മൃഗസംരക്ഷണവും ക്ഷീര വികസനവും മേഖലയില്‍ നൂതന പദ്ധതികള്‍ ആവിഷ്കരിച്ച് നടപ്പിലാക്കാന്‍ കര്‍മ്മ പരിപാടി രൂപപ്പെടുത്തിയിട്ടുണ്ടോ; വിശദമാക്കാമോ;

പ്രസ്തുത മേഖലയിലെ സംരഭകത്വം, അടിസ്ഥാന സൗകര്യ വികസനം, മൂല്യവര്‍ദ്ധിത ഉല്‍പ്പന്നങ്ങളുടെ വിപണനം എന്നിവയില്‍ നടത്തിയിട്ടുള്ള ഇടപെടലുകള്‍ വ്യക്തമാക്കാമോ?

മാതൃക മൃഗസംരക്ഷണ ഗ്രാമം പദ്ധതിയുടെ ഉദ്ദേശ്യലക്ഷ്യങ്ങള്‍ വ്യക്തമാക്കുമോ;

പ്രസ്തുത പദ്ധതി എവിടെയെല്ലാമാണ് നടപ്പിലാക്കിയിട്ടുള്ളതെന്ന് അറിയിക്കാമോ, വിശദാംശം നല്‍കുമോ;

പ്രസ്തുത പദ്ധതിയില്‍ ഉള്‍പ്പെടുന്നതിനുള്ള നടപടിക്രമങ്ങളും മാനദണ്ഡങ്ങളും വ്യക്തമാക്കാമോ?

കോഴിത്തീറ്റയുടെയും കാലിത്തീറ്റയുടെയും അനിയന്ത്രിതമായ വിലവര്‍ദ്ധനവ് കാരണം കോഴി കര്‍ഷകരും ക്ഷീര കര്‍ഷകരും ഈ മേഖലയില്‍ നിന്നും പിന്‍വാങ്ങാന്‍ സാധ്യതയുണ്ടാക്കുമെന്നത് പരിഗണിച്ച് സര്‍ക്കാര്‍ അടിയന്തര ഇടപെടല്‍ നടത്തുമോ?

കോവിഡ് കാലം തൊഴില്‍ മേഖലകളില്‍ സൃഷ്ടിച്ച പ്രതിസന്ധികളെ നേരിടാന്‍ മൃഗസംരക്ഷണ, ക്ഷീരവികസന രംഗങ്ങളില്‍ കൂടുതല്‍ ഉപജീവന മാര്‍ഗ്ഗങ്ങള്‍ ആവിഷ്കരിക്കാന്‍ പദ്ധതിയുണ്ടോ; ഉണ്ടെങ്കില്‍ വിശദാംശങ്ങള്‍ അറിയിക്കുമോ?

മൃഗസംരക്ഷണ വകുപ്പിന്റെ നേതൃത്വത്തിൽ കർഷക ഭവനങ്ങളുടെ ജിയോ മാപ്പിംഗ് നടത്തുന്ന പ്രവൃത്തി പൂർത്തീകരിച്ചിട്ടുണ്ടോ; ഇല്ലെങ്കിൽ എന്നത്തേക്ക് പൂർത്തീകരിക്കാൻ കഴിയുമെന്ന് വ്യക്തമാക്കുമോ;

പ്രസ്തുത പദ്ധതി മൃഗസംരക്ഷണമേഖലയിൽ പ്രയോജനം ചെയ്യുന്നതല്ല എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദാംശം നൽകുമോ?

മൃഗസംരക്ഷണ വകുപ്പ് നടപ്പിലാക്കി വരുന്ന മാതൃക മൃഗസംരക്ഷണ ഗ്രാമം പദ്ധതി വടക്കാഞ്ചേരി മണ്ഡലത്തില്‍ നടപ്പിലാക്കിയിട്ടുണ്ടോയെന്ന് അറിയിക്കാമോ;

ഉണ്ടെങ്കില്‍ പ്രസ്തുത പദ്ധതിയുടെ വിശദാംശങ്ങള്‍ ലഭ്യമാക്കാമോ?

