ഈ സർക്കാരിന്റെ കാലയളവിൽ ഓരോ സാമ്പത്തിക വർഷവും ജലവിഭവ വകുപ്പിന് വകയിരുത്തിയ ആകെ തുക എത്രയാണെന്നും അതിൽ ചെലവാക്കിയ തുക എത്രയാണെന്നും ഇനം തിരിച്ച് വ്യക്തമാക്കാമോ?

കൈപ്പമംഗലം മണ്ഡലത്തിൽ ഇറിഗേഷന്‍ വകുപ്പിന് കീഴില്‍ ഉപയോഗിക്കാതെ കിടക്കുന്ന സ്ഥലങ്ങള്‍ സംബന്ധിച്ച വിശദാംശം ലഭ്യമാക്കാമോ;

പ്രസ്തുത സ്ഥലങ്ങള്‍ വാടകയ്ക്ക് നല്‍കിയോ മറ്റ് രീതികള്‍ ഉപയോഗിച്ചോ വരുമാനമുണ്ടാക്കാനുള്ള പദ്ധതികളുണ്ടോ; എങ്കിൽ വിശദാംശം ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം നാളിതുവരെ കുന്നത്തുനാട് നിയോജക മണ്ഡലത്തില്‍ ജലവിഭവ വകുപ്പ് മുഖേന നടപ്പിലാക്കിയ പദ്ധതികള്‍ ഏതെല്ലാമാണെന്ന് വ്യക്തമാക്കാമോ;

ഓരോ പ്രവൃത്തിക്കും അനുവദിച്ച തുക എത്രയെന്ന് പദ്ധതി തിരിച്ച് വ്യക്തമാക്കാമോ;

ഓരോ പദ്ധതിയുടേയും നിലവിലെ സ്ഥിതി വ്യക്തമാക്കാമോ;

പൂര്‍ത്തീകരിക്കാത്ത പദ്ധതികള്‍ ഉണ്ടെങ്കില്‍ അവ എന്നേക്ക് പൂര്‍ത്തീകരിക്കുവാന്‍ കഴിയും എന്ന് വിശദമാക്കാമോ?

സംസ്ഥാനത്തെ ജലസ്രോതസ്സുകള്‍ യഥാസമയം പരിപാലിക്കാതെയും ജനങ്ങളുടെ അതിക്രമത്താലും മറ്റു ഇടപെടലുകളുടെയും ഫലമായും മലിനമായത് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

ഇത്തരത്തില്‍ ഉപയോഗശൂന്യമായി കിടക്കുന്ന പ്രധാന ജലസ്രോതസ്സുകള്‍ ഉള്‍പ്പെടെയുള്ളവയുടെ ജില്ല തിരിച്ചുള്ള കണക്ക് ലഭ്യമാക്കുമോ;

ഇവയുടെ സംരക്ഷണം-വിനിയോഗം-പരിപാലനം എന്നിവ ഉറപ്പുവരുത്താൻ സ്വീകരിച്ചുവരുന്ന നടപടികള്‍ വ്യക്തമാക്കുമോ;

ജലസ്രോതസ്സുകളെ നശിപ്പിക്കുന്നവരെ കണ്ടെത്തി മാതൃകാപരമായ ശിക്ഷ ഉറപ്പുവരുത്താന്‍ എന്തെല്ലാം നടപടികള്‍ സ്വീകരിച്ചുവരുന്നു; വിശദമാക്കാമോ;

ഇതിനായി റവന്യൂ-പഞ്ചായത്ത് വകുപ്പുകളുടെ സേവനം ആവശ്യപ്പെട്ടിടുണ്ടോ; പുതിയ കർമ്മപദ്ധതി രൂപീകരിക്കാന്‍ ഉദ്ദേശിക്കുന്നുണ്ടോ; വ്യക്തമാക്കുമോ?

കേരളത്തിൽ സർക്കാർ തലത്തിൽ എത്ര മൈക്രോ ഇറിഗേഷൻ പദ്ധതികൾ നടപ്പിലാക്കുന്നുണ്ട്; അവയുടെ വിശദാംശം ലഭ്യമാക്കാമോ; അതിൽ ഏതെല്ലാം പദ്ധതികൾ പൂർത്തിയായിട്ടുണ്ടെന്ന് അറിയിക്കാമോ;

പ്രസ്തുത പദ്ധതിയിൽ ഏതെല്ലാം വിളകൾ ഉൾപെടുത്തിയിട്ടുണ്ടെന്നും ഓരോ വിളകൾക്കും പ്രതിദിനം എത്ര ലിറ്റർ ജലമാണ് നൽകാനുദ്ദേശിച്ചിട്ടുള്ളതെന്നുമുള്ള വിവരങ്ങൾ ലഭ്യമാക്കാമോ; പൂർത്തിയായ പദ്ധതികളിൽ ഉദ്ദേശിച്ച വിധത്തിൽ ജലം നൽകുന്നതിനു സാധിക്കുന്നുണ്ടോയെന്ന് അറിയിക്കാമോ;

പ്രസ്തുത പദ്ധതിയിൽ വൈദ്യുതി സൗജന്യമായി നൽകുന്നുണ്ടോയെന്ന് അറിയിക്കാമോ; ഉണ്ടെങ്കിൽ ആയതിന്റെ തുക വകുപ്പിൽ നിന്നും കെ. എസ്. ഇ. ബി. യ്ക്ക് നൽകുന്ന വിധം എങ്ങനെയാണെന്ന് അറിയിക്കാമോ; പൂർത്തിയായ പദ്ധതികളിൽ ഇതുവരെ ഉപയോഗിച്ച വൈദ്യുതിയുടെ അളവ് എത്രയാണെന്നും ഈ പദ്ധതിയിൽ സോളാർ വൈദ്യുതി ഉപയോഗിക്കുന്നുണ്ടോയെന്നും അറിയിക്കാമോ;

പാലക്കാട്‌ മൂലത്തറ ഡാം റൈറ്റ് ബാങ്ക് കനാൽ ദീർഘിപ്പിക്കുന്ന പദ്ധതി മൈക്രോ ഇറിഗേഷൻ പദ്ധതിയുമായി ബന്ധിപ്പിച്ചാണോ നടപ്പിലാക്കുന്നതെന്ന് അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം അങ്കമാലി മണ്ഡലത്തില്‍ ഇറിഗേഷന്‍ വകുപ്പിന്റെ കീഴിലുള്ള മേജര്‍, മൈനര്‍ വിഭാഗത്തില്‍ നാളിതുവരെ പ്ലാന്‍/നോണ്‍ പ്ലാന്‍ ഇനത്തില്‍ ഭരണാനുമതി നല്‍കി പൂര്‍ത്തീകരിച്ചതും നടന്നുവരുന്നതുമായ പ്രവൃത്തികളുടെ വിവരം ഇനം തിരിച്ച് ലഭ്യമാക്കുമോ;

2025-26 വര്‍ഷം പ്ലാന്‍/നോണ്‍ പ്ലാന്‍ ഇനത്തില്‍ അങ്കമാലി മണ്ഡലത്തില്‍ ഭരണാനുമതി നല്‍കുന്നതിനുള്ള ഏതെല്ലാം പ്രപ്പോസലുകളാണ് എറണാകുളം ജില്ലയില്‍ നിന്നും ചീഫ് എഞ്ചിനീയര്‍ക്ക് നല്‍കിയിട്ടുള്ളതെന്ന് വിശദമാക്കാമോ; ഇതില്‍ ഏതെല്ലാം പദ്ധതികള്‍ക്കാണ് ഭരണാനുമതി നല്‍കിയതെന്ന് വ്യക്തമാക്കാമോ?

മട്ടന്നൂര്‍ മണ്ഡലത്തില്‍ 2016-2021, 2021-2025 കാലഘട്ടങ്ങളില്‍ ജലവിഭവ വകുപ്പ് മുഖേന എത്ര കോടി രൂപയുടെ പദ്ധതികള്‍ നടപ്പിലാക്കിയിട്ടുണ്ട്; വിശദാംശം ലഭ്യമാക്കാമോ?

കോതമംഗലം മണ്ഡലത്തിലെ ആവോലിച്ചാല്‍ ലിഫ്റ്റ് ഇറിഗേഷൻ പദ്ധതിയുടെ നിലവിലെ സ്ഥിതി വ്യക്തമാക്കാമോ;

പ്രസ്തുത പദ്ധതിയുമായി ബന്ധപ്പെട്ട് ഫോറസ്റ്റ് വകുപ്പിലേക്ക് അടയ്ക്കാനുള്ള 40.39 ലക്ഷം രൂപ അടച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത പദ്ധതി സമയബന്ധിതമായി പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

കല്യാശ്ശേരി മണ്ഡലത്തില്‍ 2016-21, 2021-25 കാലഘട്ടത്തില്‍ ജലവിഭവ വകുപ്പ് മുഖേന എത്ര കോടി രൂപയുടെ പദ്ധതികള്‍ നടപ്പിലാക്കിയിട്ടുണ്ട്; വിശദാംശം ലഭ്യമാക്കാമോ?

പേരാമ്പ്ര മണ്ഡലത്തിൽ 2016 മുതൽ 2021 വരെയും 2021 മുതൽ നാളിതുവരെയും ജലവിഭവ വകുപ്പ് നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

എന്തെല്ലാം പുതിയ പദ്ധതികളാണ് നടപ്പിലാക്കാൻ ഉദ്ദേശിക്കുന്നതെന്നും നിലവിൽ പൂർത്തിയാക്കാനുള്ള പ്രവൃത്തികൾ ഏതെല്ലാമാണെന്നും വ്യക്തമാക്കാമോ?

കോട്ടയം ജില്ലയിൽ മീനച്ചിലാർ - മീനന്തറയാർ - കൊടുരാർ പുന:സംയോജന പദ്ധതിയിലെ ഏതെങ്കിലും പ്രവൃത്തികൾ ജലവിഭവ വകുപ്പ് ടെണ്ടർ വഴി കരാറുകാരെ നിശ്ചയിച്ചല്ലാതെ നേരിട്ട് ജനകീയ കൂട്ടായ്മക്ക് പണം കൈമാറി നടപ്പാക്കിയിട്ടുണ്ടോയെന്ന് വ്യക്തമാക്കാമോ;

പ്രസ്തുത പദ്ധതിയുമായി ബന്ധപ്പെട്ട് 76 ലക്ഷം രൂപയുടെ ഭരണാനുമതി നൽകിയ 2 പ്രവൃത്തികളും 1,38,69,785/-രൂപയുടെ ഭരണാനുമതി നൽകിയ 7 അനുബന്ധ പ്രവൃത്തികളും ഉൾപ്പെടെ ആകെ 9 പ്രവൃത്തികളും നടത്തിയ കരാറുകാരുടെ പേരുവിവരം ലഭ്യമാക്കാമോ;

2019 ല്‍ രജിസ്റ്റര്‍ ചെയ്ത് മീനച്ചിലാർ-മീനന്തറയാർ-കൊടുരാർ പുന:സംയോജന പദ്ധതി എന്ന പേരില്‍ രൂപീകരിച്ച സൊസൈറ്റിയുടെ കണക്കുകള്‍ രജിസ്ട്രേഷൻ വകുപ്പിലല്ലാതെ ജലവിഭവ വകുപ്പിൽ ലഭ്യമാക്കി സൂക്ഷിക്കാറുണ്ടോയെന്ന് വ്യക്തമാക്കാമോ?

2016‌-17 മുതല്‍ മാവേലിക്കര നിയോജക മണ്ഡലത്തില്‍ മെെനര്‍ ഇറിഗേഷന്‍ മുഖേന നടപ്പിലാക്കുന്ന പദ്ധതികളുടെ വിശദാംശവും അവയുടെ തല്‍സ്ഥിതി വിവരവും ലഭ്യമാക്കുമോ;

മാവേലിക്കര മണ്ഡലത്തില്‍ വിവിധ തോടുകളുടെ സംരക്ഷണ ഭിത്തിയും കലുങ്കുകളും നിര്‍മ്മിക്കുന്നതിന് ബജറ്റില്‍ അനുവദിച്ച പദ്ധതിയുടെ ഭരണ-സാങ്കേതിക അനുമതികള്‍ക്ക് മെെനര്‍ ഇറിഗേഷന്‍ സ്വീകരിച്ച നടപടികള്‍ വിശദമാക്കുമോ?

സംസ്ഥാനത്ത് പട്ടികജാതി പട്ടികവർഗ്ഗ ഉന്നതികളിലേക്ക് സൗജന്യ കുടിവെള്ള വിതരണത്തിന് പദ്ധതികള്‍ വിഭാവനം ചെയ്തിട്ടുണ്ടോയെന്ന് വ്യക്തമാക്കാമോ?

അരുവിക്കര മണ്ഡലത്തില്‍ നടപ്പിലാക്കി വരുന്ന മുഴുവൻ ജലജീവൻ പദ്ധതികളുടെയും വിശദാംശം, അവയുടെ ഭരണാനുമതി തുക, നിലവിലെ സ്ഥിതി എന്നിവ സംബന്ധിച്ച വിവരങ്ങള്‍ തരം തിരിച്ച് അറിയിക്കുമോ;

ഓരോ പദ്ധതിയുടെയും ഭൗതിക ലക്ഷ്യം സമയബന്ധിതമായി കൈവരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

ഈ സർക്കാർ അധികാരത്തില്‍ വന്നശേഷം കാഞ്ഞിരപ്പള്ളി മണ്ഡലത്തില്‍ മേജർ ഇറിഗേഷന്‍, മൈനർ ഇറിഗേഷന്‍ വകുപ്പുകള്‍ മുഖേന അനുവദിച്ച പദ്ധതികളും അവയുടെ ഭരണാനുമതി തുകയും അറിയിക്കാമോ;

അവയുടെ പൂർത്തീകരണം സംബന്ധിച്ച പുരോഗതി റിപ്പോർട്ട് ലഭ്യമാക്കാമോ?

ഷൊര്‍ണ്ണൂര്‍ മണ്ഡലത്തിലെ ചെര്‍പ്പുളശ്ശേരി, ചളവറ, അനങ്ങനടി പഞ്ചായത്തുകളിലെ ജല്‍ ജീവന്‍, അമൃത് സ്റ്റേറ്റ് പ്ലാന്‍ എന്നീ പദ്ധതികളുടെ പ്രവര്‍ത്തനം വിശദമാക്കാമോ;

ഈ പദ്ധതികളുടെ പുരോഗതിയും എന്നത്തേക്ക് പൂർത്തീകരിക്കാൻ കഴിയുമെന്നും വിശദമാക്കാമോ?

ജല്‍ ജിവന്‍ മിഷൻ പദ്ധതിയില്‍ ഉള്‍പ്പെടുത്തിയ പ്രവൃത്തികള്‍ പൂര്‍ത്തീകരിക്കുന്നതിന് കരാറുകാര്‍ താമസം വരുത്തുന്നതായുള്ള വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ; എങ്കിൽ അത് പരിഹരിക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കാമോ;

പ്രസ്തുത പദ്ധതി പ്രകാരമുള്ള പ്രവൃത്തികള്‍ ഏറ്റെടുത്ത കരാറുകാര്‍ നിസ്സാര തടസ്സങ്ങള്‍ ചൂണ്ടിക്കാട്ടി നിര്‍മ്മാണ പ്രവൃത്തികള്‍ ആരംഭിക്കുന്നതിന് കാലതാമസം വരുത്തുന്നത് ഒഴിവാക്കുന്നതിനായി ക്വാളിറ്റി ആന്റ് കോസ്റ്റ് ബേസ്ഡ് സിസ്റ്റത്തിനു പകരം സുതാര്യമായ ടെന്‍ഡര്‍ സംവിധാനം നടപ്പിലാക്കുമോ; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം തിരുവനന്തപുരം നിയോജക മണ്ഡലത്തില്‍ ജലവിഭവവകുപ്പിന് കീഴില്‍ ഏതെല്ലാം പ്രവൃത്തികള്‍ക്ക് അനുമതി നല്‍കിയെന്നും അവയുടെ ഇപ്പോഴത്തെ സ്ഥിതിയും വ്യക്തമാക്കാമോ;

അനുവദിച്ച ഏതെല്ലാം പദ്ധതികള്‍ക്ക് ഭരണാനുമതി ലഭിക്കുവാനുണ്ടെന്നും അവയുടെ ഇപ്പോഴത്തെ സ്ഥിതി എന്താണെന്നും വ്യക്തമാക്കാമോ?

2016-17 മുതൽ മാവേലിക്കര നിയോജക മണ്ഡലത്തിൽ മേജർ ഇറിഗേഷൻ മുഖേന നടപ്പിലാക്കുന്നതിനായി ബജറ്റ് ഉൾപ്പെടെ വിവിധ പദ്ധതികളിലൂടെ അനുവദിച്ച പ്രവൃത്തികളുടെ വിശദവിവരം ലഭ്യമാക്കുമോ; അവയുടെ നിലവിലെ സ്ഥിതി വിശദമാക്കാമോ?

