പൊതുമരാമത്ത് റോഡുകളുടെ ഗുണനിലവാരം ഉറപ്പാക്കുന്നതിന് നിലവിൽ എന്തെല്ലാം സംവിധാനങ്ങളാണുളളതെന്ന് വ്യക്തമാക്കുമോ;

റോഡുകളുടെ നിര്‍മ്മാണത്തില്‍ പൊതുമരാമത്ത് വകുപ്പ് മാന്വൽ പ്രകാരമുളള വ്യവസ്ഥകൾ പാലിക്കുന്നുവെന്ന് ഉറപ്പ് വരുത്തി ഗുണനിലവാര പരിശോധനാ സംവിധാനം ശക്തിപ്പെടുത്തുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ വിശദമാക്കുമോ;

ഗുണനിലവാര വ്യവസ്ഥകളുടെ വിശദാംശം ദർഘാസ് രേഖകളിൽ ഉൾപ്പെടുത്തുവാൻ നടപടി സ്വീകരിച്ചിട്ടുണ്ടോ; വിശദമാക്കുമോ?

ഉത്തരവാദിത്ത ടൂറിസം നയത്തില്‍ കാലാനുസൃതമായ എന്തെല്ലാം പരിഷ്കാരങ്ങളാണ് ഏര്‍പ്പെടുത്താന്‍ ഉദ്ദേശിക്കുന്നതെന്ന് വ്യക്തമാക്കുമോ;

ഉത്തരവാദിത്ത ടൂറിസം പദ്ധതി മുഖേന പുതിയ ടൂറിസം ഡെസ്റ്റിനേഷനുകള്‍ രൂപീകരിക്കാന്‍ സാധിക്കുംവിധം കര്‍മ്മപദ്ധതി ആവിഷ്കരിക്കാൻ നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് റവന്യൂ വകുപ്പിന്റെ പ്രവർത്തനം കൂടുതൽ ജനകീയമാക്കുന്നതിന്റെ ഭാഗമായി റവന്യൂ ഇൻഫർമേഷൻ ബ്യൂറോ ആരംഭിച്ചിട്ടുണ്ടോ; എങ്കിൽ വിശദമാക്കുമോ;

ഭൂമി സംബന്ധമായ ഉത്തരവുകളും നിയമ ഭേദഗതികളും വളരെ വേഗത്തിൽ പൊതുജനങ്ങളുടെ അറിവിലേക്കെത്തിക്കുന്നതിന് പ്രസ്തുത ബ്യൂറോ സഹായകരമാകുമോ; വിശദമാക്കുമോ;

റവന്യൂ വകുപ്പിന്റെ പ്രവർത്തനം കൂടുതൽ കാര്യക്ഷമവും സുതാര്യവുമാക്കുന്നതിന് ആർ.ഐ.ബി.-യുടെ പ്രവർത്തനം സഹായകരമാകുമെന്ന് കണക്കാക്കപ്പെടുന്നുണ്ടോ; എങ്കിൽ വിശദമാക്കുമോ?

നിര്‍ദിഷ്ട തീരദേശ ഹൈവേ വികസനത്തിന്റെ ഭാഗമായി ഭൂമിയും വീടും നഷ്ടപ്പെടുന്നവര്‍ക്കായി തീരദേശ മേഖലയുടെ പ്രത്യേകത കണക്കിലെടുത്ത് പ്രത്യേക പുനരധിവാസ പാക്കേജ് നടപ്പിലാക്കാന്‍ ഉദ്ദേശിക്കുന്നുണ്ടോ;

തീരദേശ ഹൈവേയുടെ അലൈന്‍മെന്റ് അന്തിമമായിട്ടുണ്ടോ; ഭൂമി ഏറ്റെടുക്കലിനായി കിഫ്ബി സാമ്പത്തിക അനുമതി ലഭ്യമാക്കിയിട്ടുണ്ടോ; പ്രസ്തുത റോഡ് നിര്‍മ്മാണത്തിനുള്ള പ്രവര്‍ത്തനങ്ങള്‍ ത്വരിതപ്പെടുത്താന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ?

സംസ്ഥാനത്തെ മുഖ്യ പ്രധാന പാതയായ എം.സി. റോഡ് നാലുവരിയാക്കാന്‍ ഭരണാനുമതി നല്‍കിയിട്ടുണ്ടോ; പ്രസ്തുത റോഡുവികസന പദ്ധതിയുടെ ഡി.പി.ആര്‍. തയ്യാറായിട്ടുണ്ടോ; പദ്ധതിയ്ക്കായി എത്ര തുക വേണ്ടിവരുമെന്നാണ് കണക്കാക്കിയിരിക്കുന്നതെന്ന് അറിയിക്കുമോ;

എം.സി. റോഡിന് സമാന്തരമായി തിരുവനന്തപുരം-അങ്കമാലി ഗ്രീന്‍ഫീല്‍ഡ് പാതയ്ക്ക് കേന്ദ്ര സര്‍ക്കാര്‍ അംഗീകാരം നല്‍കിയിട്ടുണ്ടോ; ഈ പാതയുടെ അലൈന്‍മെന്റ് നിശ്ചയിച്ചിട്ടുണ്ടോ;

തിരുവനന്തപുരം-അങ്കമാലി ഗ്രീന്‍ ഫീല്‍ഡ് പാത ഭാരത്‍ മാല പദ്ധതിയില്‍ ഉള്‍പ്പെടുത്താന്‍ കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോയെന്ന് വ്യക്തമാക്കുമോ?

