കെ.എസ്.ആര്‍.ടി.സി.യെ വിഭജിച്ച് കെ-സ്വിഫ്റ്റ് എന്ന പേരില്‍ ഒരു ഗതാഗത കമ്പനി രൂപീകരിച്ചിട്ടുണ്ടോ; എങ്കില്‍ വിശദാംശം വെളിപ്പെടുത്തുമോ;

പ്രസ്തുത കമ്പനിയുടെ കീഴില്‍ പുതിയ ബസ്സുകള്‍ വാങ്ങുന്നതിനും പുതിയ തസ്തികകള്‍ സൃഷ്ടിക്കുന്നതിനും എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം നൽകാമോ;

നിലവില്‍ നഷ്ടത്തില്‍ പ്രവർത്തിക്കുന്ന കെ.എസ്.ആര്‍.ടി.സി.യെ ലാഭകരമാക്കുന്നതിന് പകരം കെ-സ്വിഫ്റ്റ് എന്ന പേരില്‍ പുതിയ കമ്പനി രൂപീകരിച്ചത് കെ.എസ്.ആര്‍.ടി.സി.യുടെ തകര്‍ച്ചക്ക് ആക്കം കൂട്ടുമെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം പരിശോധിച്ചിട്ടുണ്ടോ എന്ന് വ്യക്തമാക്കുമോ?

കെ.എസ്.ആര്‍.ടി.സി. വാങ്ങുന്ന ഡീസലിന് വിപണി വിലയെക്കാള്‍ എത്ര രൂപ അധികമായി നല്‍കേണ്ടി വരുന്നുണ്ടെന്നും പ്രതിമാസം ശരാശരി എത്ര രൂപയുടെ അധിക ചെലവാണ് ഈ ഇനത്തില്‍ ഉണ്ടാകുന്നതെന്നും അറിയിക്കാമോ;

കെ.എസ്.ആര്‍.ടി.സി. ബസ്സുകള്‍ക്ക് സ്വകാര്യ പമ്പുകളില്‍ നിന്ന് ഇന്ധനം നിറയ്ക്കുന്ന കാര്യം പ്രായോഗികമാണോയെന്ന് വെളിപ്പെടുത്താമോ;

കിഫ്ബി ഫണ്ടുപയോഗിച്ച് പുതിയ സി.എന്‍.ജി. ബസ്സുകള്‍ വാങ്ങാന്‍ തീരുമാനമായിട്ടുണ്ടോ;

നിലവിലുള്ള ഡീസല്‍ ബസ്സുകള്‍ സി.എന്‍.ജി.യിലേക്ക് മാറ്റുന്ന കാര്യം പരിഗണിക്കുന്നുണ്ടോയെന്ന് വ്യക്തമാക്കാമോ?

സംസ്ഥാനത്ത് ഉന്നത വിദ്യാഭ്യാസത്തിന്റെ ഘടനയും ഉള്ളടക്കവും പരിഷ്‌കരിക്കുന്നതിന് ഉന്നത വിദ്യാഭ്യാസ പരിഷ്‌കാര കമ്മീഷനെ നിയമിച്ചിട്ടുണ്ടോ; എങ്കില്‍ പ്രസ്തുത കമ്മീഷന്റെ പഠന റിപ്പോര്‍ട്ടുകള്‍ ലഭ്യമാണോ; വിശദമാക്കാമോ;

ക്ലാസുകളില്‍ നേരിട്ടുള്ള വിദ്യാഭ്യാസവും കോവിഡ് കാലത്ത് നടത്തിയ ഓണ്‍ലൈന്‍ വിദ്യാഭ്യാസവും സംയോജിപ്പിച്ചുള്ള ടീച്ചിങ് -ലേണിങ് സമ്പ്രദായം പഠനാനുഭവത്തെ എങ്ങനെ ബാധിക്കുമെന്ന് പഠിക്കാന്‍ പ്രസ്തുത കമ്മീഷനോട് ആവശ്യപ്പെട്ടിട്ടുണ്ടോ; വ്യക്തമാക്കാമോ;

ഉന്നത വിദ്യാഭ്യാസ മേഖലയിലെ പരിഷ്‌കരണത്തിലൂടെ അദ്ധ്യാപകര്‍ക്കും വിദ്യാര്‍ത്ഥികള്‍ക്കും വിഷയ-ശാഖാന്തരമില്ലാതെ അറിവും നൈപുണ്യവും നേടിയെടുക്കാവുന്ന വിധത്തില്‍ പാഠ്യപദ്ധതി രൂപപ്പെടുത്തുന്നതിന് ലക്ഷ്യമിട്ടിട്ടുണ്ടോ; വ്യക്തമാക്കാമോ;

യൂ ട്യൂബ് വഴിയുള്ളത് ഉൾപ്പെടെ ഓണ്‍ലൈനായി ക്ലാസുകള്‍ ലഭ്യമാകുന്നത് ക്ലാസ് മുറികളിലെ നേരിട്ടുള്ള അദ്ധ്യാപനത്തെ എങ്ങനെയെല്ലാം സ്വാധീനിക്കുന്നുണ്ടെന്ന് കണ്ടെത്തുവാന്‍ പ്രസ്തുത കമ്മീഷന് നിര്‍ദ്ദേശം നല്‍കുമോ?

