പൂഞ്ഞാർ മണ്ഡലത്തിൽ മൃഗസംരക്ഷണ വകുപ്പ് നടപ്പിലാക്കിവരുന്ന പ്രവർത്തനങ്ങൾ വിശദമാക്കുമോ;

പ്രസ്തുത പ്രവൃത്തികളുടെ നിലവിലെ സ്ഥിതി വ്യക്തമാക്കുമോ?

വാമനപുരം ഗ്രാമപ‍ഞ്ചായത്തിലെ മീതൂരിൽ മൃഗസംരക്ഷണ വകുപ്പിന്റെ കൈവശമുള്ള സ്ഥലം കെ.എസ്.ഇ.ബി. സബ്സ്റ്റേഷൻ നിർമാണത്തിനായി കെ.എസ്.ഇ.ബി.യ്ക്ക് കൈമാറുന്നതിന്റെ നടപടികള്‍ ഏതുവരെയായെന്ന് അറിയിക്കുമോ; വിശദവിവരങ്ങള്‍ നല്‍കാമോ?

2021 മുതല്‍ അടുത്ത 5 വര്‍ഷത്തേക്ക് ഏതൊക്കെ പ്രത്യേക മൃഗസംരക്ഷണ പദ്ധതികളാണ് സര്‍ക്കാര്‍ നടപ്പിലാക്കാൻ ഉദ്ദേശിക്കുന്നതെന്ന് വിശദമാക്കാമോ?

പാറശ്ശാല മണ്ഡലത്തില്‍ മൃഗസംരക്ഷണ-ക്ഷീര വികസന വകുപ്പ് മുഖേന നടപ്പിലാക്കുന്ന പദ്ധതികളുടെ വിവരങ്ങള്‍ ലഭ്യമാക്കാമോ;

പ്രസ്തുത മണ്ഡലത്തില്‍ പുതിയ ക്ഷീര സംഘങ്ങള്‍ രൂപീകരിക്കുന്നത് പരിഗണനയിലുണ്ടോയെന്ന് അറിയിക്കുമോ; തദ്ദേശസ്വയംഭരണസ്ഥാപന അടിസ്ഥാനത്തില്‍ ക്ഷീര സംഘങ്ങളുടെയും ക്ഷീര കര്‍ഷകരുടെയും എണ്ണം ലഭ്യമാക്കാമോ?

കന്നുകാലി കര്‍ഷകര്‍ക്ക് കാലികളുടെ ആവശ്യത്തിനുവേണ്ട കാലിത്തീറ്റ സംസ്ഥാനത്തു തന്നെ ഉല്‍പാദിപ്പിക്കാന്‍ കഴിയുന്നുണ്ടോ;

കാലിത്തീറ്റ ഉല്‍പ്പാദനത്തില്‍ സ്വയംപര്യാപ്തത കൈവരിക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കുമോ;

ഇതരസംസ്ഥാനങ്ങളില്‍ നിന്നുള്ള കാലിത്തീറ്റയുടെ ഗുണനിലവാരം ഉറപ്പാക്കുന്നതിന് ആവശ്യമായ നടപടികള്‍ സ്വീകരിച്ചിട്ടുണ്ടോയെന്ന് വ്യക്തമാക്കാമോ?

കാലിത്തീറ്റ വില വര്‍ദ്ധനവ് കാരണം ക്ഷീര കര്‍ഷകർ നേരിടുന്ന പ്രതിസന്ധി പരിഹരിക്കാന്‍ സ്വീകരിക്കുന്ന നടപടികള്‍ വിശദമാക്കാമോ?

ഇറച്ചി, മുട്ട ഉൽപാദനത്തിൽ കേരളം സ്വയംപര്യാപ്തത കൈവരിച്ചിട്ടുണ്ടോ എന്ന് വ്യക്തമാക്കാമോ;

സംസ്ഥാനത്തെ ഇറച്ചി, മുട്ട എന്നിവയുടെ പ്രതിമാസ ഉപയോഗം, ഉല്പാദനം ഇവ എത്രയാണെന്ന് ജില്ല തിരിച്ചു വ്യക്തമാക്കാമോ;

ഇറച്ചി, മുട്ട എന്നിവ മറ്റു സംസ്ഥാനങ്ങളിൽ നിന്ന് വരുന്നതാണെങ്കിൽ പ്രതിമാസം എത്രയാണ് ഇത്തരത്തിൽ വരുന്നതെന്നും ഏതൊക്കെ സംസ്ഥാനങ്ങളെയാണ് ഇതിനായി ആശ്രയിക്കുന്നതെന്നും വ്യക്തമാക്കാമോ;

സംസ്ഥാനത്ത് ഒരാൾക്ക് ലൈസൻസ് ഇല്ലാതെ വളർത്താവുന്ന കോഴി, പന്നി, പശു എന്നിവയുടെ എണ്ണം എത്രയാണെന്നും ഇത് വർദ്ധിപ്പിക്കാൻ ആലോചനയുണ്ടോയെന്നും വ്യക്തമാക്കാമോ?