ഉത്തരവാദിത്ത വിനോദസഞ്ചാര മേഖലയില്‍ കെെവരിച്ച നേട്ടങ്ങള്‍ക്ക് അംഗീകാരമെന്ന നിലയിൽ ഉത്തരവാദിത്ത ടൂറിസം ഉച്ചകോടിയുടെ ആദ്യ വേദിയാകുവാൻ സംസ്ഥാനത്തിന് സാധിച്ചിട്ടുണ്ടോ; വിശദമാക്കുമോ;

വിനോദസഞ്ചാര മേഖലയിൽ ഉത്തരവാദിത്ത ടൂറിസം പ്രവര്‍ത്തനങ്ങള്‍ വിപുലീകരിക്കുന്നതിന് പ്രസ്തുത ഉച്ചകോടി സഹായകരമാകുമെന്ന് പ്രതീക്ഷിക്കുന്നുണ്ടോ; എങ്കിൽ വ്യക്തമാക്കുമോ;

ഉത്തരവാദിത്ത ടൂറിസം പദ്ധതിയുടെ ഭാഗമായി നടപ്പാക്കിവരുന്ന സ്ട്രീറ്റ്, പെപ്പര്‍ എന്നീ പദ്ധതികൾ ലോക ശ്രദ്ധയാകര്‍ഷിച്ചിട്ടുണ്ടോ; പ്രസ്തുത പദ്ധതികളിലൂടെ കെെവരിക്കാന്‍ കഴിഞ്ഞ നേട്ടങ്ങള്‍ വിശദമാക്കാമോ?

സംസ്ഥാനത്ത് ചില കേന്ദ്രങ്ങള്‍ തൊഴിലാളികളുടെ തൊഴിലിനുള്ള അവകാശം ഹനിക്കുന്ന തരത്തില്‍ ഇടപെടുന്ന സാഹചര്യം ഉണ്ടായിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ തൊഴിലവസരങ്ങള്‍ സൃഷ്ടിക്കുന്നതിന് അനുയോജ്യമായ സാഹചര്യം സൃഷ്ടിക്കുന്നതോടൊപ്പം അസംഘടിത മേഖലയിലുള്‍പ്പെടെയുള്ള തൊഴിലാളികളുടെ അവകാശങ്ങള്‍ സംരക്ഷിക്കാന്‍ സര്‍ക്കാര്‍ നടത്തുന്ന പ്രവര്‍ത്തനങ്ങള്‍ വിശദമാക്കാമോ;

വിവിധ ക്ഷേമനിധി ബോര്‍ഡുകളുടെ പ്രവര്‍ത്തനം കൂടുതല്‍ കാര്യക്ഷമമാക്കാന്‍ കഴിഞ്ഞിട്ടുണ്ടോയെന്ന് വ്യക്തമാക്കുമോ;

മോട്ടോര്‍ വാഹന തൊഴിലാളി ക്ഷേമനിധി ബോര്‍ഡ് ആരംഭിച്ച കേരള സവാരി ഓണ്‍ ലൈന്‍ വാഹന സര്‍വീസ് വിശ്വാസ്യതയുള്ള ഓണ്‍ ലൈന്‍ സേവനദാതാവെന്ന നിലയില്‍ വളര്‍ത്തിയെടുക്കാന്‍ കഴിഞ്ഞിട്ടുണ്ടോ;

തൊഴിലാളികളുടെയും യാത്രക്കാരുടെയും താല്പര്യം പരിഗണിച്ച് കേരള സവാരി പദ്ധതി സംസ്ഥാനമൊട്ടാകെ വ്യാപിപ്പിക്കാന്‍ തീരുമാനമായിട്ടുണ്ടോയെന്ന് വ്യക്തമാക്കാമോ?

സംസ്ഥാനത്ത് വിദ്യാർത്ഥികൾ അടക്കമുള്ള വിനോദസഞ്ചാരികള്‍ മുങ്ങി മരിക്കുന്ന സംഭവങ്ങൾ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോയെന്ന് വ്യക്തമാക്കുമോ;

അങ്കമാലി മഞ്ഞപ്ര ജ്യോതിസ് സെൻട്രൽ സ്കൂളിൽ നിന്നും മാങ്കുളത്ത് വിനോദസഞ്ചാരത്തിനെത്തിയ കുട്ടികള്‍ മുങ്ങിമരിച്ച സംഭവത്തിൽ അന്വേഷണം നടത്തിയിട്ടുണ്ടോ; എങ്കിൽ വ്യക്തമാക്കുമോ;

മുൻപ് നിരവധി അപകടങ്ങൾ നടന്ന സ്ഥലങ്ങളിൽ വ്യക്തമായ അപകട മുന്നറിയിപ്പുകൾ ഇല്ലാത്തതാണ് ഇത്തരത്തിലുള്ള സംഭവങ്ങൾ ആവർത്തിക്കുന്നത് എന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഇത്തരം അപകടങ്ങൾ ആവർത്തിക്കാതിരിക്കാൻ നടപടികൾ സ്വീകരിക്കുമോ; വ്യക്തമാക്കുമോ?

