എ.ആര്‍. നഗര്‍ സര്‍വ്വീസ് സഹകരണ ബാങ്കില്‍ അതിന്റെ അധികാര പരിധിക്കു വെളിയിലുള്ളവയുള്‍പ്പെടെ ഒരു പ്രമുഖ രാഷ്ട്രീയ കക്ഷിയുടെ വിവിധ തലത്തിലുള്ള ഘടകങ്ങള്‍ സംശയാസ്പദമായ രീതിയില്‍ ഇടപാടു നടത്തുന്നതായുള്ള വാര്‍ത്തയുടെ അടിസ്ഥാനത്തില്‍ സഹകരണ വകുപ്പ് ഇക്കാര്യം പരിശോധിക്കുമോ;

ഇത്തരത്തില്‍ ചില സഹകരണ സംഘങ്ങള്‍ നടത്തുന്ന സുതാര്യതയില്ലാത്തതും ക്രമവിരുദ്ധവുമായ പ്രവര്‍ത്തനം സംസ്ഥാനത്തെ സഹകരണ മേഖലയെ ദുര്‍ബലപ്പെടുത്തുന്നതിനുള്ള സാഹചര്യം സൃഷ്ടിക്കാനിടയുണ്ടെന്നതിനാല്‍ ഇത്തരം സംഭവങ്ങള്‍ ഉണ്ടാകാതിരിക്കാന്‍ വേണ്ട ഇടപെടല്‍ നടത്തുമോ;

നിയമത്തിലും ചട്ടത്തിലും ആവശ്യമായ ഭേദഗതികള്‍ വരുത്തിക്കൊണ്ട് സഹകരണ ഓഡിറ്റ് ശക്തിപ്പെടുത്താന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ?

97-ാം ഭരണഘടന ഭേദഗതി സുപ്രീംകോടതിയുടെ ഭരണഘടന ബഞ്ച് റദ്ദാക്കിയെങ്കിലും മള്‍ട്ടിസ്റ്റേറ്റ് സഹകരണ സംഘങ്ങളുടെ വിഷയത്തില്‍ ഭേഭഗതി നിലനില്‍ക്കുന്നത് ശ്രദ്ധയില്‍പ്പെട്ടിട്ടുണ്ടോ;

ഇൗ വിഷയത്തില്‍ നിയമപരമായ തുടര്‍ നടപടികള്‍ സ്വീകരിക്കുമോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം സഹകരണ മേഖലയില്‍ പ്രഖ്യാപിച്ച പദ്ധതികള്‍ ഏതൊക്കെയാണെന്ന് വിശദമാക്കാമോ;

ഈ പദ്ധതികളില്‍ നൂറു ദിവസത്തിനുള്ളില്‍ നടപ്പിലാക്കിയ പരിപാടികള്‍ ഏതൊക്കെയാണെന്ന് വ്യക്തമാക്കാമോ;

കോവിഡ് 19 സാഹചര്യത്തില്‍ ആരോഗ്യ മേഖലയ്ക്ക് കൂടുതല്‍ പ്രാധാന്യം നല്‍കി ആരാേഗ്യ സഹകരണ സംഘങ്ങളെ ശക്തിപ്പെടുത്തുന്നതിന് സ്വീകരിച്ച നടപടികള്‍ വിശദമാക്കാമോ?

കേരള സഹകരണ അംഗ സമാശ്വാസനിധി നിയമം 2013, ചട്ടം 2014 അനുസരിച്ച് പദ്ധതി നടപ്പാക്കാനുളള സ്കീം തയ്യാറാക്കിയിട്ടുണ്ടോ; സ്കീമിന്റെ വിശദാംശങ്ങള്‍ ലഭ്യമാക്കാമോ;

ഗുരുതരമായ ആരോഗ്യ പ്രശ്നങ്ങള്‍ മൂലം കഷ്ടപ്പെടുന്ന സഹകാരികള്‍ക്ക് അടിയന്തര ചികിത്സാസഹായം ലഭ്യമാക്കുന്നതിന് സഹകരണ വകുപ്പ് പ്രത്യേകമായ പദ്ധതിക്ക് രൂപം നല്‍കിയിട്ടുണ്ടോ; പദ്ധതിയുടെ വിശദാംശങ്ങള്‍ നല്കുമോ;

ഏതൊക്കെ അസുഖങ്ങള്‍ ഉളളവര്‍ക്ക് എത്ര രൂപവരെ ധനസഹായം ലഭ്യമാക്കും; ധനസഹായം അനുവദിക്കുന്നതിന് പ്രത്യേക സമിതികള്‍ നിലവിലുണ്ടോ; അപേക്ഷ നല്‍കേണ്ട വിധം വിശദമാക്കാമോ?

തദ്ദേശസ്വയംഭരണ സ്ഥാപനങ്ങളുമായി ചേര്‍ന്ന് കാര്‍ഷിക വായ്പ തോത് വര്‍ദ്ധിപ്പിക്കുന്നതിനും കാര്‍ഷിക വികസനത്തിനുമായി പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ; വിശദാംശങ്ങള്‍ വ്യക്തമാക്കാമോ;

കാര്‍ഷിക അനുബന്ധ മേഖലകള്‍ക്കും, കാര്‍ഷിക സംരംഭകര്‍ക്കും വായ്പാപദ്ധതി ആരംഭിക്കുന്നതിന് നടപടി സ്വീകരിച്ചിട്ടുണ്ടോ; വിശദാംശങ്ങള്‍ വ്യക്തമാക്കാമോ?

സംസ്ഥാനത്ത് കാര്‍ഷിക മേഖലയെ സ്വയം പര്യാപ്തമാക്കാനായി സര്‍ക്കാര്‍ പ്രഖ്യാപിച്ച 'സുഭിക്ഷകേരളം' പദ്ധതിയുമായി ബന്ധപ്പെട്ട് സഹകരണ വകുപ്പ് പ്രത്യേകമായ പദ്ധതികള്‍ ആവിഷ്ക്കരിച്ച് നടപ്പാക്കിയിട്ടുണ്ടോ; എങ്കില്‍ വിശദാംശങ്ങള്‍ ലഭ്യമാക്കാമോ;

പ്രസ്തുത പദ്ധതിയുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

പദ്ധതി നടപ്പിലാക്കിയതുവഴി സംസ്ഥാനത്ത് ഭക്ഷ്യകാര്‍ഷിക വിളകളുടെ ഉല്പാദനത്തിലും കൃഷിയോടുളള ജനങ്ങളുടെ സമീപനത്തിലും മാറ്റങ്ങള്‍ പ്രകടമാണോ; വിശദാംശങ്ങള്‍ നല്‍കാമോ?

കുട്ടനാട്, അപ്പര്‍ കുട്ടനാട് എന്നിവിടങ്ങളിലെ നെല്‍കര്‍ഷകരെ സഹായിക്കുന്നതിനായി വകുപ്പിന്റെ കീഴില്‍ ഏതെങ്കിലും പദ്ധതികള്‍ രൂപീകരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

കേരള ബാങ്ക് വിപുലീകരണവുമായി ബന്ധപ്പെട്ട് എന്‍.ആര്‍.ഐ. ഡെപ്പോസിറ്റ് സ്വീകരിക്കുവാന്‍ എന്തൊക്കെ നടപടികളാണ് സ്വീകരിക്കുന്നതെന്ന് വിശദമാക്കാമോ;

കേരള ബാങ്കിന്റെ ഡെപ്പോസിറ്റ് അടിത്തറ ശക്തമാക്കാന്‍ സ്വീകരിക്കുന്ന നടപടി വ്യക്തമാക്കാമോ?