നാദാപുരം മണ്ഡലത്തിൽ മൃഗസംരക്ഷണ വകുപ്പ് നിലവിൽ നടപ്പിലാക്കിക്കൊണ്ടിരിക്കുന്ന പദ്ധതികൾ വിശദമാക്കാമോ?

ആനിമല്‍ റിസോഴ്സ് ഡെവലപ്മെന്റ് പദ്ധതിയില്‍ 2020-21 വര്‍ഷം ആസൂത്രണം ചെയ്തു നടപ്പിലാക്കാന്‍ ഉദ്ദേശിക്കുന്ന പരിപാടികള്‍ വ്യക്തമാക്കാമോ;

പ്രസ്തുത പദ്ധതി പ്രകാരം മൃഗസംരക്ഷണമേഖലയിലെ കര്‍ഷകര്‍ എടുത്തിട്ടുള്ള ലോണുകള്‍ക്ക് സബ്സിഡി അനുവദിക്കുന്നുണ്ടോ; വിശദവിവരം ലഭ്യമാക്കാമോ?

ഗ്രാമശ്രീ, ഗ്രാമപ്രിയ എന്നീ ഇനത്തിൽപ്പെട്ട കോഴി വളർത്തല്‍ പ്രോത്സാഹിപ്പിക്കുന്നതിനായി എന്തെങ്കിലും പദ്ധതികൾ നടപ്പിലാക്കിയിട്ടുണ്ടോ; വിശദാംശങ്ങൾ ലഭ്യമാക്കാമോ?

കെപ്കോ വഴി കോഴിക്കുഞ്ഞുങ്ങളെ നല്‍കുന്ന പദ്ധതി നിലവില്‍ നടപ്പാക്കുന്നുണ്ടോ;

വിധവകള്‍ക്കും സ്ക്കൂള്‍ വിദ്യാര്‍ത്ഥികള്‍ക്കും സൗജന്യമായി കോഴിക്കുഞ്ഞുങ്ങള്‍, തീറ്റ, മരുന്ന് എന്നിവ നല്‍കി പദ്ധതി കൂടുതല്‍ കാര്യക്ഷമമായി നടപ്പാക്കുന്നതിന് നടപടി സ്വീകരിക്കുമോ;

മലയോര പ്രദേശങ്ങളിലെ വനഭൂമി പട്ടയമുള്ളവര്‍ക്ക് പ്രസ്തുത ഭൂമിയില്‍ കോഴികൃഷി നടത്തുന്നതിന് നിലവില്‍ അനുമതി ലഭിയ്ക്കാത്ത പ്രശ്നം ശ്രദ്ധയില്‍ പെട്ടിട്ടുണ്ടോ?

സംസ്ഥാനത്തെ കോഴിഫാം കര്‍ഷകരെ സഹായിക്കുന്നതിനായി എന്തെല്ലാം പദ്ധതികളാണ് നടപ്പിലാക്കിക്കൊണ്ടിരിക്കുന്നത് എന്നറിയിക്കാമോ;

കോഴിത്തീറ്റയുടെ വില ക്രമാതീതമായി വര്‍ദ്ധിക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ വില കുറച്ച് കോഴിത്തീറ്റ ലഭ്യമാക്കുന്നതിനായി പ്രത്യേക പദ്ധതി തയ്യാറാക്കാന്‍ ആലോചിക്കുന്നുണ്ടോ;

കോഴി കര്‍ഷകര്‍ക്ക് കെപ്കോ ലഭ്യമാക്കുന്ന സഹായങ്ങള്‍ വിശദമാക്കാമോ?

മണലൂര്‍ മണ്ഡലത്തിലെ എളവളളി പഞ്ചായത്തിലെ കന്നുകാലികള്‍ക്ക് സമ്പൂര്‍ണ്ണ ഇന്‍ഷുറന്‍സ് പദ്ധതി നടപ്പാക്കുന്നത് സംബന്ധിച്ച് വകുപ്പ് മന്ത്രിയുടെ ഓഫീസില്‍ നിന്നും E-5395578 നമ്പര്‍ പ്രകാരം മൃഗസംരക്ഷണ ഡയറക്ടര്‍ക്ക് ലഭ്യമാക്കിയിട്ടുളള എളവളളി പഞ്ചായത്തില്‍ നിന്നുള്ള അപേക്ഷയിന്‍മേല്‍ സ്വീകരിച്ച തുടര്‍നടപടി വ്യക്തമാക്കാമോ?