കേന്ദ്ര സര്‍ക്കാരിന്റെ പുതിയ ദേശീയ വിദ്യാഭ്യാസ നയത്തിന്റെ ഫലമായി ഉന്നത വിദ്യാഭ്യാസം പണമുള്ളവര്‍ക്ക് മാത്രമായി പരിമിതപ്പെടുത്തുന്നുവെന്ന ആശങ്ക നിലനില്‍ക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത സാഹചര്യത്തില്‍ പുതിയ നയത്തിന്റെ ചുവടുപിടിച്ച് യു.ജി.സി. പുറത്തിറക്കിയിരിക്കുന്ന മാര്‍ഗ്ഗനിര്‍ദ്ദേശങ്ങള്‍ പരിശോധന വിധേയമാക്കിയിരുന്നോ;

അക്കാദമിക് ബാങ്ക് ഓഫ് ക്രെഡിറ്റ് സംവിധാനം എല്ലാ കോളേജുകളെയും സര്‍ട്ടിഫിക്കറ്റ് അനുവദിക്കാന്‍ അധികാരത്തോടുകൂടിയ സ്വയംഭരണ കോളേജുകള്‍ ആയി പരിവര്‍ത്തിപ്പിക്കാന്‍ നിര്‍ബന്ധിതമാക്കുമെന്ന ആശങ്ക ശ്രദ്ധയില്‍പ്പെട്ടിട്ടുണ്ടോ;

നാല് വര്‍ഷ ബിരുദം ആരംഭിക്കുന്നതും ഏത് സമയവും കോഴ്സ് പൂര്‍ത്തിയാക്കാതെ പുറത്തുപോകാമെന്നതും അത്തരക്കാര്‍ക്ക് സര്‍ട്ടിഫിക്കറ്റോ ഡിപ്ലോമയോ ലഭിക്കുമെന്നതും താഴ്ന്ന വരുമാനക്കാര്‍ കോഴ്സ് പൂര്‍ത്തിയാക്കാതെ കൊഴിഞ്ഞുപോകുന്ന നിരക്ക് വര്‍ദ്ധിപ്പിക്കാനിടയാക്കുമെന്ന ആശങ്ക ശ്രദ്ധയില്‍പ്പെട്ടിട്ടുണ്ടോ; കേന്ദ്ര സര്‍ക്കാരിന്റെ പ്രസ്തുത നയം തിരുത്താന്‍ ആവശ്യപ്പെട്ടിട്ടുണ്ടോ; വ്യക്തമാക്കാമോ?

സംസ്ഥാനത്ത് ട്രെയിൻ ഗതാഗതത്തിന്റെ ശരാശരി വേഗത 40-50 കിലോമീറ്റർ മാത്രമാണെന്നത് വസ്തുതയാണോ; വണ്ടികളുടെ വേഗതക്കുറവും ആവശ്യത്തിന് വണ്ടികൾ ഇല്ലെന്നതും സംസ്ഥാനത്ത് ട്രെയിൻ യാത്രാദുരിതം സൃഷ്ടിക്കുന്നതിന് പരിഹാരമായി റെയിൽവേയുടെ സഹകരണത്തോടെ സംസ്ഥാനം സ്വന്തം നിലയിൽ വേഗ പാതകൾ നിർമ്മിക്കാനുള്ള പദ്ധതിയുടെ ആവശ്യകത ജനങ്ങളെ ബോധ്യപ്പെടുത്തുന്നതിന് വിപുലമായ പ്രചരണ പ്രവർത്തനങ്ങൾ നടത്തുമോ;

റെയിൽ പാതയിരട്ടിപ്പ് 615 കിലോമീറ്റർ പൂർത്തിയായിട്ടും യാത്രാ വേഗത്തിൽ യാതൊരു വർദ്ധനവുമില്ലെന്നത് യാഥാർത്ഥ്യമാണോ;

ട്രെയിൻ വേഗതക്കുറവിന് കാരണം പാതയിലെ വളവുകൾ ആണെന്നതും കഴിഞ്ഞ 45 വർഷത്തിനുള്ളിൽ ഇത്തരം വളവുകളിൽ ഒന്ന് പോലും നിവർത്തപ്പെട്ടില്ലെന്നതും സിൽവർ ലൈനിന്റെ ആവശ്യകത വർദ്ധിപ്പിക്കുന്നുണ്ടോയെന്ന് അറിയിക്കുമോ?

നവകേരളം എന്ന ലക്ഷ്യം യാഥാര്‍ത്ഥ്യമാക്കുന്നതിന് ചാലക ശക്തിയാകുംവിധം സംസ്ഥാനത്തെ ഉന്നത വിദ്യാഭ്യാസരംഗം അന്താരാഷ്ട്ര നിലവാരത്തിലേക്കുയര്‍ത്തുന്നതിന് പദ്ധതികള്‍ ആവിഷ്കരിച്ചിട്ടുണ്ടോ;

ശാസ്ത്ര, സാങ്കേതികശാസ്ത്ര രംഗത്തെ വളര്‍ച്ചയും പഠന ഗവേഷണ പ്രവര്‍ത്തനങ്ങളും സമന്വയിപ്പിക്കുന്നതിന് നൂതന പഠന വകുപ്പുകള്‍ ആരംഭിച്ചിട്ടുണ്ടോ; വ്യക്തമാക്കാമോ;

സര്‍വ്വകലാശാലകള്‍ക്കുള്ളില്‍ ഓട്ടോണമസ് ഇന്റര്‍ യൂണിവേഴ്സിറ്റി സെന്ററുകളും സ്കൂളുകളും സ്ഥാപിക്കാനുളള പ്രവര്‍ത്തനത്തിന്റെ പുരോഗതി അറിയിക്കാമോ?

