കോവിഡാനന്തരം കേരളത്തില്‍ ഏറെ സാദ്ധ്യതയുള്ള ഒരു മേഖലയായി മൃഗസംരക്ഷണം മാറിയത് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

പാല്‍, മുട്ട, ഇറച്ചി എന്നീ ഭക്ഷ്യോല്പന്നങ്ങളുടെ സംസ്ഥാന ഉപയോഗം എത്ര എന്നും സംസ്ഥാനത്തുള്ള ലഭ്യത എത്ര എന്നും എത്ര ശതമാനം ഇതര സംസ്ഥാനങ്ങളെ ആശ്രയിക്കുന്നു എന്നും വ്യക്തമാക്കുമോ;

ഇതര സംസ്ഥാനങ്ങള്‍ ഉള്‍പ്പെടെ അന്താരാഷ്ട്ര വിപണികളില്‍ നിന്നും സംസ്ഥാനത്തെ വിപണിയില്‍ ഒരു വര്‍ഷം എത്ര കോടി രൂപയുടെ പാല്‍, മുട്ട, ഇറച്ചി ഉല്പന്നങ്ങളാണ് എത്തുന്നതെന്ന് വ്യക്തമാക്കുമോ;

രാജ്യത്തെ പ്രധാന ഉപഭോഗ സംസ്ഥാനമായ കേരളത്തെ പാല്‍, മുട്ട, ഇറച്ചി എന്നിവയുടെ ഉല്പാദനമേഖലയിൽ സ്വയംപര്യാപ്തമാക്കാന്‍ വകുപ്പ് സ്വീകരിച്ചു വരുന്ന പ്രധാന പ്രവര്‍ത്തനങ്ങള്‍ വിശദമാക്കുമോ?

രാത്രികാലങ്ങളില്‍ ആവശ്യമായ മൃഗചികിത്സ ലഭ്യമാകുന്നില്ല എന്ന വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു പരിഹരിക്കുവാന്‍ എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുള്ളത്; വിശദമാക്കാമോ?

വര്‍ക്കല മണ്ഡലത്തില്‍ മൃഗസംരക്ഷണ-ക്ഷീരവികസന വകുപ്പ് മുഖേന 2021 മുതല്‍ നാളിതുവരെ നടപ്പിലാക്കിയ പദ്ധതികള്‍ വിശദമാക്കാമോ;

പ്രസ്തുത മണ്ഡലത്തില്‍ നടപ്പിലാക്കിയ പദ്ധതികള്‍ക്ക് എത്ര രൂപ ചെലവഴിച്ചുവെന്ന് വ്യക്തമാക്കാമോ?

ഒറ്റപ്പാലം നിയോജക മണ്ഡലത്തിൽ നിലവിൽ വാടക കെട്ടിടത്തിൽ പ്രവർത്തിച്ചു കൊണ്ടിരിക്കുന്ന മൃഗസംരക്ഷണ വകുപ്പിന്റെ സ്ഥാപനങ്ങൾ ഉണ്ടോ; എങ്കിൽ ഏതെല്ലാം; വിശദാംശങ്ങൾ ലഭ്യമാക്കാമോ?

കാസര്‍ഗോഡ് ജില്ലയില്‍ ഡോക്ടര്‍മാരുടെ സ്ഥിരം തസ്തികകളിൽ ഒഴിവുള്ള എത്ര മൃഗാശുപത്രികള്‍ ഉണ്ട്; ഈ തസ്തികകള്‍ നികത്തുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

പി.എസ്.സി. റാങ്ക് ലിസ്റ്റ് നിലവിലില്ലെങ്കില്‍ പകരം സംവിധാനം ഏര്‍പ്പെടുത്തുന്ന വിഷയം പരിഗണിക്കുമോ; വിശദാംശങ്ങള്‍ അറിയിക്കാമോ?

കടുത്തുരുത്തി നിയോജക മണ്ഡലത്തിലെ കിടങ്ങൂര്‍ പ‍ഞ്ചായത്തിലെ കൂടല്ലൂരില്‍ മൃഗസംരക്ഷണ വകുപ്പിന്റെ സബ്സെന്റര്‍ സ്ഥാപിക്കുന്നതിന് വകുപ്പു് പുതുക്കിയ പ്രൊപ്പോസല്‍ സമര്‍പ്പിച്ചിട്ടുണ്ടോ; ആയതിന്റെ വിശദാംശങ്ങൾ വെളിപ്പെടുത്താമോ;

ഇതു സംബന്ധിച്ച് എ.എച്ച്.ഡി 5751/2019-സി2 നമ്പർ ഫയലില്‍ ഇതുവരെ സ്വീകരിച്ച നടപടികള്‍ വിശദമാക്കാമോ;

പുതിയ തസ്തിക സൃഷ്ടിക്കാതെ ജീവനക്കാരുടെ പുനര്‍ വിന്യാസത്തിലൂടെ കൂടല്ലൂര്‍ സബ് സെന്റര്‍ സ്ഥാപിച്ച് പ്രവര്‍ത്തനം ആരംഭിക്കാന്‍ നടപടി സ്വീകരിക്കുമോ എന്ന് വ്യക്തമാക്കാമോ?

