പേരാമ്പ്ര മണ്ഡലത്തില്‍ 2016-21 കാലത്ത് ഏതൊക്കെ പദ്ധതികള്‍ക്കാണ് കായിക വകുപ്പ് ഭരണാനുമതി നല്‍കിയത്; ഇതില്‍ പൂര്‍ത്തീകരിച്ച പദ്ധതികള്‍ ഏതൊക്കെയെന്ന് വിശദമാക്കാമോ;

2021-ന് ശേഷം പ്രസ്തുത മണ്ഡലത്തില്‍ പദ്ധതികള്‍ അനുവദിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

ഒരു പഞ്ചായത്തിൽ ഒരു കളിസ്ഥലം പദ്ധതി സംസ്ഥാനത്ത് ഏതെങ്കിലും പഞ്ചായത്തിൽ ആരംഭിച്ചിട്ടുണ്ടോ; വ്യക്തമാക്കുമോ;

ഒറ്റപ്പാലം നിയോജക മണ്ഡലത്തിലെ ശ്രീകൃഷ്ണപുരം പഞ്ചായത്ത് കളിസ്ഥലം എന്ന പ്രവൃത്തി ഏത് ഘട്ടത്തിലാണ്; വിശദാംശങ്ങൾ ലഭ്യമാക്കാമോ?

ഒരു നിയോജക മണ്ഡലത്തില്‍ ഒരു കളിക്കളം പദ്ധതിയുടെ ഭാഗമായി പൂഞ്ഞാര്‍ മണ്ഡലത്തിൽ കളിക്കളം തെരഞ്ഞെടുക്കുന്ന പ്രവൃത്തി ഏത് ഘട്ടത്തിലാണെന്ന് വ്യക്തമാക്കുമോ;

പ്രസ്തുത പദ്ധതി ഭരണാനുമതി ലഭ്യമാക്കി യഥാര്‍ത്ഥ്യമാക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്ത് കായിക വകുപ്പ് നടപ്പാക്കിവരുന്ന പദ്ധതികള്‍ ഏതൊക്കെയാണെന്ന് നിയോജക മണ്ഡലാടിസ്ഥാനത്തില്‍ തരംതിരിച്ച് നല്‍കാമോ;

കുണ്ടറ നിയോജകമണ്ഡലത്തിനായി സ്പോര്‍ട്സ് വകുപ്പ് അനുവദിച്ചിട്ടുളള പദ്ധതികള്‍ ഏതൊക്കെയെന്ന് വിശദമാക്കാമോ?

ഒരു പഞ്ചായത്തില്‍ ഒരു കളിസ്ഥലം പദ്ധതി പ്രകാരം ആലത്തൂര്‍ നിയോജക മണ്ഡലത്തിലെ ഏതെല്ലാം പ‍ഞ്ചായത്തുകളില്‍ എവിടെയൊക്കെയാണ് സ്ഥലങ്ങള്‍ തെരഞ്ഞെടുത്തിട്ടുള്ളതെന്ന് വിവരിക്കാമോ;

പ്രസ്തുത പദ്ധതിയുടെ പുരോഗതി റിപ്പോര്‍ട്ട് നല്‍കാമോ?

സംസ്ഥാന സര്‍ക്കാര്‍ നടപ്പിലാക്കുന്ന പഞ്ചായത്തുകളില്‍ ഒരു കളിസ്ഥലം പദ്ധതിയുടെ നിലവിലെ അവസ്ഥ വ്യക്തമാക്കാമോ;

പ്രസ്തുത പദ്ധതിക്ക് ഭരണാനുമതി ലഭ്യമായിട്ടുണ്ടോ; എങ്കിൽ ആയതിന്റെ പകര്‍പ്പ് ലഭ്യമാക്കാമോ?

ഒരു പഞ്ചായത്തിൽ ഒരു കളിക്കളം പദ്ധതി സംബന്ധിച്ച നടപടി ക്രമങ്ങൾ ഇപ്പോൾ ഏത് ഘട്ടത്തിലാണെന്ന് വ്യക്തമാക്കുമോ;

ഇതിൽ ഉൾപ്പെടുത്തി നാളിതുവരെ എത്ര തുക ഏതെല്ലാം പദ്ധതിക്കായി അനുവദിച്ചുവെന്ന് വിശദമാക്കുമോ;

കൊണ്ടോട്ടി മണ്ഡലത്തിലെ ഏതെല്ലാം പ്രവൃത്തികളാണ് പ്രസ്തുത പദ്ധതിയിൽ ഉൾപ്പെടുത്തിയിട്ടുള്ളതെന്നും അവ ഏത് ഘട്ടത്തിലാണെന്നും വിശദമാക്കുമോ?

ഒരു പഞ്ചായത്തില്‍ ഒരു കളിസ്ഥലം പദ്ധതി പ്രകാരം വടക്കാഞ്ചേരി മണ്ഡലത്തില്‍ എത്ര കളിസ്ഥലങ്ങള്‍ അനുവദിച്ചിട്ടുണ്ടെന്ന് അറിയിക്കാമോ;

പ്രസ്തുത മണ്ഡലത്തില്‍ ഈ പദ്ധതി പ്രകാരം സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ?