തിരൂരങ്ങാടി മണ്ഡലത്തിലെ നിർദിഷ്ട ന്യൂ കട്ട് വാട്ടർ സ്റ്റോറേജ് പദ്ധതിയുടെ നിലവിലെ അവസ്ഥ എന്താണെന്ന് വിശദമാക്കാമോ;

പ്രസ്തുത പദ്ധതിയുടെ ഭാഗമായി ഡീറ്റൈൽഡ് പ്രോജക്‌ട് റിപ്പോർട്ടിൽ (ഡി. പി. ആർ.) ഉൾപ്പെട്ട ഘടകങ്ങൾ എന്തെല്ലാമാണെന്ന് വിശദമാക്കാമോ;

പ്രസ്തുത പദ്ധതിയുടെ പുതിയ ഡീറ്റൈൽഡ് സ്റ്റഡി റിപ്പോർട്ട് (ഡി. എസ്. ആർ.) പ്രകാരമുള്ള എസ്റ്റിമേറ്റ് തുക എത്രയാണെന്ന് വിശദമാക്കാമോ;

പ്രസ്തുത പദ്ധതിയുടെ ടെൻഡർ നടപടികൾ സ്വീകരിക്കുന്നതിന് എന്തെല്ലാം നടപടികൾ പൂർത്തീകരിക്കാനുണ്ടെന്ന് അറിയിക്കാമോ; ഓരോ നടപടിയും വിശദമാക്കാമോ;

പ്രസ്തുത പദ്ധതിക്ക് ധനകാര്യ വകുപ്പിന്റെ അനുമതി ലഭിച്ചിട്ടുണ്ടോ; ഇല്ലെങ്കിൽ പ്രസ്തുത പ്രവൃത്തിയുടെ ഫയൽ ധനകാര്യ വകുപ്പിലേക്ക് അനുമതിക്കായി സമർപ്പിച്ചിരുന്നോ; വിശദമാക്കാമോ?

ജലവിഭവ വകുപ്പിന്റെ ആഭിമുഖ്യത്തില്‍ ആലപ്പുഴ മണ്ഡലത്തില്‍ വിവിധ മിഷനുകള്‍ക്കും പദ്ധതികള്‍ക്കും കീഴില്‍ 2021 ജൂണ്‍ മുതല്‍ നടപ്പിലാക്കിയ പദ്ധതി പ്രവര്‍ത്തനങ്ങളുടെ വിശദാംശം ലഭ്യമാക്കാമോ;

പ്രസ്തുത കാലയളവില്‍ മൈനര്‍ ഇറിഗേഷനും മേജര്‍ ഇറിഗേഷനും കീഴില്‍ നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

എന്തെല്ലാം പുതിയ പദ്ധതികളാണ് നടപ്പിലാക്കാന്‍ ഉദ്ദേശിക്കുന്നത്; നിലവില്‍ പൂര്‍ത്തീകരിക്കാന്‍ ഉള്ള പ്രവൃത്തികള്‍ ഏതെല്ലാമാണ്; വിശദമാക്കാമോ?

വെള്ളപ്പൊക്ക സാധ്യതാ മുന്നറിയിപ്പ് നല്‍കുന്നതിനായി ജലവിഭവ വകുപ്പിന് കീഴില്‍ പദ്ധതി ആവിഷ്കരിച്ചിട്ടുണ്ടോ; വിശദാംശം നല്‍കാമോ;

ഇതിനായി തല്‍സമയ വിവരശേഖരണ സംവിധാനം ഒരുക്കിയിട്ടുണ്ടോ; എങ്കിൽ അവ എവിടെയെല്ലാമാണെന്ന് അറിയിക്കാമോ;

ഈ സംവിധാനത്തിന്റെ പ്രവര്‍ത്തനരീതി വിശദമാക്കാമോ;

ഈ പദ്ധതിക്ക് തുക അനുവദിച്ചതിന്റെ വിശദാംശം നല്‍കാമോ?

ജൽ ജീവന്‍ മിഷന്‍ പദ്ധതിയില്‍ ഉള്‍പ്പെടുത്തി കോഴിക്കോട് കോര്‍പ്പറേഷന്‍ പരിധിയില്‍ സൗജന്യ നിരക്കില്‍ എത്ര ഹൗസ് കണക്ഷന്‍ നല്‍കിയിട്ടുണ്ട് എന്ന വിവരം ലഭ്യമാക്കുമോ;

ഇതിനുവേണ്ടി എത്ര തുക ചെലവഴിച്ചു; വിശദാംശം ലഭ്യമാക്കുമോ?

ചങ്ങനാശ്ശേരി മണ്ഡലത്തില്‍ രണ്ടാം കുട്ടനാട് പാക്കേജില്‍ ഉള്‍പ്പെടുത്തി അനുവദിച്ചിരിക്കുന്ന പ്രവൃത്തികൾ ഏതെല്ലാമെന്ന് വ്യക്തമാക്കുമോ;

ഓരോ പ്രവൃത്തിക്കും അനുവദിച്ച തുകയും പ്രവൃത്തിയുടെ നിലവിലെ സ്ഥിതിയും വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം കോഴിക്കോട് സൗത്ത് മണ്ഡലത്തില്‍ നടപ്പിലാക്കിയ മൈനര്‍ ഇറിഗേഷന്‍ പദ്ധതികളുടെ വിശദാംശം ലഭ്യമാക്കാമോ;

ആയതിൽ പ്രവൃത്തി ആരംഭിച്ചവയും ആരംഭിക്കാത്തവയും ആയ പദ്ധതികളുടെ ലിസ്റ്റും നിലവിലെ സ്ഥിതിയും വ്യക്തമാക്കാമോ?

നാദാപുരം മണ്ഡലത്തിലെ ജൽ ജീവന്‍ മിഷന്‍ പദ്ധതിയുടെ പ്രവൃത്തിക്ക് വേണ്ടി എടുത്ത റോഡിലെ കുഴികള്‍ മൂടിയ ശേഷം പൂര്‍ണ്ണമായി ഗതാഗത യോഗ്യമാക്കാത്ത റോഡുകളുടെ പേര് വിവരങ്ങള്‍ ഗ്രാമ പഞ്ചായത്ത് അടിസ്ഥാനത്തില്‍ ലഭ്യമാക്കാമോ?

തിരൂരങ്ങാടി നിയോജക മണ്ഡലത്തിലെ കുണ്ടൂർ തോട് നവീകരണത്തിന് സംസ്ഥാന ബജറ്റിൽ 15 കോടി രൂപ പ്രഖ്യാപനം ഉണ്ടായിട്ടും ടെണ്ടര്‍ നടപടികൾ സ്വീകരിക്കാൻ കഴിയാത്തത് ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കാമോ;

കിഫ്‌ബിയുടെ മാനദണ്ഡപ്രകാരമുള്ള ഡി. പി. ആർ. ഈ പ്രവൃത്തിയുടെ നിർവഹണ ഏജൻസിയായ കെ. ഐ. ഐ. ഡി. സി. യും സി. എം. ഡി. യും ഇതുവരെ കിഫ്‌ബിയിൽ സമർപ്പിച്ചിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കാമോ;

പ്രസ്തുത പ്രവൃത്തിയുമായി ബന്ധപ്പെട്ട ഫയൽ ഇപ്പോൾ ഏത് ഓഫീസിൽ ആണുള്ളതെന്ന് വ്യക്തമാക്കാമോ;

പ്രസ്തുത പ്രവൃത്തിയുടെ ഡി. പി. ആർ. അടക്കമുള്ള ഫയൽ എന്നത്തെ ബോർഡ് മീറ്റിംഗിൽ പരിഗണിക്കും എന്ന് വ്യക്തമാക്കാമോ;

പ്രസ്തുത പ്രവൃത്തിയുടെ ടെണ്ടര്‍ നടപടികൾ പൂർത്തീകരിച്ച്‌ പ്രവൃത്തി എന്നേയ്ക്ക് ആരംഭിക്കാൻ കഴിയും എന്ന് വ്യക്തമാക്കാമോ?

നാഷണല്‍ ഹൈവേ 66-ന്റെ നിര്‍മ്മാണത്തിന്റെ ഭാഗമായി കോരപ്പുഴ, മുരാട് പുഴ എന്നിവയ്ക്ക് കുറുകെ പാലം നിര്‍മ്മിക്കുന്നതിന്റെ ഭാഗമായി പുഴ നികത്തിയത് ശ്രദ്ധയില്‍പ്പെട്ടിട്ടുണ്ടോയെന്ന് അറിയിക്കാമോ;

ഇങ്ങനെ നികത്തിയ മണ്ണ് പൂര്‍ണ്ണമായും നീക്കം ചെയ്യുന്നുണ്ടോയെന്ന് പരിശോധിക്കുന്നതിന് സംവിധാനം ഏര്‍പ്പെടുത്തിയിട്ടുണ്ടോ; വിശദമാക്കാമോ;

ഹൈവേയുടെ പ്രവൃത്തിയുടെ ഭാഗമായുണ്ടാകുന്ന കോൺക്രീറ്റ് ഉൾപ്പെടെയുള്ള ഖരമാലിന്യങ്ങള്‍ കരാറുകാരുടെ അനാസ്ഥ മൂലം ജലാശയങ്ങളില്‍ നിക്ഷേപിക്കപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് നീക്കം ചെയ്യുന്നതിന് കര്‍ശനമായ നടപടികള്‍ കൈക്കൊള്ളുമോയെന്ന് വ്യക്തമാക്കാമോ?

സംസ്ഥാനത്തുണ്ടായ പ്രളയത്തിന്റെ പ്രധാന കാരണം നദികളുടെ പരിപാലനത്തിലുണ്ടായ ഉപേക്ഷയാണെന്ന് കണ്ടെത്തിയിട്ടുണ്ടോ; വ്യക്തമാക്കുമോ;

നദികളുടെ പരിപാലനത്തിനായി നദീതട മാസ്റ്റര്‍ പ്ലാന്‍ തയ്യാറാക്കുവാന്‍ പദ്ധതി ആവിഷ്കരിച്ചിട്ടുണ്ടോ; എങ്കില്‍ ഏതൊക്കെ വകുപ്പുകളുടെ സഹകരണത്തോടെയാണ് പദ്ധതി തയ്യാറാക്കുന്നതെന്നും ഇതിനായി വിദേശ സഹായം ലഭിച്ചിട്ടുണ്ടോയെന്നുമുള്ള വിശദാംശം നല്‍കുമോ?

പാലാ മണ്ഡലത്തിലെ മീനച്ചിലാറിലെ വിവിധ തടയണകളില്‍ അടിഞ്ഞു കൂടിയിട്ടുള്ള മാലിന്യങ്ങള്‍ നീക്കം ചെയ്യുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കാമോ;

മീനച്ചിലാറിലേയ്ക്ക് എത്തിച്ചേരുന്ന പ്രധാനപ്പെട്ട കൈവഴികളുടെ ഭൂരേഖകൾ പ്രകാരമുള്ള വീതിയും ആഴവും വീണ്ടെടുത്ത് സംരക്ഷിക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കാമോ?

തിരൂരങ്ങാടി മണ്ഡലത്തിലെ പുഴകളിലും തോടുകളിലും നീർച്ചാലുകളിലും മറ്റും മണ്ണ് അടിഞ്ഞുകൂടി വെള്ളത്തിന്റെ ഒഴുക്കിന് തടസ്സം നേരിടുന്നതും തന്മൂലം ജലസംഭരണശേഷി കുറയുന്നതും ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പുഴകളിലും നീർച്ചാലുകളിലും തോടുകളിലും മണ്ണടിഞ്ഞു കിടന്ന് വെള്ളത്തിന്റെ ഒഴുക്കു കുറ‍ഞ്ഞ് വെള്ളം സംഭരിക്കാൻ കഴിയാതെ വരുന്നതിനാൽ പാടശേഖരങ്ങളിലേക്ക് വെള്ളം എത്താതെ കൃഷി നശിക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ഇത്തരത്തിൽ മണ്ണ് അടിഞ്ഞുകൂടിയ തിരൂരങ്ങാടി മണ്ഡലത്തിലെ പുഴകളിലേയും റോഡുകളിലേയും നീർച്ചാലുകളിലേയും മണ്ണ് നീക്കം ചെയ്യുന്നതിനായി പ്രത്യേക പദ്ധതികൾ തയ്യാറാക്കുകയോ ബന്ധപ്പെട്ട തദ്ദേശസ്വയംഭരണ സ്ഥാപനങ്ങളെ ചുമതലപ്പെടുത്തുകയോ ചെയ്യുന്നുണ്ടോ; വിശദമാക്കാമോ?

ചാലക്കുടിപ്പുഴയുടെ പുനരുജ്ജീവനത്തിന് സംയോജിത നദീതട പ്ലാന്‍ തയ്യാറാക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; ‍ഇതിനായി എന്തൊക്കെ നടപടികള്‍ ‍സ്വീകരിച്ചിട്ടുണ്ടെന്ന് വിശദമാക്കാമോ;

ചാലക്കുടിപ്പുഴയില്‍‍ കൂടുതല്‍ തടയണകള്‍ നിര്‍മ്മിച്ച് വേനല്‍ക്കാലത്തും ജലലഭ്യത ഉറപ്പ് വരുത്തുന്നതിനുള്ള നടപടികള്‍ സ്വീകരിക്കുമോയെന്ന് വ്യക്തമാക്കുമോ;

മേലൂർ-പരിയാരം ഗ്രാമപഞ്ചായത്തുകളെ ബന്ധിപ്പിച്ച് ചാലക്കുടിപ്പുഴയിലെ കയ്യാനിക്കടവിൽ തടയണ നിർമ്മാണത്തിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കുമോ;

റിവർ ബേസിൻ കൺസെർവേഷൻ ആൻഡ് മാനേജ്‌മെന്റ് അതോറിറ്റി രൂപീകരിക്കുവാനുള്ള നടപടികൾ ഏത് ഘട്ടത്തിലാണ്; വിശദാംശം ലഭ്യമാക്കുമോ?

സംസ്ഥാനത്ത് രണ്ടു ദിവസം തുടർച്ചയായി മഴ പെയ്താൽ തന്നെ വെള്ളപ്പൊക്കം രൂക്ഷമാകുന്ന സാഹചര്യം മറികടക്കാൻ ആറുകൾ, തോടുകൾ, ഡാമുകൾ എന്നിവിടങ്ങളിലെ മണലും എക്കലും നീക്കം ചെയ്യുന്നതിന് അടിയന്തര നടപടികൾ സ്വീകരിക്കുമോ; എങ്കിൽ വിശദാംശം ലഭ്യമാക്കുമോ;

ആറുകളിലെയും തോടുകളിലെയും മണൽ ഏകദേശം 30 വർഷത്തിൽപരമായിട്ടും നീക്കം ചെയ്യാത്ത സാഹചര്യത്തിൽ കെട്ടിട നിർമ്മാണത്തിന് ഉൾപ്പെടെ ഗുണകരമാകുന്ന ആറ്റുമണൽ യുദ്ധകാലാടിസ്ഥാനത്തിൽ നീക്കം ചെയ്യുന്നതിന് എന്തൊക്കെ പുതിയ നടപടികൾ സ്വീകരിക്കുമെന്ന് വ്യക്തമാക്കുമോ;

ഇത്തരത്തിൽ മണൽ നീക്കം ചെയ്യുന്നതിന് സ്വീകരിച്ച് വരുന്ന നടപടികളുടെ വിശദാംശം ലഭ്യമാക്കുമോ?

ഡാമുകൾക്ക് ചുറ്റും ഏർപ്പെടുത്തിയ ബഫർസോൺ പിൻവലിച്ചിട്ടും വീട് ഉൾപ്പെടെയുള്ളവയുടെ നിർമ്മാണത്തിന് അനുമതി ലഭിക്കുന്നില്ലായെന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

കണ്ണൂർ ജില്ലയിലെ പഴശ്ശി ജലസംഭരണിയുടെ റിസർവോയർ ഏരിയയ്ക്ക് സമീപം കെട്ടിട നിർമ്മാണത്തിന് അപേക്ഷ നല്കിയെങ്കിലും പഴശ്ശി ഇറിഗേഷനിൽ നിന്നും ഒരു വർഷത്തിലേറെയായി എൻ. ഒ. സി. ലഭിക്കാത്തതിനെ തുടർന്ന് പഞ്ചായത്ത് പെർമിറ്റ് നൽകാത്ത വിഷയം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ആയത് പരിഹരിക്കാനുള്ള അടിയന്തര നടപടികൾ സ്വീകരിക്കുമോ; നിലവില്‍ ഇത്തരത്തിലുള്ള എത്ര അപേക്ഷകളാണ് ലഭിച്ചിട്ടുള്ളത്; അപേക്ഷകർക്ക് എത്രയും വേഗത്തില്‍ എൻ. ഒ. സി. നല്‍കാന്‍ ആവശ്യമായ നടപടികള്‍ സ്വീകരിക്കുമോ?

അങ്കമാലി മണ്ഡലത്തിലെ ഇടമലയാര്‍ പ്രോജക്റ്റ് ഡിവിഷന്‍ 2-ന്റെ പരിധിയില്‍ വരുന്ന ഇടമലയാര്‍ ഇറിഗേഷന്‍ കനാലുകളില്‍ ജലവിതരണം സുഗമമായി നടത്തുന്നതിന് 2025-26 വര്‍ഷം എത്ര തുകയാണ് അറ്റകുറ്റ പണിക്കായി നീക്കി വച്ചിട്ടുള്ളതെന്ന് പ്രവൃത്തി തിരിച്ച് കണക്ക് വ്യക്തമാക്കാമോ;

അങ്കമാലി മണ്ഡലത്തില്‍ കനാലുകളുടെ അടിയന്തര അറ്റകുറ്റപണികള്‍ക്കും പുനരുദ്ധാരണത്തിനും 2025-26 വര്‍ഷം തുക അനുവദിക്കണമെന്ന് ബഹു.ജലവിഭവ വകുപ്പ് മന്ത്രിക്ക് നല്‍കിയ നിവേദനം പരിഗണിച്ച് മതിയായ തുക അനുവദിക്കുന്നതിനുള്ള നിര്‍ദ്ദേശം ചീഫ് എഞ്ചിനീയര്‍ക്ക് നല്‍കുമോ; വിശദാംശം ലഭ്യമാക്കുമോ;

ഈ വിഷയത്തില്‍ ബഹു.മന്ത്രിക്ക് നിയമസഭാംഗം നല്‍കിയ കത്ത് പരിശോധിച്ച് അര്‍ഹമായ പരിഗണന ഈ വിഷയത്തില്‍ നല്‍കി പരിഹാരം കാണുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

ചാത്തന്നൂർ മണ്ഡലത്തിലുൾപ്പെട്ട പരവൂർ കായലിൽ വലിയ തോതിൽ ഉയർന്ന് കുന്നുകളായി മാറിയിട്ടുള്ള മൺകൂനകൾ നീക്കം ചെയ്യുന്നതിന് ടെണ്ടര്‍ നടപടികൾ സ്വീകരിച്ചിട്ടുണ്ടോയെന്നും കരാറുമായി ബന്ധപ്പെട്ട തുടർനടപടികൾ സ്വീകരിച്ചിട്ടുണ്ടോയെന്നും വ്യക്തമാക്കാമോ;

പരവൂർ കായലിലെ മൺകൂനകൾ നീക്കം ചെയ്യുന്നതിന് കാലതാമസം ഉണ്ടാകുന്നത് എന്തുകൊണ്ടാണെന്നും കാലതാമസം ഒഴിവാക്കി മൺകൂനകൾ നീക്കം ചെയ്യുന്നതിന് മേജർ ഇറിഗേഷൻ വകുപ്പ് എന്തെല്ലാം നടപടികൾ സ്വീകരിച്ചിട്ടുണ്ടെന്നും വ്യക്തമാക്കാമോ?