പാറശ്ശാല നിയോജകമണ്ഡലത്തില്‍ 2016-ന് ശേഷം മൃഗസംരക്ഷണ-ക്ഷീര വികസന വകുപ്പ് മുഖേന നടപ്പിലാക്കി വരുന്ന പദ്ധതികളുടെ വിവരങ്ങള്‍ ലഭ്യമാക്കാമോ;

പാറശ്ശാല ആടുവളര്‍ത്തല്‍ കേന്ദ്രത്തില്‍ നടപ്പിലാക്കുന്ന പദ്ധതികളുടെ വിശദവിവരങ്ങള്‍, പ്രവര്‍ത്തന പുരോഗതി,അടങ്കല്‍ തുക ഉള്‍പ്പെടെയുള്ള വിവരങ്ങള്‍ അറിയിക്കാമോ;

പാറശ്ശാല മണ്ഡലത്തിലെ ഒന്‍പത് ഗ്രാമപഞ്ചായത്തുകളിലുമായി മൃഗസംരക്ഷണ വകുപ്പിന് കീഴില്‍ എത്ര ക്ഷീരസംഘങ്ങള്‍ പ്രവര്‍ത്തിക്കുന്നു; പ്രസ്തുത സംഘങ്ങളുടെ പേരും രജിസ്ട്രേഷന്‍ നമ്പരും തദ്ദേശഭരണ സ്ഥാപനം തിരിച്ച് വ്യക്തമാക്കാമോ;

പ്രസ്തുത ക്ഷീരസംഘങ്ങള്‍ക്കായി കഴിഞ്ഞ സര്‍ക്കാരിന്റെ കാലത്ത് ലഭ്യമാക്കിയിട്ടുള്ള ധനസഹായം എത്രയാണെന്നും ഏതെല്ലാം സംഘങ്ങള്‍ക്കാണ് സഹായം ലഭ്യമായിട്ടുളളതെന്നും അറിയിക്കാമോ?

ലൈവ് സ്റ്റോക്ക് ഇന്‍സ്പെക്ടര്‍ ഗ്രേഡ്-2 തസ്തികയില്‍ നിലവില്‍ എത്ര ഒഴിവുകളാണ് ഉളളതെന്ന് ജില്ല തിരിച്ചുളള കണക്ക് വ്യക്തമാക്കാമോ; പ്രസ്തുത ഒഴിവുകള്‍ എന്നു മുതലാണ് നിലവില്‍ വന്നതെന്ന് വ്യക്തമാക്കാമോ;

പ്രസ്തുത ഒഴിവുകള്‍ നികത്തുന്നതിനുളള പി.എസ്.സി റാങ്ക് ലിസ്റ്റ് നിലവിലുണ്ടോ എന്ന് വ്യക്തമാക്കാമോ;

പ്രസ്തുത ഒഴിവുകള്‍ പി.എസ്.സി വഴി നികത്തുന്നതിനുളള നടപടികള്‍ സ്വീകരിച്ചിട്ടുണ്ടോ എന്ന് വ്യക്തമാക്കാമോ; ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടെങ്കില്‍ അവ എത്രയെന്ന് വ്യക്തമാക്കാമോ;

പ്രസ്തുത തസ്തികയിലെ താല്‍ക്കാലിക ഒഴിവുകളില്‍ നിയമനം നടത്തിയിട്ടുണ്ടോ; നിയമനം നടത്തിയിട്ടുണ്ടെങ്കില്‍ എത്ര നിയമനങ്ങളാണ് നടത്തിയതെന്ന് വ്യക്തമാക്കാമോ?

കന്നുകാലികളിലെ അകിടുവീക്കവും കുളമ്പുരോഗവും മൂലം മണലൂർ മണ്ഡലത്തിലെ പല പ്രദേശങ്ങളിലും ക്ഷീരകർഷകർ വലിയ പ്രതിസന്ധിയിലാണെന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത രോഗങ്ങൾക്കുള്ള പ്രതിരോധ കുത്തിവയ്പ് സമ്പൂർണ്ണമാക്കാൻ നടപടി സ്വീകരിച്ചിട്ടുണ്ടോ?

മഞ്ചേശ്വരം താലൂക്കിലെ പെർള ലൈവ് സ്റ്റോക്ക് ചെക്ക് പോസ്റ്റിന് കെട്ടിടം നിർമ്മിക്കുന്നതിന് പ്രൊപ്പോസൽ തയ്യാറാക്കിയിട്ടുണ്ടോ;

പ്രസ്തുത കെട്ടിടത്തിന് ഈ വർഷം ഭരണാനുമതി ലഭിക്കുന്നതിന് നടപടി സ്വീകരിക്കുമോ?