പൊന്നാനി മണ്ഡലത്തിലെ നന്നംമുക്ക് പഞ്ചായത്തിലെ മൃഗാശുപത്രി നിലവില്‍ സൗകര്യങ്ങളില്ലാത്ത ഒരു വാടക കെട്ടിടത്തിലാണ് പ്രവര്‍ത്തിക്കുന്നതെന്നത് ശ്രദ്ധയി ല്‍പ്പെട്ടിട്ടുണ്ടോ;

നന്നംമുക്ക് മൃഗാശുപത്രിക്ക് സൗകര്യപ്രദമായി പ്രവര്‍ത്തിക്കനാവശ്യമായ പദ്ധതികള്‍ നടപ്പിലാക്കുമോ;

ആലംകോട് മൃഗാശുപത്രിയുടെ നവീകരണത്തിന് പദ്ധതി തയ്യാറാക്കുമോ;

മൃഗാശുപത്രികളില്‍ കരാർ അടിസ്ഥാനത്തില്‍ ഡോക്ടര്‍മാരെ നിയമിക്കുന്നതിന് തദ്ദേശസ്വയംഭരണ സ്ഥാപനങ്ങള്‍ക്ക് അനുവാദം നല്‍കാന്‍ നടപടികള്‍ ആലോചിക്കുന്നുണ്ടോ?

പേപ്പട്ടികളെ നിര്‍മ്മാര്‍ജ്ജനം ചെയ്യുന്നതിനുള്ള ക്രമീകരണങ്ങള്‍ അറിയിക്കാമോ;

പേപ്പട്ടി വൈറസ് ബാധ തടയുന്നതിന് കുറ്റ്യാടി മണ്ഡലത്തിലെ വെറ്ററിനറി ക്ലിനിക്കുകളില്‍ എന്തെല്ലാം സംവിധാനങ്ങളുണ്ടെന്ന് വിശദമാക്കാമോ?

വെറ്ററിനറി ഡിസ്പെൻസറിയെ വെറ്ററിനറി ആശുപത്രി ആക്കുന്നതിനുള്ള മാനദണ്ഡങ്ങൾ എന്തെല്ലാമാണെന്ന് അറിയിക്കാമോ;

കല്ലൂർക്കാട് പഞ്ചായത്തിലെ വെറ്ററിനറി ഡിസ്പെൻസറിയെ ആവശ്യാധിഷ്ഠിത ഫീസിബിലിറ്റി പഠനം നടത്തി വെറ്ററിനറി ആശുപത്രിയായി ഉയർത്തുന്നതിന് നടപടികൾ സ്വീകരിക്കാമോ?

കാസർഗോഡ് ജില്ലയിൽ ഏതൊക്കെ മൃഗാശുപത്രികളിൽ ഡോക്ടർമാരുടെ ഒഴിവുകൾ നികത്താനുണ്ട്;  വിശദാംശങ്ങൾ അറിയിക്കാമോ;

ബേഡഡുക്ക മൃഗാശുപത്രിയിൽ ഡോക്ടറുടെ ഒഴിവ് വന്നിട്ട് എത്ര മാസമായി എന്ന് അറിയിക്കാമോ;

പ്രസ്തുത മൃഗാശുപത്രിയിൽ ഡോക്ടറെ നിയമിക്കുന്നതിന് അടിയന്തര നടപടി സ്വീകരിക്കുമോ; വിശദാംശങ്ങൾ അറിയിക്കാമോ?

മൃഗസംരക്ഷണ വകുപ്പും കെ.എസ്.ആര്‍.ടി.സി. യുമായി ചേര്‍ന്ന് നടത്താന്‍ ഉദ്ദേശിക്കുന്ന ഷോപ്പ് ഓണ്‍ വീല്‍ പദ്ധതിയുടെ പ്രവര്‍ത്തനം വിശദീകരിക്കാമോ; ഇത് എന്നുമുതല്‍ ആരംഭിക്കാനാണ് ഉദ്ദേശിക്കുന്നതെന്നും ആരംഭിച്ചിട്ടുണ്ടെങ്കില്‍ എവിടെയൊക്കെയെന്നും വിശദീകരിക്കാമോ?

എലപ്പുള്ളിയില്‍ കുടിവെള്ള ടാങ്ക് നിര്‍മ്മിക്കുന്നതിന് എലപ്പുള്ളി മൃഗാശുപത്രിയുടെ സ്ഥലത്തിന്റെ ഉടമസ്ഥാവകാശം മൃഗസംരക്ഷണ വകുപ്പില്‍ തന്നെ നിലനിര്‍ത്തികൊണ്ട് വാട്ടര്‍ അതോറിറ്റിക്ക് ഉപയോഗാനുമതി നല്‍കുവാന്‍ എന്തെല്ലാം നടപടികളാണ് നാളിതുവരെ സ്വീകരിച്ചിട്ടുള്ളതെന്ന് അറിയിക്കാമോ?

കാസർഗോഡ് ജില്ലയിലെ കൊളത്തൂർ വില്ലേജിൽ ആട് വളർത്തൽ കേന്ദ്രം സ്ഥാപിക്കുന്നതിന് റവന്യു വകുപ്പില്‍ നിന്നും വകുപ്പിന് എത്ര ഏക്കർ ഭൂമി വിട്ടുതന്നിട്ടുണ്ടെന്ന് അറിയിക്കാമോ;

പ്രസ്തുത പദ്ധതിയുടെ പ്രോജക്ട് കോസ്റ്റ് എത്രയാണെന്ന് വിശദമാക്കാമോ;

പ്രസ്തുത പദ്ധതിയുടെ നിലവിലെ നിർമ്മാണ പുരോഗതി വിശദമാക്കാമോ?

