സംസ്ഥാനത്ത് പ്ലസ് വണ്‍ രണ്ടാം ഘട്ട അലോട്ട്മെന്റ് പൂര്‍ത്തിയായപ്പോള്‍ സീറ്റ് ലഭിക്കാത്ത കുട്ടികള്‍ക്ക് പ്ലസ് വണ്‍ സീറ്റ് ഉറപ്പാക്കാന്‍ സർക്കാർ സ്വീകരിച്ച നടപടികള്‍ വിശദമാക്കാമോ;

ഉയര്‍ന്ന മാര്‍ക്കോടെ എസ്.എസ്.എല്‍.സി. പാസ്സായ എല്ലാ വിദ്യാർത്ഥികൾക്കും അവർക്ക് ഇഷ്ടപ്പെട്ട സ്കൂളുകളിൽ ഇഷ്ട വിഷയത്തിൽ പ്രവേശനം ലഭ്യമാക്കാന്‍ നാളിതുവരെ സ്വീകരിച്ച നടപടികൾ വ്യക്തമാക്കാമോ?

സംസ്ഥാനത്ത് സാക്ഷരത രംഗത്ത് കഴിഞ്ഞ അഞ്ച് വര്‍ഷം കെെവരിച്ച നേട്ടങ്ങള്‍ എന്തൊക്കെയാണെന്ന് വിശദമാക്കാമോ;

സാക്ഷരത തുടര്‍ വിദ്യാഭ്യാസം സംബന്ധിച്ച സംസ്ഥാന സര്‍ക്കാരിന്റെ നയമെന്തെന്ന് വ്യക്തമാക്കാമോ;

സംസ്ഥാനത്ത് നവ സാക്ഷരരുടെ തുടര്‍ വിദ്യാഭ്യാസത്തിനായി നിലവിലുളള സൗകര്യങ്ങള്‍ എന്തെല്ലാമാണ്; വിശദാംശം നല്‍കാമോ?

സംസ്ഥാനത്ത് ഗസ്റ്റ് ഹൗസുകളുടെയും റസ്റ്റ് ഹൗസുകളുടെയും നവീകരണം സംബന്ധിച്ച് നയം വ്യക്തമാക്കാമോ;

ഗസ്റ്റ് ഹൗസുകളിലെയും റസ്റ്റ് ഹൗസുകളിലെയും താമസസൗകര്യം വര്‍ദ്ധിപ്പിക്കുന്നതിന് കര്‍മ്മപദ്ധതികള്‍ വിഭാവനം ചെയ്തിട്ടുണ്ടോ; എങ്കില്‍ അവ ഇപ്പോള്‍ ഏത് ഘട്ടത്തിലാണെന്ന് വെളിപ്പെടുത്തുമോ;

ഗസ്റ്റ് ഹൗസുകള്‍, റസ്റ്റ് ഹൗസുകള്‍ എന്നിവ ഇല്ലാത്തയിടങ്ങളില്‍ പുതിയവ നിര്‍മ്മിക്കാന്‍ നടപടി സ്വീകരിക്കാമോ;

ഗസ്റ്റ് ഹൗസുകള്‍, റസ്റ്റ് ഹൗസുകള്‍ എന്നിവിടങ്ങളില്‍ നിന്നുള്ള വരുമാനം വര്‍ദ്ധിപ്പിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

മലയോര ഹൈവേ പദ്ധതിയുടെ വിശദാംശങ്ങള്‍ ലഭ്യമാക്കാമോ; പദ്ധതി ഇപ്പോള്‍ ഏത് ഘട്ടത്തിലാണെന്നും എന്നത്തേക്ക് പൂര്‍ത്തിയാക്കാന്‍ സാധിക്കുമെന്നും വിശദമാക്കാമോ;

പ്രസ്തുത പദ്ധതി പൂര്‍ണ്ണമായും പ്രാവര്‍ത്തികമാകുന്നതോടെ സംസ്ഥാനത്തിന്റെ ഗതാഗത, വ്യാവസായിക, വാണിജ്യ രംഗങ്ങളില്‍ എന്തൊക്കെ മാറ്റങ്ങളാണ് പ്രതീക്ഷിക്കുന്നതെന്ന് വിശദമാക്കാമോ?