സംസ്ഥാനത്ത് കർഷകരുടെ വരുമാനത്തിൽ അഞ്ചുവർഷം കൊണ്ട് അന്‍പത് ശതമാനം വർദ്ധന സൃഷ്ടിക്കുന്നതിനായി സ്വീകരിച്ചുവരുന്ന നടപടികൾ വിശദമാക്കാമോ;

കാർഷിക ഉല്പാദനക്ഷമത വർദ്ധിപ്പിക്കുന്നതിനായി എന്തെല്ലാം സഹായങ്ങളാണ് കർഷകര്‍ക്ക് നൽകിവരുന്നത്‌; വിശദമാക്കാമോ;

മൂല്യവർദ്ധിത ഉല്പന്നങ്ങൾ ഉല്പാദിപ്പിക്കുന്നതിന് കർഷകരെ പ്രാപ്തരാക്കുന്നതിനായി സ്വീകരിച്ചുവരുന്ന നടപടികൾ വിശദമാക്കാമോ;

ഓരോ വിളയുടെയും ഉല്പാദനക്ഷമതയ്‌ക്ക്‌ ടാർജറ്റ് നിശ്ചയിച്ചിട്ടുണ്ടോ; ടാർജറ്റ് കൈവരിക്കുന്നതിനായി ശാസ്ത്രീയമായ എന്തെല്ലാം ഇടപെടലുകളാണ് നടത്താനുദ്ദേശിക്കുന്നതെന്ന് വിശദമാക്കാമോ?

കെ-സ്വിഫ്റ്റ് കമ്പനിയ്ക്കു​വേണ്ടി 455 കോടി രൂപയുടെ കിഫ്ബി വായ്പ ഉപയോഗിച്ച് 700 സി.എൻ.ജി. ബസ്സുകൾ വാങ്ങുവാന്‍ തീരുമാനിച്ചിട്ടുണ്ടോ;

ഇതര സംസ്ഥാനങ്ങൾ ഇത്തരം ബസ്സുകൾ നഷ്ടമെന്ന് കണ്ടെത്തി ഉപേക്ഷിച്ചതാണെന്ന വസ്തുത പരിശോധിച്ചിട്ടുണ്ടോ;

സി.എൻ.ജി. ബസ്സുകൾ വാങ്ങുന്നതിന് മുന്‍പ് വിശദ പഠനം നടത്തിയിട്ടുണ്ടോ; എങ്കിൽ വിശദാംശം അറിയിക്കുമോ?

സംസ്ഥാനത്ത് പാലുല്പാദനത്തില്‍ സ്വയംപര്യാപ്തതയ്ക്ക് അടുത്തെത്താന്‍ കഴിഞ്ഞ നേട്ടം സുസ്ഥിരമാക്കുന്നതിനും ക്ഷീരോല്പാദനത്തിലെ ചെലവു കുറയ്ക്കുന്നതിനും ക്ഷീരസംഭരണം കാര്യക്ഷമമാക്കുന്നതിനും മൂല്യവര്‍ദ്ധിതോല്പന്നങ്ങള്‍ വ്യാപിപ്പിക്കുന്നതിനും നടത്തുന്ന പ്രവര്‍ത്തനങ്ങള്‍ എന്തെല്ലാമാണ്;

കന്നുകാലികള്‍ക്കും ക്ഷീര കര്‍ഷക കുടുംബങ്ങള്‍ക്കും ഇന്‍ഷുറന്‍സ് പരിരക്ഷ ഏര്‍പ്പെടുത്തുന്നുണ്ടോ; വ്യക്തമാക്കാമോ;

തീറ്റപ്പുല്‍കൃഷി പ്രോത്സാഹിപ്പിക്കുന്നതിനായി നല്‍കിവരുന്ന സഹായങ്ങള്‍ എന്തെല്ലാമാണ്;

‍മൃഗചികിത്സ സൗകര്യങ്ങള്‍ പര്യാപ്തമായ തോതില്‍ വിപുലപ്പെടുത്തുന്നതിന് ചെയ്തിട്ടുള്ള പ്രവർത്തനങ്ങൾ അറിയിക്കാമോ?

കെ.എസ്.ആര്‍.ടി.സി.യുടെ പുനരുദ്ധാരണത്തിനായി പ്രൊഫ. സുശീല്‍ ഖന്ന റിപ്പോർട്ടിലെ ശിപാര്‍ശകളുടെ അടിസ്ഥാനത്തില്‍ നടപടികള്‍ സ്വീകരിച്ചിരുന്നോ;

കെ.എസ്.ആര്‍.ടി.സി. ജീവനക്കാർക്ക് നിലവില്‍ യഥാസമയം ശമ്പളം നല്‍കാന്‍ കഴിയാത്ത സാമ്പത്തിക സ്ഥിതി സംജാതമായിട്ടുണ്ടോ എന്നറിയിയ്ക്കുമോ;

പ്രതിവാഹന ജീവനക്കാരുടെ എണ്ണവും ഇന്ധനക്ഷമതയും ദേശീയ ശരാശരിയിലേക്കുയര്‍ത്താന്‍ കഴിഞ്ഞിട്ടുണ്ടോ;

നിലവില്‍ ആകെയുള്ള വാഹനങ്ങളുടേയും അവയില്‍ ഓപ്പറേറ്റ് ചെയ്യുന്നവയുടേയും ആകെ ജീവനക്കാരുടേയും എണ്ണം എത്രയെന്ന് അറിയിക്കാമോ;

വാഹന വിനിയോഗം മെച്ചപ്പെടുത്തി സര്‍വ്വീസ് വിപുലീകരിക്കുന്ന കാര്യം പരിഗണനയിലുണ്ടോ; വ്യക്തമാക്കാമോ?

