സംസ്ഥാനത്ത് വളത്തിന്റെയും കൃഷിക്കാവശ്യമായ രാസവസ്തുക്കളുടെയും വിലവർദ്ധനവ് കാരണം കർഷകർ പ്രതിസന്ധിയിലായ സാഹചര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

കൃഷിക്കാവശ്യമായ വളവും രാസവസ്തുക്കളും കുറഞ്ഞ നിരക്കിൽ ലഭ്യമാക്കാൻ ഇടപെടൽ നടത്തുന്നുണ്ടോയെന്ന് വ്യക്തമാക്കുമോ;

വളത്തിന്റെയും രാസവസ്തുക്കളുടെയും വില നിയന്ത്രണവിധേയമാക്കാനും സബ്സിഡി വർദ്ധിപ്പിക്കാനും കേന്ദ്ര സർക്കാരിൽ സമ്മർദ്ദം ചെലുത്തുമോയെന്നും ഇതിനായി നാളിതുവരെ എന്തെങ്കിലും നടപടികൾ സ്വീകരിച്ചിട്ടുണ്ടോയെന്നും അറിയിക്കുമോ?

സംസ്ഥാനത്തിന് ഭക്ഷ്യ സ്വയംപര്യാപ്തത കൈവരിക്കുന്നതിനായി എല്ലാ കുടുംബങ്ങളിലും കാർഷികസംസ്കാരം വളർത്തിയെടുക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ;

എല്ലാ കുടുംബങ്ങളിലും കൃഷി പ്രോത്സാഹിപ്പിക്കുന്നതിന് നടപ്പിലാക്കി വരുന്ന പ്രധാന പദ്ധതികളുടെ വിശദാംശം ലഭ്യമാക്കുമോ;

തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ സംസ്ഥാനത്ത് കൃഷി വ്യാപിപ്പിക്കുന്നതിന് നടപ്പിലാക്കിയിട്ടുള്ള ഞങ്ങളും കൃഷിയിലേക്ക് പദ്ധതിയുടെ പ്രവർത്തനപുരോഗതി വിലയിരുത്തിയിട്ടുണ്ടോ; ഈ പദ്ധതിയുടെ തുടർച്ചയായി പുതിയ പദ്ധതികൾ വിഭാവനം ചെയ്തിട്ടുണ്ടോ; വിശദമാക്കാമോ;

കൃഷി അഭിവൃദ്ധിപ്പെടുത്തുന്നതുമായി ബന്ധപ്പെട്ട് ഉൽപാദന, മൂല്യവർധിത, സേവന മേഖലകളിൽ രൂപീകരിച്ചിട്ടുള്ള കൃഷിക്കൂട്ടങ്ങളുടെ ശാക്തീകരണത്തിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കുമോ?

ദേശീയ വിദ്യാഭ്യാസനയം മുന്നോട്ടു വയ്ക്കുന്ന കരിക്കുലം ചട്ടക്കൂടിന്റെ സ്വഭാവത്തില്‍നിന്നും ഏതെല്ലാം തരത്തിലാണ് കേരളം നിർദ്ദേശിക്കുന്ന കരിക്കുലം ചട്ടക്കൂട് വ്യത്യസ്തമായിരിക്കുന്നത്; കേരളത്തിന്റേതായ പ്രായോഗിക ബദലുകള്‍ എങ്ങനെയാണ് ഉള്‍ച്ചേര്‍ത്തിരിക്കുന്നത് എന്നറിയിക്കുമോ; വിശദാംശം നല്‍കുമോ;

മികവിനും ഗുണനിലവാരത്തിനുമൊപ്പം പ്രാപ്യതയും തുല്യതയും ഉറപ്പുവരുത്തണമെന്ന കാഴ്ചപ്പാട് കേരളം മുന്നോട്ടുവയ്ക്കുന്നുണ്ടോ; വിശദമാക്കുമോ?

ഡെറാഡൂണിൽ നടന്ന 38-ാമത് ദേശീയ ഗെയിംസിൽ, ചരിത്രത്തിലാദ്യമായി സംസ്ഥാനം പതിനാലാം സ്ഥാനത്തേക്ക് പിന്തളളപ്പെട്ടതിന്റെ കാരണങ്ങൾ വിലയിരുത്തിയിട്ടുണ്ടോ; വ്യക്തമാക്കുമോ;

കായിക സംഘടനകൾ സർക്കാർ ഫണ്ട് ദുരുപയോഗം ചെയ്യുന്നതായി കണ്ടെത്തിയിട്ടുണ്ടോ; വിശദാംശം നല്‍കുമോ;

കായികമേഖലയുടെ പ്രവർത്തനം മെച്ചപ്പെടുത്തുന്നതിനായി പുതിയ പദ്ധതികൾ ആവിഷ്ക്കരിക്കാൻ ഉദ്ദേശിക്കുന്നുണ്ടോ; വ്യക്തമാക്കുമോ;

കായിക സംഘടനകൾക്കുളള സഹായം നൽകുന്നതിൽ കുടിശിക വരുത്തിയിട്ടുണ്ടോ; വിശദമാക്കുമോ?

