സംസ്ഥാനത്ത് നിര്‍ദ്ധനരായ കലാകാരന്മാര്‍ക്കും സാഹിത്യകാരന്‍മാര്‍ക്കും പ്രതിമാസ സഹായമായി നല്‍കുന്ന കലാകാര പെന്‍ഷന്‍ നിലവില്‍ എത്ര പേര്‍ക്ക് നല്‍കുന്നുണ്ടെന്ന് വിശദമാക്കാമോ;

പ്രതിമാസം എത്ര തുകയാണ് പെൻഷൻ നല്‍കി വരുന്നതെന്ന് വിശദമാക്കാമോ;

സാംസ്കാരിക വകുപ്പ് മുഖേന കലാകാരന്മാർക്കുള്ള ചികിത്സാ ധനസഹായമായി ഈ സർക്കാർ കാലയളവിൽ എത്ര പേർക്ക് എത്ര തുക അനുവദിച്ചുവെന്ന കണക്ക് ലഭ്യമാണോ; എങ്കിൽ വ്യക്തമാക്കാമോ?

സംസ്ഥാനത്ത് നാലുവ‍ർഷ ബിരുദ പ്രോഗ്രാമിൽ തൊഴിൽ രംഗത്തേക്ക് പ്രവേശിക്കാൻ ആഗ്രഹിക്കുന്നവർക്ക് അതിനനുസൃതമായും ഗവേഷണ രംഗത്തേക്ക് പോകാൻ ആഗ്രഹിക്കുന്നവർക്ക് അതിനനുസൃതമായും തങ്ങളുടെ ബിരുദ പഠനം ക്രമീകരിക്കാൻ അവസരമുണ്ടോ; വിശദാംശം നൽകാമോ;

നാലുവർഷ പ്രോഗ്രാമിൽ അവസാന വർഷത്തെ പ്രോജക്ട്/ഇന്റേണ്‍ഷിപ്പ് എങ്ങനെയാണ് വ്യവസായ മേഖലയുമായി ബന്ധപ്പെടുത്തി ചെയ്യാൻ സാധിക്കുക എന്ന് വിശദമാക്കാമോ;

നാലുവർഷ ബിരുദ പ്രോഗ്രാമിന് ശേഷം പി. ജി. പഠനം നടത്താതെ തന്നെ പി. എച്ച്. ഡി. ഗവേഷണ മേഖലയിലേക്ക് പ്രവേശിക്കാൻ സാധിക്കുമോ; വിശദാംശം ലഭ്യമാക്കാമോ?

സംസ്ഥാനത്ത് ഉന്നതവിദ്യാഭ്യാസ വകുപ്പിന്‍ കീഴിലുള്ള സര്‍വകലാശാലകളില്‍ നടപ്പിലാക്കുന്ന നാലു വര്‍ഷ ബിരുദ സമ്പ്രദായത്തിലെ പരീക്ഷകളുടെ നടത്തിപ്പില്‍ സമയ ക്ലിപ്തത പാലിക്കുന്നതിന് കഴിഞ്ഞിട്ടുണ്ടോ; വ്യക്തമാക്കാമോ;

ഈ സാഹചര്യത്തില്‍ കുട്ടികള്‍ക്ക് പ്രയോജനപ്പെടുന്ന തരത്തില്‍ ഫലപ്രഖ്യാപനം വേഗത്തില്‍ ക്രമീകരിക്കുന്നതിന് സര്‍വകലാശാലകള്‍ക്ക് കഴിഞ്ഞിട്ടുണ്ടോ; വിശദമാക്കാമോ;

പ്രധാന പരീക്ഷകളില്‍ നിശ്ചിത മിനിമം നിലവാരം നേടാന്‍ കഴിയാതെ പോകുന്ന വിദ്യാര്‍ത്ഥികള്‍ക്ക് സപ്ലിമെന്ററി പരീക്ഷകള്‍ വേഗത്തില്‍ നടത്തി ഫലം പ്രഖ്യാപിക്കുന്നതിന് നടപടികള്‍ സ്വീകരിക്കുമോ; വ്യക്തമാക്കാമോ;

നാലു വര്‍ഷ ബിരുദ കോഴ്‍സിന് ചേരുന്ന വിദ്യാര്‍ത്ഥികള്‍ക്ക് തുടര്‍ പഠനത്തിനായി മറ്റ് സര്‍വകലാശാലകളിലേയ്ക്ക് മാറുന്നതിന് അവസരമുണ്ടോ; വിശദമാക്കാമോ?