സംസ്ഥാനത്ത് മൃഗസംരക്ഷണ മേഖലയുമായി ബന്ധപ്പെട്ട് രാത്രികാലങ്ങളിൽ ചികിത്സാ സേവനം കർഷകർക്ക് ആവശ്യമായി വരുന്ന സാഹചര്യങ്ങൾ ശ്രദ്ധയിൽപ്പെട്ടിട്ടുണ്ടോ;

അടിയന്തര സാഹചര്യങ്ങളിൽ കർഷകരുടെ വീട്ടുപടിക്കൽ മൃഗചികിത്സാ സേവനം ലഭ്യമാക്കുന്നതിനുളള പദ്ധതി ആവിഷ്ക്കരിച്ചിട്ടുണ്ടോ; വിശദാംശങ്ങള്‍ നല്‍കുമോ;

പ്രസ്തുത പദ്ധതിയുടെ പ്രവർത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

മൃഗ സംരക്ഷണ മേഖലയിലെ കർഷകർക്ക് ഏറെ ആശ്വാസകരമാകുന്ന ഈ പദ്ധതി കൂടുതല്‍ സേവനങ്ങൾ ഉൾപ്പെടുത്തി വിപുലപ്പെടുത്തുന്നതിന് തീരുമാനിച്ചിട്ടുണ്ടോ; വിശദമാക്കാമോ?

സംസ്ഥാനത്ത് നാളികേരത്തിന്റെ വിലയിടിവ് കര്‍ഷകരെ കടുത്ത ദുരിതത്തിലാക്കിയിരിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് എന്തെല്ലാം ഇടപെടല്‍ നടത്തിവരുന്നുണ്ടെന്ന് അറിയിക്കാമോ;

പച്ചത്തേങ്ങയ്ക്കുള്ള വിപണി വില 26 രൂപയില്‍ താഴെ മാത്രമായിരിക്കെ കിലോയ്ക്ക് 32 രൂപ നിരക്കില്‍ പച്ചത്തേങ്ങ സംഭരിക്കാനുള്ള സംവിധാനം ഏര്‍പ്പെടുത്തിയിട്ടുണ്ടോ;

താങ്ങുവിലയ്ക്ക് കൊപ്ര സംഭരിക്കുന്നതില്‍, കേരഫെഡിനെ നാഫെഡ് ഒഴിവാക്കിയത് കര്‍ഷകര്‍ക്ക് പ്രതിസന്ധി സൃഷ്ടിച്ചിട്ടുള്ളതിനാല്‍ പകരം ഏര്‍പ്പെടുത്തുന്ന ക്രമീകരണങ്ങള്‍ അറിയിക്കാമോ?

സംസ്ഥാനത്ത് കാർഷിക മേഖല ആശ്രയിക്കുന്ന പൊതു കമ്പോളങ്ങളെയും അവയുടെ പ്രവർത്തന രീതികളെയും കുറിച്ചുള്ള സമഗ്രമായ സർവ്വേ ആരംഭിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

പ്രസ്തുത സർവ്വേയുടെ പ്രധാന ഉദ്ദേശ്യലക്ഷ്യങ്ങൾ എന്തെല്ലാമാണെന്ന് വിശദമാക്കാമോ;

പ്രസ്തുത സർവ്വേയിലൂടെ സംസ്ഥാനത്തെ കർഷകരുടെ ഉല്പന്നങ്ങൾക്ക് അനുയോജ്യമായ വിപണി കണ്ടെത്തുവാൻ കഴിയുമോ; വിശദമാക്കാമോ;

കാർഷിക വിപണിയെക്കുറിച്ചുളള വിവര ശേഖരണംവഴി വിപണിക്ക് അനുയോജ്യമായ ഉല്പന്നങ്ങള്‍ ഏതെല്ലാമാണെന്ന് കർഷകർക്ക് അവബോധം നൽകുന്നതിന് കഴിയുമോയെന്ന് വ്യക്തമാക്കാമോ?

കെ.എസ്.ആർ.ടി.സി.യെ ലാഭത്തിലാക്കുന്നതിനുളള നിർദ്ദേശങ്ങൾ സമർപ്പിക്കുന്നതിനായി നിയമിച്ച ​പ്രൊഫ.സുശീൽ ഖന്നയുടെ റിപ്പോർട്ടിലെ പ്രധാന നിർദ്ദേശങ്ങൾ എന്തെല്ലാമായിരുന്നു;

ഇവയിൽ ഏതെല്ലാം നിർദ്ദേശങ്ങൾ നടപ്പിലാക്കിയെന്ന് വെളിപ്പെടുത്താമോ;

പ്രസ്തുത നിർദ്ദേശങ്ങൾ പൂർണ്ണമായി നടപ്പിലാക്കാൻ കഴിയാത്തതിന്റെ കാരണം പരിശോധിച്ചിട്ടുണ്ടോ; എങ്കിൽ വ്യക്തമാക്കുമോ;

കെ.എസ്.ആർ.ടി.സി.യെ ലാഭകരമാക്കാൻ എന്തെങ്കിലും പുതിയ നിർദ്ദേശങ്ങളുണ്ടോ; എങ്കിൽ വിശദമാക്കുമോ?

