STARRED
 

QUESTIONS

  AND
  ANSWERS
   
   
   
   

 

 





  You are here: Business >15th KLA > 4th Session>starred Questions and Answers
  Answer  Provided    Answer  Not Yet Provided

FIFTEENTH   KLA - 5th SESSION
 
STARRED QUESTIONS AND ANSWERS
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                       Questions and Answers

*301.
ശ്രീമതി ദെലീമ
ശ്രീ . കെ .ഡി .പ്രസേനൻ
ശ്രീ. കെ. ജെ. മാക്‌സി
ശ്രീ. ടി.ഐ.മധുസൂദനന്‍ : താഴെ കാണുന്ന ചോദ്യങ്ങൾക്കു തദ്ദേശ സ്വയംഭരണ, ഗ്രാമവികസനം, എക്സൈസ്‌ വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്ത് തദ്ദേശ സ്വയംഭരണ സ്ഥാപനങ്ങളുടെ പ്രവര്‍ത്തന കാര്യക്ഷമത വര്‍ദ്ധിപ്പിക്കുന്നതിന് ഏകീകൃത തദ്ദേശ സ്വയംഭരണ വകുപ്പിന്റെ രൂപീകരണം എപ്രകാരം പ്രയോജനപ്പെടുമെന്നാണ് വിലയിരുത്തിയിട്ടുള്ളത്;
( ബി )
ഓരോ തദ്ദേശ സ്വയംഭരണ സ്ഥാപനത്തിന്റെയും ജില്ല ഒന്നാകെയുമുള്ള പദ്ധതി ആസൂത്രണം കൂടുതല്‍ കാര്യക്ഷമവും ഫലപ്രദവുമാക്കാന്‍ ഏകീകൃത തദ്ദേശ സ്വയംഭരണ വകുപ്പ് രൂപീകരണത്തിലൂടെ സാധ്യമാകുമോ എന്ന് അറിയിക്കാമോ;
( സി )
സംസ്ഥാന സര്‍ക്കാരിന്റെയും കേന്ദ്ര സര്‍ക്കാരിന്റെയും വിവിധ പ്രാദേശിക വികസന പദ്ധതികളുടെ നിര്‍വ്വഹണം കാലവിളംബം ഒഴിവാക്കി കാര്യക്ഷമവും ഫലപ്രദവുമാക്കുന്നതിന് പുതിയ സംവിധാനത്തിലൂടെ സാധ്യമാകുമോ; വിശദമാക്കുമോ?
*302.
ശ്രീ. അൻവർ സാദത്ത്
ശ്രീ . ഐ .സി .ബാലകൃഷ്ണൻ
ശ്രീ സി ആര്‍ മഹേഷ്
ശ്രീ. റോജി എം. ജോൺ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
2016-ൽ മുഖ്യമന്ത്രി യു.എ.ഇ. സന്ദർശനം നടത്തിയ വേളയിൽ കേരളത്തിൽ നിന്ന് നയതന്ത്ര ചാനൽ മുഖേന മുഖ്യമന്ത്രിക്ക് അയച്ചതായി പറയപ്പെടുന്ന ബാഗേജ് മുഖ്യമന്ത്രിയോ അദ്ദേഹത്തിനുവേണ്ടി മറ്റാരെങ്കിലുമോ കൈപ്പറ്റിയിരുന്നോയെന്ന് വ്യക്തമാക്കാമോ; വിശദാംശം നൽകുമോ;
( ബി )
എങ്കില്‍ മുഖ്യമന്ത്രിക്ക് ബാഗേജ് അയയ്ക്കുന്നതിനായി നയതന്ത്ര ചാനൽ തെരഞ്ഞെടുക്കാനുള്ള കാരണം വ്യക്തമാക്കുമോ;
( സി )
മറ്റൊരു രാജ്യത്തിന്റെ നയതന്ത്ര ചാനൽ വഴി ബാഗേജ് കൊടുത്തയക്കുമ്പോൾ പാലിക്കേണ്ട നടപടിക്രമങ്ങൾ എന്തൊക്കെയാണെന്നും പ്രസ്തുത നടപടിക്രമങ്ങൾ ഇക്കാര്യത്തിൽ പാലിച്ചിരുന്നോയെന്നും വിശദമാക്കാമോ?
*303.
ശ്രീ. കെ.വി.സുമേഷ്
ശ്രീ കെ യു ജനീഷ് കുമാർ
ശ്രീ എം രാജഗോപാലൻ
ശ്രീ എം എസ് അരുൺ കുമാര്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
മതേതര ജനാധിപത്യ മൂല്യങ്ങളെ ദുര്‍ബലപ്പെടുത്തുന്ന തരത്തിലുള്ള കേന്ദ്ര ഭരണ നേതൃത്വത്തിന്റെ നയപരിപാടികളില്‍ നിന്ന് പ്രചോദനമുള്‍ക്കൊണ്ടുകൊണ്ട് ഒരു കൂട്ടരും അത്തരക്കാരെ എതിര്‍ക്കാനെന്ന വ്യാജേന മറ്റൊരു കൂട്ടരും സമൂഹത്തില്‍ അരക്ഷിതാവസ്ഥ സൃഷ്ടിച്ച് വര്‍ഗ്ഗീയതയും തീവ്രവാദവും വളര്‍ത്താന്‍ സംസ്ഥാനത്ത് നടത്തുന്നതായി പറയപ്പെടുന്ന പ്രവര്‍ത്തനങ്ങള്‍ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് നിയന്ത്രിക്കുന്നതിന് ശക്തമായ നടപടി സ്വീകരിച്ചിട്ടുണ്ടോ;
( ബി )
ഒരു സംഘടന മൂവായിരത്തിലധികം പേരെ സായുധ പരിശീലനം നല്‍കി അക്രമോത്സുകരാക്കിയിട്ടുണ്ടെന്ന് പറയപ്പെടുന്ന വാര്‍ത്തയുടെ അടിസ്ഥാനത്തില്‍ തീവ്രവാദ പ്രവര്‍ത്തനങ്ങള്‍ നിയന്ത്രിക്കുന്നതിന് പ്രത്യേകം ജാഗ്രത പുലര്‍ത്തുമോ;
( സി )
നെയ്യാറ്റിന്‍കരയില്‍ ഒരു സംഘടനയുടെ കൂട്ട മാര്‍ച്ചില്‍ പെണ്‍കുട്ടി വാളേന്തി പ്രകടനം നടത്തിയതും വാളേന്തിയത് സ്വയരക്ഷയ്ക്ക് വേണ്ടിയാണെന്ന് ഒരു കേന്ദ്ര സഹമന്ത്രി പ്രസ്താവിച്ചതുമായുള്ള വാര്‍ത്തകളുടെ അടിസ്ഥാനത്തില്‍ പരിശോധന നടത്തി മാതൃകാപരമായ നടപടി ഉറപ്പാക്കുമോ?
*304.