കോഴിത്തീറ്റയുടെ വിലക്കയറ്റം പിടിച്ചുനിർത്തുന്നതിനായി സ്വീകരിച്ചിട്ടുള്ള നടപടികള്‍ വിശദമാക്കാമോ;

കടക്കെണിയിലായ കോഴി കർഷകർക്ക് എന്തെല്ലാം സഹായങ്ങളാണ് നൽകുവാൻ ഉദ്ദേശിക്കുന്നത്; വിശദമാക്കാമോ?

സംസ്ഥാനത്ത് എത്ര വെറ്ററിനറി ഡോക്ടര്‍മാരുടെ ഒഴിവുകളുണ്ടെന്ന് അറിയിക്കാമോ;

ഡോക്ടര്‍മാരെ നിയമിക്കാത്തതിനാല്‍ ഏതെങ്കിലും വെറ്ററിനറി ആശുപത്രികളുടെ പ്രവര്‍ത്തനം തടസ്സപ്പെട്ടതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അറിയിക്കാമോ;

വെറ്ററിനറി ആശുപത്രികളില്‍ മരുന്നുകള്‍ക്ക് ക്ഷാമം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് പരിഹരിക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കാമോ?

തിരുവനന്തപുരം ജില്ലയിലെ കുടപ്പനക്കുന്നില്‍ പ്രവര്‍ത്തിച്ചു വരുന്ന മൃഗസംരക്ഷണ വകുപ്പിന്റെ സൂപ്പര്‍ സ്പെഷ്യാലിറ്റി ആശുപത്രിയില്‍ ഏര്‍പ്പെടുത്തിയിരിക്കുന്ന സൗകര്യങ്ങള്‍ എന്തൊക്കെയെന്ന് വിശദമാക്കാമോ;

ഈ ആശുപത്രിയില്‍ ഫാര്‍മസി പ്രവര്‍ത്തനം ആരംഭിക്കാത്തത് എന്തുകൊണ്ടാണെന്ന് അറിയിക്കാമോ;

ഫാര്‍മസി ഉടനടി പ്രവര്‍ത്തനം ആരംഭിക്കുന്നതിന് നടപടി സ്വീകരിക്കുമോ?

പഞ്ചായത്തുകളിലെ വളര്‍ത്തു മൃഗങ്ങളുടെ എണ്ണത്തിന് ആനുപാതികമായാണോ മൃഗാശുപത്രികളില്‍ വെറ്ററിനറി ‍ഡോക്ടര്‍മാരെ നിയമിക്കുന്നതെന്ന് അറിയിക്കാമോ; എങ്കില്‍ അനുപാതം എത്രയെന്ന് വിശദമാക്കാമോ;

കന്നുകാലികളടക്കമുള്ള വളര്‍ത്തു മൃഗങ്ങള്‍ കൂടുതലുള്ള പഞ്ചായത്തുകളില്‍ മൃഗ സംരക്ഷണ വകുപ്പിലെ ജീവനക്കാര്‍ക്ക് അമിതജോലിഭാരം അനുഭവപ്പെടുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കുില്‍ വെറ്ററിനറി ഡോക്ടര്‍മാര്‍ അടക്കമുള്ള കൂടുതല്‍ ജീവനക്കാരെ നിയമിക്കുന്നതിന് നടപടി സ്വീകരിക്കുമോ;

പുതുതായി വെറ്ററിനറി സബ് സെന്ററുകള്‍ ആരംഭിച്ചും നിലവിലുള്ള സബ് സെന്ററുകള്‍ അപ്ഗ്രേഡ് ചെയ്തും പുനര്‍വിന്യാസം നടത്തിയും പ്രസ്തുത പ്രതിസന്ധി പരിഹരിക്കാനാകുമോയെന്ന് വിശദമാക്കാമോ;

നിലമ്പൂര്‍ മണ്ഡലത്തിലെ വിവിധ പഞ്ചായത്തുകളിലെ മൃഗ സംരക്ഷണ വകുപ്പ് ജീവനക്കാരുടെ എണ്ണവും അനുവദിച്ചിട്ടുള്ള തസ്തികകളും നിലവിലുള്ള ഒഴിവുകളുടെ എണ്ണവും അറിയിക്കാമോ?