സംസ്ഥാനത്ത് കാർഷിക മേഖലയുടെ വളർച്ചയ്ക്ക് ആധുനിക സാങ്കേതികവിദ്യ ഉപയോഗിച്ചുളള സ്മാര്‍ട്ട് കൃഷിരീതികള്‍ പ്രോത്സാഹിപ്പിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

വിദേശ രാജ്യങ്ങളിൽ ഉപയോഗിച്ചു വരുന്ന നവീന കാർഷിക സാങ്കേതികവിദ്യ സംസ്ഥാനത്ത് പ്രാവർത്തികമാക്കുന്നതിനും വ്യാപിപ്പിക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

കർഷകർക്ക് സ്മാര്‍ട്ട് കൃഷിരീതികളില്‍ പരിശീലനം നൽകുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

കൃഷിയിടങ്ങളിൽ ആധുനിക ഫാമിംഗ് സൗകര്യങ്ങള്‍ ഏര്‍പ്പെടുത്തുന്നതിന് എന്തെല്ലാം സാമ്പത്തിക-നൈപുണ്യവികസന സഹായങ്ങളാണ് വകുപ്പ് നല്‍കിവരുന്നത്; വിശദമാക്കാമോ?

സംസ്ഥാനത്ത് കാർഷിക മേഖലയിലെ നവീകരണത്തിനായി നടപ്പാക്കുന്ന കേര പദ്ധതിക്കായി ലോകബാങ്കിന്റെ സഹായം ലഭിച്ചിട്ടുണ്ടോ; വിശദമാക്കാമോ;

കേര പദ്ധതി നടപ്പാക്കാൻ ലോകബാങ്ക് നൽകിയ തുക വകമാറ്റി ചെലവാക്കിയെന്നത് വസ്തുതയാണോ; എങ്കിൽ ഇത് ഗൗരവത്തോടെ കാണുന്നുണ്ടോ; വ്യക്തമാക്കാമോ;

പ്രസ്തുത പദ്ധതി വേഗത്തിലാക്കാൻ എന്തെങ്കിലും ഇടപെടല്‍ നടത്തുവാന്‍ ഉദ്ദേശിക്കുന്നുണ്ടോ; വിശദമാക്കുമോ?

നാഷണൽ ഇൻസ്റ്റിറ്റ്യൂട്ട് ഓഫ് റാങ്കിങ് ഫ്രെയിംവർക്ക്, കേരള ഇൻസ്റ്റിറ്റ്യൂട്ട് ഓഫ് റാങ്കിങ് ഫ്രെയിംവർക്ക് എന്നിവയുടെ 2024-25 വര്‍ഷത്തെ റാങ്കിംഗില്‍ സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളുടെ പ്രകടനത്തെ സംബന്ധിച്ച് വിശദമാക്കാമോ;

സംസ്ഥാനത്തെ പൊതുസര്‍വകലാശാലകളു‍ടെ റാങ്കിംഗ് മെച്ചപ്പെട്ടിട്ടുണ്ടോ; വ്യക്തമാക്കാമോ;

സംസ്ഥാനത്തെ എത്ര സര്‍ക്കാര്‍, എയ്ഡഡ് കോളേജുകള്‍ ആദ്യ നൂറ്, ഇരുനൂറ് റാങ്കുകളില്‍ സ്ഥാനം പിടിച്ചിട്ടുണ്ടെന്ന് വിശദമാക്കാമോ;

കൂടുതല്‍ സ്ഥാപനങ്ങളെ റാങ്കിംഗിലും അക്രഡിറ്റേഷനിലും മുന്നോട്ട് കൊണ്ടുവരാന്‍ സ്വീകരിച്ചുവരുന്ന നടപടികളുടെ വിശദാംശം നല്‍കാമോ?

സംസ്ഥാനത്ത് തെരുവുനായ ശല്യം രൂക്ഷമായ സാഹചര്യത്തില്‍ സര്‍ക്കാര്‍ സമഗ്ര പേ വിഷ പ്രതിരോധ വാക്സിനേഷൻ പ്രവര്‍ത്തന പദ്ധതി ആവിഷ്കരിച്ചിട്ടുണ്ടോ; വളർത്തുമൃഗങ്ങള്‍ക്ക് പ്രതിരോധ കുത്തിവെയ്പ് നല്‍കുന്നതിനൊപ്പം തെരുവുനായകള്‍ക്കും കുത്തിവെയ്പ് നല്‍കുന്നതിന് പദ്ധതി നിലവിലുണ്ടോ; വിശദാംശം നല്‍കാമോ;

മൃഗങ്ങളിലെ രോഗപ്രതിരോധ പ്രവര്‍ത്തനങ്ങള്‍ക്ക് ആക്കം കൂട്ടുന്നതിന്റെ ഭാഗമായി ആനിമല്‍ ഡിസീസ് കണ്‍ട്രോള്‍ പ്രോജക്ട് എന്ന പേരില്‍ പ്രത്യേക പദ്ധതിക്ക് രൂപം കൊടുത്തിട്ടുണ്ടോ; പ്രതിരോധ പ്രവര്‍ത്തനങ്ങള്‍ വ്യാപകമാക്കുന്നതിന് ഇത് എത്രത്തോളം ഫലപ്രദമാണെന്ന് വിശദമാക്കാമോ?