കര്‍ഷകരില്‍നിന്നും ശേഖരിക്കുന്ന പാല്‍ സംസ്ക്കരിക്കുന്നതിന്റെ ഭാഗമായി ക്ഷീരസംഘങ്ങള്‍ക്കുണ്ടാകുന്ന ബാധ്യത പരിഹരിക്കുന്നതിനായി പ്രത്യേക നടപടികള്‍ സ്വീകരിച്ചിട്ടുണ്ടാേ; അറിയിക്കുമാേ;

ക്ഷീരസംഘങ്ങള്‍ സംഭരിക്കുന്ന പാല്‍ സംസ്ക്കരിക്കുന്നതിന് ആവശ്യമായി വരുന്ന ഊര്‍ജ്ജം, മലിനജല സംസ്ക്കരണസംവിധാനം എന്നിവ പാല്‍ സംസ്ക്കരണപ്ലാന്റുകള്‍ക്ക് ലഭ്യമാക്കുന്നതിന് പദ്ധതികള്‍ ആവിഷ്ക്കരിച്ചിട്ടുണ്ടാേ; വിശദമാക്കുമാേ?

സംസ്ഥാനത്ത് കാർഷിക വിപണന സംവിധാനം ഒരുക്കുന്നതിനായി രൂപീകരിച്ച കാബ്കോ (കേരള അഗ്രോ ബിസിനസ്സ് കമ്പനി)യുടെ ഓഹരി നബാർഡ് എടുക്കുന്നതിന് ധാരണയായിട്ടുണ്ടോ; വിശദമാക്കുമോ;

കമ്പനിയിൽ സർക്കാരിന്റെ ഓഹരി വിഹിതം എത്രയുണ്ടെന്ന് വ്യക്തമാക്കാമോ; വ്യക്തിഗത കൃഷിക്കാർക്കും കർഷക കൂട്ടായ്മകൾക്കും ഓഹരി ലഭ്യമാണോ; വിശദാംശം ലഭ്യമാക്കുമോ;

കാബ്കോയുമായി നബാർഡിനെ സഹകരിപ്പിക്കുന്നതിലൂടെ കാർഷികോല്പന്ന വിപണന രംഗത്ത് പൊതുവായി എന്തെല്ലാം നേട്ടങ്ങളാണ് പ്രതീക്ഷിക്കുന്നത്; വിശദമാക്കുമോ?

സംസ്ഥാനത്തെ സര്‍വകലാശാലകളെയെല്ലാം ഒരു കുടക്കീഴിലാക്കുക എന്ന ലക്ഷ്യത്തോടെ പ്രത്യേക പദ്ധതി ആരംഭിച്ചിട്ടുണ്ടോ; വിശദമാക്കുമോ;

പ്രസ്തുത പദ്ധതി പൂര്‍ത്തിയാകുന്നതോടെ എല്ലാ സ്ഥാപനങ്ങള്‍ക്കും പരസ്പരപൂരക സ്വഭാവത്തോടെ മുന്നേറാന്‍ എത്രത്തോളം സഹായകമാവുമെന്ന് വ്യക്തമാക്കാമോ;

വിദ്യാര്‍ത്ഥി പ്രവേശനം മുതല്‍ സര്‍ട്ടിഫിക്കറ്റ് വിതരണം വരെയുള്ള പ്രക്രിയയിലെ വിവരശേഖരണവും സൂക്ഷിപ്പും പ്രസ്തുത സംവിധാനം വഴിയാക്കുമോ; വിശദാംശം നല്‍കാമോ?

നാലുവർഷ ബിരുദപ്രോഗ്രാം എന്താണെന്നും ഇതിന്റെ സവിശേഷതകൾ എന്തെല്ലാമെന്നും വിശദമാക്കുമോ; ബിരുദപഠനത്തിന് തിരഞ്ഞെടുക്കാവുന്ന പാത്ത്‌വേകൾ ഏതെല്ലാമെന്നറിയിക്കുമോ; വ്യക്തമാക്കുമോ;

നാലുവർഷ ബിരുദ കോഴ്സുകൾ നടപ്പിൽ വരുത്തിയതിനു ശേഷമുള്ള സ്ഥിതിഗതികൾ വിലയിരുത്തിയിട്ടുണ്ടോ; പ്രസ്തുത കോഴ്‌സിലെ കുട്ടികളുടെ ആദ്യ സെമസ്റ്റർ പരീക്ഷകൾ നടത്തുകയും അവയുടെ മൂല്യനിർണയം പൂർത്തീകരിക്കുകയും ചെയ്തിട്ടുണ്ടോ; വിശദീകരിക്കുമോ;