അന്യാധീനപ്പെട്ടതും കാലങ്ങളായി പലരും കൈയ്യടക്കി വച്ചിരിക്കുന്നതുമായ എത്ര ഏക്കര്‍ ഭൂമി ഈ സര്‍ക്കാര്‍ അധികാരത്തില്‍ വന്ന ശേഷം ഏറ്റെടുത്ത് ഭൂരഹിതര്‍ക്ക് വിതരണം ചെയ്തിട്ടുണ്ടെന്ന് വ്യക്തമാക്കാമോ;

പ്രസ്തുത കാലയളവിൽ ഭൂമിക്ക് അര്‍ഹതയുളള എത്ര പേരുടെ അപേക്ഷകളാണ് ലഭിച്ചിട്ടുളളതെന്ന് പരിശോധിച്ചിട്ടുണ്ടോ;

ഏറ്റെടുത്ത ഭൂമി കാലതാമസം കൂടാതെ വിതരണം ചെയ്യുന്നതിനുളള നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

ഭൂമി തരം മാറ്റാനുളള അപേക്ഷകള്‍ തീര്‍പ്പാക്കുന്നതില്‍ വലിയ കാലതാമസം ഉണ്ടാകുന്നു എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ;

നിലവിലെ നിയമ പ്രകാരം ഡേറ്റാബാങ്കില്‍ ഉള്‍പ്പെട്ട ഭൂമി തരം മാറ്റുന്നതിന് ആര്‍ക്കൊക്കെയാണ് അനുമതി ലഭിക്കുന്നത്; ആയതിനുളള നടപടിക്രമങ്ങള്‍ വ്യക്തമാക്കുമോ;

സംസ്ഥാനത്തെ വിവിധ റവന്യൂ ഓഫീസുകളില്‍ ഭൂമി തരം മാറ്റുന്നതിനായി ലഭിച്ചിട്ടുളള അപേക്ഷകള്‍ സമയബന്ധിതമായി തീര്‍പ്പാക്കാന്‍ സ്വീകരിക്കുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ?

കോവിഡ് മാനദണ്ഡപ്രകാരമുള്ള സാമൂഹ്യ അകലം സ്കൂളുകളില്‍ കുട്ടികളുടെ സീറ്റിംഗ് അറേഞ്ച്മെന്റില്‍ കൂടുതല്‍ ഫലപ്രദമായി നടപ്പാക്കുന്നതിനായി എന്തെങ്കിലും മോണിറ്ററിംഗ് സംവിധാനങ്ങൾ ഏർപ്പെടുത്താൻ ഉദ്ദേശിക്കുന്നുണ്ടോ; വിശദമാക്കുമോ;

പൊതുഗതാഗത സര്‍വ്വീസിലെ സീറ്റിംഗ് സംവിധാനത്തില്‍ സാമൂഹ്യ അകലം പാലിക്കുന്നതില്‍ ഉണ്ടായതായി പറയപ്പെടുന്ന പ്രശ്നങ്ങള്‍ ക്ലാസ്സ് മുറികളിലും ഉണ്ടായാൽ അത് കുട്ടികളില്‍ മഹാമാരി പകരുന്നതിന് കാരണമാകുമോയെന്ന് പരിശോധിച്ചിട്ടുണ്ടോ; എങ്കിൽ വിശദമാക്കാമോ;

ക്ലാസ്സ് മുറികളില്‍ സാമൂഹ്യ അകലം ഫലപ്രദമായി നടപ്പാക്കുന്നതിനായി പഴുതടച്ച ക്രമീകരണങ്ങള്‍ ഏര്‍പ്പെടുത്തുമോ; വ്യക്തമാക്കുമോ?

സംസ്ഥാനത്ത് പൊതുമരാമത്ത് പ്രവൃത്തികളുടെ ഗുണനിലവാര പരിശോധനക്കായി നിലവിലുളള സംവിധാനം എന്തൊക്കെയാണെന്നും പ്രവൃത്തി നടക്കുന്ന സൈറ്റുകളില്‍ നിന്നും സാമ്പിളുകള്‍ ശേഖരിച്ച് പരിശോധിക്കുന്ന സംവിധാനം നിലവിലുണ്ടോയെന്നും വിശദശമാക്കാമോ;

പൊതുമരാമത്ത് വകുപ്പിന്റെ കീഴില്‍ ഗവേഷണ സ്ഥാപനങ്ങള്‍ പ്രവര്‍ത്തിക്കുന്നുണ്ടോയെന്നും ഗവേഷണ പ്രവര്‍ത്തനത്തിന്റെ ഭാഗമായി എന്തൊക്കെ കാര്യങ്ങളാണ് നടപ്പിലാക്കിവരുന്നതെന്നും വിശദമാക്കാമോ?

സംസ്ഥാനത്ത് കിഫ്ബി പദ്ധതിയില്‍ ഉള്‍പ്പെടുത്തിയ റോഡ്‌ പ്രവൃത്തികളില്‍ ചിലത് ആരംഭിക്കുന്നതിന് ദീര്‍ഘമായ കാലതാമസം ഉണ്ടാകുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ.;

പ്രസ്തുത പ്രവൃത്തികളുടെ സാങ്കേതിക തടസ്സങ്ങള്‍ പരിഹരിച്ച് റോഡ്‌ നിര്‍മ്മാണം ത്വരിതപ്പെടുത്തുന്നതിന് സര്‍ക്കാര്‍ കൈക്കൊണ്ടിട്ടുള്ള നടപടികള്‍ വിശദീകരിക്കുമോ.;