സംസ്ഥാനത്തെ നാല് പ്രധാന സര്‍വകലാശാലകളിലെ വിവിധ കോഴ്‌സുകളിൽ നിരവധി സീറ്റുകള്‍ ഒഴിഞ്ഞു കിടക്കുന്നതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത സര്‍വകലാശാലകളിലെ കോഴ്‌സുകളില്‍ വിദ്യാർത്ഥികൾ പഠിക്കാൻ എത്താത്തതിന്റെ കാരണം പരിശോധിച്ചിട്ടുണ്ടോ; വിശദമാക്കാമോ;

എങ്കില്‍ ഇത് പരിഹരിക്കാൻ നടപടി സ്വീകരിക്കുമോ; വിശദമാക്കാമോ?

അയൽസംസ്ഥാനങ്ങളിൽ നിന്നും ദിനംപ്രതി കൊണ്ടുവരുന്ന പച്ചക്കറിയുടെ കണക്ക് ശേഖരിച്ചിട്ടുണ്ടോ; വിശദമാക്കാമോ;

ഇപ്രകാരം കൊണ്ടുവരുന്ന പച്ചക്കറികളിൽ അമിതമായ കീടനാശിനിയുടെ സാന്നിധ്യം ഉളളതായി കണ്ടെത്തിയിട്ടുണ്ടോ; എങ്കിൽ ഇതു തടയുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

പച്ചക്കറി ഉല്പാദനത്തിൽ സ്വയംപര്യാപ്തത നേടുന്നതിന് എന്തെല്ലാം പദ്ധതികൾ ആവിഷ്കരിക്കാനാണ് ഉദ്ദേശിക്കുന്നത്; വിശദാംശം നൽകാമോ?

സംസ്ഥാനത്ത് ഉന്നത വിദ്യാഭ്യാസ മേഖലയിലെ കോഴ്സുകൾ കാലാനുസൃതമായി പരിഷ്കരിക്കാന്‍ നടത്തിയ ഇടപെടൽ എന്തൊക്കെയാണെന്ന് വ്യക്തമാക്കാമോ;

ജോലി സാധ്യത മുൻനിർത്തി കോഴ്സുകൾ ആരംഭിക്കാൻ ഈ സർക്കാർ എന്തൊക്കെ നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

പുതിയ തലമുറയുടെ അഭിരുചിക്കനുസൃതമായി ജോലി സാധ്യത മുൻനിർത്തി കോഴ്സുകൾ പരിഷ്കരിക്കാൻ നടപടി സ്വീകരിക്കുമോ; വിശദമാക്കാമോ?

ഉന്നത വിദ്യാഭ്യാസത്തിനായി വിദ്യാർത്ഥികൾ വിദേശ രാജ്യങ്ങളിലെയും മറ്റ് സംസ്ഥാനങ്ങളിലെയും കോളേജുകൾ തിരഞ്ഞെടുക്കുന്ന പ്രവണത ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത് ഗൗരവത്തോടെ കാണുന്നുണ്ടോ;

അതിനുള്ള കാരണത്തെക്കുറിച്ച്‌ സമഗ്രമായ പഠനം നടത്തിയിട്ടുണ്ടോ; എങ്കിൽ വിശദമാക്കാമോ?

സംസ്ഥാനത്ത് തേങ്ങയ്ക്കും വെളിച്ചെണ്ണയ്ക്കും വില ഉയർന്നു നിൽക്കുമ്പോൾ അതിന്റെ പ്രയോജനം നാളികേര കർഷകർക്ക് ലഭിക്കുന്നില്ല എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവമായി കാണുന്നുണ്ടോ;

നാളികേര ഉല്പാദനം ഗണ്യമായി കുറഞ്ഞത് ശ്രദ്ധയിൽപ്പെട്ടിട്ടുണ്ടോ; ഇതുസംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; എങ്കിൽ വിശദമാക്കാമോ;

ഈ സാഹചര്യത്തിൽ നാളികേര ഉല്പാദനം വർദ്ധിപ്പിച്ചുകൊണ്ട് കർഷകർക്ക് പ്രയോജനം ലഭ്യമാക്കാൻ എന്തെല്ലാം നടപടികളാണ് സ്വീകരിച്ചു വരുന്നതെന്ന് വിശദമാക്കാമോ?