വിദ്യാർത്ഥികൾക്കാവശ്യമായ സ്കിൽ, തൊഴിൽ പരിശീലന കോഴ്സുകൾ ആരംഭിച്ചിട്ടുണ്ടോ; വ്യക്തമാക്കുമോ;

ഇവർക്കാവശ്യമായ ഓൺലൈൻ കോഴ്സുകൾ ലഭ്യമാക്കുന്നതിനുള്ള നടപടികൾ എതു ഘട്ടത്തിലാണെന്ന് വിശദീകരിക്കാമോ;

ഓണേഴ്സ് വിത്ത് റിസർച്ച് പ്രോഗ്രാമിന്റെ ഉദ്ദേശ്യലക്ഷ്യം എന്തെന്ന് വിശദീകരിക്കുമോ?

കാർഷിക മേഖലയുടെ സമഗ്ര വികസനം ലക്ഷ്യമാക്കിയുള്ള കൃഷി ഭവനുകളുടെ പ്രവർത്തനം വിലയിരുത്തിയിട്ടുണ്ടോ;

കർഷകരുമായി ആശയവിനിമയം നടത്താനുളള സൗകര്യവും തൈകൾ, വിത്തുകൾ, യന്ത്രങ്ങൾ എന്നിവ സൂക്ഷിക്കുന്നതിനുളള സ്ഥലവും ഇല്ലാത്ത കൃഷി ഭവനുകളില്‍ പ്രസ്തുത പ്രശ്നം പരിഹരിക്കാൻ നടപടി സ്വീകരിക്കുമോ;

കൃഷി ഭവനുകളുടെ ഭൗതിക സാഹചര്യം മെച്ചപ്പെടുത്തി കർഷകർക്ക് മെച്ചപ്പെട്ട സേവനം ലഭ്യമാക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

തെങ്ങ് കൃഷിയില്‍ സാങ്കേതികവിദ്യകള്‍ സ്വീകരിക്കുന്നതിനും ശാസ്ത്രീയ പരിപാലന രീതികളുടെ പ്രാധാന്യത്തെക്കുറിച്ച് അവബോധം സൃഷ്ടിക്കുന്നതിനും പ്രത്യേകമായ ക്യാമ്പയിന്‍ സംഘടിപ്പിച്ചിട്ടുണ്ടോ; എങ്കില്‍ എന്തെല്ലാം കാര്യങ്ങളാണ് ക്യാമ്പയിനില്‍ ഉള്‍പ്പെട്ടിട്ടുളളത്; വിശദാംശം നല്‍കാമോ;

നാളികേരാധിഷ്ഠിത മൂല്യവര്‍ദ്ധിത ഉല്പന്നങ്ങളുടെ നിര്‍മ്മാണം പ്രോത്സാഹിപ്പിക്കുന്നതിനായി സ്വീകരിച്ചുവരുന്ന നടപടികള്‍ വിശദമാക്കുമോ?

ഈ സർക്കാർ വന്നശേഷം നാഷണല്‍ അസസ്‍മെന്റ് ആന്റ് അക്രഡിറ്റേഷന്‍ കൗണ്‍സിലിന്റെ അംഗീകാര പരിശോധനയില്‍ സംസ്ഥാന സര്‍വ്വകലാശാലകള്‍ക്ക് ഉയര്‍ന്ന ഗ്രേഡുകള്‍ ലഭിച്ചിട്ടുണ്ടോ; എങ്കിൽ ഏതൊക്കെ സര്‍വ്വകലാശാലകള്‍ക്ക് ഏതൊക്കെ ഗ്രേഡുകളാണ് ലഭിച്ചിട്ടുള്ളതെന്ന് അറിയിക്കുമോ;

ഉയര്‍ന്ന ഗ്രേഡുകള്‍ ലഭിക്കുന്നതിനടിസ്ഥാനമായി എന്തൊക്കെ അക്കാദമിക, അക്കാദമികേതര പ്രവര്‍ത്തനങ്ങളാണ് സര്‍വ്വകലാശാലകളില്‍ നടത്തി വരുന്നത്; വിശദാംശങ്ങള്‍ നല്‍കാമോ?