തെരുവുനായ്ക്കളുടെ കടിയേല്‍ക്കുന്നവര്‍ക്ക് ചികിത്സക്കായി മൃഗസംരക്ഷണ വകുപ്പില്‍ നിന്നും ഏതെങ്കിലും തരത്തിലുള്ള ധനസഹായം അനുവദിച്ച് നല്‍കാറുണ്ടോയെന്ന് വ്യക്തമാക്കാമോ?

സംസ്ഥാനത്തിന് ആവശ്യമായ മുട്ട, ഇറച്ചിക്കോഴി എന്നിവയുടെ ഉല്പാദനത്തില്‍ സ്വയംപര്യാപ്തത കൈവരിക്കുന്നതില്‍ എന്തൊക്കെ പദ്ധതികളാണ് നടപ്പിലാക്കി വരുന്നത്; സ്വയംപര്യാപ്തത കൈവരിക്കുന്നതില്‍ ഉണ്ടായിട്ടുള്ള പുരോഗതി അറിയിക്കാമോ;

മറ്റ് സംസ്ഥാനങ്ങളില്‍ നിന്നുള്ള ഇറച്ചിക്കോഴി, കോഴിമുട്ട എന്നിവയുടെ വരവ് സംബന്ധിച്ച കണക്കുകള്‍ ലഭ്യമാണോ; നൽകാമോ?

ഏറനാട് മണ്ഡലത്തില്‍ ആര്‍‌.കെ‌.വി‌.വൈ. പദ്ധതി പ്രകാരം നിര്‍മ്മാണ പ്രവൃത്തി ആരംഭിച്ച ഹാച്ചറിയുടെ പ്രവര്‍ത്തനം ആരംഭിച്ചിട്ടുണ്ടോ; വിശദമാക്കുമോ;

എന്തെല്ലാം പദ്ധതികളാണ് ഒന്നാം ഘട്ടത്തില്‍ നടപ്പിലാക്കുന്നത്; അറിയിക്കുമോ;

പൂര്‍ണ്ണമായും പ്രവര്‍ത്തന സജ്ജമാകുമ്പോള്‍ എന്തെല്ലാം സൗകര്യങ്ങൾ ഇവിടെ ലഭ്യമാകുമെന്ന് വെളിപ്പെടുത്തുമോ;

രണ്ടാം ഘട്ടത്തില്‍ എന്തെല്ലാം പ്രവൃത്തികള്‍ക്കാണ് ഭരണാനുമതി നല്കിയിട്ടുള്ളതെന്ന് വ്യക്തമാക്കുമോ;

മന്ത്രിയുടെ അദ്ധ്യക്ഷതയിൽ കൂടിയ മീറ്റിങ്ങിന്റെ അടിസ്ഥാനത്തില്‍ ഇക്കാര്യത്തില്‍ വകുപ്പ് സ്വീകരിച്ച നടപടികള്‍ എന്തെല്ലാമാണ്; വിശദാംശം നല്‍കുമോ?

കഴിഞ്ഞ ക്രിസ്മസ് സീസണില്‍ കുട്ടനാട്ടില്‍ വ്യാപകമായി രോഗം ബാധിച്ച് ലക്ഷക്കണക്കിന്‌ താറാവുകള്‍ ചത്ത്‌ ഒടുങ്ങിയതുമായി ബന്ധപ്പെട്ട വിശദാംശം ലഭ്യമാക്കുമോ;

ഒട്ടനവധി കര്‍ഷകര്‍ക്ക് നഷ്ടപരിഹാരം ലഭിച്ചിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ അത് പരിഹരിക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

താറാവ് കര്‍ഷകര്‍ക്ക് ബോധപൂര്‍വം നഷ്ടപരിഹാരം നിഷേധിക്കാന്‍ ശ്രമിക്കുന്നവരെ കണ്ടെത്തി തക്കതായ നടപടി സ്വീകരിക്കുന്നതിനു നിര്‍ദ്ദേശം നല്‍കുമോ?

ഗുണമേന്മയുള്ള ഇറച്ചി ലഭിക്കുന്നതിനുള്ള കേരള ചിക്കൻ പദ്ധതി ഏതൊക്കെ ജില്ലകളിൽ പ്രവർത്തനം ആരംഭിച്ചിട്ടുണ്ട്; അറിയിക്കാമോ;

മുഴുവൻ ജില്ലകളിലും ഈ പദ്ധതി നടപ്പിലാക്കുന്നതിന് നടപടി സ്വീകരിക്കുമോ;

സംസ്ഥാനത്ത് മുഴുവൻ പഞ്ചായത്തുകളിലും കേരള ചിക്കൻ ഔട്ട് ലെറ്റുകൾ തുടങ്ങുന്നതിന് നടപടി സ്വീകരിക്കുമോ?

കോഴി ഇറച്ചിയുടെയും മുട്ടയുടെയും ഉല്പാദനം വർദ്ധിപ്പിക്കുന്നതിനും സ്വയംപര്യാപ്തത കൈവരിക്കുന്നതിനും ആവിഷ്കരിച്ചിട്ടുള്ള പദ്ധതികൾ ഏതൊക്കെ ആണെന്ന് വിശദമാക്കാമോ?