പാപ്പിനിശ്ശേരി പഞ്ചായത്തിലെ കടവത്ത് വയല്‍ തോടിന് കുറുകെയുള്ള തടയണ നിര്‍മ്മാണം എന്ന പ്രവൃത്തിയുടെ നിലവിലെ പ്രവര്‍ത്തന പുരോഗതി അറിയിക്കാമോ;

പ്രസ്തുത പ്രവൃത്തി എത്ര ശതമാനം പൂര്‍ത്തീകരിച്ചിട്ടുണ്ടെന്ന് അറിയിക്കാമോ?

കോതമംഗലം നാടുകാണി റോഡിന് കുറുകെ കടന്നുപോകുന്ന അക്വാഡക്റ്റിന്റെ ഉയരക്കുറവുമൂലം പ്രസ്തുത റോഡിലൂടെ വലിയ വാഹനങ്ങള്‍ കടന്നുപോകുന്നതിന് തടസ്സം നേരിടുന്നത് ശ്രദ്ധയില്‍പ്പെട്ടിട്ടുണ്ടോയെന്ന് അറിയിക്കാമോ;

അക്വാഡക്റ്റിന്റെ ഉയരം കൂട്ടുകയോ അല്ലെങ്കില്‍ അക്വാഡക്റ്റിന് പകരമായി ഈ പ്രദേശത്ത് കനാല്‍ നിര്‍മ്മിക്കുകയോ ചെയ്യുന്നതിന് നടപടി സ്വീകരിക്കുമോ; വ്യക്തമാക്കാമോ;

അക്വാഡക്റ്റിന് പകരം സൈഫണ്‍ നിര്‍മ്മിക്കാന്‍ അന്വേഷണം നടത്തി സാങ്കേതിക സാധ്യത പരിശോധിക്കുന്നതിനായി നടപടി സ്വീകരിക്കുമോയെന്ന് വ്യക്തമാക്കാമോ?

സംസ്ഥാനത്തെ 60 ശതമാനം കടൽത്തീരങ്ങളും ശോഷണത്തിലാണെന്നത് ജലവിഭവ വകുപ്പ് പരിശോധിച്ചിട്ടുണ്ടോയെന്ന് വ്യക്തമാക്കാമോ;

വൻതോതിലുളള തീരശോഷണത്തിന്റെ കാരണങ്ങൾ എന്തെല്ലാമാണെന്ന് കണ്ടെത്തിയിട്ടുണ്ടോ;

തീരശോഷണം ആവാസ വ്യവസ്ഥയെ എപ്രകാരം ബാധിക്കുമെന്നത് സംബന്ധിച്ച് പഠനം നടത്താൻ ഉദ്ദേശിക്കുന്നുണ്ടോ; വിശദമാക്കാമോ;

തീരസംരക്ഷണം ഉറപ്പാക്കാൻ എന്തെല്ലാം ശാസ്ത്രീയ മാർഗ്ഗങ്ങളാണ് ജലവിഭവ വകുപ്പ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

അട്ടപ്പാടി കുന്ദാനദീതട പദ്ധതിയുടെ മണ്ണ് സംരക്ഷണത്തിനായി കയ്യാല കെട്ടുന്നതിന് ആകെ എത്ര രൂപ ചെലവഴിച്ചു; അട്ടപ്പാടിയിലെ ഓരോ ആദിവാസികളുടെയും ഭൂമിയിൽ എത്ര രൂപ വീതമാണ് ചെലവഴിച്ചത്; തുക ചെലവഴിച്ചത് സംബന്ധിച്ച രജിസ്റ്ററിന്റെ പകർപ്പ് സഹിതം ലഭ്യമാക്കാമോ?

മെെനര്‍ ഇറിഗേഷന്‍ വകുപ്പ് മുഖേന ഐആര്‍ആര്‍/1എ/ഇഎസ് ടി/6558/2024-5-1-1 സമര്‍പ്പിച്ചിരിക്കുന്ന ഇടുക്കി ജില്ലയിലെ മൂന്നാര്‍ പ്രീ-മെട്രിക് ഹോസ്റ്റലിന് സമീപം വാര്‍ഡ് 10 സംരക്ഷണ ഭിത്തി നിര്‍മ്മാണം എന്ന പ്രവൃത്തിയില്‍ സ്വീകരിച്ചിരിക്കുന്ന നടപടികള്‍ വിശദമാക്കാമോ?

2022-23 സാമ്പത്തിക വര്‍ഷത്തെ ബഡ്ജറ്റിൽ പ്രഖ്യാപിച്ച ചാലക്കുടി പുഴയിലെ വൈന്തല പ്രോജക്ട് കടവ് മുതൽ സമ്പാളൂർ ഞറളക്കടവ് വരെയുള്ള ഭാഗത്തെ പുഴയോര സംരക്ഷണം എന്ന പ്രവൃത്തിയുടെ വിശദാംശങ്ങളും നിലവിലെ പുരോഗതിയും വ്യക്തമാക്കാമോ;

ഈ പ്രദേശത്തെ പറമ്പുകളുടെ വശങ്ങൾ പുഴയിലേക്ക് ഇടിഞ്ഞ് വീഴുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

ഈ പ്രവൃത്തിയുടെ മെല്ലപ്പോക്ക് ശ്രദ്ധയില്‍പ്പെട്ടിട്ടുണ്ടോ; ആയത് ഗൗരവമായി കണ്ട് പരിഹാരം കണ്ടെത്തുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കാമോ;

പ്രസ്തുത പ്രവൃത്തി എന്ന് പൂര്‍ത്തീകരിക്കുമെന്ന് വ്യക്തമാക്കുമോ?

ബഡ്ജറ്റില്‍ 5 കോടി വകയിരുത്തി നിര്‍മ്മിക്കുന്ന കോഴിക്കോട് നോര്‍ത്ത് മണ്ഡലത്തിലെ വെള്ളരിത്തോടിന്റെ നിര്‍മ്മാണ പ്രവൃത്തിയുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

പ്രസ്തുത പ്രവൃത്തിയുടെ ഭിത്തി നാട്ടുകാര്‍ പൊളിച്ചു നീക്കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കുന്നതിന് സ്വീകരിച്ച നടപടി വിശദമാക്കാമോ;

ഈ വെള്ളരിത്തോടിന്റെ സംരക്ഷണഭിത്തി സംരക്ഷിക്കുന്നതിന് കേരള ഭൂസംരക്ഷണ നിയമം സെക്ഷൻ 15 പ്രകാരം സ്വീകരിച്ച നടപടികള്‍ എന്തൊക്കെയാണ്?

സംസ്ഥാനത്തിന്റെ തീര സംരക്ഷണത്തിനായി ജലവിഭവ വകുപ്പ് നടപ്പാക്കുന്ന പദ്ധതികൾ ഫലപ്രദമാകുന്നില്ല എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം ഗൗരവത്തോടെ കാണുന്നുണ്ടോ; വിശദാംശം നൽകാമോ;

തീര സംരക്ഷണത്തിനായി ടെട്രാപോഡ് സ്ഥാപിക്കുന്നതിനുള്ള ഏതൊക്ക പദ്ധതികളാണ് നിലവിൽ ജലസേചന വകുപ്പ് ഏറ്റെടുത്തിട്ടുള്ളത്‌; പ്രസ്തുത പദ്ധതികൾ പൂർത്തീകരിക്കുന്നതിന് കാലതാമസം നേരിടുന്നതിന്റെ കാരണം വ്യക്തമാക്കുമോ;

തീരപ്രദേശത്തിന്റെ സംരക്ഷണവും തീരദേശ ജനതയുടെ സുരക്ഷയും ഉറപ്പാക്കുന്നതിനായി കടൽ ഭിത്തി നിർമ്മാണം ഉൾപ്പെടെയുള്ള തീരസംരക്ഷണ പ്രവർത്തനങ്ങൾ സമയബന്ധിതമായും ഫലപ്രദമായും നടപ്പാക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

കോഴിക്കോട് നോര്‍ത്ത് മണ്ഡലത്തില്‍ 2021 മുതല്‍ കടല്‍ഭിത്തി നിര്‍മ്മാണത്തിന് എത്ര രൂപ ചെലവഴിച്ചിട്ടുണ്ട്; വിശദാംശം ലഭ്യമാക്കുമോ;

ഏതെല്ലാം പദ്ധതികള്‍ക്കാണ് പ്രസ്തുത തുക വിനിയോഗിച്ചിട്ടുള്ളതെന്ന് വിശദമാക്കുമോ;

ഓരോ പദ്ധതിയുടെയും നിലവിലെ സ്ഥിതി വ്യക്തമാക്കുമോ?

തിരുവമ്പാടി മണ്ഡലത്തിലെ കാരശ്ശേരി പഞ്ചായത്തില്‍ നടപ്പിലാക്കുന്ന മാളിയേക്കല്‍ ലിഫ്റ്റ് ഇറിഗേഷന്‍ പദ്ധതി നിലവിൽ ഏത് ഘട്ടത്തിലാണെന്ന് വിശദമാക്കാമോ;

പ്രസ്‌തുത പദ്ധതി പൂര്‍ത്തീകരിക്കാന്‍ കാലതാമസം വന്നത് എന്തു കൊണ്ടാണെന്ന് വ്യക്തമാക്കാമോ;

ഇനി എന്തൊക്കെ പ്രവൃത്തികളാണ് പൂർത്തിയാക്കാനുള്ളതെന്നു വിശദമാക്കാമോ;

പ്രസ്‌തുത പദ്ധതി എപ്പോൾ കമ്മീഷൻ ചെയ്യാനാകുമെന്ന് വ്യക്തമാക്കാമോ?

കോട്ടക്കല്‍ മണ്ഡലത്തിലെ വളാഞ്ചേരി നഗരസഭയിലെ കാട്ടിപ്പരുത്തിയില്‍ പറളിപ്പാടം വി‌.സി‌.ബി.(വെന്റഡ് ക്രോസ്സ് ബാർ )കം ബ്രിഡ്ജ് നിര്‍മ്മാണ പ്രവൃത്തി (എം.ഐ ക്ലാസ് I, 4702-00-101-99-01) സംബന്ധിച്ച പ്രൊപ്പോസലിന്മേല്‍ വകുപ്പ് സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത പ്രവൃത്തി നടപ്പ് സാമ്പത്തിക വര്‍ഷത്തെ മുന്‍ഗണനാ പട്ടികയില്‍ ഉള്‍പ്പെടുത്തി ഭരണാനുമതി ലഭ്യമാക്കുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കുമോ?

2025-26 വര്‍ഷത്തില്‍ കോട്ടക്കല്‍ മണ്ഡലത്തിലെ മൈനര്‍ ഇറിഗേഷന്‍ വകുപ്പിനുകീഴില്‍ പമ്പ് സെറ്റുകളുടെ വാര്‍ഷിക അറ്റകുറ്റപണികള്‍ക്കായി ലഭിച്ച പ്രൊപ്പോസലുകളുടെ വിശദാംശം ലഭ്യമാക്കുമോ;

പ്രസ്തുത പ്രൊപ്പോസലിന്മേല്‍ ഏതെല്ലാം പ്രവൃത്തികള്‍ക്ക് അനുമതി നല്‍കിയിട്ടുണ്ടെന്നും അവയുടെ നിലവിലെ പുരോഗതി എന്തെന്നും വിശദമാക്കുമോ;

പമ്പ് സെറ്റുകളുടെ അറ്റകുറ്റ പണികള്‍ സമയബന്ധിതമായി നടത്തുവാന്‍ അടിയന്തര നടപടികള്‍ സ്വീകരിക്കുമോ?

വിളപ്പില്‍ശാല പഞ്ചായത്തിലെ കടുമ്പുപാറയില്‍ സ്ഥാപിക്കുന്ന ജൽജീവന്‍ മിഷന്റെ ഭാഗമായുള്ള വാട്ടര്‍ ടാങ്കിന്റെ അനുബന്ധ പ്രവൃത്തികളുടെ വിശദാംശം ലഭ്യമാക്കാമോ; ഇതിനായി അനുമതി ലഭ്യമായ തുക എത്രയെന്ന് വ്യക്തമാക്കാമോ;

പ്രസ്തുത പദ്ധതിയുടെ നിര്‍മ്മാണ പ്രവൃത്തികള്‍ എന്ന് പൂര്‍ത്തിയാക്കാനാകും; വിശദാംശം ലഭ്യമാക്കാമോ?

കോട്ടക്കല്‍ കൃഷിഭവന്‍ പരിധിയില്‍ നെല്‍കൃഷിയും പച്ചക്കറി കൃഷിയും വിപുലപ്പെടുത്തുന്നതിനായി കൃഷിഭവന്റെ പരിധിയിലുള്ള ജലസ്രോതസുകള്‍ പുനരുജ്ജീവിപ്പിച്ച് പുതിയ കൈത്തോടുകളും നീര്‍ച്ചാലുകളും ചിറകളും നിര്‍മ്മിക്കുകയും നിലവിലുള്ളവ നവീകരിക്കുകയും ചെയ്യുന്നതുള്‍പ്പടെയുള്ള ഒരു സമഗ്ര ജലസേചന പദ്ധതി ആവിഷ്കരിക്കുന്നത് സംബന്ധിച്ച പ്രൊപ്പോസല്‍ ലഭ്യമായിട്ടുണ്ടോ; എങ്കിൽ പ്രസ്തുത പ്രൊപ്പോസലിന്മേൽ ജലവിഭവ വകുപ്പ് സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത വിഷയത്തിന്മേൽ ചീഫ് എഞ്ചിനീയറുടെ (ജലസേചനവും ഭരണവും) ഓഫീസില്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ?

ചക്കംകണ്ടം റെഗുലേറ്റർ-കം-ബ്രി‍‍ഡ്ജ് പുനർനിർമ്മാണവുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കാമോ;

നിലവിലെ പാലം തകർന്നത് മൂലം ഗതാഗതം നിരോധിച്ചിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; എത്രയും വേഗം ഭരണാനുമതി ലഭ്യമാക്കി പുനർനിർമ്മാണം നടത്തുന്നതിന് ആവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

തവനൂർ മണ്ഡലത്തിലെ ചമ്രവട്ടം റഗുലേറ്റർ-കം -ബ്രിഡ്ജിന്റെ ചോർച്ച അടക്കൽ പ്രവൃത്തിയുടെ പുരോഗതി വിശദമാക്കാമോ;

പ്രസ്തുത പ്രവൃത്തി എന്നത്തേക്ക് പൂർത്തീകരിക്കാനാണ് ഉദ്ദേശിക്കുന്നത് എന്ന് വിശദമാക്കാമോ?

കല്ല്യാശ്ശേരി മണ്ഡലത്തിലെ ചെറുകുന്ന് ഗ്രാമപഞ്ചായത്തിലെ ബാപ്പുകൽ ബണ്ട് നിർമ്മാണം, മുട്ടിൽകാപ്പ് റെഗുലേറ്റർ കം ബ്രിഡ്ജ് നിർമ്മാണം എന്നിവയുമായി ബന്ധപ്പെട്ട് സമർപ്പിച്ച പ്രോജക്ടുകളുടെ വിശദാംശം ലഭ്യമാക്കാമോ; പ്രസ്തുത പ്രോജക്ടുകൾക്ക് ഭരണാനുമതി ലഭ്യമാക്കാൻ നടപടി സ്വീകരിച്ചിട്ടുണ്ടോ; വ്യക്തമാക്കാമോ?

തവന്നൂര്‍ മണ്ഡലത്തിലെ കൂട്ടായി റഗുലേറ്റര്‍- കം-ബ്രിഡ്ജിന്റെ റിപ്പയര്‍ പ്രവൃത്തികളുടെ നിലവിലെ സ്ഥിതി എന്താണെന്ന് വിശദമാക്കാമോ;

പ്രസ്തുത ബ്രിഡ്ജിലൂടെ ഒരേസമയം രണ്ട് വാഹനങ്ങള്‍ക്ക് കടന്ന് പോകാൻ കഴിയുന്ന തരത്തില്‍ വീതി കൂട്ടുന്ന കാര്യം പരിഗണനയിലുണ്ടോ; അതും കൂടി പ്രസ്തുത പ്രവൃത്തിയിൽ ഉള്‍പ്പെടുത്താന്‍ വേണ്ട നടപടി സ്വീകരിക്കുമോയെന്ന് വ്യക്തമാക്കുമോ;

പ്രസ്തുത റിപ്പയര്‍ പ്രവൃത്തികള്‍ എന്നത്തേയ്ക്ക് പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം കേരള വാട്ടര്‍ അതോറിറ്റി, ഇറിഗേഷന്‍, ഭൂജല വകുപ്പുകള്‍ എന്നിവ മുഖാന്തിരം പട്ടാമ്പി മണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദവിവരം ലഭ്യമാക്കുമോ;

ഓരോ പ്രവൃത്തിയുടെയും നിലവിലെ സ്ഥിതി, അനുവദിച്ച തുക എന്നിവ വ്യക്തമാക്കുമോ; പ്രസ്തുത പ്രവൃത്തിയുടെയും ആയതിന് അനുവദിച്ച തുകയുടേയും ഉത്തരവുകളുടെ പകര്‍പ്പ് ലഭ്യമാക്കുമോ?