സംസ്ഥാനത്ത് എത്തിച്ചേരുന്ന പച്ചക്കറികളിലും പഴങ്ങളിലും അമിതമായ തോതിൽ കീടനാശിനികൾ ഉളളതായി കണ്ടെത്തിയിട്ടുണ്ടോയെന്ന് അറിയിക്കുമോ;

ഇതര സംസ്ഥാനങ്ങളിൽനിന്നും കൊണ്ടുവരുന്ന പച്ചക്കറികളില്‍ കീടനാശിനികളുടെ സാന്നിധ്യം പരിശോധിക്കുന്നതിന് നിലവിലുളള സംവിധാനങ്ങൾ ഫലപ്രദമാണോയെന്ന് വിലയിരുത്തിയിട്ടുണ്ടോ;

കീടനാശിനികളുടെ സാന്നിധ്യം പരിശോധിക്കുന്നതിന് കൂടുതല്‍ ലബോറട്ടറികള്‍ സ്ഥാപിക്കാന്‍ നടപടി സ്വീകരിക്കുമോ; വ്യക്തമാക്കുമോ?

ഉന്നത വിദ്യാഭ്യാസ സ്ഥാപനങ്ങളിൽ റാഗിംഗ് തടയുന്നതിനായി ആന്റി റാഗിംഗ് കമ്മിറ്റി, ആന്റി റാഗിംഗ് സ്ക്വാഡ് എന്നിവ രൂപീകരിക്കണമെന്ന് യു.ജി.സി. മാർഗ്ഗ രേഖയിൽ നിർദ്ദേശിച്ചിട്ടുണ്ടോ; വിശദമാക്കുമോ;

ഇപ്രകാരമുളള കമ്മിറ്റികൾ ഉന്നത വിദ്യാഭ്യാസ സ്ഥാപനങ്ങളിൽ പ്രവർത്തിക്കുന്നുണ്ടോ; വ്യക്തമാക്കുമോ;

റാഗിംഗ് നടത്തുന്നവർക്ക് കടുത്ത ശിക്ഷ ഉറപ്പുവരുത്താനും റാഗിംഗ് തടയാനും എന്തെല്ലാം നടപടികൾ സ്വീകരിക്കാനാണുദ്ദേശിക്കുന്നത് എന്നറിയിക്കുമോ; വിശദമാക്കുമോ?

ഗുണനിലവാരമുളള മാംസോത്പന്നങ്ങളുടെ ഉല്പാദനവും വിപണനവും ലക്ഷ്യമിട്ട് ആവിഷ്കരിച്ച് നടപ്പിലാക്കി വരുന്ന പദ്ധതികള്‍ എന്തെല്ലാമാണെന്ന് വ്യക്തമാക്കുമോ;

അറവുപ്രവൃത്തികൾക്ക് ആധുനികവും ശാസ്ത്രീയവുമായ അടിസ്ഥാനസൗകര്യങ്ങള്‍ ഉറപ്പുവരുത്തുവാൻ നടപടി സ്വീകരിച്ചിട്ടുണ്ടോ;

മാംസം കൊണ്ടുള്ള മൂല്യവര്‍ദ്ധിത ഉത്പന്നങ്ങൾ പ്രോത്സാഹിപ്പിക്കുന്നതിനായി നടപടി സ്വീകരിച്ചിട്ടുണ്ടോ; വിശദമാക്കുമോ?

സംസ്ഥാനത്ത് ഇലക്ട്രിക് വെഹിക്കിള്‍ പോളിസി നടപ്പിലാക്കിയിട്ടുണ്ടോ; പാരമ്പര്യേതര ഊര്‍ജ്ജ ഉപഭോഗം വര്‍ദ്ധിപ്പിക്കുന്നതിനും പാരിസ്ഥിതികാഘാതം ലഘൂകരിക്കുന്നതിനും പ്രസ്തുത പോളിസി എത്രത്തോളം സഹായകമാണെന്ന് വ്യക്തമാക്കുമോ; വിശദാംശം നല്‍കുമോ;

പ്രസ്തുത പോളിസി മോട്ടോര്‍ വാഹന വകുപ്പില്‍ നടപ്പാക്കുന്നതിന്റെ ഭാഗമായി പുതുതായി രജിസ്ട്രേഷന്‍ നടത്തുന്ന ഓട്ടോറിക്ഷകള്‍ക്ക് സബ്സിഡി നല്‍കുന്ന പദ്ധതി ആവിഷ്കരിച്ചിട്ടുണ്ടോ; വ്യക്തമാക്കുമോ?