പുനരുദ്ധാരണ പ്രവൃത്തികളില്‍ കാലതാമസം ഉണ്ടാകുന്നതിനാല്‍ പ്രസ്തുത റോഡുകള്‍ സഞ്ചാരയോഗ്യമല്ലാത്ത നിലയില്‍ തകര്‍ച്ചയിലാകുന്നത് നിമിത്തം പൊതുജനങ്ങള്‍ അനുഭവിക്കുന്ന കഠിനമായ യാത്രാ ദുരിതം പരിഗണിച്ച് ഇക്കാര്യത്തില്‍ എത്രയും വേഗത്തിലുള്ള പരിഹാര നടപടികള്‍ സ്വീകരിക്കുമോ?

വിദേശ-ആഭ്യന്തര ടൂറിസ്റ്റുകളെ സംസ്ഥാനത്തേക്ക് ആകര്‍ഷിക്കുന്നതിനായി എന്തെല്ലാം അടിസ്ഥാന സൗകര്യ വികസന പദ്ധതികളും പ്രചരണ പരിപാടികളുമാണ് സംഘടിപ്പിക്കുന്നത്;

ഗ്രീന്‍ കാര്‍പെറ്റ് പദ്ധതിയിലൂടെ എന്തെല്ലാമാണ് ലക്ഷ്യമിട്ടിരിക്കുന്നത്; ഇതിലൂടെ എത്രത്തോളം നേട്ടങ്ങള്‍ ഉണ്ടാക്കാന്‍ കഴിഞ്ഞിട്ടുണ്ട്; വിശദാംശങ്ങള്‍ ലഭ്യമാക്കാമോ;

മണ്‍സൂണ്‍ ടൂറിസത്തിന്റെ സാദ്ധ്യതകള്‍ പ്രയോജനപ്പെടുത്തുന്നതിന് പ്രത്യേക പരിപാടികള്‍ ആസൂത്രണം ചെയ്തിട്ടുണ്ടോ; വിശദാംശങ്ങള്‍ നല്‍കാമോ?

സംസ്ഥാനത്ത് പൊതുമരാമത്ത് വകുപ്പിന്റെ ചുമതലയിലുള്ള റസ്റ്റ് ഹൗസുകളുടെ പ്രവർത്തനം പരിശോധിച്ചിട്ടുണ്ടോ; ഇവയ്ക്ക് വേണ്ടിവരുന്ന ചെലവുകൾക്കനുസൃതമായ വരുമാനം ലഭിക്കുന്നുണ്ടോ; വിശദമാക്കുമോ;

വാർഷിക അറ്റകുറ്റപ്പണികൾ സമയോചിതമായി നടത്താത്തതുമൂലം റസ്റ്റ് ഹൗസുകളോടനുബന്ധിച്ചുള്ള കെട്ടിടങ്ങളും മറ്റ് നിർമ്മിതികളും നശിക്കുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; ഇതൊഴിവാക്കുന്നതിനുവേണ്ടി അറ്റകുറ്റപ്പണികൾ സമയബന്ധിതമായി പൂർത്തീകരിക്കുന്നതിന് നടപടി സ്വീകരിക്കുമോ; വിശദാംശം നല്‍കുമോ;

റസ്റ്റ് ഹൗസുകളുടെ പ്രവർത്തനം കൂടുതൽ കാര്യക്ഷമമാക്കുന്നതിനും ജനകീയമാക്കുന്നതിനും ഓൺലൈൻ ബുക്കിംഗ് ഉൾപ്പെടെയുള്ള സംവിധാനങ്ങൾ നടപ്പിലാക്കുമോ;

ടൂറിസം വികസനത്തിന് സഹായിക്കുന്നരീതിയിൽ റസ്റ്റ് ഹൗസുകളുടെ പ്രവർത്തനം ആധുനികവൽക്കരിക്കുമോ; വിശദമാക്കുമോ?

സംസ്ഥാനത്ത് തീരദേശ കപ്പല്‍ ഗതാഗത പദ്ധതി ഏത് ഘട്ടത്തിലാണ്; ഏതൊക്കെ തുറമുഖങ്ങളെ ബന്ധിപ്പിച്ചുകൊണ്ടാണ് പ്രസ്തുത പദ്ധതി വിഭാവനം ചെയ്തിരിക്കുന്നത്; വിശദാംശം ലഭ്യമാക്കാമോ;

പ്രസ്തുത പദ്ധതി പ്രാവര്‍ത്തികമാകുന്നതോടെ സംസ്ഥാനത്ത് ചരക്ക് നീക്കത്തില്‍ എന്തെല്ലാം മാറ്റങ്ങളാണ് പ്രതീക്ഷിക്കുന്നതെന്ന് വ്യക്തമാക്കാമോ?