ശ്രീ. പി. മമ്മിക്കുട്ടി
ശ്രീ സി എച്ച് കുഞ്ഞമ്പു
ഡോ.കെ.ടി.ജലീൽ
ശ്രീമതി ഒ എസ് അംബിക : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് പ്രവാസികളുടെ പ്രശ്നങ്ങളില്‍ കാര്യക്ഷമവും ഫലപ്രദവുമായ ഇ‍ടപെടല്‍ നടത്തുന്നതിന് അവരെക്കുറിച്ചുള്ള കൃത്യമായ വിവരങ്ങള്‍ ലഭിക്കേണ്ടത് അനിവാര്യമായതിനാല്‍ സമഗ്രമായ വിവര ശേഖരണം നടത്തുന്നതിന് പദ്ധതിയുണ്ടോ;
( ബി )
പ്രവാസികളുടെ സുരക്ഷയ്ക്കും ക്ഷേമത്തിനുമുള്ള സര്‍ക്കാരിന്റെ പ്രവര്‍ത്തനങ്ങളെ ദുര്‍ബലപ്പെടുത്തുന്ന തരത്തിലുള്ള ഇടപെടലുകള്‍ ചില പ്രതിപക്ഷ രാഷ്ട്രീയ കക്ഷികള്‍ നടത്തുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇത്തരത്തിലുള്ള പ്രവര്‍ത്തനങ്ങളെ അതിജീവിച്ച് ആഗോളതലത്തിലുള്ള പ്രവാസികളുടെ സംരക്ഷണത്തിനായി ലോക കേരള സഭ വിജയകരമായി നടത്താനായിട്ടുണ്ടോ എന്ന് അറിയിക്കാമോ;
( സി )
വിദേശ രാജ്യങ്ങളിലേയ്ക്ക്, വിശേഷിച്ച് മധ്യപൂര്‍വ്വേഷ്യന്‍ രാജ്യങ്ങളിലേയ്ക്ക് അടിമപ്പണിയ്ക്കായി കടത്തുന്നതായുള്ള വാര്‍ത്തകളുടെ അടിസ്ഥാനത്തില്‍ അത്തരം സംഘങ്ങളെ കര്‍ശനമായി നിയന്ത്രിക്കുന്നതിന് വകുപ്പ് മുന്‍കൈ എടുക്കുമോ; സംസ്ഥാനത്തുള്ള സര്‍ക്കാര്‍ അംഗീകൃത റിക്രൂട്ട്മെന്റ് ഏജന്‍സികളെക്കുറിച്ച് ജനങ്ങള്‍ക്ക് വിവരം ലഭ്യമാക്കാനും വ്യാജ ഏജന്‍സികളുടെ കെണിയില്‍ വീഴാതിരിക്കുന്നതിനും ആവശ്യമായ നടപടികള്‍ സ്വീകരിക്കുന്നുണ്ടോ?
*305.
ശ്രീ. കെ. ബാബു (നെന്മാറ)
ഡോ സുജിത് വിജയൻപിള്ള
ശ്രീ ഡി കെ മുരളി
ശ്രീ. കെ.കെ. രാമചന്ദ്രൻ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ദേശീയ കുടുംബാരോഗ്യ സര്‍വ്വേപ്രകാരം സംസ്ഥാനത്ത് സ്ത്രീകളില്‍ 38 ശതമാനവും പുരുഷന്‍മാരില്‍ 36.5 ശതമാനവും അമിത വണ്ണമുള്ളവരാണെന്ന കണ്ടെത്തലിനെ തുടര്‍ന്ന് ജീവിതശൈലി രോഗ നിയന്ത്രണത്തിന് സ്വീകരിച്ചുവരുന്ന നടപടികള്‍ എന്തെല്ലാമെന്ന് വിശദമാക്കാമോ;
( ബി )
സംസ്ഥാനത്ത് 30 വയസ്സിന് മുകളിലുള്ളവരുടെയെല്ലാം വിവരം ശേഖരിച്ച് ജീവിതശൈലി രോഗ രജിസ്‍ട്രി തയ്യാറാക്കുന്നുണ്ടോ; ഇതിന്റെ അടിസ്ഥാനത്തിലുള്ള തുടര്‍പ്രവര്‍ത്തനങ്ങള്‍ എന്തൊക്കെയാണ്;
( സി )
മൊബൈല്‍ ആപ്ലിക്കേഷനുപയോഗിച്ച് ജീവിതശൈലി രോഗ നിര്‍ണയത്തിന് പദ്ധതിയുണ്ടോ; എങ്കില്‍ ഇതിന്റെ നേട്ടങ്ങള്‍ എന്തൊക്കെയെന്ന് അറിയിക്കാമോ?
*306.
ശ്രീ. എൽദോസ് പി. കുന്നപ്പിള്ളിൽ
ഡോ. മാത്യു കുഴല്‍നാടൻ
ശ്രീ. സജീവ് ജോസഫ്
ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കഴിഞ്ഞ സർക്കാരിന്റെ കാലത്ത് മുഖ്യമന്ത്രിയുടെ വിദേശ സന്ദർശനവേളയിൽ അദ്ദേഹത്തിനുവേണ്ടി യു.എ.ഇ. കോൺസുലേറ്റ് മുഖേന ബാഗ്/പാക്കേജ് അയച്ചിട്ടുണ്ടോ എന്ന് വ്യക്തമാക്കാമോ; എങ്കിൽ പ്രസ്തുത ബാഗ്/പാക്കേജ് കൈപ്പറ്റിയത് ആരാണെന്ന് വ്യക്തമാക്കുമോ;
( ബി )
മുഖ്യമന്ത്രിയ്ക്ക് ബാഗ്/പാക്കേജ് അയക്കുന്നതിന് നയതന്ത്ര ചാനൽ തിരഞ്ഞെടുക്കാനുള്ള കാരണം വ്യക്തമാക്കുമോ;
( സി )
മറ്റൊരു രാജ്യത്തിന്റെ നയതന്ത്ര ചാനൽ വഴി ബാഗ്/പാക്കേജ് കൊടുത്തയക്കുമ്പോൾ പാലിക്കേണ്ട നടപടിക്രമങ്ങൾ പാലിച്ചിട്ടുണ്ടോ എന്ന് വിശദമാക്കാമോ?
*307.
ശ്രീമതി കാനത്തില്‍ ജമീല
ശ്രീ വി ജോയി
ശ്രീ എം മുകേഷ്
ശ്രീ. പി.പി. ചിത്തരഞ്ജന്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്തെ വിവിധ ജലപാതകളെ തമ്മില്‍ ബന്ധിപ്പിച്ചുകൊണ്ടും ഇവയില്ലാത്ത സ്ഥലങ്ങളില്‍ പുതിയ കനാലുകള്‍ നിര്‍മ്മിച്ചുകൊണ്ടും സൃഷ്ടിക്കാനുദ്ദേശിക്കുന്ന കോവളം-ബേക്കല്‍ വെസ്റ്റ് കോസ്റ്റ് ജലപാത പദ്ധതിക്കായി പ്രതീക്ഷിക്കുന്ന ആകെ ചെലവ് എത്രയാണെന്ന് അറിയിക്കാമോ;
( ബി )
കൊല്ലം-കോട്ടപ്പുറം സെക്ടര്‍ ദേശീയ ജലപാതയായി ഉയര്‍ത്തുന്ന പ്രവൃത്തി പൂര്‍ത്തിയായിട്ടുണ്ടോ;
( സി )
എങ്കിൽ ഏതെല്ലാം മേഖലകളിലാണ് പുതിയതായി കനാല്‍ നിര്‍മ്മിക്കേണ്ടതായിട്ടുള്ളതെന്നും അവയുടെ നിര്‍മ്മാണ പുരോഗതിയും അറിയിക്കാമോ;
( ഡി )
വെസ്റ്റ് കോസ്റ്റ് ജലപാതയ്ക്കായി ഒഴിപ്പിക്കേണ്ടി വരുന്ന വീടുകളുടെ എണ്ണം കണക്കാക്കിയിട്ടുണ്ടോ; ജലപാതയ്ക്കായി സ്ഥലം ഏറ്റെടുക്കുന്നതിന് പാക്കേജ് തയ്യാറാക്കിയിട്ടുണ്ടോ എന്ന് അറിയിക്കാമോ?