കാഞ്ഞിരപ്പള്ളി കുന്നുംഭാഗം ഹൈസ്‌കൂള്‍ സ്‌പോര്‍ട്‌സ് സ്‌കൂള്‍ ആയി ഉയര്‍ത്തുന്നതിന് കിഫ്ബി മുഖേന പൂര്‍ത്തിയാക്കാന്‍ ഉദ്ദേശിക്കുന്ന പദ്ധതിയുടെ നിലവിലെ സ്ഥിതി വ്യക്തമാക്കാമോ;

ഈ പദ്ധതിയുടെ ഡി.പി.ആര്‍. തയ്യാറാക്കിയിട്ടുണ്ടോ; എന്തൊക്കെ ഘടകങ്ങളും സൗകര്യങ്ങളുമാണ് പദ്ധതിയില്‍ ഉള്‍പ്പെടുത്തിയിട്ടുള്ളത്; വിശദമാക്കാമോ;

പ്രസ്തുത നിര്‍മ്മാണ പ്രവൃത്തിയുടെ ചുമതല ഏത് ഏജന്‍സിയിലാണ് നിക്ഷിപ്തമായിരിക്കുന്നത്‌;

സ്‌പോര്‍ട്‌സ് സ്‌കൂളിലെ ക്ലാസുകളിലേക്ക് 2023-24 അദ്ധ്യയന വര്‍ഷത്തില്‍ അഡ്മിഷന്‍ സ്വീകരിക്കത്തക്ക വിധത്തില്‍ നടപടികള്‍ ത്വരിതപ്പെടുത്താമോ?

ടൂറിസം വകുപ്പുമായി ചേര്‍ന്ന് ജില്ലകളിലെ തെരഞ്ഞെടുത്ത പ്രദേശങ്ങളില്‍ ഓപ്പണ്‍ ജിം തുടങ്ങുന്നതിനുള്ള പദ്ധതിയുടെ അന്തിമ രൂപമായിട്ടുണ്ടോ; എങ്കില്‍ വിശദ വിവരം നല്‍കാമോ;

ആദ്യഘട്ടത്തില്‍ ഏതൊക്കെ ജില്ലകളിലാണ് പ്രസ്തുത പദ്ധതി നടപ്പിലാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

നടുവണ്ണൂർ വോളിബോൾ അക്കാദമിയുടെ പ്രവൃത്തി പൂർത്തീകരിച്ച് പ്രവർത്തനം ആരംഭിക്കുന്നതിൽ കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ;

നിലവിലെ പ്രവൃത്തി എപ്പോൾ പൂർത്തീകരിക്കാനാകുമെന്ന് അറിയിക്കാമോ;

പ്രസ്തുത പ്രവൃത്തി പൂർത്തീകരിക്കുന്നതിൽ എന്താണ് കാലതാമസമെന്നും ഇത് പരിഹരിക്കുന്നതിന് സ്വീകരിച്ച നടപടികൾ എന്തെല്ലാമാണെന്നും അറിയിക്കാമോ?

കുന്നത്തുനാട് മണ്ഡലത്തിലെ നെല്ലനാട് ഗാന്ധിഗ്രാം കോളനിയില്‍ ഓപ്പണ്‍ ജിം നിര്‍മ്മിക്കുന്നതിന് (ഫയല്‍ നം. എസ്.വൈ.എ എ3/442/2021) സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

ഓപ്പണ്‍ ജിം സ്ഥാപിക്കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

കുറ്റ്യാടി മണ്ഡലത്തിലെ കുന്നുമ്മൽ വോളിബോൾ അക്കാദമി നിർമ്മാണത്തിന്റ നിലവിലെ അവസ്ഥ അറിയിക്കാമോ;

പ്രസ്തുത പ്രവൃത്തിയുടെ എസ്റ്റിമേറ്റിന് അംഗീകാരം നൽകിയിട്ടുണ്ടോ; എന്തൊക്കെ ഘടകങ്ങളാണ് എസ്റ്റിമേറ്റിൽ ഉൾപ്പെടുത്തിയിട്ടുള്ളതെന്ന് അറിയിക്കാമോ;

പ്രസ്തുത പ്രവൃത്തി എന്ന് ടെണ്ടർ ചെയ്യാനാണ് ഉദ്ദേശിക്കുന്നതെന്ന് അറിയിക്കാമോ?

അഴീക്കാേട് വന്‍കുളത്ത് വയലില്‍ പ്രഖ്യാപിച്ചിട്ടുള്ള ആധുനിക ജിം പദ്ധതിയുടെ നിലവിലെ സ്ഥിതി അറിയിക്കുകമാേ; പദ്ധതി വേഗത്തില്‍ ആരംഭിക്കുന്നതിനുള്ള നടപടി സ്വീകരിക്കുമാേ?