സംസ്ഥാനത്തെ മൃഗാശുപത്രികളിൽ എന്‍.എച്ച്.എം. ഫണ്ട് ഉപയോഗിച്ച് നടപ്പിലാക്കിവരുന്ന പദ്ധതികൾ എന്തെല്ലാമാണെന്ന് വിശദമാക്കാമോ;

തദ്ദേശ സ്വയംഭരണ സ്ഥാപനങ്ങൾക്ക് കീഴിലുള്ള മൃഗാശുപത്രികളില്‍ എന്‍.എച്ച്.എം. ഫണ്ട് ലഭ്യമാകുന്നുണ്ടോ; ഉണ്ടെങ്കില്‍ പ്രസ്തുത ഫണ്ട് ഉപയോഗിച്ച് നടപ്പിലാക്കിവരുന്ന പദ്ധതികൾ എന്തെല്ലാമാണെന്ന് വിശദമാക്കാമോ;

നിലവിൽ എന്‍.എച്ച്.എം. ഫണ്ട് പ്രസ്തുത ആശുപത്രിക്കും തദ്ദേശ സ്വയംഭരണസ്ഥാപനങ്ങൾക്കും ലഭിക്കുന്നില്ലെങ്കിൽ പ്രസ്തുത ഫണ്ട് ലഭ്യമാകുന്നതിനാവശ്യമായ നടപടി സ്വീകരിക്കുമോ; വിശദമാക്കാമോ?

താൽക്കാലിക വെറ്റിനറി ഡോക്ടർമാരുടെ രാത്രികാല സേവനം കാര്യക്ഷമമാക്കുന്നതിന് സ്വീകരിച്ച നടപടി എന്തെല്ലാമാണെന്ന് വ്യക്തമാക്കാമോ;

സ്ഥിരം വെറ്റിനറി ഡോക്ടർമാരുടെ സേവനം രാത്രികാലങ്ങളിൽ ലഭ്യമാക്കാൻ ഉദ്ദേശിക്കുന്നുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കാമോ?

മൃഗസംരക്ഷണ വകുപ്പിന് കീഴിലെ ലൈവ്‌ സ്റ്റോക്ക്‌ ഇന്‍സ്പെക്ടര്‍ ഗ്രേഡ്‌ I, ഗ്രേഡ് II തസ്തികകളില്‍ വിവിധ ജില്ലകളിലെ അനുപാത വ്യത്യാസം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇതിന്‌ കാരണം എന്തെന്ന് വ്യക്തമാക്കാമോ;

തിരുവനന്തപുരം, കണ്ണുര്‍, കാസര്‍ഗോഡ്‌, കോഴിക്കോട്‌, കോട്ടയം, ആലപ്പുഴ എന്നീ ജില്ലകളില്‍ ലൈവ്‌ സ്റ്റോക്ക്‌ ഇന്‍സ്പെക്ടര്‍ ഗ്രേഡ്‌ ॥ പരീക്ഷയെഴുതിയ ഉദ്യോഗാര്‍ത്ഥികളുടെ നിയമനത്തെ ബാധിക്കുന്ന തരത്തില്‍ മൃഗസംരക്ഷണ വകപ്പ്‌ ഡയറക്ടര്‍ പുറത്തിറക്കിയ ഉത്തരവ്‌ ശ്രദ്ധയില്‍പ്പെട്ടിട്ടുണ്ടോ; പി.എസ്.സി. വിജ്ഞാപനം പുറപ്പെടുവിച്ച ശേഷം അനുപാത ക്രമീകരണത്തിനായി പുറത്തിറക്കിയ ഉത്തരവ്‌ ഉദ്യോഗാര്‍ത്ഥികളെ ബാധിക്കുന്നതിനെതിരെ വകുപ്പിന് നൽകിയ പരാതിയിന്മേൽ സ്വീകരിച്ച നടപടി അറിയിക്കുമോ;