*308.
ശ്രീ. കെ. പി. എ. മജീദ്
ശ്രീ .പി. കെ. ബഷീർ
ശ്രീ . എൻ . ഷംസുദ്ദീൻ
ശ്രീ . മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
വയനാട് എം.പി. യുടെ കൽപ്പറ്റയിലെ ഓഫീസ് അടിച്ച് തകർത്ത കേസ്സിൽ അന്വേഷണ ഉദ്യോഗസ്ഥന്റെ റിപ്പോർട്ട് ലഭിച്ചിട്ടുണ്ടോ; വ്യക്തമാക്കാമോ;
( ബി )
ഈ സംഭവത്തിൽ സ്പെഷ്യൽ ബ്രാഞ്ചിനും ഇന്റലിജൻസിനും വീഴ്ച ഉണ്ടായതായി കണ്ടെത്തിയിട്ടുണ്ടോ;
( സി )
ഓഫീസ് തകർത്ത സംഭവത്തിലെ പ്രതികളെ മുഴുവൻ കണ്ടെത്തി അറസ്റ്റ് രേഖപ്പെടുത്തിയിട്ടുണ്ടോ; പ്രതികളുടെ രാഷ്ട്രീയ ബന്ധം വ്യക്തമാക്കുമോ?
*309.
ശ്രീ. എ . പി . അനിൽ കുമാർ
ശ്രീമതി കെ.കെ.രമ
ശ്രീ. ടി.സിദ്ദിഖ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കഴിഞ്ഞ സർക്കാരിന്റെ കാലത്ത് മുഖ്യമന്ത്രി യു.എ.ഇ. സന്ദർശിച്ച അവസരത്തിൽ യു.എ.ഇ. കോൺസുലേറ്റ് ഉദ്യോഗസ്ഥർ മുഖേന മുഖ്യമന്ത്രിക്ക് ബാഗേജ് അയച്ച് നൽകിയിട്ടുണ്ടോ; എങ്കിൽ ബാഗേജ് കൈപ്പറ്റിയത് ആരാണെന്ന് വ്യക്തമാക്കുമോ;
( ബി )
എങ്കില്‍ മുഖ്യമന്ത്രിക്ക് ബാഗേജ് അയയ്ക്കുന്നതിന് വേണ്ടി നയതന്ത്ര ചാനൽ തെരഞ്ഞെടുക്കാനുള്ള കാരണം വ്യക്തമാക്കുമോ;
( സി )
എങ്കില്‍ ഈ ബാഗേജ് കോൺസുലേറ്റിലെ ജീവനക്കാർ ആരിൽ നിന്ന് വാങ്ങണമെന്നാണ് നിർദ്ദേശിച്ചതെന്ന് വ്യക്തമാക്കാമോ?
*310.
ശ്രീ. എ.എന്‍.ഷംസീര്‍
ശ്രീ സി കെ ഹരീന്ദ്രന്‍
ശ്രീ. ലിന്റോ ജോസഫ്
ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് പോലീസ് സേനയെ ശാക്തീകരിക്കുന്നതിന്റെ ഭാഗമായി അടിസ്ഥാന സൗകര്യ വിപുലീകരണത്തോടൊപ്പം ആധുനിക സാങ്കേതിക വിദ്യകളുടെയും നൂതനോപകരണങ്ങളുടെയും പ്രയോഗം പ്രാവര്‍ത്തികമാക്കിയിട്ടുണ്ടോ; പോലീസ് സ്റ്റേഷനുകള്‍ക്കെല്ലാം സ്വന്തം കെട്ടിടം എന്ന ലക്ഷ്യം കൈവരിച്ചിട്ടുണ്ടോ എന്ന് അറിയിക്കാമോ;
( ബി )
ക്രമസമാധാന പാലനവും കുറ്റാന്വേഷണവും വേര്‍തിരിച്ചത് പോലീസ് സേനയുടെ പ്രവര്‍ത്തന മികവ് വര്‍ദ്ധിപ്പിക്കാന്‍ സഹായകരമായിട്ടുണ്ടോയെന്ന് അറിയിക്കാമോ;
( സി )
സാമ്പത്തിക കുറ്റകൃത്യങ്ങള്‍ വര്‍ദ്ധിച്ചുവരുന്നതായി പറയപ്പെടുന്ന പശ്ചാത്തലത്തില്‍ സാമ്പത്തിക കുറ്റകൃത്യാന്വേഷണ വിഭാഗം പ്രത്യേകമായി രൂപീകരിച്ചിട്ടുണ്ടോ?
*311.
ശ്രീമതി യു പ്രതിഭ
ശ്രീ ഒ . ആർ. കേളു
ശ്രീ. കെ.പി.കുഞ്ഞമ്മദ് കുട്ടി മാസ്റ്റര്‍
ശ്രീ . കെ .ഡി .പ്രസേനൻ : താഴെ കാണുന്ന ചോദ്യങ്ങൾക്കു ഭക്ഷ്യ-പൊതുവിതരണ വകുപ്പ് മന്ത്രി സദയം മറുപടി പറയാമോ?
( എ )
ഈ വര്‍ഷത്തെ ബജറ്റില്‍ നെല്ലിന്റെ സംഭരണ വില 28.20 രൂപയായി പ്രഖ്യാപിച്ചിരുന്നോ; നെല്ലിന്റെ സംഭരണ വില കുറച്ചതായി ചില മാധ്യമങ്ങള്‍ വാര്‍ത്ത നല്‍കിയത് ശ്രദ്ധയില്‍പ്പെട്ടിരുന്നോ; പ്രഖ്യാപിത വിലയില്‍ സര്‍ക്കാര്‍ എന്തെങ്കിലും കുറവ് വരുത്തിയിട്ടുണ്ടോ; വ്യക്തമാക്കാമോ;
( ബി )
രാജ്യത്ത് നെല്ലിന് ഏറ്റവും ഉയര്‍ന്ന സംഭരണ വില നല്‍കുന്നത് കേരളത്തിലാണോ എന്ന് അറിയിക്കാമോ; അയല്‍ സംസ്ഥാനങ്ങളിലെ സംഭരണ വില എത്രയെന്ന് പരിശോധിച്ചിട്ടുണ്ടോ; വ്യക്തമാക്കാമോ;
( സി )
ഭൂമി പാട്ടത്തിനെടുത്ത് കൃഷി ചെയ്യുന്നവര്‍ക്ക് പ്രതിസന്ധി സൃഷ്ടിക്കാത്ത രീതിയിലാണോ സംഭരണ നിബന്ധനകള്‍ ഏര്‍പ്പെടുത്തിയിട്ടുള്ളതെന്ന് അറിയിക്കാമോ?
