സംസ്ഥാന തീരത്ത് പെയര്‍ ട്രോളിംഗ് മൂലം മത്സ്യസമ്പത്ത് കുറയുന്നതായ റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ; എങ്കില്‍ വിശദമാക്കുമോ;

പെലാജിക് നെറ്റ് ഉപയോഗിച്ച് ചെറുമീനുകളുള്‍പ്പെടെ പിടിക്കുന്നതിന് കാരണമായ പെയര്‍ ട്രോളിംഗ് സംസ്ഥാന തീരത്തുള്ള മത്സ്യസമ്പത്തിന്റെ കുറവിന് കാരണമാകുന്നുണ്ടോ; എങ്കില്‍ ഇത് നിയന്ത്രിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കുമോ;

ഇതര സംസ്ഥാനങ്ങളില്‍ നിന്നും വിദേശ രാജ്യങ്ങളിൽ നിന്നുമുള്ള അത്യാധുനിക സംവിധാനങ്ങളുള്ള ട്രോളറുകള്‍ ഉപയോഗിച്ചുളള മത്സ്യബന്ധനം മത്സ്യങ്ങളുടെ ആവാസ വ്യവസ്ഥയെയും പ്രജനന കേന്ദ്രങ്ങളെയും നശിപ്പിക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത് നിയന്ത്രിക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വിശദമാക്കുമോ;

മത്സ്യസമ്പത്ത് വർദ്ധിപ്പിക്കുന്നതിന് സഹായകമായ രീതിയിൽ മത്സ്യ പ്രജനന കാലത്ത് കടലിൽ അനുയോജ്യമായ സാഹചര്യങ്ങൾ സൃഷ്ടിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കുമോ?

സംസ്ഥാനത്ത് നടപ്പിലാക്കിയ ഗോത്രസാരഥി പദ്ധതിയുടെ പ്രവർത്തനം അവലോകന വിധേയമാക്കിയിട്ടുണ്ടോ; ഈ പദ്ധതി പ്രകാരം ഗോത്രവർഗ്ഗ വിഭാഗത്തിലെ കുട്ടികൾക്ക് ലഭിക്കുന്ന സൗകര്യങ്ങൾ എന്തെല്ലാമാണെന്ന് വിശദമാക്കുമോ;

പ്രസ്തുത പദ്ധതി ഏതെല്ലാം വകുപ്പുകളുടെ സഹകരണത്തോടെയാണ് നടപ്പിലാക്കുന്നതെന്ന് വ്യക്തമാക്കുമോ;

ഈ അദ്ധ്യയന വര്‍ഷം സ്കൂൾ തുറക്കുമ്പോൾ പ്രസ്തുത പദ്ധതി പ്രകാരമുള്ള സഹായങ്ങൾ എല്ലാ പട്ടികവർഗ്ഗ വിദ്യാർത്ഥികൾക്കും ഉറപ്പുവരുത്തുമോയെന്ന് അറിയിക്കാമോ;

വന്യമൃഗങ്ങളുടെ ഭീഷണി കൂടുതലുള്ള ഉൾവനങ്ങളിൽ നിന്നും സ്കൂളിലെത്താൻ ബുദ്ധിമുട്ടുന്ന കുട്ടികൾക്ക് മുൻഗണന നൽകി ഹോസ്റ്റലുകളിൽ താമസിച്ച് പഠനം തുടരുന്നതിന് സൗകര്യമൊരുക്കുമോ; വിശദമാക്കുമോ;

ആറിനും പതിനാലിനും ഇടയിൽ പ്രായമുള്ള മുഴുവൻ പട്ടികവർഗ്ഗ വിദ്യാർത്ഥികളെയും ഈ അദ്ധ്യയന വര്‍ഷം സ്കൂളുകളിൽ എത്തിക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കുമോ?

സംസ്ഥാനത്ത് സര്‍ക്കാര്‍ അധീനതയിലുള്ള മത്സ്യ, ചെമ്മീന്‍ ഹാച്ചറികളുടെ വിത്തുല്പാദന ശേഷി അനുസരിച്ച് ഉല്പാദനം നടത്താന്‍ കഴിയുന്നുണ്ടോ; സ്ഥാപിത ശേഷി, നിലവിലെ ഉല്പാദനം എന്നിവ വ്യക്തമാക്കുമോ;

തദ്ദേശീയ മത്സ്യ ഇനങ്ങളുടെ കൃഷിയും വിത്തുല്പാദനവും പ്രോത്സാഹിപ്പിക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ;

വ്യാപകമായി കൃഷി ചെയ്യുന്ന ഗിഫ്റ്റ് തിലാപ്പിയ മത്സ്യത്തിന്റെ വിത്തുല്പാദനത്തിനായി എത്ര ഹാച്ചറികളാണ് കഴിഞ്ഞ സര്‍ക്കാരിന്റേയും ഈ സര്‍ക്കാരിന്റേയും കാലയളവുകളില്‍ സ്ഥാപിച്ചിട്ടുള്ളത്; അവയുടെ സ്ഥാപിത, ഉല്പാദന ശേഷി എത്രയെന്നും സംസ്ഥാനത്തിന്റെ ആവശ്യകത നിറവേറ്റുന്നതിന് ഇത് പര്യാപ്തമാണോയെന്നും വിശദമാക്കാമോ?