പ്രസ്തുത തസ്തികയില്‍ നിലവില്‍ വരാന്‍ പോകുന്ന ജില്ലാതല റാങ്ക് ലിസ്റ്റുകളില്‍ നിന്നും അതാത്‌ ജില്ലകളിലെ ഒഴിവുകളിലേയ്ക്ക്‌ നിയമനം നടത്തി ഉദ്യോഗാര്‍ത്ഥികളെ അനുപാത ക്രമീകരണത്തിന്റെ ഭാഗമായി പുനര്‍വിന്യസിക്കാമെന്നിരിക്കേ ചില ജില്ലകളില്‍ പരീക്ഷയെഴുതിയ ഉദ്യോഗാര്‍ത്ഥികള്‍ക്ക്‌ നിയമന നിരോധനം ഏര്‍പ്പെടുത്തുന്ന തരത്തിലുള്ള മൃഗസംരക്ഷണ വകുപ്പിന്റെ നടപടി പിന്‍വലിക്കുന്നതിനുള്ള നിര്‍ദ്ദേശം നല്‍കാമോ;

മൃഗസംരക്ഷണ വകുപ്പ് ഡയറക്ടറുടെ ഉത്തരവിന്റെ ഭാഗമായി പ്രമോഷന്‍, റിട്ടയര്‍മെന്റ്‌, മറ്റ്‌ കാരണങ്ങള്‍ എന്നിവയാല്‍ ഒരു ജില്ലയില്‍ ഉണ്ടായ ഒഴിവുകള്‍ മറ്റേതെങ്കിലും ജില്ലകളിലേക്ക് മാറ്റിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ;

പ്രസ്തുത തസ്തികയില്‍ അതാത്‌ ജില്ലകളില്‍ ഉണ്ടാകുന്ന ഒഴിവ്‌ അതാത്‌ ജില്ലാ പി.എസ്‌.സി.യില്‍ റിപ്പോര്‍ട്ട്‌ ചെയ്യുന്നതിനും അതാത്‌ ജില്ലയില്‍ നിലവില്‍ വരാന്‍ പോകുന്ന റാങ്ക്‌ പട്ടികയില്‍ നിന്ന് തന്നെ നിയമനം നടത്തുകയും ചെയ്യുന്നതിനുള്ള നടപടി സ്വീകരിക്കുമോ?

2018, 2019 എന്നീ വർഷങ്ങളിലെ പ്രളയത്തിൽ കന്നുകാലികളെ നഷ്ടപ്പെട്ടവർക്ക് നഷ്ടപരിഹാരം അനുവദിച്ചിരുന്നോ; വിശദാംശങ്ങൾ നൽകുമോ;

പ്രസ്തുത ആനുകൂല്യങ്ങൾ പൂർണ്ണമായും വിതരണം ചെയ്തിട്ടുണ്ടോയെന്ന് വ്യക്തമാക്കുമോ?

സംസ്ഥാനത്ത് പാല്‍ ഉല്പാദനത്തില്‍ സ്വയംപര്യാപ്തത കൈവരിക്കാന്‍ മികച്ചയിനം പശുക്കളെയും എരുമകളേയും കര്‍ഷകര്‍ക്ക് നല്കുവാന്‍ പുതിയ പദ്ധതി ആവിഷ്കരിക്കുമോയെന്ന് അറിയിക്കാമോ;

കുടുംബശ്രീയിലെ അയല്‍ക്കൂട്ടങ്ങള്‍ക്ക് ഡയറി ഫാമുകള്‍ ആരംഭിക്കാനുള്ള പദ്ധതി ആവിഷ്കരിക്കാന്‍ നടപടി സ്വീകരിക്കുമോ?

സംസ്ഥാനത്ത് നിലവിലുള്ള ഗോസമൃദ്ധി പദ്ധതിയിലൂടെ എത്ര പശുക്കളെയാണ് നാളിതുവരെ ഇന്‍ഷുറന്‍സ് ചെയ്തിട്ടുള്ളതെന്ന് അറിയിക്കാമോ; ഈ പദ്ധതി എല്ലാ ജില്ലകളിലും വ്യാപിപ്പിക്കാന്‍ നടപടിയുണ്ടാകുമോയെന്ന് അറിയിക്കാമോ;

സംസ്ഥാനത്ത് ക്ഷീര കര്‍ഷകരെയും കന്നുകാലികളെയും ഉള്‍പ്പെടുത്തിയ ക്ഷീരസാന്ത്വനം സമഗ്ര ഇന്‍ഷുറന്‍സ് പദ്ധതിയില്‍ എത്ര ഗുണഭോക്താക്കളുണ്ടെന്ന് ജില്ല തിരിച്ച് വ്യക്തമാക്കാമോ?