സംസ്ഥാനത്ത് പൊതുഗതാഗത സൗകര്യം മെച്ചപ്പെടുത്തി ജനങ്ങള്‍ക്ക് മികവുറ്റ യാത്രാസൗകര്യങ്ങള്‍ ഉറപ്പുവരുത്തുന്നതിനായി എന്തെല്ലാം നടപടികളാണ് സ്വീകരിച്ചുവരുന്നത്; വിശദമാക്കാമോ;

കെ. എസ്. ആർ. ടി. സി.യുടെ വരുമാനം വർദ്ധിപ്പിച്ച് ചെലവ് കുറയ്ക്കുന്നതിനായി പ്രത്യേക പദ്ധതികള്‍ നടപ്പാക്കിയിട്ടുണ്ടോ; പ്രസ്തുത ലക്ഷ്യം കൈവരിക്കുന്നതിന് കഴിഞ്ഞിട്ടുണ്ടോ; വിശദാംശം ലഭ്യമാക്കാമോ;

കെ. എസ്. ആർ. ടി. സി.യില്‍ പ്രതിദിന ടിക്കറ്റ് വരുമാനം വർദ്ധിപ്പിക്കുന്നതിന് കഴിഞ്ഞിട്ടുണ്ടോ; ഇതിനായി എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ?

മത്സ്യത്തൊഴിലാളികളുടെ പുനരധിവാസത്തിനായി 2016 മുതല്‍ നാളിതുവരെ എന്തെല്ലാം പദ്ധതികളാണ് നടപ്പാക്കിയിട്ടുള്ളതെന്നും ഇതിലൂടെ എത്ര പേരെ പുനരധിവസിപ്പിക്കുവാന്‍ കഴിഞ്ഞിട്ടുണ്ടെന്നും വിശകലനം ചെയ്തിട്ടുണ്ടോ; എങ്കിൽ വിശദമാക്കാമോ;

2011-2016 കാലഘട്ടത്തില്‍ എത്ര മത്സ്യത്തൊഴിലാളി കുടുംബങ്ങളെ പുനരധിവസിപ്പിച്ചിട്ടുണ്ടെന്ന കണക്ക് ലഭ്യമാണോ; എങ്കിൽ വ്യക്തമാക്കാമോ;

2016-ലെ സര്‍ക്കാര്‍ അധികാരത്തില്‍ വരുമ്പോള്‍ കടലാക്രമണത്താൽ വീട് നഷ്ടപ്പെട്ട് ക്യാമ്പുകളില്‍ കഴിഞ്ഞിരുന്ന മുഴുവന്‍ കുടുംബങ്ങളെയും പുനരധിവസിപ്പിക്കുന്നതിന് കഴിഞ്ഞിട്ടുണ്ടോയെന്ന് വിശദമാക്കാമോ;

എത്ര മത്സ്യത്തൊഴിലാളി കുടുംബങ്ങളെയാണ് ഫ്ലാറ്റ് നിര്‍മ്മിച്ച് പുനരധിവസിപ്പിച്ചിട്ടുള്ളതെന്ന് വിശദമാക്കാമോ?

കേന്ദ്ര സർക്കാരിന്റെ ബ്ലൂ ഇക്കോണമി നയത്തിന്റെ ഭാഗമായി ആഴക്കടലിൽ നിന്ന് വ്യാവസായികാടിസ്ഥാനത്തിൽ ​മത്സ്യം പിടിക്കാൻ നീക്കം നടത്തുന്ന കാര്യം പരിശോധിച്ചിട്ടുണ്ടോ; വിശദമാക്കാമോ;

കപ്പലുകൾക്ക് ​മത്സ്യം പിടിക്കാൻ അനുമതി നൽകുന്നത് ചെറുകിട ബോട്ടുടമകള്‍ക്ക് മത്സ്യലഭ്യത കുറയ്ക്കാന്‍ ഇടയാക്കുമെന്ന ആശങ്ക പരിഹരിക്കാൻ നടപടി സ്വീകരിക്കുമോ;

വൻകിട കമ്പനികളുടെ മത്സ്യബന്ധനം സംസ്ഥാനത്തെ പ്രതികൂലമായി ബാധിക്കാതിരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

സംസ്ഥാനത്ത് സുരക്ഷിത ഭക്ഷണം, മെച്ചപ്പെട്ട ആരോഗ്യം, കാലാവസ്ഥാ വ്യതിയാനം നേരിടുന്നതിനുള്ള ശക്തമായ ഇടപെടലുകൾ തുടങ്ങിയവ ലക്ഷ്യമിട്ട് ജൈവകൃഷി മിഷൻ രൂപീകരിച്ചിട്ടുണ്ടോ; പ്രസ്തുത പദ്ധതി രൂപീകരണത്തിലൂടെ ലക്ഷ്യമിടുന്ന മറ്റ് കാര്യങ്ങള്‍ എന്തെല്ലാമാണെന്ന് വ്യക്തമാക്കാമോ;