പ്ലസ് വൺ രണ്ടാം ഘട്ട അലോട്ട്മെന്റ് പൂർത്തിയായായപ്പോൾ ഒരു ലക്ഷത്തിലേറെ കുട്ടികൾ സീറ്റ് ലഭിക്കാതെ പുറത്ത് നിൽക്കുന്ന സാഹചര്യം നിലവിലുണ്ടോ; എങ്കില്‍ ഇത് പരിഹരിക്കുന്നതിന് പുതിയ പ്ലസ് വൺ ബാച്ചുകൾ അനുവദിക്കാൻ തയ്യാറാകുമോ;

നിരവധി അർഹരായ കുട്ടികളുടെ പഠനം പ്രതിസന്ധിയിലായതായി പറയപ്പെടുന്ന സാഹചര്യത്തിൽ പുതിയ പ്ലസ് വൺ ബാച്ചുകൾ അനുവദിച്ചുകൊണ്ട് ഇതിന് പരിഹാരം കാണാൻ നടപടി സ്വീകരിക്കുമോ; വ്യക്തമാക്കുമോ;

2011-16‌-ലെ സർക്കാരിന്റെ കാലഘട്ടത്തിൽ അർഹരായ കുട്ടികളുടെ പ്ലസ് വണ്‍ പ്രവേശനം സംബന്ധിച്ച് സമാന സാഹചര്യമുണ്ടായപ്പോള്‍ അന്നത്തെ സർക്കാർ താത്കാലിക ബാച്ചുകൾ അനുവദിച്ചിരുന്നോ എന്ന് അറിയിക്കുമോ; വിശദാംശം ലഭ്യമാക്കാമോ?

സംസ്ഥാനത്ത് പരിസ്ഥിതിക്കും ആരോഗ്യത്തിനും വിപത്തായ പ്ലാസ്റ്റിക് മാലിന്യം ഉപയോഗിച്ച് എത്ര കിലോമീറ്റര്‍ റോഡ് ടാര്‍ ചെയ്യുവാന്‍ കഴിഞ്ഞിട്ടുണ്ടെന്ന് വ്യക്തമാക്കാമോ;

തദ്ദേശ സ്ഥാപനങ്ങളും പൊതുമരാമത്തും നിര്‍മ്മിക്കുന്ന റോഡുകളില്‍ പ്ലാസ്റ്റിക് ഉപയോഗിക്കണമെന്ന സര്‍ക്കാര്‍ ഉത്തരവ് അനുസരിച്ച് കഴിഞ്ഞ അഞ്ച് വര്‍ഷത്തിനിടെ എത്ര മെട്രിക് ടണ്‍ പ്ലാസ്റ്റിക് മാലിന്യമാണ് റോഡ് ടാറിംഗിന് പ്രയോജനപ്പെടുത്തിയതെന്ന് വ്യക്തമാക്കുമോ;

കഴിഞ്ഞ അഞ്ച് വര്‍ഷത്തിനിടെ ക്ലീന്‍ കേരള കമ്പനി വഴി പൊതുമരാമത്ത് വകുപ്പിന് എത്ര മെട്രിക് ടണ്‍ പൊടിച്ച പ്ലാസ്റ്റിക്കാണ് ലഭിച്ചിട്ടുള്ളതെന്ന് വ്യക്തമാക്കാമോ;

പ്ലാസ്റ്റിക് ചേര്‍ത്ത് നിര്‍മ്മിക്കുന്ന റോഡുകളുടെ ഗുണനിലവാരം പരിശോധിക്കുവാന്‍ നിലവില്‍ എന്ത് സംവിധാനമാണ് ഉള്ളതെന്ന് വിശദമാക്കാമോ; ഇത് സംബന്ധിച്ച് കൃത്യമായ പരിശോധന നടത്തുവാന്‍ നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്തെ പ്ലസ് വൺ പ്രവേശന പ്രതിസന്ധി പരിഹരിക്കാൻ സർക്കാർ മേഖലയിലെ സ്കൂളുകളിലെ ബാച്ചുകളുടെ എണ്ണം വർദ്ധിപ്പിക്കുന്നതിന് പകരം അൺ എയ്ഡഡ് സ്കൂളുകളിലെ സീറ്റുകൾ വർദ്ധിപ്പിക്കാൻ തീരുമാനിച്ചിട്ടുണ്ടോ;

എങ്കില്‍ പ്രസ്തുത തീരുമാനം എസ്.എസ്.എൽ.സി. പരീക്ഷയിൽ ഉയർന്ന മാർക്ക് നേടിയ സാമ്പത്തികമായി പിന്നാക്കം നിൽക്കുന്ന വിദ്യാർത്ഥികളെ പ്രതികൂലമായി ബാധിക്കുവാന്‍ ഇടയാകുമെന്നത് ഗൗരവത്തോടെ കാണുന്നുണ്ടോ;

സർക്കാർ മേഖലയിലെ സ്കൂളുകളിലെ ബാച്ചുകള്‍ക്ക് പകരം അൺ എയ്ഡഡ് സ്കൂളുകളിലെ സീറ്റുകൾ വർദ്ധിപ്പിക്കുന്നത് ഡൊണേഷൻ പ്രവണതയെ പ്രോത്സാഹിപ്പിക്കുമെന്ന് കരുതുന്നുണ്ടോ; എങ്കില്‍ ആയത് നിയന്ത്രിക്കുന്നതിന് സ്വീകരിച്ച നടപടികൾ വ്യക്തമാക്കാമോ?