കോരപ്പുഴയില്‍ നിന്ന് ചെളി നീക്കം ചെയ്ത് പുഴയുടെ ആഴം കൂട്ടുന്ന പ്രവൃത്തി കാര്യക്ഷമമായി പുരോഗമിക്കുന്നുണ്ടോ; ഇതിന്റെ ഭാഗമായി ഏകദേശം എത്ര ടണ്‍ ചെളി മണല്‍ നീക്കം ചെയ്തിട്ടുണ്ട്; വിശദവിവരം നൽകുമോ;

പുഴയുടെ സ്വതസിദ്ധമായ ഒഴുക്ക് വീണ്ടെടുക്കാന്‍ ഈ പ്രവൃത്തിയിലൂടെ സാധിച്ചിട്ടുണ്ടോ; വ്യക്‌തമാക്കുമോ;

പ്രസ്‌തുത പ്രവൃത്തിയുടെ ഭാഗമായി കരയിലൂടെയുള്ള ഒഴുക്ക് ശക്തിപ്പെട്ടതുമൂലം കരയിടിയുന്നത് പരിഹരിക്കുന്നതിന് നടപടികള്‍ സ്വീകരിക്കുമോ; ഇത്തരത്തില്‍ കരയിടിഞ്ഞതായി പരാതികള്‍ ലഭിച്ചിട്ടുണ്ടോ; എങ്കിൽ അതിന്മേല്‍ സ്വീകരിച്ച നടപടികള്‍ വിശദമാക്കുമോ?

പുതുപ്പള്ളി മണ്ഡലത്തിൽ 2022-23 മുതൽ 2025-26 വരെയുള്ള കാലയളവുകളിലെ ആസ്തി വികസന ഫണ്ടിൽ നിന്നും തുക അനുവദിച്ച ശേഷം പ്രവൃത്തി തുടങ്ങുന്നതിനായി ഇറിഗേഷൻ വകുപ്പിന്റെ അനുമതിക്കായി സമർപ്പിച്ചിരിക്കുന്ന പ്രൊപ്പോസലുകൾ ഏതൊക്കെയെന്നും ഇവയോരോന്നും കോട്ടയം മൈനർ ഇറിഗേഷൻ ഓഫീസിൽ ലഭിച്ച തീയതിയും അവയുടെ നിലവിലെ സ്ഥിതിയും വിശദമാക്കുമോ;

ആസ്തി വികസന ഫണ്ടിൽ നിന്നും 40 ലക്ഷം രൂപ വിനിയോഗിച്ച് മീനടം ഗ്രാമ പഞ്ചായത്തിലെ പടിഞ്ഞാറെവീട്ടില്‍ കടവ് പാലം പുനര്‍നിര്‍മ്മിക്കുന്ന പ്രവൃത്തിക്കായുള്ള പ്രൊപ്പോസൽ വകുപ്പിന് ലഭിച്ച തീയതിയും ആയതിൽ നാളിതുവരെ സ്വീകരിച്ച നടപടികളും അറിയിക്കുമോ;

ആസ്തി വികസന ഫണ്ടിൽ നിന്നും 45 ലക്ഷം രൂപ വിനിയോഗിച്ച് മീനടം ഗ്രാമപഞ്ചായത്തിൽ പാണൂര്‍ക്കടുപ്പ് പാലം പുതുതായി നിര്‍മ്മിക്കുന്ന പ്രവൃത്തിക്കായുള്ള പ്രൊപ്പോസൽ വകുപ്പിന് ലഭിച്ച തീയതിയും ആയതിൽ നാളിതുവരെ സ്വീകരിച്ച നടപടികളും അറിയിക്കുമോ?

രണ്ടാം കുട്ടനാട് പാക്കേജിൽ ഉൾപ്പെട്ടതും ഇറിഗേഷൻ വകുപ്പിന് കീഴിൽ അനുവദിച്ചിട്ടുള്ളതുമായ കുട്ടനാട്ടിലെ പദ്ധതികൾ സമയബന്ധിതമായി പൂർത്തീകരിക്കാൻ സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വ്യക്തമാക്കാമോ;

ഈ പദ്ധതികളുടെ പൂർണ്ണ വിവരം ലഭ്യമാക്കാമോ?

തിരുവമ്പാടി മണ്ഡലത്തിലെ മുക്കം നഗരസഭയില്‍ നടപ്പിലാക്കുന്ന കാഞ്ഞിരമുഴി ഡ്രിപ്പ് ഇറിഗേഷന്‍ പദ്ധതിക്ക് നാളിതുവരെയായി എത്ര തുക അനുവദിച്ചിട്ടുണ്ടെന്നും അതില്‍ എത്ര ചെലവഴിച്ചിട്ടുണ്ടെന്നും വിശദമാക്കാമോ;

ഈ പദ്ധതി ഇപ്പോള്‍ ഏതു ഘട്ടത്തിലാണുള്ളതെന്നും പ്രസ്തുത പദ്ധതി എപ്പോള്‍ പൂര്‍ത്തിയാക്കാന്‍ കഴിയുമെന്നും വിശദമാക്കാമോ?

മഞ്ചേശ്വരം മണ്ഡലത്തിലെ കല്പാറ ലിഫ്റ്റ് ഇ​റിഗേഷൻ സ്കീമിന്റെ മെക്കാനിക്കൽ പ്രവൃത്തികൾ കഴിഞ്ഞ ഒന്നര വർഷമായി മുടങ്ങിക്കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

നിലവിൽ സിവിൽ, ഇലക്ട്രിക്കൽ പ്രവൃത്തികളുടെ പ്രൊക്വയര്‍മെന്റ് ആന്റ് ഇൻസ്റ്റലേഷൻ ഒറ്റ ടെന്‍ഡറായി നടപ്പിലാക്കുമ്പോള്‍ മെക്കാനിക്കൽ ലിഫ്റ്റ് ഇറിഗേഷൻ പ്രവൃത്തികളുടെ പ്രൊക്വയര്‍മെന്റ് ആന്റ് ഇൻസ്റ്റലേഷൻ വേർതിരിച്ച് നടപ്പിലാക്കുന്നതിനുളള കാരണം വ്യക്തമാക്കുമോ;

മെക്കാനിക്കൽ പ്രവൃത്തികളുടെ പ്രൊക്വയര്‍മെന്റ് ആന്റ് ഇൻസ്റ്റലേഷൻ വേർതിരിച്ച് നടപ്പിലാക്കിയതുമൂലം സംസ്ഥാനത്ത് കാലതാമസം നേരിട്ട പ്രവൃത്തികളുടെ വിവരങ്ങൾ വിശദമാക്കാമോ;

റെഗുലേറ്റർ പോലുളള വലിയ പ്രവൃത്തികളിൽ മെക്കാനിക്കൽ പാർട്ട് ​​പ്രൊക്വയര്‍മെന്റ് ആന്റ് ഇൻസ്റ്റലേഷൻ ഒറ്റ ടെന്‍ഡറായി നടപ്പിലാക്കുന്നതുപോലെ ലിഫ്റ്റ് ഇറിഗേഷനിലും നടപ്പിലാക്കുന്നതിനുളള നടപടി സ്വീകരിക്കുമോ; വിശദമാക്കാമോ?

ഈ സർക്കാർ അധികാരത്തിൽ വന്നതിന് ശേഷം മേജർ, മൈനർ ഇറിഗേഷൻ പദ്ധതിയിൽ ഉൾപ്പെടുത്തി അരുവിക്കര മണ്ഡലത്തിൽ നടപ്പിലാക്കിയ പ്രവൃത്തികളുടെ വിവരങ്ങൾ അവയുടെ ഭരണാനുമതി തുക, നിലവിലെ സ്ഥിതി എന്നിവ ഉൾപ്പെടെ പഞ്ചായത്ത് തിരിച്ച് ലഭ്യമാക്കാമോ;

ഈ സർക്കാർ അധികാരത്തിൽ വന്നതിന് ശേഷം അരുവിക്കര മണ്ഡലത്തിൽ കേരള വാട്ടർ അതോറിട്ടി, ഭൂജലവകുപ്പ് എന്നിവ മുഖേന നടപ്പിലാക്കിയ പ്രവൃത്തികളുടെ വിശദാംശങ്ങളും ഭരണാനുമതി തുക, നിലവിലെ സ്ഥിതി എന്നിവ സംബന്ധിച്ച വിവരങ്ങളും ലഭ്യമാക്കുമോ?

മലപ്പുറം ജില്ലയിലെ കടലുണ്ടിപ്പുഴയുടെ വലതു കരഭാഗത്തുള്ള മൂന്നിയൂര്‍ പഞ്ചായത്തിലെ 5 കുളിക്കടവുകളുടെ പുനരുദ്ധാരണ പ്രവൃത്തികളുടെ ഭാഗമായി ടെന്‍ഡര്‍ നടപടികള്‍ പൂര്‍ത്തീകരിച്ചിട്ടുണ്ടോ; വിശദാംശം നല്‍കാമോ;

പ്രസ്തുത പ്രവൃത്തിയുടെ ടെന്‍ഡര്‍ നടപടികളില്‍ നിലവില്‍ നേരിടുന്ന പ്രതിസന്ധികള്‍ മറികടന്ന് പദ്ധതി ആരംഭിക്കുവാനുള്ള നടപടികള്‍ സ്വീകരിക്കുമോ; വ്യക്തമാക്കാമോ?

ജലവിഭവ വകുപ്പിന്റെ അധീനതയിലുള്ള ഉപയോഗശൂന്യമായി കിടക്കുന്ന ഭൂമി കളിക്കളങ്ങള്‍ ഉള്‍പ്പെടെയുള്ള പൊതു ആവശ്യങ്ങള്‍ക്ക് വിട്ടുനല്‍കുന്നത് സര്‍ക്കാരിന്റെ വികസന പ്രവര്‍ത്തനങ്ങള്‍ക്ക് വേഗം കൂട്ടുമെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ എന്തൊക്കെ നടപടികളാണ് ഇക്കാര്യത്തില്‍ സ്വീകരിക്കുകയെന്ന് വ്യക്തമാക്കാമോ;

കൂത്തുപറമ്പ് മണ്ഡലത്തില്‍ പാനൂര്‍ നഗരസഭയില്‍ പാനൂര്‍ അംശം എലാങ്കോട് ദേശത്ത് കാപ്പുമ്മലില്‍ റീ സര്‍വേ നമ്പര്‍ 29/5, 29/10, 29/09-ല്‍ പ്പെട്ട മൂന്ന് ഏക്കര്‍ ഭൂമിയുടെ ഉടമസ്ഥാവകാശം ജലവിഭവ വകുപ്പില്‍ തന്നെ നിലനിര്‍ത്തിക്കൊണ്ട് പ്രസ്തുത ഭൂമി സ്റ്റേഡിയമായി ഉപയോഗിക്കാന്‍ അനുമതി നല്‍കുമോയെന്ന് വിശദമാക്കുമോ;

പ്രസ്തുത ആവശ്യവുമായി ബന്ധപ്പെട്ട് വകുപ്പിന് നല്‍കിയ അപേക്ഷകളിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ?

2024-25 വര്‍ഷം മുതല്‍ നാളിതുവരെ മേജർ/മൈനർ ഇറിഗേഷൻ പദ്ധതികളിലായി കോട്ടക്കല്‍ മണ്ഡലത്തില്‍ നിന്നുള്ള എത്ര പ്രവൃത്തികള്‍ക്ക് ഭരണാനുമതി ലഭ്യമാക്കിയിട്ടുണ്ടെന്ന് അറിയിക്കാമോ; ഉത്തരവിന്റെ പകര്‍പ്പ് ലഭ്യമാക്കാമോ;

പ്രസ്തുത പദ്ധതികളില്‍ പ്രവൃത്തി ആരംഭിച്ചതും പൂർത്തീകരിച്ചിട്ടില്ലാത്തതുമായവ, നാളിതുവരെ പ്രവൃത്തി ആരംഭിച്ചിട്ടില്ലാത്തവ എന്നിവയുടെ വിശദാംശം തരംതിരിച്ച് ലഭ്യമാക്കാമോ;

ഈ സർക്കാർ അധികാരത്തില്‍ വന്നശേഷം കോട്ടയ്ക്കല്‍ മണ്ഡലത്തിൽ മേജർ/മൈനർ ഇറിഗേഷൻ പദ്ധതികളിലായി നടപ്പിലാക്കാന്‍ ഉദ്ദേശിക്കുന്ന എത്ര പ്രവൃത്തികളുടെ എസ്റ്റിമേറ്റ് തയ്യാറാക്കിയിട്ടുണ്ടെന്നും അവയുടെ വിശദാംശവും നിലവിലെ സ്ഥിതിയും അവയില്‍ ഭരണാനുമതി നല്‍കിയിട്ടില്ലാത്ത പ്രവൃത്തികള്‍ ഏതെല്ലാമെന്നും പ്രസ്തുത പ്രവൃത്തിയുമായി ബന്ധപ്പെട്ട ഫയല്‍ നിലവില്‍ ഏത് ഓഫീസിന്റെ പരിഗണനയിലാണെന്നും ഫയല്‍ നമ്പര്‍ സഹിതം വിശദമാക്കാമോ;

കോട്ടക്കല്‍ മണ്ഡലത്തില്‍ നിന്നും തോട് നവീകരണം, പാർശ്വഭിത്തി സംരക്ഷണം എന്നിവയ്ക്ക് വേണ്ടി 2023-24 വര്‍ഷം മുതല്‍ നാളിതുവരെ സമർപ്പിച്ച പ്രൊപ്പോസലുകളുടെ നിലവിലെ സ്ഥിതി വിശദമാക്കാമോ; പ്രസ്തുത പ്രവൃത്തികള്‍ക്ക് ഭരണാനുമതി ലഭ്യമാക്കുവാന്‍ നടപടി സ്വീകരിക്കാമോ?

തവനൂര്‍ മണ്ഡലത്തിലെ നിര്‍മ്മാണം നടക്കുന്ന കൂട്ടായി ലോക്ക് കം ബ്രിഡ്ജിന്റെ റോഡ് വീതി 4.5 മീറ്റര്‍ മാത്രമാണെന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

രണ്ട് വാഹനങ്ങള്‍ ഒരുമിച്ച് പോകുന്നതിനാവശ്യമായ വീതി നല്‍കുന്നതിനായി ഡിസൈൻ ചേഞ്ച് വരുത്താൻ ഉദ്ദേശിക്കുന്നുണ്ടോ; ഉണ്ടെങ്കില്‍ ഇതിന്റെ നടപടി ഏതുവരെയായിയെന്നും എന്നത്തേയ്ക്ക് പ്രവൃത്തി പൂര്‍ത്തീകരിക്കാനാകുമെന്നും വിശദമാക്കാമോ?

സംസ്ഥാനത്ത് സുസ്ഥിര ജലലഭ്യത കൈവരിക്കുന്നതിനായി ഭൂജല സംപോഷണ പദ്ധതികൾ ഏറ്റെടുക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാനത്തെ കുഴൽക്കിണർ അടിസ്ഥാനമാക്കിയുള്ള ചെറുകിട കുടിവെള്ള പദ്ധതികളുടെ നിർമ്മാണ നവീകരണ പ്രവർത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

കേരളത്തിലെ ജലസ്രോതസ്സുകളെക്കുറിച്ച് പഠനം നടത്തുന്നതിന്റെ ഭാഗമായി വാട്ടർഷെഡ് അടിസ്ഥാനമാക്കിയുള്ള മാസ്റ്റർപ്ലാനുകൾ ജലവിഭവ വകുപ്പ് തയ്യാറാക്കിയിട്ടുണ്ടോ; വിശദമാക്കാമോ;

സംയോജിത ജലവിഭവ മാനേജ്മെൻറ് പദ്ധതിയിൽ ഉൾപ്പെടുത്തി നടപ്പിലാക്കി വരുന്ന പ്രവർത്തനങ്ങളുടെ പുരോഗതി വ്യക്തമാക്കാമോ?

സംസ്ഥാനത്ത് ജലസംരക്ഷണവും ജലഗുണനിലവാരവും ശുദ്ധജല ലഭ്യതയും മെച്ചപ്പെടുത്തുന്നതിനായി പൊതുജനങ്ങളിൽ ജലസാക്ഷരത ഉറപ്പാക്കേണ്ടതിന്റെ ആവശ്യകത വിശകലനം ചെയ്തിട്ടുണ്ടോ; വിശദാംശം നല്‍കാമോ;

പുതുതലമുറയ്ക്ക് ജലസാക്ഷരത പരിചയപ്പെടുത്തുന്നതിനായി ജലസംരക്ഷണത്തിന്റെ നല്ല പാഠങ്ങൾ സ്കൂൾതലത്തിൽ തന്നെ പരിശീലിപ്പിക്കുന്നതിന് പദ്ധതി നിലവിലുണ്ടോ; വിശദമാക്കാമോ;

മഴവെള്ളം പരമാവധി ഉപയോഗപ്പെടുത്തുന്നതിനും ഭൂഗർഭജല സംപോഷണത്തിനും സഹായിക്കുന്ന തരത്തിലുള്ള കെട്ടിട നിർമ്മാണ മാതൃകകൾ പിന്തുടരുന്നതിന് പൊതുജനത്തെ ബോധവൽക്കരിക്കുന്നതിനായി ജലവിഭവ വകുപ്പിന്റെ നേതൃത്വത്തിൽ നടപ്പിലാക്കിയ പദ്ധതികൾ ഏതെല്ലാമാണെന്ന് വിശദമാക്കാമോ;

എല്ലാ കുടിവെള്ള സ്രോതസ്സുകളിലെയും ജലത്തിന്റെ ഗുണനിലവാരം ഉറപ്പാക്കുന്നതിനായി സമൂഹത്തിൽ ശക്തമായ ബോധവൽക്കരണ പ്രവർത്തനങ്ങളും മികച്ച മാലിന്യ സംസ്കരണ സംവിധാനവും പിന്തുടരുവാന്‍ ജലവിഭവ വകുപ്പ് നടപ്പിലാക്കിയ പദ്ധതികൾ എന്തെല്ലാമാണെന്ന് വിശദമാക്കാമോ?