കേരള ബാങ്ക് എ.ടി.എം. കളിൽ നിന്നും അനധികൃതമായി പണം പിൻവലിക്കുന്ന സംഭവങ്ങൾ കൂടിവരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിന്റെ കാരണം പരിശോധനാവിധേയമാക്കിയിട്ടുണ്ടോ;

എ.ടി.എം. കളിൽ ഇ.എം.വി. ചിപ്പുകൾ നിർബന്ധമാക്കണമെന്ന റിസർവ്വ് ബാങ്കിന്റെ നിർദ്ദേശം കേരള ബാങ്ക് പാലിച്ചിട്ടുണ്ടോ എന്ന് വ്യക്തമാക്കാമോ;

കേരള ബാങ്കിന് വേണ്ടി സോഫ്റ്റ്‌വെയർ നിർമ്മിച്ച കമ്പനിയുടെ ഉദ്യോഗസ്ഥർ പാസ്സ് വേർഡ് ചോർത്തിനൽകിയാണ് എ.ടി.എം. കവര്‍ച്ച നടത്തിയതെന്ന ആരോപണം അന്വേഷണവിധേയമാക്കിയിട്ടുണ്ടോ; വിശദാംശങ്ങൾ നൽകാമോ?

കേരള ബാങ്ക് വഴി എല്ലാ ആധുനിക ബാങ്കിംഗ് സൗകര്യങ്ങളും ഇടപാടുകാർക്ക് ലഭ്യമാക്കുവാൻ നടപടി സ്വീകരിച്ചിട്ടുണ്ടോ; വിശദമാക്കാമോ;

എല്ലാ ജനവിഭാഗങ്ങളുടെയും വായ്പ ആവശ്യങ്ങൾ നിർവ്വഹിക്കാൻ കഴിയുംവിധം പുതിയ വായ്പാ പദ്ധതികൾ കേരള ബാങ്ക് വഴി ആരംഭിച്ചിട്ടുണ്ടോ; വിശദമാക്കാമോ;

വ്യാപാര, വ്യവസായ മേഖലകൾക്ക് ഉത്തേജനം നൽകാൻ കഴിയുംവിധം കേരള ബാങ്കിന്റെ പ്രവർത്തനം വിപുലീകരിക്കുവാൻ ഉദ്ദേശിക്കുന്നുണ്ടോ; വിശദമാക്കാമോ;

കാർഷിക ആവശ്യങ്ങൾക്കായി സബ്സിഡിയോടുകൂടിയ വായ്പ പദ്ധതികൾ കേരളബാങ്ക് ആവിഷ്കരിച്ചിട്ടുണ്ടോ; വിശദമാക്കാമോ;

കേരള ബാങ്കിന്റെ ഡിജിറ്റൽ ഇടപാടുകളിലെ സുരക്ഷ ഉറപ്പുവരുത്തുന്നതിന് നടപടികൾ സ്വീകരിച്ചിട്ടുണ്ടോ ; വിശദമാക്കാമോ?

കേരള ബാങ്കിന്റെ രൂപീകരണ വേളയില്‍ പ്രസ്തുത ബാങ്കില്‍ നിന്നും വായ്പയെടുത്തിട്ടുള്ള പ്രാഥമിക കാര്‍ഷിക സഹകരണ സംഘങ്ങള്‍ക്ക് അവരുടെ ഓഹരി മൂലധനത്തിന് അടുത്ത 3 വര്‍ഷങ്ങളില്‍ 10% ഡിവിഡന്റ് നല്കുന്നതാണെന്ന അന്നത്തെ സഹകരണ വകുപ്പ് മന്ത്രിയുടെ പ്രഖ്യാപനം ശ്രദ്ധയില്‍പ്പെട്ടിട്ടുണ്ടോ;

ബാങ്കിന്റെ 2020-21 സാമ്പത്തിക വര്‍ഷത്തെ ലാഭനഷ്ട കണക്കുകളുടെ അടിസ്ഥാനത്തില്‍ പ്രഖ്യാപിച്ച ലാഭ വിഹിതം പ്രാഥമിക കാര്‍ഷിക സഹകരണ സംഘങ്ങള്‍ക്ക് നല്‍കുവാന്‍ സാധിച്ചിട്ടുണ്ടോ; വ്യക്തമാക്കാമോ?

കേരള സഹകരണ ബാങ്കിന്റെ 2019- 20, 2020-21 വര്‍ഷങ്ങളിലെ ലാഭ നഷ്ട കണക്ക് വ്യക്തമാക്കുമോ;

പ്രസ്തുത ബാങ്കിൽ നിലവിൽ തസ്തികകളില്‍ ഒഴിവുകൾ ഉണ്ടോയെന്ന് അറിയിക്കാമോ; ഉണ്ടെങ്കില്‍ തസ്തികയുടെ പേര്, ഒഴിവ് വന്ന തീയതി എന്നിവ തരം തിരിച്ച് നൽകാമോ; പി.എസ്.സി.ക്ക് റിപ്പോർട്ട് ചെയ്യേണ്ട തസ്തികയിൽ നിലവില്‍ ഒഴിവുകളുണ്ടോ; വിശദാംശങ്ങൾ ലഭ്യമാക്കാമോ;

നിയമനവുമായി ബന്ധപ്പെട്ട് കേരള ഹൈക്കോടതിയിൽ എത്ര കേസുകൾ നിലവിലുണ്ട് ; വിശദാംശങ്ങൾ വെളിപ്പെടുത്താമോ?

കേരള ബാങ്കില്‍ വായ്പകുടിശ്ശിക നിവാരണവുമായി ബന്ധപ്പെട്ട് നിലവിലെ പ്രവര്‍ത്തനങ്ങള്‍ വിശദമാക്കാമോ;

ഗുരുതരരോഗങ്ങള്‍ മൂലം വായ്പ തിരിച്ചടവില്‍ കുടിശ്ശിക വന്നവര്‍ക്ക് ഏതെങ്കിലും തരത്തിലുള്ള ആനുകൂല്യങ്ങള്‍ ബാങ്ക് നല്‍കിവരുന്നുണ്ടോ; വിശദമാക്കാമോ?

സംസ്ഥാനത്തെ സഹകരണ മേഖലയെ ബാധിക്കുന്ന രീതിയിൽ കേന്ദ്രസർക്കാരും റിസർവ്വ് ബാങ്കും എന്തെങ്കിലും നിബന്ധനകളോ നിയന്ത്രണങ്ങളോ ഏർപ്പെടുത്തിയിട്ടുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കാമോ;

ഇപ്രകാരം നിയന്ത്രണങ്ങൾ ഏർപ്പെടുത്തിയിട്ടുണ്ടെങ്കിൽ ആയതിനെ മറികടക്കുന്നതിനുവേണ്ട എന്തെങ്കിലും നടപടികൾ സ്വീകരിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ?