സംസ്ഥാനത്ത് കാലിവളര്‍ത്തല്‍ ലാഭകരമാക്കി കൂടുതല്‍ കര്‍ഷകരെ ഈ തൊഴിലിലേയ്ക്ക് ആകര്‍ഷിക്കാന്‍ എന്തൊക്കെ നടപടികള്‍ക്ക് തുടക്കം കുറിച്ചിട്ടുണ്ടെന്ന് വ്യക്തമാക്കുമോ;

അത്യുല്പാദനശേഷിയുള്ള സങ്കരയിനങ്ങളോടൊപ്പം പ്രതിരോധശേഷി കൂടുതലുള്ള നാടന്‍ ഇനങ്ങളുടെ പ്രജനനവും പരിപാലനവും വ്യാപിപ്പിക്കാന്‍ നടപടി സ്വീകരിക്കുമോ?

ക്ഷീര വികസന വകുപ്പ് മുഖേന കാഞ്ഞങ്ങാട് മണ്ഡലത്തിൽ നടപ്പിലാക്കുന്ന പദ്ധതികൾ ഏതെല്ലാമാണെന്ന് വിശദമാക്കാമോ;

ഓരോ പദ്ധതികളുടെയും നിലവിലെ പ്രവർത്തന പുരോഗതി വിശദമാക്കാമോ;

പ്രസ്തുത മണ്ഡലത്തിലെ ഏതൊക്കെ പഞ്ചായത്തുകളെയാണ് ക്ഷീരഗ്രാമം പദ്ധതിയിൽ ഉൾപ്പെടുത്തിയിട്ടുള്ളതെന്ന് അറിയിക്കാമോ?

ധാരാളം ക്ഷീരകര്‍ഷകര്‍ ഉള്ളതും ക്ഷീര വികസനത്തിന് സാധ്യതയുള്ളതുമായ മലപ്പുറം ജില്ലയിലെ വള്ളിക്കുന്ന് മണ്ഡലത്തില്‍ ഒരു സാധ്യത പഠനം നടത്തി ക്ഷീരഗ്രാമം പദ്ധതി നടപ്പിലാക്കുവാന്‍ ആവശ്യമായ നടപടികള്‍ സ്വീകരിക്കുമോ;

ഇക്കാര്യം ആവശ്യപ്പെട്ട് നല്‍കിയ നിവേദനത്തിന്മേല്‍ സ്വീകരിച്ച നടപടികള്‍ വ്യക്തമാക്കാമോ?

മലപ്പുറം മണ്ഡലത്തില്‍ ക്ഷീര ഗ്രാമം പദ്ധതി എവിടെയെല്ലാമാണ് നടപ്പാക്കിയിട്ടുള്ളത്; വിശദാംശങ്ങള്‍ ലഭ്യമാക്കുമോ;

പ്രസ്തുത പദ്ധതിയുടെ ഭാഗമായി മണ്ഡലത്തില്‍ ഇതുവരെ നടപ്പിലാക്കിയിട്ടുള്ള പ്രവര്‍ത്തനങ്ങള്‍ വ്യക്തമാക്കാമോ;

പ്രസ്തുത മണ്ഡലത്തിലെ ക്ഷീര കര്‍ഷകര്‍ക്ക് ഈ സര്‍ക്കാര്‍ നല്‍കിയിട്ടുള്ള ആനുകൂല്യങ്ങള്‍ പഞ്ചായത്ത് തിരിച്ച് വിശദമാക്കാമോ;

ക്ഷീര കര്‍ഷകരുടെ ക്ഷേമത്തിനായി മണ്ഡലത്തില്‍ നടപ്പാക്കുന്ന പുതിയ പദ്ധതികള്‍ വിശദമാക്കാമോ?

ക്ഷീര ഗ്രാമം പദ്ധതി നിലവില്‍ എത്ര പഞ്ചായത്തുകളില്‍ നടപ്പിലാക്കിയെന്ന് വ്യക്തമാക്കാമോ;

കണ്ണൂര്‍ ജില്ലയില്‍ ഏതെല്ലാം പഞ്ചായത്തുകളിലാണ് ക്ഷീര ഗ്രാമം പദ്ധതി ഇതുവരെ നടപ്പിലാക്കിയത്;

പയ്യന്നൂര്‍ മണ്ഡലത്തിലെ ഏതെങ്കിലും പഞ്ചായത്തില്‍ പ്രസ്തുത പദ്ധതി നടപ്പിലാക്കിയിട്ടുണ്ടോ; ഇല്ലെങ്കില്‍ 2021-22 സാമ്പത്തിക വര്‍ഷം പ്രസ്തുത മണ്ഡലത്തിലെ ഒരു പഞ്ചായത്തില്‍ പദ്ധതി അനുവദിക്കാന്‍ ആവശ്യമായ നടപടികള്‍ സ്വീകരിക്കുമോ?

