ക് സ്ഥാപിക്കപ്പെട്ട കേരളത്തിൽ അതിനനുസൃതമായ വികസനം പ്രസ്തുത രംഗത്ത് ഉണ്ടാകേണ്ടതുണ്ട് എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാനത്ത് ഐ.ടി. വികസന രംഗത്ത് നിലനിന്നിരുന്ന മുരടിപ്പ് മാറ്റിയെടുക്കുന്നതിന് കഴിഞ്ഞ അഞ്ച് വര്‍ഷം സ്വീകരിച്ച നടപടികള്‍ സഹായകരമായിട്ടുണ്ടോ; വിശദമാക്കാമോ;

വൻകിട ഐ.ടി. നിക്ഷേപം സംസ്ഥാനത്തേക്ക് കൊണ്ടുവരുന്നതിനായി അതിവിദഗ്ദ്ധരായ ഒരു തൊഴിൽസേനയെ സൃഷ്ടിക്കുന്നതിനുള്ള നയസമീപനവും കർമ്മപദ്ധതിയും ആവിഷ്കരിച്ചിട്ടുണ്ടോ; വിശദമാക്കാമോ;

ഐ.ടി. വ്യവസായ അന്തരീക്ഷം മെച്ചപ്പെടുത്തുന്നതിനും പശ്ചാത്തലസൗകര്യം വിപുലീകരിക്കുന്നതിനും നടപടി സ്വീകരിച്ചിട്ടുണ്ടോ; വിശദമാക്കാമോ;

സംസ്ഥാനത്തിന്റെ ആർട്ടിഫിഷ്യൽ ഇന്റലിജന്‍സ് ഹബ് ആയി തിരുവനന്തപുരത്തെ ഉയർത്തുന്നതിനുളള നടപടി പരിഗണനയിലുണ്ടോ; വിശദമാക്കാമോ?

സംസ്ഥാനത്ത് സ്റ്റേറ്റ് ഹെല്‍ത്ത് ഏജന്‍സി മുഖേന നടപ്പാക്കുന്ന ആരോഗ്യ സുരക്ഷ പദ്ധതികള്‍ ഏതെല്ലാമാണെന്ന് വ്യക്തമാക്കുമോ;

ഈ പദ്ധതികളിലൂടെ സംസ്ഥാനത്തെ സാധാരണക്കാര്‍ക്ക് ലഭിക്കുന്ന സേവനങ്ങള്‍ എന്തെല്ലാമാണ്; ഈ സേവനങ്ങള്‍ ലഭ്യമാകുന്നതിന് സ്വീകരിക്കേണ്ട നടപടികള്‍ എന്തൊക്കെയാണ്;

ഈ പദ്ധതികള്‍ നടപ്പാക്കുന്നതിന് കേന്ദ്ര സഹായം ലഭ്യമാണോ; എങ്കില്‍ ആയതിന്റെ വിശദാംശങ്ങള്‍ നല്‍കുമോ;

പ്രസ്തുത പദ്ധതികളിലൂടെ സൗജന്യ ചികില്‍സയും ചികില്‍സ സഹായവും ഈ വർഷം എത്ര പേര്‍ക്ക് ലഭ്യമാക്കിയെന്നും എത്ര തുക ഇതിനായി ചെലവഴിച്ചുവെന്നുമുള്ള കണക്ക് ലഭ്യമാണെങ്കില്‍ നല്‍കുമോ?

സംസ്ഥാനത്ത് സാമൂഹ്യക്ഷേമ പദ്ധതികളിലെ ഗുണഭോക്താക്കളെ കണ്ടെത്താനും തെരഞ്ഞെടുക്കാനും കേന്ദ്രീകൃതമായ പുതിയ പദ്ധതികള്‍ ആവിഷ്ക്കരിച്ചിട്ടുണ്ടോ; വിശദാംശങ്ങള്‍ നല്‍കാമോ;