കുന്ദമംഗലം മണ്ഡലത്തിലെ പന്തീരങ്കാവില്‍ അനുവദിച്ച സ്പോര്‍ട്സ് ലൈഫ് ഫിറ്റ്നെസ് സെന്റര്‍ ആരംഭിക്കുന്നതിലെ കാലതാമസത്തിന്റെ കാരണം വിശദമാക്കാമോ;

ആയത് എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ;

കുന്ദമംഗലത്ത് പാറ്റേണ്‍ ക്ലബ് പരിസരത്ത് ജില്ലാ പഞ്ചായത്ത് നിര്‍മ്മിച്ച കെട്ടിടത്തില്‍ ഒരു സ്പോര്‍ട്സ് ലൈഫ് ഫിറ്റ്നെസ് സെന്റര്‍ അനുവദിക്കാന്‍ നടപടി സ്വീകരിക്കുമോ?

ഒരു പഞ്ചായത്തില്‍ ഒരു സ്റ്റേഡിയം പദ്ധതി കായിക വകുപ്പിന്റെ പരിഗണനയിലുണ്ടോ;

എങ്കില്‍ മാനന്തവാടി മണ്ഡലത്തില്‍ ഈ പദ്ധതിയില്‍ ഉള്‍പ്പെടുത്തി നടപ്പാക്കുന്ന സ്റ്റേഡിയം പരിഗണനയിലുണ്ടോ; എങ്കില്‍ അതിന്റെ പുരോഗതി അറിയിക്കാമോ?

ഒരു പഞ്ചായത്തില്‍ ഒരു കളിസ്ഥലം പദ്ധതിയില്‍ ഉള്‍പ്പെടുത്തി സംസ്ഥാനത്തെ എത്ര പഞ്ചായത്തുകളില്‍ കളിസ്ഥലം അനുവദിച്ചിട്ടുണ്ട്;

ഈ പദ്ധതിയില്‍ ഉടുമ്പന്‍ചോല മണ്ഡലത്തില്‍ നിന്ന് ഏതൊക്കെ പഞ്ചായത്തുകളെയാണ് തെരഞ്ഞെടുത്തിരിക്കുന്നത്;

ഈ പഞ്ചായത്തുകളില്‍ കളിസ്ഥലം നിര്‍മ്മിക്കുന്നതുമായി ബന്ധപ്പെട്ട് സ്വീകരിച്ചിട്ടുള്ള നടപടികള്‍ വിശദമാക്കുമോ?

മഞ്ചേരി നിയോജക മണ്ഡലത്തിലെ പയ്യനാട് സ്റ്റേഡിയം മൈതാനം കള പിടിച്ചു നശിക്കുന്നത് ശ്രദ്ധയിൽപ്പെട്ടിട്ടുണ്ടോ; മൈതാനം സംരക്ഷിക്കുന്നതിനുള്ള നടപടികൾ സ്വീകരിക്കുമോ; വ്യക്തമാക്കാമോ;

സ്റ്റേഡിയത്തിന്റെ നിലവിലെ ഗാലറി വിപുലീകരിക്കുന്നതിനും പുതുതായി ഗാലറി നിർമ്മിക്കുന്നതിനും നടപടികൾ സ്വീകരിക്കുമോ;

പ്രസ്തുത സ്റ്റേഡിയത്തിൽ സിന്തറ്റിക് ട്രാക്ക്, പ്രാക്ടീസ് ഗ്രൗണ്ട് നിർമ്മാണം എന്നിവ അടക്കമുള്ള രണ്ടാംഘട്ട പ്രവർത്തനങ്ങൾ ആരംഭിക്കുന്നതിനുള്ള നടപടികൾ സ്വീകരിക്കുമോ?

ഒരു പഞ്ചായത്തിൽ ഒരു കളിക്കളം പദ്ധതിയിൽ കോവളം മണ്ഡലത്തിലെ ഏതൊക്കെ പഞ്ചായത്തുകളിൽ കളിസ്ഥലം നിർമ്മിക്കുന്നതിന് അനുമതി നൽകിയിട്ടുണ്ട്; പ്രസ്തുത മണ്ഡലത്തിലെ എല്ലാ പഞ്ചായത്തുകളിലും കളിസ്ഥലം നിർമ്മിക്കാൻ നടപടി സ്വീകരിക്കുമോ?

കായിക വകുപ്പിന് കീഴില്‍ പൊതു ഇടങ്ങളില്‍ ഓപ്പണ്‍ ജിമ്മുകള്‍, ടര്‍ഫുകള്‍ എന്നിവ സ്ഥാപിക്കുന്നതിന് ഏതൊക്കെ പദ്ധതികളാണ് നിലവിലുള്ളത്; വിശദാംശം അറിയിക്കാമോ;

പാറശ്ശാല മണ്ഡലത്തിലെ വിവിധ സ്ഥലങ്ങളില്‍ ഓപ്പണ്‍ ജിം സ്ഥാപിക്കുന്നതിനായി സമര്‍പ്പിച്ചിരുന്ന പ്രൊപ്പോസലിന്റെ നിലവിലെ സ്ഥിതി അറിയിക്കാമോ;

ഒരു പഞ്ചായത്തില്‍ ഒരു കളിസ്ഥലം പദ്ധതിയില്‍ ഉള്‍പ്പെടുത്തി ഏതൊക്കെ പഞ്ചായത്തുകളിലാണ് കളിസ്ഥലങ്ങള്‍ അനുവദിച്ചിട്ടുള്ളത്/അനുവദിക്കാന്‍ തീരുമാനിച്ചിട്ടുള്ളത് എന്ന് അറിയിക്കാമോ;

പ്രസ്തുത മണ്ഡലത്തില്‍ ഇതുമായി ബന്ധപ്പെട്ട് സ്വീകരിച്ച നടപടികള്‍ ഏത് ഘട്ടത്തിലാണ്; വിശദമാക്കാമോ?