പൂഞ്ഞാര്‍ നിയോജകമണ്ഡലത്തിലെ എരുമേലി വെറ്ററിനറി ക്ലിനിക്കില്‍ കുറെ നാളുകളായി ഡോക്ടറുടെ തസ്തിക ഒഴിഞ്ഞുകിടക്കുന്നതുമൂലം ക്ഷീരകര്‍ഷകര്‍ക്കും മറ്റ് മൃഗപരിപാലകര്‍ക്കും ഉണ്ടായിട്ടുള്ള ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ക്ലിനിക്കില്‍ അടിയന്തരമായി ഡോക്ടറെ നിയമിച്ച് ജനങ്ങളുടെ ബുദ്ധിമുട്ടുകള്‍ പരിഹരിക്കുന്നതിനാവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

ആറ്റിങ്ങല്‍ മൃഗാശുപത്രിയില്‍ നിലവില്‍ ലഭ്യമാകുന്ന സേവനങ്ങള്‍ എന്തെല്ലാമാണ്; എത്ര തസ്തികകളാണ് നിലവിലുള്ളത്; വിശദമാക്കാമോ;

നിലവില്‍ എല്ലാ തസ്തികകളിലും ജീവനക്കാര്‍ ഉണ്ടോ; ഏതെങ്കിലും തസ്തിക ഒഴിഞ്ഞു കിടക്കുന്നുണ്ടോ; അറിയിക്കാമോ;

പ്രതിദിനം ശരാശരി എത്ര ഔട്ട് പേഷ്യന്റ് രജിസ്ട്രേഷനാണ് നടക്കുന്നത്; നിലവിലെ തസ്തികകള്‍ പര്യാപ്തമാണോ; കൂടൂതല്‍ തസ്തികകള്‍ സൃഷ്ടിക്കുന്ന കാര്യം പരിഗണനയിലുണ്ടോ; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം ഏതെല്ലാം മൃഗാശുപത്രികള്‍ക്കാണ് ആധുനിക സജ്ജീകരണങ്ങളോടുകൂടിയ വെറ്ററിനറി ആംബുലന്‍സുകള്‍ ലഭ്യമാക്കിയതെന്ന് വ്യക്തമാക്കുമോ;

എല്ലാ മൃഗാശുപത്രികളിലും വെറ്ററിനറി ആംബുലന്‍സുകള്‍ ലഭ്യമാക്കുന്നതിന് നടപടികള്‍ സ്വീകരിച്ചിട്ടുണ്ടോ എന്ന് വ്യക്തമാക്കുമോ; ഇല്ലെങ്കില്‍ ആംബുലന്‍സുകള്‍ ലഭ്യമാക്കുന്നതിനുള്ള മാനദണ്ഡങ്ങള്‍ എന്തെല്ലാമെന്ന് വ്യക്തമാക്കുമോ?

1967-ല്‍ പ്രവര്‍ത്തനം ആരംഭിച്ച തിരൂര്‍ വെറ്ററിനറി പോളിക്ലിനിക് കെട്ടിടം കാലപ്പഴക്കത്താല്‍ അപകടഭീഷണിയിലാണെന്നത് ശ്രദ്ധയില്‍പ്പെട്ടിട്ടുണ്ടോ;

തിരൂര്‍ വെറ്ററിനറി പോളിക്ലിനിക്കിന് പുതിയ കെട്ടിടം നിര്‍മ്മിക്കുന്നതിനും ആധുനിക രീതിയിലുള്ള ചികിത്സാ സംവിധാനം ഒരുക്കുന്നതിനും എന്ത് നടപടികള്‍ സ്വീകരിക്കുമെന്ന് വ്യക്തമാക്കുമോ;

വളവന്നൂര്‍ വെറ്ററിനറി ഡിസ്പെന്‍സറി ആധുനിക സൗകര്യങ്ങളോടുകൂടിയ ആശുപത്രിയാക്കുന്നതിന് നടപടി സ്വീകരിക്കുമോ?

താലൂക്കാസ്ഥാനമായ കാട്ടാക്കടയിലുള്ള മൃഗാശുപത്രിയെ പോളിക്ലിനിക് ആശുപത്രിയായി ഉയര്‍ത്തുന്നതിനുള്ള അപേക്ഷ പരിഗണനയിലുണ്ടോ; ഇല്ലെങ്കില്‍ ഇതിനായുള്ള നടപടി സ്വീകരിക്കാമോ; വിശദാംശങ്ങള്‍ ലഭ്യമാക്കാമോ?