ഹരിപ്പാട് മണ്ഡലത്തില്‍ ഭൂജല വകുപ്പ് മുഖേന നടപ്പിലാക്കുന്ന വിവിധ പ്രവൃത്തികളുടെ വിശദാംശം ലഭ്യമാക്കാമോ;

ഹരിപ്പാട് മണ്ഡലത്തിലെ വിവിധ പഞ്ചായത്തുകളും മറ്റ് ഏജന്‍സികളും ഭൂജല വകുപ്പ് മുഖേന ഡെപ്പോസിറ്റ് വര്‍ക്കായി നിര്‍വഹിക്കുന്ന പ്രവൃത്തികളുടെ വിശദാംശം ലഭ്യമാക്കാമോ;

ഹരിപ്പാട് മണ്ഡലത്തില്‍ ഭൂജല വകുപ്പ് മുഖേന നിര്‍മ്മിച്ചിട്ടുള്ള കുഴല്‍ക്കിണറുകള്‍ തകരാറിലാകുന്നതുമായി ബന്ധപ്പെട്ട് എന്തെങ്കിലും പരാതികള്‍ ലഭിച്ചിട്ടുണ്ടോ; ഉണ്ടെങ്കില്‍ അക്കാര്യത്തില്‍ എന്ത് തുടര്‍ നപടിയാണ് സ്വീകരിച്ചിട്ടുള്ളതെന്ന് അറിയിക്കാമോ?

ഭൂജല വകുപ്പിന്റെ ചുമതലകളും വകുപ്പ് മുഖേന നടപ്പിലാക്കുന്ന പദ്ധതികളും അവയുടെ നടപടികളും ഇനം തിരിച്ച് വിശദമാക്കാമോ;

എന്തെല്ലാം പുതിയ പദ്ധതികളാണ് നിലവിൽ ഭൂജല വകുപ്പ് ആവിഷ്കരിച്ചുകൊണ്ടിരിക്കുന്നത്; വിശദമാക്കാമോ;

കഴിഞ്ഞ പത്ത് വർഷത്തിനിടയിൽ വകുപ്പ് മുഖേന തിരൂരങ്ങാടി നിയോജക മണ്ഡലത്തിൽ ആവിഷ്കരിച്ചതോ പൂർത്തീകരിച്ചതോ ആയ പദ്ധതികളുടെ വിശദവിവരങ്ങൾ ഓരോന്നും ഇനം തിരിച്ചു ലഭ്യമാക്കാമോ?

നഗരവൽക്കരണവും മാറുന്ന കാലാവസ്ഥാ പ്രവണതകളും കാരണം ജലസ്രോതസ്സുകളിൽ സമ്മർദ്ദം ഏറുന്ന സാഹചര്യത്തിൽ അവയുടെ സംരക്ഷണത്തിനായി നൂതന പദ്ധതികൾ ആവിഷ്കരിക്കാന്‍ ജലവിഭവ വകുപ്പ് ഉദ്ദേശിക്കുന്നുണ്ടോ; വിശദമാക്കുമോ;

നിലവിലെ ജലസ്രോതസ്സുകളിന്മേലുള്ള സമ്മർദം കുറക്കുന്നതിന്റെ ഭാഗമായി ജലത്തിന്റെ പുനരൂപയോഗവും മലിനജല സംസ്കരണവും കാര്യക്ഷമമാക്കുന്നതിന് ഏതെല്ലാം പദ്ധതികളാണ് വകുപ്പ് നടപ്പിലാക്കിയിട്ടുള്ളതെന്ന് വിശദമാക്കാമോ;

കുടിവെള്ളമായി വിതരണം ചെയ്യുന്ന ജലം മറ്റാവശ്യങ്ങൾക്കായി ഉപയോഗപ്പെടുത്തുന്നത് നിയന്ത്രിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

ഹോസ്റ്റലുകൾ, ആശുപത്രികൾ, ഹോട്ടലുകൾ പോലെ ജല ഉപയോഗം കൂടുതലുള്ള സ്ഥാപനങ്ങളിൽ ജലസംസ്കരണത്തിനും പുനരുപയോഗത്തിനുമായി സംവിധാനം ഒരുക്കുന്നതിന് ജലവിഭവ വകുപ്പ് നിബന്ധനകൾ ഏർപ്പെടുത്താൻ ഉദ്ദേശിക്കുന്നുണ്ടോ; വിശദമാക്കുമോ?

ഈ സർക്കാരിന്റെ കാലയളവിൽ ജലവിഭവ വകുപ്പിലെ ആഭ്യന്തര വിജിലൻസ് വിഭാഗം എത്ര റിപ്പോർട്ടുകൾ സമർപ്പിച്ചിട്ടുണ്ടെന്നും ഓരോ റിപ്പോർട്ടും സമർപ്പിച്ചതെന്നാണെന്നും ഓരോ റിപ്പോർട്ടിന്മേലും നാളിതുവരെ എന്തൊക്കെ തുടർ നടപടികൾ സ്വീകരിച്ചുവെന്നും റിപ്പോർട്ടുകൾ സമയബന്ധിതമായി പരിശോധിച്ച് നടപടി സ്വീകരിക്കാത്തതിന്റെ കാരണം എന്താണെന്നും വ്യക്തമാക്കുമോ;

പ്രസ്തുത റിപ്പോർട്ടുകളിലെ കണ്ടെത്തലുകൾ എന്തൊക്കെയാണെന്നും ക്രമക്കേടുകൾക്ക് ഉത്തരവാദികളായവർക്കെതിരെ എന്തൊക്കെ നടപടി സ്വീകരിച്ചുവെന്നും വ്യക്തമാക്കുമോ?

സംസ്ഥാനത്ത് ജലസ്രോതസ്സുകളിൽ ഇ. കോളി അടക്കമുള്ള ബാക്ടീരിയകളുടെ അളവ് വർദ്ധിക്കുന്നത് ശ്രദ്ധയില്‍പ്പെട്ടിട്ടുണ്ടോ;

ഇ. കോളി അടക്കമുള്ള ബാക്ടീരിയകളുടെ വ്യാപനം അമീബിക് മസ്തിഷ്കജ്വരം ഉണ്ടാക്കുന്ന അമീബയുടെ വ്യാപനം കൂട്ടുമെന്ന കണ്ടെത്തലുകളുടെ അടിസ്ഥാനത്തിൽ സംസ്ഥാനത്തെ കുടിവെള്ള സ്രോതസ്സുകൾ വൃത്തിയാക്കാൻ നടപടികൾ സ്വീകരിക്കുമോ; വ്യക്തമാക്കാമോ?

പെരിഞ്ചേരി കടവ് റെഗുലേറ്റർ കം ബ്രിഡ്ജ് പ്രവൃത്തി ഏതുഘട്ടത്തിലാണെന്ന് അറിയിക്കാമോ; ടി പ്രവൃത്തിയുടെ ആകെ അടങ്കൽ തുകയും ഇതുവരെയായി പൂർത്തീകരിച്ച പ്രവൃത്തികളും ഇനി നിർവഹണത്തിന് ബാക്കിയുള്ള പ്രവൃത്തികളും ഏതൊക്കെയെന്ന് തുക സഹിതം വിശദമാക്കാമോ;

വടകര താലൂക്കിലെ ജലവിതരണത്തിൽ ഉപ്പുവെള്ളത്തിന്റെ സാന്നിധ്യം തടയുന്നതിന് വേണ്ടി വിഭാവനം ചെയ്ത ഈ പ്രവൃത്തി അടിയന്തരമായി പൂർത്തീകരിക്കുന്നതിന് നടപടികൾ സ്വീകരിക്കുമോ; വിശദമാക്കാമോ?

അരൂര്‍ മണ്ഡലത്തിലെ തുറവൂര്‍, കുത്തിയതോട് എന്നീ തീരപ്രദേശങ്ങളിലെ ജനങ്ങള്‍ കുടിവെള്ളം ലഭിക്കാതെ ബുദ്ധിമുട്ടുന്നത് ഒഴിവാക്കാൻ സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ?

ഈ സർക്കാരിന്റെ കാലയളവിൽ ജലവിഭവ വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും നാളിതുവരെ നൽകിയിട്ടുള്ള പരസ്യങ്ങളുടെ വിശദാംശം, പരസ്യം നൽകിയ സ്ഥാപനം, പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, പരസ്യ ഇനത്തിൽ ആകെ ചെലവഴിച്ച തുക എന്നിവ സംബന്ധിച്ച വിശദാംശം വ്യക്തമാക്കാമോ?

കിണറില്‍ നിന്നും മറ്റ് ജലസ്രോതസ്സുകളില്‍ നിന്നും ലഭിക്കുന്ന കുടിവെള്ളം പരിശോധിക്കുന്നതിന് സര്‍ക്കാര്‍ തലത്തില്‍ ഏര്‍പ്പെടുത്തിയ സംവിധാനങ്ങള്‍ എന്തൊക്കെയാണെന്ന് വിശദമാക്കാമോ;

വടകര താലൂക്കില്‍ ഇത്തരത്തില്‍ ഏതൊക്കെ കേന്ദ്രങ്ങളില്‍ നിന്ന് കുടിവെളള പരിശോധന നടത്താന്‍ സാധിക്കും എന്ന് അറിയിക്കാമോ?

സംസ്ഥാനത്തെ നദികളും ജലസ്രോതസ്സുകളും മലിനമാക്കപ്പെടുന്നു എന്ന വസ്തുത ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് തടയാൻ കര്‍മ്മപദ്ധതികള്‍ തയ്യാറാക്കിയിട്ടുണ്ടോ; വിശദാംശം നൽകാമോ;

ജലസ്രോതസ്സുകളിൽ മാലിന്യം നിക്ഷേപിച്ച എത്ര പേർക്കെതിരെ കേരള ജലസേചനവും ജലസംരക്ഷണവും നിയമപ്രകാരം 2016 മുതല്‍ നാളിതുവരെ നിയമനടപടി സ്വീകരിച്ചിട്ടുണ്ടെന്ന് വർഷം തിരിച്ചു വ്യക്തമാക്കുമോ; ഓരോ വർഷവും പിഴയിനത്തിൽ ലഭിച്ച തുക എത്രയാണെന്ന് വ്യക്തമാക്കുമോ;

നദികളെയും ജലസ്രോതസ്സുകളെയും പൂര്‍ണ്ണമായും മാലിന്യമുക്തമാക്കുന്നതിനും സംരക്ഷിക്കുന്നതിനും എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്നും പ്രസ്തുത പദ്ധതിയില്‍ സംസ്ഥാനത്തെ ഏതെല്ലാം ജലാശയങ്ങള്‍ ഉള്‍പ്പെടുന്നുണ്ട് എന്നും വ്യക്തമാക്കാമോ;

ജലാശയങ്ങളുടെ സംരക്ഷണത്തിനായി കേരള ജലസേചനവും ജലസംരക്ഷണവും നിയമം ശക്തമായി നടപ്പാക്കുന്നതിന് നടപടി സ്വീകരിക്കുമോ; വിശദാംശം അറിയിക്കുമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം നവകേരള മിഷനിലെ ഹരിത കേരളം മിഷനിലൂടെ എത്ര ജലസ്രോതസ്സുകളെ മാലിന്യ മുക്തമാക്കിയിട്ടുണ്ട്; വിശദാംശം ജില്ല തിരിച്ച് വെളിപ്പെടുത്തുമോ; അതിനായി എത്ര തുക ചെലവഴിച്ചിട്ടുണ്ട്; വിശദമാക്കുമോ?

ജലജീവന്‍ പദ്ധതിയില്‍ ഉൾപ്പെടുത്തി ഭരണാനുമതി ലഭിക്കുന്നതിനായി സമര്‍പ്പിച്ചിരിക്കുന്ന പാലാ നിയോജകമണ്ഡലത്തിലെ പതിമൂന്നു് പഞ്ചായത്തുകള്‍ക്കു് മലങ്കര ഡാമിൽ നിന്നും കുടിവെള്ള ലഭ്യമാക്കുന്ന പദ്ധതിയുടെ നിലവിലെ സ്ഥിതി വ്യക്തമാക്കാമോ;

ഈ പദ്ധതി വേഗത്തില്‍ നടപ്പിലാക്കി കുടിവെള്ളക്ഷാമം പരിഹരിക്കാൻ സര്‍ക്കാര്‍ നടപടി സ്വീകരിക്കുമോയെന്ന് വ്യക്തമാക്കാമോ?

ഈ സർക്കാർ അധികാരത്തിൽ വന്നതിനുശേഷം നാളിതുവരെയായി ജലവിഭവ വകുപ്പിന് കീഴിൽ ബാലുശ്ശേരി മണ്ഡലത്തിൽ ഏതെല്ലാം പ്രവൃത്തികളാണ് പൂർത്തീകരിച്ചിട്ടുള്ളതെന്ന് വിശദമാക്കാമോ;

ഈ സർക്കാർ അധികാരത്തിൽ വന്നതിനുശേഷം ബാലുശ്ശേരി മണ്ഡലത്തിൽ എത്ര പ്രവൃത്തികൾക്കാണ് വകുപ്പിന് നിലവിൽ ഫണ്ട് അനുവദിച്ചിട്ടുള്ളതെന്ന വിശദാംശം ഗ്രാമപഞ്ചായത്ത് തിരിച്ച് ലഭ്യമാക്കാമോ?

സംസ്ഥാനത്തെ നഗരസഭകളിൽ അമൃത് പദ്ധതിയുടെ ഭാഗമായി ആവിഷ്കരിച്ച കുടിവെള്ള പദ്ധതി ഏതെങ്കിലും തദ്ദേശ സ്വയംഭരണ സ്ഥാപനത്തിൽ നടപ്പിലാക്കിയിട്ടുണ്ടോ; എങ്കിൽ വിശദാംശം ലഭ്യമാക്കാമോ;

ഇതുവരെയും പ്രസ്തുത പ്രവൃത്തി ആരംഭിക്കാത്ത ഏതെങ്കിലും നഗരസഭയുണ്ടോ; എങ്കിൽ അവ ഏതെല്ലാമാണെന്ന് വ്യക്തമാക്കാമോ?

സംസ്ഥാനത്ത് ജല്‍ ജീവന്‍ പദ്ധതി പൂര്‍ത്തീകരിച്ച് എപ്പോള്‍ കമ്മീഷന്‍ ചെയ്യാന്‍ സാധിക്കുമെന്നാണ് പ്രതീക്ഷിക്കുന്നതെന്ന് വിശദമാക്കുമോ ;

പ്രസ്തുത പദ്ധതിയുടെ കരാറുകാർക്ക് സർക്കാർ ഫണ്ട് അനുവദിക്കാൻ ബാക്കിയുണ്ടോ എന്ന് വിശദമാക്കുമോ ;

പ്രസ്തുത പദ്ധതിയുടെ ഭാഗമായി പൈപ്പിടുന്നതിനായി സംസ്ഥാനത്ത് എത്ര കിലോമീറ്റര്‍ ഗ്രാമീണ റോഡുകള്‍ ജലവിഭവ വകുപ്പ് ഏറ്റെടുത്തിട്ടുണ്ടെന്ന് ജില്ല തിരിച്ചുള്ള കണക്ക് വിശദമാക്കുമോ;

പ്രസ്തുത റോഡുകളില്‍ റെസ്റ്റൊറേഷന്‍ പ്രവര്‍ത്തി പൂര്‍ത്തിയാക്കിയതിന്റെ കണക്ക് ജില്ല തിരിച്ച് ലഭ്യമാക്കുമോ?

നാദാപുരം മണ്ഡലത്തിലെ ജൽജീവന്‍ പദ്ധതിയുടെ പ്രവൃത്തിക്കുവേണ്ടി എടുത്ത റോഡിലെ കുഴികള്‍ മൂടിയ ശേഷം പൂര്‍ണമായി ഗതാഗത യോഗ്യമാക്കാത്ത റോഡുകളുടെ പേര് വിവരങ്ങള്‍ ഗ്രാമപഞ്ചായത്ത് അടിസ്ഥാനത്തില്‍ ലഭ്യമാക്കാമോ?

കൂത്തുപറമ്പ് മണ്ഡലത്തിലെ ജല്‍ജീവന്‍ മിഷന്‍ പ്രവൃത്തികളുടെ പുരോഗതി തദ്ദേശസ്ഥാപനങ്ങള്‍ തിരിച്ച് വിശദമാക്കുമോ;

പ്രസ്തുത പദ്ധതികള്‍ക്ക് എന്തെങ്കിലും തടസ്സങ്ങള്‍ നിലവിലുണ്ടോയെന്നും ഇല്ലെങ്കില്‍ പ്രവൃത്തികള്‍ എന്നത്തേക്ക് പൂര്‍ത്തിയാക്കാനാവുമെന്നും വ്യക്തമാക്കുമോ?