കൂത്തുപറമ്പ് മണ്ഡലത്തിലെ കൂത്തുപറമ്പ് നഗരസഭ സ്റ്റേഡിയം സ്പോര്‍ട്സ് കൗണ്‍സില്‍ നവീകരിച്ചെങ്കിലും തുടര്‍പരിപാലനം സംബന്ധിച്ച് വ്യക്തത വരാത്തതിനാല്‍ കൃത്യമായ പരിപാലനം നടത്താനാവാത്തത് ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ;

കായിക താരങ്ങള്‍ക്ക് അനുവദിച്ച സ്റ്റേഡിയത്തിലെ റൂമുകള്‍ സ്പോര്‍ട്സ്‌ ആവശ്യങ്ങള്‍ക്ക് ഉപയോഗപ്പെടുത്താന്‍ നടപടികള്‍ സ്വീകരിക്കുമോ;

സ്റ്റേഡിയത്തിന്റെ പരിപാലന ചുമതല നഗരസഭയ്ക്ക് നല്‍കിക്കൊണ്ടുള്ള ഉത്തരവിറക്കാന്‍ തടസ്സങ്ങള്‍ നിലവിലുണ്ടോ; എങ്കില്‍ ആയത് പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ?

കോങ്ങാട് മണ്ഡലത്തിലെ കരിമ്പ സ്റ്റേഡിയം നിര്‍മ്മാണത്തിന്റെ നിലവിലെ സ്ഥിതി വ്യക്തമാക്കാമോ;

പ്രസ്തുത സ്റ്റേഡിയം നിര്‍മ്മാണ പ്രവൃത്തിയില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

സ്റ്റേഡിയം നിര്‍മ്മാണം അടിയന്തരമായി പൂര്‍ത്തിയാക്കാന്‍ നടപടി സ്വീകരിക്കുമോ?

സന്തോഷ് ട്രോഫി ഫുട്ബോൾ മത്സരങ്ങൾ നടന്ന മഞ്ചേരിയിലെ പയ്യനാട് സ്റ്റേഡിയം നവീകരിക്കുമെന്ന് ജേതാക്കളെ അനുമോദിക്കുന്ന ചടങ്ങിൽ സംസ്ഥാന മന്ത്രിമാർ പ്രഖ്യാപനം നടത്തിയിട്ടുണ്ടോ; എന്തൊക്കെ നവീകരണ പ്രവർത്തനങ്ങളാണ് മന്ത്രിമാർ പ്രഖ്യാപിച്ചതെന്ന് അറിയിക്കുമോ; ഇതിനായി എത്ര തുക നാളിതുവരെ അനുവദിച്ചിട്ടുണ്ട്;

പ്രസ്തുത പ്രഖ്യാപനത്തിന്റെ അടിസ്ഥാനത്തിൽ നാളിതുവരെ പയ്യനാട് സ്റ്റേഡിയത്തിൽ എന്തൊക്കെ നവീകരണ പ്രവർത്തനങ്ങൾ നടപ്പാക്കിയെന്ന് വ്യക്തമാക്കുമോ;

സന്തോഷ് ട്രോഫി മത്സരങ്ങൾക്ക് ശേഷം സ്റ്റേഡിയം വേണ്ട രീതിയിൽ പരിപാലിക്കാത്തതിനാൽ കാടുകയറി നശിക്കുകയാണെന്ന വസ്തുത കണക്കിലെടുത്ത് സ്റ്റേഡിയം നവീകരണത്തിനും പരിപാലനത്തിനും അടിയന്തര നടപടി സ്വീകരിക്കുമോ; വിശദാംശം നൽകുമോ?

നാദാപുരം മണ്ഡലത്തിലെ എല്ലാ പഞ്ചായത്തിലും ഒരു കളിസ്ഥലം നിര്‍മ്മാണ പദ്ധതിയുടെ പുരോഗതി വിശദമാക്കാമോ;

നാദാപുരം മണ്ഡലത്തില്‍ വളയം ഗ്രാമ പഞ്ചായത്തിലെ കളിസ്ഥല നിര്‍മ്മാണം എന്ന് ആരംഭിക്കാന്‍ കഴിയുമെന്ന് അറിയിക്കാമോ?