ജൈവകൃഷി മിഷന്റെ ഭാഗമായി ജൈവകൃഷി വ്യാപകമാക്കുന്നതിന് പദ്ധതിയുണ്ടോ; വിശദാംശം നല്‍കാമോ;

ജൈവകൃഷിയുമായി ബന്ധപ്പെട്ട് നടത്തിവരുന്ന വിവിധ വികസന പദ്ധതികൾ ഏകോപിപ്പിക്കുന്നതിനും മിഷന്റെ ഭാഗമാക്കുന്നതിനും പദ്ധതിയുണ്ടോ; വിശദാംശം നൽകാമോ;

ജൈവകൃഷി മിഷന്റെ പ്രവർത്തനത്തിലൂടെ സംസ്ഥാനത്ത് കൃഷി മേഖലയിൽ എന്തെല്ലാം മാറ്റങ്ങൾ ഉണ്ടാക്കാൻ കഴിഞ്ഞിട്ടുണ്ട്; വിശദമാക്കാമോ?

സംസ്ഥാനത്ത് ജനങ്ങളുടെ ആരോഗ്യസംരക്ഷണത്തിന് പ്രാധാന്യം നൽകി കാർഷിക പാരിസ്ഥിതിക പ്രശ്നങ്ങളെ അടിസ്ഥാനമാക്കി പോഷക പ്രാധാന്യമുള്ള വിളകൾ ഉല്പാദിപ്പിക്കുന്നതിന് പ്രത്യേകമായി പോഷക സമൃദ്ധി മിഷന് രൂപം കൊടുത്തിട്ടുണ്ടോ; വിശദമാക്കാമോ;

പ്രസ്തുത മിഷൻ രൂപീകരണത്തിലൂടെ എന്തൊക്കെ കാര്യങ്ങളാണ് ലക്ഷ്യമിടുന്നത്; വിശദമാക്കാമോ;

സംസ്ഥാനത്ത് എത്ര കുടുംബങ്ങളെ മിഷന്റെ ഭാഗമാക്കാൻ ലക്ഷ്യമിട്ടിട്ടുണ്ട്; ഇതിനകം എത്ര കുടുംബങ്ങളെ ഇതിന്റെ ഭാഗമാക്കിയിട്ടുണ്ട്; വിശദാംശം നൽകാമോ;

കാർഷിക, പാരിസ്ഥിതിക മേഖലയെ അടിസ്ഥാനമാക്കി പ്രത്യേകമായി ന്യുട്രീഷൻ പ്ലേറ്റ് രൂപീകരിക്കുന്നതിന് ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്തെ സർവകലാശാലകളിൽ പഠന-ഗവേഷണ നിലവാരം ലോകോത്തരമാക്കുന്നതിന് പ്രത്യേക നടപടികൾ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ;

പഠന-ഗവേഷണ നിലവാരം മെച്ചപ്പെടുത്തുന്നതിന്റെ ഭാഗമായി വിദേശ സർവകലാശാലകളും ഗവേഷണ കേന്ദ്രങ്ങളുമായി സഹകരിച്ചുകൊണ്ടുള്ള പദ്ധതികൾക്ക് രൂപം കൊടുത്തിട്ടുണ്ടോ; വിശദാംശം ലഭ്യമാക്കാമോ;

റീബിൽഡ് കേരള പദ്ധതിയുമായി സംയോജിച്ചുള്ള വികസന പുരോഗതിക്ക് ആക്കം കൂട്ടുന്ന വിധം പ്രസ്തുത ഗവേഷണ ആശയങ്ങൾ പ്രോത്സാഹിപ്പിക്കുന്നതിനായി പ്രത്യേക നടപടികൾ സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനം ഗതാഗത രംഗത്ത് നിലവിൽ കൈവരിച്ചിട്ടുള്ള നേട്ടങ്ങൾ എന്തൊക്കെയാണെന്ന് വിശദമാക്കാമോ;

സംസ്ഥാനത്തെ ഗ്രാമീണ പാതകളിൽ സ്വകാര്യ ബസുകൾക്ക് ഉൾപ്പെടെ അനുമതി നൽകി യാത്രാ സൗകര്യം വർദ്ധിപ്പിക്കുന്നതിന് സ്വീകരിച്ചു വരുന്ന പുതിയ നടപടികൾ എന്തൊക്കെയെന്ന് വ്യക്തമാക്കാമോ?

