കേരള ഫിനാൻഷ്യൽ കോർപ്പറേഷൻ മുഖേന നടപ്പാക്കുന്ന സംരംഭകത്വ വികസന പദ്ധതിയുടെ പുരോഗതി വിലയിരുത്തിയിട്ടുണ്ടോ; പ്രസ്തുത പദ്ധതി പ്രകാരം സംരംഭകർക്ക് എന്തെല്ലാം ഇളവുകളാണ് നല്‍കുന്നതെന്ന് അറിയിക്കുമോ;

കെ. എഫ്. സി. മുഖേന പുതിയ വ്യവസായ സംരംഭങ്ങള്‍ ആരംഭിക്കുന്നതിന് നടപ്പാക്കിയിട്ടുള്ള പ്രത്യേക വായ്പാ പദ്ധതി ആര്‍ക്കെല്ലാമാണ് പ്രയോജനപ്പെടുന്നതെന്ന് വ്യക്തമാക്കുമോ; പ്രസ്തുത പദ്ധതി കൂടുതല്‍ സംരംഭകര്‍ക്ക് പ്രയോജനപ്പെടുന്ന വിധത്തിൽ വിപുലീകരിക്കാന്‍ നടപടി സ്വീകരിക്കുമോ?

രാജ്യത്തെ മിസലേനിയസ് നോണ്‍ ബാങ്കിംഗ് കമ്പനികളില്‍ ആദ്യമായി ഒരു ലക്ഷം കോടിയുടെ ബിസിനസ് നേട്ടം കൈവരിക്കുന്നതിന് കെ. എസ്. എഫ്. ഇ. യ്ക്ക് കഴിഞ്ഞിട്ടുണ്ടോ; വിശദമാക്കാമോ;

എങ്കിൽ ഇത്തരമൊരു നേട്ടം കൈവരിക്കുന്നതിന് സര്‍ക്കാര്‍ നടത്തിയിട്ടുള്ള ഇടപെടലുകള്‍ വിലയിരുത്തിയിട്ടുണ്ടോ; വിശദമാക്കാമോ;

കെ. എസ്. എഫ്. ഇ. യുടെ ജനകീയ അടിത്തറ വിപുലീകരിക്കുന്നതിനായി ജനോപകാരപ്രദമായ എന്തെല്ലാം പദ്ധതികളാണ് നടപ്പിലാക്കി വരുന്നത്; വിശദാംശം നല്‍കാമോ?

കയര്‍ മേഖലയിലെ പ്രശ്നങ്ങള്‍ ചര്‍ച്ച ചെയ്യുന്നതിനും വിവിധ പ്രശ്നങ്ങളില്‍ സ്വീകാര്യമായ പരിഹാര മാര്‍ഗ്ഗങ്ങള്‍ ആരായുന്നതിനും ലക്ഷ്യമിട്ട് കയര്‍ കോണ്‍ക്ലേവ് സംഘടിപ്പിച്ചിട്ടുണ്ടോ; വിശദമാക്കുമോ;

കയര്‍ മേഖലയില്‍ നിലനില്‍ക്കുന്ന പ്രശ്നങ്ങള്‍ പരിഹരിക്കുന്നതിനായി രൂപീകരിച്ച വിദഗ്ദ്ധ സമിതിയുടെ റിപ്പോര്‍ട്ടിന്മേല്‍ സ്വീകരിച്ച നടപടികള്‍ വിലയിരുത്തിയിട്ടുണ്ടോ; വിശദാംശം നല്‍കുമോ;

ഇന്ത്യയ്ക്കുമേല്‍ അമേരിക്ക ചുമത്തിയിട്ടുള്ള അധിക തീരുവ കയര്‍ മേഖലയിലുണ്ടാക്കാവുന്ന പ്രത്യാഘാതങ്ങള്‍ പരിശോധിച്ചിട്ടുണ്ടോ; വ്യക്തമാക്കുമോ;

സംസ്ഥാനത്ത് വിവിധയിടങ്ങളില്‍ കയര്‍ പാര്‍ക്കുകള്‍ സ്ഥാപിക്കുന്നതിനുള്ള പദ്ധതികള്‍ പരിഗണനയിലുണ്ടോ; വിശദമാക്കുമോ?

കേന്ദ്ര സര്‍ക്കാര്‍ ഏർപ്പെടുത്തിയ ഇറക്കുമതി തീരുവയും കേന്ദ്ര ബജറ്റിലെ അവഗണനയും മൂലം പ്രതിസന്ധിയിലായ കശുവണ്ടി മേഖലയുടെ ഉന്നമനത്തിനായി ഈ സര്‍ക്കാര്‍ നടത്തിയിട്ടുള്ള പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കുമോ;

ഇന്ത്യന്‍ ഇറക്കുമതി ഉല്പന്നങ്ങളിന്മേൽ അമേരിക്ക ചുമത്തിയിട്ടുള്ള അധികചുങ്കം കശുവണ്ടി മേഖലയെ ഏതൊക്കെ രീതിയില്‍ ബാധിക്കുമെന്ന് പരിശോധിച്ചിട്ടുണ്ടോ; വിശദമാക്കുമോ;

കശുവണ്ടി മേഖലയുടെ സമഗ്ര പുനരുദ്ധാരണം ലക്ഷ്യമിട്ട് നടത്തിയ പഠനങ്ങള്‍ ഈ രംഗത്ത് നടപ്പാക്കി വരുന്ന പദ്ധതികള്‍ക്ക് മുതല്‍ക്കൂട്ടായിട്ടുണ്ടോ; വിശദമാക്കുമോ?