2030-ൽ റോഡപകടങ്ങൾ പകുതിയായി കുറയ്ക്കുക എന്ന ലക്ഷ്യത്തോടുകൂടി നാറ്റ്പാക് എന്തെങ്കിലും പദ്ധതി തയ്യാറാക്കി ഗതാഗതവകുപ്പിന് സമർപ്പിച്ചിട്ടുണ്ടോ; വ്യക്തമാക്കുമോ;

പ്രസ്തുത പദ്ധതിക്ക് കേന്ദ്രസഹായം ലഭ്യമാണോ; വിശദമാക്കുമോ;

അപകടമേഖലകളായ ബ്ലാക്ക്സ്പോട്ടുകൾ പുതുക്കി നിർണ്ണയിക്കാനും പ്രസ്തുത മേഖലകളിൽ ഗതാഗതവകുപ്പ് ഉദ്യോഗസ്ഥരെ നിരന്തരനിരീക്ഷണത്തിന് നിയോഗിക്കാനും ആലോചനയുണ്ടോയെന്ന് വ്യക്തമാക്കുമോ?

സംസ്ഥാനത്ത് പ്രവര്‍ത്തിക്കുന്ന പല ക്ഷീരസംഘങ്ങള്‍ക്കും സ്വന്തമായി കെട്ടിടങ്ങളില്ലാത്തത് അവയുടെ പ്രവര്‍ത്തനങ്ങളെ പ്രതികൂലമായി ബാധിക്കുന്നത് ശ്രദ്ധയില്‍പ്പെട്ടിട്ടുണ്ടാേ; അറിയിക്കുമോ;

ക്ഷീരസംഘങ്ങള്‍ക്ക് സ്വന്തമായി സ്ഥലം വാങ്ങുന്നതിന് ധനസഹായം ലഭ്യമാക്കുന്നതിന് പദ്ധതി ആവിഷ്കരിച്ചിട്ടുണ്ടാേ; ഇത് ക്ഷീരസംഘങ്ങള്‍ക്ക് എത്രത്താേളം സഹായകമാണ്; വിശദാംശം ലഭ്യമാക്കുമാേ;

ക്ഷീരസംഘങ്ങളില്‍ ആവശ്യമായ ഊര്‍ജ്ജലഭ്യത, മലിനജല സംസ്ക്കരണം എന്നിവയ്ക്കായി പ്രത്യേക പദ്ധതികള്‍ ആവിഷ്ക്കരിച്ചിട്ടുണ്ടാേ; വിശദമാക്കുമാേ?

സംസ്ഥാനത്തെ നാളികേര കര്‍ഷകര്‍ നേരിടുന്ന പ്രധാന പ്രശ്നങ്ങള്‍ എന്തെല്ലാമാണെന്ന് വിലയിരുത്തിയിട്ടുണ്ടോ; വ്യക്തമാക്കുമോ;

നാളികേര ഉല്പാദനചെലവ് കുറയ്ക്കുന്നതിനും ഉല്പാദനക്ഷമത വര്‍ദ്ധിപ്പിക്കുന്നതിനും വിഭാവനം ചെയ്തിട്ടുള്ള പദ്ധതികളുടെ വിശദാംശം നല്‍കുമോ;

ഈ രംഗത്ത് യന്ത്രവല്‍ക്കരണം സാധ്യമാക്കുന്നതിന് ആവശ്യമായ പ്രവർത്തനങ്ങള്‍ നടപ്പാക്കുന്നതിനും തെങ്ങുകയറ്റ തൊഴിലാളികളുടെ കൂട്ടായ്മകള്‍ രൂപീകരിച്ച് യഥാസമയം തൊഴിലാളികളുടെ സേവനം ലഭ്യമാക്കുന്നതിനും നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്ത് തരിശുഭൂമിയില്‍ ഇടവിള കൃഷിക്ക് ഉപയാേഗിക്കാവുന്ന പ്രദേശങ്ങള്‍ ഏറ്റെടുത്ത് ആധുനിക കൃഷി രീതികള്‍ ഉപയാേഗിച്ച് ഉല്പാദനവും കാര്‍ഷിക വരുമാനവും വര്‍ദ്ധിപ്പിക്കുകയെന്ന ലക്ഷ്യത്താേടെ പുതിയ പദ്ധതിക്ക് രൂപം കാെടുത്തിട്ടുണ്ടാേ; എങ്കില്‍ പദ്ധതിയുടെ വിശദാംശം ലഭ്യമാക്കുമാേ;

ഭൂമിയുടെ ഉടമസ്ഥാവകാശം കെെമാറാതെ തന്നെ കൃഷിക്കായി ഭൂമി വിട്ടുനല്‍കുന്നതിന് പ്രസ്തുത പദ്ധതി വഴി സാധ്യമാണാേ; ഇതിലൂടെ ഭൂവുടമകള്‍ക്ക് വരുമാനം ലഭ്യമാക്കുമാേ; വിശദാംശം നല്‍കാമാേ;

കാര്‍ഷിക മേഖലയില്‍ പ്രവര്‍ത്തിക്കാന്‍ ഉദ്ദേശിക്കുന്ന ഭൂരഹിത യുവാക്കള്‍ക്ക് പ്രസ്തുത പദ്ധതി എത്രത്താേളം പ്രയാേജനകരമാണ്; വിശദമാക്കുമാേ?