സംസ്ഥാനത്ത് ഭിന്നശേഷിക്കാർക്കായുള്ള നിരാമയ ആരോഗ്യ ഇൻഷുറൻസ് പദ്ധതി പുനഃസ്ഥാപിച്ച് ഉത്തരവായിട്ടുണ്ടോ; ഇതിനാവശ്യമായ തുക അനുവദിച്ചിട്ടുണ്ടോ; വിശദമാക്കാമോ;

ഏതൊക്കെ ഭിന്നശേഷി വിഭാഗങ്ങള്‍ക്കുവേണ്ടിയാണ് പ്രസ്തുത പദ്ധതി ആരംഭിച്ചിട്ടുള്ളത്;

ഈ പദ്ധതിയുടെ പ്രീമിയം തുക ഗുണഭോക്താക്കള്‍ അടയ്ക്കേണ്ടതുണ്ടോ; വിശദമാക്കാമോ;

പദ്ധതിയിൽ എത്ര ഗുണഭോക്താക്കള്‍ ഉള്‍പ്പെട്ടിട്ടുണ്ട്; വിശദാംശം നല്‍കാമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം പ്രസ്തുത ഗുണഭോക്താക്കള്‍ക്ക് ആനുകൂല്യങ്ങൾ ലഭ്യമാക്കിയിട്ടുണ്ടോ; വിശദാംശം നല്‍കാമോ?

കാലാവസ്ഥാമാറ്റം നിമിത്തം കാര്‍ഷിക വിളകള്‍ക്കുണ്ടാകുന്ന നഷ്ടങ്ങള്‍ക്കുള്ള ഇന്‍ഷുറന്‍സ് പദ്ധതിക്ക് സംസ്ഥാനത്ത് തുടക്കം കുറിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ; ഇല്ലെങ്കില്‍ നടപ്പാക്കാനുദ്ദേശിക്കുന്നുണ്ടോ; വിശദമാക്കുമോ;

ഏതെല്ലാം ഏജന്‍സികളാണ് ഈ പദ്ധതിയുമായി സഹകരിക്കുന്നതെന്ന് വിശദമാക്കുമോ;

ഏതെല്ലാം കാര്‍ഷിക വിളകള്‍ക്കാണ് ഇന്‍ഷുറന്‍സ് പരിരക്ഷ ലഭിക്കുന്നതെന്ന് വിശദമാക്കുമോ?

സംസ്ഥാനത്ത് മുതി‍ർന്ന പൗരന്മാരുടെ ക്ഷേമം, സംരക്ഷണം, പുനരധിവാസം എന്നിവ ഉറപ്പുവരുത്തുന്നതിന്റെ ഭാഗമായി വയോജന കമ്മീഷന് രൂപം കൊടുത്തിട്ടുണ്ടോ; വിശദാംശം ലഭ്യമാക്കാമോ;

രാജ്യത്ത് ആദ്യമായിട്ടാണോ ഇത്തരത്തില്‍ ഒരു കമ്മീഷന് രൂപം കൊടുത്തതെന്ന് വ്യക്തമാക്കാമോ; കമ്മീഷന്റെ ഘടന വിശദമാക്കാമോ;

പ്രസ്തുത കമ്മീഷന്റെ ഉദ്ദേശ്യലക്ഷ്യങ്ങള്‍ എന്തൊക്കെയെന്ന് വിശദമാക്കാമോ?

കേരള യൂറോപ്യന്‍ യൂണിയന്‍ ബ്ലൂ ഇക്കോണമി കോൺക്ലേവില്‍ (ബ്ലൂ ടൈഡ്സ് ) എന്തെല്ലാം സഹകരണവും നിക്ഷേപവുമാണ് പ്രതീക്ഷിക്കുന്നത്; വ്യക്തമാക്കാമോ;

ഏതെല്ലാം രാജ്യങ്ങളില്‍ നിന്നുമുള്ള പ്രതിനിധികളാണ് കോണ്‍ക്ലേവില്‍ പങ്കെടുത്തിട്ടുള്ളത്; വിശദമാക്കാമോ;

എന്തെല്ലാം പദ്ധതികളാണ് കോണ്‍ക്ലേവില്‍ മുന്നോട്ട് വച്ചിട്ടുള്ളതെന്ന് വ്യക്തമാക്കാമോ?