രാജ്യത്തിന്റെ ഇതര ഭാഗങ്ങളിലെയും ആഗോളതലത്തിലെയും മികച്ച തൊഴിലവസരങ്ങള്‍ കരസ്ഥമാക്കുന്നതിന് സംസ്ഥാന നൈപുണ്യ വികസന മിഷന്‍ നടത്തുന്ന പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കാമോ;

വിദേശ തൊഴില്‍ സാധ്യത വികസിപ്പിക്കുന്നതിനും നഴ്‌സിംഗ് മേഖലയില്‍ നൈപുണ്യ വികസനത്തിനായും ഇംഗ്ലീഷ് ഭാഷ പരിശീലനത്തിനായും കേരള അക്കാദമി ഫോര്‍ സ്കില്‍സ് എക്സെലന്‍സ് നടത്തുന്ന പ്രവര്‍ത്തനങ്ങള്‍ അറിയിക്കാമോ;

ഉദ്യോഗാര്‍ത്ഥികള്‍ വഞ്ചിക്കപ്പെടാതിരിക്കാനുള്ള സാഹചര്യം ഒരുക്കുന്നതിന് ഉന്നത നിലവാരത്തിലുള്ള തൊഴില്‍ പരിശീലന സ്ഥാപനങ്ങള്‍ക്ക് കെയ്സ് അക്രെഡിറ്റേഷന്‍ നല്‍കാന്‍ തീരുമാനിച്ചിട്ടുണ്ടോയെന്ന് വ്യക്തമാക്കാമോ?

സംസ്ഥാനത്ത് ഹൈടെക് സ്കൂള്‍ പദ്ധതി ശാക്തീകരിക്കുന്നതിന്റെ ഭാഗമായി മുപ്പത്താറായിരത്തിലധികം ലാപ്‌ടോപ് കമ്പ്യൂട്ടറുകള്‍ ഈ അദ്ധ്യയന വര്‍ഷം തന്നെ ലഭ്യമാക്കാന്‍ നടപടിയെടുത്തിട്ടുണ്ടോ; വ്യക്തമാക്കുമോ;

ഹൈടെക് സ്കൂള്‍ പദ്ധതി പ്രകാരം ഉപകരണങ്ങള്‍ നല്‍കുന്നതോടൊപ്പം അവയുടെ ഫലപ്രദമായ വിനിയോഗവും കാര്യക്ഷമമായ പരിപാലനവും ഉറപ്പുവരുത്താന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

പൊതുവിദ്യാഭ്യാസ മേഖല ആധുനികീകരിക്കുന്നതിനും ഇൻഫർമേഷൻ ആൻഡ് കമ്മ്യൂണിക്കേഷൻസ് ടെക്‌നോളജിയധിഷ്ഠിതമാക്കുന്നതിനും കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ നടത്തുന്ന പ്രവര്‍ത്തനങ്ങള്‍ വിശദമാക്കാമോ?

കേന്ദ്ര വിദ്യാഭ്യാസ മന്ത്രാലയം പ്രസിദ്ധീകരിക്കുന്ന പൊതുവിദ്യാഭ്യാസ രംഗത്തെ പ്രകടന മികവ് സൂചികയില്‍ (പെര്‍ഫോമന്‍സ് ഗ്രേഡിംഗ് ഇന്‍ഡക്സ്) 2017-18 മുതല്‍ നാളിതുവരെ സംസ്ഥാനത്തിന് നിരന്തരമായി മികവ് പുലർത്താനായിട്ടുണ്ടോ; വ്യക്തമാക്കുമോ;

പ്രസ്തുത സൂചികയിലെ നിലവാര നിര്‍ണ്ണയത്തിനായി പരിഗണിക്കുന്ന എല്ലാ മേഖലകളിലും മികവ് പുലര്‍ത്താനായിട്ടുണ്ടോ; പ്രസ്തുത നേട്ടം അംഗീകരിക്കാന്‍ വൈമുഖ്യമുള്ള ചില കേന്ദ്രങ്ങള്‍ സംസ്ഥാനം രണ്ടാം നിരയിലാണെന്ന തെറ്റിദ്ധാരണാജനകമായ വാര്‍ത്ത സൃഷ്ടിച്ചതായി ശ്രദ്ധയില്‍പ്പെട്ടിട്ടുണ്ടോ;

പാര്‍ശ്വവല്‍ക്കരണമില്ലാതെ എല്ലാവര്‍ക്കും മികച്ച വിദ്യാഭ്യാസമെന്ന സംസ്ഥാന ലക്ഷ്യം പൂര്‍ണ്ണതയിലെത്തുന്നുവെന്നതിന് കേന്ദ്ര സർക്കാർ പുറപ്പെടുവിച്ച വിദ്യാഭ്യാസ പ്രാപ്യത സൂചിക ഉപോത്ബലകമാകുന്നുണ്ടോ; ഈ ലക്ഷ്യപ്രാപ്തിക്കായി സംസ്ഥാനം നടത്തിയ പ്രവര്‍ത്തനങ്ങള്‍ എന്തെല്ലാമാണ്; വിശദമാക്കുമോ?