ഇതര സംസ്ഥാനങ്ങളില്‍ നിന്നും ഗുണനിലവാരമില്ലാത്ത പാല്‍ കേരളത്തില്‍ എത്തുന്നത് തടയാന്‍ ക്ഷീരവികസന വകുപ്പ് സ്വീകരിച്ച നടപടികള്‍ വിശദമാക്കാമോ;

ക്ഷീരവികസന വകുപ്പ് പാല്‍പ്പൊടി ഫാക്ടറി തുടങ്ങാന്‍ ഉദ്ദേശിക്കുന്നുണ്ടോ എന്നും എങ്കില്‍ എത്ര ടണ്‍ ഉല്‍പ്പാദനശേഷിയുള്ള ഫാക്ടറിയാണ് ഉദ്ദേശിക്കുന്നതെന്നും വ്യക്തമാക്കാമോ?

ക്ഷീര വികസന വകുപ്പ് മുഖേന ക്ഷീര കർഷകർക്ക് ലഭിച്ചു കൊണ്ടിരിക്കുന്ന ആനുകൂല്യങ്ങൾ വിശദമാക്കാമോ;

ക്ഷീര വികസന വകുപ്പിന് കീഴിലുള്ള സൊസൈറ്റികളിൽ പാൽ കൊടുക്കുമ്പോള്‍ കർഷകർക്ക് ലഭിക്കുന്ന തുക കുറവാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; ആയത് വർദ്ധിപ്പിക്കാൻ നടപടി സ്വീകരിക്കുമോ;

സ്വകാര്യ വ്യക്തികളില്‍ നിന്നും കൂടുതൽ വില കിട്ടുന്നതിനാല്‍ ക്ഷീര കർഷകർ സൊസൈറ്റികളെ ഒഴിവാക്കുന്നത് പരിഹരിക്കാൻ നടപടി സ്വീകരിക്കുമോ?

പാല്‍ വിലയിലുണ്ടായ വര്‍ദ്ധനവിന്റെ ഗുണം ക്ഷീരകര്‍ഷകര്‍ക്ക് ലഭ്യമാക്കുന്നതിനായി സ്വീകരിച്ചു വരുന്ന നടപടികള്‍ വിശദമാക്കാമോ;

കാലിതീറ്റയുടെ വിലവര്‍ദ്ധനവ് കാരണം ക്ഷീരകര്‍ഷകര്‍ക്കുണ്ടാക്കുന്ന സാമ്പത്തിക പ്രതിസന്ധി പരിഹരിക്കാന്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

തീറ്റപ്പുല്ലിന്റെ ദൗര്‍ലഭ്യം പരിഹരിക്കുന്നതിനായി സര്‍ക്കാര്‍, പൊതുമേഖല സ്ഥാപനങ്ങള്‍, സ്വകാര്യ വ്യക്തികള്‍ എന്നിവരുടെ ഉടമസ്ഥതയിലുള്ള തരിശു ഭൂമി കണ്ടെത്തി ഉപയോഗിക്കാന്‍ പദ്ധതികള്‍ നടപ്പിലാക്കിയിട്ടുണ്ടോ; വിശദമാക്കാമോ?

സങ്കരയിനം പശുക്കള്‍, നാടന്‍ പശുക്കള്‍, ആട് എന്ന ക്രമത്തില്‍ ഇനം തിരിച്ച് കേരളത്തിലെ ക്ഷീര ഉല്‍പ്പാദനത്തിന്റെ കണക്ക് ലഭ്യമാക്കാമോ;

എന്‍ ഡി കന്നുകാലികള്‍, നാടന്‍ എരുമകള്‍ എന്നിവയിലൂടെയുള്ള ക്ഷീര ഉല്‍പാദനത്തിന്റെ കണക്ക് ലഭ്യമാക്കാമോ;

ക്ഷീര ഉല്‍പ്പാദനം വര്‍ദ്ധിപ്പിച്ച് ജനങ്ങള്‍ക്ക് ശുദ്ധമായ പാല്‍ ലഭ്യമാക്കാന്‍ സര്‍ക്കാര്‍ സ്വീകരിക്കുന്ന നടപടികളെക്കുറിച്ച് വിശദമാക്കാമോ?