സംസ്ഥാനത്ത് കാർഷിക ഉല്പന്നങ്ങൾക്ക് മൂല്യ വർദ്ധനവിലൂടെ കൂടുതൽ മെച്ചപ്പെട്ട വിപണി ലഭ്യത ഉണ്ടായിട്ടുണ്ടോ; വിശദമാക്കാമോ;

കർഷകരുടെ വിവിധ മൂല്യവർദ്ധിത ഉല്പന്നങ്ങൾ കേരളഗ്രോ എന്ന ബ്രാൻഡിലൂടെ വിപണനം ചെയ്യുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

ഉല്പന്നങ്ങള്‍ക്ക് കേരളഗ്രോ ബ്രാൻഡ് ലഭ്യമാകുവാന്‍ കര്‍ഷകര്‍ എന്തെല്ലാം നടപടികളാണ് പൂര്‍ത്തീകരിക്കേണ്ടത്; വിശദമാക്കാമോ;

പ്രസ്തുത ബ്രാൻഡിലൂടെ വിപണനം ചെയ്യുന്ന ഉല്പന്നങ്ങളുടെ ഗുണമേന്മ ഉറപ്പുവരുത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

പ്രസ്തുത ബ്രാൻഡിലൂടെ വിപണനം നടത്തുന്ന ഉല്പന്നങ്ങളുടെ വില്പനയ്ക്കായി കൂടുതല്‍ കേരളഗ്രോ സൂപ്പര്‍മാര്‍ക്കറ്റുകള്‍ ആരംഭിക്കാന്‍ ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്ത് ഉന്നതവിദ്യാഭ്യാസ മേഖലയിലെ ഗവേഷണ രംഗം അടിസ്ഥാനമേഖലകളായ ആരോഗ്യം, കൃഷി, വ്യവസായം എന്നിവയിൽ നിലനിൽക്കുന്ന പ്രശ്നങ്ങൾക്ക് പരിഹാരം കാണുന്ന തരത്തിൽ ശക്തിപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഉന്നതവിദ്യാഭ്യാസ രംഗത്തെ ഗവേഷണ ഫലങ്ങൾ പ്രായോഗിക തലത്തിൽ പ്രയോജനപ്പെടുത്തുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ;

സാങ്കേതികവിദ്യ അധിഷ്ഠിതമായ ഉല്പന്നങ്ങൾ വികസിപ്പിച്ച് സംരംഭകത്വ ഇക്കോ സിസ്റ്റം രൂപപ്പെടുത്തുന്നതിന് ഗവേഷണരംഗത്തെ പ്രോത്സാഹിപ്പിക്കുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ;

സംസ്ഥാനത്ത് വിദ്യാഭ്യാസവും തൊഴിലും തമ്മിൽ സുശക്തമായ ബന്ധം രൂപപ്പെടുത്തിയെടുക്കുന്നതിന് നടത്തിയിട്ടുളള ഇടപെടലുകൾ വ്യക്തമാക്കാമോ?

ചാൻസിലറായ ഗവർണ്ണറും സർക്കാരും തമ്മിലുള്ളതായി പറയപ്പെടുന്ന പ്രശ്നങ്ങളും അതിനെത്തുടർന്നുള്ള സമരങ്ങളും കേരളത്തിലെ ഉന്നത വിദ്യാഭ്യാസ മേഖലയെ എത്തരത്തിലാണ് ബാധിക്കുന്നത് എന്ന കാര്യം പരിശോധിച്ചിട്ടുണ്ടോ;

ഇത്തരം സംഭവങ്ങൾ ഉന്നത വിദ്യാഭ്യാസ മേഖലയിൽ പ്രതിസന്ധി സൃഷ്ടിക്കുന്ന സാഹചര്യമുണ്ടോ; എങ്കിൽ അവ പരിഹരിക്കാൻ എന്തൊക്കെ നടപടികളാണ് സ്വീകരിച്ചതെന്ന് വിശദമാക്കാമോ?

സംസ്ഥാനത്ത് യുവകലാകാരന്മാരെ പ്രോൽസാഹിപ്പിക്കുന്നതിനും അവരുടെ കലാഭിരുചി വർദ്ധിപ്പിക്കുന്നതിനും സാംസ്കാരിക വകുപ്പു മുഖേന സർക്കാർ നടപ്പിലാക്കുന്ന വജ്ര ജൂബിലി ഫെലോഷിപ്പ് പദ്ധതിയുടെ വിശദാംശം ലഭ്യമാക്കാമോ;

കലാകാരന്മാർക്ക് എത്ര തുകയാണ് ഹോണറേറിയമായി നൽകിവരുന്നത്; ഇതിനായി എത്ര തുക ബജറ്റിൽ നീക്കി വച്ചിട്ടുണ്ടെന്ന് വ്യക്തമാക്കാമോ;

ഈ പദ്ധതിയിലൂടെ കഴിഞ്ഞ രണ്ട് വർഷത്തിനിടെ എത്ര കലാകാരന്മാർക്ക് പരിശീലനം നൽകിയിട്ടുണ്ടെന്ന് വിശദമാക്കാമോ?