സംസ്ഥാനത്ത് മൈനര്‍, മേജര്‍ ഇറിഗേഷന്‍ പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കാമോ;

ആറ്റുതീര സംരക്ഷണത്തിന് പ്രത്യേക പ്രാധാന്യം നല്‍കുമോ; എങ്കില്‍ വിശദാംശം ലഭ്യമാക്കാമോ?

സംസ്ഥാനത്ത് വിദ്യാര്‍ത്ഥികളുടെയും യുവജനങ്ങളുടെയും ഇടയില്‍ മയക്കുമരുന്നിന്റേതുള്‍പ്പെടെയുള്ള സ്വാധീനം വര്‍ദ്ധിച്ചുവരുന്നത് കണക്കിലെടുത്ത് യുവജനക്ഷേമ വകുപ്പ് കൈക്കൊണ്ട നടപടികൾ വിശദമാക്കാമോ;

വകുപ്പ് നടപ്പാക്കുന്ന ലഹരിവിരുദ്ധ പ്രചരണം, ആരോഗ്യ ബോധവത്ക്കരണം, ട്രാഫിക് ബോധവത്ക്കരണം, സാമൂഹ്യ തിന്‍മകള്‍ക്കെതിരായ കൂട്ടായ്മ എന്നിവയ്ക്ക് എന്‍.ജി.ഒ.കളെ കാര്യക്ഷമമായി ഉപയോഗിക്കാന്‍ നടപടി സ്വീകരിക്കുമോ;

ലഹരിവിരുദ്ധ പ്രചരണം കൂടുതൽ കാര്യക്ഷമമാക്കാൻ ആര്‍ട്ട്സ് ആന്റ് സ്പോര്‍ട്ട്സ് ക്ലബ്ബുകളെയും മറ്റ് സാംസ്കാരിക കൂട്ടായ്മകളെയും പങ്കെടുപ്പിക്കുന്നതിന് നടപടി സ്വീകരിക്കുമോ;

യുവജനങ്ങൾക്കിടയിൽ പ്രണയ കൊലപാതകങ്ങള്‍ കൂടിവരുന്ന സാഹചര്യത്തിൽ ഇത് തടയാൻ യുവജനക്ഷേമ വകുപ്പ് സ്വീകരിച്ച നടപടികൾ വിശദമാക്കാമോ?

സംസ്ഥാനത്ത് തദ്ദേശീയ മത്സ്യോല്പാദന വര്‍ദ്ധനവിന് പ്രോത്സാഹനം നല്‍കുന്നതിന് പുതുതായി എന്തൊക്കെ പദ്ധതികളാണ് ഏര്‍പ്പെടുത്താന്‍ ഉദ്ദേശിക്കുന്നത്‌; വ്യക്തമാക്കുമോ;

പൊതുകുളങ്ങള്‍, ജലാശയങ്ങള്‍ എന്നിവിടങ്ങളില്‍ തദ്ദേശ സ്ഥാപനങ്ങളുടെ സഹകരണത്തോടെ മത്സ്യോല്പാദനം വ്യാപിപ്പിക്കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

സ്വകാര്യ ഭൂമിയില്‍ മത്സ്യകൃഷി നടത്തുന്നവര്‍ക്ക് പരിശീലനത്തിനും മറ്റ് സഹായങ്ങള്‍ക്കുമായി മത്സ്യഫെഡിനോ ഫിഷറീസ് വകുപ്പിനോ ഏതെങ്കിലും പദ്ധതികള്‍ നിലവിലുണ്ടോ; വിശദാംശം ലഭ്യമാക്കാമോ;

ആദായകരമായി മത്സ്യകൃഷി നടത്തുന്നതിനാവശ്യമായ പരിശീലനവും മറ്റ് സഹായങ്ങളും ലഭ്യമാക്കി കൂടുതല്‍ ആളുകളെ പ്രസ്തുത മേഖലയിലേക്ക് ആകര്‍ഷിക്കുന്നതിന് കര്‍മ്മപദ്ധതി ആവിഷ്‌കരിക്കുമോ; വ്യക്തമാക്കാമോ?