*312.
ശ്രീ എം വിൻസെൻറ്
ശ്രീ പി സി വിഷ്ണുനാഥ്
ശ്രീ. ടി. ജെ. വിനോദ്
ശ്രീമതി.ഉമ തോമസ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കഴിഞ്ഞ സർക്കാരിന്റെ കാലത്ത് മുഖ്യമന്ത്രിയുടെ യു.എ.ഇ. സന്ദർശന വേളയിൽ യു.എ.ഇ. കോൺസുലേറ്റ് മുഖേന മുഖ്യമന്ത്രിക്ക് അയച്ചതായി പറയപ്പെടുന്ന ബാഗേജ് മുഖ്യമന്ത്രിയോ അദ്ദേഹത്തിന് വേണ്ടി മറ്റാരെങ്കിലുമോ കൈപ്പറ്റിയിട്ടുണ്ടോയെന്ന് വ്യക്തമാക്കാമോ; വിശദാംശം നൽകാമോ;
( ബി )
എങ്കില്‍ മുഖ്യമന്ത്രിക്ക് ബാഗേജ് അയക്കുന്നതിന് വേണ്ടി മറ്റൊരു രാജ്യത്തിന്റെ കോൺസുലേറ്റിന്റെ സഹായം തേടിയത് എന്തിനാണെന്ന് വ്യക്തമാക്കുമോ;
( സി )
പ്രസ്തുത ബാഗേജ് കൊടുത്തുവിട്ടത്‌ ആരാണെന്ന്‌ വ്യക്തമാക്കാമോ?
*313.
ശ്രീ എം രാജഗോപാലൻ
ശ്രീ വി ജോയി
ശ്രീ. കെ. ജെ. മാക്‌സി
ശ്രീമതി ദെലീമ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ദേശീയ ജലപാത-3 എന്നത്തേക്ക് പൂർത്തിയാക്കാൻ കഴിയുമെന്ന് അറിയിക്കാമോ; വിശദാംശം നൽകാമോ;
( ബി )
ദേശീയ ജലപാതയിൽ ഉൾപ്പെടാത്ത മറ്റ് ഭാഗങ്ങൾ ജലപാത നിലവാരത്തിലേക്ക് വികസിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ച് വരുന്നതെന്ന് അറിയിക്കാമോ; വിശദാംശം നൽകാമോ;
( സി )
പ്രസ്തുത പദ്ധതിയുടെ പൂർത്തീകരണം സംസ്ഥാനത്തിന്റെ ഗതാഗത, വിനോദസഞ്ചാര, വാണിജ്യ മേഖലകളിലും പൊതു വികസനത്തിലും ഏതെല്ലാം രീതിയിൽ സഹായകരമാകുമെന്ന് വിലയിരുത്തിയിട്ടുണ്ടോ; വിശദമാക്കാമോ?
*314.
ശ്രീമതി കെ.കെ.രമ
ശ്രീ. റോജി എം. ജോൺ
ശ്രീ. എൽദോസ് പി. കുന്നപ്പിള്ളിൽ
ശ്രീ. ടി.സിദ്ദിഖ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സ്വർണ്ണക്കടത്ത് കേസിലെ പ്രധാന പ്രതിയെ പാലക്കാട്ടെ താമസസ്ഥലത്ത് നിന്നും വിജിലൻസ് സംഘം കസ്റ്റഡിയിൽ എടുത്തിരുന്നോ; എങ്കിൽ ഏതു കേസിന്റെ അനേഷണവുമായി ബന്ധപ്പെട്ടായിരുന്നു കസ്റ്റഡിയിൽ എടുത്തതെന്ന് വിശദമാക്കാമോ;
( ബി )
ഒരു കേസിലെ പ്രതിയെ കസ്റ്റഡിയിൽ എടുക്കുമ്പോൾ പാലിക്കണമെന്ന് സുപ്രീം കോടതി നിർദ്ദേശിച്ചിട്ടുള്ള നടപടിക്രമങ്ങൾ ഈ കേസിൽ പാലിച്ചിട്ടുണ്ടോയെന്ന് വിശദമാക്കാമോ;
( സി )
പ്രസ്തുത പ്രതിയുടെ ഫോൺ പിടിച്ചെടുക്കുന്നതിനും കസ്റ്റഡിയിൽ എടുക്കുന്നതിനും മുൻപ് നോട്ടീസ് നൽകിയിട്ടുണ്ടോ; എങ്കിൽ അതിന്റെ തീയതി അടങ്ങുന്ന വിശദാംശങ്ങൾ നൽകാമോ;
( ഡി )
പ്രസ്തുത പ്രതിയെ ചോദ്യം ചെയ്തിരുന്നോയെന്ന് വ്യക്തമാക്കാമോ?
*315.
പ്രൊഫ . ആബിദ് ഹുസൈൻ തങ്ങൾ
ശ്രീ എൻ എ നെല്ലിക്കുന്ന്
ശ്രീ . പി . ഉബൈദുള്ള
ശ്രീ എ കെ എം അഷ്റഫ് : താഴെ കാണുന്ന ചോദ്യങ്ങൾക്കു തദ്ദേശ സ്വയംഭരണ, ഗ്രാമവികസനം, എക്സൈസ്‌ വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്ത് തദ്ദേശ സ്വയംഭരണ സ്ഥാപനങ്ങൾ തങ്ങൾക്ക് ലഭിക്കേണ്ട വിവിധ നികുതികൾ പിരിച്ചെടുക്കുന്നതിൽ വീഴ്ച വരുത്തുന്നതായി കണ്ടെത്തിയിട്ടുണ്ടോ;
( ബി )
പ്രസ്തുത നികുതികൾ കൃത്യമായി പിരിച്ചെടുത്ത് തദ്ദേശ സ്വയംഭരണ സ്ഥാപനങ്ങളുടെ സാമ്പത്തിക പുരോഗതി ഉറപ്പ് വരുത്തുന്നതിനായി എന്തെല്ലാം നിർദ്ദേശങ്ങളാണ് നൽകിയിരിക്കുന്നത്;
( സി )
നികുതി പിരിവിന്റെ പുരോഗതി മനസ്സിലാക്കുന്നതിന് എന്തെല്ലാം സംവിധാനങ്ങളാണ് നിലവിലുളളതെന്ന് വിശദമാക്കുമോ?
*316.