സംസ്ഥാനത്തെ പൊതുവിദ്യാലയങ്ങളില്‍ ഗ്രേഡിംഗ് സംവിധാനം ഏര്‍പ്പെടുത്താന്‍ ഉദ്ദേശിക്കുന്നുണ്ടോ; വിശദാംശം നല്‍കാമോ;

പ്രസ്തുത ഗ്രേഡിംഗ് കണക്കാക്കുന്നതിനുള്ള മാനദണ്ഡങ്ങള്‍, യോഗ്യതകള്‍ എന്നിവ വ്യക്തമാക്കുമോ;

ഏത് ഏജന്‍സി മുഖേനയാണ് ഗ്രേഡിംഗ് പൂര്‍ത്തിയാക്കാന്‍ നിശ്ചയിച്ചിരിക്കുന്നത്; പ്രസ്തുത ഏജന്‍സിയുടെ മുന്‍പരിചയം എന്താണെന്ന് അറിയിക്കാമോ;

ഇത്തരത്തില്‍ ഗ്രേഡിംഗ് ഏര്‍പ്പെടുത്തുന്നതില്‍ സര്‍ക്കാര്‍, എയ്ഡഡ്, അണ്‍ എയ്ഡഡ് എന്നീ വിഭാഗങ്ങളിലെ ഏതൊക്കെ വിദ്യാലയങ്ങള്‍ ഉള്‍പ്പെടുമെന്ന് അറിയിക്കാമോ?

സംസ്ഥാനത്ത് അടിസ്ഥാന സൗകര്യ വികസനത്തില്‍ കഴിഞ്ഞ ആറ് വര്‍ഷത്തെ പ്രവര്‍ത്തന ഫലമായി കൈവരിച്ച നേട്ടത്തിന്റെ അടിസ്ഥാനത്തിൽ അൺ എയ്ഡഡ്, സ്വകാര്യ വിദ്യാലയങ്ങളില്‍ നിന്നും ഇതര സിലബസ് വിദ്യാലയങ്ങളില്‍ നിന്നും വിദ്യാര്‍ത്ഥികളെ പൊതുവിദ്യാലയങ്ങളിലേക്ക് ആകര്‍ഷിക്കാനായിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത നേട്ടം തുടരുന്നതിന് അക്കാദമിക മികവ് ലോകോത്തരമാക്കുകയെന്ന ലക്ഷ്യത്തോടെ വിദ്യാകിരണം പദ്ധതിയിലൂടെ നടത്തുന്ന പ്രവര്‍ത്തനങ്ങള്‍ എന്തെല്ലാമാണ്; വിശദമാക്കാമോ;

കാലഘട്ടത്തിന് അനുസൃതമായ മികച്ച അദ്ധ്യാപനത്തിനായി അദ്ധ്യാപകരുടെ ശേഷി വികസനത്തിന് പദ്ധതിയുണ്ടോ; വ്യക്തമാക്കാമോ?

സംസ്ഥാനത്ത് വില്ലേജ് ഓഫീസുകളുടെ പ്രവർത്തനം സുതാര്യവും കാര്യക്ഷമമാക്കുന്നതിനായി വില്ലേജ് തല ജനകീയ സമിതികൾ എത്രത്തോളം സഹായകരമാണ്; വിശദമാക്കാമോ;

ജില്ലാ, താലൂക്ക് തല വികസന സമിതികളുടെ പ്രവർത്തനം വിലയിരുത്തിയിട്ടുണ്ടോ; റവന്യൂ വകുപ്പുമായി ബന്ധപ്പെട്ട പരാതികൾ പരിഹരിക്കുന്നതിന് ഇവ എത്രത്തോളം ഫലപ്രദമാണ്; വിശദമാക്കാമോ?