കർഷകർക്ക് രാത്രികാലങ്ങളിലടക്കം വെറ്ററിനറി സേവനങ്ങൾ ലഭ്യമാക്കുന്നതിന് വേണ്ടി ആംബുലന്‍സ് സൗകര്യമുൾപ്പടെയുള്ള കേന്ദ്രങ്ങൾ ബ്ലോക്കുകളിൽ ആരംഭിക്കുന്ന നടപടി ഇപ്പോൾ ഏത് ഘട്ടത്തിലാണ്;

പ്രസ്തുത കേന്ദ്രം പൂഞ്ഞാർ നിയോജകമണ്ഡലത്തിലെ കാഞ്ഞിരപ്പള്ളി ബ്ലോക്കിൽ ആരംഭിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്തെ എല്ലാ താലൂക്ക്‌ കേന്ദ്രങ്ങളിലും വെറ്റിനറി പോളിക്ലിനിക്കുകള്‍ സ്ഥാപിക്കുന്നതിന് ഉദ്ദേശിക്കുന്നുണ്ടോ; വിശദീകരിക്കുമോ;

ചാലക്കുടി വെറ്ററിനറി ആശുപത്രിയെ പോളിക്ലിനിക്ക് ആയി ഉയര്‍ത്തുന്നതിന് ആവശ്യമായ നടപടികള്‍ സ്വീകരിക്കുമോ?

മടിക്കൈ മാംസസംസ്കരണ പദ്ധതി ആരംഭിക്കുന്നതിന് നടപടികൾ സ്വീകരിച്ചിട്ടുണ്ടോ; എങ്കിൽ പദ്ധതിയുടെ വിശദാംശങ്ങൾ ലഭ്യമാക്കാമോ;

പദ്ധതി നടപ്പിലാക്കുന്നതിനുള്ള കാലതാമസത്തിനുള്ള കാരണങ്ങൾ വ്യക്തമാക്കാമോ?

കോങ്ങാട് മണ്ഡലത്തില്‍ മൃഗസംരക്ഷണ വകുപ്പിന് കീഴിലുള്ള ഓഫീസുകളുടെയും സ്ഥാപനങ്ങളുടെയും വിവരം ലഭ്യമാക്കുമോ;

പ്രസ്തുത സ്ഥാപനങ്ങളില്‍ ഡോക്ടര്‍മാരുടെയും ജീവനക്കാരുടെയും ഒഴിവുകള്‍ നിലവിലുണ്ടോ; വിശദാംശം നല്‍കാമോ;

പ്രസ്തുത ഒഴിവുകള്‍ നികത്തുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?

ആദിവാസി വിഭാഗങ്ങൾക്കായി മൃഗസംരക്ഷണ വകുപ്പ് നടപ്പിലാക്കുന്ന പദ്ധതികൾ ഏതെല്ലാമെന്ന് വിശദമാക്കാമോ;

2016 മുതൽ മലപ്പുറം ജില്ലയിലെ ആദിവാസി വിഭാഗങ്ങൾക്കായി മൃഗസംരക്ഷണ വകുപ്പ് ഏതെല്ലാം പദ്ധതികൾക്ക് എത്ര തുകയാണ് ചെലവഴിച്ചതെന്ന് അറിയിക്കാമോ; ഗുണഭോക്താക്കൾ, പ്രദേശം, പദ്ധതി, വർഷം, നടപ്പാക്കിയ ഏജൻസി തുടങ്ങിയ വിശദാംശങ്ങൾ ലഭ്യമാക്കാമോ;

കുടുംബശ്രീ വഴി മലപ്പുറം ജില്ലയിലെ ആദിവാസികൾക്ക് കന്നുകുട്ടികളെ വിതരണം ചെയ്തിട്ടുണ്ടോ; വിശദാംശങ്ങൾ നൽകാമോ; പ്രോജക്ട്, വർഷം, തുക, ഗുണഭോക്താക്കളുടെ എണ്ണം, തിരഞ്ഞെടുത്ത മാനദണ്ഡം തുടങ്ങിയ വിവരങ്ങൾ ലഭ്യമാക്കാമോ;

ആദിവാസി വിഭാഗങ്ങൾക്ക് കന്നുകുട്ടികളെയും കോഴി, ആട് മുതലായവയെയും വിതരണം ചെയ്യുന്ന പദ്ധതികളിൽ ഇടനിലക്കാരായ ആളുകൾ ഗുണനിലവാരം കുറഞ്ഞവയെയാണ് വിതരണം ചെയ്യുന്നതെന്ന് ശ്രദ്ധയിൽപ്പെട്ടിട്ടുണ്ടോ; ഇക്കാര്യത്തിൽ ഏതെങ്കിലും പരാതികൾ മലപ്പുറം ജില്ലയിൽ നിന്നും ലഭിച്ചിട്ടുണ്ടോ; വ്യക്തമാക്കാമോ?