തൃശ്ശൂര്‍ ജില്ലയില്‍ ക്ഷീരഗ്രാമം പദ്ധതി എവിടെയെല്ലാമാണ് നടപ്പാക്കിയിട്ടുള്ളത്; വിശദമാക്കാമോ;

പ്രസ്തുത പദ്ധതിയുടെ ഭാഗമായി ഗുരുവായൂര്‍ മണ്ഡലത്തില്‍ നാളിതുവരെ നടപ്പാക്കിയ പ്രവര്‍ത്തനങ്ങള്‍ വിശദമാക്കാമോ;

പ്രസ്തുത മണ്ഡലത്തിലെ മൃഗാശുപത്രികള്‍/ഡിസ്‍പെന്‍സറികളുടെ നിര്‍മ്മാണ നവീകരണ പ്രവൃത്തികള്‍ വിശദമാക്കാമോ?

ക്ഷീരവികസന വകുപ്പിന്റെ വാര്‍ഷിക പദ്ധതി 2021-22 പ്രകാരമുള്ള കോവിഡ് സമാശ്വാസ കാലിത്തീറ്റ ധനസഹായ പദ്ധതിയുടെ വിശദാംശങ്ങള്‍ ലഭ്യമാക്കുമോ;

പ്രസ്തുത പദ്ധതിയുടെ ഭാഗമായി ഇതുവരെ എത്ര കര്‍ഷകര്‍ക്ക് കാലിത്തീറ്റ വിതരണം ചെയ്തിട്ടുണ്ടെന്ന് അറിയിക്കാമോ;

പ്രസ്തുത പദ്ധതി പ്രകാരം മണലൂര്‍ മണ്ഡലത്തില്‍ എത്ര രൂപയുടെ കാലിത്തീറ്റയാണ് വിതരണം ചെയ്തിട്ടുള്ളതെന്ന് അറിയിക്കാമോ?

പാല്‍ ഉല്പാദനം വര്‍ദ്ധിപ്പിക്കുന്നതിന് സുഭിക്ഷ കേരളം പദ്ധതിയില്‍ ഉള്‍പ്പെടുത്തി മൃഗസംരക്ഷണ വകുപ്പ് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

സംസ്ഥാനത്തെ പ്രതിവര്‍ഷ പാല്‍ ഉല്പാദനം എത്രയെന്ന് വ്യക്തമാക്കാമോ;

സംസ്ഥാനത്തെ പ്രതിവര്‍ഷ പാല്‍ ഉപഭോഗം എത്രയെന്ന് വ്യക്തമാക്കാമോ?

ക്ഷീരഗ്രാമം പദ്ധതി എവിടെയൊക്കെ അനുവദിച്ചിട്ടുണ്ടെന്ന് മണ്ഡലം തിരിച്ച് വ്യക്തമാക്കാമോ?

ചാത്തന്നൂർ മണ്ഡലത്തിലെ പൂയപ്പള്ളി ഗ്രാമ പഞ്ചായത്തിൽ നടപ്പിലാക്കിയ ക്ഷീരഗ്രാമം പദ്ധതിയുടെ പ്രവർത്തന പുരോഗതി അറിയിക്കാമോ;

പ്രസ്തുത പദ്ധതിയുമായി ബന്ധപ്പെട്ട് പൂയപ്പള്ളി ഗ്രാമ പഞ്ചായത്തിലെ ക്ഷീരകർഷകർക്ക് ലഭ്യമാക്കിയ വിവിധ ആനൂകൂല്യങ്ങൾ വിശദമാക്കാമോ;

പ്രസ്തുത പദ്ധതി കൂടുതൽ പഞ്ചായത്തുകളിൽ ആരംഭിക്കുന്നതിന്ന് ക്ഷീര വികസന വകുപ്പ് നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കുമോ?