ശ്രീ . മുഹമ്മദ് മുഹസിൻ
ശ്രീ ഇ ചന്ദ്രശേഖരന്‍
ശ്രീ വി ശശി
ശ്രീ. സി.സി. മുകുന്ദൻ : താഴെ കാണുന്ന ചോദ്യങ്ങൾക്കു ഭക്ഷ്യ-പൊതുവിതരണ വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്ത് ഗുണനിലവാരമുള്ളതും കൃത്യമായ അളവിലുള്ളതുമായ ഭക്ഷ്യധാന്യങ്ങളും മറ്റ് ഉപഭോക്തൃ ഉല്പന്നങ്ങളും ജനങ്ങൾക്ക് ലഭിക്കുന്നുവെന്ന് ഉറപ്പുവരുത്താൻ നടപടികൾ സ്വീകരിച്ചിട്ടുണ്ടോ; വിശദമാക്കാമോ;
( ബി )
കൺസ്യൂമർ പ്രൊട്ടക്ഷൻ നിയമത്തിൽ അനുശാസിക്കുന്നതനുസരിച്ച് ഉപഭോക്താക്കൾക്ക് അവരുടെ അവകാശങ്ങൾ പൂർണ്ണമായും ലഭ്യമാകുന്നുണ്ടെന്ന് ഉറപ്പുവരുത്താന്‍ നടപടികൾ സ്വീകരിച്ചിട്ടുണ്ടോ; വിശദമാക്കാമോ;
( സി )
ഉപഭോക്തൃകാര്യ വകുപ്പിനെ ഭക്ഷ്യ, പൊതുവിതരണ വകുപ്പിനോട് ചേർത്തുകൊണ്ട് ഭക്ഷ്യ,പൊതുവിതരണ, ഉപഭോക്തൃകാര്യ വകുപ്പ് എന്ന പേരിൽ പുനഃസംഘടിപ്പിക്കാന്‍ നടപടികൾ സ്വീകരിച്ചിട്ടുണ്ടോ; വിശദമാക്കാമോ;
( ഡി )
കൺസ്യൂമർ പ്രൊട്ടക്ഷൻ സംബന്ധിച്ച കേസുകൾ ഓൺലൈനായി ഫയൽ ചെയ്യുന്നതുൾപ്പെടെ ഉപഭോക്തൃ തര്‍ക്കപരിഹാര ഫോറങ്ങളുടെ പ്രവർത്തനം പരിഷ്കരിച്ചിട്ടുണ്ടോ; വിശദമാക്കാമോ?
*317.
ശ്രീ. റോജി എം. ജോൺ
ശ്രീ. കെ. ബാബു (തൃപ്പുണിത്തുറ)
ശ്രീ . സണ്ണി ജോസഫ്
ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
വടക്കാഞ്ചേരി ലൈഫ് പദ്ധതി സംബന്ധിച്ച് മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി ഉൾപ്പെടെയുള്ളവർക്കെതിരെ ആരോപിക്കപ്പെട്ട ക്രമക്കേടുകളെപ്പറ്റി വിജിലൻസ് അന്വേഷണം നടത്തിയിരുന്നോ; പ്രസ്തുത അന്വേഷണ റിപ്പോർട്ട് സമർപ്പിച്ചിട്ടുണ്ടോ; എങ്കിൽ അന്വേഷണ റിപ്പോർട്ടിലെ പ്രധാന കണ്ടെത്തലുകൾ എന്തൊക്കെയാണെന്ന് വ്യക്തമാക്കുമോ;
( ബി )
ഇല്ലെങ്കിൽ അന്വേഷണം പൂർത്തീകരിക്കുന്നതിലുള്ള കാലതാമസത്തിന്റെ കാരണം വ്യക്തമാക്കുമോ;
( സി )
പ്രളയ ദുരിതബാധിതരായ ജനങ്ങളുടെ പേരിൽ സമാഹരിച്ച പണം തട്ടിയെടുത്തതായി കണ്ടെത്തിയിട്ടുണ്ടെങ്കില്‍ കുറ്റക്കാരെ മാതൃകാപരമായി ശിക്ഷിക്കുവാൻ അടിയന്തര നടപടി സ്വീകരിക്കുമോ; വിശദാംശം നൽകുമോ?
*318.
ശ്രീ. എം.വിജിന്‍
ശ്രീ. ടി. പി .രാമകൃഷ്ണൻ
ശ്രീ ഐ ബി സതീഷ്
ശ്രീ. എൻ.കെ. അക്ബര്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കേന്ദ്ര സർക്കാരിന്റെ ഡിപ്പാർട്ട്മെന്റ് ഓഫ് അഡ്മിനിസ്ട്രേറ്റീവ് റിഫോംസ് ആൻഡ് പബ്ലിക്ക് ഗ്രിവൻസസ് നടത്തിയ പഠനപ്രകാരം ഇ-ഗവേണൻസ് സേവനം പ്രദാനം ചെയ്യുന്നതിൽ കേരളം ദേശീയ തലത്തിൽ ഒന്നാം സ്ഥാനത്താണെന്ന് കണ്ടെത്തിയിരുന്നോ;
( ബി )
ഭരണം ജനങ്ങളിലേക്കെത്തിക്കുക എന്ന ലക്ഷ്യത്തോടെ ആവശ്യമുള്ള സേവനങ്ങൾ സമയ നഷ്ടമില്ലാതെ ജനങ്ങൾക്ക് ലഭ്യമാക്കുന്നതിന് സംസ്ഥാനത്ത് ഏ‍ർപ്പെടുത്തിയിട്ടുള്ള ആധുനിക സാങ്കേതിക വിദ്യാധിഷ്ഠിത സംവിധാനത്തെക്കുറിച്ച് വിശദമാക്കാമോ;
( സി )
ഓഫീസുകളിൽ കയറിയിറങ്ങാതെ ജനങ്ങൾക്ക് ആവശ്യമുള്ള സേവനങ്ങൾ പരമാവധി ഓൺലൈൻ വഴി സൗജന്യമായി ലഭ്യമാക്കാനായിട്ടുണ്ടോ; വിശദമാക്കാമോ?
*319.
ശ്രീ . പി . ഉബൈദുള്ള
ശ്രീ എൻ എ നെല്ലിക്കുന്ന്
ശ്രീ. നജീബ് കാന്തപുരം
ശ്രീ എ കെ എം അഷ്റഫ് : താഴെ കാണുന്ന ചോദ്യങ്ങൾക്കു തദ്ദേശ സ്വയംഭരണ, ഗ്രാമവികസനം, എക്സൈസ്‌ വകുപ്പ് മന്ത്രി സദയം മറുപടി പറയാമോ?
( എ )
ആദിവാസി മേഖലകളിൽ മദ്യത്തിന്റെയും മയക്കുമരുന്നിന്റെയും ഉപയോഗം വർദ്ധിച്ചുവരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ പരിശോധനാ വിധേയമാക്കിയിട്ടുണ്ടോ;
( ബി )
മദ്യവും മയക്കുമരുന്നും നൽകി ആദിവാസി വിഭാഗങ്ങളെ ചൂഷണം ചെയ്യുന്നതായി എക്സൈസ് വകുപ്പിന് പരാതികള്‍ ലഭിച്ചിട്ടുണ്ടോ;
( സി )
മദ്യത്തിന്റെയും മയക്കുമരുന്നിന്റെയും ഉപയോഗത്തിൽ നിന്ന് അവരെ പിന്തിരിപ്പിക്കുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ എന്തെല്ലാമെന്ന് വ്യക്തമാക്കുമോ?
*320.