നിലമ്പൂര്‍ മേഖലയില്‍ കോവിഡ് കാലയളവില്‍ പാല്‍ ഉല്‍പ്പാദനം വര്‍ദ്ധിച്ചിട്ടുണ്ടോ; എങ്കില്‍ നിലവിലെ പാലിന്റെ ഉല്‍പ്പാദനം, സംഭരണം, മുന്‍ വര്‍ഷത്തെ അപേക്ഷിച്ചുള്ള വര്‍ദ്ധനവ് എന്നിവ ക്ഷീരസംഘങ്ങള്‍ തിരിച്ച് എത്രയെന്ന് വ്യക്തമാക്കാമോ;

കോവിഡ് കാലയളവില്‍ പാലുല്‍പ്പാദനം വര്‍ദ്ധിച്ചതിന്റെ കാരണങ്ങള്‍ വിശദമാക്കാമോ; ഏതെല്ലാം ക്ഷീരസംഘങ്ങളിലാണ് പാലുല്‍പ്പാദന വര്‍ദ്ധനവുണ്ടായതെന്ന് അറിയിക്കാമോ;

നിലമ്പൂര്‍ മേഖലയില്‍ പാല്‍ ശീതീകരിക്കുന്നതിന് ബള്‍ക്ക് മില്‍ക്ക് കൂളറുകള്‍(ബി.എം.സി.) സ്ഥാപിച്ചിട്ടുളള ക്ഷീര സംഘങ്ങള്‍ ഏതെല്ലാമെന്ന് വിശദമാക്കാമോ; ബി.എം.സി കളുടെ സംഭരണശേഷി, സ്ഥാപിക്കുന്നതിനുളള ചെലവ്, ഇവയുടെ പ്രയോജനങ്ങള്‍ എന്നിവ അറിയിക്കാമോ;

നിലമ്പൂര്‍ മില്‍മ ചില്ലിംഗ് പ്ലാന്റിലെ ഇന്‍സുലേറ്റഡ് മില്‍ക്ക് സ്റ്റോറേജ് ടാങ്കുകള്‍ മാറ്റാനുണ്ടായ സാഹചര്യം വ്യക്തമാക്കാമോ; പ്രസ്തുത പ്ലാന്റ് നിലവില്‍ പ്രവര്‍ത്തിക്കുന്നുണ്ടോയെന്ന് വെളിപ്പെടുത്താമോ?

സഹകരണ പെന്‍ഷന്‍ ബോര്‍ഡ് അംഗത്വമുള്ള എത്ര ക്ഷീരോത്പാദക സഹകരണ സംഘങ്ങള്‍ നിലവില്‍ പ്രവര്‍ത്തിക്കുന്നുണ്ട്; ഈ സംഘങ്ങള്‍ മുഖേന എത്ര ജീവനക്കാരെ ബോർഡിൽ അംഗങ്ങള്‍ ആക്കിയിട്ടുണ്ട്;

ക്ഷീര സംഘം ജീവനക്കാരുടെ പെന്‍ഷന്‍ ബോര്‍ഡ് അംഗത്വം വര്‍ദ്ധിപ്പിക്കുന്നതിന് കൈക്കൊണ്ടിട്ടുള്ള നടപടികള്‍ വിശദമാക്കാമോ;

ക്ഷീര സംഘം ജീവനക്കാരുടെ വിഷയങ്ങള്‍ കൈകാര്യം ചെയ്യുന്നതിന് ക്ഷീര വകുപ്പില്‍ നിന്ന് ഉദ്യോഗസ്ഥരെ പെന്‍ഷന്‍ ബോര്‍ഡില്‍ നിയമിക്കുന്നത് പരിഗണിക്കുമോ?

ക്ഷീര വികസന വകുപ്പില്‍ സീനിയര്‍ ക്ഷീര വികസന ഓഫീസര്‍മാരുടെ നിയമനത്തിനുള്ള സ്പെഷ്യല്‍ റൂള്‍ ഭേദഗതി സംബന്ധിച്ച ഫയലില്‍ സ്വീകരിച്ച നടപടികള്‍ വ്യക്തമാക്കാമോ; ഫയല്‍ തീര്‍പ്പാക്കാനുള്ള കാലതാമസത്തിന് കാരണം വ്യക്തമാക്കാമോ?

കോട്ടയ്ക്കല്‍ മണ്ഡലത്തില്‍ ക്ഷീരഗ്രാമം പദ്ധതി നടപ്പിലാക്കുന്നതുമായി ബന്ധപ്പെട്ട് നിവേദനം ലഭിച്ചിട്ടുണ്ടോ; ഉണ്ടെങ്കില്‍ ആയതിന്‍മേല്‍ സ്വീകരിച്ച നടപടികള്‍ വിശദമാക്കുമോ;

കാലിത്തീറ്റയുടെ വില വര്‍ദ്ധനവ് മൂലം ക്ഷീര മേഖല നേരിടുന്ന കടുത്ത പ്രതിസന്ധി പരിഹരിക്കുവാന്‍ സര്‍ക്കാര്‍ തലത്തില്‍ നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ;

സബ്സിഡി നല്‍കി കാലിത്തീറ്റ ലഭ്യമാക്കുവാന്‍ നടപടി സ്വീകരിക്കുമോ;

കാലിത്തീറ്റ ക്ഷാമം പരിഹരിക്കുന്നതിനും വിലക്കയറ്റം നിയന്ത്രിക്കുന്നതിനും സ്വീകരിക്കുന്ന നടപടി വ്യക്തമാക്കുമോ?

