വിവിധ സർക്കാർ പദ്ധതികളുടെ നടത്തിപ്പുമായി ബന്ധപ്പെട്ട് തദ്ദേശ സ്ഥാപനങ്ങള്‍ക്ക് ഭൂമി രജിസ്ട്രേഷന് ഫീസിളവ് നല്‍കുന്നതിന് വ്യവസ്ഥയുണ്ടോയെന്നും ആയതിന്റെ നടപടിക്രമങ്ങള്‍ എന്തൊക്കെയാണെന്നും വിശദമാക്കാമോ?

പാലക്കാട് മണ്ണാർക്കാട് മൂപ്പിൽ നായരുടെ തണ്ടപ്പേരുള്ള ഭൂമിയിൽ ഈ സർക്കാരിന്റെ കാലത്ത് അഗളി സബ് രജിസ്ട്രാർ ഓഫിസിൽ എത്ര ആധാരം രജിസ്റ്റർ ചെയ്തിരുന്നു എന്നതിന്റെ കണക്ക് ലഭ്യമാക്കാമോ;

മുൻ ആധാരം ഇല്ലാതെ എങ്ങനെയാണ് ഭൂമി രജിസ്റ്റർ ചെയ്തത് നൽകിയത് എന്ന് വ്യക്തമാക്കാമോ;

മൂപ്പിൽ നായരുടെ അവകാശികൾ എന്ന് അവകാശപ്പെടുന്ന വ്യക്തികൾ 21-10-2023 മുതൽ നാളിതുവരെ നടത്തിയ ഭൂമി രജിസ്ട്രേഷൻ വിവരങ്ങൾ, കൈമാറിയ വ്യക്തികൾ, ഭൂമി വാങ്ങിയ വ്യക്തികൾ, ആധാരം നമ്പർ, വിസ്തീർണ്ണം, രജിസ്ട്രേഷൻ നടന്ന തീയതി എന്നിവ ലഭ്യമാക്കാമോ;

അട്ടപ്പാടിയിൽ മണ്ണാർക്കാട് മൂപ്പിൽ നായർ ഏത് കോടതി ഉത്തരവിന്റെ അടിസ്ഥാനത്തിലാണ് 575 ഏക്കർ ഭൂമി വിൽപ്പന നടത്തിയതെന്ന് രജിസ്ട്രേഷൻ വകുപ്പിലെ ഡെപ്യൂട്ടി ഐ.ജി (തൃശൂർ) റിപ്പോർട്ട് നൽകിയതെന്ന് വ്യക്തമാക്കാമോ;

ഏത് വർഷത്തിലെ ഏത് കോടതി ഉത്തരവിലാണ് മൂപ്പിൽ നായർക്ക് 575 ഏക്കർ ഭൂമിയുണ്ടെന്ന് പ്രസ്താവിച്ചത് എന്ന് വ്യക്തമാക്കാമോ;

മൂപ്പിൽ നായർക്ക് ഭൂമിയിൽ ഉടമസ്ഥതയുണ്ടെന്നുള്ള കോടതി ഉത്തരവിന്റെ പകർപ്പ് ലഭ്യമാക്കാമോ?

രജിസ്ട്രേഷൻ വകുപ്പിൽ അസ്സലാധാരം സ്കാൻ ചെയ്ത് സർവറിൽ സൂക്ഷിക്കുന്ന സാഹചര്യത്തിൽ തികച്ചും അപ്രസക്തമായ ഫയലിംഗ്‌ ഷീറ്റ് സംവിധാനം ഒഴിവാക്കാൻ ആരാണ് തടസ്സം നിൽക്കുന്നതെന്നും എന്താണ് തടസ്സത്തിന് കാരണമെന്നും വ്യക്തമാക്കാമോ;

വകുപ്പിൽ ടെംപ്ലേറ്റ് സംവിധാനം നടപ്പിലാക്കാൻ വൈകുന്നതിന്റെ കാരണം വിശദമാക്കാമോ;