കേന്ദ്ര സര്‍ക്കാര്‍ നടപ്പാക്കിയിട്ടുള്ള ജി. എസ്. ടി. നിരക്ക് പരിഷ്കരണം സംസ്ഥാനത്തെ ലോട്ടറി മേഖലയില്‍ നികുതി വര്‍ദ്ധനവിന് കാരണമായിട്ടുണ്ടോ; വിശദമാക്കുമോ;

ലോട്ടറി മേഖലയുടെ തകര്‍ച്ചയ്ക്ക് വഴിയൊരുക്കാന്‍ സാധ്യതയുള്ള നികുതി പരിഷ്കരണത്തിന്റെ അനന്തര ഫലങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കുമോ;

സംസ്ഥാനത്തെ ലോട്ടറി മേഖലയിലെ തൊഴിലാളികളെയും കുടുംബാംഗങ്ങളെയും ബാധിക്കുന്ന നികുതി പരിഷ്കരണം പിന്‍വലിക്കണമെന്ന് കേന്ദ്ര സര്‍ക്കാരിനോട് അഭ്യര്‍ത്ഥിച്ചിട്ടുണ്ടോ; വ്യക്തമാക്കുമോ;

പ്രസ്തുത പരിഷ്കരണം പിന്‍വലിക്കുവാന്‍ കേന്ദ്ര സര്‍ക്കാര്‍ തയ്യാറാകാത്ത സാഹചര്യത്തില്‍ ഈ മേഖലയെ സംരക്ഷിക്കുന്നതിനായി സംസ്ഥാന സര്‍ക്കാര്‍ നടത്തുന്ന ഇടപെടലുകള്‍ വിശദമാക്കുമോ?

സംസ്ഥാനത്ത് പൊതുമേഖലാ സ്ഥാപനങ്ങളുടെ പ്രവര്‍ത്തനം മെച്ചപ്പെടുത്തുന്നതിനായി സ്വീകരിച്ച നടപടികള്‍ വിശദമാക്കുമോ;

വ്യവസായ വകുപ്പിന് കീഴിലുള്ള ഏതൊക്കെ സ്ഥാപനങ്ങളാണ് പുതിയതായി ഉല്പന്നങ്ങള്‍ വിപണിയില്‍ ഇറക്കിയതെന്ന് വ്യക്തമാക്കുമോ;

വ്യവസായ വകുപ്പിന്റെ എഞ്ചിനീയറിംഗ് സെക്ടറില്‍ പ്രവര്‍ത്തിക്കുന്ന സ്ഥാപനങ്ങളെ ശക്തിപ്പെടുത്തുന്നതിനായി സ്വീകരിച്ച കാതലായ നടപടികൾ വിശദമാക്കുമോ;

പൊതുമേഖലാ സ്ഥാപനങ്ങളുടെ ഉല്പന്നങ്ങളുടെ വിപണനത്തിനായി നടപ്പാക്കിയിട്ടുള്ള ഇ-കൊമേഴ്സ് സംവിധാനത്തെ കുറിച്ച് വിശദമാക്കുമോ;

പൊതുമേഖലാ സ്ഥാപനങ്ങളുടെ സ്റ്റാറ്റ്യൂട്ടറി കുടിശിക തീര്‍പ്പാക്കുന്നതിനായി പ്രത്യേക ധനസഹായം വകയിരുത്തിയിട്ടുണ്ടോ; വ്യക്തമാക്കുമോ?

ജി. എസ്. ടി. പരിഷ്കരിക്കുന്നതിലൂടെ നികുതി കുറയുന്നതിനനുസരിച്ച് ഉല്പന്നങ്ങളുടെ വിലയിലും കുറവ് ഉണ്ടാകുമെന്ന് ഉറപ്പാക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ;

നികുതി കുറയുന്നതിന്റെ ആനുകൂല്യം ഉല്പന്നങ്ങളുടെ അടിസ്ഥാന വില ഉയർത്തി ഉല്പാദകർ തട്ടിയെടുക്കുന്നതായി കണ്ടെത്തിയിട്ടുണ്ടോ; വ്യക്തമാക്കാമോ;

നികുതി ഘടനയിലെ മാറ്റങ്ങൾ ആഭ്യന്തര വിപണിയിൽ എങ്ങനെ പ്രതിഫലിക്കുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ?