സംസ്ഥാനത്ത് സഹകരണ ബാങ്കുകളിലെ നിലവിലെ ഓഡിറ്റ് സംവിധാനങ്ങൾ വിശദമാക്കാമോ; ആയതിലെ പോരായ്മകൾ പരിഹരിക്കാൻ എന്തൊക്കെ നടപടികളാണ് സ്വീകരിച്ചിരിക്കുന്നത് എന്ന് വ്യക്തമാക്കാമോ;

സഹകരണ ബാങ്കുകളിലെ ഓഡിറ്റുകൾ സർക്കാർ പരിശോധനയ്ക്ക് വിധേയമാക്കാറുണ്ടോ;

കരുവന്നൂർ ബാങ്ക് തട്ടിപ്പിനെക്കുറിച്ച് 2019-ൽ അന്നത്തെ സഹകരണവകുപ്പ് മന്ത്രിക്ക് പരാതി ലഭിച്ചിട്ടും കുറ്റക്കാര്‍ക്കെതിരെ നടപടി സ്വീകരിക്കാതിരുന്നതിന്റെ കാരണം വിശദമാക്കാമോ?

കരുവന്നൂര്‍ ബാങ്ക് തട്ടിപ്പിന്ശേഷം സമാനമായ സംഭവങ്ങള്‍ ആവര്‍ത്തിക്കാതിരിക്കാന്‍ പുതുതായി ഏതെങ്കിലും തരത്തിലുള്ള ക്രമീകരണങ്ങള്‍ സഹകരണ ബാങ്ക് മേഖലയില്‍ കൊണ്ടുവരാന്‍ ആലോചിക്കുന്നുണ്ടോ; വിശദമാക്കാമോ;

പഴുതടച്ചുള്ള നിരീക്ഷണങ്ങളും ഓഡിറ്റ് സംവിധാനം ശക്തിപ്പെടുത്തലും ഈ മേഖലയില്‍ കൊണ്ടുവരാനുദ്ദേശിക്കുന്നുണ്ടോ; വിശദമാക്കാമോ?

ഗുരുവായൂര്‍ കോ-ഓപ്പറേറ്റീവ് അര്‍ബന്‍ ബാങ്കിലെ അഴിമതിയുമായി ബന്ധപ്പെട്ട് സഹകരണ വകുപ്പ് സ്വീകരിച്ച നടപടികളുടെ വിശദവിവരങ്ങള്‍ ലഭ്യമാക്കാമോ;

ചാവക്കാട് ഫര്‍ക്ക കോ-ഓപ്പറേറ്റീവ് റൂറല്‍ ബാങ്കിലെ അഴിമതിയുമായി ബന്ധപ്പെട്ട് സഹകരണ വകുപ്പ് സ്വീകരിച്ച നടപടികളുടെ വിശദവിവരങ്ങള്‍ വ്യക്തമാക്കാമോ?

ക്രമക്കേട് നടന്ന കരുവന്നൂർ സഹകരണ ബാങ്കിലെ ആസ്തി-ബാധ്യതകൾ തിട്ടപ്പെടുത്താൻ നടപടി സ്വീകരിച്ചിട്ടുണ്ടോ;

ഈ ബാങ്കിലെ നിക്ഷേപകരുടെ പണം തിരികെ നൽകുന്നതിന് സ്വീകരിച്ച നടപടികൾ വിശദമാക്കുമോ;

എന്നത്തേക്ക് പണം കൊടുത്തു തീർക്കാൻ കഴിയുമെന്നാണ് പ്രതീക്ഷിക്കുന്നത് എന്ന് വ്യക്തമാക്കാമോ?

സീതത്തോട് സർവീസ് സഹകരണ ബാങ്കിലെ അഴിമതി സംബന്ധിച്ച് പരാതി ലഭിച്ചിട്ടുണ്ടോ; വിശദാംശങ്ങൾ നൽകാമോ;

ഉണ്ടെങ്കില്‍ ക്രമക്കേടുകൾ അന്വേഷിക്കാൻ തീരുമാനിച്ചിട്ടുണ്ടോ;

2013 മുതല്‍ 2018 വരെയുള്ള കാലയളവില്‍ ബാങ്കില്‍ 1.63 കോടിയുടെ ക്രമക്കേട് നടന്നുവെന്ന് ഓഡിറ്റിങ്ങില്‍ കണ്ടെത്തിയിട്ടുണ്ടോ; ഓഡിറ്റിന്റെ പകർപ്പ് ലഭ്യമാക്കാമോ; 2018 ന് ശേഷം ഓഡിറ്റ് നടക്കാത്തതിന്റെ കാരണം വിശദമാക്കാമോ;

ഈ ക്രമക്കേടുമായി ബന്ധപ്പെട്ട് കോന്നി എം. എൽ. എ. ക്കെതിരെ പരാതി ഉയർന്നിട്ടുണ്ടോ; എങ്കില്‍ അതിന്മേൽ സ്വീകരിച്ച നടപടി വ്യക്തമാക്കാമോ?

മുന്നൂറു കോടിയിലധികം രൂപയുടെ തട്ടിപ്പ് നടന്ന കരുവന്നൂർ സഹകരണ ബാങ്ക് തട്ടിപ്പില്‍ ക്രമവിരുദ്ധ നടപടികൾക്ക് ഉത്തരരവാദികളായ ഡയറക്ടർ ബോർഡ് അംഗങ്ങളെ പ്രതിപ്പട്ടികയിൽ ചേർത്തിട്ടുണ്ടോ; ;

ഏതെങ്കിലും പ്രതികളെ ഇനിയും അറസ്റ്റ് ചെയ്യാനുണ്ടോ;

നിക്ഷേപകരുടെ തുക തിരിച്ചു നൽകാൻ നടപടി സ്വീകരിച്ചിട്ടുണ്ടോ; വിശദാംശം അറിയിക്കുമോ?

ഉദയമ്പേരൂർ മണക്കുന്നം വില്ലേജ്സർവീസ് സഹകരണ ബാങ്കിൽ മുൻ ഭരണ സമിതിയുടെ കാലത്ത് വായ്പ ക്രമക്കേടുകൾ നടന്നതയുള്ള പരാതികൾ ശ്രദ്ധയിൽപെട്ടിട്ടുണ്ടോ; എങ്കിൽ ഈ കാര്യത്തിൽ സ്വീകരിച്ച നടപടികൾ വ്യക്തമാക്കുമോ;

അനധികൃത വായ്പകൾ തിരിച്ചു പിടിക്കുന്നതിനും കുറ്റവാളികളെ ശിക്ഷിക്കുന്നതിനും നടപടി സ്വീകരിക്കുമോ?

കോവിഡിന്റെ സാഹചര്യത്തിൽ നിർത്തിവെച്ച പൂഞ്ഞാർ സർവീസ് സഹകരണ ബാങ്കിലെ വായ്പാകുടിശ്ശിക സംബന്ധിച്ച ആർബിട്രേഷൻ/എക്സിക്യൂഷൻ നടപടികൾ പുനരാരംഭിക്കാൻ നടപടി സ്വീകരിച്ചിട്ടുണ്ടോ;

സാമ്പത്തിക പ്രതിസന്ധിയിലായ പ്രസ്തുത ബാങ്കിന്റെ പ്രത്യേക സാഹചര്യം പരിഗണിച്ച് കോവിഡ് രോഗവ്യാപനത്തിന് മുൻപേ കുടിശ്ശികയായ നിരവധി വായ്പകളിന്മേലുള്ള ആർബിട്രേഷൻ/എക്സിക്യൂഷൻ നടപടികൾ പുനരാരംഭിക്കാൻ ആവശ്യമായ നടപടികൾ സ്വീകരിക്കുമോ എന്ന് വ്യക്തമാക്കുമോ?