ഓരോ വകുപ്പിലേയും ഗുണഭോക്താക്കളെ തെരഞ്ഞെടുക്കാനായി വകുപ്പുകള്‍ വെവ്വേറെ നടപടികള്‍ സ്വീകരിക്കുന്നതിന് പകരം കേന്ദ്രീകൃത സംവിധാനം തിരിച്ചറിയുന്നതിന് കേന്ദ്രീകൃത സംവിധാനം ഏര്‍പ്പെടുത്തുന്നതിലൂടെ എന്തെല്ലാം മാറ്റങ്ങളാണ് പ്രതീക്ഷിക്കുന്നതെന്ന് അറിയിക്കുമോ;

ഒരു പദ്ധതിയിലും ഉള്‍പ്പെടാത്തവരെ കണ്ടെത്തുന്നതിനും അര്‍ഹതയില്ലാത്തവര്‍ ആനുകൂല്യങ്ങള്‍ നേടുന്നത് തടയുന്നതിനും വേണ്ടി വിവര ശേഖരണം നടത്തുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

സംസ്ഥാനത്ത് കോവിഡ് രോഗികളുടെ എണ്ണം ചെറിയ തോതിലെങ്കിലും കുറഞ്ഞു വരുമ്പോഴും മരണ നിരക്ക് കുറയാതെ നിൽക്കുന്നത് ആശങ്കയോടെ കാണുന്നുണ്ടോ എന്ന് അറിയിക്കാമോ;

കോവിഡ് മരണനിരക്ക് കുറയാത്തതിന്റെ കാരണം പഠന വിധേയമാക്കിയിട്ടുണ്ടോ; വ്യക്തമാക്കാമോ;

പോസ്റ്റ് കോവിഡ് മരണങ്ങൾ കൂടിവരുന്നത് സംബന്ധിച്ച പഠനങ്ങൾ നടത്തിയിട്ടുണ്ടോ; ഉണ്ടെങ്കിൽ ഇതിന്റെ വിശദാംശങ്ങൾ നൽകാമോ;

പോസ്റ്റ് കോവിഡ് രോഗികളുടെ മരണങ്ങൾ കുറയ്ക്കാനായി സ്വീകരിച്ച നടപടികൾ വിശദമാക്കാമോ?

സംസ്ഥാനത്ത് നടപ്പിലാക്കാൻ ഉദ്ദേശിക്കുന്ന സിൽവർലൈൻ പദ്ധതി സംബന്ധിച്ച് ഉന്നയിക്കപ്പെടുന്ന ആക്ഷേപങ്ങൾ വസ്തുതാവിരുദ്ധമാണെന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പരിസ്ഥിതിസൗഹൃദ യാത്രാ സംവിധാനം എന്ന നിലയിൽ സിൽവർലൈൻ പദ്ധതിയുടെ പ്രാധാന്യം വെളിപ്പെടുത്താമോ;

പ്രസ്തുത പദ്ധതിയുടെ സാമ്പത്തിക കാര്യക്ഷമത പരിശോധിച്ചിട്ടുണ്ടോ; വിശദമാക്കാമോ;

സിൽവർലൈൻ പദ്ധതി സംബന്ധിച്ച് നിതി ആയോഗ് ആവശ്യപ്പെട്ട വിവരങ്ങൾ സംസ്ഥാനം നൽകിയിട്ടുണ്ടോ; വിശദമാക്കാമോ;

പ്രസ്തുത പദ്ധതിക്കായി ധനകാര്യ സ്ഥാപനങ്ങളിൽ നിന്ന് വായ്പയെടുക്കാനുള്ള നടപടികളുമായി മുന്നോട്ടുപോകാൻ നിതി ആയോഗ് സംസ്ഥാനത്തിന് അനുമതി നൽകിയിട്ടുണ്ടോ; വിശദമാക്കാമോ?

സംസ്ഥാനത്ത് അശരണര്‍ക്കും ആലംബഹീനര്‍ക്കുമായി സര്‍ക്കാര്‍ ആരംഭിക്കുന്ന വാതില്‍പ്പടി സേവന പദ്ധതിയുടെ വിശദാംശങ്ങള്‍ നല്‍കാമോ;

എത്ര തദ്ദേശ സ്വയംഭരണ സ്ഥാപനങ്ങളില്‍ പദ്ധതി ആരംഭിച്ചിട്ടുണ്ട്; പ്രസ്തുത മേഖലയില്‍ ഈ സേവനം എത്ര പേര്‍ക്കാണ് ലഭിക്കുന്നതെന്നറിയുമോ;