പേഴുമ്പാറ സ്റ്റേഡിയം നിർമ്മാണത്തിനായി എത്ര കോടി രൂപയാണ് അനുവദിച്ചിരിക്കുന്നതെന്ന് അറിയിക്കാമോ; ഭരണാനുമതിയുടെ പകർപ്പ് ലഭ്യമാക്കാമോ;

പ്രസ്തുത സ്റ്റേഡിയം നിർമ്മാണത്തിന് എന്തെങ്കിലും തടസങ്ങളുണ്ടോ; എങ്കിൽ അവ പരിഹരിക്കാൻ സ്വീകരിച്ച നടപടികൾ വിശദമാക്കുമോ?

കിഫ്ബി ധനസഹായത്തോടെ തിരുവമ്പാടി മാമ്പറ്റയില്‍ നിര്‍മ്മിക്കാനുദ്ദേശിക്കുന്ന സ്റ്റേഡിയത്തിന്റെ ടെന്‍ഡര്‍ അംഗീകാരം അനിശ്ചിതമായി നീളുന്നതിന്റെ കാരണം വിശദമാക്കുമോ;

ടെന്‍ഡര്‍ അംഗീകാരം അടിയന്തരമായി നല്‍കുന്നതിനും പ്രവൃത്തി ആരംഭിക്കുന്നതിനും നടപടികള്‍ സ്വീകരിക്കുമോ?

ഒരു പഞ്ചായത്തില്‍ ഒരു കളിസ്ഥലം പദ്ധതിയുടെ ഭാഗമായി സംസ്ഥാനത്ത് ആദ്യ ഘട്ടത്തിൽ എത്ര തദ്ദേശസ്വയംഭരണ സ്ഥാപനങ്ങളെ തെരഞ്ഞെടുത്തിട്ടുണ്ട്; പ്രസ്തുത പദ്ധതിയുടെയും തെരഞ്ഞെടുത്ത തദ്ദേശസ്വയംഭരണ സ്ഥാപനങ്ങളുടെയും വിശദാംശങ്ങള്‍ ലഭ്യമാക്കാമോ;

പ്രസ്തുത പട്ടികയില്‍ വള്ളിക്കുന്ന് മണ്ഡലത്തിലെ പെരുവള്ളൂര്‍ ഗ്രാമപഞ്ചായത്ത് ഉള്‍പ്പെട്ടിട്ടുണ്ടോയെന്ന് വ്യക്തമാക്കാമോ;

പദ്ധതിക്ക് ഭരണാനുമതി നല്‍കാൻ നടപടി സ്വീകരിച്ചിട്ടുണ്ടോ; വിശദമാക്കാമോ?

ഒരു പഞ്ചായത്തിൽ ഒരു കളിസ്ഥലം പദ്ധതി പ്രകാരം ഏതൊക്കെ സ്റ്റേഡിയങ്ങൾക്കാണ് ഈ സർക്കാർ അനുമതി നല്കിയിട്ടുള്ളതെന്ന് ജില്ല തിരിച്ച് അറിയിക്കാമോ;

പ്രസ്തുത പദ്ധതി പ്രകാരം എന്തൊക്കെ പ്രവർത്തനങ്ങളാണ് സ്റ്റേഡിയത്തിൽ നടത്തുന്നതെന്ന് വിശദമാക്കാമോ?

എറണാകുളം മഹാരാജാസ് കോളേജ് ഗ്രൗണ്ടിലെ സിന്തറ്റിക് ട്രാക്ക് പുതുക്കിപ്പണിയുന്നതിന് ഉന്നതവിദ്യാഭ്യാസ വകുപ്പിൽ നിന്ന് തുക അനുവദിച്ചിരുന്നോ; എങ്കിൽ എത്രയെന്ന് വ്യക്തമാക്കുമോ;

പ്രസ്തുത ട്രാക്കിന്റെ നിർമ്മാണം എന്ന് ആരംഭിയ്ക്കാനാകുമെന്നും എന്ന് പൂർത്തിയാക്കുവാനാകുമെന്നും വ്യക്തമാക്കുമോ;

പ്രസ്തുത പ്രവൃത്തിയുടെ എസ്റ്റിമേറ്റ് എന്നാണ് തയ്യാറാക്കിയത്;

ഈ പ്രവൃത്തിക്കായി അനുവദിച്ച തുക പര്യാപ്തമല്ലെന്നത് ശ്രദ്ധയിൽപ്പെട്ടിട്ടുണ്ടോ; അധിക തുക അനുവദിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ;

പ്രസ്തുത പ്രവൃത്തിയുടെ നിർവ്വഹണ ഏജൻസിയായി ആരെയാണ് ചുമതലപ്പെടുത്തിയിരിക്കുന്നതെന്ന് വ്യക്തമാക്കുമോ?