സീതത്തോട് സഹകരണ ബാങ്കിൽ ചട്ടവിരുദ്ധമായി തസ്തിക സൃഷ്ടിച്ച് സ്വജനങ്ങള്‍ക്ക് സ്ഥാനക്കയറ്റം നൽകി വ്യാപക ക്രമക്കേട് നടത്തി എന്ന പരാതി ഗൗരവത്തോടെ കാണുന്നുണ്ടോ;

ബാങ്കില്‍ നടന്ന പ്യൂണ്‍ നിയമനത്തിലെ അഴിമതി സംബന്ധിച്ച് സഹകരണ സംഘം രജിസ്ട്രാര്‍ക്ക് പരാതി ലഭിച്ചിട്ടുണ്ടോ ; എങ്കിൽ അതിന്റെ പകർപ്പ് ലഭ്യമാക്കാമോ;

ഇതുസംബന്ധിച്ച് സഹകരണ വകുപ്പ് എന്തെങ്കിലും അന്വേഷണം നടത്തിട്ടുണ്ടോ; വിശദമാക്കാമോ?

പത്തനംതിട്ട ജില്ലയിലെ മല്ലപ്പള്ളി കൊറ്റനാട് സർവീസ് സഹകരണ ബാങ്കില്‍ ലോൺ അനുവദിക്കുന്നതിൽ വ്യാപക ക്രമക്കേട് നടന്നതായുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

ശ്രീമതി അന്നമ്മ മാത്യൂസ്, വെങ്ങാമൂട്ടിൽ ഹൗസ് എന്ന വ്യക്തിക്ക് പ്രസ്തുത ബാങ്കിൽ നിന്നും നിക്ഷേപത്തുക തിരികെ നൽകാതെ വഞ്ചിച്ചതായുള്ള പരാതി ശ്രദ്ധയിൽപ്പെട്ടിട്ടുണ്ടോ;

ഇക്കാര്യത്തിൽ ഹൈക്കോടതിയുടെ അനുകൂല ഉത്തരവ് ഉണ്ടായിട്ടും നിക്ഷേപത്തുക തിരികെ നൽകാത്തതിന്റെ കാരണം വ്യക്തമാക്കുമോ; പ്രസ്തുത വ്യക്തിക്ക് അടിയന്തരമായി തുക തിരികെ നൽകുന്നതിന് നടപടി സ്വീകരിക്കാമോ?

പാലാ മീനച്ചിൽ റബ്ബര്‍ പ്രോസസ്സിംഗ് കോ-ഓപ്പറേറ്റീവ് സൊസൈറ്റി (MRMPCS) കര്‍ഷകരില്‍ നിന്നുള്ള ഡെപ്പോസിറ്റ് ഇനത്തിലും റബ്ബര്‍ ഷീറ്റ്, റബ്ബര്‍പാല്‍, ഒട്ടുപാല്‍ എന്നിവ വാങ്ങിയ ഇനത്തിലും ഉള്ള 70 കോടിയോളം രൂപ വരുന്ന കുടിശ്ശിക തുക കൊടുത്തുതീര്‍ക്കുവാന്‍ നടപടി സ്വീകരിക്കുമോ; വിശദമാക്കാമോ ?

സഹകരണ വകുപ്പില്‍ റിസ്ക്ക്ഫണ്ട് മുഖേനയുള്ള സഹായം ലഭ്യമാക്കുന്നതിന് നിലവിലുള്ള മാനദണ്ഡങ്ങള്‍ എന്തൊക്കെയാണ്;

കോവിഡ് 19 ന്റെ സാഹചര്യത്തില്‍ മാനദണ്ഡങ്ങളില്‍ എന്തെങ്കിലും ഇളവ് അനുവദിച്ചിട്ടുണ്ടോ;

റിസ്ക്ക്ഫണ്ട് അപേക്ഷകളില്‍ തീരുമാനം എടുക്കുന്നതിനുള്ള കാലതാമസം ഒഴിവാക്കി ആനുകൂല്യങ്ങള്‍ യഥാസമയം അനുവദിക്കന്നതിന് നടപടികള്‍ സ്വീകരിച്ചിട്ടുണ്ടോ; വ്യക്തമാക്കാമോ?

സംസ്ഥാനത്ത് യുവജനങ്ങള്‍ക്കായി സഹകരണമേഖലയില്‍ ആദ്യമായി ആരംഭിക്കുന്ന യുവ സഹകരണസംഘങ്ങളുടെ പ്രവര്‍ത്തനരീതി വ്യക്തമാക്കാമോ;

വായ്പ സംഘങ്ങള്‍ എന്ന നിലയിലാണോ സംരംഭക രംഗത്താണോ പ്രസ്തുത സംഘങ്ങള്‍ പ്രവര്‍ത്തിക്കുകയെന്നും ഇതിനായി എത്ര അപേക്ഷകര്‍ സമീപിച്ചിട്ടുണ്ടെന്നും വിശദമാക്കാമോ;

ഏതൊക്കെ ജില്ലകളിലാണ് യുവ സഹകരണ സംഘങ്ങളുടെ പ്രവര്‍ത്തനത്തിന് തുടക്കം കുറിച്ചിട്ടുള്ളതെന്ന് വ്യക്തമാക്കാമോ?

കേരളത്തിലെ വിവിധ മേഖലകളിലായി രജിസ്റ്റര്‍ ചെയ്തിട്ടുള്ള സഹകരണ സംഘങ്ങളുടെയും അവയില്‍ പ്രവര്‍ത്തനക്ഷമമായവയുടെയും എണ്ണം വ്യക്തമാക്കാമോ;

ഇതില്‍ പ്രാഥമിക കാര്‍ഷികവായ്പ സഹകരണ സംഘങ്ങള്‍ എത്രയെന്നു വ്യക്തമാക്കാമോ?

കേരളത്തില്‍ പ്രവര്‍ത്തന പരിധിയുള്ള മള്‍ടിസ്റ്റേറ്റ് സഹകരണ സംഘങ്ങളുടെ പ്രവര്‍ത്തനം സര്‍ക്കാര്‍ പരിശോധനയ്ക്ക് വിധേയമാണോ; എങ്കില്‍ സ്വീകരിച്ചുവരുന്ന നടപടി വിശദമാക്കാമോ;

പ്രസ്തുത സംഘങ്ങളുടെ പ്രവര്‍ത്തനം നിയന്ത്രിക്കുന്നതിന് സര്‍ക്കാര്‍ തലത്തില്‍ നടപടി സ്വീകരിക്കുമോ; വിശദമാക്കാമോ?