ഇന്ധന വില വര്‍ദ്ധനവ് മൂലം പ്രയാസം അനുഭവിക്കുന്ന ഓട്ടോറിക്ഷ, ടാക്സി ഡ്രൈവര്‍മാരെ സഹായിക്കുന്നതിന് ഈ സ‌‌ർക്കാ‌‌ര്‍ എന്തെങ്കിലും പദ്ധതി തയ്യാറാക്കിയിട്ടുണ്ടോ;

സംസ്ഥാന ബജറ്റിൽ പെട്രോളിനും ഡീസലിനും രണ്ട് രൂപ സെസ് ഏർപ്പെടുത്തിയത് ഓട്ടോറിക്ഷ, ടാക്സി ഡ്രൈവര്‍മാരെ എപ്രകാരം ബാധിക്കുമെന്ന് പരിശോധിച്ചിട്ടുണ്ടോ; വിശദമാക്കാമോ;

ഇന്ധന വില കുതിച്ചുയരുന്ന സാഹചര്യത്തിൽ പെട്രോള്‍, ഡീസല്‍ വാഹനങ്ങള്‍ക്ക് പകരം ഇലക്ട്രിക് വാഹനങ്ങള്‍ വാങ്ങുന്നതിന് എന്തെല്ലാം സഹായങ്ങളാണ് ഓട്ടോറിക്ഷ, ടാക്സി തൊഴിലാളികൾക്കായി അനുവദിച്ചിരിക്കുന്നതെന്ന് വിശദമാക്കുമോ?

ഈ വർഷം സെപ്തംബറോടുകൂടി പ്രവർത്തനസജ്ജമാകുന്ന തരത്തിൽ വിഴിഞ്ഞം തുറമുഖ നിർമ്മാണം ത്വരിതഗതിയിൽ നടക്കുന്നുണ്ടോയെന്ന് വ്യക്തമാക്കുമോ;

വിഴിഞ്ഞം തുറമുഖത്തേക്കുള്ള റെയിൽ കണക്റ്റിവിറ്റി പ്രോജക്ടിന് കേന്ദ്ര സർക്കാരിന്റെ അംഗീകാരം ലഭിച്ചിട്ടുണ്ടോ;

വിഴിഞ്ഞം തുറമുഖ പദ്ധതി മൂലം തൊഴിൽ നഷ്ടപ്പെടുന്നവരെ ഉപജീവന ആഘാത നിർണ്ണയ സമിതി റിപ്പോർട്ടിന്റെ അടിസ്ഥാനത്തിൽ പുനരധിവസിപ്പിക്കാനായി സ്വീകരിച്ച നടപടികൾ എന്തെല്ലാമാണെന്ന് അറിയിക്കുമോ;

വിഴിഞ്ഞം തുറമുഖം നൽകാനിടയുള്ള സാമ്പത്തികാവസരങ്ങൾ വിനിയോഗിക്കുന്നതിന് ആവശ്യമായ അടിസ്ഥാന സൗകര്യങ്ങൾ ഏർപ്പെടുത്തുന്നതിനും മാനവശേഷി വികസനത്തിനും പദ്ധതിയുണ്ടോയെന്ന് വ്യക്തമാക്കുമോ?

സംസ്ഥാനത്ത് പൊതുമരാമത്ത് വകുപ്പിന് കീഴിലുള്ള റോഡുകളുടെ ദൈര്‍ഘ്യം എത്രയെന്ന് സംസ്ഥാന പാത, പ്രധാന ജില്ലാപാത എന്നിവ തിരിച്ച് അറിയിക്കാമോ;

റോഡുകള്‍ തകരാറ് കൂടാതെ പരിപാലിക്കപ്പെടുന്നുവെന്ന് ഉറപ്പ് വരുത്തുന്നതിനായി ബാധ്യതാകാലയളവ് കഴിഞ്ഞിട്ടുള്ള റോഡുകള്‍ക്ക് റണ്ണിംഗ് കരാര്‍ നല്‍കിയിട്ടുണ്ടോ; എങ്കിൽ നിലവില്‍ ഇതുവഴി എത്ര കിലോമീറ്റര്‍ റോഡുകളുടെ കൃത്യമായ പരിപാലനം ഉറപ്പാക്കിയിട്ടുണ്ടെന്ന് വ്യക്തമാക്കുമോ;

അതിതീവ്രമഴയേയും കാലാവസ്ഥാ വ്യതിയാനത്തേയും അതിജീവിക്കുന്ന തരത്തിൽ സംസ്ഥാനത്തെ റോഡുനിര്‍മ്മാണ രീതി നവീകരിക്കുന്നതിനായി പദ്ധതി തയ്യാറാക്കിയിട്ടുണ്ടോ;

പൊതുമരാമത്ത് റോഡുകളെ സംബന്ധിച്ചുള്ള പൊതുജനങ്ങളുടെ പരാതികൾക്കുള്ള പരിഹാര സംവിധാനം കാര്യക്ഷമമായി പ്രവര്‍ത്തിക്കുന്നുണ്ടോ; അറ്റകുറ്റപ്പണികളുടെ പുരോഗതി വിലയിരുത്താന്‍ ഏര്‍പ്പെടുത്തിയിട്ടുള്ള ക്രമീകരണങ്ങൾ വിശദമാക്കാമോ?