സംസ്ഥാനത്തെ ഭക്ഷ്യ സ്വയംപര്യാപ്തതയിലെത്തിക്കുകയെന്ന ലക്ഷ്യത്തോടെ എല്ലാ കുടുംബങ്ങളെയും കൃഷിയിലേക്ക് ആകര്‍ഷിക്കുന്നതിന് ഞങ്ങളും കൃഷിയിലേക്ക് എന്ന പദ്ധതി ആവിഷ്കരിച്ചിട്ടുണ്ടോ;

കര്‍ഷകര്‍ക്ക് മാന്യമായ വരുമാനം ഉറപ്പാക്കി കൃഷിയെ മുഖ്യ ഉപജീവന മാര്‍ഗ്ഗമായി രൂപപ്പെടുത്തുന്നതിന് പദ്ധതിയുണ്ടോ;

ശാസ്ത്രീയ കൃഷിമുറകള്‍ വ്യപകമാക്കുന്നതിനൊപ്പം വിപണന ശൃംഖല വിപുലീകരിച്ച് വിളവെടുപ്പുകാലത്തുണ്ടാകുന്ന വിലയിടിവ് തടയുന്നതിന് പദ്ധതി ആവിഷ്കരിച്ചിട്ടുണ്ടോ?

സംസ്ഥാനത്ത് ട്രാൻസ്ജെൻഡറുകൾക്കായുള്ള ക്ഷേമ പ്രവർത്തനങ്ങൾ ഏകോപിപ്പിക്കുന്നതിനായി പ്രത്യേക ആക്ഷൻ പ്ലാൻ തയ്യാറാക്കിയിട്ടുണ്ടോ; വിശദാംശം ലഭ്യമാക്കാമോ;

വീട്ടിൽ നിന്ന് പുറത്താക്കപ്പെട്ട നിരാലംബരായ ട്രാൻസ്ജെൻഡറുകൾക്ക് സ്വന്തമായി ജീവിതോപാധി കണ്ടെത്തുന്നതിനും ട്രാൻസ്ജെൻഡറുകളെ സമൂഹത്തില്‍ അംഗീകാരം ലഭിക്കുന്ന തൊഴിൽ ചെയ്ത് ജീവിക്കാന്‍ പ്രാപ്തരാക്കുന്നതിനുമുള്ള പ്രത്യേക പദ്ധതി ആവിഷ്കരിച്ചിട്ടുണ്ടോ; എങ്കിൽ വിശദാംശം നല്‍കാമോ?

സംസ്ഥാനത്ത് ക്ഷീര സഹകരണ സംഘങ്ങളുടെ അടിസ്ഥാന സൗകര്യങ്ങൾ വികസിപ്പിച്ചുകൊണ്ട് മെച്ചപ്പെട്ട സേവനങ്ങൾ കർഷകർക്ക് ലഭ്യമാക്കുന്നതിനുള്ള പദ്ധതികൾ പരിഗണനയിലുണ്ടോ; വിശദാംശം ലഭ്യമാക്കാമോ;

എല്ലാ ക്ഷീര സംഘങ്ങളിലും പാൽ സംഭരണത്തിനുള്ള ആധുനിക സൗകര്യങ്ങൾ ഏര്‍പ്പെടുത്താൻ ഉദ്ദേശിക്കുന്നുണ്ടോ; വിശദമാക്കാമോ;

ക്ഷീര കര്‍ഷകര്‍ക്ക് ആവശ്യമായ എന്തെല്ലാം ഉല്പാദനോപാധികളും ആധുനിക സാങ്കേതികവിദ്യ പരിശീലനവുമാണ് ക്ഷീര സംഘങ്ങള്‍ വഴി നല്‍കിവരുന്നതെന്ന് വിശദമാക്കാമോ;

സംസ്ഥാനത്തെ മികച്ച ക്ഷീര സംഘങ്ങളെ കണ്ടെത്തി പുരസ്കാരം നൽകുന്നതിന് പദ്ധതിയുണ്ടോ; വിശദാംശം ലഭ്യമാക്കാമോ?

കെ.എസ്.ആർ.ടി.സി.യുടെ ശരാശരി പ്രതിമാസ ചെലവ് എത്രയെന്ന് ഇനം തിരിച്ച് അറിയിക്കാമോ; മേയ് മാസത്തെ വരുമാനം എത്രയായിരുന്നുവെന്ന് വെളിപ്പെടുത്താമോ;

സർവ്വീസ് വിപുലീകരിച്ച് പ്രതിദിന കളക്ഷൻ പത്ത് കോടി രൂപയായി വർദ്ധിപ്പിക്കുവാന്‍ നടപടി സ്വീകരിക്കുന്നുണ്ടോ;

സർവ്വീസ് വൈവിധ്യവൽക്കരണത്തിലൂടെ കൂടുതൽ യാത്രക്കാരെ ആകർഷിക്കുന്നതിന് സാധ്യമായിട്ടുണ്ടോ;

ടിക്കറ്റിതര വരുമാന വർദ്ധനവിനായി എന്തെല്ലാം മാർഗ്ഗങ്ങളാണ് അവലംബിച്ചിട്ടുള്ളത്; ശരാശരി പ്രതിമാസ ടിക്കറ്റിതര വരുമാനം എത്രയാണെന്ന് വെളിപ്പെടുത്താമോ?

സംസ്ഥാനത്ത് എല്ലാ വയോജനങ്ങൾക്കും സാമൂഹ്യ സുരക്ഷ ഉറപ്പുവരുത്തുന്നതിനായി നടപ്പിലാക്കിവരുന്ന പദ്ധതികളുടെ വിശദാംശം ലഭ്യമാക്കാമോ;

വയോജന ക്ഷേമത്തിനായി ആവിഷ്കരിച്ച വയോമിത്രം പദ്ധതിയുടെ പ്രവർത്തന പുരോഗതി വിലയിരുത്തിയിട്ടുണ്ടോ; വ്യക്തമാക്കാമോ;

പ്രസ്തുത പദ്ധതി പഞ്ചായത്ത് പരിധികളിലേക്ക് കൂടി വ്യാപിപ്പിക്കുന്നത് ഉള്‍പ്പെടെയുളള വിപുലീകരണ നടപടികളുടെ വിശദാംശം ലഭ്യമാക്കാമോ;

വയോമിത്രം പദ്ധതി വഴി വയോജനങ്ങൾക്ക് നൽകുന്ന സേവനങ്ങൾ മെച്ചപ്പെട്ട രീതിയിൽ ലഭ്യമാക്കുന്നതിനായി വയോമിത്രം സോഫ്റ്റ്‌വെയർ ആവിഷ്കരിച്ചിട്ടുണ്ടോ; വിശദമാക്കുമോ?