റാഗിംഗ് ഒഴിവാക്കുന്നതിന് സംവിധാനങ്ങളും നിയമങ്ങളും നിലവിലുണ്ടെങ്കിലും സംസ്ഥാനത്തെ ഉന്നതവിദ്യാഭ്യാസ സ്ഥാപനങ്ങളിൽ റാഗിംഗ് വർധിച്ചുവരുന്നതായുള്ള വാർത്തകൾ ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഉന്നതവിദ്യാഭ്യാസ സ്ഥാപനങ്ങളിലെ റാഗിംഗ് വിരുദ്ധ സെല്ലുകളുടെ പ്രവർത്തനം കൂടുതൽ കാര്യക്ഷമമാക്കാൻ നടപടി സ്വീകരിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ;

റാഗിംഗിന് ഇരയാകുന്ന വിദ്യാർത്ഥികൾക്ക് നിർഭയമായി പരാതിപ്പെടുന്നതിനും അവർക്ക് ഉടനടി നീതി ലഭ്യമാക്കുന്നതിനും ജുഡീഷ്യൽ സംവിധാനം സജ്ജമാക്കുന്നതിന് ഉദ്ദേശിക്കുന്നുണ്ടോ; വിശദമാക്കുമോ?

പഞ്ചായത്ത് പ്രദേശങ്ങളില്‍ ഫാമുകള്‍ തുടങ്ങുന്നതിന് നിലവിലുളള ചട്ടങ്ങളില്‍ ഇളവുകള്‍ വരുത്തിയിട്ടുണ്ടോ; എങ്കില്‍ വ്യക്തമാക്കുമോ;

പ്രസ്തുത ഇളവുകൾ മൃഗസംരക്ഷണ ഫാമിംഗ് മേഖലയില്‍ കൂടുതല്‍ സംരംഭകര്‍ കടന്നുവരുന്നതിനും തൊഴിലവസരങ്ങള്‍ കൂടുതല്‍ സൃഷ്ടിക്കുന്നതിനും സഹായകമാവുമോ; വിശദാംശം നല്‍കാമോ;

പുതുക്കിയ ചട്ടങ്ങള്‍ പ്രകാരം ഏതൊക്കെ ഫാമുകള്‍ക്കാണ് ലെെസന്‍സ് ഒഴിവാക്കിയിട്ടുളളതെന്ന് വ്യക്തമാക്കാമോ; മറ്റ് എന്തൊക്കെ മാറ്റങ്ങളാണ് പ്രസ്തുത ചട്ടങ്ങളിൽ വരുത്തിയിട്ടുളളത്; വിശദമാക്കാമോ?

കായികമേഖലയെ ദേശീയ-അന്തര്‍ദേശീയ നിലവാരത്തിലേയ്ക്ക് ഉയര്‍ത്തുക എന്ന ലക്ഷ്യത്തോടെ നടപ്പിലാക്കുന്ന പദ്ധതികള്‍ എന്തെല്ലാമാണെന്ന് അറിയിക്കുമോ;

ഇതിനായി സംസ്ഥാന സ്പോർട്സ് കൗൺസിലും കേരള ഒളിമ്പിക് അസോസിയേഷനും നടത്തുന്ന പ്രവർത്തനങ്ങൾ എന്തൊക്കെയാണെന്ന് വ്യക്തമാക്കുമോ;

ലോകോത്തര നിലവാരത്തിലെത്താന്‍ സാധ്യതയുള്ള കുട്ടികളെ ചെറുപ്രായത്തില്‍ തന്നെ കണ്ടെത്തി ആയതിനുള്ള പരിശീലനം നൽകുന്നതിന് പ്രത്യേകം പദ്ധതി തയ്യാറാക്കിയിട്ടുണ്ടോയെന്ന് വിശദമാക്കുമോ?

കൃഷി, മൃഗപരിപാലനം, മത്സ്യകൃഷി എന്നിവ ഉള്‍പ്പെടുത്തി സംയോജിതകൃഷി നടത്തുന്ന മൃഗസംരക്ഷണമേഖലയിലെ ഫാം ടൂറിസം സാധ്യതകൾ വിലയിരുത്തിയിട്ടുണ്ടോ; വ്യക്തമാക്കുമോ;

മൃഗസംരക്ഷണമേഖലയിലെ കര്‍ഷകര്‍ക്ക് മെച്ചപ്പെട്ട വരുമാനം ഉറപ്പുവരുത്തുന്നതിന് ഫാം ടൂറിസം പദ്ധതി സഹായകമാകുമെന്ന് വിലയിരുത്തിയിട്ടുണ്ടോ; അറിയിക്കുമോ;