ശ്രീ. പി. ബാലചന്ദ്രൻ
ശ്രീ പി എസ്‍ സുപാല്‍
ശ്രീമതി സി. കെ. ആശ
ശ്രീ. വി. ആർ. സുനിൽകുമാർ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്ത് വയോജനങ്ങളുടെ എണ്ണം വർദ്ധിച്ച് വരുന്ന സാഹചര്യത്തിൽ വയോജനങ്ങളുടെ ആരോഗ്യ പരിപാലനത്തിന് പര്യാപ്തമായ രീതിയിലുള്ള നടപടികൾ സ്വീകരിച്ചിട്ടുണ്ടോ; വിശദമാക്കാമോ;
( ബി )
സമഗ്ര പാലിയേറ്റീവ് വയോജന പരിചരണത്തിന് അരികെ എന്ന പദ്ധതി ആവിഷ്കരിച്ചിട്ടുണ്ടോ; വിശദമാക്കാമോ;
( സി )
മെഡിക്കല്‍,‍ നേഴ്‌സിംഗ് കോളേജുകളിലെ വിദ്യാര്‍ത്ഥികള്‍ക്കുളള പാഠ്യപദ്ധതിയില്‍ പാലിയേറ്റീവ് പരിചരണം ഉള്‍പ്പെടുത്തിയിട്ടുണ്ടോ; വിശദമാക്കാമോ;
( ഡി )
സ്ക്കൂള്‍, കോളേജ് വിദ്യാര്‍ത്ഥികളുടെ ആഭിമുഖ്യത്തില്‍ ജില്ലകളില്‍ പാലിയേറ്റീവ് കെയര്‍ ഇന്‍ ക്യാമ്പസ് പ്രവര്‍ത്തനങ്ങള്‍ നടത്തിവരുന്നുണ്ടോ; വിശദമാക്കാമോ?
*321.
ശ്രീ പ്രമോദ് നാരായൺ
ശ്രീ. സെബാസ്റ്റ്യൻ കുളത്തുങ്കല്‍
ശ്രീ. ജോബ് മൈക്കിള്‍
ഡോ. എൻ. ജയരാജ് : താഴെ കാണുന്ന ചോദ്യങ്ങൾക്കു തദ്ദേശ സ്വയംഭരണ, ഗ്രാമവികസനം, എക്സൈസ്‌ വകുപ്പ് മന്ത്രി സദയം മറുപടി പറയാമോ?
( എ )
എല്ലാ തദ്ദേശ സ്വയംഭരണ സ്ഥാപനങ്ങളുടെയും കീഴില്‍ ആധുനിക പൊതു ശ്മശാനങ്ങള്‍ നിലവിലുണ്ടോ;
( ബി )
മലിനീകരണ തോത് തീരെക്കുറഞ്ഞ അത്യാധുനിക ഇലക്ട്രിക്കല്‍, ഗ്യാസ് പൊതു ശ്മശാനങ്ങള്‍ എല്ലാ തദ്ദേശ സ്ഥാപനങ്ങളുടെയും കീഴില്‍ സ്ഥാപിക്കുന്നതിന് നടപടി സ്വീകരിക്കുമോ;
( സി )
വീടുകളിൽ മൃതദേഹം സംസ്‌കരിക്കുന്നതിനുള്ള സഹചര്യം കുറഞ്ഞുവരുന്നതിനാൽ പൊതു ശ്മശാനങ്ങള്‍ സ്ഥാപിക്കുന്നത് സംബന്ധിച്ച നിലവിലുള്ള ചട്ടങ്ങളില്‍ ഭേദഗതി വരുത്തി അതിനായി പ്രത്യേക കര്‍മ്മ പദ്ധതി രൂപീകരിക്കുവാൻ നടപടി സ്വീകരിക്കുമോ എന്ന് അറിയിക്കാമോ?
*322.
ശ്രീ കടകംപള്ളി സുരേന്ദ്രന്‍
ശ്രീ. കെ.എം.സച്ചിന്‍ദേവ്
ശ്രീ. പി.വി. ശ്രീനിജിൻ
ശ്രീ. എ. പ്രഭാകരൻ : താഴെ കാണുന്ന ചോദ്യങ്ങൾക്കു തദ്ദേശ സ്വയംഭരണ, ഗ്രാമവികസനം, എക്സൈസ്‌ വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്ത് മാലിന്യ സംസ്കരണം കാര്യക്ഷമമാക്കുന്നതിന് മാലിന്യമുക്ത കേരളം പദ്ധതിയുടെ നിയമാവലി തയ്യാറാക്കിയിട്ടുണ്ടോ; എങ്കില്‍ വിശദാംശം നല്‍കാമോ;
( ബി )
നിലവിലുള്ള മാലിന്യ സംസ്കരണ സംവിധാനങ്ങള്‍ ശക്തിപ്പെടുത്തുന്നതിനും നഗരസഭകളിലെ ഖരമാലിന്യം ശാസ്ത്രീയവും പരിസ്ഥിതി സൗഹൃദവുമായി സംസ്കരിക്കാനുമായി ആരംഭിച്ചിട്ടുള്ള ഖരമാലിന്യ പരിപാലന പദ്ധതിയെക്കുറിച്ച് അറിയിക്കാമോ;
( സി )
നഗരസഭകളിലെയും മുനിസിപ്പല്‍ കോര്‍പ്പറേഷനുകളിലെയും മാലിന്യത്തിന്റെ അളവും തരവും തിട്ടപ്പെടുത്തി അതിനനുസരിച്ചുള്ള സംസ്കരണ രീതികള്‍ ആവിഷ്കരിക്കാന്‍ നടപടി ആരംഭിച്ചിട്ടുണ്ടോ എന്ന് വ്യക്തമാക്കാമോ?
*323.
ശ്രീമതി ശാന്തകുമാരി കെ.
ശ്രീ എ. സി. മൊയ്‌തീൻ
ശ്രീ. തോട്ടത്തില്‍ രവീന്ദ്രന്‍ : താഴെ കാണുന്ന ചോദ്യങ്ങൾക്കു തദ്ദേശ സ്വയംഭരണ, ഗ്രാമവികസനം, എക്സൈസ്‌ വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്തെ നഗരസഭകളിലെ സേവനങ്ങള്‍ പൂര്‍ണ്ണമായും ഓണ്‍ലൈനാക്കാന്‍ തീരുമാനിച്ചിരുന്നോ; എങ്കില്‍ ഇതിനായുള്ള പ്രവര്‍ത്തനങ്ങള്‍ പൂര്‍ത്തിയായിട്ടുണ്ടോ എന്ന് അറിയിക്കാമോ;
( ബി )
പഞ്ചായത്തുകളില്‍ കെട്ടിട നിര്‍മ്മാണത്തിനുള്ള അനുമതി ലഭ്യമാക്കുന്നതിന് കാലതാമസം നേരിടുന്നുണ്ടോ; സംയോജിത തദ്ദേശ സ്വയംഭരണ വകുപ്പിനും തദ്ദേശ സ്വയംഭരണ സ്ഥാപനങ്ങള്‍ക്കുമായി പുതിയ സോഫ്റ്റ്‍വെയര്‍ രൂപീകരിക്കാനുദ്ദേശിക്കുന്നുണ്ടോ;
( സി )
ഇന്‍ഫര്‍മേഷന്‍ കേരള മിഷന്റെ പ്രവര്‍ത്തനം കാര്യക്ഷമമാക്കി തദ്ദേശ സ്വയംഭരണ സ്ഥാപനങ്ങളെ കടലാസ് രഹിതമാക്കാനുള്ള പ്രവര്‍ത്തനം സമയബന്ധിതമായി പൂര്‍ത്തിയാക്കാന്‍ നടപടി സ്വീകരിച്ചിട്ടുണ്ടോ എന്ന് വ്യക്തമാക്കാമോ?