ലോക്ഡൗണിനെ തുടര്‍ന്ന് നിര്‍ത്തിവച്ച എല്ലാ സര്‍വ്വീസുകളും പുനരാരംഭിക്കാൻ കെ.എസ്.ആര്‍.ടി.സി.യ്ക്ക് കഴിഞ്ഞിട്ടുണ്ടോ എന്ന് വ്യക്തമാക്കാമോ;

നിര്‍ത്തിവച്ച എല്ലാ സര്‍വ്വീസുകൾകളും പുനരാരംഭിക്കാൻ സാധിക്കാത്തത് കെ.എസ്.ആര്‍.ടി.സി.യുടെ നിലവിലെ സാമ്പത്തിക പ്രതിസന്ധിക്ക് ആക്കം കൂട്ടി എന്നത് വസ്തുതയാണോ;

ലോക്ഡൗൺ സമയത്ത് ബസ്സുകൾ റൊട്ടേഷൻ അടിസ്ഥാനത്തിൽ ഉപയോഗിച്ചുകൊണ്ടിരുന്നത് നിർത്തലാക്കാനുള്ള കാരണം വെളിപ്പെടുത്താമോ;

ഡീസൽ ബസ്സുകൾ ദീർഘനാൾ ഓടിക്കാതിരുന്നാല്‍ തകരാറിലാകുമെന്നിരിക്കെ റൊട്ടേഷൻ സംവിധാനം അവസാനിപ്പിച്ചത് മൂലം നിരവധി ബസ്സുകൾ നശിച്ചു പോയതായി പറയപ്പെടുന്ന സാഹചര്യം ഗൗരവത്തോടെ കാണുന്നുണ്ടോ;

എങ്കില്‍ ഇത് കെ.എസ്.ആര്‍.ടി.സി.യുടെ ഭാഗത്തുനിന്നുള്ള വീഴ്ചയാണോയെന്ന് പരിശോധിച്ചിട്ടുണ്ടോ; വ്യക്തമാക്കാമോ?

സംസ്ഥാനത്ത് വയോജനങ്ങൾക്ക് മരുന്നും മറ്റ് അനുബന്ധ സാമഗ്രികളും വീട്ടിലെത്തിച്ച് നൽകുന്നതിനായി കാരുണ്യ @ ഹോം എന്ന പ്രത്യേക പദ്ധതി ആരംഭിച്ചിട്ടുണ്ടോ; എങ്കില്‍ പ്രസ്തുത പദ്ധതി വഴി വയോജനങ്ങൾക്ക് എന്തെല്ലാം സേവനങ്ങളും സൗകര്യങ്ങളും ആനുകൂല്യങ്ങളുമാണ് ലഭ്യമാക്കുന്നത്; വിശദമാക്കാമോ;

മുതിർന്ന പൗരന്മാരുടെ പ്രധാന ആവശ്യങ്ങളായ കൃത്രിമ ദന്തങ്ങൾ, ശ്രവണ സഹായികൾ എന്നിവ നൽകുന്നതിനുള്ള പ്രത്യേക പദ്ധതികൾ നിലവിലുണ്ടോ; വിശദാംശം നൽകാമോ;

വയോജനങ്ങളെ പരിചരിക്കുന്ന സാന്ത്വന പ്രവർത്തകർക്ക് ആവശ്യമായ പരിശീലനം നൽകുന്നതിനുള്ള കോഴ്സുകൾ ആരംഭിക്കുന്ന കാര്യം വകുപ്പിന്റെ പരിഗണനയിലുണ്ടോ; എങ്കില്‍ വിശദാംശം ലഭ്യമാക്കാമോ?

സംസ്ഥാനത്ത് പ്രകൃതി ദുരന്തം, വന്യമൃഗങ്ങളുടെ ആക്രമണം എന്നിവ മൂലമുണ്ടാകുന്ന കൃഷി നാശത്തിന് വിള ഇൻഷുറൻസ് പദ്ധതി പ്രകാരം നൽകുന്ന നഷ്ടപരിഹാര തുക ലഭിക്കുന്നതിന് കാലതാമസം നേരിടുന്നതായി ശ്രദ്ധയില്‍പെട്ടിട്ടുണ്ടോ; എങ്കില്‍ ആയത് ഒഴിവാക്കുന്നതിന് എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്;

ഈ പദ്ധതി പ്രകാരം ഇനിയും കൊടുത്തു തീർക്കാനുളള നഷ്ടപരിഹാര തുക കണക്കാക്കിയിട്ടുണ്ടോ; എങ്കില്‍ വിശദമാക്കുമോ?