സംസ്ഥാനത്ത് ക്ഷീരോല്പാദന മേഖലയിലേക്ക് പുതിയ സംരംഭകരെ ആകര്‍ഷിക്കുന്നതിനായി ആരംഭിച്ച മിൽക്ക് ഷെഡ് ഡെവലപ്മെൻറ് പദ്ധതിയുടെ പ്രവർത്തന പുരോഗതി അറിയിക്കാമോ;

പ്രസ്തുത പദ്ധതി പ്രകാരം പുതിയ സംരംഭകർക്ക് ലഭ്യമാക്കുന്ന സഹായങ്ങള്‍ വിശദമാക്കാമോ;

മിൽക്ക് ഷെഡ് ഡെവലപ്മെൻറ് പദ്ധതിയിലേക്ക് ഗുണഭോക്താക്കളെ തിരഞ്ഞെടുക്കുന്നതിന് നിശ്ചയിച്ചിട്ടുളള മാനദണ്ഡങ്ങൾ എന്തെല്ലാമെന്ന് അറിയിക്കാമോ;

പ്രസ്തുത പദ്ധതിയിലൂടെ കന്നുകാലി സമ്പത്തിലും പാൽ ഉല്പാദനത്തിലും സ്വയംപര്യാപ്തത കൈവരിക്കുന്നതിന് ലക്ഷ്യമിടുന്നുണ്ടോ; വിശദീകരിക്കുമോ;

യുവ ക്ഷീരകര്‍ഷകരെ ഈ പദ്ധതിയിലേക്ക് ആകര്‍ഷിക്കുന്നതിന് സ്വീകരിച്ചിട്ടുളള നടപടികള്‍ അറിയിക്കാമോ?

മുന്‍ സര്‍ക്കാരിന്റെ കാലത്ത് തിരുവനന്തപുരം ജില്ലയില്‍ ഏതെല്ലാം തദ്ദേശസ്വയംഭരണ സ്ഥാപനങ്ങളിലാണ് ക്ഷീരഗ്രാമം പദ്ധതി നടപ്പിലാക്കിയിട്ടുള്ളതെന്ന് വ്യക്തമാക്കാമോ;

വര്‍ക്കല മണ്ഡലത്തില്‍ ക്ഷീരഗ്രാമം പദ്ധതി നടപ്പിലാക്കുന്നതിനുള്ള നടപടി സ്വീകരിക്കുമോ?

പൂഞ്ഞാർ മണ്ഡലത്തിൽ ക്ഷീരവികസന വകുപ്പ് മുഖേന നടപ്പിലാക്കുന്ന പദ്ധതികൾ വിശദമാക്കുമോ;

പ്രസ്തുത മണ്ഡലത്തിലെ ഏതെല്ലാം പഞ്ചായത്തുകളെയാണ് ക്ഷീരഗ്രാമം പദ്ധതിയിൽ ഉൾപ്പെടുത്തിയിട്ടുള്ളതെന്ന് വ്യക്തമാക്കുമോ;

പൂഞ്ഞാർ തെക്കേക്കര പഞ്ചായത്തിനെ ക്ഷീരഗ്രാമം പദ്ധതിയിൽ ഉൾപ്പെടുത്തുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

ഇരിക്കൂര്‍ മണ്ഡലത്തില്‍ മൃഗസംരക്ഷണ-ക്ഷീര വികസന വകുപ്പ് മുഖേന നടപ്പിലാക്കുന്ന പദ്ധതികളുടെ വിവരങ്ങള്‍ ലഭ്യമാക്കാമോ;

പ്രസ്തുത മണ്ഡലത്തില്‍ പുതിയ ക്ഷീര സംഘങ്ങള്‍ രൂപീകരിക്കുന്നത് പരിഗണനയിലുണ്ടോയെന്ന് അറിയിക്കാമോ; തദ്ദേശസ്വയംഭരണസ്ഥാപന അടിസ്ഥാനത്തില്‍ ക്ഷീര സംഘങ്ങളുടെയും ക്ഷീര കര്‍ഷകരുടെയും എണ്ണം ലഭ്യമാക്കാമോ?

