വിഴി‍ഞ്ഞം രാജ്യാന്തര തുറമുഖ പദ്ധതിയുമായി ബന്ധപ്പെട്ട ഇലക്ട്രിക് സബ് സ്റ്റേഷന്‍, ഗേറ്റ് കോംപ്ലക്സ് എന്നിവ പൂര്‍ത്തീകരിച്ചിട്ടുണ്ടോ; പുലിമുട്ട് നിര്‍മ്മാണം, റെയില്‍വെ-ഹൈവേ സംബന്ധമായ വിഷയങ്ങള്‍, നിര്‍മ്മാണ സാമഗ്രികളുടെ ലഭ്യത എന്നിവ സംബന്ധിച്ച പ്രശ്നങ്ങള്‍ക്ക് പരിഹാരം കാണുന്നതിനായി എന്തെല്ലാം നടപടികള്‍ സ്വീകരിച്ചുവരുന്നു; വിശദാംശം നല്‍കാമോ;

വിഴി‍ഞ്ഞം രാജ്യാന്തര തുറമുഖ പദ്ധതി കമ്മീഷന്‍ ചെയ്യുന്നതിലൂടെ കേരളത്തിന്റെ സാമൂഹിക, സാമ്പത്തിക മേഖലകളില്‍ എന്തെല്ലാം മാറ്റങ്ങള്‍ പ്രതീക്ഷിക്കുന്നു; വിശദാംശം നല്‍കാമോ?

വിഴിഞ്ഞം തുറമുഖ നിർമാണം വേഗത്തിലാക്കുന്നതിനായി തമിഴ്‌നാട്ടിൽ നിന്ന് കരിങ്കല്ല് എത്തിക്കുന്നത് സംബന്ധിച്ച് തമിഴ്‌നാടുമായി മന്ത്രിതല ചർച്ച നടത്തുന്നതിന് തീരുമാനിക്കുകയുണ്ടായോ;

തുറമുഖ നിർമ്മാണം പൂർത്തിയാക്കുന്നതിനായി ഇനി എത്ര ടൺ കരിങ്കല്ല് ആവശ്യമായി വരുമെന്നാണ് കണക്കാക്കുന്നത്;

കരിങ്കല്ല് ലഭ്യത വർദ്ധിപ്പിക്കുന്നതിനായി കൂടുതൽ ക്വാറികൾക്ക് അനുമതി നൽകുന്ന കാര്യം പരിഗണനയിലുണ്ടോ; എങ്കിൽ എത്ര ക്വാറികൾക്കാണ് പുതുതായി അനുമതി നൽകുന്നത്; ഇതിലൂടെ എത്ര ടൺ കരിങ്കല്ല് ലഭ്യമാക്കാനാണ് ലക്ഷ്യമിടുന്നത്;

നിലവിൽ കേരളത്തിൽ നിന്ന് മാത്രം എത്ര ടൺ കരിങ്കല്ലാണ് തുറമുഖ നിർമ്മാണത്തിനായി എടുത്തിട്ടുള്ളത്; ഏതൊക്കെ ജില്ലകളിൽ നിന്നാണ് ഇത് ലഭ്യമാക്കിയത്; ജില്ലതിരിച്ചുള്ള കണക്ക് ലഭ്യമാക്കുമോ;

സംസ്ഥാനത്തെ 18 ക്വാറികൾ അദാനി ഗ്രൂപ്പിന് നൽകുന്നതിന് ധാരണയായിട്ടുണ്ടോ; എങ്കില്‍ ഇതിൽ എത്ര എണ്ണമാണ് നിലവില്‍ പ്രവർത്തിച്ചുകൊണ്ടിരിക്കുന്നത്;

തമിഴ്‌നാട്ടിൽ നിന്നും കല്ല് എത്തിക്കുന്നത് സംബന്ധിച്ച് ചർച്ചകൾ നടത്തുന്നതിലേക്ക് നയിച്ച സാഹചര്യങ്ങൾ എന്തൊക്കെയാണെന്ന് വ്യക്തമാക്കുമോ;

എത്ര ടൺ കരിങ്കല്ലാണ് തമിഴ്‌നാട്ടിൽനിന്നും തുറമുഖ നിർമ്മാണ ആവശ്യത്തിലേക്കായി കൊണ്ടുവരാൻ ഉദ്ദേശിക്കുന്നത്; ഇതിനോടകം എത്ര കൊണ്ടുവന്നിട്ടുണ്ട്; വിശദാംശം ലഭ്യമാക്കുമോ?

സംസ്ഥാനത്ത് ചെറുകിട തുറമുഖങ്ങളുടെ അടിസ്ഥാന സൗകര്യ വികസനത്തിനുവേണ്ടി ഈ സർക്കാർ നടപ്പിലാക്കുന്ന പദ്ധതികളുടെ വിശദാംശം ലഭ്യമാക്കുമോ;

വിനോദസഞ്ചാര വികസനത്തിലും ചരക്ക് നീക്കത്തിലും നിർണായക പങ്കുവഹിക്കാൻ കഴിയുന്ന വിധം സംസ്ഥാനത്തെ തുറമുഖങ്ങളെ ബന്ധിപ്പിച്ചുകൊണ്ട് കപ്പൽ സർവ്വീസ് വർദ്ധിപ്പിക്കുന്നതിന് ഉദ്ദേശിക്കുന്നുണ്ടോ എന്ന് വ്യക്തമാക്കുമോ;

ചെറുകിട, ഇടത്തരം തുറമുഖങ്ങൾ കൂടുതൽ ഉപയോഗപ്പടുത്തി കണ്ടെയ്നർ സർവ്വീസ് വർദ്ധിപ്പിക്കുന്നതിനുവേണ്ടി നടപ്പിലാക്കുന്ന പദ്ധതികളുടെ വിശദാംശം ലഭ്യമാക്കുമോ;