സംസ്ഥാനത്തെ കാർബൺ ന്യൂട്രലായി മാറ്റുന്നത് ലക്ഷ്യമിട്ട് വൈദ്യുതി മേഖലയിൽ നടത്തുന്ന ഇടപെടലുകൾ വിലയിരുത്തിയിട്ടുണ്ടോ; വ്യക്തമാക്കാമോ;

സംസ്ഥാനത്തെ അംഗൻവാടികളിൽ കാർബൺ ന്യൂട്രൽ ഊർജ്ജ ഉപയോഗം പ്രോത്സാഹിപ്പിക്കുന്നത് ലക്ഷ്യമിട്ട് നടപ്പാക്കുന്ന അംഗൻജ്യോതി പദ്ധതിയുടെ നിലവിലെ സ്ഥിതിയെന്താണെന്ന് വിശദമാക്കാമോ;

ഊർജ്ജ സംരക്ഷണത്തിനും കാര്യക്ഷമമായ വൈദ്യുതി ഉപയോഗം പ്രോത്സാഹിപ്പിക്കുന്നതിനും ലക്ഷ്യമിട്ട് എനർജി മാനേജ്മെന്റ് സെന്റര്‍ നടത്തുന്ന പ്രവർത്തനങ്ങൾ വിശദമാക്കാമോ;

ഊർജ്ജ കാര്യക്ഷമതയിൽ രാജ്യത്തിന് മാതൃകയായി സംസ്ഥാനം നടത്തുന്ന ഇടപെടലുകളുടെ ഭാഗമായി ലഭിച്ചിട്ടുള്ള അംഗീകാരങ്ങൾ ഏതൊക്കെയാണെന്ന് വിശദമാക്കാമോ;

പ്രസ്തുത നേട്ടം കൈവരിക്കുന്നതിനായി നടപ്പാക്കുന്ന പദ്ധതികൾ സംബന്ധിച്ച വിശദാംശം നൽകാമോ?

കേരളത്തെ അത്യാധുനിക സാങ്കേതികവിദ്യയുടെ കേന്ദ്രമായി ലോകത്തിനുമുന്നില്‍ അവതരിപ്പിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

നൂതന സാങ്കേതികവിദ്യയിൽ അധിഷ്ഠിതമായ മികച്ച വ്യവസായ അന്തരീക്ഷം സൃഷ്ടിക്കുന്നതിന് വ്യവസായ-വാണിജ്യ വകുപ്പ് നടപടി സ്വീകരിച്ചിട്ടുണ്ടോ; വിശദമാക്കാമോ;

രാജ്യം റോബോട്ടിക്സ് മേഖലയില്‍ ഉയര്‍ന്ന വളര്‍ച്ചാനിരക്ക് പ്രതീക്ഷിക്കുന്നുണ്ട് എന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ഈ അനുകൂല സാഹചര്യം പൂര്‍ണ്ണമായും ഉപയോഗപ്പെടുത്താന്‍ സംസ്ഥാനം തയ്യാറെടുത്തിട്ടുണ്ടോ; വിശദമാക്കാമോ;

സംസ്ഥാനത്തിന്റെ പുത്തന്‍ വ്യവസായ നയത്തില്‍ മുന്‍ഗണനാ മേഖലകളിലൊന്നായി റോബോട്ടിക്സിനെ ഉള്‍പ്പെടുത്തിയിട്ടുണ്ടോ; ആരോഗ്യം, കൃഷി, വ്യവസായ ഓട്ടോമേഷന്‍ എന്നീ മേഖലകളിൽ റോബോട്ടിക്സിനെ വ്യാപകമായി സംയോജിപ്പിച്ചിട്ടുണ്ടോ; വിശദമാക്കാമോ?

സംസ്ഥാനത്ത് സാമ്പത്തികമായി പിന്നാക്കം നില്‍ക്കുന്ന ദുര്‍ബല വിഭാഗങ്ങള്‍ക്കും ഇടത്തരക്കാര്‍ക്കും മുതല്‍മുടക്കില്ലാതെ സൗജന്യമായി സൗരോര്‍ജ്ജ വൈദ്യുതി എത്തിക്കുന്നതു സംബന്ധിച്ചുള്ള നിര്‍ദേശങ്ങള്‍ പരിഗണനയിലുണ്ടോ; വിശദമാക്കാമോ;

പ്രസ്തുത നിര്‍ദേശം കൂടാതെ വൈദ്യുതി ഉപഭോക്താക്കള്‍ക്ക് ഗുണകരമായ റിന്യൂവബിൾ എനര്‍ജി ആന്റ് റിലേറ്റ‍ഡ് മാറ്റേഴ്സ് റെഗുലേഷന്‍സ് 2025-ലെ മറ്റ് നിര്‍ദേശങ്ങള്‍ എന്തൊക്കെയാണ്; വിശദമാക്കാമോ;

പാര്‍ശ്വവല്‍ക്കരിക്കപ്പെട്ട ജനവിഭാഗങ്ങള്‍ക്കായി സൗജന്യ വൈദ്യുതി എത്തിക്കുന്നത് ലക്ഷ്യമാക്കി നടപ്പാക്കുന്ന മറ്റ് പദ്ധതികള്‍ എന്തൊക്കെയാണ്; വിശദാംശം നല്‍കാമോ?