*324.
ശ്രീ കെ ആൻസലൻ
ശ്രീ. പി.വി.അൻവർ
ശ്രീ. എം.വിജിന്‍
ശ്രീ എം മുകേഷ് : താഴെ കാണുന്ന ചോദ്യങ്ങൾക്കു തദ്ദേശ സ്വയംഭരണ, ഗ്രാമവികസനം, എക്സൈസ്‌ വകുപ്പ് മന്ത്രി സദയം മറുപടി പറയാമോ?
( എ )
അഞ്ച് വര്‍ഷത്തിനകം സംസ്ഥാനത്തെ പൂര്‍ണ്ണമായും മാലിന്യ മുക്തമാക്കുന്നതിന്റെ ഭാഗമായി എല്ലാ തദ്ദേശ സ്വയംഭരണ സ്ഥാപനങ്ങളിലും മലിനജല സംസ്കരണത്തിന് പ്രത്യേക പദ്ധതി ആവിഷ്കരിച്ചിട്ടുണ്ടോ; മലിനജല സംസ്കരണ പ്ലാന്റ് നിര്‍മ്മിക്കുന്നതിനും അതിന്റെ പരിപാലനത്തിനുമായി പുതിയതായി സംവിധാനമൊരുക്കിയിട്ടുണ്ടോ; വിശദാംശം നല്‍കാമോ;
( ബി )
പദ്ധതി പ്രാവര്‍ത്തികമാക്കുന്നതിലൂടെ എന്തൊക്കെ കാര്യങ്ങളാണ് ലക്ഷ്യമിടുന്നത്; വിശദമാക്കാമോ?
*325.
ഡോ. എൻ. ജയരാജ്
ശ്രീ. സെബാസ്റ്റ്യൻ കുളത്തുങ്കല്‍
ശ്രീ പ്രമോദ് നാരായൺ
ശ്രീ. ജോബ് മൈക്കിള്‍ : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
സ്ത്രീകളുടെയും കുട്ടികളുടെയും വിദ്യാഭ്യാസ, സാമൂഹിക, സാംസ്കാരിക, സാമ്പത്തിക ഉന്നമനത്തിനുവേണ്ടി കേന്ദ്ര സര്‍ക്കാര്‍ രൂപീകരിച്ച സംസ്ഥാന സാമൂഹ്യ ക്ഷേമ ബോര്‍ഡിന്റെ പ്രവര്‍ത്തനം സംസ്ഥാനങ്ങളില്‍ പൂര്‍ണ്ണമായി നിര്‍ത്തലാക്കുന്നതിന് കേന്ദ്ര വനിതാ-ശിശു വികസന മന്ത്രാലയം തീരുമാനിച്ചിട്ടുണ്ടോ; വിശദാംശം നൽകാമോ;
( ബി )
സംസ്ഥാന സാമൂഹ്യ ക്ഷേമ ബോര്‍ഡിന്റെ തുടര്‍ പ്രവര്‍ത്തനവും ബോര്‍ഡിനെ സംസ്ഥാന സര്‍ക്കാര്‍ ഏറ്റെടുത്ത് നടത്തുന്നത് സംബന്ധിച്ച തീരുമാനവും കേന്ദ്ര വനിതാ-ശിശു വികസന മന്ത്രാലയത്തെ അറിയിക്കണമെന്ന നിര്‍ദ്ദേശത്തിന്‍മേല്‍ സ്വീകരിച്ച നടപടികൾ വിശദമാക്കാമോ;
( സി )
സ്ത്രീകളുടെയും കുട്ടികളുടെയും ക്ഷേമത്തിനും ഉന്നമനത്തിനുമായുള്ള കേന്ദ്ര സര്‍ക്കാര്‍ പദ്ധതികള്‍ നടപ്പിലാക്കേണ്ട പ്രസ്തുത സ്ഥാപനത്തിന്റെ പ്രവര്‍ത്തനം കേന്ദ്ര സര്‍ക്കാര്‍ നിര്‍ത്തലാക്കുന്നതായി പറയപ്പെടുന്ന സാഹചര്യത്തില്‍ പ്രസ്തുത സ്ഥാപനത്തെ പൂര്‍ണ്ണമായും ഏറ്റെടുത്ത് പുന:സംഘടിപ്പിക്കുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കുമോ?
*326.
ഡോ സുജിത് വിജയൻപിള്ള
ശ്രീമതി ശാന്തകുമാരി കെ.
ശ്രീ സി എച്ച് കുഞ്ഞമ്പു
ശ്രീ. ടി.ഐ.മധുസൂദനന്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് കുട്ടികളുടെ ആത്മഹത്യാ നിരക്കിൽ ഉണ്ടാകുന്ന വർദ്ധനവ് ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇന്റർനെറ്റിന്റെയും സ്മാർട്ട് ഫോണിന്റെയും നിയന്ത്രണ വിധേയമല്ലാത്ത ഉപയോഗം ഇതിന് കാരണമായിട്ടുണ്ടോ എന്ന് പരിശോധിച്ചിട്ടുണ്ടോ; ആത്മഹത്യാ പ്രവണതയ്ക്ക് പിന്നിൽ മറ്റെന്തൊക്കെ കാരണങ്ങളാണുള്ളതെന്ന് വിശകലനം ചെയ്തിട്ടുണ്ടോ; വിശദമാക്കാമോ;
( ബി )
കുട്ടികൾക്ക് മാനസിക പിന്തുണ നൽകി ആത്മഹത്യകൾ തടയുന്നതിനായി എന്തൊക്കെ നടപടികളാണ് സ്വീകരിച്ച് വരുന്നതെന്ന് വിശദമാക്കാമോ;
( സി )
വിദ്യാഭ്യാസം, ആരോഗ്യം തുടങ്ങി മറ്റ് വകുപ്പുകളെ ഏകോപിപ്പിച്ചുകൊണ്ട് ഇതിനായി പ്രത്യേക പദ്ധതികൾ ആവിഷ്കരിച്ചിട്ടുണ്ടോ; വിശദാംശം ലഭ്യമാക്കാമോ?
*327.
ശ്രീ. പി. നന്ദകുമാര്‍
ശ്രീ. ആന്റണി ജോൺ
ശ്രീമതി യു പ്രതിഭ
ശ്രീ. പി. ടി. എ. റഹീം : താഴെ കാണുന്ന ചോദ്യങ്ങൾക്കു തദ്ദേശ സ്വയംഭരണ, ഗ്രാമവികസനം, എക്സൈസ്‌ വകുപ്പ് മന്ത്രി സദയം മറുപടി പറയാമോ?
( എ )
അഞ്ച് വർഷത്തിനകം സംസ്ഥാനത്തെ പൂർണ്ണമായും മാലിന്യ മുക്തമാക്കുകയെന്ന ലക്ഷ്യം കൈവരിക്കുന്നതിന് നടത്തുന്ന പ്രവർത്തനങ്ങൾ വിശദമാക്കാമോ;
( ബി )
ജലസ്രോതസ്സുകളുടെ മലിനീകരണത്തിന്റെ മുഖ്യ കാരണങ്ങളിലൊന്ന് ശാസ്ത്രീയമായി സംസ്കരിക്കാത്ത ദ്രവ മാലിന്യമാണെന്നതിനാൽ എല്ലാ തദ്ദേശ സ്വയംഭരണ സ്ഥാപനങ്ങളിലും മലിനജല സംസ്കരണത്തിന് പദ്ധതി ആവിഷ്കരിച്ചിട്ടുണ്ടോ;
( സി )
ലോക ബാങ്ക് സഹായത്തോടെയും സ്വകാര്യ മേഖലയുടെ പങ്കാളിത്തത്തോടെയും മാലിന്യ സംസ്കരണ പദ്ധതികൾ വിപുലീകരിക്കാൻ പരിപാടിയുണ്ടോയെന്ന് അറിയിക്കാമോ?