ബാലുശ്ശേരി നിയോജക മണ്ഡലത്തിലെ ജലജീവന്‍ പദ്ധതിയുടെ പ്രവൃത്തികളുടെ പുരോഗതി ഗ്രാമപഞ്ചായത്തുകള്‍ തിരിച്ച് അറിയിക്കാമോ; എത്ര കോടി രൂപയാണ് ആകെ ഇതിനായി അനുവദിച്ചിട്ടുള്ളത്; വിശദമാക്കുമോ?

നെയ്യാറ്റിൻകര നിയോജക മണ്ഡലത്തിലെ കാരോട് കുടിവെള്ള പദ്ധതിയുടെ നിലവിലെ അവസ്ഥ വിശദമാക്കാമോ; പ്രസ്‌തുത പദ്ധതി എപ്പോൾ പൂർത്തീകരിക്കാൻ കഴിയുമെന്ന് വ്യക്തമാക്കാമോ?

പാറശ്ശാല മണ്ഡലത്തിൽ 2016 മുതൽ നാളിതുവരെ ജലവിഭവ വകുപ്പ് വഴി നടപ്പിലാക്കിയ വിവിധ പദ്ധതികൾ എന്തൊക്കെ; ഇതിനായി എത്ര രൂപ വിനിയോഗിച്ചിട്ടുണ്ട്; വിശദമാക്കാമോ;

പദ്ധതിയുടെ വിശദ വിവരങ്ങൾ, ഓരോ പ്രവൃത്തിക്കും അനുവദിച്ച തുക, നിർവ്വഹണ ചുമതല നൽകിയിട്ടുള്ള വകുപ്പ്/ഏജൻസി, അവയുടെ നിലവിലെ സ്ഥിതി എന്നിവ വ്യക്തമാക്കാമോ; ഫണ്ട് അനുവദിച്ചുകൊണ്ടുള്ള ഉത്തരവുകളുടെ പകർപ്പ് ലഭ്യമാക്കാമോ;

പാറശ്ശാല ഗ്രാമപഞ്ചായത്തിൽ സമ്പൂർണ്ണ ശുദ്ധജല ലഭ്യത ഉറപ്പുവരുത്തുന്നതിനായി നെയ്യാർ കേന്ദ്രീകരിച്ച് ഒരു പ്രത്യേക പാക്കേജ് രൂപീകരിക്കണം എന്ന നിർദേശത്തിന്മേൽ തുടർ നടപടികൾ സ്വീകരിച്ചിട്ടുണ്ടോ; വിശദവിവരങ്ങൾ അറിയിക്കാമോ?

കാഞ്ഞങ്ങാട് മണ്ഡലത്തിലെ ജല്‍ ജീവൻ മിഷൻ പദ്ധതിയുടെ നിലവിലെ സ്ഥിതി അറിയിക്കാമോ;

ഏതെല്ലാം പഞ്ചായത്തുകളിലാണ് പദ്ധതി പൂർത്തിയാക്കിയതെന്നും എത്ര കണക്ഷനുകളാണ് നൽകാൻ ബാക്കിയുള്ളതെന്നും അറിയിക്കാമോ;

പദ്ധതിയുടെ ഭാഗമായുള്ള വാട്ടർടാങ്ക്, ട്രീറ്റ്മെന്റ് പ്ലാന്റ് എന്നിവയുടെ നിർമ്മാണത്തിന്റെ സ്ഥിതി അറിയിക്കാമോ;

പദ്ധതിയുടെ ഭാഗമായി കുഴിക്കേണ്ടി വന്ന ഏതെല്ലാം റോഡുകൾ പൂർവ്വ സ്ഥിതിയിലാക്കാൻ ബാക്കിയുണ്ടെന്ന് അറിയിക്കാമോ?

കുണ്ടറ മണ്ഡലത്തിലെ പെരിനാട് കുടിവെളള പദ്ധതിയുടെ നിര്‍മ്മാണ പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ?

ജൽ ജീവന്‍ പദ്ധതിയുടെ ഇടുക്കി ജില്ലയിലെ പ്രവര്‍ത്തന പുരോഗതി വിശദമാക്കാമോ; ദേവികുളം മണ്ഡലത്തിലെ പഞ്ചായത്ത് തിരിച്ചുള്ള പ്രവര്‍ത്തന പുരോഗതി വിശദമാക്കാമോ?

ബാലുശ്ശേരി മണ്ഡലത്തിലെ ജല്‍ ജീവൻ പദ്ധതിയുടെ പ്രവര്‍ത്തന പുരോഗതി ഗ്രാമ പഞ്ചായത്തുകള്‍ തിരിച്ച് ലഭ്യമാക്കാമോ;

എത്ര കോടി രൂപയാണ് ഇതിനായി അനുവദിച്ചിട്ടുള്ളതെന്ന് വിശദമാക്കാമോ?

കോങ്ങാട് മണ്ഡലത്തിലെ ജൽ ജീവൻ പദ്ധതിയുടെ നിലവിലെ സ്ഥിതി അറിയിക്കുമോ; ഏതെല്ലാം പഞ്ചായത്തിലാണ് പദ്ധതി പൂർത്തിയാക്കാനുള്ളത്; എത്ര കണക്ഷനുകളാണ് നൽകാൻ ബാക്കിയുള്ളതെന്ന് വ്യക്തമാക്കുമോ; പദ്ധതി അടിയന്തരമായി പൂർത്തീകരിക്കുന്നതിന് നടപടി സ്വീകരിക്കുമോ;

കിഫ്ബി ഫണ്ട് ഉപയോഗിച്ച് കേരള വാട്ടർ അതോറിറ്റി മുഖേന കരിമ്പ, കോങ്ങാട് ഗ്രാമപഞ്ചായത്തുകളിൽ നടപ്പിലാക്കുന്ന സമഗ്ര കുടിവെള്ള പദ്ധതി ഏത് ഘട്ടത്തിലാണെന്ന് വ്യക്തമാക്കുമോ?

പാലാ മണ്ഡലത്തില്‍ ജല്‍ജീവന്‍ പദ്ധതി പ്രകാരം എന്തെല്ലാം പുതിയ പദ്ധതികളാണ് നടപ്പിലാക്കിവരുന്നത്; ഈ പദ്ധതികളുടെ നിലവിലെ സ്ഥിതി വ്യക്തമാക്കാമോ;

പാലാ മണ്ഡലത്തില്‍ ജല്‍ജീവന്‍ പദ്ധതി ഉള്‍പ്പെടെ എന്തെല്ലാം പുതിയ കുടിവെള്ള പദ്ധതികളാണ് നടപ്പിലാക്കാന്‍ ഉദ്ദേശിക്കുന്നത്; വിശദമാക്കാമോ?

സംസ്ഥാനത്ത് ജലജീവൻ പദ്ധതിയുടെ നടത്തിപ്പ് ഏറ്റെടുത്തിട്ടുള്ള കരാറുകാർക്ക് കുടിശ്ശിക തുക നൽകാത്തത് സർക്കാരിന്റെ ശ്രദ്ധയിൽ പെട്ടിട്ടുണ്ടോ; ഉണ്ടെങ്കിൽ പ്രസ്തുത തുക സമയബന്ധിതമായി നൽകി പദ്ധതി പ്രവൃത്തികൾ മുടങ്ങാതിരിക്കുവാൻ സർക്കാർ നടപടി സ്വീകരിക്കുമോ; വിശദമാക്കാമോ?

ജലനിധി പദ്ധതിയില്‍ പൂര്‍ത്തിയാക്കിയ ഏതെല്ലാം പദ്ധതികള്‍ക്ക് വാട്ടര്‍ അതോറിറ്റിയിൽ നിന്നും വെള്ളം നല്‍കുന്നുണ്ടെന്നും ഇതിന് ഏര്‍പ്പെടുത്തിയിട്ടുള്ള വാട്ടര്‍ ചാര്‍ജ് ഇനത്തില്‍ ഈടാക്കിയ തുക എത്രയെന്നും വ്യക്തമാക്കാമോ;

ജലനിധി പദ്ധതിയില്‍ പൂര്‍ത്തിയാക്കിയ പദ്ധതിയില്‍ ഉപഭോക്തൃ സമിതികള്‍ വാട്ടര്‍ ചാര്‍ജ് ഇനത്തില്‍ നല്‍കിയ തുക എത്രയെന്നും എത്ര തുക കുടിശിക വരുത്തിയിട്ടുണ്ടെന്നും അറിയിക്കാമോ;

മേല്‍പ്പറഞ്ഞ വാട്ടര്‍ചാര്‍ജ് കുടിശിക തുക ഈടാക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ; ഇതിനായി എന്തെങ്കിലും നടപടി സ്വീകരിച്ചിട്ടുണ്ടോ; വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ജലവിഭവ വകുപ്പിന്റെ വിവിധ പദ്ധതികളില്‍ ഉള്‍പ്പെടുത്തി കുന്നത്തുനാട് മണ്ഡലത്തില്‍ എത്ര പേര്‍ക്ക് പുതിയതായി കുടിവെള്ള കണക്ഷനുകള്‍ ലഭ്യമാക്കി എന്ന് വ്യക്തമാക്കാമോ;

ആയതിന്റെ കണക്ക് പഞ്ചായത്ത് അടിസ്ഥാനത്തില്‍ ലഭ്യമാക്കാമോ;

ആയതിനായി എത്ര തുക ചെലവഴിച്ചെന്ന് പഞ്ചായത്ത് തിരിച്ചുള്ള തുക വ്യക്തമാക്കാമോ?

വാമനപുരം മണ്ഡലത്തില്‍ ജലജീവന്‍ മിഷന്‍ ആരംഭിക്കുന്നതിനു മുമ്പുള്ള കുടിവെള്ള കണക്ഷനുകളുടെ എണ്ണവും ജലജീവന്‍ മിഷന്‍ മുഖാന്തിരം നല്‍കിയ കണക്ഷനുകളുടെ എണ്ണവും ഇനി നൽകാൻ അവശേഷിക്കുന്ന കുടിവെള്ള കണക്ഷനുകളുടെ എണ്ണവും അനുവദിച്ച തുകയും ഗ്രാമപഞ്ചായത്ത് തിരിച്ച് നല്‍കാമോ?

പഞ്ചായത്ത് പൊതുടാപ്പുകളിലൂടെ പൊതുജനത്തിന് ജലം വിതരണം നടത്തുന്നതിനുള്ള വാട്ടർ ചാർജായി കേന്ദ്ര സർക്കാർ നൽകുന്ന ഗ്രാന്റ് ഏതിനത്തിലാണ് സംസ്ഥാന സർക്കാർ വിനിയോഗിക്കുന്നതെന്ന് വ്യക്തമാക്കാമോ;

പ്രസ്തുത ഗ്രാന്റിനത്തിൽ കോർപറേഷനുകൾക്കും മുനിസിപ്പാലിറ്റകൾക്കുമായി കേന്ദ്ര സർക്കാർ അനുവദിച്ച 719 കോടി രൂപ സംസ്ഥാന സർക്കാർ എന്താവശ്യത്തിനായിട്ടാണ് വിനിയോഗിക്കുകയെന്ന് വ്യക്തമാക്കാമോ;

പഞ്ചായത്ത് പൊതുടാപ്പുകളിലൂടെ ജലം വിതരണം നടത്തിയയിനത്തിലെ വാട്ടർ ചാർജ് കുടിശിക തീർക്കുന്നതിനായി കേന്ദ്രം അനുവദിച്ച ഗ്രാന്റിൽ നിന്ന് സംസ്ഥാന സർക്കാർ എത്ര കോടി രൂപയാണ് അതിനായി വിനിയോഗിക്കുകയെന്ന് വ്യക്തമാക്കാമോ;

നടപ്പ് സാമ്പത്തിക വർഷം നാളിതുവരെയായി സംസ്ഥാന സർക്കാർ ജല അതോറിറ്റിക്ക് ഈ ഗ്രാന്റ് തുക അനുവദിച്ചിട്ടുണ്ടോയെന്ന് വ്യക്തമാക്കാമോ?

പിറവം മണ്ഡലത്തിലെ തിരുമാറാടി ഗ്രാമപഞ്ചായത്തിലെ മണ്ഡലം മലയിൽ ജൽ ജീവൻ മിഷനുമായി ബന്ധപ്പെട്ട് വാട്ടർ ടാങ്ക് സ്ഥാപിക്കുന്നതിന്റെ നിലവിലെ സ്ഥിതിവിശേഷം എന്താണെന്ന് അറിയിക്കാമോ;

പ്രസ്തുത ടാങ്ക് സ്ഥാപിക്കുന്നതായി ബന്ധപ്പെട്ട് കോടതിവിധികൾ പരിശോധിച്ചിട്ടുണ്ടോ; വിശദമാക്കാമോ;

പ്രസ്തുത കോടതിവിധി പ്രകാരം സർക്കാർ സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ;

പ്രസ്തുത പദ്ധതി എന്നത്തേക്ക് ആരംഭിക്കാൻ കഴിയുമെന്ന് അറിയിക്കാമോ;

നിലവിൽ പ്രസ്തുത സ്ഥലത്ത് ടാങ്ക് സ്ഥാപിക്കുന്നതിന് സാങ്കേതികമായ തടസ്സങ്ങൾ എന്തെല്ലാമെന്ന് അറിയിക്കാമോ?

തിരുവമ്പാടി മണ്ഡലത്തിലെ ജൽ ജീവൻ പദ്ധതിയില്‍ ഓരോ തദ്ദേശഭരണസ്ഥാപനത്തിലും അനുവദിച്ച തുകയെത്രയെന്നും അവയില്‍ എത്ര തുക ചെലവഴിച്ചുവെന്നും വിശദമാക്കുമോ;

പ്രസ്തുത പദ്ധതിയുടെ തദ്ദേശഭരണസ്ഥാപനം തിരിച്ചുള്ള പുരോഗതി റിപ്പോര്‍ട്ട് ലഭ്യമാക്കുമോ;

പ്രസ്തുത പദ്ധതി പൂര്‍ത്തിയാകുവാൻ ഇനിയും എത്ര സമയമെടുക്കുമെന്ന് വ്യക്തമാക്കുമോ?

പേരാമ്പ്ര മണ്ഡലത്തിൽ ചക്കിട്ടപാറ പഞ്ചായത്തിലെ കുപ്പിവെള്ള പദ്ധതിയുടെ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വ്യക്തമാക്കാമോ;

പദ്ധതി എപ്പോള്‍ പൂര്‍ത്തിയാക്കാന്‍ കഴിയുമെന്ന് വ്യക്തമാക്കുമോ?

ചാലക്കുടി മണ്ഡലത്തില്‍ ജൽ ജീവന്‍ പദ്ധതിയുടെ ഭാഗമായി പൈപ്പുകൾ സ്ഥാപിക്കുന്നതും റോഡ് പൂര്‍വ്വസ്ഥിതിയിലാക്കുന്നതുമുള്‍പ്പെടെയുള്ള പ്രവര്‍ത്തനങ്ങള്‍ മന്ദഗതിയിലാണെന്നത് സര്‍ക്കാര്‍ ഗൗരവമായി കാണുന്നുണ്ടോ; എങ്കില്‍ ആയത് പരിഹരിക്കുവാൻ നടപടി സ്വീകരിക്കുമോ; വ്യക്തമാക്കുമോ;

ചാലക്കുടി മണ്ഡലത്തില്‍ നാളിതുവരെ ജൽ ജീവന്‍ പദ്ധതിയുടെ എത്ര ശതമാനം പൂര്‍ത്തീകരിക്കുവാന്‍ കഴിഞ്ഞിട്ടുണ്ട്; വിശദമാക്കുമോ;?

നെയ്യാറ്റിന്‍കര നിയോജക മണ്ഡലത്തില്‍ 2021-22, 2022-23, 2023-24, 2024-25 എന്നീ സാമ്പത്തിക വര്‍ഷങ്ങളില്‍ എത്ര പ്രവൃത്തികള്‍ക്കാണ് ജലവിഭവ വകുപ്പ് ഭരണാനുമതി നല്‍കിയതെന്ന് വിശദമാക്കാമോ;

ഓരോ പ്രവൃത്തിക്കും അനുവദിച്ച ഫണ്ട് എത്രയെന്ന് വിശദമാക്കാമോ?