വിഴിഞ്ഞം തുറമുഖ നിര്‍മ്മാണം ത്വരിതഗതിയില്‍ നടക്കുന്നുവെന്ന് ഉറപ്പുവരുത്താനും നിര്‍മ്മാണ പ്രവര്‍ത്തനങ്ങള്‍ ഏകോപിപ്പിക്കാനും ക്രമീകരണങ്ങള്‍ ഏര്‍പ്പെടുത്തിയിട്ടുണ്ടോ എന്ന് വ്യക്തമാക്കാമോ?

സംസ്ഥാനത്ത് വിനോദസഞ്ചാര വികസനത്തിന്റെ ഭാഗമായി ആരംഭിച്ച പൈതൃക സംരക്ഷണ പദ്ധതിയുടെ വിശദാംശങ്ങള്‍ ലഭ്യമാക്കാമോ;

പ്രസ്തുത പദ്ധതിയുടെ പരിഗണനയില്‍ വരുന്ന പ്രധാന ഇടങ്ങള്‍ ഏതൊക്കെയാണെന്നും പദ്ധതിയുടെ പ്രധാന ലക്ഷ്യങ്ങള്‍ എന്തൊക്കെയാണെന്നും അറിയിക്കാമോ;

ഒരു വിശാലമായ പ്രദേശത്തെ ചരിത്ര സ്മാരകങ്ങളെ വിനോദസഞ്ചാരവുമായി കൂട്ടിയിണക്കി പദ്ധതികള്‍ ആവിഷ്കരിക്കുന്നതിലൂടെ വിവിധ മേഖലകളില്‍ എന്തെല്ലാം മാറ്റങ്ങളാണ് പ്രതീക്ഷിക്കുന്നതെന്ന് വിശദമാക്കാമോ?

ടൂറിസം മേഖലയില്‍ കേരളവും തായ്‍വാനും തമ്മിലുള്ള സഹകരണം സംബന്ധിച്ച് തായ്‍വാന്‍ പ്രതിനിധികളുമായി നടത്തിയ ചര്‍ച്ചയില്‍ ഉരുത്തിരിഞ്ഞിട്ടുള്ള നവീന ആശയങ്ങള്‍ സംസ്ഥാനത്ത് പ്രാവര്‍ത്തികമാക്കാവുന്നവയാണോയെന്ന് വിലയിരുത്തിയിട്ടുണ്ടോ; വിശദമാക്കാമോ;

ടൂറിസം മേഖലയില്‍ കൂടുതല്‍ വിദേശ നിക്ഷേപം നടത്തുന്നത് സംബന്ധിച്ച് തായ്‍വാന്‍ പ്രതിനിധികളുമായി ചര്‍ച്ച ചെയ്തിരുന്നോ; വ്യക്തമാക്കാമോ;

സംസ്ഥാനത്ത് ടൂറിസത്തിന്റെ ഏതെല്ലാം മേഖലകളിലാണ് തായ്‍വാനുമായി സഹകരിച്ച് പുതിയ പദ്ധതികള്‍ ആവിഷ്കരിക്കാൻ ഉദ്ദേശിക്കുന്നത്; വിശദമാക്കാമോ?

പൊതുമരാമത്ത് വകുപ്പിന്റെ കെട്ടിടങ്ങള്‍, പാലങ്ങള്‍ എന്നിവയുടെ നിര്‍മ്മാണ പ്രവര്‍ത്തനങ്ങള്‍ സംസ്ഥാനത്തിന്റെ പരമ്പരാഗത നിര്‍മ്മാണ സങ്കല്‍പ്പങ്ങള്‍ക്കപ്പുറം ആധുനിക സാങ്കേതികവിദ്യകള്‍ അടിസ്ഥാനമാക്കി സൗകര്യവും സൗന്ദര്യവും സംയോജിപ്പിച്ച് നടത്തുന്നതിന് നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

പൊതുമരാമത്ത് വകുപ്പിന്റെ വിവിധ അടിസ്ഥാന സൗകര്യ വികസന പദ്ധതികളുടെ ഡിസൈനിംഗ് ആധുനികീകരിക്കുന്നതിനായി രൂപംകൊടുത്ത ഡിസൈന്‍ വിംഗിന്റെ പ്രവര്‍ത്തനം കാര്യക്ഷമമാക്കുന്നതിന് നടപടികള്‍ സ്വീകരിക്കുമോ; വിശദമാക്കാമോ;

പൊതുമരാമത്ത് വകുപ്പിന്‍കീഴില്‍ ഗവേഷണസ്ഥാപനം പ്രവര്‍ത്തിക്കുന്നുണ്ടോ; എങ്കില്‍ ഇതിന്റെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശങ്ങള്‍ ലഭ്യമാക്കാമോ?