വട്ടിയൂർക്കാവ് മണ്ഡലത്തിൽ മൃഗസംരക്ഷണ വകുപ്പിന് കീഴിൽ നടപ്പാക്കിവരുന്ന പദ്ധതികൾ സംബന്ധിച്ച തൽസ്ഥിതി റിപ്പോർട്ട് ഉൾപ്പെടെയുള്ള വിശദാംശങ്ങൾ ലഭ്യമാക്കാമോ;

2019-20, 2020-21, 2021-22, 2022-23 സംസ്ഥാന ബഡ്ജറ്റുകളിൽ പ്രഖ്യാപിച്ചിട്ടുള്ളതും മൃഗസംരക്ഷണ വകുപ്പിന് കീഴിൽ വട്ടിയൂർക്കാവ് നിയോജകമണ്ഡലത്തിൽ നടപ്പിലാക്കേണ്ടതുമായ പദ്ധതികൾ ഏതൊക്കെയെന്നും അവയുടെ നിലവിലെ സ്ഥിതിയും വിശദമാക്കാമോ;

വട്ടിയൂർക്കാവ് മണ്ഡലത്തിൽ 2021 ഏപ്രിൽ മാസത്തിന് ശേഷം പൂർത്തീകരിച്ച പദ്ധതികളുടെ ഫണ്ട്, ഭരണാനുമതി തുക, എസ്റ്റിമേറ്റ് തുക, ചെലവഴിച്ച തുക എന്നിവ ഉൾപ്പെടെയുള്ള വിശദാംശങ്ങൾ ലഭ്യമാക്കാമോ?

തിരൂരങ്ങാടി താലൂക്കിൽ പോളിക്ലിനിക് ഇല്ലായെന്ന കാര്യം സർക്കാരിന്റെ ശ്രദ്ധയിൽ വന്നിട്ടുണ്ടോ; എങ്കിൽ താലൂക്ക് ആസ്ഥാനമായ ചെമ്മാട് കേന്ദ്രീകരിച്ചു ഒരു പോളിക്ലിനിക് ആരംഭിക്കുന്നതിനുള്ള നടപടികൾ സ്വീകരിക്കുമോ;

ചെമ്മാട് കേന്ദ്രീകരിച്ചു പോളിക്ലിനിക് ആരംഭിക്കണമെന്നാവശ്യപ്പെട്ട് സ്ഥലം എം.എൽ.എ. നൽകിയ കത്തിൽ എന്തെല്ലാം നടപടികൾ സ്വീകരിച്ചു എന്ന് വിശദമാക്കാമോ?

കാലിത്തീറ്റയുടെ അമിത വിലവർദ്ധനവും കാലവർഷക്കെടുതിയിൽ വ്യാപകമായി വൈക്കോൽ നശിച്ചതും മൂലം കന്നുകാലികൾക്ക് ശരിയാംവണ്ണം തീറ്റകൊടുക്കാൻ സാധിക്കാതെ ക്ഷീരകർഷകർ വലിയ പ്രതിസന്ധിയിലാണെന്ന കാര്യം ശ്രദ്ധയിൽപ്പെട്ടിട്ടുണ്ടോ;

ഇതിന് പരിഹാരമായി കഴിഞ്ഞ പ്രളയകാലത്ത് സബ്സിഡി നിരക്കിൽ വൈക്കോൽ ലഭ്യമാക്കിയത് പോലെയുള്ള എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങൾ നൽകാമോ?

ഗോമിത്ര പോര്‍ട്ടലില്‍ രജിസ്റ്റര്‍ ചെയ്യുന്നതിന് കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത സോഫ്റ്റ്‍വെയര്‍ കുറച്ചുകൂടി യൂസർ ഫ്രണ്ട് ലി ആക്കാന്‍ ആലോചിക്കുന്നുണ്ടോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം ക്ഷീരകര്‍ഷകര്‍ക്കായി നടപ്പിലാക്കിയ പദ്ധതികള്‍ വിശദമാക്കാമോ;

പ്രസ്തുത കാലയളവിൽ ക്ഷീരകര്‍ഷകരുടെ ക്ഷേമത്തിനായി എത്ര തുക ചെലവാക്കിയിട്ടുണ്ട്; വിശദമാക്കാമോ?

മിൽമയുടെ മേഖലാ ഭരണസമിതികളിലേക്കുള്ള തെരഞ്ഞെടുപ്പ് അട്ടിമറിക്കാനുള്ള ശ്രമം നടക്കുന്നതായുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ;

അഡ്മിനിസ്ട്രേറ്റർമാർക്കും നോമിനേറ്റഡ് അംഗങ്ങൾക്കും വോട്ടവകാശം നൽകിക്കൊണ്ട് തയ്യാറാക്കിയ ഓർഡിനൻസ് ഗവർണർ അംഗീകാരം നൽകാതെ തിരിച്ച് അയച്ചിട്ടുണ്ടോ; വ്യക്തമാക്കുമോ;

തെരഞ്ഞെടുക്കപ്പെട്ട ഭരണസമിതികളെ പിരിച്ചുവിട്ട് അഡ്മിനിസ്ട്രേറ്റർമാർക്കും നോമിനേറ്റഡ് അംഗങ്ങൾക്കും വോട്ടവകാശം നൽകിക്കൊണ്ട് തയ്യാറാക്കിയ പ്രസ്തുത നിയമ നിർമ്മാണത്തിൽ നിന്നും പിന്മാറാൻ തയ്യാറാകുമോ; വിശദാംശം നൽകുമോ?