വൈപ്പിന്‍ മണ്ഡലത്തില്‍ അനുഭവപ്പെടുന്ന രൂക്ഷമായ ജലക്ഷാമം പരിഹരിക്കുന്നതിനായി ഗോശ്രീ ഐലന്‍ഡ്സ് ഡെവലപ്മെന്റ് അതോറിറ്റി (ജിഡ)യുടെ ധനസഹായത്തോടെ മുരിക്കുംപാടത്ത് നിര്‍മ്മിച്ചിട്ടുള്ള 11.80 ലക്ഷം ലിറ്റര്‍ കപ്പാസിറ്റിയുള്ള ഉന്നതതല ജലസംഭരണിയിലും ഞാറക്കലില്‍ നിര്‍മ്മിച്ചിട്ടുള്ള 17.90 ലക്ഷം ലിറ്റര്‍ കപ്പാസിറ്റിയുള്ള ഉന്നതതല ജലസംഭരണിയിലും ജലം ശേഖരിച്ച് പൂര്‍ണ്ണതോതില്‍ ജലവിതരണം ആരംഭിച്ചിട്ടുണ്ടോ;

ഇല്ലെങ്കില്‍ പ്രസ്തുത ജലസംഭരണികളുടെ പ്രയോജനം പൂര്‍ണ്ണതോതില്‍ ഗുണഭോക്താക്കള്‍ക്ക് ലഭ്യമാകാത്തതിന്റെ കാരണം വിശദമാക്കാമോ;

പ്രസ്തുത ജലസംഭരണികളുടെ പൂര്‍ണ്ണ പ്രയോജനം ഗുണഭോക്താക്കള്‍ക്ക് ലഭ്യമാക്കുന്നതിനായി സ്വീകരിച്ചിട്ടുള്ള നടപടികള്‍ വിശദമാക്കാമോ;

ആലുവയില്‍ നിര്‍മ്മിക്കുന്ന 190 എം.എല്‍.ഡി. ജലശുദ്ധീകരണശാലയുടെ വിശദമായ പദ്ധതി റിപ്പോര്‍ട്ടില്‍ വൈപ്പിന്‍കരയില്‍ അനുഭവപ്പെടുന്ന രൂക്ഷമായ കുടിവെള്ളക്ഷാമത്തിന് പരിഹാരം കാണുന്നതിനാവശ്യമായ 42 MLD വെള്ളം ലഭ്യമാക്കുന്നതിനും ജിഡ ധനസഹായത്തോടെ നിര്‍മ്മിക്കപ്പെട്ടിട്ടുള്ള ജലസംഭരണികളില്‍ ജലമെത്തിക്കുന്നതിനും ആവശ്യമായ നടപടികള്‍ നിര്‍ദേശിക്കപ്പെട്ടിട്ടുണ്ടോ; ഉണ്ടെങ്കില്‍ വിശദമാക്കാമോ;

190 എം.എല്‍.ഡി. ജലശുദ്ധീകരണശാലയുടെ വിശദമായ പദ്ധതി റിപ്പോര്‍ട്ടില്‍ വൈപ്പിന്‍കരയിലെ കുടിവെള്ള ക്ഷാമത്തിന് പരിഹാരം കാണുന്നതിന് മുന്‍ഗണന നല്‍കണമെന്ന് ആവശ്യപ്പെട്ട് എം. എല്‍. എ. 14.11.2024 ന് ബഹു. ജലവിഭവ വകുപ്പുമന്ത്രിക്ക് നല്‍കിയ കത്തിന്മേല്‍ സ്വീകരിച്ചിട്ടുള്ള നടപടികള്‍ വിശദമാക്കാമോ?

വര്‍ക്കല മണ്ഡലത്തില്‍ ഉപരിതല ജല സംഭരണികള്‍ നിര്‍മ്മിക്കുന്നതിനായി പദ്ധതിയുള്ള ഡീസന്റ് മുക്ക്, പറകുന്ന് എന്നീ സ്ഥലങ്ങളിലെ പ്രവൃത്തികള്‍ ആരംഭിക്കുന്നതിനായി സ്വീകരിച്ചിട്ടുള്ള നടപടികള്‍ വിശദമാക്കാമോ;

പ്രസ്തുത പ്രവൃത്തികള്‍ അടിയന്തരമായി ആരംഭിക്കുവാനുള്ള നടപടി സ്വീകരിക്കുമോ?

സംസ്ഥാനത്തെ ജനങ്ങള്‍ക്ക് ലഭ്യമാക്കുന്ന കുടിവെള്ളത്തിനു് ഗുണനിലവാരം കുറവാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ കുടിവെള്ളത്തിന്റെ ഗുണനിലവാരം വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വിശദമാക്കാമോ;

എല്ലാദിവസവും വെള്ളത്തിന്റെ ഗുണനിലവാരം ഉറപ്പുവരുത്തുവാന്‍ എന്തെങ്കിലും സംവിധാനം ഏര്‍പ്പെടുത്തിയിട്ടുണ്ടോ; ഇല്ലെങ്കില്‍ പ്രസ്തുത സംവിധാനം ഏര്‍പ്പെടുത്തുന്നതിന് നടപടി സ്വീകരിക്കുമോ; വിശദമാക്കാമോ?

വാമനപുരം പഞ്ചായത്തിലെ കൈലാസത്തുകുന്ന് കുടിവെള്ള പദ്ധതിയുടെ നിലവിലെ സ്ഥിതി അറിയിക്കാമോ;

പ്രസ്‌തുത പദ്ധതിക്കായി ഏതെല്ലാം ഫണ്ടുകളാണ് വകയിരുത്തിയിട്ടുള്ളതെന്നും എത്ര കുടുംബങ്ങൾക്ക് പദ്ധതിയുടെ പ്രയോജനം ലഭിക്കുമെന്നും വിശദമാക്കാമോ;

പ്രസ്തുത പദ്ധതി എന്നത്തേക്ക് പൂർത്തിയാക്കാനാകുമെന്ന് വ്യക്തമാക്കാമോ?

ജൽജീവൻ മിഷന്റെയും ജലവിഭവ വകുപ്പിന്റെയും പ്രവൃത്തികൾക്കു വേണ്ടി പൈപ്പുകൾ സ്ഥാപിക്കുന്നതിനായി കുഴികള്‍ എടുത്ത റോഡുകള്‍ പൂര്‍വ്വസ്ഥിതിയിലാക്കാത്തത് മൂലം പഞ്ചായത്തുകളുടെ മെയിന്റനന്‍സ് ഫണ്ട് ഉപയോഗിച്ച് നടപ്പാക്കേണ്ട റോഡ് പ്രവൃത്തികള്‍ നടപ്പാക്കാൻ കഴിയാതെ പോയതും ഈ ഫണ്ടുകൾ ലാപ്സായി പോയതുമായ സാഹചര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ഇപ്രകാരം കൂടുതൽ ഫണ്ട് നഷ്ടമാകാതിരിക്കുന്നതിനായി, തദ്ദേശസ്ഥാപനങ്ങൾ ഫണ്ട് വകയിരുത്തിയിട്ടുള്ള പ്രവൃത്തികള്‍ സമയബന്ധിതമായി പൂര്‍ത്തീകരിക്കുന്നതിന് റെസ്റ്റൊറേഷന്‍ ആവശ്യമാണെങ്കില്‍ തദ്ദേശസ്ഥാപനത്തിന്റെ ഫണ്ട് ഉപയോഗിച്ച് റെസ്റ്റൊറേഷന്‍ നടപ്പാക്കുകയും, വാട്ടർ അതോറിറ്റിയുടെ ഫണ്ട് ലഭ്യമാകുന്ന മുറയ്ക്ക് പ്രസ്തുത റെസ്റ്റോറേഷന്റെ തുക തദ്ദേശസ്ഥാപനങ്ങള്‍ക്ക് കൈമാറുകയും ചെയ്യുന്ന തരത്തിൽ അനുമതി നൽകുന്നതിന് തദ്ദേശ സ്വയംഭരണ വകുപ്പുമായി ആലോചിച്ച് നടപടി സ്വീകരിക്കുമോ; വിശദമാക്കാമോ?

മഞ്ചേശ്വരം നിയോജക മണ്ഡലത്തിൽ ജലവിഭവ വകുപ്പ് നടപ്പിലാക്കുന്ന പദ്ധതികളുടെ വിശദവിവരങ്ങൾ ലഭ്യമാക്കുമോ; പ്രസ്തുത പദ്ധതികൾ നിർവ്വഹണത്തിന്റെ ഏത് ഘട്ടത്തിലാണെന്ന് വിശദമാക്കുമോ;

പ്രസ്തുത പദ്ധതികൾ എപ്പോൾ പൂർത്തീകരിക്കാൻ കഴിയുമെന്നും ആയത് പൂർത്തീകരിച്ചാൽ ലഭിക്കുന്ന നേട്ടങ്ങളെന്തൊക്കെയെന്നും വിശദമാക്കുമോ?

സംസ്ഥാനത്തെ നഗരപ്രദേശങ്ങൾ അടക്കമുള്ള സ്ഥലങ്ങളിൽ ജല അതോറിറ്റി വഴിയുള്ള കുടിവെള്ള വിതരണം തടസപ്പെടുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

തിരുവനന്തപുരം നഗരത്തിലടക്കം നിരവധി ദിനങ്ങളിൽ കുടിവെള്ളം മുടങ്ങിയിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

ഇത്തരം സാഹചര്യം ആവർത്തിക്കുന്നത് തടയാൻ സ്വീകരിക്കുന്ന നടപടികൾ വിശദമാക്കാമോ?

ജല ജീവൻ പദ്ധതി ആരംഭിച്ചതോടെ സംസ്ഥാനത്ത് കുടിവെള്ള കണക്ഷനുകൾ വളരെയേറെ വർധിച്ചിട്ടുള്ള സാഹചര്യത്തിൽ വിതരണ രംഗത്തും മെയിന്റനൻസ് രംഗത്തും കൂടുതൽ ജീവനക്കാർ ആവശ്യമാണെന്ന കാര്യം ശ്രദ്ധയിൽപെട്ടിട്ടുണ്ടോ; എങ്കിൽ അതിനുള്ള നടപടികൾ സ്വീകരിക്കുമോ;

സംസ്ഥാനത്തുടനീളം കണക്ഷനുകൾ നൽകുന്നത് കൊണ്ട് പൈപ്പുകൾ പൊട്ടി ജലം പാഴാകുന്നത് ഒഴിവാക്കുന്നതിനും ആയത് പെട്ടന്ന് പരിഹരിയ്ക്കുന്നതിനും എന്തെല്ലാം സംവിധാനങ്ങളാണ് ഏർപെടുത്തിട്ടുള്ളതെന്ന് വ്യക്തമാക്കാമോ;

ജലവിതരണ പൈപ്പുകൾ പൊട്ടുന്നതും ജലം പാഴാകുന്നതും വിതരണ ലൈനുകളിലെ കുഴപ്പങ്ങളും ഉണ്ടാകുമ്പോൾ ഗുണഭോക്താക്കൾക്ക് പരാതിപ്പെടാൻ എന്തെല്ലാം സംവിധാനമാണ് നിലവിലുള്ളതെന്ന് വ്യക്തമാക്കാമോ;

പൊതുമരാമത്ത് വകുപ്പ് റോഡുകൾ, ദേശീയ പാത എന്നിവിടങ്ങളിൽ പൈപ്പ് പൊട്ടിയാൽ പ്രസ്തുത ഡിപ്പാർട്ടുമെന്റുകളുടെ അനുമതി ലഭിക്കാൻ കാലതാമസം നേരിടുന്നത് ഒഴിവാക്കാനും ഇതിനുവേണ്ടി വെട്ടിപ്പൊളിച്ച റോഡുകൾ റീസ്റ്റോർ ചെയ്യുന്നതിനും ഇരു വകുപ്പുകളും തമ്മിൽ കൃത്യമായ വ്യവസ്ഥകൾ ഉണ്ടാക്കുന്നതിന് നടപടി സ്വീകരിക്കുമോ?

ചാത്തന്നൂർ മണ്ഡലത്തില്‍പ്പെട്ട പരവൂർ നഗരസഭയ്ക്കും പൂതക്കുളം ഗ്രാമപഞ്ചായത്തിനുമായി പുതിയ കുടിവെള്ള പദ്ധതി ആരംഭിക്കുന്നതിന് ഇത്തിക്കര പാലത്തിന് മുകൾ ഭാഗത്തായി ഇത്തിക്കരയാറിൽ തടയണ നിർമ്മിക്കുന്നതിനുള്ള പഠനം നടത്തി അന്തിമ റിപ്പോർട്ട് സമര്‍പ്പിച്ചിട്ടുണ്ടോയെന്നും ഉണ്ടെങ്കിൽ പഠന റിപ്പോർട്ടിന്റെ വിശദാംശം എന്തെല്ലാമെന്നും അറിയിക്കുമോ;

പഠന റിപ്പോർട്ട് ലഭ്യമായിട്ടുണ്ടെങ്കിൽ ആയതിന്മേല്‍ എന്തെല്ലാം തുടർ നടപടികൾ സ്വീകരിച്ചിട്ടുണ്ടെന്ന് വ്യക്തമാക്കുമോ?

സംസ്ഥാനത്ത് ജൽ ജീവൻ മിഷന്റെ ഭാഗമായി കുടിവെള്ള സ്രോതസ്സുകൾ നിർമ്മിക്കാൻ ജലവിഭവ വകുപ്പ് നടത്തുന്ന ഇടപെടലുകൾ വിശദമാക്കാമോ;

കൂടുതൽ പേർക്ക് കുടിവെള്ളമെത്തിക്കുന്നതിനും പുതിയ ജലസ്രോതസ് കണ്ടെത്തുന്നതിനും പഞ്ചായത്തുകളുമായി സഹകരിച്ച് എന്തൊക്കെ നടപടികളാണ് സ്വീകരിക്കുന്നത്; വിശദമാക്കാമോ?

വള്ളികുന്ന് മണ്ഡലത്തിലെ മൂന്നിയൂര്‍, ചേലേമ്പ്ര, വള്ളിക്കുന്ന്, തേഞ്ഞിപ്പലം, പഞ്ചായത്തുകള്‍ക്കുവേണ്ടിയുള്ള സമഗ്ര കുടിവെള്ള പദ്ധതിയുടെ ഇലക്ട്രോ- മെക്കാനിക്കല്‍ പ്രവൃത്തിയുമായി ബന്ധപ്പെട്ട ടെണ്ടര്‍ നടപടി ഹൈകോടതിയില്‍ കേസ് നിലനില്‍ക്കുന്നതിനാല്‍ വൈകുന്നതു് പദ്ധതിയുടെ പൂര്‍ത്തീകരണത്തെ ബാധിക്കുന്നതായി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

ഈ വിഷയത്തില്‍ എന്തെല്ലാം തുടര്‍നടപടികളാണ് സ്വീകരിക്കുന്നതെന്ന് വ്യക്തമാക്കാമോ?

തദ്ദേശ സ്വയംഭരണ സ്ഥാപനങ്ങളിലെ പൊതു ടാപ്പുകൾക്കായി 2021 മുതൽ നാളിതുവരെ ഒരോ സാമ്പത്തിക വർഷവും എത്ര കോടി രൂപയാണ് വാട്ടർ അതോറിറ്റിക്ക് ലഭിക്കാനുളളത്; ജില്ലതിരിച്ചുള്ള കണക്കുകള്‍ ലഭ്യമാക്കാമോ;

വാട്ടർ ചാർജിനത്തിൽ എത്ര രൂപയാണ് തദ്ദേശ സ്വയംഭരണ സ്ഥാപനങ്ങൾ 2021 മുതൽ നാളിതുവരെ കുടിശിക വരുത്തിയതെന്ന് വർഷം തിരിച്ചും ജില്ല തിരിച്ചുമുള്ള കണക്കുകൾ ലഭ്യമാക്കാമോ;

വാട്ടർ അതോറിറ്റിയും തദ്ദേശ സ്വയംഭരണ സ്ഥാപനങ്ങളും ചേർന്ന് നടത്തിയ സംയുക്ത പരിശോധനയുടെ ഫലമായി കൈക്കൊണ്ട തീരുമാനപ്രകാരം പൊതു ടാപ്പുകളുടെ എണ്ണത്തിൽ കുറവ് വരുത്തുന്നതിനുള്ള നടപടികൾ പൂർത്തിയാക്കാനുള്ളത് ഏതൊക്കെ ജില്ലകളിലെ ഏതൊക്കെ തദ്ദേശ സ്ഥാപനങ്ങളുടെ കാര്യത്തിലാണെന്ന് വിശദീകരിക്കുമോ;

ജലജീവൻ മിഷനില്‍ പൊതു ടാപ്പുകൾ കട്ട് ചെയ്തതിനാൽ അതിനനുസരിച്ച് തദ്ദേശസ്വയംഭരണ സ്ഥാപനങ്ങൾക്കുള്ള വാട്ടർ ചാർജ്ജ് ഇനത്തില്‍ കുറവ് ചെയ്തിട്ടുണ്ടോയെന്ന് അറിയിക്കുമോ;

ഇല്ലെങ്കിൽ തദ്ദേശസ്വയംഭരണ സ്ഥാപനങ്ങളുടെ വാട്ടർ ചാർജിൽ കുറവ് വരുത്താനുള്ള നടപടികൾ സ്വീകരിക്കുമോ; വിശദമാക്കുമോ?

ആലത്തൂര്‍-തരൂര്‍ നിയോജക മണ്ഡലങ്ങള്‍ പങ്കുവയ്ക്കുന്ന മംഗലം ഡാം കുടിവെള്ള പദ്ധതിയുടെ പ്രവര്‍ത്തന പുരോഗതി വിശദമാക്കാമോ;

പദ്ധതിയുടെ ഭാഗമായി ഗുണഭോക്താക്കള്‍ക്കുള്ള ജലവിതരണ പൈപ്പുകള്‍ സ്ഥാപിക്കുന്ന നടപടി ഏത് ഘട്ടത്തിലാണെന്ന് വ്യക്തമാക്കുമോ?

ജലവിഭവ വകുപ്പിന് കീഴിൽ റിവര്‍ മാനേജ്‌മെന്റ് ഫണ്ട് ഉപയോഗിച്ച് 2021 മുതല്‍ 2025 വരെയുള്ള കാലയളവില്‍ നടത്തിയിട്ടുള്ള പ്രവര്‍ത്തനങ്ങള്‍ എന്തെല്ലാമാണെന്നും ഇതിനായി ചെലവഴിച്ച തുക എത്രയാണെന്നും ജില്ല തിരിച്ചുള്ള കണക്ക് ലഭ്യമാക്കുമോ;

ജലസേചന വകുപ്പിന്റെ പ്ലാന്‍ ഫണ്ട് ഉപയോഗിച്ച് 2023-24, 2024-25 സാമ്പത്തിക വര്‍ഷങ്ങളില്‍ നടത്തിയിട്ടുള്ള പ്രവര്‍ത്തനങ്ങളുടെ വിശദാംശം ലഭ്യമാക്കുമോ?

സംസ്ഥാന പൊതുമേഖലാ സ്ഥാപനങ്ങൾ, സർക്കാർ ഓഫീസുകൾ, വൻകിട സ്വകാര്യസ്ഥാപനങ്ങൾ, ഗാർഹിക ഉപയോക്താക്കൾ തുടങ്ങിയവയിൽ നിന്നും ജല അതോറിറ്റിക്ക് ലഭ്യമാകുവാനുള്ള കുടിശികയുടെ വിശദാംശം തരംതിരിച്ച് ലഭ്യമാക്കുമോ?