പ്രസ്തുത സംവിധാനം നടപ്പാക്കാത്തതിനാലും ഫയലിംഗ് ഷീറ്റ് സംവിധാനം ഒഴിവാക്കാത്തതിനാലും അസ്സലാധാരം ഫയലിംഗ് ഷീറ്റുമായി ഒത്തുനോക്കേണ്ടി വരുന്നതുമൂലവും പുറത്തെഴുത്ത് പകർത്തിയെഴുതേണ്ടി വരുന്നതുമൂലവും വകുപ്പിലെ ജീവനക്കാരുടെ വിഭവശേഷി അനാവശ്യമായി പാഴായി പോകുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് പരിഹരിക്കുവാൻ സ്വീകരിച്ചിട്ടുള്ള നടപടികൾ വിശദമാക്കാമോ?

വെള്ളറട ഗ്രാമപഞ്ചായത്തില്‍ സബ് രജിസ്ട്രാർ ഓഫീസ് മന്ദിരം നിർമ്മിക്കുന്നതിനായി ഗ്രാമപഞ്ചായത്ത് സ്ഥലം കൈമാറി നല്‍കിയെങ്കിലും നാളിതുവരെ തുടർനടപടികള്‍ സ്വീകരിച്ചിട്ടില്ല എന്ന വിവരം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത സബ് രജിസ്ട്രാർ ഓഫീസ് നിർമ്മിക്കുന്നതിനായി രജിസ്ട്രേഷൻ വകുപ്പ് എന്തൊക്കെ നടപടികള്‍ സ്വീകരിച്ചിട്ടുണ്ട് എന്ന വിവരം അറിയിക്കാമോ; ആയതുമായി ബന്ധപ്പെട്ട ഫയല്‍ നമ്പർ ഉള്‍പ്പെടെയുള്ള വിശദാംശം ലഭ്യമാക്കാമോ;

പ്രസ്തുത നടപടിക്രമങ്ങള്‍ പൂർത്തീകരിച്ച് വെള്ളറട സബ് രജിസ്ട്രാർ ഓഫീസിന്റെ നിർമ്മാണ പ്രവർത്തനം എന്നത്തേക്ക് ആരംഭിക്കാൻ സാധിക്കുമെന്ന് അറിയിക്കാമോ?

കാലപ്പഴക്കം ചെന്നതും അസൗകര്യങ്ങൾ ഉള്ളതുമായ കെട്ടിടത്തിൽ പ്രവർത്തിച്ചുവരുന്ന പൂഞ്ഞാർ സബ് രജിസ്ട്രാർ ഓഫീസിന് പുതിയ കെട്ടിടം നിർമ്മിക്കുന്നതിനാവശ്യമായ നടപടികൾ സ്വീകരിച്ചുവരുന്നുണ്ടോയെന്ന് വ്യക്തമാക്കുമോ?

ആലത്തൂര്‍ മണ്ഡലത്തിലെ കുഴല്‍മന്ദം സബ് രജിസ്ട്രാര്‍ ഓഫീസ് കെട്ടിട നിര്‍മ്മാണ പ്രവൃത്തി അടിയന്തരമായി പൂര്‍ത്തീകരിക്കാനാവശ്യമായ നടപടി സ്വീകരിക്കുമോ; പ്രസ്തുത പ്രവൃത്തിയുടെ നിലവിലെ സ്ഥിതി വിശദമാക്കാമോ?

കണ്ണൂർ ജില്ലയിലെ കല്ല്യാശ്ശേരി സബ്‍ രജിസ്ട്രാർ ഓഫീസിന് പുതിയ കെട്ടിടം നിർമ്മിക്കുന്നതിന് സമർപ്പിച്ച പുതുക്കിയ എസ്റ്റിമേറ്റിന് ഭരണാനുമതി ലഭ്യമായിട്ടുണ്ടോ; വിശദാംശം ലഭ്യമാക്കാമോ?