ക്ഷീര വികസനത്തിനായി രാഷ്ട്രീയ ഗോകുൽ മിഷൻ പദ്ധതിയിലുൾപ്പെടുത്തിയ എത്ര പദ്ധതികൾ സംസ്ഥാനത്ത് നിലവിലുണ്ട് എന്ന് അറിയിക്കാമോ; പ്രസ്തുത പദ്ധതികൾ സംബന്ധിച്ച വിശദാംശങ്ങൾ ലഭ്യമാക്കാമോ?നാളിതുവരെ നടപടികള്‍ സ്വീകരിച്ചിട്ടില്ലെങ്കില്‍ കാലതാമസത്തിന് കാരണമെന്തെന്ന് അറിയിക്കുമോ; സമയബന്ധിതമായി അപേക്ഷ പരിഗണിയ്ക്കുന്നതിന് വേണ്ട നിര്‍ദ്ദേശം നല്‍കുമോ?

ക്ഷീര കര്‍ഷകരുടെ ഉന്നമനത്തിനായി കേരള ഫീഡ്സ് തുടങ്ങുന്ന ഫീഡ് ഓണ്‍ വീല്‍സ് പദ്ധതിയുടെ വിശദാംശങ്ങള്‍ നല്‍കാമോ;

പദ്ധതിയുടെ ഗുണഭോക്താവിനെ തിരഞ്ഞെടുക്കുന്നതിനുള്ള നടപടിക്രമങ്ങള്‍ വിശദമാക്കാമോ?

സംസ്ഥാനത്തെ പാലുത്പാദനത്തില്‍ സ്വയംപര്യാപ്തതയിലേക്ക് നയിക്കുന്നതില്‍ കഴിഞ്ഞ 6 വര്‍ഷമായി എന്തൊക്കെ പദ്ധതികളാണ് നടപ്പിലാക്കിയത്; എത്ര കോടി രൂപ ഇതിനായി ചെലവഴിച്ചു; പാലുത്പാദനത്തില്‍ ഇക്കഴിഞ്ഞ 6 വര്‍ഷങ്ങളി‍ല്‍ എത്രത്തോളം മാറ്റം കൊണ്ടു വരാന്‍ കഴിഞ്ഞു; സ്വയംപര്യാപ്തതയിലേക്ക് എത്തണമെങ്കില്‍ ഇനിയും എന്തൊക്കെ നടപടികളാണ് പൂര്‍ത്തീകരിക്കേണ്ടത്;

സംസ്ഥാനത്തെ ക്ഷീര കര്‍ഷകരെ സഹായിക്കുന്നതിനായി കന്നുകാലിത്തീറ്റയും വൈക്കോല്‍ പോലുള്ളവയും സര്‍ക്കാര്‍, പൊതുമേഖലാ സ്ഥാപനങ്ങളിലൂടെ ന്യായവിലയ്ക്ക് എത്തിക്കുവാൻ എന്തെങ്കിലും സംവിധാനം ഏര്‍പ്പെടുത്തിയിട്ടുണ്ടോ; വിശദാംശങ്ങള്‍ ലഭ്യമാക്കാമോ?

ആർ.ഐ.ഡി.എഫ്. സ്‌കീം മുഖേന മലപ്പുറം ജില്ലയിലെ മൂര്‍നനാട് പാല്‍പ്പൊടി ഉല്‍പ്പാദന കേന്ദ്രത്തിന്റെ നിർമ്മാണ പ്രവൃത്തി എന്ന് പൂര്‍ത്തീകരിക്കാന്‍ കഴിയും എന്ന് വിശദമാക്കാമോ;

കോഴിമുട്ടയുടെയും മാംസത്തിന്റെയും ഉല്‍പാദനത്തിലും ഉപഭോഗത്തിലും സ്വയംപര്യാപ്തത കൈവരിക്കാന്‍ പൗള്‍ട്രി വികസന കോര്‍പ്പറേഷന്‍ എന്തെല്ലാം നടപടികള്‍ സ്വീകരിച്ച് വരുന്നുവെന്ന് വിശദമാക്കാമോ?

ക്ഷീരോല്പാദന രംഗത്ത് സ്വയംപര്യാപ്തത കൈവരിക്കുന്നതിനായി ഈ സര്‍ക്കാര്‍ എന്തെല്ലാം പദ്ധതികളാണ് ആസൂത്രണം ചെയ്തുവരുന്നതെന്ന് വിശദമാക്കാമോ;

ക്ഷീരകാര്‍ഷിക മേഖലയെക്കുറിച്ച് അടുത്തറിയുന്നതിനും ക്ഷീര പരിപാലനത്തിലേയ്ക്ക് നവാഗതരെ ആകര്‍ഷിക്കുന്നതിനും ആവശ്യമായ പഠന, പരിശീലന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