2011-12 -ല്‍ അനുവദിച്ച് 2019-ല്‍ തറക്കല്ലിട്ട നേമം കോച്ച് ടെര്‍മിനല്‍ പദ്ധതി ഉപേക്ഷിച്ചതായുള്ള വാര്‍ത്തയുടെ നിജസ്ഥിതി അറിയിക്കാമോ;

തിരുവനന്തപുരം സെന്‍ട്രല്‍ സ്റ്റേഷനിൽ യാര്‍ഡിന്റെ അപര്യാപ്തത കൊണ്ട് ആവശ്യത്തിന് തീവണ്ടികള്‍ അനുവദിക്കാനാകില്ലെന്ന റെയിൽവേയുടെ നിലപാട് സംസ്ഥാനത്തെ റെയില്‍വേ വികസനത്തെ പ്രതികൂലമായി ബാധിക്കുമെന്നതിനാല്‍ പ്രസ്തുത തീരുമാനം പുന:പരിശോധിക്കാന്‍ ആവശ്യപ്പെട്ടിട്ടുണ്ടോ;

നേമം ടെര്‍മിനലിനായി സ്ഥലം ലഭ്യമാകാത്ത സ്ഥിതി ഉണ്ടായിരുന്നോ;

സില്‍വര്‍ ലൈന്‍ ഉള്‍പ്പെടെയുളള കെ-റെയില്‍ പദ്ധതികള്‍ക്ക് റെയില്‍വേ മന്ത്രാലയം അനുമതി നല്‍കാത്തതും റെയില്‍വേ നേരിട്ട് വികസനം നടത്താത്തതും സംസ്ഥാനത്ത് റെയില്‍വേ വികസനം അസാധ്യമാക്കുന്നതിനാൽ കേന്ദ്ര സർക്കാരിന്റെ ഈ അവഗണന തിരുത്താന്‍ വേണ്ട സമ്മര്‍ദ്ദം ചെലുത്തുന്നുണ്ടോ?

സംസ്ഥാനത്ത് ഉന്നത വിദ്യാഭ്യാസ രംഗത്ത് ബൃഹത്തായ മാറ്റങ്ങള്‍ കൊണ്ടുവരുന്നതിന്‌ സമഗ്രമായ പദ്ധതികള്‍ ആവിഷ്കരിക്കുന്ന കാര്യം പരിഗണനയിലുണ്ടോ; ഇതുവഴി എന്തൊക്കെ കാര്യങ്ങളാണ് ലക്ഷ്യമിടുന്നത്; വിശദാംശം നൽകാമോ;

അറിവ് നിരന്തരം സൃഷ്ടിക്കുന്നതിനും അത് നാടിന്റെ സാമ്പത്തിക, സാമൂഹ്യ, രാഷ്ട്രീയ, സാംസ്കാരിക പുരോഗതിക്ക് പ്രയോജനപ്പെടുത്തുന്നതിനും ഉതകുന്ന എന്തെല്ലാം പദ്ധതികളാണ് നടപ്പാക്കാന്‍ ഉദ്ദേശിക്കുന്നതെന്ന്‌ വിശദമാക്കാമോ?

വഖഫ് ബോർഡ് നിയമനങ്ങൾ പി.എസ്.സി.യ്ക്ക് വിടാനുളള നിയമത്തിൽ ഭേദഗതി വരുത്താൻ ഉദ്ദേശിക്കുന്നുണ്ടോ;

ഇതുസംബന്ധിച്ച് വിവിധ മുസ്ലീം സംഘടനകളുമായി മുഖ്യമന്ത്രി ചർച്ച നടത്തിയിരു​ന്നോ;

പ്രസ്തുത ചർച്ചകളുടെ അടിസ്ഥാനത്തിൽ എന്തെല്ലാം നടപടികൾ സ്വീകരിച്ചുവെന്ന് വിശദമാക്കുമോ?

കെ.എസ്.ആർ.ടി.സി.യുടെ പ്രവര്‍ത്തന നഷ്ടം കുറയ്ക്കുന്നതിന് സർക്കാർ നടത്തിവരുന്ന ഇടപെടലുകള്‍ എന്തൊക്കെയാണെന്ന് വ്യക്തമാക്കാമോ;

സ്ഥാപനത്തിന്റെ പ്രവര്‍ത്തന കാര്യക്ഷമത വര്‍ദ്ധിപ്പിക്കുന്നതിന് നടത്തുന്ന സാങ്കേതികവിദ്യാധിഷ്ഠിതമായവ ഉള്‍പ്പെടെയുള്ള നവീകരണങ്ങളെക്കുറിച്ച് അറിയിക്കാമോ;

കെ.എസ്.ആര്‍.ടി.സി. ജീവനക്കാര്‍ക്ക് എല്ലാ മാസവും അഞ്ചാം തീയതിക്കകം ശമ്പളം നല്‍കാമെന്ന് ഉറപ്പ് നല്‍കിയിരുന്നോയെന്ന് വ്യക്തമാക്കാമോ;

പ്രസ്തുത ജീവനക്കാർക്ക് എല്ലാ മാസവും അഞ്ചാം തീയതിക്കകം ശമ്പളം നൽകാൻ സാധിക്കാത്തതിന്റെ കാരണം വിശദമാക്കാമോ;

കെ.എസ്.ആർ.ടി.സി.യില്‍ ശമ്പളവും പെന്‍ഷനും എല്ലാ മാസവും അഞ്ചാം തീയതിക്ക് മുൻപ് നൽകാൻ നടപടികൾ സ്വീകരിക്കുമോ എന്ന് വ്യക്തമാക്കാമോ?