ഭാരത് മാല പരിയോജന പദ്ധതിയിലൂടെ റോഡ് മാർഗ്ഗം വിവിധ തുറമുഖങ്ങളെ തമ്മിൽ ബന്ധിപ്പിക്കുന്നതിനുള്ള പദ്ധതി പുരോഗമിക്കുന്ന സാഹചര്യത്തിൽ തുറമുഖങ്ങളുടെ വികസന പ്രവർത്തനങ്ങളുടെ വേഗം കൂട്ടുന്നതിനുള്ള സാധ്യതകൾ പരിശോധിക്കുമോ; വിശദാംശം ലഭ്യമാക്കുമോ?

തൃക്കരിപ്പൂര്‍ മണ്ഡലത്തിലെ ചെറുവത്തൂര്‍ മത്സ്യബന്ധന തുറമുഖത്തിന് സമീപമുള്ള പ്രദേശങ്ങള്‍ ഉള്‍പ്പെടുത്തി ഒരു വിവിധോദ്ദേശ തുറമുഖം നിര്‍മ്മിക്കാന്‍ നടപടി സ്വീകരിക്കുമോ;

കര്‍ണ്ണാടക അതിര്‍ത്തി പങ്കിടുന്ന ജില്ല എന്ന നിലയില്‍ മംഗലാപുരം തുറമുഖത്ത് നിന്ന് കേരളത്തിലേക്ക് അനായാസം ചരക്കുകള്‍ കയറ്റി അയക്കാന്‍ പ്രയോജനകരമാകുന്ന തരത്തില്‍ തുറമുഖ നിര്‍മ്മാണം ആരംഭിക്കുമോയെന്ന് അറിയിക്കാമോ?

പുരാരേഖകളും പുരാലിഖിതങ്ങളും സംരക്ഷിക്കുന്നതിന്റെ ഭാഗമായി കാസര്‍ഗോഡ് ജില്ലയിലെ പ്രധാന ക്ഷേത്രങ്ങളിലെ മ്യൂറല്‍ പെയിന്റിംഗുകള്‍, കൊത്തുപണികള്‍ എന്നിവ സംരക്ഷിക്കാന്‍ മ്യൂസിയം വകുപ്പിന്റെ നേതൃത്വത്തില്‍ നടപടികള്‍ സ്വീകരിക്കുമോ?

നിലവില്‍ പൈതൃക മ്യൂസിയം പദ്ധതിയുടെ ഭാഗമായി സംസ്ഥാനത്ത് പുതിയ മ്യൂസിയങ്ങള്‍ അനുവദിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ?

പട്ടാമ്പി നിയോജക മണ്ഡലത്തില്‍ പുരാവസ്തു വകുപ്പിന് കീഴിലുള്ള സംരക്ഷിത പൈതൃക സ്മാരകങ്ങള്‍ ഏതൊക്കെയെന്ന് വ്യക്തമാക്കുമോ;

ഇനിയും ഇത്തരത്തില്‍ ഉള്‍പ്പെടുത്താവുന്ന ചരിത്രപരവും പൈത‍ൃക പ്രധാന്യമുള്ളതുമായ സ്മാരകങ്ങള്‍ കണ്ടെത്തിയിട്ടുണ്ടോ എന്ന് വ്യക്തമാക്കുമോ;

ഇവ സംരക്ഷിക്കുന്നതിന് സര്‍ക്കാര്‍ നടപടി സ്വീകരിക്കുമോ എന്ന് വ്യക്തമാക്കുമോ?

ആലപ്പുഴ ജില്ലയിൽ പുരാവസ്തു വകുപ്പിന് കീഴിൽ ഏതെങ്കിലും സ്ഥാപനങ്ങളോ വസ്തുക്കളോ ഉണ്ടോ; എങ്കിൽ വിശദാംശം ലഭ്യമാക്കാമോ;

ഇവയുടെ പരിപാലനം സംബന്ധിച്ച വിശദവിവരം ലഭ്യമാക്കാമോ?

ജി.ഒ.(ആര്‍.റ്റി.)നം.101/2020/സി.എ.ഡി. പ്രകാരം ആലുവ നിയോജക മണ്ഡലത്തിലെ കാഞ്ഞൂര്‍ പഞ്ചായത്തിലെ വലിയ തമ്പുരാന്‍ കോവിലകം സംരക്ഷിത സ്മാരകമാക്കുന്നതിനുള്ള പ്രാഥമിക വിജ്ഞാപനം 02.02.2021 ലെ അഞ്ചാം നമ്പറായുള്ള സര്‍ക്കാര്‍ ഗസ്റ്റില്‍ പ്രസിദ്ധീകരിച്ചതിന് ശേഷം അന്തിമ വിജ്ഞാപനത്തിനുള്ള എന്തെല്ലാം നടപടികളാണ് പുരവസ്തു വകുപ്പ് സ്വീകരിച്ചിട്ടുള്ളതെന്ന് വ്യക്തമാക്കാമോ;

അന്തിമ വിജ്ഞാപനം ഉടന്‍ പുറപ്പെടുവിക്കുന്നതിനുള്ള നിര്‍ദ്ദേശം നല്‍കുമോ എന്ന് വ്യക്തമാക്കാമോ;

അന്തിമ വിജ്ഞാപനം പുറപ്പെടുവിക്കുന്നതിന് എന്തെങ്കിലും തടസ്സം നിലവിലുണ്ടോ എന്ന് അറിയിക്കാമോ?