സീനിയര്‍ ക്ഷീര വികസന ഓഫീസര്‍ക്ക് തത്തുല്യമായ ഇന്റര്‍ ചേഞ്ചബിള്‍ തസ്തികകള്‍ വകുപ്പില്‍ ഉണ്ടോ; ഉണ്ടെങ്കില്‍ ആയത് ഏതൊക്കെയാണെന്ന് വ്യക്തമാക്കാമോ;

ക്ഷീര വികസന ഓഫീസര്‍ തസ്തികയിലേക്ക് സ്ഥാനക്കയറ്റം ലഭിക്കാത്ത ഉദ്യോഗസ്ഥര്‍ക്ക് അസിസ്റ്റന്റ് ഡയറക്ടര്‍ തസ്തികയിലേക്കുള്ള സ്ഥാനക്കയറ്റത്തിന് അര്‍ഹതയുണ്ടോ;

ഏതൊക്കെ തസ്തികകളാണ് സീനിയര്‍ ക്ഷീര വികസന ഓഫീസര്‍ തസ്തികകള്‍ ആയി നോട്ടിഫൈ ചെയ്തിരിക്കുന്നത്; ഇതു സംബന്ധിച്ച് സര്‍ക്കാര്‍ ഉത്തരവ് നിലവിലുണ്ടോ; ഉണ്ടെങ്കില്‍ ആയതിന്റെ പകര്‍പ്പ് ലഭ്യമാക്കാമോ?

ഇരിക്കൂര്‍ മണ്ഡലത്തില്‍ എത്ര ക്ഷീര സഹകരണ സംഘങ്ങള്‍ പ്രവര്‍ത്തിക്കുന്നുണ്ടെന്ന് അറിയിക്കാമോ;

പ്രസ്തുത സംഘങ്ങളുടെ പേര്, നമ്പര്‍, സ്ഥലം തുടങ്ങിയ വിവരങ്ങള്‍ പഞ്ചായത്തടിസ്ഥാനത്തില്‍ ലഭ്യമാക്കാമോ?

തിരുവനന്തപുരം മേഖല സഹകരണ ക്ഷീരോൽപാദക യൂണിയനിൽ അഡ്മിനിസ്‍ട്രേറ്റീവ് ഭരണം നിലവിൽ വന്ന ശേഷം നടത്തിയ താൽക്കാലിക നിയമനങ്ങൾ എത്രയെന്ന് വ്യക്തമാക്കുമോ; എങ്കിൽ ഏതൊക്കെ തസ്തികകളിൽ എത്ര വീതം എത്ര നാളത്തേക്ക് ആണ് നിയമനം നടത്തിയിട്ടുള്ളതെന്ന് വെളിപ്പെടുത്തുമോ;

ക്ഷീരവികസന വകുപ്പിൽ നിന്നോ മറ്റു വകുപ്പുകളിൽ നിന്നോ വിരമിച്ച ഉദ്യോഗസ്ഥരെ പ്രസ്തുത സഹകരണ ക്ഷീരോൽപ്പാദക യൂണിയനിൽ നിയമിക്കുന്നതിന് നിയമം അനുവദിക്കുന്നുണ്ടോ; ഉണ്ടെങ്കിൽ ഏതു നിയമത്തിലെ ഏതു വകുപ്പ് പ്രകാരമാണെന്ന് വ്യക്തമാക്കുമോ;

പ്രസ്തുത ക്ഷീരോൽപാദക യൂണിയനിൽ അഡ്മിനിസ്ട്രേറ്റീവ് ഭരണം നിലവിൽ വന്ന ശേഷം ക്ഷീരവികസന വകുപ്പിലെ സർവീസിൽ നിന്നും വിരമിച്ച എത്ര ഉദ്യോഗസ്ഥരെ നിയമിച്ചിട്ടുണ്ട്; എങ്കിൽ എത്ര നാളത്തേക്കാണ് അവരുടെ നിയമനമെന്നും നിയമനം ലഭിച്ചവരുടെ പേര് വിവരം, തസ്തികകൾ, ആകെ ശമ്പളം, ഓരോരുത്തരെയും ഏൽപ്പിച്ചിട്ടുള്ള ഉത്തരവാദിത്തങ്ങൾ എന്നിവയും വെളിപ്പെടുത്താമോ?