വകുപ്പിന് കീഴില്‍ എവിടെയെല്ലാമാണ് ക്ഷീരകര്‍ഷക പരിശീലന കേന്ദ്രങ്ങള്‍ പ്രവര്‍ത്തിക്കുന്നതെന്നും പ്രസ്തുത കേന്ദ്രങ്ങളുടെ അടിസ്ഥാന സൗകര്യങ്ങള്‍ വര്‍ദ്ധിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചു വരുന്നതെന്നും അറിയിക്കാമോ;

ആലപ്പുഴ പട്ടണക്കാടുള്ള പാലുല്പന്ന നിര്‍മ്മാണ പരിശീലന കേന്ദ്രത്തിന്റെ പ്രവര്‍ത്തന പുരോഗതി വ്യക്തമാക്കാമോ;

ക്ഷീരമേഖലയിലേയ്ക്ക് കടന്നു വരുന്ന സംരംഭകര്‍ക്ക് സാമ്പത്തികവും സാങ്കേതികവുമായ എന്തെല്ലാം സഹായങ്ങളാണ് സര്‍ക്കാര്‍ നല്‍കി വരുന്നതെന്ന് വിശദമാക്കാമോ?

റാന്നി മണ്ഡലത്തിൽപ്പെട്ട വെച്ചൂച്ചിറയിലെ കർഷകർക്ക് ഏറെ ഗുണപ്രദമായ രീതിയിൽ ഒരു മൂല്യവർദ്ധിത ക്ഷീരോൽപ്പന്ന നിർമാണ യൂണിറ്റ് ആരംഭിക്കുന്നതിന് നടപടി സ്വീകരിക്കുമോ;

ഈ സാമ്പത്തിക വർഷം തന്നെ കർഷക കൂട്ടായ്മകൾ രൂപീകരിച്ച് ആവശ്യമായ തുക വകയിരുത്തി യൂണിറ്റ് ആരംഭിക്കുന്നതിനുള്ള നിർദ്ദേശം ക്ഷീര വികസന വകുപ്പ് ഡയറക്ടർക്ക് നൽകാമോ?

സംസ്ഥാനത്തെ ക്ഷീര കര്‍ഷകര്‍ക്ക് ആവശ്യമായ കാലിത്തീറ്റയുടെ അളവ് കണക്കാക്കിയിട്ടുണ്ടോ; എങ്കില്‍ അത് എത്രയാണെന്നും സംസ്ഥാനത്ത് കാലിത്തീറ്റ എത്രമാത്രം ഉല്‍പാദിപ്പിക്കുന്നുണ്ടെന്നും അത് എവിടെയൊക്കെയാണെന്നും വ്യക്തമാക്കാമോ;

ഇതര സംസ്ഥാനങ്ങളിൽ നിന്നും ഇറക്കുമതി ചെയ്യുന്ന കാലിത്തീറ്റയുടെ അളവ് എത്രയാണ്;

സംസ്ഥാനത്ത് കാലിത്തീറ്റ ഉല്‍പ്പാദനശേഷി ഉയര്‍ത്തുന്നതിനു എന്തെങ്കിലും നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

കൃഷിക്കാര്‍ക്ക് ന്യായവിലയ്ക്ക് കാലിത്തീറ്റ ലഭ്യമാക്കുന്നതിനു വേണ്ടി എന്തൊക്കെ നടപടികളാണ് സ്വീകരിച്ചിട്ടുള്ളത്; വ്യക്തമാക്കാമോ?

ആലത്തൂര്‍ മണ്ഡലത്തിലെ ഏഴുഗ്രാമപഞ്ചായത്തുകളിലായി എത്ര ക്ഷീര സംഘങ്ങള്‍ പ്രവര്‍ത്തിക്കുന്നുണ്ടെന്ന് അറിയിക്കാമോ; പ്രസ്തുത സംഘങ്ങളുടെ പേരും, രജിസ്ട്രേഷന്‍ നമ്പരും, തദ്ദേശഭരണസ്ഥാപനം തിരിച്ച് വ്യക്തമാക്കുമോ;

പ്രസ്തുത ക്ഷീരസംഘങ്ങള്‍ക്കായി കഴിഞ്ഞ സര്‍ക്കാരിന്റെ കാലത്ത് ലഭ്യമാക്കിയിട്ടുള്ള ധനസഹായം എത്രയാണെന്നും ഏതെല്ലാം സംഘങ്ങള്‍ക്കാണ് ധനസഹായം ലഭ്യമായിട്ടുള്ളതെന്നും അറിയിക്കാമോ?

വാമനപുരം നിയോജക മണ്ഡലത്തിലെ പാലോട് ഉള്ള വെറ്ററിനറി ബയോളജിക്കല്‍ ഇന്‍സ്റ്റിറ്റ്യൂട്ട് കേന്ദ്രമാക്കി ഒരു വെറ്ററിനറി കോളേജ് ആരംഭിക്കുന്നതിന് ആലോചിക്കുന്നുണ്ടോ; വിശദമാക്കാമോ?