സര്‍ക്കാരിന്റെ നൂറുദിന കര്‍മ്മ പദ്ധതിയുടെ ഭാഗമായി പൊതുവിദ്യാഭ്യാസ മേഖലയില്‍ ആവിഷ്ക്കരിക്കുകയും നടപ്പിലാക്കുകയും ചെയ്ത പദ്ധതികളുടെ വിശദാംശങ്ങള്‍ അറിയിക്കുമോ;

പൊതുവിദ്യാലയങ്ങളുടെ പശ്ചാത്തല സൗകര്യ വികസനത്തിനായി വിഭാവനം ചെയ്യുന്ന തുടര്‍ പദ്ധതികളെ കുറിച്ച് വിശദമാക്കാമോ?

സംസ്ഥാനത്ത് തൊഴിലില്ലായ്മ അതിരൂക്ഷമായിരിക്കുകയാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഗൗരവത്തോടെ കാണുന്നുണ്ടോ;

കോവിഡിന്റെ പശ്ചാത്തലത്തിൽ തൊഴിൽ നഷ്ടപ്പെട്ടവരുടെ കണക്കുകൾ ലഭ്യമായിട്ടുണ്ടോ; ഇത് സംബന്ധിച്ച് സർക്കാർ പഠനം നടത്തിയിട്ടുണ്ടോ; ഉണ്ടെങ്കിൽ വിശദാംശം ലഭ്യമാക്കാമോ;

ആദിവാസി, തീരദേശ മേഖലകളിൽ തൊഴിലില്ലായ്മ രൂക്ഷമാണെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കാൻ സ്വീകരിച്ച നടപടികൾ വിശദമാക്കാമോ;

പ്രവാസികള്‍ വന്‍തോതില്‍ തിരിച്ചുവരുന്നതുമൂലമുണ്ടാകുന്ന പ്രതിസന്ധി ഉള്‍പ്പെടെ പരിഹരിക്കുന്നതിന് പ്രത്യേക പാക്കേജ് പ്രഖ്യാപിക്കുമോ; വിശദമാക്കുമോ?

സംസ്ഥാനത്ത് പുതിയതായി നിര്‍മ്മിച്ചതും പുതുക്കിപ്പണിതതുമായ സ്കൂള്‍ കെട്ടിടങ്ങളില്‍ കുട്ടികള്‍ക്കും അദ്ധ്യാപകര്‍ക്കും നൂതന മാതൃകയിലുള്ള ഫര്‍ണിച്ചര്‍ നല്‍കുന്നതിനായുള്ള പദ്ധതികള്‍ സര്‍ക്കാരിന്റെ പരിഗണനയിലുണ്ടോ;

എങ്കില്‍ പദ്ധതി നടപ്പിലാക്കുന്നത് സംബന്ധിച്ച വിശദാംശങ്ങള്‍ ലഭ്യമാക്കുമോ?

സംസ്ഥാനത്ത് വിദ്യാഭ്യാസ സ്ഥാപനങ്ങളില്‍ നേരിട്ടുള്ള വിദ്യാഭ്യാസം പുനഃസ്ഥാപിക്കുന്നതിനുള്ള ആസൂത്രണ പ്രവർത്തനങ്ങളെക്കുറിച്ച് വിശദമാക്കാമോ;

കുട്ടികളുടെ സുരക്ഷയ്ക്ക് പ്രാധാന്യം നൽകിക്കൊണ്ടാണോ സ്കൂള്‍ തുറക്കുന്നതിനുള്ള മാർഗ്ഗരേഖ തയ്യാറാക്കിയിരിക്കുന്നതെന്ന് വ്യക്തമാക്കാമോ; മാർഗ്ഗരേഖ പാലിക്കപ്പെടുന്നുവെന്ന് ഉറപ്പാക്കാനും എല്ലാ കുട്ടികളെയും സ്കൂളുകളിലേക്കെത്തിക്കാനും ഏർപ്പെടുത്തിയിട്ടുള്ള ക്രമീകരണങ്ങൾ അറിയിക്കാമോ?