സംസ്ഥാനത്ത് വ്യവസായവകുപ്പിന് കീഴിൽ വീടുകളിൽ നാനോ വ്യവസായ പദ്ധതികൾ ആരംഭിക്കാൻ ഉദ്ദേശിക്കുന്നുണ്ടോ; വിശദമാക്കാമോ;

എങ്കിൽ പ്രസ്തുത പദ്ധതിക്കായി എന്തെല്ലാം ഇളവുകളാണ് നൽകാൻ ഉദ്ദേശിക്കുന്നതെന്ന് വിശദമാക്കാമോ;

നാനോ വ്യവസായ യൂണിറ്റുകളെ തദ്ദേശ സ്വയംഭരണ സ്ഥാപനങ്ങളുടെ പരിധിയിൽനിന്ന് ഒഴിവാക്കുന്നതിനും അവയുടെ വളർച്ചയ്ക്ക് ആവശ്യമായ പ്രോത്സാഹനം നൽകുന്നതിനുമായി എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

സംസ്ഥാനത്ത് വൈദ്യുതോല്പാപാദനത്തിൽ സ്വയംപര്യാപ്തത നേടുന്നതിന് സ്വീകരിക്കേണ്ട നടപടികളെ സംബന്ധിച്ച് പഠനം നടത്താൻ കെ. എസ്. ഇ. ബി. വിദഗ്ദ്ധ സംഘങ്ങളെ നിയോഗിച്ചിട്ടുണ്ടോ; വിശദാംശം നൽകാമോ;

നിലവിലുളള ജലവൈദ്യുത പദ്ധതികളുടെ ശേഷി വർദ്ധിപ്പിക്കുന്നതിനും പമ്പ്ഡ് സ്റ്റോറേജ് പദ്ധതി ആരംഭിക്കുന്നതിനും ഉദ്ദേശിക്കുന്നുണ്ടോ; വിശദമാക്കാമോ;

സൗരോർജ വൈദ്യുതി ശേഖരണത്തിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ?

വൈദ്യുതി മേഖലയെ സ്വകാര്യവത്ക്കരിക്കാനും കോര്‍പ്പറേറ്ററുകള്‍ക്ക് അടിയറ വയ്ക്കാനുമുള്ളതായി പറയപ്പെടുന്ന കേന്ദ്ര സര്‍ക്കാരിന്റെ നീക്കങ്ങളെ പ്രതിരോധിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

കാര്‍ഷിക മേഖലയെ സഹായിക്കുകയെന്ന നിലവിലെ സര്‍ക്കാരിന്റെ പ്രഖ്യാപിത നയത്തിനനുസരിച്ച് കാര്‍ഷിക മേഖലയിലെ മൂല്യവര്‍ദ്ധിത സംരംഭകര്‍ക്ക് കുറഞ്ഞ നിരക്കില്‍ വൈദ്യുതി ലഭ്യമാക്കുന്ന കാര്യം പരിഗണനയിലുണ്ടോ; വിശദമാക്കാമോ;

വൈദ്യുതി ലഭ്യമല്ലാത്ത ആദിവാസി ഊരുകള്‍ക്ക് വൈദ്യുതി കണക്ഷന്‍ ലഭ്യമാക്കുന്ന കാര്യത്തില്‍ പ്രത്യേക പരിഗണന നല്‍കുവാന്‍ ഉദ്ദേശിക്കുന്നുണ്ടോ; ആദിവാസി നഗറുകളിലെ വൈദ്യുതീകരണം എന്നത്തേക്ക് പൂർത്തിയാക്കാനാണ് ലക്ഷ്യമിടുന്നതെന്ന് വിശദമാക്കാമോ;

വൈദ്യുതി വിതരണ ശൃംഖലയുടെ പരിധിയില്‍ വരാത്ത വിദൂര പ്രദേശങ്ങളിലെ വീടുകള്‍ക്ക് വൈദ്യുതി എത്തിക്കാന്‍ ഉചിതമായ സാങ്കേതികവിദ്യാ സഹായം പ്രയോജനപ്പെടുത്താന്‍ ഉദ്ദേശിക്കുന്നുണ്ടോ; വിശദമാക്കാമോ?

2019 -ൽ ശബരിമല ശ്രീകോവിലിലെ ദ്വാരപാലക ശില്പം പൊതിഞ്ഞ സ്വർണ്ണപാളിയും പീഠവും അറ്റകുറ്റ പ്രവൃത്തികൾക്കുശേഷം തിരിച്ചെത്തിച്ചപ്പോൾ സ്വർണ്ണപാളികളുടെ ഭാരം നാലര കിലോയോളം കുറഞ്ഞുവെന്ന ഹൈക്കോടതി കണ്ടെത്തൽ ശ്രദ്ധയിൽപ്പെട്ടിട്ടുണ്ടോ;

ഹൈക്കോടതി നടത്തിയ പ്രസ്തുത കണ്ടെത്തലിന്മേൽ നടപടി സ്വീകരിക്കാത്തത് എന്തുകൊണ്ടാണെന്ന് വ്യക്തമാക്കാമോ;

പ്രസ്തുത സംഭവത്തിന്മേൽ വകുപ്പ് അന്വേഷണം നടത്തുമോ; വിശദമാക്കാമോ?