ഷൊര്‍ണ്ണൂര്‍ മണ്ഡലത്തില്‍ മൃഗസംരക്ഷണ വകുപ്പ് നടപ്പിലാക്കിക്കൊണ്ടിരിക്കുന്ന പദ്ധതികള്‍ വിശദമാക്കാമോ;

പ്രസ്തുത മണ്ഡലത്തിലെ എത്ര പഞ്ചായത്തുകളില്‍ ക്ഷീരഗ്രാമം പദ്ധതി നടപ്പിലാക്കിയെന്ന് അറിയിക്കാമോ?

വയനാട് ജില്ലയില്‍ കോവിഡ് സമാശ്വാസമായി ക്ഷീരകര്‍ഷകര്‍ക്ക് കാലിത്തീറ്റ വിതരണം ചെയ്ത വകയില്‍ എത്ര തുക ചെലവഴിച്ചുവെന്ന് വ്യക്തമാക്കാമോ;

എത്ര ബാഗ് കാലിത്തീറ്റയാണ് ഈ പദ്ധതി പ്രകാരം ചെലവഴിച്ചതെന്നും ഓരോ ബ്ലോക്കിലും എത്ര കര്‍ഷകര്‍ക്ക് ഈ പദ്ധതിയുടെ ആനുകൂല്യം ലഭിച്ചുവെന്നും വ്യക്തമാക്കാമോ?

തൊഴിലുറപ്പ് പദ്ധതിയിൽ ഉൾപ്പെടുത്തി തരിശുഭൂമിയിൽ തീറ്റപ്പുൽ കൃഷി വ്യാപിപ്പിക്കുന്ന പദ്ധതി നടപ്പാക്കിയിട്ടുണ്ടെങ്കില്‍ ഏതൊക്കെ ബ്ലോക്ക് പഞ്ചായത്തുകളിൽ നടപ്പാക്കിയിട്ടുണ്ടെന്ന് അറിയിക്കുമോ;

പ്രസ്തുത പദ്ധതിയുടെ ഗുണഭോക്താവാകുന്നതിനുള്ള മാനദണ്ഡങ്ങൾ എന്തൊക്കെയാണെന്ന് വ്യക്തമാക്കുമോ?

പാല്‍ ഉല്പാദനം വര്‍ദ്ധിപ്പിക്കുന്നതിനായി തദ്ദേശസ്വയംഭരണ സ്ഥാപനങ്ങള്‍ മുഖേന വിതരണം ചെയ്യുന്ന പശുക്കളെ അവ ലഭിക്കുന്ന കര്‍ഷകര്‍ കൃത്യമായി പരിപാലിക്കുന്നുണ്ടോയെന്ന് വകുപ്പ് പരിശോധന നടത്താറുണ്ടോയെന്ന് അറിയിക്കാമോ;

കര്‍ഷകര്‍ക്ക് വിതരണം ചെയ്യുന്ന പശുക്കളെ എത്ര വര്‍ഷം വളര്‍ത്തണമെന്ന് നിഷ്കര്‍ഷിച്ചിട്ടുണ്ടോ; വ്യക്തമാക്കാമോ;

കര്‍ഷകര്‍ക്ക് വിതരണം ചെയ്യുന്ന പശുക്കളെ ഇറച്ചിക്കായി കൈമാറുന്നതായി ശ്രദ്ധയില്‍പ്പെട്ടിട്ടുണ്ടോ?

തിരുവനന്തപുരം മേഖല സഹകരണ ക്ഷീരോത്പാദക യൂണിയനിൽ അഡ്‍മിനിസ്ട്രേറ്റീവ്‌ ഭരണം ഏര്‍പ്പെടുത്തിയിട്ട്‌ എത്ര നാളായെന്ന് വ്യക്തമാക്കാമോ; പ്രസ്തുത ഭരണസമിതിയ്ക്ക് നയപരമായ തീരുമാനങ്ങള്‍ കൈക്കൊള്ളുന്നതിന്‌ കേരള സഹകരണ സംഘം നിയമപ്രകാരം അധികാരവും അവകാശവുമുണ്ടോയെന്ന് വ്യക്തമാക്കാമോ;