മൂന്ന് വർഷത്തിലധികമായി പാൽ വിലയിൽ വർദ്ധനവുണ്ടാകാത്ത സാഹചര്യത്തിൽ കാലിത്തീറ്റയുടെ വിലയും മൃഗചികിത്സാചെലവും വർദ്ധിക്കുന്നത് ക്ഷീരകര്‍ഷകരെ പ്രതിസന്ധിയിലാക്കുമെന്നതിനാല്‍ ഗുണമേന്മയുള്ള കാലിത്തീറ്റ ലഭ്യമാക്കുന്നതിനും കാലിത്തീറ്റയുടെ വില വര്‍ദ്ധിപ്പിക്കാതിരിക്കുന്നതിനും കേരള ഫീഡ്സും മില്‍മയും തീരുമാനിച്ചിട്ടുണ്ടോ; ഉത്തരേന്ത്യയില്‍ നിന്നും വെെക്കാേല്‍ ലഭ്യമാക്കാൻ ആലാേചിക്കുന്നുണ്ടാേയെന്ന് അറിയിക്കാമോ;

ക്ഷീരാേല്പാദക സഹകരണ സംഘങ്ങളില്‍ പാല്‍ നല്‍കുന്നവര്‍ക്ക് വര്‍ഷം മുഴുവന്‍ സബ്സിഡി നല്‍കി ക്ഷീര കര്‍ഷകര്‍ക്ക് ആശ്വാസമേകാനുള്ള പദ്ധതി ആരംഭിക്കാന്‍ ഉദ്ദേശിക്കുന്നുണ്ടാേ; എങ്കിൽ വിശദാംശം അറിയിക്കുമാേ;

ഉല്പാദന ക്ഷമത വര്‍ദ്ധിപ്പിച്ച് ഉല്പാദനച്ചെലവ് കുറയ്ക്കാന്‍ ജനിതക മേന്മയുള്ള കന്നുകുട്ടികളെ സൃഷ്ടിക്കുന്നതിന് പദ്ധതിയുണ്ടാേ; വിശദാംശം നൽകുമോ?

റബ്ബര്‍ കയറ്റുമതി വര്‍ദ്ധിപ്പിക്കുന്നതിന് സംസ്ഥാന സര്‍ക്കാര്‍ സ്വീകരിച്ച നടപടികള്‍ എന്തെല്ലാമെന്ന് വിശദമാക്കാമോ;

സ്വാഭാവിക റബ്ബറിന്റെ ഉപയോഗം വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

റബ്ബറിന്റെ വിലസ്ഥിരത ഉറപ്പാക്കുന്നതിനായി രാജ്യത്തെ ടയര്‍ വ്യവസായ മേഖലയില്‍ സ്വാഭാവിക റബ്ബര്‍ തന്നെ ഉപയോഗിക്കണമെന്ന നിര്‍ദ്ദേശം നടപ്പിലാക്കാന്‍ കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ; വിശദമാക്കാമോ;

എങ്കില്‍ ഇക്കാര്യത്തില്‍ കേന്ദ്ര സർക്കാർ നിലപാട് അറിയിച്ചിട്ടുണ്ടോ എന്ന് വ്യക്തമാക്കാമോ?

സംസ്ഥാനത്ത് കാര്‍ഷിക മേഖലയുടെ സമ്പൂര്‍ണ്ണ വികസനത്തിനും കാര്‍ഷിക വൃത്തി പ്രോത്സാഹിപ്പിക്കുന്നതിനുമായി കൃഷിയിടാസൂത്രണാധിഷ്ഠിത ഉല്പാദന പരിപാടികള്‍ നടപ്പാക്കുവാന്‍ തീരുമാനിച്ചിട്ടുണ്ടോ; വിശദമാക്കുമോ;

കൃഷിയിടാസൂത്രണാധിഷ്ഠിത ഉല്പാദന പരിപാടികളില്‍ ഉല്പാദന പൂര്‍വ്വ പ്രവര്‍ത്തനങ്ങള്‍ കൂടി ഏറ്റെടുക്കുന്ന തരത്തില്‍ ക്രമീകരണങ്ങള്‍ ഏര്‍പ്പെടുത്തുവാന്‍ ഉദ്ദേശിക്കുന്നുണ്ടോ; വിശദമാക്കുമോ;

കൃഷി ഭവനുകള്‍ക്ക് പുറമെ മറ്റ് ഏതെങ്കിലും സ്ഥാപനത്തെ കൂടി ഈ പരിപാടിയുടെ നടത്തിപ്പുമായി ബന്ധപ്പെട്ട് ഏകോപിപ്പിക്കാന്‍ ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്ത് പച്ചക്കറി വിലക്കയറ്റം നിയന്ത്രിക്കുന്നതിനായി ഉല്പാദനം വർദ്ധിപ്പിച്ച് സ്വയം പര്യാപ്തത കൈവരിക്കാൻ തീരുമാനിച്ചിട്ടുണ്ടോ;

വിളവെടുപ്പ് സമയത്തുണ്ടാകുന്ന വിലയിടിവ് വാണിജ്യാടിസ്ഥാനത്തിലുള്ള കൃഷി വ്യാപനത്തിന് തടസ്സമാകുന്നത് പരിഹരിക്കുന്നതിന് പച്ചക്കറി, പഴം, കിഴങ്ങ് വർഗ്ഗങ്ങൾ എന്നിവയ്ക്ക് താങ്ങുവില ഏർപ്പെടുത്തിയത് പ്രയോജനപ്രദമായിട്ടുണ്ടോ; വിള സംഭരണം കാര്യക്ഷമമാക്കാൻ നടപടിയെടുത്തിട്ടുണ്ടോ;

സംസ്ഥാനത്തെ പ്രതിവർഷ പച്ചക്കറി ആവശ്യകതയും ഉല്പാദനവും എത്രയെന്ന് അറിയിക്കാമോ?