കേന്ദ്ര സർക്കാർ നടപ്പിലാക്കിയ ജി. എസ്. ടി. പരിഷ്കാരങ്ങൾ ഉൾപ്പെട്ട 5%, 12%, 18%, 28% തുടങ്ങിയ നികുതി സ്ലാബുകളിൽ നിന്ന് സംസ്ഥാനത്തിന്റെ മൊത്ത നികുതി വരുമാനത്തിന്റെ എത്ര ശതമാനമാണ് ലഭ്യമായിരുന്നുവെന്നത് വിശദമാക്കാമോ;

മറ്റു സംസ്ഥാനങ്ങളെ അപേക്ഷിച്ച് ഈ സ്ലാബുകളിൽ കേരളത്തിന്റെ നികുതി വിഹിതം താരതമ്യം ചെയ്തിട്ടുണ്ടോ; വിശദമാക്കുമോ;

പ്രസ്തുത പരിഷ്കാരം മൂലം സാധന-സേവനങ്ങള്‍ക്കായുള്ള നിരക്കില്‍ ഉണ്ടാകുന്ന കുറവ് ജനങ്ങളിൽ എത്തിക്കാൻ സ്വീകരിച്ച നടപടികൾ എന്തെല്ലാമാണെന്ന് വിശദമാക്കുമോ?

2019-ൽ ശബരിമല ശ്രീകോവിലിലെ ദ്വാരപാലക ശില്പം പൊതിഞ്ഞ സ്വർണ്ണപ്പാളിയും പീഠവും അറ്റകുറ്റ പ്രവൃത്തികൾക്കായി ചെന്നൈയിലെ സ്ഥാപനത്തിൽ എത്തിക്കുന്നതിന് മുൻപ് ഒരു മാസത്തിൽ കൂടുതൽ ദേവസ്വം അധികൃതർ കൈവശം വച്ചിരുന്നു എന്ന ഹൈക്കോടതി കണ്ടെത്തൽ ശ്രദ്ധയിൽപ്പെട്ടിട്ടുണ്ടോ;

ഇത്തരത്തിൽ സ്വർണ്ണപ്പാളിയും പീഠവും അനധികൃതമായി കൈവശം വയ്ക്കാനുണ്ടായ സാഹചര്യം വിശദമാക്കാമോ;

പ്രസ്തുത സംഭവത്തിന് ശേഷം സ്വർണ്ണപ്പാളിയുടെ ഭാരം കുറഞ്ഞു എന്ന് കോടതി കണ്ടെത്തിയിട്ടുണ്ടോ; എങ്കിൽ ഇക്കാര്യം ഗൗരവത്തോടെ കാണുന്നുണ്ടോയെന്ന് വ്യക്തമാക്കാമോ?

സംസ്ഥാനത്ത് വെയ്സ് ആൻഡ് മീൻസ് പരിധി 25 ലക്ഷത്തിൽ നിന്നും 10 ലക്ഷമായി കുറച്ചിട്ടുണ്ടോ; വിശദാംശം നൽകാമോ;

സംസ്ഥാനത്ത് സാമ്പത്തിക പ്രതിസന്ധി പരിഹരിക്കാൻ സ്വീകരിക്കുന്ന നടപടികൾ വിശദമാക്കാമോ?

ശബരിമലയിലെ സ്വർണ്ണപ്പാളി അടക്കമുള്ള വിലകൂടിയ വസ്തുക്കൾ അറ്റകുറ്റ പ്രവൃത്തികൾക്കായി കൊണ്ട് പോകുന്നതിന് ഹൈക്കോടതിയുടെ മുൻ‌കൂർ അനുമതി വേണമെന്ന് നിഷ്കർഷിക്കുന്നുണ്ടോ;

എങ്കിൽ ശ്രീകോവിലിലെ ദ്വാരപാലക ശില്പം പൊതിഞ്ഞ സ്വർണ്ണപാളി അറ്റകുറ്റ ജോലികൾക്കായി ചെന്നൈയിലേക്ക് കൊണ്ടുപോയത് ഹൈക്കോടതിയുടെ അനുമതിയോടെ ആയിരുന്നോ എന്ന് വ്യക്തമാക്കാമോ; ഇല്ലെങ്കിൽ കാരണം വിശദമാക്കാമോ?

സംസ്ഥാനത്തിന്റെ അടിസ്ഥാന സൗകര്യ വികസന ലക്ഷ്യങ്ങള്‍ സാക്ഷാത്കരിക്കുന്നതിനായി കിഫ്ബി നടത്തുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കാമോ;

രൂപീകരണ ലക്ഷ്യങ്ങള്‍ സാക്ഷാത്കരിക്കുന്ന വിധം കിഫ്ബിയെ ശക്തിപ്പെടുത്തുന്നതിനായി സ്വീകരിച്ച നടപടികൾ വിശദമാക്കാമോ;

കിഫ്‌ബി പൊതുമരാമത്ത് നിർമ്മാണ മേഖലയിൽ എത്ര രൂപയുടെ പദ്ധതികള്‍ക്കാണ് അംഗീകാരം നല്‍കിയിട്ടുള്ളത്; വ്യക്തമാക്കാമോ;

സംസ്ഥാനത്തെ വ്യവസായ രംഗത്ത് കിഫ്ബി നടപ്പാക്കുന്ന പദ്ധതികളുടെ ആകെ മൂല്യം എത്രയെന്ന് വിശദമാക്കാമോ?