സംസ്ഥാനത്ത് വനം വകുപ്പിന്റെ അധീനതയിലുള്ള ഏതെല്ലാം പ്രദേശങ്ങളിലാണ് വിനോദ സഞ്ചാര കേന്ദ്രങ്ങള്‍ പ്രവര്‍ത്തിക്കുന്നതെന്നും ആയത് വനം വകുപ്പിന്റെ മാത്രം നിയന്ത്രണത്തിലുള്ളതാണോ എന്നും വ്യക്തമാക്കുമോ;

മനോഹരവും പരിസ്ഥിതി സൗഹൃദവുമായ ഇക്കോ-ടൂറിസം കേന്ദ്രങ്ങളുടെ വികസനത്തിനായി വനം വകുപ്പ് എന്തെല്ലാം നടപടികളാണ് സ്വീകരിച്ച് വരുന്നതെന്ന് അറിയിക്കാമോ;

വനം വകുപ്പിന്റെ ഉടമസ്ഥതയിലുള്ളതും വിനോദസഞ്ചാര സാധ്യതകള്‍ ഉള്ളതുമായ സ്ഥലത്ത് പ്രസ്തുത പദ്ധതി ആരംഭിക്കുന്നതിന് ടൂറിസം വകുപ്പിനോ ജില്ലാ ടൂറിസം പ്രമോഷന്‍ കൗണ്‍സിലിനോ സര്‍ക്കാര്‍ അംഗീകൃത ഏജന്‍സികള്‍ക്കോ അനുമതി നല്‍കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് വിശദമാക്കാമോ?

സംസ്ഥാനത്ത് പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികള്‍ക്കിടയിലെ തോല്‍വിയും കൊഴിഞ്ഞുപോക്കും തടയുന്നതിന്റെ ഭാഗമായി പ്രത്യേക പദ്ധതികള്‍ ആവിഷ്ക്കരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

പ്രസ്തുത വിദ്യാര്‍ത്ഥികള്‍ക്ക് വേണ്ടിയുള്ള പ്രീമെട്രിക്, പോസ്റ്റ് മെട്രിക് ഹോസ്റ്റലുകള്‍ ആധുനികീകരിക്കുന്നതിനായി നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ?

സംസ്ഥാന സിവില്‍ സര്‍വ്വീസിലും അഖിലേന്ത്യാ സര്‍വ്വീസുകളിലും പട്ടികജാതി, പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്ക് മതിയായ പ്രാതിനിധ്യം ലഭിക്കുന്നുണ്ടോയെന്ന് പരിശോധിച്ചിട്ടുണ്ടോ; വിശദാശം നല്‍കുമോ;

അഖിലേന്ത്യാ സിവിൽ സർവീസ് പരീക്ഷകൾക്കും സമാന പരീക്ഷകൾക്കും തയ്യാറെടുക്കുന്ന പ്രസ്തുത വിഭാഗങ്ങളിൽപ്പെട്ടവര്‍ക്ക് പ്രത്യേക പരിശീലനം നല്‍കുന്നതിന് പദ്ധതികള്‍ ആവിഷ്കരിക്കുമോ?

സംസ്ഥാനത്ത് ജലജീവന്‍ മിഷന്‍ വഴി കുടിവെള്ള കണക്ഷന്‍ നല്‍കുന്നതിനുള്ള നടപടിക്രമങ്ങള്‍ ലളിതമാക്കിയിട്ടുണ്ടോ; വിശദമാക്കാമോ;

പ്രസ്തുത പദ്ധതി വഴി എത്ര ലക്ഷം പേര്‍ക്ക് കണക്ഷന്‍ നല്‍കാനാണ് ഉദ്ദേശിക്കുന്നത്; വിശദമാക്കുമോ?

സംസ്ഥാനത്ത് കഴിഞ്ഞ സര്‍ക്കാരിന്റെ കാലത്ത് ആരംഭിച്ച മത്സ്യത്തൊഴിലാളി കടാശ്വാസ പദ്ധതിയുടെ ഇതുവരെയുളള നടത്തിപ്പ് ഈ സര്‍ക്കാര്‍ പരിശോധിച്ചിട്ടുണ്ടോ; വിശദമാക്കുമോ;

ഏതെല്ലാം വര്‍ഷങ്ങളില്‍ എടുത്തിട്ടുളള വായ്പകള്‍ക്കാണ് കമ്മീഷന്‍ മുഖേന കടാശ്വാസം അനുവദിച്ച് തീർപ്പാക്കിയതെന്ന് അറിയിക്കാമോ;

നിരന്തരമായ കടല്‍ക്ഷോഭവും കനത്ത മഴയും മൂലം ദുരിതമനുഭവിക്കുന്ന മത്സ്യത്തൊഴിലാളികള്‍ക്ക് ആശ്വാസം പകരുന്ന കടാശ്വാസ കമ്മീഷന്റെ പ്രവര്‍ത്തന കാലാവധി ദീര്‍ഘിപ്പിച്ചുകൊടുക്കാന്‍ സര്‍ക്കാര്‍ തീരുമാനിച്ചിട്ടുണ്ടോ;

മത്സ്യത്തൊഴിലാളികള്‍ നിലവില്‍ എടുത്തിട്ടുള്ള വായ്പ തിരിച്ചടവ് കാലാവധി ദീര്‍ഘിപ്പിച്ച് നല്‍കുന്നതിന് ബന്ധപ്പെട്ട ധനകാര്യ സ്ഥാപനങ്ങള്‍ക്ക് നിര്‍ദ്ദേശം നല്‍കുമോ?