പ്രസ്തുത പദ്ധതി പ്രോത്സാഹിപ്പിക്കുന്നതിന് മൃഗസംരക്ഷണ വകുപ്പ് ടൂറിസം വകുപ്പുമായി സഹകരിച്ച് പദ്ധതികള്‍ നടപ്പിലാക്കുന്നതിന് ഉദ്ദേശിക്കുന്നുണ്ടോ; വിശദമാക്കുമോ;

ഫാം ടൂറിസത്തിലേക്ക് വിനോദസഞ്ചാരികളെ ആകർഷിക്കുന്നതിനും ഫാമുകളിൽ ഉൽപാദിപ്പിക്കുന്ന ഉത്പന്നങ്ങൾക്ക് മെച്ചപ്പെട്ട വിപണി കണ്ടെത്തുന്നതിനുമായി ഓൺലൈൻ സൗകര്യങ്ങള്‍ ഒരുക്കുന്നതിന് ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്ത് ഇലക്ട്രിക് വാഹനങ്ങളുമായി ബന്ധപ്പെട്ട ഗവേഷണ പ്രവര്‍ത്തനങ്ങള്‍ക്കായി പ്രത്യേക പദ്ധതിക്ക് രൂപം കൊടുത്തിട്ടുണ്ടോ; വ്യക്തമാക്കുമോ;

പ്രസ്തുത മേഖലയില്‍ ഗവേഷണവും പരിശീലനവും നല്‍കുന്നതിന് ഒരു സെന്റര്‍ ഓഫ് എക്സലന്‍സ് സ്ഥാപിക്കുന്നതിന് പദ്ധതിയുണ്ടോ; എങ്കിൽ എന്തൊക്കെ കാര്യങ്ങളാണ് ഇതിലൂടെ ഉദ്ദേശിക്കുന്നത്; വിശദമാക്കുമോ;

ഇ-മൊബിലിറ്റി പ്രൊമോഷന്റെ ഭാഗമായി എന്തെല്ലാം നടപടികളാണ് സ്വീകരിച്ചുവരുന്നതെന്നു വ്യക്തമാക്കുമോ?

സംസ്ഥാനത്ത് പഴവര്‍ഗ്ഗങ്ങളുടെ ഉല്പാദനവും ഉല്പാദനക്ഷമതയും മെച്ചപ്പെടുത്തുന്നതിനായി പഴവര്‍ഗ്ഗ വികസന പദ്ധതിക്ക് രൂപം കൊടുത്തിട്ടുണ്ടോ; എങ്കില്‍ ഇതിന്റെ ഭാഗമായി നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കുമോ;

ഫലവൃക്ഷ തൈകള്‍ നടുന്നതിനും ഫലവര്‍ഗ്ഗ കാര്‍ഷിക വിസ്തൃതി വ്യാപിപ്പിക്കുന്നതിനുമായി സ്വീകരിച്ചുവരുന്ന നടപടികള്‍ വിശദമാക്കുമോ;

പ്രസ്തുത നടപടികളിലൂടെ ലക്ഷ്യം കൈവരിക്കുന്നതിന് കഴിഞ്ഞിട്ടുണ്ടോ; വിശദാംശം വ്യക്തമാക്കുമോ?

കായികക്ഷമതയുള്ള യുവതലമുറയെ വാര്‍ത്തെടുക്കുകയെന്ന ലക്ഷ്യത്തോടെ ആവിഷ്കരിച്ചു നടപ്പിലാക്കിവരുന്ന പദ്ധതികള്‍ ഏതൊക്കെയാണെന്ന് വ്യക്തമാക്കുമോ;

കായികരംഗത്തേക്ക് യുവജനങ്ങളെ ആകര്‍ഷിക്കുന്നതിന് വേണ്ടി അടിസ്ഥാന സൗകര്യങ്ങള്‍ ഏര്‍പ്പെടുത്തുന്നതിനുള്ള പദ്ധതികള്‍ ഏതൊക്കെയെന്ന് അറിയിക്കാമോ;

പ്രത്യേക മികവ് പ്രദര്‍ശിപ്പിക്കുന്ന കായിക താരങ്ങള്‍ക്ക് വിദഗ്ദ്ധ പരിശീലനത്തിന് സൗകര്യം ഒരുക്കിയിട്ടുണ്ടോ; വിശദമാക്കുമോ?

സംസ്ഥാനത്ത് തദ്ദേശസ്വയംഭരണ സ്ഥാപനതലത്തില്‍ സ്പോര്‍ട്സ് കൗണ്‍സില്‍ രൂപീകരിക്കുവാന്‍ തീരുമാനിച്ചിട്ടുണ്ടോ;

കായികരംഗത്ത് എന്തെല്ലാം മാറ്റങ്ങളാണ് ഇതുവഴി ഉദ്ദേശിക്കുന്നത്; വിശദാംശം നല്‍കാമോ?