സംസ്ഥാനത്ത് എല്ലാ ​​​പ്രൈമറി സ്കുളുകളി​ലും പ്രീ പ്രൈമറി ​​ക്ലാസുകൾ പ്രവർത്തിക്കുന്നുണ്ടോ; ഇല്ലെങ്കിൽ ആയത് എല്ലാ സ്കുളുകളിലും തുടങ്ങുന്നതിന് നടപടി സ്വീകരിക്കുമോ; വ്യക്തമാക്കാമോ;

കുട്ടികളുടെ ശാരീരിക, മാനസിക വളർച്ചക്ക് സഹായകരമായ എന്തെല്ലാം ക്രമീകരണങ്ങളാണ് പ്രസ്തുത വിദ്യാലയങ്ങളിൽ ഏർപ്പെടുത്തിയിരിക്കുന്നത്; വ്യക്തമാക്കാമോ;

പ്രീ പ്രൈമറി വിദ്യാഭ്യാസം മെച്ചപ്പെടുത്തുന്നതിന് സ്വീകരിക്കാനുദ്ദേശിക്കുന്ന നടപടികൾ വിശദമാക്കുമോ?

സംസ്ഥാനത്ത് ആഭ്യന്തര, വിദേശ വിനോദസഞ്ചാരികള്‍ പൊതുവെ അംഗീകരിച്ചിട്ടുള്ള വിവിധ ബീച്ചുകളുടെ നവീകരണത്തിന് നടത്തുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കുമോ;

തീരദേശ മേഖലയിലെ വിനോദസഞ്ചാര കേന്ദ്രങ്ങളിലേക്ക് കൂടുതല്‍ സഞ്ചാരികളെ ആകര്‍ഷിക്കുന്നതിനായി അടിസ്ഥാനസൗകര്യ വികസനമടക്കം നടത്തിയിട്ടുള്ള പ്രവര്‍ത്തനങ്ങളുടെ ഫലമായി വിനോദസഞ്ചാരികളുടെ എണ്ണത്തില്‍ വര്‍ദ്ധനയുണ്ടായിട്ടുണ്ടോ; വിശദമാക്കുമോ;

കോവളം ബീച്ചിന്റെ സമഗ്ര വികസനത്തിനായി പദ്ധതി തയ്യാറാക്കിയിട്ടുണ്ടോ; എങ്കിൽ വിശദാംശം നല്‍കുമോ?

2020-ലെ ദേശീയ വിദ്യാഭ്യാസ നയത്തിലെ നിർദേശ പ്രകാരം ഒന്നാം ക്ലാസിൽ ചേരുന്നതിന് ആറ് വയസ്സ് നിർബന്ധമാക്കണമെന്ന് കേന്ദ്ര സർക്കാർ അറിയിച്ചിട്ടുണ്ടോ; വ്യക്തമാക്കുമോ;

എങ്കില്‍ ഈ നിർദേശം സംസ്ഥാനത്ത് നടപ്പിലാക്കുന്ന കാര്യം പരിശോധിച്ചിട്ടുണ്ടോ; ആയത് നടപ്പിലാക്കുന്നതിൽ എന്തെങ്കിലും പ്രായോഗിക ബുദ്ധിമുട്ടുകളുണ്ടോയെന്ന് അറിയിക്കുമോ;

ദേശീയ വിദ്യാഭ്യാസ നയപ്രകാരം പ്രീ ​പ്രൈമറി തലത്തിൽ എന്തെല്ലാം മാറ്റങ്ങളാണ് നിർദേശിക്കുന്നത്; വിശദമാക്കുമോ?

സംസ്ഥാനത്തിന്റേതായ വികസന സാധ്യത ടൂറിസം രംഗത്ത് പ്രയോജനപ്പെടുത്തുന്നതിനായി വ്യത്യസ്ത വകുപ്പുകളെ സംയോജിപ്പിച്ച് പദ്ധതി രൂപീകരിക്കുന്നതിന് ഉദ്ദേശിക്കുന്നുണ്ടോ; വിശദമാക്കാമോ;

തീര്‍ത്ഥാടന ടൂറിസത്തിന് എന്തൊക്കെ സാധ്യതകളാണ് സംസ്ഥാനത്തുള്ളതെന്ന് വിലയിരുത്തിയിട്ടുണ്ടോ; വിശദമാക്കുമോ?

സംസ്ഥാനത്ത് മിതമായ നിരക്കില്‍ സുരക്ഷിതമായ യാത്രാ സൗകര്യം ഊര്‍ജ്ജിതപ്പെടുത്തുന്നതിനും തൊഴിലാളികള്‍ക്ക് വരുമാനം ഉറപ്പാക്കുന്നതിനുമായി ഈ സര്‍ക്കാര്‍ ആരംഭിച്ച കേരള സവാരി പദ്ധതി സംബന്ധിച്ച് വിലയിരുത്തിയിട്ടുണ്ടോ; വിശദമാക്കുമോ;

പ്രസ്തുത ഓണ്‍ലൈന്‍ ടാക്സി പദ്ധതി സംസ്ഥാനത്തെ എല്ലാ നഗരങ്ങളിലും നടപ്പാക്കുവാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ;

ഒരാള്‍ക്ക് മാത്രം യാത്ര ചെയ്യാവുന്ന തരത്തില്‍ ബൈക്ക് ടാക്സികള്‍ എന്ന ആശയം കേരള സവാരിയിലൂടെ നടപ്പിലാക്കുന്നത് പരിഗണനയിലുണ്ടോ; വിശദമാക്കുമോ?