സംസ്ഥാനത്ത് ക്വാറികളുടെ പ്രവർത്തനങ്ങൾ നിരീക്ഷിക്കാൻ നിലവിലുളള സംവിധാനങ്ങൾ എന്തെല്ലാമാണെന്ന് വ്യക്തമാക്കുമോ;

റവന്യൂ പുറംപോക്കുകളിൽ അനധികൃത പാറ ക്വാറികൾ പ്രവർത്തിക്കുന്നതായ റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ; എങ്കിൽ മൈനിംഗ് ആന്റ് ജിയോളജി വകുപ്പ് ഇതിന്മേൽ എന്ത് നടപടി സ്വീകരിച്ചുവെന്ന് വെളിപ്പെടുത്തുമോ;

ക്വാറിയിങ്ങിലെ നിയമ വിരുദ്ധ പ്രവർത്തനങ്ങളും അനധികൃത ഖനനവും കണ്ടെത്തി കർശന നടപടി സ്വീകരിക്കുന്നതിന് ഓരോ ജില്ലയിലും പോലീസ്, റവന്യൂ, മൈനിംഗ് ആന്റ് ജിയോളജി ഉദ്യോഗസ്ഥരെ ഉൾപ്പെടുത്തി ജില്ലാ സ്ക്വാഡുകൾ രൂപീകരിക്കുന്ന കാര്യം പരിഗണിക്കുമോയെന്ന് വ്യക്തമാക്കുമോ?

സംസ്ഥാനത്ത് ഇടത്തര-വന്‍കിട വ്യവസായങ്ങളുടെ പ്രോത്സാഹനത്തിനും വികസനത്തിനുമായി കേരള സംസ്ഥാന വ്യവസായ വികസന കോർപ്പറേഷൻ നടത്തുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കാമോ;

സംസ്ഥാനത്തെ വ്യവസായ വികസനത്തിന് മുതല്‍ക്കൂട്ടാകുന്ന തരത്തില്‍ വിവിധ വ്യവസായ പാര്‍ക്കുകളെ പ്രവര്‍ത്തന സജ്ജമാക്കുന്നതിന് കഴിഞ്ഞിട്ടുണ്ടോ; വിശദമാക്കാമോ;

സംസ്ഥാനത്ത് നടപ്പാക്കാൻ തീരുമാനിച്ചിട്ടുള്ള വിവിധ വ്യവസായ ഇടനാഴികളുടെ പ്രവര്‍ത്തന പുരോഗതി സംബന്ധിച്ച് അവലോകനം നടത്തിയിട്ടുണ്ടോ; വിശദമാക്കാമോ?

2019-ൽ ശബരിമല ശ്രീകോവിലിലെ ദ്വാരപാലക ശില്പം പൊതിഞ്ഞ സ്വർണ്ണപാളിയും പീഠവും അറ്റകുറ്റ പ്രവൃത്തികൾക്കായി കൊണ്ടുപോയി തിരിച്ചു കൊണ്ടുവന്നപ്പോൾ ഭാരം രേഖപ്പെടുത്തിയിരുന്നില്ലെന്ന ഹൈക്കോടതിയുടെ പരാമ‍ർശം ശ്രദ്ധയിൽപ്പെട്ടിട്ടുണ്ടോ; ഇവയുടെ ഭാരം രേഖപ്പെടുത്താത്തതിന്റെ കാരണം വിശദമാക്കാമോ;

1999-ൽ സ്വർണ്ണം പൂശിയ പാളി 2019-ൽ വീണ്ടും സ്വർണ്ണം പൂശാനുണ്ടായ കാരണം വ്യക്തമാക്കാമോ?

സംസ്ഥാനത്ത് തൊഴിൽ, സാമൂഹിക, സാമ്പത്തിക ക്ഷേമ രംഗങ്ങളില്‍ സഹകരണ മേഖലയുടെ ഇടപെടൽ കൂടുതൽ ശക്തിപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാനത്തെ ഐ. ടി., സയൻസ് ആൻഡ് ടെക്‌നോളജി പ്രൊഫഷണലുകളുടെ ക്ഷേമത്തിനായി കോ-ഓപ്പറേറ്റീവ് സൊസൈറ്റി രൂപീകരിച്ചിട്ടുണ്ടോ; വിശദമാക്കാമോ;

പ്രസ്തുത സൊസൈറ്റി വഴി ഐ. ടി. പ്രൊഫെഷണലുകൾക്ക് റീ സ്‌കിൽ - അപ് സ്കിൽ ട്രെയിനിങ്ങുകൾ, വിവിധ സോഫ്റ്റ്‌വെയർ സർവീസസ് എന്നിവ നടപ്പിലാക്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ;

കുറഞ്ഞ ചെലവില്‍ അഴിമതിരഹിതമായും ഗുണമേന്മയോടെയും നിർമ്മാണങ്ങൾ നടത്താനുള്ള കേരളത്തിന്റെ ബദൽ മാതൃകയായി തൊഴിൽകരാർ സഹകരണ സംഘങ്ങൾ മാറിയിട്ടുണ്ടോ; വിശദമാക്കാമോ?