സംസ്ഥാനത്ത് പാല്‍ ഉല്പാദനം മെച്ചപ്പെടുത്തുന്നതിന് ഗുണമേന്മയുള്ള കന്നുകാലി സമ്പത്ത് വർദ്ധിപ്പിക്കേണ്ടതിന്റെയും കന്നുകാലികളുടെ ആരോഗ്യ സംരക്ഷണത്തിന് പദ്ധതികൾ വിഭാവനം ചെയ്യേണ്ടതിന്റെയും ആവശ്യകതയുള്ളതായി ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

വര്‍ദ്ധിത ഗുണമേന്മയുള്ള കന്നുകാലികളെ സൃഷ്ടിക്കാന്‍ പ്രത്യേക പദ്ധതി ആവിഷ്‍കരിച്ചിട്ടുണ്ടോ; വിശദമാക്കുമോ;

പ്രസ്തുത പദ്ധതിയുടെ ഭാഗമായി സെക്സ് സോര്‍ട്ടഡ് സെമന്‍ ഉപയോഗിച്ചുള്ള കൃത്രിമ ബീജദാന പദ്ധതി സംസ്ഥാനത്ത് നടപ്പിലാക്കിയിട്ടുണ്ടോ; വിശദമാക്കുമോ;

സംസ്ഥാനത്ത് കന്നുകാലി വംശാവലി വിശദാംശങ്ങളു‍ടെ അടിസ്ഥാനത്തില്‍ കന്നുകാലികളെ തിരഞ്ഞെടുത്ത് ജനിതക മികവ് കണ്ടെത്തി പാലുല്പാദനം വര്‍ദ്ധിപ്പിക്കുന്നതിന്റെ ഭാഗമായി ജീനോമിക് ലാബ് സജ്ജമാക്കിയിട്ടുണ്ടോ; വിശദമാക്കാമോ?

സംസ്ഥാനത്ത് ഗുണനിലവാരം ഉറപ്പാക്കിയുള്ള മത്സ്യ വിപണനം പ്രോത്സാഹിപ്പിക്കുന്നതിന് എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വിശദമാക്കാമോ;

സര്‍ക്കാര്‍ സഹായത്താല്‍ എത്ര മത്സ്യ വിപണന യൂണിറ്റുകള്‍ ആരംഭിക്കുവാന്‍ കഴിഞ്ഞിട്ടുണ്ട്; വിശദവിവരം ലഭ്യമാക്കാമോ;

ഇത്തരം യൂണിറ്റുകളുടെ പ്രവര്‍ത്തനം വിലയിരുത്തിയിട്ടുണ്ടോ; ഇവയെല്ലാം ഒരുമിപ്പിച്ച് ഒരു വിപണന ശൃംഖലയും മത്സ്യത്തൊഴിലാളികള്‍ക്ക് ന്യായവിലയും ഉപഭോക്താക്കള്‍ക്ക് ഗുണമേന്മയും ഉറപ്പാക്കുവാന്‍ എന്തെല്ലാം പദ്ധതികള്‍ ആവിഷ്കരിക്കുവാന്‍ ലക്ഷ്യമിടുന്നുണ്ടെന്ന് വിശദമാക്കാമോ?

സംസ്ഥാനത്ത് മത്സ്യബന്ധന തുറമുഖങ്ങളുടെ വികസനത്തിനും പുതിയ തുറമുഖങ്ങളുടെ നിർമ്മാണത്തിനും വേണ്ടി ഈ സർക്കാർ നാളിതുവരെ നടപ്പിലാക്കിയ പദ്ധതികളുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

മത്സ്യത്തൊഴിലാളികളുടെ ജീവിത ചുറ്റുപാടുകളിലെ അടിസ്ഥാന സൗകര്യ വികസനത്തിനായി കഴിഞ്ഞ അഞ്ച് വർഷക്കാലം നടപ്പിലാക്കിയ പദ്ധതികളുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

തീരദേശ മേഖലയിൽ മത്സ്യബന്ധന വകുപ്പിന്റെ നിയന്ത്രണത്തിലുള്ള വിദ്യാലയങ്ങളുടെ അടിസ്ഥാന സൗകര്യ വികസനവുമായി ബന്ധപ്പെട്ട് വകുപ്പ് നടപ്പാക്കിയ പദ്ധതികൾ എന്തെല്ലാമാണെന്ന് വിശദമാക്കാമോ;

മത്സ്യത്തൊഴിലാളി വിഭാഗത്തിലെ കുട്ടികളുടെ ഉന്നമനത്തിനുവേണ്ടി നടപ്പിലാക്കിയ വിദ്യാതീരം പദ്ധതിയുടെ പുരോഗതി വിശദമാക്കാമോ?