സംസ്ഥാനത്ത് എംപ്ലോയ്‌മെന്റ് എക്സ്ചേഞ്ചുകളുടെ പ്രവര്‍ത്തനം കൂടുതല്‍ ജനോപകാരപ്രദമാക്കാൻ സ്വീകരിച്ച നടപടികള്‍ വ്യക്തമാക്കുമോ;

സ്വകാര്യ മേഖലയില്‍ ഉള്‍പ്പെടെ ഉദ്യോഗാർത്ഥികളെ എംപ്ലോയ്‌മെന്റ് എക്സ്ചേഞ്ച് വഴി ലഭ്യമാക്കുന്നതിന് നടപടി സ്വീകരിക്കുമോ; വിശദാംശം നൽകുമോ?

സംസ്ഥാനത്തെ വിനോദസഞ്ചാര കേന്ദ്രങ്ങളെ ലോക നിലവാരത്തിലേക്ക് ഉയര്‍ത്തുന്നതിന് നടത്തുന്ന പ്രവര്‍ത്തനങ്ങൾ വിശദമാക്കാമോ;

വിനോദസഞ്ചാരികള്‍ ചൂഷണം ചെയ്യപ്പെടുന്നില്ലെന്ന് ഉറപ്പ് വരുത്താന്‍ നടപടി സ്വീകരിച്ചിട്ടുണ്ടോ; വ്യക്തമാക്കുമോ;

വിനോദസഞ്ചാരികള്‍ക്ക് മാത്യകാപരമായ പെരുമാറ്റം ലഭിക്കുന്നുവെന്ന് ഉറപ്പുവരുത്താന്‍ കഴിഞ്ഞിട്ടുണ്ടോ;

ഓട്ടോറിക്ഷാ തൊഴിലാളികള്‍ ഉള്‍പ്പെടെയുള്ളവര്‍ക്ക് പരിശീലനം നല്‍കി വിനോദസഞ്ചാര പ്രചാരകരാക്കാന്‍ പ്രഖ്യാപിച്ചിട്ടുള്ള പദ്ധതി പ്രാവര്‍ത്തികമായിട്ടുണ്ടോ; വ്യക്തമാക്കുമോ?

സംസ്ഥാനത്ത് വിനോദസഞ്ചാര മേഖലയിൽ കൂടുതല്‍ സഞ്ചാരികളെ ആകര്‍ഷിക്കുന്നതിന് പുതിയ ടൂറിസം ഉല്പന്നങ്ങള്‍ ആവിഷ്കരിക്കുന്നതിന്റെ ഭാഗമായി കൊച്ചി ഉള്‍പ്പെടെയുളള പ്രധാന വിനോദസഞ്ചാര കേന്ദ്രങ്ങളെ ബന്ധിപ്പിച്ചുകൊണ്ട് കോവളം-ഗോവ ക്രൂയിസ് കപ്പല്‍ യാത്ര ആരംഭിക്കുന്നത് പരിഗണനയിലുണ്ടോയെന്ന് അറിയിക്കാമോ;

റാഫ്റ്റിംഗിനും കയാക്കിംഗിനും സാധ്യതയുളള നദികളെ കോര്‍ത്തിണക്കി സാഹസിക വിനോദസഞ്ചാര ഇടനാഴി രൂപീകരിക്കുന്ന കാര്യം പരിഗണിക്കുന്നുണ്ടോ; വ്യക്തമാക്കുമോ;

ലോക ടൂറിസം മേഖലയിലെ മാറ്റങ്ങള്‍ സൂക്ഷ്മമായി നിരീക്ഷിച്ച് പുതിയ അഭിരുചികള്‍ക്കനുസൃതമായി സംസ്ഥാനത്തെ വിനോദസഞ്ചാര മേഖലയെ നവീകരിക്കുന്നതിന് നടത്തുന്ന പ്രവര്‍ത്തനങ്ങള്‍ എന്തെല്ലാമാണ്; വിശദമാക്കുമോ?

വിഴിഞ്ഞം തുറമുഖ നിര്‍മ്മാണവുമായി ബന്ധപ്പെട്ട് ചരക്കുനീക്കം സുഗമമാക്കുന്നതിനും ഗതാഗത സൗകര്യങ്ങള്‍ വിപുലീകരിക്കുന്നതിനും ലക്ഷ്യമിട്ട് സര്‍ക്കാര്‍ ആരംഭിച്ചിട്ടുള്ള വിവിധ പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

ഇതുമായി ബന്ധപ്പെട്ട പ്രവര്‍ത്തനങ്ങള്‍ക്കായി ഭൂമി വിട്ടുനല്‍കിയിട്ടുള്ള ജനങ്ങള്‍ക്ക് ഉപകാരപ്രദമാകുന്ന തരത്തില്‍ എന്തൊക്കെ പ്രവര്‍ത്തനങ്ങളാണ് നടത്തിയിട്ടുള്ളതെന്ന് വിശദമാക്കുമോ;

തുറമുഖ നിര്‍മ്മാണവുമായി ബന്ധപ്പെട്ട താെഴില്‍ നെെപുണ്യ പരിശീലനത്തിനായുള്ള കമ്മ്യൂണിറ്റി സ്കില്‍ പാര്‍ക്കിന്റെ നിര്‍മ്മാണത്തിലെ പുരോഗതി വിശദമാക്കുമോ?