കെ. എസ്. ഇ. ബി. യുടെ വിതരണ വിഭാഗത്തിലെ ജോലികൾക്കിടയിൽ സുരക്ഷാ വീഴ്ച മൂലം മരണം സംഭവിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം പരിശോധിച്ചിട്ടുണ്ടോയെന്ന് വ്യക്തമാക്കുമോ;

എല്ലാ ജോലികളും അംഗീകൃത എഞ്ചിനീയറുടെ മേൽനോട്ടത്തിൽ നടത്തുന്നതിനാവശ്യമായ നിർദേശം നൽകുമോ;

സുരക്ഷാ നിർദേശങ്ങൾ കർശനമായി പാലിക്കുന്നുണ്ടെന്ന് ഉറപ്പുവരുത്താൻ എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

പതിനാറാം ധനകാര്യ കമ്മീഷന്‍ തീര്‍പ്പുകള്‍ സംബന്ധിച്ച റിപ്പോര്‍ട്ട് എന്ന് പ്രസിദ്ധീകരിക്കുമെന്നാണ് സർക്കാർ കരുതുന്നത്; സംസ്ഥാനത്തിന് ഗുണകരമാകുന്ന എന്തൊക്കെ ശിപാർശകൾ പ്രസ്‌തുത റിപ്പോർട്ടിൽ ഉണ്ടാകുമെന്നാണ് പ്രതീക്ഷിക്കുന്നത്; വിശദമാക്കുമോ;

മുന്‍കാല ധനകാര്യ കമ്മീഷന്‍ തീര്‍പ്പുകളില്‍ നേരിട്ട വിവേചനം പരിഹരിക്കുന്നതിനും സംസ്ഥാന സമ്പദ്‍വ്യവസ്ഥയെ കൂടുതല്‍ പുരോഗതിയിലേയ്ക്ക് നയിക്കുന്നതിനും സഹായകമായ ഏതെല്ലാം നിര്‍ദേശങ്ങളാണ് ധനകാര്യ കമ്മീഷന്‍ മുമ്പാകെ അവതരിപ്പിച്ചിട്ടുള്ളത്; വിശദ വിവരം നൽകുമോ;

പതിനഞ്ചാം ധനകാര്യ കമ്മീഷന്‍ കാലയളവില്‍ നികുതി വിന്യാസത്തില്‍ ഉണ്ടായ കുറവ് എത്രയാണ്; ഈയിനത്തില്‍ ഈ സര്‍ക്കാരിന്റെ കാലയളവില്‍ ആകെ എത്ര തുകയാണ് കുറവ് വന്നതെന്ന് വ്യക്തമാക്കുമോ?

കടൽ മണൽ ഖനനവുമായി ബന്ധപ്പെട്ട കേന്ദ്ര നിയമം ധാതുക്കൾ ശേഖരിക്കാനുളള അവകാശം സ്വകാര്യ മേഖലയ്ക്ക് നൽകുന്നതിന് വ്യവസ്ഥ ചെയ്യുന്നുണ്ടോയെന്ന് വ്യക്തമാക്കാമോ;

പ്രസ്തുത നിയമം മൂലം കരിമണലിന്റെ അവകാശം സംസ്ഥാന സർക്കാരിന് നഷ്ടമാകാൻ സാധ്യതയുണ്ടോയെന്ന് വ്യക്തമാക്കാമോ;

പൊതുമേഖലാ സ്ഥാപനമായ കേരള മിനറൽസ് ആന്റ് മെറ്റൽസ് ലിമിറ്റഡിന്റെ പ്രവർത്തനത്തെ ഈ നിയമം എപ്രകാരം ബാധിക്കുമെന്ന് വിലയിരുത്തിയിട്ടുണ്ടോ; എങ്കിൽ വിശദാംശം ലഭ്യമാക്കാമോ?

വിഴിഞ്ഞം തുറമുഖത്തിന്റെ ആരംഭത്തോട് കൂടി സംസ്ഥാനത്തിന് ലഭിക്കുന്ന നേട്ടങ്ങൾ എന്തെല്ലാമെന്ന് വിശദമാക്കുമോ;

വിഴിഞ്ഞം പദ്ധതിയില്‍ തദ്ദേശീയർക്ക് തൊഴിൽ സംവരണം നൽകുന്നതിന് നടപടികൾ ഉണ്ടാകുമോ; വിശദാംശം ലഭ്യമാക്കുമോ?