സഹകരണസംഘം നിയമത്തിലെ വകുപ്പ് 80 പ്രകാരമുള്ള സേവന വേതന വ്യവസ്ഥകള്‍ നടപ്പിലക്കിയിട്ടില്ലാത്ത എത്ര ക്ഷീര സഹകരണസംഘങ്ങള്‍ സംസ്ഥാനത്തുണ്ട്; സേവന വേതന വ്യവസ്ഥകള്‍ നടപ്പിലാക്കുവാന്‍ എന്താണ് തടസ്സമെന്ന് വ്യക്തമാക്കുമോ;

മേഖലാ സഹകരണ ക്ഷീരോല്പാദക യൂണിയനുകള്‍ പ്രാഥമിക ക്ഷീര സഹകരണസംഘങ്ങള്‍ക്ക് നല്‍കുന്ന പാല്‍വില മാര്‍ജിന്‍ വര്‍ദ്ധിപ്പിക്കുന്നതിന് എന്ത് നടപടികള്‍ സ്വീകരിക്കാന്‍ കഴിയുമെന്ന് വ്യക്തമാക്കുമോ;

സംസ്ഥാനത്ത് ജനിക്കുന്ന മുഴുവന്‍ കന്നുകുട്ടികള്‍ക്കും കന്നുകുട്ടിപരിപാലന പദ്ധതിയുടെ പ്രയോജനം ലഭിക്കുന്നുവെന്ന് ഉറപ്പുവരുത്തുവാന്‍ സ്വീകരിച്ചിട്ടുള്ള നടപടികള്‍ വിശദമാക്കുമോ;

ക്ഷീരകര്‍ഷക ക്ഷേമനിധിയില്‍ അംഗത്വം നല്‍കുന്നതിനുള്ള നടപടികള്‍ ലളിതമാക്കുവാന്‍ സാധിക്കുമോയെന്ന് വ്യക്തമാക്കാമോ?

സംസ്ഥാനത്ത് പാലുല്‍പ്പാദനം കുറഞ്ഞു വരുന്നത് ശ്രദ്ധയില്‍പ്പെട്ടിട്ടുണ്ടോ;

ക്ഷീരകര്‍ഷകര്‍ക്ക് പാല്‍ അളക്കുന്നതിന് അനുസരിച്ച് ആനുകൂല്യം നല്‍കുന്നതിന് പകരം ക്ഷീര സഹകരണസംഘത്തില്‍ രജിസ്റ്റര്‍ ചെയ്ത എല്ലാവര്‍ക്കും എല്ലാ ആനുകൂല്യങ്ങളും ലഭ്യമാക്കാന്‍ നടപടി സ്വീകരിക്കുമോ;

നല്ലയിനം കിടാരികളെയും കന്നുകുട്ടികളെയും ക്ഷീരകര്‍ഷകര്‍ക്ക് ലഭ്യമാക്കാന്‍ സ്വീകരിച്ചുവരുന്ന നടപടികള്‍ വിശദമാക്കാമോ;

ക്ഷീര സഹകരണസംഘത്തിന്റെ ഓഡിറ്റ് കൃത്യമായി നടത്താറുണ്ടോ;

പുതിയ തലമുറയെ ക്ഷീരമേഖലയില്‍ ശ്രദ്ധപതിപ്പിക്കാന്‍ എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് അറിയിക്കുമോ?

സംസ്ഥാനത്തെ ക്ഷീരോത്പാദക സഹകരണ സംഘങ്ങളിലെ സ്ഥിരം ജീവനക്കാരുടെയും താത്ക്കാലിക ജീവനക്കാരുടെയും എണ്ണം തസ്തിക തിരിച്ച് വ്യക്തമാക്കാമോ;

ക്ഷീരവികസന യൂണിറ്റ് അടിസ്ഥാനത്തിലുള്ള ക്ഷീരസംഘം ജീവനക്കാരുടെ എണ്ണവും ജീവനക്കാര്‍ക്ക് സെക്ഷന്‍ 80 പ്രകാരമുള്ള ഒന്നു മുതല്‍ മൂന്നു വരെയുള്ള ശമ്പള പരിഷ്ക്കരണവും ഏതൊക്കെ ക്ഷീര വികസന യൂണിറ്റുകള്‍ നടപ്പിലാക്കിയിട്ടുണ്ടെന്നും വ്യക്തമാക്കാമോ?

കേരളത്തിലെ വെറ്ററിനറി സർവകലാശാലകളിലെ പി.ജി., ഗവേഷണ വിദ്യാർത്ഥികളുടെ പ്രതിമാസ ഗ്രാന്റ് വർദ്ധിപ്പിച്ച് നൽകണമെന്ന് ആവശ്യപ്പെട്ടുകൊണ്ട് പ്രസ്തുത വിദ്യാർത്ഥികൾ പരാതികൾ സമർപ്പിച്ചിട്ടുണ്ടോ;

ഉണ്ടെങ്കിൽ പ്രസ്തുത വിദ്യാർത്ഥികളുടെ ഗ്രാന്റ് വർദ്ധിപ്പിച്ചു നൽകുന്നതിനായി സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

നിലവിൽ പ്രസ്തുത വിദ്യാർത്ഥികൾക്ക് അനുവദിച്ചു വരുന്ന പ്രതിമാസ ഗ്രാന്റിനെ സംബന്ധിച്ച വിശദാംശങ്ങൾ ലഭ്യമാക്കാമോ?