അശാസ്ത്രീയ നിർമ്മാണവും പരിപാലന വീഴ്ചയും മൂലം സംസ്ഥാനത്തെ മിക്കറോഡുകളും സഞ്ചാരയോഗ്യമല്ലാതെ ശോച്യാവസ്ഥയിലാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ പരിശോധിച്ചിട്ടുണ്ടോ;

ജല അതോറിറ്റി ​പൈപ്പുകൾ സ്ഥാപിക്കുന്നതിനും കേബിളുകൾക്ക് വേണ്ടി റോഡുകൾ വെട്ടിമുറിക്കുന്നതിനും മുമ്പായി ബന്ധപ്പെട്ട വകുപ്പുകളുടെ ഏകോപനം ഉണ്ടാക്കണമെന്നുള്ള നിർദേശം നൽകിയിട്ടുണ്ടോ;

അറ്റകുറ്റപ്പണികൾ യഥാസമയം പൂർത്തിയാക്കി റോഡുകളുടെ ശോച്യാവസ്ഥ പരിഹരിക്കുന്നതിനായി എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

മുഖ്യമന്ത്രിയുടെ ദുരിതാശ്വാസ നിധിയുടെ പ്രവർത്തനവുമായി ബന്ധപ്പെട്ട് റവന്യൂ വകുപ്പിന്റെ ചുമതലകൾ എന്തൊക്കെയാണെന്ന് വിശദമാക്കാമോ;

മുഖ്യമന്ത്രിയുടെ ദുരിതാശ്വാസ നിധിയിലൂടെ അനര്‍ഹർക്ക് തുക നേടിക്കൊടുക്കാൻ റവന്യൂ വകുപ്പിലെ ഉദ്യോഗസ്ഥർ കൂട്ടുനിന്നുവെന്ന ആരോപണത്തിന്മേല്‍ പരിശോധന നടത്തിയിട്ടുണ്ടോ;

എങ്കിൽ പരിശോധനയിലെ പ്രധാനപ്പെട്ട കണ്ടെത്തലുകൾ എന്തൊക്കെയാണെന്ന് വിശദമാക്കാമോ?

സംസ്ഥാനത്തെ, മെഡിക്കൽ വാല്യൂ ടൂറിസം ഹബ്ബാക്കി മാറ്റുന്നതിന് ആരോഗ്യ, വിനോദസഞ്ചാര വകുപ്പുകള്‍ യോജിച്ച് പ്രവർത്തിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ആതുര സേവന രംഗത്ത് മികച്ച നിലയിൽ പ്രവർത്തിക്കുന്ന സ്ഥാപനങ്ങളുടെ ശ്രേണിയെ സംസ്ഥാനത്തിന്റെ മികച്ച ടൂറിസം പ്രോഡക്ടായി അവതരിപ്പിക്കുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ;

പൊതു, സ്വകാര്യ പങ്കാളിത്തത്തോടുകൂടി സർക്കാർ അധീനതയിലുള്ള സ്പെഷ്യാലിറ്റി ആശുപത്രികളിലും മെഡിക്കൽ കോളജുകളിലും മെഡിക്കൽ ടൂറിസം പ്രോജക്ടുകൾ ആരംഭിക്കുന്നതിനുള്ള സാധ്യതകൾ പരിശോധിച്ചിട്ടുണ്ടോ; വിശദമാക്കുമോ;

സ്വകാര്യ ആശുപത്രികൾ മെഡിക്കൽ വാല്യൂ ടൂറിസം പ്രോജക്ടിന്റെ ഭാഗമാക്കുന്നതിന് നിബന്ധനകൾ നിശ്ചയിച്ചിട്ടുണ്ടോ; എങ്കിൽ വിശദമാക്കുമോ?

സംസ്ഥാന സര്‍ക്കാരിന്റെ മൂന്നാം നൂറ് ദിന കര്‍മ്മ പരിപാടിയുടെ ഭാഗമായി റവന്യൂ വകുപ്പ് നൂറ് ദിനം ഇരുനൂറ് പദ്ധതികള്‍ വിഭാവനം ചെയ്തിട്ടുണ്ടോ;

മൂന്നാം നൂറ് ദിന പരിപാടിയുടെ ഭാഗമായി റവന്യൂ വകുപ്പിന് കീഴില്‍ എത്ര തൊഴില്‍ ദിനങ്ങള്‍ സൃഷ്ടിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ;

ഇതുമായി ബന്ധപ്പെട്ട് നടപ്പാക്കാനുദ്ദേശിക്കുന്ന പ്രധാന പ്രവര്‍ത്തനങ്ങള്‍ എന്തൊക്കെയാണ്; വിശദാംശം നല്‍കുമോ?