സംസ്ഥാനത്ത് പട്ടികജാതി വിഭാഗത്തില്‍പ്പെട്ടവര്‍ക്ക് പാര്‍പ്പിടം നല്‍കുന്നതിനായി കഴിഞ്ഞ സര്‍ക്കാര്‍ ആരംഭിച്ച പദ്ധതി തുടരുന്നുണ്ടോ എന്ന് വ്യക്തമാക്കാമോ;

പൂര്‍ത്തിയാകാതെ കിടന്നിരുന്ന വീടുകളുടെ പണി പൂര്‍ത്തീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

അട്ടപ്പാടിയിലെ ആദിവാസി ഫാമിന്റെ ഭൂമി മറ്റേതെങ്കിലും പദ്ധതിക്കായി കൈമാറാന്‍ തീരുമാനിച്ചിട്ടുണ്ടോ എന്ന് അറിയിക്കാമോ;

പ്രസ്തുത ഫാമിലെ രണ്ടായിരത്തി എഴുന്നൂറ്റി മുപ്പത് ഏക്കര്‍ ഭൂമി ടൂറിസം പദ്ധതിക്കായി സ്വകാര്യ വ്യക്തികള്‍ക്കോ സ്ഥാപനങ്ങള്‍ക്കോ നല്‍കുകയോ നല്‍കുന്നതിന് തീരുമാനിക്കുകയോ ചെയ്തിട്ടുണ്ടോ; വിശദവിവരം നല്‍കാമോ;

പ്രസ്തുത പദ്ധതിക്കായി ധാരണാപത്രം ഒപ്പിട്ടത് സര്‍ക്കാര്‍ നിര്‍ദ്ദേശ പ്രകാരമാണോ; വിശദവിവരം നല്‍കാമോ;

ഇക്കാര്യത്തില്‍ അന്വേഷണം നടത്തിയിട്ടുണ്ടോ; എങ്കില്‍ ഇതുസംബന്ധിച്ച് എന്ത് നടപടി സ്വീകരിച്ചുവെന്ന് അറിയിക്കാമോ?

സംസ്ഥാനത്ത് സമുദ്ര മത്സ്യോല്പാദനം കുറയുന്നതിനുള്ള കാരണങ്ങള്‍ സംബന്ധിച്ച് എന്തെങ്കിലും പഠനങ്ങള്‍ നടത്തിയിട്ടുണ്ടോ; ഉണ്ടെങ്കില്‍ പ്രധാന കാരണങ്ങള്‍ വ്യക്തമാക്കാമോ;

മത്സ്യ സമ്പത്തിന്റെ സംരക്ഷണത്തിനും സുസ്ഥിര ഉപഭോഗത്തിനും എന്തെല്ലാം മാര്‍ഗ്ഗങ്ങളാണ് സ്വീകരിച്ചിട്ടുള്ളത്; വ്യക്തമാക്കാമോ;

സമുദ്ര മത്സ്യകൃഷിയുടെ സാധ്യത പ്രയോജനപ്പെടുത്തുവാന്‍ സംസ്ഥാനത്തിന് കഴിഞ്ഞിട്ടുണ്ടോ; ഉണ്ടെങ്കില്‍ എന്തൊക്കെ നടപടികളാണ് ഇക്കാര്യത്തില്‍ സ്വീകരിച്ചിട്ടുള്ളതെന്ന് വിശദമാക്കാമോ?

കേന്ദ്ര സർക്കാർ 1980-ലെ വന നിയമത്തിൽ കൊണ്ടുവരാനുദ്ദേശിക്കുന്ന ഭേദഗതിയിന്മേൽ സംസ്ഥാന സർക്കാരിന്റെ അഭിപ്രായം ആരാഞ്ഞിട്ടുണ്ടോ;

സംരക്ഷിത പ്രദേശങ്ങളിൽ ഖനനം, റോഡ് നിർമ്മാണം, ടൂറിസം, തോട്ടവിള കൃഷി എന്നിവ അനുവദിക്കുന്ന പ്രസ്തുത നിയമ ഭേദഗതി സംസ്ഥാനത്തെ പ്രതികൂലമായി ബാധിക്കുമെന്ന് കരുതുന്നുണ്ടോ;

പ്രസ്തുത ഭേദഗതിയിന്മേൽ സംസ്ഥാന സർക്കാർ അഭിപ്രായം അറിയിച്ചിട്ടുണ്ടോ; എങ്കിൽ വിശദ വിവരം നൽകാമോ?