കെ.എസ്.എഫ്.ഇ. സ്റ്റാഫ് കോ-ഓപ്പറേറ്റീവ് സൊസൈറ്റിയിൽ നടന്ന ക്രമക്കേടുകളില്‍ ഹൈക്കോടതി വിധിയുടെ അടിസ്ഥാനത്തിൽ കുറ്റവാളികളിൽ നിന്നും നഷ്ടപ്പെട്ട പണം തിരിച്ചെടുക്കുന്നതിന് നാളിതുവരെ നടപടി സ്വീകരിക്കാത്തതിന്റെ കാരണം വ്യക്തമാക്കുമോ;

ക്രമക്കേടുകൾക്ക് ഉത്തരവാദികളായവരുടെ സ്വത്ത് റിക്കവറി നടത്താനുള്ള ഉത്തരവ് നാളിതുവരെ നടപ്പിലാക്കാത്തതിന്റെ കാരണം വെളിപ്പെടുത്താമോ;

നിക്ഷേപകർക്ക് പണം തിരികെ നൽകുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

രജിസ്ട്രേഷന്‍ നടപടികള്‍ പൂര്‍ത്തിയായ എത്ര യുവ സഹകരണ സംഘങ്ങളാണ് സംസ്ഥാനത്തുളളത്; പ്രസ്തുത സംഘങ്ങള്‍ എന്തൊക്കെ തരത്തിലുളള പ്രവൃത്തികളാണ് ഏറ്റെടുക്കാന്‍ ഉദ്ദേശിക്കുന്നത് എന്നറിയിക്കാമോ?

പ്രാഥമിക സഹകരണ സംഘങ്ങളിലെ ആദ്യകാല അംഗങ്ങളിൽ മാരകരോഗങ്ങളും ദുരിതവുമനുഭവിക്കുന്നവർക്കായി മുൻ സർക്കാർ പ്രഖ്യാപിച്ച ധനസഹായം വിതരണം ചെയ്തിട്ടുണ്ടോ; അപേക്ഷകർക്ക് അടിയന്തരമായി സഹായം അനുവദിക്കുന്നതിന് നടപടി സ്വീകരിക്കുമോ;

ഇതിനായി അനുവദിച്ച 147. 2 കോടി രൂപ വകമാറ്റി ചെലവഴിച്ചതായുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദാംശങ്ങൾ നൽകുമോ?

സഹകരണ സംഘങ്ങളിൽ ക്രമക്കേടുകൾ വ്യാപകമായി റിപ്പോർട്ട് ചെയ്യുന്ന സാഹചര്യത്തിൽ ഓഡിറ്റിംഗ് ഫലപ്രദമാക്കുന്നതിന് എന്തെങ്കിലും നടപടികൾ സ്വീകരിച്ചിട്ടുണ്ടോ എന്ന് വ്യക്തമാക്കാമോ?

വടക്കാ‍ഞ്ചേരി മണ്ഡലത്തിലെ മുഴുവന്‍ സഹകരണ സ്ഥാപനങ്ങളുടെയും വിവരങ്ങള്‍ ലഭ്യമാക്കാമോ;

2016-2021 കാലയളവില്‍ പ്രസ്തുത മണ്ഡലത്തില്‍ രജിസ്റ്റര്‍ ചെയ്തിട്ടുള്ള സഹകരണ സ്ഥാപനങ്ങളുടെ എണ്ണം, ഇവയുടെ പട്ടിക എന്നിവ ലഭ്യമാക്കാമോ?

യുവ സഹകരണസംഘം പദ്ധതി നടപ്പിലാക്കിയിട്ടുണ്ടോ; എങ്കില്‍ അതിന്റെ ഉദ്ദേശ്യലക്ഷ്യങ്ങളും മാനദണ്ഡങ്ങളും വ്യക്തമാക്കുമോ;

പ്രസ്തുത പദ്ധതി പ്രകാരം രജിസ്റ്റര്‍ ചെയ്ത സഹകരണ സംഘങ്ങള്‍ ഏതെല്ലാം എന്ന് വ്യക്തമാക്കുമോ; വിശദാംശം നല്‍കുമോ?

സംസ്ഥാനത്ത് നിലവിൽ എത്ര യുവ സഹകരണസംഘങ്ങളാണ് തുടങ്ങിയിട്ടുളളതെന്ന് വിശദമാക്കുമോ;

പ്രസ്തുത സംഘങ്ങളിലൂടെ എന്തെല്ലാം പ്രവര്‍ത്തനങ്ങളാണ് നടപ്പിലാക്കാന്‍ ഉദ്ദേശിക്കുന്നതെന്ന് വിശദമാക്കുമോ?

കരുവന്നൂര്‍ സഹകരണ ബാങ്കിലെ ക്രമക്കേടുകള്‍ സംബന്ധിച്ച അന്വേഷണം ഏതു ഘട്ടത്തിലാണ്;

സഹകരണ നിയമപ്രകാരവും സര്‍ക്കാര്‍ തലത്തില്‍ നടന്നു വരുന്ന ക്രിമിനല്‍ ഇന്‍വെസ്റ്റിഗേഷന്‍ നടപടി പ്രകാരവും ഉള്ള അന്വേഷണവും ഉന്നതതല സമിതിയുടെ അന്വേഷണവും നിലവില്‍ ഏതു ഘട്ടത്തിലാണെന്നും കുറ്റക്കാരായി എത്രപേരെ കണ്ടെത്തിയിട്ടുണ്ടെന്നും അറിയിക്കുമോ;

സഹകരണസംഘം നിയമപ്രകാരം രജിസ്ട്രേഷനുള്ള എത്ര സഹകരണ സംഘങ്ങള്‍ സംസ്ഥാനത്ത് നിലവിലുണ്ടെന്നും ഇവയുടെ ഭരണവ്യവസ്ഥ എപ്രകാരമാണെന്നും വ്യക്തമാക്കുമോ;

ഈ സർക്കാരിന്റെ കാലയളവിൽ ഏതെല്ലാം സഹകരണ സംഘങ്ങളില്‍ നാളിതുവരെ ക്രമക്കേടുകള്‍ കണ്ടെത്തിയിട്ടുണ്ടെന്നും അതില്‍ എത്രപേര്‍ക്കെതിരെ നടപടികള്‍ സ്വീകരിച്ചിട്ടുണ്ടെന്നും അറിയിക്കുമോ; വിശദാംശം നല്‍കുമോ?

സംസ്ഥാനത്ത് കണ്‍സ്യൂമര്‍ ഫെഡിന്റെ ഓണ്‍ലൈന്‍ വ്യാപാര പരിപാടിയുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

കണ്‍സ്യൂമര്‍ ഫെഡിന്റെ ഹോം ഡെലിവെറി സംവിധാനം വിപുലീകരിക്കുവാന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

കോവിഡ്കാല ഭക്ഷ്യക്ഷാമം പരിഹരിക്കുന്നതിന് കണ്‍സ്യൂമര്‍ ഫെഡ് വഴി ശക്തമായ ഇടപെടല്‍ നടത്തിയിട്ടുണ്ടോ; വിശദമാക്കാമോ;

കോവിഡ് പ്രതിരോധത്തിനായി കുറ‍ഞ്ഞവിലക്ക് പ്രതിരോധ മെഡിക്കല്‍ കിറ്റ് നീതി മെഡിക്കല്‍ ‍ സ്റ്റോറുകളിലൂടെ വിപണിയില്‍ എത്തിച്ചിരുന്നോ; വിശദമാക്കാമോ;

കോവിഡ് പ്രതിരോധ സാമഗ്രികളായ മാസ്ക്, സാനിറ്റൈസര്‍ എന്നിവ സംഭരിച്ച് കുറഞ്ഞ വിലയ്ക്ക് നീതി മെഡിക്കല്‍ സ്റ്റോറുകള്‍ വഴി വിതരണം ചെയ്യാന്‍ നടപടികള്‍ സ്വീകരിച്ചിരുന്നോ; വിശദമാക്കാമോ?