കുട്ടികളിലെ കായികാഭിരുചി പരിപോഷിപ്പിക്കുന്നതിനും ശാരീരിക, മാനസിക ആരോഗ്യം മെച്ചപ്പെടുത്തുന്നതിനും സ്കൂളുകള്‍ കേന്ദ്രീകരിച്ച് എന്തെല്ലാം പദ്ധതികളാണ് നടപ്പിലാക്കി വരുന്നത്;

കളിസ്ഥലങ്ങള്‍ ഇല്ലാത്ത സ്കൂളുകളില്‍ പുതിയ കളിസ്ഥലങ്ങള്‍ അനുവദിക്കുന്നതിന് സ്വീകരിച്ച നടപടികള്‍ എന്തെല്ലാമാണെന്ന് അറിയിക്കുമോ;

ഏറനാട് മണ്ഡലത്തില്‍ ഏതെല്ലാം സ്ഥലങ്ങളിലാണ് പ്രസ്തുത കളിസ്ഥലങ്ങള്‍ അനുവദിച്ചതെന്നും ആയതിന്റ അടിസ്ഥാനത്തില്‍ എന്തെല്ലാം സൗകര്യങ്ങളാണ് ഏർപ്പെടുത്തിയിട്ടുള്ളതെന്നും വ്യക്തമാക്കുമോ;

സ്കൂള്‍ കുട്ടികളുടെ ഇടയില്‍ വെള്ളത്തില്‍ മുങ്ങിയുള്ള മരണങ്ങള്‍ കൂടുതലായി കണ്ടുവരുന്നതിനാല്‍ കുട്ടികള്‍ക്ക് നീന്തല്‍ പരിശീലനം നല്‍കുന്ന കാര്യം പരിഗണിക്കുമോ?

സംസ്ഥാനത്തെ സ്പോര്‍ട്സ് ഹോസ്റ്റലുകളില്‍ ഏതെല്ലാം കായിക ഇനങ്ങളുടെ പരിശീലനമാണ് നല്‍കി വരുന്നത്; സര്‍ക്കാരിന്റെ നേരിട്ടുള്ള നിയന്ത്രണത്തില്‍ എത്ര സ്പോര്‍ട്സ് ഹോസ്റ്റലുകളാണ് പ്രവര്‍ത്തിക്കുന്നത്; ഇതില്‍ എത്ര ഹോസ്റ്റലുകളില്‍ പെണ്‍കുട്ടികള്‍ക്ക് അഡ്മിഷന്‍ നല്‍കുന്നുണ്ട്;

സ്പോര്‍ട്സ് ഹോസ്റ്റലുകളിലെ വിദ്യാര്‍ത്ഥികളുടെ പ്രൈമറി, ഹൈസ്കൂള്‍, ഹയര്‍ സെക്കന്ററി, പ്രൊഫഷണല്‍ കോളേജ്, ആര്‍ട്സ് ആന്‍ഡ് സയന്‍സ് കോളേജ് തിരിച്ചുള്ള എണ്ണം ലഭ്യമാണോ; ഇതില്‍ ഓരോന്നിലെയും പെണ്‍കുട്ടികളുടെ എണ്ണം ലഭ്യമാക്കാമോ;

ഇവരുടെ ഓരോ ആഴ്ചയിലെയും പരിശീലന സമയവും ഭക്ഷണ ക്രമവും നിശ്ചയിച്ചിട്ടുണ്ടോ; വ്യക്തമാക്കാമോ?

ഒരു പഞ്ചായത്തില്‍ ഒരു കളിക്കളം പദ്ധതിയുടെ നിര്‍വ്വഹണം ഏത് ഘട്ടത്തിലാണെന്ന് വിശദമാക്കുമോ;

പ്രസ്തുത പദ്ധതി എന്നത്തേക്ക് ആരംഭിക്കാനാകുമെന്നാണ് പ്രതീക്ഷിക്കുന്നതെന്ന് അറിയിക്കുമോ;

കോട്ടക്കല്‍ മണ്ഡലത്തില്‍ നിന്നും ഏതെല്ലാം പഞ്ചായത്തുകളെ ആണ് പ്രസ്തുത പദ്ധതിയില്‍ ഉള്‍പ്പെടുത്തിയിട്ടുള്ളതെന്നുള്ള വിശദവിവരം ലഭ്യമാക്കുമോ?

സ്കൂള്‍ തലത്തില്‍ കായിക പ്രതിഭകളെ കണ്ടെത്തി അന്താരാഷ്ട്ര നിലവാരത്തിലേക്ക് ഉയര്‍ത്താനുള്ള പദ്ധതിക്ക് രൂപം നല്‍കുമാേ?

കാഞ്ഞങ്ങാട് മണ്ഡലത്തിൽ ചായ്യോത്ത് സ്പോർട്സ് ഡിവിഷൻ ആരംഭിക്കുന്നതിനുള്ള നടപടികൾ സ്വീകരിച്ചിട്ടുണ്ടോ; എങ്കിൽ വിശദാംശങ്ങൾ നൽകാമോ;

പ്രസ്തുത സ്പോർട്സ് ഡിവിഷൻ ആരംഭിക്കുന്നതിനുള്ള കാലതാമസം എന്താണെന്നും ഇവ പരിഹരിച്ച് എപ്പോൾ പദ്ധതി ആരംഭിക്കാൻ കഴിയുമെന്നും വ്യക്തമാക്കാമോ?