സംസ്ഥാനത്ത് കേരള മറൈന്‍ ഫിഷിംഗ് റെഗുലേഷന്‍ ആക്ട് പ്രകാരം നിരോധിച്ച വലകള്‍ ഉപയോഗിച്ചുള്ള മത്സ്യബന്ധനം വ്യാപകമാകുന്നതായി ശ്രദ്ധയില്‍പ്പെട്ടിട്ടുണ്ടോ;

ഇത്തരത്തിലുള്ള മത്സ്യബന്ധനം മൂലം മത്സ്യങ്ങള്‍ക്ക് വംശനാശം സംഭവിക്കുന്നതായി വിലയിരുത്തിയിട്ടുണ്ടോ;

പരമ്പരാഗത മത്സ്യത്തൊഴിലാളികളെ ദോഷകരമായി ബാധിക്കുന്ന ഇത്തരം പ്രവൃത്തികള്‍ക്കെതിരെ സ്വീകരിക്കാനുദ്ദേശിക്കുന്ന നടപടികള്‍ വിശദമാക്കുമോ?

സംസ്ഥാനത്ത് പിന്നാക്ക വിഭാഗത്തിന്റെ സമഗ്ര വികസനം ലക്ഷ്യമാക്കി പ്രവര്‍ത്തിക്കുന്ന കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്റെ പ്രവര്‍ത്തനം പ്രസ്തുത ലക്ഷ്യം കൈവരിക്കുന്നതിന് പനിലവില്‍ര്യാപ്തമാണെന്ന് കരുതുന്നുണ്ടോ;

പ്രസ്തുത കോര്‍പ്പറേഷന്‍ കാലാനുസൃതമായി പുന:സംഘടിപ്പിക്കുന്നതിനും നവീകരിക്കുന്നതിനും നടപടി സ്വീകരിക്കുമോ;

പ്രസ്തുത കോര്‍പ്പറേഷന്‍ മുഖേന നല്‍കി വരുന്ന വായ്പകളുടെ മാനദണ്ഡവും വിശദാംശവും ലഭ്യമാക്കുമോ;

കോവിഡ് പ്രതിസന്ധിയുടെ പശ്ചാത്തലത്തില്‍ വായ്പ കുടിശ്ശിക വരുത്തിയിട്ടുള്ളവര്‍ക്ക് എന്തെങ്കിലും ഇളവുകള്‍ നല്‍കുന്നതിനെക്കുറിച്ച് ആലോചനയുണ്ടോ; വ്യക്തമാക്കാമോ?

സിനിമ വ്യവസായത്തെ സംരക്ഷിക്കുന്നതിന് ഈ സര്‍ക്കാര്‍ സ്വീകരിച്ചുവരുന്ന നടപടികള്‍ എന്തെല്ലാമെന്ന് വ്യക്തമാക്കാമോ;

സിനിമ വ്യവസായത്തിലേക്ക് പുതു തലമുറയെ ആകര്‍ഷിക്കാന്‍ എന്തെല്ലാം പുതിയ നടപടികള്‍ സ്വീകരിക്കുമെന്ന് വ്യക്തമാക്കാമോ;

സിനിമ ഷൂട്ടിങ്ങിനും അനുബന്ധ ജോലികള്‍ക്കും ആധുനിക സ്റ്റുഡിയോകള്‍ ആരംഭിക്കാന്‍ നടപടി സ്വീകരിക്കുമോ?

1980-ലെ വന നിയമത്തിൽ കേന്ദ്ര സർക്കാർ കൊണ്ടുവരാനുദ്ദേശിക്കുന്ന ഭേദഗതി സംസ്ഥാനത്തെ വന വിസ്തീർണ്ണം ഗണ്യമായി കുറയ്ക്കുവാൻ ഇടയാക്കുമെന്ന് കരുതുന്നുണ്ടോ;

വന വിസ്തൃതി കുറയുന്ന പക്ഷം മനുഷ്യ-വന്യമൃഗ സംഘർഷം കൂടുതൽ രൂക്ഷമാകും എന്നത് പരിശോധിച്ചിട്ടുണ്ടോ;

പ്രസ്തുത വിഷയങ്ങൾ ചൂണ്ടിക്കാട്ടി കേന്ദ്ര സർക്കാരിനെ ആശങ്ക അറിയിച്ചിട്ടുണ്ടോ; എങ്കിൽ വിശദ വിവരം നൽകാമോ;

പ്രസ്തുത നിയമ ഭേദഗതി വന്യജീവി സംരക്ഷണ നിയമത്തെ പ്രതികൂലമായി ബാധിക്കുമെന്ന് കരുതുന്നുണ്ടോ; വിശദമാക്കാമോ?

സംസ്ഥാനത്ത് പട്ടികവര്‍ഗ്ഗത്തില്‍പ്പെട്ടവരുടെ സാംസ്കാരികവും കലാപരവുമായ കഴിവുകള്‍ പ്രോത്സാഹിപ്പിക്കുന്നതിനും തനിമയോടെ നിലനിര്‍ത്തുന്നതിനും വേണ്ടി നടപ്പിലാക്കുന്ന പദ്ധതികള്‍ വിശദമാക്കാമോ;

ആദിവാസി വിഭാഗങ്ങളുടെ പച്ചമരുന്നുകളെക്കുറിച്ചും ഒറ്റമൂലികളെക്കുറിച്ചുമുള്ള അറിവ് പൊതുജനങ്ങളിലെത്തിക്കുവാനും അവ ശാസ്ത്രീയമായി തെളിയിക്കുവാനും നടത്തുന്ന ശ്രമങ്ങള്‍ വ്യക്തമാക്കാമോ;

ഇത് സംബന്ധിച്ച് സ്വീകരിച്ച നടപടികൾ വിശദമാക്കാമോ?