ശബരിമലയുടെ സമഗ്ര വികസനം ചർച്ച ചെയ്യുന്നത് ലക്ഷ്യമിട്ട് സംഘടിപ്പിച്ച ആഗോള അയ്യപ്പ സംഗമത്തില്‍ ഇതുമായി ബന്ധപ്പെട്ട് ഉയർന്നുവന്നിട്ടുള്ള നിർദേശങ്ങള്‍ ക്രോഡീകരിച്ചിട്ടുണ്ടോ; വിശദാംശം ലഭ്യമാക്കാമോ;

ശബരി റെയില്‍പ്പാതയുമായി ബന്ധപ്പെട്ട് സമ്മേളനത്തില്‍ വന്നിട്ടുള്ള നിർദേശങ്ങള്‍ എന്തെല്ലാമാണെന്ന് വിശദമാക്കാമോ;

ശബരിമല വിമാനത്താവള നിർമ്മാണവുമായി ബന്ധപ്പെട്ട വികസന പ്രശ്നങ്ങള്‍ ആഗോള അയ്യപ്പ സംഗമം ചർച്ച ചെയ്തിട്ടുണ്ടോ; എങ്കിൽ വിശദാംശം ലഭ്യമാക്കാമോ?

സംസ്ഥാനത്ത് ജലവൈദ്യുത പദ്ധതികളുടെ കൂടുതൽ സാധ്യതകൾ പരിശോധിച്ചിട്ടുണ്ടോയെന്ന് വ്യക്തമാക്കാമോ;

പാരിസ്ഥിതിക പ്രശ്നങ്ങൾ കാരണം അനുമതി ലഭ്യമാകാതെ തടസ്സപ്പെട്ടിരിക്കുന്ന പദ്ധതികൾ ഏതൊക്കെയാണെന്നും സമയബന്ധിതമായി അനുമതികൾ നേടിയെടുത്ത് പ്രസ്തുത പദ്ധതികൾ യാഥാർത്ഥ്യമാക്കുന്നതിന് നടത്തുന്ന ഇടപെടലുകൾ എന്തൊക്കെയാണെന്നും വിശദമാക്കാമോ;

ജലവൈദ്യുത പദ്ധതികൾ സാധ്യതാ പഠനത്തിന്റെ അടിസ്ഥാനത്തിൽ ഹൈഡല്‍ ടൂറിസം പദ്ധതികളായി വികസിപ്പിക്കുന്നത് പരിഗണനയിലുണ്ടോയെന്ന് വ്യക്തമാക്കാമോ;

ഹൈഡല്‍ ടൂറിസം മേഖലയിലെ കൂടുതൽ സാധ്യതകൾ പരിശോധിച്ചിട്ടുണ്ടോ; പാരിസ്ഥിതികാനുമതികൾ വൈകുന്നതിനാൽ പ്രസ്തുത പദ്ധതികൾ നടപ്പാക്കുന്നതിൽ കാലതാമസം നേരിടുന്നുണ്ടോയെന്ന് വ്യക്തമാക്കാമോ?

സംസ്ഥാനത്തെ എല്ലാ ജില്ലകളിലും എൻഫോഴ്സ്മെന്റ് ഓഫീസുകൾ, കലക്ടറേറ്റുുകൾ തുടങ്ങിയ സര്‍ക്കാര്‍, സര്‍ക്കാര്‍ അനുബന്ധ സ്ഥാപനങ്ങൾ എന്നിവയിലും ഫാസ്റ്റ് ചാർജിങ്‌ സ്റ്റേഷനുകൾ സ്ഥാപിക്കാൻ നടപടി സ്വീകരിച്ചിട്ടുണ്ടോ; വിശദമാക്കാമോ;

ഇലക്ട്രിക് വാഹന ഉപയോഗം പ്രോത്സാഹിപ്പിക്കുന്നതിനായി ഇന്‍ഡക്ഷന്‍ ചാര്‍ജ്ജിംഗ്, വെഹിക്കിള്‍-ടു-ഗ്രിഡ് സാങ്കേതികവിദ്യ, അള്‍ട്രാ ഫാസ്റ്റ് ചാര്‍ജ്ജറുകള്‍ തുടങ്ങിയ പുതുതലമുറ ഇ. വി. ചാര്‍ജ്ജിംഗ് സംവിധാനങ്ങള്‍ ഏര്‍‍‍പ്പെടുത്തുന്നതിനുള്ള സാധ്യത പരിശോധിച്ചിട്ടുണ്ടോ; വിശദമാക്കാമോ;

ഇ. വി. ചാർജിംഗ് സ്റ്റേഷനുകളിൽ സുഗമമായ ചാർജിംഗിനും വിശ്രമത്തിനും ഒരു പോലെ അവസരം ഒരുക്കുന്നതിനായി റിഫ്രഷ് ആൻഡ് റീചാർജ് പദ്ധതി പൊതു-സ്വകാര്യ പങ്കാളിത്തത്തോടെ നടപ്പിലാക്കാനുള്ള നടപടികൾ സ്വീകരിച്ചിട്ടുണ്ടോ; വിശദമാക്കാമോ?