കാഞ്ഞങ്ങാട് സഹകരണ പരിശീലന കേന്ദ്രത്തിലെ കുട്ടികളുടെ ഒന്നാം സെമസ്റ്റർ പരീക്ഷയുടെ ഉത്തരപേപ്പർ മോഷണം പോയത് ശ്രദ്ധയിൽപ്പെട്ടിട്ടുണ്ടോ; ഈ കാര്യത്തിൽ സ്വീകരിച്ച തുടർനടപടികൾ വ്യക്തമാക്കുമോ?

സഹകരണ ആശുപത്രികളിൽ ചികിത്സാ സംവിധാനം വർദ്ധിപ്പിക്കുന്നതിന് സർക്കാർ സഹായത്തോടെ പുതിയ പദ്ധതികൾ നടപ്പിലാക്കുന്നുണ്ടോ; വിശദമാക്കാമോ;

രണ്ടാം ഘട്ട കോവിഡ് വ്യാപന സമയത്ത് കിടത്തി ചികിത്സാ, പ്രതിരോധ പ്രവർത്തനങ്ങൾ എന്നിവക്ക് സഹകരണ ആശുപത്രികൾ ലഭ്യമാക്കിയ സഹായങ്ങള്‍ വിശദമാക്കുമോ;

കോവിഡ് ചികിത്സ, പ്രതിരോധ പ്രവർത്തനങ്ങൾ എന്നിവ ഊർജിതമാക്കാനും ചികിത്സാ സൗകര്യങ്ങള്‍ വർദ്ധിപ്പിക്കാനും സഹകരണ ആശുപത്രികളില്‍ നടത്തിയ വികസന പ്രവർത്തനങ്ങൾ വിശദമാക്കുമോ?

സഹകരണ ബാങ്കുകളിൽ നിന്ന് വായ്പയെടുത്തവര്‍ കോവിഡ് 19 ന്റെ പശ്ചാത്തലത്തിൽ യഥാസമയം വായ്പ തിരിച്ചടക്കാനാവാതെ ബാങ്ക് നടപടി നേരിടുന്നതു ശ്രദ്ധയിൽപ്പെട്ടിട്ടുണ്ടോ;

ഇത്തരത്തിൽ ദുരിതം നേരിടുന്നവര്‍ക്കുള്ള ആശ്വാസ നടപടികൾ പരിഗണനയിലുണ്ടോ; വിശദമാക്കാമോ;

ദീർഘനാളായി വായ്പ തിരിച്ചടവ് മുടങ്ങിയവർക്ക് ഒറ്റത്തവണയായി തീർപ്പാക്കുന്നതിന് ആനുകൂല്യം നൽകുന്നുണ്ടോ; വിശദമാക്കാമോ;

വീടും സ്ഥലവും പണയപ്പെടുത്തി വായ്പയെടുത്ത നിരവധി പേർ തിരിച്ചടവ് മുടങ്ങി സഹകരണബാങ്കുകളുടെ ജപ്തി ഭീഷണി നേരിടുന്നത് ശ്രദ്ധയിൽപ്പെട്ടിട്ടുണ്ടോ; ഇവർക്ക് ആശ്വാസമാകുന്ന നടപടികൾ പരിഗണനയിലുണ്ടോ?

കോവിഡ് മഹാമാരിയുടെ പശ്ചാത്തലത്തില്‍, പ്രാഥമിക സഹകരണ സംഘങ്ങള്‍, ബാങ്കുകള്‍ എന്നിവയുടെ കുടിശ്ശിക കുറയ്ക്കുന്നതിനു വേണ്ട നടപടി സ്വീകരിക്കാമോ;

കോവിഡ് പ്രതിസന്ധി നേരിടുന്നതിനുള്ള സഹായ പദ്ധതികള്‍ സഹകരണ വകുപ്പ് ആവിഷ്കരിച്ചിട്ടുണ്ടോ; വിശദമാക്കാമോ?

സംസ്ഥാനത്തെ സഹകരണബാങ്കുകളില്‍ വായ്പ തിരിച്ചടവില്‍ കുടിശ്ശിക വരുത്തിയവര്‍ക്കെതിരെ ജപ്തി നടപടികള്‍ സ്വീകരിച്ചു വരുന്നത് ശ്രദ്ധയില്‍പ്പെട്ടിട്ടുണ്ടോ;

കോവിഡ് മഹാമാരിയുടെ ദുരിതകാലത്ത് വരുമാനമില്ലാതെ വായ്പ യഥാസമയം തിരിച്ചടയ്ക്കാന്‍ കഴിയാതെ പോയവര്‍ക്ക് കൂടുതല്‍ സമയം അനുവദിക്കുന്നതിനും പലിശയില്‍ ഇളവുകള്‍ അനുവദിക്കുന്നതിനും ജപ്തി നടപടികള്‍ ഒഴിവാക്കുന്നതിനും ആവശ്യമായ നടപടികള്‍ സ്വീകരിക്കുമോ?

പാറശ്ശാല നിയോജക മണ്ഡലത്തിലെ സഹകരണ സ്ഥാപനങ്ങളില്‍ വിദ്യാതരംഗിണി വായ്പാ പദ്ധതി പ്രകാരം എത്ര അപേക്ഷകള്‍ ലഭിച്ചുവെന്ന് വ്യക്തമാക്കാമോ;

പ്രസ്തുത പദ്ധതി പ്രകാരം അനുവദിച്ച വായ്പയുടെ വിശദാംശം പഞ്ചായത്ത് അടിസ്ഥാനത്തില്‍ നല്‍കാമോ?

സഹകരണ ബാങ്കുകളില്‍ നിന്ന് ലോണ്‍ എടുത്ത പാവപ്പെട്ടവര്‍ക്ക് കോവിഡ് കാലത്ത് ലോണുകളില്‍ വന്ന കുടിശ്ശിക ഒഴിവാക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

ലോണ്‍ കുടിശ്ശിക ഒഴിവാക്കുന്നതിനുവേണ്ടി ഏതെങ്കിലും തരത്തിലുള്ള പാക്കേജ് നടപ്പില്‍വരുത്താന്‍ കഴിയുമോ?

ഒരു സഹകരണ ബാങ്കിൽ നിന്ന് എടുത്ത വായ്പ മറ്റൊരു സഹകരണ ബാങ്കിലേക്ക് മാറ്റാൻ നിയമം അനുവദിക്കുന്നുണ്ടോ എന്ന് വ്യക്തമാക്കാമോ;

കരുവന്നൂർ ബാങ്കിൽ തിരിച്ചടവ് മുടങ്ങിക്കിടന്നിരുന്ന ആരുടെയെങ്കിലും വായ്പ മറ്റേതെങ്കിലും സഹകരണ ബാങ്ക് ഏറ്റെടുത്തിട്ടുണ്ടോ;

എങ്കിൽ ആരുടെ എത്ര കോടി രൂപയുടെ വായ്പ ഏത് ബാങ്ക് എപ്പോഴാണ് ഏറ്റെടുത്തതെന്ന് വ്യക്തമാക്കാമോ;

വായ്പ ഏറ്റെടുത്ത ബാങ്കിന്റെ സാമ്പത്തിക സ്ഥിതി വ്യക്തമാക്കാമോ; കടക്കെണിയിൽപ്പെട്ടുകിടന്ന ബാങ്കാണോ വായ്പ ഏറ്റെടുത്തതെന്ന് വെളിപ്പെടുത്താമോ;

ആണെങ്കില്‍ സാമ്പത്തിക പ്രതിസന്ധി നേരിടുന്ന ഘട്ടത്തിൽ വായ്പ ഏറ്റെടുക്കാനുള്ള കാരണം വ്യക്തമാക്കാമോ;

ഏറ്റെടുത്ത വായ്പയ്ക്കു പുറമെ ടിയാൾക്ക് പ്രസ്തുത ബാങ്കിൽ മറ്റു വായ്പ ഉണ്ടായിരുന്നോ; എങ്കിൽ എത്ര രൂപയുടെ വായ്പയാണതെന്ന് വ്യക്തമാക്കാമോ?