കേരള സഹകരണ സംഘം നിയമത്തിന്‌ വിരുദ്ധമായി ഭരണ സമിതി കൈക്കൊണ്ടിട്ടുള്ള തീരുമാനങ്ങള്‍ റദ്ദ്‌ ചെയ്യുന്നതിന്‌ അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ; തെരഞ്ഞെടുപ്പ്‌ നടത്തി പുതിയ ഭരണസമിതിയെ അധികാരമേല്പിക്കുന്നതിന്‌ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ;

ഭരണസമിതി തെരഞ്ഞെടുപ്പ്‌ നടത്തുന്നതിന്‌ നിശ്ചയിച്ചിടുള്ള തീയതി അറിയിക്കാമോ; തെരഞ്ഞെടുപ്പ്‌ നടത്തുന്നതിന്‌ എന്തെങ്കിലും തടസ്സങ്ങള്‍ നിലവിലുണ്ടോ; ഉണ്ടെങ്കില്‍ അവ ഒഴിവാക്കുന്നതിന്‌ സ്വീകരിച്ചിട്ടുള്ള നടപടികൾ വ്യക്തമാക്കാമോ;

കേരള സഹകരണ നിയമം അനുസരിച്ച് പ്രസ്തുത യൂണിയനില്‍ ഡെപ്യൂട്ടേഷന്‍ മുഖേനയുള്ള നിയമനം അനുവദനീയമാണോ എന്ന് വ്യക്തമാക്കാമോ; ഡെപ്യൂട്ടേഷന്‍ മുഖേനയുള്ള നിയമനം നടത്തുന്നതിന്‌ ഡയറി രജിസ്ട്രാറുടെ മുന്‍കൂര്‍ അനുമതി വാങ്ങേണ്ട ആവശ്യമുണ്ടോ; ഡയറി രജിസ്ട്രാറുടെ മുന്‍കൂര്‍ അനുമതി വാങ്ങാത്ത നിയമനങ്ങള്‍ നിയമപരമായി നിലനില്‍ക്കുമോ; ഇത്‌ സംബന്ധിച്ച നിയമ വ്യവസ്ഥ വ്യക്തമാക്കാമോ;

ഡയറി രജിസ്ട്രാറുടെ മുന്‍കൂര്‍ അനുമതി വാങ്ങാതെ ഡെപ്യൂട്ടേഷന്‍ മുഖേന നടത്തിയിട്ടുള്ള നിയമനങ്ങളുടെ വിശദാംശം ലഭ്യമാക്കാമോ; പ്രസ്തുത നിയമനങ്ങള്‍ റദ്ദ് ചെയ്യുന്നതിന്‌ സ്വീകരിച്ചിട്ടുള്ള നടപടി വിശദമാക്കാമോ?

വയനാട് ജില്ലയില്‍ ക്ഷീര മേഖലയില്‍ പ്രവര്‍ത്തിക്കുന്ന എത്ര സഹകരണ സംഘങ്ങള്‍ ഉണ്ടെന്ന് വ്യക്തമാക്കാമോ;

പ്രസ്തുത സംഘങ്ങളിലെ സ്ഥിരം ജീവനക്കാരുടെയും താല്‍ക്കാലിക ജീവനക്കാരുടെയും എണ്ണം സംഘം തിരിച്ച് കണക്ക് ലഭ്യമാക്കാമോ?

പാറശ്ശാല മണ്ഡലത്തിലെ ക്ഷീര സഹകരണ സംഘങ്ങളുടെ പേര്, നമ്പര്‍, സ്ഥലം തുടങ്ങിയവ പഞ്ചായത്തടിസ്ഥാനത്തില്‍ ലഭ്യമാക്കാമോ;

പ്രസ്തുത സംഘങ്ങളിലെ സ്ഥിരം ജീവനക്കാരുടെയും താത്ക്കാലിക ജീവനക്കാരുടെയും എണ്ണം തസ്തിക തിരിച്ച് വ്യക്തമാക്കാമോ?

സംസ്ഥാനത്ത് എത്ര വെറ്റിനറി കോളേജുകളാണ് നിലവിലുള്ളതെന്ന് അറിയിക്കാമോ;

സംസ്ഥാനത്ത് വെറ്റിനറി സര്‍വ്വകലാശാലയുടെ പ്രവര്‍ത്തനം വ്യാപിപ്പിക്കുന്നതിനായി എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ വിശദമാക്കാമോ?