പ്രസ്തുത പദ്ധതിയുമായി സഹകരിക്കുവാന്‍ തത്പരരായ എത്ര സന്നദ്ധ പ്രവര്‍ത്തകര്‍ രജിസ്റ്റര്‍ ചെയ്തിട്ടുണ്ടെന്ന കണക്ക് ലഭ്യമാണോ; ഇവരുടെ തെരെഞ്ഞെടുപ്പിന് സ്വീകരിക്കുന്ന മാനദണ്ഡം എന്താണെന്ന് വ്യക്തമാക്കുമോ;

തെരഞ്ഞടുക്കപ്പെടുന്ന സന്നദ്ധ പ്രവര്‍ത്തകര്‍ക്ക് സര്‍ക്കാര്‍ സേവനങ്ങളെ സംബന്ധിച്ച് പരിശീലനം നല്‍കുമോ; ഇവരുടെ പ്രവര്‍ത്തനങ്ങള്‍ സുതാര്യവും പക്ഷപാത രഹിതവുമാണെന്ന് ഉറപ്പുവരുത്തുവാന്‍ സംവിധാനങ്ങള്‍ ഏര്‍പ്പെടുത്തുമോയെന്ന് അറിയിക്കാമോ?

തദ്ദേശ സ്വയംഭരണ സ്ഥാപനങ്ങളുടെ തനതുഫണ്ട് ട്രഷറിയിലേക്ക് മാറ്റുന്നത് അധികാര വികേന്ദ്രീകരണത്തെ ഇല്ലാതാക്കാനുള്ള നടപടികളുടെ ഭാഗമാണെന്ന ആക്ഷേപം ഗൗരവത്തോടെ കാണുന്നുണ്ടോ;

ധനവകുപ്പിന്റെ ഈ നിലപാട് തദ്ദേശ സ്വയംഭരണ സ്ഥാപനങ്ങളുടെ സ്വയംഭരണത്തെ ബാധിക്കും എന്ന് വകുപ്പ് കരുതുന്നുണ്ടോ; വിശദമാക്കാമോ;

പ്രാദേശിക സർക്കാരുകൾ സമാഹരിക്കുന്ന പണം അവർക്ക് സ്വതന്ത്ര വിനിയോഗത്തിന് ലഭിക്കുന്നതിന് ആവശ്യമായ നടപടി സ്വീകരിച്ചിട്ടുണ്ടോ; വ്യക്തമാക്കുമോ?

രാജ്യത്ത് ഏറ്റവും മികച്ചനിലയില്‍ ദേശീയ ഗ്രാമീണ തൊഴിലുറപ്പ് പദ്ധതി നടപ്പാക്കിയതിലൂടെ സംസ്ഥാനം കൈവരിച്ച നേട്ടങ്ങള്‍ എന്തെല്ലാമാണെന്ന് ഈ സര്‍ക്കാര്‍ വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

പ്രസ്തുത നേട്ടം കൈവരിക്കുന്നതിനായി വൈവിധ്യമാര്‍ന്ന എന്തെല്ലാം പദ്ധതികളാണ് ആസൂത്രണം ചെയ്തു നടപ്പിലാക്കിയതെന്ന് അറിയിക്കാമോ;

പ്രളയാനന്തരം തൊഴിലുറപ്പ് പദ്ധതി മുഖേന കാര്‍ഷിക മേഖലയെ പുനര്‍നിര്‍മ്മിക്കുന്നതിനും കോവിഡ് ദുരിതാശ്വാസ പ്രവര്‍ത്തനങ്ങള്‍ സംഘടിപ്പിക്കുന്നതിനും എന്തെല്ലാം പുതിയ തീരുമാനങ്ങളാണ് കൈക്കൊണ്ടതെന്ന് വിശദമാക്കുമോ;

തൊഴിലുറപ്പ് പദ്ധതിയുമായി ബന്ധപ്പെട്ട എല്ലാ പ്രവര്‍ത്തികളിലും സുതാര്യതയും കാര്യക്ഷമതയും ഉറപ്പുവരുത്തുന്നതിനും പ്രസ്തുത പദ്ധതി വ്യാപിപ്പിക്കുന്നതിനും നടപടി സ്വീകരിക്കുമോ?