സംസ്ഥാനത്തെ വന സംരക്ഷണ പ്രവർത്തനങ്ങൾക്ക് ഇംഗ്ലണ്ടിലെ ലീഡ്സ് യൂണിവേഴ്സിറ്റിയുമായി സംസ്ഥാന വനഗവേഷണ കേന്ദ്രം ധാരണാപത്രം ഒപ്പുവച്ചിട്ടുണ്ടോ; വിശദമാക്കുമോ;

വന സംരക്ഷണത്തിന് ആധുനിക സാങ്കേതിക വിദ്യകൾ സ്വായത്തമാക്കുന്നതിന് ഈ ധാരണാപത്രം പ്രയോജനപ്പെടുമോ എന്ന് വ്യക്തമാക്കുമോ;

വന സംരക്ഷണത്തിന് തദ്ദേശീയമായ സാങ്കേതിക വിദ്യകളും ആധുനിക സാങ്കേതികവിദ്യകളും ഒരേസമയം പ്രയോജനപ്പെടുത്തി വനശോഷണം തടയുന്നതിന് നടപടി സ്വീകരിക്കുമോ; വിശദമാക്കുമോ;

പുത്തൻ സാങ്കേതിക വിദ്യകൾ വന സംരക്ഷണത്തിന് പ്രയോജനപ്പെടുത്തുന്നതിന്റെ ഭാഗമായി വനം വകുപ്പ് ഉദ്യോഗസ്ഥന്മാർക്ക് പരിശീലനം നൽകുന്നതിന് നടപടി സ്വീകരിക്കുമോ എന്ന് അറിയിക്കുമോ?

സംസ്ഥാനത്ത് ഭൂജല നിരപ്പ് നിലനിര്‍ത്തുന്നതിനും ജലസേചന സൗകര്യങ്ങള്‍ വര്‍ദ്ധിപ്പിക്കുന്നതിനുമായി കഴിഞ്ഞ സര്‍ക്കാരിന്റെ കാലത്ത് നടപ്പാക്കിയ കുളങ്ങളും കനാലുകളും കാവുകളും സംരക്ഷിക്കുകയും പുനരുദ്ധരിക്കുകയും ചെയ്യുന്ന പദ്ധതിയുടെ വിശദാംശങ്ങള്‍ ലഭ്യമാക്കുമോ;

പൊതു ജലസ്രോതസ്സുകള്‍ക്കും കുളങ്ങള്‍ക്കും പുറമെ സ്വകാര്യ സ്ഥാപനങ്ങളിലെയും സ്വകാര്യ വ്യക്തികളുടെയും കൈവശമുള്ളവയും പരിപാലിക്കുന്നതിന് കഴിഞ്ഞിട്ടുണ്ടോ;

കുളങ്ങളും തോടുകളും പരിപാലിക്കാതെ നാമാവശേഷമാകുന്നത് തടയുന്നതില്‍ പ്രസ്തുത പദ്ധതി എത്ര മാത്രം ഗുണം ചെയ്തിട്ടുണ്ടെന്ന് വ്യക്തമാക്കാമോ?

സംസ്ഥാനത്ത് ജലസേചന വകുപ്പിന്റെ കീഴിലുള്ള ഡാമുകള്‍, പുഴകളുടെ പുറമ്പോക്കുകള്‍ എന്നിവ കേന്ദ്രീകരിച്ച് ഇറിഗേഷന്‍ ടൂറിസം പദ്ധതി ആരംഭിക്കുന്നതിന് നടപടി സ്വീകരിക്കുമോ;

അത്തരം ടൂറിസം പദ്ധതികളുടെ മേല്‍നോട്ട ചുമതല ആരിലാണ് നിക്ഷിപ്തമാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ; പ്രസ്തുത പദ്ധതി ഏതെങ്കിലും സ്ഥലങ്ങളില്‍ ആരംഭിച്ചിട്ടുണ്ടോ എന്ന് അറിയിക്കാമോ;

പ്രസ്തുത ടൂറിസം പദ്ധതികളുടെ വരുമാനം സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; ഇല്ലെങ്കില്‍ പഠനം നടത്താന്‍ ഉദ്ദേശിക്കുന്നുണ്ടോ എന്ന് വ്യക്തമാക്കാമോ;

പ്രസ്തുത ടൂറിസം പദ്ധതിയുടെ അനന്ത സാധ്യത സംസ്ഥാനത്തിന് വരുമാനദായകമായി മാറുന്ന വിധത്തില്‍ വിഭാവനം ചെയ്യുന്നതിനായി പ്രത്യേക സമിതി രൂപീകരിക്കാന്‍ നടപടി സ്വീകരിക്കുമോ?