ഓച്ചിറ ക്ലാപ്പന സഹകരണ ബാങ്കിന്റെ മുറ്റത്തെ മുല്ല എന്ന ലഘുവായ്പ പദ്ധതിയിൽ കോടികളുടെ അഴിമതി നടന്നതായിട്ടുള്ള ആരോപണത്തിൽ അന്വേഷണം നടത്തിയിട്ടുണ്ടോ; കണ്ടെത്തലുകൾ വ്യക്തമാക്കാമോ;

ഇക്കാര്യത്തിൽ ഉത്തരവാദികളായവർക്കെതിരെ സ്വീകരിച്ച നടപടി വെളിപ്പെടുത്താമോ; ഈ ക്രമക്കേട് സംബന്ധിച്ചു പഠിക്കാൻ ബാങ്ക് ഭരണസമിതി നിയോഗിച്ച ഉപസമിതിയുടെ കണ്ടെത്തലുകൾ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ?

വിദ്യാതരംഗിണി വായ്പാപദ്ധതി പ്രകാരം സംസ്ഥാനമൊട്ടാകെ എത്ര വായ്പകളിലായി എത്ര തുക അനുവദിച്ചുവെന്ന് വ്യക്തമാക്കാമോ;

അനുവദിച്ച വായ്പയും തുകയും ജില്ല തിരിച്ച് വിശദമാക്കാമോ?

സഹകരണസംഘങ്ങളില്‍ നിന്ന് വായ്പ എടുത്ത് തിരിച്ചടയ്ക്കാതെ സംഘങ്ങള്‍ക്ക് സാമ്പത്തിക നഷ്ടം വരുത്തിയവര്‍ക്കോ വ്യക്തിപരമായി കുടിശ്ശിക വരുത്തിയവര്‍ക്കോ അര്‍ബന്‍ സഹകരണ ബാങ്കുകളുടെ ഭരണസമിതിയംഗമാകാന്‍ കഴിയില്ലെന്ന നിര്‍ദ്ദേശം/ഉത്തരവ് റിസര്‍വ് ബാങ്ക് ഓഫ് ഇന്ത്യ പുറപ്പെടുവിച്ചിട്ടുണ്ടോ;

സഹകരണസംഘം നിയമമാവലിയില്‍ മേല്‍ വിഷയങ്ങള്‍ പ്രതിപാദിച്ചിട്ടുണ്ടോ; ഉണ്ടെങ്കില്‍ ഏതെല്ലാം വകുപ്പുകളിലാണ് ഇക്കാര്യങ്ങള്‍ സൂചിപ്പിച്ചിട്ടുള്ളത്; ആയതിന്റെ രേഖാമൂലമുള്ള പകര്‍പ്പുകള്‍ ലഭ്യമാക്കാമോ;

ചാരിറ്റബിള്‍ സംഘങ്ങളുടെ പേരില്‍ സഹകരണ സംഘങ്ങളില്‍ നിന്നും എടുക്കുന്ന വായ്പകള്‍ പൂര്‍ണ്ണമായും എഴുതിതള്ളുന്നത് നിയമപരമാണോ ; ഇങ്ങനെ എഴുതിതള്ളുന്നത് കൊണ്ട് സംഘത്തിനുണ്ടാകുന്ന സാമ്പത്തിക നഷ്ടത്തിന് വായ്പ കൈപ്പറ്റിയ ചാരിറ്റബിള്‍ സംഘങ്ങളുടെ ഭരണസമിതി അംഗങ്ങള്‍ നിയമപരമായി ഉത്തരവാദികളാകുമോ; വ്യക്തമാക്കാമോ;

വായ്പ എഴുതി തള്ളുന്നതിന് സഹകരണസംഘം ഭരണസമിതി എടുക്കുന്ന തീരുമാനങ്ങള്‍ക്ക് സഹകരണസംഘം അസിസ്റ്റന്റ് രജിസ്ട്രാറുടെയും ജില്ലാ സഹകരണസംഘം ജോയിന്റ് രജിസ്ട്രാറുടെയും അനുമതി ആവശ്യമാണോയെന്നും വായ്പ എഴുതി തള്ളുന്ന വിവരം സഹകരണ വകുപ്പില്‍ അറിയിക്കേണ്ടതുണ്ടോയെന്നും വിശദമാക്കാമോ; സഹകരണ നിയമങ്ങളിലെ ഏതെല്ലാം വകുപ്പുകള്‍ അനുസരിച്ചാണ് ഇക്കാര്യങ്ങള്‍ ചെയ്യേണ്ടതെന്നും അറിയിക്കാമോ;

സഹകരണസംഘങ്ങളിലെ വായ്പകള്‍ എഴുതി തള്ളുന്നതിന്റെ നടപടിക്രമങ്ങള്‍ വിശദമാക്കാമോ?

സഹകരണ ബാങ്കുകളില്‍ നിന്നും വായ്പ എടുത്തതിനു ശേഷം മരണപ്പെടുന്നവര്‍ക്ക് നല്‍കുന്ന റിസ്ക് ഫണ്ടിന്റെ വിശദാംശങ്ങള്‍ ലഭ്യമാക്കാമോ;

ഗുരുതര രോഗം ബാധിച്ചവരെ ഈ പദ്ധതിയില്‍ ഉള്‍പ്പെടുത്താറുണ്ടോ; ഇതിന്റെ മാനദണ്ഡങ്ങള്‍ വിശദമാക്കാമോ?

സഹകരണ സ്ഥാപനങ്ങളില്‍ നിന്ന് ലോണെടുത്ത് മരണപ്പെട്ടവരുടെ അനന്തരാവകാശികള്‍ക്ക് റിസ്ക് ഫണ്ടില്‍ നിന്ന് ആനുകൂല്യങ്ങള്‍ ലഭ്യമാക്കുന്നതിന് നിലവിലുളള മാനദണ്ഡങ്ങള്‍ വിശദമാക്കാമോ;

പ്രസ്തുത മാനദണ്ഡങ്ങള്‍ പരിഷ്കരിക്കാന്‍ ഉദ്ദേശിക്കുന്നുണ്ടോ;

കോവിഡ് പശ്ചാത്തലത്തില്‍ സാമ്പത്തിക പ്രതിസന്ധിയിലാവുകയും ആറ് മാസത്തിലധികം കുടിശ്ശിക വരുത്തുകയും ചെയ്തവര്‍ മരണപ്പെടുന്ന സാഹചര്യത്തില്‍ ഇളവുകളോടെ റിസ്ക് ഫണ്ടില്‍ നിന്ന് തുക അനുവദിക്കാന്‍ നടപടികള്‍ സ്വീകരിക്കുമോ?