സംസ്ഥാനത്ത് സ്വകാര്യ വ്യവസായ-വ്യാപാര സ്ഥാപനങ്ങള്‍ക്ക് തങ്ങള്‍ക്കിഷ്ടമുള്ളവരെ ചുമട്ടുതൊഴിലാളികളായി നിയമിക്കാമെന്ന ഹൈക്കോടതി വിധിയുടെ പ്രത്യാഘാതം കണക്കിലെടുത്ത് മേല്‍ നടപടിയുടെ സാധ്യത പരിശോധിക്കുമോ എന്ന് വ്യക്തമാക്കുമോ;

ഓരോ പ്രദേശത്തും രജിസ്റ്റര്‍ ചെയ്തിട്ടുള്ള അര്‍ഹരായ തൊഴിലാളികള്‍ക്ക് തൊഴിലുടമകള്‍ തൊഴില്‍ നിഷേധിക്കുന്നതിനെതിരെ നിയമ വ്യവസ്ഥ ഏര്‍പ്പെടുത്തുന്നതുള്‍പ്പെടെയുള്ള കാര്യങ്ങള്‍ പരിഗണിക്കുമോ എന്ന് അറിയിക്കുമോ;

നോക്കുകൂലി സംബന്ധമായ പരാതികള്‍ സമയബന്ധിതമായി പരിഹരിക്കാന്‍ ജില്ല ലേബര്‍ ഓഫീസര്‍മാരുടെ ഇടപെടല്‍ കാര്യക്ഷമമാക്കാന്‍ വേണ്ട നടപടിയുണ്ടാകുമോ; വ്യക്തമാക്കുമോ;

വ്യാവസായിക തര്‍ക്കങ്ങള്‍ പരിഹരിക്കാനുള്ള സംവിധാനം ഫലപ്രദമായി പ്രവര്‍ത്തിക്കുന്നുണ്ടോ എന്ന് വെളിപ്പെടുത്തുമോ?

സംസ്ഥാനത്ത് ടൂറിസം മേഖലയിലെ അടിസ്ഥാന സൗകര്യങ്ങള്‍ വികസിപ്പിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കാമോ;

എല്ലാ ടൂറിസം കേന്ദ്രങ്ങളിലും മികച്ച നിലവാരത്തില്‍ യാത്രി നിവാസുകളും ഗവണ്‍മെന്റ് ഗസ്റ്റ് ഹൗസുകളും നിര്‍മ്മിച്ച്‌ കുറഞ്ഞ നിരക്കില്‍ ടൂറിസ്റ്റുകള്‍ക്ക് നല്‍കുന്നതിന് നടപടികള്‍ സ്വീകരിക്കുമോ;

എല്ലാ ടൂറിസം കേന്ദ്രങ്ങളിലും മികച്ച ശുചിത്വ നിലവാരം ഉറപ്പു വരുത്താന്‍ നടപടികള്‍ സ്വീകരിക്കുമോ?

സംസ്ഥാനത്ത് സ്വകാര്യ വ്യക്തികള്‍ക്കും സ്ഥാപനങ്ങള്‍ക്കും പുരാവസ്തുക്കള്‍ കൈവശം വയ്ക്കുന്നതിനും വിപണനം നടത്തുന്നതിനും അവകാശമുണ്ടോ; എങ്കില്‍ ഇതിന്റെ ആധികാരികതയും അവകാശങ്ങളും പരിശോധിക്കുന്നതിനും ഉറപ്പാക്കുന്നതിനും സ്വീകരിച്ചു വരുന്ന നടപടികള്‍ വിശദീകരിക്കുമോ;

അമൂല്യമായ പുരാവസ്തുക്കളുടെ ശേഖരം സ്വകാര്യ വ്യക്തികളോ സ്ഥാപനങ്ങളോ കൈവശം വയ്ക്കുന്നത് ശ്രദ്ധയില്‍പ്പെട്ടാല്‍ വകുപ്പിന് ഏതെല്ലാം രീതിയില്‍ ഇടപെടല്‍ നടത്താന്‍ കഴിയുമെന്ന് വ്യക്തമാക്കാമോ;

2016 മുതല്‍ പുരാവസ്തു വകുപ്പ് ഇപ്രകാരം നടത്തിയ ഇടപെടലുകളുടെ വിശദവിവരം ലഭ്യമാക്കുമോ?

പ്രഥമ ഡിജിറ്റല്‍ സംസ്ഥാനം എന്ന നേട്ടം കൈവരിച്ച് സംസ്ഥാനത്തിന് നിതി ആയോഗിന്റെ സ്കൂള്‍ വിദ്യാഭ്യാസ ഗുണനിലവാര സൂചികയില്‍ മികവ് പുലര്‍ത്താനായിട്ടുണ്ടോ; വ്യക്തമാക്കുമോ;

സംസ്ഥാനത്തെ എല്ലാ സര്‍ക്കാര്‍, എയ്ഡഡ് വിദ്യാലയങ്ങളിലും വിവര സാങ്കേതികവിദ്യാധിഷ്ഠിത ഭൗതിക സൗകര്യങ്ങള്‍ ഏര്‍പ്പെടുത്തിയതിനോടൊപ്പം ഡിജിറ്റല്‍ പഠന വിഭവങ്ങള്‍ ഫലപ്രദമായി വിനിയോഗിക്കുന്നതിന് അദ്ധ്യാപകരെയും പഠിതാക്കളെയും പ്രാപ്തരാക്കുന്നതിന് നടത്തിയ പ്രവര്‍ത്തനങ്ങള്‍ വിശദമാക്കുമോ;