സംസ്ഥാനത്ത് കുടിവെള്ള കണക്ഷനുളള അപേക്ഷകൾ സാങ്കേതികവിദ്യാധിഷ്ഠിതമായി സമർപ്പിക്കുന്നതിന് വാട്ടർ അതോറിറ്റി നടപ്പിലാക്കിവരുന്ന പദ്ധതികൾ വിശദീകരിക്കുമോ;

ഓഫീസ് നടപടിക്രമങ്ങളിലെ കാലതാമസം ഒഴിവാക്കി കുടിവെള്ള കണക്ഷൻ വേഗത്തില്‍ ലഭ്യമാക്കുന്നതിന് നടപ്പിലാക്കിയിട്ടുള്ള പദ്ധതികള്‍ എന്തെല്ലാമാണെന്ന് വിശദീകരിക്കുമോ;

സെല്‍ഫ് റീഡിങ് സോഫ്റ്റ് വെയറും ഓണ്‍ലൈന്‍ പേയ് മെന്റ് സംവിധാനവും നടപ്പിലാക്കാന്‍ ഉദ്ദേശിക്കുന്നുണ്ടോ; വിശദീകരിക്കുമോ;

ഈ പദ്ധതി പ്രകാരമുളള സൗകര്യങ്ങൾ സംസ്ഥാനത്തൊട്ടാകെ നടപ്പിലാക്കിയിട്ടുണ്ടോയെന്ന് വിശദമാക്കുമോ?

സംസ്ഥാനത്തെ ഭൂരഹിതരായ പട്ടിക വിഭാഗങ്ങള്‍ക്ക് ഭൂമി വിതരണം ചെയ്യുന്നതിനായി കഴിഞ്ഞ സര്‍ക്കാരും ഈ സര്‍ക്കാരും നടത്തിയിട്ടുള്ള പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; ഈ ഇടപെടലുകള്‍ എത്രത്തോളം ഫലപ്രാപ്തിയിലെത്തിക്കാന്‍ കഴിഞ്ഞുവെന്ന് വിശദമാക്കാമോ;

പട്ടിക ഗോത്രവിഭാഗങ്ങളുടെ സാമൂഹിക ഉന്നമനത്തിനായി 2016 മുതല്‍ ട്രൈബല്‍ റീസെറ്റില്‍മെന്റ് ആന്റ് ഡവലപ്മെന്റ് മിഷന്‍ നടത്തിയിട്ടുള്ള പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കാമോ;

പട്ടികജാതി വിഭാഗങ്ങളുടെ സാമൂഹ്യ സുരക്ഷ പദ്ധതികളെ ഏകോപിപ്പിക്കുന്നതിനായി റ്റി.ആര്‍.ഡി.എം. മാതൃകയില്‍ ഒരു മിഷന്‍ വിഭാവനം ചെയ്യുന്നതിന്റെ സാദ്ധ്യതകള്‍ പരിശോധിച്ചിട്ടുണ്ടോ; വ്യക്തമാക്കാമോ?

സംസ്ഥാനത്ത് യുവജന ക്ഷേമത്തിനായി നടപ്പിലാക്കിവരുന്ന പദ്ധതികളിലൂടെ കൈവരിക്കാന്‍ കഴിഞ്ഞ നേട്ടങ്ങള്‍ എന്തെല്ലാമെന്ന് വിശദമാക്കാമോ;

സംസ്ഥാന യുവജന നയത്തില്‍ വിഭാവനം ചെയ്ത പ്രകാരമുള്ള ഉദ്ദേശ്യ ലക്ഷ്യങ്ങള്‍ പ്രസ്തുത പദ്ധതികളിലൂടെ കൈവരിക്കാന്‍ കഴിഞ്ഞിട്ടുണ്ടോ;

യുവജന ക്ഷേമ പദ്ധതികള്‍ കാര്യക്ഷമമായി നടപ്പിലാക്കുന്നതിനും അതിന്റെ പ്രയോജനം ഗുണഭോക്താക്കളില്‍ എത്തിക്കുന്നതിനും അടിയന്തര നടപടികള്‍ കൈക്കൊള്ളുമോ;

യുവജനങ്ങളുടെ മാനസികാരോഗ്യം ഉറപ്പുവരുത്താൻ വകുപ്പ് സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ?

സംസ്ഥാനത്ത് ദേവസ്വം ബോർഡുകള്‍ കടുത്ത സാമ്പത്തിക പ്രതിസന്ധി നേരിടുന്നതായ വാർത്തകൾ ശ്രദ്ധയിൽപ്പെട്ടിട്ടുണ്ടോ; പ്രസ്തുത പ്രതിസന്ധി മറികടക്കുന്നതിന് സർക്കാർ നല്‍കിയിട്ടുള്ള സഹായങ്ങൾ എന്തെല്ലാമെന്ന് വിശദീകരിക്കുമോ;