*328.
ശ്രീ. എം. എം. മണി
ശ്രീ. കെ. ബാബു (നെന്മാറ)
ശ്രീ ഡി കെ മുരളി
ശ്രീ. എ. രാജ : താഴെ കാണുന്ന ചോദ്യങ്ങൾക്കു ഭക്ഷ്യ-പൊതുവിതരണ വകുപ്പ് മന്ത്രി സദയം മറുപടി പറയാമോ?
( എ )
സംസ്ഥാനത്ത് പൊതുവിപണിയിലെ വിലയേക്കാള്‍ കൂടുതല്‍ വില നല്‍കി നെല്‍കര്‍ഷകരില്‍ നിന്നും സപ്ലൈകോ മുഖേനയുള്ള നെല്ല് സംഭരണത്തിന് സ്ഥിരം സംവിധാനം ഒരുക്കുന്നത് പരിഗണനയിലുണ്ടോ; വിശദമാക്കാമോ;
( ബി )
നടപ്പ് വര്‍ഷത്തില്‍ കഴി‍ഞ്ഞ വര്‍ഷത്തെക്കാള്‍ സംഭരണ വിലയില്‍ വര്‍ദ്ധനവ് വരുത്തിയിട്ടുണ്ടോ; നെല്ലിന് കേന്ദ്ര സര്‍ക്കാര്‍ നല്‍കുന്ന സംഭരണ വിലയേക്കാള്‍ കൂടുതല്‍ സംസ്ഥാന സര്‍ക്കാര്‍ നല്‍കുന്നുണ്ടോ; എങ്കിൽ ആയതിന്റെ വിശദാംശം നല്‍കാമോ; കര്‍ഷകര്‍ക്ക് നല്‍കുന്ന വിലയില്‍ അടുത്ത വര്‍ഷം വര്‍ദ്ധനവ് വരുത്താന്‍ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;
( സി )
നടപ്പ് വർഷത്തില്‍ കര്‍ഷകരില്‍ നിന്നും എത്രത്തോളം നെല്ല് സംഭരിക്കാന്‍ ഇതിനകം കഴി‍ഞ്ഞിട്ടുണ്ടെന്ന് വ്യക്തമാക്കാമോ; ന്യായ വിലയ്ക്ക് കര്‍ഷകരില്‍ നിന്നും നെല്ല് സംഭരിക്കുന്നത് വഴി നെല്‍കൃഷി മേഖലയില്‍ എന്തെല്ലാം മാറ്റങ്ങളാണ് ലക്ഷ്യമിടുന്നതെന്ന് വിശദമാക്കാമോ?
*329.
ശ്രീ എൻ എ നെല്ലിക്കുന്ന്
ശ്രീ . ടി. വി. ഇബ്രാഹിം
ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ലോക്കപ്പ് മർദ്ദനം ഉൾപ്പെടെയുളള മനുഷ്യാവകാശങ്ങൾ ലംഘിച്ചിട്ടുണ്ടോ എന്ന് പരിശോധിക്കുന്നതിനായി പോലീസ് സ്റ്റേഷനുകളിൽ സി.സി.ടി.വി. ക്യാമറകൾ സ്ഥാപിക്കാൻ തീരുമാനിച്ചിട്ടുണ്ടോ;
( ബി )
എങ്കിൽ ഇതിനായി എന്തെല്ലാം നടപടികൾ ഇതിനകം സ്വീകരിച്ചിട്ടുണ്ട്; വ്യക്തമാക്കാമോ;
( സി )
സംസ്ഥാനത്തെ എല്ലാ പോലീസ് സ്റ്റേഷനുകളിലും എന്നത്തേക്ക് സി.സി. ടി. വി. ക്യാമറകൾ സ്ഥാപിക്കാൻ കഴിയുമെന്ന് വിശദമാക്കുമോ?
*330.
ശ്രീ ജി സ്റ്റീഫന്‍
ശ്രീ. എം. എം. മണി
ശ്രീ എം നൗഷാദ്
ശ്രീ. എച്ച്. സലാം : താഴെ കാണുന്ന ചോദ്യങ്ങൾക്കു ആരോഗ്യ- വനിത-ശിശുവികസന വകുപ്പ് മന്ത്രി സദയം മറുപടി പറയാമോ?
( എ )
ആരാേഗ്യ വകുപ്പിന് കീഴില്‍ കേരള സ്റ്റേറ്റ് ഹെല്‍ത്ത് ഏജന്‍സി രൂപീകൃതമായതിന് ശേഷം വിവിധ വിഭാഗങ്ങളില്‍പ്പെട്ടവര്‍ക്ക് നല്‍കിവരുന്ന സൗജന്യ ചികിത്സയുടെ വിവരങ്ങള്‍ ലഭ്യമാക്കാമാേ; കഴിഞ്ഞ വര്‍ഷം ആകെ എത്ര രൂപയുടെ സൗജന്യചികിത്സ നല്‍കിയെന്നതിന്റെ കണക്കു ലഭ്യമാണോ; അതിലേയ്ക്കുള്ള സർക്കാർ വിഹിതം എത്രയെന്ന് അറിയിക്കാമാേ;
( ബി )
സര്‍ക്കാരിന്റെ നിരന്തര ഇടപെടലിലൂടെ കാസ്പ് പദ്ധതിക്ക് കീഴില്‍ ശ്രീചിത്ര ഇന്‍സ്റ്റിറ്റ്യൂട്ടിനെ ഉള്‍പ്പെടുത്താനായിട്ടുണ്ടാേ; മികച്ച സ്വകാര്യ ആശുപത്രികളെ കൂടി പ്രസ്തുത പദ്ധതിയില്‍ ഉള്‍പ്പെടുത്താന്‍ ഉദ്ദേശിക്കുന്നുണ്ടോ;
( സി )
എത്ര കുടുംബങ്ങള്‍ക്ക് കാസ്പ് പദ്ധതി പ്രകാരം ആരോഗ്യസുരക്ഷ നല്‍കാനായിട്ടുണ്ടെന്ന കണക്ക് ലഭ്യമാണോ; എങ്കില്‍ നല്‍കുമോ;
( ഡി )
കാസ്പ് പദ്ധതി ആരംഭിച്ചതിനുശേഷം കാരുണ്യ ബെനവലന്റ് പദ്ധതി തുടരുന്നുണ്ടാേ; പ്രസ്തുത പദ്ധതി പരിഷ്കരിച്ചിട്ടുണ്ടാേ എന്ന് അറിയിക്കാമോ?



                                                                                                                     





 





Website maintained by Information System Section, Kerala Legislative Assembly, Thiruvananthapuram.