സംസ്ഥാനത്തെ എല്ലാ രജിസ്ട്രാര്‍ ഓഫീസുകളും സ്വന്തം കെട്ടിടങ്ങളിലാണോ പ്രവര്‍ത്തിക്കുന്നതെന്ന് അറിയിക്കാമോ;

സര്‍ക്കാര്‍ കെട്ടിടങ്ങളിലല്ലാതെ പ്രവര്‍ത്തിക്കുന്ന രജിസ്ട്രാര്‍ ഓഫീസുകളുടെ വിശദാംശം ജില്ല തിരിച്ച് ലഭ്യമാക്കാമോ;

എല്ലാ രജിസ്ട്രാര്‍ ഓഫീസുകള്‍ക്കും സ്വന്തം കെട്ടിടം നിര്‍മ്മിക്കുന്നതിന് പദ്ധതി നിലവിലുണ്ടോ; എങ്കില്‍ വിശദാംശം നൽകാമോ?

ചാലക്കുടിയില്‍ ട്രാംവേ റെയില്‍ മ്യൂസിയം സജ്ജീകരിക്കുന്ന പ്രവൃത്തിയുടെ മെല്ലെപ്പോക്ക് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതുമറികടക്കാന്‍ എന്തെല്ലാം നടപടികള്‍ സ്വീകരിക്കുമെന്ന് അറിയിക്കുമോ;

മ്യൂസിയം സജ്ജീകരിക്കുന്ന കെട്ടിടത്തിന്റെ അറ്റകുറ്റ പ്രവൃത്തികള്‍ എന്നാണ് പൂര്‍ത്തീകരിച്ചിട്ടുള്ളതെന്ന് വ്യക്തമാക്കാമോ;

പദ്ധതിയുടെ ഭാഗമായി നാളിതുവരെ ഉണ്ടായ ചെലവുകളുടെ വിശദാംശം ലഭ്യമാക്കാമോ;

മ്യൂസിയം സജ്ജീകരണത്തിനായി ലഭ്യമായ ഫണ്ട് സംബന്ധിച്ച വിശദാംശം നല്‍കാമോ;

ഫണ്ട് ആവശ്യപ്പെട്ടുകൊണ്ട് നാളിതുവരെ നടത്തിയ എല്ലാ കത്തിടപാടുകളുടെയും പകര്‍പ്പ് ലഭ്യമാക്കാമോ;

മ്യൂസിയം എന്നത്തേക്ക് യാഥാര്‍ത്ഥ്യമാക്കാന്‍ കഴിയുമെന്ന് വ്യക്തമാക്കാമോ?

എറണാകുളം ജില്ലയിൽ ആലുവ താലൂക്കിലെ വലിയ തമ്പുരാൻ കോവിലകം സർക്കാർ ഏറ്റെടുക്കുന്നതിനായി അന്തിമ വിജ്ഞാപനം പുറപ്പെടുവിക്കുന്നതിനുള്ള നടപടികളുടെ നിലവിലെ സ്ഥിതി വ്യക്തമാക്കാമോ; പ്രസ്തത നടപടികൾ ത്വരിതപ്പെടുത്തുമോയെന്ന് അറിയിക്കാമോ?

കാട്ടാക്കട മണ്ഡലത്തിൽ മാറനല്ലൂര്‍ പഞ്ചായത്തിലെ അരുവിക്കര ശ്രീധര്‍മ്മശാസ്താ ക്ഷേത്രത്തിന്റെ സംരക്ഷിത പ്രവൃത്തികള്‍ക്കായി അനുമതി ലഭ്യമായ പ്രവ‍ൃത്തിയുടെ നിലവിലെ സ്ഥിതി വിശദമാക്കാമോ; ഇതിന്മേൽ സ്വീകരിച്ച തുടര്‍നടപടികള്‍ വ്യക്തമാക്കാമോ?