നൂറുദിന പരിപാടിയില്‍ അടിസ്ഥാന സൗകര്യ വികസനത്തില്‍ കൈവരിച്ച നേട്ടം അറിയിക്കാമോ; അടിസ്ഥാന സൗകര്യ വികസനത്തില്‍ കഴിഞ്ഞ സര്‍ക്കാരിന്റെ കാലത്ത് എത്ര തുക ചെലവഴിച്ചുവെന്നതിന്റെ കണക്ക് ലഭ്യമാണെങ്കില്‍ നല്‍കാമോ?

സംസ്ഥാനത്ത് പൊതുജനങ്ങള്‍ റവന്യൂ വകുപ്പ് മന്ത്രിയ്ക്ക് നല്‍കുന്ന പരാതികള്‍ സമയബന്ധിതമായി തീര്‍പ്പാക്കുന്നതിന് ജില്ല അടിസ്ഥാനത്തില്‍ പ്രത്യേക സംവിധാനം ഒരുക്കിയിട്ടുണ്ടോ; വിശദാംശങ്ങള്‍ ലഭ്യമാക്കാമോ;

റവന്യൂ വകുപ്പുമായി ബന്ധപ്പെട്ട ഓരോ ജില്ലയിലേയും വിഷയങ്ങള്‍ പരിഹരിക്കുന്നതിനായി രൂപം കൊടുത്ത ജില്ല റവന്യൂ അസംബ്ലിയുടെ പ്രവര്‍ത്തന രീതി വിശദമാക്കാമോ;

റവന്യൂ അസംബ്ലിയുടെ പരിഗണനയ്ക്കായി പൊതു ജനങ്ങള്‍ക്ക് നേരിട്ട് പരാതി നല്‍കുന്നതിന് വ്യവസ്ഥയുണ്ടോ; പ്രസ്തുത അസംബ്ലിയുടെ നടപടിക്രമങ്ങളും തീരുമാനങ്ങളും ജനങ്ങളെ അറിയിക്കുന്നതിന് സംവിധാനമുണ്ടോ; വിശദാംശങ്ങള്‍ നല്‍കാമോ?

സംസ്ഥാനത്ത് ഓരോ ജില്ലയുടെയും തനതായ പൈതൃകം കാത്തുസൂക്ഷിക്കുന്നതിനും വരുംതലമുറയ്ക്ക് കൈമാറുന്നതിലേയ്ക്കുമായി എന്തെല്ലാം നടപടികളാണ് സ്വീകരിച്ചിട്ടുള്ളത്; വ്യക്തമാക്കാമോ;

മ്യൂസിയങ്ങളെ കേവലം പ്രദര്‍ശനശാലകള്‍ എന്ന നിലയില്‍ നിന്നും തീമാറ്റിക് മ്യൂസിയങ്ങള്‍ എന്ന പുതിയ സങ്കല്പത്തിലേക്ക് പരിവര്‍ത്തനപ്പെടുത്താനുതകുന്ന തരത്തില്‍ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കാമോ?

ഹാരിസണ്‍ കമ്പനി ലിമിറ്റ‍ഡിന്റെ അധികൃതര്‍ 1923-ലെ അവരുടെ പ്രമാണരേഖ തിരുത്തിയെന്ന് ഫോറന്‍സിക് സയന്‍സ് ലാബ് കണ്ടെത്തി റിപ്പോര്‍ട്ട് ചെയ്തിരുന്നോ എന്ന് വ്യക്തമാക്കാമോ;

പ്രസ്തുത റിപ്പോര്‍ട്ടിന്മേല്‍ നടപടി എടുക്കാന്‍ ബന്ധപ്പെട്ട ഉദ്യോഗസ്ഥര്‍ കാലതാമസം വരുത്തിയെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനെ ഗൗരവമായി കാണുന്നുണ്ടോ;

ഇതുമായി ബന്ധപ്പെട്ട കേസ് വിജിലന്‍സ് കോടതിയില്‍ ഉണ്ടായിരുന്നോ എന്ന് അറിയിക്കുമോ;

എങ്കില്‍ വകുപ്പിന്റെ അറിവോ സമ്മതമോ ഇല്ലാതെ പ്രസ്തുത കേസ് അവസാനിപ്പിക്കാന്‍ ചില ഉദ്യോഗസ്ഥര്‍ നീക്കം നടത്തിയതായി പറയപ്പെടുന്ന വിഷയത്തില്‍ നടപടിക്ക് തയ്യാറാകുമോയെന്നറിയിയ്ക്കുമോ?