ട്രാന്‍സ്ജെൻഡറുകളുടെ സര്‍ഗാത്മക കഴിവുകളെ പ്രോത്സാഹിപ്പിക്കുന്നതിന്റെ ഭാഗമായി പ്രത്യേക കലാട്രൂപ്പ് ആരംഭിക്കാൻ തീരുമാനിച്ചിട്ടുണ്ടോ; പ്രസ്തുത പദ്ധതിയിലൂടെ എന്തൊക്കെ കാര്യങ്ങളാണ് ലക്ഷ്യമിടുന്നതെന്ന് വിശദമാക്കുമോ;

ഏതാെക്കെ കലാരൂപങ്ങള്‍ ഉള്‍പ്പെടുത്തിക്കൊണ്ടുളള പ്രോഗ്രാമാണ് സജ്ജമാക്കുന്നതെന്നും കൃത്യമായ വരുമാനം ഉറപ്പുവരുത്തുന്നുണ്ടോെയെന്നും വിശദമാക്കുമോ;

ട്രാന്‍സ്ജെൻഡറുകളുടെ സര്‍ഗാത്മക കഴിവുകള്‍ പ്രോത്സാഹിപ്പിക്കുന്നതിനായി മറ്റെന്തെല്ലാം നടപടികളാണ് സ്വീകരിച്ചുവരുന്നത്; വിശദമാക്കാമോ?

സംസ്ഥാനത്ത് ജലഗതാഗതം മെച്ചപ്പെടുത്താൻ സ്വീകരിച്ചുവരുന്ന നടപടി എന്തെല്ലാമാണെന്ന് വ്യക്തമാക്കുമോ;

ജലഗതാഗതത്തിനായി ഉപയോഗിക്കുന്ന പഴകിയ ബോട്ടുകൾ മാറ്റി പുതിയവ നൽകുന്നതിനും ബോട്ട് ജെട്ടികൾ നവീകരിക്കുന്നതിനും സ്വീകരിച്ചുവരുന്ന നടപടി എന്തെല്ലാമാണെന്ന് വ്യക്തമാക്കുമോ?

കെ.എസ്.ആര്‍.ടി.സി. ഡബിള്‍ ഡക്കര്‍ ബസ്സ് സര്‍വ്വീസ് എവിടെയെല്ലാമാണ് ആരംഭിച്ചതെന്ന് വ്യക്തമാക്കുമോ; വിശദാംശം ലഭ്യമാക്കുമോ;

ബസ്സുകളില്‍ രൂപമാറ്റം വരുത്തി ഡബിള്‍ ഡക്കര്‍ ബസ്സുകളില്‍ പൊതുജനങ്ങളെ കയറ്റി സര്‍വ്വീസ് നടത്തുന്നതിന് അനുമതി നല്‍കിയത് മോട്ടോര്‍ വാഹന ചട്ടത്തിലെ ഏത് വകുപ്പ് പ്രകാരമാണെന്ന് വ്യക്തമാക്കുമോ; ഇപ്രകാരം അനുമതി നല്‍കിയ ഉത്തരവിന്റെ പകർപ്പ് ലഭ്യമാക്കുമോ;

സംരക്ഷണ കവചവും മേല്‍മൂടിയുമില്ലാതെ ഡബിള്‍ ഡക്കര്‍ ബസ്സുകളില്‍ കുട്ടികള്‍ ഉള്‍പ്പെടെയുള്ളവര്‍ ഉല്ലാസയാത്ര ചെയ്യുമ്പോള്‍ വാഹനത്തിനോ യാത്രക്കാര്‍ക്കോ അപകടമുണ്ടായാല്‍ രൂപമാറ്റം വരുത്തി പൊതുനിരത്തില്‍ വാഹനം ഓടിക്കാന്‍ അനുവാദം നല്‍കിയ ഉദ്യോഗസ്ഥനില്‍നിന്നും നഷ്ടപരിഹാരം ഈടാക്കുന്നതിന് നടപടി സ്വീകരിക്കുമോ; വിശദമാക്കുമോ;

ടൂറിസം മേഖലയില്‍ സ്വകാര്യ വ്യക്തികള്‍ക്കും ടൂര്‍ ഓപ്പറേറ്റര്‍മാര്‍ക്കും ഇപ്രകാരം വാഹനങ്ങള്‍ രൂപമാറ്റം വരുത്തി ടൂര്‍ ഓപ്പറേറ്റ് ചെയ്യാന്‍ അനുവാദം നൽകാൻ വകുപ്പ് ഉദ്ദേശിക്കുന്നുണ്ടോ; അറിയിക്കുമോ?