മലപ്പുറം ജില്ലാസഹകരണ ബാങ്കിൽ നിന്നും 2019 ഡിസംബർ മുതൽ നാളിതുവരെ എത്ര ജീവനക്കാർ വിരമിച്ചിട്ടുണ്ട്; ഇതിൽ എത്ര ഒഴിവുകളിൽ പകരം നിയമനം നടത്തിയിട്ടുണ്ട്; ഒഴിവുള്ള തസ്തികകളിൽ അടിയന്തരമായി നിയമനം നടത്തുന്നതിന് നടപടി സ്വീകരിക്കുമോ?

സര്‍ക്കാരിന്റെ നൂറ് ദിന കര്‍മ്മപദ്ധതി പ്രകാരം സഹകരണ വകുപ്പ് എത്ര തൊഴില്‍ നല്‍കുകയുണ്ടായി എന്ന് വിശദമാക്കാമോ;

പ്രസ്തുത കാലയളവില്‍ സഹകരണ വകുപ്പ് എത്ര സ്ഥിര നിയമനം നല്‍കുകയുണ്ടായി എന്ന് വ്യക്തമാക്കുമോ?

ഈ സർക്കാർ അധികാരത്തിൽ വന്ന ശേഷം രജിസ്‌ട്രേഷൻ വകുപ്പിന്റെ നവീകരണത്തിനായി സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ;

ചാത്തന്നൂർ നിയോജക മണ്ഡലത്തിലെ സബ്ബ് രജിസ്ട്രാർ ഓഫീസുകളെ അക്രെഡിറ്റേഷൻ നിലവാരത്തിലേക്ക് ഉയർത്തുന്നതിനായി നടന്നുവരുന്ന പ്രവർത്തനങ്ങളുടെ പുരോഗതി വ്യക്തമാക്കാമോ?

നാദാപുരം മണ്ഡലത്തിലെ എടച്ചേരി രജിസ്ട്രേഷന്‍ ഓഫീസ് കെട്ടിട നിര്‍മ്മാണത്തിന് നാളിതുവരെ എന്തൊക്കെ നടപടികള്‍ സ്വീകരിച്ചിട്ടുണ്ട് എന്ന്‌ വ്യക്തമാക്കുമോ;

എടച്ചേരി രജിസ്ട്രേഷന്‍ ഓഫീസ് കെട്ടിട നിര്‍മ്മാണത്തിന് സ്ഥലം ലഭ്യമാക്കാന്‍ രജിസ്ട്രേഷന്‍ വകുപ്പ് പഞ്ചായത്ത് വകുപ്പിന് നല്‍കിയ കത്തിന്റെ പകര്‍പ്പ് ലഭ്യമാക്കാമോ;

പ്രസ്തുത ഓഫീസ് കെട്ടിട നിര്‍മ്മാണത്തിന് സ്ഥലം ലഭ്യമാക്കുന്നതിന് പഞ്ചായത്ത് വകുപ്പ് എന്തെങ്കിലും തടസ്സങ്ങള്‍ ഉന്നയിച്ചിട്ടുണ്ടോ?

വസ്തു കൈമാറ്റ ഇടപാടുകള്‍ക്ക് സ്വന്തമായി ആധാരം എഴുതുന്നതിന് സര്‍ക്കാര്‍ അംഗീകാരം നല്‍കിയത് എന്നു മുതലാണ്;

അതിനുശേഷം 2020-21 വരെ ഓരോ വര്‍ഷവും അപ്രകാരം രജിസ്റ്റര്‍ ചെയ്തിട്ടുള്ള ആധാരങ്ങള്‍ എത്രയെന്ന് അറിയിക്കാമോ;

ആധാരമെഴുത്ത് ലൈസന്‍സികള്‍ വഴിയും അഭിഭാഷകര്‍ വഴിയും രജിസ്റ്റര്‍ ചെയ്തിട്ടുള്ള ആധാരങ്ങള്‍ എത്രയെന്ന് അറിയിക്കാമോ;

സര്‍ക്കാരിന്റെ ഈ തീരുമാനം മൂലം പരമ്പരാഗത ആധാരമെഴുത്തുകാര്‍ക്ക് വരുമാനനഷ്ടം ഉണ്ടായോയെന്ന് വിലയിരുത്തിയിട്ടുണ്ടോ; വിശദമാക്കാമോ?

ആലംകോട്, പെരുമ്പടപ്പ്, മാറഞ്ചേരി, വെളിയങ്കോട് വില്ലേജുകളെ ഉള്‍പ്പെടുത്തിക്കൊണ്ട് പെരുമ്പടപ്പില്‍ ഒരു രജിസ്ട്രാര്‍ ഓഫീസ് ആരംഭിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളത്; അടിയന്തരമായി പ്രസ്തുത ഓഫീസ് പ്രാവര്‍ത്തികമാക്കുവാന്‍ നടപടി സ്വീകരിക്കുമോ?

നെയ്യാറ്റിന്‍കര സബ്‌രജിസ്ട്രാര്‍ ഓഫീസ് നവീകരിക്കുന്നതിനുവേണ്ട നടപടി സ്വീകരിച്ചിട്ടുണ്ടോ എന്ന് വ്യക്തമാക്കാമോ;

പ്രസ്തുത ഓഫീസ് നവീകരിക്കുന്നതിന് ആവശ്യമായ ഫണ്ട് അനുവദിക്കുന്നത് സര്‍ക്കാര്‍ പരിഗണനയിലുണ്ടോ എന്ന് വിശദമാക്കാമോ?

തലശ്ശേരി നിയോജകമണ്ഡലത്തിലെ കതിരൂർ സബ്-രജിസ്ട്രാര്‍ ഓഫീസിന് പുതിയ കെട്ടിടം നിർമ്മിക്കുന്നതിനുള്ള ഫണ്ട് അനുവദിക്കുന്നത് സംബന്ധിച്ച് ഫയലിന്റെ നിലവിലുള്ള അവസ്ഥ എന്താണെന്ന് വിശദമാക്കാമോ;

ഇക്കാര്യത്തിൽ ഇതുവരെ സ്വീകരിച്ചിട്ടുള്ള നടപടികൾ എന്തൊക്കെയെന്നും ഈ പ്രവൃത്തിയുടെ പൂർത്തീകരണത്തിന് ആവശ്യമായ ഫണ്ട് അനുവദിക്കുമോയെന്നും വ്യക്തമാക്കാമോ?

മലയിന്‍കീഴ് സബ് രജിസ്ട്രാര്‍ ഓഫീസിന് വേണ്ടി നിര്‍മ്മിക്കുന്ന പുതിയ കെട്ടിടത്തിന്റെ നിര്‍മ്മാണ പ്രവര്‍ത്തനങ്ങള്‍ നിലച്ചത് ശ്രദ്ധയില്‍പ്പെട്ടിട്ടുണ്ടോ; ആയതിന്റെ കാരണം വിശദമാക്കാമോ;

പ്രസ്തുത കെട്ടിടത്തിന്റെ നിര്‍മ്മാണ പ്രവര്‍ത്തനങ്ങള്‍ വേഗത്തില്‍ ആരംഭിച്ച് പൂര്‍ത്തിയാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

മാനന്തവാടി മണ്ഡലത്തിലെ മാനന്തവാടി സബ് രജിസ്ട്രാര്‍ ഓഫീസ് കെട്ടിട നിര്‍മ്മാണത്തിന്റെ നിലവിലെ പുരോഗതി അറിയിക്കാമോ;

പുതിയ കെട്ടിടം എപ്പോള്‍ പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്?