ക്ഷേത്രങ്ങളിലെ വരുമാനത്തിലുണ്ടായ കുറവുമൂലം ദേവസ്വം ബോർഡുകള്‍ പ്രതിസന്ധിയിലായ സാഹചര്യത്തിൽ പ്രധാന ക്ഷേത്രങ്ങളിൽ കോവിഡ് മാനദണ്ഡങ്ങൾ പാലിച്ച് ഉത്സവങ്ങളും വിശേഷാൽ പൂജകളും ആരംഭിക്കുന്നതിന് അനുമതി നൽകുന്നതിന് നടപടി സ്വീകരിക്കുമോ; വിശദമാക്കുമോ;

ദേവസ്വം ബോർഡ് ക്ഷേത്രങ്ങളിൽ വിശ്വാസികളായ പ്രവാസികൾക്ക് ഓൺലൈനായി വഴിപാടുകളും പൂജകളും ബുക്ക് ചെയ്ത് നടത്തുന്നതിനുള്ള സൗകര്യം ഏർപ്പെടുത്തുമോ; വിശദീകരിക്കുമോ;

മണ്ഡല, മകരവിളക്ക് ഉത്സവങ്ങൾ ആരംഭിക്കുന്നതിന് ദിവസങ്ങൾ മാത്രം ബാക്കി നില്‍ക്കെ ശബരിമല തീർത്ഥാടനത്തിന്റെ മുന്നൊരുക്കങ്ങൾക്കായി നടപ്പിലാക്കുന്ന പദ്ധതികൾ വിശദമാക്കുമോ?

ശബരിമല തീര്‍ത്ഥാടനത്തോടനുബന്ധിച്ച് ആധുനിക സൗകര്യങ്ങളുള്ള ഇടത്താവളങ്ങളുടെ നിര്‍മ്മാണം ആരംഭിച്ചിട്ടുണ്ടോ; ഇല്ലെങ്കില്‍ എന്നത്തേക്ക് ആരംഭിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ;

ഇതിനായി ടെന്‍ഡര്‍ നടപടികള്‍ പൂര്‍ത്തിയായിട്ടുണ്ടോ; ഉണ്ടെങ്കില്‍ നിര്‍മ്മാണ ചുമതല ആര്‍ക്കാണെന്ന് വ്യക്തമാക്കുമോ;

ആദ്യഘട്ടത്തില്‍ എത്ര ഇടത്താവളങ്ങളുടെ നിര്‍മ്മാണമാണ് പൂര്‍ത്തിയാക്കാന്‍ ഉദ്ദേശിക്കുന്നത്; അവ ഏതൊക്കെയെന്ന് വ്യക്തമാക്കുമോ;

ആധുനിക ഇടത്താവള സമുച്ചയങ്ങളില്‍ എന്തൊക്കെ സൗകര്യങ്ങളാണ് ഏര്‍പ്പെടുത്തുവാന്‍ ഉദ്ദേശിക്കുന്നതെന്ന് വിശദമാക്കാമോ?

സംസ്ഥാനത്ത് കുടിവെള്ളത്തിന്റെ ദുരുപയോഗം തടയുന്നതിനും ഉപഭോക്താക്കള്‍ക്ക് യഥാസമയം ബില്ല് നല്‍കി പണം സ്വീകരിക്കുന്നതിനും വാട്ടര്‍ അതോറിറ്റി നടപ്പിലാക്കിയിട്ടുള്ള സംവിധാനങ്ങള്‍ വ്യക്തമാക്കാമോ;

നിര്‍മ്മാണത്തിലിരിക്കുന്ന വന്‍കിട, ചെറുകിട ശുദ്ധജല വിതരണ പദ്ധതികള്‍ ഏതെല്ലാമാണ്; ഇവയുടെ നിര്‍മ്മാണ പുരോഗതി ത്വരിതപ്പെടുത്തുന്നതിനായി സ്വീകരിക്കാന്‍ ഉദ്ദേശിക്കുന്ന നടപടികള്‍ വിശദമാക്കാമോ?

മത്സ്യത്തൊഴിലാളികള്‍ക്ക് അവര്‍ പിടിക്കുന്ന മത്സ്യത്തിന് ന്യായവില ലഭ്യമാക്കുന്നതിന് എന്തെല്ലാം നടപടികളാണ് സര്‍ക്കാര്‍ സ്വീകരിച്ചിട്ടുള്ളതെന്ന് വ്യക്തമാക്കാമോ;

മല്‍സ്യഫെഡ് വഴി മത്സ്യം ന്യായവിലക്ക് ശേഖരിക്കുന്നതിന് മല്‍സ്യബന്ധന ഹാര്‍ബറുകളില്‍ സ്ഥിരമായ സംവിധാനം ഒരുക്കുമോ;

മത്സ്യത്തിന്റെ കൃത്രിമമായ വിലയിടിവ് തടയുന്നതിന് അടിസ്ഥാന വില നിശ്ചയിച്ച് മത്സ്യത്തൊഴിലാളികളെ അമിത ചൂഷണത്തില്‍നിന്നും മോചിപ്പിക്കുന്നതിന് നടപടികള്‍ സ്വീകരിക്കുമോ?