ജല അതോറിറ്റി വിതരണത്തിനായി വിനിയോഗിക്കുന്ന ജലത്തിന്റെ 40 മുതൽ 45 ശതമാനം വരെ പാഴായി പോകുന്നതായി കണ്ടെത്തിയിട്ടുണ്ടോ; ഉണ്ടെങ്കിൽ അപ്രകാരം ജല അതോറിറ്റിക്കുണ്ടാകുന്ന നഷ്ടം എത്രയാണെന്ന് കണക്കാക്കിയിട്ടുണ്ടോ; വിശദമാക്കുമോ;

ജലവിതരണ പൈപ്പുകൾ വഴിയുളള ചോർച്ച, ജലമോഷണം, മീറ്ററുകൾ പ്രവർത്തിക്കാതിരിക്കുന്നത് എന്നിവ കാരണം നഷ്ടം ഉണ്ടാകുന്നുണ്ടോ; വിശദവിവരം നൽകുമോ;

ജല നഷ്ടത്താൽ ഉണ്ടാകുന്ന വരുമാന നഷ്ടം കുറയ്ക്കുന്നതിനായി സ്വീകരിക്കാനുദ്ദേശിക്കുന്ന നടപടികൾ വിശദമാക്കുമോ?

കേരള വാട്ടര്‍ അതോറിറ്റി വിവിധ പദ്ധതികള്‍ നടപ്പിലാക്കുന്നതിനായി ഏതെല്ലാം ഏജന്‍സികളില്‍ നിന്നും എത്ര തുക വീതം കടം എടുത്തിട്ടുണ്ടെന്ന് അറിയിക്കാമോ;

ഇതില്‍ ഏതെല്ലാം ഏജന്‍സികള്‍ എത്ര തുക വീതം തിരിച്ചടച്ചിട്ടുണ്ടെന്ന് വ്യക്തമാക്കാമോ;

വാട്ടര്‍ അതോറിറ്റി എടുത്തിട്ടുള്ള കടം തിരിച്ചടയ്ക്കുന്നതിന്റെ ഉത്തരവാദിത്തം വാട്ടര്‍ അതോറിറ്റിക്കാണോ അതോ സര്‍ക്കാരിനാണോ എന്ന് വ്യക്തമാക്കാമോ;

ജിക്ക പദ്ധതിയുമായി ബന്ധപ്പെട്ട് എടുത്ത വായ്പ പദ്ധതിയുടെ വിശദാംശം ലഭ്യമാക്കാമോ?

ജല അതോറിറ്റിയുടെ സാമ്പത്തിക ബാധ്യത തരണം ചെയ്യുന്നതു സംബന്ധിച്ച് എന്തെങ്കിലും പഠനം നടത്താൻ ഉദ്ദേശിക്കുന്നുണ്ടോ; വിശദമാക്കുമോ;

ജലേതര വരുമാനം വർദ്ധിപ്പിക്കുന്നതിന് പൊതു-സ്വകാര്യ പങ്കാളിത്തത്തോടെ പദ്ധതികൾ ആവിഷ്കരിക്കാൻ ​ആലോചനയുണ്ടോ; വിശദമാക്കുമോ;

സംസ്ഥാനത്തിന്റെ വിവിധ ഭാഗങ്ങളിൽ ഉപയോഗിക്കാതെ കിടക്കുന്ന ജല അതോറിറ്റിയുടെ ഭൂമി ലാഭകരമായി എങ്ങനെ വിനിയോഗിക്കാമെന്നതിനെ കുറിച്ച് പഠിക്കാൻ കൺസൾട്ടൻസിയെ നിയോഗിച്ചിട്ടുണ്ടോ; വിശദമാക്കാമോ?

സംസ്ഥാന സർക്കാർ കേരള വാട്ടർ അതോറിറ്റിക്ക് 2016 മുതൽ ഓരോ സാമ്പത്തിക വർഷവും എത്ര തുക അനുവദിച്ചു എന്നും ഇതിൽ എത്ര രൂപ നൽകി എന്നും വർഷം തിരിച്ച് ലഭ്യമാക്കാമോ?

ഗുരുവായൂർ മണ്ഡലത്തിലെ ഏതൊക്കെ പഞ്ചായത്തുകളില്‍ ജൽ ജീവൻ പദ്ധതിക്ക് വേണ്ടി പൊളിച്ച റോ‍ഡുകള്‍ റെസ്റ്റോറേഷൻ നടത്തുന്നതിന് ഫണ്ട് അനുവദിച്ചിട്ടുണ്ടെന്ന് വിശദമാക്കാമോ;

ഏങ്ങണ്ടിയൂർ ഗ്രാമപഞ്ചായത്തിലെ മേല്‍ പ്രകാരമുള്ള റോഡുകള്‍ റെസ്റ്റോറേഷൻ നടത്തുന്നതിന് ഫണ്ട് അനുവദിക്കാനുണ്ടോ; എങ്കിൽ അനുവദിക്കാതിരുന്നതിന് കാരണം വിശദമാക്കാമോ?

കോഴിക്കോട് ജില്ലയിലെ ഏതെങ്കിലും തദ്ദേശ സ്വയംഭരണ സ്ഥാപനത്തിൽ ജൽജീവൻ പദ്ധതി പൂർത്തീകരിച്ചിട്ടുണ്ടോ; വിശദാംശം ലഭ്യമാക്കാമോ;

പ്രസ്തുത പദ്ധതി പൂർത്തീകരണത്തിൽ നിലവിലുള്ള തടസ്സം എന്താണെന്ന് വ്യക്തമാക്കാമോ;

പദ്ധതിയുടെ സംസ്ഥാന വിഹിതമായി നൽകേണ്ട തുകയിൽ കുടിശ്ശികയുണ്ടോ ;എങ്കിൽ ആയത് ലഭ്യമാക്കാൻ എന്ത് നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ?

കാട്ടാക്കട മണ്ഡലത്തിലെ ജൽജീവന്‍ മിഷൻ പ്രവ‍ൃത്തികളുടെ ഭാഗമായുള്ള റോഡ് കട്ടിംഗിന്റെ റീസ്റ്റോറേഷന്‍ പ്രവ‍ൃത്തികള്‍ പൂര്‍ത്തിയാക്കാത്തതിന്റെ കാരണം വിശദമാക്കാമോ;

കാട്ടാക്കട-ബാലരാമപുരം റോഡിന്റെ റീസ്റ്റോറേഷന്‍ പ്രവ‍ൃത്തികളുടെ നിര്‍വ്വഹണ ചുമതല ആര്‍ക്കാണെന്നും റീസ്റ്റോറേഷന്‍ പ്രവ‍ൃത്തികൾക്കായി സ്വീകരിച്ച നടപടി എന്താണെന്നും പ്രസ്തുത പ്രവ‍ൃത്തി എന്ന് പൂര്‍ത്തിയാക്കാനാകുമെന്നുമുള്ള വിശദാംശങ്ങള്‍ ലഭ്യമാക്കാമോ?

കാട്ടാക്കട മണ്ഡലത്തിലെ ജൽ ജീവൻ പദ്ധതി പ്രവൃത്തികളുടെ ഭാഗമായുള്ള തച്ചോട്ട്കാവ്-മങ്കാട്ട്കടവ്, പിടാരം-വിളവൂർക്കൽ എന്നീ റോഡുകളുടെ റീസ്റ്റോറേഷൻ പ്രവൃത്തികൾ പൂർത്തിയാക്കാത്തതിന്റെ കാരണം വിശദമാക്കാമോ;

പ്രസ്തുത റിസ്റ്റോറേഷൻ പ്രവൃത്തിയുടെ നിർവ്വഹണ ചുമതല ആർക്കാണെന്നും ഇത് എന്നത്തേക്ക് പൂർത്തിയാക്കാനാകുമെന്നുമുള്ള വിശദാംശങ്ങൾ ലഭ്യമാക്കാമോ?

ജലജീവൻ മിഷൻ, അമൃത് എന്നീ പദ്ധതികള്‍ പ്രകാരം കായംകുളം മണ്ഡലത്തിലെ പഞ്ചായത്തുകൾ, നഗരസഭ എന്നിവിടങ്ങളിൽ എത്ര വാട്ടർ കണക്ഷനുകളാണ് നൽകിയിട്ടുള്ളതെന്ന് പഞ്ചായത്തുകൾ, നഗരസഭ എന്നിങ്ങനെ തരം തിരിച്ച് ലഭ്യമാക്കാമോ?

അരൂർ മണ്ഡലത്തിലെ തുറവൂർ മുതൽ അരൂർ വരെയുള്ള ദേശീയപാത നിർമാണവുമായി ബന്ധപ്പെട്ട് DPR തയ്യാറാക്കിയപ്പോൾ ദേശീയപാതയുടെ ഇരു വശങ്ങളിലുമുള്ള ജപ്പാൻ കുടിവെള്ള പദ്ധതിയുടെ പൈപ്പ് മാറ്റുന്നതിന് ദേശീയപാത അതോറിറ്റിയുമായി ഏതെങ്കിലും തരത്തിലുള്ള ചർച്ചകൾ നടന്നിരുന്നോയെന്ന് വ്യക്തമാക്കാമോ;

പ്രസ്തുത പ്രദേശത്തെ പൈപ്പ് മാറ്റി പുതിയത് സ്ഥാപിക്കുന്നതിന് എത്ര രൂപ ചെലവ് വരുമെന്ന് അറിയിക്കാമോ?

വടക്കാഞ്ചേരി മണ്ഡലത്തില്‍ അവണൂര്‍, മുളങ്കുന്നത്തുകാവ്, കോലഴി, അടാട്ട്, തെക്കുംകര, കൈപ്പറമ്പ്, തോളൂര്‍ എന്നീ ഗ്രാമപഞ്ചായത്തുകളില്‍ ജല്‍ ജീവന്‍ മിഷനുമായി ബന്ധപ്പെട്ട റോഡ് റീസ്റ്റോറേഷന്‍ പ്രവൃത്തികളുടെ നിലവിലെ പുരോഗതി വിശദമാക്കാമോ;

അവണൂര്‍-മൂണ്ടൂര്‍ ബി. എം. & ബി. സി. റോഡിലെ ജല്‍ജീവന്‍ മിഷനുമായി ബന്ധപ്പെട്ട റോഡ് റീസ്റ്റോറേഷന്‍ പ്രവൃത്തി പൂര്‍ത്തീകരിക്കാത്തത് ശ്രദ്ധയില്‍പ്പെട്ടിട്ടുണ്ടോ;

റോഡ് റീസ്റ്റോറേഷന്‍ പ്രവൃത്തികള്‍ തൃപ്തികരമായി പൂര്‍ത്തിയാക്കാത്ത കരാറുകാരുടെയും അവര്‍ക്കെതിരായി സ്വീകരിച്ച നടപടികളുടെയും വിശദ വിവരങ്ങള്‍ ലഭ്യമാക്കാമോ; പ്രസ്തുത കരാറുകാരെ കരിമ്പട്ടികയില്‍ ഉള്‍പ്പെടുത്തുന്നതിനുള്ള നടപടി സ്വീകരിച്ചിട്ടുണ്ടോയെന്ന് വിശദമാക്കുമോ;

കരാറുകാരനെ ടെര്‍മിനേറ്റ് ചെയ്തതിനെ തുടര്‍ന്ന് നിലച്ചുപോയ റോഡ് റീസ്റ്റോറേഷന്‍ പ്രവൃത്തികള്‍ പൂര്‍ത്തീകരിക്കുന്നതിന് സ്വീകരിച്ച പുനര്‍ക്രമീകരണങ്ങളുടെ വിവരങ്ങള്‍ ലഭ്യമാക്കാമോ;

ജല്‍ജീവന്‍ മിഷനുമായി ബന്ധപ്പെട്ട റോഡ് റീസ്റ്റോറേഷന്‍ പ്രവൃത്തികള്‍ സമയബന്ധിതമായി പൂര്‍ത്തിയാക്കുന്നതിന് ആവശ്യമായ അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ?

കേരള വാട്ടര്‍ അതോറിട്ടിയില്‍ 2025 വര്‍ഷത്തെ പൊതുസ്ഥലം മാറ്റത്തിലെ റാങ്ക് പട്ടികയില്‍ അപാകതയുണ്ടായിട്ടുള്ളതായി എതെങ്കിലും സര്‍വ്വീസ് സംഘടന പരാതി നല്‍കിയിട്ടുണ്ടോ; വിശദമാക്കുമോ;

പൊതുസ്ഥലം മാറ്റത്തിന് പരിഗണന ലഭിക്കുന്നതിന് അസോസിയേഷന്‍ ഓഫ് കേരള വാട്ടര്‍ അതോറിറ്റി ഓഫീസേഴ്‍സ് (അക്വ) അപേക്ഷ സമര്‍പ്പിച്ചിട്ടുണ്ടായിരുന്നോയെന്ന് വ്യക്തമാക്കുമോ;

പൊതുസ്ഥലം മാറ്റത്തില്‍ അപാകതകള്‍ ഉണ്ടാകാതിരിക്കുന്നതിനും സുതാര്യമാക്കുന്നതിനും ജീവനക്കാരുടെ സഹകരണം ഉറപ്പാക്കുന്നതിനും ആവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

ചൊവ്വര ജലശുദ്ധീകരണ ശാലയില്‍ അടിക്കടി ഉണ്ടാവുന്ന വൈദ്യുതി തടസം ഒഴിവാക്കുന്നതിനായി കെ.എസ്.ഇ.ബി. യുടെ പുതിയ ഫീഡർ ലൈൻ സ്ഥാപിക്കുന്ന പ്രവൃത്തിക്ക് 06.08.2024-ന് ഭരണാനുമതി ലഭ്യമായിട്ടും കെ.എസ്.ഇ.ബി. ക്ക് കെട്ടിവെക്കേണ്ട 4,41,28,000/- രൂപ നാളിതുവരെ ജലവിഭവ വകുപ്പ് കെട്ടിവെക്കാത്തതിന് കാരണം വ്യക്തമാക്കാമോ;

പ്രസ്തുത തുക അടിയന്തരമായി കെട്ടിവെക്കുന്നതിനും പ്രവൃത്തി ആരംഭിക്കുന്നതിനും നടപടി സ്വീകരിക്കണമെന്ന് ആവശ്യപ്പെട്ട് സ്ഥലം എം.എല്‍.എ. 24.03.2025-ന് ജലവിഭവ വകുപ്പ് മന്ത്രിക്ക് സമർപ്പിച്ച കത്തിന്മേൽ സ്വീകരിച്ചിട്ടുള്ള നടപടി വ്യക്തമാക്കാമോ;

പ്രസ്തുത തുക എന്നത്തേക്ക് കെട്ടിവെച്ച് പ്രവൃത്തി ആരംഭിക്കുവാൻ സാധിക്കുമെന്ന് വ്യക്തമാക്കാമോ?

വാട്ടർ അതോറിറ്റിയിലെ ഭരണസമിതിയോഗം പരിഷ്കരിക്കാൻ തീരുമാനിച്ച തസ്തികകൾ ഏതൊക്കെയാണെന്ന് അറിയിക്കുമോ;

വാച്ച്‌മാൻ തസ്തികകളുമായി ബന്ധപ്പെട്ട് ഭരണസമിതി എന്ത് പരിഷ്കരണമാണ് തീരുമാനിച്ചതെന്ന് അറിയിക്കുമോ;

ഓഫീസ് അറ്റൻഡന്റ് തസ്തികകളിൽ വരുത്തിയ മാറ്റം എന്താണെന്ന് വ്യകതമാക്കുമോ;

ജീവനക്കാരുടെ കുറവ് വാട്ടർ അതോറിറ്റിയുടെ പ്രവർത്തനങ്ങളെ എങ്ങനെ ബാധിക്കുന്നുവെന്ന് വ്യക്തമാക്കുമോ;

കേരള വാട്ടർ അതോറിറ്റി ജീവനക്കാരുടെ പതിനൊന്നാം ശമ്പള പരിഷ്കരണം നടപ്പിൽ വരുത്തിയെങ്കിലും സ. ഉ. (അ) നം. 23/2022/ജ. വി. വ. പ്രകാരം ശമ്പള പരിഷ്കരണ കുടിശിക 2022 സെപ്തംബർ മാസത്തെ ശമ്പളത്തോടൊപ്പം പി. എഫ്.-ൽ ലഭ്യമാക്കിയിട്ടില്ലായെന്നകാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് ലഭ്യമാക്കുവാനുള്ള നടപടി സ്വീകരിക്കുമോ; വ്യക്തമാക്കുമോ;

ശമ്പള വെബ്‌സൈറ്റായ ജി-സ്പാർക്‌-ൽ ഈ ശമ്പള പരിഷ്കരണ കുടിശികയുടെ ബിൽ പ്രോസസ് ചെയ്യാനുള്ള സംവിധാനം ഒരുക്കിയിട്ടുണ്ടോ; പ്രസ്തുത കുടിശിക പി. എഫ്.-ൽ ലയിപ്പിക്കുന്നതിൽ മറ്റെന്തെങ്കിലും തടസ്സങ്ങൾ നിലവിലുണ്ടോയെന്ന് അറിയിക്കുമോ;

കേരള വാട്ടർ അതോറിറ്റിയിലെ ജീവനക്കാരുടെ ശമ്പള പരിഷ്കരണ കുടിശിക അടിയന്തരമായി പി. എഫ്.-ൽ ലയിപ്പിക്കുവാനുള്ള നടപടി സ്വീകരിക്കുമോയെന്ന് വ്യക്തമാക്കുമോ?