സ്വകാര്യമേഖലയുടെ പങ്കാളിത്തത്തോടെ സംസ്ഥാനത്ത് കായിക ഉപകരണങ്ങളുടെ ഉല്പാദനം ശക്തിപ്പെടുത്താനുള്ള എന്തെല്ലാം നടപടികളാണ് സ്വീകരിച്ചുവരുന്നത്; വിശദമാക്കാമോ;

ഹെല്‍ത്തി കിഡ്സ് ആയോധന മത്സരങ്ങള്‍, ഫുട്ബോള്‍, ബാസ്ക്കറ്റ്ബോള്‍, അത്‍ലറ്റിക്സ് എന്നിവയ്ക്കായുള്ള ഗ്രാസ്റൂട്ട് പരിശീലന പദ്ധതികള്‍ക്ക് പുതിയ സ്പോര്‍ട്സ് പോളിസി നടപ്പാക്കാന്‍ തീരുമാനിച്ചതായി പ്രഖ്യാപിച്ചിട്ടുണ്ടോ; എങ്കില്‍ ഇതിനെക്കുറിച്ച് വിശദമായ റിപ്പോര്‍ട്ട് നല്‍കാമോ?

2021-22 ലെ ബജറ്റിൽ പ്രഖ്യാപിച്ച ഗ്രാമീണ കളിസ്ഥലങ്ങൾ വികസിപ്പിക്കുന്ന പദ്ധതിയിൽ എന്തൊക്കെ നടപടികൾ സ്വീകരിച്ചുവെന്ന് വിശദമാക്കുമോ;

തിരൂർ നിയോജക മണ്ഡലത്തിലെ തിരൂർ സ്റ്റേഡിയം ഉൾപ്പെടെ മണ്ഡലത്തിലെ സ്റ്റേഡിയങ്ങളുടെയും കളിസ്ഥലങ്ങളുടെയും നവീകരണ പ്രവൃത്തികൾ നിലവിൽ ഏത് ഘട്ടത്തിലാണെന്ന വിവരം ലഭ്യമാക്കാമോ;

പ്രസ്തുത പ്രവൃത്തികൾ കാലതാമസം ഒഴിവാക്കി സമയബന്ധിതമായി പൂർത്തിയാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

നെന്മാറ നിയോജക മണ്ഡലത്തില്‍ കളിസ്ഥലം ഇല്ലാത്ത പഞ്ചായത്തുകള്‍ ഏതെല്ലാമെന്ന് വ്യക്തമാക്കുമോ;

ഇത്തരത്തിലുള്ള പഞ്ചായത്തുകള്‍ക്ക് കളിസ്ഥലം അനുവദിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

കായിക രംഗത്തെ വളര്‍ച്ചയ്ക്കായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

സംസ്ഥാനത്തെ കായിക മേഖലയുടെ അടിസ്ഥാന സൗകര്യങ്ങള്‍ വികസിപ്പിക്കുന്നതിന് സ്വീകരിച്ച നടപടികള്‍ വിശദമാക്കുമോ;

സംസ്ഥാന സര്‍ക്കാരിന്റെ കായിക നയം പ്രഖ്യാപിച്ചിട്ടുണ്ടോ; എങ്കില്‍ വിശദാംശം നല്‍കാമോ?

വാഗ്ദാനം ചെയ്യപ്പെട്ട ജോലി ലഭിക്കാത്തതുമൂലം മുന്‍ സർക്കാരിന്റെ കാലത്ത് കായിക പ്രതിഭകൾ സെക്രട്ടേറിയേറ്റ് പടിക്കൽ സമരം ചെയ്തതിനെത്തുടർന്ന് സർക്കാർ എന്തൊക്കെ ഉറപ്പുകളാണ് നൽകിയതെന്നും ഇവയിൽ ഏതൊക്കെ കാര്യങ്ങൾ നടപ്പാക്കിയെന്നും വ്യക്തമാക്കുമോ;

ഈ സർക്കാർ അധികാരത്തിൽ വന്നതിനുശേഷം എത്ര കായിക പ്രതിഭകൾക്ക് സർക്കാർ സർവീസിൽ ജോലി നൽകിയെന്ന് അറിയിക്കുമോ; എത്ര അപേക്ഷകളിലാണ് ഇനി തീരുമാനം എടുക്കാനുള്ളതെന്ന് വ്യക്തമാക്കുമോ;

സംസ്ഥാനത്തിന്റെ അഭിമാനം ഉയർത്തുന്ന തരത്തിൽ പ്രകടനം നടത്തിയ കായിക പ്രതിഭകള്‍ക്ക് സമയബന്ധിതമായി അർഹതപ്പെട്ട സർക്കാർ ജോലി നൽകുന്നതിന് ഫലപ്രദമായ നടപടികൾ സ്വീകരിക്കുമോ; വിശദാംശം നൽകുമോ?

മാവേലിക്കര മണ്ഡലത്തിലെ തെക്കേക്കര ഗ്രാമപഞ്ചായത്തില്‍ അനുവദിച്ച ഫിറ്റ്നസ് സെന്ററിന്റെ നിര്‍മ്മാണത്തിന് സ്വീകരിച്ച നടപടികള്‍ വിശദമാക്കുമാേ; നിര്‍മ്മാണം അടിയന്തരമായി ആരംഭിക്കുന്നതിനുള്ള നടപടികള്‍ സ്വീകരിക്കുമാേയെന്ന് വ്യക്തമാക്കുമാേ?

സംസ്ഥാന സർക്കാർ ജീവനക്കാർക്ക് 2021 ൽ നടപ്പാക്കിയ ശമ്പള പരിഷ്കരണം കേരള സംസ്ഥാന വഖഫ് ബോർഡിലെ ജീവനക്കാർക്ക് ബാധകമാക്കിയിട്ടുണ്ടോ എന്ന് വ്യക്തമാക്കാമോ;

വഖഫ് ബോർഡിൽ ശമ്പള പരിഷ്കരണം നടപ്പിലാക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വിശദമാക്കാമോ;

2021-ലെ ശമ്പള പരിഷ്കരണ റിപ്പോർട്ട് വഖഫ് ബോർഡിൽ നടപ്പിലാക്കിയാൽ സർക്കാരിന് സാമ്പത്തിക ബാധ്യത ഉണ്ടാകുമോയെന്ന് വിശദമാക്കാമോ?

സംസ്ഥാനത്ത് പല സ്ഥലങ്ങളിലായി അന്യാധീനപ്പെട്ട വഖഫ് സ്വത്തുകള്‍ തിരിച്ചുപിടിക്കാന്‍ നടപടി സ്വീകരിച്ചിട്ടുണ്ടാേ; വിശദാംശങ്ങള്‍ ലഭ്യമാക്കാമാേ?

സര്‍വ്വേ നടപടികള്‍ പൂര്‍ത്തിയായ എത്ര റെയില്‍ പദ്ധതികള്‍ കേന്ദ്രാനുമതിക്കായി സമര്‍പ്പിച്ചിട്ടുണ്ടെന്ന് വ്യക്തമാക്കാമോ; ലിസ്റ്റ് നൽകാമോ;

ഇതില്‍ ഓരോ പദ്ധതിയുടെയും ദെെര്‍ഘ്യം, എസ്റ്റിമേറ്റ് തുക, സര്‍വ്വേ നടപടികള്‍ ആരംഭിച്ച തീയതി, സര്‍വ്വേ നടപടികള്‍ പൂര്‍ത്തീകരിച്ച തീയതി എന്നിവ പ്രത്യേകം നല്‍കാമോ;

റെയില്‍ പദ്ധതികള്‍ നടപ്പിലാക്കുന്ന കാര്യത്തില്‍ സംസ്ഥാന സര്‍ക്കാര്‍ വേണ്ടത്ര പരിഗണന നല്‍കുന്നില്ല എന്ന ആക്ഷേപം പരിശോധിച്ചിട്ടുണ്ടോ: വിശദമാക്കാമോ;

എങ്കില്‍ കഴിഞ്ഞ അഞ്ച് വര്‍ഷക്കാലയളവില്‍ റെയില്‍ വികസനവുമായി ബന്ധപ്പെട്ട് സംസ്ഥാന സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ?

കോവിഡ് പശ്ചാത്തലത്തിൽ ഉപ്പള റെയിൽവേ സ്‌റ്റേഷനിലെ റിസർവേഷൻ സൗകര്യം നിർത്തലാക്കിയത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത സ്‌റ്റേഷനിലെ റിസർവേഷൻ സൗകര്യം പുനരാരംഭിക്കുന്നതിന് നടപടി സ്വീകരിക്കുമോ?

നിലമ്പൂർ യാർഡ് റെയിൽവേ അണ്ടർ ബ്രിഡ്ജ് പ്രവൃത്തിയുടെ നിലവിലെ അവസ്ഥ വിശദമാക്കാമോ; പ്രവൃത്തിയുടെ നിർവ്വഹണ ചുമതല ആർക്കാണെന്നും ഭരണാനുമതിയായി കാലമേറെയായിട്ടും ഇതുവരെയും ടെൻഡ‍ർ നടപടികൾ പൂർത്തീകരിക്കാത്തതിന്റെ കാരണവും വിശദമാക്കാമോ;

കോവിഡിനെ തുടർന്ന് നി‍ർത്തിവെച്ചിരുന്ന ട്രെയിൻ സർവ്വീസുകൾ 2022 ജൂലൈ 1 ന് പുനരാരംഭിക്കാനിരിക്കെ ലെവൽ ക്രോസുകളിലെ ഗതാഗതക്കുരുക്ക് ഒഴിവാക്കുന്നതിന് പ്രസ്തുത പ്രവൃത്തിയുടെ ടെൻഡർ നടപടികൾ അടിയന്തരമായി പൂർത്തിയാക്കാൻ നിർദ്ദേശം നൽകുമോ;

ഷൊർണൂർ- നിലമ്പൂർ ജംഗ്ഷൻ റെയിൽവേ പാത വൈദ്യുതീകരണത്തിലെ പുരോഗതി വിശദമാക്കാമോ; എന്നത്തേക്ക് വൈദ്യുതീകരണം പൂർത്തിയാക്കാനാകുമെന്ന് വ്യക്തമാക്കാമോ?